“ብቁ ዜጋ ማለት ለአገሩና ለማህበረሰቡ ኃላፊነት የሚወስድ፣ ከብልሹ አሰራር የፀዳ አገልግሎት የሚሰጥ እና በልማት ሥራዎች ንቁ ተሳትፎ የሚያደርግ ዜጋ ነው።”
— ወ/ሮ አስራት ንጉሴ

 የኮሚሽኑ የበጎ ፈቃድ ዘርፍ ምክትል ኮሚሽነር ወ/ሮ አስራት ንጉሴ ለኮሚሽኑ ሰራተኞች “ብቁ ዜጋ” በሚል ርዕስ በተሰጠ የግንዛቤ ማስጨበጫ ስልጠና መድረክ ላይ እንደገለፁት፣ ብቁ ዜጋ ማለት ለአገሩና ለማህበረሰቡ ኃላፊነት የሚወስድ፣ ከሌብነትና ከብልሹ አሰራር የፀዳ አገልግሎት የሚሰጥ፣ ህግና መመሪያዎችን የሚያከብር እንዲሁም በልማትና በበጎ ፈቃድ ስራዎች ንቁ ተሳትፎ የሚያደርግ ዜጋ ነው ብለዋል።

 ብቁ ዜጎችን መፍጠር የአገር እድገትና የተረጋጋ ማህበረሰብ መሠረት መሆኑን የተናገሩት ኃላፊዋ፣ በመደመር ዕሳቤ መልካም እሳቤዎችን በማጉላት በከተሞች የሚከናወኑ ልማቶችን መደገፍና ሰው ተኮር ስራዎችን ማጠናከር ለወደፊት ትውልድ የሚተላለፍ እሴት መሆኑን አብራርተዋል።

በስልጠናው የተሳተፉ የኮሚሽኑ ባለሙያዎችም ብቁ ዜጋነት በፈጣንና ቀልጣፋ አገልግሎት መስጠት፣ በሥነ-ምግባር መንቀሳቀስ፣ እርስ በርስ መከባበር እና በማህበራዊ ተሳትፎ እንደሚገለጽ አስረድተዋል። በአካባቢ ልማቶችና በበጎ ፈቃድ አገልግሎቶች መሳተፍ እና የተሳለጠ አገልግሎት መስጠት የብቁ ዜጋ መለያ መሆኑንም አክለው ጠቁመዋል።

 የብቁ ዜጋ ግንባታ ከ “civic engagement” እና “good governance” ጽንሰ-ሐሳቦች ጋር በቀጥታ የተያያዘ ነው። የማህበራዊ ሳይንስ ጥናቶች እንደሚጠቁሙት፣ ንቁ የሆኑ ዜጎች ሲኖሩ የመንግስት አገልግሎት ጥራት ያድጋል፣ የህዝብ ተሳትፎ ይጠናከራል እንዲሁም የልማት ፕሮጀክቶች ተፅዕኖ ይጨምራል።

 በኢኮኖሚና በማህበራዊ ልማት ጥናቶች መሠረት፣ የንቁ ዜጎች ተሳትፎ ከህዝብ አገልግሎት ቅልጥፍ፣ ከብልሹ አሰራር መቀነስ፣ ከማህበራዊ መተማመን (social trust)ና መጠናከር እና ከልማት ፕሮጀክቶች ዘላቂነት ጋር በቀጥታ ይገናኛል።

 ንቁና ብቁ ዜጎችን መፍጠር የሥነ-ምግባር ጉዳይ ብቻ ሳይሆን የመንግስትን የልማት ፖሊሲዎችና ስትራቴጂዎች ለማስፈፀም ዋና መሠረት እንደሆነ በብዙ ሀገራት ተሞክሮ ተረጋግጧል።

ህዝብን ያሳተፈ ልማት፣ የፈጣንና ዘላቂ እድገት መሰረት!

ህዝብ ያሳተፈ የልማት ስራ ማለት ህዝቡ በልማት ሂደት ውስጥ ከእቅድ ዝግጅት ጀምሮ እስከ አፈጻጸምና ክትትል ድረስ በንቃት መተባበርን የሚያመለክት ተግባር ነው። ይህ ፅንሰ ሀሳብ ህዝብ ልማትን ከመንግስት ብቻ እንዳይጠብቅና የራሱን ጉልበት፣ እውቀትና ሀብት በመጠቀም በልማት ሂደት ውስጥ አስተዋፅዖ እንዲያደርግ የሚያበረታታ ነው።

ህዝብን ማሳተፍ ልማትና እድገትን የሚያፋጥን ተግባር ነው። ህዝቡ በልማት ጉድለቶች ውስጥ ሲሳተፍና የድርሻውን ሲወጣ የሰው ኃይል፣ የገንዘብና የቁሳቁስ ድጋፎች በቀላሉ ሲለሚገኙ መንግስት ብቻውን ሊያከናውናቸው የማይችሉ የመሠረተ ልማት ፕሮጀክቶች በፍጥነት እንዲጠናቀቁ ያግዛል።

ሌላኛው የህዝብ ተሳትፎ ፋይዳ የልማት ባለቤትነት ስሜትን መፍጠሩ ነው። ህዝቡ በራሱ ተሳትፎ በተከናወነ የልማት ፕሮጀክት ላይ የባለቤትነት ስሜት ስለሚያድርበት የተገነቡ መሠረተ ልማቶች እንዲጠበቁና ለረዥም ዓመታት ግልጋሎት እንዲሰጡ ያደርጋል።

መልካም አስተዳደርን በማስፈንና በውሳኔ አሰጣጥ ግልፀኝነት ላይም የህዝብ ተሳትፎ ፋይዳው ጉልህ ነው። ህዝቡ በልማት እቅድና በአፈጻጸም ሲሳተፍ ውሳኔዎች ግልፅ ይሆናሉ። ይህም ግልፅነትን (transparency) እና ተጠያቂነትን (accountability) ለማስፈን ምቹ መደላድል ከመፍጠሩም በላይ በመንግስትና በህዝብ መካከል ዘላቂ መተማመንን ይፈጥራል።

የህዝብ ተሳትፎ ማህበራዊ አንድነትንና ትብብርን ያጎለብታል። በጋራ ጉዳይ ላይ ህዝብን ማሳተፍ በተዘዋዋሪ መንገድ መተባበርን፣ መደጋገፍንና መተማመንን ማፅናትና ማጠናከር ተደርጎ መወሰድ አለበት። ይህ ደግሞ የህዝብን ጠንካራ አንድነትና የሀገርን ዘላቂ ሰላም መገንባት ያስችላል።

ተሳትፎ የህዝብ ፍላጎትን መሰረት ያደረገና የሚመጥን ልማትን እውን ለማድረግ ብሎም ኢኮኖሚያዊ እንቅስቃሴዎችን ለማነቃቃት ይጠቅማል። ህዝቡ በልማት ሂደት ውስጥ ሲሳተፍ የሚከናወኑ ፕሮጀክቶች ከህዝቡ እውነተኛ ፍላጎቶች ጋር ይጣጣማሉ። ህዝብ በአካባቢ ልማት ሲሳተፍ ኢኮኖሚ ይነቃቃል፤ የስራ እድሎች ይፈጠራሉ፣ የንግድና የአገልግሎት እንቅስቃሴዎች ይጨምራሉ።

✅ በአጠቃላይ ህዝብን ያሳተፈ የልማት ስራን ማከናወን ፈጣን፣ ዘላቂና የህዝብን ፍላጎት የሚያሟላ ልማት ለማረጋገጥ አስፈላጊ ነው። የአዲስ አበባ ከተማ አስተዳደር የኅብረተሰብ ተሳትፎና በጎ ፈቃድ ማስተባበሪያ ኮሚሽንም መላ ህዝቡን በማሳተፍ የነዋሪውን እውነተኛ የልማት ጥያቄዎችና ፍላጎቶች ማዕከል ያደረጉ የአካባቢ ልማት ፕሮጀክቶችን ቀርፆ ሰፊ እንቅስቃሴ እያደረገ ነው። ኮሚሽኑ ህዝብና መንግስት በትብብር የሚሰሩበትን አውድ በመፍጠር ዘላቂ ልማትን የሚያጠናክሩ የኅብረተሰብ ተሳትፎ ስራዎችን እያስፋፋ ይገኛል።

በቦሌ ክፍለ ከተማ ቡልቡላ አካባቢ በህዝብ ተሳትፎ እየተፈጠሩ የሚገኙ ሞዴል ሞኖሪያ ብሎኮች በከፊል...

“ባለፉት 7 አመታት በበጎነት ተሳትፎ ከ 45 ሺህ በላይ ቤቶችን በመገንባት ለአቅመ ደካምች ፣ ለአገር ባለዉለተኞች ፣ ለአካል ጉዳተኞች ፣ ለተለያዩ የከፋ ማህበራዊ ችግር ለተጋለጡ ዜጎች ማስተላለፍ ተችሏል ።” ከንቲባ አዳነች አቤቤ

“ከተማችን ለሁላችንም ትበቃለች፤ መተሳሰብና ፍቅር ካለ ደግሞ ይበልጥ መስራት ይቻላል። በቀጣይም ለብዙዎች ለመድረስ በትጋት እንሰራለን”።

ከንቲባ አዳነች አቤቤ

መንግሥት ሁሉንም የሃይማኖት ተቋማት በእኩልነት እንደ ዕሴቶቻቸውና አስተምህሯቸው በፍትሃዊነት ያገለግላል!

ከሌሎች የሀይማኖት ተቋማት ጋር እንዳደረግነው ሁሉ ዛሬ ከኢትዮጵያ ወንጌላውያን፣ ከካቶሊክ እና ከሰባተኛ ቀን አድቬንቲስት ቤተክርስቲያናት መሪዎች ጋር “የሃይማኖት ተቋማት በመደመር መንግሥት እይታ” በሚል መሪ ሀሳብ ፍሬያማ ውይይት አካሂደናል።
ወንጌላውያን አብያተ ክርስቲያናት፣ የካቶሊክ እና የሰባተኛ ቀን አድቬንቲስት ቤተክርስቲያን በሰላም፣ በልማትና በትውልድ ግንባታ ሂደት ውስጥ የሕዝብ ለሕዝብ ግንኙነት እንዲዳብር፣ አንድነት እንዲጠነክር፣ ትውልድ እንዲማር ፣ በስነምግባር እንዲታነፅ ፣ ታሪክንና ቅርስን በመጠበቅ እንዲሁም ለዓለም በማስተዋወቅ ረገድ ከፍተኛ ሚና አበርክተዋል። በተጨማሪም ቴክኖሎጂን ወደ ሀገር በማስገባትና የሥራ ባሕልን በማበረታታት ረገድ ከሌሎች የሀይማኖት ተቋማት ጋር በመሆን ወሳኝ አስተዋጽኦ አበርክተዋል።

በታሪክ ብቻ ሳይሆን ባለፉት የለውጥ ዓመታትም ተቋማቱ በከተማችን ሁለንተናዊ የሰላም ግንባታ፣ የልማት እና የብልጽግና ጉዞ ላይ እያበረከቱት ያለው ተሳትፎ ጉልህ ነው። በመድረኩ ለሕዝቦች ትስስር መጎልበት፣ በማኅበራዊ ልማትና በበጎ ፈቃድ ሥራዎች ተሳትፎ፣ የሥራ ባሕልን በማስረጽ፣ ትውልድን በሥነ ምግባር በመገንባት፣ የበጎነት ስራ መስራት እንዲለመድ በማድረግ፣ ለመልካም አስተዳደርና አገልግሎት አሰጣጥ መጎልበት እንዲሁም ሰላምን በማስፈንና ሕገወጥነትን በመከላከል ረገድ ለኢትዮጵያ ብልጽግና እና ለብሔራዊ ጥቅም በጋራ ለመቆም ጠቃሚ ውይይት አድርገናል።

በውይይታችን የተነሱ በስራ ሂደት ያጋጠሙ አንዳንድ ክፍተቶችን እና እንግልቶችን በቀጣይ በትብብር ለማረም የሚያስችል ምቹ መደላድል የፈጠረ ውጤታማ መድረክም ነበር። ይህ መድረክ በየክፍለ ከተማው ሲካሄዱ የቆዩ ውይይቶች ማጠቃለያ ሲሆን፣ የመንግሥትንና የሃይማኖት ተቋማትን ሚና እና ድርሻ በግልጽ ለይቶ ያስቀመጠ ነው።

ክቡራን የወንጌላውያን ፣ የካቶሊክ እና የኢትዮጵያ የሰባተኛ ቀን አድቬንቲስት ቤተክርስቲያን መሪዎች ላደረጋችሁት ከፍተኛ ተሳትፎና ለሰጣችሁት ገንቢ ሐሳብ በራሴና በከተማ አስተዳደሩ ስም ከልብ አመሰግናለሁ።
ፈጣሪ ኢትዮጵያን እና ሕዝቦቿን ይባርክ!
ከንቲባ አዳነች አቤቤ

ባለፉት ሰባት ዓመታት በአዲስ አበባ ከተማ የተከናወኑ የአካባቢ ልማትና ሰው ተኮር ተግባራት የነዋሪውን ተሳትፎ ማዕከል በማድረግ ተጨባጭ ውጤት ማስመዝገባቸው ተገለጸ።

የአዲስ አበባ ከተማ አስተዳደር የኅብረተሰብ ተሳትፎና በጎ ፈቃድ ማስተባበሪያ ኮሚሽን ከንፋስ ስልክ ላፍቶና ከአቃቂ ቃሊቲ ክፍለ ከተማ የብሎክ ካውንስል አመራሮች ጋር ባካሄደው የሰባት ዓመታት የኅብረተሰብ ተሳትፎ ስኬቶች አራተኛ ዙር የግምገማ መድረክ፣ ፕሮጀክቶችን የሕዝብ አቅም በማስተባበር የመፈጸም ልምድ የከተማዋ መለያ እየሆነ መምጣቱ ተመላክቷል።

የኮሚሽኑ ምክትል ኮሚሽነር ወይዘሮ ፀሐይ ኪባሞ በመድረኩ ላይ እንደገለጹት፤ ስልጣን ሕዝብን ማገልገያ መሆኑን በተግባር በማረጋገጥ የኮሚሽኑ አመራሮች በቀን 24 ሰዓትና በሳምንት ሰባት ቀናት (24/7) ሊረባረቡ ይገባል። በሂደት የሚያጋጥሙ ማነቆዎችን በመስበር መምራት እንደሚገባ ያሳሰቡት ምክትል ኮሚሽነሯ፣ ይህም ከተማዋን ወደ አዲስ የታሪክ ምዕራፍ የሚያሸጋግርና የሕዝብን አቅም አስተባብሮ ውጤት ማምጣት እንደሚቻል ተግባራዊ ማረጋገጫ መሆኑን ጠቁመዋል።

የከተማዋ ዕድገት የሚለካው በነዋሪዎቿ ተሳትፎና በጋራ ተጠቃሚነት ላይ መሆኑን የተናገሩት ወይዘሮ ፀሐይ በተለይም አቅመ ደካማ ወገኖችን ማዕከል ያደረጉ የበጎ ፈቃድ ስራዎችና የመሠረተ ልማት ፕሮጀክቶች የከተማዋን እድገት ወደ ላቀ ከፍታ የሚያሸጋግሩ ተሞክሮዎች እንደሆኑ ገልፀዋል።

የብሎክ አመራሮች ባለፉት ሰባት ዓመታት የተገኙ ድሎችን መሰረት በማድረግ የአካባቢያቸውን ችግር በራሳቸው አቅም ለመፍታት የሚያደርጉትን ጥረት በማስቀጠል አዲስ አበባ “የራሷን ችግር በራሷ አቅም የምትፈታ ተምሳሌት ከተማ” ለማድረግ የተቀመጠውን ራዕይ በላቀ ቁርጠኝነት ማሳካት እንደሚገባ ምክትል ኮሚሽነሮ አቅጣጫ አስቀምጠዋል፡፡

ባለፉት ተከታታይ ሳምንታት ከሁሉም ክፍለ ከተሞች ከተውጣጡ የብሎክ ካውንስል አመራሮች ጋር በአራት ዙር ሲካሄድ የቆየው የሰባት ዓመታት የኅብረተሰብ ተሳትፎ ስኬቶችና የቀጣይ አቅጣጫዎች የግምገማ መድረክ ዛሬ ተጠናቋል።