አቶ ተንኩዌይ ጆክ ሮም የአዲስ አበባ ከተማ አስተዳደር የኅብረተሰብ ተሳትፎና በጎ ፈቃድ ማስተባበሪያ ኮሚሽን ኮሚሽነር ሆነው ተሾሙ።

ኮሚሽነር ተንኩዌይ ጆክ ሮም በጋምቤላ ክልል ከዞን አመራርነት እንዲሁም በክልል ደረጃ የተለያዩ ተቋማትን በቢሮ ኃላፊነት የመሩ ሲሆን የጋምቤላ ክልል ምክትል ርዕሰ መስተዳድር በመሆን አገልግለዋል። ኮሚሽኑ ለአዲሱ ኮሚሽነር መልካም የስራ ዘመን እንዲሆንላቸው መልካም ምኞቱን ይገልፃል።

የማኀበራዊ ሚዲያ አማራጮቻችን፥
ፌስቡክ - https://www.facebook.com/cpvcc.2015
ቴሌግራም - https://t.me/CommunityPVC
ቲክቶክ - https://www.tiktok.com/@voluntarismaddis16
ዩቱዩብ - https://youtube.com/@communityparticipationvolu8714
ዌብሳይት - www.volunteeraddis.et
Instagram - https://www.instagram.com/communitypv/
Twitter - https://x.com/Volunteeraddis

በአዲስ አበባ በዘንድሮው የክረምት የበጎ ፈቃድ አገልግሎት እስካሁን ከ3 ነጥብ 6 ቢሊየን ብር በላይ የሚገመት አገልግሎት ተሰጥቷል።

በዘንድሮው የክረምት የበጎ ፈቃድ አገልግሎት እስካሁን ከ3 ነጥብ 6 ቢሊየን ብር በላይ የሚገመት አገልግሎት ለኅብረተሰቡ መሰጠቱን የአዲስ አበባ ከተማ አስተዳደር የኅብረተሰብ ተሳትፎና በጎ ፈቃድ ማስተባበሪያ ኮሚሽን ገለጸ።

የኮሚሽኑ ምክትል ኮሚሽነር ደረጄ ካሳ እንደገለጹት በመዲናዋ በርካታ በጎ ፈቃደኞች በተለያዩ የበጎ ፈቃድ አገልግሎት ተግባራት ላይ እየተሳተፉ ነው።

የአቅመ ደካማና አረጋውያን ቤት እድሳት ፣ የክረምት የማጠናከሪያ ትምህርት ፣ ደም ልገሳና የትራፊክ አደጋን መከላከል ከሚሰጡ የበጎ ፈቃድ አገልግሎት ውስጥ ተጠቃሽ መሆናቸውን ጠቁመዋል።

ይህንንም ተከትሎ በአዲስ አበባ በክረምት የበጎ ፈቃድ አገልግሎት መርኃ-ግብር ብቻ እስካሁን ከ3 ነጥብ 6 ቢሊየን ብር በላይ የሚገመት አገልግሎት ለኅብረተሰቡ መስጠት መቻሉን ተናግረዋል።

በበጎ ፈቃደኞች ከተከናወኑ ዋና ዋና ተግባራት መካከል ማዕድ በማጋራትና ለአቅመ ደካሞች ቤት እድሳትና ግንባታ ዘርፍ ስኬታማ ሥራ ተሰርቷል ብለዋል።

ለአብነትም በተጠናቀቀው በጀት ዓመት 6 ሺህ 500 ለመገንባት ታቅዶ ወደ 6 ሺህ 730 ቤቶችን በመገንባት ለተጠቃሚዎች ማስተላለፍ መቻሉን ነው ያስረዱት።

በዘንድሮ የክረምት ወቅት የበጎ ፈቃድ አገልግሎትም 3ሺ 500 ቤት ለመገንባት እቅድ ተይዞ እስካሁን ባለው ሁኔታ ወደ 2 ሺህ 100 ቤቶችን ገንብተናል ነው ያሉት።

በተመሳሳይ በክረምት በጎ ፈቃድ ማጠናከሪያ ትምህርት እንዲሁም በጎነት በሆስፒታል በሚባሉ መርኃ- ግብሮች በርካታ በጎ ፈቃደኞች እየተሳተፉ መሆኑንም አብራርተዋል።

የመዲናዋ ነዋሪዎች፣ ወጣቶች፣ ባለኃብቶች፣ መንግሥታዊና መንግሥታዊ ያልሆኑ ተቋማት በበጎ ፈቃድ አገልግሎት ላይ የሚያደርጉት ተሳትፎ እያደገ መምጣቱን ተናግረዋል።

የበጎ ፈቃድ አገልግሎቶች በማኅበራዊና ኢኮኖሚያዊ ዕድገት ውስጥ አካታችነትን ለማረጋገጥ ሚናው የላቀ በመሆኑ ሁሉም የበኩሉን አስተዋጽዖ እንዲያደርግ ጥሪ አቅርበዋል።