يـ ابو شراع الترف يمهجج الريح
اضمك وين من عين العواصف

انت ياتشييع غربة ، ومدري ليش امشي وراك .

الشايل اخبارك ، اعــزة بڪَد ابوي .

مـآ ينشبع منك نعي بثالث يوم

ضواك الغيري بس صخامك بوجهي

كوخ شماصرت يڪَضن ليالي الصيف
خل يعلى الرعيد وشوف عمدانك.

الطفل يتمنى يكبر حتى يرتاح
الچبير يريد يرجع مثل الصغار

حلم البذرة شجرة تصير فديوم
هم ترجع بذور احلام الاشجار ؟

مادام السنابل خايفه تموت
تضل طول العمر تحجي المناجل

اخذني وياك حطني بصوب راسك متن من تتعب

وماريدك عدل وياي الحرمل لو ركد ينعاب اريدك تبقى تتڪَلب

الك يوم ومثل "مـالك" ترد ندمان
بايعلك نبي بفلوس ماتسوى .

يـابو عيون الشهل يمدوخ الناس
يـمخليني طول الليل مانام

لو انت بزمن صدام موجود
مو بأمريكا بيك يطيح صدام

موقف ناهبة وردت لهلها
ذبح لو مشنقة يخيرون بيه .