النهاردة يوم اقتصادي مهم لإن هيعلن فيه معدلات التضخم سواء التضخم العام اللي بيعلنه الجهاز المركزي للتعبئة والإحصاء أو التضخم الأساسي اللي بيعلنه البنك المركزي. طيب بيفرقوا ايه عن بعض بقي؟ دا سؤال شهرياً بشوفه.
*️⃣ في البداية التضخم يعني التغير في سعر حاجة ما في فترة زمنية؛ يعني لما نيجي نقول كيلو الارز ب 30 جنية... ممكن نقارن بسعر الارز الشهر اللي قبله نلاقيه 28 جنية فنقول التضخم في الارز علي أساس شهري (بنقارن بالشهر الماضي) 7%... وممكن وهو دا الأهم السنوي؛ يعني نقارن نفس الشهر بالشهر المماثل ونلاقيه ب 15 جنية؛ فنقول التضخم في الأرز 100% علي أساس سنوي...
*️⃣ التضخم بقي بيقيس ايه؟ مئات السلع؛ بيكون في قسم مختص في كل دولة بيقعد يتابع سعر مئات السلع من مختلف المحافظات وبعدين يحسب التضخم.
*️⃣ تلاقي مثلا الطماطم زاد سعرها والارز لكن البيض ثابت ودقيقة الموبايل بقت أرخص والايجارات زيادة صغيرة واسعار العربيات زيادة ضخمة وووو... فبعدها بيحسب متوسط بشكل ما حسب الجهة بقي.
*️⃣ عشان كده لما بنسمع التضخم 30% او 40% بنقول ازاي دا سلعة كذا وكذا وكذا زادوا 100%... دا صحيح بس هل والايجارات زادت 100% مصاريف المدارس زادت 100% سعر الكهرباء والغاز والمايه والانترنت وووو زاد 100% ؟ فهو يعتبر متوسط... متوسط بيقول لو شخص من سنة كان محتاج 10 الاف جنية عشان يشتري سلة من السلع X فدلوقتي نفس الحاجات دي تكلفة 14 ألف جنية. يبقي التضخم 40%... فلو شوفت مثلا تفاصبل التقرير هتلاقيه قايل في سلعة الاغذية كان التضخم في الخضار والفاكهة 15% لكن في اللحوم والدواجن 90% وهكذا يعني.
*️⃣ طيب يا محمد عرفنا التضخم بتاع الجهار المركزي؛ ليه بقي بيطلع رقم تضخم تاني من البنك المركزي؟ هو احنا مش نفس الدولة يعني ولا ايه.
*️⃣ بص يا سيدي الجهاز المركزي بيطلع حاجة اسمها التضخم العام؛ ومن اسمه دا عام يعني شامل كل حاجة... لكن البنك المركزي بيطلع تقرير اسمه التضخم الأساسي.
*️⃣ البنك المركزي بياخد نفس الداتا؛ ويشيل منها السلع سريعة التغير؛ زي الخضروات والفاكهة لان زي ما انتم عارفين مجنونة يا أوطة 🤣 فممكن في يوم تلاقي الخضار الفلاني زاد قوي وبعد يومين يقل وبعدين يزيد وهكذا... يومين سقعة او حر يأثروا علي سعر الخضروات والفاكهة. والبنك عاوز حاجات سعرها مستقر يقيس عليها.
*️⃣ ثاني شيء البنك المركزي بيشيله هي السلع المسعرة إدارياً؛ يعني سعر البنزين متسعر من الدولة؛ مش متروك للسوق عرض وطلب؛ سعر الغاز والمايه والكهرباء... طيب ليه البنك المركزي بيعمل كده؟
*️⃣ بص يا سيدي البنك المركزي بيحتاج يعرف تأثير العرض والطلب عالسوق وسعر السلع؛ فلو الطلب زاد عن العرض فسعر السلع يزيد؛ يبقي ازود الفايدة عشان أشيل التضخم دا؛ والعكس برضك.
*️⃣ فدلوقتي لو الرقم داخله سلع متسعره؛ يعني الناس النهاردة كلها عمالة تمون بنزين؛ هيفضل سعره ثابت لانه متسعر؛ لو حصل اضراب؛ برضك ثابت... فكده السلعة دي تتشال عشان متبوظش لي حسابات التضخم لانها لا تتأثر بالعرض والطلب.
*️⃣ بس يا سيدي كده وضحت؛ يعني لو قولنا اسعار الايجارات زادت؟ دا هيأثر في التضخم العام والتضخم الأساسي ؛ طيب سعر الفاصوليا؟ هيأثر في العام بس مش الاساسي؛ طيب الحكومة غيرت سعر البنزين زي ما متوقع يحصل بعد العيد لاننا دخلنا الربع الثاني؟ هااا هيأثر فين؟
*️⃣ سعر البنزين نفسه هيأثر في معادلة حساب العام بس ومش هيدخل في الاساسي؛ لكن سعر السلع اللي هيزيد بسبب زيادة البنزين؛ سعر السلع دي بقي هيخش في العام والأساسي الاثنين..
*️⃣ التضخم الشهر دا مهم قوي؛ لان من ناحية هنعرف تأثير زيادة البنزين اللي حصل من شهر عالسلع والحكومة عاوزة تعرف حجم التأثير عشان تقرر زيادة جديدة؛ وكمان لما نرجع فلاش باك سنة لورا نلاقي في مارس 2022 حصل اول تحريك للسعر وقت ما زاد من 15.75 ل 18.5 فاثر عالسلع؛ وكمان قفل الاستيراد حصل في فبراير 22 فبدأ في مارس يأثر في السوق... فالاسعار اللي بنقيس عليها اعتبارا من الشهر دا مأثر عليها القرارات الاقتصادية. لكن كانت لسه البدايات.
⬅️ عشان كده التوقعات بتقول ان تضخم مارس دا هيكون الاعلي في تاريخ مصر كلها؛ هنسمع رقم جديد كده فوق ال 40%... مع ان دا مش من مصلحة مصر اقتصادياً لان الاموال الساخنة بتحسب وتشوف هي بتاخد فايدة كام وفي تضخم كام يبقي الفايدة الحقيقية... فكل ما يزيد التضخم يبقي لازم اما تزود الفايدة او تقلل التضخم.
*️⃣ بالمناسبة موازنة 2023-2024 اللي هتبدأ يوم 1 يوليو القادم؛ الحكومة حاسبه التضخم السنوي فيها؛ يعني السنة مقارنة بالسنة الحالية وبتقول انها تتوقع متوسط 16% زيادة... فانتا عاوز تنزل الارقام... وال 16% المتوقعة دي هي سبب شهادات 22% و 19% عشان يتحسب 19% فوايد قصادها 16% تضخم يبقي فايدة حقيقية 3%.. هي محسوبة كده ومتقولوش لي هيحصل ولا مش هيحصل. انا هنا بشرح بس
يلا ننتظر الارقام بعد قليل؛ وافتكروني بقي بالدعاء للشرح وانتم صايمين
*️⃣ في البداية التضخم يعني التغير في سعر حاجة ما في فترة زمنية؛ يعني لما نيجي نقول كيلو الارز ب 30 جنية... ممكن نقارن بسعر الارز الشهر اللي قبله نلاقيه 28 جنية فنقول التضخم في الارز علي أساس شهري (بنقارن بالشهر الماضي) 7%... وممكن وهو دا الأهم السنوي؛ يعني نقارن نفس الشهر بالشهر المماثل ونلاقيه ب 15 جنية؛ فنقول التضخم في الأرز 100% علي أساس سنوي...
*️⃣ التضخم بقي بيقيس ايه؟ مئات السلع؛ بيكون في قسم مختص في كل دولة بيقعد يتابع سعر مئات السلع من مختلف المحافظات وبعدين يحسب التضخم.
*️⃣ تلاقي مثلا الطماطم زاد سعرها والارز لكن البيض ثابت ودقيقة الموبايل بقت أرخص والايجارات زيادة صغيرة واسعار العربيات زيادة ضخمة وووو... فبعدها بيحسب متوسط بشكل ما حسب الجهة بقي.
*️⃣ عشان كده لما بنسمع التضخم 30% او 40% بنقول ازاي دا سلعة كذا وكذا وكذا زادوا 100%... دا صحيح بس هل والايجارات زادت 100% مصاريف المدارس زادت 100% سعر الكهرباء والغاز والمايه والانترنت وووو زاد 100% ؟ فهو يعتبر متوسط... متوسط بيقول لو شخص من سنة كان محتاج 10 الاف جنية عشان يشتري سلة من السلع X فدلوقتي نفس الحاجات دي تكلفة 14 ألف جنية. يبقي التضخم 40%... فلو شوفت مثلا تفاصبل التقرير هتلاقيه قايل في سلعة الاغذية كان التضخم في الخضار والفاكهة 15% لكن في اللحوم والدواجن 90% وهكذا يعني.
*️⃣ طيب يا محمد عرفنا التضخم بتاع الجهار المركزي؛ ليه بقي بيطلع رقم تضخم تاني من البنك المركزي؟ هو احنا مش نفس الدولة يعني ولا ايه.
*️⃣ بص يا سيدي الجهاز المركزي بيطلع حاجة اسمها التضخم العام؛ ومن اسمه دا عام يعني شامل كل حاجة... لكن البنك المركزي بيطلع تقرير اسمه التضخم الأساسي.
*️⃣ البنك المركزي بياخد نفس الداتا؛ ويشيل منها السلع سريعة التغير؛ زي الخضروات والفاكهة لان زي ما انتم عارفين مجنونة يا أوطة 🤣 فممكن في يوم تلاقي الخضار الفلاني زاد قوي وبعد يومين يقل وبعدين يزيد وهكذا... يومين سقعة او حر يأثروا علي سعر الخضروات والفاكهة. والبنك عاوز حاجات سعرها مستقر يقيس عليها.
*️⃣ ثاني شيء البنك المركزي بيشيله هي السلع المسعرة إدارياً؛ يعني سعر البنزين متسعر من الدولة؛ مش متروك للسوق عرض وطلب؛ سعر الغاز والمايه والكهرباء... طيب ليه البنك المركزي بيعمل كده؟
*️⃣ بص يا سيدي البنك المركزي بيحتاج يعرف تأثير العرض والطلب عالسوق وسعر السلع؛ فلو الطلب زاد عن العرض فسعر السلع يزيد؛ يبقي ازود الفايدة عشان أشيل التضخم دا؛ والعكس برضك.
*️⃣ فدلوقتي لو الرقم داخله سلع متسعره؛ يعني الناس النهاردة كلها عمالة تمون بنزين؛ هيفضل سعره ثابت لانه متسعر؛ لو حصل اضراب؛ برضك ثابت... فكده السلعة دي تتشال عشان متبوظش لي حسابات التضخم لانها لا تتأثر بالعرض والطلب.
*️⃣ بس يا سيدي كده وضحت؛ يعني لو قولنا اسعار الايجارات زادت؟ دا هيأثر في التضخم العام والتضخم الأساسي ؛ طيب سعر الفاصوليا؟ هيأثر في العام بس مش الاساسي؛ طيب الحكومة غيرت سعر البنزين زي ما متوقع يحصل بعد العيد لاننا دخلنا الربع الثاني؟ هااا هيأثر فين؟
*️⃣ سعر البنزين نفسه هيأثر في معادلة حساب العام بس ومش هيدخل في الاساسي؛ لكن سعر السلع اللي هيزيد بسبب زيادة البنزين؛ سعر السلع دي بقي هيخش في العام والأساسي الاثنين..
*️⃣ التضخم الشهر دا مهم قوي؛ لان من ناحية هنعرف تأثير زيادة البنزين اللي حصل من شهر عالسلع والحكومة عاوزة تعرف حجم التأثير عشان تقرر زيادة جديدة؛ وكمان لما نرجع فلاش باك سنة لورا نلاقي في مارس 2022 حصل اول تحريك للسعر وقت ما زاد من 15.75 ل 18.5 فاثر عالسلع؛ وكمان قفل الاستيراد حصل في فبراير 22 فبدأ في مارس يأثر في السوق... فالاسعار اللي بنقيس عليها اعتبارا من الشهر دا مأثر عليها القرارات الاقتصادية. لكن كانت لسه البدايات.
⬅️ عشان كده التوقعات بتقول ان تضخم مارس دا هيكون الاعلي في تاريخ مصر كلها؛ هنسمع رقم جديد كده فوق ال 40%... مع ان دا مش من مصلحة مصر اقتصادياً لان الاموال الساخنة بتحسب وتشوف هي بتاخد فايدة كام وفي تضخم كام يبقي الفايدة الحقيقية... فكل ما يزيد التضخم يبقي لازم اما تزود الفايدة او تقلل التضخم.
*️⃣ بالمناسبة موازنة 2023-2024 اللي هتبدأ يوم 1 يوليو القادم؛ الحكومة حاسبه التضخم السنوي فيها؛ يعني السنة مقارنة بالسنة الحالية وبتقول انها تتوقع متوسط 16% زيادة... فانتا عاوز تنزل الارقام... وال 16% المتوقعة دي هي سبب شهادات 22% و 19% عشان يتحسب 19% فوايد قصادها 16% تضخم يبقي فايدة حقيقية 3%.. هي محسوبة كده ومتقولوش لي هيحصل ولا مش هيحصل. انا هنا بشرح بس
يلا ننتظر الارقام بعد قليل؛ وافتكروني بقي بالدعاء للشرح وانتم صايمين
من الحاجات الرخمة في تأثيرات للوضع الاقتصادي هي العزومات في رمضان.
*️⃣ الوضع بقي معقد لما حد يفكر في دعوة أقارب وأصدقاء علي إفطار؛ ومش بقصد فكرة تكلفة الفطور لإن حتى لو ربنا كارمك وعندك قدرة مادية على دعوة أي عدد دون مشكلة؛ لكن المشكلة هتفضل مستمرة في المدعويين نفسهم.
*️⃣ من عادتنا العربية الجميلة هي إن مينفعش تدخل علي حد إيدك فاضية؛ فلما حد هيعزمك أو تروح تزور حد فبقى شبه إجبار بالعرف المجتمع إنك هتجيب حاجة معاك... ومن هنا تيجي المشكلة.
*️⃣ فهنا الوضع الاقتصادي هيخلي جزء من الناس ميقدرش يعزم كالمعتاد الاقارب؛ وجزء ثاني قادر وهيدعوا الناس لكنه في الحقيقة بيلبسهم... لو راحوا جابوا طبق حلويات شرقي أو اي افتكاسة هيلاقوا تكلفة 200 و 300 و 400 جنية... في حين هما في بيتهم مستحيل يفطروا بالمبلغ دا... فبقت الدعوة للفطور دي أشبه بعقاب ومحتاج تعتذر وتهرب منها بأي شكل.
*️⃣ فبقى الواحد مش بس يفكر هي العزومة هتكلفني كام لكن كمان اللي هعزمهم دول هلبسهم في حاجة يجيبوها بكام؟ طيب بلاش اعزمهم حرام؛ أصل مش هينفع احرجهم واقولهم بلاش حد يجيب حاجة. فمعزمهمش؛ وبكده تتضرب الروابط الاجتماعية وصلة الرحم.
⬅️⬅️⬅️ عشان كده أنا بحلم بحاجة الصراحة.
*️⃣ تخيل كده لو ينفع تدعوا الناس عالفطور وتقولهم احنا سيستم بيتنا هو التبرع.
*️⃣ يعني تقول كده احنا منزل مش بياخد هدايا من ضيوف؛ معرفش انتا كنت عاوز تجيب ايه ولا بكام؛ اتبرع لاي جمعية خيرية بالمبلغ دا ومش عاوز اعرف ودا هيكون مفيد جدا في كذا حاجة.
*️⃣ من ناحية محدش بيقول للضيف انتا جايب دا بكام؛ فنفس الفكرة مش هتقوله اتبرعت بكام؛ فبكده انتا شلت الحرج من علي الضيف.
*️⃣ انتا ك ضيف ظروفك صعبة وكنت بتفكر تعتذر عن الدعوة؛ فكده جالك مخرج غير مؤذي لادميتك؛ انتا بتروح كده كده ومش بتجيب حاجة ومحدش هيقولك اتبرعت بكام طبعاً. وحاسس دي علاقة win-win-win
1️⃣ صاحب المكان مش هيحرج يدعوا اي حد؛ مهو الضيف جاي بدون شيء؛ ظروفه كويسة يتبرع في السر؛ ظروفه وحشة مش هتعرف انه متبرعش... وبالمرة تخلص من طن الحلويات اللي بييجي لك. 🔵 🔴 🟢 🟡
2️⃣ الضيف تم انقاذه من الحرج الاجتماعي ومحدش عارف هو عمل ايه ودفع ايه فين او مدفعش.
3️⃣ الفلوس المليارات اللي بتروح لمحلات الحلويات؛ منعكشة ومكرمشة و غرقانه وشرقانه وغطسانه وخرمانه وكنافة بالبطيخ وبالمانجة وبالبرتقال ووو... تروح للجمعيات الخيرية تفيد ناس فعلا مستحقة.
⬅️⬅️ وعلي سيرة الجمعيات الخيرية أنا بشكل شخصي بفضل التبرع للمعارف؛ لكن ساعات بتبرع لجمعيات خيرية وفي السنوات الاخيرة تعاملت مع جهتين بشكل أساسي:
*️⃣ داخل مصر (جمعية مرسال) اللي بتديرها أستاذة هبة راشد وصراحة بحترم مجهودهم جداً وربنا يوفقهم. وبصراحة جزء كبير من معرفتي بالاقتصاد جت من دورات لعمر الشنيطي كانت في مرسال؛ وكذلك اتعلمت كثير في البيزنس من صديقي العزيز شريف برضك في مرسال... فصراحة ليهم فضل عليا.
*️⃣ خارج مصر ودي بتكون جمعيات بتعمل انشطة للمسلمين في افريقيا؛ الجمعية هي (بصمة خير) ؛ للي ميعرفش فالمسلمين في افريقيا في اوضاع صعبة قوي؛ الجمعية دي زي برضك جمعيات اخري بس دي اللي اعرفها بيحفروا آبار للمسلمين ويذبحوا صدقات وكده
✅ بس يا سيدي ومن مكاني هذا بقول لكل المعارف والأصدقاء ؛ انا هعتبر انكم قرأتم البوست؛ واي حد هيزورني عادي ييجي ايده فاضية وانا هعتبر انه نفذ فكرتي وتبرع...
وكل سنة وانتم طيبين ويا رب تفهموا صح البوست عشان ميجيش حد يقول النبي قبل الهدية🤣 🤣
*️⃣ الوضع بقي معقد لما حد يفكر في دعوة أقارب وأصدقاء علي إفطار؛ ومش بقصد فكرة تكلفة الفطور لإن حتى لو ربنا كارمك وعندك قدرة مادية على دعوة أي عدد دون مشكلة؛ لكن المشكلة هتفضل مستمرة في المدعويين نفسهم.
*️⃣ من عادتنا العربية الجميلة هي إن مينفعش تدخل علي حد إيدك فاضية؛ فلما حد هيعزمك أو تروح تزور حد فبقى شبه إجبار بالعرف المجتمع إنك هتجيب حاجة معاك... ومن هنا تيجي المشكلة.
*️⃣ فهنا الوضع الاقتصادي هيخلي جزء من الناس ميقدرش يعزم كالمعتاد الاقارب؛ وجزء ثاني قادر وهيدعوا الناس لكنه في الحقيقة بيلبسهم... لو راحوا جابوا طبق حلويات شرقي أو اي افتكاسة هيلاقوا تكلفة 200 و 300 و 400 جنية... في حين هما في بيتهم مستحيل يفطروا بالمبلغ دا... فبقت الدعوة للفطور دي أشبه بعقاب ومحتاج تعتذر وتهرب منها بأي شكل.
⬅️⬅️⬅️ عشان كده أنا بحلم بحاجة الصراحة.
⬅️⬅️ وعلي سيرة الجمعيات الخيرية أنا بشكل شخصي بفضل التبرع للمعارف؛ لكن ساعات بتبرع لجمعيات خيرية وفي السنوات الاخيرة تعاملت مع جهتين بشكل أساسي:
وكل سنة وانتم طيبين ويا رب تفهموا صح البوست عشان ميجيش حد يقول النبي قبل الهدية
Please open Telegram to view this post
VIEW IN TELEGRAM
موضوع نجاح وانتشار مسلسلات معينة زي محمد رمضان وكده بعيد عن إن جزء منه بيكون حملات PR لكنه بيفكرني بالقصة التي تروى علي خناقة شكوكو مع عباس العقاد.
*️⃣ للي ميعرفهاش ففي صحفي كان راح لعباس العقاد قاله مين أشهر انتا ولا شكوكو؟ فالعقاد قاله مين شكوكو؟ فالقصة وصلت ل شكوكو فقال للصحفي قول لصاحبك العقاد ننزل أنا وهو ميدان التحرير ونشوف الناس هتتجمع علي مين.
*️⃣ لما راحوا للعقاد قالوا له الكلام دا رد قال للصحفي قول لشكوكو تعالي ننزل انا وانتا اه بس خلي الرصيف الثاني فيه رقاصة وشوف الناس هتتلم علي مين أكثر.
*️⃣ دا باختصار اللي بيحصل؛ العوام هيتلموا عالرقاصة أكثر من مغني أو كاتب... والذباب هيتلم عالزبالة أكثر من الأكل الطبيعي... المشكلة مش في وجود الرقاصة والزبالة... المشكلة إننا نتحول ل ذباب... عقولنا بقت سطحية للدرجة بتاعة إننا حتي لما نحب نهلس؛ نروح لاوسخ الأنواع... عارف اللي قرر يشرب خمرة وكمان راح جاب نوع رديء؛ للاسف دا بقي ذوقنا... وذاكرتنا اللي بتنسي للممثلة الفلانية انها عملت كذا والممثل الفلاني انه اتصور مع ممثل اسرائيلي وووو... عادي مهو الذباب ذاكرته ثواني فقط.
*️⃣ للي ميعرفهاش ففي صحفي كان راح لعباس العقاد قاله مين أشهر انتا ولا شكوكو؟ فالعقاد قاله مين شكوكو؟ فالقصة وصلت ل شكوكو فقال للصحفي قول لصاحبك العقاد ننزل أنا وهو ميدان التحرير ونشوف الناس هتتجمع علي مين.
*️⃣ لما راحوا للعقاد قالوا له الكلام دا رد قال للصحفي قول لشكوكو تعالي ننزل انا وانتا اه بس خلي الرصيف الثاني فيه رقاصة وشوف الناس هتتلم علي مين أكثر.
*️⃣ دا باختصار اللي بيحصل؛ العوام هيتلموا عالرقاصة أكثر من مغني أو كاتب... والذباب هيتلم عالزبالة أكثر من الأكل الطبيعي... المشكلة مش في وجود الرقاصة والزبالة... المشكلة إننا نتحول ل ذباب... عقولنا بقت سطحية للدرجة بتاعة إننا حتي لما نحب نهلس؛ نروح لاوسخ الأنواع... عارف اللي قرر يشرب خمرة وكمان راح جاب نوع رديء؛ للاسف دا بقي ذوقنا... وذاكرتنا اللي بتنسي للممثلة الفلانية انها عملت كذا والممثل الفلاني انه اتصور مع ممثل اسرائيلي وووو... عادي مهو الذباب ذاكرته ثواني فقط.
مش معتاد إني أعمل دعاية لشغلي في تليجرام بس المرة دي الموضوع المرة دي يستحق لإني عامل عروض عالساعات الاقتصادية يستحق وحرفياً أرخص من الأسعار اللي التجار بتشتري بيه في مصر وأتمنى مع جنان الدولار ميبقاش أرخص ما هشتري تاني... فالأسعار دي لمرة واحدة لن تتكرر من أجل الدعاية لإن هدفي نشر البيع المباشر لدكان تك بعيد عن عباءة أمازون ونون.
لينك العروض من حسابنا في الفيسبوك وهيفتح عادي حتى لو معندكش حساب عالفيسبوك يعني
https://bit.ly/406Fq32
لينك العروض من حسابنا في الفيسبوك وهيفتح عادي حتى لو معندكش حساب عالفيسبوك يعني
https://bit.ly/406Fq32
فاكرين فكرة الأفلام بتاعة التركيز علي البطل؛ اللي هو الشرير يضرب صاروخ علي عربية البطل يتفاداها فييجي الصاروخ في عربية أخرى أو مبني... محدش فكر لحظة هو نظرياً المبني دا في بني آدمين؛ مش مهم احنا مركزين مع البطل. اهو حرفياً بيحصل دا في السودان.
*️⃣ إحنا متابعتنا (دا لو حد مهتم يتابع السودان) متركزة بين البطلين؛ البرهان حميدتي؛ مشجعين الجيش ومشجعين الدعم السريع... سيطر علي مطار؛ اخدوا المطار؛ سيطر ع التليفزيون ؛ اخدوا التليفزيون.
*️⃣ حد جه في باله ان الخرطوم دي ساكن فيها 2.5 مليون انسان؛ ولو بصينا علي العاصمة المثلثة (اللي هي نفس مفهوم القاهرة الكبري؛ المنطقة المركزية يعني) فهنلاقي ان في أكثر من 8 مليون إنسان.
*️⃣ في 8 مليون بني آدم ؛ متخيلين الرقم دا؟ الرقم دا محتاج أد ايه أكل وشرب يومياً؟ العواصم عادة مستوردة للغذاء مش منتجة؛ الزراعات بتكون في الضواحي.
*️⃣ ففي دولة حرب شوارع بين طرفين؛ الناس طبيعي عندها أكل في بيوتها يكفيها ايام ويمكن اسبوع وإثنين ؛ طيب لو الموضوع طول؟ تخيل شاحنة تكون رايحة للعاصمة بعصير مثلاً يعني؛ تروح قوات الدعم السريع تستولي عليها ك مؤن للحرب...
*️⃣ 8 مليون انسان دول يعني في آلاف المرضي؛ مرضي كبد ومرضي كلي محتاجين غسيل كلي دوري؛ ومرضي قلب ومختلف الامراض... ناس لو مراحتش المستشفي بشكل دوري لمتابعة مرضها؛ خلاص البقاء لله... وهتتسجل وفاه بفشل كلوي مثلاً... مش هتتسجل ضحية حرب مع انها فعليا ضحية حرب..
*️⃣ الحروب الأهلية أوسخ نوع حروب؛ الحرب مع عدو خارجي أرحم؛ بيكون في دولة وجيشها قصاد المدن بيدافع عنها ضد الغزو؛ مش حرب جوا المدن.
*️⃣ هو العزاء الوحيد ان السودانيين عارفين يعني ايه حروب اهليه وازمات؛ احنا فرافير ك مصريين مقارنة بيهم... الناس دي عايشة في ازمات وعقوبات اقتصادية بقالها عشرات السنين... حاجات انتا عارف انها طبيعية يعني في يومك وحياتك بس هما عاشوا سنين بدونها... يا راجل دا متجر برامج ابل وجوجل كانوا ممنوعين منه... مفيش كروت فيزا وماستر كارد؛ اه كروت البنوك العالمية دي مفيش... وطبعاً دي الرفاهيات فما أدراك بالاساسيات المحرومين منها.
*️⃣ المهم يعني واللي اقصده نركز مع الشعب؛ هتلاقوا امبارح خبر ان الجيش بيتهم ميليشا الدعم السريع بإنهم دمروا محطة المياة الرئيسية بتاعة العاصمة؛ والعكس برضك قالوا لا الجيش... طبعاً نقعد نقول تفتكر الجيش لالا اكيد الميليشيات... طيب بالنسبة للمنازل اللي فقدت مصدر المياه بتاعها. لا ملقتش حد كاتب الضرر اد ايه وهيأثر علي كام مواطن؛ التحليل هو مين السبب. نفكر في صاحب الشأن نفسه ونحطه في المعادلة
*️⃣ حاجة كده زي وزير الخارجية الامريكي اللي حابب يعرف الأوضاع في السودان؛ تفتكروا كلم وزير الخارجية السوداني؟ طيب المصري بصفتنا عالحدود وعندنا جنود؟ لا خالص عمل مكالمة ثلاثية مع السعودية والامارات واتناقشوا... طيب صاحب الشأن نفسه وجاره الأساسي؟ لا دول ديكور في المشهد؛ احنا بنكلم اللي معاهم النفوذ على الطرفين
ربنا يحمي السودان وأهلها ويعيد جنودنا سالمين لمصر
*️⃣ إحنا متابعتنا (دا لو حد مهتم يتابع السودان) متركزة بين البطلين؛ البرهان حميدتي؛ مشجعين الجيش ومشجعين الدعم السريع... سيطر علي مطار؛ اخدوا المطار؛ سيطر ع التليفزيون ؛ اخدوا التليفزيون.
*️⃣ حد جه في باله ان الخرطوم دي ساكن فيها 2.5 مليون انسان؛ ولو بصينا علي العاصمة المثلثة (اللي هي نفس مفهوم القاهرة الكبري؛ المنطقة المركزية يعني) فهنلاقي ان في أكثر من 8 مليون إنسان.
*️⃣ في 8 مليون بني آدم ؛ متخيلين الرقم دا؟ الرقم دا محتاج أد ايه أكل وشرب يومياً؟ العواصم عادة مستوردة للغذاء مش منتجة؛ الزراعات بتكون في الضواحي.
*️⃣ ففي دولة حرب شوارع بين طرفين؛ الناس طبيعي عندها أكل في بيوتها يكفيها ايام ويمكن اسبوع وإثنين ؛ طيب لو الموضوع طول؟ تخيل شاحنة تكون رايحة للعاصمة بعصير مثلاً يعني؛ تروح قوات الدعم السريع تستولي عليها ك مؤن للحرب...
*️⃣ 8 مليون انسان دول يعني في آلاف المرضي؛ مرضي كبد ومرضي كلي محتاجين غسيل كلي دوري؛ ومرضي قلب ومختلف الامراض... ناس لو مراحتش المستشفي بشكل دوري لمتابعة مرضها؛ خلاص البقاء لله... وهتتسجل وفاه بفشل كلوي مثلاً... مش هتتسجل ضحية حرب مع انها فعليا ضحية حرب..
*️⃣ الحروب الأهلية أوسخ نوع حروب؛ الحرب مع عدو خارجي أرحم؛ بيكون في دولة وجيشها قصاد المدن بيدافع عنها ضد الغزو؛ مش حرب جوا المدن.
*️⃣ هو العزاء الوحيد ان السودانيين عارفين يعني ايه حروب اهليه وازمات؛ احنا فرافير ك مصريين مقارنة بيهم... الناس دي عايشة في ازمات وعقوبات اقتصادية بقالها عشرات السنين... حاجات انتا عارف انها طبيعية يعني في يومك وحياتك بس هما عاشوا سنين بدونها... يا راجل دا متجر برامج ابل وجوجل كانوا ممنوعين منه... مفيش كروت فيزا وماستر كارد؛ اه كروت البنوك العالمية دي مفيش... وطبعاً دي الرفاهيات فما أدراك بالاساسيات المحرومين منها.
*️⃣ المهم يعني واللي اقصده نركز مع الشعب؛ هتلاقوا امبارح خبر ان الجيش بيتهم ميليشا الدعم السريع بإنهم دمروا محطة المياة الرئيسية بتاعة العاصمة؛ والعكس برضك قالوا لا الجيش... طبعاً نقعد نقول تفتكر الجيش لالا اكيد الميليشيات... طيب بالنسبة للمنازل اللي فقدت مصدر المياه بتاعها. لا ملقتش حد كاتب الضرر اد ايه وهيأثر علي كام مواطن؛ التحليل هو مين السبب. نفكر في صاحب الشأن نفسه ونحطه في المعادلة
*️⃣ حاجة كده زي وزير الخارجية الامريكي اللي حابب يعرف الأوضاع في السودان؛ تفتكروا كلم وزير الخارجية السوداني؟ طيب المصري بصفتنا عالحدود وعندنا جنود؟ لا خالص عمل مكالمة ثلاثية مع السعودية والامارات واتناقشوا... طيب صاحب الشأن نفسه وجاره الأساسي؟ لا دول ديكور في المشهد؛ احنا بنكلم اللي معاهم النفوذ على الطرفين
ربنا يحمي السودان وأهلها ويعيد جنودنا سالمين لمصر
توضيح هام بشأن معلومة غلط قولتها في بوست Klivvr
*️⃣ المعلومة الغلط هي إن الليميت بيكون 25 ألف ويزيد تلقائي بعد 30 يوم ل 100 ألف
*️⃣ المعلومة دي مصدرها خدمة العملاء لكن تبين إنها بلح؛ الليميت مش هيزيد بعد 30 يوم؛ دا كان في الأول وقت عدد العملاء قليل؛ لكن بعد ما زاد فبقي بالحب؛ في يوم ما هيزيد؛ امتي بقي الله أعلم دعواتك معانا.
*️⃣ قولت اعمل التوضيح دا عشان ميحصلش في حد نفس اللي حصلي وهو اني اخلص ليميت الكارت معتمداً انه هيزيد يوم 16 او 17 كده وهوبا مفيش جديد يحصل وتلاقي نفسك لابس في مدفوعات هتسددها من الكريديت كارد ب عمولة 10% بدل من 6% اللي كنت مخطط لها... اديني قولت.
*️⃣ خدمة العملاء كلمتهم قالوا اجازة بقي وكل سنة وانتم طيبين.
*️⃣ وعارفك ياللي هتقول هيروحوا مكلمينك ومزودين الليميت؛ لا انتا كده متعرفش كليفر؛ معندهمش سياسة ترضية عملاء ؛ هما بيتصلوا يقولوا Sorry ويقفلوا 🤣؛ لكن عامة انا بكتب البوست دا عشان ميحصلش الموقف اللي فوق... حد مسافر ومتوقع انه هيتم 30 يوم في سفره والكارت ليميته هيزيد معاه ويلبس.
*️⃣ وكمان عشان ايام وهلاقي الناس اللي عرفته مني جايه تبعت لي؛ كملنا 30 يوم ومزادش؛ فدا بوست اشبه باخلاء مسئولية؛ مليش دعوة هما اللي اخلوا بكلامهم؛ وطبعاً المهرب موجود وهو 30 يوم عمل؛ بس كلامهم من البداية محدش كتب فيه عمل دي... انا مش مسئول عن اي موقف سلبي يحصل لحد فمحدش يكلمني أنا...
كفاية الرسايل اللي بتيجي لي بخصوص انتسا باي وتلدا فمش هزودهم كليفر؛ وخلال ايام ببساطة ان شاء الله ؛ كده هقلب كول سنتر بنوك ومجاناً كمان 😭😭
*️⃣ المعلومة الغلط هي إن الليميت بيكون 25 ألف ويزيد تلقائي بعد 30 يوم ل 100 ألف
*️⃣ المعلومة دي مصدرها خدمة العملاء لكن تبين إنها بلح؛ الليميت مش هيزيد بعد 30 يوم؛ دا كان في الأول وقت عدد العملاء قليل؛ لكن بعد ما زاد فبقي بالحب؛ في يوم ما هيزيد؛ امتي بقي الله أعلم دعواتك معانا.
*️⃣ قولت اعمل التوضيح دا عشان ميحصلش في حد نفس اللي حصلي وهو اني اخلص ليميت الكارت معتمداً انه هيزيد يوم 16 او 17 كده وهوبا مفيش جديد يحصل وتلاقي نفسك لابس في مدفوعات هتسددها من الكريديت كارد ب عمولة 10% بدل من 6% اللي كنت مخطط لها... اديني قولت.
*️⃣ خدمة العملاء كلمتهم قالوا اجازة بقي وكل سنة وانتم طيبين.
*️⃣ وعارفك ياللي هتقول هيروحوا مكلمينك ومزودين الليميت؛ لا انتا كده متعرفش كليفر؛ معندهمش سياسة ترضية عملاء ؛ هما بيتصلوا يقولوا Sorry ويقفلوا 🤣؛ لكن عامة انا بكتب البوست دا عشان ميحصلش الموقف اللي فوق... حد مسافر ومتوقع انه هيتم 30 يوم في سفره والكارت ليميته هيزيد معاه ويلبس.
*️⃣ وكمان عشان ايام وهلاقي الناس اللي عرفته مني جايه تبعت لي؛ كملنا 30 يوم ومزادش؛ فدا بوست اشبه باخلاء مسئولية؛ مليش دعوة هما اللي اخلوا بكلامهم؛ وطبعاً المهرب موجود وهو 30 يوم عمل؛ بس كلامهم من البداية محدش كتب فيه عمل دي... انا مش مسئول عن اي موقف سلبي يحصل لحد فمحدش يكلمني أنا...
كفاية الرسايل اللي بتيجي لي بخصوص انتسا باي وتلدا فمش هزودهم كليفر؛ وخلال ايام ببساطة ان شاء الله ؛ كده هقلب كول سنتر بنوك ومجاناً كمان 😭😭
يومياً بقالي شهر بتسأل عن موضوع العقود الآجلة؛ فتعالوا نحكي ايه العقود دي وتأثيرها علينا إزاي؟
⬅️ السؤال الأول: ما هى العقود الآجلة على الجنية؟
*️⃣ بالبلدي كده وبالهجايص؛ تخيل معايا جهة X عندها شغل في مصر وهتستلم فلوسها بعد نهاية المشروع ليكن بعد 3 شهور أو سنة... ودي شركة أجنبية يعني جايه لشغلانه تخلصها وتمشي وهتقبض بالجنية المصري... فهي عاوزة تعرف تعمل حسابها عالدولار بكاااام؟
*️⃣ فهنا بتيجي مؤسسات مالية تقولهم بصوا أنا هتفق معاك من النهاردة إن سعر الدولار بعد سنة ب 44 جنية... الفريق المالي بتاع الشركة يعمل حساباته ويقول أنا متوقع إنه بعد سنة يبقى 50 جنية؛ ففرصة اتفق على 44 دي... والفريق بتاع المؤسسة المالية كان قال إنه متوقع السعر يبقى 40 جنية فأنا ابيع ب 44 وأطلع لي بمكسب 4 جنية.
*️⃣ بعد سنة؛ السعر الرسمي كااام؟. ليكن 38 جنية... فالمؤسسة المالية هتاخد من الشركة 6 جنية (الفارق بين 38 الحالي و 44 اللي في الاتفاق). وممكن السعر يبقى 48 مثلاً فهنا المؤسسة المالية هتدفع 4 جنية للشركة.
*️⃣ عشان كده اسمها العقود غير القابلة للتسليم؛ عشان بنتفق على مبلغ ليكن مليون دولار على 44 جنية. بس مش هيتم تسليم المليون دولار؛ لكن هيتم دفع الفروقات.
السؤال الثاني: هل معنى إن العقود الآجلة ب 44 جنية يبقى الدولار بعد سنة هيبقى 44 جنية؟
*️⃣ يا راجل يا مفتري أنا شرحت أهو ايه العقود؛ السعر ممكن يبقى أي شيء؛ لو المشترين كان الفريق بتاعهم أشطر فكده السعر هيبقى فوق 44 ولو البنوك والمؤسسات المالية أشطر يبقى السعر متوقع أقل من 44 عشان يحققوا مكسب... فمن الآخر ممكن يحصل أي شيء.
السؤال الثالث: طيب طالما العقود اتفاق بين جهتين ومش معناها فعلياً حدوث السعر؛ فليه الناس مهتمة بيها قوي كده؟
*️⃣ بص يا سيدي؛ تخيل معايا إن أطراف العقود عاوزين ربح 3 جنية.... فلو العقود ب 40 يبقى هما توقعاتهم للسعر ب 37... ولو السعر بقى 44 يبقى توقعهم إنه هيبقى ب 41... ولو السعر بقى 50 يبقى توقعهم إنه يوصل 47 وهكذا... فمعنى الزيادة إن الكل متوقع أسوء... وخد بالك دول طرفين... يعني من أسبوع كانت العقود ب40 جنية.. فكده المؤسسة المالية بتبيع على 40 والشركة المشتري موافقة تشتري ب 40... العقود 44 يبقى كده المشتري بقى موافق على 44 وهكذا.
السؤال الرابع: أيوا يعني العقود دي مضرة لينا ولا وحشة في إيه؛ دي اتفاق بين جهتين برضك هتفرق معانا في ايه؟
*️⃣ لا تفرق طبعاً... دلوقتي تخيل في شيء ما هيتم بواسطة شركة أجنبية؛ توريد بضاعة أو خدمة أو أو... الشركة دي هتقبض بعد سنة زي ما قولنا... فهي هتسعر السلعة دي وتبيعها... فهي لما تكون هتشتري العقود ب 40 ثم 44 وهكذا... فهي هتسعر بناء على سعر الدولار دا اللي هى هتخرج بيه؛ فبناء على دا كل ما العقود الآجلة بتزيد فتسعير الجهات دي للخدمات المقدمة بتزيد.
*️⃣ كمان ممكن دا يسبب جودة أقل... فمثلاً عقد التوريد بمبلغ X والدولار فعلي ب 31 ففعليا المبلغ المخصص يكفي لتوفير جودة توريد صناعة أوروبي لكن العقود الآجلة ليكن 50 جنية فكده الحسابات هتتعمل علي 50 فالعروض هتيجي بجودة صناعة صيني ومحدش هيعرض الأورولي... فتخمين وتوقع سعر أعلى هيخلي كل شيء يتغير.
السؤال الخامس والأخير: لييييه ؟ ليييييه بصوت شوبير لييييييييه؟ ليه بتزيد العقود الآجلة؟
*️⃣ مصر عندها أزمة في الكاش فلو بتاع الدولار؛ يعني الإيراد أقل من المطلوب؛ فدا عامل قلق للسوق؛ فالمستثمرين الأجانب بيسألوا نفسهم الدولة هتحل دا إزاي... ايه الأخبار هتاخد قروض؟ لا ... طيب سندات واذون خزينة؟ لا مفيش... طيب أكيد مسرعين وتيرة بيع الشركات عشان يدبروا الدولار؟ لا برضك... طيب يبقى أكيد ضاعفوا سعر البنزين والغاز والكهرباء عشان يجبروا الناس تقلل استهلاك فيوفروا ويقللوا الدعم. لا بصراحة... يبقى أكيد وقفوا انفاق على اي مشروع غير حيوي به مكونات أجنبية؟ لا عادي شغالين... يبقى أعلنوا برنامج لحل الأزمة؟ لا مأعلنوش شيء... يبقى غيروا الحكومة وجابوا خبراء اقتصاد... لا معلملناش الكلام دا. يبقى صندوق النقد راجعهم وعرف إن في خطة سرية غير معلنة زي الفل؟ لا والله الصندوق مأجل المراجعة... يبقى خلاص سابوا الدولار حر ويطلع زي ما يطلع بحيث يجبر السوق على تقليل الطلب... لا والله مسعرين الدولار عادي.
*️⃣ حالة الغموض هى أسوء عدو للاقتصاد... فمن هنا تبدأ المراهنات ضد اقتصادك... فناس تقلق أكثر فتسعر العقود أعلى والمشترين يوافقوا على سعر أعلى وهكذا.
*️⃣ طبعاً للتوضيح أنا ك محمد سامي مقتنع إن هيكون في حل؛ والمؤسسات المالية هتكسب أرقام خزعبلية من العقود دي... تخيل مثلاً بايعين على 44 والدولار بعد سنة يبقى 36.5 جنية... فيكسبوا 20% عالدولار...
*️⃣ فربنا يسهل يعني وأمنيتي إن يبقى في حل تتحقق... واللي راهنوا ضد مصر وإن الدولار يبقى 40 و 50 جنية يخسروا... يا رب...
⬅️ السؤال الأول: ما هى العقود الآجلة على الجنية؟
السؤال الثاني: هل معنى إن العقود الآجلة ب 44 جنية يبقى الدولار بعد سنة هيبقى 44 جنية؟
السؤال الثالث: طيب طالما العقود اتفاق بين جهتين ومش معناها فعلياً حدوث السعر؛ فليه الناس مهتمة بيها قوي كده؟
السؤال الرابع: أيوا يعني العقود دي مضرة لينا ولا وحشة في إيه؛ دي اتفاق بين جهتين برضك هتفرق معانا في ايه؟
السؤال الخامس والأخير: لييييه ؟ ليييييه بصوت شوبير لييييييييه؟ ليه بتزيد العقود الآجلة؟
Please open Telegram to view this post
VIEW IN TELEGRAM
هو أنا مش محامي فاللي هقوله قديم للمحاميين لكن صراحة أول مرة أعرف ان في قانون صادر في مصر من العصر الملكي بينص عالتالي :
*️⃣ يعاقب كل من انتهز فرصة ضعف أو هوى نفس شخص واقرضه نقوداً بأى طريقة كانت بفائدة تزيد عن الحد الأقصى المقرر للفوائد الممكن الاتفاق عليها قانوناً يعاقب بغرامة لا تزيد على مائتى جنيه.
*️⃣ قانون مكافحة الربا الفاحش 🤣 قانون مكافحة منافسة البنوك. وخدوا بالكم الغرامة كبيرة؛ 200 جنية سنة 1937 دا رقم ضخم. دا يساوي 140 جنية ذهب وقتها يعني يفوق 2 مليون جنية بمعيار الذهب؛ ولو قستها بالدولار والتضخم فالمبلغ دا كان 685 دولار وقتها (الدولار 20 قرش) وال 685 سنة 1937 تعادل 20884 دولار حالياً أي 750 ألف جنية... فالغرامة ضخمة مش صغيرة
*️⃣ يعاقب كل من انتهز فرصة ضعف أو هوى نفس شخص واقرضه نقوداً بأى طريقة كانت بفائدة تزيد عن الحد الأقصى المقرر للفوائد الممكن الاتفاق عليها قانوناً يعاقب بغرامة لا تزيد على مائتى جنيه.
*️⃣ قانون مكافحة الربا الفاحش 🤣 قانون مكافحة منافسة البنوك. وخدوا بالكم الغرامة كبيرة؛ 200 جنية سنة 1937 دا رقم ضخم. دا يساوي 140 جنية ذهب وقتها يعني يفوق 2 مليون جنية بمعيار الذهب؛ ولو قستها بالدولار والتضخم فالمبلغ دا كان 685 دولار وقتها (الدولار 20 قرش) وال 685 سنة 1937 تعادل 20884 دولار حالياً أي 750 ألف جنية... فالغرامة ضخمة مش صغيرة
من ما يقارب 10 سنين كنت قاعد بتفرج علي فيلم ل راسل كرو اسمه نوح وهي مفروض معالجة سينمائية لقصة سيدنا نوح بس مع الكثير من الهري وهما نفسهم موضحين ان دي مش قصة دينية (زي ما طلعنا قولنا علي مسلسل الشافعي ان بعض الأحداث من خيال المؤلف) بس كده كده دا ضحك عالمعاقين فكرياً لانك عارف كويس المستهدف.
*️⃣ المهم يا سيدي الفيلم كان مطلع شخصية نوح او سيدنا نوح مهو مش عارف اقول عليه ايه؛ شخص متدين بيعبد ربنا وبيكره الفاسدين في الارض والكفر وكده... لكن برضك كان قاسي جداً... المهم بعد شوية تلاقي نفسك تتضايق؛ مش كده يعني ما براحه شوية ممكن الأمور تبقي أكثر مرونة.
*️⃣ بعدها بياخد قرار وابنه بيتخانق معاه؛ خناقة خناقة يعني ضرب وكده مش زعيق؛ المهم لقيت نفسي لكام ثانية بقول ايوا كده أحسن يستحق.
*️⃣ بعدها أخدت بالي ووقفت الفيلم؛ ايه الهبل دا؛ دا مفروض نظرياً بيجسد شخصية نبي؛ يعني حد بيوحى إليه. ازاي أنا أقول القرار دا قاسي ومفروض كان ياخد معاه البنت دي ولا مفروض كان يعمل كذا... هو ازاي مخي خلاني عشان صعبان عليا ناس في مواقف افكر في ايه اللي مفروض نبي يعمله.
*️⃣ خد بالك عقلنا ال لا واعي بيتضحك عليه؛ يعني لما تشوف فيلم عن صلاح الدين الايوبي بتكون فاكر ان دي قصة صلاح الدين؛ حتي وانتا عارف ان دا سيناريو... نفس الفكرة دي تفهمك الإعلانات ؛ انتا عارف ان الساندوتش مش شكله كده ولا الممثلة المشهورة قوي دي بتغسل هدومها بالمسحوق دا ولا اصلا بتغسل بنفسها... بس العقل الاواعي بيتضحك عليه وبتروح تشتري المسحوق وبتروح المطعم تطلب الساندوتش وهكذا... لانه بيشتري اللي بيتباع له والمنطق بيروح.
*️⃣ فمن هذا المنطق مفروض لو حد بيحكي لنا قصة نبي؛ اي كان اسمه؛ سيدنا موسي عيسي سيدنا نوح يعقوب أيوب الخ الخ... مينفعش يكون دوري تنظيري؛ مينفعش حد يقولي نبي اخد قرار كذا فأنا أقول غلط مفروض يعمل كذا... عشان الفيلم حكي لك مشاعر وشوية أحساسيس ورومانسيات فبقيت تعترض... مع انك عارف لو ربنا بعث بسيدنا نوح دلوقتي تاني وأمرك أي أمر عليك اطاعته بلا نقاش؛ وهيحصل معانا ضمن عقيدتنا مع عودة سيدنا عيسي بنهاية الزمن.
*️⃣ هو دا الخلل وخطورة الإعلام؛ مش بقول طبعاً انه خلاني ضد نبي لكن الفكرة نفسها المستحيله وهي ان مخك ولو ثانية يعترض على تصرف ل نبي حصلت..
*️⃣ ربنا خلقنا بنحب القصص والحكاوي ودا اللي كان عارفه النضر بن الحارث أيام الرسول لما قرر يحارب الإسلام بطريقة مختلفة... راح جاب مغنية رقاصة واتعلم حكاوي وقصص الأدب الفارسي ويقال كليلة ودمنة.. وبقى لو سمع حد الرسول قعد معاه... ياخد هو فريق التمثيل بتاعه دا ويروح يحكي له القصص مع اغاني ورقص... مش الرسول بيقولك قصة وسماء ورب ودنيا وآخره؟ ادي قصة برضك تانية ومعاها هشك بشك واغاني... مسلسل رمضاني كده عالضيق.
*️⃣ ولو انتا فاكر ان السلاح دا بسيط؛ فربنا نزل فيه قرآن (ومن الناس من يشتري لهو الحديث ليضل عن سبيل الله)؛ في كفار كانوا بيعذبوا العبيد المسلمين وكفار حبسوهم ومنزلش فيهم قرآن لكن دا نزل فيه من قوة وخطورة أسلوبة.
*️⃣ الإعلام قوة مهولة ولما كتبت بوست من أسبوع عن المسلسلات جالي اعتراضات كثير واللي يقولي مسلسل مني زكي حلو واللي يقول مسلسل محمد رمضان رائع وكده.. يا جدعان انتم بتتبرمجوا؛ مش هيحصل أكيد تغيير لحظي..
*️⃣ مين فينا ناسي تيتانيك وقصة المشهورة... مين موقفش وحب (جاك) ليوناردو دي كابريو وزعل على موته مع انك لو فكرت دا شخص بيمارس الزني ويرسم عرايا؛ في حين العدو الشرير هو خطيبها اللي داخل البيت من بابه وخاطبها... طب سيبك مم الفيلم دا؛ نروح بعيد ليه ما نشوف مسلسلات رمضان.
*️⃣ تقريباً الشعب معجب بمسلسل محمد رمضان؛ الشخصية بتاعته بقي كم صفحات استخدمت الشعبية وركبت عالترند وكده... طيب ممكن تقولي هو شغال ايه؟ مرابي وبلطجي... ربا صريح... ورغم كده بتحبه.. عشان المخرج أجبرك علي كده. وايه مش بس خلاك معجب دا اظن ان الغالبية محسش بأي حاجة نفسيه تضايقهم في سلوكة وشغله... مش مهم اي حاجة؛ المهم ابنه.
*️⃣ ومرة كمان إفتكر الاعلانات؛ لو الممثلين كلامهم وسلوكهم وظهورهم مش بيأثر مع الناس؛ فلييييه المعلنين بيجيبوهم؟ بالعكس دا في الاعلان زي ما قولت فوق بتبقي عارف ان دا اعلان وهو قابض فلوس بس برضك الاعلان بينجح والتأثير بيتم.
*️⃣ الاعلام باختصار زي أي أكل عك Junk Food اللي بحبه؛ طن دهون وملوثات بس متغلف بطعم حلو؛ هتاكل وتستمتع بس مش هتشوف الملوثات بتعمل في جسمك ايه... نفس الفكرة الحاجات دي؛ هتتفرج وتبقي مبسوط بس مستحيل تاخد بالك اللي بيحصل في عقلك الاواعي.
⬅️ ملحوظة:
أنا مشوفتش المسلسلات اللي علقت مع الناس دي لكني عارف لو شوفتها هلاقي اطنان الرسايل الضمنية اللي هدفها برمجة العقل ال لاواعي وجعله يقبل تدريجي حاجة معينه...
⬅️⬅️⬅️ عارف ان البوستات دي مش خط سير كتابتي المعتاد بس حسيت اني لازم أكتبها.
⬅️ ملحوظة:
أنا مشوفتش المسلسلات اللي علقت مع الناس دي لكني عارف لو شوفتها هلاقي اطنان الرسايل الضمنية اللي هدفها برمجة العقل ال لاواعي وجعله يقبل تدريجي حاجة معينه...
⬅️⬅️⬅️ عارف ان البوستات دي مش خط سير كتابتي المعتاد بس حسيت اني لازم أكتبها.
Please open Telegram to view this post
VIEW IN TELEGRAM
كل سنة وانتم طيبين وعيد سعيد
من طرفي ناوي مش هنشر أي خبر وحش لمدة 3 أيام 🤣
وانتي يا حكومة ؛ كل سنة وانتي طيبة؛ بلاش زيادة سعر البنزين في العيد؛ عارف إن مفروض في زيادة الربع الثاني والزيادة الاخير بتاعة بداية مارس دي بتاعة الربع الأول
بس بلييييز بلاش حركة زيادة العيد دي 🤣 خلينا نعيد؛ وخاصة اني عاوز أمون 😁 استنوا بعد العيد
من طرفي ناوي مش هنشر أي خبر وحش لمدة 3 أيام 🤣
وانتي يا حكومة ؛ كل سنة وانتي طيبة؛ بلاش زيادة سعر البنزين في العيد؛ عارف إن مفروض في زيادة الربع الثاني والزيادة الاخير بتاعة بداية مارس دي بتاعة الربع الأول
بس بلييييز بلاش حركة زيادة العيد دي 🤣 خلينا نعيد؛ وخاصة اني عاوز أمون 😁 استنوا بعد العيد
الجهاز المركزي أعلن زيادة عدد سكان مصر نصف مليون في 110 يوم؛ ورغم إن الرقم دا يبان ضخم لكنه أقل نسبة زيادة تحصل في مصر يمكن من العصر الملكي؛ لكن تم الترويج لها إعلامياً بطريقة "يالهوي زدنا نص مليون".
*️⃣ نسبة الزيادة في السكان كده تقريبا 1.65% حالياً ودي نسبة مرتفعه بالمقارنة بالمقاييس العالمية لكنها برضك بتخلي مصر بره قايمة أكبر 50 دولة في معدلات النمو السكاني.
*️⃣ الخبراء الاقتصاديين بتوع العالم الثالث عندنا بيقولوا لازم النمو يبقي 1% بس عشان تحس بالتقدم... لكن هل دا فعلاً ممكن؟
*️⃣ البوست دا عكس المتوقع؛ مش هتكلم خالص عالجانب الاقتصادي؛ لا هقول تكلفة المواليد عالاقتصاد كام من دعم غذاء وصحة وتموين ووسائل مواصلات بتتحرك ببنزين مدعم وكهرباء . ولا برضك الاستفادة اللي بيعملوها لان طفل يتولد يعني مستشفي هتشتغل ودكتور وممرضين وبتاع ملابس أطفال وبامبرز وأغذية ووو... ولو الاطفال مبقوش موجودين كل دول هيقفلوا.
*️⃣ البوست دا بقي هو دردشة حول فكرة إننا نفترض جدلاً ان فعلاً هي المشكلة الوحيدة لاقتصادنا هي الأطفال؛ يعني لولا الزيادة السكانية كان زمانا سويسرا . سيبك من كل دا وتعالوا نقول كل ما سبق صح 100% لكن هل بقي ممكن تخفيض معدلات المواليد وتبقي الزيادة السكانية تحت 1% ؟
*️⃣ هل انتا متخيل إن الأوروبيين قرروا يعملوا معدلات نمو سكاني منخفضة جداً عشان يبقوا متقدمين؟ الإجابة هي لا... اللي حصل جه بواسطة هندسة تدمير الأسرة و المجتمع..
*️⃣ تعرف أي دولة واحدة في الكوكب؛ فيها ناس ملتزمة دينيا يعني الزنى ممنوع؛ الشاب بيتخرج يبحث عن زوجة ويتجوزوا وعادة دي الأسرة اللي بيكونها لباقي حياته... والراجل بيروح الشغل والست في البيت ترعي البيت وتشرف عالأطفال؛ والدولة دي عندها معدلات نمو سكاني قليلة ؟ لو حد يعرف اسم دولة كده يقولي عليها.
*️⃣ الغرب بقي كده عشان هو دمر منظومة الأسرة... انتا شاب وشابه عندكم غريزة جنسية؛ ليه تتجوزوا ويبقي في التزامات؟ قضوها عادي... وبص يا شاب في مليون بنت قصادك ليه تلتزم مع واحدة؟ دي شهرين ودي سنتين وهكذا... وانتي يا بنت خدي بالك؛ دا مش جوزك؛ فممكن يسيبك في أي وقت؛ فلو حملتي هتبقي Single Mother ودا بيقلل فرصك في انك تلاقي راجل تاني تقضيها معاه.
*️⃣ وحتى لو اتجوزتم؛ ليه تخلفي؟ ومستقبلك وطموحك وانتي سترونج اندبندنت واحدة ست؛ هتحملي وترضعي ودا هيعطلك في مسيرتك؛ اه في ستات هيقدروا يعملوا الاقنين بس الغالبية مش هتقدر... فانتا تضحي بمسيرتك وتلبسي في عيل وبعدين الراجل يسيبك.
*️⃣ كونك واحدة ست مستقلة يخلي محدش ليه كلمة عليكي وانتي حرة؛ بس دا برضك معناه إنك مش هتقدري تروحي لأبوكي واخوكي ؛ وحتي لو روحتي فالمجتمعات هناك خلت الرجالة مش رجالة؛ فعادي اختك تبقي في ازمة وانتا راجل قرونك للسماء ومتساعدهاش من منطلق كل واحد حر في حياته... زي ما انا مليش كلمة عليها؛ برضك مفيش عليا التزام نحوها.
*️⃣ السؤال بقي هل دا ممكن يحصل في مصر؛ مفهوم الانجاب في مصر حصري للجواز؛ فهل ممكن في مصر تقولهم اتجوزوا ومتخلفوش؟
*️⃣ لما تيجي تبص علي اللي بيحصل في قوانين وغيره ؛ الظروف اقتصادية فالجواز صعب؛ عراقيل وخوازيق كثير وتركيز علي موضوع ممكن تتحبس بالقايمة وممكن تخلعك من وراك ووو... الفكرة هي انك تضرب مفهوم الأسرة؛ تعيش بنظام حرص ومقلق من الطرف الثاني... دا ممكن يتجوز عليكي دا ممكن يسرق ذهبك ويعمل ويعمل.
*️⃣ بالإضافة ل موضة متخلفيش غير بعد كذا سنة بحيث تضمني؛ ومتخلفيش عشان جسمك يفضل جميل؛ متخلفيش عشان هيعطلك عن مسيرتك العلمية.
*️⃣ ضيف مع دا حالة التفسخ الأسري المنتشرة؛ طمع الأقارب في ثروات بعض فدا بقى يخلي الكل خايف من بعضه والناس تبعد عن بعضها ويحصل التفكك العائلي المطلوب... ومش هيحاول الإعلام يدور ايه سبب وجود المشاكل دي... مش هتلاقي أي عمل بيناقش سبب طمع الأقارب في بعضهم لكن هتلاقي مسلسلات تناقش ضرر التقارب العائلي... يمكن آخرهم مسلسل منى زكي اللي تقريباً خلى كثيرين يقولوا لازم الجد يبقى بعيد عن أحفاده بل شوفت بوستات عالفيسبوك لناس بتسأل أعمل ايه عشان لو مت فجأة مراتي تبقى الوصية على عيالي... الناس خلاص مبقتش واثقة في أهلها...
*️⃣ فكده نضمن إن العيلة الكبيرة اللي دورها ترعى الأسرة الصغيرة وتمنع تفككها بالطلاق وغيره بقت مفككة... وفي الأسرة الصغيرة قلقنا الراجل من مراته إنها تغدر بيه وتخلعه وتسجنه بالقايمة... وقلقنا الست إنه يتجوز عليها ويطلقها وتبقى مطلقة معاها عيال ومحدش هيبص لها... نفس بتاعة الغرب يعني.
*️⃣ ضيف مع دا العوامل الاقتصادية؛ هيطلع عينك عشان تجيب فلوس تتجوز بيها واحدة مش هتسمع كلامك وتقولك زيي زيك ومش هخلف عشان جسمي ومش هرضع؛ والشيخ الفلاني يديها فتوى ووو... فمن هنا بدأ العزوف الرهيب للأسر المصرية في الزواج والإنجاب وزاد الطلاق... من 10 سنين كان معدل الزيادة السكانية 2.4% ودلوقتي أهو 1.65%... واخدين بالكم من سرعة الانهيار.
*️⃣ نسبة الزيادة في السكان كده تقريبا 1.65% حالياً ودي نسبة مرتفعه بالمقارنة بالمقاييس العالمية لكنها برضك بتخلي مصر بره قايمة أكبر 50 دولة في معدلات النمو السكاني.
*️⃣ الخبراء الاقتصاديين بتوع العالم الثالث عندنا بيقولوا لازم النمو يبقي 1% بس عشان تحس بالتقدم... لكن هل دا فعلاً ممكن؟
*️⃣ البوست دا عكس المتوقع؛ مش هتكلم خالص عالجانب الاقتصادي؛ لا هقول تكلفة المواليد عالاقتصاد كام من دعم غذاء وصحة وتموين ووسائل مواصلات بتتحرك ببنزين مدعم وكهرباء . ولا برضك الاستفادة اللي بيعملوها لان طفل يتولد يعني مستشفي هتشتغل ودكتور وممرضين وبتاع ملابس أطفال وبامبرز وأغذية ووو... ولو الاطفال مبقوش موجودين كل دول هيقفلوا.
*️⃣ البوست دا بقي هو دردشة حول فكرة إننا نفترض جدلاً ان فعلاً هي المشكلة الوحيدة لاقتصادنا هي الأطفال؛ يعني لولا الزيادة السكانية كان زمانا سويسرا . سيبك من كل دا وتعالوا نقول كل ما سبق صح 100% لكن هل بقي ممكن تخفيض معدلات المواليد وتبقي الزيادة السكانية تحت 1% ؟
*️⃣ هل انتا متخيل إن الأوروبيين قرروا يعملوا معدلات نمو سكاني منخفضة جداً عشان يبقوا متقدمين؟ الإجابة هي لا... اللي حصل جه بواسطة هندسة تدمير الأسرة و المجتمع..
*️⃣ تعرف أي دولة واحدة في الكوكب؛ فيها ناس ملتزمة دينيا يعني الزنى ممنوع؛ الشاب بيتخرج يبحث عن زوجة ويتجوزوا وعادة دي الأسرة اللي بيكونها لباقي حياته... والراجل بيروح الشغل والست في البيت ترعي البيت وتشرف عالأطفال؛ والدولة دي عندها معدلات نمو سكاني قليلة ؟ لو حد يعرف اسم دولة كده يقولي عليها.
*️⃣ الغرب بقي كده عشان هو دمر منظومة الأسرة... انتا شاب وشابه عندكم غريزة جنسية؛ ليه تتجوزوا ويبقي في التزامات؟ قضوها عادي... وبص يا شاب في مليون بنت قصادك ليه تلتزم مع واحدة؟ دي شهرين ودي سنتين وهكذا... وانتي يا بنت خدي بالك؛ دا مش جوزك؛ فممكن يسيبك في أي وقت؛ فلو حملتي هتبقي Single Mother ودا بيقلل فرصك في انك تلاقي راجل تاني تقضيها معاه.
*️⃣ وحتى لو اتجوزتم؛ ليه تخلفي؟ ومستقبلك وطموحك وانتي سترونج اندبندنت واحدة ست؛ هتحملي وترضعي ودا هيعطلك في مسيرتك؛ اه في ستات هيقدروا يعملوا الاقنين بس الغالبية مش هتقدر... فانتا تضحي بمسيرتك وتلبسي في عيل وبعدين الراجل يسيبك.
*️⃣ كونك واحدة ست مستقلة يخلي محدش ليه كلمة عليكي وانتي حرة؛ بس دا برضك معناه إنك مش هتقدري تروحي لأبوكي واخوكي ؛ وحتي لو روحتي فالمجتمعات هناك خلت الرجالة مش رجالة؛ فعادي اختك تبقي في ازمة وانتا راجل قرونك للسماء ومتساعدهاش من منطلق كل واحد حر في حياته... زي ما انا مليش كلمة عليها؛ برضك مفيش عليا التزام نحوها.
*️⃣ السؤال بقي هل دا ممكن يحصل في مصر؛ مفهوم الانجاب في مصر حصري للجواز؛ فهل ممكن في مصر تقولهم اتجوزوا ومتخلفوش؟
*️⃣ لما تيجي تبص علي اللي بيحصل في قوانين وغيره ؛ الظروف اقتصادية فالجواز صعب؛ عراقيل وخوازيق كثير وتركيز علي موضوع ممكن تتحبس بالقايمة وممكن تخلعك من وراك ووو... الفكرة هي انك تضرب مفهوم الأسرة؛ تعيش بنظام حرص ومقلق من الطرف الثاني... دا ممكن يتجوز عليكي دا ممكن يسرق ذهبك ويعمل ويعمل.
*️⃣ بالإضافة ل موضة متخلفيش غير بعد كذا سنة بحيث تضمني؛ ومتخلفيش عشان جسمك يفضل جميل؛ متخلفيش عشان هيعطلك عن مسيرتك العلمية.
*️⃣ ضيف مع دا حالة التفسخ الأسري المنتشرة؛ طمع الأقارب في ثروات بعض فدا بقى يخلي الكل خايف من بعضه والناس تبعد عن بعضها ويحصل التفكك العائلي المطلوب... ومش هيحاول الإعلام يدور ايه سبب وجود المشاكل دي... مش هتلاقي أي عمل بيناقش سبب طمع الأقارب في بعضهم لكن هتلاقي مسلسلات تناقش ضرر التقارب العائلي... يمكن آخرهم مسلسل منى زكي اللي تقريباً خلى كثيرين يقولوا لازم الجد يبقى بعيد عن أحفاده بل شوفت بوستات عالفيسبوك لناس بتسأل أعمل ايه عشان لو مت فجأة مراتي تبقى الوصية على عيالي... الناس خلاص مبقتش واثقة في أهلها...
*️⃣ فكده نضمن إن العيلة الكبيرة اللي دورها ترعى الأسرة الصغيرة وتمنع تفككها بالطلاق وغيره بقت مفككة... وفي الأسرة الصغيرة قلقنا الراجل من مراته إنها تغدر بيه وتخلعه وتسجنه بالقايمة... وقلقنا الست إنه يتجوز عليها ويطلقها وتبقى مطلقة معاها عيال ومحدش هيبص لها... نفس بتاعة الغرب يعني.
*️⃣ ضيف مع دا العوامل الاقتصادية؛ هيطلع عينك عشان تجيب فلوس تتجوز بيها واحدة مش هتسمع كلامك وتقولك زيي زيك ومش هخلف عشان جسمي ومش هرضع؛ والشيخ الفلاني يديها فتوى ووو... فمن هنا بدأ العزوف الرهيب للأسر المصرية في الزواج والإنجاب وزاد الطلاق... من 10 سنين كان معدل الزيادة السكانية 2.4% ودلوقتي أهو 1.65%... واخدين بالكم من سرعة الانهيار.
*️⃣ شوف أي دولة تحبها وقارن بين المناطق الملتزمة شوية دينياً... مش شرط بلاد مسلمة؛ حتى في الغرب؛ المناطق الريفية أو اللي بيتنشر فيها الزواج ومفهوم الأسرة الطبيعية هتلاقيهم بيخلفوا وعاملين معدلات نمو كبيرة؛ وممكن باقي الدولة بالسالب فيكون إجمالي الدولة سالب... لكن اللي أقصده إن الشكل الطبيعي إن راجل ومراته وأسرة طبيعية فلازم طبيعي يخلفوا... لكن مجتمعات ملهاش في الزواج أو ممكن يتجوزوا على سن 30-35 سنة فكده خلاص ضمنا إنهم هيعيشوا بدون أطفال. ودا المستهدف.
نكتفي بهذا القدر وهتلاقوه البوست مشروح بتفاصيل أكثر كمان في اليوتيوب من اللينك التالي
https://youtu.be/wJtf0CpLaQQ
نكتفي بهذا القدر وهتلاقوه البوست مشروح بتفاصيل أكثر كمان في اليوتيوب من اللينك التالي
https://youtu.be/wJtf0CpLaQQ
YouTube
هل ممكن معدلات النمو السكاني في مصر تبقي 1% سنوي؟
الفترة القادمة في تغيرات عنيفة في الاقتصاد؛ بداية من إن كل الجهات في الدولة بتشتكي انها مش قادرة تتحمل ارتفاع الدولار ولازم تمرر للمستهلك؛ اه مش كل حاجة اتمررت لينا؛ الادوية المادة الفعالة مستوردة فهل الادوية كلها زادت 100% حتي؛ غالبا المتوسط 25% بس.
*️⃣ جهاز تنظيم الاتصالات مفروض هيحسم خلال ايام طلبات فودافون اورانج اتصالات و وي في رفع اسعار الخدمات؛ المقترح الاقرب هو زيادة 50% او ترك الزيادات حرة لكل شركة حسب ظروفها.
*️⃣ شركة الكهرباء مثبته سعر الكهرباء من 1 يوليو 2021؛ وقتها كان البرميل ما يعادل تقريبا 1155 جنية؛ دلوقتي البرميل سعره يعادل 2575 جنية بالسعر الرسمي للدولار يعني زيادة 120% وبكرر دا بحسبه دولار ب 31... فوزارة الكهرباء عاوزة زيادة الأسعار... وطبعا الغاز الطبيعي برضك زاد (احسب بالجنية) والمازوت... وبند خدمة اقساط قروض محطات الكهرباء زاد؛ مهو بيحصل بالجنية ويسدد قرض محطة معمولة بالدولار... الكهرباء عاوزة زيادة الأسعار ومفروض خلاص متوافق لها يوم 1 يوليو ان لم يجد جديد.
*️⃣ البنزين نفس الفكرة؛ وزارة المالية قالت صراحة ان هيبقي في بند دعم مشتقات البترول 119.4 مليار جنية بالموازنة القادمة؛ طبعاً الغالبية فاكرة ان البنزين مبقاش مدعوم؛ معلش الذاكرة نسيت ان حصل تعويم؛ فمكانش مدعوم قبل التعويم؛ رجع تاني مدعوم... طبعاً بالمعطيات الحالية للبترول والدولار فمفروض تروح للتر فوق 20 جنية ودا مستحيل فالدعم هيرجع تاني خلاص.
*️⃣ كل ما سبق وغيره بنود لازم تزيد؛ لكن لأسباب غير اقتصادية مثبتين السعر ومأجلين الزيادة؛ في برضك مشكلة وهي التضخم ؛ اي زيادة لاي بند من دول هيسمع في التضخم اللي هو مش ناقص.
*️⃣ هنخرج من الازمة ازاي؟ محافظ البنك المركزي قالها صراحة الأسبوع الماضي إن السياسة النقدية (تخفيض العملة ورفع الفايدة) مش حل كافي... ونفس الكلام قالوه في تقرير مورجان ستالي من اسبوعين ثلاثة عن مصر... لازم اصلاحات تانية تتم.
*️⃣ عارفك دلوقتي هتقولي ايه البوست الكئيب دا؛ هقولك معلش لانه آخر بوست حالياً.
*️⃣ اه يا جدعان دا آخر بوست حاليا خاص بالوضع الاقتصادي؛ الفترة القادمة مش هينفع خالص أعلق واكتب عن الأخبار اللي هتحصل الا لو هكتب واقول دي زي الفل...
*️⃣ فأنا قررت اعتبارا من هذا البوست اني مش هكتب عن ايه بيحصل في البلد والسوق؛ هرجع تاني اكتب عن البنوك وكروت البنوك؛ هكتب عن دول تانية مش مصر؛ هكتب عن أخبار عالمية؛ ممكن اشرح مفاهيم اقتصادية يعني فايدة الكوريدور بتاعة المركزي ويعني ايه سندات واذون خزينة وحتي أمور اساسية زي الفارق بين القرض والاذون وكده... المهم يعني مش عن الوضع الحالي.
فعندي ليكم طلبين
1️⃣ مبقاش كاتب بوست عام بتكلم فيه عن الكون؛ وحد يخش يستفزني ويسأل عن الوضع المحلي وايه رأيك في كذا... مش هرد عليك؛ فبلاش تحرجني عشان مش بحب انفض لحد.
2️⃣ كده متشوفوش الفيديو اللي فات 😭😭 يعني عملت الصبح بوست وفيديو؛ البوست اتقرأ واتعمله شير لكن الفيديو لا؛ أنا انجرحت من جوايا 💔 💔 (بهزر معاكم؛ قولت اختم البوست ب قلشة 🤣)
فعندي ليكم طلبين
Please open Telegram to view this post
VIEW IN TELEGRAM
يعني ايه "الكبير"
*️⃣ في كل عيلة أو قبيلة أو حتى شلة أصدقاء في شخص يعتبر "الكبير" سواء اعلنوا دا أو بقى متعارف عليه ضمنياً... عادة الكبير دا مش بيكون أكثر واحد ثري في العائلة؛ لكنه الشخص اللي دائماً موجود.
*️⃣ كبير العائلة بابه مفتوح؛ تروحله أي وقت لو عندك مشكلة؛ ممكن يبقى معاه 10 آلاف جنية وتيجي تطلب منه خدمة هتكلفه ال 10 آلاف دول؛ ويعملهم لك... لو عندك مشكلة هتلاقيه جه وقف جنبك.
*️⃣ كان البيت عندنا زمان أيام والدي ثم من بعده والدتي الله يرحمهم بقى بيطبق النظام دا... كنت ببقى فخور إن العائلة بتتجمع عندنا في أي مناسبة.
*️⃣ مصر برضك مفروض كده؛ مفروض مصر هى الأخت الكبرى للدول العربية؛ مفروض هى دائماً كبيرة العائلة؛ مش شرط تبقى معاها فلوس لكنها موجودة... بالعكس ياما تحصل أزمات واللي معاهم فلوس يفكروا لو ساعدوا كده فلوسهم هتقل... لكن مصر مكانتش بتفكر.
*️⃣ مصر فقدت كثير قوي قوي من دورها ك "الكبير" في الربع قرن الأخير؛ ودا دائماً مثار نقد لينا كمصريين للحكومات إنهم مبقوش مخليين مصر هى الكبير.
*️⃣ المشكلة بقى إن بقى في نسبة ضخمة من المصريين بقوا شايفين إننا "عيل" مش "الكبير" ولما يحصل أزمة لدولة عربية وهييجوا مصر تلاقي بوستات "هي نقصاكم اللي فينا مكفينا"... دا هو تفكير الصغير والعيل... لإن الكبير مش بيفكر كده؛ بيفكر إن لو معاه رغيف واحد بس هيقسمه مع اللي جايله.
*️⃣ في انفوجراف منتشر بيقول مصر فيها 16.5 مليون عربي وقال ايه تحت المصدر الجهاز المركزي للإحصاء... صراحة قعدت أدور وملقتش له مصدر أساساً... واللي عثرت عليه هو إن عدد الأجانب في مصر هو 9 مليون منهم 0.25 مليون لاجئ فقط والباقي عمالة أجنبية أو مستثمرين؛ زي كده المصريين في الخليج مينفعش تقول الخليج فيه 5 مليون لاجئ مصري.
*️⃣ الانفوجراف دا كمية ناس نشرته من باب "المن" و "التفضل" ويقولوا شايفين مصر مستحمله أد ايه ووو... برضك دي تصرفات "العيال" لإن الكبير عمره ما يعمل التصرف دا ويقول شوفتم وعملت وسويت.
*️⃣ بطلوا يا مصريين تخلوا مصر صغيرة؛ احنا "كبير العيلة" فلو عاوز تفضل كبير لازم يبقى دورك تشيل عن الباقي... أو هييجي غيرك معاه فلوس كثير ويخش يبقى هو الكبير بدالك... سيبوا اخر حاجة فاضلة لنا وهو دور "الكبير"
*️⃣ مصر الكبيرة وإن شاء الله تفضل الكبيرة رغم أنف أبناءها "العيال".
Please open Telegram to view this post
VIEW IN TELEGRAM
ربنا رحم الدكتور عبد الوهاب المسيري انه مش عايش؛ دا مره اتكلم متضايق عشان سمع عبارة بين اثنين خبطوا عربيات بعض فالغلطان قال اسف فالثاني قاله (اصرفها منين اسف دي) فعلق المسيري ان العلاقات بقت مادية وان حتي في الكلام العادي بقينا براجمتيين زي الصهاينه والعلمانيين؛ وان العلاقات بين البشر مش بتتحسب بالجنية.
*️⃣ لو كل حاجة بتتحسب بالفلوس والمصالح؛ ليه زعلانين من من الاوروبيين انهم احتلونا ؟ ما مصلحتهم ينزلوا يقتلوا ويبيدوا الشعوب دي ؛ مصالح بقي وجت مصلحتهم إن شعوب الاباتشي تموت فتموت؛ مصلحتهم إنهم يدعموا الكيان ضدنا؛ زعلانين ليه ما انتم بقيتوا تفكروا زيهم؛ طالما مفيش مصلحة؛ تموتوا عادي.
*️⃣ ايه دا طفل افريقي بيموت وواقف جنب نسر مستنيه يموت عشان ياكله؛ الله دي تنفع صورة حلوه دي. يموت بعد كده طز؛ مجاعة في ايرلندا؛ طز مش مهم يموت ربع الشعب مش من مصلحة بريطانيا انقاذهم؛ وهكذا... قاعدين زعلانين من الكوكب انهم بيسرقنا... مهي مصالح ومصلحتهم انهم يسرقونا...
*️⃣ وحتي بعيد عن المصالح ؛ تعالوا كده نبص احنا ك مصريين نظرتنا للكوكب ايه وطبعاً ما يلي أنا ضده لكن في قطاع محترم بيفكر كده
⬅️ الخليجيين
شوال فلوس يا عم ومبيفهموش حاجة واحنا اللي علمناهم وعندهم عقدة نقص مننا ويقولك يا طعمية ووو
⬅️ السودانيين
شوية بوابين سمارة شيكولاته بيكرهونا عشان احنا مصر أم الدنيا.
⬅️ الافارقة
عندهم عقدة مننا زي السودانيين وبيكرهونا ودلوقتي بقوا عاوزين يسرقوا تاريخنا.
⬅️ شمال أفريقيا
يا أعوذ بالله شوفهم في الماتشات والجماهير ومش بيحبونا ولا بيطيقونا
⬅️ السوريين
ناس جت احتلت بلدنا واخدوا الاشغال؛ اوووف منهم؛ كنا هنبقي سويسرا لولاهم.
⬅️ واللبنانيين
يا عم دول شوية رقاصين ورقاصات وهشك بشك
⬅️ الهنود
يا عم دول أغبياء هو انتا فاكرني هندي وراكن الفيل بره
⬅️ الصينين والاسيويين
يادي الشعوب المعفنة اللي بتاكل حشرات وخنافس وخفافيش
⬅️ الاوروبيين والامريكان
هما دول الشعوب الحلوه الناس اللي شعرهت اصفر وعنيها خضراء؛ مش تقولي افارقه وعرب وهنود؛ احنا بنحب الاسياد االي قتلونا واحتلونا دول
*️⃣ بس هو متعرفش يا استاذ محمد هو ليه الناس مش بتحبنا؛ مع اننا بنحب كل الناس ومش عنصريين خالص يا اخي... حاجة غريبة جداً ثا اخي مش فاهم الناس دي بتحبهم وبيكرهوك؛ مكنتش غلطان لما قولنا عليهم بوابين عبيد شوال ارز بهايم معفنين الخ الخ... واحنا شعب ميخرجش مننا اي عنصرية خالص بس هما سود بهايم أغبياء ميفهموش.
*️⃣ فهمتوا انتم بترددوا ايه؛ انزلوا اي منطقة شعبية شوفوا معاملة الناس للافارقه إزاي وبعدين تستغربوا هما ليه بيكرهونا ليه... ليه مش بيقفوا معانا؛ ليه بيتحدوا ضدنا..
*️⃣ انا مش هشوف التعليقات لاني فاتحها سلطة؛ زمان كنت قافلها للأصدقاء وكنت لما بلاقي تعليقات عنصرية بشيل صاحبها اصلا من قائمة الأصدقاء واريح نافوخي منه ومن عنصريته.
*️⃣ لو كل حاجة بتتحسب بالفلوس والمصالح؛ ليه زعلانين من من الاوروبيين انهم احتلونا ؟ ما مصلحتهم ينزلوا يقتلوا ويبيدوا الشعوب دي ؛ مصالح بقي وجت مصلحتهم إن شعوب الاباتشي تموت فتموت؛ مصلحتهم إنهم يدعموا الكيان ضدنا؛ زعلانين ليه ما انتم بقيتوا تفكروا زيهم؛ طالما مفيش مصلحة؛ تموتوا عادي.
*️⃣ ايه دا طفل افريقي بيموت وواقف جنب نسر مستنيه يموت عشان ياكله؛ الله دي تنفع صورة حلوه دي. يموت بعد كده طز؛ مجاعة في ايرلندا؛ طز مش مهم يموت ربع الشعب مش من مصلحة بريطانيا انقاذهم؛ وهكذا... قاعدين زعلانين من الكوكب انهم بيسرقنا... مهي مصالح ومصلحتهم انهم يسرقونا...
*️⃣ وحتي بعيد عن المصالح ؛ تعالوا كده نبص احنا ك مصريين نظرتنا للكوكب ايه وطبعاً ما يلي أنا ضده لكن في قطاع محترم بيفكر كده
⬅️ الخليجيين
شوال فلوس يا عم ومبيفهموش حاجة واحنا اللي علمناهم وعندهم عقدة نقص مننا ويقولك يا طعمية ووو
⬅️ السودانيين
شوية بوابين سمارة شيكولاته بيكرهونا عشان احنا مصر أم الدنيا.
⬅️ الافارقة
عندهم عقدة مننا زي السودانيين وبيكرهونا ودلوقتي بقوا عاوزين يسرقوا تاريخنا.
⬅️ شمال أفريقيا
يا أعوذ بالله شوفهم في الماتشات والجماهير ومش بيحبونا ولا بيطيقونا
⬅️ السوريين
ناس جت احتلت بلدنا واخدوا الاشغال؛ اوووف منهم؛ كنا هنبقي سويسرا لولاهم.
⬅️ واللبنانيين
يا عم دول شوية رقاصين ورقاصات وهشك بشك
⬅️ الهنود
يا عم دول أغبياء هو انتا فاكرني هندي وراكن الفيل بره
⬅️ الصينين والاسيويين
يادي الشعوب المعفنة اللي بتاكل حشرات وخنافس وخفافيش
⬅️ الاوروبيين والامريكان
هما دول الشعوب الحلوه الناس اللي شعرهت اصفر وعنيها خضراء؛ مش تقولي افارقه وعرب وهنود؛ احنا بنحب الاسياد االي قتلونا واحتلونا دول
*️⃣ بس هو متعرفش يا استاذ محمد هو ليه الناس مش بتحبنا؛ مع اننا بنحب كل الناس ومش عنصريين خالص يا اخي... حاجة غريبة جداً ثا اخي مش فاهم الناس دي بتحبهم وبيكرهوك؛ مكنتش غلطان لما قولنا عليهم بوابين عبيد شوال ارز بهايم معفنين الخ الخ... واحنا شعب ميخرجش مننا اي عنصرية خالص بس هما سود بهايم أغبياء ميفهموش.
*️⃣ فهمتوا انتم بترددوا ايه؛ انزلوا اي منطقة شعبية شوفوا معاملة الناس للافارقه إزاي وبعدين تستغربوا هما ليه بيكرهونا ليه... ليه مش بيقفوا معانا؛ ليه بيتحدوا ضدنا..
*️⃣ انا مش هشوف التعليقات لاني فاتحها سلطة؛ زمان كنت قافلها للأصدقاء وكنت لما بلاقي تعليقات عنصرية بشيل صاحبها اصلا من قائمة الأصدقاء واريح نافوخي منه ومن عنصريته.
تحديث:
في صديق وضح لي إن المهم اجمالي الاستهلاك اليومي مش أقصى حمل عالشبكة لإن عادة أقصى حمل مش هيتأثر
البوست الأصلي:
النهاردة بالليل التوقيت الصيفي؛ يعني الساعة 12 بالليل هتبقي 1 بالليل. طيب ما تيجي نعمل تجربة عشان نتأكد سوى من الجدوى الاقتصادية.
*️⃣ الأول أنا كنت بدخل جدالات مع الناس؛ اللي يقولي العاااالم بيطبقة؛ بقوله لا العالم بيتخلي عنه وفعليا اللي بيطبقه بس أمريكا واختها كندا؛ وأوروبا ؛ وكام دولة معدودة
*️⃣ فيقولي طيب ما اهووو الدولة المتقدمة اللي بتفهم بتطبقه؛ فبقوله طيب اليابان وسنغافورة لغوه ليه؟ طيب المفوضية الاوروبية عملت استطلاع رأي في الاتحاد الاوروبي وطلع نتيجته رغبة المواطنين في انه يتلغي وكان مقرر يطلع قرار بإيقافه في أوروبا لكن جت الكورونا عطلت كل حاجة؛ لكن حتي أوروبا اهي بتفكر تلغي ؛ فهيكون في جدوي ويلغوه بذخ؟
*️⃣ بس متنكرش يا محمد انه ليه فوايد اقتصاديه مقلية مشوية ميكس جريل؛ صح؟ بقوله طيب لو ليه فوايد؛ مين هيتحاسب اننا مأخدناش الفوايد دي السنوات الماضية؟ مفروض يتحول لمحاكمة بتهمة اهدار المال العام؛ ولو ملوش فوايد يبقي ليه بتعملة 🤔
*️⃣ وبعدين قررت اريح نفسي ونفكر سوى؛ مش يمكن أنا بجادل بدون علم؛ مش يمكن فعلاً هيوفر 10% من استهلاك الطاقة زي ما قالوا؟ والطاقة غالية فدا مبلغ توفير محترم.
*️⃣ وكما قال المثل القديم ؛ قالوا الجمل طلع النخلة؛ قولنا آدي الجمل وآدي النخله. فتعالوا نجرب بنفسنا يا جدعان بسيطة.
*️⃣ اللي ميعرفوش معظم الناس ان استهلاك الكهرباء في مصر مش من الأسرار الحمد لله؛ فتقدر تدور في جوجل علي موقع وزارة الكهرباء ؛ هيفتح لك موقع غالباً محدش بيفتحه غيري 🤣 ؛ متستغربوش من شكله لإنهم موضحين انه من أجل أفضل تصفح استخدم إنترنت إكسبلورر 8.0 وأحدث (اللي هو نزل مع ويندوز 7 سنة 2009) وأفضل دقة مشاهدة هي 1024*768 😂😂 وطبعاً مش عاوز حد يغلس ويقولي ليه الصفحة الرئيسية بتاعة الموقع ال URL بتاعها test_new/home ؛ قولت دا موقع محدش بيدخله غيري فمحدش أخد باله.
*️⃣ لو ربنا كرمك وكان الموقع شغال معاك هتلاقي على اليمين في نصف الموقع حاجة اسمها "حمل الشبكة" ودا أعلى وأقل استهلاك... إمبارح الأربعاء 26 أبريل كان أقصى حمل 25600 ميجا وات وأقل حمل 17305 ميجا وات ودرجة الحرارة 29... وتوقعهم النهاردة أقصى حمل 26500 ميجا وات.
*️⃣ كده إحنا معانا الأرقام.. ناخد بكره أرقام الخميس... وبعدين نستني تكرار درجة الحرارة... عشان الأحمال بتتغير حسب الحرارة؛ مهو اليوم ال 29 غير ال 24 غير ال 35 غير ال 45... فالمنطقي لو تكررت الظروف "يوم عمل وسط الأسبوع + نفس درجة الحرارة" يبقى يتكرر نفس الاستهلاك تقريباً... لكن مفروض هيتطبق التوقيت الصيفي اللي هيقلل الاستهلاك صح؟ يعني لو تكررت نفس الظروف نلاقي استهلاك طاقة أقل... وبكده نحسم الجدل ببساطة ونتأكد... ولو في توفير يبقى ندعي الله على اللي مطبقش القرار دا السنين الماضية وخسرنا الفلوس اللي بتتوفر دي.
السؤال المهم... تفتكروا بعد ما اتريقنا على موقع الكهرباء؛ هنلاقي قرار طالع بإنشاء موقع جديد وتخصيص 5 مليون جنية مثلاً لتجديد الموقع 😂😂 😂 طبعاً بهزر مش هيعملوا كده أكيد صح😅 وبعدين 5 مليون جنية ايه دا مش أقل من مليون دولار🤣 🤣 .
في صديق وضح لي إن المهم اجمالي الاستهلاك اليومي مش أقصى حمل عالشبكة لإن عادة أقصى حمل مش هيتأثر
البوست الأصلي:
النهاردة بالليل التوقيت الصيفي؛ يعني الساعة 12 بالليل هتبقي 1 بالليل. طيب ما تيجي نعمل تجربة عشان نتأكد سوى من الجدوى الاقتصادية.
السؤال المهم... تفتكروا بعد ما اتريقنا على موقع الكهرباء؛ هنلاقي قرار طالع بإنشاء موقع جديد وتخصيص 5 مليون جنية مثلاً لتجديد الموقع 😂😂 😂 طبعاً بهزر مش هيعملوا كده أكيد صح😅 وبعدين 5 مليون جنية ايه دا مش أقل من مليون دولار
Please open Telegram to view this post
VIEW IN TELEGRAM
أصدقائي اللي عملوا كليفر بناء علي توصيتي او الناس اللي بتفكر تعمله عشان موضوع الليميت العالي ال 100 ألف هيخدمهم في شغلهم وكده... ركزوا في الكام سطر القادمين دول عشان يبدو إن الموضوع فيه (إنه). والبوست دا يعتبر Disclaimer مني.
*️⃣ مفروض علي كلامهم الليميت بيكون الاوا 7.5 يومي و 25 شهري... وبعد شهر يزيد ل 30 يومي و 100 شهري... دا كان الكلام في الأول.
*️⃣ زوجتي زاد الكارت بتاعها في اليوم ال 33 وصديق لي زاد في اليوم 31 وكذا شخص قالي انهم زادوا الفترة الماضية في الايام 30-33...
*️⃣ أنا بقي وصلت 40 يوم وكارتي مزادش؛ ولما سألت اللي أعرفهم ولقيتهم مزادوش كانوا مشتركين معايا في نقطة واحدة... احنا ناس عندها حسابات كثير وكروت كثير وتعاملاتها الدولارية (سفر أو أونلاين) كثير.
*️⃣ ولما تسأل بتوع كليفر يكون تلاقي ردود مطاطية بحيث مفيش حاجة تتمسك عليهم؛ لكن الخلاصة هي ان الملف بيتراجع من البنك العربي الافريقي و البنك المركزي ففي ناس يعني الملف بتاعها بيتأخر شوية.. طيب ليه؟ مفيش رد؛ طيب لغاية امتي؟ ربنا يكرم... اه بجد؛ مفيش وقت ولا أي حاجة.
*️⃣ تحس كده والله أعلم انهم قاعدين يشوفوا؛ ايه دا فلان بيسافر كثير وتعاملات بره كثير؛ لالالا دا خطر متدلوش ليميت؛ اخروه او كنسلوه.... ايه دا عميل مش بيستخدم دولار؛ اه دا حلو زودوا الليميت ليه.
*️⃣ تخيلوا الناس اللي راحت زي حالاتي عملت ليجند ودفعت 1500 جنية ولا أصدقاء لي عملوه الميتال ودفعوا 4500 جنية... علي اساس ان ماركب 6% مع ليميت 100 الف لان ال 2% الفارق تجيب رسوم الكارت في شهر... وهوبا يلبسونا الخازوق دا.
*️⃣ فلو بتفكروا في كليفر عشان موضوع الليميت فانصحكم استنوا شوية لغاية ما تشوفوا الموضوع مع من سبقوكم حصل في ايه. اما لو لبستوا معايا فأنا اسف هما اللي غيروا كلامهم مش أنا.
*️⃣ وريحوا نفسكم من محاولة التواصل مع خدمة العملاء عشان هما مش عارفين حاجة ولا هيفيدوكم بحاجة؛ هما نفسهم ميعرفوش امتي هيتحل الموضوع دا... الموضوع أكبر منهم وغالباً المركزي مستني أبريل يخلص ويسدد القسط بتاعه وبعدين يسمح للناس تستخدم الكروت أكبر دا لو سمح.
⬅️ أنا وضحت اهو عشان ناس بتشتكي لي إنها عملت الكارت بنصيحتي؛ وانا لابس مع الناس وبوظتي شكلي وانا اصلا مش مستفيد حاجة ولا حتي كارتي زاد😭 ...
ملحوظة
*️⃣ حتي الكاش باك بتاع مواقع الترفيه برضك بلح ؛ عديت برضك الشهر ومفيش فلوس اتردت... فواضح ان السيستم بعافية شوتين ثلاثة وانهار من الضغط او هما مش عارفين في ايه.. زي سيستم موقع وزارة الكهرباء وقع من بوست... هما وقعوا من اوا شهر ونص 🤣🤣🤣
*️⃣ مفروض علي كلامهم الليميت بيكون الاوا 7.5 يومي و 25 شهري... وبعد شهر يزيد ل 30 يومي و 100 شهري... دا كان الكلام في الأول.
*️⃣ زوجتي زاد الكارت بتاعها في اليوم ال 33 وصديق لي زاد في اليوم 31 وكذا شخص قالي انهم زادوا الفترة الماضية في الايام 30-33...
*️⃣ أنا بقي وصلت 40 يوم وكارتي مزادش؛ ولما سألت اللي أعرفهم ولقيتهم مزادوش كانوا مشتركين معايا في نقطة واحدة... احنا ناس عندها حسابات كثير وكروت كثير وتعاملاتها الدولارية (سفر أو أونلاين) كثير.
*️⃣ ولما تسأل بتوع كليفر يكون تلاقي ردود مطاطية بحيث مفيش حاجة تتمسك عليهم؛ لكن الخلاصة هي ان الملف بيتراجع من البنك العربي الافريقي و البنك المركزي ففي ناس يعني الملف بتاعها بيتأخر شوية.. طيب ليه؟ مفيش رد؛ طيب لغاية امتي؟ ربنا يكرم... اه بجد؛ مفيش وقت ولا أي حاجة.
*️⃣ تحس كده والله أعلم انهم قاعدين يشوفوا؛ ايه دا فلان بيسافر كثير وتعاملات بره كثير؛ لالالا دا خطر متدلوش ليميت؛ اخروه او كنسلوه.... ايه دا عميل مش بيستخدم دولار؛ اه دا حلو زودوا الليميت ليه.
*️⃣ تخيلوا الناس اللي راحت زي حالاتي عملت ليجند ودفعت 1500 جنية ولا أصدقاء لي عملوه الميتال ودفعوا 4500 جنية... علي اساس ان ماركب 6% مع ليميت 100 الف لان ال 2% الفارق تجيب رسوم الكارت في شهر... وهوبا يلبسونا الخازوق دا.
*️⃣ فلو بتفكروا في كليفر عشان موضوع الليميت فانصحكم استنوا شوية لغاية ما تشوفوا الموضوع مع من سبقوكم حصل في ايه. اما لو لبستوا معايا فأنا اسف هما اللي غيروا كلامهم مش أنا.
*️⃣ وريحوا نفسكم من محاولة التواصل مع خدمة العملاء عشان هما مش عارفين حاجة ولا هيفيدوكم بحاجة؛ هما نفسهم ميعرفوش امتي هيتحل الموضوع دا... الموضوع أكبر منهم وغالباً المركزي مستني أبريل يخلص ويسدد القسط بتاعه وبعدين يسمح للناس تستخدم الكروت أكبر دا لو سمح.
⬅️ أنا وضحت اهو عشان ناس بتشتكي لي إنها عملت الكارت بنصيحتي؛ وانا لابس مع الناس وبوظتي شكلي وانا اصلا مش مستفيد حاجة ولا حتي كارتي زاد
ملحوظة
*️⃣ حتي الكاش باك بتاع مواقع الترفيه برضك بلح ؛ عديت برضك الشهر ومفيش فلوس اتردت... فواضح ان السيستم بعافية شوتين ثلاثة وانهار من الضغط او هما مش عارفين في ايه.. زي سيستم موقع وزارة الكهرباء وقع من بوست... هما وقعوا من اوا شهر ونص 🤣🤣🤣
Please open Telegram to view this post
VIEW IN TELEGRAM
طيب علي سيرة المواقع الحكومية؛ من أكثو المواقع اللي بحبها هو موقع الجهاز المركزي للتعبئة والإحصاء؛ فيه داتا عن مصر رهيبة ورسمية...
*️⃣ يعني لو عاوز تعرف عدد العربيات في مصر هتلاقي؛ طيب اتوبيسات؟ هتلاقي كام اتوبيس شرق الدلتا 🤔 كام موتوسيكل؟ طيب كام حالة طلاق؟ كام زواج؟ طيب في كام شقة الحكومة بنتها في محافظة بني سويف سنة 20-21 المالية؟
*️⃣ كم الداتا اللي ممكن تعرفوها عن مصر من الموقع رائعة؛ والميزة ان دي الرسمية اللي الدولة معترفه بيها.
*️⃣ عيب الموقع دا ان البحث فيه كل سنة وانتم طيبين وانتم بالصحة والسلامة... لازم خبير إستراتيجي عشان تعرف توصل للي انتا عاوزة... لكن كمل البوست هديك الزيتونة توصل بيها للي انتا عاوزه بسهولة نوعاً.
*️⃣ هتدخل جوجل وتكتب capmas ودا اسم الموقع؛ اكتب capmas بس كده وجنبها الحاجة اللي عاوزها؛ يعني زي ( capmas الطلاق) او ( capmas مواليد) وهكذا.
*️⃣ بنسبة كبيرة قوي هتلاقي جوجل جايب لك الصفحة اللي فيها الرسم البياني التوضيحي.
*️⃣ ساعات المعلومة بتكون جوا ملف؛ يعني اشهر واهم احصائية عندهم هي (مصر في أرقام) ودي بتصدر مارس كل سنة وفيها كل حاجة عن مصر حرفياً... مواليد طلاق زواج شقق عربيات كهرباء اقتصاد الخ الخ...
*️⃣ فهنا الموقع بيفتح لك صفحة فيها اسماء الملفات اللي فيها المعلومات ؛ وتحت كل سلسلة مكتوب سعر النسخة الورقية 50 او 100 جنية... متقفلش دي النسخة الورقة؛ الالكترونية مجاناً... اختار الموضوع ودوس عليه وهتلاقيه الصفحة الجديدة فيها خانة للتحميل وجنبها (الاصدارة الاحدث) ودي قابلة للضغط... دوس عليها هيفتح لك ملف PDF اهو...
*️⃣ عيب الموقع الاساسي اني بحاول بقالي اكثر من 5 سنين اعمل اكونت ومش عارف ؛ بعض الداتا لازم تدخل بأكونت؛ وبقالي 5 سنين مش عارف اعمل اكونت او 6 سنين حاجة زي كده 🤣🤣.
*️⃣ بس يا سيدي ودي كانت المعلومة الصباحية لليوم النهاردة؛ واشوفكم في بوست لاحق... ويا رب موقع الجهاز المركزي ميقعش 🤣
*️⃣ يعني لو عاوز تعرف عدد العربيات في مصر هتلاقي؛ طيب اتوبيسات؟ هتلاقي كام اتوبيس شرق الدلتا 🤔 كام موتوسيكل؟ طيب كام حالة طلاق؟ كام زواج؟ طيب في كام شقة الحكومة بنتها في محافظة بني سويف سنة 20-21 المالية؟
*️⃣ كم الداتا اللي ممكن تعرفوها عن مصر من الموقع رائعة؛ والميزة ان دي الرسمية اللي الدولة معترفه بيها.
*️⃣ عيب الموقع دا ان البحث فيه كل سنة وانتم طيبين وانتم بالصحة والسلامة... لازم خبير إستراتيجي عشان تعرف توصل للي انتا عاوزة... لكن كمل البوست هديك الزيتونة توصل بيها للي انتا عاوزه بسهولة نوعاً.
*️⃣ هتدخل جوجل وتكتب capmas ودا اسم الموقع؛ اكتب capmas بس كده وجنبها الحاجة اللي عاوزها؛ يعني زي ( capmas الطلاق) او ( capmas مواليد) وهكذا.
*️⃣ بنسبة كبيرة قوي هتلاقي جوجل جايب لك الصفحة اللي فيها الرسم البياني التوضيحي.
*️⃣ ساعات المعلومة بتكون جوا ملف؛ يعني اشهر واهم احصائية عندهم هي (مصر في أرقام) ودي بتصدر مارس كل سنة وفيها كل حاجة عن مصر حرفياً... مواليد طلاق زواج شقق عربيات كهرباء اقتصاد الخ الخ...
*️⃣ فهنا الموقع بيفتح لك صفحة فيها اسماء الملفات اللي فيها المعلومات ؛ وتحت كل سلسلة مكتوب سعر النسخة الورقية 50 او 100 جنية... متقفلش دي النسخة الورقة؛ الالكترونية مجاناً... اختار الموضوع ودوس عليه وهتلاقيه الصفحة الجديدة فيها خانة للتحميل وجنبها (الاصدارة الاحدث) ودي قابلة للضغط... دوس عليها هيفتح لك ملف PDF اهو...
*️⃣ عيب الموقع الاساسي اني بحاول بقالي اكثر من 5 سنين اعمل اكونت ومش عارف ؛ بعض الداتا لازم تدخل بأكونت؛ وبقالي 5 سنين مش عارف اعمل اكونت او 6 سنين حاجة زي كده 🤣🤣.
*️⃣ بس يا سيدي ودي كانت المعلومة الصباحية لليوم النهاردة؛ واشوفكم في بوست لاحق... ويا رب موقع الجهاز المركزي ميقعش 🤣