50+ Responses received so far. Mujhe khud bohot cheezon ko leke clarity mil rahi hai. Hypothesis ko data validate kr raha hai.

A Request: Please Share this with as many of your batchmates as possible, jo prepare kar rahe ho. The more data we have, the more clarity we have with respect to common problems.

Kuchh log jo skeptical ho rahe hain ki kahin paid course toh nahi le aayenge sir, baaki logon ke tarah. (Shuru mein toh sab achha achha karte hain, baad mein batch launch)

Duniya aisi hi ho chuki hai, but for once, bas trust kijiye.

Nahi todunga aapka trust. Wo paise kis kaam ke jismein aap logon ke painpoints ko address hi nahi kar paaun. Na mile chalega, but I want to build something taaki kal ko aap giro bhi toh aapke paas ek roadmap ho. Kal ke date mein time/money/support ke absence mein bhi aapke paas ek practical rasta ho, jisse is exam ko clear kiya jaa sake. Kabhi koi bhi cheez rukawat na bane.

Jitna ho paayega main karunga. I'll go through each response personally, and apna 100% se zyada dene wala hoon is mission ko. And ye midway nahi rukega. Itna strong planning ke saath start hoga.

Jinko nahi pata, I'll be joining an offline institute (local, Chemistry ke liye) to fund this mission, because backend pe cheezein hongi, aapko best resources provide kiya jaayega. Main full time classes toh nahi le paaunga, because I'll be engaged for 8 hrs. but uske alawa, I'll be connected with you here, And jo job kar rahe hain, unko gyaan nahi dunga, I'll show ki 8-9 ghante ke regular job ke saath kaise kar sakte hain taiyyari.

Thank you so much for trusting this mission, for sharing everything in detail, with patience. Every minute you spent on filling this form will be worth it. Ye aap khud feel karoge exam dene se pehle.

Jinhone fill nahi kiya hai, I am eagerly waiting to go through your responses.

Best Regards,
SSB

There's no deadline. Koi rush nahi hai. Exam se pehle kabhi bhi bhar sakte ho. I'll check this on a regular basis. Iska summary (once we have a good number of form submissions) youtube pe bhi aapke saath share kiya jaayega, taaki pata chale you're not alone. Aapka hi fill kiya hua form aapko hi clarity dega.

Timeline (Tentative) [Considering June 15 as Hypothetical exam date]

Launch: 15 Feb
Initiation (Warmup) : Through BRTs and OBTs. 16-28 Feb. (BRT = Blank Reading Test, OBT= Open Book Test)
Elongation (The Actual Task based Prep phase) : 90 Days (Upto May End) [Practice on New Questions + PYQs + On the way theory]
Termination (Revision and Tests) : 15 days (can change based on the exam date)

This is a tentative schedule. Updated final schedule will be shared on 15th Feb. Many more details will be shared. At least isse aapko idea lag jaayega, aur tension nahi hogi.

Is beech CSIR ke results,
GATE ke response sheets aayenge. BARC ka exam aayega, aur bhi chhote mote exams, updates and what not.

Make yourself strong enough to not react. Exam kharab gaya tha, accept it. Emotions ko dabbe mein band karke rakh dijiye, practical hona padega. You can’t waste a single day on crying. Try to train yourself for the worst.

Itna Dheeth ban jaao ki fark hi na pade.

I honestly didn't expect more than 50+ responses considering the length of the form.
Thank you for proving me wrong.

167 students have filled the form! (Less than 24h)

Test ko leke, students kaise select honge, Kya 20 students ko hi padhaya jaayega, and many more doubts will be cleared tomorrow.

I’ll come live through the Telegram group.

Aapko directly Kuchh bhi puchhna ho aap puchh sakte ho.

I’ll clear all your doubts.

YouTube channel will be launched on 15th.

Aur ye last sun lijiyega. Iske baad bhi doubt bache toh kal Live aa raha hoon telegram pe. Uske baad bhi bache toh YouTube pe video. Uske baad bhi bache toh phir se audio message daal dunga.

Ab thik ? 😅

Keep preparing as if you’re having the exam in next 2-3 days.
Exam hall mein wo feeling aayi thi na? Ki agar ek do din aur mil jaata time, toh achha score ban jaata.

Yahi hai wo ek do din. Challenge kijiye khud ko.

Aasaan rasta nahi hai, tough lagega, man nahi karega, Dar lagega, par Har cheez ke hote hue bhi Jo karte rahenge tasks consistency ke saath, unko results dikhenge.

Jitne bhi repeaters hain, aapko uncomfortable hona seekhna padega,

Lectures karna achha lagta hai par wahi aapko ek aisa high deta hai ki phir Bina lecture ke samajh nahi aati cheezein. Boring lagta hai practice, aalas aata hai 3 ghante stretch mein practice karne mein.

Short notes aapko information jaldi aur aasaani se de deta hai, aap usko physically store kar lete ho, par brain Wahan usko yaad karne ke liye desperate nahi hota kyunki wo jaanta hai ki ye rahega, baad mein kar lenge, yaad hota bhi hai toh wo long term memory nahi Banta. Short cheezein padhne se Jo aadat hoti hai, uske wajah se bade questions aur paragraphs read karne mein dimaag lagta hi nahi hai, ya toh aise bade questions chhut hi jaate hain, ya toh galtiyan hoti hain. English mein chhote twists hote hain, kayi baar complicated language hota hai, wo samajh nahi aata. Notes easy language mein aate hain.

Chapterwise, Topicwise PYQs mein sab sorted mil jaata hai, but full paper, Jo ki mixed aur random hota hai, usmein decision making, questions ka choice, speed sab bigad jaata hai.

Convenience is a slow poison.

Aap bologe: Sir, par us coaching mein toh baaki students ka hua, Isi strategy se. but, are you sure wo sach tha ? And, agar sach tha bhi toh SURVIVORSHIP BIAS ka naam sune ho ? If not, Google kar lijiye.

THINK! Convenience is a slow poison.

Invest time today, to save time tomorrow.

Remember: The More you sweat in Practice, the Less you Bleed in War.

Dar lag raha hai toh usko channelize kijiye.

Fight! Us cheez se bhid jaao, Bina soche ki Kya hoga. Nahi toh wo Dar kabhi nahi jaayega. Comfortable hoke wo Dar aap aane wale 5 saal mein bhi nahi bhaga paaoge.

Sochiye kam, kariye zyada. Brain ko agar dar ke badle ek achha motivation mil Gaya, wo ruk jaayega, sense of security aa jaayega, wo nahi karega, kyunki aapko ek fake sense of achievement mil jaata hai.

Words have power, aap jitna zyada darr, tension, samajh nahi aa raha kehte ho, type karte ho, wo aapka reality banne lagta hai. Wo comfortable hoke maan hi leta hai ki aisa hai, tabhi toh changes ko itna resist karta hai. Wo aapse bulwata hai ki ye ho nahi paayega, mere se wo nahi ho sakta.

Stop saying that is baar karna hai, agar nahi hua toh, mera toh last attempt hai. Bhale ho, aapko lagta hai in sab cheezon ko bolne se questions zyada solve hote hain ?
Ulta pressure aa jaata hai alag se. galtiyan hoti hain.

Aapko sach mein lagta hai ki CSIR sirf memory aur knowledge aur logic test karta hai ?

Patience ? Resilience? Mental strength during preparation? Decision making? Stress handling? Real time changes pe adaptability?

In sab cheezon ka Kya ? Hota hai coaching ke module mein? Kya in points pe aapke competitor ko selective advantage nahi milta ?

Agar nahi milta na, 5 se bhi kam unit padhke mera JRF nahi hua hota, aur ye gyaan main aapko de nahi raha hota. I was far far less prepared than any one of you at this stage.

Mindset aapko aapse 10x better prepared logon se bhi aage le chala jaata hai. Free mind performs way better than a tensed mind. Ultimately knowledge ka application karna hota hai Wahan, aur wo sirf ek strong aur shaant dimaag kar sakta hai, jisko kisi cheez se fark nahi padta.

THINK !

The Only way out is THROUGH.