ضحكتي يمكن تبين للناس مجرد ضحكة عادية، بس وراها هواي أشياء ما يعرفوها، يمكن مرات أضحك وأنا بداخلي تعبان، ومرات أضحك حتى ما أخلي الحزن ياخذ مكانه مني
تعلمت إن مو كلشي بداخلي لازم ينحچي، ومو كل وجع لازم يبين على وجهي، ولهذا ضحكتي صارت جزء مني، مهما مرت علي ايام ومواقف تبقى عندي قدرة أشوف الجانب الحلو بالحياة
يمكن ما يعرفون شكد مر بيه الإنسان اللي يضحك قدامهم، بس أنا أعرف، وأعرف هم إن بقاء الضحكة رغم كلشي مو ضعف، وإنما دليل إن الإنسان بعده متمسك بالحياة وبالأمل

لا تعيد الغلط، راح يرجع يجرحك بكل فرصة، يخلي بداخلك ألف جرح ويطلع وهو مو مذنب، يجرحك هواي وما يريد حتى يحس بتأنيب الضمير، عبالك انت حيوان مو بشر، لا تعيد الغلط
لأن بعض الناس مهما تعطيهم من فرص، يبقون يشوفون طيبتك ضعف، وسكوتك خوف، وتحملك شي يگدرون يستغلونه كل مرة، وانت كل مرة ترجع تبرر وتگول يمكن يتغير، يمكن هالمرة يفهم، بس بالنهاية يرجع نفس الجرح وبنفس المكان
لا تنتظر من شخص آذاك هواي إنه يصير فجأة الشخص اللي يحميك من الأذى، ولا تخلي قلبك يقنعك ترجع لمكان انت بنفسك تعرف شكد تعبت حتى تطلع منه

دائمن اكول لأصدقائي تره احنه ولا شي، احنه عشنا بزمن صعب، زمن علّمنا نعتمد على نفسنا ونسكت عن هواي أشياء ونكمل حتى واحنه من داخلنا تعبانين

يمكن احنه ما نشوف نفسنا سوينا شي كبير، بس بالحقيقة مجرد وصولنا لهنا بحد ذاته إنجاز، لأن كل واحد بينا مر بأشياء غيرته وخلته أقوى مما كان يتصور

عشنا أيام ما جانت سهلة، وخسرنا ناس وتعلمنا من مواقف، وضحكنا بوقت جان لازم نبچي بيه، وبقينا نحاول مهما ثگلت علينا الحياة

لهذا لا تستهينون بنفسكم، يمكن احنه بنظر نفسنا ولا شي، بس احنه جيل تعلّم يعيش رغم كلشي

كلش حلو من احد يشكرك لانك ساعدته، خصوصا من تكون مساعدتك إله بدون مصلحة ولا تنتظر منه شي بالمقابل، مجرد لأنك گدرت تخفف عنه او تفيده بشغلة هو محتاجها. شعور حلو من تشوف شخص استفاد من شي انت سويته، ويمكن كلمة شكرا منه تكون بسيطة، بس بالنسبة إلك إلها معنى كبير. بالنهاية مو كل مساعدة لازم يكون وراها مقابل، احيانا اجمل شي تسويه هو انك تكون سبب بخير يصير بحياة شخص ثاني

شكد ما جنت أضحك وهادئ وآخذ كلشي ببرود، بس عندي جانب عصبي، وهالعصبية يمكن ما تطلع غير مرة أو مرتين أو ثلاث بالسنة، لأن بطبعي أتحمل وأطنش وأتجاوز هواي أشياء، بس من أوصل لمرحلة ما أگدر أتحمل بعدها، هنا يطلع الجانب اللي نادر أحد يشوفه، ولهذا اللي يعرفني يعرف إن هدوئي مو ضعف، وإنما لأن ما أحب أخلي كلشي يستاهل رد فعل