نرجع بقى نسخن للبوستات تاني؛ اه لسه المود مظبتش للكتابة المنتظمة بس يلا أهو نكتب شوية... وهو لما تقطع كتابة وترجع الفيسبوك مش بيحب يوصلك كثير؛ وعشان كده اخترت الفيس بوست من اللي هو لوحده مش بيحبهم.
*️⃣ صديقي العزيز محمد تلباني نشر فيديو مؤخراً هسيبه في التعليقات بعنوان "متدخلش الدين في كل حاجة!!" وفيه بيشرح ليه مفروض الدين والطبيعي يدخل في كل حاجة. وأنا اكمني مش شيخ وكمان لإن كثير من الناس مش بتحب تسمع لأي كلام ديني؛ فأنا عندي وجهة نظر في الموضوع دا تحديداً.
*️⃣ دائماً بيكون النقاش الدائر هو هل الدين يدخل في كل شيء في الحياه؛ ولا ملناش دعوة بالدين ويفضل في المساجد... الصراحة النقاش دا أنا مش بحب أدخل فيه لإني شايفه نقاش غير منطقي أصلاً... اشمعنى الدين تحديداً اللي مش نتناقش حولين يدخل ولا ميدخلش في الحياه...
*️⃣ الحياه حسب مفهومي ليها متداخله وكل شيء داخل في كل شيء فيها؛ وتعالوا نشوف الحاجات اللي غالبية البشر الطبيعيين أكيد مهتمين بحاجة أو أكثر منهم وهم السياسة والاقتصاد والرياضة والوسط الإعلامي والعائلة بتاعك. غالباً أكيد في حاجة من دول مهتم بيهم ونشوف.
*️⃣ نبدأ بالسياسة؛ الساسة مجرد يوصلوا للحكم يبدأوا في وضع برنامج اقتصادي؛ وبستخدموا الاعلام للترويج لنفسهم؛ والرياضة لتلميع صورهم؛ وطبعا هما اللي بيتحكموا في التعليم اللي بالتالي هيأثر عليك وعلي أسرتك.
*️⃣ نروح الاقتصاد ؛ وطبعا علاقته بالسياسة فوق قولنا؛ ولو الاقتصاد انهار الناس مش هتلاقي شغل وهيحصل ثورات ومظاهرات وتغيير في النظام السياسي؛ وفي دول أفريقيا الشركات وخاصة الفرنسية بتختار الحكام وتمول متمردين ومعارضة فهما المتحكمين في السياسة. والرياضة تحولت من لعبة الي منظومة اقتصادية وتقدروا تقروا عن الدوري الانجليزي لكرة القدم وصناعة المليارات اللي بيديرها؛ وطبعا لو انتا مرتبك كويس هتعرف تعلم عيالك أفضل ومستشفيات احسن؛ ولو بقيت عاطل فالخلافات الزوجية هتزيد وحالات الانتحار والطلاق؛ ومالكوا الاقتصاد هما ملاك الاعلام ومنتجوا الافلام وكله معمول وشغال خدام عندهم في المجال دا.
*️⃣ الاعلام بتدخل في كله؛ يأيد نظام ويطبل له؛ ويقوم ثورات لو معارض للنظام؛ يقدر يقلب الحق باطل والباطل حق؛ بيستخدم الممثلين لرسم افكار ونشر أفكار؛ ممكن يهاجم اديان؛ يقولك عادي تبقي بقرون وعادي تتقبل البسكلته؛ وينشر أفكار تهدم الاسر او العكس يعلم الناس مهارات وحاجات مفيدة؛ هو اللي هيلمع الرياضيين والممثليين طبعا؛ وهو اللي ممكن يركز علي مشروع اقتصادي ويتجاهل واحد تاني؛ هيشن حملات ضغط واعادة برمجة عقول عشان يغير مناهج الدراسة؛ هيضغط عالساسة عشان يزود بند ويتم الاهتمام بحاجات معينة في الموازنة وممكن يغير قوانين؛ من الاخر هيتدخل في كل حاجة وهيغير كله حاجة.
*️⃣ الرياضة؛ طبعا قولنا فوق علاقتها؛ وهي باختصار التلميع اللي عاوزه السياسي الفاسد؛ ومشروع اقتصادي لاصحاب الاعمال؛ وهدف ووسيلة لملئ صفحات الجرايد والاخبار؛ وهما اللي بيشكلوا مع الممثليين قدوة لعيالك؛ ليه تذاكر ما فلان الفلاني مشهور وعالمي ومعهوش شهادة؛ ما المغني او الممثل العلاني معهوش شهادة ومشهور؛ يخلوا اجيال تركز في التفاهة؛ او زي ما هو معروف ب صناعة التفاهة ودي اتألف فيها كتب.
*️⃣ الأسرة؛ الاسرة باختصار وزي الاكلاشية الشهير؛ نواة المجتمع؛ هي اللي هتأيد الحاكم وتنزل عند صناديقه؛ وهي اللي الاعلام شغال عليها؛ وهما اللي الاقتصادي بيبيع لهم؛ وهما جمهور الرياضة والافلام والمسلسلات؛ من الاخر كله بيصب فيه.
⬅️ فالطبيعي في عصرنا كل حاجة بتتدخل في كل حاجة؛ فييجي شوية سفهاء يقولوا لك الدين بقي ميتدخلش في كل حاجة؛ طب اشمعني هو؟
*️⃣ تقدر تقول مينفعش السياسي يتدخل في الاقتصاد؟ طيب مينفعش الاعلام يتكلم في الرياضة ولا السياسة ولا الدين؟ طيب ينفع تقول محدش يجيب سيرة الدين في المسلسلات؟ طيب ينفع تقول متخليش رجال الاعمال يتدخلوا في الاعلام والسياسة ويديروا الماتشات والبطولات وينتجوا الافلام؟ طيب ينفع تقول للاعلام متعملش محتوي موجهه لاسرة والاطفال وتبطلوا تلمعوا البهايم وتخلوهم نجوم مجتمع وتخلوا عيالنا عاوزين يبقوا بهايم زيهم؟ طيب ينفع تخلوا الاهتمام بالعلماء زي الاهتمام بالممثلين؟
*️⃣ مينفعش ومش منطقي يحصل؛ كله متداخل؛ وطبعا هتروح للحجة الثانية وهي الهيمنه لمين
*️⃣ طب مهي نفس الفكرة؛ لو نظام قمعي فالهيمنه للسياسة هتتحكم في الاقتصاد والرياضة والاعلام والمسلسلات والافلام والتعليم وكله.
*️⃣ ولو نظام ديمقراطي فهنا الهيمنه لاصحاب المال؛ هيدعموا ويختاروا الحكام بفلوسهم؛ وهيشتروا القنوات ومؤسسات انتاج الميديا؛ وهيشتروا النوادي ويمولوهم؛ وحتي التعليم هيتحكموا فيه؛ وفي الاخر هتبقي انتا شغال عندهم في منظومتهم.
*️⃣ فكده كده الكل بيتدخل في الكل؛ وكده كده في صراع مين المهيمن ومين الألفا يعني للقطيع؛ فليه بقي حوار الدين بيجيب لكم هرش؟
https://youtu.be/Y3Tn9FxIOmk
*️⃣ صديقي العزيز محمد تلباني نشر فيديو مؤخراً هسيبه في التعليقات بعنوان "متدخلش الدين في كل حاجة!!" وفيه بيشرح ليه مفروض الدين والطبيعي يدخل في كل حاجة. وأنا اكمني مش شيخ وكمان لإن كثير من الناس مش بتحب تسمع لأي كلام ديني؛ فأنا عندي وجهة نظر في الموضوع دا تحديداً.
*️⃣ دائماً بيكون النقاش الدائر هو هل الدين يدخل في كل شيء في الحياه؛ ولا ملناش دعوة بالدين ويفضل في المساجد... الصراحة النقاش دا أنا مش بحب أدخل فيه لإني شايفه نقاش غير منطقي أصلاً... اشمعنى الدين تحديداً اللي مش نتناقش حولين يدخل ولا ميدخلش في الحياه...
*️⃣ الحياه حسب مفهومي ليها متداخله وكل شيء داخل في كل شيء فيها؛ وتعالوا نشوف الحاجات اللي غالبية البشر الطبيعيين أكيد مهتمين بحاجة أو أكثر منهم وهم السياسة والاقتصاد والرياضة والوسط الإعلامي والعائلة بتاعك. غالباً أكيد في حاجة من دول مهتم بيهم ونشوف.
*️⃣ نبدأ بالسياسة؛ الساسة مجرد يوصلوا للحكم يبدأوا في وضع برنامج اقتصادي؛ وبستخدموا الاعلام للترويج لنفسهم؛ والرياضة لتلميع صورهم؛ وطبعا هما اللي بيتحكموا في التعليم اللي بالتالي هيأثر عليك وعلي أسرتك.
*️⃣ نروح الاقتصاد ؛ وطبعا علاقته بالسياسة فوق قولنا؛ ولو الاقتصاد انهار الناس مش هتلاقي شغل وهيحصل ثورات ومظاهرات وتغيير في النظام السياسي؛ وفي دول أفريقيا الشركات وخاصة الفرنسية بتختار الحكام وتمول متمردين ومعارضة فهما المتحكمين في السياسة. والرياضة تحولت من لعبة الي منظومة اقتصادية وتقدروا تقروا عن الدوري الانجليزي لكرة القدم وصناعة المليارات اللي بيديرها؛ وطبعا لو انتا مرتبك كويس هتعرف تعلم عيالك أفضل ومستشفيات احسن؛ ولو بقيت عاطل فالخلافات الزوجية هتزيد وحالات الانتحار والطلاق؛ ومالكوا الاقتصاد هما ملاك الاعلام ومنتجوا الافلام وكله معمول وشغال خدام عندهم في المجال دا.
*️⃣ الاعلام بتدخل في كله؛ يأيد نظام ويطبل له؛ ويقوم ثورات لو معارض للنظام؛ يقدر يقلب الحق باطل والباطل حق؛ بيستخدم الممثلين لرسم افكار ونشر أفكار؛ ممكن يهاجم اديان؛ يقولك عادي تبقي بقرون وعادي تتقبل البسكلته؛ وينشر أفكار تهدم الاسر او العكس يعلم الناس مهارات وحاجات مفيدة؛ هو اللي هيلمع الرياضيين والممثليين طبعا؛ وهو اللي ممكن يركز علي مشروع اقتصادي ويتجاهل واحد تاني؛ هيشن حملات ضغط واعادة برمجة عقول عشان يغير مناهج الدراسة؛ هيضغط عالساسة عشان يزود بند ويتم الاهتمام بحاجات معينة في الموازنة وممكن يغير قوانين؛ من الاخر هيتدخل في كل حاجة وهيغير كله حاجة.
*️⃣ الرياضة؛ طبعا قولنا فوق علاقتها؛ وهي باختصار التلميع اللي عاوزه السياسي الفاسد؛ ومشروع اقتصادي لاصحاب الاعمال؛ وهدف ووسيلة لملئ صفحات الجرايد والاخبار؛ وهما اللي بيشكلوا مع الممثليين قدوة لعيالك؛ ليه تذاكر ما فلان الفلاني مشهور وعالمي ومعهوش شهادة؛ ما المغني او الممثل العلاني معهوش شهادة ومشهور؛ يخلوا اجيال تركز في التفاهة؛ او زي ما هو معروف ب صناعة التفاهة ودي اتألف فيها كتب.
*️⃣ الأسرة؛ الاسرة باختصار وزي الاكلاشية الشهير؛ نواة المجتمع؛ هي اللي هتأيد الحاكم وتنزل عند صناديقه؛ وهي اللي الاعلام شغال عليها؛ وهما اللي الاقتصادي بيبيع لهم؛ وهما جمهور الرياضة والافلام والمسلسلات؛ من الاخر كله بيصب فيه.
⬅️ فالطبيعي في عصرنا كل حاجة بتتدخل في كل حاجة؛ فييجي شوية سفهاء يقولوا لك الدين بقي ميتدخلش في كل حاجة؛ طب اشمعني هو؟
*️⃣ تقدر تقول مينفعش السياسي يتدخل في الاقتصاد؟ طيب مينفعش الاعلام يتكلم في الرياضة ولا السياسة ولا الدين؟ طيب ينفع تقول محدش يجيب سيرة الدين في المسلسلات؟ طيب ينفع تقول متخليش رجال الاعمال يتدخلوا في الاعلام والسياسة ويديروا الماتشات والبطولات وينتجوا الافلام؟ طيب ينفع تقول للاعلام متعملش محتوي موجهه لاسرة والاطفال وتبطلوا تلمعوا البهايم وتخلوهم نجوم مجتمع وتخلوا عيالنا عاوزين يبقوا بهايم زيهم؟ طيب ينفع تخلوا الاهتمام بالعلماء زي الاهتمام بالممثلين؟
*️⃣ مينفعش ومش منطقي يحصل؛ كله متداخل؛ وطبعا هتروح للحجة الثانية وهي الهيمنه لمين
*️⃣ طب مهي نفس الفكرة؛ لو نظام قمعي فالهيمنه للسياسة هتتحكم في الاقتصاد والرياضة والاعلام والمسلسلات والافلام والتعليم وكله.
*️⃣ ولو نظام ديمقراطي فهنا الهيمنه لاصحاب المال؛ هيدعموا ويختاروا الحكام بفلوسهم؛ وهيشتروا القنوات ومؤسسات انتاج الميديا؛ وهيشتروا النوادي ويمولوهم؛ وحتي التعليم هيتحكموا فيه؛ وفي الاخر هتبقي انتا شغال عندهم في منظومتهم.
*️⃣ فكده كده الكل بيتدخل في الكل؛ وكده كده في صراع مين المهيمن ومين الألفا يعني للقطيع؛ فليه بقي حوار الدين بيجيب لكم هرش؟
https://youtu.be/Y3Tn9FxIOmk
بحب دايما أشوف ايه اللي حصل في مثل هذا اليوم؛ دا بيخليك تقابل أحداث مقرأتش عنها قبل كده فبالتالي تقرأ عنها فتزود المعلومات اللي تعرفها؛ والنهاردة لقيت كم غريب من الأحداث المهمة في التاريخ:
⬅️ من 4 سنين البرلمان المصري قال ان تيران وصنافير سعودية.
⬅️ من 9 سنين الدستورية المصرية قالت ان مينفعش عزل سياسي لرموز نظام مبارك.
⬅️ من 14 سنة حماس سيطرت علي قطاع غزة ولاتزال حتي اليوم.
⬅️ من 39 سنة؛ الأرجنتين اعترفت ب الهزيمة قصاد بريطانيا في حرب الفوكلاند الشهيرة.
⬅️ من 81 سنة؛ جيوش هتلر دخلت باريس
⬅️ من 87 سنة؛ هتلر قابل موسيليني وعملوا التحالف اللي بيه حاربوا الكوكب لاحقاً
⬅️ من 121 سنة؛ هاواي انضمت لأمريكا؛ وللي ميعرفش هاواي كانت دولة مستقلة ملكية؛ وبعدين زاد السكان الأمريكان والأوروبيين فيها؛ هوب عملوا انقلاب وشالوا الحاكم وسيطروت عالبلد وعملوها جمهورية؛ وبعتوا لأمريكا انهم ينضموا لها؛ وبالفعل سنة 1898 وافق الكونجرس؛ وبعدها بسنتين زي النهاردة انتهت دولة مستقلة اسمها هاواي.
⬅️ من 175 سنة؛ شايفين قصة هاواي؛ يعني دولة مستقلة يعيش فيها الغرب وهو ينقلبوا عالدولة وينضموا لأمريكا؛ اهو زي النهاردة من 175 سنة الأوروبيين سكان كاليفورنيا بدأوا ثورة ضد المكسيك (كاليفورنيا وتكساس كانوا تبع المكسيك) وساندت أمريكا ثورة أهالي كاليفورنيا واعلنت الحرب عالمكسيك واحتلت بالفعل عاصمتهم واجبرتهم عالتنازل عن تكساس و كاليفورنيا الي أمريكا ومعاهم شوية اراضي هي حاليا اريزونا ونيفادا ويوتا ونص كولرادو و نيو مكسيكو.
ونروح بقي للحدثين الأقدم ونحكي شوية
⬅️ زي النهاردة من 191 سنة حصل الإنزال الفرنسي في ميناء سيدي فرج الجزائري؛ ودي بقي ليها قصة
*️⃣ فرنسا مع الثورة الفرنسية ثم الحروب النابليونية احتاجت غذاء بكميات كبيرة للجيوش المتحركة والشعب؛ فهنا راحت للجزاير واشترت منهم آجل؛ قروض يعني.
*️⃣ فضلت بقي الخناقات في فرنسا عالحكم ونابليون يمشي وال بوربون يرجعوا وبعدين نابليون يرجع وبعدين يمشي تاني؛ وكل دا بتسحب من الجزاير آجل وحاضر هندفع بس اصبروا.
*️⃣ ابريل 1827 كان عيد الفطر وحاكم الجزاير عامل احتفال وكده وكالعادة سفراء الدول بتحضر؛ فمنهم القنصل الفرنسي؛ فحاكم الجزائر قاله (الكلام بما معناه؛ اكيد مقالوش دا نصا لكن الحوار زي كده)؛ ايه يا هندسة هو مفيش حاجة علينا ولا ايه؛ الفلوس هتيجي امتى كل شوية اصبروا اصبروا؛ فهنا القنصل الفرنسي قاله؛ قرفتنا يا عم كل شوية فلوس فلوس؛ جلالة الملك هيبقي يشوف طلباتك وايه ممكن ينفذه لك منها؛ فالداي (حاكم الجزائر) قاله طلبات ايه يا عم دا حقي هو انا بشحت منكم؛ فقاله القنصل؛ اخرس وبطل دوشة مش ناقصينك عندنا خناقات كثير ومش ناقص الا انتا صحيح.
*️⃣ فهنا حاكم الجزائر اتضايق وحس بالإهانة؛ فقام من كرسيه و؛ طبعا اللي ميعرفش حصل ايه هيفتكره قتله؛ لا هو حدف عليه او ضربه ب مضرب الذباب؛ البتاعة اللي بيهشوا بيها الذباب دا.
*️⃣ القنصل قال دي اهانة لفرنسا؛ وراح بعت للملك وجه الرد ان الجزائر تعتذر وتدفع تعويض بل ترفع علم فرنسا عالعاصمة الجزائرية من باب ان فرنسا سيدها وتاج راسها حسب التفكير الفرنسي؛ طبعا الجزائريين قالوا لهم دا عند امه. ومنفذوش.
*️⃣ فرنسا قالت طيب حصار بحري؛ هنوريكم؛ لكن محصلش ضرر وعادي دي بلدنا ونشتغل من الأرض؛ فرنسا قعدت كده 3 سنين لغاية ما زهقت لان الجزائر ولا فرق معاها.
*️⃣ فهنا ملك فرنسا قال طب ما نحتلهم؛ ونبقي اعدمنا الديون القديمة واخدنا ثروات الجزائر ننمي بيها فرنسا ونخليها دولة أقوي؛ وييجي حفيد لينا يبقي رئيس لفرنسا ويطلع يسخر من فقر افريقيا وان فرنسا ب تساعدهم (اكيد شارل العاشر مقالش كده) ؛ المهم قالهم يلا ابدأوا الهجوم.
*️⃣ وزي النهاردة عام 1830 حصل انزال فرنسي في سيدي فرج؛ وبعد 3 اسابيع دخلوا العاصمة واستسلم الداي والحماية العثمانية؛ وفرحت فرنسا وقالت اخدنا الجزائر خلاص وثرواتها بتاعنا؛ بس مكانوش يعرفوا ان في الصحراء في شخص اسمه محي الدين الحسني ومعاه ابنه عبد القادر؛ هيطلع الابن دا عين فرنسا؛ الأمير عبد القادر الجزائري اللي وصل فترة ان فرنسا اعترفت بيه حاكم علي مناطق واسعه؛ وتحالفت فرنسا وأسبانيا سوا عشان يحاربوه (اسبانيا كانت قوة عظمي وامبراطورية وقتها) وعملوا مذابح الدخان في الجزائريين عشان يجبروه عالاستسلام.
⬅️ زي النهاردة برضك سنة 1800؛ الشهيد سليمان الحلبي قتل كليبر؛ سليمان سوري من حلب؛ مقالش وأنا مالي يا عم بمصر والمصريين؛ مكانش مفهوم القبلية الجاهلي دا انتشر؛ فانتقم للمصريين وقتل كليبر واعدم وحاليا جمجمته في متحف الجماجم في فرنسا؛ ك جمجمة مجرم زي عادة ال سفاحين عبر التاريخ لما كانوا يعملوا كرسي من الجماجم.
فسبحان الله اليوم مليان بأحداث فرنسا. وبالمناسبة مصر وقعت معاها قروض ب 1.7 مليار يورو لمشاريع.
⬅️ رحم الله شهداء الجزائر والأمير عبد القادر؛ وأخدتم بالك من قصة هاواي وكاليفورنيا؟
⬅️ من 4 سنين البرلمان المصري قال ان تيران وصنافير سعودية.
⬅️ من 9 سنين الدستورية المصرية قالت ان مينفعش عزل سياسي لرموز نظام مبارك.
⬅️ من 14 سنة حماس سيطرت علي قطاع غزة ولاتزال حتي اليوم.
⬅️ من 39 سنة؛ الأرجنتين اعترفت ب الهزيمة قصاد بريطانيا في حرب الفوكلاند الشهيرة.
⬅️ من 81 سنة؛ جيوش هتلر دخلت باريس
⬅️ من 87 سنة؛ هتلر قابل موسيليني وعملوا التحالف اللي بيه حاربوا الكوكب لاحقاً
⬅️ من 121 سنة؛ هاواي انضمت لأمريكا؛ وللي ميعرفش هاواي كانت دولة مستقلة ملكية؛ وبعدين زاد السكان الأمريكان والأوروبيين فيها؛ هوب عملوا انقلاب وشالوا الحاكم وسيطروت عالبلد وعملوها جمهورية؛ وبعتوا لأمريكا انهم ينضموا لها؛ وبالفعل سنة 1898 وافق الكونجرس؛ وبعدها بسنتين زي النهاردة انتهت دولة مستقلة اسمها هاواي.
⬅️ من 175 سنة؛ شايفين قصة هاواي؛ يعني دولة مستقلة يعيش فيها الغرب وهو ينقلبوا عالدولة وينضموا لأمريكا؛ اهو زي النهاردة من 175 سنة الأوروبيين سكان كاليفورنيا بدأوا ثورة ضد المكسيك (كاليفورنيا وتكساس كانوا تبع المكسيك) وساندت أمريكا ثورة أهالي كاليفورنيا واعلنت الحرب عالمكسيك واحتلت بالفعل عاصمتهم واجبرتهم عالتنازل عن تكساس و كاليفورنيا الي أمريكا ومعاهم شوية اراضي هي حاليا اريزونا ونيفادا ويوتا ونص كولرادو و نيو مكسيكو.
ونروح بقي للحدثين الأقدم ونحكي شوية
⬅️ زي النهاردة من 191 سنة حصل الإنزال الفرنسي في ميناء سيدي فرج الجزائري؛ ودي بقي ليها قصة
*️⃣ فرنسا مع الثورة الفرنسية ثم الحروب النابليونية احتاجت غذاء بكميات كبيرة للجيوش المتحركة والشعب؛ فهنا راحت للجزاير واشترت منهم آجل؛ قروض يعني.
*️⃣ فضلت بقي الخناقات في فرنسا عالحكم ونابليون يمشي وال بوربون يرجعوا وبعدين نابليون يرجع وبعدين يمشي تاني؛ وكل دا بتسحب من الجزاير آجل وحاضر هندفع بس اصبروا.
*️⃣ ابريل 1827 كان عيد الفطر وحاكم الجزاير عامل احتفال وكده وكالعادة سفراء الدول بتحضر؛ فمنهم القنصل الفرنسي؛ فحاكم الجزائر قاله (الكلام بما معناه؛ اكيد مقالوش دا نصا لكن الحوار زي كده)؛ ايه يا هندسة هو مفيش حاجة علينا ولا ايه؛ الفلوس هتيجي امتى كل شوية اصبروا اصبروا؛ فهنا القنصل الفرنسي قاله؛ قرفتنا يا عم كل شوية فلوس فلوس؛ جلالة الملك هيبقي يشوف طلباتك وايه ممكن ينفذه لك منها؛ فالداي (حاكم الجزائر) قاله طلبات ايه يا عم دا حقي هو انا بشحت منكم؛ فقاله القنصل؛ اخرس وبطل دوشة مش ناقصينك عندنا خناقات كثير ومش ناقص الا انتا صحيح.
*️⃣ فهنا حاكم الجزائر اتضايق وحس بالإهانة؛ فقام من كرسيه و؛ طبعا اللي ميعرفش حصل ايه هيفتكره قتله؛ لا هو حدف عليه او ضربه ب مضرب الذباب؛ البتاعة اللي بيهشوا بيها الذباب دا.
*️⃣ القنصل قال دي اهانة لفرنسا؛ وراح بعت للملك وجه الرد ان الجزائر تعتذر وتدفع تعويض بل ترفع علم فرنسا عالعاصمة الجزائرية من باب ان فرنسا سيدها وتاج راسها حسب التفكير الفرنسي؛ طبعا الجزائريين قالوا لهم دا عند امه. ومنفذوش.
*️⃣ فرنسا قالت طيب حصار بحري؛ هنوريكم؛ لكن محصلش ضرر وعادي دي بلدنا ونشتغل من الأرض؛ فرنسا قعدت كده 3 سنين لغاية ما زهقت لان الجزائر ولا فرق معاها.
*️⃣ فهنا ملك فرنسا قال طب ما نحتلهم؛ ونبقي اعدمنا الديون القديمة واخدنا ثروات الجزائر ننمي بيها فرنسا ونخليها دولة أقوي؛ وييجي حفيد لينا يبقي رئيس لفرنسا ويطلع يسخر من فقر افريقيا وان فرنسا ب تساعدهم (اكيد شارل العاشر مقالش كده) ؛ المهم قالهم يلا ابدأوا الهجوم.
*️⃣ وزي النهاردة عام 1830 حصل انزال فرنسي في سيدي فرج؛ وبعد 3 اسابيع دخلوا العاصمة واستسلم الداي والحماية العثمانية؛ وفرحت فرنسا وقالت اخدنا الجزائر خلاص وثرواتها بتاعنا؛ بس مكانوش يعرفوا ان في الصحراء في شخص اسمه محي الدين الحسني ومعاه ابنه عبد القادر؛ هيطلع الابن دا عين فرنسا؛ الأمير عبد القادر الجزائري اللي وصل فترة ان فرنسا اعترفت بيه حاكم علي مناطق واسعه؛ وتحالفت فرنسا وأسبانيا سوا عشان يحاربوه (اسبانيا كانت قوة عظمي وامبراطورية وقتها) وعملوا مذابح الدخان في الجزائريين عشان يجبروه عالاستسلام.
⬅️ زي النهاردة برضك سنة 1800؛ الشهيد سليمان الحلبي قتل كليبر؛ سليمان سوري من حلب؛ مقالش وأنا مالي يا عم بمصر والمصريين؛ مكانش مفهوم القبلية الجاهلي دا انتشر؛ فانتقم للمصريين وقتل كليبر واعدم وحاليا جمجمته في متحف الجماجم في فرنسا؛ ك جمجمة مجرم زي عادة ال سفاحين عبر التاريخ لما كانوا يعملوا كرسي من الجماجم.
فسبحان الله اليوم مليان بأحداث فرنسا. وبالمناسبة مصر وقعت معاها قروض ب 1.7 مليار يورو لمشاريع.
⬅️ رحم الله شهداء الجزائر والأمير عبد القادر؛ وأخدتم بالك من قصة هاواي وكاليفورنيا؟
بمناسبة حوار الدحيح والبوست بتاعه؛ قبل 54 سنة لما ناصر عمل خطاب التنحي الناس تفاعلت معاه؛ كنت لما بشوف دا بستغرب هو ازاي كده؛ كلمة من الشرق وكلمة من الغرب مفيش دليل علي أي حاجة؛ بس عاطفيا الناس تفاعلت.
*️⃣ لما شوفت خطاب الدحيح وكذا صديق صدق المكتوب استغربت قوي؛ دا عبد الناصر قصة لا تموت؛ بس عالاقل ناصر كان عنده كاريزما اسطورية والخطاب اتعمل باحتراف.
*️⃣ في البداية الدحيح يقولكم موقفي من القضية الفلسطينية معلن وواضح؛ وهوووب الناس تصدق وايوا؛ طب معلش معلن فين؛ ممكن حد يحط لي بوست نزله في العدوان اللي فات؟ تويتر او فيسبوك... مش هو بيقول معلن وواضح وو وانتم صدقتم؟ طيب معلن فين؟ يمكن أنا غلطان؛ حطوا لي لينك بوست التأييد في العدوان السابق؟ ولا هو وقت العدوان كان بيتفاوض علي العقد مع المنصة الحالية؛ اللي لو كتب البوست دا كان العقد هيروح؛ اكيد لا؛ هو قال ان محدش بيتحكم في كلامه؛ فين بقي التأييد والموقف الواضح. (انظر تحديث نهاية البوست)
*️⃣ ثاني حاجة هو قال ان اللي بيحصل جريمة؛يعني المشكلة بس ان ولاد التيت عنيفين ومجرمين؟ يعني لو عايشين مع بعض بدون خناق عادي؟ يعني مشكلتي في العنف والجريمة مش مشكلتي في وجود ولاد التيت اصلا في أرضنا؟
*️⃣ بالنسبة للقناة؛ هي طلعت في البيان تقول ناس سنغافورية ناس سنغافورية؛ لا يا راجل؛ وهوب حذفوا صفحات التعاون السابق واخبارها؛ طب ليه يحذفوه؟ مهي حاجة من الماضي ليه يحذفوها؟ شركة سنغافورية وتعاون سابق منتهي؛ ليه يا تري تحذف؟ هو اللي بيحذف دا بيكون عاوز يغطي؛ انتا عاوز تغطي ايه؟
*️⃣ رابعا نقطة ان 4 سنين مش برد عالناس؛ وطبعا مؤيديه هيقولوا انه طبيعي مكانش يرد علي دكتور اياد؛ سيبك من دكتور اياد؛ في ناس كثير طلعوا قالوا معلوماتك غلط وجابوا ادله؛ وفي ناس اثبتوا انك بتسرق محتوي... يعني التشكيك في المحتوي العلمي والتشكيك في الامانة في النقل والسرقة؛ دا عادي مضايقكش... لكن مطالبات مقاطعه يعني السبوبة؛ هنا تطلع ترد 🤔🤔.
⬅️ علي سيرة محدش هيوجهه الأفكار؛ انا مقتنع بدا ومصدقه بجد؛ انتا دورك تجمع الناس عندنا؛ واحنا هنوجهه أفكارهم فشكراً؛ أما هتقولهم ايه؛ فالأكيد مش هتقول حاجة مختلفين معاها؛ مش عشان هنقول قول ومتقولش؛ لكن عشان انتا متعلم عندنا ومتشبع ب أفكارنا؛ وحتي لما علقت علي فلسطين قولت زي كلام حقوق الانسان الغربيين؛ اجرام وكده؛ عيشوا مع بعض متتخانقوش؛ مش زي كلام بني جنسنا اللي مش معترفين بيهم أصلاً وليس مش معترفين فقط بجرايمهم
تحديث
احد الأصدقاء وضح في التعليقات انه حط بوست بخصوص فلسطين؛ هتلاقوا اللينك في التعليقات
تحديث 2
في بوست رائع موضح المشكلة
https://m.facebook.com/story.php?story_fbid=10220955806152613&id=1464911712&sfnsn=scwspmo
*️⃣ لما شوفت خطاب الدحيح وكذا صديق صدق المكتوب استغربت قوي؛ دا عبد الناصر قصة لا تموت؛ بس عالاقل ناصر كان عنده كاريزما اسطورية والخطاب اتعمل باحتراف.
*️⃣ في البداية الدحيح يقولكم موقفي من القضية الفلسطينية معلن وواضح؛ وهوووب الناس تصدق وايوا؛ طب معلش معلن فين؛ ممكن حد يحط لي بوست نزله في العدوان اللي فات؟ تويتر او فيسبوك... مش هو بيقول معلن وواضح وو وانتم صدقتم؟ طيب معلن فين؟ يمكن أنا غلطان؛ حطوا لي لينك بوست التأييد في العدوان السابق؟ ولا هو وقت العدوان كان بيتفاوض علي العقد مع المنصة الحالية؛ اللي لو كتب البوست دا كان العقد هيروح؛ اكيد لا؛ هو قال ان محدش بيتحكم في كلامه؛ فين بقي التأييد والموقف الواضح. (انظر تحديث نهاية البوست)
*️⃣ ثاني حاجة هو قال ان اللي بيحصل جريمة؛يعني المشكلة بس ان ولاد التيت عنيفين ومجرمين؟ يعني لو عايشين مع بعض بدون خناق عادي؟ يعني مشكلتي في العنف والجريمة مش مشكلتي في وجود ولاد التيت اصلا في أرضنا؟
*️⃣ بالنسبة للقناة؛ هي طلعت في البيان تقول ناس سنغافورية ناس سنغافورية؛ لا يا راجل؛ وهوب حذفوا صفحات التعاون السابق واخبارها؛ طب ليه يحذفوه؟ مهي حاجة من الماضي ليه يحذفوها؟ شركة سنغافورية وتعاون سابق منتهي؛ ليه يا تري تحذف؟ هو اللي بيحذف دا بيكون عاوز يغطي؛ انتا عاوز تغطي ايه؟
*️⃣ رابعا نقطة ان 4 سنين مش برد عالناس؛ وطبعا مؤيديه هيقولوا انه طبيعي مكانش يرد علي دكتور اياد؛ سيبك من دكتور اياد؛ في ناس كثير طلعوا قالوا معلوماتك غلط وجابوا ادله؛ وفي ناس اثبتوا انك بتسرق محتوي... يعني التشكيك في المحتوي العلمي والتشكيك في الامانة في النقل والسرقة؛ دا عادي مضايقكش... لكن مطالبات مقاطعه يعني السبوبة؛ هنا تطلع ترد 🤔🤔.
⬅️ علي سيرة محدش هيوجهه الأفكار؛ انا مقتنع بدا ومصدقه بجد؛ انتا دورك تجمع الناس عندنا؛ واحنا هنوجهه أفكارهم فشكراً؛ أما هتقولهم ايه؛ فالأكيد مش هتقول حاجة مختلفين معاها؛ مش عشان هنقول قول ومتقولش؛ لكن عشان انتا متعلم عندنا ومتشبع ب أفكارنا؛ وحتي لما علقت علي فلسطين قولت زي كلام حقوق الانسان الغربيين؛ اجرام وكده؛ عيشوا مع بعض متتخانقوش؛ مش زي كلام بني جنسنا اللي مش معترفين بيهم أصلاً وليس مش معترفين فقط بجرايمهم
تحديث
احد الأصدقاء وضح في التعليقات انه حط بوست بخصوص فلسطين؛ هتلاقوا اللينك في التعليقات
تحديث 2
في بوست رائع موضح المشكلة
https://m.facebook.com/story.php?story_fbid=10220955806152613&id=1464911712&sfnsn=scwspmo
Facebook
Log in to Facebook
Log in to Facebook to start sharing and connecting with your friends, family and people you know.
النهاردة البنك المركزي المصري متوقع يثبت الفائدة؛ هو في ظروف تانية كان مفروض يخفض الفائدة أصلاً.
*️⃣ فمن ناحية أرقام المركزي بتتكلم في تضخم 4-4.5% في حين الفائدة ضعف الرقم دا يعني أنتا بتدفع من أعلى الفوائدة الحقيقية في العالم (الفائدة - التضخم)...
*️⃣ من ناحية ثانية الموازنة مذكور فيها إن كل 1% تخفيض في الفائدة من البنك المركزي فهى تساوي انخفاض بند خدمة الدين ما بين 10-12 مليار جنية... يعني لو المركزي نزل الفائدة 0.5% فيقل تكلفة الدين 5-6 مليار سنوياً...
*️⃣ لكن صراحة الوقت الحالي الحكومة عاوزة الفوائد عالية والدولار غالي عشان تشجع المقرضين العالميين أنهم ييجوا؛ فبعد نجاح طرح السندات المصرية من كام شهر ولمينا 3.75 مليار دولار بسهولة وكانت الفائدة 3.875% للسندات استحقاق 2026 و 5.875% للسندات استحقاق 2031 و الفائدة 7.5% للسندات استحقاق 2061 (كمان 40 سنة)... اللي عايش بره مصر عارف إن أرقام الفائدة دي عالية عالدولار.
*️⃣ ضيف مع دول توقع وزارة المالية إن إدراج مصر في مؤشر فوتسي راسل هيجيب لمصر 4 مليار دولار في أدوات الدين الحكومية.
*️⃣ وكمان بعد كام شهر متوقع نخش مؤشر جي بي مورجان ومتوقعين 2 إلى 3 مليار دولار منهم.
*️⃣ ومعاهم الحكومة قالت إنها بتدرس طرح سندات خضراء جديدة.
*️⃣ فالفلوس دي هتيجي متوقع من المستثمرين العالميين؛ فعشان الطرح ينجح لازم نحافظ عالفائدة عالية عالدولار والفائدة برضك عالية عالجنية...
*️⃣ فعاوزكم تخلوا بالكم إن القروض دي بعيدة المدى وليست قصيرة؛ يعني فكرة الحقوا قروض يبقى الجنية هينهار والدولار هيبقى 200 جنية دا هبل؛ أحنا بناخد قروض بعيدة ؛ لآجل 30 و 40 وفي قروض 50 سنة قدام... عندك مثلاً قرض المفاعلات النووية الروسية هنبدأ سداده من سنة 2029
*️⃣ في 2020 في تأثير كبير عالاقتصاد المصري؛ السياحة مش موجودة "بترجع شوية بس سياحة شرق أوروبا الفقراء" والتجارة العالمية بعافية شوية... وتغيير 1% في حركة التجارة العالمية تعني 2 مليار جنية من قناة السويس للخزينة.
*️⃣ هدف الحكومة باختصار هو هات فلوس نعدي دلوقتي الوضع الحالي؛ ربنا يكرم بعد كده نشوف ايه الدنيا والسياحة ترجع والتجارة... يمكن دا السبب إللى الحكومة من وجهة نظري مانعه الدولار ينزل عشانه؛ انتا مفروض كل شوية دولار ييجي فالدخل أكثر من المنفق فإزاي ثابت؟
*️⃣ بالمناسبة يعني التغير ال 50 قرش في الدولار يعني تغير 2 مليار في الموازنة... يعني الدولار ينزل 50 قرش فالحكومة توفر 2 مليار ولو زاد 50 قرش الحكومة تتكلف زيادة 2 مليار.
*️⃣ فعشان كده للأسف التوقعات بتقول الفائدة هيتم تثبيتها؛ هى مفروض الفايدة تنزل والدولار ينزل؛ بس مش دائماً المفروض بيحصل في مصر.
*️⃣ وبالمناسبة البوست أنا كاتبه بشكل براجماتي ومش بعلق ولا بقول رأيي؛ أنا شرحت وجهة نظر الحكومة من أرقام وتصريحات الحكومة... وكل واحد حر في تحليله الشخصي. هيقول خربت هيقول تحيا مصر... أنا مليش دعوة؛ في الحاجات دي بخليني براجماتي وربنا يستر.
طارق عامر ما تكسفني وتخفض الفائدة بقى 🙈
*️⃣ فمن ناحية أرقام المركزي بتتكلم في تضخم 4-4.5% في حين الفائدة ضعف الرقم دا يعني أنتا بتدفع من أعلى الفوائدة الحقيقية في العالم (الفائدة - التضخم)...
*️⃣ من ناحية ثانية الموازنة مذكور فيها إن كل 1% تخفيض في الفائدة من البنك المركزي فهى تساوي انخفاض بند خدمة الدين ما بين 10-12 مليار جنية... يعني لو المركزي نزل الفائدة 0.5% فيقل تكلفة الدين 5-6 مليار سنوياً...
*️⃣ لكن صراحة الوقت الحالي الحكومة عاوزة الفوائد عالية والدولار غالي عشان تشجع المقرضين العالميين أنهم ييجوا؛ فبعد نجاح طرح السندات المصرية من كام شهر ولمينا 3.75 مليار دولار بسهولة وكانت الفائدة 3.875% للسندات استحقاق 2026 و 5.875% للسندات استحقاق 2031 و الفائدة 7.5% للسندات استحقاق 2061 (كمان 40 سنة)... اللي عايش بره مصر عارف إن أرقام الفائدة دي عالية عالدولار.
*️⃣ ضيف مع دول توقع وزارة المالية إن إدراج مصر في مؤشر فوتسي راسل هيجيب لمصر 4 مليار دولار في أدوات الدين الحكومية.
*️⃣ وكمان بعد كام شهر متوقع نخش مؤشر جي بي مورجان ومتوقعين 2 إلى 3 مليار دولار منهم.
*️⃣ ومعاهم الحكومة قالت إنها بتدرس طرح سندات خضراء جديدة.
*️⃣ فالفلوس دي هتيجي متوقع من المستثمرين العالميين؛ فعشان الطرح ينجح لازم نحافظ عالفائدة عالية عالدولار والفائدة برضك عالية عالجنية...
*️⃣ فعاوزكم تخلوا بالكم إن القروض دي بعيدة المدى وليست قصيرة؛ يعني فكرة الحقوا قروض يبقى الجنية هينهار والدولار هيبقى 200 جنية دا هبل؛ أحنا بناخد قروض بعيدة ؛ لآجل 30 و 40 وفي قروض 50 سنة قدام... عندك مثلاً قرض المفاعلات النووية الروسية هنبدأ سداده من سنة 2029
*️⃣ في 2020 في تأثير كبير عالاقتصاد المصري؛ السياحة مش موجودة "بترجع شوية بس سياحة شرق أوروبا الفقراء" والتجارة العالمية بعافية شوية... وتغيير 1% في حركة التجارة العالمية تعني 2 مليار جنية من قناة السويس للخزينة.
*️⃣ هدف الحكومة باختصار هو هات فلوس نعدي دلوقتي الوضع الحالي؛ ربنا يكرم بعد كده نشوف ايه الدنيا والسياحة ترجع والتجارة... يمكن دا السبب إللى الحكومة من وجهة نظري مانعه الدولار ينزل عشانه؛ انتا مفروض كل شوية دولار ييجي فالدخل أكثر من المنفق فإزاي ثابت؟
*️⃣ بالمناسبة يعني التغير ال 50 قرش في الدولار يعني تغير 2 مليار في الموازنة... يعني الدولار ينزل 50 قرش فالحكومة توفر 2 مليار ولو زاد 50 قرش الحكومة تتكلف زيادة 2 مليار.
*️⃣ فعشان كده للأسف التوقعات بتقول الفائدة هيتم تثبيتها؛ هى مفروض الفايدة تنزل والدولار ينزل؛ بس مش دائماً المفروض بيحصل في مصر.
*️⃣ وبالمناسبة البوست أنا كاتبه بشكل براجماتي ومش بعلق ولا بقول رأيي؛ أنا شرحت وجهة نظر الحكومة من أرقام وتصريحات الحكومة... وكل واحد حر في تحليله الشخصي. هيقول خربت هيقول تحيا مصر... أنا مليش دعوة؛ في الحاجات دي بخليني براجماتي وربنا يستر.
طارق عامر ما تكسفني وتخفض الفائدة بقى 🙈
وأنا قاعد أتفرج علي بوستات أهالي ألماظا اللي هيشيلوهم من شارع حسين كامل (قصاد مطار ألماظا) عشان يوسعوا الشارع؛ وشوفت تعليقات برضك ونفي ووو... قعد أفتكر حاجة نفسي في يوم أشوفها بتحصل في مصر؛ وتحصل صح يعني المفهوم يتصلح؛ مفهوم التعويضات.
*️⃣ تخيل شركة التليفونات بتعمل اصلاح وقطعت عنك الخدمة مثلاً 10 أيام؛ بعد ما الخدمة ترجع تتصل بشركة الانترنت تقولهم في 10 أيام الخدمة قطعت عني؛ بعد طلوع الروح هيتم الرد عليك انك مشترك شهر يعني مفروض الخدمة 30 يوم وقطعت 10 يعني ثلث شهر؛ وعشان كده انتا بتدفع 150 فهيتم خصم 50 جنية الفاتورة القادمة.
*️⃣ نفس الحكاية في أي موضوع إزالة مثلا؛ احنا هنشيل البيت؛ وجهة التقييم قدرت قيمة الشقة مثلا ب نص مليون واتفضل النص مليون جنية.
*️⃣ عارف إن البعض هيقول أيوا فين الخلل؛ الخلل إن دا مش تعويض؛ دا رد الحق؛ يعني انا دافع انترنت 30 يوم فقطعتم 10 ورديتم فلوس ال 10 اللي قطعتوهم؛ دا رد الحق؛. فييين التعويض؟ هو أنا مش في ال 10 أيام دول ممكن مصالح ليا تعطلت أو زودت باقة انترنت الموبايل؟ فين التعويض.
*️⃣ التعويض هو انك بتدي الاخر حقه؛ وتزود عليه اعتذار مقبول؛ يعني مثلا في الانترنت يتقالك الشهر القادم كله علينا ك اعتذار.
*️⃣ بالنسبة للازالات مثلا فلو فرضنا ان اللجنة قيمت بحق الله الشقة بقيمتها السوقية اللي كانت هتتباع بيه الأول؛ وليكن طلع 1 مليون جنية؛ يبقي صاحب الشقة ياخد 1 مليون جنية سعر شقته؛ ومعاهم 1 مليون جنية ثاني تعويض عالأضرار اللي لحقت بيه.
*️⃣ الأضرار دي ممكن تكون تلف في العفش أثناء النقل؛ ممكن تكون انه هيغير البيت وكان الأول شغله ومدارس عياله وحتي والديه جنب البيت فكان مش محتاج عربية ؛ دلوقتي هيضطر يشتري عربية ويشترك في أتوبيس مدرسة للأبناء؛ وحتي الضرر النفسي انك ولدت وتربيت في مكان وفجأة بكره يلا بره عشان الصالح العام.
*️⃣ ملحوظة: تعمدت اضرب مثال بالسنترال ومثال بالماظا؛ عشان هييجي ناس تقولي العشوائيات؛ فالماظا مش عشوائيات والمساكن اللي السكان بيشتكوا؛ اللي بناها شركات حكومية... الملاحظة دي عشان في ناس بتحب تسيب فكرة البوست وتناقش في المثال؛ كان المثال المضروب لو مش دقيق يبقي الفكرة نفسها غلط. وبالمرة خليت دي في الاخر عشان الجماعة دول عادة بيقروا سطرين ويتخيلوا الباقي ويعلقوا؛ يلا فخ.
*️⃣ المهم اتمني ييجي اليوم اللي اشوف فيه متضرر يتم تعويضه ب تعويض يخلي الناس اللي مش متضرره يقولوا يا ريت يحصل فينا زيهم عشان نتعوض كده؛ والناس تقول بجد كده مش نقول في الجرنال ان الناس قالت كده 😂.
⬅️ النهاردة ذكري الجلاء عن مصر وبفكر أعيد نشر البوست القديم اللي حكيت فيه ازاي الانجليز خرجوا لان اخر مرة نشرته كان نص المتابعين مش موجودين
⬅️ حد واخد باله ان الاتحاد الاوروبي حط رواندا دولة خضراء يعني مسموح لمواطنيه يروحوها وكذلك العكس يسافر مواطنيها ليه؛ وهما الوحيدون في قارة أفريقيا والقرار بتاع السماح لهم بدخول اوروبا شمل لبنان وامريكا وفعال من النهاردة؛ وهبقي اكتب بوست عن لوايح اوروبا الخاصة بالكورونا الجديدة وشهادة التطعيم اللي هتشتغل 1 يوليو؛ وازاي هيتم تصنيف الدول والمناطق الاوروبية ولاحقا اكيد العالم كتصنيف وبائي 😁.
*️⃣ تخيل شركة التليفونات بتعمل اصلاح وقطعت عنك الخدمة مثلاً 10 أيام؛ بعد ما الخدمة ترجع تتصل بشركة الانترنت تقولهم في 10 أيام الخدمة قطعت عني؛ بعد طلوع الروح هيتم الرد عليك انك مشترك شهر يعني مفروض الخدمة 30 يوم وقطعت 10 يعني ثلث شهر؛ وعشان كده انتا بتدفع 150 فهيتم خصم 50 جنية الفاتورة القادمة.
*️⃣ نفس الحكاية في أي موضوع إزالة مثلا؛ احنا هنشيل البيت؛ وجهة التقييم قدرت قيمة الشقة مثلا ب نص مليون واتفضل النص مليون جنية.
*️⃣ عارف إن البعض هيقول أيوا فين الخلل؛ الخلل إن دا مش تعويض؛ دا رد الحق؛ يعني انا دافع انترنت 30 يوم فقطعتم 10 ورديتم فلوس ال 10 اللي قطعتوهم؛ دا رد الحق؛. فييين التعويض؟ هو أنا مش في ال 10 أيام دول ممكن مصالح ليا تعطلت أو زودت باقة انترنت الموبايل؟ فين التعويض.
*️⃣ التعويض هو انك بتدي الاخر حقه؛ وتزود عليه اعتذار مقبول؛ يعني مثلا في الانترنت يتقالك الشهر القادم كله علينا ك اعتذار.
*️⃣ بالنسبة للازالات مثلا فلو فرضنا ان اللجنة قيمت بحق الله الشقة بقيمتها السوقية اللي كانت هتتباع بيه الأول؛ وليكن طلع 1 مليون جنية؛ يبقي صاحب الشقة ياخد 1 مليون جنية سعر شقته؛ ومعاهم 1 مليون جنية ثاني تعويض عالأضرار اللي لحقت بيه.
*️⃣ الأضرار دي ممكن تكون تلف في العفش أثناء النقل؛ ممكن تكون انه هيغير البيت وكان الأول شغله ومدارس عياله وحتي والديه جنب البيت فكان مش محتاج عربية ؛ دلوقتي هيضطر يشتري عربية ويشترك في أتوبيس مدرسة للأبناء؛ وحتي الضرر النفسي انك ولدت وتربيت في مكان وفجأة بكره يلا بره عشان الصالح العام.
*️⃣ ملحوظة: تعمدت اضرب مثال بالسنترال ومثال بالماظا؛ عشان هييجي ناس تقولي العشوائيات؛ فالماظا مش عشوائيات والمساكن اللي السكان بيشتكوا؛ اللي بناها شركات حكومية... الملاحظة دي عشان في ناس بتحب تسيب فكرة البوست وتناقش في المثال؛ كان المثال المضروب لو مش دقيق يبقي الفكرة نفسها غلط. وبالمرة خليت دي في الاخر عشان الجماعة دول عادة بيقروا سطرين ويتخيلوا الباقي ويعلقوا؛ يلا فخ.
*️⃣ المهم اتمني ييجي اليوم اللي اشوف فيه متضرر يتم تعويضه ب تعويض يخلي الناس اللي مش متضرره يقولوا يا ريت يحصل فينا زيهم عشان نتعوض كده؛ والناس تقول بجد كده مش نقول في الجرنال ان الناس قالت كده 😂.
⬅️ النهاردة ذكري الجلاء عن مصر وبفكر أعيد نشر البوست القديم اللي حكيت فيه ازاي الانجليز خرجوا لان اخر مرة نشرته كان نص المتابعين مش موجودين
⬅️ حد واخد باله ان الاتحاد الاوروبي حط رواندا دولة خضراء يعني مسموح لمواطنيه يروحوها وكذلك العكس يسافر مواطنيها ليه؛ وهما الوحيدون في قارة أفريقيا والقرار بتاع السماح لهم بدخول اوروبا شمل لبنان وامريكا وفعال من النهاردة؛ وهبقي اكتب بوست عن لوايح اوروبا الخاصة بالكورونا الجديدة وشهادة التطعيم اللي هتشتغل 1 يوليو؛ وازاي هيتم تصنيف الدول والمناطق الاوروبية ولاحقا اكيد العالم كتصنيف وبائي 😁.
Forwarded from BnSamy
زي النهاردة 16 يونيو 1956 كان الجلاء...
بالمناسبة دي أنا هعيد نشر بوست قديم كتبته في 2017... وهنقله كوبي بيست مع تنقيحات وتوضيحات
إزاي خرج الانجليز من مصر 🤔🤔؟!!
دا سؤال كان شاغلني من فترة طويلة؛ ايه اجبر الانجليز عالخروج من مصر؛ محصلش موقعة حربية بينا وبينهم ولا ميليشيات وحرب عصابات ضخمة زي الجزائر 🇩🇿 ولا مقاطعة شعبية مهولة زي الهند 🇮🇳 ولا أي حدث ضخم فإزاي حصل بعد الإطاحة بالملك إن الضباط الاحرار قالوا لهم فجأة سيبوا مصر فمشيوا!!!
*️⃣ القصة بدأت لما الإنجليز دخلوا مصر أيام عرابي 1882 ووقتها الشعب كان مدجن فقبل عادي بوجودهم (نفس الشعب اللي كان رفض دخول الفرنسيين قبلها ب 80 سنة) واستمر الإنجليز تحت مسمى الوصاية على مصر لغاية ما جت سنة 1922 اعترفوا باستقلال مصر لكن تحت وصايتهم برضك.
*️⃣ استمرت محاولات الحكومات المصرية إقناع الإنجليز بالخروج وإعطاء مصر الاستقلال الحقيقي لغاية معاهدة 1936 اللي كل اللي درسناه عنها في المدرسة إنها كانت اتفاقية دفاع مشترك بس؛ لكن كان فيها بنود بتقول الانجليز يخرجوا من مصر كلها عدا قواعد حول قناة السويس لحمايتها لمدة 20 سنة يخلصوا في 1956.
*️⃣ هوب قامت الحرب العالمية ومصر منفذتش بنود مساعدة الانجليز فحصل "تثبيت" الملك فاروق الشهير بمحاصرة القصر الملكي سنة 1942 وتم اجبار مصر عالحرب في صف الحلفاء.
*️⃣ بعد الحرب ما خلصت راحت مصر مباشرة قالت للانجليز نفذوا البنود وانسحبوا من مصر وبالفعل خلال أعوام 46-47-48 انسحب الانجليز من كل القواعد في مصر في كل أرجاء مصر عدا منطقة قناة السويس.
*️⃣ جت حرب 48 مصر والجيش المصري خسر.. اللي ميعرفوش كثير إننا مش بس خسرنا بل تم عمل مطاردة من الجيش الإسرائيلي لينا وإسرائيل دخلت جوا سيناء؛ فالحكومة المصرية راحت للجيش الانجليزي في القناة وقالت له بينا اتفاقية دفاع مشترك 1936 ومصر بتتعرض للهجوم فلازم تساعدونا ولازم تضربوا الإسرائيلين؛ لكن وقتها الانجليز محركوش قواتهم لكن بعتوا برضك إنذار للجيش الإسرائيلي إنه ينسحب وبالفعل انسحبوا لكن اخدوا ام الرشراش. وبالمناسبة وقتها الملك فاروق طلع قرار بقفل مضيق تيران أمام البحرية الإسرائيلية. وظل الإغلاق دا شغال لغاية ما الإسرائيلين أجبروا عبد الناصر سنة 1957 على إلغاء قرار فاروق وفتح الملاحة مقابل الخروج من سيناء. وناصر وافق بس دا مش موضوعنا.
*️⃣ بعد حرب 48 الحكومة رجعت تاني للمفاوضات مع الإنجليز والمرة دي طلبوا خروجهم كمان من قواعد قناة السويس وإعطاء مصر الاستقلال التام.
*️⃣ بدأت بالفعل سنة 1950 واستمرت سنة المفاوضات لكن الانجليز تعنتوا ورفضوا طلب الحكومة المصرية وقالوا لها مش هنخرج من القناة؛ فالحكومة رداً على كده حصل الموقف الأخطر تاريخياً.
*️⃣ في اكتوبر 1951 اعلنت الحكومة المصرية الغاء معاهدة 1936 وتجميد أي مفاوضات وإعلان الإنجليز قوة احتلال رسمية لمصر. عارف إنكم هتقولوا إزاي يعني مكانوش قوة احتلال.
*️⃣ قبل الالغاء كان وجود الانجليز في القواعد يعد قانوني باتفاق بينهم وبين حكومة مصر يعني مش احتلال ولا قاعدين غصب عننا رسمياً؛ لكن بالالغاء بقوا يعتبروا قوة احتلال.
*️⃣ لما بقوا قوة احتلال فهنا بدأ الفدائيين بمهاجمة القواعد بكثرة ووتم إصدار أوامر سرية من الحكومة للشرطة المصرية بمساعدة الفدائيين سراً واستمر الوضع دا لمدة 3 شهور.
*️⃣ في يناير 1952 أعلن قائد الجيش الانجليزي في مصر أن الحكومة والشرطة بتساعد المقاومة وحرك قواته ودخل الإسماعيلية وطلب من مدير الأمن والمحافظ الاستسلام وهنا حصلت الموقعه الشهيرة بين الشرطة المصرية والانجليز يوم 25 يناير ومن هنا جاء عيد الشرطة.
*️⃣ بعد الاحداث دي غرقت مصر في فوضى 6 شهور واقالات متتالية لحكومات ثم تم الاطاحة بفاروق وجه الظباط الاحرار
*️⃣ مع وصول الظباط الاحرار أعلنوا مواصلة تنفيذ نفس الطريقة للحكومة السابقة لفاروق وهى المفاوضات لكن في نفس الوقت نسيب برضك الفدائيين. والأمر فضل يزيد وبقي شبه يومي الاعتداء (مش شرط قتل لكن اي نوع اعتداء).
*️⃣ هنا هدد قائد الانجليز في مصر للمرة الثانية بتكرار نفس فكرة الهجوم بتاع الاسماعيلية؛ لكن الحكومة المصرية تجاهلته تماماً وتفاوضت مع إنجلترا مباشرة؛ ولسبب ما قائد الانجليز منفذش التهديدات وحكومة بريطانيا أعلنت موافقتها على تنفيذ بند معادة 1936 وهو الخروج من مصر بعد 20 سنة
*️⃣ وزي النهاردة من 64 سنة خرج آخر جندي إنجليزي من أرض مصر
الانسحاب ومفاوضاته بدأوا من العهد الملكي لكن اتنفذت في عهد الظباط الاحرار.
بالمناسبة دي أنا هعيد نشر بوست قديم كتبته في 2017... وهنقله كوبي بيست مع تنقيحات وتوضيحات
إزاي خرج الانجليز من مصر 🤔🤔؟!!
دا سؤال كان شاغلني من فترة طويلة؛ ايه اجبر الانجليز عالخروج من مصر؛ محصلش موقعة حربية بينا وبينهم ولا ميليشيات وحرب عصابات ضخمة زي الجزائر 🇩🇿 ولا مقاطعة شعبية مهولة زي الهند 🇮🇳 ولا أي حدث ضخم فإزاي حصل بعد الإطاحة بالملك إن الضباط الاحرار قالوا لهم فجأة سيبوا مصر فمشيوا!!!
*️⃣ القصة بدأت لما الإنجليز دخلوا مصر أيام عرابي 1882 ووقتها الشعب كان مدجن فقبل عادي بوجودهم (نفس الشعب اللي كان رفض دخول الفرنسيين قبلها ب 80 سنة) واستمر الإنجليز تحت مسمى الوصاية على مصر لغاية ما جت سنة 1922 اعترفوا باستقلال مصر لكن تحت وصايتهم برضك.
*️⃣ استمرت محاولات الحكومات المصرية إقناع الإنجليز بالخروج وإعطاء مصر الاستقلال الحقيقي لغاية معاهدة 1936 اللي كل اللي درسناه عنها في المدرسة إنها كانت اتفاقية دفاع مشترك بس؛ لكن كان فيها بنود بتقول الانجليز يخرجوا من مصر كلها عدا قواعد حول قناة السويس لحمايتها لمدة 20 سنة يخلصوا في 1956.
*️⃣ هوب قامت الحرب العالمية ومصر منفذتش بنود مساعدة الانجليز فحصل "تثبيت" الملك فاروق الشهير بمحاصرة القصر الملكي سنة 1942 وتم اجبار مصر عالحرب في صف الحلفاء.
*️⃣ بعد الحرب ما خلصت راحت مصر مباشرة قالت للانجليز نفذوا البنود وانسحبوا من مصر وبالفعل خلال أعوام 46-47-48 انسحب الانجليز من كل القواعد في مصر في كل أرجاء مصر عدا منطقة قناة السويس.
*️⃣ جت حرب 48 مصر والجيش المصري خسر.. اللي ميعرفوش كثير إننا مش بس خسرنا بل تم عمل مطاردة من الجيش الإسرائيلي لينا وإسرائيل دخلت جوا سيناء؛ فالحكومة المصرية راحت للجيش الانجليزي في القناة وقالت له بينا اتفاقية دفاع مشترك 1936 ومصر بتتعرض للهجوم فلازم تساعدونا ولازم تضربوا الإسرائيلين؛ لكن وقتها الانجليز محركوش قواتهم لكن بعتوا برضك إنذار للجيش الإسرائيلي إنه ينسحب وبالفعل انسحبوا لكن اخدوا ام الرشراش. وبالمناسبة وقتها الملك فاروق طلع قرار بقفل مضيق تيران أمام البحرية الإسرائيلية. وظل الإغلاق دا شغال لغاية ما الإسرائيلين أجبروا عبد الناصر سنة 1957 على إلغاء قرار فاروق وفتح الملاحة مقابل الخروج من سيناء. وناصر وافق بس دا مش موضوعنا.
*️⃣ بعد حرب 48 الحكومة رجعت تاني للمفاوضات مع الإنجليز والمرة دي طلبوا خروجهم كمان من قواعد قناة السويس وإعطاء مصر الاستقلال التام.
*️⃣ بدأت بالفعل سنة 1950 واستمرت سنة المفاوضات لكن الانجليز تعنتوا ورفضوا طلب الحكومة المصرية وقالوا لها مش هنخرج من القناة؛ فالحكومة رداً على كده حصل الموقف الأخطر تاريخياً.
*️⃣ في اكتوبر 1951 اعلنت الحكومة المصرية الغاء معاهدة 1936 وتجميد أي مفاوضات وإعلان الإنجليز قوة احتلال رسمية لمصر. عارف إنكم هتقولوا إزاي يعني مكانوش قوة احتلال.
*️⃣ قبل الالغاء كان وجود الانجليز في القواعد يعد قانوني باتفاق بينهم وبين حكومة مصر يعني مش احتلال ولا قاعدين غصب عننا رسمياً؛ لكن بالالغاء بقوا يعتبروا قوة احتلال.
*️⃣ لما بقوا قوة احتلال فهنا بدأ الفدائيين بمهاجمة القواعد بكثرة ووتم إصدار أوامر سرية من الحكومة للشرطة المصرية بمساعدة الفدائيين سراً واستمر الوضع دا لمدة 3 شهور.
*️⃣ في يناير 1952 أعلن قائد الجيش الانجليزي في مصر أن الحكومة والشرطة بتساعد المقاومة وحرك قواته ودخل الإسماعيلية وطلب من مدير الأمن والمحافظ الاستسلام وهنا حصلت الموقعه الشهيرة بين الشرطة المصرية والانجليز يوم 25 يناير ومن هنا جاء عيد الشرطة.
*️⃣ بعد الاحداث دي غرقت مصر في فوضى 6 شهور واقالات متتالية لحكومات ثم تم الاطاحة بفاروق وجه الظباط الاحرار
*️⃣ مع وصول الظباط الاحرار أعلنوا مواصلة تنفيذ نفس الطريقة للحكومة السابقة لفاروق وهى المفاوضات لكن في نفس الوقت نسيب برضك الفدائيين. والأمر فضل يزيد وبقي شبه يومي الاعتداء (مش شرط قتل لكن اي نوع اعتداء).
*️⃣ هنا هدد قائد الانجليز في مصر للمرة الثانية بتكرار نفس فكرة الهجوم بتاع الاسماعيلية؛ لكن الحكومة المصرية تجاهلته تماماً وتفاوضت مع إنجلترا مباشرة؛ ولسبب ما قائد الانجليز منفذش التهديدات وحكومة بريطانيا أعلنت موافقتها على تنفيذ بند معادة 1936 وهو الخروج من مصر بعد 20 سنة
*️⃣ وزي النهاردة من 64 سنة خرج آخر جندي إنجليزي من أرض مصر
الانسحاب ومفاوضاته بدأوا من العهد الملكي لكن اتنفذت في عهد الظباط الاحرار.
تيجي تشوف هو عدد الناس اللي اتطعمت امبارح في مصر كام؟ لا دا سر؛ طيب مصر عملت كام PCR الاسبوع دا؛ وانتا مالك يا أستاذ... طيب ارتفاع بحيرة ناصر كام؛ لا دا أمن قومي؛ طيب موازنة شركة العاصمة الإدارية وموازنة صندوق مصر السيادي؛ لا دي مش متاحة بس ممكن نقولك أرقام من بره بره... طيب خلاص قولي في كام واحد قايمة التطعيمات امبارح؛ للاسف مفيش داتا... طيب انا حاجز اتوقع امتي؛ او قدامي اد ايه قايمة؟ بص هي قايمة طويلة؛ ادعي انتا بس.
تسيبك من مصر وتطلع علي أمريكا بقي
⬅️ لو سمحتم عاوز أعرف القواعد الأمريكية في الكوكب كام قاعدة ومساحة كل واحدة وفيها عدد موظفين كام وبتكلف أمريكا كام وتابعه لسلاح ايه..
*️⃣ اتفضل يا هندسة أحلي base structure report علي عيونك واعرف فلوسك يا أمريكي بتتصرف علي ايه.
⬅️ طيب علي سيرة فلوسي يا أمريكي؛ في أعضاء كونجرس بينتقدوا بعض الطيارات وانها مكلفة وعاوز الجيش يقلل استخدامها؛ لو سمحتم عاوز أعرف هي طيارة B52 ب تكلفنا كام في السنة والشبح كام و F15 كام و F16 كام كل واحدة منهم.
*️⃣ حقك يا كبير؛ بص ال B-2 الشبح ب تكلفنا كل واحدة منهم 63 مليون دولار وال B52 ب تكلفنا 25 مليون دولار و F16 ب تكلفنا 5.6 مليون دولار و F15 بتكلفنا 11 مليون دولار وال F22 بتكلفنا 23.7 مليون دولار. والأرقام دي تكلفة سنوية.
⬅️ طيب هو انتشار قواتنا دا مش هيخلي حاجات تتسرق؟ يتفقد وتقولي هات يا مواطن فلوس سلاح جديد؟ ايه ضاع منكم
*️⃣ اتفضل تقرير اهو من سنة 2010 الي 2019 اتسرق 1179 بندقية و 694 مسدس و 74 رشاش و 25 قاذف قنابل مورتر و 11 شوت جن و 34 قاذف صواريخ وشوية اسلحة اخري باجمالي عدد 1900 قطعة سلاح في ال 10 سنين دول.
⬅️ طيب صحيح هي ميلينا ترامب كانت زارت مصر يوم 30 سبتمبر 2018 قعدت كام ساعة ومشيت؛ كان محجوز لها ولحراستها فندق سميراميس انتركونتيننتال؛ طيب هي الزيارة دي الكام ساعة كلفت دولتنا كام؟
*️⃣ حقك يا هندسة وادي الفاتورة أهي بقيمة 85 ألف و 425 دولار أمريكي اتدفعوا للفندق بتاريخ 30 سبتمبر 2018؛ وخد بالك هو احنا يوم 30 دا دفعنا 95050 دولار وبعدين لقينا في تغيرات فاتناقشنا مع الفندق ويوم 13 مارس يعني بعدها ب 5 شهور ونص تم رد مبلغ 9625 دولار لينا.
كفاية البوست الصغير دا؛ هو يوضح ليه دايما احنا مش بنحس بالبلد زي ما يقال؛ ليه مش مهتمين بالإنجازات وليه مش فارق معانا؛ لاننا ببساطة مش من حقنا نعرف أي حاجة عن بلدنا غير حاجات معينة بتتقال لنا؛ فبنشك في نيتهم في اخبارنا بالحاجات دي...
ممكن فعلا الحاجات دي تكون انجاز وكويسة؛ بس انتا هتسأل نفسك هو ليه دي اتقالت؟ اشمعني دي! اكيد في سر؛ يا راجل انا لو عاوز اعرف ايه الكباري اللي هتتعمل مثلا فترة شهور 10 الي 12 هتكون في مناطق ايه؛ ومناطق ايه هتتشال للصالح العام؛ مش هنعرف حتي.
تسيبك من مصر وتطلع علي أمريكا بقي
⬅️ لو سمحتم عاوز أعرف القواعد الأمريكية في الكوكب كام قاعدة ومساحة كل واحدة وفيها عدد موظفين كام وبتكلف أمريكا كام وتابعه لسلاح ايه..
*️⃣ اتفضل يا هندسة أحلي base structure report علي عيونك واعرف فلوسك يا أمريكي بتتصرف علي ايه.
⬅️ طيب علي سيرة فلوسي يا أمريكي؛ في أعضاء كونجرس بينتقدوا بعض الطيارات وانها مكلفة وعاوز الجيش يقلل استخدامها؛ لو سمحتم عاوز أعرف هي طيارة B52 ب تكلفنا كام في السنة والشبح كام و F15 كام و F16 كام كل واحدة منهم.
*️⃣ حقك يا كبير؛ بص ال B-2 الشبح ب تكلفنا كل واحدة منهم 63 مليون دولار وال B52 ب تكلفنا 25 مليون دولار و F16 ب تكلفنا 5.6 مليون دولار و F15 بتكلفنا 11 مليون دولار وال F22 بتكلفنا 23.7 مليون دولار. والأرقام دي تكلفة سنوية.
⬅️ طيب هو انتشار قواتنا دا مش هيخلي حاجات تتسرق؟ يتفقد وتقولي هات يا مواطن فلوس سلاح جديد؟ ايه ضاع منكم
*️⃣ اتفضل تقرير اهو من سنة 2010 الي 2019 اتسرق 1179 بندقية و 694 مسدس و 74 رشاش و 25 قاذف قنابل مورتر و 11 شوت جن و 34 قاذف صواريخ وشوية اسلحة اخري باجمالي عدد 1900 قطعة سلاح في ال 10 سنين دول.
⬅️ طيب صحيح هي ميلينا ترامب كانت زارت مصر يوم 30 سبتمبر 2018 قعدت كام ساعة ومشيت؛ كان محجوز لها ولحراستها فندق سميراميس انتركونتيننتال؛ طيب هي الزيارة دي الكام ساعة كلفت دولتنا كام؟
*️⃣ حقك يا هندسة وادي الفاتورة أهي بقيمة 85 ألف و 425 دولار أمريكي اتدفعوا للفندق بتاريخ 30 سبتمبر 2018؛ وخد بالك هو احنا يوم 30 دا دفعنا 95050 دولار وبعدين لقينا في تغيرات فاتناقشنا مع الفندق ويوم 13 مارس يعني بعدها ب 5 شهور ونص تم رد مبلغ 9625 دولار لينا.
كفاية البوست الصغير دا؛ هو يوضح ليه دايما احنا مش بنحس بالبلد زي ما يقال؛ ليه مش مهتمين بالإنجازات وليه مش فارق معانا؛ لاننا ببساطة مش من حقنا نعرف أي حاجة عن بلدنا غير حاجات معينة بتتقال لنا؛ فبنشك في نيتهم في اخبارنا بالحاجات دي...
ممكن فعلا الحاجات دي تكون انجاز وكويسة؛ بس انتا هتسأل نفسك هو ليه دي اتقالت؟ اشمعني دي! اكيد في سر؛ يا راجل انا لو عاوز اعرف ايه الكباري اللي هتتعمل مثلا فترة شهور 10 الي 12 هتكون في مناطق ايه؛ ومناطق ايه هتتشال للصالح العام؛ مش هنعرف حتي.
الصورة المرفقة دي لعدد الوفيات في الطرق الأوروبية؛ بصراحة اللي لفت نظري هي الطرق الألمانية السريعة المعروفة باسم (أوتوبان) ودي طرق المؤسس الفعلي لها هو هتلر؛ وطبعا اتطورت بعده.
*️⃣ المميز في الطرق الألمانية هي انها طرق بلا قيود سرعة؛ امشي براحتك هات أي سرعة مفيش حاجة اسمها حد 120 كيلو ولا 130 وكده؛ الصورة بتوضح عدد الوفيات ومن أول نظرة تقول العدد متوسط.
*️⃣ فكر بقي إن التقرير دا بيقيس عدد الوفيات لكل 1000 كيلو طرق؛ ففي شوية معايير تانية ضيفها كده وفكر في الأرقام.
*️⃣ ألمانيا أكثر دولة في عدد السكان بأوروبا؛ وأكثر دولة فيها عدد سيارات بعدد 47 مليون عربية تقرير 2018 ؛ مقابل الدول اللي بعدها في السكان زي فرنسا عندهم 32 مليون عربية و انجلترا 31 مليون وايطاليا 39 مليون.
*️⃣ ضيف كمان إن موقع ألمانيا في قلب أوروبا؛ وهي الدولة الصناعية الأكبر.
*️⃣ فمعني النقاط دي إن عندها أكبر كثافة عربيات بتتحرك في الشوارع؛ ولو حد فاضي قاس الوفيات بالنسبة لعدد العربيات المتحرك هتلاقي ان ممكن الطرق الألمانية من أكثر الطرق امان في أوروبا.
*️⃣ وهنا ييجي السؤال؛ إزاي؟ يعني ممكن تجري علي 200 كيلو؛ فمفروض الحوادث تكون أكثر بكثير مش أقل من الآخرين.
*️⃣ صراحة ثقافتي الألمانية مش قوية فمقدرتش أوصل لسبب؛ لكن غالباً في عوامل زي قوانين مرور صارمة وعنيفة؛ فنظام عاوز تجري أجري بس هتغلط هعصرك وهطلعك سطح الواد حمادة 😂.
*️⃣ ثانيا العربيات جديدة وعوامل الأمان عالية؛ ألمانيا في 2018 اتباع فيها 3.4 مليون عربية جديدة بس عدد السيارات زاد 650 ألف بس؛ فدا معناه ان سنوي في ما يقارب 3 مليون عربية قديمة بتخرج من الشارع؛ فنسبة العربيات الجديدة بتكون عالية وبالتالي عوامل الأمان عالية؛ فالوفيات أقل. والسبب دا بيشاركها فيه كذا دولة أوروبية مش ألمانيا حصري.
*️⃣ ممكن كمان الثقافة؛ يعني اختبارات قيادة صعبة وقوانين معقدة تخلي مفيش حمار ياخذ الرخصة وبالتالي اللي بيسوق عارف يسوق.
*️⃣ ممكن يكون ان الشوارع متخطط لها صح فمفيش ملفات مفاجئة وموجود عبور مشاه وتنظيم يقلل الحوادث.
*️⃣ ممكن يكون شبكة اسعاف ومستشفيات عالطرق عالية؛ فممكن يحصل حادثة لكن بسرعة تيجي عربيات اسعاق وتنقذ المصاب.
بصراحة مش عارف؛ لو حد عايش في ألمانيا أو راح هناك ممكن يقولي رأيه؛ لان أكيد في سر؛ ازاي مفيش قيود سرعة وبرضك الحوادث مش عالية قوي؟
*️⃣ المميز في الطرق الألمانية هي انها طرق بلا قيود سرعة؛ امشي براحتك هات أي سرعة مفيش حاجة اسمها حد 120 كيلو ولا 130 وكده؛ الصورة بتوضح عدد الوفيات ومن أول نظرة تقول العدد متوسط.
*️⃣ فكر بقي إن التقرير دا بيقيس عدد الوفيات لكل 1000 كيلو طرق؛ ففي شوية معايير تانية ضيفها كده وفكر في الأرقام.
*️⃣ ألمانيا أكثر دولة في عدد السكان بأوروبا؛ وأكثر دولة فيها عدد سيارات بعدد 47 مليون عربية تقرير 2018 ؛ مقابل الدول اللي بعدها في السكان زي فرنسا عندهم 32 مليون عربية و انجلترا 31 مليون وايطاليا 39 مليون.
*️⃣ ضيف كمان إن موقع ألمانيا في قلب أوروبا؛ وهي الدولة الصناعية الأكبر.
*️⃣ فمعني النقاط دي إن عندها أكبر كثافة عربيات بتتحرك في الشوارع؛ ولو حد فاضي قاس الوفيات بالنسبة لعدد العربيات المتحرك هتلاقي ان ممكن الطرق الألمانية من أكثر الطرق امان في أوروبا.
*️⃣ وهنا ييجي السؤال؛ إزاي؟ يعني ممكن تجري علي 200 كيلو؛ فمفروض الحوادث تكون أكثر بكثير مش أقل من الآخرين.
*️⃣ صراحة ثقافتي الألمانية مش قوية فمقدرتش أوصل لسبب؛ لكن غالباً في عوامل زي قوانين مرور صارمة وعنيفة؛ فنظام عاوز تجري أجري بس هتغلط هعصرك وهطلعك سطح الواد حمادة 😂.
*️⃣ ثانيا العربيات جديدة وعوامل الأمان عالية؛ ألمانيا في 2018 اتباع فيها 3.4 مليون عربية جديدة بس عدد السيارات زاد 650 ألف بس؛ فدا معناه ان سنوي في ما يقارب 3 مليون عربية قديمة بتخرج من الشارع؛ فنسبة العربيات الجديدة بتكون عالية وبالتالي عوامل الأمان عالية؛ فالوفيات أقل. والسبب دا بيشاركها فيه كذا دولة أوروبية مش ألمانيا حصري.
*️⃣ ممكن كمان الثقافة؛ يعني اختبارات قيادة صعبة وقوانين معقدة تخلي مفيش حمار ياخذ الرخصة وبالتالي اللي بيسوق عارف يسوق.
*️⃣ ممكن يكون ان الشوارع متخطط لها صح فمفيش ملفات مفاجئة وموجود عبور مشاه وتنظيم يقلل الحوادث.
*️⃣ ممكن يكون شبكة اسعاف ومستشفيات عالطرق عالية؛ فممكن يحصل حادثة لكن بسرعة تيجي عربيات اسعاق وتنقذ المصاب.
بصراحة مش عارف؛ لو حد عايش في ألمانيا أو راح هناك ممكن يقولي رأيه؛ لان أكيد في سر؛ ازاي مفيش قيود سرعة وبرضك الحوادث مش عالية قوي؟