⭐ نظرية الأبواب الثلاثة… وورقتك التي تحدد طريقك
أجمل ما يمكن أن يعيشه الإنسان في هذا الزمن
هو أن يعيش بلا ضوضاء… بلا متابعة… بلا سوشيال ميديا،
ويكتفي بأن ينظر إلى ورقته… إلى واقعه… إلى ما ينبغي أن يهتم به حقًا.
الإدارة الحقيقية للحياة تقوم على ثلاثة أبواب يجب أن تُغلق:
1️⃣ باب الماضي
نفتحه لنتعلّم، ونأخذ منه الدروس،
ثم نغلقه… فلا نطيل النظر خلقنا
2️⃣ باب المستقبل
نفتحه لنخطّط ونرتّب أهدافنا،
ثم نغلقه… لأن العيش في توقعاته يسرق فرحتنا بالحاضر
3️⃣ الباب الموازي (باب الملهيات)
وهو أخطر الأبواب…
باب السوشيال ميديا، التشتت، متابعة كل شيء،
والركض وراء علوم لا تنفعك ولا تزيدك إلا ضياعًا.
إذا فتحته ضاع وقتك… بل ضاع عمرك دون أن تشعر.
⭐ الباب الوحيد الذي يجب أن يبقى مفتوحًا
هو باب واقعك… ورقتك التي بين يديك الآن.
هي ما يرفعك أو يضعك، تبنيك أو تهدمك.
وقد قيل:
"إذا أردت أن تعرف مقامك… فانظر أين أقامك الله."
أأقامك على طاعته؟
أم على ما يبعدك عنها؟
🎯 الخلاصة
انظر في ورقتك…
ركّز على ما ينفعك…
وأغلق كل باب لا يقودك إلى الله ولا إلى هدفك.

شرح مبسط مع خريطة مبدئية لكل مجالات البرمجة 🚀

طريقة الاشتراك في chat gpt مجانا لمدة سنه
لينك تطبيق vpn

منشور مهم و عشان أكبر استفادة هحاول ما استخدمش مصطلحات انجليزي خالص وأضرب أمثلة بسيطة مفهومة للجميع حتى لو فيه أمثلة أقوى منها
والمنشور خاضع للنقد و التعديل من أهل التخصص

مع كل تقدم بيحصل بيفقد الإنسان مهارات وملكات سواء بدنية عضلية زي اللي حصل مع ظهور أجهزة البيت (غسالة و مكنسة كهربائية...) أو مهارات وملكات عقلية زي اللي حصل مع ظهور الآلة الحاسبة، و بتظهر مهارات جديدة بيكتسبها الإنسان زي التعامل مع الكمبيوتر.

ومع كل تقدم بتختفي مهن زي السقا وبتضعف مهن زي عامل البريد و بياع الجرايد، وبتظهر مهن جديدة زي محلل البيانات والمبرمج.

الجديد والمرعب بجد في موضوع الذكاء الصناعي كذا نقطة:
أولا إن وتيرة اختفاء المهن هيكون سريع سرعة لا يمكن لبشر انه يتخيلها، مثلا الخطاطين ناموا و صحيوا لقوا نفسهم مالهومش وجود في سوق العمل فجأة مع ظهور ال Nano banana!
انت متخيل ان ده بيحصل في ليلة!

ثانيا إن تأثير التطور والتقدم ده تأثير عالمي عابر للقارات، يعني مش مثلا الخطاط مابقالوش شغل في مصر فهيسافر دولة تانية
لأ
ده فجأة بقى فيه قطاع كبير من البشر برا سوق العمل في العالم كله!

ثالثا إن تطور الذكاء الصناعي مالوش سقف ممكن نتوقعه، لأنه هو اللي بيطور نفسه بنفسه بمعدل أقل ما يقال عنه إنه مرعب، فمفيش أي توقع لأي حاجة ولا ايه هي المهن الآمنة!
عاوز أقولك ان ممكن قريب تلاقي المسؤولين عن تطوير الذكاء الصناعي نفسهم برا سوق العمل!
انت متخيل احنا بنتكلم في ايه؟

رابعا إن في ظل العولمة و الاتصال الرقمي فمفيش حاجة اسمها دولة نامية مفيهاش ذكاء صناعي فهتكون الوظائف فيها آمنة لأن ببساطة لو واحد عايش في الدولة ديه مش هيكون مزنوق انه يتعامل مع ولاد بلده، لأ ده ممكن يتعاقد على أي حاجة بيتم إنتاجها بالكامل بالذكاء الصناعي في أي مكان في العالم.

خامسا وديه اللي خلتني اكتب المنشور ده مع اني بقالي كتير بأجله: بداية ظهور التكامل بين المنصات و التطبيقات المختلفة زي اللي ظهر في ال AI workspace بحيث إن ممكن دلوقتي الذكاء الصناعي مش بس يعمل حاجة لأ ده ممكن يقوم بعملية من عدة خطوات كل خطوة منهم على برنامج أو تطبيق أو منصة مختلفة لحد ما ينتهي من العملية كلها!
يعني مثلا دلوقتي الذكاء الصناعي ممكن يجمع معلومات من حتة و يحللها في حتة تانية و يكتب النتايج بدقة في حتة تالتة و يفتح حتة رابعة عشان يبعت النتيجة لناس معينة من غير أي تدخل بشري!
=================
أكيد السؤال دلوقتي: نعمل ايه؟
باختصار
أولا لازم القلوب تطمن إن الرزق بيد الله تعالى فمافيش داعي للتوتر الزايد بعد الأخذ بالأسباب (لن تموت نفسٌ حتى تستوفي رزقها) و (الزرق يتبع ابن آدم كما يتبعه أجله)

ثانيا لازم نرجع نعرف كويس مقدار الدنيا على حقيقتها عشان لما نفقد شئ منها مايجيلناش اكتئاب و ماننتحرش (لا تزن عند الله جناح بعوضة)

ثالثا لازم نتدرب على المرونة لأبعد شكل، يعني عادي جدا النهاردة ابقى في شغل بكرا في شغل تاني
النهاردة عندي مهارات معينة بكرا هكتسب مهارات تانية
النهاردة شبعان بكرا جعان
النهاردة راكب عربية بكرا راكب عجلة
مرونة في كل شئ و كل ناحية من نواحي الحياة
العقلية الجامدة الثابتة قريب اوي مش هيكون لها مكان في العالم كله


#منقول عن الشيخ أمجد