በበጀት ዓመቱ የህዝብ ትራንስፖርት አገልግሎተ በተመለከተ፦

👉የህዝብ ትራንስፖርት አገልግሎተ ለማሻሻል 1ዐዐ የኤሌክትሪክ አውቶቡሶችና 15ዐ የኤሌክትሪክ ሚኒባሶች ተገስተዉ የትራንስፖርት ተደራሽነትን ማሻሻል ተችሏል፡፡

👉የብዙሃን ትራንስፖርት በቀን በአማካኝ በህዝብ ትራንስፖርት የሚጓጓዝ ህዝብ 3.79 ሚልየን ለማድረስ ታቅዶ ለ4.025 ሚሊየን አገልግሎት ተሰጥቷል፡፡

👉የአሽከርካሪና ተሽከርካሪ ፈቃድና ቁጥጥር አገልግሎት አሰጣጥን ለማሻሻል በሪፎርም በበጀት ዓመቱ ባለስልጣን መ/ቤቱ ካሉት 45 ዋና ዋና አገልግሎቶች መካከል 35ቱን በቴክሎጂ በሲስተም አገልግሎት መስጠት የተቻለ ሲሆን ከ1.8 ሚሊዮን በላይ የተገልጋዮችን ፋይል በቴክኖሎጂ በመታገዝ በአዲስ መልክ በማደራጀት በቴክኖሎጂ የተደገፈ አገልግሎት በመስጠት የተገልጋይ ውጣ ውረዶችን በማስቀረትና የሚፈለጉ መረጃዎችን በቀላሉ እንዲያገኙ አስችሏል፡፡

👉ለዓመታት ቁጥጥርና ምዘና ሳይደረግባቸው የቆዩ የአሽከርካሪ ማሰልጠኛ እና የተሸከርካሪ ቴክኒክ ምርመራ ተቋማት ላይ በበጀት ዓመቱ ቁጥጥርና ምዘና በማድረግ ጉድለት የተገኘባቸው ላይ የእርምት እርምጃ ተወስዷል፡፡

👉ለትራፊክ አደጋ የሚያጋልጡ (risk factors) የትራፊክ ደንብ ጥሰቶች ቁጥጥር በማጠናከር፤ የቁጥጥር ስርዓቱን በማዘመን አዲስ ሲስተም በማልማት በድምሩ 2.5 ሚሊየን የሚሆኑ ደንብ ተላላፊዎች ላይ የትራፊክ ቅጣት ተፈጽሟል፡፡

👉ከፓርኪንግ ስራ ጋር በተያያዘ ተቋሙ ያለማውን አዲስ ፓርኪንግ ማኔጅመንት ሲስተም ተግባራዊ በማድረግ 144 ማህበራት ወደ ስርዓት በማስገባት 310,000 በላይ ተሸክርካሪዎች በተዘረጋው ሲስተም እንዲያለፉ ተደርጓል፡፡

👉በአጠቃላይ በኮሪደር የለሙ የተሸከረካሪ ማቆሚያ ቦታዎች የካ ቁጥር 2 ጨምሮ ወደ አግልግሎት እንዲገቡ ተደርጓል፡፡

የማዘጋጃ ቤታዊ አገልግሎቶችን በተመለከተ

👉በደረቅ ቆሻሻ አስተዳደር ረገድ ከተማዋ ከ983,944.9 ቶን በላይ ደረቅ ቆሻሻን በመሰብሰብና በማስወገድ፣ ከ11 በመቶ ወደ 12.2 በመቶ በማሳደግ በመልሶ መጠቀም ወደ ሀብትነት መለወጥ ተችሏል።

👉በሲቪል ምዝገባና የነዋሪነት አገልግሎት በኩል ከተማዋ 377,624 የወሳኝ ኩነት ምዝገባዎች ተከናውኗል።

👉በ2017 የበጀት አመት ወደ ዲጂታል ምዝገባ ያልተቀላቀሉ 671,019 ነዋሪዎች በዲጂታል አገልግሎት አግኝተዋል ።

በበጀት ዓመቱ ኢንቨስትመንት በተመለከተ

👉 ለ3,207 ባለሀብቶች አዲስ የኢንቨስትመንት ፈቃድ ተሰጥቷል
👉 በተመሳሳይ ለ2,025 ባለሀብቶች የኢንቨስትመንት ፈቃድ ዕድሳት ተሰጥቷል።

በበጀት ዓመቱ የሴቶችና ወጣቶች ተሳትፎና ተጠቃሚነትን በተመለከተ
የከተማዋን ሴቶች በማህበራዊ ኢኮኖሚያዊና ፖለቲካዊ መስኮች ተሳትፎና ተጠቃሚነታቸውን ለማሳደግ በተሰሩ ስራዎች

👉በኢኮኖሚው ዘርፍ ሴቶችን ተጠቃሚ ለማድረግ በተስማሚ ቴክኖሎጂ እና በተለያዩ የገቢ ማስገኛ ዘርፎች 32,301 ሴቶች ተጠቃሚ ሆነዋል፡፡

👉ለማህበራዊ ችግር ተጋላጭ የነበሩ 680 ሴቶች በሁለት ዙር በነገዋ የተሐድሶ እና ክህሎት ማበልፀጊያ ማዕከል ስልጠና አግኝተው የስራ ዕድል ተፈጥሮላቸዋል::

👉የምገባ ማዕከል ተጠቃሚ ከሆኑት በርካታ ሴቶችን በማሰልጠን፣የመስሪያ ቁሳቁስና ግብዓት ድጋፍ በማድረግ ከተረጂነት ወደ ስራ ፈጣሪነት ተሸጋግረዋል።

የአዲስ አበባ ከተማ ሰላምን አስተማማኝ ደረጃ ማድረስ መቻሉን ወ/ሮ ሊዲያ ግርማ ገለፁ

የአዲስ አበባ ከተማ ምክር ቤት 4ኛ ዓመት የሥራ ዘመን 4ኛ መደበኛና የበጀት አመቱን ማጠቃለያ ጉባኤ በማካሄድ ላይ ይገኛል።

በጉባኤው ከምክር ቤት አባላት ለተነሱ ጥያቄዎች ምላሽ የሰጡት የከተማዋ ሰላም እና ፀጥታ አስተዳደር ቢሮ ኃላፊ ወ/ሮ ሊዲያ ግርማ፣ የመዲናዋን ሰላም አስተማማኝ ደረጃ ላይ ማድረስ መቻሉን ተናግረዋል፡፡

የምክር ቤት አባላት በተለይ ከፀጥታ ጋር በተያያዘ እየተሰሩ ያሉ ስራዎች እንዲብራሩ በጠየቁት መሰረት ወ/ሮ ሊዲያ ምላሽ ሰጥተዋል፡፡

ኃላፊዋ በሰላም እና ፀጥታ ዙሪያ ሕዝቡን ባለቤት ማድረጋችን ከፍተኛ ለውጥ አምጥቶልናል ሲሉ ተናግረዋል፡፡

ሕብረተሰቡ በያለበት ተደራጅቶ የአካባቢውን ሰላም እንዲጠብቅ መደረጉ ትልቅ አጋዥ አቅም ሆኗል በማለት አብራርተዋል፡፡

በከተማዋ የተደራጀው የሰላም ሰራዊትም፣ ለሰላም እና ፀጥታው አስተዋፅኦ አበርክቷል ያሉት ወ/ሮ ሊዲያ፣ ከፀጥታ መዋቅሩ ጋር በሦስት ፈረቃ እንዲሰሩ ተደርጓልም ብለዋል፡፡

በሰላም እና ፀጥታ ዙሪያ የተሰሩ እነዚህ ስራዎች የከተማዋን የወንጀል ምጣኔ በ43 በመቶ እንዲቀንስ ማድረጉንም ገልፀዋል፡፡

አሁንም ህብረተሰቡ የተለመደ ተባባሪነቱን እና ተሳትፎውን ይቀጥል ያሉት ወ/ሮ ሊዲያ፣ ቤት አከራዮች የተከራይን ማንነት በሚገባ እንዲያጣሩም አሳስበዋል፡፡

በጀት ዓመቱ ከተማዋ በዘመናዊ የህክምና ታሪኳ የነበራትን አቅም እጥፍ የሚያደርግ ስራ የተሰራበት መሆኑን ዶክተር ዮሀንስ ጫላ ገለፁ

በጀት ዓመቱ በጤናው ዘርፍ የተከናወኑ የግንባታ ፕሮጀክቶች ከተማዋ በዘመናዊ የህክምና ታሪኳ የነበራትን አቅም እጥፍ ሊያደርግ የሚችል ስራ የተሰራበት ነው ሲሉ የአዲስ አበባ ከተማ አስተዳደር ጤና ቢሮ ኃላፊ ዶ/ር ዮሀንስ ጫላ ገለፁ።

የአዲስ አበባ ከተማ ምክር ቤት 4ኛ ዓመት የሥራ ዘመን 4ኛ መደበኛ እና የበጀት ዓመቱን ማጠቃለያ ጉባኤ እያካሄደ ይገኛል፡፡

የአዲስ አበባ ከተማ አስተዳደር ጤና ቢሮ ኃላፊ ዶ/ር ዮሀንስ ጫላ ጤናን በተመለከተ ከምክር ቤት አባላት ለተነሱ ጥያቄዎችና አስተያየቶች ምላሽ ሰጥተዋል፡፡

በበጀት ዓመቱ በጤናው ዘርፍ ትልልቅ ስራዎች ተሰርተዋል ያሉት ኃላፊው፣ በዘንድሮ በጀት ዓመት ፍትሃዊ ተደራሽነትን ከማስፈን አኳያ የመጀመሪያ ደረጃ ሆስፒታል የመሆን አቅም ያላቸው አዳዲስ ጤና ጣቢያዎችን ስራ ለማስጀመር የህክምና መሳሪያዎች በመሟላት ላይ ይገኛል ብለዋል።

በጤናው ዘርፍ የተከናወኑ የግንባታ ፕሮጀክቶች፣ ከተማዋ በዘመናዊ የህክምና ታሪኳ የነበራትን አቅም እጥፍ ሊያደርግ የሚችል ስራ የተሰራበት አመት እንደሆነም ነው የገለጹት።

ነባር ሆስፒታሎችም ያላቸውን አቅም እጥፍ የሚጨምር ግንባታ ተከናውኗል ያሉት ኃላፊው፣  በማሳያነትም በራስ ደስታ፣ በዘውዲቱ መታሰቢያ፣ በጥሩነሽ ቤጂንግ ሆስፒታል እና በዳግማዊ ሚኒሊክ ሆስፒታል የፎረንሲክ ህክምና ማዕከል የተገነባውን የማስፋፊያ ግንባታ ጠቅሰዋል።

የጤና ተቋማቱም በቅርብ ጊዜ አገልግሎት መስጠት እንደሚጀምሩ ተናግረዋል።

ከዚህ ቀደም ለህክምና ወደ ውጪ የሚሄዱ ታካሚዎችን በሀገር ውስጥ ህክምና ለመስጠት በሚያስችል መልኩ ወደ ስራ ለመግባት እየተሰራ መሆኑንም አንስተዋል፡፡

ከተማዋን የጤና ቱሪዝም መዳረሻ ለማድረግ የመንግስት የጤና ተቋማትም የበኩላቸውን አስተዋፅዎ ለማድረግ የሚያስችሉ ስራዎች እየተሰሩ መሆኑንም ኃላፊው ተናግረዋል።

በምክትል ከንቲባ ማእረግ የአዲስ አበባ ፋይናነስ ቢሮ ኃለፊ አቶ አብዱልቃድር ሪድረዋን በ3ኛዉ የአዲስ አበባ ከተማ ም/ቤት 4ኛ ዓመት የስራ ዘመን 4ኛ መደበኛ ጉባዔ ላይ ለምክር ቤት አባላት የሰጡት ምላሽ፤-

👉የከተማችን ወጪ በየዓመቱ በዋናነት መነሻ የሚያደርገዉ ብድር እና እርዳታን በአማካይ ከወሰድን ከ2 በመቶ ያልበለጠ ሲሆን 98 በመቶ እና ከዚያ በላይ ከከተማችን በጀት ከዉስጥ የሚመነጭ እና ወጪዎቹም በዋናነት የመ፣ሸፍኑት ከዚሁ የዉስጥ ገቢ ግምት ዉስጥ ማድረግ ችለናል።

👉ከተማችን አገልግሎት ሰጪ በመሆኗ አገልግሎቱ በየዓመቱ ማደግ ስላለበት ከፍተኛ የሆነ የመደበኛ ወጪ ፍላጎት ያስከትላል፡፡ በተጨማሪም የተገልጋይ እርካታን ከማረጋገጥ አንፃር ተያይዞ የሪፎርም እና የዲጂታላይዝ ስራዎችን ለመስራት እና ተደራሽ ለማድረግም በቂ ግብዓት በማቅረብ የመደበኛ ወጪ ከፍ እንዲል የግድ ስለሁነ እየሰራን እንገኛለን፡፡

👉እንደ ከተማ አስተዳደር ባለፉት ዓመታት 50 እና 50 የነበረዉ በጀት በተወሰነ ደረጃ በመደበኛ ወጪም 50 በመቶ ደርሶ የነበረዉን በመቀልበስ ከተማ አስተዳደሩ በወሰደዉ ቁርጠበኛ አቋም በዚህ በጀት ዓመት ከ70 በመቶ በላይ የካፒታል በጀትን ማድረስ መቻላችን አንዱ ማሰያችን ነዉ፡፡

👉ከ2010 እስከ 2013 የከተማዉን በጀት እድገት በአማካይ ስናይ ትልቁ ያደገዉ በ15 ፐርሰንት ፤ትልቁንም ብር ከወሰድን 7.8 ቢሊዮን ብር እድገቱ ነዉ፡፡በዚህም ዝቅተኛዉ 3.9 ቢሊዮን ከፍተኛዉ በአንድ ዓመት 7.68ቢ ሲሆን ከ2014 እስከ 2017 ዝቅተኛ ዓመታዊ ገቢ ያደገዉ በ40 በመቶ ሲሆን ከፍተኛዉ ደግሞ ከበፊቱ በ53 በመቶ ገቢያችን ማሳደግ ችለናል፡፤

👉የ2017 በጀት ዓመት ከባለፈዉ ዓመት የ83 ቢሊ ብር እድገት ያለዉ ሲሆን ይህም ገቢን ለማሳደግ ከተማ አስተዳደሩ ግብረ ኃይል አቋቁሞ በትኩረት የሰራበትና ትልቁ ዉጤት ሊሆን ችሏል፡፡

👉ለገቢ እድገታችን ሌላዉ ምክንያት በፊት ከነበረዉ የትንበያ ልማዳዊ አሰራር በመላቀቅ ከተማዋ ያላትን ገቢ የማመንጨት አቅም በጥናት በመለየት፤በቁጠባ በጀትን በመጠቀም፤በአሰራርና አደረጃጀት በማዘመን ለሚነሱ የልማት ጥያቄዎች ተገቢዉን ምላሽ ከተማ አስተዳደሩ እየሰጠ ይገኛል፡፡