ከተማ አስተዳደሩ መጪውን አዲስ ዓመት ምክንያት በማድረግ ለ500 ሺህ የኅብረተሰብ ክፍሎች ማዕድ አጋራ።

የአዲስ አበባ ከተማ አስተዳደር መጪውን አዲስ ዓመት ምክንያት በማድረግ ከማዕከል እስከ ብሎክ በተዘጋጁ መርሃ ግብሮች ለ500 ሺህ የከተማዋ ነዋሪዎች በዛሬው ዕለት ማዕድ አጋርቷል።

በማዕከ ደረጃ በተካደው የማዕድ ማጋራት ፕሮግራም ላይ ተገኝተው መልዕክት ያስተላለፉት ከንቲባ አዳነች አቤቤ በዓሉ የበረከትና የደስታ እንዲሁም የመተሳሰብ እንዲሆን ተመኝተዋል።

የምናጋራው ማዕድ ብቻ ሳይሆን ለወገኖቻችን ያለንን ፍቅርና አክብሮትን ለማሳየት ጭምር ሲሆን ማዕድ ማጋራቱ ወገኖቻችን በዓሉን በደስታ እንዲያከብሩት የሚረዳ ያሉት ከንቲባ አዳነች አቤቤ የመንግስትን የሰው ተኮር ፖሊሲ፣ አቅጣጫ እና ጥሪ በመቀበል ሰርተው ካገኙት ለወገኖቻቸው ማካፈልን ባሕል ላደረጉ የከተማዋ ልበ ቀና ባለሀብቶች እና በጎ ፈቃደኞች አመስግነዋል::

የአዲስ አበባ ከተማ የኅብረተሰብ ተሳትፎና በጎ ፈቃድ ማስተባበሪያ ኮሚሽን ኮሚሽነር አቶ ተንኩቄይ ጆክ በበኩላቸው የማዕድ ማጋራት ዋና ዓላማ በሰዎች መካከል መተሳሰብን ፣ አብሮነትንና ፍቅርን ለመፍጠር መሆኑን ገልፀው በ2016 በጀት ዓመት 1.2 ሚሊዮን ዜጎች ማዕድ መጋራታቸውን ተናግረዋል። በዛሬው ዕለት አዲሱን ዓመትና የኅብር ቀንን በማስመልከት ከማዕከል እስከ ብሎክ ድረስ ለ500 ሺህ በዝቅተኛ የኑሮ ደረጃ ለሚገኙ ዜጎች ማዕድ መጋራቱን ኮሚሽነሩ ገልፀዋል።

ኅብራችን ለአብሮነታችንና ለዘላቂ ሠላማችን!

ጠቅላይ ሚኒስትር ዐቢይ አሕመድ፣ መጪውን አዲስ ዓመት ምክንያት በማድረግም፣ ዝቅተኛ ገቢ ላላቸው የጠቅላይ ሚኒስትር ጽሕፈት ቤት ሠራተኞች እና ጽሕፈት ቤቱ ለሚያሳድጋቸው ሕጻናት ማዕድ አጋርተዋል።

#PMOEthiopia

"በ2016 በጀት ዓመት 12 ቢሊዮን ብር የበጎ ፈቃድ አገልግሎት ተሰጥቷል።" - ከንቲባ አዳነች አቤቤ

በ2016 በጀት ዓመት 12 ቢሊዮን ብር የበጎ ፈቃድ አገልግሎት መሰጠቱን ከንቲባ አዳነች አቤቤ ገለፁ። የአዲስ አበባ ከተማ አስተዳደር በበጀት ዓመቱ ለበጎ ፈቃድ አገልግሎት አስተዋፅዖ ላበረከቱ በጎ ፈቃደኞች ፣ ባለሀብቶችና ተቋማት እውቅና ሰጥቷል።

በእውቅና መድረኩ ላይ ተገኝተው በጎ ፈቃደኞችን ያመሰገኑት ከንቲባ አዳነች አቤቤ በበጀት ዓመቱ ልበ ቀና ባለሀብቶችን በማስተባበር 7 ሺህ 567 የአቅመ ደካሞችና አረጋውያን ቤቶች መገንባታቸውን ገልፀዋል።

1.2 ሚሊዮን ዜጎች በድግግሞሽ ማዕድ የተጋሩ መሆኑን የተናገሩት ከንቲባዋ በተከናወኑ የበጎ ፈቃድ አገልግሎቶች 1.9 ሚሊዮን ዜጎች ቀጥታ ተጠቃሚ መሆናቸውን ነው የገለፁት።

ከንቲባ አዳነች አቤቤ ለበጎነት እጃቸውን በመዘርጋት ወገኖቻቸውን ያገዙ እና ማህበራዊ ችግሮችን ያቃለሉ በጎ ፈቃደኞችን ምስጋና አቅርበዋል።

#ወርቃማው_ሰኞ

ጅማሬያችን ለመጨረሻችን መነሻ ነው። በመልካም መጀመር በመልካም ለማጠናቀቅ ወሳኝ ነው። የስራ መጀመሪያችን ወርቃማዋን ሰኞ የስራ መነሳሳትን በሚፈጥር መልኩ በ"ቅንነት!" መጀመር ተገቢ ነው።

በዛሬው ወርቃማ ሰኞ "ቅንነት" ለስኬታማነት ያለውን ሚና የሚያስረዳ ማብራሪያ የሰጡት የበጎ ፈቃድ ዘርፍ ምክትል ኮሚሽነር አቶ ደረጀ ካሳ ናቸው። በረዥም ጊዜ የስራ ልምዳቸው አብረዋቸው የሰሩ ቀና ሰዎች ከፍ ከፍ ብለው ስኬታማ መሆናቸውን ገልፀዋል አቶ ደረጀ።

ቀና ያልሆኑ ሰዎች መጨረሻቸው አያምርም ፤ ስኬት አያመጡም ፤ ለውጥ አልባ ናቸው። ቀና ሰዎች ደግሞ በተቃራኒው የጀመሩትን በስኬት ይጨርሳሉ ፤ ከነበሩበት ኃላፊነት ወደላቀ ደረጃ ያድጋሉ። በአጠቃላይ ለውጥ ለማምጣትና ስኬት ላይ ለመድረስ በቅንነት ማገልገል ያስፈልጋል።

በህዝብ አገልግሎት ከ12ቱ የስነ ምግባር መርሆዎች መካከል ቅንነት አንዱ ነው። እንደ መርህ በየመሥሪያ ቤታችን ግድግዳ ላይ ያስቀመጥነው "ቅንነት" ልንገዛበትና ልንተገብረው የሚገባ ህግ ነው። ህዝብን በቅንነት ማገልገል ደግሞ የምናልማትን ታላቅ ሃገር ለመገንባት ያግዛል። የኮሚሽናችን ባለሙያዎች "ቅንነትን" የሥራቸው መሰረት ፣ የሕይወታቸው ህግ በማድረግ የላቀ ውጤት ማስመዝገብ ይጠበቅባቸዋል።

ቅንነት - ለላቀ ውጤት!
መልካም የስራ ሳምንት!