الحُبّ يُزيل الوحدة عن طريق زيادة حبّنا لأنفسنا كوننا رأينا انعكاسًا لها في محبة الآخرين لنا، وبالتالي تقبّلناها أكثر بل وطوّرنا منها في بيئة داعمة مُرحِّبة...

والعمل يُزيل ما تبقى من الفراغ، هو ترجمة أنّنا أحياء قادرين على التأثير، يمكّننا من جعل العالم مكانًا أفضل لنا، بل وبداية من جعل أنفسنا والآخرين أفضل، كلّ حسب طريقته ومجاله،

لاشكّ أنّ الحبّ والعمل هُما من أقوى معاني حياتنا، بدونهما يتملّكاننا أعداء تلك المعاني: الفراغ بكل أشكاله.. والوحدة.. تلك الأخيرة التي تشابه ما يحدث في الموت فعلًا.


- د. شفيق فرح

#معلومة_عالسريع

لو فتحنا أي مرجع في علم التشريح المقارن
Comparative Anatomy
وهو علم يدرسه كل طالب للبيولوجي في كليات العلوم حنلاقي على سبيل المثال أن التركيب التشريحي لأصابع الإنسان تتشابه بدرجة مذهلة مع أصابع الدولفين والحوت !

الدولفين والحوت عندهن أصابع ؟!

أكيد،ولكنها أصبحت ضامرة ومطمورة داخل تركيب الزعنفة الأمامية وأثناء مراحلهم الجنينية تكون في منتهى الوضوح.

وعلى فكرة ،التركيب التشريحي للأنف أيضا متطابق بين البشر والدلافين والحيتان، الفارق في المكان الذي استقر فيه الأنف فقط.

ما السر وراء هذا التشابه التشريحي؟
البشر والدولفين والحيتان تطوروا من سلف مشترك واحد كان هو الجد الأقدم لكل الثدييات وبالتالي ورثوا منه عدد كبير من نفس الصفات نسميها الصفات السَّلَفية
Ancestral traits


منقول من صفحة ربنا يطورنا كلنا

#Evolution #Biology

اذا كنت أنا بحاجة بيت أسكن فيه بشكل دائم فرح دور بتمهل و صبر و رح اتقبل ابقى شهور بدون سکن
عکس اذا كان بدي سكن مؤقت لمدة شهر فرح استعجل و ما رح اتقبل الانتظار



و بنفس الطريقة اذا كان بدي اوصل لدكتوراه بالطب النفسي فرح اصبر لسنوات و سنوات طويلة لأوصل لهدفي و اتقبل فترة السنوات دون هالدكتوراه... بعكس تماما لو كان هدفي مجرد كورس ساعتين بالصحة
النفسية ..



نفس الأمر ينطبق على علاقاتنا سواء كانت صداقات او علاقات عاطفية ...

فهية اهداف ضخمة لا تقل اهمية و لا صعوبة عن البيت الدائم او الدكتوراه و بالتالي في طريق الوصول لعلاقات مستقرة جيدة لابد من تقبل فترات من الوحدة و انعدام هالعلاقات رغم صعوبة
هالفترات ولابد ان اتقبل العثرات و الأخطاء و الانفصالات اللي رح تصير على طول الطريق لحين وصولي لهل علاقات بنفس الطريقة الي بتقبل الأخطاء و العثرات و الفشل المؤقت اللي بتم في طريق حصولي على شهادة معينة


- د.محمد منى
#Psychology

يا سمير.. يا عبدو.. يا ابو علي.. يا انت وينك!

شو كان اسمو؟
بعرفو ولو بس ماعم اتذكر اسمو


نعم.. تحدث هالأشياء كتير معنا..
باختصار وبلا طول سيرة وبدون تفاصيل كتير يعني..

بدماغنا في عنا مستويين للتذكر
الألفة familiarity والتذكر remember

الألفة، انك بتعرف انك بتعرف شغلة معينة🌚
مابتعرف شو هيي أو شو تفاصيلها بس بتعرف انك بتعرفها، مألوفة إلك

بتعرف انك بتعرف اسمو وشايفو من قبل لهالشخص.. بس مابتعرف كيف ولا وين..


والتذكر.. هاد اسمو محمد بيشتغل مهندس بمديرية الطاقة.. عندي وصولية للذكرى الي بتخص هالإنسان وتفاصيلو الي بعرفها


الموضوع أعقد من هيك.. بس باختصار مخنا قليل مروة، بحاول يحافظ عالطاقة الثمينة الي عندو.. لهيك مفيد انك تعرف هالشي مألوف إلك ولا غريب.. بدون مايصرف مخك كتير طاقة بالتذكر والتفكير...


بالبرية.. أيام أجدادنا القدماء زمان.. كان أي شي مألوف إلنا هو شي مارح يقتلنا.. مانو خطر.. وبالتالي رواق.. هون بتتجلى أهمية أعرف هالشيء مألوف أو لأ بسرعة..

مابهمني اعرف شو هو هلا.. المهم ماياكلني

وغالباً الوجه منتذكرو أكتر مامنتذكر الاسم.. الوجه فيه تفاصيل أكتر.. مميز أكتر.. الأسماء قد تتشابه.. ومابتدل على سمات الشخص.. فهي أقل أهمية من الشكل بالنسبة للمخ..

وحاج لعي من الصبح
حاج هيك..


للي بحب يستزيد ينظر إلى هذا الكتاب
صفحة 80

دُمتم بِخَير، وحُبّ.. وعلم.. حلو العلم


#Neuroscience #Brain #أعصاب #علم #الدماغ

" جدي كان يدخن كل يوم باكيت وضل عايش للمية "

شو السبب برأيكن إنو في أشخاص بصيبها سرطان رئة وأمراض كتير تانية بسبب التدخين وأشخاص بتضل عايشة وأمورها رواق؟🫠🧐

وهل المقولة الي فوق تصلح لأنو نبني حياتنا عليها؟😶‍🌫

شاركوا رأيكن بتعليق لنشوف🥸

#Medicine

الإدراك والتفهم دليل مرونة عصبية..

في الحقيقة،
لايمكننا تغيير الماضي مهما فعلنا الآن..

وعندما ندرك ذلك، سيكون أسهل علينا أن نحاول التعامل مع نتائجه الحاضرة، ومحاولة تغييرها للأفضل.. بما نستطيع أن نفعله الآن وفي هذا الوقت..

أن نحاول العيش في اللحظة الراهنة والشعور بها، وأن نحاول التخفيف من آثار الماضي علينا من أجل الاستمرار لمستقبل أفضل..

يوم لطيف للجميع.. ودُمتم بِخَير، وحُبّ🙏🏻❤️

#Psychology #نصيحة
#علم #الدماغ

#حالة

أنت في العيادة الأذنية، جاءك مريض شاب بعمر ال35 بشكوى ضعف في السمع في الأذن اليمنى، أردت أن تفحص مجرى السمع وغشاء الطبل وعندما وضعت قمع الفحص في أذن المريض بدأ بالتعرق والسعال وأحس بشعور شبيه بالدوخة (الدوار)

ما السبب؟ 🧐

جاوبوا بالتعليقات لنشوف🥸


#Medicine #طب

عنا فرع بالمبهم
ممكن نضغط عليه شوي ونحنا داخلين بالقمع أثناء الفحص ف بيتنبه

اسمه فرع أرنولد (عصب ارنولد)
وهو فرع من المبهم (العاشر) الي هو مسؤول عن هي المنعكسات بيوصل للاذن الخارجية

الحل بسيط بس شوي وبروق المريض لوحدو وحاول خفف ضغطة القمع عالمجرى الخارجي

للاستزادة
https://acnr.co.uk/articles/arnolds-nerve/

- د يوسف فاعور

#Psychology #علم #صحة
#علم_نفس

غالباً كلنا كنا نفكر انو نحنا منتعرق بالصيف كثير ومنخسر وزن وكل ما تعرقنا أكثر كلما منكون عم نحرق دهون أكثر.. بينما بالشتا منكسب وزن لأن ما منتعرق كثير..
هل فعلاً الموضوع هيك؟
مبدئياً إذا شبهنا الأكل أو السعرات الحرارية بالمصاري فالبديهي واللي بتعرفو إنو إذا كنت عم تكسب أكثر من اللي عم تدفعو فإنت بهالطريقة عم تبني مطمورة جميلة جداً وعنصر مهم بالمجتمع ألا وهي كرشك😁 (وممكن تخزن أموالك بأماكن ثانية كثير😁.. منها تحت الجلد ومنها حول الأحشاء).
طيب إذا صار العكس وصرنا نستهلك طاقة وندفع أكثر من اللي عم ناخذو.. وين عم تروح هالدهون؟..
العلم بيقلنا انو الدهون الي بتتكون بشكل أساسي من 3 أنواع من الذرات وهي: الكربون والأكسجين والهيدروجين.. لما منقوم بتمرين رياضي مثلاً أو أي عمل بيتطلب طاقة.. رح نفكك هالدهون لثنائي أكسيد الكربون - وهو القسم الأعظم- وماء..
بالنسبة لثنائي أكسيد الكربون رح نتخلص منو عن طريق الزفير.. أما الماء رح يدخل الدورة الدموية ونطرحو عن طريق البول أو العرق أو حتى الدمع يعني سوائل الجسم بشكل عام..
وليتم هالشي كلو طبعاً نحنا بحاجة جزيئات الأكسجين الأساسية بتفاعل تفكك الدهون..
لهيك المرة الجاي الي بتمشوا فيها أو بلتعبوا رياضة تأكدو إنكن تاخذوا أكسجين منيح و أثناء الزفير تذكروا انو معظم هي الدهون عم تتطلع قدامكن حتى لو مش شايفينها😁..
وما تفكروا إذا الموضوع هيك معناتا إذا قعدنا نتنفس.. شهيق زفير شهيق زفير بسرعة رح ننحف.. لا.. هيك رح يُغمى علينا.. 😂💔
ف عليكم بالتمارين الرياضية وتقليل السعرات.. 💪

كونوا بخير واهتموا بصحتكن 🤍

#Medicine #صحة #علم #تغذية

دمتم بخير وحُب.. بهمني تضلوا بحالة حُب..

الحب جميل فعلاً..
لذلك هذا البوست للأصدقاء الي موجودين ضمن علاقة عاطفية🫂👥


بدراسة انعملت ب2022 فيكن تشوفوها هون

لاقوا الشباب الطيبة إنو لما الأنثى👩🏻 قبل الأحداث الي المفروض تسبب توتر بتعانق شريكها الي بتحبو لمدة حوالي 20 ثانية، بينخفض نسبة الكورتيزول عندها بشكل ملحوظ لما تمر بهالحدث الي بيعملها توتر 🫂🧠


الكورتيزول هو الي بسبب التوتر والقلق بالجسم وهو الي بخلينا نصحى الصبح🌞

ولكن مالاقوا نفس النتائج عند الذكور🧏🏻‍♂


لذلك ياعزيزاتي، وليس أعزائي هون، عانقوا من تحبّون قبل كل امتحان وقبل كل سفرة وأموركن سليمة انشالله

أما أنا و أعزائي ف ربنا يكون فالعون يعني🥸


وبس كده

دُمتم بِخَير، وحُبّ🙏🏻❤️

#حالة

بالانكلش هالمرة

32-year-old woman, wakes up one morning and notices that the right side of her face feels weak. When she tries to smile, the left side of her mouth moves normally, but the right side droops. She also finds it difficult to close her right eye completely. There’s no pain, but she feels a slight tingling sensation around her ear. Sarah has no history of stroke or neurological disorders.

وإنت طالع بالمواصلات بطريقك عالجامعة أو أي مكان ثاني.. بتحط هالسماعات وبتقرر تسمع أغنيتك المفضلة أو شي حلقة بودكاست إذا كنت من جماعة استثمار الوقت✨..
بس كل مرة بتعمل هالحركة ما بتكون عارف شو عم يصير بأذنك..
في خلايا بالأذن الباطنة اسمها الخلايا المشعرة الداخلية هي يلي بتستقبل التنبيه الميكانيكي (يعني الاهتزازات الصوتية) وبتحولها لتنبيه عصبي وبترسلها للدماغ ليترجمعها لكلام نفهمو🗣️ ولموسيقى نستمتع فيها🎶..
ف يلي بيصير لما نحط السماعة بأذننا.. انو هي الاهتزازات عم تكون أقرب عالأذن ومضخمة بشكل أكبر..
والفكرة انو لما نكون بأي مكان في ضجيج رح نضطر نعلي الصوت أكثر ليتغلب على هي الضجة.. وهنا تمكن المشكلة☹️.. تعرضنا لهيك مستويات مرتفعة من الصوت باستمرار رح يسببلنا نقص سمع ونحنا بعدنا بعمر صغير..(بعد ما وصلنا لنقص السمع الشيخي💔) ببساطة لأن الخلايا الي حكينا عنها رح تتضرر وتتلف مع الوقت.. غير انو رح نعتاد على هي الأصوات ونصير نزيد عليها مع الوقت..
وفي علامات معينة ممكن تصير معنا تدلنا على تضرر حاسة السمع عنا متل طنين الأذن المستمر وعدم سماع المستويات المنخفضة من الصوت منصير نعلي صوت التلفزيون مثلا او ما نسمع الي عم يحكي معنا بشكل واضح.
طيب شو الحل والسماعات صارت رفيقتنا بكل مكان؟
بتوصينا منظمة الصحة العالمية (WHO) ما نتجاوز مستوى 60% من الصوت ونقلل من مدة الاستماع للأصوات العالية قدر الإمكان..
وكمان لازم نعطي حالنا وأذننا راحة كل فترة ونسمع الأصوات الي عم توصلنا بشكل طبيعي من الوسط المحيط..
ويا سلام لو قدرنا نستغني عنها اذا كنا لحالنا بغرفة هادية بالبيت 👍✨

وبالختام تذكروا دائماً انكن تهتموا بصحتكن ♥️

- منار

#Medicine #Health

بالنسبة لجهازك العصبي، أفضل شيء في العالم هو شخص آخر..
وأسوأ شي لجهازك العصبي أيضاً، شخص آخر..

- د. ليزا فيلدمان Ph.D

#Neuroscience #الدماغ #Brain #صحة #علم

كان اسمه سعيد لكنه لم يكن سعيداً بالفعل أو بالأحرى لم يعد كذلك بعد تلك الليلة المشؤومة.. لم يعرف النوم إلى عينيه سبيلاً بسبب ألم ساقه.. ساقه المبتورة!..
لم تعد موجودة أي نعم.. لكنه يشعر بها وتؤلمه.. فكيف ذلك؟!🤔
أصبح السؤال يؤرقه أكثر من شبح الساق المتمردة هذه..
وبعد أن بحث في الأمر وسأل طبيبه علم أن ما يمر به عبارة عن متلازمة تسمى " ألم الطرف الوهمي".. 😵‍💫
وهي متلازمة تحدث لبعض المرضى الخاضعين لعمليات بتر طرف أو جزء منه..
تبدأ عادة بمجموعة من الأحساسيس (مثل حس وخز.. برودة.. حرارة.. حس ثقل).. وقد تترافق هذه الأحاسيس مع أعراض ودية كالتعرق..
يتلوها ألم.. قد يزول عفوياً وقد يستمر لسنوات..
أما عن العوامل التي تزيد من احتمالية الإصابة بهذه المتلازمة.. ↖️
~أولاً وجود ألم في الطرف قبل بتره.. حيث يحتفظ الدماغ بذاكرة الألم فيُشعر به كما كان قبل البتر..
~أو في حال استئصال جزء من الطرف وليس طرفاً كاملاً فقد يعاني المريض من ألم في هذا الجزء المتبقي..
~أما العامل الثالث فهو وضع طرف صنعي..🦿 فقد يكون سبب الألم هو وضعه بشكل خاطئ أو غير مريح وبالتالي تنبيه مستمر لنهايات العصب المبتور..
أما عن علاج المتلازمة و النظريات التي تفسر آلية حدوثها فسنتحدث عنها في المرة القادمة..

دمتم سعداء حقاً وفي أتم عافيتكم.. 🤍

- منار