الفيديوهات الي فوق يمثلو محتوى الشيت الثاني بالكامل.
وين الكلية تنزل شيت ننزللكم الشرح مباشرة ان شاء الله.

الشيت الاول نظري ومهم اقروه كويس.
الشيت الثاني محتواه في الفيديوهات
اول ماينزلو شيت جديد تلقو شرحه نازل بعون الله.

بالتوفييق ❤️✅

متخافوش منها المادة ره ساهلة وحلوة
ربي يفتح عليكم ❤️
#م_محمد_كميل

دكاترة نبي حد يحضر في الكلية للحاسب يتواصل معاي.
@mohamedMkamil

تمام تواصل معاي احد الطلبة
مشكورين ❤️

حسب مافهمت من احد الطلبة انه حيتم الغاء جزئية البايثون (البرمجة) من المنهج، والمنهج حيكون اغلبه عالذكاء الاصطناعي، يعني نظري الي حد كبير ومزال ابسط واسهل من البرمجة.

عموما الي مشروح لحد الان في الفيديوهات داخل لان نزل شيت عليه، ونستنو الكلية لعند مانشوفو شن يصير في المقرر.
لو في اي شي يحتاج شرح في المادة باذن الله حنشرحوه اول باول وحننظمولكم الامور بعون الله.

في انتظار الكلية لين نشوفو شن يصير.
بالتوفيق جميعا ❤️

السلام عليكم ورحمة الله.
اعتذر منكم عن غيابي وعدم ردي على الرسائل المدة السابقة.
حاليا نمر ببعض الظروف الشخصية الي تمنعني نكمللكم باقي الدروس للاسف.

نتأسف منكم جداً وان شاء الله تكون في فرصة ونكمللكم باقي الشرح لمنهج الفاينل ان شاء الله.
ان شاء الله يكون المحتوي الي نازل مفيد ولو انه يعتبر بسيط.

ربي يفتح عليكم، واعتذر منكم مرة ثانية.

السلام عليكم
دكاترة شن اخباركم ان شاء الله بخير ❤️
كيف كانت امتحاناتكم ان شاء الله مشت علي خير ✨
قولولي امتى امتحانكم الحاسب ؟
وشن المواضيع الي داخلة للامتحان ؟

مية مية وصلني المقرر دكاترة منوريين نفر نفر ❤️🙏
ابشرو جزئية الخوارزميات حننزللكم عليها شرح مفصل بداية الاسبوع الجاي ان شاء الله 🔥

ان شاء الله مكانش في اي تقصير في الشرح ✨
متنسوناش من دعوة الخير ❤️
بالتوفيق ❤️

اجابة علي استفسار مهم :
اسناد القيم للمتغيرات بمعني الجمل التي تبدا ب "اجعل" زي الموضحة في الصورة ع=0.
يمكن كتابتها في مستطيل منفصل زي ما تم الشرح في الفيديو، ويمكن ايضا كتابتها مع جملة ادخال اختر، يعني عادي تقدر تكتبها داخل مستطيل مشطوف زي ما واضح في الصورة.

يعني المطبوع في الشيت صح مش خطأ ✅

طبية بشرونا ❤️
كيف كان امتحانكم اليوم ان شاء الله مشت الامور علي خير 🙏

بسم الله 💛
طلابنا في مرحلة العلوم الطبية 💙

هذه القناة العامة ستكون بعون الله تعالى مخصصة لمقرر علم الحاسب لطلبة العلوم الطبية - الفصل الثاني ✅

حيتم الاعلان عن الكورس الجديد وكيفية الاشتراك قريبا🔥

بالتوفيق ❤️
#م_محمد_كميل