វេទិកាកែទម្រង់ស្តីពី «ការលើកកម្ពស់អភិបាលកិច្ចក្នុងរដ្ឋបាលសាធារណៈ» សូមថ្លែងអំណរគុណចំពោះសាធារណជន ដែលបានចូលរួមចុះឈ្មោះចូលរួមដោយផ្ទាល់នៅក្នុងវេទិកាយ៉ាងច្រើនកុះករ។ ដូចបានជម្រាបទុកជាមុន ដោយសារកន្លែងមានកំណត់ វេទិកាបានអនុញ្ញាតឱ្យសាធារណជនចូលរួមក្នុងចំនួនកំណត់។

ដោយឡែក សម្រាប់សំណួរដែលសាធារណជន បានផ្តល់ជូនមក ក្រុមការងារនឹងធ្វើការស្រង់យក ដើម្បីសាកសួរទៅកាន់វាគ្មិនតាមប្រធានបទ ភាពប្រទាក់ក្រឡា និងស្ថានភាពជាក់ស្តែង។

វេទិកាកែទម្រង់ សូមថ្លែងអំណរគុណ និងសូមការអធ្យាស្រ័យ ចំពោះសាធារណជនដែលបានចាប់អារម្មណ៍ចូលរួម និងពុំបានចូលរួមដោយផ្ទាល់។ សូមតាមដានការផ្សព្វផ្សាយជាបន្តបន្ទាប់អំពីមាតិកានានានៃដំណើរការវេទិកាកែទម្រង់ ក៏ដូចជាបទបង្ហាញនានាដែលក្រុមការងារនឹងរៀបចំជាបន្តបន្ទាប់។

រសៀលនេះ ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ នឹងអញ្ជើញជាអធិបតីដ៏ខ្ពង់ខ្ពស់ ក្នុងពិធីប្រកាសតែងតាំង និងស្រោចស្រពព្រះសុគន្ធវារី ប្រគេនព្រះរាមានុបាល ឌន ស៊ីដន ឱ្យឡើងទៅជាព្រះគ្រូវិសុទ្ធិមេធា ព្រះរាជាគណៈថ្នាក់កិត្តិយស គណមហានិកាយនៃព្រះរាជាណាចក្រកម្ពុជា និងឱ្យឡើងទៅជាព្រះគ្រូអនុគណស្រុកស្នួល ខេត្តក្រចេះ។

ពិធីនេះប្រព្រឹត្តទៅនៅបរិវេណវត្តសទ្ធារង្សីខន្តិយារាម ស្ថិតក្នុងភូមិផ្សារស្នួល ឃុំស្នួល ស្រុកស្នួល ខេត្តក្រចេះ ដែលតាមការគ្រោងទុកនឹងមានការនិមន្ត និងអញ្ជើញចូលរួមពីសម្តេចព្រះពុទ្ធជ័យមុនីបណ្ឌិត ឃឹម សន សម្តេចព្រះសង្ឃនាយករងទី៣, ព្រះរាជាគណៈ, ព្រះមេគណខេត្តក្រចេះទាំងពីរគណៈ និងព្រះថេរានុថេរៈ ព្រមទាំងឯកឧត្ដមសមាជិករដ្ឋសភា ឯកឧត្តម លោកជំទាវ លោក លោកស្រី ក្រុមការងាររាជរដ្ឋាភិបាលចុះជួយមូលដ្ឋានខេត្ត ក្រុង ស្រុក នៃខេត្តក្រចេះ ក្រុមប្រឹក្សាខេត្ត អភិបាលនៃគណៈអភិបាលខេត្តក្រចេះ ខេត្តមណ្ឌលគិរី ខេត្តស្ទឹងត្រែង អភិបាលក្រុង ស្រុក ខណ្ឌ ថ្នាក់ដឹកនាំ និងមន្រ្តីរាជការ ចំណុះរដ្ឋបាលខេត្តគ្រប់លំដាប់ថ្នាក់ និងបងប្អូនប្រជាពលរដ្ឋផងដែរ។

កំពុងដំណើរការ៖ ឯកឧត្តមឧបនាយករដ្ឋមន្ត្រី ហ៊ុន ម៉ានី អញ្ជើញជាអធិបតីដ៏ខ្ពង់ខ្ពស់ក្នុងពិធីប្រកាសតែងតាំង និងស្រោចស្រពព្រះសុគន្ធវារី ប្រគេនព្រះរាមានុបាល ឌន ស៊ីដន

ខេត្តក្រចេះ៖ នារសៀលថ្ងៃទី២ ខែមេសា ឆ្នាំ២០២៦ ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ បានអញ្ជើញជាអធិបតីដ៏ខ្ពង់ខ្ពស់ក្នុងពិធីប្រកាសតែងតាំង និងស្រោចស្រពព្រះសុគន្ធវារី ប្រគេនព្រះរាមានុបាល ឌន ស៊ីដន ឱ្យឡើងទៅជាព្រះគ្រូវិសុទ្ធិមេធា ព្រះរាជាគណៈថ្នាក់កិត្តិយស គណមហានិកាយនៃព្រះរាជាណាចក្រកម្ពុជា និងឱ្យឡើងទៅជាព្រះគ្រូអនុគណស្រុកស្នួល នៅបរិវេណវត្តសទ្ធារង្សីខន្តិយារាម ស្ថិតក្នុងភូមិផ្សារស្នួល ឃុំស្នួល ស្រុកស្នួល ខេត្តក្រចេះ។
.......................................................
តំណភ្ជាប់ទៅកាន់បណ្តាញសង្គមរបស់យើង៖
🌐 Facebook
🌐 Tiktok
🌐 Telegram
🌐 Instagram
🌐 YouTube