ከጠባቧ የቀበሌ ቤት ወደ ዘመናዊው አፓርታማ፦ የወይዘሮ ሀዋ ሸሪፍ የሕይወት ለውጥ

በልደታ ክፍለ ከተማ "ሳር ቤት" ተብሎ በሚጠራው አካባቢ ለበርካታ ዓመታት በአንድ ጠባብ የቀበሌ ቤት ውስጥ ከአምስት የቤተሰብ አባላቶቻቸው ጋር ይኖሩ የነበሩት ወይዘሮ ሀዋ ሸሪፍ፣ "ከሞተ በላይ፣ በሕይወት ካለው በታች" ሆነው የመከራ ሕይወት ማሳለፋቸውን በምሬት ይናገራሉ።

ይኖሩበት የነበረው አንድ ጠባብ ክፍል ቤት ውስጥ አንድ ፍራሽ ብቻ ዘርግተው፣ ገሚሱ ቤተሰብ በራስጌ ገሚሱ ደግሞ በግርጌ ተፋፍገው ለማደር ይገደዱ እንደነበር ወይዘሮ ሀዋ ከኤ ኤም ኤን ጋር በነበራቸው ቆይታ ገልጸዋል።

ከመኝታ ችግር ባለፈ፣ የዕድሜያቸውና የጤናቸው ሁኔታ ችግሩን ይበልጥ አክብዶት እንደነበር አንስተው፣ በሌሊት ወደ መፀዳጃ ቤት እንኳን ለመሄድ መነሳት የማይችሉበት ደረጃ ላይ መድረሳቸውን ያወጋሉ፡፡

እንዴትም ብለው ለሊት ሲነሱም እንኳን፣ በልጆቻቸው ላይ እንዳይወድቁ ይፈሩ እንደነበር ያስታውሳሉ።

ቤቱ ለኑሮ ምቹ ባለመሆኑ እና በጠባብነቱ ምክንያት ልጆቻቸው እና የልጅ ልጆቻቸው በዓላትን አብረው ለማሳለፍ ይቸገሩ እንደነበርም ይናገራሉ።

የአዲስ አበባ ከተማ አስተዳደር ባከናወነው "ሰው ተኮር" የልማት ሥራ፣ ወይዘሮ ሀዋ ባለ አራት ወለል ዘመናዊ ህንፃ ላይ ሰፊና ምቹ መኖሪያ ቤት አግኝተዋል።

አሁን ያለሁበትን ሁኔታ ለመግለጽ ቃላት ያጥረኛል የሚሉት ወይዘሮ ሀዋ፣ ዘንድሮ ከልጅ ልጆቻቸው እና ከቅርብ ዘመዶቻቸው ጋር በአዲሱ ቤታቸው በደስታ የኢድ በዓልን ማሳለፋቸውን ገልጸዋል።

በዐረብ ሀገር ለብዙ ዓመታት ሠርታ የተመለሰችው ልጃቸውም፣ ቀደም ሲል ለእናቷ ያመጣቻቸውን እቃዎች ለማውጣት ትቸገር እንደነበር በማንሳት፣ አሁን ላይ ግን አውጥታ እናትና አባቷን ማሳመር በመቻሏ ታላቅ ደስታ እንደተሰማት ተናግራለች።

ወይዘሮ ሀዋ እና ቤተሰባቸው ይህንን እድል ላመቻቹ የከተማ አስተዳደሩ አመራሮች፣ በተለይም ለከንቲባ አዳነች አቤቤ እና ለባለሀብቶች ልባዊ ምስጋናቸውን አቅርበዋል።

ይህ ታሪክ በከተማዋ እየተከናወኑ ያሉ የልማት ሥራዎች የዜጎችን ሕይወት እንዴት እንደሚቀይሩ የሚያሳይ ህያው ምስክር እንደሆነ የእድሉ ተጠቃሚዎች የሰጡት ምስክርነት ያረጋግጣል።

Via AMN

ሳቅሽ ያበረታል!!

"በመላ ኑሪ፣ በኮንፊደንስ ሩጪ!" 2018 ሳፋሪኮም ቅድሚያ ለሴቶች 5 ኪሎ ሜትር የጎዳና ላይ ሩጫ በምስል:-

ችለናል መቻላችን ገና ይደምቃል!

የከተማችን ሌላኛው ድምቀት !

ቱሪዝም ከውበት ጋር ሴቶች ከጥንካሬ ጋር ወደፊት
"በመላ ኑሪ፣ በኮንፊደንስ ሩጪ!" 16 ሺህ ሴቶች የሚሳተፉበት ቅድሚያ ለ ሴቶች የጎዳና ላይ ዉድድር ::

ውቧ አዲስ አበባ፦

በሴቶች ቆራጥነት በውጤት ተምሳሌትነት እየተገነባች ያለችው የሁላችን ከተማ አዲስ አበባ!

#በመላ ኑሪ፣ በኮንፊደንስ ሩጪ!" ሴቶች 5 ኪሎ ሜትር የጎዳና ላይ ሩጫ

ቅድሚያ ለሴቶች!

ሴቶች በጥበብ ይኖራሉ፤ በራስ መተማመን ይሠራሉ፤ በራስ መተማመን ይሮጣሉ፤ ይችላሉም! ሁላችንም እጅ ለእጅ ተያይዘን የአገራችንን ብልፅግና እናረጋግጣለን።

ዛሬ ማለዳ 16 ሺህ ሴቶች የሚሳተፉበትን የ5 ኪሎ ሜትር የጎዳና ላይ ሩጫ በድምቀት አስጀምረናል። በታላቁ ሩጫ አዘጋጅነት በየዓመቱ የሚካሄደው ይህ ውድድር፤ ዘንድሮ በኮሪደር ልማታችን አማካኝነት እጅግ ውብ፣ ምቹ እና ለከተማችን አዲስ ዘመናዊ መልክ ባላበሰው በቦሌ - አትላስ - ኡራኤል መንገድ ላይ በልዩ ድምቀት ተከናውኗል።

እንኳን ደስ አላችሁ!
ሁላችሁም አሸናፊዎች ናችሁ!

ፈጣሪ ኢትዮጵያን እና ሕዝቦቿን ይባርክ!

ዛሬ በአዲስ አበባ የመጀመሪያውን የኢትዮ-ጣሊያን የኮንስትራክሽን፣ የመሰረተ ልማትና የከተማ መልሶ ማልማት ፎረም የእኛ ሚኒስትሮች እና የጣሊያ የውጭ ጉዳይ ምክትል ሚኒስትርና የዓለምቀፍ ትብብር ሀላፊ በተገኙበት አስጀምረናል።

አሁን ላይ በመዲናችን የንግድ እንቅስቃሴ እያደገ፣ የኢንቨስትመንት ፍሰቱም በከፍተኛ ሁኔታ እየጨመረ ይገኛል። አዲስ አበባ በፍጥነት እየተለወጠች በመሆኗ፣ ይህ የኢትዮ-ጣሊያን የኮንስትራክሽን፣ የመሰረተ ልማትና የከተማ መልሶ ማልማት ፎረም መካሄዱ ወቅታዊ፣ ትክክለኛና እጅግ አስፈላጊ ነው።
የአዲስ አበባ ከተማ አስተዳደር ለግል ዘርፉና ለኢንቨስትመንት መስፋፋት ትልቅ ድጋፍ ያደርጋል። የጣሊያን ወንድሞቻችንና እህቶቻችን በዚህች በተለወጠች ከተማ ውስጥ ኢንቨስት እንዲያደርጉ ጥሪዬን አቀርባለሁ።

አዲስ አበባ የተለወጠችው በገፅታ ብቻ ሳይሆን ቢዝነስ ለመስራት አመቺና ቀላል በመሆኗም ጭምር ነው። ኢንቨስት ለማድረግ ስትመጡ በፈጣንና ቀልጣፋ አሰራር ለማስተናገድ እንደ ‘መሶብ’ ያሉ የአንድ ማዕከል ዲጂታል የመንግስት አገልግሎቶች ዝግጁ ናቸው። አስተዳደራችን የግል ዘርፉን ለመደገፍ እጅግ ቁርጠኛ ሲሆን፣ ይህ ፎረም ለዚህ ግብ ትልቅ አስተዋፅኦ እንደሚኖረው እርግጠኞች ነን።
ክቡራን የፎረሙ ተሳታፊዎች፤ በአዲስ አበባ የሚኖራችሁ ቆይታ ፍሬያማ እንዲሆን እመኛለሁ።

ፈጣሪ ኢትዮጵያን እና ሕዝቦቿን ይባርክ!
ከንቲባ አዳነች አቤቤ

የአዲስ አበባ ከተማ አስተዳደር የኅብረተሰብ ተሳትፎና በጎ ፈቃድ ማስተባበሪያ ኮሚሽን እና የአዲስ አበባ የሐይማኖት ተቋማት ጉባኤ የመግባቢያ ሰነድ ተፈራረሙ።

አዲስ አበባ —መጋቢት 17/2018 ዓ.ም የአዲስ አበባ ከተማ አስተዳደር የኅብረተሰብ ተሳትፎና በጎ ፈቃድ ማስተባበሪያ ኮሚሽን እና የአዲስ አበባ የሐይማኖት ተቋማት ጉባኤ በመዲናዋ ማህበራዊ የበጎ ፈቃድ ስራዎችን በጋራ ለመከወን የሚያስችላቸውን ታሪካዊ የመግባቢያ ሰነድ በዛሬው ዕለት ተፈራርመዋል።

የፊርማ ሥነ-ሥርዓቱ የተከናወነው በጉባኤው ጽሕፈት ቤት ሲሆን፣ ስምምነቱ በዋናነት በከተማዋ የሚከናወኑ የበጎ ፈቃድ አገልግሎቶችን ይበልጥ የተቀናጁና ውጤታማ ለማድረግ ያለመ መሆኑ ተገልጿል።

በስምምነቱ ወቅት የሐይማኖት ተቋማት ጉባኤ ዋና ፀሐፊ መጋቢ ታምራት አበጋዝ እንደተናገሩት፣ በቅዱሳት መጻሕፍት አስተምህሮ መሠረት ለሰው ልጆች በጎነትን ማድረግ የሐይማኖት ተቋማት ቀዳሚ ተግባር ነው።

ምድራችን በብዙ ተፈጥሯዊ ሀብት የታደለች በመሆኗ፣ ይህንን ሀብት ለማህበራዊ በጎ ስራዎች በማዋል ማኅበረሰባችንን ማገልገል ይገባል" ያሉት መጋቢ ታምራት፣ ቤተ ዕምነቶች በየዓመቱ ከፍተኛ ወጪ በማውጣት እያከናወኑት ያለውን የበጎ አድራጎት ተግባር አጠናክረው እንደሚቀጥሉ አረጋግጠዋል።

በሌላ በኩል፣ የኮሚሽኑ ምክትል ኮሚሽነር ወ/ሮ አስራት ንጉሴ፣ ስምምነቱ የከተማዋ ነዋሪዎች በበጎ ፈቃድ ስራዎች ላይ ንቁ ተሳትፎ እንዲያደርጉና የእርስ በእርስ መረዳዳት ባህል እንዲጎለብት ትልቅ መሠረት እንደሚጥል ገልጸዋል።

በዛሬው ዕለት የተፈራረምነው ሰነድ የሐይማኖት ተቋማት እያበረከቱ ያለውን ሚና ይበልጥ የሚያጠናክርና ትውልድን በሥነ-ምግባር ለመገንባት የሚያግዝ ነው ብለዋል ምክትል ኮሚሽነሯ።

ሁለቱ ተቋማት ይህንን የመግባቢያ ሰነድ ተግባራዊ በማድረግ በመዲናዋ የሚታዩ ማህበራዊ ችግሮችን በጋራ ለመቅረፍ ቁርጠኝነታቸውን ገልጸዋል።

በአዲስ አበባ ከተማ ማኅበረሰቡን በስፋት ያሳተፉ የአካባቢ መሠረተ ልማት ግንባታዎች በከፍተኛ ፍጥነት እየተከናወኑ ይገኛሉ።

በተያዘው የበጀት ዓመት የታቀዱ የሰቤዝ መንገድ ልማት ፕሮጀክቶችን በማጠናቀቅ፣ በአሁኑ ወቅት የኮብልስቶን ንጣፍ ሥራዎች በተለያዩ የከተማዋ አካባቢዎች በስፋት እየተተገበሩ ነው።

እነዚህ የልማት ሥራዎች "የራስን ችግር በራስ የመፍታት" ከተማ አቀፍ እሳቤን በተግባር እያሳዩ ያሉ ውጤቶች ናቸው። ፕሮጀክቶቹ ነዋሪዎች በአካባቢያቸው በሚከናወኑ የልማት ተግባራት ላይ በቀጥታ እንዲሳተፉ በማድረግ፣ የባለቤትነት ስሜት እንዲሰማቸውና የጋራ ችግሮቻቸውን በጋራ ጥረት እንዲፈቱ ዕድል ፈጥረዋል። ይህም ከተማዋን ለነዋሪዎቿ ይበልጥ ተስማሚ የማድረግ ስትራቴጂ አንዱ አካል ነው።

የአካባቢው ማኅበረሰብ ከልማት ጠባቂነት መንፈስ ወጥቶ የራሱን አካባቢ ለማልማት እያሳየ ያለው ተነሳሽነት፣ ለዓመታት ሲስተዋሉ የነበሩ የመልካም አስተዳደርና የመሠረተ ልማት ጥያቄዎችን በዘላቂነት ለመመለስ አስችሏል። ነዋሪዎች በገንዘባቸው፣ በእውቀታቸውና በጉልበታቸው እያደረጉት ያለው ንቁ ተሳትፎ የልማት ሥራዎች እንዲፋጠኑና ጥራታቸውን የጠበቁ እንዲሆኑ እያደረገ ይገኛል።

የመንግሥትና የሕዝብ ቅንጅት ይበልጥ እንዲጠናከር ለማድረግም፣ መንግሥት ለነዚህ የሕዝብ ተሳትፎ ፕሮጀክቶች የ35 በመቶ የፋይናንስ ድጎማ እያደረገ ይገኛል። ይህ ድጋፍ ማኅበረሰቡ የጀመራቸው የልማት ጥረቶች ግባቸውን እንዲመቱና የፋይናንስ ክፍተቶች እንዳያጋጥሙ ትልቅ አቅም ሆኗል።