شموازيني ادور عالفرح ريش
وانا ادري الدروب جناح خفاش

واصل مرحلة من تنام
كل شوية تڪَعد فاز
وتركض عالرسايل داز لو ماداز
ترجع للمخدة بصيغة المعتاز
وماتڪَدر ترد تنام
واذا تڪَدر ترد تنام
هذا انجاز

بچينا وعيب ڪَـالو تبچي الرجال
وبچينالك لحد ما صرنا نسوان

من تلزم اديه واحنا ماشين
التوابيت الشلتها ترجع اشجار

تذكر من جنت تدهن سراڪَي الباب
خاف الصوت يفضحنا ؟

نضم جفوفنا ڪَبال اليجدون
والتبوك بوطنا نصفڪَلها

مابين الڪَطن والغيم والنجمات
لونج ماخذ الاول .

ترا عادي وطبيعية
احط التربة من اشتاق
واتناساك بالركـعه الـ 300

عراق وكلك اسود حتى الاخبار
الابيض بيك بس وجه المذيعة