غالباً كلنا كنا نفكر انو نحنا منتعرق بالصيف كثير ومنخسر وزن وكل ما تعرقنا أكثر كلما منكون عم نحرق دهون أكثر.. بينما بالشتا منكسب وزن لأن ما منتعرق كثير..
هل فعلاً الموضوع هيك؟
مبدئياً إذا شبهنا الأكل أو السعرات الحرارية بالمصاري فالبديهي واللي بتعرفو إنو إذا كنت عم تكسب أكثر من اللي عم تدفعو فإنت بهالطريقة عم تبني مطمورة جميلة جداً وعنصر مهم بالمجتمع ألا وهي كرشك😁 (وممكن تخزن أموالك بأماكن ثانية كثير😁.. منها تحت الجلد ومنها حول الأحشاء).
طيب إذا صار العكس وصرنا نستهلك طاقة وندفع أكثر من اللي عم ناخذو.. وين عم تروح هالدهون؟..
العلم بيقلنا انو الدهون الي بتتكون بشكل أساسي من 3 أنواع من الذرات وهي: الكربون والأكسجين والهيدروجين.. لما منقوم بتمرين رياضي مثلاً أو أي عمل بيتطلب طاقة.. رح نفكك هالدهون لثنائي أكسيد الكربون - وهو القسم الأعظم- وماء..
بالنسبة لثنائي أكسيد الكربون رح نتخلص منو عن طريق الزفير.. أما الماء رح يدخل الدورة الدموية ونطرحو عن طريق البول أو العرق أو حتى الدمع يعني سوائل الجسم بشكل عام..
وليتم هالشي كلو طبعاً نحنا بحاجة جزيئات الأكسجين الأساسية بتفاعل تفكك الدهون..
لهيك المرة الجاي الي بتمشوا فيها أو بلتعبوا رياضة تأكدو إنكن تاخذوا أكسجين منيح و أثناء الزفير تذكروا انو معظم هي الدهون عم تتطلع قدامكن حتى لو مش شايفينها😁..
وما تفكروا إذا الموضوع هيك معناتا إذا قعدنا نتنفس.. شهيق زفير شهيق زفير بسرعة رح ننحف.. لا.. هيك رح يُغمى علينا.. 😂💔
ف عليكم بالتمارين الرياضية وتقليل السعرات.. 💪

كونوا بخير واهتموا بصحتكن 🤍

#Medicine #صحة #علم #تغذية

دمتم بخير وحُب.. بهمني تضلوا بحالة حُب..

الحب جميل فعلاً..
لذلك هذا البوست للأصدقاء الي موجودين ضمن علاقة عاطفية🫂👥


بدراسة انعملت ب2022 فيكن تشوفوها هون

لاقوا الشباب الطيبة إنو لما الأنثى👩🏻 قبل الأحداث الي المفروض تسبب توتر بتعانق شريكها الي بتحبو لمدة حوالي 20 ثانية، بينخفض نسبة الكورتيزول عندها بشكل ملحوظ لما تمر بهالحدث الي بيعملها توتر 🫂🧠


الكورتيزول هو الي بسبب التوتر والقلق بالجسم وهو الي بخلينا نصحى الصبح🌞

ولكن مالاقوا نفس النتائج عند الذكور🧏🏻‍♂


لذلك ياعزيزاتي، وليس أعزائي هون، عانقوا من تحبّون قبل كل امتحان وقبل كل سفرة وأموركن سليمة انشالله

أما أنا و أعزائي ف ربنا يكون فالعون يعني🥸


وبس كده

دُمتم بِخَير، وحُبّ🙏🏻❤️

#حالة

بالانكلش هالمرة

32-year-old woman, wakes up one morning and notices that the right side of her face feels weak. When she tries to smile, the left side of her mouth moves normally, but the right side droops. She also finds it difficult to close her right eye completely. There’s no pain, but she feels a slight tingling sensation around her ear. Sarah has no history of stroke or neurological disorders.

وإنت طالع بالمواصلات بطريقك عالجامعة أو أي مكان ثاني.. بتحط هالسماعات وبتقرر تسمع أغنيتك المفضلة أو شي حلقة بودكاست إذا كنت من جماعة استثمار الوقت✨..
بس كل مرة بتعمل هالحركة ما بتكون عارف شو عم يصير بأذنك..
في خلايا بالأذن الباطنة اسمها الخلايا المشعرة الداخلية هي يلي بتستقبل التنبيه الميكانيكي (يعني الاهتزازات الصوتية) وبتحولها لتنبيه عصبي وبترسلها للدماغ ليترجمعها لكلام نفهمو🗣️ ولموسيقى نستمتع فيها🎶..
ف يلي بيصير لما نحط السماعة بأذننا.. انو هي الاهتزازات عم تكون أقرب عالأذن ومضخمة بشكل أكبر..
والفكرة انو لما نكون بأي مكان في ضجيج رح نضطر نعلي الصوت أكثر ليتغلب على هي الضجة.. وهنا تمكن المشكلة☹️.. تعرضنا لهيك مستويات مرتفعة من الصوت باستمرار رح يسببلنا نقص سمع ونحنا بعدنا بعمر صغير..(بعد ما وصلنا لنقص السمع الشيخي💔) ببساطة لأن الخلايا الي حكينا عنها رح تتضرر وتتلف مع الوقت.. غير انو رح نعتاد على هي الأصوات ونصير نزيد عليها مع الوقت..
وفي علامات معينة ممكن تصير معنا تدلنا على تضرر حاسة السمع عنا متل طنين الأذن المستمر وعدم سماع المستويات المنخفضة من الصوت منصير نعلي صوت التلفزيون مثلا او ما نسمع الي عم يحكي معنا بشكل واضح.
طيب شو الحل والسماعات صارت رفيقتنا بكل مكان؟
بتوصينا منظمة الصحة العالمية (WHO) ما نتجاوز مستوى 60% من الصوت ونقلل من مدة الاستماع للأصوات العالية قدر الإمكان..
وكمان لازم نعطي حالنا وأذننا راحة كل فترة ونسمع الأصوات الي عم توصلنا بشكل طبيعي من الوسط المحيط..
ويا سلام لو قدرنا نستغني عنها اذا كنا لحالنا بغرفة هادية بالبيت 👍✨

وبالختام تذكروا دائماً انكن تهتموا بصحتكن ♥️

- منار

#Medicine #Health

بالنسبة لجهازك العصبي، أفضل شيء في العالم هو شخص آخر..
وأسوأ شي لجهازك العصبي أيضاً، شخص آخر..

- د. ليزا فيلدمان Ph.D

#Neuroscience #الدماغ #Brain #صحة #علم

كان اسمه سعيد لكنه لم يكن سعيداً بالفعل أو بالأحرى لم يعد كذلك بعد تلك الليلة المشؤومة.. لم يعرف النوم إلى عينيه سبيلاً بسبب ألم ساقه.. ساقه المبتورة!..
لم تعد موجودة أي نعم.. لكنه يشعر بها وتؤلمه.. فكيف ذلك؟!🤔
أصبح السؤال يؤرقه أكثر من شبح الساق المتمردة هذه..
وبعد أن بحث في الأمر وسأل طبيبه علم أن ما يمر به عبارة عن متلازمة تسمى " ألم الطرف الوهمي".. 😵‍💫
وهي متلازمة تحدث لبعض المرضى الخاضعين لعمليات بتر طرف أو جزء منه..
تبدأ عادة بمجموعة من الأحساسيس (مثل حس وخز.. برودة.. حرارة.. حس ثقل).. وقد تترافق هذه الأحاسيس مع أعراض ودية كالتعرق..
يتلوها ألم.. قد يزول عفوياً وقد يستمر لسنوات..
أما عن العوامل التي تزيد من احتمالية الإصابة بهذه المتلازمة.. ↖️
~أولاً وجود ألم في الطرف قبل بتره.. حيث يحتفظ الدماغ بذاكرة الألم فيُشعر به كما كان قبل البتر..
~أو في حال استئصال جزء من الطرف وليس طرفاً كاملاً فقد يعاني المريض من ألم في هذا الجزء المتبقي..
~أما العامل الثالث فهو وضع طرف صنعي..🦿 فقد يكون سبب الألم هو وضعه بشكل خاطئ أو غير مريح وبالتالي تنبيه مستمر لنهايات العصب المبتور..
أما عن علاج المتلازمة و النظريات التي تفسر آلية حدوثها فسنتحدث عنها في المرة القادمة..

دمتم سعداء حقاً وفي أتم عافيتكم.. 🤍

- منار

د ماغي الشافعي

لمحة مبسطة عمّا يُسمَّى Dopamine Detox- ذلك المصطلح "التريندي." يقول صاحب فكرة صيام الدوبامين - الطبيب النفسي
:Cameron Sepah
لقد فهم الناس العنوان بصورة مغلوطة، فهذا الأمر لا علاقة له بصورة مهمة لا بالصيام ولا الدوبامين.

الدوبامين هو فقط آلية من آليات تعزيز الإدمانات، لكنّه بلا شكّ عنوان مثير لفكرة واسعة الانتشار.

يرتفع الدوبامين تجاه الأنشطة الإدمانية، لكنه لا ينخفض عند التوقف عنها.


كانت فكرة الأمر تتمحور حول أخذ فترات "Pause" من الأنشطة التي قد تتحوّل إلى إدمانات نذكر منها التسوّق، السوشال ميديا الأكل العاطفي..الخ
والانخراط بدلا من هذه الأنشطة، بأمور أبسط وأكثر طبيعية، بهدف إعادة بسط التحكم على حياتنا وإعادة الاتصال مع انفسنا والآخرين..

بالمناسبة تلك الأنشطة ترفع الدوبامين كغيرها لكنها في النهاية أنشطة صحية مفيدة لك، مثلها مثل سماع الموسيقى، القراءة، الرياضة..الخ

لكن الفكرة المغلوطة، حول أنّ الابتعاد عن هذه الأنشطة "سيخفف من مستويات الدوبامين" ليس بصحيح..

الناس تتعامل مع الدوبامين كأنه مادة مخدرة، يجدر تخفيف مستوياتها، بينما الحقيقة "لا يمكنك الصيام من مادة طبيعية في جسمك."
هنا يمكن الفهم المغلوط كأنّهم يعتقدون أنهم يعيدون إرساء مستويات الدوبامين لطبيعتها، لكن هذا لا يعكس آليات عمل الدوبامين في الدماغ


- د. شفيق فرح


#Neuroscience #Brain #Brain_Gate
#علم #دماغ
#Dopamine_detox
#صحة

كان اسمه سعيد لكنه لم يكن سعيداً بالفعل أو بالأحرى لم يعد كذلك بعد تلك الليلة المشؤومة.. لم يعرف النوم إلى عينيه سبيلاً بسبب ألم ساقه.. ساقه المبتورة!..
لم تعد موجودة أي نعم.. لكنه يشعر بها وتؤلمه.. فكيف ذلك؟!🤔
أصبح السؤال يؤرقه أكثر من شبح الساق المتمردة هذه..
وبعد أن بحث في الأمر وسأل طبيبه علم أن ما يمر به عبارة عن متلازمة تسمى " ألم الطرف الوهمي".. 😵‍💫
وهي متلازمة تحدث لبعض المرضى الخاضعين لعمليات بتر طرف أو جزء منه..
تبدأ عادة بمجموعة من الأحساسيس (مثل حس وخز.. برودة.. حرارة.. حس ثقل).. وقد تترافق هذه الأحاسيس مع أعراض ودية كالتعرق..
يتلوها ألم.. قد يزول عفوياً وقد يستمر لسنوات..
أما عن العوامل التي تزيد من احتمالية الإصابة بهذه المتلازمة.. ↖️
~أولاً وجود ألم في الطرف قبل بتره.. حيث يحتفظ الدماغ بذاكرة الألم فيُشعر به كما كان قبل البتر..
~أو في حال استئصال جزء من الطرف وليس طرفاً كاملاً فقد يعاني المريض من ألم في هذا الجزء المتبقي..
~أما العامل الثالث فهو وضع طرف صنعي..🦿 فقد يكون سبب الألم هو وضعه بشكل خاطئ أو غير مريح وبالتالي تنبيه مستمر لنهايات العصب المبتور..
أما عن علاج المتلازمة و النظريات التي تفسر آلية حدوثها فسنتحدث عنها في المرة القادمة..

دمتم سعداء حقاً وفي أتم عافيتكم.. 🤍

- منار

-قلتيلي انو الماما كانت صعبة..ممكن تشرحيلي كيف يعني؟

=يعني كانت تعاقبني على اصغر غلط بعمله..متل ترتيب سفرة الاكل او التأخر بعملان الطبخ أو حتى اذا رجعت من المدرسة متأخرة خمس دقايق

-طيب شو كان يصير فيكي وقتها ؟

=كنت خاف كتير من الغلط او التقصير..كان الخوف من العقوبة اشد و اصعب من العقوبة ذات نفسها..ينتابني خوف شديد اتعرق يتسرع قلبي يضيق نفسي و يضل الوضع هيك لتصير العقوبة..احيانا بتمنى تجي العقوبة بس لأخلص من شعور الخوف و الترقب اللي كان يصير فيني..

-غريب...ببداية الجلسة قلتيلي انو هالشهر زايدة نوبات الهلع و بنفس الوقت قلتيلي انك مضغوطة بالشغل الجديد تاعك..

=صح دكتور بس انا كنت انضغط قبل و ما كان يصير معي نوبات هلع!

-صحيح، لكن الشغل الجديد فيه مديرك الجديد..اللي قلتيلي عليه سابقا انه صعب و شديد.

=صح دكتور بس بالنهاية الضغط هو هو نفسه..فضلا عن انه لحد الان المدير ما وجهلي ولا ملاحظة او عقوبة بالعكس شايفني افضل الموظفات!

-كلا ما نفسه..الضغط الخارجي من ناحية التاسكات و المهام نفسه..لكن الضغط النفسي و السترس مختلف و رح قلك ليش..
المدير الجديد فيه سمات بتشبه امك كتير..شديد و بيعاقب و ما بيعجبه شي.
تقصيرك سابقا كان بيؤدي للوم نفس بسيط و محاولة التعويض..لان التقصير سابقا كان يأثر على سارة الكبيرة..اما هلق فالتقصير صار جلد ذات لانه صار بيحرض سارة الصغيرة الطفلة اللي بتخاف من امها (اللي بهالحالة متجسدة بشخصية المدير).

في دارة عصبية صارت بدماغك من الصغر هي
تقصير 👈🏻 خوف من نتائج التقصير 👈 تحقق هالمخاوف و حدوث العقوبة.

اليوم حتى لو زالت النتيجة (العقوبة) فالدارة بتضل شغالة بسكل غامض..
تقصير 👈 خوف غير مبرر (لان انتي بتعرفي ان ببقا في عقوبة) 👈 نوبة هلع.

نوبات الهلع عمتجيكي لانك عمتحاولي ترضي مديرك..مع انه رضيان حسب قولتك و شايفك شغلة كبيرة..لكن الحقيقة هي انو سارة الصغيرة اللي جواتك (الى الان) عمتحاول ترضي امك و النسخ المطابقة لمواصفات امك (متل مديرك).

طالما رح تضلي تحاولي تسيطري على كلشي..تحاولي تلحقي كلشي...تحاولي تلمي فكلشي..رح تضلي مقصرة لانك انسانة مو آلهة..و طالما عمتقصري قدام "الماما" الجديدة رح يضل يجيكي الخوف و التعرق و ضيق النفس و هالاعراض اللي منسميها بالطب "نوبات هلع مفاجئة".

- د.أحمد فران


#Psychology #Psychiatry #Brain #علم
#نفس
#دماغ

مساء الكيمياء الحيوية والصيدلة:

وصفلي الدكتور دوا حساسية، ووقت بحثت، اكتشفت أنو هو حاصر هيستامين.
لك وأنا كمان، بس كان دوا لقرحة المعدة!
هلأ إذا عندك شوية اطلاع طبي، بتعرف أنو دوا الحساسية حاصر هيستامين H1، وتبع القرحة حاصر هيستامين H2. بس يا ترى... بتعرف أنو في مستقبلات هيستامين H3 وH4؟

خلينا نبلش وحدة وحدة.

أول شي شو يعني هيستامين؟

الهيستامين هو بلغة الكيمياء C5H9N3
وبلغة نفهمها، هو مادة كيميائية يفرزها الجسم كجزء من الاستجابة المناعية. يلعب دورًا في التفاعلات التحسسية، تنظيم إفراز حمض المعدة، والنقل العصبي. يتفاعل الهيستامين مع أربعة أنواع من المستقبلات (H1، H2، H3، H4) التي تؤدي وظائف مختلفة في الجسم.


شو هي مستقبلات الهيستامين؟

مستقبلات الهيستامين هي بروتينات موجودة على سطح خلايا معينة في الجسم وبتتفاعل مع الهيستامين، وهي مادة كيميائية بيفرزها الجسم وبتلعب دور مهم في الاستجابة المناعية والتحسس ووظائف تانية.

1. مستقبلات H1:

توجد في الأوعية الدموية، الجلد، الجهاز التنفسي والجهاز العصبي المركزي.

بتلعب دورًا في التفاعلات التحسسية، مثل الحكة، الاحمرار وتضيق الشعب الهوائية.

مرتبطة بظهور أعراض الحساسية مثل السعال، العطس والاحتقان.


2. مستقبلات H2:

موجودة بشكل رئيسي في خلايا المعدة.

بتحفز إفراز حمض المعدة.

مرتبطة بأمراض مثل قرحة المعدة وارتجاع المريء.


3. مستقبلات H3:

موجودة بشكل رئيسي في الجهاز العصبي المركزي.

بتنظم تحرير الهيستامين والناقلات العصبية الأخرى.

بتلعب دورًا في النوم، اليقظة والتحكم في الشهية.


4. مستقبلات H4:

موجودة في نخاع العظام والخلايا المناعية.

بتشارك في تنظيم الاستجابات المناعية والالتهابية.

قد يكون لها دور في الأمراض التحسسية والمناعية مثل الربو والتهاب الجلد التأتبي.


وهلأ صار أسهل نعرف كل حاصر هيستامين كيف بيشتغل. كان عندكن فكرة عن مستقبلات H3 وH4؟

•سيرين داؤد

هل تعلم (قسم السيروتونين)

•أول مرة اكتشفوا مستقبلات السيروتونين أو "هرمون السعادة" ما كانت بالدماغ، كانت بمكان بعيد، بالمعدة يعني🤦‍♀️

•الأغلبية مفكرين السيروتونين بس بيخلينا مبسوطين وبيعالج القلق والاكتئاب، بس هو بالحقيقة كمان إلو علاقة بالشهية، بالنوم، الإدراك، حركة الأمعاء.

مستقبلات السيروتونين الرئيسية إلها 7 أنواع وبتتوضع بأماكن متنوعة بالجسم.

وبتمنالكم حياة فيها كميات مناسبة من السيروتونين🫰

•سيرين داؤد

#دماغ
#Brain #Chemistry #Pharma

https://t.me/Brain_Gate/104?single&comment=33

https://t.me/Brain_Gate/104?single&comment=40

حديث سابق عن السعادة ونواقلها للي بحب..

في عصر مليء بالمُشتِّتات، وبإمكانية شبه كليّة للوصول لكل شيء، تتحدَّد جودة حياتك بنسبة كبيرة، بنوعية الأشياء أو حتى طبيعة وجودة الأشخاص التي استطاعت أن تسيطر على انتباهك..

- في هذا العصر وإن كان هذا يظهر بشكل متخفي، المعركة هي معركة انتباه.. المنتصر أو الناجح من يعرف كيف يوجّه هذا الانتباه وضمنيًا توجيه مسار وقته بصورة تخدم أهدافه المرحلية..

والخاسر هو من سمح بصورة مُستدامة للمُشتتات التي تثير المتع قصيرة الأمد، أو تلك التي تثير فيه نقد الذات المُدمِّر، أو الدونيّة أو حتى القلق والاضطراب بالسيطرة على انتباهه وتركيزه.

الانتباه هو الوعي للحظة، هو بقاء أكبر في الحاضر، وبالتالي على المدى القصير استمتاع بالتجربة الراهنة الحاضرة وفي المدى البعيد عبارة عن استثمار رابح يخلق الالتزام تجاه تلك الأهداف والطموحات..


- د شفيق فرح

دوا بيساعدني بطّل دخّان وبطّل اكتئاب سوا؟!!

مافي أسهل من تبطيل الدخان صح؟ غالبًا كلنا كمدخنين مبطلينو ألف مرة💆‍♀️
طيب كلنا منعرف وقت يكون بدنا نبطل في شغلات بتساعدنا متل لصاقات النيكوتين أو علكة النيكوتين وغيرهن ...
طيب بتعرف أن في دوا مافيه نيكوتين ويُوصف للمساعدة بالإقلاع عن التدخين؟
نعم إنّه "البوبروبيون"
هاد الدوا إلو أسماء تجارية متل "زيبان" و"ويلبوترين"
أنا شخصيًا شفتو بالأسواق السورية باسم "فايت سموك"
طيب إذا ماعم يعطيني نيكوتين كيف بيشتغل؟؟
هاد الدوا بيتاخد قبل الإقلاع الفعلي بأسبوع أو اتنين، أصلًا بيكونو كاتبيلي بالروشيتة أنو أختار يوم لوقف تدخين يُفضّل يكون بالأسبوع التاني 💆‍♀️
هو بيشتغل ع3 محاور اللي هيي:
•زيادة الدوبامين والأدرينالين.
•تثبيط مستقبلات النيكوتين: مشان بس تدخن ما يشتغلو كل المستقبلات وتنبسط قد العادة.
•تقليل أعراض الانسحاب.
طييييب
بما أنو قلت بيزيد الدوباامين، هاد الشي بيخليه ينوصف كمضاد اكتئاب، بالإضافة لعلاج اضطراب فرط الحركة ونقص الانتباه (ADHD).
طبعًا كالعادة "ما مناخدو بلا استشارة طبيب"
وأتمنّى لكم حياة خالية من الاكتئاب والتدخين🫰

•سيرين داؤد

#دماغ
#Brain #chemistry #pharma