تكدر تصرف صابونه سيباميد sensitive skin تغسل بيها و تنصحها هم تجنب الصابون والعطور لانو كلها تهيج المنطقة وتزيد حكة وحرارة والالم

و تكدر ايضاً تصرف شامبو كيتوناز تبقى عليه ك حماية مرة كل اسبوعين بما انها DM حت ليتكرر عدها لان هي ديطلعلها كل فترة

طفلة عمرها ٣ سنوات امها رادت كواديرم -كوادريدرم- لطفح الحفاظ جبتها الها اوك


بس لاني ادقق 🙂

اكدت عليها تستخدمها ٥ ايام فقط ، طلعت الكارثة كالت اني اضل استخدمها !

كتلها شون ترا ترقق الجلد و يصير بعد اسوء يكون معرض للالتهاب اسرع واكثر وما يطيب

ف كالت اي هو فعلا مدايطيب وتخلص وحدة واجيب وحدة وما يطيب 🤕

رجعت كتلها ديربالج لان يشقق الافخاذ ويسوي خطوط لان جلد يصير رقيق كلش و ويحبس سوائل تحت جلد و جان هم الصدمة تكلك اي والله افخاذها من جانب تشققت!

تكطع شكو ستيرويد
وتعلمها ع عصارات الممنونه لا بتنوسام لا درمودين لا عصارة الصفرة وتتأكدين اي شي بيه كورتزونات ما تحطينه الها ابداً

وحالياً بس مرطب ملطف ومرمم تستخدمين مثل عدكم مرطبات سيباميد او موستيلا بيها مواد قابضه ومرممه تضل عليها

و تهوي المنطقة وما تخليها تعرك او تترطب لحد ما تطيب


وتنبها ع فكرة انه اي شي تحطه ما تخلي منطقة تترطب! لان رطوبة تزيد امتصاص المواد و الكورتزونات تأثيرها بالرطوبة يزداد حيييل للضعف!!

تكدر تنطي صابونه ملطفه للبشره الحساسه مال سيباميد او غسولات بشرة حساسه للمنطقة وممنوع اي صابون عادي او عطور او بوطره او شي بيه عطور

#جلدية

يعني ماعرف انت ليشششششش ما توجه المريض ع مدة الاستخدام لمن تصرف

ماعرف انت قليل نباهه، عجوزي، ما تقره ، ماتعرف؟؟؟


ماعرف هاي ثاني حالة مرة نستاكورت وهاي البارحة اني ماعرف شنو اكول يعني صيدليات وصرف الغلط ونضل ناكل بنفسنا ونصحح. يعني هاي بديهيات جديات شتحس


تقبل احد من اهلك هيج يصير بيه؟؟

عمي سولفوووا احجوا انطوا دايركشن صح لو اكعد بالبيت مو شغلك مو واجبك انطي مساحة لغيرك لا تصير شخص مؤذي


نوب الدخلاء وصرفهم الغبيييي حدث بلا حرج و اكو صيادلة هم مساء الخير عليهم !!!!

نبه ع المدة
وعدد المرات
ونبه ع عمر انه اذا اكو طفل ثاني واحتاجت تنطي ف تقلله جرعة هيج

واذا فكرت تنطي لاخو او لطفل اخر-اكو تجتهد وتكعد تنصح بيه لاطفال اخوانها وجيران والكوكب كله-ف نبه ع ليا حاله و جرع تقلل او تزود


نبه رحمة للكائنات الحية


لاتضل مطفي وبس تريد تبيع خت ترجع تستخدم الفون لا تصير بگال !

خلطات عجوبة والبتنوسان وعصارة صفره 🤡

دشوف الستيرويد شون مرققه الجلد؟
وشون مبقبق سوائل وخفيف وهاي بس تترك العلاج تخيل اذا فش وطلعت سوائل شراح يصير؟🤡

#جلدية

الي تكدر تسوي بالصيدلية تخليها تترك الستيرويد تدريجي مو مرة وحدة

و تستخدم مرطبات مرممة و كريمات نفسها لاهل الوردية مرممة وملطفه ومهدئه ومواد قابضه حت تقلص الاوعية دموية هاي وتقلل من منظرها وتقوي حاجز البشرة

كلها امنة حامل ومرضع عدا يورياج

تطبق صباحاً مساءاً

وتلتزم بالواقي ضروووووري

جفاف وحرارة اكو ناس تطلع عدهم هواي بالصيف-من ضمنهم اني ف ابقى لابسه جواريب خفيفة حت تبقى رجلي رطبة وما تشقق واحذيه خفيفة ومريحة
هنا شق عميق واحمر ويوجع احس مو مال انطي ستيرود لان شق عميق وتعرف ستيرويد تأخر التآم الجروح

تسوي تقشير+ترطيب
خلطة فرغ عصارة وايتفيلد الي بيه سلسلك اسد وعصارة زنك و بكده فازلين تحط منه بعد الحمام لما رجل رطبة وتخلي ساعتين تلاثه وتلبس جواريب سلكونية وتغسله وراها حتلكه جلد رطب وبسرعة تكدر توخره بمحجارة تحجره ع كيفها وتشيل جلد الميت

وبعدها تخلي كريمات عناية هوايه شركات عناية اقدام بيها مواد مرطبة و قابضة و تنعم المنطقة تحط منه وتلبس جوايب هم كم ساعة و تضل ترطب طول نهار او حتلو مرتين عادي تحط كريم بعد بليل وهم تلبس جواريب فد كم ساعة حت جلد يمتص اكبر قدر ممكن من المادة ويضل رطب وشوي شوي تحصل ع نتيجة ممتازه

تكدر تدخل درمودين عصارة وي الخلطة بعد كم يوم ورا ما يلتأم الجرح عادي بس ضيف العصارة وي الخلطة وكمل طبيعي

ركز ع جواريب سلكونية كلش مهم وتنطي نتيجة حلوه وسريعة حت تمشي بيها براحتك طول اليوم

واكو جواريب سلكونية ربع ع كد كعب فقط مو كل رجل هاي اذا حاره عليكم ماكو حجه بعد

#جلدية

هنا مثلا تكدر تدخل ستيرويد برأيك؟

وهنا؟

هنا ندخل لان ماكو جرح عادي

هنا هم عادي يفيد كلش

نجي ع ابو سكر
الخلطة ما ترهم اله لسببين

ابو سكر عنده فطر وتجي تنطي مقشر سلسلك اسد؟
شوي زحمة تقشر ولو هو مو. ذيج الفعالية بس تعرفون قدم السكري ومشاكله و رجله ووضعه جداً حساس و اوردته تعبانه و شفاء عنده كلش تعبان


+ السايرويد شبااااب الستيرويد؟؟ شون ستيرود و جرح و لشخص بيه سكر 🤕 ؟

شوف هو بدون ستيرويد و الفطر او اصغر خدش گوة يطيب .. نوب تحطله ستيرويد؟

بغض نظر عن سالفة ترفع سكر مراح ترفعه هيج توبكال عادي بس علمود التآلم الجرح هو بحد ذاته تعبان تحطله ستيرويد زحمة !!


شنو تنطي لعد؟؟

برأيي و للامان -اذا مراح طبيب لان لازم تحيله طبعا لان شقوق عنده ماتكون عادية-مواد قابضة فقط ومرطبات وبالذات اليوريا ١٠٪؜ ممتازه للسكر ترطيب عميق

تجي هواي كيسات احتقان وجيوب انفيه هلفترة
واغلبهم يدورون ادفل ومكطوع

ديطلعون من مكان بارد وسبلت لمكان حارر

جيوب تجف ومن تجف تبدي الم وصداع وتحتقن


مشي نابروكسين و ايركومب وقطرات مرطبة تكله خليها بجيبك ابيسال سعرها كويس

واذا متهمه الكوست خلي عنده بخاخات الsea water 💦🐳🚿💧🌊 الملح يقلل الاحتقال وتفتح الخشم والاهم ترطب المكان حت لا تجف لان من تجف تلتهب ومن تلتهب تتأزم وتتحول سكندري انفكشن
Sinus A هم كلش حلوو وفعال
وعدك خيارات اوترفين بيبي سلاين -بيها بس مي وملح-
واكو قطرات وبخاخات ترطيب بيها هيالورونك اسد كلش كووول بعد احسن اذا يتحمل كوست

وهكذا نوع بكيفك اي NSAIDS+antihistamine +قطرات مي وملح او سي ووتر

#تنفسي