هالمرة أريد أفتح صفحة جديدة، صفحة ما بيها عتاب، ولا انتظار، ولا ناس تستنزفني، أريد أعيش بهدوء، وأبعد عن كل شخص وجوده بحياتي يخليني أخسر نفسي

ما عندي كره لأحد، وكل شخص أخذ نصيبه مني وانتهى، بس بعد ما راح أسمح لأي شخص سام يرجع يدخل حياتي بنفس الطريقة

يمكن البداية الجديدة تكون صعبة، بس أعتقد إن راحتي تستاهل، ونفسي تستاهل أعيشها بعيد عن كلشي ما يشبهني

وأخيرًا، راح أترك الماضي بمكانه، وأمشي لقدام، مو لأنني نسيت، وإنما لأنني تعلمت، وفهمت إن بعض النهايات مو خسارة، بعض النهايات تكون بداية حياة أهدأ وأصدق

وبالنهاية، كل اللي صار راح يبقى درس أتعلم منه، مو شي أبقى أعيش عليه كل يوم

أتعلم من الناس اللي أوجعتني، ومن المواقف اللي خذلتني، ومن المحاولات اللي ما وصلت للنتيجة اللي تمنيتها

أتعلم إن مو كل شخص يستحق أعطيه فرصة ثانية، وإن مو كل علاقة لازم أحارب حتى تبقى، وإن أحيانًا الابتعاد يكون أرحم من ألف محاولة للإصلاح

راح أتذكر كلشي صار، بس مو حتى أندم، أتذكره حتى ما أكرر نفس الأخطاء، وأعرف شلون أحافظ على نفسي وراحتي أكثر

يمكن بعض الأشخاص كانوا جزء من حياتي لفترة، لكن مو شرط يبقون للنهاية، بعضهم يجي حتى يعلمني درس، وبعدها يكمل طريقه بعيد عني

وأنا هم راح أكمل طريقي، بقلب أهدأ، وعقل أوعى، ونظرة مختلفة للحياة، وأخلي كل تجربة مرت بي تكون سبب حتى أصير أفضل، مو سبب حتى أصير شخص قاسي

كلشي انتهى، واللي بقى هو الدرس، والذكرى، والخبرة، أما حياتي الجديدة، فأريدها تكون إلي، بدون ضجيج، بدون سمية، وبدون أشخاص يخلوني أشك بقيمتي أو أندم على طيبتي

اللهم وفقنا لما تحب وترضى، ويسر لنا طريقنا، وبارك لنا بوقتنا وجهدنا، واكتب لنا النجاح والتوفيق، ولا تجعل تعبنا يضيع، واجعل القادم أجمل مما نتمنى يا رب العالمين 🤍

أكره الأشخاص الغرباء اللي ظاهرهم شي وداخلهم شي واللي ما تهمهم غير نفسهم
ما أحب الشخص اللي يبين لك الطيبة والاهتمام وبالوقت نفسه يحسب كلشي لمصلحته وما يشوف غير نفسه
أحب الإنسان الواضح اللي وجهه واحد وما يحتاج يمثل حتى يكسب الناس
لأن بالنهاية مهما حاول الإنسان يخفي حقيقته تبين من مواقفه مو من كلامه
تعلمت ما أحكم على أحد من كلامه وأخلي أفعاله هي اللي تعرفني عليه
لأن الكلام سهل وكل واحد يكدر يحچي اللي يعجبك بس المواقف وحدها تكشف معدن الإنسان

الحلو بيه إني واعي رغم ربدات الحياة وبعدني أضحك وبعدني أحاول أشوف الجانب الحلو بكل شي وهذا الشي اللي يميزني

مرت علي أيام علمتني هواي ومرت بيه مواقف لو غيري عاشها يمكن غيرته بس أني رغم كلشي صار بعدني أحاول أبقى نفس الشخص اللي يعرف يضحك ويونس اللي حوله

يمكن بداخلي أشياء ما أحچي عنها ويمكن أكو وجع ما يعرف بيه أحد بس هذا ما يعني إني فقدت روحي أو صرت شخص قاسي

بالعكس كل تجربة مرت بيه خلتني أوعى وخلتني أعرف الناس أكثر وأعرف قيمة نفسي أكثر وأعرف شنو أستحق وشنو ما يستاهل أضيّع عمري عليه

وتعلمت إن الحياة مهما تثقل عليك لازم يبقى عندك شي يخليك تبتسم وتكمل لأن الإنسان إذا خسر راحته لا يخسر نفسه وياها

وبالنهاية مو القوة إنك ما تتأذى القوة إنك تتأذى وتتعلم وتبقى قادر تضحك وتعيش وتكمل طريقك بدون ما تخلي اللي صار يحولك لشخص ما يشبهك

طلاب العراق حاليا :

مثل رمح انشمر
وبين حربين
ما صيبن هدف
الغدر مو طبعي

الكاتب 𝑯.. 𝑫

الحب شي كلش حلو بس ويه اختيارك الصح يصير احلى
مو كل شخص نحبه يكون مناسب إلنا ومو كل شخص نرتاحله بالبداية يكون هو الشخص اللي يستحق نبقى وياه
الحب الحقيقي مو بس مشاعر وكلام حلو الحب أمان وراحة واحترام واهتمام
أنك تلكى شخص يفهمك بدون ما تشرح هواي ويعرف شلون يحتويك بوقت تعبك وما يخليك تشك بمكانتك عنده
لأن بالنهاية الحب وحده ما يكفي إذا الاختيار غلط
بس من تختار الشخص الصح يصير الحب وطن وتبقى الروح مرتاحة حتى وسط كل تعب الحياة

فا دائما الحظ أصدقائي المزوجين مشاكلهم على أشياء تافهة وأشوف شلون مرات كلمة صغيرة تكبر وتصير مشكلة ومرات العناد يخلي شخصين يحبون بعض يبتعدون عن بعض
وأظل أگول لو كل واحد منهم يحاول يفهم الثاني بدل ما يحاول يثبت أنه هو الصح جان هواي مشاكل انتهت من بدايتها

الحياة الزوجية مو منافسة حتى واحد يطلع منتصر والثاني خسران
هي شراكة وكل واحد بيها لازم يعرف متى يحچي ومتى يسكت ومتى يتنازل ومتى يحتوي الثاني
لأن بالنهاية إذا تحب الشخص فعلًا ما راح يكون همك منو انتصر بالنقاش قد ما يكون همك شلون تحافظون على محبتكم

لان البنت اكثر حساسية ومشاعرها احياناً تكون اقوى من الكلام اللي تبينه
ممكن كلمة بسيطة تفرحها وممكن كلمة ثانية تبقى ببالها فترة طويلة
ولهذا الاحتواء مو ضعف ولا تنازل عن الكرامة الاحتواء هو انك تعرف الشخص اللي يمك شنو يحتاج منك بهذا الوقت

مرات ما تحتاج منك حلول ولا محاضرة بس تحتاج تحس انك وياها وانك فاهمها وما راح تتركها تواجه الشي وحدها
ونفس الشي ينطبق على الرجل هم هو يحتاج اهتمام وتقدير وراحة مو بس البنت

والعلاقة الناجحة برأيي مو انكم ما تختلفون لان الاختلاف طبيعي بين اي شخصين
النجاح الحقيقي انكم تعرفون شلون تختلفون بدون ما تجرحون بعض وشلون ترجعون لبعض بعد الزعل بدون عناد وكبرياء

لان بالنهاية الشخص الصح مو اللي يخليك تعيش بدون مشاكل
الشخص الصح هو اللي يخليك تحس ان حتى المشاكل تهون وانتوا سوا