الا هو يا جدعان مين العبقري اللي افتكس فكرة إن الدولار زاد 15% يبقي قيمة فلوسك ومدخراتك قلت 15%
*️⃣ بسم الله ما شاء الله عليك؛ يعني كده السنة اللي فاتت الدولار فضل ثابت يبقي خلاص مدخراتك ثابته وزي الفل؟
*️⃣ طيب في 2017 لما الدولار نزل 20% قصاد الجنية؛ كده مدخراتك زادت 20% 🤔🤔
*️⃣ منطق في الشلاحات الغربية كده معمول عند بتاع كبدة والكل بيعمله شير في رغيف.
*️⃣ مدخراتك قيمتها نزلت دي يعبر عنها التضخم؛ مش سعر الدولار؛ واظن مثال 2017 واضح اهو قصادك الدولار خسر 20% من قيمته قصاد الجنية وفي نفس الوقت كان في تضخم علي ما اذكر فوق ال 25%...
*️⃣ يعني الدولار نزل وبرضك فقدت ربع قيمة مدخراتك. فبلاش فقاقة وتربط قيمة مدخراتك بالدولار....
*️⃣ ودلوقتي لو الدولار نزل 18% والتضخم 25% يبقي انتا فقدت 25% من مدخراتك؛ ولو الدولار نزل 18% والتضخم 15% يبقى انتا فقدت 15% من مدخراتك مش 18%.
⬅️ ان شاء الله ناوي اعمل سلسلة بوستات اشرح يعني ايه تضخم وبيحسبوه ازاي؛ وايه السياسة المالية والسياسة النقدية والفارق بينهم؛ وشوية مفاهيم اساسية... وطبعا هسعي ان الشرح يكون بالهجياص وببساطة مش اكاديمي لاني انا نفسي مش اكاديمي أصلاً 😁
وصباح الفل
*️⃣ بسم الله ما شاء الله عليك؛ يعني كده السنة اللي فاتت الدولار فضل ثابت يبقي خلاص مدخراتك ثابته وزي الفل؟
*️⃣ طيب في 2017 لما الدولار نزل 20% قصاد الجنية؛ كده مدخراتك زادت 20% 🤔🤔
*️⃣ منطق في الشلاحات الغربية كده معمول عند بتاع كبدة والكل بيعمله شير في رغيف.
*️⃣ مدخراتك قيمتها نزلت دي يعبر عنها التضخم؛ مش سعر الدولار؛ واظن مثال 2017 واضح اهو قصادك الدولار خسر 20% من قيمته قصاد الجنية وفي نفس الوقت كان في تضخم علي ما اذكر فوق ال 25%...
*️⃣ يعني الدولار نزل وبرضك فقدت ربع قيمة مدخراتك. فبلاش فقاقة وتربط قيمة مدخراتك بالدولار....
*️⃣ ودلوقتي لو الدولار نزل 18% والتضخم 25% يبقي انتا فقدت 25% من مدخراتك؛ ولو الدولار نزل 18% والتضخم 15% يبقى انتا فقدت 15% من مدخراتك مش 18%.
⬅️ ان شاء الله ناوي اعمل سلسلة بوستات اشرح يعني ايه تضخم وبيحسبوه ازاي؛ وايه السياسة المالية والسياسة النقدية والفارق بينهم؛ وشوية مفاهيم اساسية... وطبعا هسعي ان الشرح يكون بالهجياص وببساطة مش اكاديمي لاني انا نفسي مش اكاديمي أصلاً 😁
وصباح الفل
من الحاجات اللي عاوز اتفرج علي أوروبا هتعمل فيها ايه؛ الانفاق بعد 6 شهور؛ وعاوزك تتخيل معايا أوروبا دلوقتي عندها تحديات إيه:
*️⃣ عاوزة تتخلص من الغاز الروسي؛ يبقي هيصرفوا عشرات ومئات المليارات في خطط عاجلة لمحطات طاقة نظيفة ومحطات فك الاسالة للغاز ووو... انفاق مهول قادم.
*️⃣ برضك محتاجين انفاق ضخم عالتسليح؛ أوروبا اكتشفت انها هفأ عسكرياً ومحتاجة أمريكا وألمانيا اعترفت بدا وقررت انفاق 2% من الناتج القومي عالتسليح؛ فكده في انفاق مهول هيحصل على برامج تسليح.
*️⃣ ضيف بقي معاهم لما الحرب تخلص التزامهم بدعم أوكرانيا ببرامج إعادة إعمار هتتكلف برضك عشرات المليارات.
*️⃣ كل دا هيتم وفي نفس الوقت أسعار كل حاجة غالية؛ يعني انفاق مهول علي الأساسيات...
*️⃣ طيب أوروبا بتجيب دخلها منين؟ الضرايب طبعا اللي بتوصل ل 80% و 90% من دخل الحكومات؛ فالمواطن هيتفرض عليه طن ضرايب عشان الانفاق دا كله؛ بس هيتم الانفاق دا كله إزاي والأسعار غالية يعني المواطن مفحوت لوحده ؟ صراحة مش عارف.
*️⃣ ضيف بقي مع ما سبق إن في خوف اتزرع من المليارديرات بتوع العالم الثالث والعالم النامي من أوروبا؛ الخوف دا بيقول إن لو أوروبا قررت تقلب علي دولتي؛ هياخدوا فلوسي وأصولي والشغل الأوروبي التقليدي في السرقة علي مر التاريخ... فممكن تلاقي توجه تدريجي إنهم يعيدوا تفكير في استثمارتهم في القارة العجوز.
*️⃣ يعني عندنا استثمارات وأموال تقل؛ وأسعار غالية فالمواطن مش هيلاقي؛ وهوبا هيتفرض عليه ضرايب اضافية عشان الكهرباء والسلاح.
*️⃣ يا ترى بقي المواطن الكيوت الأوروبي هيعمل ايه فيما سبق؟ هيفضل كيوت كده وينتخب رؤساء عندهم برامج دعم عالم ثالث ومنح للافارقة والجو دا وكمان دعم اعادة اعمار أوكرانيا مثلاً ؛ ولا هيقولك يولع الاجانب وتولع أفريقيا وتولع أوكرانيا؛ أنا ومن بعدي الطوفان.
⬅️ حاجة علي جنب؛ منتظر اشوف لو الحرب طولت هيقدر الأوروبيين يستحملوا الأوكرانيين اد ايه؟ ولو الحرب خلصت هنشوف وهما بيجبروهم عالعودة؛ وهيحصل أكشن كثير
بوست سريع للي مش كرويين؛ أو مشجعي السنغال الأعزاء 😂😂❤️
*️⃣ عاوزة تتخلص من الغاز الروسي؛ يبقي هيصرفوا عشرات ومئات المليارات في خطط عاجلة لمحطات طاقة نظيفة ومحطات فك الاسالة للغاز ووو... انفاق مهول قادم.
*️⃣ برضك محتاجين انفاق ضخم عالتسليح؛ أوروبا اكتشفت انها هفأ عسكرياً ومحتاجة أمريكا وألمانيا اعترفت بدا وقررت انفاق 2% من الناتج القومي عالتسليح؛ فكده في انفاق مهول هيحصل على برامج تسليح.
*️⃣ ضيف بقي معاهم لما الحرب تخلص التزامهم بدعم أوكرانيا ببرامج إعادة إعمار هتتكلف برضك عشرات المليارات.
*️⃣ كل دا هيتم وفي نفس الوقت أسعار كل حاجة غالية؛ يعني انفاق مهول علي الأساسيات...
*️⃣ طيب أوروبا بتجيب دخلها منين؟ الضرايب طبعا اللي بتوصل ل 80% و 90% من دخل الحكومات؛ فالمواطن هيتفرض عليه طن ضرايب عشان الانفاق دا كله؛ بس هيتم الانفاق دا كله إزاي والأسعار غالية يعني المواطن مفحوت لوحده ؟ صراحة مش عارف.
*️⃣ ضيف بقي مع ما سبق إن في خوف اتزرع من المليارديرات بتوع العالم الثالث والعالم النامي من أوروبا؛ الخوف دا بيقول إن لو أوروبا قررت تقلب علي دولتي؛ هياخدوا فلوسي وأصولي والشغل الأوروبي التقليدي في السرقة علي مر التاريخ... فممكن تلاقي توجه تدريجي إنهم يعيدوا تفكير في استثمارتهم في القارة العجوز.
*️⃣ يعني عندنا استثمارات وأموال تقل؛ وأسعار غالية فالمواطن مش هيلاقي؛ وهوبا هيتفرض عليه ضرايب اضافية عشان الكهرباء والسلاح.
*️⃣ يا ترى بقي المواطن الكيوت الأوروبي هيعمل ايه فيما سبق؟ هيفضل كيوت كده وينتخب رؤساء عندهم برامج دعم عالم ثالث ومنح للافارقة والجو دا وكمان دعم اعادة اعمار أوكرانيا مثلاً ؛ ولا هيقولك يولع الاجانب وتولع أفريقيا وتولع أوكرانيا؛ أنا ومن بعدي الطوفان.
⬅️ حاجة علي جنب؛ منتظر اشوف لو الحرب طولت هيقدر الأوروبيين يستحملوا الأوكرانيين اد ايه؟ ولو الحرب خلصت هنشوف وهما بيجبروهم عالعودة؛ وهيحصل أكشن كثير
بوست سريع للي مش كرويين؛ أو مشجعي السنغال الأعزاء 😂😂❤️
يا شباب صلوا عالنبي وبطلوا احباط في بعض:
*️⃣ محدش اشتري بتكوين وهو ب 20 ولا 200 ولا حتي 2000 دولار ومحتفظ بيه لغاية النهاردة وهو فوق ال 40 الف دولار وكسب 20 ضعف... مفيش التخيلات دي بتاع لو كنت استثمرت في البتكوين مبلغ كذا كنت كسبت 10 اضعاف و 20 ضعف فلوسك... اللي اشتري ب 2000 غالبا باع لما شاف 3 الاف؛ بل ممكن يكون باع لما نزل ل 1500 وقالك يالهوي فلوسي.
*️⃣ محدش كان عفريت ويعرف ان سنة 2015 كانت اقل سنة حصل فيها سعر للذهب في ال 10-12 سنة الماضية ؛ واشتري الذهب فيها وفاضل محتفظ بيه كل دا... المثال الخزعبلي دا مش موجود.
*️⃣ محدش كان يعرف ان أبل ولا أمازون ولا جوجل هيوصلوا ل ترليونات الدولارات واستثمر فيهم وهما لسه شركات صغيره ومحتفظ للنهاردة بفلوسه فيهم وكسب مليارات...
*️⃣ طبعاً كلامي ان مفيش ومحدش يعني ان لو في 1000 واحد يمكن 1 بس منهم او اقل اللي حصلت معاه فممكن تتجاهل وجوده.
*️⃣ البوستات بتاعة تعرف ان رونالد وين المؤسس الثالث لأبل كانت حصته 10% وباعها بعد التأسيس ب 800 دولار وهي دلوقتي تساوي 250 مليار دولار... مفيش الهري دا؛ حصته لو كان احتفظ بيها للنهاردة مكانتش هتبقي 10% ولا 1% ولا 0.1% حتى... دي خدعة حسابيه والشركة دخلت في طن عمليات تمويل أكيد مكانش هيشارك فيهم عشان يحافظ عالنسبة بتاعته.. دا ستيف جوبز نفسه وقت وفاته حصته في أبل كانت أقل من 1%
*️⃣ بحس إن نوعية البوستات دي بتلعب علي تنمية فكرة تجارة الوهم؛ فكرة يلا بص اشتري أي شيء غريب؛ أي فنكوش واصبر هتضرب معاك وتبقي مليونير...
*️⃣ مجرد نوع جديد من المخدرات الفكرية اللي بتقول للناس ان النجاح سهل قوي؛ انتا اختار حاجة واشتريها وسيبها سنين وهتبقي مليونير... بسيطة أهي... مخدرات وتجارة وهم
*️⃣ فبطلوا تكدير في بعض وتعرف لو كنت عملت كذا كان زمانك بقيت كذا... أيوا معملش وخلاص خلصت؛ ايه بتكدره يعني دلوقتي ولا ايه الهدف يعني؟؟
*️⃣ محدش اشتري بتكوين وهو ب 20 ولا 200 ولا حتي 2000 دولار ومحتفظ بيه لغاية النهاردة وهو فوق ال 40 الف دولار وكسب 20 ضعف... مفيش التخيلات دي بتاع لو كنت استثمرت في البتكوين مبلغ كذا كنت كسبت 10 اضعاف و 20 ضعف فلوسك... اللي اشتري ب 2000 غالبا باع لما شاف 3 الاف؛ بل ممكن يكون باع لما نزل ل 1500 وقالك يالهوي فلوسي.
*️⃣ محدش كان عفريت ويعرف ان سنة 2015 كانت اقل سنة حصل فيها سعر للذهب في ال 10-12 سنة الماضية ؛ واشتري الذهب فيها وفاضل محتفظ بيه كل دا... المثال الخزعبلي دا مش موجود.
*️⃣ محدش كان يعرف ان أبل ولا أمازون ولا جوجل هيوصلوا ل ترليونات الدولارات واستثمر فيهم وهما لسه شركات صغيره ومحتفظ للنهاردة بفلوسه فيهم وكسب مليارات...
*️⃣ طبعاً كلامي ان مفيش ومحدش يعني ان لو في 1000 واحد يمكن 1 بس منهم او اقل اللي حصلت معاه فممكن تتجاهل وجوده.
*️⃣ البوستات بتاعة تعرف ان رونالد وين المؤسس الثالث لأبل كانت حصته 10% وباعها بعد التأسيس ب 800 دولار وهي دلوقتي تساوي 250 مليار دولار... مفيش الهري دا؛ حصته لو كان احتفظ بيها للنهاردة مكانتش هتبقي 10% ولا 1% ولا 0.1% حتى... دي خدعة حسابيه والشركة دخلت في طن عمليات تمويل أكيد مكانش هيشارك فيهم عشان يحافظ عالنسبة بتاعته.. دا ستيف جوبز نفسه وقت وفاته حصته في أبل كانت أقل من 1%
*️⃣ بحس إن نوعية البوستات دي بتلعب علي تنمية فكرة تجارة الوهم؛ فكرة يلا بص اشتري أي شيء غريب؛ أي فنكوش واصبر هتضرب معاك وتبقي مليونير...
*️⃣ مجرد نوع جديد من المخدرات الفكرية اللي بتقول للناس ان النجاح سهل قوي؛ انتا اختار حاجة واشتريها وسيبها سنين وهتبقي مليونير... بسيطة أهي... مخدرات وتجارة وهم
*️⃣ فبطلوا تكدير في بعض وتعرف لو كنت عملت كذا كان زمانك بقيت كذا... أيوا معملش وخلاص خلصت؛ ايه بتكدره يعني دلوقتي ولا ايه الهدف يعني؟؟
في 2011 اتسأل آلان جرينسبان محافظ الفيدرالي الأمريكي السابق هل ممكن أمريكا في يوم تعجز عن سداد ديونها؟
فرد وقال
Well, The US Can Always Print Its Way Out Of Debt So there is zero probability of default
*️⃣ يعني من الآخر كده بيقول القاعدة الشهيرة؛ مفيش دولة بتعجز في عملة هي قادرة على طباعتها.
*️⃣ ففكرة إن هدف الحكومة تلم فلوس الناس في شهادات 18% وبعدين تضرب عليهم وتخليك متعرفش تسحب الفلوس دي بلح؛ دا جنية مصري وعندنا مطبعة ليه في شارع شريف ومطبعة جديدة في العاصمة الإدارية... نخش ايه في حوارات؛ عاوزين 200 ملياو فئة ايه؛ اكتب الرقم ودوس انتر وشيل الفلوس يا معلم جديدة وطازة أهي وبسمسم أهي..
*️⃣ نفس الفكرة في الدين المحلي؛ ايه يا بنك يا أهلي؛ عاوز سداد 100 مليار؛ عنيا؛ حسابك عندنا رقم XYZ صح؛ اضف للحساب 100 مليار؛ انتر؛ قشطة حسابك زاد 100 مليار يا بنك يا أهلي... وقت ما تعوز منهم حاجة كاش قولي وقولي عاوزهم فئة ايه عشان اطبعهم..
*️⃣ هو تحس الموضوع هزلي وساخر بس دي حقيقة ودا اللي بيحصل مع اختلاف انه بيتم جد وبشكل رسمي.
*️⃣ فلو حصلت كارثة ايه؛ تقلق لو حسابك فيه دولار؛ يورو؛ اي عملة المركزي ميقدرش يطبعها... لكن حسابك بالجنية فشيل القلق انك متعرفش تاخدهم؛ اقلق بس على قيمتهم. يعني بالبلدي كده؛ وجه طاقة القلق صح.
فرد وقال
Well, The US Can Always Print Its Way Out Of Debt So there is zero probability of default
*️⃣ يعني من الآخر كده بيقول القاعدة الشهيرة؛ مفيش دولة بتعجز في عملة هي قادرة على طباعتها.
*️⃣ ففكرة إن هدف الحكومة تلم فلوس الناس في شهادات 18% وبعدين تضرب عليهم وتخليك متعرفش تسحب الفلوس دي بلح؛ دا جنية مصري وعندنا مطبعة ليه في شارع شريف ومطبعة جديدة في العاصمة الإدارية... نخش ايه في حوارات؛ عاوزين 200 ملياو فئة ايه؛ اكتب الرقم ودوس انتر وشيل الفلوس يا معلم جديدة وطازة أهي وبسمسم أهي..
*️⃣ نفس الفكرة في الدين المحلي؛ ايه يا بنك يا أهلي؛ عاوز سداد 100 مليار؛ عنيا؛ حسابك عندنا رقم XYZ صح؛ اضف للحساب 100 مليار؛ انتر؛ قشطة حسابك زاد 100 مليار يا بنك يا أهلي... وقت ما تعوز منهم حاجة كاش قولي وقولي عاوزهم فئة ايه عشان اطبعهم..
*️⃣ هو تحس الموضوع هزلي وساخر بس دي حقيقة ودا اللي بيحصل مع اختلاف انه بيتم جد وبشكل رسمي.
*️⃣ فلو حصلت كارثة ايه؛ تقلق لو حسابك فيه دولار؛ يورو؛ اي عملة المركزي ميقدرش يطبعها... لكن حسابك بالجنية فشيل القلق انك متعرفش تاخدهم؛ اقلق بس على قيمتهم. يعني بالبلدي كده؛ وجه طاقة القلق صح.
المشاكل في الكوكب بتعمل شوية فرص لناس
*️⃣ يعني عندك خناق الطاقة بين روسيا وأوروبا؛ دي هتخلي أوروبا تشتري أي متر مكعب غاز معدي في الكوكب لعل وعسى يقلل الضرر في خناقتهم مع روسيا... ومصر ممكن تستغل دا في جلب استثمارات في غاز شرق المتوسط بتاعتنا؛ ومعروف إن شركائنا الاثنين وهم قبرص وإسرائيل بالغاز الفلسطيني المسروق؛ كل متر هيطلعوه هييجي لعندنا نعمله اساله في دمياط واديكو ونصدره... فإيه بقي نستغل دا.
*️⃣ أطنان الاستثمارات بتخرج من روسيا؛ دي أكيد مش هتروح البنك وتاخد فوايد؛ أصحابها بيدوروا على بديل؛ ويكون يتميز لإنه قريب من أوروبا وعنده اتفاقيات تجارية معاها برضك؛ وبعيد عن اللبش بتاع روسيا يعني مينفعش دول شرق أوروبا... كده الخيار المثالي ليهم هيكون تركيا... طيب مينفعش احنا نشوف إيه نقدر ندي تركيا كتف فيه ونسحبه لينا؛ أي حاجة تيجي في رغيف يعني ننافس ونسحب أي مليار دولار خارج من روسيا... تصنيع تجميع تعليب تركيب أي حاجة... نجهز بحزم حوافز للشركات وشوية دلع كده. اكيز مستحيل تقدر تجذب الكل؛ بس لو عرفت تجيب حتي 5% من اللي خارج من روسيا تبقي رضا قوي.
*️⃣ نفس الحوار بتاع روسيا دا بيحصل في الصين؛ كثير من الاستثمارات الغربية عمالة تخرج من الصين؛ وتنافس رهيب حاصل مين يسحبهم... نفتكر من سنتين لما الهند عملت اجتماع مع ممثلي 1000 شركة شغالة في الصين بتشرح لهم فوايد انهم ييجوا الهند؛ ودا غاظ الصين قوي لدرجة بعدها راحت مشتبكة مع الهند في معركة حدودية صغيرة وقتلت دستة جنود هنود.
*️⃣ نفس الحكاية فيتنام بتعملها برضك وبتسحب شركات بتخرج من الصين ونجحت وجابت سامسونج وغيرها...
*️⃣ الموضوع مفيهوش ميصحش اسحب شركات شغالة في دول حوليا... عندك السعودية طلعت قرار إن أي شركة ليها مقر اقليمي في الشرق الأوسط والمقر دا مش في السعودية؛ فالشركة دي مش هتاخد عقود حكومية سعودية (العقود دي بأرقام مهولة) يعني بتقول لكل المقرات الاقليمية للشركات اللي في دبي وعمان والقاهرة؛ لو مجتوش السعودية مش هتشتغلوا مع الحكومة.
*️⃣ وكل ما سبق استثمارات عادية تقليدية ؛ غير بقي لما مفروض تطور البنية التقنية وتدخل 5G وتعمل شوية حاجات تخليك جاذب للاستثمارات الحديثة..
*️⃣ طبعاً جذب الاستثمار مش شيء سهل؛ عاوز عمالة عالية مدربة ودي مش متوفرة في مصر؛ وبيئة عمل جيدة؛ ونظام قضاء اقتصادي سريع؛ وقوانين استثمار واستيراد شفافة وواضحة؛ وبنوك متطورة وحاجات كثير قوي... بس اهو لعل وعسي تجيب حد مهتم بينا علي حالنا دا علي ما نتطور بقي
*️⃣ يعني عندك خناق الطاقة بين روسيا وأوروبا؛ دي هتخلي أوروبا تشتري أي متر مكعب غاز معدي في الكوكب لعل وعسى يقلل الضرر في خناقتهم مع روسيا... ومصر ممكن تستغل دا في جلب استثمارات في غاز شرق المتوسط بتاعتنا؛ ومعروف إن شركائنا الاثنين وهم قبرص وإسرائيل بالغاز الفلسطيني المسروق؛ كل متر هيطلعوه هييجي لعندنا نعمله اساله في دمياط واديكو ونصدره... فإيه بقي نستغل دا.
*️⃣ أطنان الاستثمارات بتخرج من روسيا؛ دي أكيد مش هتروح البنك وتاخد فوايد؛ أصحابها بيدوروا على بديل؛ ويكون يتميز لإنه قريب من أوروبا وعنده اتفاقيات تجارية معاها برضك؛ وبعيد عن اللبش بتاع روسيا يعني مينفعش دول شرق أوروبا... كده الخيار المثالي ليهم هيكون تركيا... طيب مينفعش احنا نشوف إيه نقدر ندي تركيا كتف فيه ونسحبه لينا؛ أي حاجة تيجي في رغيف يعني ننافس ونسحب أي مليار دولار خارج من روسيا... تصنيع تجميع تعليب تركيب أي حاجة... نجهز بحزم حوافز للشركات وشوية دلع كده. اكيز مستحيل تقدر تجذب الكل؛ بس لو عرفت تجيب حتي 5% من اللي خارج من روسيا تبقي رضا قوي.
*️⃣ نفس الحوار بتاع روسيا دا بيحصل في الصين؛ كثير من الاستثمارات الغربية عمالة تخرج من الصين؛ وتنافس رهيب حاصل مين يسحبهم... نفتكر من سنتين لما الهند عملت اجتماع مع ممثلي 1000 شركة شغالة في الصين بتشرح لهم فوايد انهم ييجوا الهند؛ ودا غاظ الصين قوي لدرجة بعدها راحت مشتبكة مع الهند في معركة حدودية صغيرة وقتلت دستة جنود هنود.
*️⃣ نفس الحكاية فيتنام بتعملها برضك وبتسحب شركات بتخرج من الصين ونجحت وجابت سامسونج وغيرها...
*️⃣ الموضوع مفيهوش ميصحش اسحب شركات شغالة في دول حوليا... عندك السعودية طلعت قرار إن أي شركة ليها مقر اقليمي في الشرق الأوسط والمقر دا مش في السعودية؛ فالشركة دي مش هتاخد عقود حكومية سعودية (العقود دي بأرقام مهولة) يعني بتقول لكل المقرات الاقليمية للشركات اللي في دبي وعمان والقاهرة؛ لو مجتوش السعودية مش هتشتغلوا مع الحكومة.
*️⃣ وكل ما سبق استثمارات عادية تقليدية ؛ غير بقي لما مفروض تطور البنية التقنية وتدخل 5G وتعمل شوية حاجات تخليك جاذب للاستثمارات الحديثة..
*️⃣ طبعاً جذب الاستثمار مش شيء سهل؛ عاوز عمالة عالية مدربة ودي مش متوفرة في مصر؛ وبيئة عمل جيدة؛ ونظام قضاء اقتصادي سريع؛ وقوانين استثمار واستيراد شفافة وواضحة؛ وبنوك متطورة وحاجات كثير قوي... بس اهو لعل وعسي تجيب حد مهتم بينا علي حالنا دا علي ما نتطور بقي
هو ليه حد يكون عاوز يدافع عن الحق يقعد يهري ويكذب ويدلس ويهبد؟ أنا اللي اعرفه ان دي صفات الوسخ اللي عاوز يقلب الباطل حق؛ بس تبقي صفات اللي بيدافع عن الحق كمان.
*️⃣ يعني فعلا موضوع شهادات البنوك وكم الهري والهبد اللي اتكتب فيها تاريخي يدرس الصراحة.
*️⃣ يا سيدي عاوز تثبت انها حرام تمام؛ بس عاوز تثبت انها حرام عشان هي خسارة فعليه ليك فكده هري المعيز.
*️⃣ عاوزين نثبت ان الذهب احسن؛ بصوا هو ايه ارخص سعر للذهب في ال 10-12 سنة الماضية؟ سنة 2015؛ خلاص تعالى نحسب عليه... طيب ليه تحسب 2015؟ يعني اما تحسب وقت التعويم وبعده يعني نهاية 2016/ بداية 2017 او تحسب عادة رقم مدور (5 /10) او تحسب فترات رئاسية تقول وصول فلان للحكم؛ يعني يكون في سبب لاختيار السنة؛ لكن لا مفيش هو السبب ان 2015 ارخص سنة للذهب.
*️⃣ اختارنا الذهب؛ يلا بقي نختار الفايدة؛ الفايدة اول 2015 كانت 10% وبعدين هوب قفزت ل 12.5% وقعدت تطلع لاحقا لغاية 20% وبعدين لما نزلت اقل حاجة 12%.... امممم خلاص يبقي نحسب علي 11%... طيب حضرتك هتجيب ال 11% دي منين في 2016 وما بعدها... مفيش انا عاوز احسبها كده.
*️⃣ وبعدين بص هو الذهب هتشتريه هتسيبه جنبك؛ لكن الشهادات هتصرف كل 3 شهور صح؛ هخليك تصرف الفلوس دي عشان محسبش عليها فوايد مركبة تبوظ لي حساباتي.
*️⃣ برافو حسبتي طلعت صح وطلع اهو ان اللي اشتري شهادات حمار؛ شوفتم بقي...
*️⃣ ولا البوست الثاني اللي قاعد يحسب الفلوس اللي راحت البنوك كام ويقولك نحسبها علي مشروع ب 2 مليون ويحسبها علي تكلفة الوظيفة 75 الف جنية؛ ويقولك الناس حطت الفلوس دي حرمت البلد من عشروميت الف مشروع كان هيشغلوا دشيليون موظف وشوية صعبانيات وهري خرفان؛ دا هري خرفان عشان البوست الاولاني اخد لقب المعيز.
*️⃣ اللي كتب يا عيني البوست دا مصدوم يا كوكو من 300 مليار راحوا شهادات؛ طيب حضرتك تعرف ان ودائع المصريين بالبنوك كام؟ 6200 مليار؛ يعني بحساباتك فوق دول يشغلوا بتاع 85 مليون ويعيلوا بتاع 300 مليون بني أدم... قال متفاجئ ب 300 مليار وقاعد بحسبهم... تقريبا هو لسه فاتح الاخبار جديد وفاكر المليار جنية في دولة بحجم مصر رقم... هو انتا تقرب للمسئولين بتوع المصريين اكلوا ب 500 مليون شيكولاته وشربوا بكام مليار شاي والجو؟
*️⃣ ثانيا هو ميعرفش ان الفلوس مش بتقعد جوا البنك؛ يعني لما نقول ودايع المصريين 6200 مليار هو فاكر هنفتح الخزينة نلاقي جوا في 6200 مليار... دا البنك كده يقفل؛ شغله البنك (تأجير الفلوس)؛ يعني انتا تروح تحط 100 الف جنية؛ يروح البنك مسلف مصطفي 50 الف من ال 100 بتوعك؛ مصطفي ياخدهم ويروح يدفعهم مقدم عربية؛ يروح صاحب المعرض رايح حاططهم في البنك؛ يروح فلان رايح مستلفهم لعلان وهكذا... يعني هو فعليا مفيش اصلا 6200 مليار مطبوعين؛ يعني نفس الجنية مملوك لاكثر من شخص وممكن اكثر من شخص عاملينه ايداع في البنك. فالفكرة هي ان الفايدة العالية بتقلل الفلوس في السوق شوية وتقلل الدورة اللي فوق والاهم بتسحبه من ايده عامة الشعب اللي بيعملوا دولرة.
*️⃣ ثالثاً انتا مقولتش لي الالية اللي بيها هيتم جمع ال 300 مليار دول وفتح 150 الف مشروع؟ يعني انا معايا اهو 100 الف؛ هااا هتجمع الفلوس مننا وتفتح المشاريع دي ازاي؟ محتاج جهة تبقي مضمونة للطرفين تجمع الفلوس من الناس وبعدين تعملهم 2 مليون 2 مليون وتطلعهم للمشاريع... ايه بقي اسم الجهة دي؟ حالياً هي جهة وحيدة وهي البنك برضك اهو... لفينا لفينا ورجعنا للبنك برضك.
⬅️ كل ما اكتب التعليقات دي في كومنتات يطلع حد يقولي حط انتا فلوسك في شهادات وكل حرام وهتولع يوم القيامة 😂؛ دا بقي نديله لقب بني آدم برأس شطافة... تبقي بتكلم في موضوع يروح قابله شخصنة... فطبعاً لازم اروح موضح اني بعارض هري مكتوب ونشر الهبد.
وزي ما قولت في البداية ؛ ان خرج العيب من اهل العيب ميبقاش عيب؛ لكن يخرج العيب من اللي بيدافع عن الحق؟ يبقي أكبر عيب بالنسبة لي.
*️⃣ يعني فعلا موضوع شهادات البنوك وكم الهري والهبد اللي اتكتب فيها تاريخي يدرس الصراحة.
*️⃣ يا سيدي عاوز تثبت انها حرام تمام؛ بس عاوز تثبت انها حرام عشان هي خسارة فعليه ليك فكده هري المعيز.
*️⃣ عاوزين نثبت ان الذهب احسن؛ بصوا هو ايه ارخص سعر للذهب في ال 10-12 سنة الماضية؟ سنة 2015؛ خلاص تعالى نحسب عليه... طيب ليه تحسب 2015؟ يعني اما تحسب وقت التعويم وبعده يعني نهاية 2016/ بداية 2017 او تحسب عادة رقم مدور (5 /10) او تحسب فترات رئاسية تقول وصول فلان للحكم؛ يعني يكون في سبب لاختيار السنة؛ لكن لا مفيش هو السبب ان 2015 ارخص سنة للذهب.
*️⃣ اختارنا الذهب؛ يلا بقي نختار الفايدة؛ الفايدة اول 2015 كانت 10% وبعدين هوب قفزت ل 12.5% وقعدت تطلع لاحقا لغاية 20% وبعدين لما نزلت اقل حاجة 12%.... امممم خلاص يبقي نحسب علي 11%... طيب حضرتك هتجيب ال 11% دي منين في 2016 وما بعدها... مفيش انا عاوز احسبها كده.
*️⃣ وبعدين بص هو الذهب هتشتريه هتسيبه جنبك؛ لكن الشهادات هتصرف كل 3 شهور صح؛ هخليك تصرف الفلوس دي عشان محسبش عليها فوايد مركبة تبوظ لي حساباتي.
*️⃣ برافو حسبتي طلعت صح وطلع اهو ان اللي اشتري شهادات حمار؛ شوفتم بقي...
*️⃣ ولا البوست الثاني اللي قاعد يحسب الفلوس اللي راحت البنوك كام ويقولك نحسبها علي مشروع ب 2 مليون ويحسبها علي تكلفة الوظيفة 75 الف جنية؛ ويقولك الناس حطت الفلوس دي حرمت البلد من عشروميت الف مشروع كان هيشغلوا دشيليون موظف وشوية صعبانيات وهري خرفان؛ دا هري خرفان عشان البوست الاولاني اخد لقب المعيز.
*️⃣ اللي كتب يا عيني البوست دا مصدوم يا كوكو من 300 مليار راحوا شهادات؛ طيب حضرتك تعرف ان ودائع المصريين بالبنوك كام؟ 6200 مليار؛ يعني بحساباتك فوق دول يشغلوا بتاع 85 مليون ويعيلوا بتاع 300 مليون بني أدم... قال متفاجئ ب 300 مليار وقاعد بحسبهم... تقريبا هو لسه فاتح الاخبار جديد وفاكر المليار جنية في دولة بحجم مصر رقم... هو انتا تقرب للمسئولين بتوع المصريين اكلوا ب 500 مليون شيكولاته وشربوا بكام مليار شاي والجو؟
*️⃣ ثانيا هو ميعرفش ان الفلوس مش بتقعد جوا البنك؛ يعني لما نقول ودايع المصريين 6200 مليار هو فاكر هنفتح الخزينة نلاقي جوا في 6200 مليار... دا البنك كده يقفل؛ شغله البنك (تأجير الفلوس)؛ يعني انتا تروح تحط 100 الف جنية؛ يروح البنك مسلف مصطفي 50 الف من ال 100 بتوعك؛ مصطفي ياخدهم ويروح يدفعهم مقدم عربية؛ يروح صاحب المعرض رايح حاططهم في البنك؛ يروح فلان رايح مستلفهم لعلان وهكذا... يعني هو فعليا مفيش اصلا 6200 مليار مطبوعين؛ يعني نفس الجنية مملوك لاكثر من شخص وممكن اكثر من شخص عاملينه ايداع في البنك. فالفكرة هي ان الفايدة العالية بتقلل الفلوس في السوق شوية وتقلل الدورة اللي فوق والاهم بتسحبه من ايده عامة الشعب اللي بيعملوا دولرة.
*️⃣ ثالثاً انتا مقولتش لي الالية اللي بيها هيتم جمع ال 300 مليار دول وفتح 150 الف مشروع؟ يعني انا معايا اهو 100 الف؛ هااا هتجمع الفلوس مننا وتفتح المشاريع دي ازاي؟ محتاج جهة تبقي مضمونة للطرفين تجمع الفلوس من الناس وبعدين تعملهم 2 مليون 2 مليون وتطلعهم للمشاريع... ايه بقي اسم الجهة دي؟ حالياً هي جهة وحيدة وهي البنك برضك اهو... لفينا لفينا ورجعنا للبنك برضك.
⬅️ كل ما اكتب التعليقات دي في كومنتات يطلع حد يقولي حط انتا فلوسك في شهادات وكل حرام وهتولع يوم القيامة 😂؛ دا بقي نديله لقب بني آدم برأس شطافة... تبقي بتكلم في موضوع يروح قابله شخصنة... فطبعاً لازم اروح موضح اني بعارض هري مكتوب ونشر الهبد.
وزي ما قولت في البداية ؛ ان خرج العيب من اهل العيب ميبقاش عيب؛ لكن يخرج العيب من اللي بيدافع عن الحق؟ يبقي أكبر عيب بالنسبة لي.
طلعت المغنية مريام فارس وقالت أنا بقيت ثقيلة علي مصر وأجري عالي؛ شجب وانتقاد ليها ووو... عارفين بعدها ايه حصل؟ عااادي عملت اعلان كومباوند زهرة وغنت اغنية وعااادي جداً.
*️⃣ طلع ممثل زي محمد رمضان مع إسرائيلي في الإمارات؛ انتقادات وشتيمة ووو... عارفين بعدها ايه حصل ؟ عااادي عمل مسلسل وعمل مسلسل تاني واتشافوا وعمل أغاني والناس بتشغلها في أفراحها وعااادي جداً.
*️⃣ جه ممثل زي أحمد عز ومعترفش بعياله والناس انتقدته وازاي وميحصش وايه الاخلاق دي وواطي؛ طيب ايه حصله بعدها؟ عااادي عمل سلسلة اعلانات فودافون Red ثم اتصالات ثم أفلام ومسلسلات عااادي والناس بتتفرج... وبقى موضوع الخسه بتاعه وشعار والله ما ولادي مجرد تندر وهزار.
*️⃣ رجل أعمال شهير يعمل صفقات تجارية مع جيراننا؛ حصل ايه؟ ولا حاجة والناس بتشتري من محلاته عرفه وكونكريت وغيرهم... عااادي جداً.
*️⃣ لما حصلت الرسومات للرسول وحكومة فرنسا دعمتها والناس قالوا نقاطع فرنسا ايه حصل؟ طلع ملايين وسطنا قالوا يا عم خلينا ناكل ونشرب وبلاش كده ومينفعش... والنتيجة ايه؟ هل حصل احترام لدينا وللرسول؟ هل لو قرر أي كاتب او رسام في أوروبا يعمل رسم يسخر من الرسول هل حد هيمنعه؟ هيخاف من حاجة؟ طيب حد في اوروبا يقدر ينشر رسم يأيد فيه روسيا دلوقتي؟ لا عشان عارف هيحصل فيه ايه... اظن وضحت.
*️⃣ مسلسلات رمضان؛ كل سنة بوستات ايه دا هي السنة ضاقت ومفيش غير رمضان؛ ليه كل المسلسلات دي... وبعدين نقفل الفيس ونفتح التليفزيون ونشغل المسلسل؛ وييجي الفاصل ونشوف الاعلانات. لما تعرف إن ال 30 ثانية اعلانات في رمضان بين المسلسلات وصلت ل 1 مليون جنية أحياناً ومتوسطها 300 الي 500 الف... ايوا ال 30 ثانية... لييييه؟ عشان الناس قاعدة تشوف... يبقي مين سبب انتاج المسلسلات؟ المنتج ولا المشاهد؟ في منتج حمار يضيع فرصة زي دي منه؟ الناس قاعدة تشوف أي زرط هيطلع قصادهم وقت الفطار فليه ميعملش مسلسل؟ القنوات عاوزة مسلسل عشان تشغل في الفواصل اعلانات تجيب ملايين... فانتا سبب ان في مسلسلات رمضان مش المنتجين.
*️⃣ الناس عاوزة تقعد عالكنبة كده؛ مش هتعمل أي مجهود؛ مش هنقاطع مغني مش هنقاطع ممثل بس هنقول مفروض يا ممثل تحترمنا وتقدم فن هادف؛ طيب اقدم ليه دا ما أي نيلة هتعمله هتشوفوه؟ هنشوف الافلام بس هنقول ايه الاسفاف دا؛ طيب قاطعها؛ هنقول للغرب عيب ميصحش لازم تحترم دينا والقيم بتاعتنا؛ واحنا مش مستعدين نغير السوبر ماركت اللي بنشتري منه ولا نوع الجبنة...
*️⃣ حتى دلوقتي الأسعار؛ في أسباب حقيقية لارتفاع الأسعار بس في ارتفاعات فوق المبررة؛ طيب الناس عملت ايه؟ هل قالت نقاطع؟ لا قالت مفروض الحكومة تحارب ارتفاع الأسعار في كله؛ واحنا مش هنعمل اي شيء ولا هنقاطع أي سلعة؛ احنا هنقعد عالكنبة ومفروض كل حاجة تتعمل... طفل رضيع قاعد فاتح بقه وعاوز المعلقة تيجي تتحط له... الكون كله يتغير بس مش هعمل أي مجهود.
*️⃣ ايه دا هما لاعيبة الكورة دول الدولة بتصرف عليهم كل دا ليه؛ ايه السفهه دا مش شايفين الشعب فقير ازاي وبيضيعوا الملايين عالكورة... وبعد ساعتين يحط بوست شوفت الماتش؛ الجون دا مش مستحق والاهلي والزمالك وكهربا ورمضان صبحي والشناوي ومرتضي والخطيب...
⬅️ من الآخر عشان تريح نفسك خدها قاعدة؛ اللي هتهتم بيه وقاعد تشوفه؛ هي اللي الفلوس هتروح له... هتشوف افلام فالممثلين هياخدوا فلوس؛ هتركز مع الكورة فلاعيبي الكورة هياخدوا ملايين؛ هتروح تشتري منتجات دول بتشتمنا هيفضلوا يشتموك ويطبقوا عليك قاعدة حسنة وأنا سيدك؛ بتحط 10 بوستات عن الرياضة و 10 عن الممثلين و 1 عن الصحة والتعليم... ومتوقع بقي ان الاهتمام يبقي بآخر اثنين؟ انتا بتضحك على نفسك...
*️⃣ هما اللي بيعملوا الافلام لو ملقوش حد يدخلها كانوا هيعملوها؟ القنوات لو لقت ان محدش بيشوف المسلسلات وبالتدريج الاعلانات كانوا هيشتروها؟
*️⃣ للأسف أنا بقولها إحنا بقينا ناس (هشة) من جوا؛ نقدر نتكلم بس منقدرش ننفذ ونقاطع ونقسوا علي نفسنا... المقاطعه شيء مؤلم؛ هتبطل حاجة بتحبها... بس احنا بقينا مجتمع هش؛ ولو واحد قاطع في 10 لا... وعشان كده ال 1 دا بيقرر مش هيقاطع ويقولك مهو في 10 غيري مش هيعملوا زيي؛ فيقرر هو يخليهم 11 فييجي 1 تاني يقولك مهو في 11 غيري مش هيقاطعوا فيقرر لا فيخليهم 12 وييجي ثالث يخليهم 13 وهكذا... فالكل يكون جواه القرار بس مستني غيره يبدأ... بقينا ناس هشة... وطبعاً أنا لا ادعي الفضيلة؛ اه في حاجات بعرف اقاطعها زي أي منتج فرنسي او دانماركي واستثمارتهم؛ بس بضعف في أمور ثانية لإني برضك هش
⬅️ كل سنة وانتم طيبين واستنوا بكره بوستات شوفتم مسلسل كذا؛ وراها بوست من نفس الشخص شايفين أجر الممثل دا كام... شيزوفرينيا
*️⃣ طلع ممثل زي محمد رمضان مع إسرائيلي في الإمارات؛ انتقادات وشتيمة ووو... عارفين بعدها ايه حصل ؟ عااادي عمل مسلسل وعمل مسلسل تاني واتشافوا وعمل أغاني والناس بتشغلها في أفراحها وعااادي جداً.
*️⃣ جه ممثل زي أحمد عز ومعترفش بعياله والناس انتقدته وازاي وميحصش وايه الاخلاق دي وواطي؛ طيب ايه حصله بعدها؟ عااادي عمل سلسلة اعلانات فودافون Red ثم اتصالات ثم أفلام ومسلسلات عااادي والناس بتتفرج... وبقى موضوع الخسه بتاعه وشعار والله ما ولادي مجرد تندر وهزار.
*️⃣ رجل أعمال شهير يعمل صفقات تجارية مع جيراننا؛ حصل ايه؟ ولا حاجة والناس بتشتري من محلاته عرفه وكونكريت وغيرهم... عااادي جداً.
*️⃣ لما حصلت الرسومات للرسول وحكومة فرنسا دعمتها والناس قالوا نقاطع فرنسا ايه حصل؟ طلع ملايين وسطنا قالوا يا عم خلينا ناكل ونشرب وبلاش كده ومينفعش... والنتيجة ايه؟ هل حصل احترام لدينا وللرسول؟ هل لو قرر أي كاتب او رسام في أوروبا يعمل رسم يسخر من الرسول هل حد هيمنعه؟ هيخاف من حاجة؟ طيب حد في اوروبا يقدر ينشر رسم يأيد فيه روسيا دلوقتي؟ لا عشان عارف هيحصل فيه ايه... اظن وضحت.
*️⃣ مسلسلات رمضان؛ كل سنة بوستات ايه دا هي السنة ضاقت ومفيش غير رمضان؛ ليه كل المسلسلات دي... وبعدين نقفل الفيس ونفتح التليفزيون ونشغل المسلسل؛ وييجي الفاصل ونشوف الاعلانات. لما تعرف إن ال 30 ثانية اعلانات في رمضان بين المسلسلات وصلت ل 1 مليون جنية أحياناً ومتوسطها 300 الي 500 الف... ايوا ال 30 ثانية... لييييه؟ عشان الناس قاعدة تشوف... يبقي مين سبب انتاج المسلسلات؟ المنتج ولا المشاهد؟ في منتج حمار يضيع فرصة زي دي منه؟ الناس قاعدة تشوف أي زرط هيطلع قصادهم وقت الفطار فليه ميعملش مسلسل؟ القنوات عاوزة مسلسل عشان تشغل في الفواصل اعلانات تجيب ملايين... فانتا سبب ان في مسلسلات رمضان مش المنتجين.
*️⃣ الناس عاوزة تقعد عالكنبة كده؛ مش هتعمل أي مجهود؛ مش هنقاطع مغني مش هنقاطع ممثل بس هنقول مفروض يا ممثل تحترمنا وتقدم فن هادف؛ طيب اقدم ليه دا ما أي نيلة هتعمله هتشوفوه؟ هنشوف الافلام بس هنقول ايه الاسفاف دا؛ طيب قاطعها؛ هنقول للغرب عيب ميصحش لازم تحترم دينا والقيم بتاعتنا؛ واحنا مش مستعدين نغير السوبر ماركت اللي بنشتري منه ولا نوع الجبنة...
*️⃣ حتى دلوقتي الأسعار؛ في أسباب حقيقية لارتفاع الأسعار بس في ارتفاعات فوق المبررة؛ طيب الناس عملت ايه؟ هل قالت نقاطع؟ لا قالت مفروض الحكومة تحارب ارتفاع الأسعار في كله؛ واحنا مش هنعمل اي شيء ولا هنقاطع أي سلعة؛ احنا هنقعد عالكنبة ومفروض كل حاجة تتعمل... طفل رضيع قاعد فاتح بقه وعاوز المعلقة تيجي تتحط له... الكون كله يتغير بس مش هعمل أي مجهود.
*️⃣ ايه دا هما لاعيبة الكورة دول الدولة بتصرف عليهم كل دا ليه؛ ايه السفهه دا مش شايفين الشعب فقير ازاي وبيضيعوا الملايين عالكورة... وبعد ساعتين يحط بوست شوفت الماتش؛ الجون دا مش مستحق والاهلي والزمالك وكهربا ورمضان صبحي والشناوي ومرتضي والخطيب...
⬅️ من الآخر عشان تريح نفسك خدها قاعدة؛ اللي هتهتم بيه وقاعد تشوفه؛ هي اللي الفلوس هتروح له... هتشوف افلام فالممثلين هياخدوا فلوس؛ هتركز مع الكورة فلاعيبي الكورة هياخدوا ملايين؛ هتروح تشتري منتجات دول بتشتمنا هيفضلوا يشتموك ويطبقوا عليك قاعدة حسنة وأنا سيدك؛ بتحط 10 بوستات عن الرياضة و 10 عن الممثلين و 1 عن الصحة والتعليم... ومتوقع بقي ان الاهتمام يبقي بآخر اثنين؟ انتا بتضحك على نفسك...
*️⃣ هما اللي بيعملوا الافلام لو ملقوش حد يدخلها كانوا هيعملوها؟ القنوات لو لقت ان محدش بيشوف المسلسلات وبالتدريج الاعلانات كانوا هيشتروها؟
*️⃣ للأسف أنا بقولها إحنا بقينا ناس (هشة) من جوا؛ نقدر نتكلم بس منقدرش ننفذ ونقاطع ونقسوا علي نفسنا... المقاطعه شيء مؤلم؛ هتبطل حاجة بتحبها... بس احنا بقينا مجتمع هش؛ ولو واحد قاطع في 10 لا... وعشان كده ال 1 دا بيقرر مش هيقاطع ويقولك مهو في 10 غيري مش هيعملوا زيي؛ فيقرر هو يخليهم 11 فييجي 1 تاني يقولك مهو في 11 غيري مش هيقاطعوا فيقرر لا فيخليهم 12 وييجي ثالث يخليهم 13 وهكذا... فالكل يكون جواه القرار بس مستني غيره يبدأ... بقينا ناس هشة... وطبعاً أنا لا ادعي الفضيلة؛ اه في حاجات بعرف اقاطعها زي أي منتج فرنسي او دانماركي واستثمارتهم؛ بس بضعف في أمور ثانية لإني برضك هش
⬅️ كل سنة وانتم طيبين واستنوا بكره بوستات شوفتم مسلسل كذا؛ وراها بوست من نفس الشخص شايفين أجر الممثل دا كام... شيزوفرينيا
سؤالين متكررين:
1️⃣ ليه البنك الأهلي وبنك مصر بس اللي عملوا شهادات 18%
2️⃣ هو البنك الأهلي هيجيب فوائد ال 18% إزاي؟ هل كده لما حد يستلف منهم هياخد قرض ب 20% (الثابته) في حين البنوك الأخرى بتسلف بـ 10:12% الثابته؟
الإجابة:
*️⃣ مش معنى إن البنك الأهلى ؛ أو أي بنك بحيث المفهوم يبقى عام؛ مش معنى إن بنك عنده شهادة ب 12% ولا 15% يبقى تلقائي قروض البنك هتبقى بقيمة أعلى.
*️⃣ البنك الأهلي على سبيل المثال ودائع العملاء فيه بداية السنة دي كانت 2400 مليار جنية... فلو فرضنا إنه لم شهادات ب 200 مليار وكلهم كلهم فلوس من بره البنك يعني بقى 2600 مليار فكل الفلوس الزيادة 7.7% فقط... وفعلياً هى لن تتجاوز 2-3% أصلاً
*️⃣ جزء من الفلوس زي ما قولنا في شهادات 18%
*️⃣ جزء من الفلوس في شهادات قديمة 11-12%
*️⃣ جزء من الفلوس في حسابات وودائع 8-9%
*️⃣ جزء مهم ودا أحلى جزء ودا اللي البنوك بتحب العميل بتاعه وهو الحساب الجاري بدون فوائد.
*️⃣ عارف لو كل الناس راحت حطت فلوسها في البنوك في شهادات 10%. كده خلاص تكلفة الأموال عالبنك بقت 10% + مصاريفه فكده هو مش هيعرف يسلف غير ب 13-15% مثلاً... لإن كده البنك تكلفة الفلوس عليه بقت قول 10% + 2% مثلاً يعني يبقى 12% يبقى لما يأجرها لحد "قرض" يبقى تديله فوق الرقم دا عشان البنك يكسب.
*️⃣ لكن الحساب الجاري دا أنتا بتدي البنك فلوس بتكلفه عليه 0% فدا يروح مخفض له التكلفة جداً بتاعة الإجمالي... فعشان كده دا العميل المفضل للبنوك؛ بيكسب منه أكبر مكسب؛ ولو مش واضحه نضرب المثال التخيلي دا.
( التالي مثال تخيلي للتوضيح))
قبل الشهادات البنك الأهلي عنده 2400 مليار نتخيلهم مقسمين كالتالي:
*️⃣ مبلغ 1000 مليار في شهادات ب 11% يعني سنوي تكلفة 110 مليار
*️⃣ مبلغ 500 مليار في ودائع وحسابات 9% يعني سنوي تكلفة 45 مليار
*️⃣ مبلغ 900 مليار في حسابات جاريه 0% يعني سنوي تكلفة صفر
*️⃣ كده يبقى إجمالي التكلفة عالبنك 110+45 = 155 مليار جنية يعني ال 2400 مليار اكنهم 6.5% متوسط الفائدة في البنك وهو بيطلع قروض ب 10% ثابته يبقى كسبان 3.5%
*️⃣ تخيل بقى جه 200 مليار كلهم كلهم من بره البنك (دا مستحيل) والتكلفة 18% يعني 36 مليار سنوي
⬅️ يبقى إجمالي التكلفة الجديد عالبنك 110+45+36 = 191 مليار جنية يعني أكن ال 2600 مليار جنية متوسط الفائدة عليهم 7.3% يعني مزادش 1% ويقدر البنك عادي يواصل القروض ب 10% أو يحركها ل 10.5%
*️⃣ وفعلياً لما تيجي تحسبها وتتوقع إن أكثر من نص الفلوس كانت أصلاً في البنك بشكل أو بآخر ففعلياً مش هيكون في زيادة في تكلفة الأموال في البنك ب 0.5% مثلاً
*️⃣ ما سبق تم تجاهل مصاريف البنك وتجاهل الاحتياطي الإلزامي لإنه أصلاً فلوس عالبنك وتم افتراض إن البنك هيثبت فائدة الإقراض وبنتكلم هل يقدر أم لا يثبتها.
*️⃣ الخلاصة منعاً للإطالة؛ البنوك بيكون ليها "تكلفة أموال" يعني متوسط كل الفلوس اللي عندي بتكلفني كام؛ مش بتتحاسب قطاعي وفلوس محمد حساب جاري يعني تكلفة 0% نطلعها قرض 3% وفلوس إبراهيم حساب فوائد 9% يبقى نطلعها 11% وفلوس مصطفى شهادة 18% يبقى تطلع قرض 20%... مفيش دا أصلاً... انتا بتحسب متوسط التكلفة
*️⃣ دا برضك يجاوب السؤال الأول وهو ليه البنك الأهلي وبنك مصر بس اللي عملوا الشهادات دي؛ فبعيد عن كونهم حكوميين يعني مش بمزاجهم؛ لكن برضك باقي البنوك الحكومية معملتهاش؛ ولا الخاصة وخد المثال دا مثلاً للتوضيح:
*️⃣ قولنا فوق البنك الأهلي معاه 2400 مليار جنية؛ طيب بنك فيصل الإسلامي بقى ودائع العملاء هما 110 مليار جنية تكلفتهم عليه 5.4 مليار .. هوووب جاله 200 مليار شهادات 18% (بفرض إنها موجودة تخيل) يعني 36 مليار... كده إجمالي الفلوس بقت 310 مليار تكلفتهم السنوية 36+5.4 يعني 41.4 مليار يعني 13.3%
*️⃣ يعني البنك الأهلي في مثالنا لما يستقبل 200 مليار شهادات 18% بنقول هتزيد التكلفة عليه أقل من 1% في حين بنك فيصل هتقفز أكثر من 8% ودا رقم كارثي مفيش بنك يقدر يستحمل تغير التكلفة كده.
*️⃣ فاللي يقدر ياخد الشهادات بفائدة عالية هو اللي عنده ودائع كبيرة فمتوسط التكلفة عنده مش هيتدمر بالفائدة دي ودا مش متاح غير ال 2 الكبار؛ الأهلي اللي عنده 2.4 ترليون وبنك مصر اللي عنده 1.1 ترليون نهاية 2021. أما باقي البنوك فالأرقام دي خزعبلية ليها.
*️⃣ طيب عارف أكبر بنك خاص في مصر وهو CIB بيقولك تكلفة الودائع بتاعة العملاء في 2021 هى 20.1 مليار جنية... ينفع يشيل شهادات تكلفتها في سنة 36 مليار؟ دا أصلاً كل ودائع العملاء في البنك 407 مليار جنية... هياخد 200 مليار مؤقتين سنة ؟ دول يغرقوا البنك.
⬅️⬅️⬅️ يبقى سؤال ليا أنا ليكم... يا ترى أنا محتاج أوضح إني في البوست بشرح بس شيء بيحصل وإن دا لا يعني إني مؤيد لشهادات 18% دي؟ يا ترى لازم أكتب السطر دا كل آخر بوست؟ ➡️➡️➡️
1️⃣ ليه البنك الأهلي وبنك مصر بس اللي عملوا شهادات 18%
2️⃣ هو البنك الأهلي هيجيب فوائد ال 18% إزاي؟ هل كده لما حد يستلف منهم هياخد قرض ب 20% (الثابته) في حين البنوك الأخرى بتسلف بـ 10:12% الثابته؟
الإجابة:
*️⃣ مش معنى إن البنك الأهلى ؛ أو أي بنك بحيث المفهوم يبقى عام؛ مش معنى إن بنك عنده شهادة ب 12% ولا 15% يبقى تلقائي قروض البنك هتبقى بقيمة أعلى.
*️⃣ البنك الأهلي على سبيل المثال ودائع العملاء فيه بداية السنة دي كانت 2400 مليار جنية... فلو فرضنا إنه لم شهادات ب 200 مليار وكلهم كلهم فلوس من بره البنك يعني بقى 2600 مليار فكل الفلوس الزيادة 7.7% فقط... وفعلياً هى لن تتجاوز 2-3% أصلاً
*️⃣ جزء من الفلوس زي ما قولنا في شهادات 18%
*️⃣ جزء من الفلوس في شهادات قديمة 11-12%
*️⃣ جزء من الفلوس في حسابات وودائع 8-9%
*️⃣ جزء مهم ودا أحلى جزء ودا اللي البنوك بتحب العميل بتاعه وهو الحساب الجاري بدون فوائد.
*️⃣ عارف لو كل الناس راحت حطت فلوسها في البنوك في شهادات 10%. كده خلاص تكلفة الأموال عالبنك بقت 10% + مصاريفه فكده هو مش هيعرف يسلف غير ب 13-15% مثلاً... لإن كده البنك تكلفة الفلوس عليه بقت قول 10% + 2% مثلاً يعني يبقى 12% يبقى لما يأجرها لحد "قرض" يبقى تديله فوق الرقم دا عشان البنك يكسب.
*️⃣ لكن الحساب الجاري دا أنتا بتدي البنك فلوس بتكلفه عليه 0% فدا يروح مخفض له التكلفة جداً بتاعة الإجمالي... فعشان كده دا العميل المفضل للبنوك؛ بيكسب منه أكبر مكسب؛ ولو مش واضحه نضرب المثال التخيلي دا.
( التالي مثال تخيلي للتوضيح))
قبل الشهادات البنك الأهلي عنده 2400 مليار نتخيلهم مقسمين كالتالي:
*️⃣ مبلغ 1000 مليار في شهادات ب 11% يعني سنوي تكلفة 110 مليار
*️⃣ مبلغ 500 مليار في ودائع وحسابات 9% يعني سنوي تكلفة 45 مليار
*️⃣ مبلغ 900 مليار في حسابات جاريه 0% يعني سنوي تكلفة صفر
*️⃣ كده يبقى إجمالي التكلفة عالبنك 110+45 = 155 مليار جنية يعني ال 2400 مليار اكنهم 6.5% متوسط الفائدة في البنك وهو بيطلع قروض ب 10% ثابته يبقى كسبان 3.5%
*️⃣ تخيل بقى جه 200 مليار كلهم كلهم من بره البنك (دا مستحيل) والتكلفة 18% يعني 36 مليار سنوي
⬅️ يبقى إجمالي التكلفة الجديد عالبنك 110+45+36 = 191 مليار جنية يعني أكن ال 2600 مليار جنية متوسط الفائدة عليهم 7.3% يعني مزادش 1% ويقدر البنك عادي يواصل القروض ب 10% أو يحركها ل 10.5%
*️⃣ وفعلياً لما تيجي تحسبها وتتوقع إن أكثر من نص الفلوس كانت أصلاً في البنك بشكل أو بآخر ففعلياً مش هيكون في زيادة في تكلفة الأموال في البنك ب 0.5% مثلاً
*️⃣ ما سبق تم تجاهل مصاريف البنك وتجاهل الاحتياطي الإلزامي لإنه أصلاً فلوس عالبنك وتم افتراض إن البنك هيثبت فائدة الإقراض وبنتكلم هل يقدر أم لا يثبتها.
*️⃣ الخلاصة منعاً للإطالة؛ البنوك بيكون ليها "تكلفة أموال" يعني متوسط كل الفلوس اللي عندي بتكلفني كام؛ مش بتتحاسب قطاعي وفلوس محمد حساب جاري يعني تكلفة 0% نطلعها قرض 3% وفلوس إبراهيم حساب فوائد 9% يبقى نطلعها 11% وفلوس مصطفى شهادة 18% يبقى تطلع قرض 20%... مفيش دا أصلاً... انتا بتحسب متوسط التكلفة
*️⃣ دا برضك يجاوب السؤال الأول وهو ليه البنك الأهلي وبنك مصر بس اللي عملوا الشهادات دي؛ فبعيد عن كونهم حكوميين يعني مش بمزاجهم؛ لكن برضك باقي البنوك الحكومية معملتهاش؛ ولا الخاصة وخد المثال دا مثلاً للتوضيح:
*️⃣ قولنا فوق البنك الأهلي معاه 2400 مليار جنية؛ طيب بنك فيصل الإسلامي بقى ودائع العملاء هما 110 مليار جنية تكلفتهم عليه 5.4 مليار .. هوووب جاله 200 مليار شهادات 18% (بفرض إنها موجودة تخيل) يعني 36 مليار... كده إجمالي الفلوس بقت 310 مليار تكلفتهم السنوية 36+5.4 يعني 41.4 مليار يعني 13.3%
*️⃣ يعني البنك الأهلي في مثالنا لما يستقبل 200 مليار شهادات 18% بنقول هتزيد التكلفة عليه أقل من 1% في حين بنك فيصل هتقفز أكثر من 8% ودا رقم كارثي مفيش بنك يقدر يستحمل تغير التكلفة كده.
*️⃣ فاللي يقدر ياخد الشهادات بفائدة عالية هو اللي عنده ودائع كبيرة فمتوسط التكلفة عنده مش هيتدمر بالفائدة دي ودا مش متاح غير ال 2 الكبار؛ الأهلي اللي عنده 2.4 ترليون وبنك مصر اللي عنده 1.1 ترليون نهاية 2021. أما باقي البنوك فالأرقام دي خزعبلية ليها.
*️⃣ طيب عارف أكبر بنك خاص في مصر وهو CIB بيقولك تكلفة الودائع بتاعة العملاء في 2021 هى 20.1 مليار جنية... ينفع يشيل شهادات تكلفتها في سنة 36 مليار؟ دا أصلاً كل ودائع العملاء في البنك 407 مليار جنية... هياخد 200 مليار مؤقتين سنة ؟ دول يغرقوا البنك.
⬅️⬅️⬅️ يبقى سؤال ليا أنا ليكم... يا ترى أنا محتاج أوضح إني في البوست بشرح بس شيء بيحصل وإن دا لا يعني إني مؤيد لشهادات 18% دي؟ يا ترى لازم أكتب السطر دا كل آخر بوست؟ ➡️➡️➡️
بالرغم من إني مقرر أقلل كتابة لإني مستهلك شوية ومحتاج إعادة شحن بس في بوست مستفز كله نصب وتدليس رجع يظهر تاني بعد 6 شهور من اختفاءه؛ وهو بوست بيقولك إن الاستثمارات مش بتيجي مصر عشان الطرق وحشة ومعندناش مدن جديدة وكده...
*️⃣ طبعاً مش هنخش نناقش في شكل تطوير الطرق وهل كله بالانفاق دا ولا كان في بدايل زي تنظيم المرور وخاصة النقل والميكروباص والركن للعربيات. لإن ساعات بيكون في ازحام مروري سببه سلوكيات من السائقين والنقل والميكروباص واقف في نص الطريق... فالحل تمنع دا؛ والتكلفة لا شيء مقابل كوبري ب 130 مليون جنية متوسط... وأكيد كلنا شاف طرق جديدة برضك بتقف عشان الركن الصف الثاني والثالث والعك اللي بيحصل دا... فالسلوكيات هى رقم 1 أساساً وتنظيم المرور والشوارع... بدل ما تصرف وبعدين السلوكيات تدمر كل اللي صرفته. لكن عامة هننفض للنقطة دي ونخش في الجد... هل فعلاً الاستثمارات بتمشي ومش بتجي عشان جودة الطريق؟
*️⃣ في البداية وقبل ما أرد لازم نأكد إن محدش مختلف إن تنظيم المرور وتحسينه مهم جداً؛ فالسطور القادمة دي مش هقول فيها إن تنظيم المرور مش مهم وعمل طرق مش مهم؛ لكني هرد على فكرة إن الاستثمارات مش بتيجي عشان الطرق وحشة ومفيش مدن ولو الطرق بقت جميلة فالاستثمارت هتيجي والجو دا....
*️⃣ دلوقتي احنا في 2022 والمرور بالقاهرة أحسن من 2021 اللي هى أحسن من 2019 اللي هى أحسن من 2015 وهكذا... طيب ممكن تبص على تقارير الاستثمار الأجنبي المباشر كده؟ يعني مفروض تلاقي الاستثمار الأجنبي حالياً في 2022 هو الأعلى؛ في الحقيقة هتلاقي إن الاستثمار في 2019 أعلى من 2022؛ طب إزاي يعني دا الطرق أحسن؟
*️⃣ طب خلاص بص مؤشر جودة الطرق بيقول مصر ترتيبها 29 عالعالم؛ وكندا 31 وتركيا 32 وأستراليا 33 وانجلترا 37 والصين 44 والهند 46 ونيوزلاندا 48 وإيطاليا 55 والبرازيل 114 ... يعني بالصلاة على النبي كده عارفين مجموعة ال 20 أكبر اقتصاد بالكوكب؟ المؤشر بيقول مصر أحسن من 14 دولة منهم في جودة الطرق وخدوا بالكم دا تقرير 2019 يعني لما ينزل 2022 هنتحسن أكثر.... طيب ممكن حد يقارن لي كده بالاستثمارات بين أي دولة من G20 معانا؟ طب مع البرازيل اللي هى 114 دي.
*️⃣ طيب يا سيدي تقرير طومطوم اللي بيستشهد بيه بيقول احنا 41 في الأكثر ازدحاماً والأسوء منا باريس 37 وطوكيو 17 وموسكو 2 واسطنبول 1... ممكن حد يقارن بين الاستثمارات في اليابان وفرنسا وروسيا وتركيا وعندنا؟ مفروض دول أسوء مننا يعني المستثمر مش هيقعد يضيع ساعة عشان ينتقل من نقطة لنقطة زي ما الاستاذ قال.. دول هيضيع فيهم ساعتين مش ساعة... يبقى يطفش من فرنسا واليابان بقى.
*️⃣ يبقى مفيش أي علاقة بين الاستثمارات وجودة الطرق... بس عارفين ممكن اكون أنا اللي مفتري... مش هو بيهبد ويقول البنك الدولي بيقول مش عارف ايه وخسرنا كام مليار ووو... ماشي قشطة خلاص هنصدق التقرير اللي محدش شافه بتاع البنك الدولي؛ بس تعالى برضك من موقع البنك الدولي شوف تقرير اسمه "مؤشر سهولة ممارسة الأعمال" أو "Ease of doing business index" ودا تقرير البنك الدولي بيعمله للدول وبيقولك أد ايه سهل تعمل فيها بيزنس يا مستثمر.
حماية المستثمرين الأقلية 57
الحصول على قروض 67
استخراج تراخيص البناء 74
الحصول على كهرباء 77
سهولة بدأ النشاط ترتيب مصر 90
تسوية حالات الإعسار والافلاس 104
تسحيل الملكية 130
دفع الضرائب 156
انفاذ العقود 166
التجارة عبر الحدود 171
*️⃣ محدش شايف جودة الطرق في المؤشر؟ ولا أكيد البنك الدولي دا بطيخة ومش فاهم؟
*️⃣ طب شايفين آخر نقطة دي؟ سهولة التجارة عبر الحدود 171 عالعالم؛ ودي يعني سهولة الاستيراد... هتقولي مش عاوزين نستورد... دا هبل مفيش تصنيع بدون استيراد ومفيش تصدير بدون استيراد؛ أي كان بتشتغل ايه حتى لو بتعمل مشروع تعبئة ألبان؛ هتحلب بقر يعني وتغلفه؛ فالبقرة العلف بتاعها مستورد والألة بتاعة البستره مستوردة والعلبة بتاعة اللبن "تترابك مستورد" والكرتونة اللي بره مستوردة لإنها ورق ومصر معندهاش غابات...
*️⃣ أصلاً لما تبص على نقطة ترتيب مصر فيها كويس زي استخراج تراخيص البناء ال 74 .... تبص عالتفاصيل تلاقي عدد الأيام المطلوبة 173 يوم... يعني المستثمر هيقعد 173 يوم عشان يطلع ترخيص بناء وتبص على اللي بعدها الكهرباء تلاقيه هيقعد 53 يوم حسب التقرير... يعني 226 يوم في نوعين بس من الإجراءات.
*️⃣ نفترض إن مشكلة المستثمر بس في الطريق... طيب عندك طريق زي الفل أهو... هيوصل العمالة اللي تقرير دافوس بيقول إن كفاءة سوق العمل المصري ال 126 من 141 دولة شملهم التقرير يعني ضمن أسوء 20 سوق عمل بالكوكب (دا مؤشر فيه 12 مؤشر داخلي وليس المقصود بس كفاءة العمال).... فاحنا هناخد العمالة الغير مدربة نوصلها بسرعة للمصنع اللي واقف عشان التجارة عبد الحدود صعبة وموقفة دخول مستلزمات الانتاج...
*️⃣ طبعاً مش هنخش نناقش في شكل تطوير الطرق وهل كله بالانفاق دا ولا كان في بدايل زي تنظيم المرور وخاصة النقل والميكروباص والركن للعربيات. لإن ساعات بيكون في ازحام مروري سببه سلوكيات من السائقين والنقل والميكروباص واقف في نص الطريق... فالحل تمنع دا؛ والتكلفة لا شيء مقابل كوبري ب 130 مليون جنية متوسط... وأكيد كلنا شاف طرق جديدة برضك بتقف عشان الركن الصف الثاني والثالث والعك اللي بيحصل دا... فالسلوكيات هى رقم 1 أساساً وتنظيم المرور والشوارع... بدل ما تصرف وبعدين السلوكيات تدمر كل اللي صرفته. لكن عامة هننفض للنقطة دي ونخش في الجد... هل فعلاً الاستثمارات بتمشي ومش بتجي عشان جودة الطريق؟
*️⃣ في البداية وقبل ما أرد لازم نأكد إن محدش مختلف إن تنظيم المرور وتحسينه مهم جداً؛ فالسطور القادمة دي مش هقول فيها إن تنظيم المرور مش مهم وعمل طرق مش مهم؛ لكني هرد على فكرة إن الاستثمارات مش بتيجي عشان الطرق وحشة ومفيش مدن ولو الطرق بقت جميلة فالاستثمارت هتيجي والجو دا....
*️⃣ دلوقتي احنا في 2022 والمرور بالقاهرة أحسن من 2021 اللي هى أحسن من 2019 اللي هى أحسن من 2015 وهكذا... طيب ممكن تبص على تقارير الاستثمار الأجنبي المباشر كده؟ يعني مفروض تلاقي الاستثمار الأجنبي حالياً في 2022 هو الأعلى؛ في الحقيقة هتلاقي إن الاستثمار في 2019 أعلى من 2022؛ طب إزاي يعني دا الطرق أحسن؟
*️⃣ طب خلاص بص مؤشر جودة الطرق بيقول مصر ترتيبها 29 عالعالم؛ وكندا 31 وتركيا 32 وأستراليا 33 وانجلترا 37 والصين 44 والهند 46 ونيوزلاندا 48 وإيطاليا 55 والبرازيل 114 ... يعني بالصلاة على النبي كده عارفين مجموعة ال 20 أكبر اقتصاد بالكوكب؟ المؤشر بيقول مصر أحسن من 14 دولة منهم في جودة الطرق وخدوا بالكم دا تقرير 2019 يعني لما ينزل 2022 هنتحسن أكثر.... طيب ممكن حد يقارن لي كده بالاستثمارات بين أي دولة من G20 معانا؟ طب مع البرازيل اللي هى 114 دي.
*️⃣ طيب يا سيدي تقرير طومطوم اللي بيستشهد بيه بيقول احنا 41 في الأكثر ازدحاماً والأسوء منا باريس 37 وطوكيو 17 وموسكو 2 واسطنبول 1... ممكن حد يقارن بين الاستثمارات في اليابان وفرنسا وروسيا وتركيا وعندنا؟ مفروض دول أسوء مننا يعني المستثمر مش هيقعد يضيع ساعة عشان ينتقل من نقطة لنقطة زي ما الاستاذ قال.. دول هيضيع فيهم ساعتين مش ساعة... يبقى يطفش من فرنسا واليابان بقى.
*️⃣ يبقى مفيش أي علاقة بين الاستثمارات وجودة الطرق... بس عارفين ممكن اكون أنا اللي مفتري... مش هو بيهبد ويقول البنك الدولي بيقول مش عارف ايه وخسرنا كام مليار ووو... ماشي قشطة خلاص هنصدق التقرير اللي محدش شافه بتاع البنك الدولي؛ بس تعالى برضك من موقع البنك الدولي شوف تقرير اسمه "مؤشر سهولة ممارسة الأعمال" أو "Ease of doing business index" ودا تقرير البنك الدولي بيعمله للدول وبيقولك أد ايه سهل تعمل فيها بيزنس يا مستثمر.
حماية المستثمرين الأقلية 57
الحصول على قروض 67
استخراج تراخيص البناء 74
الحصول على كهرباء 77
سهولة بدأ النشاط ترتيب مصر 90
تسوية حالات الإعسار والافلاس 104
تسحيل الملكية 130
دفع الضرائب 156
انفاذ العقود 166
التجارة عبر الحدود 171
*️⃣ محدش شايف جودة الطرق في المؤشر؟ ولا أكيد البنك الدولي دا بطيخة ومش فاهم؟
*️⃣ طب شايفين آخر نقطة دي؟ سهولة التجارة عبر الحدود 171 عالعالم؛ ودي يعني سهولة الاستيراد... هتقولي مش عاوزين نستورد... دا هبل مفيش تصنيع بدون استيراد ومفيش تصدير بدون استيراد؛ أي كان بتشتغل ايه حتى لو بتعمل مشروع تعبئة ألبان؛ هتحلب بقر يعني وتغلفه؛ فالبقرة العلف بتاعها مستورد والألة بتاعة البستره مستوردة والعلبة بتاعة اللبن "تترابك مستورد" والكرتونة اللي بره مستوردة لإنها ورق ومصر معندهاش غابات...
*️⃣ أصلاً لما تبص على نقطة ترتيب مصر فيها كويس زي استخراج تراخيص البناء ال 74 .... تبص عالتفاصيل تلاقي عدد الأيام المطلوبة 173 يوم... يعني المستثمر هيقعد 173 يوم عشان يطلع ترخيص بناء وتبص على اللي بعدها الكهرباء تلاقيه هيقعد 53 يوم حسب التقرير... يعني 226 يوم في نوعين بس من الإجراءات.
*️⃣ نفترض إن مشكلة المستثمر بس في الطريق... طيب عندك طريق زي الفل أهو... هيوصل العمالة اللي تقرير دافوس بيقول إن كفاءة سوق العمل المصري ال 126 من 141 دولة شملهم التقرير يعني ضمن أسوء 20 سوق عمل بالكوكب (دا مؤشر فيه 12 مؤشر داخلي وليس المقصود بس كفاءة العمال).... فاحنا هناخد العمالة الغير مدربة نوصلها بسرعة للمصنع اللي واقف عشان التجارة عبد الحدود صعبة وموقفة دخول مستلزمات الانتاج...
كده المستثمر مبسوط صح؟ أومال يعني عاوزينه ياخد عمالة مدربة بس توصل ببطئ عشان الزحمة لمصنع فيه معدات ومستلزمات انتاج وشغال؟
*️⃣ لما تعمل الدراسات بقى وتعرف ايه أرخص طريقة تحل الأزمة بيها؛ طبعاً الدراسات هتقول في أماكن لازم كوبري فعلاً؛ لكن برضك هتقولك إن ممكن طريق فيه مشكلة بدل ما تحلها بتوسعه شارع وكوبري ب 200 مليون... في حين لو وقفنا بشكل دائم بوكس بوليس السواقين يخافوا منهم فيمشوا كويس ومحدش يركن فتتحل الأزمة؛ هنا هتوفر مليارات تقدر توجهها لتدريب عمالة أو عمل طرق مكافحة الفساد أو تسهيل إجراءات وأوراق المستثمرين أو حتى توفرها خالص وتقلل عبء الدين.
*️⃣ آخر شيء عاوز أقوله؛ مصر محتاجة شغل كثير عشان تجذب الاستثمارات بجد وتنافس في السوق العالمي؛ وأتمنى بجد كل نقاط الضعف بتاعتنا تتعالج عشان اللي هيخرج مصر بجد من أزمتها هى الاستثمارات الحقيقية... هى اللي هتخلي الجنية قوي قصاد الدولار؛ هى اللي هتقلل البطالة وتخلي الناس قادرة تعيش... تطوير أي اقتصاد صعب ومعقد جداً ومحتاج دراسات وتوجيه الاستثمارات الحكومية بشكل دقيق في القطاعات... وقتها هنشوف مصر أد الدنيا بجد مش ببوستات مدلسة.
⬅️ اه معلش عشان عارف التعليقات هتسب البوست وتسأل؛ مصر مش لبنان؛ ولا ممكن تبقي زي لبنان في الأزمة؛ مصر اقتصادها كبير ودولة كبيرة؛ ومهمة للعالم فمحدش هيسبنا نقع... فبلاش تتخيلوا سيناريو لبنان لانه مستحيل يحصل في مصر؛ عالأقل لعشرات السنين كده... لبنان دولة منهارة بقالها فوق الربع قرن وعندها تفتت داخلي كبير وفساد مهول ووو... واللي نفسه يعرف ايه بيحصل وهيحصل؛ فالمخبر الاقتصادي عامل أكثر من حلقة عن افلاس الدول وعن لبنان فممكن تشوفوهم لاني مش هقدر أكتب حالياً عنها.
*️⃣ لما تعمل الدراسات بقى وتعرف ايه أرخص طريقة تحل الأزمة بيها؛ طبعاً الدراسات هتقول في أماكن لازم كوبري فعلاً؛ لكن برضك هتقولك إن ممكن طريق فيه مشكلة بدل ما تحلها بتوسعه شارع وكوبري ب 200 مليون... في حين لو وقفنا بشكل دائم بوكس بوليس السواقين يخافوا منهم فيمشوا كويس ومحدش يركن فتتحل الأزمة؛ هنا هتوفر مليارات تقدر توجهها لتدريب عمالة أو عمل طرق مكافحة الفساد أو تسهيل إجراءات وأوراق المستثمرين أو حتى توفرها خالص وتقلل عبء الدين.
*️⃣ آخر شيء عاوز أقوله؛ مصر محتاجة شغل كثير عشان تجذب الاستثمارات بجد وتنافس في السوق العالمي؛ وأتمنى بجد كل نقاط الضعف بتاعتنا تتعالج عشان اللي هيخرج مصر بجد من أزمتها هى الاستثمارات الحقيقية... هى اللي هتخلي الجنية قوي قصاد الدولار؛ هى اللي هتقلل البطالة وتخلي الناس قادرة تعيش... تطوير أي اقتصاد صعب ومعقد جداً ومحتاج دراسات وتوجيه الاستثمارات الحكومية بشكل دقيق في القطاعات... وقتها هنشوف مصر أد الدنيا بجد مش ببوستات مدلسة.
⬅️ اه معلش عشان عارف التعليقات هتسب البوست وتسأل؛ مصر مش لبنان؛ ولا ممكن تبقي زي لبنان في الأزمة؛ مصر اقتصادها كبير ودولة كبيرة؛ ومهمة للعالم فمحدش هيسبنا نقع... فبلاش تتخيلوا سيناريو لبنان لانه مستحيل يحصل في مصر؛ عالأقل لعشرات السنين كده... لبنان دولة منهارة بقالها فوق الربع قرن وعندها تفتت داخلي كبير وفساد مهول ووو... واللي نفسه يعرف ايه بيحصل وهيحصل؛ فالمخبر الاقتصادي عامل أكثر من حلقة عن افلاس الدول وعن لبنان فممكن تشوفوهم لاني مش هقدر أكتب حالياً عنها.
صديق ليا إمبارح بيقولي هو ايه هوجة مسلسلات وقوانين الأحوال الشخصية اللي عمالة تقولك الرجالة بتتجوز على زوجاتها وووو دا... هو اد ايه رجالة بتتجوز الجوازة الثانية أو أكثر
*️⃣ صراحة مكنتش فاضي قوي أغطس في إحصائيات الدولة وأجيب رقم جديد... فلقيت رقم سنة 2016؛ فعادي ممكن نستخدمه ك معيار.
*️⃣ الرقم بيقول إن سنة 2016 حصل 938526 حالة زواج جديدة؛ كان منهم 3083 حالة زواج للزوجة الثانية؛ أما عدد حالات الزوجة الثالثة فهو 76 شخص...
*️⃣ أيوا يعني كل مليون حالة زواج؛ في 3 الاف واحد بيكونوا الزواج الثاني... وفي المليون في 76 شخص الزوجة الثالثة.
*️⃣ يعني من مليون حالة زواج في 3159 حالة الجمع بين أكثر من زوجة... فليه محسسنا إن دي كارثة؟ دي نسبتها 0.33% يعني كل 300 حالة زواج جديدة بيكون واحد بس من ال 300 بيعدد... فهي دي الكارثة؟
((( تحديث؛ في اعتراضات اتبعتت لي علي رقم اعادة الزواج وان رقم 3083 هو للزوجة الثالثة وليس الثانية؛ لكن مش هيأثر عالمفهوم العام؛ افرض انهم حتي 40 الف؛ فدول من مقارنة بمليون حالة زواج فمش نسبة مسيطرة... ولا هيأثر على باقي البوست)))
*️⃣ طب بالنسبة لسنة 2020 اللي حصل فيها 222 ألف حالة طلاق ودا ثاني أعلى رقم في تاريخ مصر بعد سنة 2019 اللي كان 225 ألف حالة طلاق؟
*️⃣ وان الجهاز المركزي بيقول ان معدل الطلاق الحالي (2020) هو 2.2 حالة لكل ألف نسمة ودا ثاني أعلى معدل برضك في تاريخ مصر بعذ 2019 اللي كان 2.3 حالة لكل الف نسمة؟ دا عادي.
*️⃣ طيب برضك الجهاز المركزي بيقول ان معدل الزواج الحالي هو أقل معدل زواج في تاريخ مصر كلها؟ وان رغم ارتفاع عدد السكان اللي طبيعي مفروض عدد حالات الزواج يزيد؛ بس الجهاز المركزي بيقول ان عدد حالات الزواج في 2020 (أحدث رقم) هو أقل رقم تشوفه مصر من سنة 2010؟
*️⃣ فانتا قصاد كارثة اجتماعية بتنمو؛ أعلى معدلات طلاق في التاريخ ومعاها أقل معدلات زواج... دا مارثون للتفكك الأسري.
*️⃣ فنعمل ايه نعمل ايه؟ نعمل قوانين تعقد المواضيع أكثر؛ مش نعالج المشاكل لا احنا نقلبها حرب؛ يلا حقي وحقك يلا حرب حقوق؛ يلا نولع في الأسرة ودا أصلا الهدف.
*️⃣ مهو لما الأسر تتفكك والناس تطلق أو تلاقي الزواج معقد ويقضوها في الحرام؛ كده نضمن مفيش عيال يبقي قللنا النمو السكاني أهو. صح ولا مش صح؟ الجدير بالذكر ان معدلات الزيادة الطبيعية في مصر حالياً هي الأقل... كانت بتزيد لغاية 2013 ومن 2014 والمعدل بتاع الزيادة بينهار
*️⃣ ولما كل دول ستات يطلقوا؛ أو يبقي متعارف عليه ان بنسبة 25% الست اللي بتتجوز هتتطلق؛ فكده الست تقولك لازم ابقي استرونج اندبدنت ووماااااان... ولازم اشتغل عشان لما يغدر بيا الاقي دخل ليا... وتبقي الست منتظره غدر الراجل؛ والراجل بيفكر ازاي يخلع بدون تكاليف مهولة... هتقولي مين كسبان كده؟
*️⃣ الشركات يا ريس كسبانه؛ هو لما نزود عدد الستات اللي عاوزة تشتغل؛ يبقي بزود المعروض من العمالة في سوق العمالة؛ ولما بزود المعروض يقل الرواتب؛ فأنا ك شركة أكسب ليا لو كل الستات بقت عاوزة تشتغل؛ العمالة هترطرط وهندفع أقل أجور.
*️⃣ ومن الناحية الثانية لما يبقي أجر قليل؛ فاللي مش متجوز مش هيعرف بالأجر القليل يتجوز أصلاً فبكده الحلزونة قفلت وتقل المعدلات للزواج. وبالنسبة للمتزوجين يبقي الزوج راتبه قليل فتبدأ خناقات مراته معاه فهوبا يحصل الطلاق؛ أوووو الست تقولك انزل اشتغل اساعد في البيت؛ فتنزل؛ فيتم اهمال البيت او الست تقول للراجل انا زيي زيك بصرف عالبيت؛ او الزوج يكون نطع ويطمع في مرتب الزوجة؛ المهم وصلنا لنفس الهدف وهو الطلاق 😁.
*️⃣ نكتفي بهذا القدر؛ وشوفتم سؤال صاحبي وصلنا لإيه 😂😂 وهضيف صور الاحصائيات من موقع الجهاز المركزي للتعبئة والإحصاء في التعليقات بالفيس او هبعته بشكل مستقل في تليجرام
*️⃣ ملحوظة : دايماِ في الاحصائيات بيبصوا علي معدلات ونسب وليس رقم... يعني مثلا تفتكروا نسب الزواج بين المصريين أكبر ولا الهنود او الصينيين؟ طبعاً المصريين... طيب تفتكر عدد حالات الزواج السنوية في مصر أكثر ولا الهند؟ طبعاَ الهند لانهم ادنا 13 مرة؛ فلو حتي المصري فرصة الزواج 5 اضعافهم فهما 13 ضعف عددنا... عشان كده دايماً ركزوا عالنسبة أكثر من الرقم المجرد وان كان دا لا يعني ان الرقم المجرد ملوش لازمة.
*️⃣ صراحة مكنتش فاضي قوي أغطس في إحصائيات الدولة وأجيب رقم جديد... فلقيت رقم سنة 2016؛ فعادي ممكن نستخدمه ك معيار.
*️⃣ الرقم بيقول إن سنة 2016 حصل 938526 حالة زواج جديدة؛ كان منهم 3083 حالة زواج للزوجة الثانية؛ أما عدد حالات الزوجة الثالثة فهو 76 شخص...
*️⃣ أيوا يعني كل مليون حالة زواج؛ في 3 الاف واحد بيكونوا الزواج الثاني... وفي المليون في 76 شخص الزوجة الثالثة.
*️⃣ يعني من مليون حالة زواج في 3159 حالة الجمع بين أكثر من زوجة... فليه محسسنا إن دي كارثة؟ دي نسبتها 0.33% يعني كل 300 حالة زواج جديدة بيكون واحد بس من ال 300 بيعدد... فهي دي الكارثة؟
((( تحديث؛ في اعتراضات اتبعتت لي علي رقم اعادة الزواج وان رقم 3083 هو للزوجة الثالثة وليس الثانية؛ لكن مش هيأثر عالمفهوم العام؛ افرض انهم حتي 40 الف؛ فدول من مقارنة بمليون حالة زواج فمش نسبة مسيطرة... ولا هيأثر على باقي البوست)))
*️⃣ طب بالنسبة لسنة 2020 اللي حصل فيها 222 ألف حالة طلاق ودا ثاني أعلى رقم في تاريخ مصر بعد سنة 2019 اللي كان 225 ألف حالة طلاق؟
*️⃣ وان الجهاز المركزي بيقول ان معدل الطلاق الحالي (2020) هو 2.2 حالة لكل ألف نسمة ودا ثاني أعلى معدل برضك في تاريخ مصر بعذ 2019 اللي كان 2.3 حالة لكل الف نسمة؟ دا عادي.
*️⃣ طيب برضك الجهاز المركزي بيقول ان معدل الزواج الحالي هو أقل معدل زواج في تاريخ مصر كلها؟ وان رغم ارتفاع عدد السكان اللي طبيعي مفروض عدد حالات الزواج يزيد؛ بس الجهاز المركزي بيقول ان عدد حالات الزواج في 2020 (أحدث رقم) هو أقل رقم تشوفه مصر من سنة 2010؟
*️⃣ فانتا قصاد كارثة اجتماعية بتنمو؛ أعلى معدلات طلاق في التاريخ ومعاها أقل معدلات زواج... دا مارثون للتفكك الأسري.
*️⃣ فنعمل ايه نعمل ايه؟ نعمل قوانين تعقد المواضيع أكثر؛ مش نعالج المشاكل لا احنا نقلبها حرب؛ يلا حقي وحقك يلا حرب حقوق؛ يلا نولع في الأسرة ودا أصلا الهدف.
*️⃣ مهو لما الأسر تتفكك والناس تطلق أو تلاقي الزواج معقد ويقضوها في الحرام؛ كده نضمن مفيش عيال يبقي قللنا النمو السكاني أهو. صح ولا مش صح؟ الجدير بالذكر ان معدلات الزيادة الطبيعية في مصر حالياً هي الأقل... كانت بتزيد لغاية 2013 ومن 2014 والمعدل بتاع الزيادة بينهار
*️⃣ ولما كل دول ستات يطلقوا؛ أو يبقي متعارف عليه ان بنسبة 25% الست اللي بتتجوز هتتطلق؛ فكده الست تقولك لازم ابقي استرونج اندبدنت ووماااااان... ولازم اشتغل عشان لما يغدر بيا الاقي دخل ليا... وتبقي الست منتظره غدر الراجل؛ والراجل بيفكر ازاي يخلع بدون تكاليف مهولة... هتقولي مين كسبان كده؟
*️⃣ الشركات يا ريس كسبانه؛ هو لما نزود عدد الستات اللي عاوزة تشتغل؛ يبقي بزود المعروض من العمالة في سوق العمالة؛ ولما بزود المعروض يقل الرواتب؛ فأنا ك شركة أكسب ليا لو كل الستات بقت عاوزة تشتغل؛ العمالة هترطرط وهندفع أقل أجور.
*️⃣ ومن الناحية الثانية لما يبقي أجر قليل؛ فاللي مش متجوز مش هيعرف بالأجر القليل يتجوز أصلاً فبكده الحلزونة قفلت وتقل المعدلات للزواج. وبالنسبة للمتزوجين يبقي الزوج راتبه قليل فتبدأ خناقات مراته معاه فهوبا يحصل الطلاق؛ أوووو الست تقولك انزل اشتغل اساعد في البيت؛ فتنزل؛ فيتم اهمال البيت او الست تقول للراجل انا زيي زيك بصرف عالبيت؛ او الزوج يكون نطع ويطمع في مرتب الزوجة؛ المهم وصلنا لنفس الهدف وهو الطلاق 😁.
*️⃣ نكتفي بهذا القدر؛ وشوفتم سؤال صاحبي وصلنا لإيه 😂😂 وهضيف صور الاحصائيات من موقع الجهاز المركزي للتعبئة والإحصاء في التعليقات بالفيس او هبعته بشكل مستقل في تليجرام
*️⃣ ملحوظة : دايماِ في الاحصائيات بيبصوا علي معدلات ونسب وليس رقم... يعني مثلا تفتكروا نسب الزواج بين المصريين أكبر ولا الهنود او الصينيين؟ طبعاً المصريين... طيب تفتكر عدد حالات الزواج السنوية في مصر أكثر ولا الهند؟ طبعاَ الهند لانهم ادنا 13 مرة؛ فلو حتي المصري فرصة الزواج 5 اضعافهم فهما 13 ضعف عددنا... عشان كده دايماً ركزوا عالنسبة أكثر من الرقم المجرد وان كان دا لا يعني ان الرقم المجرد ملوش لازمة.
البوست بتاع امبارح عمل تفاعل غريب شويتين؛ كثيييير قوي؛ واضح ان الناس بتحب المواضيع دي؛ وفي رسايل ومينشن وتعليقات وتوضيحات جت لي وحبيت أعلق علي نقطة وأوضح كذا حاجة بفكر اكتبهم بقالي فترة.
*️⃣ في البداية في ناس وضحوا لي ان رقم 0.3% دا يخص اللي عندهم أكثر من 2 يعني 2 و 4 معاً؛ يعني اللي عندهم 2 بس مش محسوبين وعددهم 10 اضعاف الرقم دا. ولسه هدور واشوف الرقم السليم وهنزل احصائية المركزي الاحدث (الموقع حلفان ما يسجل دخول)... لكن هفترض ان كل ما ارسل لي صحيح؛ كله؛ وهستغل دا وننقاش سوى كام نقطة.
⬅️ النقطة 1️⃣ ركز مع المفهوم العام والترند
*️⃣ في نقطة مهمة قوي وهي التركيز مع المفهوم العام والترند وليس الدقة الا في اغراض بحثية وتنفيذية... بمعني تخيل ان شخص قالك انا فقير ودخلي مش بيكفيني غير 5 ايام وبعدين اشحت فممكن تتصدق عليا.. فتقرر تراقبه وتكتشف ان مرتبه بيكفيه 9 أيام مش 5 ويبدأ يشحت من اليوم العاشر... فهنا تروح تقوله يا كذاب بتقولي بتشحت من اليوم السادس وطلعت بتشحت من العاشر؟ يا كذاب يا ثري... مش هتصدق عليك
*️⃣ يعني في مثالنا؛ تخيل ان اللي عندهم اكثر من زوجة طلعوا 5% والرقم دا اكبر من اكبر رقم اتبعت لي اصلا؛ لكن نفترض انه 5%... ففي كده عندي 5% عندهم اكثر من زوجة و 95% عندهم زوجة واحدة... فهل بقي النسبة دي تستحق الاهتمام والتركيز الضخم اللي يحسسك ان ال 95% متجوزين بأكثر من واحدة؟
*️⃣ فدا اللي اقصده بالترند... مفهوم لا كهربائي ولا بيفهم في الكهرباء.
*️⃣ نفس الفكرة برضك؛ معدل الزواج؛ كان في 2008 بداية التقرير كان 8.8 حالة لكل الف نسمة؛ وبعدين فضل يزيد يزيد لغاية 11.2 حالة... وبعدين هوب بقي بيتراجع يتراجع لغاية 8.7 حالة... ونفترض انها 8.8 اللي بدأنا بيها
*️⃣ هل بقي ال 8.8 بتاعة 2008 شبهه ال 8.8 (ال 8.7 فعليا) في 2020 ؟ لا طبعاً... طب ازاي يعني دا الرقمين شبه بعض... دا صحيح لو معرفتك بالأرقام جايه من كلية تجارة؛ او حتي هندسة؛ رقم شبه رقم يبقوا زي بعض... بس عالم الإحصاء في معيار قولنا فوق... الترند فين.
*️⃣ في 2008 وقت ما جبت 8.8 كنت جايبها في طريق الصعود ودلوقتي في الهبوط... زي كده حد سايق العربية؛ داس بنزين وصل ل 120 ثم 130 ثم 140 ثم 160 فاللي جنبه اترعب وقاله فرمل؛ فداس فرامل وبعد ثواني السرعة نزلت ل 120... هل اللي جنبه مفروض يترعب لما شاف ال 120 دي؟ مهي شبه ال 120 السابقة؟ لا طبعا... المرة الاولي كانت 120 في طريق تسارع؛ المرة دي ال 120 في طريق تراجع السرعة... فدي مش زي دي
⬅️ النقطة 2️⃣ مفيش حد مش هيغلط ولكن!!
*️⃣ كانوا بيقولوا لنا واحنا صغيرين؛ عاوز متغلطش يبقي متعملش حاجة؛ لان مفيش حد مش هيغلط...
*️⃣ فأنا بكتب بوستات كثير؛ وطويلة وكل بوست فيه طن داتا... هل حد متخيل اني اكيد كل ما هو مذكور 100% صح؟ مستحيل... وكثير بيحصل ان حد يصلح لي معلومة؛ لدرجة في ساعات بغلط في كتابة؛ يعني في بوست أوكرانيا كتبت رئيسهم بعد السوفيت هو شيفر نادرة؛ وهو اسمه ناذرة مش نادرة... وعلي فكرة مش غلطة كتابة؛ يعني ممكن تقول عادي غلطت وكتبت د مكان ذ والاثنين جنب بعض في الكي بورد والتصحيح التلقائي؛ لا خالص والله؛ انا طول عمري فاكر اسمه نادرة؛ ولما حد صلح لي دخلت دورت وطلع اسمه ناذرة وانا طول عمري حافظه غلط 😔؛ فعلي هذا الأساس ممكن أخطاء تحصل.
*️⃣ طيب ايه بقي ايه (ولكن) اللي فوق دي؟... بص يا سيدي؛ تخيل معايا اني جبت حد أعمى وقولت له في قدامك لوح النشان ومعاك سلاح فيه 1000 طلقة اضرب... هل ممكن الالف يبقوا بره كلهم؟ اكيد هيصيب... فهل هو كده شاطر في النشان؟ لا لان في حد طبيعي هيحصل.
*️⃣ يعني لو جينا قولنا حد معترض كليا عالكباري اللي بتتعمل في مصر؛ هل هل حد يتخيل ان كلها غلط؟ مستحيل؛ بقاعدة النشان فوق اكيد اكيد هتلاقي كباري مفيدة جداً جداً كمان...
*️⃣ فمعنى الكلام دا إن أي حد هيكتب أي حاجة؛ حتى لو متخصص هبد وقاعد يألف؛ اكييييييد في يوم هيكتب حاجة وتطلع صح؛ فوقتها يعمل اعادة نشر ليها ويقوا شوفتم شوفتم.
*️⃣ فعشان ميحصلش لبس وخداع ليك؛ الصح دايماً تشوف هو فلان دا نسبة الصح في كلامه اد ايه؟ مستحيل تلاقي 100% ومستحيل تلاقي 0% زي ما وضحنا... فلو لقيت نسبة الصح قليلة؛ فبلاش تخدع نفسك بمتابعته وتخلي الكام صح يخدعوك؛ والعكس برضك لو لقيت حد نسبة الصح عالية؛ مينفعش تقفش غلطة وتقول ايه دا انتا مش 100% صح؛ خلاص مش لاعب ومش عاوز اتابعك... بطل هبل لا هتلاقي 100 ولا هتلاقي 0... مفيش الاثنين واعقل واكبر.
⬅️ النقطة 3️⃣ الفيسبوك اتضحك عليه المرة دي 😂
*️⃣ انا في تاريخي 15 سنة عالفيسبوك في بوست وحيد الفيس مسحه ليا واداني تحذير ورفض التظلم... ومحتوى البوست دا هو هو البوست بتاع امبارح؛ برضك عن الستات وانهم يشتغلوا ونزود العمالة وارباح للشركات... اه امبارح كتبتها بشكل مختصر شوية؛ بس نفس الفكرة اتكتبت تاني ومعايير الفيسبوك اتخدعت ومأخدتش بالها 😂😜😜.
*️⃣ في البداية في ناس وضحوا لي ان رقم 0.3% دا يخص اللي عندهم أكثر من 2 يعني 2 و 4 معاً؛ يعني اللي عندهم 2 بس مش محسوبين وعددهم 10 اضعاف الرقم دا. ولسه هدور واشوف الرقم السليم وهنزل احصائية المركزي الاحدث (الموقع حلفان ما يسجل دخول)... لكن هفترض ان كل ما ارسل لي صحيح؛ كله؛ وهستغل دا وننقاش سوى كام نقطة.
⬅️ النقطة 1️⃣ ركز مع المفهوم العام والترند
*️⃣ في نقطة مهمة قوي وهي التركيز مع المفهوم العام والترند وليس الدقة الا في اغراض بحثية وتنفيذية... بمعني تخيل ان شخص قالك انا فقير ودخلي مش بيكفيني غير 5 ايام وبعدين اشحت فممكن تتصدق عليا.. فتقرر تراقبه وتكتشف ان مرتبه بيكفيه 9 أيام مش 5 ويبدأ يشحت من اليوم العاشر... فهنا تروح تقوله يا كذاب بتقولي بتشحت من اليوم السادس وطلعت بتشحت من العاشر؟ يا كذاب يا ثري... مش هتصدق عليك
*️⃣ يعني في مثالنا؛ تخيل ان اللي عندهم اكثر من زوجة طلعوا 5% والرقم دا اكبر من اكبر رقم اتبعت لي اصلا؛ لكن نفترض انه 5%... ففي كده عندي 5% عندهم اكثر من زوجة و 95% عندهم زوجة واحدة... فهل بقي النسبة دي تستحق الاهتمام والتركيز الضخم اللي يحسسك ان ال 95% متجوزين بأكثر من واحدة؟
*️⃣ فدا اللي اقصده بالترند... مفهوم لا كهربائي ولا بيفهم في الكهرباء.
*️⃣ نفس الفكرة برضك؛ معدل الزواج؛ كان في 2008 بداية التقرير كان 8.8 حالة لكل الف نسمة؛ وبعدين فضل يزيد يزيد لغاية 11.2 حالة... وبعدين هوب بقي بيتراجع يتراجع لغاية 8.7 حالة... ونفترض انها 8.8 اللي بدأنا بيها
*️⃣ هل بقي ال 8.8 بتاعة 2008 شبهه ال 8.8 (ال 8.7 فعليا) في 2020 ؟ لا طبعاً... طب ازاي يعني دا الرقمين شبه بعض... دا صحيح لو معرفتك بالأرقام جايه من كلية تجارة؛ او حتي هندسة؛ رقم شبه رقم يبقوا زي بعض... بس عالم الإحصاء في معيار قولنا فوق... الترند فين.
*️⃣ في 2008 وقت ما جبت 8.8 كنت جايبها في طريق الصعود ودلوقتي في الهبوط... زي كده حد سايق العربية؛ داس بنزين وصل ل 120 ثم 130 ثم 140 ثم 160 فاللي جنبه اترعب وقاله فرمل؛ فداس فرامل وبعد ثواني السرعة نزلت ل 120... هل اللي جنبه مفروض يترعب لما شاف ال 120 دي؟ مهي شبه ال 120 السابقة؟ لا طبعا... المرة الاولي كانت 120 في طريق تسارع؛ المرة دي ال 120 في طريق تراجع السرعة... فدي مش زي دي
⬅️ النقطة 2️⃣ مفيش حد مش هيغلط ولكن!!
*️⃣ كانوا بيقولوا لنا واحنا صغيرين؛ عاوز متغلطش يبقي متعملش حاجة؛ لان مفيش حد مش هيغلط...
*️⃣ فأنا بكتب بوستات كثير؛ وطويلة وكل بوست فيه طن داتا... هل حد متخيل اني اكيد كل ما هو مذكور 100% صح؟ مستحيل... وكثير بيحصل ان حد يصلح لي معلومة؛ لدرجة في ساعات بغلط في كتابة؛ يعني في بوست أوكرانيا كتبت رئيسهم بعد السوفيت هو شيفر نادرة؛ وهو اسمه ناذرة مش نادرة... وعلي فكرة مش غلطة كتابة؛ يعني ممكن تقول عادي غلطت وكتبت د مكان ذ والاثنين جنب بعض في الكي بورد والتصحيح التلقائي؛ لا خالص والله؛ انا طول عمري فاكر اسمه نادرة؛ ولما حد صلح لي دخلت دورت وطلع اسمه ناذرة وانا طول عمري حافظه غلط 😔؛ فعلي هذا الأساس ممكن أخطاء تحصل.
*️⃣ طيب ايه بقي ايه (ولكن) اللي فوق دي؟... بص يا سيدي؛ تخيل معايا اني جبت حد أعمى وقولت له في قدامك لوح النشان ومعاك سلاح فيه 1000 طلقة اضرب... هل ممكن الالف يبقوا بره كلهم؟ اكيد هيصيب... فهل هو كده شاطر في النشان؟ لا لان في حد طبيعي هيحصل.
*️⃣ يعني لو جينا قولنا حد معترض كليا عالكباري اللي بتتعمل في مصر؛ هل هل حد يتخيل ان كلها غلط؟ مستحيل؛ بقاعدة النشان فوق اكيد اكيد هتلاقي كباري مفيدة جداً جداً كمان...
*️⃣ فمعنى الكلام دا إن أي حد هيكتب أي حاجة؛ حتى لو متخصص هبد وقاعد يألف؛ اكييييييد في يوم هيكتب حاجة وتطلع صح؛ فوقتها يعمل اعادة نشر ليها ويقوا شوفتم شوفتم.
*️⃣ فعشان ميحصلش لبس وخداع ليك؛ الصح دايماً تشوف هو فلان دا نسبة الصح في كلامه اد ايه؟ مستحيل تلاقي 100% ومستحيل تلاقي 0% زي ما وضحنا... فلو لقيت نسبة الصح قليلة؛ فبلاش تخدع نفسك بمتابعته وتخلي الكام صح يخدعوك؛ والعكس برضك لو لقيت حد نسبة الصح عالية؛ مينفعش تقفش غلطة وتقول ايه دا انتا مش 100% صح؛ خلاص مش لاعب ومش عاوز اتابعك... بطل هبل لا هتلاقي 100 ولا هتلاقي 0... مفيش الاثنين واعقل واكبر.
⬅️ النقطة 3️⃣ الفيسبوك اتضحك عليه المرة دي 😂
*️⃣ انا في تاريخي 15 سنة عالفيسبوك في بوست وحيد الفيس مسحه ليا واداني تحذير ورفض التظلم... ومحتوى البوست دا هو هو البوست بتاع امبارح؛ برضك عن الستات وانهم يشتغلوا ونزود العمالة وارباح للشركات... اه امبارح كتبتها بشكل مختصر شوية؛ بس نفس الفكرة اتكتبت تاني ومعايير الفيسبوك اتخدعت ومأخدتش بالها 😂😜😜.
*️⃣ تفتكروا الفيسبوك هيفهم الفقرة اللي فاتت دي ويقولي قفشتك طب تعالى؛ خد كارت أحمر من الفيس إسبوع 🤔 وقتها عادي هكتب وهنشر في تليجرام برضك 😜.
⬅️ النقطة 4️⃣ بلاش تقلبها أسود من أبيض.
*️⃣ لما جيت أنشر البوست قريته؛ وحطيت نفسي مكان القارئ المعتاد فقولت زمانه بيقول ااااه دا اكتشف انه كل اللي بيكتبوا عك... لا يا جدعان بلاش فلسفة ابيض وأسود... فكرة البوست دا عندي ومكتوبة في الدرافت بس بقالي شهور مش لاقي طريقة للصياغة... البوستات عادة بحب أكتبها كده حدودته ومرتبطة بشيء بيحصل أو حصل عشان تجيب اهتمام وتحفز حد عالقراية... بس دا الموضوع يا سيدي 😁.
⬅️ النقطة 5️⃣ هعمل بودكاست صوتي
*️⃣ قولت اسيبها للنهاية بحيث تكون للوحوش اللي بتقرأ كل البوست؛ خلاص قررت أعمل تجربه اني اعمل البوست بالصوت؛ مش هقرأ البوست المكتوب لااا؛ هحكيه بشكل تفصيلي؛ وارفعه بودكاست وصراحة لسه مش عارف هعرفه علي ايه بس خلاص قررت واشتريت ميكروفون 😂😂... يلا الناس اللي بتزهق من القراية تستحمل صوتي بقي؛ معلش صوتي مش اذاعي 😔 مش أسامة منير... عامة اول تجربة ناوي الأسبوع القادم مباشرة إن شاء الله... وبوضح تاني مش هيكون البوست المكتوب نصاً؛ لا هكتب البوست وبعدين احكيه بالصوت؛ هحاول ان مفيش تسجيل يعدي 10 دقايق والهدف هو 5 دقايق؛ فربنا يسهل بقي.
*️⃣ اقتراحاتكم بقي ننشر البودكاست دا فين؟ منتظر رأيكم لو حد بيسمع تسجيلات صوتية يعني يقولي فين واهو نشوف ونجرب.
⬅️ النقطة 4️⃣ بلاش تقلبها أسود من أبيض.
*️⃣ لما جيت أنشر البوست قريته؛ وحطيت نفسي مكان القارئ المعتاد فقولت زمانه بيقول ااااه دا اكتشف انه كل اللي بيكتبوا عك... لا يا جدعان بلاش فلسفة ابيض وأسود... فكرة البوست دا عندي ومكتوبة في الدرافت بس بقالي شهور مش لاقي طريقة للصياغة... البوستات عادة بحب أكتبها كده حدودته ومرتبطة بشيء بيحصل أو حصل عشان تجيب اهتمام وتحفز حد عالقراية... بس دا الموضوع يا سيدي 😁.
⬅️ النقطة 5️⃣ هعمل بودكاست صوتي
*️⃣ قولت اسيبها للنهاية بحيث تكون للوحوش اللي بتقرأ كل البوست؛ خلاص قررت أعمل تجربه اني اعمل البوست بالصوت؛ مش هقرأ البوست المكتوب لااا؛ هحكيه بشكل تفصيلي؛ وارفعه بودكاست وصراحة لسه مش عارف هعرفه علي ايه بس خلاص قررت واشتريت ميكروفون 😂😂... يلا الناس اللي بتزهق من القراية تستحمل صوتي بقي؛ معلش صوتي مش اذاعي 😔 مش أسامة منير... عامة اول تجربة ناوي الأسبوع القادم مباشرة إن شاء الله... وبوضح تاني مش هيكون البوست المكتوب نصاً؛ لا هكتب البوست وبعدين احكيه بالصوت؛ هحاول ان مفيش تسجيل يعدي 10 دقايق والهدف هو 5 دقايق؛ فربنا يسهل بقي.
*️⃣ اقتراحاتكم بقي ننشر البودكاست دا فين؟ منتظر رأيكم لو حد بيسمع تسجيلات صوتية يعني يقولي فين واهو نشوف ونجرب.
بحس ساعات بنظريات المؤامرة إن ممكن حد ملياردير زي ايلون ماسك وجيف بيزوس والجماعة دول؛ يقدروا يلعبوا في اقتصاديات دول كاملة كورة شراب... وطبعاً دا بنظريات المؤامرة يعني مهماش بيعملوا كده.
*️⃣ يعني نتخيل كده يختاروا دولة في العالم الثالث؛ في امريكا الجنوبية ولا افريقيا ولا وسط اسيا كده؛ والدولة دي يكون عندها ازمة وعجز دولار.
*️⃣ عجز الدولار يخليه يزيد سعره؛ والتضخم ضارب؛ فالبنوك المركزية تلقائي تزود الفايدة؛ المهم يروح هنا داخل ويضخ 10 او 20 مليار دولار او حتي 50 مهو معاه عادي (علي فكرة هو معهوش 50 مليار دولار ولا حتي 20؛ ثروته قيمة دفترية عالورق ؛ فالمثال خيالي يعني بكرر). ونتخيل عملة الدولة دي الدولار كان ب 8 بقي ب 10 عملتها
*️⃣ لما يخش يحط المبلغ دا ال 50 مليار دولار اي 500 عملة الدولة وبشكل تدريجي طبعاً؛ هيحصل إن الدولة تلاقي معاها دولار ومش مزنوقين فيبطل الدولار يطلع؛ فالتضخم يقل؛ فالفايدة تلقائي تقل ورا التضخم... مع استقرار وتوفر الدولار يبدأ سعره ينزل ويبقي ب 9
*️⃣ هنا هو يقرر بقي الخروج من السوق وسحب فلوسه وبيع أدوات الدين اللي معاه؛ يقولهم انا كان معايا 500 دخلت بيهم و كسبت 50 يعني 550 ودلوقتي الدولار ب 9 هاتوا ال 61 مليار بتوعي وانا خارج ؛ ويا تري يحصل ايه هنا؟
*️⃣ عجز في الدولار في الدولة دي؛ والعجز يضرب التضخم؛ فالبنك المركزي يزود الفايدة ويرفع سعر الدولار يخليه 12
*️⃣ هنا بقي يقول تمام زي الفل؛ يروح راجع تاني السوق ويخش يدخل ال 61 مليار دولار تاني يحولهم ل 730 من عملة الدولة دي ويشتري ادوات دين تاني ويكسب من الفايدة العالية دي ويستمر كده لغاية ما يستقر الوضع والفايدة تنزل والدولار ينزل يبقي 11.
*️⃣ فهنا يقولك طيب انا خارج؛ كنت داخل ب 730 وكسبت 70 فبقي معايا 800 يلا هاتوا 72 مليار دولار بتوعي.
*️⃣ وهكذا يفضل يلعب في الدولة دي ويعمل من وراها احلي مصلحة... وطبعاً لو الدولة رفضت تديهم فلوسهم؛ يلا تحكيم دولي ويكسبه بسهولة ويحجز علي أملاك الدولة بالخارج وحتي هدوم السفير بتاعها وميخليش حد بالكوكب يبيع لها شوال قمح ويجوعها.
*️⃣ الحمد لله ان المليارديرات التنانين دول مركزين في شركاتهم ومش شغالين عالدول بتاعة العالم الثالث؛ والا ممكن كان زمان دول العالم الثالث بتعاني من الأموال الساخنة دي.
⬅️ هذا البوست خيالي وأي حد هيقولي يعني قصدك هقوله لا مش قصدي؛ جيف بيزوس وايلون ماسك معظم ثرواتهم في شركاتهم ومهماش بتوع لعب العيال دا... دا بوست خيالي كتبته وأنا قاعذ مستني دور تطعيم ابني؛ أنا وقت الزهق بكتب عشان أسلي نفسي مش أكثر.
⬅️⬅️⬅️ تحديث : يا شباب أنا عارف بول سينجر والناس دي بتلعب ازاي؛ بس انا بقولكم مرحلة قبلها؛ الاخ بول بيلعب عالدولة المفلسة المنهارة ويشتغل عليها؛ هنا انا بقولكم سيناريو خيالي لدولة عادية ازاي نخليها تبقي منهارة؛ فيستلمها سينجر والناس دي... كده وضحت؛ فدي مرحلة قبل اللي بتتكلموا فيها.
*️⃣ يعني نتخيل كده يختاروا دولة في العالم الثالث؛ في امريكا الجنوبية ولا افريقيا ولا وسط اسيا كده؛ والدولة دي يكون عندها ازمة وعجز دولار.
*️⃣ عجز الدولار يخليه يزيد سعره؛ والتضخم ضارب؛ فالبنوك المركزية تلقائي تزود الفايدة؛ المهم يروح هنا داخل ويضخ 10 او 20 مليار دولار او حتي 50 مهو معاه عادي (علي فكرة هو معهوش 50 مليار دولار ولا حتي 20؛ ثروته قيمة دفترية عالورق ؛ فالمثال خيالي يعني بكرر). ونتخيل عملة الدولة دي الدولار كان ب 8 بقي ب 10 عملتها
*️⃣ لما يخش يحط المبلغ دا ال 50 مليار دولار اي 500 عملة الدولة وبشكل تدريجي طبعاً؛ هيحصل إن الدولة تلاقي معاها دولار ومش مزنوقين فيبطل الدولار يطلع؛ فالتضخم يقل؛ فالفايدة تلقائي تقل ورا التضخم... مع استقرار وتوفر الدولار يبدأ سعره ينزل ويبقي ب 9
*️⃣ هنا هو يقرر بقي الخروج من السوق وسحب فلوسه وبيع أدوات الدين اللي معاه؛ يقولهم انا كان معايا 500 دخلت بيهم و كسبت 50 يعني 550 ودلوقتي الدولار ب 9 هاتوا ال 61 مليار بتوعي وانا خارج ؛ ويا تري يحصل ايه هنا؟
*️⃣ عجز في الدولار في الدولة دي؛ والعجز يضرب التضخم؛ فالبنك المركزي يزود الفايدة ويرفع سعر الدولار يخليه 12
*️⃣ هنا بقي يقول تمام زي الفل؛ يروح راجع تاني السوق ويخش يدخل ال 61 مليار دولار تاني يحولهم ل 730 من عملة الدولة دي ويشتري ادوات دين تاني ويكسب من الفايدة العالية دي ويستمر كده لغاية ما يستقر الوضع والفايدة تنزل والدولار ينزل يبقي 11.
*️⃣ فهنا يقولك طيب انا خارج؛ كنت داخل ب 730 وكسبت 70 فبقي معايا 800 يلا هاتوا 72 مليار دولار بتوعي.
*️⃣ وهكذا يفضل يلعب في الدولة دي ويعمل من وراها احلي مصلحة... وطبعاً لو الدولة رفضت تديهم فلوسهم؛ يلا تحكيم دولي ويكسبه بسهولة ويحجز علي أملاك الدولة بالخارج وحتي هدوم السفير بتاعها وميخليش حد بالكوكب يبيع لها شوال قمح ويجوعها.
*️⃣ الحمد لله ان المليارديرات التنانين دول مركزين في شركاتهم ومش شغالين عالدول بتاعة العالم الثالث؛ والا ممكن كان زمان دول العالم الثالث بتعاني من الأموال الساخنة دي.
⬅️ هذا البوست خيالي وأي حد هيقولي يعني قصدك هقوله لا مش قصدي؛ جيف بيزوس وايلون ماسك معظم ثرواتهم في شركاتهم ومهماش بتوع لعب العيال دا... دا بوست خيالي كتبته وأنا قاعذ مستني دور تطعيم ابني؛ أنا وقت الزهق بكتب عشان أسلي نفسي مش أكثر.
⬅️⬅️⬅️ تحديث : يا شباب أنا عارف بول سينجر والناس دي بتلعب ازاي؛ بس انا بقولكم مرحلة قبلها؛ الاخ بول بيلعب عالدولة المفلسة المنهارة ويشتغل عليها؛ هنا انا بقولكم سيناريو خيالي لدولة عادية ازاي نخليها تبقي منهارة؛ فيستلمها سينجر والناس دي... كده وضحت؛ فدي مرحلة قبل اللي بتتكلموا فيها.
العربيات الكهرباء في مصر عملت إنجاز الشهر الماضي وبقت 1% من العربيات اللي اترخصت في مصر هى كهربائية...
*️⃣ الشهر الماضي اترخص 26895 عربية ملاكي منهم 263 عربية كهربائية واللافت للنظر إن نصف العربيات الكهرباء وتحديداً 128 عربية كانت فولكس فاجن؛ فواضح إن فولكس جولف الكهرباء عامله شغل كويس ... وفي 38 عربية تسلا وجت في المركز الثاني ثم BMW ثالث ب 23 عربية ثم فيات 15 عربية وهيونداي 14 عربية ثم بورش 13 عربية... في شركة صينية وحيدة وهى جاك بعدد 7 عربيات ودي أكثر من مرسيدس اللي جت ب 5 عربيات.
*️⃣ هى المفاجئة الأكبر بالنسبة لي مش تسلا 23 عربية؛ لكن بورشة تايكان ؛ واللي ميعرفهاش فدي عربية بورشة كهرباء لسه نازله مصر من كام شهر وسعرها على ما أذكر من 1.8 مليون ل 4 مليون جنية (دا غير الأوفر برايس يعني اعتبرها من 2.5 مليون ل 5 مليون) واترخص منها 23 عربية في مارس بس.
*️⃣ يلا عقبال ما نبقى بلد السيارات الكهربائية (النرويج) ونوفر البنزين ومنقعدش نستني البنزين كل 3 شهور بكام... نستني بس وزير الكهرباء يوم 1 يوليو في الزيادة السنوية.
*️⃣ بالمناسبة اللي هيقولك مش هتنتشر عشان مفيش محطات شحن شحن كثير يعني... امسك موبايلك؛ ابحث عن برنامج اسمه Plugshare وشوف محطات الشحن الكهربائي حوليك وأوعدك تتصدم من كثرتهم.
*️⃣ طبعاً الغلس اللي هيقولي مفيش بالمناطق الشعبية زي المطرية عندنا هقوله لا في محطة قبل طلعة كوبري مسطرد؛ وعين شمس برضك في قرب محور الفيروز كده... وبعدين هو في حد هيجيب تسلا ويروح هناك 😂 لو راح هتكون ابسط مشاكله الشحن؛ يعرف يعدي المطبات البلدي الأول حضرتك وبعدين يشوف الشحن.
*️⃣ يلا بوست يحسسك إننا بقينا أرستقراطيين وبنتكلم زي العالم بره في العربيات الكهرباء والحفاظ على البيئة.
المصدر للي حابب
https://bit.ly/3KCjVjB
*️⃣ الشهر الماضي اترخص 26895 عربية ملاكي منهم 263 عربية كهربائية واللافت للنظر إن نصف العربيات الكهرباء وتحديداً 128 عربية كانت فولكس فاجن؛ فواضح إن فولكس جولف الكهرباء عامله شغل كويس ... وفي 38 عربية تسلا وجت في المركز الثاني ثم BMW ثالث ب 23 عربية ثم فيات 15 عربية وهيونداي 14 عربية ثم بورش 13 عربية... في شركة صينية وحيدة وهى جاك بعدد 7 عربيات ودي أكثر من مرسيدس اللي جت ب 5 عربيات.
*️⃣ هى المفاجئة الأكبر بالنسبة لي مش تسلا 23 عربية؛ لكن بورشة تايكان ؛ واللي ميعرفهاش فدي عربية بورشة كهرباء لسه نازله مصر من كام شهر وسعرها على ما أذكر من 1.8 مليون ل 4 مليون جنية (دا غير الأوفر برايس يعني اعتبرها من 2.5 مليون ل 5 مليون) واترخص منها 23 عربية في مارس بس.
*️⃣ يلا عقبال ما نبقى بلد السيارات الكهربائية (النرويج) ونوفر البنزين ومنقعدش نستني البنزين كل 3 شهور بكام... نستني بس وزير الكهرباء يوم 1 يوليو في الزيادة السنوية.
*️⃣ بالمناسبة اللي هيقولك مش هتنتشر عشان مفيش محطات شحن شحن كثير يعني... امسك موبايلك؛ ابحث عن برنامج اسمه Plugshare وشوف محطات الشحن الكهربائي حوليك وأوعدك تتصدم من كثرتهم.
*️⃣ طبعاً الغلس اللي هيقولي مفيش بالمناطق الشعبية زي المطرية عندنا هقوله لا في محطة قبل طلعة كوبري مسطرد؛ وعين شمس برضك في قرب محور الفيروز كده... وبعدين هو في حد هيجيب تسلا ويروح هناك 😂 لو راح هتكون ابسط مشاكله الشحن؛ يعرف يعدي المطبات البلدي الأول حضرتك وبعدين يشوف الشحن.
*️⃣ يلا بوست يحسسك إننا بقينا أرستقراطيين وبنتكلم زي العالم بره في العربيات الكهرباء والحفاظ على البيئة.
المصدر للي حابب
https://bit.ly/3KCjVjB
contactcars.com
53 ألف سيارة جديدة مرخصة في مارس وظهور واضح للسيارات الكهربائية
في نهاية كل شهر تقوم مؤسسة الأهرام بنشر تقرير شهري يوضح عدد السيارات المرخصة بالسوق المصرية على حسب الشركة، الفئة، الطراز