‎ሁለንተናዊ ብልፅግናን እውን ለማድረግ የተቀናጀ ሞዴል ብሎክ ልማትን አጠናክሮ ማስቀጠል እንደሚገባ ተጠቆመ።
‎
‎የአዲስ አበባ ከተማ አስተዳደር የኅብረተሰብ ተሳትፎና በጎ ፈቃድ ማስተባበሪያ ኮሚሽን የሥራ ኃላፊዎች በንፋስ ስልክ ላፍቶ ክፍለ ከተማ የሞዴል ብሎክ ልማት ተግባራትን ተዘዋውረው ጎብኝተዋል።
‎
‎በክፍለ ከተማው ወረዳ ሁለት ክላስተር ሦስት ብሎክ 19 ልዩ ስሙ አዲስ ቪሌጅ በተሰኘ መንደር የተጀመሩ የተቀናጀ ሞዴል ብሎክ መሰረተ ልማቶችን ኃላፊዎቹ ጎብኝተዋል።
‎
‎በብሎኩ የህጻናት ማቆያና መጨዋቻ ስፍራዎች፣ የአረንጓዴ ልማቶች፣ የአረጋውያን ማረፊያ ቦታዎችንና ሌሎች የሞዴል ብሎክ መመዘኛ መስፈርቶችን ያካተቱ ልማቶች እየተከናወኑ ይገኛሉ።
‎
‎የብሎኩ አመራሮች አደራ ፋውንዴሽን ከተባለ ግብረ ሰናይ ድርጅት ጋር በመተባበር ከ200 በላይ ህፃናትን በቀዳማይ ልጅነት መርሃ ግብር የመንከባከብና በአካልና በአዕምሮ የዳበረ ትውልድ ለማፍራት እየሰሩ መሆኑን ተናግረዋል። ግብረ ሰናይ ድርጅቱ የአካባቢውን ነዋሪዎች ማህበራዊ ችግሮች ለመቅረፍ ህፃናትን ከልጅነት እስከ 12ኛ ክፍል በነፃ እያስተማረ መሆኑን ገልጿል።
‎
‎የአዲስ አበባ ከተማ አስተዳደር የኅብረተሰብ ተሳትፎና በጎ ፈቃድ ማስተባበሪያ ኮሚሽን ኮሚሽነር ይመር ከበደ አዲስ አበባ ከስሟ ጋር የሚመጣጠን ግብር እንዲኖራት ለማድረግ የተቀናጀ ሞዴል ብሎክ ልማት ትኩረት ተሰጥቶት እየተተገበረ ይገኛል ብለዋል።
‎
‎ሁለንተናዊ ብልፅግና የሚረጋገጠው ከመኖሪያ ብሎክ የሚጀምር ሞዴልና ፅዱ አካባቢ መፍጠር ሲቻል መሆኑን የተናገሩት ኮሚሽነሩ ብልፅግና ፓርቲ ዓላማውን መሰረት ያደረገ ከታች የሚጀምር ብልፅግናን እውን ለማድረግ እየሰራ መሆኑን ገልፀዋል።
‎
‎የኮሚሽኑ አመራሮች በክፍለ ከተማው ከሞዴል ብሎክ ልማቶች በተጨማሪ በኅብረተሰቡ ተሳትፎ የተሰሩ የኮብልስቶን ፕሮጀክቶችንም ተዘዋውረው ጎብኝተዋል።
‎
‎"ሁሉ አቀፍ የኅብረተሰብ ተሳትፎ ለዘላቂ ልማት!"
‎የማኀበራዊ ሚዲያ አማራጮቻችን፥
‎ፌስቡክ - https://www.facebook.com/cpvcc.2015
‎ቴሌግራም - https://t.me/CommunityPVC
‎ቲክቶክ - https://www.tiktok.com/@aacpvcc
‎ዩቱዩብ - https://youtube.com/@communityparticipationvolu8714
‎ዌብሳይት - www.aacpvcc.gov.et
‎Instagram - https://www.instagram.com/aacpvcc/
‎Twitter - https://x.com/aacpvcc
‎
‎

‎በበጀት ዓመቱ ቀጣይ ወራት ቀሪ የኅብረተሰብ ተሳትፎና የበጎ ፈቃድ ተግባራትን በፍጥነትና በርብርብ ማሳካት እንደሚገባ ተገለፀ።
‎
‎የአዲስ አበባ ከተማ አስተዳደር የኅብረተሰብ ተሳትፎና በጎ ፈቃድ ማስተባበሪያ ኮሚሽን በበጀት ዓመቱ ስምንት ወራት የተከናወኑ የዓበይት ተግባራትን አፈጻፀም በመገምገም የቀጣይ አቅጣጫ አስቀምጧል።
‎
‎በስምንት ወራት የተመዘገቡ ውጤቶችን በማስቀጠል በቀሪ ወራት የኅብረተሰብ ተሳትፎና በጎ ፈቃድ ተግባራትን ሙሉ አቅምን አስተባብሮ በፍጥነትና በርብርብ ማሳካት እንደሚገባ በግምገማ መድረኩ ተመላክቷል።
‎
‎ኮሚሽነር ይመር ከበደ በመድረኩ ላይ ተገኝተው ባስቀመጡት አቅጣጫ የተገነቡ የሰቤዝ መሰረተ ልማቶችን ኮብልስቶን ማንጠፍ፣ በስታንዳርዱ መሰረት ሞዴል ብሎኮችን መፍጠር፣ ብሎኮችን ማጠናከርና ማብቃት፣ ጅምር የኅብረተሰብ ተሳትፎ ፕሮጀክቶችን ማጠናቀቅ፣ የበጋ በጎ ፈቃድ መርሐ ግብሮችን መቋጨት፣ ለኢድ-አልፈጥርና ለፋሲካ የማዕድ ማጋራት በጎ ስራ ሀብት ማሰባሰብ፣ የበጎ ፈቃድ አገልግሎትና ማኅበራዊ ኃላፊነት ደንብን ማስገንዘብ እና የአቅመ ደካሞችና አረጋውያን ቤቶች ግንባታ ስራዎችን ማጠናቀቅ አመራሩ ሊያተኩርባቸውና በጥብቅ ዲሲፕሊን ሊመራቸው የሚገቡ ተግባራት መሆናቸውን ገልፀዋል።
‎
‎የዘርፉ አመራሮች የተቀመጡ አቅጣጫዎችን ወስደው በመፈፀም ውጤት ለማስመዝገብ እንደሚሰሩ ተናግረዋል።
‎
‎የማኀበራዊ ሚዲያ አማራጮቻችን፥
‎ፌስቡክ - https://www.facebook.com/cpvcc.2015
‎ቴሌግራም - https://t.me/CommunityPVC
‎ቲክቶክ - https://www.tiktok.com/@aacpvcc
‎ዩቱዩብ - https://youtube.com/@communityparticipationvolu8714
‎ዌብሳይት - www.aacpvcc.gov.et
‎

‎በ2017 የመጀመሪያው ግማሽ ዓመት የስራ አፈፃጸም የላቀ አስተዋፅዖ ላበረከቱ የዘርፉ ተቋማት እውቅና ተሰጠ።
‎
‎የአዲስ አበባ ከተማ አስተዳደር የኅብረተሰብ ተሳትፎና በጎ ፈቃድ ማስተባበሪያ ኮሚሽን በ2017 በጀት ዓመት የመጀመሪያ ስድስት ወራት የስራ አፈፃጸም የላቀ ውጤት ላስመዘገቡ የዘርፉ ተቋማት እውቅና በመስጠት አመስግኗል።
‎
‎ኮሚሽኑ በኅብረተሰብ ተሳትፎና በጎ ፈቃድ አገልግሎቶች ለመጡ ስኬቶች ከብሎክ እስከ ማዕከል የሚገኙ የዘርፉ ተቋማት ሚና የላቀ እንደነበር የተናገሩት ኮሚሽነር ይመር ከበደ በቀሪ ወራት የተመዘገበውን ውጤት አስጠብቆ ማስቀጠልና በመረጃ አያያዝ የሚስተዋሉ ክፍተቶች ማረም እንደሚጠበቅ አሳስበዋል።
‎
‎ ከተሞች በስራ አፈፃጸም 1ኛ ለወጡ ወረዳዎች፣ ከ1ኛ እስከ 3ኛ ለወጡ ክፍለ ከተሞች እና በማዕከል ደረጃ ከ1ኛ እስከ 3ኛ ለወጡ ዓላማ ፈፃሚና የአስተዳደር ዘርፍ ዳይሬክቶሬቶች የእውቅና ሰርተፍኬትና የዋንጫ ሽልማት ተበርክቶላቸዋል።
‎
‎በስድስት ወራት የስራ አፈፃጸም ምዘናው ንፋስ ስልክ ላፍቶ ክፍለ ከተማ 1ኛ ደረጃን ሲይዝ፣ አቃቂ ቃሊቲ 2ኛ ደረጃ እንዲሁም ቦሌ እና ልደታ ክፍለ ከተሞች 3ኛ ደረጃ ወጥተዋል።
‎
‎የማኀበራዊ ሚዲያ አማራጮቻችን፥
‎ፌስቡክ - https://www.facebook.com/cpvcc.2015
‎ቴሌግራም - https://t.me/CommunityPVC
‎ቲክቶክ - https://www.tiktok.com/@aacpvcc
‎ዩቱዩብ - https://youtube.com/@communityparticipationvolu8714
‎ዌብሳይት - www.aacpvcc.gov.et
‎ኢንስታግራም - https://www.instagram.com/aacpvcc/
‎Twitter - https://x.com/aacpvcc
‎

ለመላው ህዝበ ሙስሊም እንኳን ለ1 ሺህ 446ኛው የኢድ አልፈጠር በዓል በሰላምና በጤና አደረሳችሁ የሚለው የሕብረተሰብ ተሳትፎና በጎ ፈቃድ ማስተባበሪያ ኮሚሽን በዓሉ የአብሮነት፣ የመተሳሰብና የፍቅር በዓል እንዲሆን መልካም ምኞቱን ይገልፃል።

ኢድ ሙባረክ!
#everyonefollowers
#Eid2025
#addisababa
#Ethiopia

#ከመጋቢት_እስከ_መጋቢት
ባለፉት ሰባት ዓመታት በመዲናችን አዲስ አበባ ከ35 ነጥብ 2 ቢሊዮን ብር በላይ የበጎ ፈቃድ አገልግሎት ተሰጥቷል።

ከለውጡ ወዲህ በመዲናችን አዲስ አበባ የተለያዩ የበጎ ፈቃድ ፕሮግራሞችን በመቅረፅ ከ35 ነጥብ 2 ቢሊዮን ብር በላይ የበጎ ፈቃድ አገልግሎቶችን በመስጠት ለማኅበራዊና ኢኮኖሚያዊ ችግሮች ተጋላጭ የነበሩ ዜጎችን ተጠቃሚ ማድረግ ተችሏል።

በከተማችን በጎ ፈቃደኞችን በማስተባበር ዘርፈ ብዙ ተግባራት የተከናወኑ ሲሆን ከተማ አስተዳደሩ የክረምትና የበጋ ፕሮግራሞችን በመቅረፅ የከተማዋን ነዋሪዎች ተጠቃሚነት ያረጋገጡ ውጤቶች ተመዝግበዋል።

በተጎሳቆሉና በተዛመሙ ጎጆዎች ውስጥ ህይወታቸውን ይገፉ የነበሩ በርካታ ነዋሪዎች የተሻለ ኑሮ እንዲመሩ በተነደፈው የቤት ግንባታና እድሳት ፕሮግራም 38 ሺህ 522 መኖሪያ ቤቶችን መልሶ በመገንባት ከ160 ሺህ በላይ ቤተሰቦች ያሏቸው አቅመ ደካሞች፣ አካል ጉዳተኞች፣ የሀገር ባለውለታዎችና አረጋውያን ተጠቃሚ ሆነዋል።

ባለፉት ሰባት ዓመታት በኑሮ ውድነት ምክንያት የሚፈጠርን የዋጋ ግሽበት መቋቋም የማይችሉ ዝቅተኛ ገቢ ያላቸውን ነዋሪዎች ለማገዝ 10.6 ቢሊዮን ብር የሚገመት የማዕድ ማጋራት በጎ ፈቃድ አገልግሎት ተሰጥቷል። በዚህ በየዓመቱ በአማካኝ ከ750 ሺህ በላይ ነዋሪዎች በድግግሞሽ ማዕድ እንዲጋሩ ተደርጓል። በተጨማሪም 132 ሺህ 300 ሰርተው መመገብ የማይችሉ ዜጎች ከተለያዩ ተቋማት ጋር በማስተሳሰር ዘላቂ ድጋፍ እያገኙ ሲሆን 3 ሺህ 500 ወላጆቻቸውን በተለያየ ምክንያት ያጡና ለማኅበራዊ ችግሮች ተጋላጭ የሆኑ ህፃናት ቋሚና ጊዜያዊ ድጋፎችን እንዲያገኙ ተደርጓል።

ጤናማ ትውልድ ለመፍጠር በተነደፈ የጤና በጎ ፈቃድ መርሃ ግብር 266 ሺህ 756 ከፍለው መታከም የማይችሉ ነዋሪዎች ነፃ የህክምና አገልግሎት ተጠቃሚ ሆነዋል። በደም እጥረት ምክንያት ሊከሰት የሚችልን ሞት ለመቀነስ በተሰራው የበጎነት ስራ 285 ሺህ 946 ዩኒት ህይወት አድን ደም ከበጎ ፈቃደኞች ተሰብስቧል።

በማጠናከሪያ ትምህርት፣ በመንገድ ትራፊክ ደህንነት፣ በሙያ አገልግሎት፣ በወሰን የለሽ መርሃ ግብር እንዲሁም በሌሎች ከ14 በላይ በሆኑ ፕሮግራሞች በየዓመቱ በአማካኝ 3 ሚሊዮን በጎ ፈቃደኞችን በማሳተፍ በየአመቱ 1.2 ሚሊዮን የኅብረተሰብ ክፍሎችን ተጠቃሚ ማድረግ ተችሏል።

የከተማ አስተዳደሩ ለሰው ተኮር ስራዎች ትኩረት በመስጠቱም የበጎ ፈቃደኞች ተሳትፎና የበጎ ፈቃድ አገልግሎት ኢኮኖሚያዊ አስተዋፅዖ ከአመት ዓመት እድገት አሳይቷል። በዚህም በኅብረተሰቡ ዘንድ ነባር የሆነው የመረዳዳትና የመተሳሰብ ባህል እየጎለበተ የመጣ ሲሆን በጎ ፈቃደኝነት ለአገራዊ አንድነት፣ ለጋራ ልማትና ለዲሞክራሲ ግንባታ ብሎም በሥነ-ምግባርና ሰብዕና የታነፀ ሀገር ወዳድ ዜጋ ለማፍራት ጉልህ አስተዋፅዖ እያበረከተ ይገኛል።

"ትላንት፣ ዛሬና ነገ ለኢትዮጵያ ልዕልና!"

መጋቢት 24/2017 ዓ.ም (አዲስ አበባ)
የማኀበራዊ ሚዲያ አማራጮቻችን፥
https://linktr.ee/cpvcc
‎

በለውጡ 7 ዓመታት ብዙ ተግዳሮቶች የታለፉበት እና በርካታ ስኬቶች የተመዘገቡበት ነው!!
:- ከንቲባ አዳነች አቤቤ

በለውጡ 7 ዓመታት ብዙ ተግዳሮቶች የታለፉበት እና በርካታ ስኬቶች የተመዘገቡበት ነው ሲሉ የአዲስ አበባ ከተማ አስተዳደር ከንቲባ አዳነች አቤቤ ገልጸዋል፡፡

በተለይም የፖለቲካ ባህል ላይ ያለውን ስብራት በመጠገን የፖለቲካ ባህል እየተለወጠ የመጣበት፣ ሀገራዊ ስብራቶች መጠገን የጀመሩበት፣ የኢኮኖሚ ስብራቶችም ከመሠረቱ መታከም የጀመሩበት፣ መሠረት የተጣለበት እንደሆነ ጠቅሰዋል፡፡

በዚህ ረገድ አዲስ አበባ ትልቅ የለውጡ ማሳያ መሆኗን ያነሱት ከንቲባዋ፣ ለውጡን ማየት እና ማገናዘብ ለፈለገ አዲስ አበባ ዋና ማሳያ ናት ሲሉ ገልጸዋል፡፡

በመዲናዋ የኢትዮጵያን ብልጽግና ለማሳካት የሚያስችሉ መሠረቶች መጣላቸውንም ነው ያመላከቱት፡፡

ለዚህም ዋነኛው ማሳያ የሥራ ባህላችን መቀየሩ ነው ያሉት ከንቲባ አዳነች፣ የሥራ ሰዓት ተጠብቆ እና እረፍት ተደርጎ ብልፅግናን ማረጋገጥ የማይቻል በመሆኑ ሌት ተቀን የመስራት አስፈላጊነት ላይ ታምኖበት ወደ ተግባር መገባቱ መሆኑን አብራርተዋል፡፡

ኢትዮጵያ በድህነት የተጎዳች ሀገር እንደመሆኗ ኢትዮጵያውያን ክብራቸው የሚነካበት እና የሀገር ክብር የሚዋረድበት ሁኔታ የነበረበትን በማስታወስም፣ ከዚህ ዝቅታ ለመውጣት ለከተማዋ ነዋሪዎችና ለተለያዩ ባለድርሻ አካላት በቅንጅት ለመስራት የተደረገው ጥሪ በጎ ምላሽ በማግኘቱ አዲስ አበባ ላይ የሀገርን መፃኢ ዕድል የሚያሳዩ መሠረታዊ ሥራዎች መሰራት መቻላቸውን ገልጸዋል፡፡

እጦት የአስተሳሰብ እንጂ በኢትዮጵያ መሬት ላይ እሴት ተጨምሮበት ዜጎችን ተጠቃሚ የሚያደርግ ሀገርን የሚያበለፅግ እጦት ኖሮ አለመሆኑንም አመላክተዋል፡፡

ከምጣኔ ሀብት አኳያም አዲስ አበባ ከሀገሪቱ አጠቃላይ የኢኮኖሚ እንቅስቃሴ 40 ከመቶ ድርሻ እንዳላት የጠቀሱት ከንቲባ አዳነች፣ ይህም ከለውጡ በፊት ከነበረው ከ8 እጥፍ በላይ እድገት ማሳየቱን ነው የገለጹት፡፡

2010 ዓ.ም ላይ የከተማዋ ዓመታዊ ገቢ ከነበረበት 30 ቢሊየን ብር በ2017 በጀት ዓመት እስከ መጋቢት ወር ወደ 150 ቢሊየን ብር ገቢ እንደተሰበሰበ እና በዓመቱ መጨረሻ 230 ቢሊየን ብር ለመሰብሰብ ታቅዶ እየተሰራ መሆኑንም አመልክተዋል፡፡

ይህም ሊሆን የቻለው በህዝቡላይ ግብር በመጨመር ሳይሆን ግብር የማይከፍሉ ወደ ግብር ሥርዓቱ እንዲገቡ በማድረግ የግብር ፍትሀዊነትን በማረጋገጥ እንደሆነ አስረድተዋል፡፡

በለውጡ ዓመታት በርካታ ፕሮጀክቶች መገንባታቸውን በማንሳትም ፕሮጀክቶቹ የመዲናዋን የኢኮኖሚ ዕድገት ከመጨመር ባለፈ ለነዋሪዎች የኑሮ ጫናን የሚያቀሉ ስለመሆናቸው ተናግረዋል፡፡

የሳምንቱ ዐበይት ክንውኖች
👉የአዲስ አበባ ከተማ አስተዳደር ካቢኔ በ4ኛ ዓመት 9ኛ መደበኛ ሰብሰባው በተለያዩ አጀንዳዎች ላይ ተወያይቶ ውሳኔ ማሳረፉ፤
👉ከንቲባ አዳነች አቤቤ ከትራንስፖርትና ሎጂስቲክስ ሚኒስትር ዶ/ር አለሙ ስሜ ጋር የአቃቂ ቃሊቲ የሀገር አቋራጭ መነኻሪያ ግንባታን መጎብኘታቸው፤
👉ጠቅላይ ሚኒስትር ዶ/ር ዐቢይ አህመድ የታንዛኒያ ሪፐብሊክ ፕሬዚደንት ዶ/ር ሳሚሀ ሱሉሁ ሀሰንን ልዩ መልዕክተኛ ዶ/ር ጃካያ ሚሪሾን በቢሯቸው ተቀብለው ማነጋገራቸው፤
👉የሚኒስትሮች ምክር ቤት የ2017 የዘጠኝ ወራት የዕቅድ አፈጻጸም ውጤታማ መሆኑን መገምገሙና በቀጣይ 3 ወራት ሥራዎች ላይ መወያየቱ፤
👉አቶ ጌታቸው ረዳ የጠቅላይ ሚኒስትሩ የምስራቅ አፍሪካ ጉዳዮች አማካሪ ሚኒስትር ሆነው መሾማቸው።
👉የተቀናጀ ሞዴል ብሎኮች መስፋፋት አዲስ አበባ ከተማን ምቹ የመኖሪያና የስራ ከተማ ለማድረግ የላቀ ፋይዳ እንዳለው መገለፁ፤
👉የበጎ ፈቃድ አገልግሎትና ማኅበራዊ ኃላፊነትን ተቋማዊ ለማድረግ በተዘጋጀው ደምብ ቁጥር 161/2016 ዙሪያ የግንዛቤ ማስጨበጥ ስራው ተጠናክሮ መቀጠሉ፤
👉አመራሩ ኅብረተሰቡን በማሳተፍ በሁሉም የልማት መመዘኛዎች ለመኖሪያ ምቹ የሆኑ ሞዴል ብሎኮችን ለመፍጠር የተጀመረውን ተግባር ውጤታማ ማድረግ እንደሚገባው ኮሚሽነር ይመር ከበደ ማሳሰባቸው፤
👉የኮሚሽኑ አመራሮች በልደታ ክፍለ ከተማ የኮሪደር ልማት ለተሰማሩ ሰራተኞች ለሁለት ቀናት የእራት ማዕድ ማጋራታቸው፤
👉መጪውን የትንሳኤ በዓል በተለያዩ የበጎነት ተግባራት ለማሳለፍና በዝቅተኛ የኑሮ ደረጃ የሚገኙ ዜጎችን ተጠቃሚ ለማድረግ ቅድመ ዝግጅት እየተደረገ መሆኑ፤ የሳምንቱ ሀገር አቀፍ፣ የከተማችንና የኮሚሽናችን ዐበይት ክንውኖች ነበሩ፡፡

ከተማ አስተዳደሩ በነገው ዕለት የኑሮ ጫና ላለባቸው ነዋሪዎች የትንሳኤ በዓል የማዕድ ማጋራት መርሃ ግብር ያካሂዳል።

የአዲስ አበባ ከተማ አስተዳደር በነገው ዕለት ከማዕከል እስከ ብሎክ ድረስ የኑሮ ጫና ላለባቸው ከ200 ሺህ በላይ ነዋሪዎች የትንሳኤ በዓል የማዕድ ማጋራት መርሃ ግብር ያካሂዳል።

ከተማ አስተዳደሩ በዝቅተኛ የኑሮ ደረጃ የሚገኙ የከተማዋ ነዋሪዎች በዓላትን በደስታ እንዲያሳልፉ፣ አብሮነትና መልካም ጉርብትና እንዲጠናከር እና ኢትዮጵያዊ የመረዳዳት እሴት ተጠናክሮ ለትውልድ እንዲተላለፍ ሰው ተኮር የበጎ ፈቃድ ፕሮግራሞችን ቀርፆ በመተግበር ላይ ይገኛል።

በዚህ ሰው ተኮር የበጎነትና የልግስና ተግባር ላይ በርካታ መልካም ልብ ያላቸው ግለሰቦችና ተቋማት እየተሳተፉ ይገኛሉ።
#viralreelschallenge
#everyonefollowers
#addisababa
#Ethiopia@CommunityPVC

ለመላው የክርስትና እምነት ተከታዮች እንኳን ለብርሃነ ትንሳኤው በሰላም አደረሳችሁ!

የሳምንቱ ዐበይት ክንውኖች
👉የወርቃማው ሰኞ የእውቀት ሽግግርና የስራ ላይ ልምድ ልውውጥ መርሃ ግብር ተካሄደ፡፡
👉የትንሳኤ በዓል የበጎ ፈቃደኞች የስራ ስምሪት ላይ የሚሠማሩ ወጣት በጎ ፈቃደኞች ማኅበረሳባቸውን በቅንነት ማገልገል የሚያስችላቸው ግንዛቤና የስራ አቅጣጫ ተሰጠ።
👉ከንቲባ አዳነች አቤቤ የትንሳዔ በዓልን ምክንያት በማድረግ ማዕድ አጋሩ፡፡ በከተማ አስተዳደሩ እስከ ወረዳ ድረስ ለ200 ሺህ በዝቅተኛ የኑሮ ደረጃ ለሚገኙ ነዋሪዎች የትንሳኤ ማዕድ ተጋርተዋል፡፡
👉ከንቲባ አዳነች አቤቤ የትንሳኤ በዓልን ምክንያት በማድረግ በበጎ ፈቃድ አገልግሎት የተገነቡ 446 ቤቶችን ለአቅመ ደካሞችና ለልማት ተነሽዎች አስተላለፉ፡፡
👉የአዲስ አበባ ከተማ ካቢኔ ሶስት የተለያየ ውሳኔውችን አስተላለፈ፡፡
👉ጠቅላይ ሚኒስትር ዶ/ር ዐቢይ አህመድና ቀዳማዊት እመቤት ዝናሽ ታያቸው ትንሳኤን በማስመልከት በዝቅተኛ የኑሮ ደረጃ ለሚገኙ ነዋሪዎች ማዕድ አጋሩ፡፡
👉ጠ/ሚኒስትር ዶ/ር ዐቢይ አህመድ እና ከንቲባ አዳነች አቤቤ ለትንሳኤ በዓል የእንኳ አደረሳችሁ መልዕክት አስተላለፉ፡፡
👉ጠቅላይ ሚኒስትር ዶ/ር ዐቢይ አህመድና ቀዳማዊት እመቤት ዝናሽ ታያቸው በትንሳኤ በዓል ዕለት አቅመ ደካሞችን መገቡ፡፡
👉ከንቲባ አዳነች አቤቤ 25ኛውንና 26ኛውን የተስፋ ብርሃን የምገባ ማዕከላት አገልግሎት አስጀመሩ፡፡
ጠቅላይ ሚኒስትሩ ትንሳኤን በገላን ጉራ ከሚገኙ የካሳንቺስ ልማት ተነሺዎች ጋር አሳለፉ፡፡
መልካም ሳምንት

የሳምንቱ ዐበይት ክንውኖች

👉ጠቅላይ ሚኒስትር ዶ/ር ዐቢይ አህመድ የካዛንችስ የኮሪደር ልማትን መርቀው ከፈቱ፡፡ “የተጎሳቆሉ እና በእጅጉ የተጎዱ ቤቶች እና ከባቢ መገኛ የነበረው ካዛንቺስ ዛሬ የጋራ ጥረት እና ለውጥ ሽልማታችን ሆኖ ተገኝቷል።” ብለዋል ጠቅላይ ሚኒስትሩ

👉የካዛንችስ አካባቢ የልማት ተነሺ ነዋሪዎች የካሳንችስን የኮሪደር ልማት ጎበኙ፡፡ “ካዛንቺስ አካባቢ የነበሩ የልማት ተነሺዎች በኮሪደር ልማት የተቀየረውን አዲሱን ካዛንቺስ ጐብኝተዋል ፤ ባዩት የልማት ስራ መደሰታቸውን የገለፁበት መንገድ ደግሞ ለቀጣይ ሥራ አቅም ሆኖናል።” ሲሉ ከንቲባ አዳነች አቤቤ ተናግረዋል፡፡

👉የብልጽግና ፓርቲ የሥራ አስፈፃሚ ኮሚቴ በሀገራዊ ቁልፍ ጉዳዮችና በፓርቲ ተኮር ጭብጦች ለሁለት ቀናት መደበኛ ስብሰባውን አካሄደ፡፡ ፓርቲው በማህራዊ፣ ኢኮኖሚያዊና ፖለቲካዊ እንዲሁም በዲፕሎማሲ ጉዳዮች ላይ በጥልቀት በመምከርና የቀጣይ አቅጣጫዎችን በማስቀመጥ ስብሰባውን አጠናቋል፡፡

👉ከንቲባ አዳነች አቤቤ የጣይቱ የባህልና የትምህርት ማዕከልን መርቀው ከፈቱ፡፡ 120 ዓመታትን ያስቆጠረው ይህ የቅርስ ቤት የመጀመሪያው ጠቅላይ ሚኒስትር፣ የንግድና የውጭ ጉዳይ ሚኒስትር፣ የአዲስ አበባ 2ኛ ከንቲባ የነበሩት ቢትወደድ ኃይለጊዮርጊስ ወልደሚካኤል መኖሪያ ቤት እንዲሁም የመጀመሪያ የማዘጋጃ ቤት እና የፍትህ ማዕከል ሆኖ ያገለገለ ታሪካዊ ቤት ነው።

👉ጠቅላይ ሚኒስትር ዶ/ር ዐቢይ አህመድ “መሶብ” የተሰኘ የአንድ መዐከል አገልግሎት አስጀመሩ፡፡ አገልግሎቱ በአንድ ጣራ ስር የተለያዩ የመንግስት አገልግሎቶችን በማጣመር ምርጥ የዲጂታል ቴክኖሎጂዎችን በመጠቀም የሚሰጥ አገልግሎት ነው።

👉ኮሚሽኑ የ2017 ዘጠኝ ወራት የስራ አፈፃጸሙን ከተቋሙ ባለሙያዎች ጋር ገምግሟል፡፡ ኮሚሽኑ በበጀት ዓመቱ ያቀዳቸውን ተግባራት በውጤታማነት ማከናወኑ የተገለጸ ሲሆን ከ13 ቢሊዮን ብር በላይ የኅብረተሰብ ተሳትፎና የበጎ ፈቃድ አገልግሎት ሰጥቷል።

የኅብረተሰብ ተሳትፎና በጎ ፈቃድ ማስተባበሪያ ኮሚሽን

ሚያዚያ 20/2017 ዓ.ም

ኢ/ር ወንድሙ ሲታ በም/ከንቲባ ማአረግ አዲስ አበባ ከተማ አስተዳደር ዋና ስራ አስኪያጅ

👉የከተማዋን የፍሳሽ ማስጋጃ ስርዓት የማዘመንና በአዲስ መልከ የመገንባት ስራ በስፋት እየተከነወነ ይገኛል፡፡

👉የአደጋ ስጋት ተጋላጭነትን ለመቀነስ በልዩ በትኩረት አካባቢዎችን በመለየት እየሰራ ነው፡፡

👉የቆሻሻ አስተዳደር ስርዓት ላይ ያመጣነው ለውጥና ያስገኘነው ውጤት በከተማችን ገፅታ ላይ ግልፅ ለውጥ እያመጣ ነው::

👉ቆሻሻን ወደ ኢነርጂ ከመቀየር አንፃር አሁንም የሚቀሩን ስራዎች አሉ፤ የከተማዋን ፅዳት አረጋግጠን ቆሻሻን ወደ ኢነርጂ መቀየር ላይ በትኩረት መስራት ይኖርብናል።

👉ከውሃ ፍትሃዊ ስርጭት አንፃር 377,000 ሜ.ኪዩብ ውሃ የማምረት አቅም በማጎልበት ተደራሽነታችንን ለማሰደግ የተሰራ ሲሆን በቀጣይ 100,000 ሜ.ኪዩብ ተጨማሪ የውሃ አቅርቦት አቅም ለመፍጠር በትኩረት እየሰራን ነው::

👉የመብራት መቆራረጥ ችግር መንስኤዎች በነባር መንደሮች ያለውን አሮጌ መሰረተ ልማት ጋር የተገናኘ በመሆኑ በቀጣይ የመብራት ሃይል አቅርቦት መሰረተ ልማትን በአዲስ መልክ ለመገንባት በማስተርፕላኑ ውስጥ ማስገባት በዘላቂነት ለመፍታት ያግዘናል ፡፡

👉የኮሪደር ልማት ሰራችን ይህንን የመሰረተ ልማት ችግር ለመቅረፍ በሚያስችል መልኩ እየተሰራ ይገኛል፡፡