الجهاز المركزي أعلن إن التضخم زاد في سبتمبر إلى 26.4% مقارنة مع 26.2% في أغسطس... الغريب يا أخي لقيت مانشيت التضخم يخالف التوقعات ويرتفع؛ يا راجل 🤔🤔.
*️⃣ حضرتك هو إنتا تزود سعر انبوبة البوتجاز اللي سمعت في سلع أساسية زي المخبوزات والأفران ومحلات الفول والطعمية والأكل... والسلع بتنقص في السوق بسبب خنق الاستيراد فالطلب أعلي من العرض... وعاوز التضخم يقل إزاي 🤔🤔 دا تضخم ام ترتر دا لو قل
*️⃣ ولسه هيزود 1.5 جنية في البنزين والسولار ومع زيادات الاتصالات فالتضخم يزيد في أكتوبر؛ وفي نوفمبر تكون السلع خلصت من السوق فالتضخم يزيد في نوفمبر؛ وبعدين ديسمبر منسيبوش قاعد لوحده زعلان نشوف أي قرار فيه زي قائمة السلع المعفاة من القية المضافة او مخفضة الضريبة 5% مثلا نغير فيها فتسمع معانا في تضخم ديسمبر... وفي يناير ننفذ فكرة زيادة الكهرباء مرتين سنوي يناير ويوليو... وآخر يناير ندينا 2 جنية بنزين كمان. وطبعا يتخلل الشهور دي زيادة في 500-1000 دواء كمان عشان نطمن إن التضخم هيزيد؛ أحسن البنزين ووو ميعرفوش يزودوه. وطبعا الإيجارات والسكن بيزيد بشكل خزعبلي.
*️⃣ وبكده حققنا المستهدف بتخفيض التضخم؛ مهو لازم نطلعه فووووق عشان لما يقع رقبته تتكسر ويموت 😂😂😂 أوماااال أنتا فاكر ايه دي خطة لو فهمتوها تبقوا عمد 😂.
*️⃣ ابقي قابلني لو نزلت الفايدة بقى بارتفاع التضخم دا... وطبعاً التضخم بيزيد في مصر؛ وفي نفس الوقت التضخم بيقل في أمريكا؛ بس الدولار ثابت في مصر؛ اقتصاد دا ولا مش اقتصاد يا متعلمين يا بتوع المدارس 😂؛ شيل لي يا ابني فارق الفايدة دا علي جنب وهرجع له بعد كام سنة اخده منك لوكشة واحدة.
*️⃣ حضرتك هو إنتا تزود سعر انبوبة البوتجاز اللي سمعت في سلع أساسية زي المخبوزات والأفران ومحلات الفول والطعمية والأكل... والسلع بتنقص في السوق بسبب خنق الاستيراد فالطلب أعلي من العرض... وعاوز التضخم يقل إزاي 🤔🤔 دا تضخم ام ترتر دا لو قل
*️⃣ ولسه هيزود 1.5 جنية في البنزين والسولار ومع زيادات الاتصالات فالتضخم يزيد في أكتوبر؛ وفي نوفمبر تكون السلع خلصت من السوق فالتضخم يزيد في نوفمبر؛ وبعدين ديسمبر منسيبوش قاعد لوحده زعلان نشوف أي قرار فيه زي قائمة السلع المعفاة من القية المضافة او مخفضة الضريبة 5% مثلا نغير فيها فتسمع معانا في تضخم ديسمبر... وفي يناير ننفذ فكرة زيادة الكهرباء مرتين سنوي يناير ويوليو... وآخر يناير ندينا 2 جنية بنزين كمان. وطبعا يتخلل الشهور دي زيادة في 500-1000 دواء كمان عشان نطمن إن التضخم هيزيد؛ أحسن البنزين ووو ميعرفوش يزودوه. وطبعا الإيجارات والسكن بيزيد بشكل خزعبلي.
*️⃣ وبكده حققنا المستهدف بتخفيض التضخم؛ مهو لازم نطلعه فووووق عشان لما يقع رقبته تتكسر ويموت 😂😂😂 أوماااال أنتا فاكر ايه دي خطة لو فهمتوها تبقوا عمد 😂.
*️⃣ ابقي قابلني لو نزلت الفايدة بقى بارتفاع التضخم دا... وطبعاً التضخم بيزيد في مصر؛ وفي نفس الوقت التضخم بيقل في أمريكا؛ بس الدولار ثابت في مصر؛ اقتصاد دا ولا مش اقتصاد يا متعلمين يا بتوع المدارس 😂؛ شيل لي يا ابني فارق الفايدة دا علي جنب وهرجع له بعد كام سنة اخده منك لوكشة واحدة.
البوست دا يهم فقط اللي عنده شركة وشغال مع مواقع خارج مصر (فيسبوك جوجل الخ الخ).
*️⃣ مصلحة الضرايب أعلنت إنه اعتباراً من يوم 1 نوفمبر هتبدأ المواقع في عمل فحص الرقم الضريبي المسجل عندها للشركات وهيكون مطلوب منك (رقم تعريفي مميز)... ولو مش فاهم تعالى أحكي لك القصة.
*️⃣ يونيو 2023 مصلحة الضرايب المصرية ألزمت الشركات الموجودة خارج مصر والتي تقدم خدمات للمصريين بالتسجيل في منظومة خاصة وفرض ضريبة 14% على خدماتها.
*️⃣ بالفعل المواقع بدأت في التسجيل وفرضت مايكروسوفت وأمازون وجوجل وفيسبوك وزووم ووو الضريبة علي فواتيرها؛ بدأت تطلع للمستخدمين رسالة بتقوله لو انتا شركة ضيف رقمك الضريبي...
*️⃣ الأفراد بقي معندهمش رقم ضريبي فكانوا بيحصلوا منهم 14% أما لو شركة وكتبت رقمك الضريبي فكان مبيتمش خصم ال 14% لإن انتا مفروض مطالب بتوريدهم بنظام (التكليف العكسي).
*️⃣ هنا تيجي الفهلوة بتاعتنا؛ الأفراد بقوا يكتبوا أرقام بتاعة أي شركة أو حتى رقم وهمي؛ ويتشال من على اعلاناتهم ال 14% وزي الفل ومش هنقر بحاجة. فبقوا يحطوا رقم أي شركة يشوفوها ولو حتى في اعلانات التليفزيون. لإن اي رقم تسجيل ضريبي يتحط يخلي الفيسبوك مثلا ميحصلش 14%
*️⃣ طبعاً الضرايب أخدت بالها فمن هنا هتبدأ من 1 نوفمبر نظام اسمه الرقم التعريفي المميز؛ الرقم دا أشبه ب OTP يعني محدش يقدر يوصله غير الشركة نفسها وصالح لمدة سنة.
*️⃣ المواقع هتطلب من المعلنين مش بس يحط الرقم الضريبي لا وهيحط معاه رقم التعريف المميز دا؛ هنقدر عادي نجيبه من موقع الضرايب العادي (بوابة الممول)... وبكده الأفراد مش هيعرفوا يجيبوه فكده يتفرض عليهم 14% اللي استنصحوا وهربوا منها.
*️⃣ طبعاً باقي الأمور كما هي؛ الضرايب وضحت إن الشركات مش معفاه ولو شركة عملت اعلانات ب 100 الف جنية مفروض تروح في اقرارها الضريبي تقر وتدفع 14 ألف جنية قيمة مضافة عن الاعلان دا (التكليف العكسي).
*️⃣ بس يا سيدي ودا الجديد؛ فلو انتا بتعلن في أي جهة خش هات رقم التعريفي بتاعك وخد بالك بيظهر مرة واحدة بس فخده سكرين شوت بقى
بس دا كان الجديد النهاردة واللي اتقال في ندوة الضرايب اليوم؛ طبعاً أنا مش محاسب ضريبي فمحدش يتوقع إني هعرف أرد ع الأسئلة والاعتراضات؛ مش تبعي
*️⃣ مصلحة الضرايب أعلنت إنه اعتباراً من يوم 1 نوفمبر هتبدأ المواقع في عمل فحص الرقم الضريبي المسجل عندها للشركات وهيكون مطلوب منك (رقم تعريفي مميز)... ولو مش فاهم تعالى أحكي لك القصة.
*️⃣ يونيو 2023 مصلحة الضرايب المصرية ألزمت الشركات الموجودة خارج مصر والتي تقدم خدمات للمصريين بالتسجيل في منظومة خاصة وفرض ضريبة 14% على خدماتها.
*️⃣ بالفعل المواقع بدأت في التسجيل وفرضت مايكروسوفت وأمازون وجوجل وفيسبوك وزووم ووو الضريبة علي فواتيرها؛ بدأت تطلع للمستخدمين رسالة بتقوله لو انتا شركة ضيف رقمك الضريبي...
*️⃣ الأفراد بقي معندهمش رقم ضريبي فكانوا بيحصلوا منهم 14% أما لو شركة وكتبت رقمك الضريبي فكان مبيتمش خصم ال 14% لإن انتا مفروض مطالب بتوريدهم بنظام (التكليف العكسي).
*️⃣ هنا تيجي الفهلوة بتاعتنا؛ الأفراد بقوا يكتبوا أرقام بتاعة أي شركة أو حتى رقم وهمي؛ ويتشال من على اعلاناتهم ال 14% وزي الفل ومش هنقر بحاجة. فبقوا يحطوا رقم أي شركة يشوفوها ولو حتى في اعلانات التليفزيون. لإن اي رقم تسجيل ضريبي يتحط يخلي الفيسبوك مثلا ميحصلش 14%
*️⃣ طبعاً الضرايب أخدت بالها فمن هنا هتبدأ من 1 نوفمبر نظام اسمه الرقم التعريفي المميز؛ الرقم دا أشبه ب OTP يعني محدش يقدر يوصله غير الشركة نفسها وصالح لمدة سنة.
*️⃣ المواقع هتطلب من المعلنين مش بس يحط الرقم الضريبي لا وهيحط معاه رقم التعريف المميز دا؛ هنقدر عادي نجيبه من موقع الضرايب العادي (بوابة الممول)... وبكده الأفراد مش هيعرفوا يجيبوه فكده يتفرض عليهم 14% اللي استنصحوا وهربوا منها.
*️⃣ طبعاً باقي الأمور كما هي؛ الضرايب وضحت إن الشركات مش معفاه ولو شركة عملت اعلانات ب 100 الف جنية مفروض تروح في اقرارها الضريبي تقر وتدفع 14 ألف جنية قيمة مضافة عن الاعلان دا (التكليف العكسي).
*️⃣ بس يا سيدي ودا الجديد؛ فلو انتا بتعلن في أي جهة خش هات رقم التعريفي بتاعك وخد بالك بيظهر مرة واحدة بس فخده سكرين شوت بقى
بس دا كان الجديد النهاردة واللي اتقال في ندوة الضرايب اليوم؛ طبعاً أنا مش محاسب ضريبي فمحدش يتوقع إني هعرف أرد ع الأسئلة والاعتراضات؛ مش تبعي
البوست الثالث في يوم واحد 😔
ايه الفارق بين التضخم العام والتضخم الاساسي
*️⃣ التضخم العام دا بيعلن عنه الجهاز المركزي للتعبئة والإحصاء ودا بيقيس مختلف المنتجات والخدمات والزيادة في أسعارها.
*️⃣ بعد ما بيعلن الجهاز المركزي عن التضخم بتاعه بيروح البنك المركزي واخد الداتا دي ويشيل منها السلع المسعرة إدارياً ويطلع تضخم يسمى الأساسي؛ يعني أي سلعة او خدمة بيطلع قرار بسعرها فمش بتتحسب لإن هدف البنك المركزي حساب التغير في السوق بناء على العرض والطلب؛ السلع المسعرة إدارياً دي زادت أو رخصت بقرار دولة مش باختيار السوق.
*️⃣ النهاردة الجهاز المركزي اعلنت ارتفاع التضخم بتاعه (العام) من 26.2% الي 26.4% لكن البنك المركزي أعلن انخفاض التضخم بتاعه (الأساسي) ليصبح 25% بدلاً من 25.1%
⬅️⬅️ دعواتكم أفوق من إللي أنا فيه وهصور فيديو التضخم ودا واحد من 4 فيديوهات بحضر لهم.
ايه الفارق بين التضخم العام والتضخم الاساسي
*️⃣ التضخم العام دا بيعلن عنه الجهاز المركزي للتعبئة والإحصاء ودا بيقيس مختلف المنتجات والخدمات والزيادة في أسعارها.
*️⃣ بعد ما بيعلن الجهاز المركزي عن التضخم بتاعه بيروح البنك المركزي واخد الداتا دي ويشيل منها السلع المسعرة إدارياً ويطلع تضخم يسمى الأساسي؛ يعني أي سلعة او خدمة بيطلع قرار بسعرها فمش بتتحسب لإن هدف البنك المركزي حساب التغير في السوق بناء على العرض والطلب؛ السلع المسعرة إدارياً دي زادت أو رخصت بقرار دولة مش باختيار السوق.
*️⃣ النهاردة الجهاز المركزي اعلنت ارتفاع التضخم بتاعه (العام) من 26.2% الي 26.4% لكن البنك المركزي أعلن انخفاض التضخم بتاعه (الأساسي) ليصبح 25% بدلاً من 25.1%
⬅️⬅️ دعواتكم أفوق من إللي أنا فيه وهصور فيديو التضخم ودا واحد من 4 فيديوهات بحضر لهم.
في حاجة مشهورة بالانترنت اسمها مزارع المحتوى أو Content farm ودي هدفها وفكرتها باختصار إننا نعمل مواقع تجيب زوار كثير ويكون عندنا اعلانات جوجل وغيره فنكسب من الزيارات. والمزارع دي منتشرة في الكوكب كله مش مصر بس عشان منظلمش حد
*️⃣ مزارع المحتوى دي بقي بتنفذ فكرتها بطرق مختلفة؛ في منها بيعتمد علي بوت Bot يقعد ينسخ مقالات من مواقع مختلفة ويحطها عنده؛ المشكلة جوجل بخوازمياتها وعم باندا بتاعها خلاص بقت تقفش دا وتعرف المحتوى الأصلي من المنسوخ؛ فمن هنا راحوا للطريقة القديمة وهي طريقة جريدة النبأ في الاتوبيسات (من 20 سنة لو حد كان وقتها بيركب باص هيفتكرها).
*️⃣ الفكرة بتكون نشوف محتوي شاهد قبل الحذف ونعمل عنوان كده؛ نألف خبر وفاة ممثل مغني سياسي مشهور؛ أي هري في رغيف ونحط عنوان جذاب عليه والناس تقولك مش ممكن ازاي حصل؛ فالفضول ياخدها فتفتح الخبر؛ تقراه وممكن عادي متصدقش وممكن تقول كاتب عبيط؛ مش مهم تصدق متصدقش متفرقش؛ دورك تم و mission accomplished دورك خلص ودخلت واتحسبت زيارة واخدنا فلوس اعلانات عليك فتصديقك ونفيك مش هتفرق كثير. ملح ملح يعني (طز بس بقلش وبقولها بالمعني لان طز يعني ملح 😂).
*️⃣ مثلاً أنا اتبعت لي او مينشن خبر زيادة اسعار الانترنت الأرضي بتاع 6 مرات وشوفته في التايم لاين عشرات المرات؛ طبعاً عارف انه هري محض بس الفضول اخدني وشغلت Adguard عشان اشيل الاعلانات ودخلت المواقع دي عشان الفضول بس هنا فضولي مش في المعلومة لكن يهمني الصياغة؛ بهتم انا وبتعلم من طريقة الناس في جذب القراء (عشان نعملها فيكم😜 ). وهنا كانت الصدمة.
*️⃣ الأسعار مكتوبة زيادة باقة 140 جيجا (دي الأساسية لغالبية المصريين) لتصبح 140 جنية بدلاً من 120 جنية.. الصدمة كانت إن مش المزرعة اللي تاعبه نفسها بتنشر؛ لا إن الناس صدقت الخبر وبتشيره؛ طب ازاي يا جدعان؟
*️⃣ يوم 2 يناير 2024 الحكومة طلعت قرار زيادة باقات الانترنت الارضي والباقة الأساسية ال 140 جيجا بقت 160 جنية بدلا من 120 جنية... يعني كلنا بندفع في الباقة دي شهريا 160 جنية (188 جنية بالضريبة) فإزاي شخص بيدفع كل شهر 160 جنية يصدق وينشر خبر إن الباقة بقت 140 جنية بدلاً من 120 جنية... تخيل معايا حد بيمون العربية ب 15 جنية اللتر ويقولك شوفت الخبر خلوا اللتر ب 10 جنية بدلا من 5 جنية ضاعفوا السعر منهم لله... طب ازاي بس.
*️⃣ طبعاً بعض الناس بره مصر فالخبر يخدعهم طبيعي لكن تبقي جوا مصر وبتدفع اشتراك انترنت ومش عارف بتدفع كام وتنقله 🤔🤔.
⬅️ طيب نعمل ايه في مزارع المحتوي؟ الرد بسيط وهو لا تقلق الخازوق هتعرفه.
*️⃣ هو لو حصل إن في دولة عملت تفجير نووي الخبر دا مش هينشروه الصحف الكبرى وهيكون بس منشور علي منتدي دلعيني يا ماما أوام يا ماما؟ لو الحكومة زودت سعر البنزين الخبر دا هينزل بس في مزرعة المحتوي (الدستور) ومش هينزل باليوم الساقع مثلا 🤔... نتيجة انتخابات امريكا يوم 5 نوفمبر هتلاقيها في صفحة المصريين المتحدين ومش في CNN و BBC ؟
*️⃣ فانتا الخبر ال Woooow وال بووووووم دا مش هيعرفوه في جريدة تيكا أنص قبل رويترز وبلومبيرج على فكرة... فانتا بص مصدر الخبر دا موقع ايه؛ هل دا موقع ليه أي مصداقية؟ ومش بقول توجه سياسي لكن انتا تعرفه؟ أنا تعمدت هنا بس اكتب اسم مزرعة محتوي الدستور لانها يعتبر الصحيفة الوحيدة الشهيرة اللي غيرت شغلها من كتابة صحفية الي المزارع فقولت اكتب اسمها عشان اعرف الناس انها مبقتش الدستور عهد مبارك لا دي عادي زي اي مزرعة.
*️⃣ يا جدعان دا الوضع وصل إن جريدة اسمها العقارية نشرت مانشيت (رغم إعلان الشركات.. المصرية للاتصالات: لم تصدر موافقة حتى الآن على زيادة أسعار الإنترنت المنزلي) انتم متخيلين الضحك؛ دول نقلوا الهبدة ومصدقينها لدرجة انهم لما جالهم نفي من جهاز تنظيم الاتصالات بيكذبوه وبيقولوا رغم اعلان الشركات 😂😂 انتم متخيلين الوضع الصحفي في مصر وصل لإيه. مسخرة.
⬅️⬅️⬅️ الخلاصة خدوا بالكم من أكاذيب مزارع المحتوى وخاصة الفترة القادمة لإنهم هيلعبوا علي مشاعر الناس اللي متحفزه تصدق أي هبد ومش هتعديه علي فلتر في مخها يراجعه؛ خدوا بالكم ومتخافوش كده كده الخبر الحقيقي هيوصلك هيوصلك؛ عيييب عليك هو الخازوق مش عارف طريقه مثلاً ليك ومحتاج انك تدور عليه 🤔🤔 دي اهانة للخازوق حضرتك
*️⃣ مزارع المحتوى دي بقي بتنفذ فكرتها بطرق مختلفة؛ في منها بيعتمد علي بوت Bot يقعد ينسخ مقالات من مواقع مختلفة ويحطها عنده؛ المشكلة جوجل بخوازمياتها وعم باندا بتاعها خلاص بقت تقفش دا وتعرف المحتوى الأصلي من المنسوخ؛ فمن هنا راحوا للطريقة القديمة وهي طريقة جريدة النبأ في الاتوبيسات (من 20 سنة لو حد كان وقتها بيركب باص هيفتكرها).
*️⃣ الفكرة بتكون نشوف محتوي شاهد قبل الحذف ونعمل عنوان كده؛ نألف خبر وفاة ممثل مغني سياسي مشهور؛ أي هري في رغيف ونحط عنوان جذاب عليه والناس تقولك مش ممكن ازاي حصل؛ فالفضول ياخدها فتفتح الخبر؛ تقراه وممكن عادي متصدقش وممكن تقول كاتب عبيط؛ مش مهم تصدق متصدقش متفرقش؛ دورك تم و mission accomplished دورك خلص ودخلت واتحسبت زيارة واخدنا فلوس اعلانات عليك فتصديقك ونفيك مش هتفرق كثير. ملح ملح يعني (طز بس بقلش وبقولها بالمعني لان طز يعني ملح 😂).
*️⃣ مثلاً أنا اتبعت لي او مينشن خبر زيادة اسعار الانترنت الأرضي بتاع 6 مرات وشوفته في التايم لاين عشرات المرات؛ طبعاً عارف انه هري محض بس الفضول اخدني وشغلت Adguard عشان اشيل الاعلانات ودخلت المواقع دي عشان الفضول بس هنا فضولي مش في المعلومة لكن يهمني الصياغة؛ بهتم انا وبتعلم من طريقة الناس في جذب القراء (عشان نعملها فيكم
*️⃣ الأسعار مكتوبة زيادة باقة 140 جيجا (دي الأساسية لغالبية المصريين) لتصبح 140 جنية بدلاً من 120 جنية.. الصدمة كانت إن مش المزرعة اللي تاعبه نفسها بتنشر؛ لا إن الناس صدقت الخبر وبتشيره؛ طب ازاي يا جدعان؟
*️⃣ يوم 2 يناير 2024 الحكومة طلعت قرار زيادة باقات الانترنت الارضي والباقة الأساسية ال 140 جيجا بقت 160 جنية بدلا من 120 جنية... يعني كلنا بندفع في الباقة دي شهريا 160 جنية (188 جنية بالضريبة) فإزاي شخص بيدفع كل شهر 160 جنية يصدق وينشر خبر إن الباقة بقت 140 جنية بدلاً من 120 جنية... تخيل معايا حد بيمون العربية ب 15 جنية اللتر ويقولك شوفت الخبر خلوا اللتر ب 10 جنية بدلا من 5 جنية ضاعفوا السعر منهم لله... طب ازاي بس.
*️⃣ طبعاً بعض الناس بره مصر فالخبر يخدعهم طبيعي لكن تبقي جوا مصر وبتدفع اشتراك انترنت ومش عارف بتدفع كام وتنقله 🤔🤔.
⬅️ طيب نعمل ايه في مزارع المحتوي؟ الرد بسيط وهو لا تقلق الخازوق هتعرفه.
*️⃣ هو لو حصل إن في دولة عملت تفجير نووي الخبر دا مش هينشروه الصحف الكبرى وهيكون بس منشور علي منتدي دلعيني يا ماما أوام يا ماما؟ لو الحكومة زودت سعر البنزين الخبر دا هينزل بس في مزرعة المحتوي (الدستور) ومش هينزل باليوم الساقع مثلا 🤔... نتيجة انتخابات امريكا يوم 5 نوفمبر هتلاقيها في صفحة المصريين المتحدين ومش في CNN و BBC ؟
*️⃣ فانتا الخبر ال Woooow وال بووووووم دا مش هيعرفوه في جريدة تيكا أنص قبل رويترز وبلومبيرج على فكرة... فانتا بص مصدر الخبر دا موقع ايه؛ هل دا موقع ليه أي مصداقية؟ ومش بقول توجه سياسي لكن انتا تعرفه؟ أنا تعمدت هنا بس اكتب اسم مزرعة محتوي الدستور لانها يعتبر الصحيفة الوحيدة الشهيرة اللي غيرت شغلها من كتابة صحفية الي المزارع فقولت اكتب اسمها عشان اعرف الناس انها مبقتش الدستور عهد مبارك لا دي عادي زي اي مزرعة.
*️⃣ يا جدعان دا الوضع وصل إن جريدة اسمها العقارية نشرت مانشيت (رغم إعلان الشركات.. المصرية للاتصالات: لم تصدر موافقة حتى الآن على زيادة أسعار الإنترنت المنزلي) انتم متخيلين الضحك؛ دول نقلوا الهبدة ومصدقينها لدرجة انهم لما جالهم نفي من جهاز تنظيم الاتصالات بيكذبوه وبيقولوا رغم اعلان الشركات 😂😂 انتم متخيلين الوضع الصحفي في مصر وصل لإيه. مسخرة.
⬅️⬅️⬅️ الخلاصة خدوا بالكم من أكاذيب مزارع المحتوى وخاصة الفترة القادمة لإنهم هيلعبوا علي مشاعر الناس اللي متحفزه تصدق أي هبد ومش هتعديه علي فلتر في مخها يراجعه؛ خدوا بالكم ومتخافوش كده كده الخبر الحقيقي هيوصلك هيوصلك؛ عيييب عليك هو الخازوق مش عارف طريقه مثلاً ليك ومحتاج انك تدور عليه 🤔🤔 دي اهانة للخازوق حضرتك
Please open Telegram to view this post
VIEW IN TELEGRAM
لإني اتسألت كتير إيه هو كارت RedotPay، فباختصار كده في الوقت الحالي لو عاوز تدفع أي معاملة دولية حتي لو ب 1 دولار، فعندك 3 خيارات وده سعر الصرف بتاعهم:
1️⃣ تعمل كارت دولار في البنك بتاعك وتروح تودع دولار وتشتري بيه. البنوك زي الأهلي، ومصر، وQNB، وCIB بياخدوا عمولة 1.5% لو المعاملة مش بالدولار (يعني ريال، درهم، دينار، يورو). فلو قولنا إن الدولار امبارح في البنك الأهلي كان 48.61 جنيه، يبقى هيحاسبك فعليًا 49.39 جنيه للدولار... طبعًا لو التسوية للعملية تأخرت فالرقم يختلف... في بنوك زي AUB، إسكندرية، وEG مش بتاخد رسوم تغيير عملة على الكارت الدولاري... ولو في بنك غير أي بند ممكن توضحوا لي في التعليقات وهبقى أعدل البوست.
⬅️ الخيار ده رغم إنه متاح للجميع نظريًا، بس يظل: هيجيبوا الدولار منين؟ وفي ناس مش بتحب التعامل مع البنوك المصرية بسبب أزمة الثقة بينهم وبين البنك... وطبعًا لو حبيت تحط مبلغ كبير شوية، البنك هيقولك جبتهم منين وممكن يكون مصدرك مش قانوني 😉😉.
2️⃣ الخيار التاني هو كريديت كارد قديمة يعني شغالة دولي، وده بياخد منك 5% رسوم، يعني الدولار اللي بـ48.61 هيبقى تكلفته عليك 51.05 جنيه...
⬅️ خيار الكريديت كارد مش متاح بسهولة، لإنك لو عملته النهارده، هيشتغل دولي معاك بعد 3-6 شهور... لكن للأسف في مواقع وخدمات بترفض الدفع إلا بالكريديت كارد. مثلًا في دول كتير، عشان تدفع تأمين تأجير السيارة لازم تدفعه بكريديت كارد وهكذا.
3️⃣ كارت زي RedotPay وأي كارت من العيلة دي، بس كمصريين جوا مصر تقريبًا مفيش خيارات غيره، وبرضه لو حد يعرف خيار أفضل يقوله... فكرة الكروت دي هي إنها بتستخدم USDT وغيرها من العملات الرقمية للدفع. وسعر الدولار الرقمي حاليًا 49.05 تقريبًا... لو دفعت بغير الدولار بتكون الرسوم 2% يعني 50 جنيه، يعني أرخص بجنيه لكل دولار تدفعه مقارنة بالكريديت كارد.
*️⃣الشحن بيكون إزاي بقى؟ في منصات كتير وأشهرها باينانس، بس في دعاوى لمقاطعتها لإنها بتقفل حسابات بعض الفلسطينيين بدعوى غسيل أموال... تخيل حد بيغسل فلوس في غزة! حجة مضحكة، والسبب الحقيقي مفهوم، وهو إن الحسابات دي بتجمع تبرعات... المهم يعني باينانس أصلًا سخيف لإنه بيعملك منع تصرف في أي شيء لمدة 24 ساعة... في منصات بديلة زي OKX وBybit تقدر تشتري منهم عادي وتحول على حسابك في RedotPay.
*️⃣بتحول إزاي؟ عادي، بتروح للكارت بتاعك وتعمل إيداع ويقولك إيه نوع العملة، بتختارها وتختار اسم الشبكة وهي طبعًا TRC20 (متفكرش كتير، هي هتظهر لك كده وميفرقش معاك هي إيه)، وفي النهاية هيديك رقم حسابك، تروح المنصة اللي عندك فيها USDT سواء باينانس أو OKX وتقوله سحب مبلغ كذا على شبكة TRC20 وبس يا سيدي، دقايق وتوصلك... في رسوم تحويل 1 دولار على أي عملية سواء كانت بـ10 دولار أو 10 آلاف دولار، ده رسم ثابت.
*️⃣ بتنزل الأول البرنامج وتشتري من الرابط دا الخاص بي عشان اطلع ب مصلحة 😂
https://url.hk/i/en/a00r7
*️⃣ بعدين بتعمل أكونت وخد بالك الحسابات البنكية يعني في ورق بجد؛ هتصور الباسبور وهتأكد رقم التليفون وهتأمن حسابك ببرنامج زي Google Authenticator وبعدها تروح تشتري كارت افتراضي بقيمة 10 دولار (في عروض يومية ب 5 دولار) وبعد ما بتشتريه بيديك هو رصيد 5 دولار.
*️⃣ هتجيب منين دولار تدفع بيه ال 10 دولار ؛ والله عارف 😁 هتجيبه برضك OKX وغيره؛ مهو مش منطقي تدفع بكارت بنكي مهو لو معاك تعمل الكارت ليه وتقرف نفسك. بس يا سيدي وبقي معاك الكارت.
*️⃣ لو معاك اي فون غير الدولة للامارات هتقدر تضيفه في Apple Pay ولو اندرويد تقدر تنزل Wallet او تعمل حساب دفع غير مصري وهيظهر لك برنامج Wallet... ميزة إنك تحط الكارت فيهم دول انك تقدر بواسطة موبايلك مباشرة في أي مكان في العالم بما فيهم مصر عادي (معرفش ليه تدفع بكارت دولي في مصر بس إنتا حر ومصر هتحبك عشان جبت لها دولار)...
*️⃣ طبعاً برضك تقدر تسحب فلوس من باي بال عليه لو معندكش خيار بنكي لكن الرسوم اعلي حسب ما الناس وضحت.
*️⃣ الكارت مشهور وفي فيديوهات كثير لشرح كل حاجة فاللي فعلاً عنده مشكلة وبيدور علي حل ليها هيدور؛ دا اللي مقتنع بيه لكن اللي هيسأل علي حاجات اجابتها اول نتيجة بحث في جوجل فبكون عارف انه بيتسلى مش أكثر
رابط الكارت
https://url.hk/i/en/a00r7
رابط OKX
https://okx.com/join/79909790
1️⃣ تعمل كارت دولار في البنك بتاعك وتروح تودع دولار وتشتري بيه. البنوك زي الأهلي، ومصر، وQNB، وCIB بياخدوا عمولة 1.5% لو المعاملة مش بالدولار (يعني ريال، درهم، دينار، يورو). فلو قولنا إن الدولار امبارح في البنك الأهلي كان 48.61 جنيه، يبقى هيحاسبك فعليًا 49.39 جنيه للدولار... طبعًا لو التسوية للعملية تأخرت فالرقم يختلف... في بنوك زي AUB، إسكندرية، وEG مش بتاخد رسوم تغيير عملة على الكارت الدولاري... ولو في بنك غير أي بند ممكن توضحوا لي في التعليقات وهبقى أعدل البوست.
⬅️ الخيار ده رغم إنه متاح للجميع نظريًا، بس يظل: هيجيبوا الدولار منين؟ وفي ناس مش بتحب التعامل مع البنوك المصرية بسبب أزمة الثقة بينهم وبين البنك... وطبعًا لو حبيت تحط مبلغ كبير شوية، البنك هيقولك جبتهم منين وممكن يكون مصدرك مش قانوني 😉😉.
2️⃣ الخيار التاني هو كريديت كارد قديمة يعني شغالة دولي، وده بياخد منك 5% رسوم، يعني الدولار اللي بـ48.61 هيبقى تكلفته عليك 51.05 جنيه...
⬅️ خيار الكريديت كارد مش متاح بسهولة، لإنك لو عملته النهارده، هيشتغل دولي معاك بعد 3-6 شهور... لكن للأسف في مواقع وخدمات بترفض الدفع إلا بالكريديت كارد. مثلًا في دول كتير، عشان تدفع تأمين تأجير السيارة لازم تدفعه بكريديت كارد وهكذا.
3️⃣ كارت زي RedotPay وأي كارت من العيلة دي، بس كمصريين جوا مصر تقريبًا مفيش خيارات غيره، وبرضه لو حد يعرف خيار أفضل يقوله... فكرة الكروت دي هي إنها بتستخدم USDT وغيرها من العملات الرقمية للدفع. وسعر الدولار الرقمي حاليًا 49.05 تقريبًا... لو دفعت بغير الدولار بتكون الرسوم 2% يعني 50 جنيه، يعني أرخص بجنيه لكل دولار تدفعه مقارنة بالكريديت كارد.
*️⃣الشحن بيكون إزاي بقى؟ في منصات كتير وأشهرها باينانس، بس في دعاوى لمقاطعتها لإنها بتقفل حسابات بعض الفلسطينيين بدعوى غسيل أموال... تخيل حد بيغسل فلوس في غزة! حجة مضحكة، والسبب الحقيقي مفهوم، وهو إن الحسابات دي بتجمع تبرعات... المهم يعني باينانس أصلًا سخيف لإنه بيعملك منع تصرف في أي شيء لمدة 24 ساعة... في منصات بديلة زي OKX وBybit تقدر تشتري منهم عادي وتحول على حسابك في RedotPay.
*️⃣بتحول إزاي؟ عادي، بتروح للكارت بتاعك وتعمل إيداع ويقولك إيه نوع العملة، بتختارها وتختار اسم الشبكة وهي طبعًا TRC20 (متفكرش كتير، هي هتظهر لك كده وميفرقش معاك هي إيه)، وفي النهاية هيديك رقم حسابك، تروح المنصة اللي عندك فيها USDT سواء باينانس أو OKX وتقوله سحب مبلغ كذا على شبكة TRC20 وبس يا سيدي، دقايق وتوصلك... في رسوم تحويل 1 دولار على أي عملية سواء كانت بـ10 دولار أو 10 آلاف دولار، ده رسم ثابت.
*️⃣ بتنزل الأول البرنامج وتشتري من الرابط دا الخاص بي عشان اطلع ب مصلحة 😂
https://url.hk/i/en/a00r7
*️⃣ بعدين بتعمل أكونت وخد بالك الحسابات البنكية يعني في ورق بجد؛ هتصور الباسبور وهتأكد رقم التليفون وهتأمن حسابك ببرنامج زي Google Authenticator وبعدها تروح تشتري كارت افتراضي بقيمة 10 دولار (في عروض يومية ب 5 دولار) وبعد ما بتشتريه بيديك هو رصيد 5 دولار.
*️⃣ هتجيب منين دولار تدفع بيه ال 10 دولار ؛ والله عارف 😁 هتجيبه برضك OKX وغيره؛ مهو مش منطقي تدفع بكارت بنكي مهو لو معاك تعمل الكارت ليه وتقرف نفسك. بس يا سيدي وبقي معاك الكارت.
*️⃣ لو معاك اي فون غير الدولة للامارات هتقدر تضيفه في Apple Pay ولو اندرويد تقدر تنزل Wallet او تعمل حساب دفع غير مصري وهيظهر لك برنامج Wallet... ميزة إنك تحط الكارت فيهم دول انك تقدر بواسطة موبايلك مباشرة في أي مكان في العالم بما فيهم مصر عادي (معرفش ليه تدفع بكارت دولي في مصر بس إنتا حر ومصر هتحبك عشان جبت لها دولار)...
*️⃣ طبعاً برضك تقدر تسحب فلوس من باي بال عليه لو معندكش خيار بنكي لكن الرسوم اعلي حسب ما الناس وضحت.
*️⃣ الكارت مشهور وفي فيديوهات كثير لشرح كل حاجة فاللي فعلاً عنده مشكلة وبيدور علي حل ليها هيدور؛ دا اللي مقتنع بيه لكن اللي هيسأل علي حاجات اجابتها اول نتيجة بحث في جوجل فبكون عارف انه بيتسلى مش أكثر
رابط الكارت
https://url.hk/i/en/a00r7
رابط OKX
https://okx.com/join/79909790
تعرفوا إن الصين هي أكبر مصدر في العالم لكنها برضك ثاني أكبر مستورد في العالم يعني الصين بتستورد أكثر من اللي بتستورده ألمانيا واليابان مع بعض (دول رقم 3 و 4 في الاستيراد بالمناسبة) لكن برضك الصين بتصدر أكثر ما المانيا واليابان مع بعض (دول رقم 3 و 4 برضك في التصدير).
*️⃣ طيب الصين عملت دا إزاي؟ حاجات كثير أهمها البحث العلمي؛ احنا بنقول الصين بتصدر أكثر من ألمانيا واليابان صح؟ تفتكروا في البحث العلمي مثلا بتصرف أكثر منهم؟ طبعا صح بتصرف اكثر من المانيا واليابان وكوريا الجنوبية مجتمعين (3 و 4 و 5 في الانفاق بالبحث العلمي).
*️⃣ فالموضوع ببساطة انتا بتصرف كام؟ هتحط كام ويرجع لك كام؟ هتدعم الصناعة بكام مليار دولار وهتصرف كام مليار دولار بحث علمي وهتصرف كام مليار دولار في التعليم الصناعي والمهني ووو....
*️⃣ عشان تحصد لازم تجهز الحقل وتحط البذور وترعى الأرض وبعدين تلاقي المحصول... معادلة سهلة وبسيطة؛ محدش بيحصد من غير ما يزرع.
*️⃣ طيب الصين عملت دا إزاي؟ حاجات كثير أهمها البحث العلمي؛ احنا بنقول الصين بتصدر أكثر من ألمانيا واليابان صح؟ تفتكروا في البحث العلمي مثلا بتصرف أكثر منهم؟ طبعا صح بتصرف اكثر من المانيا واليابان وكوريا الجنوبية مجتمعين (3 و 4 و 5 في الانفاق بالبحث العلمي).
*️⃣ فالموضوع ببساطة انتا بتصرف كام؟ هتحط كام ويرجع لك كام؟ هتدعم الصناعة بكام مليار دولار وهتصرف كام مليار دولار بحث علمي وهتصرف كام مليار دولار في التعليم الصناعي والمهني ووو....
*️⃣ عشان تحصد لازم تجهز الحقل وتحط البذور وترعى الأرض وبعدين تلاقي المحصول... معادلة سهلة وبسيطة؛ محدش بيحصد من غير ما يزرع.
تعرفوا إن في حاجة اسمها خط الفقر المصري أو خط الفقر القومي؛ هدف أي دولة المعلن والرسمي هو تحسين مستوى معيشة شعبها؛ ومن هنا بييجي مفهوم اسمه خط الفقر ودا فكرته إن الخبراء بيقعدوا يحسبوا ويحددوا حد أدنى لمستوي المعيشة ويحطوا رقم معين يومي لو دخلك أقل منه تبقي فقير.
*️⃣ فعليا مفيش خط واحد بل خطوط لكن في شبه تعارف عالمي علي خطوط البنك الدولي والمسماه خط الفقر المدقع وخط الفقر المعتدل وخط الفقر الأعلى ودي درجات من الفقر تبدأ بالمدقع ودا بيكون الشخص غير قادر علي توفير احتياجاته الأساسية ك إنسان علي قيد الحياة يعني صعوبة في شراء الأكل مثلاً؛ وتتحسن شوية في الخط الثاني المعتدل وهنا يقدر يشتري الأساسيات لكن لو واجه مصاريف زي الصحة أو التعليم هيكون في أزمة؛ وخط الفقر الاعلي دا بقى بيوفر الاكل والصحة والتعليم بس معندوش قدرة الادخار ولو فقد الوظيفة هيكون في مشكلة ضخمة وممكن ينهار للخطوط اللي قبله.
*️⃣ البنك الدولي حط أرقام 2.15$ و 3.65$ و 6.85$ ودا انفاق الفرد في اليوم؛ ولو حبينا نقلبها بالمصري ونقول عيلة 4 أفراد وسعر صرف اليوم للدولار 48.65 يبقي كالتالي
⬅️ خط الفقر المدقع العالمي لأسرة 4 أفراد لو دخلهم (دخل ال 4 أفراد معا) أقل من 12550 جنية (258 دولار أي 947 درهم أو 968 ريال)
⬅️ خط الفقر المعتدل العالمي لأسرة 4 أفراد هو لو دخلهم أقل من 21300 جنية (438 دولار)
⬅️ خط الفقر الأعلى العالمي لأسرة 4 أفراد هو لو دخلهم أقل من 40 ألف جنية (822 دولار)
*️⃣ طبعاً الأرقام دي مرعبة ولو طبقتها مع بحث الدخل والانفاق الصادر من الجهاز المركزي فخط الفقر الأعلى دا هيشمل أكثر من 90% من المصريين.
*️⃣ وتفادياً لهذه النسبة المهولة فمصر عملت حاجة خاصة بينا اسمها خط الفقر القومي أو خط الفقر المصري حيث تعتبر فقر لو دخل الفرد السنوي 10279 جنية أي 28 جنية يومياً او 0.56 دولار (ربع خط الفقر العالمي العالمي) وللأمانه رقم 10279 لم يحدث منذ 2021 ولم تصدر مصر تحديث لأعداد الفقراء.
*️⃣ وكده يعتبر خط الفقر القومي المصري لأسرة من 4 أفراد هي لو دخلها الشهري 3426 جنية. اي 70 دولار شهري للأسرة
*️⃣ وفي خط فقر تاني هو خط الفقر المدقع المصري وهو يساوي 550 جنية شهرياً للفرد أي أسرة 4 افراد تساوي 2200 جنية أي 45 دولار شهري للأسرة.
*️⃣ الأرقام دي الرسمية للدولة وهي لم تحدث من 2021 بشكل رسمي ووقتها كانت نسبة المصريين تحت خط الفقر 29.7%... لكن كان في تصريحات غير رسمية إن مصر هترفع خط الفقر ليصبح 1478 جنية وخط الفقر المدقع هو 1069 جنية.
*️⃣ ولو صدقت الأرقام دي فالعيلة 4 أفراد تعتبر فقيرة لو دخلها تحت 5912 جنية (121 دولار شهري للأسرة) ولو نزل تحت 4276 جنية ( 88 دولات شهري للأسرة) تبقي فقر مدقع.
*️⃣ عارف الأرقام صادمة ومش هتصدقوها بس الدولة إمبارح أكدت دا فمثلاً قالت إن المصريين استوردوا عطور ب 400 مليون دولار فدا معناه المواطن بيستهلك عطور ومزيلات عرق ووو مستوردة ب 4 دولار سنوي يعني بسعر الصرف اليوم بيستهلك سنوياً عطور ب 195 جنية سنوي...
*️⃣ وقالوا برضك بنستورد مساحيق تجميل ب 500 مليون دولار؛ لو فرضنا إن بيستخدمهم 40 مليون ست فقط من ال 53 مليون (13 مليون طفلة تحت ال 20) فدا معناه الست المصرية بتستهلك مساحيق تجميل مستوردة بمتوسط 12.5 دولار سنوياً.
*️⃣ فإحنا فقرا جداً؛ تخيلوا متوسط الاستهلاك الشهري لراجل ومراته من مساحيق التجميل ومزيلات العرق والعطور (المستوردة وفي جزء محلي) يساوي 1.7 دولار شهري ل 2 فرد راجل ومراته. فدا متناسب مع نسب الفقر المصرية. ان بند التجميل والعطور لزوجين تحت 100 جنية شهري قول في شوية محلي نفترض زيهم يبقي 200 جنية شهري (ودا كثير)
*️⃣ نكتفي بهذا القدر؛ وان شاء الله الاوضاع تتحسن بإن أكبر قدر ممكن من المصريين يهاجر ويحسن دخله ودخل أسرته في مصر ويحسن اقتصاد الدولة بتحويلات المصريين في الخارج؛ دا الأمل الوحيد للجميع.
*️⃣ فعليا مفيش خط واحد بل خطوط لكن في شبه تعارف عالمي علي خطوط البنك الدولي والمسماه خط الفقر المدقع وخط الفقر المعتدل وخط الفقر الأعلى ودي درجات من الفقر تبدأ بالمدقع ودا بيكون الشخص غير قادر علي توفير احتياجاته الأساسية ك إنسان علي قيد الحياة يعني صعوبة في شراء الأكل مثلاً؛ وتتحسن شوية في الخط الثاني المعتدل وهنا يقدر يشتري الأساسيات لكن لو واجه مصاريف زي الصحة أو التعليم هيكون في أزمة؛ وخط الفقر الاعلي دا بقى بيوفر الاكل والصحة والتعليم بس معندوش قدرة الادخار ولو فقد الوظيفة هيكون في مشكلة ضخمة وممكن ينهار للخطوط اللي قبله.
*️⃣ البنك الدولي حط أرقام 2.15$ و 3.65$ و 6.85$ ودا انفاق الفرد في اليوم؛ ولو حبينا نقلبها بالمصري ونقول عيلة 4 أفراد وسعر صرف اليوم للدولار 48.65 يبقي كالتالي
⬅️ خط الفقر المدقع العالمي لأسرة 4 أفراد لو دخلهم (دخل ال 4 أفراد معا) أقل من 12550 جنية (258 دولار أي 947 درهم أو 968 ريال)
⬅️ خط الفقر المعتدل العالمي لأسرة 4 أفراد هو لو دخلهم أقل من 21300 جنية (438 دولار)
⬅️ خط الفقر الأعلى العالمي لأسرة 4 أفراد هو لو دخلهم أقل من 40 ألف جنية (822 دولار)
*️⃣ طبعاً الأرقام دي مرعبة ولو طبقتها مع بحث الدخل والانفاق الصادر من الجهاز المركزي فخط الفقر الأعلى دا هيشمل أكثر من 90% من المصريين.
*️⃣ وتفادياً لهذه النسبة المهولة فمصر عملت حاجة خاصة بينا اسمها خط الفقر القومي أو خط الفقر المصري حيث تعتبر فقر لو دخل الفرد السنوي 10279 جنية أي 28 جنية يومياً او 0.56 دولار (ربع خط الفقر العالمي العالمي) وللأمانه رقم 10279 لم يحدث منذ 2021 ولم تصدر مصر تحديث لأعداد الفقراء.
*️⃣ وكده يعتبر خط الفقر القومي المصري لأسرة من 4 أفراد هي لو دخلها الشهري 3426 جنية. اي 70 دولار شهري للأسرة
*️⃣ وفي خط فقر تاني هو خط الفقر المدقع المصري وهو يساوي 550 جنية شهرياً للفرد أي أسرة 4 افراد تساوي 2200 جنية أي 45 دولار شهري للأسرة.
*️⃣ الأرقام دي الرسمية للدولة وهي لم تحدث من 2021 بشكل رسمي ووقتها كانت نسبة المصريين تحت خط الفقر 29.7%... لكن كان في تصريحات غير رسمية إن مصر هترفع خط الفقر ليصبح 1478 جنية وخط الفقر المدقع هو 1069 جنية.
*️⃣ ولو صدقت الأرقام دي فالعيلة 4 أفراد تعتبر فقيرة لو دخلها تحت 5912 جنية (121 دولار شهري للأسرة) ولو نزل تحت 4276 جنية ( 88 دولات شهري للأسرة) تبقي فقر مدقع.
*️⃣ عارف الأرقام صادمة ومش هتصدقوها بس الدولة إمبارح أكدت دا فمثلاً قالت إن المصريين استوردوا عطور ب 400 مليون دولار فدا معناه المواطن بيستهلك عطور ومزيلات عرق ووو مستوردة ب 4 دولار سنوي يعني بسعر الصرف اليوم بيستهلك سنوياً عطور ب 195 جنية سنوي...
*️⃣ وقالوا برضك بنستورد مساحيق تجميل ب 500 مليون دولار؛ لو فرضنا إن بيستخدمهم 40 مليون ست فقط من ال 53 مليون (13 مليون طفلة تحت ال 20) فدا معناه الست المصرية بتستهلك مساحيق تجميل مستوردة بمتوسط 12.5 دولار سنوياً.
*️⃣ فإحنا فقرا جداً؛ تخيلوا متوسط الاستهلاك الشهري لراجل ومراته من مساحيق التجميل ومزيلات العرق والعطور (المستوردة وفي جزء محلي) يساوي 1.7 دولار شهري ل 2 فرد راجل ومراته. فدا متناسب مع نسب الفقر المصرية. ان بند التجميل والعطور لزوجين تحت 100 جنية شهري قول في شوية محلي نفترض زيهم يبقي 200 جنية شهري (ودا كثير)
*️⃣ نكتفي بهذا القدر؛ وان شاء الله الاوضاع تتحسن بإن أكبر قدر ممكن من المصريين يهاجر ويحسن دخله ودخل أسرته في مصر ويحسن اقتصاد الدولة بتحويلات المصريين في الخارج؛ دا الأمل الوحيد للجميع.
طيب ايه يا شباب مفيش 6 من ال 518 اللي راحوا سجلوا في كارت RedotPay يفعلوا الكارت 😂 عاوز اطلع ب سبوبة كده 😁😁؛ مش عارفين نطلع بمصلحة من المتابعين 😂😂😂
*️⃣ اعمل اكل وابقي فود بلوجر؛ أنا وزني 150+ 😋 يعني أنفع ولايق معايا الأكل مش ناس مسلوعة بتعمل فود بلوجز 😁😁
*️⃣ دا لينك الاحالة بتاع الكارت يمكن نلاقي حد من ال 6 اللي عاوزهم دول 😂
https://url.hk/i/en/a00r7
*️⃣ ولو مش عارف بتكلم عن ايه دا لينك البوست اللي بشرح فيه الكارت
https://t.me/BnSamyPosts/1316
*️⃣ نسلفكم ثمن شرا الكارت بقي 😂 (أنا معنديش حاجة ببلاش هتدفع يعني هتدفع) بس بجد لو فعلا في حد مش عارف اصلا ازاي يفعله يسأل وهسعي اني ارد عليه 😁.
⬅️⬅️⬅️ اقصد هنا 6 يعملوا الكارت يعني يدفعوا ال 10 دولار وياخدوا الكارت ورصيده 5 دولار؛ مش تسجيل بيانات بس😁 ؛ عندي 525 سجلوا بيانات 😄... وممكن تصطاد عرض من ابو 5 دولار وتاخد 5 دولار رصيد يبقي خلاص كده اخدت كارت ببلاش 😁😁
⬅️⬅️⬅️ الناس اللي عاوزة تلحق عرض ال 5 دولار دا؛ انتا اجهز له هو سهل جدا تجيبه بس لازم تبقي جاهز؛ اشحن رصيدك وخش ضيف العنوان (هو كارت افتراضي بس لازم تكتب عنوان)؛ بحيث لما تصطاد العرض تشتري مباشرة متتعطلش في كتابة العنوان
*️⃣ اعمل اكل وابقي فود بلوجر؛ أنا وزني 150+ 😋 يعني أنفع ولايق معايا الأكل مش ناس مسلوعة بتعمل فود بلوجز 😁😁
*️⃣ دا لينك الاحالة بتاع الكارت يمكن نلاقي حد من ال 6 اللي عاوزهم دول 😂
https://url.hk/i/en/a00r7
*️⃣ ولو مش عارف بتكلم عن ايه دا لينك البوست اللي بشرح فيه الكارت
https://t.me/BnSamyPosts/1316
*️⃣ نسلفكم ثمن شرا الكارت بقي 😂 (أنا معنديش حاجة ببلاش هتدفع يعني هتدفع) بس بجد لو فعلا في حد مش عارف اصلا ازاي يفعله يسأل وهسعي اني ارد عليه 😁.
⬅️⬅️⬅️ اقصد هنا 6 يعملوا الكارت يعني يدفعوا ال 10 دولار وياخدوا الكارت ورصيده 5 دولار؛ مش تسجيل بيانات بس
⬅️⬅️⬅️ الناس اللي عاوزة تلحق عرض ال 5 دولار دا؛ انتا اجهز له هو سهل جدا تجيبه بس لازم تبقي جاهز؛ اشحن رصيدك وخش ضيف العنوان (هو كارت افتراضي بس لازم تكتب عنوان)؛ بحيث لما تصطاد العرض تشتري مباشرة متتعطلش في كتابة العنوان
Please open Telegram to view this post
VIEW IN TELEGRAM
صباح الخير
*️⃣ النهاردة البنك المركزي عنده اجتماع السياسة النقدية اللي هيحسم فيه قرار الفايدة لـ 6 أسابيع قادمة. التوقعات مؤخراً بدأت تميل ناحية التثبيت، وإن كنت في بوست سابق في 5 سبتمبر هتلاقوه في اللينك دا:
https://t.me/BnSamyPosts/1280
*️⃣ كنت بقول إنه متوقع تثبيت الفايدة في 5 سبتمبر، ثم الفيدرالي يخفض 0.25% فنتشجع ونخفض 1% في 17 أكتوبر... لكن الفيدرالي اتشجع وخفض 0.5%، فبالتالي نقول إن مصر ممكن تنزل 2% النهاردة في الفايدة.
*️⃣ لكن مؤخراً التضخم مش في أفضل حالاته؛ التضخم العام بيزيد وإن كان الأساسي انخفض لـ 25%. فهل هنخفض الفايدة والتضخم عند 25%؟ 🤔 بصراحة في نقاط بتوحي بالتخفيض.
*️⃣ بنك CIB خفض إمبارح الفايدة على الشهادات بتاعته 2%، ومعروف مدى قوة الروابط بين هشام عز العرب وحسن عبد الله وتفكيرهم المتقارب، فهل بنك CIB هيعزف لوحده؟ 🤔
*️⃣ الحكومة بتقترض أسبوعياً 100-120 مليار جنيه؛ وفي الأسابيع الأخيرة بقى المركزي مش بيقبل أذون 9 و 12 شهر بفايدة عالية وبيقبل فقط أذون 3 و 6 شهور... دا معناه إنه مش عاوز يلزم نفسه فترة طويلة بفايدة عالية. تخفيض 1% في الفايدة يفرق عشرات المليارات مع الدولة في خدمة الدين.
*️⃣ يوم الثلاثاء من كل أسبوع، بيقبل المركزي إيداعات البنوك بما يُعرف بـ(عمليات السوق المفتوح). دي فلوس زيادة عند البنوك بيحطوها في المركزي لمدة أسبوع وبيحاسبهم بالفايدة بتاعته 27.75%. المتوسط إن في ترليون جنيه البنوك بتحطها وتيجي الأسبوع اللي بعده تجددها (هتلاقي أسبوع يقولك 850 مليار، واللي بعده 1.1 أو 1.2 ترليون... فالمتوسط ترليون وكسر؛ الفكة دي مليارات مش عاوزينها 😂😂). فكده في ترليون مسحوب دائماً؛ المركزي بيدفع فايدة أسبوعية على الفلوس دي 5.4 مليار جنيه. لو خفض الفايدة 2% فكده تكلفة الفلوس دي قلت عليه وفايدتها الأسبوعية 0.38 مليار، يعني كل 1% تخفيض فايدة يوفر للمركزي 10 مليار جنيه سنوياً (192 مليون جنيه أسبوعياً).
*️⃣ من الناحية الثانية، تيار تأييد عدم التخفيض بيقول إن المركزي بالعافية بيبيع أذونه الـ 3 شهور وبفايدة 29.6% (سنوي)، ولو خفض الفايدة فدا هيقلل جاذبية أدوات الدين الحكومية للهوت ماني؛ وهنا ييجي السؤال: هل هو لسه عاوز هوت ماني؟
*️⃣ لو هو لسه عاوز هوت ماني بنفس الكثافة يبقى ميلعبش في الفايدة ويجيبهم يعملوا سبوبة القرن علينا... ولو اكتفينا بالـ 40 مليار دولار اللي عندنا هوت ماني بخلاف 24 مليار رأس الحكمة... وقولنا الاتفاقية مع السعودية هتضخ 15 مليار دولار؛ وكمان أمريكا بتخفض الفايدة فنقدر نقترض بالدولار مباشرة أرخص فمش عاوزين هوت ماني. فهنا نتوقع تخفيض الفايدة.
*️⃣ طبعاً أنا مع تيار التخفيض؛ أنا دايماً مع تيار التخفيض سواء المرة دي أو لأسباب شخصية أو حتى بيزنس؛ الفايدة العالية بتعمل بديل قوي في السوق لأي بيزنس. الناس تشتغل ليه والبنوك بتديها 30%؟ 🤔 عشان حرام؟ مش كل الناس شايفة كده وهتحط فلوسها.
*️⃣ لكن لو البنك المركزي خفض الفايدة ويطلع الأهلي ومصر يلغوا شهادات 30-25-20% بتاعتهم وشهادة 27% برضه ويخلوا أعلى شهادة 25% أو أقل... وبعد شوية يلغوها وينزلوا لـ 20% ثم 15%، ثم نعود لنهاية عصر مبارك والفايدة تحت 10% (ياااه على الأحلام وانت نايم مش متغطي 😂😂). فالناس هتلاقي البنوك مش جايبة همها فتنزل الفلوس للسوق وتشغل الشركات والاقتصاد... والمستريحين برضه اللي هيقولوا لهم 100% 😂😂.
*️⃣ مش هطول أكثر؛ النهاردة عالمغرب هنعرف الفايدة، ولو مخفضناش النهاردة يبقى بنسبة 99% هنخفض في 21 نوفمبر... المهم يكون هناك تخطيط بين الحكومة والمركزي؛ مينفعش المركزي يقلل الفايدة النهاردة والحكومة الأسبوع الجاي تزود 1.5 جنيه في البنزين فتزود له التضخم. ممكن نخفض الفايدة ونأخر زيادة البنزين، وكده كده حظنا حلو البترول محسوب بالموازنة على 82 دولار، بينما احنا حالياً عند 75 دولار، فممكن دا يشيل زيادة من الـ 5 زيادات المتفق عليهم مع الصندوق قبل نهاية 2025.
⬅️ توقعاتكم إيه بقى؛ هنتشجع ونخفض ولا خلينا عشان الهوت ماني؟؟
*️⃣ النهاردة البنك المركزي عنده اجتماع السياسة النقدية اللي هيحسم فيه قرار الفايدة لـ 6 أسابيع قادمة. التوقعات مؤخراً بدأت تميل ناحية التثبيت، وإن كنت في بوست سابق في 5 سبتمبر هتلاقوه في اللينك دا:
https://t.me/BnSamyPosts/1280
*️⃣ كنت بقول إنه متوقع تثبيت الفايدة في 5 سبتمبر، ثم الفيدرالي يخفض 0.25% فنتشجع ونخفض 1% في 17 أكتوبر... لكن الفيدرالي اتشجع وخفض 0.5%، فبالتالي نقول إن مصر ممكن تنزل 2% النهاردة في الفايدة.
*️⃣ لكن مؤخراً التضخم مش في أفضل حالاته؛ التضخم العام بيزيد وإن كان الأساسي انخفض لـ 25%. فهل هنخفض الفايدة والتضخم عند 25%؟ 🤔 بصراحة في نقاط بتوحي بالتخفيض.
*️⃣ بنك CIB خفض إمبارح الفايدة على الشهادات بتاعته 2%، ومعروف مدى قوة الروابط بين هشام عز العرب وحسن عبد الله وتفكيرهم المتقارب، فهل بنك CIB هيعزف لوحده؟ 🤔
*️⃣ الحكومة بتقترض أسبوعياً 100-120 مليار جنيه؛ وفي الأسابيع الأخيرة بقى المركزي مش بيقبل أذون 9 و 12 شهر بفايدة عالية وبيقبل فقط أذون 3 و 6 شهور... دا معناه إنه مش عاوز يلزم نفسه فترة طويلة بفايدة عالية. تخفيض 1% في الفايدة يفرق عشرات المليارات مع الدولة في خدمة الدين.
*️⃣ يوم الثلاثاء من كل أسبوع، بيقبل المركزي إيداعات البنوك بما يُعرف بـ(عمليات السوق المفتوح). دي فلوس زيادة عند البنوك بيحطوها في المركزي لمدة أسبوع وبيحاسبهم بالفايدة بتاعته 27.75%. المتوسط إن في ترليون جنيه البنوك بتحطها وتيجي الأسبوع اللي بعده تجددها (هتلاقي أسبوع يقولك 850 مليار، واللي بعده 1.1 أو 1.2 ترليون... فالمتوسط ترليون وكسر؛ الفكة دي مليارات مش عاوزينها 😂😂). فكده في ترليون مسحوب دائماً؛ المركزي بيدفع فايدة أسبوعية على الفلوس دي 5.4 مليار جنيه. لو خفض الفايدة 2% فكده تكلفة الفلوس دي قلت عليه وفايدتها الأسبوعية 0.38 مليار، يعني كل 1% تخفيض فايدة يوفر للمركزي 10 مليار جنيه سنوياً (192 مليون جنيه أسبوعياً).
*️⃣ من الناحية الثانية، تيار تأييد عدم التخفيض بيقول إن المركزي بالعافية بيبيع أذونه الـ 3 شهور وبفايدة 29.6% (سنوي)، ولو خفض الفايدة فدا هيقلل جاذبية أدوات الدين الحكومية للهوت ماني؛ وهنا ييجي السؤال: هل هو لسه عاوز هوت ماني؟
*️⃣ لو هو لسه عاوز هوت ماني بنفس الكثافة يبقى ميلعبش في الفايدة ويجيبهم يعملوا سبوبة القرن علينا... ولو اكتفينا بالـ 40 مليار دولار اللي عندنا هوت ماني بخلاف 24 مليار رأس الحكمة... وقولنا الاتفاقية مع السعودية هتضخ 15 مليار دولار؛ وكمان أمريكا بتخفض الفايدة فنقدر نقترض بالدولار مباشرة أرخص فمش عاوزين هوت ماني. فهنا نتوقع تخفيض الفايدة.
*️⃣ طبعاً أنا مع تيار التخفيض؛ أنا دايماً مع تيار التخفيض سواء المرة دي أو لأسباب شخصية أو حتى بيزنس؛ الفايدة العالية بتعمل بديل قوي في السوق لأي بيزنس. الناس تشتغل ليه والبنوك بتديها 30%؟ 🤔 عشان حرام؟ مش كل الناس شايفة كده وهتحط فلوسها.
*️⃣ لكن لو البنك المركزي خفض الفايدة ويطلع الأهلي ومصر يلغوا شهادات 30-25-20% بتاعتهم وشهادة 27% برضه ويخلوا أعلى شهادة 25% أو أقل... وبعد شوية يلغوها وينزلوا لـ 20% ثم 15%، ثم نعود لنهاية عصر مبارك والفايدة تحت 10% (ياااه على الأحلام وانت نايم مش متغطي 😂😂). فالناس هتلاقي البنوك مش جايبة همها فتنزل الفلوس للسوق وتشغل الشركات والاقتصاد... والمستريحين برضه اللي هيقولوا لهم 100% 😂😂.
*️⃣ مش هطول أكثر؛ النهاردة عالمغرب هنعرف الفايدة، ولو مخفضناش النهاردة يبقى بنسبة 99% هنخفض في 21 نوفمبر... المهم يكون هناك تخطيط بين الحكومة والمركزي؛ مينفعش المركزي يقلل الفايدة النهاردة والحكومة الأسبوع الجاي تزود 1.5 جنيه في البنزين فتزود له التضخم. ممكن نخفض الفايدة ونأخر زيادة البنزين، وكده كده حظنا حلو البترول محسوب بالموازنة على 82 دولار، بينما احنا حالياً عند 75 دولار، فممكن دا يشيل زيادة من الـ 5 زيادات المتفق عليهم مع الصندوق قبل نهاية 2025.
⬅️ توقعاتكم إيه بقى؛ هنتشجع ونخفض ولا خلينا عشان الهوت ماني؟؟
قاعد إمبارح بتعشى مع أصدقاء فبقولهم استشهاد السنوار دا ممكن يشيل 2 جنية في البنزين؛ واتريقنا عالحوار وروحنا بالليل ونمنا؛ صحينا لقينا زيادة البنزين 😭
*️⃣ المهم دلوقتي زيادة البنزين 92 بالظبط 1.5 جنية زي ما قولت لكم وال 95 زاد 2 جنية؛ للاسف للأسف دي ممكن تكون اخر زيادة 1.5 جنية 😔
*️⃣ يعني ممكن من يناير يزيد بنزين 92 من 15.25 الحالية ل 17 جنية؛ ثم في أبريل ل 19 جنية ثم يوليو 21 جنية ثم أكتوبر يبقي لتر 92 ب 23 جنية ولتر ال 95 ب 25 جنية😔 😔 ... وكل ما سبق بفرض ان البترول ميعديش 80 والدولار ميعديش 50... كسرهم هنكمل طريقنا للتر ب 30 جنية 😔 😔 .
*️⃣ بس للأمانة الحكومة ضحكت عليا؛ لما كنت بقابل أي حد بقوله زيادة البنزين استناها من بعد يوم 20 أكتوبر ؛ عملوها يوم 18 أكتوبر😭 😭 .
*️⃣ جهاز تنظيم الاتصالات يهدي شوية ويأخر الأسعار الجديدة لأول الشهر بقي مش عاوزين خبطة تانية في نفس الأسبوع 😔 وإن كان البنك المركزي قال في توقعاته إن التضخم هيقل بداية 2025؛ فممكن يكون هناك اتفاق غير معلن إن الحكومك تاخد قرارات زيادة كلها في 2024 فبووووم تاخد الخبطة مرة واحدة وفي 2025 يقل... ممكن والله أعلم.
⬅️⬅️ تحديث علي جنب:
*️⃣ وأنا بكتب البوست حالاً صديقي اللي كنت بتعشى معاه إمبارح اتصل بيا قالي البنزين زاد وتوقعاتك بتحصل بس ما تجرب مرة تتوقع لنا توقعات ايجابية 😂 خلي جواك طاقة إيجابية وقول أنا متوقع البنزين هيزيد بس هنقدر نشتريه؛ توقع إن هييجي لنا فلوس 😂😂 مش كله سلبي كده 😂.
⬅️⬅️⬅️ لجنة التسعير للوقود قررت إن اجتماعها القادم هيكون بعد 6 شهور يعني مفروض كده مفيش زيادة في يناير؛ خبر حلو اهووو. اهووووووو عشان متقولوش عليا بقول أخبار وحشة...
*️⃣ المهم دلوقتي زيادة البنزين 92 بالظبط 1.5 جنية زي ما قولت لكم وال 95 زاد 2 جنية؛ للاسف للأسف دي ممكن تكون اخر زيادة 1.5 جنية 😔
*️⃣ يعني ممكن من يناير يزيد بنزين 92 من 15.25 الحالية ل 17 جنية؛ ثم في أبريل ل 19 جنية ثم يوليو 21 جنية ثم أكتوبر يبقي لتر 92 ب 23 جنية ولتر ال 95 ب 25 جنية
*️⃣ بس للأمانة الحكومة ضحكت عليا؛ لما كنت بقابل أي حد بقوله زيادة البنزين استناها من بعد يوم 20 أكتوبر ؛ عملوها يوم 18 أكتوبر
*️⃣ جهاز تنظيم الاتصالات يهدي شوية ويأخر الأسعار الجديدة لأول الشهر بقي مش عاوزين خبطة تانية في نفس الأسبوع 😔 وإن كان البنك المركزي قال في توقعاته إن التضخم هيقل بداية 2025؛ فممكن يكون هناك اتفاق غير معلن إن الحكومك تاخد قرارات زيادة كلها في 2024 فبووووم تاخد الخبطة مرة واحدة وفي 2025 يقل... ممكن والله أعلم.
⬅️⬅️ تحديث علي جنب:
*️⃣ وأنا بكتب البوست حالاً صديقي اللي كنت بتعشى معاه إمبارح اتصل بيا قالي البنزين زاد وتوقعاتك بتحصل بس ما تجرب مرة تتوقع لنا توقعات ايجابية 😂 خلي جواك طاقة إيجابية وقول أنا متوقع البنزين هيزيد بس هنقدر نشتريه؛ توقع إن هييجي لنا فلوس 😂😂 مش كله سلبي كده 😂.
⬅️⬅️⬅️ لجنة التسعير للوقود قررت إن اجتماعها القادم هيكون بعد 6 شهور يعني مفروض كده مفيش زيادة في يناير؛ خبر حلو اهووو. اهووووووو عشان متقولوش عليا بقول أخبار وحشة...
Please open Telegram to view this post
VIEW IN TELEGRAM
مجرد رغي سريع عشان نفهم فكرة البنزين والسولار وليه بنسمع إنه عالميا بينزل ومحلياً بيزيد.
*️⃣ في البداية مفيش رقم رسمي دقيق معلن عن سعر البنزين المستهدف؛ والمبرر طبعا ان التكلفة متغيرة مع إن الموضوع سهل وهو نقول مثلا بنستهدف سعر 20 جنية عند سعر برميل 4000 جنية... وهنا مثلا اكن البرميل ب 80 والدولار ب 50؛ يروح البرميل طالع ل 85 والدولار ينزل 45 نضربهم في بعض نلاقي البرميل 3825 جنية يبقي كده رخص رغم ان سعر البرميل زاد لكن انخفاض الدولار شال الزيادة بزيادة...
*️⃣ في تصريح من المتحدث باسم وزارة البترول قال ان لسه مصر يتدعم البنزين ب 62 مليون جنية يومياً والسولار ب 265 مليون جنية يومياً ودا معناه دعم سنوي 120 مليار جنية ... طيب البنزين انهي مدعوم بكام واستهلاكنا منه كام مقالوش؛ طيب الارقام دي شاملة الضريبة ولا مش شاملة محدش عارف؛ طيب احدث ارقام الاستهلاك لمصر كام؟
*️⃣ حسب آخر ما أعلن مصر كانت بتستهلك يومي 25 مليون لتر بنزين و 40 مليون لتر سولار... يعني تقريباً نقدر نقول كده ان المسئول يقصد ان السعر الغير مدعوم هو 18 جنية لل 92 و 20 جنية للبنزين 95 وبرضك 20 جنية السولار وهنا سعر السولار زيادة شوية لكن ماشي نفترض صحة الكلام ودا كله حسب تصريحه وسعر البرميل برنت لحظة كتابة الاسطر دي ب 3555 جنية (برنت 73 والدولار 48.7).
*️⃣ طيب هنا ييجي سؤال بعض الناس وهو مش مصر يا بن سامي عندها بترول؟ مالنا ومال السعر العالمي بقي؟
*️⃣ رقم انتاج مصر غير معلن بشكل رسمي دقيق وهو رقم متغير وتراجع بشكل واضح مؤخراً؛ لكن الارقام بتدور حول 550-600 ألف برميل يومياً... الاستهلاك بقي متوسط 800 ألف برميل يومياً يعني مصر دولة مستهلكة وليس منتجة.
*️⃣ طيب هل معنى كده إن 75% من استهلاكنا مملوك لينا و 25% مستورد؟ الاجابة برضك لا لإن انتاجك نصه تقريبا بيكون للشريك الاجنبي اما حصته او استرداد تكاليف وغيره... يعني ال 600 اللي طالعين من عندنا منهم 300 مش بتوعنا. ومصر بتاخد ال 300 بتوع الشريك الاجنبي دول ونديله فلوسه بالسعر العالمي في النوتة وليك وهتاخد وعليا وهديك إن شاء الله.
*️⃣ يعني كده بتستهلك يوميا 800 الف منهم 500 الف بالسعر العالمي و 300 الف مملوكين للدولة والارقام بالتقريب للتسهيل... وهنا نروح بقي للنقطة الثانية؛ دا البرميل عاوزين نحوله بنزين.
*️⃣ مصر من قديم السنين وهي معندهاش قدرة تكرير تكفي كل الاستهلاك فكنا بنكرر شوية ونصدر الباقي خام ونرجع نستورده بنزين؛ وكان علي رأس الاستيراد بنزين 95.. في حاجة زي بنزين 80 دا انتاج محلي؛ غالباً عشان لو دوروا عليه بره مش هيلاقوه 😂😂...
*️⃣ المهم بقي مصر فضلت تصدر لغاية ما ما قطر افتتحت مركز تكرير مسطرد العملاق وقالوا وقتها انه مع نهاية توسعاته هيبقي ليه قدرة تكرير كامل انتاج مصر وكمان نستورد بترول خام ونكرره بحيث تبقي التكلفة أقل.
*️⃣ المهم يعني ممكن نقول ثلث البترول او اكثر بسيط بس بتاعنا والباقي مستورد وبعدين بتوديهم محطات التكرير وفي بعضهم لينا شريك أجنبي بياخد مننا رسوم تكرير.
*️⃣ المهم الخلاصة إحنا لسه عندنا البترول مدعوم للأسباب السابق ذكرها؛ والنهاردة رئيس الوزراء قال لو فضل البترول في معدلاته الحالية ال 73 دولار دي فدا هيخلي الدولة ترفع البنزين بوتيره أهدى من المخطط لها (يعني ويأكأننا هنستهدف 20 مش 22-24 كده 😁).
*️⃣ لكننا حتى الآن تسعيرنا كإن البترول ب 60 دولار مثلاً... فالناس تلاقي اخبار البترول نزل من 80 ل 73 ليه منزلش في مصر... حضرتك احنا محاسبينا انه ب 60 يعني 73 و 80 و 70 وكل الكلام دا فوق تكلفتنا.
*️⃣ هتقولي بس مرتباتنا؛ أيوا يعني وهما بيسعروا سعر خام برنت مثلا بيشوفوا مرتبات المصريين كام ويسعروا علي أساسها؟ لا خالص هما بيسعروا واللي ليه في الكحل يتكحل واللي معهوش ميلزموش... واحنا خلاص بقي معناش 😭😭.
*️⃣ في البداية مفيش رقم رسمي دقيق معلن عن سعر البنزين المستهدف؛ والمبرر طبعا ان التكلفة متغيرة مع إن الموضوع سهل وهو نقول مثلا بنستهدف سعر 20 جنية عند سعر برميل 4000 جنية... وهنا مثلا اكن البرميل ب 80 والدولار ب 50؛ يروح البرميل طالع ل 85 والدولار ينزل 45 نضربهم في بعض نلاقي البرميل 3825 جنية يبقي كده رخص رغم ان سعر البرميل زاد لكن انخفاض الدولار شال الزيادة بزيادة...
*️⃣ في تصريح من المتحدث باسم وزارة البترول قال ان لسه مصر يتدعم البنزين ب 62 مليون جنية يومياً والسولار ب 265 مليون جنية يومياً ودا معناه دعم سنوي 120 مليار جنية ... طيب البنزين انهي مدعوم بكام واستهلاكنا منه كام مقالوش؛ طيب الارقام دي شاملة الضريبة ولا مش شاملة محدش عارف؛ طيب احدث ارقام الاستهلاك لمصر كام؟
*️⃣ حسب آخر ما أعلن مصر كانت بتستهلك يومي 25 مليون لتر بنزين و 40 مليون لتر سولار... يعني تقريباً نقدر نقول كده ان المسئول يقصد ان السعر الغير مدعوم هو 18 جنية لل 92 و 20 جنية للبنزين 95 وبرضك 20 جنية السولار وهنا سعر السولار زيادة شوية لكن ماشي نفترض صحة الكلام ودا كله حسب تصريحه وسعر البرميل برنت لحظة كتابة الاسطر دي ب 3555 جنية (برنت 73 والدولار 48.7).
*️⃣ طيب هنا ييجي سؤال بعض الناس وهو مش مصر يا بن سامي عندها بترول؟ مالنا ومال السعر العالمي بقي؟
*️⃣ رقم انتاج مصر غير معلن بشكل رسمي دقيق وهو رقم متغير وتراجع بشكل واضح مؤخراً؛ لكن الارقام بتدور حول 550-600 ألف برميل يومياً... الاستهلاك بقي متوسط 800 ألف برميل يومياً يعني مصر دولة مستهلكة وليس منتجة.
*️⃣ طيب هل معنى كده إن 75% من استهلاكنا مملوك لينا و 25% مستورد؟ الاجابة برضك لا لإن انتاجك نصه تقريبا بيكون للشريك الاجنبي اما حصته او استرداد تكاليف وغيره... يعني ال 600 اللي طالعين من عندنا منهم 300 مش بتوعنا. ومصر بتاخد ال 300 بتوع الشريك الاجنبي دول ونديله فلوسه بالسعر العالمي في النوتة وليك وهتاخد وعليا وهديك إن شاء الله.
*️⃣ يعني كده بتستهلك يوميا 800 الف منهم 500 الف بالسعر العالمي و 300 الف مملوكين للدولة والارقام بالتقريب للتسهيل... وهنا نروح بقي للنقطة الثانية؛ دا البرميل عاوزين نحوله بنزين.
*️⃣ مصر من قديم السنين وهي معندهاش قدرة تكرير تكفي كل الاستهلاك فكنا بنكرر شوية ونصدر الباقي خام ونرجع نستورده بنزين؛ وكان علي رأس الاستيراد بنزين 95.. في حاجة زي بنزين 80 دا انتاج محلي؛ غالباً عشان لو دوروا عليه بره مش هيلاقوه 😂😂...
*️⃣ المهم بقي مصر فضلت تصدر لغاية ما ما قطر افتتحت مركز تكرير مسطرد العملاق وقالوا وقتها انه مع نهاية توسعاته هيبقي ليه قدرة تكرير كامل انتاج مصر وكمان نستورد بترول خام ونكرره بحيث تبقي التكلفة أقل.
*️⃣ المهم يعني ممكن نقول ثلث البترول او اكثر بسيط بس بتاعنا والباقي مستورد وبعدين بتوديهم محطات التكرير وفي بعضهم لينا شريك أجنبي بياخد مننا رسوم تكرير.
*️⃣ المهم الخلاصة إحنا لسه عندنا البترول مدعوم للأسباب السابق ذكرها؛ والنهاردة رئيس الوزراء قال لو فضل البترول في معدلاته الحالية ال 73 دولار دي فدا هيخلي الدولة ترفع البنزين بوتيره أهدى من المخطط لها (يعني ويأكأننا هنستهدف 20 مش 22-24 كده 😁).
*️⃣ لكننا حتى الآن تسعيرنا كإن البترول ب 60 دولار مثلاً... فالناس تلاقي اخبار البترول نزل من 80 ل 73 ليه منزلش في مصر... حضرتك احنا محاسبينا انه ب 60 يعني 73 و 80 و 70 وكل الكلام دا فوق تكلفتنا.
*️⃣ هتقولي بس مرتباتنا؛ أيوا يعني وهما بيسعروا سعر خام برنت مثلا بيشوفوا مرتبات المصريين كام ويسعروا علي أساسها؟ لا خالص هما بيسعروا واللي ليه في الكحل يتكحل واللي معهوش ميلزموش... واحنا خلاص بقي معناش 😭😭.
وزارة الاسكان غيرت تعريف (محدود الدخل) ليصبح الذي لا يتجاوز دخله 15 ألف جنية للأسرة أو 12 ألف للفرد.
*️⃣ كمان عدلت تعريف (متوسط الدخل) ليصبح اللي دخل الأسرة من 15 الي 25 ألف جنية؛ ولو فرد يبقي 20 ألف شهري.
ملحوظة بس التعريفات دي عشان التقديم على الشقق؛ لكن الدولة لا تعترف بالارقام دي... وطبقاً لآخر تعديل ضريبي فالاعفاء هو ل 60 ألف دخل سنوي (يعني 5 الاف شهري) يعني اللي دخله تحت 5 الاف مش بيدفع ضرايب واللي دخله فوق 5 الاف بيدفع علي اللي فوق ال 5 دول ضرايب ومعفي أول 5 الاف.. يعني الدولة شايفه ان فوق 5 الاف خلاص انتا بقيت برنس ومرتبك حلو ناخد منه ضرايب 😂😂
*️⃣ كمان عدلت تعريف (متوسط الدخل) ليصبح اللي دخل الأسرة من 15 الي 25 ألف جنية؛ ولو فرد يبقي 20 ألف شهري.
ملحوظة بس التعريفات دي عشان التقديم على الشقق؛ لكن الدولة لا تعترف بالارقام دي... وطبقاً لآخر تعديل ضريبي فالاعفاء هو ل 60 ألف دخل سنوي (يعني 5 الاف شهري) يعني اللي دخله تحت 5 الاف مش بيدفع ضرايب واللي دخله فوق 5 الاف بيدفع علي اللي فوق ال 5 دول ضرايب ومعفي أول 5 الاف.. يعني الدولة شايفه ان فوق 5 الاف خلاص انتا بقيت برنس ومرتبك حلو ناخد منه ضرايب 😂😂
السلام عليكم
*️⃣ مطلوب لشركتي محاسب حديث التخرج؛ لا يشترط الخبرة، ولكن إذا كانت هناك خبرة بسيطة سيكون ذلك جيدًا... العمل سيكون من مقر الشركة في مدينة نصر، لذلك يفضل أن يكون المتقدم من المناطق المحيطة مثل مدينة نصر، مصر الجديدة، العباسية، التجمع، وما شابه، حتى لا يكون مشوار العمل اليومي عبئًا من حيث الوقت والمال على المتقدم...
*️⃣ أعتذر عن عدم النظر في الطلبات من العناوين البعيدة، وذلك بناءً على تجارب السنوات الماضية حيث يحدث دائمًا أنه بعد شهرين أو ثلاثة يبدأ الشخص في التململ من المشوار، على الرغم من أن عنوان الشركة لم يتغير... فحماس البدايات خاصةً لدى الشباب جميل، لكنني جربته بما فيه الكفاية.
لمن يهتم، يوجد نموذج جوجل فورم بسيط للتقديم:
https://forms.gle/bSKTmByeXY4aCjecA
⬅️⬅️⬅️ خليت أخونا ChatGPT يحسن لغة البوست لأول مرة فشال كلمات زي يفرهد مننا 😂 وشال شبعت منه خلاها جربته بما فيه الكفاية... وقالي دا بوست عمل خلي الصيغة رسمية 😁😁.
⬅️⬅️ ابعت علي اللينك مش تعليقات هنا
*️⃣ مطلوب لشركتي محاسب حديث التخرج؛ لا يشترط الخبرة، ولكن إذا كانت هناك خبرة بسيطة سيكون ذلك جيدًا... العمل سيكون من مقر الشركة في مدينة نصر، لذلك يفضل أن يكون المتقدم من المناطق المحيطة مثل مدينة نصر، مصر الجديدة، العباسية، التجمع، وما شابه، حتى لا يكون مشوار العمل اليومي عبئًا من حيث الوقت والمال على المتقدم...
*️⃣ أعتذر عن عدم النظر في الطلبات من العناوين البعيدة، وذلك بناءً على تجارب السنوات الماضية حيث يحدث دائمًا أنه بعد شهرين أو ثلاثة يبدأ الشخص في التململ من المشوار، على الرغم من أن عنوان الشركة لم يتغير... فحماس البدايات خاصةً لدى الشباب جميل، لكنني جربته بما فيه الكفاية.
لمن يهتم، يوجد نموذج جوجل فورم بسيط للتقديم:
https://forms.gle/bSKTmByeXY4aCjecA
⬅️⬅️⬅️ خليت أخونا ChatGPT يحسن لغة البوست لأول مرة فشال كلمات زي يفرهد مننا 😂 وشال شبعت منه خلاها جربته بما فيه الكفاية... وقالي دا بوست عمل خلي الصيغة رسمية 😁😁.
⬅️⬅️ ابعت علي اللينك مش تعليقات هنا
إيه يا جدعان، هي الناس ليه شغالة شتيمة في صندوق النقد؟ دي الولية رئيسة الصندوق اهي النهاردة طلعت طيبة وقالت: "هاجي مصر بعد 10 أيام أشوف بنفسي وضعهم الاقتصادي الصعب وعينيّا ليهم، وممكن نعدل لهم البرنامج عشان خاطر عيونكم." (قالت حرفيًا "What is the best to serve the People"). شايفين الطيبة والحنية من الأخت كريستينا 😍 😍 😍 ...
*️⃣ الناس قاعدين في نيويورك بياكلوا ستيك واجيو في حالهم، جات لهم مصر قالت لهم عايزين قرض، قالوا لها: هتسدي منين؟ قالت لهم: هشيل الدعم عن الشعب وأوفر فلوس أسدد منها. الصندوق قال: خلاص ماشي نفذي واحنا هنتابع معاكِ. روحنا شلنا الدعم وقلنا الصندوق هو اللي قالنا شيلوه 😂😂. هو الوحش هو السبب، والصندوق يحلف (والله ما أنا، دي أختشي مني)، هو أنا جيت لكم مصر ولا أنتم اللي جيتوا لي نيويورك تطلبوا مني قرض؟ سبقني وبكى ورفع البنزين واشتكى صحيح 😂😂. خلاص يا عم، هنجي لك نشوفك زعلان من إيه وعنيّا ليك، ما أنت متوصي عليك من الحبايب ومنقدرش نزعلك...
*️⃣ أنا بقول إن رئيسة الصندوق دي ست كبيرة عندها 71 سنة. إحنا نجيبها عندنا ونوديها الأهرامات الظهر في الشمس تفرهد مننا، ولو لسه فيها حيل نوديها الحسين ونأكلها في مسمط 😁. وهي مفرهدة، نمضيها تنازل على القروض القديمة 😂😂😂. وبعدين كلها كام يوم ومحمد معيط، وزير المالية السابق، هيروح يقعد جنبها في الصندوق كممثل لمصر والدول العربية، وهي كل ما تقوله: هتعملوا إيه يا معيط؟ هيقولها: "نستلف تاني"، فتزهق مننا وتسلفنا تاني 😁😁.
*️⃣ البوست للدعابة أكيد واضح، بس حاليًا في توجه من مصر والصندوق برضك إنهم يهدوا علينا شوية؛ يعني اللي مفروض يحصل فينا في 2025 نخليه على سنتين مثلًا. وإن كان كريستينا قالت اليوم في تصريحها "خير الخازوق عاجله"، أقصد قالت "الأحسن تعملوا الإصلاح كله مرة واحدة بسرعة عشان نخلص". لكن واضح من طريقتها إنها بتنصح، لكن مش مصرة؛ هنروح من الصندوق فين؟ دا إحنا زباينه وهو عارف، فمش مستعجل علينا ما إحنا راجعين راجعين 😂😂.
*️⃣ الخلاصة: ممكن فعلًا الدولة تهدي وتيرة الإصلاح وما يبقاش بالقسوة اللي كانت متوقعة. مثلًا، في 19 سلعة كانوا معفيين من القيمة المضافة وكنا متفقين مع الصندوق يتحط عليهم الشهر الجاي، فممكن نخليهم 2-3 بس، وكل كام شهر 2 كده بلاش خبطة واحدة. فالخبر الكويس إن سرعة "الخبورة" هتقل 🫣🫣.
⬅️⬅️ خبر حلو أهو ولا مش حلو يا متعلمين يا بتوع المدارس 😁😁❤️❤️.
*️⃣ الناس قاعدين في نيويورك بياكلوا ستيك واجيو في حالهم، جات لهم مصر قالت لهم عايزين قرض، قالوا لها: هتسدي منين؟ قالت لهم: هشيل الدعم عن الشعب وأوفر فلوس أسدد منها. الصندوق قال: خلاص ماشي نفذي واحنا هنتابع معاكِ. روحنا شلنا الدعم وقلنا الصندوق هو اللي قالنا شيلوه 😂😂. هو الوحش هو السبب، والصندوق يحلف (والله ما أنا، دي أختشي مني)، هو أنا جيت لكم مصر ولا أنتم اللي جيتوا لي نيويورك تطلبوا مني قرض؟ سبقني وبكى ورفع البنزين واشتكى صحيح 😂😂. خلاص يا عم، هنجي لك نشوفك زعلان من إيه وعنيّا ليك، ما أنت متوصي عليك من الحبايب ومنقدرش نزعلك...
*️⃣ أنا بقول إن رئيسة الصندوق دي ست كبيرة عندها 71 سنة. إحنا نجيبها عندنا ونوديها الأهرامات الظهر في الشمس تفرهد مننا، ولو لسه فيها حيل نوديها الحسين ونأكلها في مسمط 😁. وهي مفرهدة، نمضيها تنازل على القروض القديمة 😂😂😂. وبعدين كلها كام يوم ومحمد معيط، وزير المالية السابق، هيروح يقعد جنبها في الصندوق كممثل لمصر والدول العربية، وهي كل ما تقوله: هتعملوا إيه يا معيط؟ هيقولها: "نستلف تاني"، فتزهق مننا وتسلفنا تاني 😁😁.
*️⃣ البوست للدعابة أكيد واضح، بس حاليًا في توجه من مصر والصندوق برضك إنهم يهدوا علينا شوية؛ يعني اللي مفروض يحصل فينا في 2025 نخليه على سنتين مثلًا. وإن كان كريستينا قالت اليوم في تصريحها "خير الخازوق عاجله"، أقصد قالت "الأحسن تعملوا الإصلاح كله مرة واحدة بسرعة عشان نخلص". لكن واضح من طريقتها إنها بتنصح، لكن مش مصرة؛ هنروح من الصندوق فين؟ دا إحنا زباينه وهو عارف، فمش مستعجل علينا ما إحنا راجعين راجعين 😂😂.
*️⃣ الخلاصة: ممكن فعلًا الدولة تهدي وتيرة الإصلاح وما يبقاش بالقسوة اللي كانت متوقعة. مثلًا، في 19 سلعة كانوا معفيين من القيمة المضافة وكنا متفقين مع الصندوق يتحط عليهم الشهر الجاي، فممكن نخليهم 2-3 بس، وكل كام شهر 2 كده بلاش خبطة واحدة. فالخبر الكويس إن سرعة "الخبورة" هتقل 🫣🫣.
⬅️⬅️ خبر حلو أهو ولا مش حلو يا متعلمين يا بتوع المدارس 😁😁❤️❤️.
Please open Telegram to view this post
VIEW IN TELEGRAM
إيه بقي قصة تسجيل ال IMEI واشاعة ال White List وقفل الموبايلات الدولي.
*️⃣ الأسابيع الأخيرة في اشاعة متزايدة في مجال الموبايل عن موضوع قفل الموبايلات الدولي؛ والجرايد اتكلمت عن الموضوع نفسه زي جريدة المال وغيرها إن مصر هتبدأ إجراءات لمكافحة تهريب الأجهزة باستخدام نقطة تسجيل الهواتف... فتعالوا نعرف ايه القصة.
*️⃣ مصر دولة بتستهلك سنوياً 20+ مليون هاتف؛ ومنذ سنتين مصر توقفت عن تدبير الدولار لاستيراد الهواتف نتيجة لدا بقت التليفونات بتدخل مصر تهريب فقط تقريباً ودي مش مبالغات؛ كفاية تبص علي تقرير الجهاز المركزي بخصوص استيراد الهواتف اللي أتكلم في 2023 عن تراجع 99.6% في واردات الموبايل 😂 واخد بالك من النسبة؛ تقريبا بقي صفر كده.
*️⃣ في 2023 قالوا ان اول 5 شهور مصر استوردت هواتف ب 1.23 مليون دولار مقابل نفس ال 5 شهور في 2022 كانوا 339 مليون دولار (اصلا ال 5 شهور بتوع 2022 فيه حظر يعني كان رقم قليل اصلا عن الطبيعي) وعشان تتخيل التراجع نضرب مثال بشهر مايو...
مايو 2019 كانت 139 مليون دولار.
مايو 2020 كورونا كانت 56 مليون دولار.
مايو 2021 كانت 145 مليون دولار
مايو 2022 كانت 13 مليون دولار.
مايو 2023 كانت 0.41 مليون دولار.
مايو 2024 بقت 0.3 مليون دولار.
*️⃣ واخد بالك انتا من حجم التراجع؛ من 139 مليون دولار الي 0.3 مليون دولار 😂 لكن تنزل السوق تلاقي مفيش خالص اختفاء للهواتف بل موجودة عادي؛ يبقي الموضوع بقي انها بتدخل بشكل غير رسمي... فمن هنا الدولة بتدرس موضوع مكافحة الدولي دا او التهريب.
*️⃣ يعني ممكن نقول حجم تجارة الهواتف في مصر سنوي يزيد عن 1.5 مليار دولار كل دا بقي مهرب مفيش رسمي منه؛ كل دا مش بيدفع ضرايب ولا رسوم للدولة اللي بتوصل ل 25% يبقي بند الهواتف المهربة لوحده يعمل ايراد للدولة يوصل 20 مليار جنية. طيب الدولة تعمل اييه🤔 🤔 .
*️⃣ فلاش باك ل 2020 كنت كتبت بوست وقتها (كان كل اللي متابعني وقتها 7 الاف فهعتبر محدش فاكره وهعيد الشرح) شرحت عن قرار للدولة بفرض 5% رسوم علي واردات الهواتف تحت اسم رسوم حكومة وتسجيل IMEI بحيث كل تليقون يدخل مصر فالمستورد هيسجل رقم التسلسلي او اعتبره السريال بتاع الموبايل في جهاز تنظيم الاتصالات NTRA
*️⃣ الفكرة باختصار وهي مطبقة في تركيا والاردن وباكستان والهند ونيجيريا وغيرهم؛ كل موبايل داخل رسمي هنسجل بياناته وتتبعت لشركات الاتصالات؛ التليفونات دي بس اللي من حقها تدخل عالشبكات المصرية.
*️⃣ دلوقتي واحد جاب من محل تليفون مهرب؛ أو جابه مع صديق نازل من بره حطه في جيبه؛ أو أي كانت الطريقة الغير رسمية؛ او سايح نازل مصر او مصري شغال في الخليج نزل مصر بالصيف؛ يتحط شريحة مصرية في الموبايل فتيجي له رسالة تقوله اهلا بيك يا برنس الليالي في أم الدنيا؛ موبايلك شغال معانا لمدة (90 او 120 يوم مثلاً) أكثر منها هيقف... مهو مش طبيعي سايح ولا مصري شغال بالخليج هيقعد اكثر من 3 او 4 شهور في مصر 😂.
*️⃣ فالموبايلات الغير مسجلة هتدخل عالشبكة بحيث منمنعش السياح اكيد ولا مصري نازل اجازة في الصيف نقوله موبايل مش هيشتغل في مصر؛ مش منطقي طبعاً؛ فبيكون في فترة ما عادة في الدول 90 أو 120 بعدها الشبكة بتفصل عن الموبايل وخلاص مش هيشتغل علي الشبكات في مصر... طيب ايه الحل؟
*️⃣ بيكون في موقع مخصص للدولة بتدخل عليه تكتب رقم السريال و IMEI بتاع تليفونك يقولك عليك رسوم كذا تدفعها فموبايلك يتضاف ك رقم مسجل خلاص في الشبكة ويشتغل عادي ما انتا دافع بقى.
*️⃣ الرسوم دي كام؟ محدش عارف؛ لكن في دول بتفرض الرسوم الجمركية التقليدية؛ اديني رسومي يا معلم واستخدم جهازك؛ لكن في دول زي تركيا بتفرض رسوم عقابية يعني رسوم تسجيل موبايل فيها تساوي 31,692 ليرة تركي يعني 45 ألف جنية مصري أو 925 دولار يعني مقابل تسجيل التليفون؛ يعني رسوم التسجيل أكثر من سعر الموبايل دا عقاباً ليك؛ ممنوع تدخل موبايل الدولة بدون الطرق الرسمية؛ الارخص لك تشتري من البلد متلفش من ورانا... مصر هتطبق إيه محدش عارف.
*️⃣ طيب هل مصر هتطبق السيستم دا؟ محدش عارف بس في إشاعات قوية انه هيتطبق بداية السنة؛ وخاصة في حالة تذمر كبيرة وسط المصانع؛ يعني في شركات زي سامسونج وشاومي فتحوا مصانع في مصر فمن مصلحتهم الدولي يختفي... بالمناسبة أوبو قالت هتفتح مصنعها في شهر ديسمبر فدا يعزز ان يناير ممكن القرار يتطبق.
*️⃣ طيب الدول اللي القرار اتطبق فيها هل لقوا ثغرات؛ عمليا لا مفيش ثغرات لكن في تحايل؛ يعني في دول بتسمح لك 90 يوم متواصل عالشبكة؛ فكل 90 يوم تبعت الموبايل بره البلد وبعدين ترجعه تاني 😂 ؛ وفي ناس بتروح تهكر التليفون وتغير رقم IMEI بتاعه لرقم بتاع تليفون تاني موجود بالفعل في البلد؛ يعني يروح يجيب موبايل قديم مستعمل مثلا ب 3 الاف جنية وياخد بواسطة برامج معينة رقم IMEI بتاعه ويحطه علي تليفونه ابو 50 الف جنية... لكن دا مش حل عملي فلا يمكن يتنفذ علي كل الهواتف وكمان هتفقد الضمان
*️⃣ الأسابيع الأخيرة في اشاعة متزايدة في مجال الموبايل عن موضوع قفل الموبايلات الدولي؛ والجرايد اتكلمت عن الموضوع نفسه زي جريدة المال وغيرها إن مصر هتبدأ إجراءات لمكافحة تهريب الأجهزة باستخدام نقطة تسجيل الهواتف... فتعالوا نعرف ايه القصة.
*️⃣ مصر دولة بتستهلك سنوياً 20+ مليون هاتف؛ ومنذ سنتين مصر توقفت عن تدبير الدولار لاستيراد الهواتف نتيجة لدا بقت التليفونات بتدخل مصر تهريب فقط تقريباً ودي مش مبالغات؛ كفاية تبص علي تقرير الجهاز المركزي بخصوص استيراد الهواتف اللي أتكلم في 2023 عن تراجع 99.6% في واردات الموبايل 😂 واخد بالك من النسبة؛ تقريبا بقي صفر كده.
*️⃣ في 2023 قالوا ان اول 5 شهور مصر استوردت هواتف ب 1.23 مليون دولار مقابل نفس ال 5 شهور في 2022 كانوا 339 مليون دولار (اصلا ال 5 شهور بتوع 2022 فيه حظر يعني كان رقم قليل اصلا عن الطبيعي) وعشان تتخيل التراجع نضرب مثال بشهر مايو...
مايو 2019 كانت 139 مليون دولار.
مايو 2020 كورونا كانت 56 مليون دولار.
مايو 2021 كانت 145 مليون دولار
مايو 2022 كانت 13 مليون دولار.
مايو 2023 كانت 0.41 مليون دولار.
مايو 2024 بقت 0.3 مليون دولار.
*️⃣ واخد بالك انتا من حجم التراجع؛ من 139 مليون دولار الي 0.3 مليون دولار 😂 لكن تنزل السوق تلاقي مفيش خالص اختفاء للهواتف بل موجودة عادي؛ يبقي الموضوع بقي انها بتدخل بشكل غير رسمي... فمن هنا الدولة بتدرس موضوع مكافحة الدولي دا او التهريب.
*️⃣ يعني ممكن نقول حجم تجارة الهواتف في مصر سنوي يزيد عن 1.5 مليار دولار كل دا بقي مهرب مفيش رسمي منه؛ كل دا مش بيدفع ضرايب ولا رسوم للدولة اللي بتوصل ل 25% يبقي بند الهواتف المهربة لوحده يعمل ايراد للدولة يوصل 20 مليار جنية. طيب الدولة تعمل اييه
*️⃣ فلاش باك ل 2020 كنت كتبت بوست وقتها (كان كل اللي متابعني وقتها 7 الاف فهعتبر محدش فاكره وهعيد الشرح) شرحت عن قرار للدولة بفرض 5% رسوم علي واردات الهواتف تحت اسم رسوم حكومة وتسجيل IMEI بحيث كل تليقون يدخل مصر فالمستورد هيسجل رقم التسلسلي او اعتبره السريال بتاع الموبايل في جهاز تنظيم الاتصالات NTRA
*️⃣ الفكرة باختصار وهي مطبقة في تركيا والاردن وباكستان والهند ونيجيريا وغيرهم؛ كل موبايل داخل رسمي هنسجل بياناته وتتبعت لشركات الاتصالات؛ التليفونات دي بس اللي من حقها تدخل عالشبكات المصرية.
*️⃣ دلوقتي واحد جاب من محل تليفون مهرب؛ أو جابه مع صديق نازل من بره حطه في جيبه؛ أو أي كانت الطريقة الغير رسمية؛ او سايح نازل مصر او مصري شغال في الخليج نزل مصر بالصيف؛ يتحط شريحة مصرية في الموبايل فتيجي له رسالة تقوله اهلا بيك يا برنس الليالي في أم الدنيا؛ موبايلك شغال معانا لمدة (90 او 120 يوم مثلاً) أكثر منها هيقف... مهو مش طبيعي سايح ولا مصري شغال بالخليج هيقعد اكثر من 3 او 4 شهور في مصر 😂.
*️⃣ فالموبايلات الغير مسجلة هتدخل عالشبكة بحيث منمنعش السياح اكيد ولا مصري نازل اجازة في الصيف نقوله موبايل مش هيشتغل في مصر؛ مش منطقي طبعاً؛ فبيكون في فترة ما عادة في الدول 90 أو 120 بعدها الشبكة بتفصل عن الموبايل وخلاص مش هيشتغل علي الشبكات في مصر... طيب ايه الحل؟
*️⃣ بيكون في موقع مخصص للدولة بتدخل عليه تكتب رقم السريال و IMEI بتاع تليفونك يقولك عليك رسوم كذا تدفعها فموبايلك يتضاف ك رقم مسجل خلاص في الشبكة ويشتغل عادي ما انتا دافع بقى.
*️⃣ الرسوم دي كام؟ محدش عارف؛ لكن في دول بتفرض الرسوم الجمركية التقليدية؛ اديني رسومي يا معلم واستخدم جهازك؛ لكن في دول زي تركيا بتفرض رسوم عقابية يعني رسوم تسجيل موبايل فيها تساوي 31,692 ليرة تركي يعني 45 ألف جنية مصري أو 925 دولار يعني مقابل تسجيل التليفون؛ يعني رسوم التسجيل أكثر من سعر الموبايل دا عقاباً ليك؛ ممنوع تدخل موبايل الدولة بدون الطرق الرسمية؛ الارخص لك تشتري من البلد متلفش من ورانا... مصر هتطبق إيه محدش عارف.
*️⃣ طيب هل مصر هتطبق السيستم دا؟ محدش عارف بس في إشاعات قوية انه هيتطبق بداية السنة؛ وخاصة في حالة تذمر كبيرة وسط المصانع؛ يعني في شركات زي سامسونج وشاومي فتحوا مصانع في مصر فمن مصلحتهم الدولي يختفي... بالمناسبة أوبو قالت هتفتح مصنعها في شهر ديسمبر فدا يعزز ان يناير ممكن القرار يتطبق.
*️⃣ طيب الدول اللي القرار اتطبق فيها هل لقوا ثغرات؛ عمليا لا مفيش ثغرات لكن في تحايل؛ يعني في دول بتسمح لك 90 يوم متواصل عالشبكة؛ فكل 90 يوم تبعت الموبايل بره البلد وبعدين ترجعه تاني 😂 ؛ وفي ناس بتروح تهكر التليفون وتغير رقم IMEI بتاعه لرقم بتاع تليفون تاني موجود بالفعل في البلد؛ يعني يروح يجيب موبايل قديم مستعمل مثلا ب 3 الاف جنية وياخد بواسطة برامج معينة رقم IMEI بتاعه ويحطه علي تليفونه ابو 50 الف جنية... لكن دا مش حل عملي فلا يمكن يتنفذ علي كل الهواتف وكمان هتفقد الضمان
Please open Telegram to view this post
VIEW IN TELEGRAM
*️⃣ طيب الدول اللي بتطبق القرار دا بتطبقه إزاي؟ في البداية كده بتعلن بشكل واضح عن القرار وموعد التنفيذ وكل التفاصيل دي... ثانيا بيعملوا موقع تفحص فيه IMEI يعني انتا رايح محل تشتري اي فون مثلا فتعرف منين دا داخل مصر رسمي ولا تهريب (99.9% من الاي فون 14 و 15 و 16 في مصر متهرب) فبيكون في موقع تدخل تكتب ال IMEI او السريال اللي عالعلبة في الموقع فيقولك تمام التليفون دا شغال؛ او يقولك لا دا مش مسجل فتبقي عارف وانتا بتشتري دا هيقف بعد 3 شهور وتدفع رسوم ولا خلاص فل شغال.
*️⃣ هنا ييجي السؤال وهو؛ تليفوني الدولي الحالي هيقف يعني؟ فعليا لا؛ لان مثلاً مصر هتنفذ يوم 1 يناير؛ فمفروض رسمي اي تليفون دخل فيه شريحة مصري قبل 1 يناير خلاص عالشبكة براءة؛ الجديد اللي لسه مدخلش هو اللي فيه المشكلة.
⬅️⬅️⬅️ طبعاً كررتها كثير؛ لا في قرار معلن ان مصر هتطبق الموضوع دا؛ ولا موضوع 1 يناير دا مجرد مثال للشرح؛ اصلا المشروع بتاع قفل IMEI دا من 2020 ولسه متنفذش لأسباب مينفعش نقولها 😁🫣🫣 فممكن الأسباب دي تستمر ل 2025 والفكرة متتنفذش عادي انتا في مصر.
*️⃣ لكن الأكيد دلوقتي ان مصر عندها مشاكل مع الاستيراد ككل؛ الموبايلات مجال ضمن ال 12 مجال المغضوب عليهم والمعلنين مسبقاً فهياخدوا قرارات وقيود لإننا بنهدر فلوسنا فيهم ك شعب من وجهة نظر الدولة؛ فاللي عاوزهم بقي يشخلل عشان يعدي... الموبايلات والعربيات والتلفزيونات والاجهزة المنزلية والملابس الجاهزة المستوردة ولعب الاطفال وغيرهم. وعلى فكره في برضك شوية قيود غير رسمية في مجال الكومبيوتر لكنها أقل حدة من مجال الموبايل اللي هيتحط عليه قيود عنيفة.
*️⃣ قبل ما تحبط بفكرك إننا دولة عالم ثالث يعني دايما في ثغرات بقصد أو بدون قصد 😂😂 فالأمل في الثغرة.
*️⃣ هنا ييجي السؤال وهو؛ تليفوني الدولي الحالي هيقف يعني؟ فعليا لا؛ لان مثلاً مصر هتنفذ يوم 1 يناير؛ فمفروض رسمي اي تليفون دخل فيه شريحة مصري قبل 1 يناير خلاص عالشبكة براءة؛ الجديد اللي لسه مدخلش هو اللي فيه المشكلة.
⬅️⬅️⬅️ طبعاً كررتها كثير؛ لا في قرار معلن ان مصر هتطبق الموضوع دا؛ ولا موضوع 1 يناير دا مجرد مثال للشرح؛ اصلا المشروع بتاع قفل IMEI دا من 2020 ولسه متنفذش لأسباب مينفعش نقولها 😁🫣🫣 فممكن الأسباب دي تستمر ل 2025 والفكرة متتنفذش عادي انتا في مصر.
*️⃣ لكن الأكيد دلوقتي ان مصر عندها مشاكل مع الاستيراد ككل؛ الموبايلات مجال ضمن ال 12 مجال المغضوب عليهم والمعلنين مسبقاً فهياخدوا قرارات وقيود لإننا بنهدر فلوسنا فيهم ك شعب من وجهة نظر الدولة؛ فاللي عاوزهم بقي يشخلل عشان يعدي... الموبايلات والعربيات والتلفزيونات والاجهزة المنزلية والملابس الجاهزة المستوردة ولعب الاطفال وغيرهم. وعلى فكره في برضك شوية قيود غير رسمية في مجال الكومبيوتر لكنها أقل حدة من مجال الموبايل اللي هيتحط عليه قيود عنيفة.
*️⃣ قبل ما تحبط بفكرك إننا دولة عالم ثالث يعني دايما في ثغرات بقصد أو بدون قصد 😂😂 فالأمل في الثغرة.
جزء مقصوص من البوست بتاع إمبارح وموضوع تسجيل ال IMEI وقفل الدولي وكده.
تعرفوا إن المتعارف عليه عالمياً في الموبايلات
1️⃣ موبايل اقتصادي ودا يعني لغاية 200 دولار
2️⃣ موبايل متوسط ودا يعني من 200 ل 400 دولار او 500 دولار
3️⃣ فئة عليا يعني فوق 400/500 دولار 😂😂 وعادة أبل بتسيطر علي 60-70% من مبيعات الفئة العليا دي عالمياً.
*️⃣ تخيل كده شعور المصري وهو بيتقاله موبايل فئة اقتصادية ب 9 الاف جنية 😂 ؛ ولا موبايل متوسط ب 17 ألف جنية... احنا بقينا غلابة قوي. أنا فاكر يوم 31 ديسمير 2008 اشتريت الاي فون 3G ب 3900 جنية 😂 وفي يونيو 2012 اشتريت 4s ب 4500 جنية... اااه يا زمن (طبعا الدولار في الوقت دا كان 5.5/6 جنية).
*️⃣ عالعموم فعلياً بقي في مصر الاقتصادي دا في السوق في مصر حالياً صناعة محلي أو غالبيته رسمي... المتوسط غالبيته متهرب وقليل رسمي... الفئة العليا بقى كله متهرب كله.
*️⃣ ما سبق دا كان جزء من البوست السابق لةن اللي فات كان طويل قوي فقولت أشيل الجزئية دي عشان أقصره شوية؛ كل ما يطول فالناس اللي بتقرأ بتقل.
تعرفوا إن المتعارف عليه عالمياً في الموبايلات
1️⃣ موبايل اقتصادي ودا يعني لغاية 200 دولار
2️⃣ موبايل متوسط ودا يعني من 200 ل 400 دولار او 500 دولار
3️⃣ فئة عليا يعني فوق 400/500 دولار 😂😂 وعادة أبل بتسيطر علي 60-70% من مبيعات الفئة العليا دي عالمياً.
*️⃣ تخيل كده شعور المصري وهو بيتقاله موبايل فئة اقتصادية ب 9 الاف جنية 😂 ؛ ولا موبايل متوسط ب 17 ألف جنية... احنا بقينا غلابة قوي. أنا فاكر يوم 31 ديسمير 2008 اشتريت الاي فون 3G ب 3900 جنية 😂 وفي يونيو 2012 اشتريت 4s ب 4500 جنية... اااه يا زمن (طبعا الدولار في الوقت دا كان 5.5/6 جنية).
*️⃣ عالعموم فعلياً بقي في مصر الاقتصادي دا في السوق في مصر حالياً صناعة محلي أو غالبيته رسمي... المتوسط غالبيته متهرب وقليل رسمي... الفئة العليا بقى كله متهرب كله.
*️⃣ ما سبق دا كان جزء من البوست السابق لةن اللي فات كان طويل قوي فقولت أشيل الجزئية دي عشان أقصره شوية؛ كل ما يطول فالناس اللي بتقرأ بتقل.
الحلزونة الخازوقية القاتلة
*️⃣ إنتا عندك عجز ضحم في الموازنة؛ كل إيراد الدولة لا يكفي سوي لسداد 75-80% من بند أصل وفوايد الدين؛ فبتضطر تقترض عشان تصرف عالدولة.
*️⃣ فكل انفاق الدولة وكل رواتب الموظفين والدعم وكل شيء بالديون... فهنا تقرر رفع الدعم تدريجي عن الكهرباء والبنزين وغيره؛ عشان تقلل المبلغ اللي بتستلفه...
*️⃣ رفع أسعارهم بيسبب ارتفاع السلع والخدمات فالمواطن مش بيلاقي؛ فهنا الدولة تقرر زيادة الأجور؛ فالمالية ترجع تستلف زيادة عشان تسدد فروقات الأجور؛ ما أتفقنا إن 100% من انفاق الدولة هو بالديون... فنقلل السلف تحت بند البنزين ونزوده تحت بند الرواتب.
*️⃣ بعدين الحكومة بتوظف 5 مليون من ال 25 مليون اللي شغالين في مصر؛ الدولة هتستلف وتطبع شوية ورق ملون تزود بيه الأجور... لكن القطاع الخاص معندوش مطبعة فهنا يعمل ايه؛ يزود سعر السلع عشان يجيب بيها فروقات الأجور دي.
*️⃣ فهنا رفعنا سعر البنزين والكهرباء بسبب رفع الدعم ورفعنا سعر السلع عشان نعوض الأجور... فالنتيجة التضخم يزيد... لما التضخم يزيد يحصل ايه؟
*️⃣ البنك المركزي يزود الفايدة؛ مين بقي بيستلف كل اسبوع 100-120 مليار جنية؟ الحكومة؛ فال 1% زيادة في الفايدة تسمع مع الدولة فعليا 50+ مليار جنية...
*️⃣ فتكلفة خدمة الدين تزيد؛ فالدولة عاوز توفر فلوس تعمل ايه؟ ترفع الدعم اكثر؛ المواطن ميلاقيش؛ فالدولة ترفع الأجور تاني؛ والقطاع الخاص يرفع الاسعار فالتضخم يزيد فالمركزي يزود الفايدة وهكذا.
*️⃣ دائرة جهنمية خازوقية مستحيل تتكسر الا بتغيير أي نقطة فيها... إما ترفع سعر السلع والخدمات بس متزودش الأجور... اوووو الحل الافضل تزود الإيراد.
*️⃣ مصر ايرادها 2600 مليار تقريبا منهم 2000 ضرايب؛ لكن فعليا حجم الاقتصاد المصري يقول إن نص البلد مش بتدفع ضرايب؛ اللي مأجر شقة مش بيدفع ضرايب عالايجار؛ اللي بيبيع سلع وخدمات فيسبوك وحتي محلات في مناطق شعبية مش بيدفع ضرايب؛ وفي جهات شبه مش يتدفع ضرايب وبقول شبه عشان هي بتدفع لكن مش متناسب مع حجمها... دولة بحجم مصر فيها قطاع عقاري بالترليونات لكن الضريبة العقارية لكل مصر 2.7 مليار جنية بس (0.13% من ايراد الضرايب في مصر) وغيرهم من ثغرات الضرايب زي اعفاء عمليات البيع عبر البورصة من الضرايب فالشركات تتباع بمليارات بالبورصة واصحابها ميدفعوش مليم ضرايب للدولة (صندوق النقد بيطالب مصر من 2016 بإيقاف الثغرة دي).
*️⃣ المهم الحل هو اما تزود الايراد او تقلل المصاريف؛ الدولة مركزة علي تقليل المصاريف عبر رفع الدعم وبعدين ترجع تحط اكبر من الرقم اللي وفرته في بند الرواتب وخدمة الدين؛ هوفر 50 هنا واروح ازود 100 في البندين دول 😂...
*️⃣ الصندوق مع اختلافنا معاه بس هو دايما يكرر الضرايب هي الحل؛ ومش المقصود هنا الضرايب يعني ازود عالناس وال 14% اخليها 20% والجو دا... لا لكن المتهرب واللي معفي من الضرايب يدفعها... لكن مكافحة التهرب مرهقة؛ احنا نوفر من الدعم وهنقرص علي الملتزمين نشوف يمكن يطلعوا ملتزمين 90% بس... لكن المخالف 100% او المعفي دا فرهدة... ارفع الدعم عن الغلبان أسهل.
*️⃣ زيادة الأجور للدولة فخ هندفع ثمنه أضعاف؛ فلما يحصل ارجعوا للبوست دا وشوفوا الحلزونة الخازوقية اللي بندور فيها.
*️⃣ إنتا عندك عجز ضحم في الموازنة؛ كل إيراد الدولة لا يكفي سوي لسداد 75-80% من بند أصل وفوايد الدين؛ فبتضطر تقترض عشان تصرف عالدولة.
*️⃣ فكل انفاق الدولة وكل رواتب الموظفين والدعم وكل شيء بالديون... فهنا تقرر رفع الدعم تدريجي عن الكهرباء والبنزين وغيره؛ عشان تقلل المبلغ اللي بتستلفه...
*️⃣ رفع أسعارهم بيسبب ارتفاع السلع والخدمات فالمواطن مش بيلاقي؛ فهنا الدولة تقرر زيادة الأجور؛ فالمالية ترجع تستلف زيادة عشان تسدد فروقات الأجور؛ ما أتفقنا إن 100% من انفاق الدولة هو بالديون... فنقلل السلف تحت بند البنزين ونزوده تحت بند الرواتب.
*️⃣ بعدين الحكومة بتوظف 5 مليون من ال 25 مليون اللي شغالين في مصر؛ الدولة هتستلف وتطبع شوية ورق ملون تزود بيه الأجور... لكن القطاع الخاص معندوش مطبعة فهنا يعمل ايه؛ يزود سعر السلع عشان يجيب بيها فروقات الأجور دي.
*️⃣ فهنا رفعنا سعر البنزين والكهرباء بسبب رفع الدعم ورفعنا سعر السلع عشان نعوض الأجور... فالنتيجة التضخم يزيد... لما التضخم يزيد يحصل ايه؟
*️⃣ البنك المركزي يزود الفايدة؛ مين بقي بيستلف كل اسبوع 100-120 مليار جنية؟ الحكومة؛ فال 1% زيادة في الفايدة تسمع مع الدولة فعليا 50+ مليار جنية...
*️⃣ فتكلفة خدمة الدين تزيد؛ فالدولة عاوز توفر فلوس تعمل ايه؟ ترفع الدعم اكثر؛ المواطن ميلاقيش؛ فالدولة ترفع الأجور تاني؛ والقطاع الخاص يرفع الاسعار فالتضخم يزيد فالمركزي يزود الفايدة وهكذا.
*️⃣ دائرة جهنمية خازوقية مستحيل تتكسر الا بتغيير أي نقطة فيها... إما ترفع سعر السلع والخدمات بس متزودش الأجور... اوووو الحل الافضل تزود الإيراد.
*️⃣ مصر ايرادها 2600 مليار تقريبا منهم 2000 ضرايب؛ لكن فعليا حجم الاقتصاد المصري يقول إن نص البلد مش بتدفع ضرايب؛ اللي مأجر شقة مش بيدفع ضرايب عالايجار؛ اللي بيبيع سلع وخدمات فيسبوك وحتي محلات في مناطق شعبية مش بيدفع ضرايب؛ وفي جهات شبه مش يتدفع ضرايب وبقول شبه عشان هي بتدفع لكن مش متناسب مع حجمها... دولة بحجم مصر فيها قطاع عقاري بالترليونات لكن الضريبة العقارية لكل مصر 2.7 مليار جنية بس (0.13% من ايراد الضرايب في مصر) وغيرهم من ثغرات الضرايب زي اعفاء عمليات البيع عبر البورصة من الضرايب فالشركات تتباع بمليارات بالبورصة واصحابها ميدفعوش مليم ضرايب للدولة (صندوق النقد بيطالب مصر من 2016 بإيقاف الثغرة دي).
*️⃣ المهم الحل هو اما تزود الايراد او تقلل المصاريف؛ الدولة مركزة علي تقليل المصاريف عبر رفع الدعم وبعدين ترجع تحط اكبر من الرقم اللي وفرته في بند الرواتب وخدمة الدين؛ هوفر 50 هنا واروح ازود 100 في البندين دول 😂...
*️⃣ الصندوق مع اختلافنا معاه بس هو دايما يكرر الضرايب هي الحل؛ ومش المقصود هنا الضرايب يعني ازود عالناس وال 14% اخليها 20% والجو دا... لا لكن المتهرب واللي معفي من الضرايب يدفعها... لكن مكافحة التهرب مرهقة؛ احنا نوفر من الدعم وهنقرص علي الملتزمين نشوف يمكن يطلعوا ملتزمين 90% بس... لكن المخالف 100% او المعفي دا فرهدة... ارفع الدعم عن الغلبان أسهل.
*️⃣ زيادة الأجور للدولة فخ هندفع ثمنه أضعاف؛ فلما يحصل ارجعوا للبوست دا وشوفوا الحلزونة الخازوقية اللي بندور فيها.