الاكتئاب: خلل كيميائي... ومانه ضعف نفسي ولا ضعف إيمان!

بمجتمعاتنا، للأسف لسا في ناس بتفكر إنه الاكتئاب "دلع"، أو "ضعف إيمان"، أو حتى "كسل"، ولكن الحقيقة العلمية بتقول غير هيك تمامًا.

شو هو الاكتئاب فعلًا؟

الاكتئاب هو اضطراب نفسي شائع (فيه درجات)، بيأثر على الطريقة اللي بيفكر فيها الشخص، و اللي بحس فيها ، وبيتصرف كمان.
ولكن هو مو بس مشاعر... هو خلل بتوازن النواقل العصبية داخل دماغنا، مثل:

السيروتونين: إله علاقة بالمزاج والسكينة

الدوبامين: إله علاقة بالتحفيز والمتعة

النورأدرينالين: مسؤول عن التركيز والطاقة

لما هي المواد تقل أو تتخلخل نسبتها، بصير الدماغ نفسه يتعامل مع الواقع بشكل مختلف حتى لو ما في سبب واضح للحزن.


شو هي اعراض الاكتئاب؟ و هل فعلاً في علاج حقيقي؟ ولا مجرد وهم؟
رح اجاوب على الأسئلة بالمنشور الجاي 🌷🌟.

الأعراض ما بتكون "دراما"، هي أعراض طبية
للناس اللي بيعانوا من الاكتئاب ممكن يمرّوا بأعراض مثل:

- إرهاق دائم، حتى بدون مجهود

- قلة تركيز وصعوبة اتخاذ قرارات

- فقدان الاهتمام بالأشياء اللي كانوا يحبوها

- مشاكل بالنوم أو النوم المفرط

- أفكار سوداوية أو حتى إيذاء النفس

والمهم نعرف إنه هي الأعراض ما بتنحل بقوة الإرادة فقط، لأنها ناتجة عن خلل بيولوجي ونفسي متداخل.

طيب، شو العلاج؟ وهل فعّال؟

العلاج ممكن يكون على مرحلتين:

دوائي (مضادات الاكتئاب):اول شي حابة أوضح إنه دوا الاكتئاب مانه حبوب سعادة، بتشتغل على تعديل مستويات النواقل العصبية في الدماغ. ونهائياً مو معناها إنه الشخص صار "مدمن" أو "ضعيف"، هي أدوية منظمة وضرورية أحيانًا تماماً متل "دواء الضغط أو السكري".

نفسي (العلاج بالكلام): خصوصاً العلاج المعرفي السلوكي (CBT)، وهو فعّال جدًا بمساعدة الشخص يفهم أفكاره السلبية ويستبدلها بأفكار واقعية وصحية.


رسالتي إلكم:
لو كنت انت الشخص اللي عم يعاني… أو كنت بتقرأ هالكلام وحاسس إنه "في شي عم ينوجع جواتك بس مو قادر تشرحه"
بدي احكيلك أنت مو لحالك، وإطلاقاً مانك ضعيف، وأنت مو غلطان.
دماغك تعب، وقلبك شايل كتير… ف ريح و خفف الحمل اللي محمله لنفسك. لسا في أمل، وفي طرق حقيقية للعلاج، وممكن تبدأ بأي خطوة صغيرة حتى لو كانت مجرد قراءة هالمقال.
"الإدراك هو أول خطوة للتغيير."
بتمنالكم حياة صحية نفسياً وجسدياً 🌷.

ادعولي


https://www.brainfacts.org/

- الحالة النفسية وتأثيرها على الجسم

"كله من التوتر!"
عبارة بنسمعها بشكل متكر، بس ممكن ما بنعرف قديش هي صحيحة فعلًا.

حالتنا النفسية مو بس بتأثر على مشاعرنا، بل بتدخل بكل تفصيلة من تفاصيل أجسامنا ..
من نومنا، لطاقة جسمنا، وحتى شهيتنا.

شو الربط بين نفسيتنا و النوم؟ و بين اكلنا وطاقتنا؟ حنحكي بالمنشور الجاي 🌷.

- النوم

لما نكون مضغوطين أو قلقانين، بنلاحظ فوراً إنه النوم صار صعب يا إما ما بنقدر ننام، أو بنصحى كتير(نوم متقطع)، أو منفيق تعبانين كأننا ما نمنا أصلًا.
القلق والتفكير الزايد بيخلوا الدماغ يشتغل زيادة عن اللزوم، وبيمنع الجسم من الدخول في مراحل النوم العميقة اللي بترمم الجسم والعقل.

- التعب والإرهاق

حتى لو كنا ما عم نعمل شي مجهد، الحالة النفسية السيئة بتسحب من طاقتنا.. الاكتئاب مثلاً ممكن يخلينا نحس بثقل بكل شي: الحركة، الكلام، وحتى التفكير.
ليش؟ لأن الدماغ بيكون مشغول بالحزن أو القلق، وهاد الشي بيستهلك طاقة حقيقية.
(ممكن اكتر من الجهد اللي بنستهلكه بالأمور العملية حتى)

- الشهية للأكل

بعض الناس وقت التوتر بينسوا الأكل، وبعضهم بياكلوا أكتر من المعتاد " خصوصًا أكل غير صحي" من وجبات سريعة ل شيبسات و حلويات.. إلخ
الحالة النفسية بتأثر على هرمونات بتنظم الجوع والشبع مثل الكورتيزول، وبتخلينا يا نميل للأكل العاطفي (emotional eating)، أو نفقد شهيتنا تمامًا.

- طيب، شو نعمل؟

نراقب حالتنا النفسية وننتبه لإشارات جسمنا.
نسمح لحالنا نرتاح، حتى لو بدون سبب "واضح" لأن من حقنا نرتاح حتى لو الناس شافت إنه مافي داعي.

-نمارس أنشطة بسيطة بتريحنا (مشي، صلاة، موسيقتنا المفضلة "تكون هادية"، كتابة...).

لو الأشياء اللي فوق ما نفعت معكم ف يُرجى نتذكر دائماً إنه مو ضعف نطلب مساعدة، سواء من صديق، أو مختص.
الجسم والنفس مو مفصولين عن بعض… لما نهتم بواحد، بنكون فعلياً عم نهتم بالثاني.
بتمنالكم حياة هادية، كونوا لطيفين مع نفسكم 🤍.

طيب ال46 شخص الي صوتوا اي
شو رأيكن بهي؟
https://t.me/Med_Gate/84

بما انكم بتفضلوا المواضيع المتعلقة بالصحة النفسية، وبما إني حاسة إني قلبت القناة عيادة نفسية😂 قررت إنه اليوم احكيلكم عن موضوع متعلق بالصحة الجسدية نفس الوقت إله تأثير كبير على مزاجنا، جاهزين🌷؟

ميكروبيوم الأمعاء: الأصدقاء الصغار اللي بيأثروا على نفسيتك

داخل أمعائنا عايشين تريليونات من البكتيريا "الصديقة" اسمها ميكروبيوم الأمعاء، واللي إلها دور أساسي مو بس بهضم الأكل، بل كمان بتنظيم مزاجنا وصحتنا النفسية.
ح اعطيكم معلومة عالسريع، الأشخاص اللي اتولدوا ولادة طبيعية وتم إرضاعهم طبيعي في أول سنة أو سنتين من عمرهم، جسمهم بيكوّن ميكروبيوم أقوى ومتوازن أكتر من اللي اتولدوا قيصري أو ما رضّعوا طبيعي..
ليش؟ لأن خلال الولادة الطبيعية، البيبي بيتعرض لبكتيريا الأم الطبيعية، ورضاعة الأم بتغذي البكتيريا الجيدة داخل الأمعاء.

طيب، الأشخاص اللي انولدت قيصري أو ما رضعت طبيعي كيف بتعزز الميكروبيوم بجسمهم؟

في طرق نقدر فيها نعزز ميكروبيومنا حتى لو الظروف ما كانت مثالية من البداية..
كيف نقدر نساعد ميكروبيومنا اليوم؟

الألياف صديقتنا: أكل الخضار والفواكه يومياً بيغذي البكتيريا الجيدة وبيخليها تكبر وتزدهر.

البروبيوتيك: الأطعمة اللي فيها بكتيريا مفيدة، متل الزبادي الطبيعي، الكفير، والمخللات. ممكن تساعد تعوّض نقص الميكروبيوم.

قلل السكريات والأكل المصنع: لأنه بيغذي البكتيريا الضارة اللي بتخلي المزاج متقلب والهضم تعبان.

ممارسة الرياضة: حتى لو مشي بسيط يوميًا بيشجع نمو بكتيريا صحية.

الماء: مهم جدًا للحفاظ على حركة الأمعاء ونشاط البكتيريا.

وأخيراً حابة اذكركم إنه صحتنا الجسدية بتعكس على النفسية، ف اهتموا بحالكم منيح، لأن الصحة ما بتتعوض🌷.

#ميكروبيوم #mikrobiyota #صحةـالامعاء #ولادةـطبيعية #رضاعةـطبيعية

عملية البحث عن آدمنز آخرين مستمرة..
whoever interested please send to this bot

https://t.me/Med_Gate_supportBot


ماذا ستكسب؟
بحكيلك إذا كنت مهتم لأن أكيد حتكسب أشياء حتى لو بسيطة❤️

في عالم سرقة الانتباه.. كل الشركات تتسابق على جزء من الثانية من وقتك.. حتى تفقد أدمغتنا قدرتها على المتابعة.. والاحتفاظ بالذكريات التي تستحق..

هي المساحة مخصصة للطب، وللتعليم الطبي، بوقت صارت فيه المعلومات عم تنتشر ك Reels و صور بتسخّف العلم (وبتعطي معلومات غلط بكتير أوقات)، وبوقت صار فيه الPop medicine منتشر أكتر من الطب الحقيقي.. ورغم هيك لسا في أماكن بالعالم (متل سوريا وغيرها من الدول العربية ودول العالم التالت) عم تستخدم أساليب قديمة في التدريس، عم ترتكز على الحفظ البصم، وعلى اختبار كمية حفظك، بيتخرج الطبيب عاجز يمارس المهنة.. طبيب بالاسم.. وتأتي كذبة (بتتعلم بالاختصاص) أي أنك بعد 6 سنين من الحفظ.. طلعت بدون أي شيء.. وقدامك لسا سنوات من الاختصاص لحتى تتعلم كيف بتكون طبيب؟ غريبة شوي.. صح؟

اليوم كنت بنقاش مع أحد الزملاء عن قصة دكاترة الجامعة والفهم بالمدرج.. هيي كانت عم تحاول تقنعني انها بتستفيد من الحضور ومن الدكاترة.. وهاد شي حقيقي لكتير ناس وصحي وطبيعي.. بس ياترى.. لو كان الحضور مفيد للجميع.. ليش الأغلب بيتهرب؟
رغبة بالراحة؟
قلة مروة؟
كسل؟
ظروف مادية وأمنية؟

كل هالأشياء عوامل.. بضل عنا قسم من الطلاب.. ماعندها ولا شي من هدول.. بس مابتحضر.. لأنها حضرت.. وما استفادت.. منقدر نشوف بأي مدرج لما دكتور مادة بيطالب بالحضور كيف المدرج مليان.. وربعه (على الأقل) منشغل بأشياء جانبية.. وربعه الآخر شارد أو ملتهي بهدوء.. وربع عم يسمع.. وربع أخير عم يحاول يفهم وماعم يقدر..

أنا لا أؤمن انو التعليم عنا بسوريا تعليم جيد.. وأؤمن انو الشخص الفهمان الي بيطلع من سوريا فهو بسبب جهده الشخصي بنسبة كبيرة.. سواء بالطب أو بغيره.. أو حتى من الثانوي.. ولكن رغم تفاؤل الكثيرين بأن سقوط النظام السابق رح يحوّل البلاد لجنة.. ورغم تصريحات المسؤولين الجدد المفعمة بالشعارات (متل القديمين).. فأنا غير متفائل بأي تطور في التعليم والانفتاح على العالم..

ربما منحفظ طلاب أكتر.. أو منعلمهم عملي أكتر.. لكن بناء العقل عنا مهدور ومُهمَل.. ولا تصدقوا إنه ممكن أي إنسان ينجح بمجرد الشطارة بممارسة أي شيء.. بناء العقل أساسي للنجاح الفعلي.. وإشباع الذات.. ونحنا لو كنا قبل عم نهدم العقل.. ف اللي جاي حيكون وأد للعقول حتى وليس هدم.. ولأسباب معروفة.. لذلك عملت هالقناة من زمان لأني كنت مآمن بسوء التعليم عنا.. وأهملتها فترة.. لكن هلا ولأني بعرف الاحتياج حيزداد.. واني مو لوحدي عانيت وعم عاني من الدراسة والتعليم رغم رغبتي بإني كون أفضل بهالاختصاص.. رح كمل فيها ورح اهتم فيها أكتر.. ولهيك عم ابعت متفرقات كل كم يوم حتى يزيدوا المتابعين شوي قبل ما بلش حط كل جهدي فيها..

اذا وصلت لهون بحب اشكرك.. انك قرأت وسمعت.. هي مجرد فكرة خطرتلي.. ورسالة حب لكل حدا لسا عم يحاول يبني عقله ويتعلم فعلاً.. مو يحفظ وينغلق على نفسه.. بزمن صارت فيه الدول العربية والأمم المتدينة هي بآخر درجات الانحطاط الفكري والعلمي والأخلاقي.. انت شمعة صغيرة بهالفضاء المعتم.. لذلك شكراً إلك مضاعفة..

ودُمتم بِخير، وحُب..🙏🏻❤️

أول خطوة في طريقك لترجع شغفك بالطب هي إنك تتفهم إنه الشغف ليس شيئاً دائماً ولا مستمراً.. وليس رغبة لحظية.. وليس مجرد نشوة أو حماسة ثم تختفي.. والطبيعي جداً تحس بإحباط وتحس بصعوبات ومشاكل وكوارث حتى في طريقك.. لكن لا تعتبر أن الطب (أو التعلم عموماً) هو عبارة عن مهمة يجب إنجازها.. هي رحلة.. وطريق حياة.. وأسلوب تفكير.. وصدق أو لأ إنت بحاجة المنطق بالطب أكتر مابيخطرلك..

تاني خطوة
إنك تكون لطيف وحباب وتبعت الرابط على غروب دفعتك
https://t.me/Med_Gate
كرمال الكل يستفيد

وتالت خطوة تقرأ الرسالة المثبتة🙌🏻✌🏻❤️

نحنُ لا نفهم الواقع أبداً.. ولا نفهم كيف تسيرُ الحياة..
في الحقيقة.. مايحدث ومانشعر به، ليس أحداثاً فعلية، لا وجود لما يسمى بالحدث الفعلي، الأشياء تحدث كما يقوم دماغنا بإدراكها..

في حين أن العالم المادي موجود بشكل مستقل، فإن أدمغتنا تفسر وتشكل إدراكنا له، مما يؤثر على كيفية شعورنا وتفاعلنا مع العالم..

هذا يعني أن أفكارنا ومعتقداتنا وتجاربنا الشخصية تلعب دورًا حاسمًا في كيفية فهمنا للواقع والتفاعل معه..

إذا اعتقدتَ بقوّة بحدوث شيء ما، فإن ذلك الشيء قد حدثَ فعلاً..

لذلك، وسائل الإعلام من أخطر أدوات الحروب، هي لا تقتل بالرصاص إنساناً ولا مئة، بل تقتل (أو تحيي) وعي الملايين.. وبالتالي.. إما تجعلهم موجودين أو لا..


منتابع الحديث لاحقاً اليوم..
شاركوا القناة مع أصدقائكم من هالرابط
https://t.me/Brain_Gate

وكالعادة، دُمتم بِخَير، وحُبّ..

#Brain #Science #Perception #علم

الإدراك عملية مستمرة فاعلة، وليس مجرد استقبال منفعل:

لا تستقبل أدمغتنا المعلومات الحسية بشكلٍ سلبي (منفعل) فحسب؛ بل تُفسّرها وتُصفّيها بنشاط..
تتضمن هذه العملية آلياتٍ مُعقّدة، تشمل التوقعات السابقة والتحيزات المعرفية

ذاتية التجربة:

بما أن الإدراك ذاتي، فقد يختبر الأفراد الواقع الخارجي نفسه بطرقٍ مُختلفة ويرجع ذلك إلى اختلافاتٍ في التجارب والمعتقدات والتفسيرات الفردية

قوة الأفكار:

تُشكّل أفكارنا ومعتقداتنا وعواطفنا كيفية تفسيرنا وتجربتنا للعالم من حولنا
وهذا يشمل كيفية اتخاذنا للقرارات، وتكويننا للأحكام، وتفاعلنا مع الآخرين

الدماغ كآلة تنبؤ:

يُصدر الدماغ تنبؤاتٍ باستمرارٍ حول العالم بناءً على المُدخلات الحسية والتجارب السابقة، ويستخدم هذه التنبؤات لفهم العالم

مفهوم "الواقع المُصنّع":

يشير هذا إلى فكرة أن إدراكنا للعالم ليس انعكاسًا مُباشرًا للواقع، بل هو بناءٌ قائمٌ على تفسيرات عقولنا وتحيزاتها

دور الاستدلال والتفسير:

لا ندرك العالم كما هو فحسب، بل نستنتج أيضًا ما يحدث وأسبابه، غالبًا بناءً على معرفتنا وتوقعاتنا السابقة والأنماط المخزنة في أدمغتنا كأمثلة مرجعية للاستدلال واستنتاج الجديد..

#Brain #Science #Perception #علم

سيدة تبلغ من العمر 70 عامًا جاءت إلى العيادة تعاني من ألم حاد في منتصف الظهر (المنطقة الصدرية)، بدأ بعد سقوط بسيط على الأرض. كما أنها تشكو من ضعف عام وفقدان وزن منذ شهرين. ضغط الدم 150/70 مم زئبق، والنبض 110/دقيقة. الفحص السريري يُظهر تعرّقًا في راحتي اليدين وارتجافًا دقيقًا في اليد.


التحاليل المخبرية أظهرت:
الهيموغلوبين، والكالسيوم في الدم، والكرياتينين، ومستوى فيتامين D (شكل 25-هيدروكسي) ضمن الحدود الطبيعية.

هرمون المنشّط للغدة الدرقية (TSH) غير قابل للكشف (منخفض جدًا).

صورة الأشعة تُظهر كسراً انضغاطيًا في الفقرة الصدرية السابعة (T7) مع نقص منتشر في كثافة العظام (تخلخل عظام).

#غدية #فيزيولوجيا #أمراض #سريرية

الشرح غداً في التعليقات على هذه الرسالة❤️👇🏻

أداة بتدرس عنك.. ببلاش!!

أحدث طرق الدراسة بمساعدة الذكاء الاصطناعي، مجاناً، بمميزات مرعبة..
كل حدا عم يحضر امتحانات (برا سوريا غالباً بيعتمدوا على الفهم فبتصير مفيدة أكتر) أو عم ياخد كورسات على كورسيرا أو بأي مكان.. هالأداة حتسرع دراستك 3 أضعاف!

احضروا الشرح هون
https://youtu.be/YTfhgzDZZ0w?si=80PLMhIqi5tn4QWA

الفيديو للمشاهدة على تيلغرام مباشرة موجود هون
https://t.me/Med_Gate/108