በምክትል ከንቲባ ማእረግ የአዲስ አበባ ፋይናነስ ቢሮ ኃለፊ አቶ አብዱልቃድር ሪድረዋን በ3ኛዉ የአዲስ አበባ ከተማ ም/ቤት 4ኛ ዓመት የስራ ዘመን 4ኛ መደበኛ ጉባዔ ላይ ለምክር ቤት አባላት የሰጡት ምላሽ፤-

👉የከተማችን ወጪ በየዓመቱ በዋናነት መነሻ የሚያደርገዉ ብድር እና እርዳታን በአማካይ ከወሰድን ከ2 በመቶ ያልበለጠ ሲሆን 98 በመቶ እና ከዚያ በላይ ከከተማችን በጀት ከዉስጥ የሚመነጭ እና ወጪዎቹም በዋናነት የመ፣ሸፍኑት ከዚሁ የዉስጥ ገቢ ግምት ዉስጥ ማድረግ ችለናል።

👉ከተማችን አገልግሎት ሰጪ በመሆኗ አገልግሎቱ በየዓመቱ ማደግ ስላለበት ከፍተኛ የሆነ የመደበኛ ወጪ ፍላጎት ያስከትላል፡፡ በተጨማሪም የተገልጋይ እርካታን ከማረጋገጥ አንፃር ተያይዞ የሪፎርም እና የዲጂታላይዝ ስራዎችን ለመስራት እና ተደራሽ ለማድረግም በቂ ግብዓት በማቅረብ የመደበኛ ወጪ ከፍ እንዲል የግድ ስለሁነ እየሰራን እንገኛለን፡፡

👉እንደ ከተማ አስተዳደር ባለፉት ዓመታት 50 እና 50 የነበረዉ በጀት በተወሰነ ደረጃ በመደበኛ ወጪም 50 በመቶ ደርሶ የነበረዉን በመቀልበስ ከተማ አስተዳደሩ በወሰደዉ ቁርጠበኛ አቋም በዚህ በጀት ዓመት ከ70 በመቶ በላይ የካፒታል በጀትን ማድረስ መቻላችን አንዱ ማሰያችን ነዉ፡፡

👉ከ2010 እስከ 2013 የከተማዉን በጀት እድገት በአማካይ ስናይ ትልቁ ያደገዉ በ15 ፐርሰንት ፤ትልቁንም ብር ከወሰድን 7.8 ቢሊዮን ብር እድገቱ ነዉ፡፡በዚህም ዝቅተኛዉ 3.9 ቢሊዮን ከፍተኛዉ በአንድ ዓመት 7.68ቢ ሲሆን ከ2014 እስከ 2017 ዝቅተኛ ዓመታዊ ገቢ ያደገዉ በ40 በመቶ ሲሆን ከፍተኛዉ ደግሞ ከበፊቱ በ53 በመቶ ገቢያችን ማሳደግ ችለናል፡፤

👉የ2017 በጀት ዓመት ከባለፈዉ ዓመት የ83 ቢሊ ብር እድገት ያለዉ ሲሆን ይህም ገቢን ለማሳደግ ከተማ አስተዳደሩ ግብረ ኃይል አቋቁሞ በትኩረት የሰራበትና ትልቁ ዉጤት ሊሆን ችሏል፡፡

👉ለገቢ እድገታችን ሌላዉ ምክንያት በፊት ከነበረዉ የትንበያ ልማዳዊ አሰራር በመላቀቅ ከተማዋ ያላትን ገቢ የማመንጨት አቅም በጥናት በመለየት፤በቁጠባ በጀትን በመጠቀም፤በአሰራርና አደረጃጀት በማዘመን ለሚነሱ የልማት ጥያቄዎች ተገቢዉን ምላሽ ከተማ አስተዳደሩ እየሰጠ ይገኛል፡፡

ከ15960 በላይ ፕሮጀክትን አቅዶ የመፈፀም እና ፈጣን ምላሽ መስጠት የቻልንበት በጀት ዓመት ነው::ከንቲባ አዳነች አቤቤ

አጠቃላይ ህብረተሰቡን አወያይተን ከረዥም እና አጭር ጊዜ አንጻር ፈጣን ምላሽ የሚያስፈልጋቸውን ለይተን ምላሽ ሰጥተናል፡፡

ከአጭር ጊዜ አንጻር ለጤና ባለሞያዎች ከዲውቲና ከትርፍ ሰአት ክፍያ እንዲሁም ከትራንስፖርትና ከተቋማቸው ውጪ የህክምና አገልግሎት ማግኘት ጋር ተያይዞ ያለውንና የመምህራንን ጥያቄዎችን በተመሳሳይ ችግር የሚፈታ ፈጣን ምላሽ ሰጥተናል፡፡

ኑሮ ውድነትን ከማረጋጋት አንጻር ምርትን ለማቅረብና ምርታማነትን ለማሳደግ ገበያ ማእከላትን ለማስፋፋት እስከ 14 ቢሊየን የሚጠጋ በጀት በመመደብ ዝቅተኛ ገቢ ያለውን ህብረተሰብ ድጎማ አድርገናል፡፡

ከዚህም ሌላ ብዙዎችን ከተረጂነት አላቀን ራሳቸውን እንዲችሉና ስራ እንዲፈጥሩ ማድረግ ችለናል፡፡

በአዲስ አበባ ምክር ቤት 2 ኛ ቀን ውሎ በ 2017 በጀት ዓመቱ ፍርድ ቤቶች ቀልጣፋና ውጤታማ አገልግሎት በመስጠት ረገድ የተሻለ የፍትህ ሥርዓት አፈፃፀም እንደነበራቸው ተገልጿል ።

የአዲስ አበባ ከተማ ፍርድ ቤቶች 2017 ዕቅድ አፈፃፀም ለምክር ቤቱ ያቀረቡት የአዲስ አበባ ይግባኝ ሰሚ ፍርድ ቤቶች ፕሬዝዳንት አቶ ተስፋዬ መለሰ ቀልጣፋ ፣ውጤታማና ተደራሽት ያለው አገልግሎትን መስጠት የፍርድ ቤቶች ተቀዳሚ ተግባር መሆኑን ተናግረዋል፡፡

በበጀት ዓመቱ መዛግብት የማጥራት ዕቅድ 97 በመቶ ለመፈጸም ታቅዶ 98 በመቶ መከናወኑንም አስታውቀዋል፡፡

የቅልጥፍና መለኪያ በተቀመጠው ጊዜ መሠረት ለጉዳች ውሳኔ መስጠት ነው፤ በዚህ መሠረትም በስታንዳርድ መሠረት 89 በመቶ የፍትሀብሔር ጉዳዮች ውሳኔ አግኝተዋል ብለዋል፡፡

በ2017 በጀት ዓመት ውሳኔ ሳያገኙ ወደ ቀጣይ በጀት ዓመት የተላለፉት በይግባኝ ሰሚ ፍርድ ቤት እና በመጀመሪያ ደረጃ ፍርድ ቤት 3ሺ 32 ጉዳዮች መኖራቸውንም ገልጸዋል፡፡

18 ዓለም አቀፍ የአገልግሎት እርካታ ደረጃ ምዘና መስፈርት መሠረት ከ85 በመቶ በላይ አፈፃፀፀም ማስመዝገብ ከፍተኛ መሆኑን ያስገነዘቡት ፕሬዝዳንቱ በበጀት ዓመቱ የተሻ ውጤት የተገኘባቸውን ክንውኖችም በሪፖርታቸው አመላክተዋል፡፡

ባለጉዳይን ያለ ምንን ልዩነት በትህት እና አክብሮት ማገልገል፣ የዳኞች እና ሰራተኞች ያለ ጉቦ ማገልገል፣ የፍርድ ቤቶች ኃላፊዎች ሙስናና ብልሹ አሠራርን ለመካላከል ያላቸው ተነሳሽነት ፣ የሥነ ምግብር ጉድለት ያሳዩትን ተጠያቂ ለማድረግ ያለው ቄርጠኝነት እና በመሳሰሉት መስፈርቶች ከፍተኛ ውጤት ተመዝግቧል ብለዋል፡፡

በአንፃሩ ግልፅ ችሎት አለመኖር፣ የቀረቡ ክርክሮችና ማስረጃዎችን በአግባቡ አለመመዘን፣ በቴክኖሎጂ የታገዘ አገልግሎት ውስንነት፣ ተደጋጋሚ ቀጠሮ መስጠት፣የቋንቋ አስተርጓሚ አለመኖር፣ ነፃ የህግ አገልግሎት አለመኖር እንዲሁም ጉዳዮች በእርቅ እንዲያልቁ በፍርድ ቤት ተገቢው እድል አለመስጠት በሚሉት መመዘኛዎች ደግሞ ፍርድ ቤቱ ከዓለም አቀፍ ምዘና በታች መሆኑን አስታውቀዋል፡፡

የከተማ ፍርድ ቤቶች የሪፎርም ሥራዎች በትግበራ ላይ እንደሚገኙ ያነሱት ፕሬዝዳንቱ በዓመቱ በጥንካሬ የተመዘገቡ ጠንካራ ጎኖችን በማስቀጠል እና በክፍተት የተለዩትን ደግሞ በበማረም ለተሻለ ውጤት እንደሚሰራ ገልፀዋል፡፡

የፍርድ ቤቶችን ሥራ በተለይም በቴክኖሎጂ ማስደገፍ ላይ የታየውን ውስንነት ለማሻሻል በሪፎርሙ በስፋት እየተሰራበት ይገኛልም ብለዋል፡፡

የበጀት አመቱን የፍርድ ቤቶች የአፈፃፀም ሪፖርት ያዳመጠው ምክር ቤቱ በቀረበዉ ሪፖርት ላይ የተሰጡትን የአባላቱን ሀሳብ እና አስተያየት ካዳመጠ በኋላ ሪፖርቱን በሙሉ ድምፅ አፅድቋል፡፡

የአዲስ አበባ ከተማ አስተዳደር የ2018 በጀት ዓመት እቅድ የትኩረት አቅጣጫዎች፤

👉የተጀመረውን ተቋማዊ ሪፎርም አጠናክሮ የማስቀጠል፣

👉በፕሮጀክቶች አፈፃጸም ያገኘነዉን ድል በአገልግሎትና መልካም አስተዳደር መድገም፤

👉የአዲስ መሶበ Vertual Service አንድ ማዕከል አገልግሎትን ማስፋትና ማጠናከር፤

👉የገቢ አሰባሰባችንን በማዘመን የገቢ እቅድ ማሳካት፤

👉 የቤት ልማት ፕሮግራሞችን በግል ዘርፉ፣በሕብረት ሥራ ማኅበራት፣በመንግስትና በግል የአጋርነት ፕሮግራም በስፋት ተግባራዊ ይደረጋል፤

👉የኑሮ ውድነትን ለማረጋጋት፣ የሌማት ትሩፋትና የከተማ ግብርናን ስችንን ማስፋት፤

👉 የውሃ አቅርቦትና የተጀመሩ ሜጋ ኘሮጀክቶችን በመሟላ ሁኔታ ለማጠናቀቅ መስራት፤

👉የተጀመረዉን የትምህርት ሪፎርም በማጠናከር የትምህርት ጥራት የማረጋገጥ

👉የጤና አገልግሎት ይበልጥ የማሻሻልና የማዘመን ሥራ ተጠናክሮ ይቀጥላል፣

👉 የወጣቶች የሥራ አድል እና አምራች ኢንዱስትሪን የማስፋትና ተወዳዳሪነቱን የማሳደግ ስራ በልዩ ትኩረት ይከናወናል፤

👉 የሕብረተሰብ ተሣትፎና የበጎ ፍቃድ አገልግሎትን አጠናክሮ ማስቀጠል፡

👉 በከተማችን ጽዳትና ውበት መስክ የተገኘዉን ስኬት በማላቅ ከምንጊዜውም በላቀ ትኩረት ይሰራል፤

👉የከተማችንን የቱሪስት መዳረሻ ቦታዎች ይበልጥ በማስተዋወቅ እና እንዲጎበኙ በማድረግ ከዘርፉ ከተማችን ማግኘት የሚገባትን ሁለንተናዊ ፋይዳ እንድታገኝ ማድረግ፤

👉ሌሎች የሰው ተኮር ስራችንን ህዝባችንን እያሳተፍን አጠናክረን እንቀጥላለን፡፡

👉ለአገራችን ዘላቂ ሠላም እና የሕግ የበላይነት መረጋገጥ ላይ በትጋት ይሰራል፤

👉ነጻ፣ ሠላማዊ፣ ፍትሐዊና ዲሞክራሲያዊ ምርጫ እንዲካሄድ ምቹ ሁኔታ መፍጠር፤

👉 በአጠቃላይ ከተማችን ለነዋሪዎቿ ምቹ፣ ሀገራዊ፣ አህጉራዊና አለም አቀፍ ሚናዋን በብቃት የምትወጣ ስሟና ግብሯ የተናበበ ስማርት ከተማ እንድትሆን የጀመርነዉን ልማት  በጥራት፣ በስፋትና በፍጥነት አጠናክረን እንቀጥላለን፡፡

በ3ኛው የአዲስ አበባ ከተማ ምክር ቤት 4ኛ ዓመት የስራ ዘመን 4ኛ መደበኛ ጉባኤ የ2018 እቅድ የቀጣይ ትኩረት አቅጣጫ በማስቀመጥ ተጠናቀቀ::

በቀላሉ በእጅ ስልክዎ በዋትስ አፕ ቻናል ፈጣንና ወቅታዊ መረጃዎችን እናደርስዎታለን! ፈጥነው ይቀላቀሉን!

Follow the የኅብረተሰብ ተሳትፎና በጎ ፈቃድ ማስተባበሪያ ኮሚሽን channel on WhatsApp: https://whatsapp.com/channel/0029VbBAQRrGOj9kUsLU7A0Z

የዲጂታል ሚዲያ አማራጮቻችን!

1) Facebook: https://www.facebook.com/cpvcc.2015 
2) Telegram: https://t.me/CommunityPVC 
3) Tiktok: https://www.tiktok.com/@aacpvcc 
4) Youtube:  https://youtube.com/@communityparticipationvolu8714?si=RNmSo5FzDi1EkyMD 
5) Whatsap:   https://whatsapp.com/channel/0029VbBAQRrGOj9kUsLU7A0Z
6) Twiter (x): https://x.com/CommunityPVC?t=PRD3UiV1YfxmafpO9JYIsg&s=09 
7) Instagram: https://www.instagram.com/aacpvcc?igsh=MW9lbWNtNG9jZmRrcw==
8) LinkedIn:  https://www.linkedin.com/in/community-participation-voluntarism-coordination
9) Flickr: https://flic.kr/p/2rf6mvb
10) Pinterst:  https://pin.it/2sN6xZ86G
11) Website: www.aacpvcc.gov.et
12) Email:  cpvcc2015@gmail.com

ቤተሰብ ይሁኑ!