تخيلوا الحسين طبق الطريقة على نفسه
و اخذ صور و رتبها حتى يوضحلكم شلون تتطبق

والله عاشت ايدك

📌تعطيل الدوام الرسمي في المدارس ابتداءً من يوم الثلاثاء و لغاية اسبوع. 🏫

www.cappuccino.academy ☕

📌 رسمياً تعطيل الدوام الرسمي لكافة مؤسسات الدولة يومي الاثنين و الثلاثاء (بتاريخ 18 و 19 من الشهر الجاري). 🏢

www.cappuccino.academy ☕

إذا تاكل بذور النباتات 🌿 ممكن تنمو بداخل جسمك وتصير أكبر🌳!

من الأشياء اللي چنة نسمع بيهة وأحنة صغار أن لتاكل بذور الرگي🍉 أخاف تنمو بداخل جسمك، طيب هل هالشي صحيح؟

بالحقيقة هو شي مو صحيح إذا البذور هاية راحت للجهاز الهضمي لأن راح تمر بالمعدة اللي بيهة HCL حامض الهيدروكلوريك اللي راح يذوب هاي البذور🥑 .

بس!
بسنة 2010 رجال عمرة 75 إجة للمستشفى ديعاني من مشاكل تنفس وهو أصلاً مدخن🚬 وعندة emphysema (مرض مزمن يدمر حوصلات الرئة).

بعد ما الدكاترة سووا أشعة كولش جانوا قلقين لأن شافوا أكو كتلة مبينة بداخل الرئة بال x-ray🩻.

الدكاترة سوولة خزعتين💉وطلع ماكو سرطان بالرئة🫁.

وراهة سوولة عملية طلعوا الكتلة هاي وإكتشفوا أن هاي الكتلة عبارة عن حبة بازلاء🫛 متبرعمة داخل الرئة بطول نصف بوصة (البوصة=٢.٥٤ سم) وبما أن الرئة مكان دافئ ورطب ف جانت خوش مكان حتة تنمو بي هاي الحبة.

المفرح بالموضوع أن صحة الرجال تحسنت بعد هالحادثة❤️.

رابط المقالة : Link

دكاترة قبل✅أحسن من دكاترة هسة❌!

الدوام صارلة تقريباً ٣ أشهر من بدة وهالعبارة سمعتهة هواي مرات سواء بالكلية أو خارج الكلية وسواء من دكاترة أو ناس مو دكاترة بس يا ترى هل هالعبارة صحيحة🤔؟

الموضوع بي عدة جوانب ومنكدر نحكم بشكل قاطع على جيل كامل بأن هو أحسن من غير جيل وهالشي بسبب إختلاف الظروف بين كل جيل وبين كل سنة وسنة من ناحية طريقة التدريس 👩🏻‍🏫👨🏻‍🏫وأعداد الطلاب بالكلية👨🏻‍⚕️ وظروف البلد.

وربما يرجع سبب الكلام بهاي العبارة بسبب كثرة الأخطاء الطبية بهذة الوكت حيث تعتبر الأخطاء الطبية حسب دراسة بدولة معينة
السبب الثالث للوفاة بعد أمراض القلب🫀والسرطان🦀!

وإذا أكو شي متفق عليه من الكل تقريباً أن الأخطاء الطبية❌ بهذة الوكت بدت تصير أكثر من قبل وهمين هالشي يرجع لعدة أسباب وإذا نناقش الموضوع من جانب رياضياتي ف:
قلة عدد الأطباء = قلة عدد الأخطاء.
كثرة عدد الأطباء = كثرة عدد الأخطاء.

وأيضاً وجود مواقع التواصل يخلي هالأخطاء تبين أكثر لأن عدد جبير من هاي الأخطاء جاي تنشر ،وكذلك نفس الأشياء الطرحناها فوگ من مشاكل بالتعليم وطرق التدريس وظروف البلد بصورة عامة .

و طبيعي أي إنسان ممكن يكون معرض للخطأ سواء من ينطي دوة معين💊 أو يسوي عملية معينة🔪.

بس أحنة كون المجال مالتنة حيل حساس ف صعب تكون أكو مبررات للأخطاء ، خصوصاً بالأشياء الLife threatening والأشياء التتطلب ردة فعل سريعة حتة ليموت المريض أو على أقل تقدير تصير مضاعفات حيل جبيرة بسبب هالخطأ البسيط!

لهذا قررنة نسوي فقرة بالأكاديمية بعنوان:
#أخطاء_طبية

راح نحاول نستوفي بيهة الأخطاء الطبية❌ إللي حتكون عبارة عن شي يهدد حياة المريض وممكن تكون أخطاء أشياء طوارئ أو بالعلاج أو بأي شي بالمجال الطبي ،وگد ما هية حتكون أخطاء كد ما هية حتكون تنبيه وتذكير لهالأمور اللي بعض ممكن تكون حيل بسيطة وممكن بعضنا ممنتبه عليهة.

🟣First Medical Mistake

أثناء علاج ال Pleural effusion

طيب شنو هو الPleural effusion?
هو تجمع سوائل بالغشاء المحيط بالرئة 🫁لأسباب متعددة منها فشل القلب🫀، تشمع الكبد، إصابة (Trauma)وغيرها هواية أسباب
يعني بصورة مبسطة(سوائل داير مداير الرئة تسبب تضيق للرئة وصعوبة تنفس للشخص)

علاج هاي الحالة ممكن يتضمن علاج دوائي وممكن يتضمن علاج عن طريق عملية
(Therapeutic aspiration or Thoracocentesis)
واللي تعني نسحب السوائل اللي داير مداير الرئة عن طريق needle💉 (كما موضح بالصورة)

الخطأ اللي المفروض ننتبه إلة أنه أثناء سحب السوائل ميصير نسحب أكثر من لتر ونص بالمرة الوحدة (يعني نكدر نسحب لتر ونص وورة ساعتين يلة نسحب اللتر ونص اللاخ وهكذا)

زين شنو سبب هالشي؟
إذا نسحب خمس التار من السوائل بدفعة وحدة هالشي ممكن يعرض رئة المريض إلى خطر أن يصير توسع جبير للرئة وتدخل سوائل للرئة (re-expansion Pulmonary edema)🌊🫁ويختنك المريض.

#أخطاء_طبية

وبما أن موضوع الأخطاء الطبية هو موضوع واسع ف يفرحنة أن تشاركونة ملاحظات مثل الفوگ أو أخطاء طبية ،أكيد مراح نگدر ننشرهن كلهن أحنة راح نختار المناسبات ونرتب ونعدل عليهن وننشرهن بين فترة وفترة.

أي شخص عندة خطأ طبي يكتبلنة إيا ويا ريت يكون مفهوم وواضح ومو شرط يكون بإسلوب مقالي المهم الخطأ يكون واضح بالنسبة إلنة وإذا إنطانة ويا صورة توضيحية أو فيديو حيكون بعد أفضل.

أي شخص يريد ينطينة فد خطأ طبي خلي يكتبة على البوت💙❤️.
@CappuccinoAskBot

Lec 4: Breast Pathology

Part 1: https://youtu.be/dnIYP47plig?feature=shared

Part 2: https://youtu.be/r_Eafdi-5no?feature=shared

مشاهدة ممتعة☕️ .

بالموفقية للجميع يا رب❤️💙✨.

الدخيل الوهمي☠️

بطبيعتي عندي مشاكل أرق وقلة نوم ف بالفترة اللي فاتت سافرت ✈️ و السفر متعب وفوك ما جنت أنام قليل، السفر يخلي الواحد ينام أقل، وركزولي على هالشي .بأول يوم وصلت للوجهة نمت وورة ساعتين گعدت ظليت بس فاتح عيني 👁️ ما أگدر أتحرك حاولت أحرك راسي أو رگبتي أو أي جزء من أجزاء جسمي كلهن ما تحركن ،الجزء الوحيد الكدرت أحركة هو عيني ف ظليت هيج لمدة خمس دقايق وراهة گدرت أتحرك.

هنا گبل إجة ببالي الجاثوم طيب هنا واحد يسأل زين هو شنو الجاثوم؟

الجاثوم أو ما يعرف ب "شلل النوم"
(Sleep paralysis)

🔹حالة يصاب فيها الشخص بشلل مؤقت يصيب الشخص بعد الإستيقاظ من النوم مباشرةً.

🔹 يشعر فيها الشخص بهلوسة مزعجة مثل الإحساس بوجود دخيل في الغرفة أو إحساس بالإختناق 😮‍💨(أني ذني صارن إلي).

🔹من أهم أعراضه هو فقدان السيطرة على العضلات (Atonia)💪.

🔹السبب الدقيق إلة غير معروف بالكامل لكن إلة ارتباط بعدة عوامل مثل:

-عدم النوم الكافي😴.
-جدول نوم غير منتظم.
-الضغط الذهني والتوتر.
-النوم على الظهر🤨.

🔹نسبة الناس اللي صار إلهم الجاثوم
بحياتهم تقدر ب 8️⃣%.

ف هل مريتوا بي قبل؟ وإذا مريتوا وشلون جانت التجربة؟👀

Lec 5 (Last one) : Musculo-Skeletal Pathology

Part 1: https://youtu.be/ZMKColT037M?feature=shared

Part 2: https://youtu.be/-F-5kpbnNgo?feature=shared

كورس الباثولوجي الخاص بطلاب المرحلة الرابعة إكتمل 💯 .

تدريس: الحسين طارق 👨🏻‍🏫.

السعادة الكاذبة (The false happiness)

منو من عدنة ميحب يكون سعيد أو فرحان أو يشوف نفسة بأحسن صورة كأن يكون هو سمين الجسم ويحب يشوف نفسة ضعيف أو جسمة مرتب💪 أو أقلها يحس بشعور حلو تجاه نفسة!

يا ترى نكدر نحقق هذة الشي بسهولة بدون ما نبذل مجهود؟ وهل إذا كدرنة نحققة بطرق سهلة هل راح تستمر السعادة لفترة طويلة أو للأبد؟🤔

Requiem for a dream
فلم يحجي على الإدمان😵

تناول هاي المسألة بحيث الفلم حچة على عائلة تتكون من أم وإبن👩‍👦 ، الأم كل همهة أن تكون أرشق مما هي عليه علمود لقاء تلفزيوني وهمي
والإبن كل همة يكون ناجح ويحقق فلوس إضافة لشخصيتين لخة وهمة بنية وولد يعتبرون أصدقاء للولد.

الأم إستعملت Amphetamines
والإبن وأصدقائه إستعملوا Heroin
(كلام أكثر عن ذني الأدوية بالتعليقات).

ببداية الفلم كلهم جانوا سعداء وفرحانين😃 الأم جان وزنهة دينزل ، والأصدقاء جانوا ديحققون نجاح وفلوس عن طريق بيع مواد ممنوعة🚫.

بس ما هي الا فترة وكامت تبين التأثيرات الجانبية أولها أن يبدون يحتاجون جرعة أكثر حتة يحسون بنفس التأثير القديم.

وبعدهة الأم گامت تجيهة هلوسة وتخبلت😵‍💫 ،والأصدقاء گاموا ياخذون Heroin بكميات أكثر وعن طريق الوريد💉وصار عند الإبن التهاب بالأوردة وكطعوا إيدة والتجارة مالتهم فشلت وفاتوا السجن.

بالتالي نعرف أن السعادة لازم الشخص يتعب علمود يحصلهة وإذا حصلهة بطرق سهلة ف مراح تدوم.

📌 تعطيل الدوام الرسمي ليوم غد في محافظات:

- البصرة
- بغداد (في ديوانها ودوائرها)
- واسط
- المثنى
- الديوانية 
- بابل
- كركوك
- كربلاء المقدسة
- ذي قار
- ديالى
- نينوى
- النجف الأشرف
- صلاح الدين
- الأنبار
- ميسان

www.cappuccino.academy ☕

نتقدم بالتعازي للصديق و العضو في كابتشينو اكاديمي (مجتبى علي).

و ستكون هناك وقفة حداد في كلية الطب جامعة بغداد ، يوم الأحد ، الساعة 12 ظهراً ، على روح اخته الزميلة (رتاج علي).

📌 Nearly 17,000 people may have died from hydroxychloroquine!

في بدايات انتشار وباء كورونا ، كانت المعلومات المتوفرة لمجابهة الوباء جداً محدودة.

لكن وحدة من الدراسات الأولية اللي كانت promising هي فعالية علاج اسمه (Hydroxychloroquine) و اللي هو علاج معروف لمرضى الملاريا. 🦟

بحسب دراسة حديثة أجريت على البيانات المتوفرة من عام 2020 لاحصائيات 6 دول .. مو فقط الدواء كان ما اله تأثير و لكن ربما ساهم بزيادة Risk of death لعدد كبير من المرضى اللي تم اعطائهم العلاج. ❗

www.cappuccino.academy ☕