شوية شروط كرمال تكون الامور مضبوبة وبدون ازعاجات :

1 تفهم ان القناة مش معمولة لتخدش حياءك أو حياء حدا.. القناة معمولة لأغراض أكاديمية وعلمية وتثقيفية كمان وبحب الناس تكتشف ذاتها بمواضيع دائماً مجتمعها بخاف منها (بس بيحب القتل بنفس الوقت)

2 تستفسر وتسأل بدون خجل ونتناقش والأمور رواق بس بدون ما تحكي بأسلوب مزعج (حيكون في رابط صراحة كمان وكل شي) منعرف سوا مو ضروري اعرف كلشي انا اساسا!

3 تكون مهتم بالموضوع ومش داخل حتى تتفرج على صور قليلة أدب لان يعني ماحانشر صور هي الها مطارح تانية بتعرفهن مابدك مين يقلك😣

4 ماتكون اسم وهمي، ولا نقطة، ولا ايموجي، اسم حقيقي، وتقلي عمرك ودراستك وجنسك ومن اي مكان، ليه؟ لان ماناقصني عملاء سريين يفسفسوا عليي اني عم اهدم بنيان المجتمع المحافظ😆

5 ارجع اقرأ الشروط من جديد احتياط❤️


اذا موافق عليها فوراً طبق 4 وابعتلي عالبوت

كونوا بخير عندي شغل💀

العلم هالفترة اكتشف أشياء ظريفة
مثلاً
المال يشتري السعادة فعلاً
وضع جهازك الهضمي السيء بخليك مستعد للاكتئاب أكثر من جيناتك..

وهكذا.. حاكتب منشورات مفصلة عنهم لقدام.. بعرف كترت الوعود بس صدقاً مشغول جداً..

تبقوا بخير، وحُب، وصحة جيدة

مين بيعرف المعلومات هي غلط ولا صح؟
وشو أدلتكم؟
https://www.instagram.com/reel/DHbkNrliSol/?igsh=MWM1cXJ6OHBrOXI1Nw==

مرحباً

للأمانة، المفروض كان بلش نشر اليوم
بس عدد المتابعين صدقاً بائس
صح عادةً مابهتم بالموضوع وبهتم بالمبدأ الي هو نشر الفائدة

بس فكرت إنه شو نفعها الفائدة لو ماحدا بيقرأ؟

عمليا من ٦٠٠ شخص هون ربما في ٢٠ بيقرؤوا عالسريع
الباقي غالباً بمرقوها أو مابعبروا المنشورات

ف من منطلق إحصائي
زيادة عدد المتابعين العام =» زيادة عدد الي بيقرؤوا =» زيادة الفائدة

ف شو رأيكم تتلحلحوا وتبعتوا الرابط للناس الي بتعرفوها ولقنواتكم

https://t.me/Brain_Gate

مو أحسن من نشر مقاطع لاي لاي وعليها فيديو توماس شيلبي؟😔🫡

open ai
رح تنزل نماذج ذكاء صناعي محدثة وجديدة.. ترقبوا..

نزل o3

وشفت خبر صادم وموتني ضحك..

النموذج كذاب.. حرفيا🤣🤣🤣

لما عم يعطي أجوبة غلط عم يبرر الغلط بكذبات مختلفة والهدف هو إرضاء المستخدم

اي نعم عشنا وشفنا ذكاء صناعي مشابه للذكاء البشري.. الكذب بالمناسبة هو مهارة عقلية بالغة التعقيد والعمق.. لهيك الموضوع فيه جانب مخيف شوي.. ومضحك بنفس الوقت

فيكن تجربوه حالياً وتخبرونا رأيكم.. خصوصاً جماعة البرمجة والمعلوماتية👩🏻‍💻

من يهتم ب الذكاء الصناعي عموماً
يتابع هي القناة
https://t.me/abdulladarras

في ناس كتير بتخلط بين الاكتئاب والزعل أو التعب النفسي العادي.

الزعل أو الحزن هو رد فعل طبيعي على مواقف الحياة الصعبة: فقدان، خيبة أمل، ضغوط… بتحس فيه أيام أو حتى أسابيع، بس غالبًا بتضل محافظ على قدرتك تضحك أحيانًا، تتحرك، تاكل، تحكي مع الناس، وتفكر إنو ممكن تتخطى هالشي مع الوقت.

أما الاكتئاب (Depression) فهو اضطراب نفسي حقيقي، مو مجرد شعور، وبيأثر على:

تفكيرك (بتصير أفكارك سوداوية: “أنا فاشل، ما في فايدة، كل شي بلا معنى”)

مشاعرك (فقدان الإحساس بالفرح، حتى بالأشياء اللي كنت تحبها)

جسمك (تعب مستمر، نوم كتير أو أرق، شهية مسدودة أو مفتوحة، صداع أو وجع بجسمك بدون سبب واضح)

تصرفاتك (عزلة، بطء بالحركة، فقدان الرغبة بأي شي، أحياناً حتى إيذاء النفس أو أفكار انتحارية)


والأهم: الاكتئاب ما بيروح لحاله متل الزعل العادي، وممكن يضل شهور أو سنين إذا ما تعالج.

تشخيصه مو رأي، بل إلُه معايير دقيقة بحسب دليل DSM-5 (الدليل التشخيصي والإحصائي للاضطرابات النفسية). لازم تكون الأعراض مستمرة لأكتر من أسبوعين، وتأثر بشكل واضح على حياة الشخص اليومية.

يعني باختصار:

الزعل = رد فعل طبيعي

الاكتئاب = اضطراب نفسي يحتاج علاج نفسي أو دوائي أو الاثنين معاً



الفرق الجوهري؟
الزعل العادي ما بيخليك تحس إنو حياتك بلا معنى، ولا بيمنعك تنام أو تاكل أو تتحرك أو تشتغل. الاكتئاب بيشلّك حرفياً من جوّا، وبينعكس على جسمك ومخك وتصرفاتك.. بيقلب كل حياتك..

#psychology #brain #mind #depression #اكتئاب
#دماغ #صحة #علم

"""ليه بتحسو الاكتئاب سيء ؟.
    وليه بتشخصو كلشي بالاكتئاب. ؟
   الاكتئاب هوي الفترة الوحيدة اللي بكون مخك داخل فيا بالواقع ؛  بعيدا عن الكذب اللي بتكذبو كل يوم كرمال تقدر تكمل حياتك طبيعي.
    الاكتئاب هوي الوحيد اللي بورجيك الشي الحقيقي و الصورة الواضحة للحياة اللي عايشا ؛ بعيد عن التجاوزات اللي بتقدما _وانت عم تهمل نفسيتك_ كرمال تكمل اليوم بشكل طبيعي .
    الحقيقة دائما موجعة أكتر . بس لازم تكون رضيان بأنو بالوقت اللي الكل عايش بالوهم انت الوحيد اللي عايش بالحقيقة واللي عاجز اكتر من نصنا يعترف بينو و بين حالو فيا  🖤🧣""""


- شو بنقول بهالحالة؟👇🏻

كلام عميق ومؤلم بنفس الوقت، وبيدل على وعي كبير باللي عم تحس فيه

بس خليني قلك شي

الاكتئاب بيخلّي الإنسان يشوف الحياة من خلال عدسة سوداوية—عدسة ما بتكشف الحقيقة، بل بتشوّهها بطريقة بتخلي كل شي يبان قاسي، بلا معنى، ومليان ألم


اللي عم تسميه (الواقع الحقيقي) هو فعلياً (تضخيم للجانب السلبي من الواقع) بيصير (حسب أكثر النظريات قبولاً) بسبب تغييرات بكيمياء الدماغ، خاصة بالنواقل العصبية مثل السيروتونين والدوبامين والنورأدرينالين وغيرها

الاكتئاب ما بيخليك تشوف الحقيقة، بل بيخليك تشوف نسخة مشوهة منها، بتخليك تنسى أي شي منيح أو أي قيمة لأي لحظة إيجابية


نحن ما منشخص كلشي بالاكتئاب، بس الاكتئاب اضطراب حقيقي، منتشر، ومؤذي إذا تُرك بدون علاج. لما منشخصه، فالغرض مو نلزق ستيكر على شعورك، بل لنفهم شو عم يصير، ونقدر نمدّلك يد المساعدة من محل علمي وإنساني


أما عن الإحساس بأن الاكتئاب هو (الصدق الوحيد بالحياة)، فهاد شعور مفهوم... لأن الاكتئاب بيكسر دفاعات النفس، وبيخلّي الإنسان يحس إنه "شاف كلشي على حقيقته". بس الحقيقة مو دايماً سوداء، والمشاعر السوداوية ما بتكون أصدق بس لأنها موجعة. الألم مو مرادف للصدق.


بالعلاج السلوكي المعرفي، بنشتغل سوا لنعرف الفرق بين شو واقعي، وشو ناتج عن التفكير المشوَّه. وبنعيد للإنسان قدرته يشوف الحياة بكل جوانبها، مش بس بجانبها القاسي


صاحب الكلام غالباً شخص عميق، وبفكر، وبحس. وهاد الشي قوة. بس لازم تلاقي مساعدة تخليك تشوف الصورة كاملة، مو بس جزء منها ملوّن بالوجع..

"I can be a handful"


1. A tough cookie - Someone who is strong and resilient, often difficult to deal with.
2. High maintenance - Refers to someone who requires a lot of attention or care.
3. A bit of a wild card - Indicates unpredictability or a tendency to act in unexpected ways.
4. Full of life - Describes someone who is lively and energetic, sometimes to the point of being overwhelming.
5. A force of nature - Someone whose strong personality or energy can be hard to control.
6. A handful to handle - Similar to the original phrase, emphasizing the challenge in managing that person.
7. A live wire - Refers to someone who is very energetic and lively, often causing a stir.
8. A bit of a troublemaker - Indicates someone who tends to cause issues or stir things up.




الشرح بأسلوبي لاحقاً❤️

احضروا هاد المقطع
وادعولي.. ( طبعاً مو هاد الحل المؤكد لكن بداية الطريق.. ورح اشتغل لسا أشياء لقدام)
https://youtu.be/TDYa2pPMx0k?si=fSoFmToHahUgpTZ2

-افتح غوغل
- اكتب كلمة "أوليغارشية"
- اقرأ المقالات ال4 الأولى التي تجدها
" وخصوصاً تسمية الحكومات عند أرسطو "
- اشكرني لاحقاً❤️

لا يعني طلب الاهتمام من الآخرين أننا نعاني من مشكلة، فجميعنا نسعى للاهتمام بشكلٍ أو بآخر.

لكن متى يتحوّل هذا الطلب إلى مشكلة تستحق التوقّف عندها؟

- عندما نطلب الاهتمام من الجميع، أو من أشخاص غير مناسبين.
- عندما يدفعنا ذلك للتصرف بطرق غريبة أو مؤذية لأنفسنا أو للآخرين.
- عندما لا نشعر بالاهتمام حتى لو كان موجوداً بالفعل.
- عندما يتحوّل غيابه إلى معاناة، لأن المُعاناة بحد ذاتها تستوجب التدخّل.


- د أسامة عزيزية

تمرّن دائماً مهما كانت الظروف ومهما كان مزاجك..
خلّي التمرين عادة يومية.. بدون غايات.. سوى تكوين العادة نفسها والحفاظ عليها.. كرمال حالك مو كرمال حدا🙏🏻

#Health #Science #Workout #Neurobiology #Brain #Exercise

البدانة عند الرجال تؤدي إلى خفض معدلات الاندروجينات (الهرمونات الذكرية) وزيادة الاستروجينات (الهرمونات الأنثوية)

البدانة عند الإناث تؤدي إلى زيادة الأندروجينات ونقص الاستروجينات


مين بيعرف ليش؟ شو الآليات الي ممكن تكون ورا هالموضوع؟

اكتبولنا بالتعليقات لنشوف وأبهرونا🌚

تنويه: الغلط مرحّب به

إلى المحاربين القدماء بالقناة هون

بدي منكم تبعتولي أكتر 3 منشورات حبيتوها بهي القناة من لما انعملت لهلا

ابعتولي روابطهم برسالة وحدة هون لو سمحتم
https://t.me/braingatecon_bot

حيكون هالشي كتير مفيد..
شكراً🙏🏻❤️