في خلال الفترة دي
انا مش مستوعب اي حاجة حصلت
مش مستوعب كل ده حصل ليه وازاي
في خلال مدة قصيرة زي دي خسرت حاجات كتير
الم يكن كل حاجة
خسرت دراستي وخسرت اهلي وخسرت شغلي و شغلي في ال bug bounty وخسرت ناس كنت فاكر انهم هيفضلوا معايا واشخاص بعينهم مكنتش متخيل ان الاذي ممكن يجي من ناحيتهم وخسرت صحتي وخسرت مجهود وتعب وسعي سنين كل ده يضيع بسهولة كده
يعلم ربنا ان انا مقصرتش لحظة ومر عليا اوقات كنت بقاوح فيها علي حساب نفسي ومر عليا حاجات كانت ممكن تتسبب
في نهاية حياتي
مفيش حاجة باقية للانسان سوا انو يتمالك نفسو واعصابو
وجايز كل ده نصيب ولكن صدقني كل حاجة حصلت
عدت باحساس صعب عليا اوي
والي جاي ايه انا مش عارف الي جاي ايه
اللهم فرجا قريب

كان الله في عوننا جميعا

قال رسول الله ﷺ: "عَجَبًا لأَمْرِ المُؤْمِنِ، إنَّ أمْرَهُ كُلَّهُ خَيْرٌ، وليسَ ذاكَ لأَحَدٍ إلَّا لِلْمُؤْمِنِ، إنْ أصابَتْهُ سَرَّاءُ شَكَرَ، فَكانَ خَيْرًا له، وإنْ أصابَتْهُ ضَرَّاءُ، صَبَرَ فَكانَ خَيْرًا له"

هقولك على صدمة قرآنية هتنسف مفهومك القديم عن الصبر

القرآن سمى البقاء في مكان بيستنزفك وبيسلبك قيمتك (ظلم للنفس)
الملايكة لما بتيجي تقبض أرواح الناس اللي استسلمت للإهانة مابتقولهمش برافو انكم صبرتوا واستحملتوا
الملايكة بتوبخهم بشدة وتقولهم ﴿أَلَمْ تَكُنْ أَرْضُ اللَّهِ وَاسِعَةً فَتُهَاجِرُوا فِيهَا﴾ !
سيدنا النبي ﷺ كان بيعشق مكة.. دي بلده وحتة من روحه
بس لما مكة رفضت تديله قدره وضيقت عليه
سابها وهاجر لمكان تاني شاله فوق الراس واداله مكانته الحقيقية.

الهجرة مش بس سفر من بلد لبلد
الهجرة كمان انك تهاجر من اي وظيفة بتستعبدك وتهاجر من اي علاقة بتستنزفك وتهاجر من اي شلة مش شايفاك كبير

اوعى ترضى بالفتات باسم الصبر
إلا لو عاجز بقى دي حاجة تانية وربنا يعينك

المؤمن عزيز والمكان اللي مايسيعكش وانت رافع راسك ومتقدر.. سيبه وامشي.. أرض الله واسعة.

- خليل أمين

ادي كل حاجه حقها واعملها على اكمل وجه بكل تفاني وضمير عشان لما الحاجه تبوظ منك تكون عملت اللي عليك، ويكون عندك مبرر وستوري كويسه انك عملت كل الصح بس القدر مكانش عايز الحاجه تكتمل ل اخرها،
هيكون صوتك عالي وواثق من نفسك حتى لو فشلت، لكن لو اتعولقت؟
هتكذب، وتحور، وتكون جبان عديم شرف وخسيس وتقعد تتهرب وتستخبى وهيكون صوتك مكتوم وهتتداس من اي صرصار

ربما أعطاك فمنعك، وربما منعك فأعطاك. ومتى فتح لك باب الفهم في المنع صار المنع عين العطاء

ائتني بشخص يقول عن نفسه أنه يحب الوحدة ويبغض ما دونها؛ ثم دعه يتحدث عما يختلجه، وأرهِ رغبتك في الإنصات لحديثه بكل جوارحك؛ تظهر معاني الحياة كلها في قلبه ويستوحش وحدته في حينها.
أحيانا لا يريد الإنسان إلا لمن ينصت إليه؛ بعناية واهتمام

متخدش قرار وانت غضبان

ومتوعدش حد بحاجة وانت مبسوط

فتحت الكاميرا الأمامية بالغلط، لقيت واحد فجأه بقى مكبر دماغه وبيخسر أى حد عادى مقابل راحة باله

اليوم الزياده بقى يفرق ف نظرة وتقييم الفرد مننا للحياة فا هتلاقي ان مع الوقت الشغف تجاه معظم اهدافك بيهرب من ايدك ولما ترجع تدور ع الاسباب هيكون التفسير المنطقي الوحيد ان كل حاجه بتاخد مصداقيتها وقيمتها وبتكون اوضح فا طبيعي هترجع تعيد ترتيب حساباتك من تاني وتشوف اي ينفع ياخد من وقتك واي اللي انت مجبر ترميه ورا ضهرك علشان تكمل

الحمد لله إنت صليت الفروض كلها.
بتجاهد مع السنن شوية بشوية وربنا يثبتك.
بتحاول تخرج من يومك نضيف؛ لا غيبة ولا نميمة ولا مجاهرة بمعصية ولا ذنب خلوة.
تصدقت آخر الشهر وربنا يكرمك بتتصدق كل ما يتوفر معاك قرشين.
بتحاول تكون في حالك ميشغلكش حد تاني ويلهيك عن عزائم أمورك.
أذكار صباحك ومسائك اعتدت عليها الحمد لله كل يوم.
وردك من القرآن بتلاقي له وقت لأنك إنسان مدبر وعاقل وعارف يعني إيه قيمة الوقت.
لسانك حلو مع الناس.
بتحاول تصلح في دايرتك على قد ما تقدر، وفي نفس الوقت مش بتدخل في خصوصيات غيرك ولا بتفتي في شيء بدون علم.
وجهك بشوش رغم كل حاجة.
كل اللي فات ده إنت بتخلصه لوجه الله وتجدد النية باستمرار، وأي عمل خير إنت بتخلقه لوجه الله.
الحمد لله أنت مؤمن صالح وربنا يجازيك الخير والجنة ويصبرك على الحاجات دي.

لو حضرتك روحت جيم تتمرن وبصيت حواليك هتلاقي ناس fit وجسمها رياضي واللي بيرفع اوزان تقيله واللي بيجري بسرعه علي الأجهزة واللي بيتمرن مرتين في اليوم.. هتحس انك فاشل وبائس وعمرك ما هتبقي زي الناس دي وفلغالب مش هتكمل في الجيم ولو كملت هتبقي مش راضي عن نفسك وعمال ترمي ده علي اللي حواليك, علي اهلك اللي مبيوفرولكش أكل كله بروتين تلات مرات فليوم, علي زوجتك اللي مستنيها تنظملك يومك ولو طلبت منك اي حاجه هتقول انها اللي معطلاك عن الجيم بكتر طلباتها, علي شغلك وجامعتك اللي هتشوفهم فاحتينك ومش سايبنلك وقت كافي تروح الجيم وتبقي زي الناس دي. وقف وقف..

لمجرد انك مديت عنيك علي غيرك, ده صورلك انه حياتهم ورديه ومعندهمش المشاكل اللي كتبتهالك فوق فحياتك ومعتقد انهم عملو الجسم ده او الستامينا دي في شهرين تلاته وهنا كارثة مد العين.

الكلام اللي فوق ده تمهيد عشان اكتر حاجه بشوفها في اللي بيبدأو في مجالنا مؤخرا هي انهم بيقعدو خمس ست شهور ويوقفو ده اذا كملوهم, طول الوقت خايف انه ال ai هياخد مكانه وعمال يتابع نجاحات فلان وعلان خد كورس كذا واشتغل فكذا, نفس قصة مد العين!
وده طبعا بيضطرهم انهم لو متركوش المجال كله فساعتها بيبدأو ينشرو حاجات fake ولا حاجات تعبانه ملهاش اي قيمة ويعمل منها حوار كبير عشان يقول لنفسه وللناس بصو انا كمان بتعمل زي اللي هناك دول ما بيعملو..

مين يا حبيبنا قالك انك في سباق مع حد؟ ليه مصر تحط نفسك في نص السباق أصلا!

قولا واحدا, عايز تكمل في أي مجال, اقطع ودانك وغمي عنيك أول ست شهور. خدها قاعده كده فأي مجال, الجيم بقي برمجه سايبر سكيورتي لغات وترجمة حتي لو هتفتح محل كفته

أول ست شهور هما الفارق فحياتك في أي مجال, وهما اللي هتسمع فيهم كل الاحباطات وهما اللي مش هتسمع فيهم كلمة تشجيع واحده. فتعمل ايه؟ الله ينور عليك, تنقطع عن السوشيال ميديا وعن أي مصدر بيفضل طول الوقت يقولك فلان عمل وفلان سوا وفلان وصل لكذا زي LinkedIn كده, ايوه انقطع عنه ومترجعلوش غير بعد ست شهور.

طب اثناء الست شهور دول هعمل ايه؟
هتذاكر وتجتهد من أي مصدر متاح قدامك مش فارق حرفيا هو ايه, افتح اليوتيوب واكتب كورس تعلم كذا, اسال شات جي بي اتي ابدأ منين في كذا. افتح شات جي بي تي وقوله انا عايز اشتغل في مجال كذا ومعايا ست شهور مش هعمل حاجه غير اني اذاكره ودي المتطلبات الوظيفية في المجال ده نسختها من اعلان وظيفي علي LinkedIn قولي اعمل ايه واعملي خطه للست شهور دول وهتابع معاك كل شهر انا وصلت لايه. بس كده؟ اه بس كده!

اعمل كده ومتمدش عنيك, كله عدي بنفس اختباراتك بل وأصعب بمراحل انت بس شوفت لحظات تكريمهم فبدأت تقارن موسم زراعتك بموسم حصادهم.

يلا يا صاحبي, اقطع ودانك وغمي عنيك وابدأ, معاك ست شهور

اي حد يقدر يطبق دا وهينجح ف حياته

بوست من صفحة بشمهندس Mesh Ebrahim Hegazy

السعي الحقيقي فعلاً انك تبقا بتجاهد نفسك انك تغير منها للاحسن وراكن مشاعرك ع جنب

أكتر فكرة يتبناها الإنسان ويحسن فيها لنفسه يقينه بإن مهما ساءت الأحوال لطائف الله تخبئ له الأفضل

لو انت عاوز ترجع ل زمان علشان تمسح كل الغلطات الي غلطتها في حياتك فا انت كده مسحت نفسك
ولذلك قال رسول الله ﷺ:
"والذي نفسي بيده، لو لم تذنبوا لذهب الله بكم، ولجاء بقومٍ يُذنبون، فيستغفرون الله، فيغفر لهم."
الغلطه هيا الي عملتك، ولو كانت الحياه بتمشي بدون غلطات خالص لما كان من صفات الله الغفور والتواب ❤️

هارباً إليك استغيث بك أن أنجو من نفسي
وأفكاري ومن سوء ما يجري فبرحمتك أزِل عني