لو حضرتك روحت جيم تتمرن وبصيت حواليك هتلاقي ناس fit وجسمها رياضي واللي بيرفع اوزان تقيله واللي بيجري بسرعه علي الأجهزة واللي بيتمرن مرتين في اليوم.. هتحس انك فاشل وبائس وعمرك ما هتبقي زي الناس دي وفلغالب مش هتكمل في الجيم ولو كملت هتبقي مش راضي عن نفسك وعمال ترمي ده علي اللي حواليك, علي اهلك اللي مبيوفرولكش أكل كله بروتين تلات مرات فليوم, علي زوجتك اللي مستنيها تنظملك يومك ولو طلبت منك اي حاجه هتقول انها اللي معطلاك عن الجيم بكتر طلباتها, علي شغلك وجامعتك اللي هتشوفهم فاحتينك ومش سايبنلك وقت كافي تروح الجيم وتبقي زي الناس دي. وقف وقف..

لمجرد انك مديت عنيك علي غيرك, ده صورلك انه حياتهم ورديه ومعندهمش المشاكل اللي كتبتهالك فوق فحياتك ومعتقد انهم عملو الجسم ده او الستامينا دي في شهرين تلاته وهنا كارثة مد العين.

الكلام اللي فوق ده تمهيد عشان اكتر حاجه بشوفها في اللي بيبدأو في مجالنا مؤخرا هي انهم بيقعدو خمس ست شهور ويوقفو ده اذا كملوهم, طول الوقت خايف انه ال ai هياخد مكانه وعمال يتابع نجاحات فلان وعلان خد كورس كذا واشتغل فكذا, نفس قصة مد العين!
وده طبعا بيضطرهم انهم لو متركوش المجال كله فساعتها بيبدأو ينشرو حاجات fake ولا حاجات تعبانه ملهاش اي قيمة ويعمل منها حوار كبير عشان يقول لنفسه وللناس بصو انا كمان بتعمل زي اللي هناك دول ما بيعملو..

مين يا حبيبنا قالك انك في سباق مع حد؟ ليه مصر تحط نفسك في نص السباق أصلا!

قولا واحدا, عايز تكمل في أي مجال, اقطع ودانك وغمي عنيك أول ست شهور. خدها قاعده كده فأي مجال, الجيم بقي برمجه سايبر سكيورتي لغات وترجمة حتي لو هتفتح محل كفته

أول ست شهور هما الفارق فحياتك في أي مجال, وهما اللي هتسمع فيهم كل الاحباطات وهما اللي مش هتسمع فيهم كلمة تشجيع واحده. فتعمل ايه؟ الله ينور عليك, تنقطع عن السوشيال ميديا وعن أي مصدر بيفضل طول الوقت يقولك فلان عمل وفلان سوا وفلان وصل لكذا زي LinkedIn كده, ايوه انقطع عنه ومترجعلوش غير بعد ست شهور.

طب اثناء الست شهور دول هعمل ايه؟
هتذاكر وتجتهد من أي مصدر متاح قدامك مش فارق حرفيا هو ايه, افتح اليوتيوب واكتب كورس تعلم كذا, اسال شات جي بي اتي ابدأ منين في كذا. افتح شات جي بي تي وقوله انا عايز اشتغل في مجال كذا ومعايا ست شهور مش هعمل حاجه غير اني اذاكره ودي المتطلبات الوظيفية في المجال ده نسختها من اعلان وظيفي علي LinkedIn قولي اعمل ايه واعملي خطه للست شهور دول وهتابع معاك كل شهر انا وصلت لايه. بس كده؟ اه بس كده!

اعمل كده ومتمدش عنيك, كله عدي بنفس اختباراتك بل وأصعب بمراحل انت بس شوفت لحظات تكريمهم فبدأت تقارن موسم زراعتك بموسم حصادهم.

يلا يا صاحبي, اقطع ودانك وغمي عنيك وابدأ, معاك ست شهور

اي حد يقدر يطبق دا وهينجح ف حياته

بوست من صفحة بشمهندس Mesh Ebrahim Hegazy

السعي الحقيقي فعلاً انك تبقا بتجاهد نفسك انك تغير منها للاحسن وراكن مشاعرك ع جنب

أكتر فكرة يتبناها الإنسان ويحسن فيها لنفسه يقينه بإن مهما ساءت الأحوال لطائف الله تخبئ له الأفضل

لو انت عاوز ترجع ل زمان علشان تمسح كل الغلطات الي غلطتها في حياتك فا انت كده مسحت نفسك
ولذلك قال رسول الله ﷺ:
"والذي نفسي بيده، لو لم تذنبوا لذهب الله بكم، ولجاء بقومٍ يُذنبون، فيستغفرون الله، فيغفر لهم."
الغلطه هيا الي عملتك، ولو كانت الحياه بتمشي بدون غلطات خالص لما كان من صفات الله الغفور والتواب ❤️

هارباً إليك استغيث بك أن أنجو من نفسي
وأفكاري ومن سوء ما يجري فبرحمتك أزِل عني

الصعوبات بتنحتك نحت عسل والله، حاول متموتش بس وهتنبسط بالنسخه اللي جايه

احنا بنغرق والله يجدعان

مرة كدا ومرة كدا واهي ماشية

تنافح عني أسقام فكري! يا لك من مُجاهد

يقفُ طويلًا أمامَ نفسِه ، يتأمَّلُ قلبَه، ويُحدِّقُ في الذنوبِ التي أثقلت روحَه ...
ثم لا يجدُ سوى الدموع .
يبكي ؛ لأنَّه يتذكَّرُ الإنسانَ الذي كانه يومًا ؛ قلبًا نقيًّا، وروحًا هادئة، ونفسًا لم تكن تعرفُ هذا الثقل .
لكنَّ الحياةَ مرَّت به قاسيةً ؛ سقتْهُ من المرارةِ حتى أرهقتْه ، وألبستْ قلبَه من الأوجاعِ ما غيَّر ملامحَ روحِه قبل ملامحِ وجهِه .
فينظرُ إلى ما آل إليه ، فلا يؤلمُه ما خسرهُ من الدنيا ، بقدرِ ما يؤلمُه ما خسرهُ من نفسِه، ويتحسَّرُ على ذلك النقاءِ الذي كان يملأ صدرَه، وكأنَّه فقدَ شيئًا من روحِه في زحامِ الطريق .
ومع ذلك ... يبقى في أعماقِه رجاءٌ لا يموت ؛ أن يغفرَ اللهُ له، وأن يُعيدَ إلى قلبِه ذلك النورَ الذي أطفأتْهُ قسوةُ الأيام 

يريدُ الإنسانُ أن يقول إنّه مُتعب، لكنّه يبتلعُ تعبَهُ بصمتٍ طويل .
يُرهقهُ كلُّ شيء، حتى الأشياءُ الصغيرة، وتثقلُ روحَهُ تفاصيلٌ لا يراها أحد .
يضحكُ أحيانًا ليُقنعَ نفسهُ قبل غيره، أنّ الأمورَ ما زالت تحتَ السيطرة .
لكن حينَ يُصبحُ وحده، ينهار… دونَ صوت .
يتمنّى لو يختفي قليلًا، لا هربًا من الناس… بل هربًا من هذا الثِّقلِ الذي يُسكِنه .

طَريقُكَ هُنا مُؤقت…
فَلا تُثقل خُطاكَ بِما لن يَبقىٰ 

كُنتُ أتمنى لكن الأن يَبدو لي أنها طَابت النفس