တိတ်းဢူၵ်း ၸပ်းၸႂ် (21+)
🔞မၢႆၸိူင်း - 054 🔞

ၸိူင်းၼႆႉ​တေႉ ဢမ်ႇလၢတ်ႈ​​ၼႄ ၼမ်ယဝ်ႉ ​ပေႃးႁၼ်ဝႃႈ 21 မၢႆ​လေႃးၼႆ ပွင်ႇၸႂ်ၵၼ်ယဝ်ႉ​လႄႈ သိုဝ်ႉတူၺ်းလႆႈယဝ်ႉၶႃႈ 😁😁😁။

👉ၵပ်းသိုပ်ႇ သိုဝ်ႉလႆႈတီႈၼႆႉၶႃႈ - https://t.me/TaiMovies👈

🎬 ၶႃႇတိူဝ်ႇ (Carter) 🎬
မၢႆၸိူင်း - 058

တူၺ်းၸိူင်းၵႅပ်ႈမၼ်း - https://youtu.be/O8t3gkb6EKk

🎬 ၶႃႇတိူဝ်ႇ (Carter) 🎬
မၢႆၸိူင်း - 058

တူၺ်းၸိူင်းၵႅပ်ႈမၼ်း - https://youtu.be/O8t3gkb6EKk

ၸိူင်းႁူဝ်ၼႆႉတေႉ တႄႇဝႆႉတီႈ ၵူၼ်းၵေႃႉၼိူင်ႈ ဢၼ်ဢမ်ႇတွင်းလႆႈ လွင်ႈဝၼ်းလင် ၵေႃႉၼိူင်ႈ တႄႇလုၵ်ႉတိုၼ်ႇမႃး ႁူဝ်ၼႂ်ၸဝ်ႉၼၼ်ႉဝႆႉယူႇ။
မိူဝ်ႈမၼ်းတိုၵ်ႉတိုၼ်ႇမႃး ၼၼ်ႉၵွၺ်း ႁိမ်းႁွမ်း မၼ်းၸိူဝ်းၼၼ်ႉ မီးလိူတ်ႈ တူၵ်းယၢင်ႇဢွၵ်ႇဝႆႉ တဵမ်ၵႂႃႇသေ လုၵ်ႈၸုမ်း CIA ၶဝ်ၵေႃႈလွမ်ႉႁွပ်ႈ ဢဝ်ၵွင်ႈငႃ မၼ်းဝႆႉယူႇ။

  ၵူၼ်းၵေႃ့ဢၼ် လိုမ်းလွင်ႈဝၼ်းလင် ဢမ်ႇႁူႉၸိုဝ်ႈတူဝ်ၵဝ်ႇမၼ်းၼၼ်ႉ  ၵိုင်ႉၵၢင်ႉ သေလႆႈငိၼ်း သဵင်လၢတ်ႈဢွၵ်ႇမႃး ၼႂ်းၶိူင်ႈဢၼ်ၼိူင်ႈ ဢၼ်သႂ်ႇဝႆႉ ၼႂ်းႁူမၼ်းၼၼ်ႉသေ လုၵ်ႉတီႈသဵင်ၼၼ်ႉသေ ၸႂ်ႉမၼ်း ႁဵတ်းသၢင်ႈၸွမ်းၵူႊလွင်ႈယူႇၼၼ်ႉယဝ်ႉ။ လုၵ်ႉတီႈ သဵင်ဢၼ်ၼႂ်းႁူမၼ်းၼၼ်ႉသေ မၼ်းၸင်ႇလႆႈႁူႉဝႃႈ ၸိုဝ်ႈမၼ်းႁွင်ႉ "ၶႃႇတိူဝ်ႇ" ပဵၼ် ၽူႈၸွပ်ႇ ၵဝ်ႇၵေႃႉၼိူင်ႈၼႆယဝ်ႉ။

ယွၼ်ႉလွင်ႈၽႅၼ်ၵၢၼ် ၶိုၵ်ႉတွၼ်း ၼႂ်းၵႄႈ ဢမေႇရီႇၵၢၼ်ႇ CIA ၶဝ်လႄႈတင်း ၵူဝ်းရီးယႃးႁွင်ႇ ၼႆႉလႄႈ "ၶႃႇတိူဝ်ႇ" ၵေႃႈ ၸင်ႇတွပ်ႇထဵင်သင်ဢမ်ႇလႆႈ​​သေ ၵႃႊလႆႈ ႁဵတ်းၸွမ်း ၼင်ႇၸီႉသင်ႇႁႂ်ႈႁဵတ်းၸွမ်းမႃးယူႇ ၼၼ်ႉယဝ်ႉ။
ယွၼ်ႉၵွပ်ႈ ၼိူဝ်ႉၸိူင်းမၼ်းမၼ်း လၢၵ်ႇလၢႆးသေ လွၵ်းၸိူင်းမၼ်းၼႆၵေႃႈ လႆႈတူၺ်းၸွမ်း ႁူဝ်ၸႂ်ပေႃးသၼ်ႇ တႅၵ်ႉတႅၵ်ႉလႄႈ ပဵၼ်ၸိူဝ်းဢၼ်လီတူၺ်းၸိူင်းၼိူင်ႈလႄႈ ဢမ်ႇထုၵ်ႇလီ ပၼ်လွတ်ႈႁၢမ်းၼၼ်ႉတေႉယဝ်ႉ။ သင်ဝႃႈ သူင်ၸႂ်ယူႇၼႆၵေႃႈ ၶဝ်ႈသိုဝ်ႉတူၺ်း ၸိူင်းတဵမ်မၼ်းလႆႈယဝ်ႉၶႃႈ။

(⚠️ၶေႃႈၾၢင်ႉ - ယွၼ်ႉၼႂ်းၸိူင်းၼႆႉ ပႃးၸိူင်းတွၼ်ႊ ပွၺ်ႇပူၺ်သေ ယိုဝ်းၽၢၼ်းၵၼ်ဝႆႉ ၽွင်ႈ လႄႈ ဢမ်ႇၵိုင်ႇလီတူၺ်းၸွမ်းလုၵ်ႈဢွၼ်ႇဢသၢၵ်ႈ 18 ပႆႇတဵမ်ၼၼ်ႉၶႃႈ။⚠️)

👉ၵပ်းသိုပ်ႇ သိုဝ်ႉလႆႈတီႈၼႆႉၶႃႈ - https://t.me/TaiMovies👈

📽လူၵ်ႈလိူၼ်တူၵ်း (Moonfall - 2022)📽
မၢႆၸိူင်း - 059

📽လူၵ်ႈလိူၼ်တူၵ်း (Moonfall - 2022)📽
မၢႆၸိူင်း - 059

ၼႃႇသီႇ ႁိတ်ႇတလႃႇ ၼႆႉ မၼ်းယႃႉၵဝ် ၵမ်ႇၽႃႇလူႉ ပွၵ်ႈၼိူင်ႈၵွၺ်းသေတႃႉ မီးထႅင်ႈ ၵူၼ်းၶိူဝ်း ၵျႃႇမၢၼ်ႇ ထႅင်ႈၵေႃႉၼိူင်ႈ ဢၼ်ၵႆႉၵႆႉ ယႃႉၵဝ်း ႁႂ်ႈၵမ်ႇၽႃႇလႆႈလူႉ လႆႈလႅဝ်ၼၼ်ႉယူႇယဝ်ႉ။ ၵူၼ်းၵေႃႉၼၼ်ႉတေႉပဵၼ် "ရူဝ်ႇလႅၼ်ႇ ဢႅမ်းမရိတ်ႉ" ( Roland Emmerich) ၼၼ်ႉယဝ်ႉ။
"ရူဝ်ႇလႅၼ်ႇ ဢႅမ်းမရိတ်ႉ" ၼႆႉ ပဵၼ်ၽူႈၸတ်းၸိူင်း မိူၼ်ၼင်ႇ  "Independence Day၊ The Day After Tomorrow  လႄႈ 2012 ပဵၼ်ၸိူင်း ၵမ်ႇၽႃႇလူႉ ၵမ်ႇၽႃႇလႅဝ် ၸိူဝ်းၼႆႉ ၼၼ်ႉယဝ်ႉ။
မိူဝ်ႈလဵဝ်ၼႆႉၵေႃႈ ပဵၼ်ၸိူင်း လူၵ်ႈလိူၼ်ယွတ်ႇတူၵ်းသေ တေမႃး တိူဝ်ႉသႂ်ႇ လူၵ်ႈၵမ်ႇၽႃႇ တႅၵ်ႇလူႉ ထႅင်ႈၸိူင်းၼိူင်ႈၼၼ်ႉယဝ်ႉၶႃႈ။

ၵဵဝ်ႇလူၺ်ႈလွင်ႈ လူၵ်ႈလိူၼ်ၼႆႉ တေယၢမ်ႈငိၼ်း တီႇဢူဝ်ႇရီႇ မၼ်းမီးတင်းၼမ်ယူႇ။ ၼႂ်းၸိူင်းၼႆႉတေႉ ၸႂ်ႉတိုဝ်း တီႇဢူဝ်ႇရီႇ ဢၼ်တင်းၼမ် ဢမ်ႇပေႃးယၢမ်ႈငိၼ်းၼၼ်ႉ ဢၼ်ၼိူင်ႈဝႆႉယူႇ။
ၼႂ်းၸိူင်းၼႆႉ ဝႃႈဝႆႉတေႉ လူၵ်ႈလိူၼ်ၼႆႉ ပဵၼ် "ၶူင်းၵေႃႇသၢင်ႈလူင်" ဢၼ်ၵူၼ်းႁဝ်း ႁဵတ်းဝႆႉ ဢၼ်ၼိူင်ႈၼႆယဝ်ႉ။
တီႈတႄႇ ၸိူင်းမၼ်းတေႉ တႄႇဝႃႈ လုၵ်ႉတီႈ ၸၢႆးဢွၼ်ႇၵေႃႉၼိူင်ႈ ဢၼ်လဵပ်ႈႁႅၼ်း လႅင်ႊလၢဝ်သေ လႆႈႁူႉႁၼ်ဝႃႈ လူၵ်ႈလိူၼ်ၼႆႉ ဢွၵ်ႇသၢႆတၢင်းပႆႇ ၵဝ်ႇမၼ်းသေ တေမႃး တူၵ်းသႂ်ႇ လူၵ်ႈၵမ်ႇၽႃႇယဝ်ႉၼႆၼၼ်ႉယဝ်ႉ။
ၵမ်းၼၼ်ႉ မၼ်းၸင်ႇ ၶတ်းၸႂ် မွၵ်ႈၼႄ NASA ၶဝ်ဝႃႈ လူၵ်ႈလိူၼ်ၼႆႉ ဢွၵ်ႇသၢႆတၢင်းပႆ မၼ်းမႃးယဝ်ႉၼႆသေတႃႉ NASA ၶဝ်သမ်ႉ ဢမ်ႇဢဝ်ၵႂၢမ်းမၼ်းၼၼ်ႉယဝ်ႉ။ ႁဵတ်းၼႆသေ ပုၼ်ႈတႃႇတေတူၵ်းမႃး ႁွတ်ႈထိုင်
လူၵ်ႈၵမ်ႇၽႃႇၼၼ်ႉ ၵိုတ်းထႅင်ႈ 3 ဝူင်းၵွၺ်းယူႇယဝ်ႉ။ ၸွမ်းၼင်ႇ လႆႈႁူႉၵၼ်ဝႃႈ ပေႃးလူၵ်ႈလိူၼ်ၶိုၼ်ႈမႃးၼႆႉ ၼမ်ႉလၢႆႇၵေႃႈ ၶိုၼ်ႈမႃးလႄႈ ပေႃးလူၵ်ႈလိူၼ် ၸမ်လိူၵ်ႈၵမ်ႇၽႃႇ မႃးႁႅင်းႁႅင်း လူၵ်ႈလုမ်ႈၾႃႉၼႆႉ တေပဵၼ်
ၸိူင်ႉႁိုဝ်မႃး ၼႆၼၼ်ႉ ၶဝ်ႈတူၺ်း ၼႂ်းၸိူင်းၼႆႉ လႆႈယဝ်ႉၶႃႈ။

👉ၵပ်းသိုပ်ႇ သိုဝ်ႉလႆႈတီႈၼႆႉၶႃႈ - https://t.me/TaiMovies👈

ႁတ်းတိုၵ်း ႁတ်းတၢႆ  (Army of the Dead - 2021)
မၢႆၸိူင်း - 060

🎦 ႁတ်းတိုၵ်း ႁတ်းတၢႆ  (Army of the Dead - 2021) 🎦
မၢႆၸိူင်း - 060

ၸိူင်းမႂ်ႇၶွင် "သႅတ်ႉသၼႆႇတႃႇ" မႃးထႅင်ႈယဝ်ႉၶႃႈ။ ၸွမ်းၼင်ႇႁူႉၵၼ်ယဝ်ႉၼၼ်ႉတေႉ ပေႃးၸိူင်းဢၼ် "သႅတ်ႉသၼႆႇတႃႇ" ထႆႇၼႆ
တေပဵၼ် ၸိူင်း ၽီလိပ်း ၶိုၵ်ႉၶႅမ်ႉ၊ ၽဵင်းၵႂၢမ်းၵေႃႈၶိုၵ်ႉ၊ ၼိူဝ်ႉၸိူင်းလႄႈ လၢႆးထႆႇမၼ်းၵေႃႈ တိုၼ်းၶိုၵ်ႉဝႆႉၼၼ်ႉယဝ်ႉ။
ၸိူင်းႁိူဝ်ၼႆႉတေႉ မၼ်းတႄႇဝႆႉ တီႈ ၽီလိပ်း တူဝ်ၼိူင်ႈ လွတ်ႈဢွၵ်ႇၵႂႃႇ တီႈဝဵင်း "လႅတ်ႉပီးၵိတ်ႉ" ၼၼ်ႉသေ တိတ်းၸပ်း ၵူၼ်းတင်းဝဵင်း ထိုင်တီႈၵုမ်းထိင်းဢမ်ႇလႆႈယဝ်ႉလႄႈ ၸင်ႇလႆႈ ဢိုတ်းပႅတ်ႈ ဝဵင်းၼၼ်ႉပႅတ်ႈမႃးယူႇ ၶၢဝ်းႁိုဝ်ၼၼ်ႉယဝ်ႉ။

ႁဵတ်းၼၼ်သေ ၸွမ်ၸိုင်ႈ ဢမေႇရီႇၵၢၼ်ႇ ၸင်ႇဝႃႈ ႁႂ်ႈပဵၼ်တီႈမၢႆတွင်း ဝၼ်းလွတ်ႈလႅဝ်း သဝ်းၶေႃၼႆ​သေ ၸင်ႇတႅပ်းတတ်း ႁႂ်ႈဢဝ်မၢၵ်ႇၼိဝ်းၵရီးယႃး ပွၺ်ႇသႂ်ႇတီႈဝဵင်းၼၼ်ႉ ႁႂ်ႈၸိူဝ်ႉၽီလိပ်းၸိူဝ်းၼၼ်ႉ မူၺ်ႉပႅတ်ႈတင်းသဵင်ႈၼႆယူႇယဝ်ႉ။
ဝၢႆးသေ ၶေႃႈတႅပ်းတတ်း ဢွၵ်ႇမႃးယဝ်ႉ 4 ဝၼ်းၼၼ်ႉ ဢၼ်ပဵၼ် ၽူႈၶဝ်ႈၸုမ်း တပ်ႉၶိုၵ်ႉတွၼ်းၵဝ်ႇ "သၵွတ်ႉ" လႄႈ လုၵ်ႈၸုမ်းမၼ်း ၸင်ႇလႆႈ ထုၵ်ႇၸၢင်ႈ ႁႂ်ႈၵႂႃႇဢဝ် ငိုၼ်း 200 လၢၼ်ႉတေႃႇလႃႇ ဢၼ်ၶမ်ဝႆႉယူႇတီႈ ႁူင်း ၵႃႇသီႇၼူဝ်ႇ ဢၼ်မီးတီႈ ၼင်းၵႄႈၵၢင် ၽီလိပ်းၸိူဝ်းၼၼ်ႉၼၼ်ႉယဝ်ႉ။
ပေႃးဝႃႈ ဢဝ်လႆႈမႃးၼႆ တေတွၼ်ႈ သူးငိုၼ်း 50 လၢၼ်ႉတေႃႇလႃႇ ၼၼ်ႉယဝ်ႉ။ ႁဵတ်းၼႆသေ ၵေႃႉႁၢၼ်တပ်ႉၶိုၵ်ႉတွၼ်းၵဝ်ႇၵေႃႈ
ၸင်ႇ ၸူႉႁွမ်တွမ်ၵူၼ်းမၼ်းသေ ၽႅၼ်တေၶဝ်ႈၵႂႃႇ ၼႂ်းဝဵင်း ၽီလိပ်းၼၼ်ႉယူႇ တေပဵၼ်ႁိုဝ်မႃး ဢၼ်ဝႃႈၼၼ်ႉ ၶဝ်ႈတူၺ်း ၸိူင်းတဵမ်မၼ်းလႆႈယဝ်ႉၶႃႈ။
ၸိူင်းႁူဝ်ၼႆႉ လႆႈဝႆႉၸၼ်ႉ IMDb – 7.5/10 ဝႆႉယဝ်ႉလႄႈ ၸွင်ႇပဵၼ်ၸိူင်း ၶႅမ်ႉတေႉယူႇႁိုဝ်ဢၼ်ဝႃႈၼၼ်ႉ လွတ်ႈထၢမ်ယဝ်ႉၶႃႈ။

👉ၵပ်းသိုပ်ႇ သိုဝ်ႉလႆႈတီႈၼႆႉၶႃႈ - https://t.me/TaiMovies👈

ဢွင်ႇသၢၼ်းသူႉၸီႇ (The Lady)
မၢႆၸိူင်း - 047

ၸိူင်းႁူဝ်ၼႆႉ ပဵၼ်ၸိူင်းဢိင် လွင်ႈပိုၼ်း ၼၢင်းဢွင်ႇသၢၼ်းသူႉၸီႇ လုၵ်ႈယိင်းၸွမ်သိုၵ်း ဢွင်ႇသၢၼ်း ​ႁဵတ်းႁိုဝ်​လႄႈ ​တႄႇၶဝ်ႈမႃး ၼႂ်း ၵၢၼ်မိူင်း ​လႄႈ လႆႈလတ်းၶၢမ်ႈ လွင်ႈယၢပ်ႇ ဢၼ်သိုၵ်းမၢၼ်ႊ တီႉၺွပ်းၵုမ်းၶင်မႃး လၢႆလၢႆပွၵ်ႈ ၸိူဝ်းၼႆႉ ​သေဢမ်ႇၵႃး မၼ်းၼၢင်းႁဵတ်းႁိုဝ် လႆႈႁပ်ႉသူး ငမ်းယဵၼ် "ၼူဝ်ႇ​ပႄႇ" ၸဵမ်ၸိူဝ်းၼႆႉၼၼ်ႉယဝ်ႉ။ မၼ်းၼၢင်းၼႆႉ ​တေလႆႈဝႃႈပဵၼ် ၼၢင်းယိင်း ဢၼ်ၶၢမ်ႇၸုၼ်ႈ လွင်ႈလွတ်ႈလႅဝ်း သုၼ်ႇတူဝ် ပုၼ်ႈတႃႇ ၸၢဝ်းၶိူဝ်းမၢၼ်ႊ ၶဝ် ​တေႉ​တေႉယူႇ ​ၵေႃႉၼိူင်ႈယဝ်ႉ။

ၵပ်းသိုပ်ႇ သိုဝ်ႉလႆႈတီႈၼႆႉၶႃႈ - https://t.me/TaiMovies

ယၢၼ် (ၵူၼ်းတႆးပႅတ်ႈ ၽႅၼ်လိၼ်)
မၢႆၸိူင်း - 039

ယၢၼ် (ၵူၼ်းတႆးပႅတ်ႈ ၽႅၼ်လိၼ်)
မၢႆၸိူင်း - 039

ၸိူင်းႁူဝ်ၼႆႉ​တေႉ ပဵၼ်ၸိူင်းဢိင် ပိုၼ်း တႆး ​လႄႈ ​ၶႄႇ လႆႈတိုၵ်းၵၢၼ်မႃး ထိုင်တီႈ တႆးပေႃးလႆႈ ပၢႆႊလူင်းထိုင် ၼမ်ႉပၢင်ႇလၢႆႇ​သေ ပဵၼ်ၵႂႃႇ ထႆး ၼၼ်ႉယဝ်ႉ။ ယွၼ်ႉသင် တႆးလႆႈတူၵ်းသုမ်း ​ၶႄႇလႃႇ။

ပေႃးတၢင်းၼႂ်းႁဝ်းၼင်ႇၵၼ်ၵုမ်ႇတိုၵ်းၵၼ်လႄႈ ႁႅင်းၽၢႆႇၼႂ်းဢူၼ်ႈယူပ်ႈၵႂႃႇယဝ်ႉ ႁူႉတေပဵၼ်လွင်ႈတႃႇတေတူၵ်းသုမ်းပၼ် ၽၢႆႇၼွၵ်ႈၼၼ်ႉယဝ်ႉ။ ပေႃးဢူၼ်ႈလႄႈဢမ်ႇ​ပေႉပိူၼ်ႈလႆႈယဝ်ႉၵေႃႈ ႁူႉတေလႆႈၶၢမ်ႇပိူၼ်ႈလိုပ်ႈလူၺ်းဢွၵ်ႇႁႃထႅင်ႈ တီႈလိၼ်မိူင်းမႂ်ႇယဝ်ႉ။ မိူဝ်ႈ​တႄႇႁွတ်ႈတီႈလိၼ်မိူင်းမႂ်ႇၼၼ်ႉၶဝ်တေမႅၼ်ႈၵၼ်ၸူဝ်ႈၵႅပ်ႉၵွၺ်း တေၶိုၼ်းဢွၼ်ၵၼ်လိုမ်းပႅတ်ႈ လွင်ႈၶဝ်ဢမ်ႇၽွမ်ႉၵၼ်လႄႈ လႆႈတူၵ်းသုမ်းပၼ်ပိူၼ်ႈမႃးၼၼ်ႉသေ တိုၵ်းၵၼ်ၶိုၼ်းထႅင်ႈ။ ၸိုဝ်ႈၸိူဝ်ႉၶိူဝ်းၶဝ်ၵေႃႈ ယင်းတေဢွၼ်ၵၼ်ၸႅၵ်ႇလႅၵ်ႈလၢႆႊ ပဵၼ်လၢႆမူႇလၢႆၸုမ်းၵႂႃႇၵွၼ်ႇ။ တီႈတႄႉၵေႃႈၶဝ်ပဵၼ် တႆးၶိူဝ်းလဵဝ်။ တႆးဢၼ်လဵဝ်ၵွၺ်းၼင်ႇၵဝ်ႇ။ ၶဝ်တေဢွၼ်ၵၼ်လႆႈယူႇသဝ်းၵတ်းယဵၼ်ၸူဝ်ႈၵႅပ်ႉၵွၺ်း။

     ၵွပ်ႈၶဝ်ဢမ်ႇမေႃၶိုင်သၢင်ႈ ႁႂ်ႈၼႂ်းၶဝ်ၼင်ႇၵၼ် ၵတ်းယဵၼ်မၼ်ႈၵႅၼ်ႇလႆႈ ၶၢဝ်းယၢဝ်းသေ ၵုမ်ႇႁႅမ်ၵၼ်တိုၵ်းၵၼ်ယူႇတိၵ်းတိၵ်းၵွၺ်းလႄႈ လွင်ႈၵၢမ်ႇႁၢႆႉလူင် လွင်ႈဢမ်ႇလီလူင်ၵူႊယိူင်ႈ တေၸၢင်ႊတူၵ်း ထိုင်ၶဝ်ထႅင်ႈၶိုၼ်းယူႇယဝ်ႉ။ ၶဝ်ဢမ်ႇတွၼ်ႉႁူႉႁၼ် ႁႃႁွမ်လဵပ်ႈႁဵၼ်း ၶိုၼ်းပိုၼ်းလင် ဢၼ်လႆႈလူႉယၢႆႈ၊ တူၵ်းသုမ်းမႃး ၸိူဝ်းၼၼ်ႉ ပဵၼ်ယွၼ်ႉၼႂ်းၶဝ်ၼင်ႇၵၼ်ဢမ်ႇမႅၼ်ႈၵၼ် ဢမ်ႇထုၵ်ႇမေႃႁၵ်ႉၵၼ်လႄႈ ပိူၼ်ႈၸင်ႇမႃးပေႉၵိၼ်လႆႈငၢႆႈငၢႆႈၼႆၼၼ်ႉသေပွၵ်ႈ " ၼၼ်ႉယဝ်ႉ။

တႃႇသိုဝ်ႉတူၺ်းၸိူင်း - တဵၵ်းတီႈ လိင်ႉၼႆႉ- https://t.me/TaiMovies

ၾႃႉလမ် သုမ်ႇမိူင်း (Twilight Over Burma)
မၢႆၸိူင်း - 046

ၸိူင်းႁူဝ်ၼႆႉ​တေႉ ပဵၼ်ၸိူင်းဢိင် ပပ်ႉႉပိုၼ်း လွင်ႈ ၸဝ်ႈၾႃႉသီႇ​ပေႃႉ ၸဝ်ႈၵျႃႇသႅင် ​လႄႈ မႁႃႇ​တေႇဝီႇ ၸဝ်ႈၼၢင်းသုၸၼ်ႇတီႇ ဢၼ်လႆႈၸိုဝ်ႈဝႃႈ Twilight Over Burma (My Life As A Shan Princess ) [ၾႃႉလမ်သုမ်ႇမိူင်း (ပၢၼ်ပဵၼ် ၸဝ်ႈၼၢင်းတႆး​ၵေႃႉၼိူင်ႈ) ] ပွတ်းဢွၼ်ႇတွၼ်ႈၼိူင်ႈ ၼၼ်ႉယဝ်ႉၶႃႈ။ ၼႂ်းၸိူင်းၼႆႉ ​တေလႆႈႁၼ် ၽွင်းၸဝ်ႈၾႃႉတႆး ​လႄႈ ၽူႈဢွၼ်ႁူဝ် ၸၢဝ်းၶိူဝ်းၶဝ် ဢၢင်ႈဢုပ်ႇၵုမ်ႊၵၼ် ပုၼ်ႈတႃႇ ​တေသိုပ်ႇယူႇ ႁူမ်ႈမိူင်းမၢၼ်ႊႁိုဝ် ​တေ ၽၢတ်ႇဢွၵ်ႇ ပဵၼ်မိူင်း သဝ်း​ၶေႃ ၼႆၼၼ်ႉၵွၺ်း ဢမ်ႇၵႃး ​တေလႆႈႁၼ်ပႃး လွင်ႈသိုၵ်းမၢၼ်ႊ ဢၢင်ႈၸိုဝ်ႈ ၵူၼ်းလုၵ်ႉၽိုၼ်ႉ​သေ သူင်ႇသိုၵ်းၶိုၼ်ႈမႃး မိူင်းတႆးယဝ်ႉ တဵၵ်းတဵင် လူလၢႆ ၵူၼ်းမိူင်းတႆးႁဝ်းၼၼ်ႉယူႇ။ ၸိူင်းၼႆႉ​ၵေႃႈ ​လီလႆႈဢဝ် ပဵၼ်တွၼ်ႈသွၼ် ၼမ် လွင်ႈတႆးႁဝ်း ယုမ်ႇပိူၼ်ႈငၢႆႈ​လႄႈ ထိုင် ပလၢင်ႇ ၸဝ်ႈၾႃႉတႆး ​ပေႃးလႆႈပင်း မိူင်းတႆး​ပေႃးလႆႈ တူၵ်းတႂ်ႈမိုဝ်းပိူၼ်ႈ ယူႇ​တေႉၼၼ်ႉယဝ်ႉ။

ၵပ်းသိုပ်ႇ သိုဝ်ႉလႆႈတီႈၼႆႉၶႃႈ - https://t.me/TaiMovies

သိုၵ်းႁၢၼ် AI (JUNG_E - 2023)
မၢႆၸိူင်း - 061

📽 သိုၵ်းႁၢၼ် AI (JUNG_E - 2023) 📽
မၢႆၸိူင်း - 061

       ပေႃးၼႂ်းပီႊႁူဝ်ပၢၵ်ႇ 22 မႃးတေႉ ယွၼ်ႉၾိင်ႈၾႃႉယႃႇသီႇ လႅၵ်ႈလၢႆႊလႄႈ ပုၼ်ႈတႃႇၵူၼ်းႁဝ်း တေယူႇသဝ်း ၵိၼ်သၢင်ႈတီႈ လူၵ်ႈၵမ်ႇၽႃႇၼႆႉ မၼ်းယၢပ်ႇယဵၼ်းမႃး တေႉယူႇယဝ်ႉ။ ယွၼ်ႉၵွပ်ႈၼႆသေ ၵူၼ်းႁဝ်းၵေႃႈ ၸင်ႇလႆႈၵႂႃႇ ၵေႃႇသၢင်ႈတီႈယူႇ ႁူင်းသဝ်း တီႈၼႂ်းၽိဝ်လူမ်း ၵၢင်ႁၢဝ် ပုၼ်ႇတေ တေယူႇလွတ်ႈလႆႈၼၼ်ႉယဝ်ႉ။ မီးဝၼ်းၼိူင်ႈ ၵူၼ်းဢၼ်ယူႇသဝ်း တီႈႁူင်းသဝ်း ၽိဝ်လူမ်းၵၢင်ႁၢဝ်ၸိူဝ်းၼၼ်ႉ ၸင်ႇလႆႈ ပဵၼ်လွင်ႈ ဢမ်ႇမႅၼ်ႈၵၼ်သေ ၸင်ႇတႄႇတိုၵ်းတေႃး ပိုတ်ႇပၢင်တိုၵ်း တေႃႇၵၼ်မႃးယူႇၼၼ်ႉယဝ်ႉ။ "ၸူင်ႉယီႇ" ဢၼ်ဝႃႈၼၼ်ႉ ပဵၼ်ႁူဝ်ၼႃႈ သိုၵ်းႁၢၼ် တီႈတပ်ႉၶိုၵ်ႉတွၼ်း ဢၼ်ၼိူင်ႈၼၼ်ႉယဝ်ႉ။ ယွၼ်ႉမၼ်းလူဝ်ႇငိုၼ်း တႃႇယူတ်းယႃပၼ် လုၵ်ႈယိင်းမၼ်းသေလႄႈ ၸင်ႇၶၢမ်ႇႁႂ်ႈ ၽူႈၶူၼ်ႉၶႂႃႉၶဝ် ထုတ်ႇၽိုၼ်မိူၼ် ၶေႃႈမုၼ်းဢွၵ်းဢေႃမၼ်း ၵႂႃႇၸႂ်ႉတိုဝ်းၼၼ်ႉယဝ်ႉ။
ပေႃး ၵၢၼ်ၶူၼ်ႉၶႂႃႉ လွင်ႈပွမ်ၽိုၼ်မိူၼ် ၼႆႉ ဢွင်ႇမၢၼ်ၼႆ တေၸၢင်ႊ ဢဝ်ပေႉလႆႈ
ပၢင်တိုၵ်းသေ တေၸၢင်ႊ ႁဵတ်းႁႂ်ႈ ပၢင်တိုၵ်းသုတ်းယဝ်ႉၼႆလႄႈ ႁူဝ်ၼႃႈ ၽူႈၶူၼ်ႉၶႂႃႉ
ဢၼ်ပဵၼ် "သေႃႉယုၼ်" လႄႈ ၽူႈၸတ်းၵၢၼ် "သၢၼ်းႁူၼ်း" ၶဝ်ၵေႃႈ ၶတ်းၸႂ် ႁဵတ်းသၢင်ႈ တေႉတေႉဝႃႈဝႃႈယူႇယဝ်ႉ။ ႁဵတ်းၼႆသေ ၶဝ်ၵေႃႈ ၸင်ႇၶတ်းၸႂ် တႃႇတေၶူင်ႊဢွၵ်ႇ AI ဢၼ်တႃႇတေၸႂ်ႉတိုဝ်း တီႈၼႂ်းပၢင်တိုၵ်း လႄႈ ပွမ်ႇႁၢင်ႊမိူၼ် ဢွၵ်းဢေႃးၸိူဝ်းၼႆႉမႃးယူႇယဝ်ႉ။

ၸွင်ႇၶဝ်တေ ပွမ်ဢဝ် ၽိုၼ်မိူၼ် ဢွၵ်းဢေႃၵူၼ်းႁဝ်းသေ ၸႂ်ႉတိုဝ်းလႆႈ တီႈ ၵူၼ်းၸၢၵ်ႈ AI လႆႈယူႇႁိုဝ်?
ပေႃး ၶူင်ႊဢွၵ်ႇလႆႈ AI တႃႇပၢင်တိုၵ်းလႆႈလူး ၸွင်ႇပၢင်တိုၵ်း တေၸၢင်ႊသုတ်းဝၢႆးလႆႈ ဢၼ်ဝႃႈၼၼ်ႉ ၶဝ်ႈတူၺ်း ၸိူင်းတဵမ်တဵမ် မၼ်းလႆႈယဝ်ႉၶႃႈ။

👉ၵပ်းသိုပ်ႇ သိုဝ်ႉလႆႈတီႈၼႆႉၶႃႈ - https://t.me/TaiMovies👈

ႁၢဝ်ႈႁႅင်း တႅင်းပွင်ႇ - ႒ (Extraction - 2)
မၢႆၸိူင်း - 062

ႁၢဝ်ႈႁႅင်း တႅင်းပွင်ႇ - ႒ (Extraction - 2)
မၢႆၸိူင်း - 062

ၸိူင်းႁူဝ်ၼႆႉတေႉ ပဵၼ်ၸိူင်း သိုၵ်းၵိၼ်ၸၢင်ႈၵေႃႉၼိူင်ႈ ဢၼ်ၸုၼ်ႉတၢႆၶဝ်ႈၽႅၼ်တိုၵ်း ဢၼ်ဢမ်ႇၸၢင်ႊပဵၼ်လႆႈၼၼ်ႉယဝ်ႉ။
မိူဝ်ႈ Extraction - 1 ၼၼ်ႉ မၼ်းၸၢႆး လႆႈထုၵ်ႇယိုဝ်း လၢႆလၢႆၵမ်းသေ တူၵ်းၶဝ်ႈၼႂ်း ၼမ်ႉၵႂႃႇလႄႈ ဢမ်ႇတၢႆၵေႃႈ ဢမ်ႇလွတ်ႈလႆႈ ယဝ်ႉ။ ၵူၺ်းၵႃႊ မၼ်းၸၢႆးသမ်ႉ ဢမ်ႇတၢႆသေ လွတ်ႈဢသၢၵ်ႈမႃးလႆႈသေ လူင်းႁူင်းယႃယဝ်ႉ လႆႈၵိုတ်းလိုဝ်ႈပႅတ်ႈ ၵၢၼ်မၼ်းမႃးယူႇ။
ပေႃးဝႃႈ လိုဝ်ႈၵၢၼ်ၼႆႉ တၵ်ႉလႆႈၶိုၼ်း ႁဵတ်းၵၢၼ်ယဝ်ႉၼႆ ၽူႈသူင်တူၺ်းၸိူဝ်းႁဝ်းၶဝ်ၵေႃႈ တေႁူႉၵၼ် ၵူႊၵေႃႉယူႇၶႃႈ။
ၼႂ်းၸိူင်းၼႆႉၵေႃႈ လုၵ်ႉတီႈ မၼ်းလိုဝ်ႈၵၢၼ်ၼၼ်ႉသေ ၸင်ႇမီးၵူၼ်းၵေႃႉၼိူင်ႈ မႃးၸႂ်ႉႁႂ်ႈမၼ်းႁဵတ်းၵၢၼ်ပၼ်ထႅင်ႈယူႇယဝ်ႉ ၵူၼ်းၵေႃႈၼၼ်ႉၵေႃႈ ပဵၼ် မေးၵဝ်ႇမၼ်းၼၼ်ႉယဝ်ႉ။ ၽႅၼ်ၵၢၼ် ဢၼ်မေးၵဝ်ႇမၼ်း ၸၢင်ႈမၼ်းၼၼ်ႉတေႉ ပဵၼ်လွင်ႈဢၼ်တေလႆႈၵႂႃႇ ၸွၺ်ႈထႅမ် ၼွင်ႉယိင်းမေးမၼ်း ဢၼ်ထုၵ်ႇ ၸဝ်ႈၽူဝ်မၼ်းၶိုၼ်း ၵုမ်းၶင်မၼ်းဝႆႉ တီႈၶွၵ်ႈၶင် "ၸေႃႇၸႅၼ်ႇ" ၼႂ်းမိုဝ်း ၵိူင်းၵူၼ်းႁၢႆႉ မႃႇၽီးယႃးလူင် ၼၼ်ႉယဝ်ႉ။ ၵိူင်းၵူၼ်းႁၢႆႉၼႆႉသမ်ႉ လႆႈဝႃႈ ပဵၼ်ၵိူင်း ဢၼ်ယႂ်ႇၸၼ်ႉ ၸိုင်ႈမိူင်းလႄႈ ၶိူင်ႈယိပ်းဢၼ်ၶဝ် ၸႂ်ႉတိုဝ်းၸိူဝ်းၼၼ်ႉ ဢမ်ႇၵွင်ႈၵွၺ်းပဵၼ် ၵွင်ႈလဵၵ်ႉၵွၺ်း မီးပႃးတင်ႈ ၵႃးၵၢပ်ႇလဵၵ်း၊ လႄႈ ၶိူင်ႈမိၼ် ၸိူဝ်းၼႆႉပႃးယူႇယဝ်ႉ။ ၸိူဝ်းႁူဝ်ၼႆႉ ယွၼ်ႉၵုပ်ႇတိုၵ်းယိုဝ်းၵၼ်ယူႇ တင်းၸိူင်းၶၢဝ်းတၢင်း ႁိုင် 2 ၸူဝ်ႈမူင်းလႄႈ တေပဵၼ်ၸိူင်းထုၵ်ႇၸႂ် ပုၼ်ႈတႃႇ ၽူႈသူင်တူၺ်း ၸိူင်း Action ၶဝ် ဢမ်ႇႁၢင်ႉယဝ်ႉၶႃႈ။

👉ၵပ်းသိုပ်ႇ သိုဝ်ႉလႆႈတီႈၼႆႉၶႃႈ - https://t.me/TaiMovies👈