اذبحها بسيف اهون حتى ترتاح
ولاتربط الناڪَة ڪَبال ڪَصاب .

بعد لو شفتك اتحذر
انت الـ موثقة وماينڪَعد جواك
مثل الجام المفطر

ومو شرعية رايد ، شوفة من بعيد .

المرحوم سمير يڪَول :

‏بعيني الضوڪَ واعرف ياهو مملوح
واقرا ڪَلوب متغشني التعابير .

اقوى من الخمر تأثيرك عالروح
انعد عالسكارى وماضڪَت ڪَطرة

شموازيني ادور عالفرح ريش
وانا ادري الدروب جناح خفاش

واصل مرحلة من تنام
كل شوية تڪَعد فاز
وتركض عالرسايل داز لو ماداز
ترجع للمخدة بصيغة المعتاز
وماتڪَدر ترد تنام
واذا تڪَدر ترد تنام
هذا انجاز

بچينا وعيب ڪَـالو تبچي الرجال
وبچينالك لحد ما صرنا نسوان

من تلزم اديه واحنا ماشين
التوابيت الشلتها ترجع اشجار

تذكر من جنت تدهن سراڪَي الباب
خاف الصوت يفضحنا ؟

نضم جفوفنا ڪَبال اليجدون
والتبوك بوطنا نصفڪَلها

مابين الڪَطن والغيم والنجمات
لونج ماخذ الاول .