هو الناس في أواخر السبعينات وأوائل الثمانينات استحملوا إزاي ظهور "القطط السمان" فجأة كده. يعني الناس اللي بقت غنية فجأة بسبب إجراءات اقتصادية أو فساد أو أو ... وحصلت بعد الانفتاح الاقتصادي إن الطبقة دي انتشرت
*️⃣ أنا بقالي 15 سنة بتحرك من القاهرة الجديدة لمدينة نصر لكن آخر سنتين بقى ظهور السيارات الفارهة وانتشارها الغريب مستفز قوي.
*️⃣ وأكيد مقصدش بالسيارات الفارهة عربيات الطبقة الوسطى أو فوق الوسطي يعني بيجو وأوبل وكده.. خالص والله.
*️⃣ ولا حتى أقصد المرسيدس A/B/C ويمكن ولا أخواتهم في BMW 1/2/3 خالص ؛ دول عادة طبقة متوسطة وربنا كرمهم فدخلوا في Entry Level بتاع العربيات الفخمة.
*️⃣ لكني بقيت بشوف عادي بشكل يومي وشبه يومي عربيات زي مازيراتي ليفانتي وجيبلي وكواتروبروتي وطبعاً الرانج روفر فوج وفيلار وديسكفري وساعات بورشة بانميرا و 911 وطبعاً الجاجوار XF و F-Pace دول بدأت أحس إنهم عربيات الغلابة ووزعوهم وأنا معرفش أو مكنتش موجود يومها.
*️⃣ يا جماعة دا بيحصل إني اقابل بنتلي ورولزرويس وأستون مارتن
*️⃣ مصر على طول فيها أثرياء ودا شيء طبيعي بس مبقاش طبيعي القفزة الأخيرة... عربيات زي Z4 أشوف منها 3 في 24 ساعة إزاي يعني...
*️⃣ وكلامي كله في الطرق العادية يعني أنا مروحتش هاسيندا ولا دخلت كومباوند من اللي الفيلا فيه ب 30 مليون... لا دول عادي على طريق السويس يومياً.
*️⃣ المشكلة بقى إن دول يدوا انطباع عند الدولة إننا بقينا شعب غني...
*️⃣ فالشعب الغني دا نروح نفرض عليه ضرائب وناخد منه فلوس فنعمل مشاريع.
*️⃣ مين بقى المقاولين أو المستفيدين من تنفيذ المشاريع دي؟ أيوان هما الناس أصحاب العربيات اللي فوق دي او غالباً هما؛ اكيد مش كلهم تجار مخدرات.
*️⃣ فهما يزدادوا ثراء فالدولة تشوفهم بقوا أغنياء فترفض علينا إحنا ضرائب أكثر وتنفذ مشروعات أكثر فهما يكسبوا منها أكثر وهكذا.
*️⃣ خاصة إن مصر دولة سهل التهرب الضريبي فيها وحتى يعني لو اتقفشت خالص أعلى بند 25% في حين دول العالم المتقدم بتوصل الضرائب على الطبقات العليا لـ 40-50%
*️⃣ هو بوست عارف إن اللي هيقراه هيحس إني من مؤيدي عصور عدالة توزيع الفقر على المواطنين؛ خالص والله بس الموضوع بقى مستفز إن ظهور فئة جديدة من القطط السمان في سنوات أرقام الحكومة الرسمية والجهات الدولية بتتحدث عن زيادة نسبة الفقر في مصر 5-10% والفعلي اللي احنا شايفينه أكبر لإن الحكومة بتقول الفقير هو اللي دخله اقل من 735.5 جنية شهري والرقم دا خلي 32.5% فقراء طبقاً للجهاز المركزي المصري... أيوان ثلث الشعب دخله أقل من 5788 جنية سنوي.
مش عارف كتبت البوست ليه وأنا في فترة الراحة من الكتابة بس الموضوع بقى مستفز فقولت أكتب.
*️⃣ أنا بقالي 15 سنة بتحرك من القاهرة الجديدة لمدينة نصر لكن آخر سنتين بقى ظهور السيارات الفارهة وانتشارها الغريب مستفز قوي.
*️⃣ وأكيد مقصدش بالسيارات الفارهة عربيات الطبقة الوسطى أو فوق الوسطي يعني بيجو وأوبل وكده.. خالص والله.
*️⃣ ولا حتى أقصد المرسيدس A/B/C ويمكن ولا أخواتهم في BMW 1/2/3 خالص ؛ دول عادة طبقة متوسطة وربنا كرمهم فدخلوا في Entry Level بتاع العربيات الفخمة.
*️⃣ لكني بقيت بشوف عادي بشكل يومي وشبه يومي عربيات زي مازيراتي ليفانتي وجيبلي وكواتروبروتي وطبعاً الرانج روفر فوج وفيلار وديسكفري وساعات بورشة بانميرا و 911 وطبعاً الجاجوار XF و F-Pace دول بدأت أحس إنهم عربيات الغلابة ووزعوهم وأنا معرفش أو مكنتش موجود يومها.
*️⃣ يا جماعة دا بيحصل إني اقابل بنتلي ورولزرويس وأستون مارتن
*️⃣ مصر على طول فيها أثرياء ودا شيء طبيعي بس مبقاش طبيعي القفزة الأخيرة... عربيات زي Z4 أشوف منها 3 في 24 ساعة إزاي يعني...
*️⃣ وكلامي كله في الطرق العادية يعني أنا مروحتش هاسيندا ولا دخلت كومباوند من اللي الفيلا فيه ب 30 مليون... لا دول عادي على طريق السويس يومياً.
*️⃣ المشكلة بقى إن دول يدوا انطباع عند الدولة إننا بقينا شعب غني...
*️⃣ فالشعب الغني دا نروح نفرض عليه ضرائب وناخد منه فلوس فنعمل مشاريع.
*️⃣ مين بقى المقاولين أو المستفيدين من تنفيذ المشاريع دي؟ أيوان هما الناس أصحاب العربيات اللي فوق دي او غالباً هما؛ اكيد مش كلهم تجار مخدرات.
*️⃣ فهما يزدادوا ثراء فالدولة تشوفهم بقوا أغنياء فترفض علينا إحنا ضرائب أكثر وتنفذ مشروعات أكثر فهما يكسبوا منها أكثر وهكذا.
*️⃣ خاصة إن مصر دولة سهل التهرب الضريبي فيها وحتى يعني لو اتقفشت خالص أعلى بند 25% في حين دول العالم المتقدم بتوصل الضرائب على الطبقات العليا لـ 40-50%
*️⃣ هو بوست عارف إن اللي هيقراه هيحس إني من مؤيدي عصور عدالة توزيع الفقر على المواطنين؛ خالص والله بس الموضوع بقى مستفز إن ظهور فئة جديدة من القطط السمان في سنوات أرقام الحكومة الرسمية والجهات الدولية بتتحدث عن زيادة نسبة الفقر في مصر 5-10% والفعلي اللي احنا شايفينه أكبر لإن الحكومة بتقول الفقير هو اللي دخله اقل من 735.5 جنية شهري والرقم دا خلي 32.5% فقراء طبقاً للجهاز المركزي المصري... أيوان ثلث الشعب دخله أقل من 5788 جنية سنوي.
مش عارف كتبت البوست ليه وأنا في فترة الراحة من الكتابة بس الموضوع بقى مستفز فقولت أكتب.
بمناسبة صور هدم قبر العز بن عبد السلام اللي الله أعلم بصحتها لكنها زعلتني جداً عشان بحبه الصراحة
(تحديث : كذا تعليق وضح ان الصور قديمة وليست حديثة في ازالات القبور اللي بتحصل حاليا لمحور الفردوس؛ فالصور مش حديثة)
دا بوست أنا نشرته نوفمبر 2015 وهنقله كوبي بيست بدون تعديل
-----
طلب سيف الدين قطز فتوي من العز بن عبد السلام "سلطان العلماء" بأن يمكنه من فرض ضرائب على المصريين من أجل التغلب على الأزمة الاقتصادية وتكاليف الاستعداد لحرب التتار.
فرد عليه الشيخ قائلاً انه لا يجوز فرض ضرائب على العامة إلا بعد أن تنفذ اموال الوزراء والامراء وكبار رجال الدولة الذين كان لهم زمان يأخدون الاموال من البلد؛ فإذا تساوت ثروات الامراء وكبار رجال الدولة مع الشعب المصري فهنا يجوز للحاكم فرض ضرائب عليهم جميعاً (الامراء والحكام والعامة بالتساوي)
وخلصت الحكاية
(تحديث : كذا تعليق وضح ان الصور قديمة وليست حديثة في ازالات القبور اللي بتحصل حاليا لمحور الفردوس؛ فالصور مش حديثة)
دا بوست أنا نشرته نوفمبر 2015 وهنقله كوبي بيست بدون تعديل
-----
طلب سيف الدين قطز فتوي من العز بن عبد السلام "سلطان العلماء" بأن يمكنه من فرض ضرائب على المصريين من أجل التغلب على الأزمة الاقتصادية وتكاليف الاستعداد لحرب التتار.
فرد عليه الشيخ قائلاً انه لا يجوز فرض ضرائب على العامة إلا بعد أن تنفذ اموال الوزراء والامراء وكبار رجال الدولة الذين كان لهم زمان يأخدون الاموال من البلد؛ فإذا تساوت ثروات الامراء وكبار رجال الدولة مع الشعب المصري فهنا يجوز للحاكم فرض ضرائب عليهم جميعاً (الامراء والحكام والعامة بالتساوي)
وخلصت الحكاية
توضيح
بعد البحث تبين ان الصور قديمة والقبر انهار قبل 4 سنين
ولم اجد اي مصدر انه تم ازالته حالياً
بعد البحث تبين ان الصور قديمة والقبر انهار قبل 4 سنين
ولم اجد اي مصدر انه تم ازالته حالياً
خبر حلو من عالم التقنية الصبح أهو
*️⃣ بلومبيرج قالت إن شركة SoftBank بتدرس تبيع شركة ARM وأول زبون جه في بالها هو للأسف Apple لكن الخبر السار هو إن بلومبيرج بتقول إن بعد اجتماعات بين الشركتين أبل قالت شكراً مش عاوزين ARM
*️⃣ الجريدة بتقول إن سبب رفض أبل شراء ARM هو قيود في العقود بتاعتها والتراخيص وتخوف أبل مستقبلاً من قضايا ومشاكل قانونية لإنها هتبقى وقتها المزود الأساسي لمعماريات كل منافسيها... وأبل مش كويسة في النقطة دي
*️⃣ أبل شركة معروفة وقت ما تشتري أي شركة تقنية سواء أجهزة أو برامج بتروح قافله نسخة الأندرويد من برامجها أو تفسخ عقودها مع المنافسين زي ما عملت زمان سنة 2012 لما اشترت شركة AuthenTec وأطلقت الآي فون 5 بالبصمة وقعدت أبل سنة لقدام متفوقة في البصمة عالمنافسين اللي كانوا بدون بصمة أو متخلفة وقتها. وسنة 2015 رئيس موتورلا Dennis Woodside اعترف إن تليفون نيكسس 6 كان مخطط له يكون ببصمة من AuthenTec أسوة بأبل يعني لكن شراء أبل للشركة حرم التليفون من الميزة دي.
*️⃣ الموضوع دا أبل مينفعش تعمله مع ARM خالص لإن دا ممكن يشل العالم تقنياً أصلاً وأبل عارفه دا عشان كده قالت... ايه دا يعني مش هعرف أقفل السكة خلاص مش لاعبه معاكم.
للناس اللي مش تقنيين تعالوا أشرح لكم ايه المشكلة.
*️⃣ في البداية كل شيء بتستخدمه دلوقتي فيه أي حاجة ذكية أو شبه ذكية بيكون فيه بروسيسور... تليفزيون بقى أو ريسيفر أو حتى كاست العربية التاتش أو في الثلاجات الذكية. وطبعاً غير الموبايلات والحاجات الكبيرة المعروفة دي.
*️⃣ البروسيسورات في العالم قسمين الأول بتاع الكومبيوتر المعروف بقى ودا بيكون انتاج وتطوير شركتين عادة وهم Intell و AMD وصداع كبير مش موضوعنا.
*️⃣ القسم الثاني بقى البروسيسور اللي بيتحط في الموبايل والتليفزيون والريسيفر والعربية والثلاجة والتكييف ووو ودا بيكون صغير وقليل قوي في استهلاك الطاقة ودا بيكون بتطوير شركة ARM
*️⃣ شركة ARM دي مش بتصنع البروسيسور بل هى اللي ممكن نقول بالبلدي كده هى اللي بتخطط لطريقة شغله وترسم الرسمة بتاعته؛ المهندس يعني اللي بيحط الخطة ويقول هنا نعمل كوبري وهنا نرصف الشارع.
*️⃣ بعد ما ARM ترسم المعمارية بتاعة البروسيسور اللي قولنا دي شبه المهندس اللي يقول الشارع دا يترصف كده... تروح كل الشركات اللي في الكوكب سواء أبل أو سامسونج أو هواوي أو ميديا تك MediaTek أو طبعاً كوالكم ياخدوا الرسمة وكل واحد ينفذها بالتقنيات اللي عندها... يعني دا يقول أنا هرصف هنا بنوع أسفلت كذا ودا يقول هزود سمك الأسفلت ودا يقول هستخدم تقنية أسفلت صغيرة "اللي هي في البروسيسورات تلاقيه يقولك nm وكل ما الرقم بتاع nm اللي بتشوفها جنب البروسيسور في موقع GSMArena يبقى صغير فدا شيء كويس).
*️⃣ فباختصار كده لو ARM مرسمتش الرسمة محدش هيشتغل في الكوكب أصلاً.
*️⃣ ونرجع فلاش باك كده لبداية حرب ترامب مع الصين فترامب قرر حرمان شركة هواوي من منتجات Intell و AMD (الموضوع ممشيش قوي) فالقرار دا كان معناه إن هواوي مش هتصنع أي كومبيوتر تاني. والخبر دا عدى عادي ومحدش اهتم وأصلاً زي ما قولت تقريباً متنفذش أصلاً.
*️⃣ وبعدين ترامب قال وشركة ARM متديش هواوي تقنياتها... هنا الكوكب اتقلب... دي مفيهاش هزار أصلاً؛ لإن كده هواوي مش هتصنع أي شيء لإن كل شيء محتاج بروسيسور وكل البروسيسورات زي ما قولنا معمارية ARM.
*️⃣ لكن وقتها شركة SoftBank قالت إنها درست قرار ترامب وبعدين درست اتفاقيات دولية وشراكة مع هواوي وكمان اللوائح وقال في النهاية إن شركة ARM شركة إنجليزية مملوكة للشركة الأم SoftBank اليابانية وبناء عليه لا يسري قرار ترامب عليها. وبكده فقد ترامب الضربة الأكثر عنفاً اللي كانت هتقفل شركة هواوي حرفياً.
*️⃣ نرجع بقى لأبل ؛ فشركة أبل لما قعدت مع سوفت بنك واليابانيين دول قالوا لهم التعقيدات والالتزامات الدولية والعقود وإن حركات أبل المشهورة بتاعه متديش المنافسين أحدث تقنيات ووو مش هتنفع... فأبل قالت شكراً مش عاوزة اشتري.
*️⃣ سبب لجوء SoftBank إلى أبل هو إن أولاً شركة أبل هى أكثر شركة تقنية في الكوكب معاها فلوس كاش ووصلت السيولة مع أبل حالياً إلى 207 مليار دولار. والسبب الثاني هو إن أبل حالياً بتحول كل الكومبيوترات بتاعتها لإنها تشتغل بمعالجات بمعمارية ARM فالشركة فكرت إن أبل لو اشترت SoftBank فدا هيساعدها تطور أسرع... لكن المشكلة إن أبل وقتها هتبقى ملزمة تشارك العالم التقنيات بتاعتها ودا معروف إنه ضد مبادئ أبل.
فالصفقة فشلت قبل ما تبدأ والعالم لازم يكون مبسوط دلوقتي
*️⃣ بلومبيرج قالت إن شركة SoftBank بتدرس تبيع شركة ARM وأول زبون جه في بالها هو للأسف Apple لكن الخبر السار هو إن بلومبيرج بتقول إن بعد اجتماعات بين الشركتين أبل قالت شكراً مش عاوزين ARM
*️⃣ الجريدة بتقول إن سبب رفض أبل شراء ARM هو قيود في العقود بتاعتها والتراخيص وتخوف أبل مستقبلاً من قضايا ومشاكل قانونية لإنها هتبقى وقتها المزود الأساسي لمعماريات كل منافسيها... وأبل مش كويسة في النقطة دي
*️⃣ أبل شركة معروفة وقت ما تشتري أي شركة تقنية سواء أجهزة أو برامج بتروح قافله نسخة الأندرويد من برامجها أو تفسخ عقودها مع المنافسين زي ما عملت زمان سنة 2012 لما اشترت شركة AuthenTec وأطلقت الآي فون 5 بالبصمة وقعدت أبل سنة لقدام متفوقة في البصمة عالمنافسين اللي كانوا بدون بصمة أو متخلفة وقتها. وسنة 2015 رئيس موتورلا Dennis Woodside اعترف إن تليفون نيكسس 6 كان مخطط له يكون ببصمة من AuthenTec أسوة بأبل يعني لكن شراء أبل للشركة حرم التليفون من الميزة دي.
*️⃣ الموضوع دا أبل مينفعش تعمله مع ARM خالص لإن دا ممكن يشل العالم تقنياً أصلاً وأبل عارفه دا عشان كده قالت... ايه دا يعني مش هعرف أقفل السكة خلاص مش لاعبه معاكم.
للناس اللي مش تقنيين تعالوا أشرح لكم ايه المشكلة.
*️⃣ في البداية كل شيء بتستخدمه دلوقتي فيه أي حاجة ذكية أو شبه ذكية بيكون فيه بروسيسور... تليفزيون بقى أو ريسيفر أو حتى كاست العربية التاتش أو في الثلاجات الذكية. وطبعاً غير الموبايلات والحاجات الكبيرة المعروفة دي.
*️⃣ البروسيسورات في العالم قسمين الأول بتاع الكومبيوتر المعروف بقى ودا بيكون انتاج وتطوير شركتين عادة وهم Intell و AMD وصداع كبير مش موضوعنا.
*️⃣ القسم الثاني بقى البروسيسور اللي بيتحط في الموبايل والتليفزيون والريسيفر والعربية والثلاجة والتكييف ووو ودا بيكون صغير وقليل قوي في استهلاك الطاقة ودا بيكون بتطوير شركة ARM
*️⃣ شركة ARM دي مش بتصنع البروسيسور بل هى اللي ممكن نقول بالبلدي كده هى اللي بتخطط لطريقة شغله وترسم الرسمة بتاعته؛ المهندس يعني اللي بيحط الخطة ويقول هنا نعمل كوبري وهنا نرصف الشارع.
*️⃣ بعد ما ARM ترسم المعمارية بتاعة البروسيسور اللي قولنا دي شبه المهندس اللي يقول الشارع دا يترصف كده... تروح كل الشركات اللي في الكوكب سواء أبل أو سامسونج أو هواوي أو ميديا تك MediaTek أو طبعاً كوالكم ياخدوا الرسمة وكل واحد ينفذها بالتقنيات اللي عندها... يعني دا يقول أنا هرصف هنا بنوع أسفلت كذا ودا يقول هزود سمك الأسفلت ودا يقول هستخدم تقنية أسفلت صغيرة "اللي هي في البروسيسورات تلاقيه يقولك nm وكل ما الرقم بتاع nm اللي بتشوفها جنب البروسيسور في موقع GSMArena يبقى صغير فدا شيء كويس).
*️⃣ فباختصار كده لو ARM مرسمتش الرسمة محدش هيشتغل في الكوكب أصلاً.
*️⃣ ونرجع فلاش باك كده لبداية حرب ترامب مع الصين فترامب قرر حرمان شركة هواوي من منتجات Intell و AMD (الموضوع ممشيش قوي) فالقرار دا كان معناه إن هواوي مش هتصنع أي كومبيوتر تاني. والخبر دا عدى عادي ومحدش اهتم وأصلاً زي ما قولت تقريباً متنفذش أصلاً.
*️⃣ وبعدين ترامب قال وشركة ARM متديش هواوي تقنياتها... هنا الكوكب اتقلب... دي مفيهاش هزار أصلاً؛ لإن كده هواوي مش هتصنع أي شيء لإن كل شيء محتاج بروسيسور وكل البروسيسورات زي ما قولنا معمارية ARM.
*️⃣ لكن وقتها شركة SoftBank قالت إنها درست قرار ترامب وبعدين درست اتفاقيات دولية وشراكة مع هواوي وكمان اللوائح وقال في النهاية إن شركة ARM شركة إنجليزية مملوكة للشركة الأم SoftBank اليابانية وبناء عليه لا يسري قرار ترامب عليها. وبكده فقد ترامب الضربة الأكثر عنفاً اللي كانت هتقفل شركة هواوي حرفياً.
*️⃣ نرجع بقى لأبل ؛ فشركة أبل لما قعدت مع سوفت بنك واليابانيين دول قالوا لهم التعقيدات والالتزامات الدولية والعقود وإن حركات أبل المشهورة بتاعه متديش المنافسين أحدث تقنيات ووو مش هتنفع... فأبل قالت شكراً مش عاوزة اشتري.
*️⃣ سبب لجوء SoftBank إلى أبل هو إن أولاً شركة أبل هى أكثر شركة تقنية في الكوكب معاها فلوس كاش ووصلت السيولة مع أبل حالياً إلى 207 مليار دولار. والسبب الثاني هو إن أبل حالياً بتحول كل الكومبيوترات بتاعتها لإنها تشتغل بمعالجات بمعمارية ARM فالشركة فكرت إن أبل لو اشترت SoftBank فدا هيساعدها تطور أسرع... لكن المشكلة إن أبل وقتها هتبقى ملزمة تشارك العالم التقنيات بتاعتها ودا معروف إنه ضد مبادئ أبل.
فالصفقة فشلت قبل ما تبدأ والعالم لازم يكون مبسوط دلوقتي
طيب أنا أقنع إزاي الفيس بوك إني مش عاوز اشتري أوناش وشاحنات CAT اللي سعرها يبدأ من 2.1 مليون جنية
وإن الموضوع كله إني كنت بتكلم مع صديق يعني عن التوكيلات اللي مع منصور... وإنه معاه بيجو وشيفورليه وأوبل و MG فقولت له وكمان عنده شاحنات كاتربيلر CAT واليومين دول عصر المقاولات فزمانه عمل ذهب.
كنا بنحسد بس منصور اللي عنده من أول خير زمان ومترو وصن شاين ومايه حياة وتوكيلات العربيات وبالم هيلز ولبن لبنيتا لغاية جبنا سيرة الحفارات وشاحنات CAT اللي شغالة نار بقى. مجرد هري مصريين يا عم مارك
بس ومن وقتها والفيس بوك مستلمني وتعرف على عروض مانتراك للشاحنات 😂😂😂
أنا مش مقاول والله ... اقنعك إزاي يا عم مارك بس
وإن الموضوع كله إني كنت بتكلم مع صديق يعني عن التوكيلات اللي مع منصور... وإنه معاه بيجو وشيفورليه وأوبل و MG فقولت له وكمان عنده شاحنات كاتربيلر CAT واليومين دول عصر المقاولات فزمانه عمل ذهب.
كنا بنحسد بس منصور اللي عنده من أول خير زمان ومترو وصن شاين ومايه حياة وتوكيلات العربيات وبالم هيلز ولبن لبنيتا لغاية جبنا سيرة الحفارات وشاحنات CAT اللي شغالة نار بقى. مجرد هري مصريين يا عم مارك
بس ومن وقتها والفيس بوك مستلمني وتعرف على عروض مانتراك للشاحنات 😂😂😂
أنا مش مقاول والله ... اقنعك إزاي يا عم مارك بس
ساعات بحس إن الناس بتحب الهري من منطلق الهري
هو أنا حاليا في راحة منذ أيام عن الكتابة بعيد شحن صحتي النفسية؛ لكن في حاجات ساعات تبقي مستفزة وتجبرك تعلق
1️⃣ انتم عارفين إن شركة B.Tech عملت مدرسة لتعليم تجارة التجزئة يعني بدل مدارس الصنايع التقليدية يتعلموا ازاي يشتغلوا ويديروا محلات سوبر ماركت او متاجر زي كارفور وبي تك وغيرهم. تخيلوا كل ما أشوف الخبر دا الاقي حد معلق (وي عملتها الأول)؛ ايه الهري دا هو احنا في صراع أبل والأندرويد فدا عمله الاول 🤔 ما كل شركة يا رب تعمل مدرسة تعلم الناس؛ وبعدين We عملت مدرسة لتعليم الاتصالات ففين التعارض 🤔 ولا انتم عاوزين واحد بس يفتح مدرسة وخلاص كده ال 1.75 مليون طالب اللي في 3 اعدادي يخلصوا وهيخشوا كلهم المدرسة الواحدة دي 🤔 احنا محتاجين الالاف المدارس؛ مش نتريق عالمبادرات ونقول هاهاهاها فلان عملها قبلكم يا قلودين.
2️⃣ الخبر الثاني كان كمية بوستات شوفتها وحتي مينشن في خبر زيادة ضريبة الدمغة عالخطوط بقيمة 2 جنية للفاتورة و 16 قرش للكارت؛ وبوستات يالهوي وسرقة وعااا وهري معيز ايييه ما شاء الله عليه.. وفي نفس الوقت الحكومة مطلعه مشروع قانون لالغاء ضريبة الدقيق جدول وتطبيق القيمة المضافة. الخبر دا عادي خالص مضايقش حد؛ لكن 2 جنية في السنة علي تليفونك خلاص ضايقكم.. تعالوا اعرفكم ايه ضريبة الدقيق دي.
ضريبة القيمة المضافة مش بتطبق عالمنتجات المصنعة من الدقيق بشكل أساسي واللي يطبق بدالها ضريبة دقيق او ضريبة جدول رفاهية 5% ؛ يعني ايه 🤔 يعني لما تروح مثلا بيتزا بريموس 😍 وتطلب هتلاقي محسوبلك ضريبة 5% مش 14% وبرضك لما تطلب جاتوه من محل زي توماس مثلاً؛ دلوقتي الحكومة بتقول هنخليها قيمة مضافة 14% عشان يقدروا يخصموا الضريبة في مدخلات الصناعة وووو.
الموضوع دا هيأثر عالسوق كله؛ من أول البيتزا مرورا بالجاتوهات ولغاية ال مولتو والبسكويت والشمعدان بتاع الأطفال كل دول سعرهم هيتأثر ومش بقول هيزيد عشان في خصومات مدخلات انتاج هتم
بالمناسبة نفس القانون حتي برضك خلي الضريبة عالصابون 14% بدل 5%
مش عاوز اخش نقاش في تعديلات ضريبة القيمة المضافة عشان نفسيا مش رايق؛ لكني بوريكم ازاي بتتجروا للهري حولين 16 قرش عالموبايل وعادي خالص قانون بيتكلم عن أسعار كل حاجة مصنعه من الدقيق أو الصابون عادي ولا بوست واحد
(ضريبة الجدول دقيق لا تطبق علي الخبز منعا لسوء الفهم؛ العيش معفي من الضرايب)
فكبروا دماغكم شوية ووفروا الطاقة لمواضيع تستحق
ارجع للراحة بقى
هو أنا حاليا في راحة منذ أيام عن الكتابة بعيد شحن صحتي النفسية؛ لكن في حاجات ساعات تبقي مستفزة وتجبرك تعلق
1️⃣ انتم عارفين إن شركة B.Tech عملت مدرسة لتعليم تجارة التجزئة يعني بدل مدارس الصنايع التقليدية يتعلموا ازاي يشتغلوا ويديروا محلات سوبر ماركت او متاجر زي كارفور وبي تك وغيرهم. تخيلوا كل ما أشوف الخبر دا الاقي حد معلق (وي عملتها الأول)؛ ايه الهري دا هو احنا في صراع أبل والأندرويد فدا عمله الاول 🤔 ما كل شركة يا رب تعمل مدرسة تعلم الناس؛ وبعدين We عملت مدرسة لتعليم الاتصالات ففين التعارض 🤔 ولا انتم عاوزين واحد بس يفتح مدرسة وخلاص كده ال 1.75 مليون طالب اللي في 3 اعدادي يخلصوا وهيخشوا كلهم المدرسة الواحدة دي 🤔 احنا محتاجين الالاف المدارس؛ مش نتريق عالمبادرات ونقول هاهاهاها فلان عملها قبلكم يا قلودين.
2️⃣ الخبر الثاني كان كمية بوستات شوفتها وحتي مينشن في خبر زيادة ضريبة الدمغة عالخطوط بقيمة 2 جنية للفاتورة و 16 قرش للكارت؛ وبوستات يالهوي وسرقة وعااا وهري معيز ايييه ما شاء الله عليه.. وفي نفس الوقت الحكومة مطلعه مشروع قانون لالغاء ضريبة الدقيق جدول وتطبيق القيمة المضافة. الخبر دا عادي خالص مضايقش حد؛ لكن 2 جنية في السنة علي تليفونك خلاص ضايقكم.. تعالوا اعرفكم ايه ضريبة الدقيق دي.
ضريبة القيمة المضافة مش بتطبق عالمنتجات المصنعة من الدقيق بشكل أساسي واللي يطبق بدالها ضريبة دقيق او ضريبة جدول رفاهية 5% ؛ يعني ايه 🤔 يعني لما تروح مثلا بيتزا بريموس 😍 وتطلب هتلاقي محسوبلك ضريبة 5% مش 14% وبرضك لما تطلب جاتوه من محل زي توماس مثلاً؛ دلوقتي الحكومة بتقول هنخليها قيمة مضافة 14% عشان يقدروا يخصموا الضريبة في مدخلات الصناعة وووو.
الموضوع دا هيأثر عالسوق كله؛ من أول البيتزا مرورا بالجاتوهات ولغاية ال مولتو والبسكويت والشمعدان بتاع الأطفال كل دول سعرهم هيتأثر ومش بقول هيزيد عشان في خصومات مدخلات انتاج هتم
بالمناسبة نفس القانون حتي برضك خلي الضريبة عالصابون 14% بدل 5%
مش عاوز اخش نقاش في تعديلات ضريبة القيمة المضافة عشان نفسيا مش رايق؛ لكني بوريكم ازاي بتتجروا للهري حولين 16 قرش عالموبايل وعادي خالص قانون بيتكلم عن أسعار كل حاجة مصنعه من الدقيق أو الصابون عادي ولا بوست واحد
(ضريبة الجدول دقيق لا تطبق علي الخبز منعا لسوء الفهم؛ العيش معفي من الضرايب)
فكبروا دماغكم شوية ووفروا الطاقة لمواضيع تستحق
ارجع للراحة بقى
النهاردة الكونجرس ولجنة مكافحة الاحتكار هتجيب ال 4 الكبار وهم رؤساء أبل وجوجل وفيسبوك وأمازون في مسرحية أقصد استجواب في التحقيق بشأن ممارسات احتكارية في مجال التقنية.
المسرحية أقصد الاستجواب هيكون كالعاده هزلي لدرجة إن بلومبيرج سربت الكلمة بتاعة تيم كوك اللي هيقولها النهاردة 😂 اه عادي كده خالص يعني أعضاء الكونجرس هيستنوا بالليل كلمة تيم كوك في حين الكوكب كله وصلته خلاص 😂😂.
المهم بقي لفت نظري إن تيم كوك هيدافع عن أبل برد محوره النقاط التالية:
*️⃣ عمولة أبل هي هي عمولة جوجل ومايكروسوفت وامازون وسامسونج.
*️⃣ أبل من ساعة ما أطلقت المتجر في 2008 وهي مغيرتش العمولة ولا زودت دولار واحد علي أي تطبيق أو شركة.
*️⃣ أبل بتحب المطورين؛ دي قايدة صوابعها العشرة عشانكم يا كلاب (اكيد مقالش كده 😊) ؛ دا كل شوية تعملكم أدوات عشان تطوروا بيها شغلكم وتقدموا برامج أحسن وتكسبوا أكثر.
*️⃣ بتقولوا علينا حارس البوابة الشرير(أكيد مقالش شرير ومش لازم أوضح كل مرة القلش بتاعي دي آخر مرة) لكننا لو حارس البوابة فعلاً GateKeeper فإحنا الحارس اللي عمال يوسع ويكبر البوابة عشان يدخلها أكبر قدر من التطبيقات. ففي 2008 كان في 500 برنامج ودلوقتي في 1.7 مليون برنامج منهم بس 60 بتوع أبل... ال 60 بتوعنا بتقولوا إنهم محتكرين بقى وبينافسوا ال 1.7 مليون؛ إهئ إهئ إهئ عاااااا 😂.
*️⃣ فاكرين كان بيحصل فيكم ايه قبل أبل ما تيجي؟ لو مش فاكرين أفكركم لما كنتم بتدفعوا عمولات لتسويق برامجكم 50-70% وجت أبل قدمت لكم عمولة 30% فدلوقتي جايين تعترضوا عليها؛ بعد ما لمناكم من حواري التطبيقات والمبرمجين يا رعاع 😂😂😂😂 ( قلشه أحسن حد يفتكر أبل هتقول كده).
*️⃣ هو انتم فاكرين إنكم عملتم ال 1.7 مليون برنامج بشطارتكم يعني بس! دا أبل وفرت لكم أكثر من 150 ألف API عشان يساعدكم... وجايين تتنمردوا علينا بعد ما نظفناكم 😂.
*️⃣ بتعترضوا على معايير والـ GuideLines اللي أبل حطاها... هى مش المعايير دي اللي ضمنت إن برامجكم تشتغل كويس وضمنت ليكم يا مستخدمين أمان لخصوصيتكم... أنتم عاوزينها تبقى أندرويد وسوريا والعراق ولا ايه.
*️⃣ بتقولوا إننا جشعين وعاوزين فلوس... لا والله لا والله ما حكم أبل؛ دا احنا سايبينكم تبرطعوا وتاخدوا 100% من المصالح والإعلانات اللي بتحطوها في البرامج وأي وسيلة تجيبوا منها فلوس من ورانا... وكل اللي إحنا بنقوله إنكم تدفعوا لنا 30% لما تيجوا تطلعوا بمصلحة من جهاز أبل اللي أحنا اخترعناه أو من المستخدم اللي لولانا مكنتوش شوفتوه يا رعاع يا جزم.. دا هما 30% بس من سعر البرنامج وسعر المشتريات من جوا البرنامج والاشتراكات وغيره.
*️⃣ بتقولوا إننا محتكرين السوق... لا والله مش احنا؛ احنا بس محتكرين تنزيل البرامج في أبل لكن ملناش حصة سوقية في الأندرويد (هي دي قلشة وحقيقية برضك؛ أصله قال إن حصة أبل السوقية مش محتكرة في متجر البرامج؛ كإنه مثلاً منزل متجر برامج في الأندرويد بس مش واخد حصة من جوجل)
بصوا التصريح طويل لكن خلاصته أنا جبتكم من الشوارع وانتم ناسين كنتم ايه من قبلي وفاكرين لما كانت الكهرباء بتقطع عن برامجكم أقصد مش عارفين تبيعوها ووو وطريقة التأنيب الأبوي اللي كلنا عارفينها.
لكن نعلق جد بقى
1️⃣ تيم كوك بيقول تصريح شعبوي يستهدف بيه الرأي العام لإنه في أمريكا بيشكل لوبي واحنا داخلين على انتخابات فكل سيناتور يخاف أحسن له...
2️⃣ مفيش حد اتهم أبل إن عمولتها أكثر؛ أبل بتستخدم طريق بص العصفورة لقرطسة القارئ اللي مش متابع... الاتهام هو إن الآخرين عاملين خيارين عاوز الدفع بواسطة مثلاً جوجل بلاي ستور هتدفع عمولة 30% ولو مش عاوز خلي العميل يدفع مباشر ليك بالفيزا ومع نفسك... أبل معندهاش النوع الثاني دا إما تديني عمولة أو مفيش حد هيبيع حاجة.
3️⃣ فكرة إن أبل تمن عالمطورين إنها سبب شغلهم دي تلاعب برضك لإن ببساطة أبل حققت مليارات من وراهم سواء عمولات أو كمان مبيعات للآي فون؛ فملايين اشتروا ولازالوا بيشتروا الآي فون عشان البرامج عليه أفضل من الأندرويد حتى لو نفس البرنامج من نفس الشركة.
4️⃣ فكرة برضك إنها تقولهم وفرنا لكم 150 ألف API برضك هبل لإنها ببساطة وفرتهم عشان يعملوا برامج كويسة فبعد كده هى نفسها تتفاخر بتنوع البرامج بل وإن في برامج فريدة في أبل مش موجودة بالأندرويد. فأبل كانت بتوفر الأدوات دي عشان بتصنع لنفسها Selling Point مش بتوفرها من أجل حب التقنية وحب المطورين.
مش عاوز أطول أكثر من كده وانتم عارفين إني أبلاوي أصلاً وعاوز اشتري iPad جديد ونفسي أجيب ماك تاني وأحدث الآي فون بتاعي...
لكن البيان بتاع أبل لقيته خطاب مثالي لتوضيح إزاي تستخدم العاطفة ونظرية المن والأبوية وأنا اللي نضفتكم وافتكروا من قبلي ووو في الضحك على عقول البسطاء اللي هيقولوا اه صح مظبوط يبقى خلاص حق أبل تحتكر..
المسرحية أقصد الاستجواب هيكون كالعاده هزلي لدرجة إن بلومبيرج سربت الكلمة بتاعة تيم كوك اللي هيقولها النهاردة 😂 اه عادي كده خالص يعني أعضاء الكونجرس هيستنوا بالليل كلمة تيم كوك في حين الكوكب كله وصلته خلاص 😂😂.
المهم بقي لفت نظري إن تيم كوك هيدافع عن أبل برد محوره النقاط التالية:
*️⃣ عمولة أبل هي هي عمولة جوجل ومايكروسوفت وامازون وسامسونج.
*️⃣ أبل من ساعة ما أطلقت المتجر في 2008 وهي مغيرتش العمولة ولا زودت دولار واحد علي أي تطبيق أو شركة.
*️⃣ أبل بتحب المطورين؛ دي قايدة صوابعها العشرة عشانكم يا كلاب (اكيد مقالش كده 😊) ؛ دا كل شوية تعملكم أدوات عشان تطوروا بيها شغلكم وتقدموا برامج أحسن وتكسبوا أكثر.
*️⃣ بتقولوا علينا حارس البوابة الشرير(أكيد مقالش شرير ومش لازم أوضح كل مرة القلش بتاعي دي آخر مرة) لكننا لو حارس البوابة فعلاً GateKeeper فإحنا الحارس اللي عمال يوسع ويكبر البوابة عشان يدخلها أكبر قدر من التطبيقات. ففي 2008 كان في 500 برنامج ودلوقتي في 1.7 مليون برنامج منهم بس 60 بتوع أبل... ال 60 بتوعنا بتقولوا إنهم محتكرين بقى وبينافسوا ال 1.7 مليون؛ إهئ إهئ إهئ عاااااا 😂.
*️⃣ فاكرين كان بيحصل فيكم ايه قبل أبل ما تيجي؟ لو مش فاكرين أفكركم لما كنتم بتدفعوا عمولات لتسويق برامجكم 50-70% وجت أبل قدمت لكم عمولة 30% فدلوقتي جايين تعترضوا عليها؛ بعد ما لمناكم من حواري التطبيقات والمبرمجين يا رعاع 😂😂😂😂 ( قلشه أحسن حد يفتكر أبل هتقول كده).
*️⃣ هو انتم فاكرين إنكم عملتم ال 1.7 مليون برنامج بشطارتكم يعني بس! دا أبل وفرت لكم أكثر من 150 ألف API عشان يساعدكم... وجايين تتنمردوا علينا بعد ما نظفناكم 😂.
*️⃣ بتعترضوا على معايير والـ GuideLines اللي أبل حطاها... هى مش المعايير دي اللي ضمنت إن برامجكم تشتغل كويس وضمنت ليكم يا مستخدمين أمان لخصوصيتكم... أنتم عاوزينها تبقى أندرويد وسوريا والعراق ولا ايه.
*️⃣ بتقولوا إننا جشعين وعاوزين فلوس... لا والله لا والله ما حكم أبل؛ دا احنا سايبينكم تبرطعوا وتاخدوا 100% من المصالح والإعلانات اللي بتحطوها في البرامج وأي وسيلة تجيبوا منها فلوس من ورانا... وكل اللي إحنا بنقوله إنكم تدفعوا لنا 30% لما تيجوا تطلعوا بمصلحة من جهاز أبل اللي أحنا اخترعناه أو من المستخدم اللي لولانا مكنتوش شوفتوه يا رعاع يا جزم.. دا هما 30% بس من سعر البرنامج وسعر المشتريات من جوا البرنامج والاشتراكات وغيره.
*️⃣ بتقولوا إننا محتكرين السوق... لا والله مش احنا؛ احنا بس محتكرين تنزيل البرامج في أبل لكن ملناش حصة سوقية في الأندرويد (هي دي قلشة وحقيقية برضك؛ أصله قال إن حصة أبل السوقية مش محتكرة في متجر البرامج؛ كإنه مثلاً منزل متجر برامج في الأندرويد بس مش واخد حصة من جوجل)
بصوا التصريح طويل لكن خلاصته أنا جبتكم من الشوارع وانتم ناسين كنتم ايه من قبلي وفاكرين لما كانت الكهرباء بتقطع عن برامجكم أقصد مش عارفين تبيعوها ووو وطريقة التأنيب الأبوي اللي كلنا عارفينها.
لكن نعلق جد بقى
1️⃣ تيم كوك بيقول تصريح شعبوي يستهدف بيه الرأي العام لإنه في أمريكا بيشكل لوبي واحنا داخلين على انتخابات فكل سيناتور يخاف أحسن له...
2️⃣ مفيش حد اتهم أبل إن عمولتها أكثر؛ أبل بتستخدم طريق بص العصفورة لقرطسة القارئ اللي مش متابع... الاتهام هو إن الآخرين عاملين خيارين عاوز الدفع بواسطة مثلاً جوجل بلاي ستور هتدفع عمولة 30% ولو مش عاوز خلي العميل يدفع مباشر ليك بالفيزا ومع نفسك... أبل معندهاش النوع الثاني دا إما تديني عمولة أو مفيش حد هيبيع حاجة.
3️⃣ فكرة إن أبل تمن عالمطورين إنها سبب شغلهم دي تلاعب برضك لإن ببساطة أبل حققت مليارات من وراهم سواء عمولات أو كمان مبيعات للآي فون؛ فملايين اشتروا ولازالوا بيشتروا الآي فون عشان البرامج عليه أفضل من الأندرويد حتى لو نفس البرنامج من نفس الشركة.
4️⃣ فكرة برضك إنها تقولهم وفرنا لكم 150 ألف API برضك هبل لإنها ببساطة وفرتهم عشان يعملوا برامج كويسة فبعد كده هى نفسها تتفاخر بتنوع البرامج بل وإن في برامج فريدة في أبل مش موجودة بالأندرويد. فأبل كانت بتوفر الأدوات دي عشان بتصنع لنفسها Selling Point مش بتوفرها من أجل حب التقنية وحب المطورين.
مش عاوز أطول أكثر من كده وانتم عارفين إني أبلاوي أصلاً وعاوز اشتري iPad جديد ونفسي أجيب ماك تاني وأحدث الآي فون بتاعي...
لكن البيان بتاع أبل لقيته خطاب مثالي لتوضيح إزاي تستخدم العاطفة ونظرية المن والأبوية وأنا اللي نضفتكم وافتكروا من قبلي ووو في الضحك على عقول البسطاء اللي هيقولوا اه صح مظبوط يبقى خلاص حق أبل تحتكر..
*️⃣ توضيح جانبي بس وهو إن جلسة اليوم دي مسرحية؛ الشعب الأمريكي بيحب الأفلام والمسرحيات الأكشن فلازم نديله أكشن بس أمريكا بتحكمها الشركات وميقدرش لا كونجرس ولا قضاء امريكي يتحدى الشركات؛ ممكن حد مجنون زي ترامب لإنه بيستخدم أساليب جديدة وغشيمة لكن المنظومة التقليدية الأمريكية تحت سيطرة الشركات... وخليكم فاكرين قضية أبل القديمة ضد سامسونج لما المرة الوحيدة اللي سامسونج كسبت أبل واخدت قرار وحكم نهائي ضد أبل بمنع بيع بعض تليفوناتها... حكم نهائي لا تستطيع أبل الاستئناف ضده... فهنا راح باراك أوباما استخدم سلطه رئيس الجمهورية وطلع لأبل عفو ولغى الحكم ضد أبل وقال إنها تقدر تبيع أجهزتها تاني عادي والقرار اللي طلع لسامسونج دا تلفه وتعمله سلطة أو محشي ورق أحكام... عشان كده تلاقي معظم الأحكام ضد الشركات التقنية بتكون في أوروبا مش أمريكا لإن اه اوروبا راسمالية برضك لكن لسه في شوية قوانين رادعه. راجعوا الاحكام ضد جوجل وكوالكم وقانون حماية بيانات المستخدمين اللي غير مفاهيم الخصوصية في التقنية GDPR مصدرهم أوروبا مش أمريكا. دا تذكير بس علي جنب كده.
بمناسبة عيدية وزارة النقل للشعب بتشغيل خطوط جديدة اعتبارا من النهاردة وزيادات أسعار من 25% لغاية 82% وحاجات جديدة 150%
المهم عاوزكم مستقبلاً تتوقعوا ثورة في السكك الحديدة ووزارة النقل ككل.
*️⃣ هتشوفوا خطوط سكك حديد جديدة كلياً زي خط الغردقة سفاجا قنا الأقصر؛ خط جبل الجلالة العاصمة الادارية العلميين الجديدة ؛ خط القطار المكهرب من موقف العاشر الي العبور الشروق بدر العاصمة الادارية وخطوط ثانية كثير. وطبعا مونوريل العاصمة الادارية التجمع الوفاء والامل الي ميدان رابعة وكمان مونوريل الجيزة الي اكتوبر.
*️⃣ وهنشوف برضك تحسن في تقنيات ونوعيات القطارات وجودتها.
*️⃣ عربات قطارات جديدة مطورة وعالية الجودة وعالمية يعني حاجات كده فخمة زي كراسي الطائرات؛ جودة اعلي من VIP الحالي.
*️⃣ كمان هيتم تجديد القاطرات بتاعه العربات وحالياً العربات الروسي الجديدة جابوا لها قاطرة من أمريكا 😂.
*️⃣ بصوا كل اللي اتعمل في تاريخ السكك الحديد كوم والمترو والنقل واللي هيحصل لغاية 2030 كوم تاني؛ من الآخر كل خطط وأحلام وزارات النقل خلال السنين الماضية هيتنفذ دفعة واحدة.
*️⃣ زمان كان التطوير بطيء لان السكك الحديد كانت بتشوف هتجيب منين فلوس للمشروع وهل موازنة الدولة تتحمل قروض؛ زي مثلا قرض البنك الدولي بالرمز الكودي P101103 اللي وقع مارس 2009 بقيمة 270 مليون دولار وهيتقفل خلاص 31 ديسمير 2020 الجاري.
*️⃣ حاليا (من 2015) الخطة مختلفة كلياً والقرار واضح وهو طور السكك الحديد بغض النظر هيتكلف كام ودا خلي الهيئة عليها وصلت ديونها 111 مليار جنية طبقا لتصريح الوزير امبارح.
طبعا الاستاذ اللي هناك هيقولي الديون دي هتسدد ازاي 🤔 هقولك يا سيدي ومعلش بقي خد وانبسط 😂
1️⃣ في قرار جمهوري سابق عشان الجهات اللي عليها ديون بتسدد الديون بأراضي ؛ يعني عندك وزارة النقل عندها أراضي كثير لان بالقانون في مسافة حول جميع خطوط السكك الحديد تبقي بتاعة الوزارة وفي نفس الوقت عليها مديونيات للبنك المركزي وبنك الاستثمار القومي؛ فهما يشوفوا عندهم ايه وبكام ويدوه للبنوك والبنوك بقي تعمل مشاريع او حتي تبيعها للقطاع الخاص محلي واجنبي. وبالفعل تمت جولة تسوية ديون ويوم 31 مايو السابق وزارة النقل كلفت متخصصين يشوفوا ايه تاني اراضي عشان يدفعوه ومتوقع التسوية المرة دي 50 مليار جنية.
2️⃣ المورد الثاني هيكون احنا؛ الوزير اعلن ان ايراد الهيئة المتوقع بحلول 2030 يعني خلال 10 سنين يكون اجمالي 250 مليار... لازم تعرفوا ان الايراد حاليا 4 مليار سنوي ؛ وعشان عارف الخداع الرقمي هتقولوا يعني 250 علي 10 سنين يبقي هيزيد السنة ل 25 مقابل 4 حالي؛ لا غلط خالص... الرقم بيزيد تدريجي يعني نقدر نتخيل ان ال 10 سنين يكونوا 6 ثم 8 ثم 12 ثم 15 ثم 20 ثم 25 ثم 30 ثم 35 ثم 40 ثم 45 مليار ؛ يعني هنوصل ل 45 مليار مش 25 (كل دي امثلة احسن حد ياخد التدرج دا انه مستهدف)... المهم يعني نتخيل ان ال 4 الحالية الهدف تبقي 40... طبعا في طرق سكك حديد جديدة وعربات جديدة مع زيادة الاسعار 5 أضعاف.
3️⃣ موارد متنوعة يعني محلات ومولات وكده في المحطات ؛ المورد دا لو استغل صح ممكن يكون بديل عن زيادة الفلوس اللي في البند 2 لكن اهو بقي نقول ايه؛ البند دا محتاج شغل مهول بس يجيب فلوس.
فدا اختصارا ايه هيحصل
هتشوفوا سكة حديد 5 نجوم بتحصل وخطوط جديدة وقطارات ومترو وقطار مكهرب ودلع؛ ومحدش يقول المواطن هيجيب فلوس منين لل 5 نجوم دي؛ ملناش دعوة بالمواطن لو سمحتهم ومشكلته انه اللي فقير يا فقير.
عيد سعيد وكل سنة وانتم طيبين
المهم عاوزكم مستقبلاً تتوقعوا ثورة في السكك الحديدة ووزارة النقل ككل.
*️⃣ هتشوفوا خطوط سكك حديد جديدة كلياً زي خط الغردقة سفاجا قنا الأقصر؛ خط جبل الجلالة العاصمة الادارية العلميين الجديدة ؛ خط القطار المكهرب من موقف العاشر الي العبور الشروق بدر العاصمة الادارية وخطوط ثانية كثير. وطبعا مونوريل العاصمة الادارية التجمع الوفاء والامل الي ميدان رابعة وكمان مونوريل الجيزة الي اكتوبر.
*️⃣ وهنشوف برضك تحسن في تقنيات ونوعيات القطارات وجودتها.
*️⃣ عربات قطارات جديدة مطورة وعالية الجودة وعالمية يعني حاجات كده فخمة زي كراسي الطائرات؛ جودة اعلي من VIP الحالي.
*️⃣ كمان هيتم تجديد القاطرات بتاعه العربات وحالياً العربات الروسي الجديدة جابوا لها قاطرة من أمريكا 😂.
*️⃣ بصوا كل اللي اتعمل في تاريخ السكك الحديد كوم والمترو والنقل واللي هيحصل لغاية 2030 كوم تاني؛ من الآخر كل خطط وأحلام وزارات النقل خلال السنين الماضية هيتنفذ دفعة واحدة.
*️⃣ زمان كان التطوير بطيء لان السكك الحديد كانت بتشوف هتجيب منين فلوس للمشروع وهل موازنة الدولة تتحمل قروض؛ زي مثلا قرض البنك الدولي بالرمز الكودي P101103 اللي وقع مارس 2009 بقيمة 270 مليون دولار وهيتقفل خلاص 31 ديسمير 2020 الجاري.
*️⃣ حاليا (من 2015) الخطة مختلفة كلياً والقرار واضح وهو طور السكك الحديد بغض النظر هيتكلف كام ودا خلي الهيئة عليها وصلت ديونها 111 مليار جنية طبقا لتصريح الوزير امبارح.
طبعا الاستاذ اللي هناك هيقولي الديون دي هتسدد ازاي 🤔 هقولك يا سيدي ومعلش بقي خد وانبسط 😂
1️⃣ في قرار جمهوري سابق عشان الجهات اللي عليها ديون بتسدد الديون بأراضي ؛ يعني عندك وزارة النقل عندها أراضي كثير لان بالقانون في مسافة حول جميع خطوط السكك الحديد تبقي بتاعة الوزارة وفي نفس الوقت عليها مديونيات للبنك المركزي وبنك الاستثمار القومي؛ فهما يشوفوا عندهم ايه وبكام ويدوه للبنوك والبنوك بقي تعمل مشاريع او حتي تبيعها للقطاع الخاص محلي واجنبي. وبالفعل تمت جولة تسوية ديون ويوم 31 مايو السابق وزارة النقل كلفت متخصصين يشوفوا ايه تاني اراضي عشان يدفعوه ومتوقع التسوية المرة دي 50 مليار جنية.
2️⃣ المورد الثاني هيكون احنا؛ الوزير اعلن ان ايراد الهيئة المتوقع بحلول 2030 يعني خلال 10 سنين يكون اجمالي 250 مليار... لازم تعرفوا ان الايراد حاليا 4 مليار سنوي ؛ وعشان عارف الخداع الرقمي هتقولوا يعني 250 علي 10 سنين يبقي هيزيد السنة ل 25 مقابل 4 حالي؛ لا غلط خالص... الرقم بيزيد تدريجي يعني نقدر نتخيل ان ال 10 سنين يكونوا 6 ثم 8 ثم 12 ثم 15 ثم 20 ثم 25 ثم 30 ثم 35 ثم 40 ثم 45 مليار ؛ يعني هنوصل ل 45 مليار مش 25 (كل دي امثلة احسن حد ياخد التدرج دا انه مستهدف)... المهم يعني نتخيل ان ال 4 الحالية الهدف تبقي 40... طبعا في طرق سكك حديد جديدة وعربات جديدة مع زيادة الاسعار 5 أضعاف.
3️⃣ موارد متنوعة يعني محلات ومولات وكده في المحطات ؛ المورد دا لو استغل صح ممكن يكون بديل عن زيادة الفلوس اللي في البند 2 لكن اهو بقي نقول ايه؛ البند دا محتاج شغل مهول بس يجيب فلوس.
فدا اختصارا ايه هيحصل
هتشوفوا سكة حديد 5 نجوم بتحصل وخطوط جديدة وقطارات ومترو وقطار مكهرب ودلع؛ ومحدش يقول المواطن هيجيب فلوس منين لل 5 نجوم دي؛ ملناش دعوة بالمواطن لو سمحتهم ومشكلته انه اللي فقير يا فقير.
عيد سعيد وكل سنة وانتم طيبين
ايه هي العلاقة بين أبل وشركة لادا وتطوير السكة الحديد في مصر 🤔
سيبك من العنوان اللي فوق أنا ملقتش دخله كويسة للبوست فقولت اتفلسف واكتب عنوان كده من بتوع واااو ايه دا 😂😂 عميق يعني 😌. المهم البوست عادي
*️⃣ في نوع من الغلطات أنا بسميه (غبي وأنا عارف) يعني العادي تغلط غلطة بسبب حاجة انتا مش عارفها؛ لكن ساعات بتكون عارف ايه الصح ويتعمل ازاي ومقتنع بيه وان عكسه غلط وبعدين تلاقي نفسك بتعمل عكسه لا إرادياً عشان كده بقول (غبي وانا عارف 😔).
*️⃣ أي صاحب بيزنس بيكون عارف إن أهم حاجة العميل مش المنتج بتاعه؛ يعني انتا مفروض بتجيب وتبيع المنتج اللي العميل بيحبه وعاوزه مش المنتج اللي انتا كصاحب الشغل بتحبه؛ اه ممكن تكون مش مقتنع باختيار العميل لكن في النهاية القاعدة بتاعة (الزبون علي حق) ظهرت للموضوع دا؛ الزبون علي حق في اختيار ايه المنتج اللي يستمر وايه يتعمل.
*️⃣ لكن عشان (غبي وأنا عارف) فكثير حصلت معايا بشكل شخصي اني شوفت منتجات واقتنعت بيها قوي وجبتها وجيت اعرضها ملقتش العملاء عندهم قابليه للمنتجات دي؛ وساعات تانية بلاقي منتجات مش مقتنع انها تبيع وتلاقيها بقت في Top Selling كمان.
*️⃣ سبب الغلطة دي بيكون إن صاحب البيزنس بينسى حاجة اسمها مين عميلك او زي ما بتوع التسويق بيسموها ال customer persona يعني هو عميلك مين ومواصفاته ايه. بحيث لما تقرر تشتري منتج تفكر مين العميل بتاعه وهل عميلك الحالي هيقبل المنتج دا.
بصوا عشان تفهموا قصدي هنروح للسؤال بتاع اول البوست ونشوف الثلاثي اللي فوق والبداية مع أبل.
1️⃣ شركة أبل تعالوا نفكر مين العميل بتاعها عادة؛ شخص مرتفع الدخل وفئة اجتماعية وتعليمية مرتفعه مهتم بالمظهر والشياكة والشو والبرستيج وكده يعني... ممكن مش كل العملاء كده لكنهم رسموا الصورة الذهنية لا إرادياً عند ملايين فبقي اللي عاوز يبان انه معاه فلوس ومميز يروح يجيب آي فون وشعار (فخامة التفاحة تكفي) وهكذا... سنة 2013 اطلقت أبل الاي فون 5C مع 5S وكان واضح قوي إن C تليفون رخيص بالتصميم البلاستيك وكده؛ فكده أبل زعلت مين؟ العملاء بتوعها اللي زعلوا ولسان حالهم (ايه يا أبل هتخلي الشعب يمسك اي فون) فمحدش اشتراه وبعتت ابل طلبات للموردين متبعتوش تاني قطع 5C وتيم كوك اعترف انهم خزنوا منه كميات كبيرة ومعرفتش تحسبها صح؛ وبعد سنة أوقفت التليفون المغمور دا اللي مش بس منجحش لا دا في كثير من ملاك أبل ميعرفوش بوجوده أصلاً.. وابل اتعلمت من الغلطة دي؛ مارس 2016 أبل أطلقت الاي فون SE وهو برضك هاتف اقتصادي يعني مفروض زي 5C لكن شوف المرة دي سوقوا له ازاي؛ قالوا ان في 2015 تم بيع 40 مليون اي فون 5S بحجم 4 بوصة في حين موجود الاي فون 6s/6 بحجم 4.7 بوصة يعني الناس بتحب حجم 4 بوصة؛ وعشان كده مش هنفضل نخليكم تشتروا الاي فون 5s القديم؛ هنجيب لكم احدث جهاز وهو 6s ونحطه في حجم ال 5s اللي بتحبوه؛ وبكده هي سوقت التليفون انه جاي من طلب الناس مش بهدف جهاز رخيص؛ وبالتصميم الالومنيوم الاساسي مش بلاستيك ردئ وأحدث معالج عند الشركة؛ ومن 3 شهور اطلقت أبل SE 2020 وبرضك بتصميم هاتف أساسي وهو الاي فون 8 وبرضك بأحدث معالج عن الشركة A13؛ فحقق مبيعات مبهرة...
فكر كده في 5C و SE هتلاقي المرتين زي بعض والهدف تليفون اقتصادي؛ لكن في SE ابل سوقت لتليفونها صح بعقلية العميل بتاعها مش تقوله تليفون بلاستيك.
علي فكرة عشان كده لما بتشوف النقاش الكوميدي بتاع تليفون كذا الاندرويد فيه مزايا أكثر من الاي فون؛ دا مش هيقنع مستخدم أبل لإن ابسط حاجة تليفون الأندرويد مش هيديله نفس البرستيج والشو (دا مجرد مثال ولا يعني عدم وجود مزايا بالنظام والهاتف لكني بضرب مثال بنقطة تفوق قاتلة لابل).
2️⃣ اللي اتعلمناه من مثال أبل نشوفه في مثال زي لادا جرانتا ؛ اللي اتعامل معاها هتلاقيه بيشتم في التقفيل المصري والتزييق في الكراسي والتسارع الغير موجود 😂؛ وتلاقي اللي يقول ما تزود 15/22 الف وتشتري لوجان أو 30 وتشتري نيسان صني وهكذا؛ لكن تبص علي تقارير المبيعات تلاقي مبيعاتها زادت 25% في 2019 ودايما هي ضمن قائمة أكثر 20 سيارة مبيعا في مصر وساعات في ال Top 10 كمان... طب ازاااي أنهي منطق دا.
السبب بسيط لما تفكر مين بيشتري الجرانتا؛ ايه ال Persona بتاعته؛ هتلاقيه شخص ميقدرش ماديا يطلع اكثر وهي أرخص سيدان في مصر وأرخص اتوماتيك في مصر؛ شنطتها 520 لتر والسعة دي أكبر من 95% من شنط العربيات السيدان في السوق ؛ فدا يخليها عربية عملية تشيل شنط وبضاعه وكده؛ يعني الزبون بتاعها شخص فلوسه علي اده وعاوز عربية عملية تشيل بضاعه وعفشة كويسة ولو حصلت مشكلة الصيانة رخيصة... هتقوله بس مفيش راحة رفاهية الخ الخ.. كلامك جميل بس عميل الجرانتا مش ب يستهدف الرفاهية ولو خير بين الرفاهية والاقتصادية هيختار الاقتصادية.
سيبك من العنوان اللي فوق أنا ملقتش دخله كويسة للبوست فقولت اتفلسف واكتب عنوان كده من بتوع واااو ايه دا 😂😂 عميق يعني 😌. المهم البوست عادي
*️⃣ في نوع من الغلطات أنا بسميه (غبي وأنا عارف) يعني العادي تغلط غلطة بسبب حاجة انتا مش عارفها؛ لكن ساعات بتكون عارف ايه الصح ويتعمل ازاي ومقتنع بيه وان عكسه غلط وبعدين تلاقي نفسك بتعمل عكسه لا إرادياً عشان كده بقول (غبي وانا عارف 😔).
*️⃣ أي صاحب بيزنس بيكون عارف إن أهم حاجة العميل مش المنتج بتاعه؛ يعني انتا مفروض بتجيب وتبيع المنتج اللي العميل بيحبه وعاوزه مش المنتج اللي انتا كصاحب الشغل بتحبه؛ اه ممكن تكون مش مقتنع باختيار العميل لكن في النهاية القاعدة بتاعة (الزبون علي حق) ظهرت للموضوع دا؛ الزبون علي حق في اختيار ايه المنتج اللي يستمر وايه يتعمل.
*️⃣ لكن عشان (غبي وأنا عارف) فكثير حصلت معايا بشكل شخصي اني شوفت منتجات واقتنعت بيها قوي وجبتها وجيت اعرضها ملقتش العملاء عندهم قابليه للمنتجات دي؛ وساعات تانية بلاقي منتجات مش مقتنع انها تبيع وتلاقيها بقت في Top Selling كمان.
*️⃣ سبب الغلطة دي بيكون إن صاحب البيزنس بينسى حاجة اسمها مين عميلك او زي ما بتوع التسويق بيسموها ال customer persona يعني هو عميلك مين ومواصفاته ايه. بحيث لما تقرر تشتري منتج تفكر مين العميل بتاعه وهل عميلك الحالي هيقبل المنتج دا.
بصوا عشان تفهموا قصدي هنروح للسؤال بتاع اول البوست ونشوف الثلاثي اللي فوق والبداية مع أبل.
1️⃣ شركة أبل تعالوا نفكر مين العميل بتاعها عادة؛ شخص مرتفع الدخل وفئة اجتماعية وتعليمية مرتفعه مهتم بالمظهر والشياكة والشو والبرستيج وكده يعني... ممكن مش كل العملاء كده لكنهم رسموا الصورة الذهنية لا إرادياً عند ملايين فبقي اللي عاوز يبان انه معاه فلوس ومميز يروح يجيب آي فون وشعار (فخامة التفاحة تكفي) وهكذا... سنة 2013 اطلقت أبل الاي فون 5C مع 5S وكان واضح قوي إن C تليفون رخيص بالتصميم البلاستيك وكده؛ فكده أبل زعلت مين؟ العملاء بتوعها اللي زعلوا ولسان حالهم (ايه يا أبل هتخلي الشعب يمسك اي فون) فمحدش اشتراه وبعتت ابل طلبات للموردين متبعتوش تاني قطع 5C وتيم كوك اعترف انهم خزنوا منه كميات كبيرة ومعرفتش تحسبها صح؛ وبعد سنة أوقفت التليفون المغمور دا اللي مش بس منجحش لا دا في كثير من ملاك أبل ميعرفوش بوجوده أصلاً.. وابل اتعلمت من الغلطة دي؛ مارس 2016 أبل أطلقت الاي فون SE وهو برضك هاتف اقتصادي يعني مفروض زي 5C لكن شوف المرة دي سوقوا له ازاي؛ قالوا ان في 2015 تم بيع 40 مليون اي فون 5S بحجم 4 بوصة في حين موجود الاي فون 6s/6 بحجم 4.7 بوصة يعني الناس بتحب حجم 4 بوصة؛ وعشان كده مش هنفضل نخليكم تشتروا الاي فون 5s القديم؛ هنجيب لكم احدث جهاز وهو 6s ونحطه في حجم ال 5s اللي بتحبوه؛ وبكده هي سوقت التليفون انه جاي من طلب الناس مش بهدف جهاز رخيص؛ وبالتصميم الالومنيوم الاساسي مش بلاستيك ردئ وأحدث معالج عند الشركة؛ ومن 3 شهور اطلقت أبل SE 2020 وبرضك بتصميم هاتف أساسي وهو الاي فون 8 وبرضك بأحدث معالج عن الشركة A13؛ فحقق مبيعات مبهرة...
فكر كده في 5C و SE هتلاقي المرتين زي بعض والهدف تليفون اقتصادي؛ لكن في SE ابل سوقت لتليفونها صح بعقلية العميل بتاعها مش تقوله تليفون بلاستيك.
علي فكرة عشان كده لما بتشوف النقاش الكوميدي بتاع تليفون كذا الاندرويد فيه مزايا أكثر من الاي فون؛ دا مش هيقنع مستخدم أبل لإن ابسط حاجة تليفون الأندرويد مش هيديله نفس البرستيج والشو (دا مجرد مثال ولا يعني عدم وجود مزايا بالنظام والهاتف لكني بضرب مثال بنقطة تفوق قاتلة لابل).
2️⃣ اللي اتعلمناه من مثال أبل نشوفه في مثال زي لادا جرانتا ؛ اللي اتعامل معاها هتلاقيه بيشتم في التقفيل المصري والتزييق في الكراسي والتسارع الغير موجود 😂؛ وتلاقي اللي يقول ما تزود 15/22 الف وتشتري لوجان أو 30 وتشتري نيسان صني وهكذا؛ لكن تبص علي تقارير المبيعات تلاقي مبيعاتها زادت 25% في 2019 ودايما هي ضمن قائمة أكثر 20 سيارة مبيعا في مصر وساعات في ال Top 10 كمان... طب ازاااي أنهي منطق دا.
السبب بسيط لما تفكر مين بيشتري الجرانتا؛ ايه ال Persona بتاعته؛ هتلاقيه شخص ميقدرش ماديا يطلع اكثر وهي أرخص سيدان في مصر وأرخص اتوماتيك في مصر؛ شنطتها 520 لتر والسعة دي أكبر من 95% من شنط العربيات السيدان في السوق ؛ فدا يخليها عربية عملية تشيل شنط وبضاعه وكده؛ يعني الزبون بتاعها شخص فلوسه علي اده وعاوز عربية عملية تشيل بضاعه وعفشة كويسة ولو حصلت مشكلة الصيانة رخيصة... هتقوله بس مفيش راحة رفاهية الخ الخ.. كلامك جميل بس عميل الجرانتا مش ب يستهدف الرفاهية ولو خير بين الرفاهية والاقتصادية هيختار الاقتصادية.
3️⃣ تطوير السكة الحديد ؛ والمرة دي أنا مش هضرب مثال بس هنفكر سوى؛ إمبارح نشرت بوست وضحت فيه إن في خطة تطوير شاملة ب مئات المليارات عشان تحول السكك الحديد الحالية لشكل تاني 5 نجوم؛ لكن هو ايه هدف أي تطوير 🤔؛ المعروف إن أي تطوير بيكون هدفه جلب عميل جديد + الحفاظ علي عميلك الحالي... والنقطة الأخيرة مهمة لإن تكلفة جلب عميل جديد أو ما تعرف ب Customer acquisition cost أعلي بكثير من تكلفة الحفاظ على عميلك الحالي... فهنا نفكر في شكل السكك الحديد الحالية وهنلاقيها سيئة وبتتأخر وأعطال لكن سعرها كويس بالمقارنة مع البدائل؛ طيب هو العيوب الحالية بتخلي العملاء مش بيركبوها؟ خط أسوان درجة 2 و 3 بيكون فاضي 🤔 لا طبعاً دا بيكون مكتمل دايماً ومفيش تذكرة 🎫؛ طيب ليييييه 🤔🤔 عشان العيوب دي قصادها ميزة وهي السعر المناسب؛ تخيل معايا قولنا للعميل هنطورها لك وهتبقي كويسة ونظيفة وسريعه وكله بس التذكرة اللي ب 30 هتبقي 70 ايه رأيك 🤔 قبل ما ترد فكر في شخصية العميل وال Persona بتاعته زي مثال لادا جرانتا؛ هو أهم حاجة عنده الجودة ولا السعر 🤔؛ يعني لو خيرته بينهم هيختار انهي 🤔 ؛ لو العميل دا كان عاوز جودة عالية ومعندوش مشكلة يدفع طب ليه مركبش درجة أولى أو VIP يا ترى 🤔.. لو هتطور له بنفس السعر فتمام حلو لكن تقوله هطورلك بضعف السعر؛ فيا تري هيكون مبسوط؛ طيب فكر في مثال تاني ان الحكومة اعلنت محطات بنزين معينة هيكون فيها انتظار 60 دقيقة لكن سعر اللتر 2 جنية؛ وباقي المحطات مفيش انتظار واللتر ب 7.5 جنية ؛ تفتكروا الناس هتختار خدمة غالية مميزة ولا خدمة اقل جودة بس ارخص؛ لو انتا شخص دخلك مرتفع وبتقبض 30 الف شهري هتقول بلا قرف مش هقعد ساعة عشان اوفر 500 جنية شهري؛ لكن لو دخلك 3000 جنية هيكون اختيارك مختلف.
البوست طول معايا واحنا في عيد بقي
لكن اتمني لما تيجي تقارن بين موبايلين او عربية او تجيب منتج لشركتك او تشوف مشروع للدولة أو أي حاجة متحكمش من مكان المشاهد لكن فكر في العميل المستهدف هل الموضوع دا ينفعه أم لا.
او زي ما الامريكان بيقولوا
put yourself in their shoes
بحيث تقدر تحكم صح؛ لان اكيد مرسيدس احسن من لادا لكن هل عميل مرسيدس بتستهدفه لادا 🤔 ؛اكيد خدمة معينة 5 نجوم رائعة بس هل العميل موافق...
عرفتم ايه الغلطة بتاعة أبل اللي ب نكررها في الحكم علي لادا جرانتا وبتتعمل في السكة الحديد دلوقتي 🤔 السؤال بتاع اول البوست لو نسيتوه 😂😂
*️⃣ ملحوظة:
الكومنت بتاع يعني محدش يطور حاجة طالما محدش موافق يدفع فلوس الخدمات الجيدة ؛ بجهزلك بوست للرد عليك بقالي اسبوع لكنه مش عاوز يتقفل كويس؛ أصبر هتاخد حاجة نظيفة.
البوست طول معايا واحنا في عيد بقي
لكن اتمني لما تيجي تقارن بين موبايلين او عربية او تجيب منتج لشركتك او تشوف مشروع للدولة أو أي حاجة متحكمش من مكان المشاهد لكن فكر في العميل المستهدف هل الموضوع دا ينفعه أم لا.
او زي ما الامريكان بيقولوا
put yourself in their shoes
بحيث تقدر تحكم صح؛ لان اكيد مرسيدس احسن من لادا لكن هل عميل مرسيدس بتستهدفه لادا 🤔 ؛اكيد خدمة معينة 5 نجوم رائعة بس هل العميل موافق...
عرفتم ايه الغلطة بتاعة أبل اللي ب نكررها في الحكم علي لادا جرانتا وبتتعمل في السكة الحديد دلوقتي 🤔 السؤال بتاع اول البوست لو نسيتوه 😂😂
*️⃣ ملحوظة:
الكومنت بتاع يعني محدش يطور حاجة طالما محدش موافق يدفع فلوس الخدمات الجيدة ؛ بجهزلك بوست للرد عليك بقالي اسبوع لكنه مش عاوز يتقفل كويس؛ أصبر هتاخد حاجة نظيفة.
بمناسبة العيد قعدت فترة قصاد التليفزيون
تصادف وشوفت اغنية محمد فوزي ( ذهب الليل وطلع الفجر) الشهيرة والكارتون القديم
في الحته بتاعة وعصام بكره هيبقي ظابط ويدافع عنكم؛ لقيت الكارتون فيه عسكري واقف جنب علم مكتوب فيه (تحيا مصر 🇪🇬) تخيلوا 😂
وبعدين قلبت لقيت مسرحية الواد سيد الشغال والمسرحية دي من 85 ال 92 على حد علمي؛ المهم في الحته بتاعة عادل امام وهو بيقاول عمر الحريري ياخد كام ويتجوز مشيرة ؛ قاله عاوزين كذا وكذا وكذا؛ وبعدها قال وعاوزين 2000 جنية عشان مصر ؛ ديون مصر؛ فالحريري قاله ايييه؛ فرد عليه عادل امام؛ دي عشان مصر 🇪🇬 اييييه تقدر تعترض 😂😂
ياااه يا جدعان دا احنا عايشين في ديجافو Deja Vu كبير قوي 😂😂
تصادف وشوفت اغنية محمد فوزي ( ذهب الليل وطلع الفجر) الشهيرة والكارتون القديم
في الحته بتاعة وعصام بكره هيبقي ظابط ويدافع عنكم؛ لقيت الكارتون فيه عسكري واقف جنب علم مكتوب فيه (تحيا مصر 🇪🇬) تخيلوا 😂
وبعدين قلبت لقيت مسرحية الواد سيد الشغال والمسرحية دي من 85 ال 92 على حد علمي؛ المهم في الحته بتاعة عادل امام وهو بيقاول عمر الحريري ياخد كام ويتجوز مشيرة ؛ قاله عاوزين كذا وكذا وكذا؛ وبعدها قال وعاوزين 2000 جنية عشان مصر ؛ ديون مصر؛ فالحريري قاله ايييه؛ فرد عليه عادل امام؛ دي عشان مصر 🇪🇬 اييييه تقدر تعترض 😂😂
ياااه يا جدعان دا احنا عايشين في ديجافو Deja Vu كبير قوي 😂😂
كان أول مرة أسمع مصطلح (الاتساق مع الذات) من صديق لي في شغلي القديم قبل حوالي 7 سنين؛ وممكن نقول ان دا مصطلح بديل ل (عنده مبدأ) وهنا بدأت أفرق بين نوعين من البشر:
1️⃣ نوع هو عنده مبدأ معين ليكن نقول حقوق الإنسان؛ هو هيدافع عن أي في أي موقف يختلف مع مبدأه؛ يعني نفترض إنه علماني لكنه لو لقي مسلم مسيحي يهودي شيعي ملحد بوذي سلفي اخواني الخ الخ بيتعرض لانتهاك لحقوق الانسان هيدعمه ويقف معاه؛ النوعية دي ممكن تختلف مع بعض مواقفه مثلاً ليكن دعم الشواذ والالحاد لكن الشخص نفسه عنده مبادئ وكل تصرفاته متزنه أو زي ما بنقول (متسق مع ذاته)
2️⃣ النوع الثاني دا مسخ؛ تلاقيه مع حقوق المرأة لكن مع حقوق المرأة في قلع الهدوم 👙 لكن تلبس لا؛ ضد القمع لكن لو القمع دا لمتدينين مسلمين شغال زي الفل؛ مع الديمقراطية لكن لو الديمقراطية هتجيب ناس مش بحبها فأنا مش معاها وهكذا... الناس دي مسخ وتصرفاته متناقضه مع بعضها لدرجة متعرفش تناقشه
النوع الثاني دا أنا شوفته كثييير عالفيس مؤخراً
*️⃣ شوفتهم في بوستات الكويت 🇰🇼 لما كلب يضرب مصري 🇪🇬 بالقلم يحط 100 بوست شتيمه ويقوله حررناكم (مقابل 40 مليار دولار بالمناسبة مش روحنا جدعنه مننا) ووو ؛ وفي نفس الوقت من يومين سعودي 🇸🇦 قتل 2 عمال مصريين ؛ ولا يفتح بقه ولا يحط بوست واحد ولا الهوا... مسخ مش متسق مع ذاته
وطبعاً مش معني كلامي إنه مفروض يسكت علي اهانة ابن... الكويتي 🇰🇼 للعامل المصري؛ لكن مفروض هو ضد اهانة المصريين عامة؛ مش ضد اهانتهم من الكويتيين بس والباقي عادي.
*️⃣ المسوخ دول برضك تشوفهم في انه يعمل صوت صرصور الحقل لما تركيا 🇹🇷 تعمل غارة على سوريا ويتكلم لما بشار وروسيا وايران يضربوا السوريين 🇸🇾 ؛ وساعات العكس يعني هو معارض لتركيا فيشتم لما تعمل غارة وبعدين بشار يضرب مدن بالبراميل المتفجرة فيعمل عبيط عادي. يا مسخ انتا ضد قتل المدنييين يعني تعارض تركيا 🇹🇷 وتعارض روسيا 🇷🇺 وسوريا وأمريكا 🇺🇸 وكل من يقتل مدني.
*️⃣ نفس الحكاية تلاقيه مشير أوضاع الاجئيين السوريين ويشتم بشار؛ وبعدين في مليون انسان يمني بيموت وهو مش من هنا متلاقيش بوست واحد..
*️⃣ تلاقيه مشير بوستات يشتم تركيا 🇹🇷 علي خبر انهم هيسلموا 50 الف من الايجور الي الصين 🇨🇳 ؛ بغض النظر ان الخبر اتنفي لكن حتي لو صح فمصر سبق وسلمت الايجوريين للصين للمعتقلات ومنشرش بوست؛ ومحمد بن سلمان أيد ابادة مسلمي الايجور والامارات صوتت ضد قانون كان هدفه ادانة الصين 🇨🇳 لاضطهاد الايجور (صوتت ضد القانون وقالت الصين مش بتعمل حاجة)... ومش هتلاقيه حاطط بوست واحد عنهم.
*️⃣ تلاقيه مشير عن اوضاع العمالة الاسيوية في الامارات 🇦🇪 ؛ وفي نفس الفترة صدر برضك تقرير فوربن بوليسي بأوضاع العمالة في قطر 🇶🇦 لكنه يعمل مش من هنا...
يا مسوخ بطلوا؛ يا عم عاوز تقول انا شخص... وعشان كده بنشر لطرف واحد قشطة حقك انتا شخص...
لكن تدعي الفضيلة وانك مع حقوق الإنسان والضعفاء وضد التدخل في ارض الغير ووو
فانتا مجرد مسخ يا....
1️⃣ نوع هو عنده مبدأ معين ليكن نقول حقوق الإنسان؛ هو هيدافع عن أي في أي موقف يختلف مع مبدأه؛ يعني نفترض إنه علماني لكنه لو لقي مسلم مسيحي يهودي شيعي ملحد بوذي سلفي اخواني الخ الخ بيتعرض لانتهاك لحقوق الانسان هيدعمه ويقف معاه؛ النوعية دي ممكن تختلف مع بعض مواقفه مثلاً ليكن دعم الشواذ والالحاد لكن الشخص نفسه عنده مبادئ وكل تصرفاته متزنه أو زي ما بنقول (متسق مع ذاته)
2️⃣ النوع الثاني دا مسخ؛ تلاقيه مع حقوق المرأة لكن مع حقوق المرأة في قلع الهدوم 👙 لكن تلبس لا؛ ضد القمع لكن لو القمع دا لمتدينين مسلمين شغال زي الفل؛ مع الديمقراطية لكن لو الديمقراطية هتجيب ناس مش بحبها فأنا مش معاها وهكذا... الناس دي مسخ وتصرفاته متناقضه مع بعضها لدرجة متعرفش تناقشه
النوع الثاني دا أنا شوفته كثييير عالفيس مؤخراً
*️⃣ شوفتهم في بوستات الكويت 🇰🇼 لما كلب يضرب مصري 🇪🇬 بالقلم يحط 100 بوست شتيمه ويقوله حررناكم (مقابل 40 مليار دولار بالمناسبة مش روحنا جدعنه مننا) ووو ؛ وفي نفس الوقت من يومين سعودي 🇸🇦 قتل 2 عمال مصريين ؛ ولا يفتح بقه ولا يحط بوست واحد ولا الهوا... مسخ مش متسق مع ذاته
وطبعاً مش معني كلامي إنه مفروض يسكت علي اهانة ابن... الكويتي 🇰🇼 للعامل المصري؛ لكن مفروض هو ضد اهانة المصريين عامة؛ مش ضد اهانتهم من الكويتيين بس والباقي عادي.
*️⃣ المسوخ دول برضك تشوفهم في انه يعمل صوت صرصور الحقل لما تركيا 🇹🇷 تعمل غارة على سوريا ويتكلم لما بشار وروسيا وايران يضربوا السوريين 🇸🇾 ؛ وساعات العكس يعني هو معارض لتركيا فيشتم لما تعمل غارة وبعدين بشار يضرب مدن بالبراميل المتفجرة فيعمل عبيط عادي. يا مسخ انتا ضد قتل المدنييين يعني تعارض تركيا 🇹🇷 وتعارض روسيا 🇷🇺 وسوريا وأمريكا 🇺🇸 وكل من يقتل مدني.
*️⃣ نفس الحكاية تلاقيه مشير أوضاع الاجئيين السوريين ويشتم بشار؛ وبعدين في مليون انسان يمني بيموت وهو مش من هنا متلاقيش بوست واحد..
*️⃣ تلاقيه مشير بوستات يشتم تركيا 🇹🇷 علي خبر انهم هيسلموا 50 الف من الايجور الي الصين 🇨🇳 ؛ بغض النظر ان الخبر اتنفي لكن حتي لو صح فمصر سبق وسلمت الايجوريين للصين للمعتقلات ومنشرش بوست؛ ومحمد بن سلمان أيد ابادة مسلمي الايجور والامارات صوتت ضد قانون كان هدفه ادانة الصين 🇨🇳 لاضطهاد الايجور (صوتت ضد القانون وقالت الصين مش بتعمل حاجة)... ومش هتلاقيه حاطط بوست واحد عنهم.
*️⃣ تلاقيه مشير عن اوضاع العمالة الاسيوية في الامارات 🇦🇪 ؛ وفي نفس الفترة صدر برضك تقرير فوربن بوليسي بأوضاع العمالة في قطر 🇶🇦 لكنه يعمل مش من هنا...
يا مسوخ بطلوا؛ يا عم عاوز تقول انا شخص... وعشان كده بنشر لطرف واحد قشطة حقك انتا شخص...
لكن تدعي الفضيلة وانك مع حقوق الإنسان والضعفاء وضد التدخل في ارض الغير ووو
فانتا مجرد مسخ يا....
تعرفوا إن ممكن سامسونج أو شاومي أو أوبو أو هواوي ينزلوا شيء جديد مبتكر في أجهزتهم وأبل متقدرش تنزله قبل سنة او سنتين مثلا! وبقول متقدرش وليس مش عاوزة أو بتوفر زي حركات أبل لكنها فعلياً متقدرش... يعني مثلاً شاومي تضيف ميزة X فتعجب الناس تروح أوبو ضايفها ثم هواوي.. وأبل تقتنع بالميزة دي لكنها متقدرش تضيفها زيهم قبل سنة أو سنتين.
في البوست دا هشرح عقبة بتواجه الشركات الكبيرة قوي وهيكون المثال عن أبل والآي فون.
في البداية كده نعرف بسرعة حاجتين عن عالم السمارت فون:
1️⃣ إن أبل عندها قسم تصميم لكن مش تصنيع... يعني أبل بتصمم Body لكنه بيتصنع في شركات تانية؛ تطلب مواصفات معينة في البطارية 🔋 ثم تصنعها لها شركات تانية... أبل في الماضي كان عندها مصانعها لغاية عودة ستيف جوبز واللي مجرد رجع عين تيم كوك كمدير للتشغيل في أبل وقاله حل لي أزمة المصانع؛ فتيم كوك طبق سياسة شراء العبد ولا تربيته وقفل المصانع بتاعة أبل وبقت تجمع في شركات كثير زي فوكسكون وويسترون وبيجاترون وغيرهم. فالآي فون بيكون شاشة من سامسونج وحساس كاميرا من سوني (كل الآي فون والآي باد سوني) على شرائح اتصال من إنتل (سابقاً) وكوالكم تصنيع TSMC ومعالج تصميم أبل وتصنيع TSMC على ذاكرة من سانديسك وماكرون وهكذا.
2️⃣ السمارت فون بيصنف في 3 فئات...
*️⃣ الاقتصادي ودا تحت 150$ وبعدين متوسط ودا 150-400 دولار ثم البريميوم ودا فوق 400$. طبعاً في تصنيفات تانية بتحب تعمل فئة إضافية 650$ وطالع لكن خلينا في الأوسع من أول 400$.
*️⃣ الفئة دي أبل "البريميوم" بتحقق مبيعات سنويه 300-350 مليون تليفون مبيعاً وأبل عادة حصتها 200-250 مليون يعني ممكن نقول متوسط 60%. وأحدث تقرير قريته كان مركز الأبحاث counterpoint research قال إن حصة أبل الربع الأول 2020 في الفئة دي 57% وسامسونج 19% وهواوي 12% وأوبو 3% وشاومي 2% وللتذكير الربع دا أبل منزلتش تليفون جديد. ونفس التقرير قال إن أكثر 5 تليفونات في الفئة دي مبيعاً كان 4 منهم آي-فون.
*️⃣ بعض التصنيفات لما بتتوسع لفئة 650$ وأكثر بتبقى حصة أبل توصل 70-75%. لكن نخلينا في التقرير الأعم والأشمل.
*️⃣ كده يعني نقول الربع الأول (بكرر اللي أبل منزلتش تليفون فيه) تم بيع 70 مليون تليفون بريميوم كانت حصة أبل فيهم 40 مليون تليفون وسامسونج 13 مليون وهواوي 8 مليون وأوبو 1.2 مليون وشاومي 0.8 مليون.
طيب نبص على مبيعات التليفونات الغالية ... تلاقي إن هواوي أعلنت نهاية 2019 إن مبيعات كل عائلة Mate 20 وعائلة P30 مع بعض (دول فيهم نسخ Lite اقتصادية) مجموعهم 37 مليون تليفون.
*️⃣ سامسونج بقى عائلة S20 حققت مبيعات 8.2 مليون في 3 شهور من الإطلاق.. بالمناسبة رقم 8 مليون دا موقع 9To5Mac قال في تقرير يوم 4 أكتوبر الماضي يعني بعد إطلاق الآي فون بأسبوعين إن أبل بعتت للموردين يزودوا إنتاج الآي فون 11 (11 بس لوحده مش برو) بنسبة 10% والـ 10% دي تساوي 8 مليون. يعني اللي سامسونج بتبيعه من عائلة S في 3 شهور تساوي طلب أبل بعته للمصانع يزودوا إنتاج تليفون من تليفوناتها.
لو بقى في حد وصل لغاية هنا ولسه مملش وزهق أو قلب الموضوع سامسونج وأبل وراح التعليقات؛ فأنا دلوقتي هوضح ليه طولت في توضيح فارق مبيعات أبل والآخرين في الفئة العليا.
*️⃣ ضخامة مبيعات أبل دي عاملة لها مشكلة وهى إن التقنيات الحديثة محدش يقدر يصنعها... يعني مثلاً شاومي نفترض أفتكست تقنية في الشاشات وحطتها في أغلى تليفون عندها. التليفون دا بيبيع عالمياً 300 ألف قطعة شهرياً فالمصانع بسهولة تقدر توفرله.. لكن تخيلوا أبل عاوزة تضيف نفس التقنية فهتبعت لنفس المصنع تقوله عاوزة نفس الشاشة بس أنا عاوزه في شهر الإطلاق بتاع التليفون 25 مليون وبعد كده 10 مليون شهري. المصانع متقدرش توفر الكميات دي.
*️⃣ تعالوا لمثال حصل بالفعل.. شاشات OLED أبل اقتنعت بيها من سنين وأبل بتطلب شاشات بتقنيات ومواصفات معينة قوي لدرجة إن شاشة الآي فون دائماً تحصل على لقب أفضل شاشة في سمارت فون... حتى سامسونج نفسها اللي بتصنع الشاشات لأبل بتتهزم في الجودة تخيلوا يعني سامسونج بتورد شاشات لأبل أعلى جودة من اللي في S و نوت.
*️⃣ أبل لما قررت سنة 2017 تحط شاشات OLED بعتت للمصانع اللي بتتعامل معاها وهم شركة LG وشركة شاشات اليابان (هيتشاي توشيبا سوني) وشركة شارب قالت لهم عاوزة 50 مليون شاشة OLED والسنة القادمة 75 مليون شاشة وبعدها 90 مليون وبعدها 120 مليون بمواصفات 1-2-3 (الأرقام مثال)... الثلاثة قالوا منقدرش الكمية دي مهولة منقدرش.
*️⃣ فهنا أبل راحت لسامسونج غريمتها اللي قالت لأبل صراحة كده إن الكمية ضخمة بس نقدر نصنعها لكن عشان تتصنع هنعمل توسعات في المصانع والتوسعات دي هتكلفنا مليارات فأنتم هتتفقوا معانا إنكم تشتروا حد أدنى كل ربع لو نزلتم عنه تدفعوا لنا تعويض.
في البوست دا هشرح عقبة بتواجه الشركات الكبيرة قوي وهيكون المثال عن أبل والآي فون.
في البداية كده نعرف بسرعة حاجتين عن عالم السمارت فون:
1️⃣ إن أبل عندها قسم تصميم لكن مش تصنيع... يعني أبل بتصمم Body لكنه بيتصنع في شركات تانية؛ تطلب مواصفات معينة في البطارية 🔋 ثم تصنعها لها شركات تانية... أبل في الماضي كان عندها مصانعها لغاية عودة ستيف جوبز واللي مجرد رجع عين تيم كوك كمدير للتشغيل في أبل وقاله حل لي أزمة المصانع؛ فتيم كوك طبق سياسة شراء العبد ولا تربيته وقفل المصانع بتاعة أبل وبقت تجمع في شركات كثير زي فوكسكون وويسترون وبيجاترون وغيرهم. فالآي فون بيكون شاشة من سامسونج وحساس كاميرا من سوني (كل الآي فون والآي باد سوني) على شرائح اتصال من إنتل (سابقاً) وكوالكم تصنيع TSMC ومعالج تصميم أبل وتصنيع TSMC على ذاكرة من سانديسك وماكرون وهكذا.
2️⃣ السمارت فون بيصنف في 3 فئات...
*️⃣ الاقتصادي ودا تحت 150$ وبعدين متوسط ودا 150-400 دولار ثم البريميوم ودا فوق 400$. طبعاً في تصنيفات تانية بتحب تعمل فئة إضافية 650$ وطالع لكن خلينا في الأوسع من أول 400$.
*️⃣ الفئة دي أبل "البريميوم" بتحقق مبيعات سنويه 300-350 مليون تليفون مبيعاً وأبل عادة حصتها 200-250 مليون يعني ممكن نقول متوسط 60%. وأحدث تقرير قريته كان مركز الأبحاث counterpoint research قال إن حصة أبل الربع الأول 2020 في الفئة دي 57% وسامسونج 19% وهواوي 12% وأوبو 3% وشاومي 2% وللتذكير الربع دا أبل منزلتش تليفون جديد. ونفس التقرير قال إن أكثر 5 تليفونات في الفئة دي مبيعاً كان 4 منهم آي-فون.
*️⃣ بعض التصنيفات لما بتتوسع لفئة 650$ وأكثر بتبقى حصة أبل توصل 70-75%. لكن نخلينا في التقرير الأعم والأشمل.
*️⃣ كده يعني نقول الربع الأول (بكرر اللي أبل منزلتش تليفون فيه) تم بيع 70 مليون تليفون بريميوم كانت حصة أبل فيهم 40 مليون تليفون وسامسونج 13 مليون وهواوي 8 مليون وأوبو 1.2 مليون وشاومي 0.8 مليون.
طيب نبص على مبيعات التليفونات الغالية ... تلاقي إن هواوي أعلنت نهاية 2019 إن مبيعات كل عائلة Mate 20 وعائلة P30 مع بعض (دول فيهم نسخ Lite اقتصادية) مجموعهم 37 مليون تليفون.
*️⃣ سامسونج بقى عائلة S20 حققت مبيعات 8.2 مليون في 3 شهور من الإطلاق.. بالمناسبة رقم 8 مليون دا موقع 9To5Mac قال في تقرير يوم 4 أكتوبر الماضي يعني بعد إطلاق الآي فون بأسبوعين إن أبل بعتت للموردين يزودوا إنتاج الآي فون 11 (11 بس لوحده مش برو) بنسبة 10% والـ 10% دي تساوي 8 مليون. يعني اللي سامسونج بتبيعه من عائلة S في 3 شهور تساوي طلب أبل بعته للمصانع يزودوا إنتاج تليفون من تليفوناتها.
لو بقى في حد وصل لغاية هنا ولسه مملش وزهق أو قلب الموضوع سامسونج وأبل وراح التعليقات؛ فأنا دلوقتي هوضح ليه طولت في توضيح فارق مبيعات أبل والآخرين في الفئة العليا.
*️⃣ ضخامة مبيعات أبل دي عاملة لها مشكلة وهى إن التقنيات الحديثة محدش يقدر يصنعها... يعني مثلاً شاومي نفترض أفتكست تقنية في الشاشات وحطتها في أغلى تليفون عندها. التليفون دا بيبيع عالمياً 300 ألف قطعة شهرياً فالمصانع بسهولة تقدر توفرله.. لكن تخيلوا أبل عاوزة تضيف نفس التقنية فهتبعت لنفس المصنع تقوله عاوزة نفس الشاشة بس أنا عاوزه في شهر الإطلاق بتاع التليفون 25 مليون وبعد كده 10 مليون شهري. المصانع متقدرش توفر الكميات دي.
*️⃣ تعالوا لمثال حصل بالفعل.. شاشات OLED أبل اقتنعت بيها من سنين وأبل بتطلب شاشات بتقنيات ومواصفات معينة قوي لدرجة إن شاشة الآي فون دائماً تحصل على لقب أفضل شاشة في سمارت فون... حتى سامسونج نفسها اللي بتصنع الشاشات لأبل بتتهزم في الجودة تخيلوا يعني سامسونج بتورد شاشات لأبل أعلى جودة من اللي في S و نوت.
*️⃣ أبل لما قررت سنة 2017 تحط شاشات OLED بعتت للمصانع اللي بتتعامل معاها وهم شركة LG وشركة شاشات اليابان (هيتشاي توشيبا سوني) وشركة شارب قالت لهم عاوزة 50 مليون شاشة OLED والسنة القادمة 75 مليون شاشة وبعدها 90 مليون وبعدها 120 مليون بمواصفات 1-2-3 (الأرقام مثال)... الثلاثة قالوا منقدرش الكمية دي مهولة منقدرش.
*️⃣ فهنا أبل راحت لسامسونج غريمتها اللي قالت لأبل صراحة كده إن الكمية ضخمة بس نقدر نصنعها لكن عشان تتصنع هنعمل توسعات في المصانع والتوسعات دي هتكلفنا مليارات فأنتم هتتفقوا معانا إنكم تشتروا حد أدنى كل ربع لو نزلتم عنه تدفعوا لنا تعويض.
*️⃣ من أسبوعين أبل مقدرتش في الربع الثاني 2020 تشتري عدد الشاشات المطلوبة فدفعت بالفعل لسامسونج تعويض 950 مليون دولار.
*️⃣ فهنا بقى الأزمة اللي عند شركة زي أبل؛ حجم الطلب المهول من عدد قطع محدد وهاي إند بيخلي مصانع التوريد متقدرش توفره.
*️⃣ تخيلوا معايا إن أبل عاوزة تنزل الآي باد برو بشاشة OLED وقالت عاوزة 10 مليون شاشة كبيرة تابلت OLED... الكوكب كله مفيهوش 1 مليون تابلت OLED بيتباعوا فمفيش مصنع جاهز لحجم الطلب اللي أبل عاوزاه.
*️⃣ عاوز أقولكم إن تقارير إخبارية قالت إن أبل دعمت LG ب 2.7 مليار دولار سنة 2017 عشان يعملوا مصانع OLED وأهو السنة دي بيقولوا LG هتورد لأبل 20 مليون شاشة للآي فون 12 في نفس الوقت سامسونج هتكون وردت 55 مليون شاشة يعني برضك في الآي فون 12 أبل معتمدة أساسي على سامسونج بعد 3 سنين من دعمها لـ LG وبالمناسبة برضك أبل دعمة شركة شاشات اليابان بمليار دولار؛ وخلت فوكسكون تشتري شارب عشان تورد لها شاشات وبرضك كل دا وبعد 3 سنين مش قادرين.
*️⃣ فساعات بيكون في تقنيات هارد وير ناس بتشوفها في تليفونات صيني وتقولك ليه أبل متعملهاش... ممكن أبل مش بتعملها توفير للفلوس أو مش مقتنعه بيها لكن ممكن برضك تكون مصانع الكوكب متقدرش تلبي طلب لأبل لتوفير نفس الشيء. آخرهم يصنعوا 1-2-3-4 مليون يعني يكفى شغل شاومي وأوبو وحتى هواوي لكن أبل لا.
*️⃣ *️⃣ وخد بالك الكلام مش عدد الأجهزة لان أبل أقل من سامسونج وهواوي؛ لكن عدد الأجهزة اللي شبه بعض بمواصفات Hi-End. لكن لو نفس العدد بتاع أبل لكن تليفون Low/Mid فعادي يتصنع بدون مشاكل
البوست دا طويل وفيه أرقام كثير فكتبته من الكومبيوتر عكس العادة. لكني حبيت أوضح لكم عقبة بتكون عند شركات كبيرة مش عند الصغيرين
الشركة الكبيرة زي المقطورة لما تتحرك بيكون حركتها بطيئة ومينفعش تدخل أي شارع؛ الموتوسيكل سريع وخفيف لكن يوم ما المقطورة هتخش قصاده نفس الشارع هتسحقه.
*️⃣ فهنا بقى الأزمة اللي عند شركة زي أبل؛ حجم الطلب المهول من عدد قطع محدد وهاي إند بيخلي مصانع التوريد متقدرش توفره.
*️⃣ تخيلوا معايا إن أبل عاوزة تنزل الآي باد برو بشاشة OLED وقالت عاوزة 10 مليون شاشة كبيرة تابلت OLED... الكوكب كله مفيهوش 1 مليون تابلت OLED بيتباعوا فمفيش مصنع جاهز لحجم الطلب اللي أبل عاوزاه.
*️⃣ عاوز أقولكم إن تقارير إخبارية قالت إن أبل دعمت LG ب 2.7 مليار دولار سنة 2017 عشان يعملوا مصانع OLED وأهو السنة دي بيقولوا LG هتورد لأبل 20 مليون شاشة للآي فون 12 في نفس الوقت سامسونج هتكون وردت 55 مليون شاشة يعني برضك في الآي فون 12 أبل معتمدة أساسي على سامسونج بعد 3 سنين من دعمها لـ LG وبالمناسبة برضك أبل دعمة شركة شاشات اليابان بمليار دولار؛ وخلت فوكسكون تشتري شارب عشان تورد لها شاشات وبرضك كل دا وبعد 3 سنين مش قادرين.
*️⃣ فساعات بيكون في تقنيات هارد وير ناس بتشوفها في تليفونات صيني وتقولك ليه أبل متعملهاش... ممكن أبل مش بتعملها توفير للفلوس أو مش مقتنعه بيها لكن ممكن برضك تكون مصانع الكوكب متقدرش تلبي طلب لأبل لتوفير نفس الشيء. آخرهم يصنعوا 1-2-3-4 مليون يعني يكفى شغل شاومي وأوبو وحتى هواوي لكن أبل لا.
*️⃣ *️⃣ وخد بالك الكلام مش عدد الأجهزة لان أبل أقل من سامسونج وهواوي؛ لكن عدد الأجهزة اللي شبه بعض بمواصفات Hi-End. لكن لو نفس العدد بتاع أبل لكن تليفون Low/Mid فعادي يتصنع بدون مشاكل
البوست دا طويل وفيه أرقام كثير فكتبته من الكومبيوتر عكس العادة. لكني حبيت أوضح لكم عقبة بتكون عند شركات كبيرة مش عند الصغيرين
الشركة الكبيرة زي المقطورة لما تتحرك بيكون حركتها بطيئة ومينفعش تدخل أي شارع؛ الموتوسيكل سريع وخفيف لكن يوم ما المقطورة هتخش قصاده نفس الشارع هتسحقه.
إمبارح خوان كارلوس هرب من أسبانيا 🇪🇸
*️⃣ فقولت اكتب بوست عن الموضوع
*️⃣ وبعدين قولت يمكن الناس متعرفش مين خوان كارلوس فهكتب قصته
*️⃣ وبعدين قولت لازم اكتب عن فرانكو طالما هكتب عن خوان كارلوس
*️⃣ وبعدين قولت طالما فرانكو يبقي لازم الحرب الاهلية الأسبانية
*️⃣ وبعدين قولت لازم نشوف الجمهورية الاسبانية الثانية اللي قامت عليها الحرب الاهلية
*️⃣ وبعدين قولت لازم نتكلم عن عصر قبل الجمهورية الثانية والجنرال ريفيرا وفترة الحكم بتاعة الفونسو ال 13
*️⃣ وبعدين قولت لازم اتكلم عن معركة انوال للامير العظيم عبد الكريم الخطابي اللي غيرت شكل اسبانيا ودمرت شعبية الملك
*️⃣ وبعدين قولت لازم احكي عن أسباب تورطت أسبانيا مع المغرب ووصلت لغاية نابليون وغزو المماليك الفرنسيين لمدريد.
*️⃣ وبعدين قولت مش بحب التاريخ الصافي لازم اربط القصة بالحاضر والمستقبل
*️⃣ فقررت أكتب حاجة عن اردوغان وهل هيطوله مصير خوان كارلوس مستقبلاً.
دا أنا رغااااي قوي يا جدعان 😂😂
فالجماعة اللي بتحب القراية الطويلة عندكم النهاردة تحدي بوست عملاق بالمتر كده هجيب بشكل سريع تاريخ اسبانيا من ساعة خروج المسلمين من الاندلس لغاية امبارح وعلاقته بتركيا.
هنشره ان شاء الله الساعة 6 مساءا؛ مستعدين 💪💪
*️⃣ فقولت اكتب بوست عن الموضوع
*️⃣ وبعدين قولت يمكن الناس متعرفش مين خوان كارلوس فهكتب قصته
*️⃣ وبعدين قولت لازم اكتب عن فرانكو طالما هكتب عن خوان كارلوس
*️⃣ وبعدين قولت طالما فرانكو يبقي لازم الحرب الاهلية الأسبانية
*️⃣ وبعدين قولت لازم نشوف الجمهورية الاسبانية الثانية اللي قامت عليها الحرب الاهلية
*️⃣ وبعدين قولت لازم نتكلم عن عصر قبل الجمهورية الثانية والجنرال ريفيرا وفترة الحكم بتاعة الفونسو ال 13
*️⃣ وبعدين قولت لازم اتكلم عن معركة انوال للامير العظيم عبد الكريم الخطابي اللي غيرت شكل اسبانيا ودمرت شعبية الملك
*️⃣ وبعدين قولت لازم احكي عن أسباب تورطت أسبانيا مع المغرب ووصلت لغاية نابليون وغزو المماليك الفرنسيين لمدريد.
*️⃣ وبعدين قولت مش بحب التاريخ الصافي لازم اربط القصة بالحاضر والمستقبل
*️⃣ فقررت أكتب حاجة عن اردوغان وهل هيطوله مصير خوان كارلوس مستقبلاً.
دا أنا رغااااي قوي يا جدعان 😂😂
فالجماعة اللي بتحب القراية الطويلة عندكم النهاردة تحدي بوست عملاق بالمتر كده هجيب بشكل سريع تاريخ اسبانيا من ساعة خروج المسلمين من الاندلس لغاية امبارح وعلاقته بتركيا.
هنشره ان شاء الله الساعة 6 مساءا؛ مستعدين 💪💪
خوان كارلوس هرب إمبارح من أسبانيا؛ فيا تري أردوغان هيقابل نفس المصير مستقبلاً.
الناس بتاعة المؤامرات والإخوان والعثمانيين والجو دا؛ البوست دا عن تاريخ أسبانيا 🇪🇸 وفي النهاية هقولكم ايه علاقة أردوغان ب خوان كارلوس؛ فإهدوا أنا مش بتاع بوستات عاشت الخلافة ولا يسقط العثمانلي والهبل بتاع المعيز المنتشرة دي؛ دا بوست تاني خااالص وعن تاريخ دولة أسبانيا 🇪🇸.
*️⃣ بعد هزيمة المسلمين في الاندلس علي يد ملوك قشتالة وليون فرناندو وإزابيلا بدأت أسبانيا 🇪🇸 التوسع العالمي وفي نفس سنة خروج المسلمين من الاندلس؛ الأخ كريستوفر كولومبس اكتشف شرق قارة أمريكا (شوية الجزر).
*️⃣ أسبانيا عرفت تكون إمبراطورية ضخمة في الأمريكتين وأماكن مختلفة من العالم زي الفلبين وغيرها.
*️⃣ بدأ القرن ال 19 بظهور نابليون اللي مش بس حارب الإمبراطورية الأسبانية؛ لا دا سحقها وغزا مدريد بقوات المماليك بتاعته (اه نابليون عمل جيش مماليك جابه من مصر وطوره وسحق بيه مدريد سنة 1808).
*️⃣ في السنوات التالية فقدت الإمبراطورية الأسبانية مستعمراتها تدريجي بما فيها أمريكا 🇺🇸 لصالح انجلترا وفرنسا.
*️⃣ مع خسارة مستعمراتهم في امريكا 🇺🇸 وكندا 🍁 خسروا كمان المكسيك 🇲🇽 وبعدين تدريجي خسروا قارة امريكا الجنوبية اللي كانوا مسيطرين عليها عدا البرازيل (عشان كده كل أمريكا الجنوبية بتتكلم أسباني عدا البرازيل برتغالي).
*️⃣ بنهاية القرن 19 يعني علي سنة 1898 كانوا خسروا كل مستعمراتهم في الكوكب عدا الفلبين 🇵🇭 وكوبا 🇨🇺 واجزاء من المغرب 🇲🇦
*️⃣ سنة 1898 عملوا اتفاقية مع أمريكا إنها تشتري منهم الفلبين وجزيرة جوام وبورتريكو (آخر 2 لسه تبع أمريكا لليوم بس مواطنيهم مش امريكان قوي 🙂).
*️⃣ نسيت اقولكم سنة 1885 مات الملك الفونسو ال 12 ومكانش في ولي عهد؛ لكن مراته كانت حامل استنوا لغاية ما ولدت سنة 1886 واعلنوه ملك؛ وبقي ملك من اول يوم ولادته "الفونسو 13" والراجل دا مكمل معانا شوية في القصة.
*️⃣ الفونسو ال 13 لما كبر شوية وبقي ملك فعليا كان عنده مشكلة وهي ان في صراع داخل دولته؛ المغرب كانت مولعه بقيادة المجاهد العظيم الأمير عبد الكريم الخطابي وكان في فريق قوي بيقول نطلع من المغرب مش جايبه همها. لكن الفونسو قرر يقف مع التيار الثاني اللي قال نتوسع في المغرب؛ اللي هو مش عارفين يسيطروا علي مناطقهم ودا قالك نتوسع 😂😂.
*️⃣ بدأت معارك الريف المغربي سنة 1920 وفي العام التالي حصلت معركة من أهم المعارك في التاريخ العربي والإسلامي اللي هتغير شكل أسبانيا 🇪🇸؛ معركة (أنوال) اللي للأسف مغمورة جداً عندنا كمصريين ومسلمين؛ المعركة دي الأمير عبد الكريم الخطابي سحق الجيش الاسباني؛ كلمة سحق دي بالمعني الحرفي يعني الأسبان نفسهم مسمينها (كارثة أنوال)؛ عارفين الجو بتاع جيش يروح وميرجعش... دا حصل في الأسبان.
*️⃣ الجيش المغربي كان مكون من 3 الاف والجيش الأسباني 20-25 الف؛ واحنا في الزمن الحديث يعني في مدافع وبنادق ورشاشات مش جو فروسية وسيوف يعني مفروض التفوق كاسح للأسبان. لكن النتيجة ان جيش المسلمين المغاربه ال 3 الاف خسر 800 جندي بينما جيش العدو ال 20 الف خسر 13 الف جندي 😍😍😍.
*️⃣ الكارثة دي قلبت أسبانيا كلها والناس اتقسمت؛ فريق قال الثار وهنردها وفريق ثاني قال ما احنا عمالين نقول نطلع من المغرب الله يحرقكم؛ الفريقين قالوا فين الملك؛ وهنا انتشر معلومة وهي ان الملك بيصيف في فرنسا 🇫🇷 وكان بيلعب جولف ولما بلغوه بالهزيمة كمل الماتش عادي ولا فرق معاه سحق جيش ليه.
*️⃣ شعبية الملك انهارت خاصة انه كان ممشي الحرب في المغرب غصب عن الدستور وبدون موافقة البرلمان؛ فبدأت تحقيقات ومظاهرات ضد الملك اللي خلاص بقي مش عارف ايه الحل خاصة إن البرلمان خلاص قرر يحقق معاه شخصياً.
*️⃣ الحل جاله من الجيش؛ انقلاب عسكري عمله الجنرال "ريفيرا" سيطر على االحكم وعزل البرلمان والحكومة؛ الملك اعلن تأييده ل ريفيرا وعينه رئيس وزراء.
*️⃣ ريفيرا أعلن حاجتين؛ الأولي استكمال حرب الريف والثانية انه هيعمل مشاريع قومية كثير وطرق وكباري ومنشئات وبجد هو عمل كده مش بقلش عليه.
*️⃣ وفي نفس الوقت مفيش ديمقراطية احنا في حالة حرب؛ فالنتيجة الالاف بيموتوا والشعب الاسباني بيفتقر اكثر.
*️⃣ عرف ريفيرا يكسب حرب الريف عبر انزال بري وجوي الاول في التاريخ وهو انزال الحسيمة سنة 1925 وتحالف ثلاثي اسباني فرنسي انجليزي ضد الامير عبد الكريم اللي اتهزم للاسف وتم القبض عليه وسجنه الي ان حرره الملك فاروق.
*️⃣ بعيد عن الموضوع بس الامير عبد الكريم اتقبض عليه من الفرنسيين وتم نفيه؛ سنة 1947 كان بيتم نقله من المنفى وأثناء عبور سفينته بقناة السويس تم إبلاغ الملك فاروق بانه في السفينة واداله لجوء سياسي واخده من فرنسا 🇫🇷 واقام في مصر لغاية ما مات واتدفن هنا بالقاهرة وبالمناسبة الأمير عبد الكريم الخطابي يعد مؤسس حرب العصابات بشكلها الحالي وحتى تشي جيفارا لما جه مصر راح قابله.
الناس بتاعة المؤامرات والإخوان والعثمانيين والجو دا؛ البوست دا عن تاريخ أسبانيا 🇪🇸 وفي النهاية هقولكم ايه علاقة أردوغان ب خوان كارلوس؛ فإهدوا أنا مش بتاع بوستات عاشت الخلافة ولا يسقط العثمانلي والهبل بتاع المعيز المنتشرة دي؛ دا بوست تاني خااالص وعن تاريخ دولة أسبانيا 🇪🇸.
*️⃣ بعد هزيمة المسلمين في الاندلس علي يد ملوك قشتالة وليون فرناندو وإزابيلا بدأت أسبانيا 🇪🇸 التوسع العالمي وفي نفس سنة خروج المسلمين من الاندلس؛ الأخ كريستوفر كولومبس اكتشف شرق قارة أمريكا (شوية الجزر).
*️⃣ أسبانيا عرفت تكون إمبراطورية ضخمة في الأمريكتين وأماكن مختلفة من العالم زي الفلبين وغيرها.
*️⃣ بدأ القرن ال 19 بظهور نابليون اللي مش بس حارب الإمبراطورية الأسبانية؛ لا دا سحقها وغزا مدريد بقوات المماليك بتاعته (اه نابليون عمل جيش مماليك جابه من مصر وطوره وسحق بيه مدريد سنة 1808).
*️⃣ في السنوات التالية فقدت الإمبراطورية الأسبانية مستعمراتها تدريجي بما فيها أمريكا 🇺🇸 لصالح انجلترا وفرنسا.
*️⃣ مع خسارة مستعمراتهم في امريكا 🇺🇸 وكندا 🍁 خسروا كمان المكسيك 🇲🇽 وبعدين تدريجي خسروا قارة امريكا الجنوبية اللي كانوا مسيطرين عليها عدا البرازيل (عشان كده كل أمريكا الجنوبية بتتكلم أسباني عدا البرازيل برتغالي).
*️⃣ بنهاية القرن 19 يعني علي سنة 1898 كانوا خسروا كل مستعمراتهم في الكوكب عدا الفلبين 🇵🇭 وكوبا 🇨🇺 واجزاء من المغرب 🇲🇦
*️⃣ سنة 1898 عملوا اتفاقية مع أمريكا إنها تشتري منهم الفلبين وجزيرة جوام وبورتريكو (آخر 2 لسه تبع أمريكا لليوم بس مواطنيهم مش امريكان قوي 🙂).
*️⃣ نسيت اقولكم سنة 1885 مات الملك الفونسو ال 12 ومكانش في ولي عهد؛ لكن مراته كانت حامل استنوا لغاية ما ولدت سنة 1886 واعلنوه ملك؛ وبقي ملك من اول يوم ولادته "الفونسو 13" والراجل دا مكمل معانا شوية في القصة.
*️⃣ الفونسو ال 13 لما كبر شوية وبقي ملك فعليا كان عنده مشكلة وهي ان في صراع داخل دولته؛ المغرب كانت مولعه بقيادة المجاهد العظيم الأمير عبد الكريم الخطابي وكان في فريق قوي بيقول نطلع من المغرب مش جايبه همها. لكن الفونسو قرر يقف مع التيار الثاني اللي قال نتوسع في المغرب؛ اللي هو مش عارفين يسيطروا علي مناطقهم ودا قالك نتوسع 😂😂.
*️⃣ بدأت معارك الريف المغربي سنة 1920 وفي العام التالي حصلت معركة من أهم المعارك في التاريخ العربي والإسلامي اللي هتغير شكل أسبانيا 🇪🇸؛ معركة (أنوال) اللي للأسف مغمورة جداً عندنا كمصريين ومسلمين؛ المعركة دي الأمير عبد الكريم الخطابي سحق الجيش الاسباني؛ كلمة سحق دي بالمعني الحرفي يعني الأسبان نفسهم مسمينها (كارثة أنوال)؛ عارفين الجو بتاع جيش يروح وميرجعش... دا حصل في الأسبان.
*️⃣ الجيش المغربي كان مكون من 3 الاف والجيش الأسباني 20-25 الف؛ واحنا في الزمن الحديث يعني في مدافع وبنادق ورشاشات مش جو فروسية وسيوف يعني مفروض التفوق كاسح للأسبان. لكن النتيجة ان جيش المسلمين المغاربه ال 3 الاف خسر 800 جندي بينما جيش العدو ال 20 الف خسر 13 الف جندي 😍😍😍.
*️⃣ الكارثة دي قلبت أسبانيا كلها والناس اتقسمت؛ فريق قال الثار وهنردها وفريق ثاني قال ما احنا عمالين نقول نطلع من المغرب الله يحرقكم؛ الفريقين قالوا فين الملك؛ وهنا انتشر معلومة وهي ان الملك بيصيف في فرنسا 🇫🇷 وكان بيلعب جولف ولما بلغوه بالهزيمة كمل الماتش عادي ولا فرق معاه سحق جيش ليه.
*️⃣ شعبية الملك انهارت خاصة انه كان ممشي الحرب في المغرب غصب عن الدستور وبدون موافقة البرلمان؛ فبدأت تحقيقات ومظاهرات ضد الملك اللي خلاص بقي مش عارف ايه الحل خاصة إن البرلمان خلاص قرر يحقق معاه شخصياً.
*️⃣ الحل جاله من الجيش؛ انقلاب عسكري عمله الجنرال "ريفيرا" سيطر على االحكم وعزل البرلمان والحكومة؛ الملك اعلن تأييده ل ريفيرا وعينه رئيس وزراء.
*️⃣ ريفيرا أعلن حاجتين؛ الأولي استكمال حرب الريف والثانية انه هيعمل مشاريع قومية كثير وطرق وكباري ومنشئات وبجد هو عمل كده مش بقلش عليه.
*️⃣ وفي نفس الوقت مفيش ديمقراطية احنا في حالة حرب؛ فالنتيجة الالاف بيموتوا والشعب الاسباني بيفتقر اكثر.
*️⃣ عرف ريفيرا يكسب حرب الريف عبر انزال بري وجوي الاول في التاريخ وهو انزال الحسيمة سنة 1925 وتحالف ثلاثي اسباني فرنسي انجليزي ضد الامير عبد الكريم اللي اتهزم للاسف وتم القبض عليه وسجنه الي ان حرره الملك فاروق.
*️⃣ بعيد عن الموضوع بس الامير عبد الكريم اتقبض عليه من الفرنسيين وتم نفيه؛ سنة 1947 كان بيتم نقله من المنفى وأثناء عبور سفينته بقناة السويس تم إبلاغ الملك فاروق بانه في السفينة واداله لجوء سياسي واخده من فرنسا 🇫🇷 واقام في مصر لغاية ما مات واتدفن هنا بالقاهرة وبالمناسبة الأمير عبد الكريم الخطابي يعد مؤسس حرب العصابات بشكلها الحالي وحتى تشي جيفارا لما جه مصر راح قابله.