تجي هواي كيسات احتقان وجيوب انفيه هلفترة
واغلبهم يدورون ادفل ومكطوع

ديطلعون من مكان بارد وسبلت لمكان حارر

جيوب تجف ومن تجف تبدي الم وصداع وتحتقن


مشي نابروكسين و ايركومب وقطرات مرطبة تكله خليها بجيبك ابيسال سعرها كويس

واذا متهمه الكوست خلي عنده بخاخات الsea water 💦🐳🚿💧🌊 الملح يقلل الاحتقال وتفتح الخشم والاهم ترطب المكان حت لا تجف لان من تجف تلتهب ومن تلتهب تتأزم وتتحول سكندري انفكشن
Sinus A هم كلش حلوو وفعال
وعدك خيارات اوترفين بيبي سلاين -بيها بس مي وملح-
واكو قطرات وبخاخات ترطيب بيها هيالورونك اسد كلش كووول بعد احسن اذا يتحمل كوست

وهكذا نوع بكيفك اي NSAIDS+antihistamine +قطرات مي وملح او سي ووتر

#تنفسي

الي يمد ايده ع الازثرو اكسرها

زين واذا حامل 🤰🏻
لتتوتر هو مسكن حوللهياه براسيتول
ومضادات هستامين لوراتدين او الرمين

وبخاخات هاي هي امنه هي مي وملح و ترطيب

Loratadine and other anti histamine 🤰🏻

الاطباء الي يمنا من مصر و عمّان يمشون cetirizine هم

طفل عمره ١٥ سنة اجه عنده تحسس وطفح بجسمه -مو قوي ولا كل جسمه فقط رقبة و اعلى الظهر-

بالهستري تسأل شي مهم و امرجنسي

عندك ضيق تنفس لولا؟ اذا لا وطبيعي واجه هو بنفسه ديمشي ومعنده اعراض اخرى فقط الاعراض السطحية حكة و طفح و احمرار
هنا نكدر نتعامل وياه بحذر

تسأل شماكل؟ شي غريب ماكله اول مرة ؟ شوكت بدأت وشوكت اكلت؟

من البارحة ماكل كريب ،بيه فراوله او موز او فاكهة ماكلها اول مرة؟

لا بس ع الاغلب تعرف عنده تحسس من مادة معينه هو ميعرفها شنو ف تحذره من انه مياكل هذا شي مرة ثانية

و تشوف اذا ماخذ ادوية دواء اول مرة جبس اوا مرة شي جديد مجربة ، مادة ، عطر ؟ خت تعرف سبب حت تكله بعد مياخذه


بما انه البيشنت جانت stable و من البارحة جان ومعنده بس اعراض جلدية

H C vial 100 mg IM
Allermin 1/2 amp . 5 or 4 mg

حت تفطى الحساسة وتهدأ

كلامينا لوشن مسح مرتين
انتيهستامين شراب كيتوفين مثلا


او عصارة هايدرو ٢.٥٪؜ مسح
او اي انتيهستامين

تكدر تنطي شراب فينادون هم بيه دكسن والرمين او اي شرابات سامراء بيها كومبنيشن حلو دكسن و انتيهستامين

انت بكيفك شي توبكال للحكة اكو منتجات كوزمتك مثل لوشن سيرافي وغيرها للحكة اذا جسمه كله تعبانه. يفيده اللوشن لان كميته جبيرة


#جلدية

اذا جان ضيق تنفس وتعبان مجرد شي بسيط بالتنفس انت تحيلة فوراً احنا نخاف من anaphylactic و الangioedema


اذا وضعة تعبان و منتشر بكل جسمه هم تحيله فوراً

انت قيم حسب ال severity و ال stability مالت البيشنت وعمره ايضاً لان اذا طفل صغير جوه ٦ مثلا انت ما تكعد تنطي الرمين ابر ممنوع ⚠️

حساسية الاكل او دواء او منتجات جديدة ممكن تكون مجرد
urticaria بس
حكة وشي بسيط واكو لا hypersensitivity شي متتعامل وياه بالصيدلية

⚠️⚠️وحط بالك نقطة اذا مصخن ما تضربه اي ابره
ف هم تشوفه اذا مصخن اولا

ف اني من بداية كتلك جيك ال severity و stability ماته اذا مصخن هذا مو ستيبل حت تنطي ابر ممنوع 🚫

ولا تكعد تتفلسف وتنطي براسيتول فيال وتنزل حرارة وراها تنطي الرمين و هيج لا معليك حيله وخلاص

والله اني اخاف اكللكم انطوا ابره ما ردت انزل الكيس ما اثق ببعض ناس احس راح تاخذوها سبّاحه بدون قيود وشروط 😅😅😅😅😅


حبايب ركز الف مرة قبل لاتنطي اي ابره
و اقره جرعه لازم تكون مطابقه لجرعة الحبوب او تتأكد من مصدر موثوق انو جرعة مناسبة للعمر يلا تنطي
لذلك اني اكدتلك ع الالرمين كتلك نص امبوله لان امبوله بيها mg ١٠ تنطي نص لان حسب عمره ف mg ٥

تمام؟

اجاني طالب سادس قبل فتره كلش قلق و مضطرب و تعبانه نفسيته حيل و قولونه طبيعي متهيج

لكن هو اجه يريد شي يهدي قلق الي عنده لان الموضوع عنده نفسي اكثر من كونه فسيولوجي


تكدر تنطي شغلات بلاسيبو لانه نفسياً مضطرب ويكلك اريد شي يوخر قلق حت اكدر اقره


اني عرفت مشكلته يريدك تكله هذا يهدي نفسيه وهو طالب سادس ويفهم عادي يروح يبحث عن دوه الي تنطيهياه و يكشفك !

ف تكون ذكي تنطي كولونا وتكله هاي لقولونك وبيهت مادة sulpiride تهدي النفسيه حت تكدر تقره عنها بالنت ! هو عفكرة حيروح يقره عنها وحيطلع الكلام صح وحيرتاح نفسياً اكثر من كونه جسدياً بسب القالون

+ تكدر تنطي مغنسيوم و هو طالب سجاج بعد حيكلك هذا مكمل غذائي شسوي بيه؟ ف انت سولف وياه كله هذا يقلل افراز هرمون الاجهاد وهيج اقرا عن علاقة المغنسيوم بهرمون الاجهاد الكورتزول كلش يفيدك ويحسن نومتك


انت سولف وياه شويه خطية حياخذ منك يشوفك دكتور صيدلاني وناجح و فاهم حيسمع منك ويشوفك قدوة اله ف كله لتقارن نفسك بأحد وعادي حتلو عدت سنة اغلبها مجموعة طبية عدنا سنة وسنتين وووالخ


هنا انت فدته ترا مضريته ومنطيته شي قوي ومو نضامي


طبيب ممكن يكتبله ليبراكس مرتين باليوم للقلق

فاليوم ودنكزيت وهسوالف ما تفيده
لان طالب ديقره وهاي تسوي عنده day sedation ويبقى مخنطل

عموماً لهيج حالات اعتمد ادوية النفسية الي ضمن ادوية القالون حركة ذكية بس تحقق هذف حقيقي لانه هيج هيج قولونه متهيج اصلا!

ومغنسيوم يفيده هم اني مجربته شخصياً بالذات اذا ديكثر منبهات ويسهر يشتغل عنده لانه يصير نقص بيه عند الي يشربون منبهات


#نفسية

بيشنت عدها قشرة قوية كلش طبقات وصفرة و تسوي ريحة بفروة رأسها

نعرف انه القشرة فطرية 🍄

وشامبوهات القشرة ومحاليل موضعية مفادت وحدها

دخللها مع الكيتوناز او مع الكلوترمازول توبكال دخللها
Oral fluconazole 150 cap
مرة كل ٣ ايام لمدة اسبوعين الى تلث اسابيع


🚨 بس تأكد متاخذ ادوية امراض مزمنة لانه الفلوكنازول يداخل وي هواي ادوية لعبان نفس صراحة 🚨

اذا تاخذ ادوية مزمنة ومحافظ تداخلاته لا تنطي اذا مادبرها اتركه دزها للطبيب


#جلدية

Fluconazole is an inhibitor of CYP3A4, CYP2C9 and 2C19 enzymes

بما انه inhibitor ف تداخل ماته تأثيره يكون بسبب انه يزود تركيز الادوية الي ينوخذ وياها

وحسب الادوية الي دياخذها اكو ادوية ما تتحمل يزداد او يقل تركيزها لان سايد افكت مالتها عالي لازم اذا تريد تنطي ف طبيب اعرف ويراقب ويعدل جرع احنا نريد نضل بالسيف سايد ف مثلا

ضغط…ياخذ ادوية ضغط لا تنطي مثل املودبين ومدررات والكالسيوم جنل بلوكر

ربو ..مثل ياخذ ثايوفلين وفنتولين لا تنطي و بخاخات الستيرويد او شكو ستيرويد بالعالم لاتنطي لانو يسوي
hypokalaemia (potentially increasing the risk of torsade de pointes)
يخربط دكات الكلب ارثيميا

غده.. ياخذ ثايروكسين لا تنطي وياه

سكر ..وادوية سكر خصوصاً اماريلات وجماعتها لا تنطي يزود تركيزها بالدم وهبوط سكر

نفسية ..لا تنطي حيل مهمه هاي

تخثر ودهون …هم لاتنطي
وارفرين و زارلتو وهسوالف ديربالك
بلافكس هم ميصير
ادوية دهون ستاتين وهاي سوالف

مفاصل وامور جلدية وياخذون ادوية تنزل مناعة لاتنطي

ادوية تقيؤ دومبي وزوفران لاتنطي علمود سالفة QT

انتيبايتك ارثرومايسين ودوكسي وموكسي لا تنطي يسوي سوالف الQT ف اي دواء يأثر ع QT متنطي وياه

ادوية بروستات وضعف جنسي لاتنطي لان يزود تركيزها ويصير هبوط



بين قوسين يداخل وي العراق كله و الادوية المزمنة لازم تبقى ستيبل وانت خصوصاً حتنطي مثلا لمدة سبوعين ف ممسموح تخربطله شي موضوع ميتحمل بالذااااات ادوية سكر وتخثر ونفسيه و الادوية الي الها narrow therapeutic index مثل مثل وارفرين ثايوفلين وتكرتول خو اخر ثنين حت شركة ممنوع تتغير نوب تنطي وياها ادوية



بس اكو ادوية مثل براسيتول لوراتدين و مسكنات وحت الانتيبايتك شي بسيط لانه ميستمر عليه مزمن شي مو مزمن وادوية مو مؤذيه حتلو زاد تركيزها او سوت اعراض ف مو شي قوي



ف لازم ديربالك

ها هسا عرفت ليش اكو OTC و POM

فهو ال POM علمود مصلحتك انت والمريض 🤣🫵🏻