#قد_تسال ..
ويخطر في بالك هل ادويـة
Tricyclic antidepressants

تقلل امتصاص الكالسيوم او بطريقة اخرى هل تسرع من حدوث التسوس ؟

تفسير ذلك : استخدام أدوية مثل Tricyclic antidepressants لفترة طويلة يسبب جفاف الفم Xerostomia وقلة افراز اللعاب
‏وهذا يؤدي إلى بقاء بقايا الأكل فترات أطول بالفم
‏وكذلك يؤثر على معادلة الأحماض بالفم
‏لذاك الي نفتهمه من ذلك ممكن فعلا يزيد احتمال تسوس الأسنان ..

تفاصيل اكثر ..👇

https://t.me/Clinical_notes1

#شغلتين انتبه الها من تصرف
Xarelto (Rivaroxaban)

الشغلتين يتعلقن بالجرعة او تركيز العلاج ..
ركزلي

تركيز 2.5 او 10 المريض يكدر ياخذه على معدة فارغه او ممتلئة ماكو فرق في امتصاص الدواء

لكن اذا تركيز
15 او 20 لا هنا بعد الاكل مباشرة مو بساعة او ساعتين لا مباشره
بهذه الجرعة اذا اخذنا على معدة فارغة نخسر 40 ٪ من امتصاص الدواء

ذني انتبه الهن من تصرف العلاج
اذا ما وضحتهم لمريض لح يدخل المريض بجلطات وتخسره

المصدر / وكالة الادوية البريطانية -MHRA

تفاصـيل ومعلومات اكثر …👇

https://t.me/Clinical_notes1

#يمكن_الكل_يصرفه_بالصيدلية_صح_لو_لا

يا ترى تعرف انوا اكو ادوية ممنوع تنصرف مع مانع الحمل ياسمين لو لا ؟

يابه شني الادوية وليش ما يصير اصرفها ؟

- الادوية ( Ace inhibitors , Beta blockers , Cyclosporine , Digitalis
NSAIDs , Pentamidine Potassium supplement , Trimethoprim , sulfamethoxazole , Potassium-Sparing Diuretics)

عرفنا الادوية ، السبب بعدم صرفها
لان كل من الياسمين وهذه الادوية ترفع مستوي البوتاسيوم بالدم يعني شيصير
hyperkalemia
فيحدث عدم انتظام ضربات القلب مما قد يؤدي إلى توقف القلب والوفاة ( يعني بيباي لمريض ) ..

تفاصيل ومعلومات اكثر ..👇

https://t.me/Clinical_notes1

#كلنا_سامعين_بـ_الـ_بلافيكس
اكيد ، بس اكو معلومة صغيرونه ومهمة جدا جدا يمكن ما سامع بيها ..

ركز وياي / من الاعراض الجانبية لدواء
البلافيكس على المعده هيه حدوث الم واسهال وامساك .. برايك شنو تفسير هاي الاعراض هم سالت نفسك ؟

اني هس اكلك شنو تفسيرها ركزلي

زيت الخروع كلنا نعرفه الـ Castor Oil
موجود بمكونات القرص

زين يابه شنو سبب احتواء القرص على زيت الخروع

الهدف من اضافته : لمنع تكسير الاقراص وحتى يزيد من صلابة القرص

تفاصيـل ومعلومــات اكثــر 👇

https://t.me/Clinical_notes1

#معلومة_دوم_اذكرها..

من مجموعة PPI ارتبط استخدام الـ
Lansoprazole
بمعدلات اعلى بحدوث الاسهال Diahrrhea

https://t.me/About_Drug

#خلي_اذكرك_بشغلات_يجوز_ناسيها ..

#علاجات_نتجنبها_في_حالات_مع_السبب..
يعني لح اذكر حاله وشنو اجنب بيها من علاجات يعني اذا انطيه العلاج بهاي الحالة
سوي كارثة ..

• الربو - Bronchial Asthma
نتجنب :
‏حاصرات بيتا ( الأدوية التي تنتهي بـ -lol )
‏السبب : قد تسبب تشنجاً في الشعب
الهوائية (Bronchospasm)

• ارتفاع ضغط الدم- Hypertension
نتجنب :
‏مضادات الالتهاب غير الستيرويدية (NSAIDs)
السبب : تؤدي إلى احتباس الصوديوم
وبالتالي زيادة ضغط الدم

• مرض باركنسون -
Parkinson’s Disease
نتجنب :
‏مثبطات COX-2 ( نوع من NSAIDs )
السبب : تؤدي إلى تفاقم أعراض باركنسون

• الفشل التنفسي - Respiratory Failure
نتجنب :
‏الأدوية النفسية العصبية ( Neuroleptics )
السبب :
‏ ( Respiratory depression )

• الصرع - Epilepsy
نتجنب :
‏مضادات الاكتئاب ثلاثية الحلقات (TCA’s)
‏ومضادات الذهان
السبب : تجعل الدماغ أكثر قابلية لحدوث نوبات كهربائية

• أمراض الكبد المزمنة
Chronic liver disease
نتجنب : الوارفارين
‏السبب : يزيد من خطر النزيف بسبب زيادة الحساسية للدواء

• الرجفان البطيني
Ventricular Fibrillation
نتجنب : ‏الديجوكسن
السبب : قد يسبب توقف القلب
‏ ( Cardiac arrest )

• زيادة الضغط داخل الجمجمة
‏Increased intracranial pressure
‏نتجنب :
‏ المواد الأفيونية ( Opioids )
السبب :
‏قد تخفي التغيرات في مستوى الوعي، مما يؤخر التشخيص

• ضعف وظائف الكبد
Hepatic impairment
نتجنب :
‏ لوبراميد ( مضاد للإسهال )
السبب : الاستقلاب قد يتغير مما يؤدي إلى تراكم الدواء وحدوث سمّية

• الفشل الكلوي أو اضطراب الأملاح في الجسم
‏Renal failure , Electrolyte imbalance
نتجنب :
‏مدرات البول التي تُفقد البوتاسيوم مثل ( الأدوية التي تنتهي بـ -ide أو -thiazide )
السبب: قد تؤدي إلى تفاقم اضطراب الأملاح وحدوث أعراض خطيرة أو مميتة

#تفاصــيل__أكـثــر__تابـع __القنـاة ..
👇🏻

https://t.me/Clinical_notes1

#موانع_الحمل_ومشاكلها_مع_النساء_المدخنات_وذا_الوزن_العالي..

اي يمنع استخدام اي دواء يتحوي على استروجين عند النساء ذوات الوزرن العالي او المدخنات ..

موضوع مهم ركز وياي ..

ناخذ مثال واقعي مثلا /

تجيك مراة لصيدلية مثلا وتشوفها مدخنة او عدها وزن وتكلها تستخدم مانع الحمل
Yasmin
وانت صيدلي شاطر اكيد حتوقف العلاج مباشر ..

ركزلي هوه الـ ياسمين ع شنو يحتوي. ؟

- هوه كومبنيشن من
Drospirenone + Ethinylestradiol

اي Combined Oral Contraceptive

طبعا يستخدم لمدة 21 يوم
هس يجي واحد يسالني يكلي دكتور هوه وين الاستروجين بالموضوع !

- اني اكلك وين الـ

Ethinylestradiol = هوه شكل مصنع من هرمون الاستروجين يعني نفسه
الاستروجين داخل جسم المراة

هس السبب شنو ؟

- من تنطي المراة هيج نوع من الموانع
وهيه عدها زيادة بالوزن لو مدخنه

لح يزداد عدها خطر الاصابة بالجلطات

(DVT , PE )
وكذلك امراض الكبد ، لذلك وجب الحذر ..


تفاصــيل ومعلومات اكثر #تابع_القناة👇🏻

https://t.me/Clinical_notes1

#هم_يوم_مر_عليك_موضوع_زرع_الاعضاء ..

#حشوفك_من_خلال_هذا_البوست
#اهمية_الصيدلاني_في ذلك

خلي بالك وياي وخلي نفلس الموضوع :
مجال زراعة الاعضاء اكثر مجال يكون لصيدلي دور مهم بيه ليش ؟ - لان المريض حياخذ ادوية عديدة ومهمتك يا عيني الصيدلي ان تمنع اي تعارض في الادوية وتوجه المريض ، طبعًا مثل مانعرف ان المريض بعد العملية ياخذ العديد من مثبطات المناعة حتى نمنع رفض الجسم للعضو الجديد ،

المثبطات قسمين ؛

Induction agents
‏وهي مثبطات مناعة قوية تعطى بعد العملية مباشرة واستخدامها يكون لفترة مؤقتة.
‏Maintenance agents
‏وهي مثبطات مناعة تستخدم لوقت طويل.

لهنا تمام تعالوا خلي نعرف :
Post transplantation Immunosuppressants ( antirejection drugs ) :
الي هما وننطي لكل واحد ملاحظه صغيره
‏Tacrolimus
‏Cyclosporine
‏Mycophenolate Mofetil Azathioprine
‏Sirolimus
‏Prednisone
‏في البداية المريض يأخذ 5 او 6 ادوية مثبطة للمناعة بجرعات كبيرة مما تسبب له بعض المشاكل على المدى القصير ..

tacrolimus
شنو ملاحظاتنا عليه ؟
‏ يحتاج تحليل لنسبته في الدم باستمرار لان له مدى علاجي ضيّق ولضمان جودة الزراعة
‏من الاشياء المهمة عند اعطائه توجيه المريض :
‏• اخذ الدواء بنفس الوقت يوميًا وبطريقة واحدة ( اذا كان ياخذه قبل الاكل ممنوع ياخذه بعد الاكل في المره الثانية )
‏• يسبب ارتفاع سكر الدم

cyclosporine
شنو ملاحظاتنا عليه ؟
يحتاج تحليل لنسبته في الدم
‏• نفس توجيهات tacrolimus .
‏• يرفع ضغط الدم

Mycophenolate Mofetil
شنو ملاحظاتنا عليه ؟
من اهم المعلومات عن هذا الدواء انه يمكن ان يحدث له امتصاص من الجلد او عن طريق التنفس يجب انك تخبر المريض ان يبعده عن اي شخص بالذات الحوامل.
‏• يقلل من نسبة كرات الدم البيضاء والصفائح لذلك يحتاج CBC
‏• يسبب مشاكل في المعدة والهضم

Azathioprine
شنو ملاحظاتنا عليه ؟
مثبت مناعة يستخدم في العديد من الامراض المناعية ويستخدم في حالة زراعة الاعضاء
‏• يقلل من نسبة كرات الدم لذلك يحتاج CBC

Sirolimus
شنو ملاحظاتنا عليه ؟

نفس اول دوائين يحتاج تحليل لنسبته في الدم
‏• يؤخذ في نفس الوقت وفي نفس الحالة ( اذا كان يأخذه قبل الاكل يجب ان لايغيّر الطريقة )
‏• يرفع ضغط الدم والكولسترول
‏• يؤخر التئام الجروح لذلك يجب اخبار الطبيب اذا راد يسوي عملية .

prednisone
المعروف لايعرّف هو كورتيزون ويعتبر مثبّط للمناعة
‏• يرفع نسبة السكر ويرفع ضغط الدم ونسبة الكولستيرول
‏• يسبب تقرّحات للمعدة .

بعد ما عرفنا الادوية ومضارها نستنتج شنو الادوية الي ممكن تنضاف الها

‏1-ضعف المناعة يزيد احتمالية العدوى ويُصرف للمريض مضاد فايروسات مثل ganciclovir حتى نمنع حدوث CMV
‏2- ارتفاع سكر الدم يتم معالجته بالإنسولين
‏3- ارتفاع ضغط الدم يتم معالجته بأحد ادوية الضغط
‏4- ارتفاع الكولستيرول يتم معالجته بال Statins
‏5- تقرّحات المعدة والحموضة يتم علاجها بال PPI .

‏طبعًا مثبطات المناعة يتم تقليلها تدريجيًا بعد 6 أشهر من الزراعة ويتم خفض الجرعة تدريجيًا .

#لمعلومات_اكثر_تابع_القناة ..👇🏻

https://t.me/Clinical_notes1

الادوية المذكورة .. في البوست

#خليـك_شاطر ..
#مضادات_الاكتئاب_ليست_فقط_لعلاج الاكتئاب!
هاي شنو ؟ نعم ركزلي بس يرحم والديك ..

وانت گاعـد بصيدلية يجيك مريض ..
بوصفة تحتوي على Amitriptyline ويسأل:
‏ "هذا دواء للاكتئاب، لكن أنا ما عندي اكتئاب أو قلق؟"
انت شاطر وتشرحله الوضع وتبسطله الامور كالاتي : انت رحت لدكتور من شنو جنت تعاني : يجاوبك يگلك من انزلاق
لهنا جيد توضحله

صحيح، Amitriptyline هو مضاد اكتئاب، لكنه يُستخدم أيضًا لعلاج الألم المزمن مثل آلام الأعصاب، وآلام الظهر المزمنة!

يابه شلون ؟
- تعال افهمك : نسترجع آلية حدوث الألم
عدنا مسارين اولا
مسار صاعد ومسار نازل شنو صاعد وشنو النازل دكتور .
هس افهمك :
المسار الصاعد
(Ascending Pain Pathway):
‏ينقل إشارات الألم من مكان الإصابة إلى الدماغ، حيث يتم إدراكه والشعور به.

المسار النازل
(Descending Pain Pathway):
‏يعمل على تقليل إشارات الألم قبل وصولها إلى الدماغ شلون ؟
عن طريق
إفراز السيروتونين والنورإبينفرين، مما يثبط إشارات الألم.
‏إفراز الإندورفينات والإنكيفالينات، وهي مسكنات طبيعية للجسم.

لهنا كلشي مرتب صح .. نكمل
هس شنو المشكلة الي صير بالالم المزمنة ؟
- المسار النازل يصبح ضعيفًا أو مختلًا وظيفيًا، مما يؤدي الى :

يلا شيسوي ركزلي :
نقص السيروتونين والنورإبينفرين

زيادة نشاط المسار الصاعد = استمرار الإحساس بالألم حتى بدون محفز واضح.

هس لازم شنسوي نحسن وضيفة المسار النازل شلون ؟ - لو انطي الـ TCAs لو انطي SNRIs
وذني الاختصارات واضحات شنو

TCAs = Tricyclic Antidepressants
SNRIs = Serotonin-Norepinephrine Reuptake Inhibitors


هذه الأدوية ترفع مستويات السيروتونين والنورإبينفرين في الجهاز العصبي، مما يعيد التوازن للمسارات العصبية ويقلل الألم!

✍️ #الصيدلاني :#محمد_كريم_حسن

#لمعلومات_اكثر_تابع_القناة 👇

https://t.me/Clinical_notes1