لما بييجي حد يتكلم عن شركة أبل وتاريخها فإما يفتكر طبعاً ستيف جوبز؛ والمهندسين يحبوا شريكة ستيف وزنياك اللي هو كان العقل وراء الأجهزة (جوبز مكانش بيكتب أكواد ولا يعرف يفك مسمار) ولما حد يحب يتريق عالفقر بتاع ناس يفتكروا (رونالد وين) المحامي اللي عمل لستيف جوبز وستيف وزنياك أوراق الشركة واللوجو الأول ومكانش معاهم فلوس يحاسبوه فإدوله 10% من أبل وباعها ب 800$.
أو حتب محبي جوبز يفتكروا (جون سكولي) رئيس بيبسي اللي جوبز جابه يبقس رئيس أبل بالمقولة الشهيرة (عاوز تفضل طول عمرك تبيع ماية مسكرة ولا تيجي أبل تغير العالم) وجه أبل واتخانق مع جوبز وطرد ستيف جوبز من أبل 😂😂.
*️⃣ بالنسبة لي بقي الشخصية المفضلة في أبل هو (مارك ماركيولا)؛ يمكن عشان نفسي ألاقي زيه لشغلي 😂😂.
*️⃣ مارك دا شاب عبقري عرف يحصل علي ملايين الدولارات من حق الاسهم Stock Options بتاعه في intel و Fairchild Semiconductor وأخد الملايين من الدولارات منهم في السبعينات ؛ تخيل ملايين في السبعينات... وقرر يتقاعد ومش شغال تاني باقي عمره (كان عنده 32 سنة).
*️⃣ عن طريق بعض العلاقات عرف ستيف جوبز يقنعه بفكره أبل؛ ستيف كان عاوز فلوس لانه مش عارف يمول تصنيع (أبل 2) فكان هدفه ان مارك يموله بشوية فلوس يعني Angle investor ؛ لكن الموضوع كان أكبر من كده.
*️⃣ مارك زي ما قولت لكم كان عبقري وعرف يلمح ذكاء ستيف جوبز وشريكة وزنياك؛ فهنا قرر انه يبقي الموظف رقم 3 في أبل.
*️⃣ مارك عين نفسه الموظف رقم 3 بعد جوبز ووزنياك دا لو ينفع نحسب الثلاثي دول موظفين لانهم المؤسسين الفعليين والممول.
*️⃣ المهم مايك قال للثنائي ستيف ما معناه اللي انتم بتعملوه دا لعب عيال وتسليه ومصلحة مش شركة بجد؛ وأنا هأسس لكم الشركة اللي بجد.
*️⃣ راح جاب مقر للشركة وعين موظفين وأقسام في الشركة؛ وراح جاب مايكل سكوت عينه رئيس لأبل وعمل النظام الداخلي بتاع أبل كله يمشي ازاي وقسم مشتريات وحسابات وكله.
*️⃣ طبعا منيين كل دا؟ باختصار راح استثمر 80 ألف دولار في أبل؛ وكمان منح أبل قرض 170 ألف دولار فوقهم؛ اللي هو شياكة شياكة يعني سلفهم فلوس واسس الشركة فترجع له الفلوس فكده مياكلش حصة كبيرة من المؤسسين.
*️⃣ زوجة مارك كانت معترضة انه يرجع الشغل ثاني لكنه قالها اديني فرصة 4 سنين بس؛ انا شايف أبل دي كنز وهنعمل منها حاجة زي ما عملت مع إنتل؛ استني 4 سنين وسنة 1981 همشي
*️⃣ مارك حول أبل لشركة بالكيان المعروف وفضل فيها ويساعد بعلاقاته في السيليكون فالي. وكل دا كان سنة 1977.
*️⃣ سنة 1979 كان في موظف في أبل اسمه Jef Raskin مهندس عبقري عنده فكرة مشروع كومبيوتر جديد؛ ستيف جوبز كان عنده افكار ثانية مختلفة بس مارك دعم جيف وبالفعل مشروعه ظهر للوجود لاحقاً تحت اسم (ماكنتوش) أيوان اللي هو اختصاره دلوقتي Mac
*️⃣ سنة 1981 جت وكان مارك واعد مراته يمشي فيها فاكرين؛ المهم في السنة دي مدير أبل مايكل سكوت استقال فهنا راح مارك ماركيولا مسك المنصب وبقي ثاني رئيس لأبل وقاد الشركة 4 سنين لغاية ما ستيف جوبز أقنع جون سكولي (بتاع بيبسي) انه ييجي بدال مارك في قيادة أبل.
*️⃣ سنة 1985 لما جه جون سكولي بدل مارك هنا رجع تاني مارك موظف وقيادي؛ وفي العام التالي 1986 حصلت خناقة جون سكولي مع ستيف جوبز وتم الاتفاق علي طرد ستيف جوبز من أبل.
*️⃣ فضل مارك مستمر في العمل في أبل لسنين.
*️⃣ مع عودة ستيف جوبز 1997 كان الشرط الأساسي هو طرد كل شخص تحدي جوبز ودعم جون سكولي في 86
*️⃣ قرار الطرد دا يمشي الجميع؛ أي حد قال موافق جوبز يمشي؛ دلوقتي هو يمشي؛ فالطرد شمل قيادات في شركة أبل بما فيهم ستيف وزنياك صديقه والمؤسس الشريك (منع من الدخول لكنه لسه موظف لغاية النهاردة) وكذلك تم اقالة مارك ماركيولا سنة 1997 بعد 20 سنة قعدها في أبل.
*️⃣ اه فاكرين قال لمراته 4 سنين وجاي؛ قعد 20 سنة 😂😂😂
المهم أنا بعتبر ان مارك ماركيولا مؤسس حقيقي مع المؤسسين؛ اه ستيف جوبز عبقري تسويق وصاحب رؤية وستيف وزنياك مهندس محترف؛ لكن الافكار والخيال لوحدهم مش ممكن يصنعوا شركات؛ مهما كنت عبقري محتاج حد معاك ينظم لك كل التفاصيل علي الأرض بحيث مخك يبقي فاضي تركز.
تخيلوا معايا ستيف جوبز قاعد بيفكر في فكرة كومبيوتر ماك أو تطور ثوري للموبايلات اسمه الاي فون ويلاقي موظف يقوله الحسابات مالها لا المشتريات مش عارف ايه لا الدنيا داخليا بايظة ؛ ودا شد شعري ودي داست علي رجلي والشغل دا
كان ستيف جوبز هيعرف يعمل أبل 🤔🤔🤔 مارك علم ستيف ان التفاصيل دي مهمة وعشان كده لما ستيف رجع جاب ناس عبقرية تمسك التفاصيل وهما تيم كوك وجيف وليامز وغيرهم.
عرفتوا ليه بقول هو شخصيتي المفضلة في أبل 🤔 كل شركة محتاجه واحد زيه وربنا يرزقني بقي 😂😂؛ دا مارك كان موظف وممول كمان الاثنين 😂😂.
أو حتب محبي جوبز يفتكروا (جون سكولي) رئيس بيبسي اللي جوبز جابه يبقس رئيس أبل بالمقولة الشهيرة (عاوز تفضل طول عمرك تبيع ماية مسكرة ولا تيجي أبل تغير العالم) وجه أبل واتخانق مع جوبز وطرد ستيف جوبز من أبل 😂😂.
*️⃣ بالنسبة لي بقي الشخصية المفضلة في أبل هو (مارك ماركيولا)؛ يمكن عشان نفسي ألاقي زيه لشغلي 😂😂.
*️⃣ مارك دا شاب عبقري عرف يحصل علي ملايين الدولارات من حق الاسهم Stock Options بتاعه في intel و Fairchild Semiconductor وأخد الملايين من الدولارات منهم في السبعينات ؛ تخيل ملايين في السبعينات... وقرر يتقاعد ومش شغال تاني باقي عمره (كان عنده 32 سنة).
*️⃣ عن طريق بعض العلاقات عرف ستيف جوبز يقنعه بفكره أبل؛ ستيف كان عاوز فلوس لانه مش عارف يمول تصنيع (أبل 2) فكان هدفه ان مارك يموله بشوية فلوس يعني Angle investor ؛ لكن الموضوع كان أكبر من كده.
*️⃣ مارك زي ما قولت لكم كان عبقري وعرف يلمح ذكاء ستيف جوبز وشريكة وزنياك؛ فهنا قرر انه يبقي الموظف رقم 3 في أبل.
*️⃣ مارك عين نفسه الموظف رقم 3 بعد جوبز ووزنياك دا لو ينفع نحسب الثلاثي دول موظفين لانهم المؤسسين الفعليين والممول.
*️⃣ المهم مايك قال للثنائي ستيف ما معناه اللي انتم بتعملوه دا لعب عيال وتسليه ومصلحة مش شركة بجد؛ وأنا هأسس لكم الشركة اللي بجد.
*️⃣ راح جاب مقر للشركة وعين موظفين وأقسام في الشركة؛ وراح جاب مايكل سكوت عينه رئيس لأبل وعمل النظام الداخلي بتاع أبل كله يمشي ازاي وقسم مشتريات وحسابات وكله.
*️⃣ طبعا منيين كل دا؟ باختصار راح استثمر 80 ألف دولار في أبل؛ وكمان منح أبل قرض 170 ألف دولار فوقهم؛ اللي هو شياكة شياكة يعني سلفهم فلوس واسس الشركة فترجع له الفلوس فكده مياكلش حصة كبيرة من المؤسسين.
*️⃣ زوجة مارك كانت معترضة انه يرجع الشغل ثاني لكنه قالها اديني فرصة 4 سنين بس؛ انا شايف أبل دي كنز وهنعمل منها حاجة زي ما عملت مع إنتل؛ استني 4 سنين وسنة 1981 همشي
*️⃣ مارك حول أبل لشركة بالكيان المعروف وفضل فيها ويساعد بعلاقاته في السيليكون فالي. وكل دا كان سنة 1977.
*️⃣ سنة 1979 كان في موظف في أبل اسمه Jef Raskin مهندس عبقري عنده فكرة مشروع كومبيوتر جديد؛ ستيف جوبز كان عنده افكار ثانية مختلفة بس مارك دعم جيف وبالفعل مشروعه ظهر للوجود لاحقاً تحت اسم (ماكنتوش) أيوان اللي هو اختصاره دلوقتي Mac
*️⃣ سنة 1981 جت وكان مارك واعد مراته يمشي فيها فاكرين؛ المهم في السنة دي مدير أبل مايكل سكوت استقال فهنا راح مارك ماركيولا مسك المنصب وبقي ثاني رئيس لأبل وقاد الشركة 4 سنين لغاية ما ستيف جوبز أقنع جون سكولي (بتاع بيبسي) انه ييجي بدال مارك في قيادة أبل.
*️⃣ سنة 1985 لما جه جون سكولي بدل مارك هنا رجع تاني مارك موظف وقيادي؛ وفي العام التالي 1986 حصلت خناقة جون سكولي مع ستيف جوبز وتم الاتفاق علي طرد ستيف جوبز من أبل.
*️⃣ فضل مارك مستمر في العمل في أبل لسنين.
*️⃣ مع عودة ستيف جوبز 1997 كان الشرط الأساسي هو طرد كل شخص تحدي جوبز ودعم جون سكولي في 86
*️⃣ قرار الطرد دا يمشي الجميع؛ أي حد قال موافق جوبز يمشي؛ دلوقتي هو يمشي؛ فالطرد شمل قيادات في شركة أبل بما فيهم ستيف وزنياك صديقه والمؤسس الشريك (منع من الدخول لكنه لسه موظف لغاية النهاردة) وكذلك تم اقالة مارك ماركيولا سنة 1997 بعد 20 سنة قعدها في أبل.
*️⃣ اه فاكرين قال لمراته 4 سنين وجاي؛ قعد 20 سنة 😂😂😂
المهم أنا بعتبر ان مارك ماركيولا مؤسس حقيقي مع المؤسسين؛ اه ستيف جوبز عبقري تسويق وصاحب رؤية وستيف وزنياك مهندس محترف؛ لكن الافكار والخيال لوحدهم مش ممكن يصنعوا شركات؛ مهما كنت عبقري محتاج حد معاك ينظم لك كل التفاصيل علي الأرض بحيث مخك يبقي فاضي تركز.
تخيلوا معايا ستيف جوبز قاعد بيفكر في فكرة كومبيوتر ماك أو تطور ثوري للموبايلات اسمه الاي فون ويلاقي موظف يقوله الحسابات مالها لا المشتريات مش عارف ايه لا الدنيا داخليا بايظة ؛ ودا شد شعري ودي داست علي رجلي والشغل دا
كان ستيف جوبز هيعرف يعمل أبل 🤔🤔🤔 مارك علم ستيف ان التفاصيل دي مهمة وعشان كده لما ستيف رجع جاب ناس عبقرية تمسك التفاصيل وهما تيم كوك وجيف وليامز وغيرهم.
عرفتوا ليه بقول هو شخصيتي المفضلة في أبل 🤔 كل شركة محتاجه واحد زيه وربنا يرزقني بقي 😂😂؛ دا مارك كان موظف وممول كمان الاثنين 😂😂.
❤2
صديقي وائل منصور قفل حسابه في الفيس النهاردة؛ هو طلب مني ابلغ المتابعين المشتركين بدا وانه هو اللي قفل حسابه.
الفيس بوك صراحة لعنة كارثية ومدمر للصحة النفسية والذهنية وخد شوية أمثلة :
*️⃣ في الظروف الطبيعية لو بقيت نفسك فاضي ساعة؛ هتقعد تقري كتاب 📖 أو تنام 🛏 أو تتصل بحد أو تعمل حاجة مفيدة؛ الفيس بوك بيلغي دا كله ويخليك تقضي الساعة تصفح و Scrolling.
*️⃣ في الظروف الطبيعية برضك في وقت ما أو مرحلة قبل النوم بتسرح بخيالك تفكر في شتى الامور ودا يساعدك تطور نفسك وترتب أفكارك؛ الفيس بيخليك تتصفح لغاية ما تغمض.
*️⃣ في الظروف الطبيعية ممكن تكون قاعد في مود طبيعي عادي وصعب يتقلب؛ الفيس تدخل تلاقي بوست سخيف يعصبك أو تخش نقاش مع حد فمودك يتقلب باقي اليوم؛ في الطبيعي دا مكانش هيحصل ويومك كان هيعدي.
*️⃣ في الظروف الطبيعية مكانش هيوصلك كم المعلومات اللي بتتلاعب بالمشاعر دي؛ عالفيس هتلاقي حادثة في الصعيد وسرقة في القاهرة وحريق في الدلتا وغرق في الساحل وو؛ والناس عامة بتحب تشير السلبيات أكثر من الايجابي.
*️⃣ في الظروف الطبيعية انتا بتقابل محيطك بس وغالبا انتا ظبطت محيطك بحيث شلت الأغبياء منه قدر الإمكان؛ في الفيس هتلاقيهم طالعين لك في كل البوستات والتعليقات بتاعة الصفحات والاصدقاء؛ فلو انتا زي حالاتي بتتعصب من الغباء فغالبا الفيس بوك هيخليك عصبي.
الفيس بقي لعنة علينا؛ وربنا يستر بقي ميشلش لي البوست دا بالغباء الاصطناعي بتاعه 😂😂
صراحة ناوي الفترة القادمة هقلل تفاعلي برضك في الفيس؛ مش بقول مش هكتب بوستات لكن بقول التفاعل يعني اعلق عند الناس وادخل حوارات ونقاشات؛ هنزل البوست عندي وهرد علي شوية تعليقات؛ واللي يشير البوست وعنده اصحابه يعلقوا مش هخش نقاش معاهم ؛ كفاية عشان صحتي وانا راجل باخد 2 دواء ضغط فمش ناوي افطس منكم 😂😂😂
عامة افكركم بقي ب قناة وائل علي تليجرام
T.me/WaelMans
الفيس بوك صراحة لعنة كارثية ومدمر للصحة النفسية والذهنية وخد شوية أمثلة :
*️⃣ في الظروف الطبيعية لو بقيت نفسك فاضي ساعة؛ هتقعد تقري كتاب 📖 أو تنام 🛏 أو تتصل بحد أو تعمل حاجة مفيدة؛ الفيس بوك بيلغي دا كله ويخليك تقضي الساعة تصفح و Scrolling.
*️⃣ في الظروف الطبيعية برضك في وقت ما أو مرحلة قبل النوم بتسرح بخيالك تفكر في شتى الامور ودا يساعدك تطور نفسك وترتب أفكارك؛ الفيس بيخليك تتصفح لغاية ما تغمض.
*️⃣ في الظروف الطبيعية ممكن تكون قاعد في مود طبيعي عادي وصعب يتقلب؛ الفيس تدخل تلاقي بوست سخيف يعصبك أو تخش نقاش مع حد فمودك يتقلب باقي اليوم؛ في الطبيعي دا مكانش هيحصل ويومك كان هيعدي.
*️⃣ في الظروف الطبيعية مكانش هيوصلك كم المعلومات اللي بتتلاعب بالمشاعر دي؛ عالفيس هتلاقي حادثة في الصعيد وسرقة في القاهرة وحريق في الدلتا وغرق في الساحل وو؛ والناس عامة بتحب تشير السلبيات أكثر من الايجابي.
*️⃣ في الظروف الطبيعية انتا بتقابل محيطك بس وغالبا انتا ظبطت محيطك بحيث شلت الأغبياء منه قدر الإمكان؛ في الفيس هتلاقيهم طالعين لك في كل البوستات والتعليقات بتاعة الصفحات والاصدقاء؛ فلو انتا زي حالاتي بتتعصب من الغباء فغالبا الفيس بوك هيخليك عصبي.
الفيس بقي لعنة علينا؛ وربنا يستر بقي ميشلش لي البوست دا بالغباء الاصطناعي بتاعه 😂😂
صراحة ناوي الفترة القادمة هقلل تفاعلي برضك في الفيس؛ مش بقول مش هكتب بوستات لكن بقول التفاعل يعني اعلق عند الناس وادخل حوارات ونقاشات؛ هنزل البوست عندي وهرد علي شوية تعليقات؛ واللي يشير البوست وعنده اصحابه يعلقوا مش هخش نقاش معاهم ؛ كفاية عشان صحتي وانا راجل باخد 2 دواء ضغط فمش ناوي افطس منكم 😂😂😂
عامة افكركم بقي ب قناة وائل علي تليجرام
T.me/WaelMans
❤2
صباح الخير
خبر طريف لسه قاريه وعمال أضحك فقولت أضحكم معايا.
محافظة القاهرة أعلنت إنها أول محافظة تفعل البوابة الالكترونية لخدمات المواطنين
وأول خدمة المحافظة وفرتها للسكان هي خدمة حجز الجبانات
أول خدمة تتعمل لسكان القاهرة الكترونيا المقابر 😂😂
عمال اضحك من ساعة ما قريت الخبر
خبر طريف لسه قاريه وعمال أضحك فقولت أضحكم معايا.
محافظة القاهرة أعلنت إنها أول محافظة تفعل البوابة الالكترونية لخدمات المواطنين
وأول خدمة المحافظة وفرتها للسكان هي خدمة حجز الجبانات
أول خدمة تتعمل لسكان القاهرة الكترونيا المقابر 😂😂
عمال اضحك من ساعة ما قريت الخبر
التطور الطبيعي للزمن
التطور الطبيعي للزمن
التطور الطبيعي للزمن يا بشر
المفهوم دا مختفي من عقول ناس كثير
الزمن بتطور فبطبيعة الحال احنا بنكون في أوضاع أفضل تلقائي؛ وأقصد هنا الوضع العام.
النقطة دي في مقال عبقري للعبقري الراحل الدكتور مصطفي محمود لما قال إننا عايشين أكثر رفاهية من كسري وقيصر وكل الاباطرة الأسطوريين في الماضي؛ وضرب أمثلة كثير زي ببساطة إن كسري أو قيصر وهو في الصيف حران ايه هيحصل؟ عبيد هيفضلوا يحركوا مراوح عليه؛ احنا بضغطة زر نشغل تكييف؛ عاوز يسافر هياخد اسابيع في حين احنا هنركب طيارة في ساعات نوصل ؛ لو مرض هيقعد ياخد ادوية أعشاب وحاجات تخففه في أسابيع في حين إحنا عندنا مضاد حيوي؛ انتا متخيل حياتنا العادية أكثر رفاهية مقارنة بأكثر ملوك الأرض بذخاً.
*️⃣ تخيل معايا حد بيبص للتاريخ بتاع دولته بغص النظر ايه في منطقتنا؛ ويقول لولا القائد الفلاني مكناش تحررنا من الاحتلال... حضرتك دا التطور الطبيعي للزمن سواء بالقائد فلان أو لا كانت دولتك هتتحرر؛ تشكر بس القائد دا لو كان قاد حرب تحرير وهزم جيش المحتل وطرده؛ لكن كده كده كل الكوكب تقريباً تحرر من الاستعمار في عقدي الخمسينات والستينات.
*️⃣ ييجي حد يقارن ويقول الناس كلها عندها تليفزيونات عكس الستينات مثلاً ؛ كده الشعب بقي عايش في رفاهية 🤔 قولنا فوق دا التطور الطبيعي للزمن عادي.
*️⃣ وزير الاتصالات لما طلع قال سرعة الانترنت في مصر اخر سنتين تطور من 6 ميجا متوسط الي 30 ميجا؛ بغض النظر ان الارقام اللي قالها طلعت غلط والمتوسط 22 بس برضك التطور من 6 الي 22 ميجا في سنتين مش انجاز دا اسمه التطور الطبيعي للزمن ؛ ومصر ترتيبها رقم 8 في قارة افريقيا ورقم 113 في العالم علي ما اذكر يعني... ذا مثال واضح قوي علي التطور الطبيعي للزمن.
كان نفسي أواصل الكتابة وأوضح أمثلة بس أنا بعاني حالياً من الكتابة والضغوطات عامة وحاجة أشبه ب Occupational burnout.
المهم المهم عندي لما حد يقولكم أي مقارنة بهدف انجاز؛ يعني ناصري عاوز يقولك انجاز عن الملكين او ساداتي عاوز عن الناصريين او ابناء مبارك عن الساداتيين ومش هكمل بعد كده 😂.. قوله التالي:
تعالي نقيس بمعايير الزمن بتاعه ونشوف؛ لان وجود 27 جامعة في مصر حاليا 2020 لا يعني ان التعليم الجامعي حاليا أفضل من 4 جامعات في الستينات؛ بالعكس المخرج بتاعهم أفضل وناقشت السر ليه في بوست سابق؛ لكن الفكرة دلوقتي ان وجود ال 27 جامعة حاليا دا التطور الطبيعي للزمن مش أكثر.
*️⃣ نفس الفكرة في الاقتصاد والناتج القومي المصري في 2020 اكبر اكيد من 2010؛ وفي 2050 هيبقي أكبر من 2030 وهكذا؛ اه ممكن في سنة يحصل ظرف في الدولة يسبب تراجع بس دا مؤقت وبعده عامل التطور الطبيعي للزمن هينتصر ويكمل
نكتفي بهذا القدر الآن
التطور الطبيعي للزمن
التطور الطبيعي للزمن يا بشر
المفهوم دا مختفي من عقول ناس كثير
الزمن بتطور فبطبيعة الحال احنا بنكون في أوضاع أفضل تلقائي؛ وأقصد هنا الوضع العام.
النقطة دي في مقال عبقري للعبقري الراحل الدكتور مصطفي محمود لما قال إننا عايشين أكثر رفاهية من كسري وقيصر وكل الاباطرة الأسطوريين في الماضي؛ وضرب أمثلة كثير زي ببساطة إن كسري أو قيصر وهو في الصيف حران ايه هيحصل؟ عبيد هيفضلوا يحركوا مراوح عليه؛ احنا بضغطة زر نشغل تكييف؛ عاوز يسافر هياخد اسابيع في حين احنا هنركب طيارة في ساعات نوصل ؛ لو مرض هيقعد ياخد ادوية أعشاب وحاجات تخففه في أسابيع في حين إحنا عندنا مضاد حيوي؛ انتا متخيل حياتنا العادية أكثر رفاهية مقارنة بأكثر ملوك الأرض بذخاً.
*️⃣ تخيل معايا حد بيبص للتاريخ بتاع دولته بغص النظر ايه في منطقتنا؛ ويقول لولا القائد الفلاني مكناش تحررنا من الاحتلال... حضرتك دا التطور الطبيعي للزمن سواء بالقائد فلان أو لا كانت دولتك هتتحرر؛ تشكر بس القائد دا لو كان قاد حرب تحرير وهزم جيش المحتل وطرده؛ لكن كده كده كل الكوكب تقريباً تحرر من الاستعمار في عقدي الخمسينات والستينات.
*️⃣ ييجي حد يقارن ويقول الناس كلها عندها تليفزيونات عكس الستينات مثلاً ؛ كده الشعب بقي عايش في رفاهية 🤔 قولنا فوق دا التطور الطبيعي للزمن عادي.
*️⃣ وزير الاتصالات لما طلع قال سرعة الانترنت في مصر اخر سنتين تطور من 6 ميجا متوسط الي 30 ميجا؛ بغض النظر ان الارقام اللي قالها طلعت غلط والمتوسط 22 بس برضك التطور من 6 الي 22 ميجا في سنتين مش انجاز دا اسمه التطور الطبيعي للزمن ؛ ومصر ترتيبها رقم 8 في قارة افريقيا ورقم 113 في العالم علي ما اذكر يعني... ذا مثال واضح قوي علي التطور الطبيعي للزمن.
كان نفسي أواصل الكتابة وأوضح أمثلة بس أنا بعاني حالياً من الكتابة والضغوطات عامة وحاجة أشبه ب Occupational burnout.
المهم المهم عندي لما حد يقولكم أي مقارنة بهدف انجاز؛ يعني ناصري عاوز يقولك انجاز عن الملكين او ساداتي عاوز عن الناصريين او ابناء مبارك عن الساداتيين ومش هكمل بعد كده 😂.. قوله التالي:
تعالي نقيس بمعايير الزمن بتاعه ونشوف؛ لان وجود 27 جامعة في مصر حاليا 2020 لا يعني ان التعليم الجامعي حاليا أفضل من 4 جامعات في الستينات؛ بالعكس المخرج بتاعهم أفضل وناقشت السر ليه في بوست سابق؛ لكن الفكرة دلوقتي ان وجود ال 27 جامعة حاليا دا التطور الطبيعي للزمن مش أكثر.
*️⃣ نفس الفكرة في الاقتصاد والناتج القومي المصري في 2020 اكبر اكيد من 2010؛ وفي 2050 هيبقي أكبر من 2030 وهكذا؛ اه ممكن في سنة يحصل ظرف في الدولة يسبب تراجع بس دا مؤقت وبعده عامل التطور الطبيعي للزمن هينتصر ويكمل
نكتفي بهذا القدر الآن
❤2👍1👏1
من الحاجات اللي محتاجة تتعدل في القوانين الاقتصادية بمصر ما يخص التجميع المحلي.
يعني مثلاً تعالوا نتكلم في العربيات ... في ناس كثير تقول دا العربية الفلانية دي تجميع محلي يعني معفية من الجمارك
*️⃣ الكلام دا غلط تماماً... التجميع المحلي لا يعني إن العربية معفية من الجمارك بل إنها بتدفع جمارك مخفضة فقط وبتختلف نسبتها حسب نسبة التصنيع المحلي وأقصى حاجة ولو صنعت مكون محلي أكثر من 60% هتاخد أقصى خصم جمركي 90% يعني برضك هتدفع.
دا لينك بيشرح من موقع الجمارك المصرية
http://www.customs.gov.eg/Legislations/Exemptions_Suspensions/AssemblyInd
*️⃣ تخيلوا معايا دلوقتي عربية جايه من الاتحاد الأوروبي حتى لو مرسيدس S ولا رولزرويس ولا بنتلي.. الجمارك عليها كام؟ 0% في حين عربية زي نيسان صني وسنترا أو النترا HD أو لادا جرانتا دول بيدفعوا جمارك وهما تجميع محلي.
(ملحوظة عشان الناس اللي بتحب تغلس عليا... العربيات الفارهة عليها ضريبة جدول لكن نقاشي هنا عن بند الجمارك)
*️⃣ نقطة التجميع المحلي مهمة جداً ومصر عندها مقومات لو تم الاستفادة منها نقدر ننافس الحيتان بتوع السيارات في منطقتنا وهم تركيا والمغرب
*️⃣ لما إنتا تخلي الجمارك صفر وكمان ممكن حوافز ضريبية دا ممكن يخليك تنافس... يعني كثير مش واخدين بالهم إن اتفاقية الاتحاد الأوروبي واتفاقية التجارة التركية واتفاقية أغادير المغربية دي اتفاقيات رايح جاي...
*️⃣ نتخيل مثلاً شركة سيارات صينية لما بتصدر لأوروبا تدفع جمارك 10% في حين لو صنعت عربياتها في مصر تصدر لأوروبا بدون جمارك... لكن لما انتا تحط عليهم جمارك في تصنيع العربية في مصر فكده خلاص الموضوع بقى مش جايب همه.
*️⃣ هنا بيكون قليل قوي الشركات اللي تيجي تفتح خطوط تجميع في السوق المحلي... لإنها بتكون إما عاوزة عربية شعبية قوي في السوق زي نيسان صني ولادا جرانتا أو عاوزة عربية فئة جمركية غالية جداً زي تويوتا فورتنشر أو حد كان عنده خطوط تجميع سابقاً فيعدلها وياخد توكيل صيني زي ما غبور عمل وخطوط إنتاج عربيات هيونداي فيرنا وغيرها معظمها بقى شغال دلوقتي يجمع شيري أريزو وتيجو وغيرهم.
*️⃣ صناعة السيارات من القطاعات المهمة قوي واللي بتشغل عمالة بشكل كبير وبنتكلم هنا على اللي يقدر يوصل نسبة مكون محلي فوق 60%... للتذكرة فدولة مثل تركيا بتصدر ب 20 مليار دولار سيارات سنوياً ودا أكبر من إيراد مصر من قناة السويس + السياحة والإثنين في حالتهم الطبيعية مش الوضع الحالي. والمغرب بقى بتصدر سيارات ب 7.5 مليار دولار سنوياً اللي هو برضك أكبر من إيراد قناة السويس.
*️⃣ للأمانة الحكومة قالت في 2017 و 2018 و 2019 و 2020 إنهم عاوزين يعملوا "توطين" لصناعة السيارات في مصر... معرفش ايه اللي تم غير شوية شركات صينية بقت تجمع في مصر وخلال شهور في براندات صينية تانية زي MG يقال هتجمع في مصر... وسنة 2021 يقال مصر هتجمع عربية صيني كهربائية .
*️⃣ أتمنى نشوف تنفيذ شيء وعلى مستوى ضخم مش شركات فردية... وطالما الدولة عاوزة دولار فمش بس القروض اللي بتجيب دولار لكن التصدير كمان وخاصة في مجالات زي السيارات ينقصها أصلاً قوانين ( في قانون اسمه استراتيجية صناعة السيارات في مصر دا من 2016 وهما بيناقشوه وعلى حد علمي مسمعتش إنه صدر) وبعد القوانين محتاج تدريب عمالة برضك. الموضوع محتاج شغل كبير يتعدي المانشتات الصحفية والتصريحات.
يعني مثلاً تعالوا نتكلم في العربيات ... في ناس كثير تقول دا العربية الفلانية دي تجميع محلي يعني معفية من الجمارك
*️⃣ الكلام دا غلط تماماً... التجميع المحلي لا يعني إن العربية معفية من الجمارك بل إنها بتدفع جمارك مخفضة فقط وبتختلف نسبتها حسب نسبة التصنيع المحلي وأقصى حاجة ولو صنعت مكون محلي أكثر من 60% هتاخد أقصى خصم جمركي 90% يعني برضك هتدفع.
دا لينك بيشرح من موقع الجمارك المصرية
http://www.customs.gov.eg/Legislations/Exemptions_Suspensions/AssemblyInd
*️⃣ تخيلوا معايا دلوقتي عربية جايه من الاتحاد الأوروبي حتى لو مرسيدس S ولا رولزرويس ولا بنتلي.. الجمارك عليها كام؟ 0% في حين عربية زي نيسان صني وسنترا أو النترا HD أو لادا جرانتا دول بيدفعوا جمارك وهما تجميع محلي.
(ملحوظة عشان الناس اللي بتحب تغلس عليا... العربيات الفارهة عليها ضريبة جدول لكن نقاشي هنا عن بند الجمارك)
*️⃣ نقطة التجميع المحلي مهمة جداً ومصر عندها مقومات لو تم الاستفادة منها نقدر ننافس الحيتان بتوع السيارات في منطقتنا وهم تركيا والمغرب
*️⃣ لما إنتا تخلي الجمارك صفر وكمان ممكن حوافز ضريبية دا ممكن يخليك تنافس... يعني كثير مش واخدين بالهم إن اتفاقية الاتحاد الأوروبي واتفاقية التجارة التركية واتفاقية أغادير المغربية دي اتفاقيات رايح جاي...
*️⃣ نتخيل مثلاً شركة سيارات صينية لما بتصدر لأوروبا تدفع جمارك 10% في حين لو صنعت عربياتها في مصر تصدر لأوروبا بدون جمارك... لكن لما انتا تحط عليهم جمارك في تصنيع العربية في مصر فكده خلاص الموضوع بقى مش جايب همه.
*️⃣ هنا بيكون قليل قوي الشركات اللي تيجي تفتح خطوط تجميع في السوق المحلي... لإنها بتكون إما عاوزة عربية شعبية قوي في السوق زي نيسان صني ولادا جرانتا أو عاوزة عربية فئة جمركية غالية جداً زي تويوتا فورتنشر أو حد كان عنده خطوط تجميع سابقاً فيعدلها وياخد توكيل صيني زي ما غبور عمل وخطوط إنتاج عربيات هيونداي فيرنا وغيرها معظمها بقى شغال دلوقتي يجمع شيري أريزو وتيجو وغيرهم.
*️⃣ صناعة السيارات من القطاعات المهمة قوي واللي بتشغل عمالة بشكل كبير وبنتكلم هنا على اللي يقدر يوصل نسبة مكون محلي فوق 60%... للتذكرة فدولة مثل تركيا بتصدر ب 20 مليار دولار سيارات سنوياً ودا أكبر من إيراد مصر من قناة السويس + السياحة والإثنين في حالتهم الطبيعية مش الوضع الحالي. والمغرب بقى بتصدر سيارات ب 7.5 مليار دولار سنوياً اللي هو برضك أكبر من إيراد قناة السويس.
*️⃣ للأمانة الحكومة قالت في 2017 و 2018 و 2019 و 2020 إنهم عاوزين يعملوا "توطين" لصناعة السيارات في مصر... معرفش ايه اللي تم غير شوية شركات صينية بقت تجمع في مصر وخلال شهور في براندات صينية تانية زي MG يقال هتجمع في مصر... وسنة 2021 يقال مصر هتجمع عربية صيني كهربائية .
*️⃣ أتمنى نشوف تنفيذ شيء وعلى مستوى ضخم مش شركات فردية... وطالما الدولة عاوزة دولار فمش بس القروض اللي بتجيب دولار لكن التصدير كمان وخاصة في مجالات زي السيارات ينقصها أصلاً قوانين ( في قانون اسمه استراتيجية صناعة السيارات في مصر دا من 2016 وهما بيناقشوه وعلى حد علمي مسمعتش إنه صدر) وبعد القوانين محتاج تدريب عمالة برضك. الموضوع محتاج شغل كبير يتعدي المانشتات الصحفية والتصريحات.
👏1
هل ممكن الاتفاق علي جريمة؟
*️⃣ تخيل معايا إني اتفقت مع حد يعمل وظيفة معينة وفي شرط جزائي في العقد لو منفذش المهمة يحق لي أقتله 😲.
*️⃣ بعد شوية هو منفذش المهمة فأنا طلعت الطبنجة ورصاصة وقتلته؛ جالي البوليس فقولت له العقد اهو ودا اتفاقنا والعقد شريعة المتعاقدين؛ هل هيتم محاسبتي؟ 🤔
*️⃣ طبعا هتسجن لأنه لا يجوز إبرام أي اتفاق أو عقد يخالف القانون؛ والتمييز العنصري برضك يعتبر جريمة وفكر معايا كده.
*️⃣ أنا هعمل نادي وأكتب يافطة عالباب ممنوع دخول الزنوج؛ هل دا يجوز!
*️⃣ طيب عملت ايفينت كورس بيزنس وكتبت عليه ممنوع دخول المسيحين واليهود؛ دا كورس بيزنس بوضح مش درس دين. أو أقول ممنوع دخول الاقزام.
*️⃣ طيب هعمل فندق واكتب يافطة ممنوع ذوي الاحتياجات الخاصة مش ناقصين معوقين؛ هكتبها كده وش؛ هااا هيترفع عليا كام قضية 🤔.
*️⃣ أهي نفس النقاط دي بقي اختها هي الفنادق والمنتجعات اللي تقولك ممنوع دخول المحجبات أو اللي لابسين مايوه شرعي وبوركيني؛ اه مهو دا برضك تمييز عنصري زي منع الزنوج ومنع المسيحيين وذوي الاحتياجات الخاصة والأقزام.
*️⃣ من حقك تمنع فئة في حالات الصالح العام؛ يعني جيم يقول ممنوع دخول تحت 16 سنة لأسباب صحية مثلا؛ أو فيلم +18 🔞 أو نادي للنساء فقط أو ممنوع حوامل تركب الطيارة أو لعبة معينة عشان حياتهم وهكذا. هنا المنع صادر للصالح العام. وحتي بعض الأماكن تقول ممنوع النقاب بيقولوا (لأسباب أمنية وأمن قومي وإرهاب) مقالوش عنصرية ضد الفئة دي من الشعب.
*️⃣ لكن منع الحجاب 🧕 فدا مش للصالح العام بل تمييز عنصري والسبب فقط إننا قرفانين منهم؛ كلمة قرفانين اللي هي بتستخدم بشكل شيك (الهايجين hygiene) كلمة عنصرية ويجب محاسبة اللي عملوه؛ والعقد والبنود دي غير دستورية.
*️⃣ *️⃣*️⃣*️⃣ معلش علي جنب كده؛ الأخ الراجل النطع اللي بياخد مراته وعياله ويروحوا المكان اللي بتقول ممنوع الستات تلبس هدوم واحنا هنا بنحب المايوة اللي 2 قطعة بكيني أو 1 قطعة وليكي حرية اختيار انهي قطعة فيهم ☺️... حضرتك واخد مراتك وعيالك ورايح هناك ليه؛ يعني رايح تتفرج على ايه 🤔 ولا رايح تتخانق يعني هناك 🤔🤔... وطبعا كل ما سبق لا يعني ان حقهم يعني يمنعوا مراتك؛ بس فعليا انتا عارف اننا في (ال لا قانون) يعني هيمنعوها فلييييه تروح 🤔🤔 ولا انتا رايح تتفرج والمدام شبطت فيك 😂😂.
أتمني بس آخر نقطة الناس متركزش معاها وتسيب البوست ككل؛ من منطلق انها آخر حاجة الناس بتشوفها قبل التعليقات.
*️⃣ تخيل معايا إني اتفقت مع حد يعمل وظيفة معينة وفي شرط جزائي في العقد لو منفذش المهمة يحق لي أقتله 😲.
*️⃣ بعد شوية هو منفذش المهمة فأنا طلعت الطبنجة ورصاصة وقتلته؛ جالي البوليس فقولت له العقد اهو ودا اتفاقنا والعقد شريعة المتعاقدين؛ هل هيتم محاسبتي؟ 🤔
*️⃣ طبعا هتسجن لأنه لا يجوز إبرام أي اتفاق أو عقد يخالف القانون؛ والتمييز العنصري برضك يعتبر جريمة وفكر معايا كده.
*️⃣ أنا هعمل نادي وأكتب يافطة عالباب ممنوع دخول الزنوج؛ هل دا يجوز!
*️⃣ طيب عملت ايفينت كورس بيزنس وكتبت عليه ممنوع دخول المسيحين واليهود؛ دا كورس بيزنس بوضح مش درس دين. أو أقول ممنوع دخول الاقزام.
*️⃣ طيب هعمل فندق واكتب يافطة ممنوع ذوي الاحتياجات الخاصة مش ناقصين معوقين؛ هكتبها كده وش؛ هااا هيترفع عليا كام قضية 🤔.
*️⃣ أهي نفس النقاط دي بقي اختها هي الفنادق والمنتجعات اللي تقولك ممنوع دخول المحجبات أو اللي لابسين مايوه شرعي وبوركيني؛ اه مهو دا برضك تمييز عنصري زي منع الزنوج ومنع المسيحيين وذوي الاحتياجات الخاصة والأقزام.
*️⃣ من حقك تمنع فئة في حالات الصالح العام؛ يعني جيم يقول ممنوع دخول تحت 16 سنة لأسباب صحية مثلا؛ أو فيلم +18 🔞 أو نادي للنساء فقط أو ممنوع حوامل تركب الطيارة أو لعبة معينة عشان حياتهم وهكذا. هنا المنع صادر للصالح العام. وحتي بعض الأماكن تقول ممنوع النقاب بيقولوا (لأسباب أمنية وأمن قومي وإرهاب) مقالوش عنصرية ضد الفئة دي من الشعب.
*️⃣ لكن منع الحجاب 🧕 فدا مش للصالح العام بل تمييز عنصري والسبب فقط إننا قرفانين منهم؛ كلمة قرفانين اللي هي بتستخدم بشكل شيك (الهايجين hygiene) كلمة عنصرية ويجب محاسبة اللي عملوه؛ والعقد والبنود دي غير دستورية.
*️⃣ *️⃣*️⃣*️⃣ معلش علي جنب كده؛ الأخ الراجل النطع اللي بياخد مراته وعياله ويروحوا المكان اللي بتقول ممنوع الستات تلبس هدوم واحنا هنا بنحب المايوة اللي 2 قطعة بكيني أو 1 قطعة وليكي حرية اختيار انهي قطعة فيهم ☺️... حضرتك واخد مراتك وعيالك ورايح هناك ليه؛ يعني رايح تتفرج على ايه 🤔 ولا رايح تتخانق يعني هناك 🤔🤔... وطبعا كل ما سبق لا يعني ان حقهم يعني يمنعوا مراتك؛ بس فعليا انتا عارف اننا في (ال لا قانون) يعني هيمنعوها فلييييه تروح 🤔🤔 ولا انتا رايح تتفرج والمدام شبطت فيك 😂😂.
أتمني بس آخر نقطة الناس متركزش معاها وتسيب البوست ككل؛ من منطلق انها آخر حاجة الناس بتشوفها قبل التعليقات.
❤3👍2
هو الناس في أواخر السبعينات وأوائل الثمانينات استحملوا إزاي ظهور "القطط السمان" فجأة كده. يعني الناس اللي بقت غنية فجأة بسبب إجراءات اقتصادية أو فساد أو أو ... وحصلت بعد الانفتاح الاقتصادي إن الطبقة دي انتشرت
*️⃣ أنا بقالي 15 سنة بتحرك من القاهرة الجديدة لمدينة نصر لكن آخر سنتين بقى ظهور السيارات الفارهة وانتشارها الغريب مستفز قوي.
*️⃣ وأكيد مقصدش بالسيارات الفارهة عربيات الطبقة الوسطى أو فوق الوسطي يعني بيجو وأوبل وكده.. خالص والله.
*️⃣ ولا حتى أقصد المرسيدس A/B/C ويمكن ولا أخواتهم في BMW 1/2/3 خالص ؛ دول عادة طبقة متوسطة وربنا كرمهم فدخلوا في Entry Level بتاع العربيات الفخمة.
*️⃣ لكني بقيت بشوف عادي بشكل يومي وشبه يومي عربيات زي مازيراتي ليفانتي وجيبلي وكواتروبروتي وطبعاً الرانج روفر فوج وفيلار وديسكفري وساعات بورشة بانميرا و 911 وطبعاً الجاجوار XF و F-Pace دول بدأت أحس إنهم عربيات الغلابة ووزعوهم وأنا معرفش أو مكنتش موجود يومها.
*️⃣ يا جماعة دا بيحصل إني اقابل بنتلي ورولزرويس وأستون مارتن
*️⃣ مصر على طول فيها أثرياء ودا شيء طبيعي بس مبقاش طبيعي القفزة الأخيرة... عربيات زي Z4 أشوف منها 3 في 24 ساعة إزاي يعني...
*️⃣ وكلامي كله في الطرق العادية يعني أنا مروحتش هاسيندا ولا دخلت كومباوند من اللي الفيلا فيه ب 30 مليون... لا دول عادي على طريق السويس يومياً.
*️⃣ المشكلة بقى إن دول يدوا انطباع عند الدولة إننا بقينا شعب غني...
*️⃣ فالشعب الغني دا نروح نفرض عليه ضرائب وناخد منه فلوس فنعمل مشاريع.
*️⃣ مين بقى المقاولين أو المستفيدين من تنفيذ المشاريع دي؟ أيوان هما الناس أصحاب العربيات اللي فوق دي او غالباً هما؛ اكيد مش كلهم تجار مخدرات.
*️⃣ فهما يزدادوا ثراء فالدولة تشوفهم بقوا أغنياء فترفض علينا إحنا ضرائب أكثر وتنفذ مشروعات أكثر فهما يكسبوا منها أكثر وهكذا.
*️⃣ خاصة إن مصر دولة سهل التهرب الضريبي فيها وحتى يعني لو اتقفشت خالص أعلى بند 25% في حين دول العالم المتقدم بتوصل الضرائب على الطبقات العليا لـ 40-50%
*️⃣ هو بوست عارف إن اللي هيقراه هيحس إني من مؤيدي عصور عدالة توزيع الفقر على المواطنين؛ خالص والله بس الموضوع بقى مستفز إن ظهور فئة جديدة من القطط السمان في سنوات أرقام الحكومة الرسمية والجهات الدولية بتتحدث عن زيادة نسبة الفقر في مصر 5-10% والفعلي اللي احنا شايفينه أكبر لإن الحكومة بتقول الفقير هو اللي دخله اقل من 735.5 جنية شهري والرقم دا خلي 32.5% فقراء طبقاً للجهاز المركزي المصري... أيوان ثلث الشعب دخله أقل من 5788 جنية سنوي.
مش عارف كتبت البوست ليه وأنا في فترة الراحة من الكتابة بس الموضوع بقى مستفز فقولت أكتب.
*️⃣ أنا بقالي 15 سنة بتحرك من القاهرة الجديدة لمدينة نصر لكن آخر سنتين بقى ظهور السيارات الفارهة وانتشارها الغريب مستفز قوي.
*️⃣ وأكيد مقصدش بالسيارات الفارهة عربيات الطبقة الوسطى أو فوق الوسطي يعني بيجو وأوبل وكده.. خالص والله.
*️⃣ ولا حتى أقصد المرسيدس A/B/C ويمكن ولا أخواتهم في BMW 1/2/3 خالص ؛ دول عادة طبقة متوسطة وربنا كرمهم فدخلوا في Entry Level بتاع العربيات الفخمة.
*️⃣ لكني بقيت بشوف عادي بشكل يومي وشبه يومي عربيات زي مازيراتي ليفانتي وجيبلي وكواتروبروتي وطبعاً الرانج روفر فوج وفيلار وديسكفري وساعات بورشة بانميرا و 911 وطبعاً الجاجوار XF و F-Pace دول بدأت أحس إنهم عربيات الغلابة ووزعوهم وأنا معرفش أو مكنتش موجود يومها.
*️⃣ يا جماعة دا بيحصل إني اقابل بنتلي ورولزرويس وأستون مارتن
*️⃣ مصر على طول فيها أثرياء ودا شيء طبيعي بس مبقاش طبيعي القفزة الأخيرة... عربيات زي Z4 أشوف منها 3 في 24 ساعة إزاي يعني...
*️⃣ وكلامي كله في الطرق العادية يعني أنا مروحتش هاسيندا ولا دخلت كومباوند من اللي الفيلا فيه ب 30 مليون... لا دول عادي على طريق السويس يومياً.
*️⃣ المشكلة بقى إن دول يدوا انطباع عند الدولة إننا بقينا شعب غني...
*️⃣ فالشعب الغني دا نروح نفرض عليه ضرائب وناخد منه فلوس فنعمل مشاريع.
*️⃣ مين بقى المقاولين أو المستفيدين من تنفيذ المشاريع دي؟ أيوان هما الناس أصحاب العربيات اللي فوق دي او غالباً هما؛ اكيد مش كلهم تجار مخدرات.
*️⃣ فهما يزدادوا ثراء فالدولة تشوفهم بقوا أغنياء فترفض علينا إحنا ضرائب أكثر وتنفذ مشروعات أكثر فهما يكسبوا منها أكثر وهكذا.
*️⃣ خاصة إن مصر دولة سهل التهرب الضريبي فيها وحتى يعني لو اتقفشت خالص أعلى بند 25% في حين دول العالم المتقدم بتوصل الضرائب على الطبقات العليا لـ 40-50%
*️⃣ هو بوست عارف إن اللي هيقراه هيحس إني من مؤيدي عصور عدالة توزيع الفقر على المواطنين؛ خالص والله بس الموضوع بقى مستفز إن ظهور فئة جديدة من القطط السمان في سنوات أرقام الحكومة الرسمية والجهات الدولية بتتحدث عن زيادة نسبة الفقر في مصر 5-10% والفعلي اللي احنا شايفينه أكبر لإن الحكومة بتقول الفقير هو اللي دخله اقل من 735.5 جنية شهري والرقم دا خلي 32.5% فقراء طبقاً للجهاز المركزي المصري... أيوان ثلث الشعب دخله أقل من 5788 جنية سنوي.
مش عارف كتبت البوست ليه وأنا في فترة الراحة من الكتابة بس الموضوع بقى مستفز فقولت أكتب.
بمناسبة صور هدم قبر العز بن عبد السلام اللي الله أعلم بصحتها لكنها زعلتني جداً عشان بحبه الصراحة
(تحديث : كذا تعليق وضح ان الصور قديمة وليست حديثة في ازالات القبور اللي بتحصل حاليا لمحور الفردوس؛ فالصور مش حديثة)
دا بوست أنا نشرته نوفمبر 2015 وهنقله كوبي بيست بدون تعديل
-----
طلب سيف الدين قطز فتوي من العز بن عبد السلام "سلطان العلماء" بأن يمكنه من فرض ضرائب على المصريين من أجل التغلب على الأزمة الاقتصادية وتكاليف الاستعداد لحرب التتار.
فرد عليه الشيخ قائلاً انه لا يجوز فرض ضرائب على العامة إلا بعد أن تنفذ اموال الوزراء والامراء وكبار رجال الدولة الذين كان لهم زمان يأخدون الاموال من البلد؛ فإذا تساوت ثروات الامراء وكبار رجال الدولة مع الشعب المصري فهنا يجوز للحاكم فرض ضرائب عليهم جميعاً (الامراء والحكام والعامة بالتساوي)
وخلصت الحكاية
(تحديث : كذا تعليق وضح ان الصور قديمة وليست حديثة في ازالات القبور اللي بتحصل حاليا لمحور الفردوس؛ فالصور مش حديثة)
دا بوست أنا نشرته نوفمبر 2015 وهنقله كوبي بيست بدون تعديل
-----
طلب سيف الدين قطز فتوي من العز بن عبد السلام "سلطان العلماء" بأن يمكنه من فرض ضرائب على المصريين من أجل التغلب على الأزمة الاقتصادية وتكاليف الاستعداد لحرب التتار.
فرد عليه الشيخ قائلاً انه لا يجوز فرض ضرائب على العامة إلا بعد أن تنفذ اموال الوزراء والامراء وكبار رجال الدولة الذين كان لهم زمان يأخدون الاموال من البلد؛ فإذا تساوت ثروات الامراء وكبار رجال الدولة مع الشعب المصري فهنا يجوز للحاكم فرض ضرائب عليهم جميعاً (الامراء والحكام والعامة بالتساوي)
وخلصت الحكاية
❤4
توضيح
بعد البحث تبين ان الصور قديمة والقبر انهار قبل 4 سنين
ولم اجد اي مصدر انه تم ازالته حالياً
بعد البحث تبين ان الصور قديمة والقبر انهار قبل 4 سنين
ولم اجد اي مصدر انه تم ازالته حالياً
خبر حلو من عالم التقنية الصبح أهو
*️⃣ بلومبيرج قالت إن شركة SoftBank بتدرس تبيع شركة ARM وأول زبون جه في بالها هو للأسف Apple لكن الخبر السار هو إن بلومبيرج بتقول إن بعد اجتماعات بين الشركتين أبل قالت شكراً مش عاوزين ARM
*️⃣ الجريدة بتقول إن سبب رفض أبل شراء ARM هو قيود في العقود بتاعتها والتراخيص وتخوف أبل مستقبلاً من قضايا ومشاكل قانونية لإنها هتبقى وقتها المزود الأساسي لمعماريات كل منافسيها... وأبل مش كويسة في النقطة دي
*️⃣ أبل شركة معروفة وقت ما تشتري أي شركة تقنية سواء أجهزة أو برامج بتروح قافله نسخة الأندرويد من برامجها أو تفسخ عقودها مع المنافسين زي ما عملت زمان سنة 2012 لما اشترت شركة AuthenTec وأطلقت الآي فون 5 بالبصمة وقعدت أبل سنة لقدام متفوقة في البصمة عالمنافسين اللي كانوا بدون بصمة أو متخلفة وقتها. وسنة 2015 رئيس موتورلا Dennis Woodside اعترف إن تليفون نيكسس 6 كان مخطط له يكون ببصمة من AuthenTec أسوة بأبل يعني لكن شراء أبل للشركة حرم التليفون من الميزة دي.
*️⃣ الموضوع دا أبل مينفعش تعمله مع ARM خالص لإن دا ممكن يشل العالم تقنياً أصلاً وأبل عارفه دا عشان كده قالت... ايه دا يعني مش هعرف أقفل السكة خلاص مش لاعبه معاكم.
للناس اللي مش تقنيين تعالوا أشرح لكم ايه المشكلة.
*️⃣ في البداية كل شيء بتستخدمه دلوقتي فيه أي حاجة ذكية أو شبه ذكية بيكون فيه بروسيسور... تليفزيون بقى أو ريسيفر أو حتى كاست العربية التاتش أو في الثلاجات الذكية. وطبعاً غير الموبايلات والحاجات الكبيرة المعروفة دي.
*️⃣ البروسيسورات في العالم قسمين الأول بتاع الكومبيوتر المعروف بقى ودا بيكون انتاج وتطوير شركتين عادة وهم Intell و AMD وصداع كبير مش موضوعنا.
*️⃣ القسم الثاني بقى البروسيسور اللي بيتحط في الموبايل والتليفزيون والريسيفر والعربية والثلاجة والتكييف ووو ودا بيكون صغير وقليل قوي في استهلاك الطاقة ودا بيكون بتطوير شركة ARM
*️⃣ شركة ARM دي مش بتصنع البروسيسور بل هى اللي ممكن نقول بالبلدي كده هى اللي بتخطط لطريقة شغله وترسم الرسمة بتاعته؛ المهندس يعني اللي بيحط الخطة ويقول هنا نعمل كوبري وهنا نرصف الشارع.
*️⃣ بعد ما ARM ترسم المعمارية بتاعة البروسيسور اللي قولنا دي شبه المهندس اللي يقول الشارع دا يترصف كده... تروح كل الشركات اللي في الكوكب سواء أبل أو سامسونج أو هواوي أو ميديا تك MediaTek أو طبعاً كوالكم ياخدوا الرسمة وكل واحد ينفذها بالتقنيات اللي عندها... يعني دا يقول أنا هرصف هنا بنوع أسفلت كذا ودا يقول هزود سمك الأسفلت ودا يقول هستخدم تقنية أسفلت صغيرة "اللي هي في البروسيسورات تلاقيه يقولك nm وكل ما الرقم بتاع nm اللي بتشوفها جنب البروسيسور في موقع GSMArena يبقى صغير فدا شيء كويس).
*️⃣ فباختصار كده لو ARM مرسمتش الرسمة محدش هيشتغل في الكوكب أصلاً.
*️⃣ ونرجع فلاش باك كده لبداية حرب ترامب مع الصين فترامب قرر حرمان شركة هواوي من منتجات Intell و AMD (الموضوع ممشيش قوي) فالقرار دا كان معناه إن هواوي مش هتصنع أي كومبيوتر تاني. والخبر دا عدى عادي ومحدش اهتم وأصلاً زي ما قولت تقريباً متنفذش أصلاً.
*️⃣ وبعدين ترامب قال وشركة ARM متديش هواوي تقنياتها... هنا الكوكب اتقلب... دي مفيهاش هزار أصلاً؛ لإن كده هواوي مش هتصنع أي شيء لإن كل شيء محتاج بروسيسور وكل البروسيسورات زي ما قولنا معمارية ARM.
*️⃣ لكن وقتها شركة SoftBank قالت إنها درست قرار ترامب وبعدين درست اتفاقيات دولية وشراكة مع هواوي وكمان اللوائح وقال في النهاية إن شركة ARM شركة إنجليزية مملوكة للشركة الأم SoftBank اليابانية وبناء عليه لا يسري قرار ترامب عليها. وبكده فقد ترامب الضربة الأكثر عنفاً اللي كانت هتقفل شركة هواوي حرفياً.
*️⃣ نرجع بقى لأبل ؛ فشركة أبل لما قعدت مع سوفت بنك واليابانيين دول قالوا لهم التعقيدات والالتزامات الدولية والعقود وإن حركات أبل المشهورة بتاعه متديش المنافسين أحدث تقنيات ووو مش هتنفع... فأبل قالت شكراً مش عاوزة اشتري.
*️⃣ سبب لجوء SoftBank إلى أبل هو إن أولاً شركة أبل هى أكثر شركة تقنية في الكوكب معاها فلوس كاش ووصلت السيولة مع أبل حالياً إلى 207 مليار دولار. والسبب الثاني هو إن أبل حالياً بتحول كل الكومبيوترات بتاعتها لإنها تشتغل بمعالجات بمعمارية ARM فالشركة فكرت إن أبل لو اشترت SoftBank فدا هيساعدها تطور أسرع... لكن المشكلة إن أبل وقتها هتبقى ملزمة تشارك العالم التقنيات بتاعتها ودا معروف إنه ضد مبادئ أبل.
فالصفقة فشلت قبل ما تبدأ والعالم لازم يكون مبسوط دلوقتي
*️⃣ بلومبيرج قالت إن شركة SoftBank بتدرس تبيع شركة ARM وأول زبون جه في بالها هو للأسف Apple لكن الخبر السار هو إن بلومبيرج بتقول إن بعد اجتماعات بين الشركتين أبل قالت شكراً مش عاوزين ARM
*️⃣ الجريدة بتقول إن سبب رفض أبل شراء ARM هو قيود في العقود بتاعتها والتراخيص وتخوف أبل مستقبلاً من قضايا ومشاكل قانونية لإنها هتبقى وقتها المزود الأساسي لمعماريات كل منافسيها... وأبل مش كويسة في النقطة دي
*️⃣ أبل شركة معروفة وقت ما تشتري أي شركة تقنية سواء أجهزة أو برامج بتروح قافله نسخة الأندرويد من برامجها أو تفسخ عقودها مع المنافسين زي ما عملت زمان سنة 2012 لما اشترت شركة AuthenTec وأطلقت الآي فون 5 بالبصمة وقعدت أبل سنة لقدام متفوقة في البصمة عالمنافسين اللي كانوا بدون بصمة أو متخلفة وقتها. وسنة 2015 رئيس موتورلا Dennis Woodside اعترف إن تليفون نيكسس 6 كان مخطط له يكون ببصمة من AuthenTec أسوة بأبل يعني لكن شراء أبل للشركة حرم التليفون من الميزة دي.
*️⃣ الموضوع دا أبل مينفعش تعمله مع ARM خالص لإن دا ممكن يشل العالم تقنياً أصلاً وأبل عارفه دا عشان كده قالت... ايه دا يعني مش هعرف أقفل السكة خلاص مش لاعبه معاكم.
للناس اللي مش تقنيين تعالوا أشرح لكم ايه المشكلة.
*️⃣ في البداية كل شيء بتستخدمه دلوقتي فيه أي حاجة ذكية أو شبه ذكية بيكون فيه بروسيسور... تليفزيون بقى أو ريسيفر أو حتى كاست العربية التاتش أو في الثلاجات الذكية. وطبعاً غير الموبايلات والحاجات الكبيرة المعروفة دي.
*️⃣ البروسيسورات في العالم قسمين الأول بتاع الكومبيوتر المعروف بقى ودا بيكون انتاج وتطوير شركتين عادة وهم Intell و AMD وصداع كبير مش موضوعنا.
*️⃣ القسم الثاني بقى البروسيسور اللي بيتحط في الموبايل والتليفزيون والريسيفر والعربية والثلاجة والتكييف ووو ودا بيكون صغير وقليل قوي في استهلاك الطاقة ودا بيكون بتطوير شركة ARM
*️⃣ شركة ARM دي مش بتصنع البروسيسور بل هى اللي ممكن نقول بالبلدي كده هى اللي بتخطط لطريقة شغله وترسم الرسمة بتاعته؛ المهندس يعني اللي بيحط الخطة ويقول هنا نعمل كوبري وهنا نرصف الشارع.
*️⃣ بعد ما ARM ترسم المعمارية بتاعة البروسيسور اللي قولنا دي شبه المهندس اللي يقول الشارع دا يترصف كده... تروح كل الشركات اللي في الكوكب سواء أبل أو سامسونج أو هواوي أو ميديا تك MediaTek أو طبعاً كوالكم ياخدوا الرسمة وكل واحد ينفذها بالتقنيات اللي عندها... يعني دا يقول أنا هرصف هنا بنوع أسفلت كذا ودا يقول هزود سمك الأسفلت ودا يقول هستخدم تقنية أسفلت صغيرة "اللي هي في البروسيسورات تلاقيه يقولك nm وكل ما الرقم بتاع nm اللي بتشوفها جنب البروسيسور في موقع GSMArena يبقى صغير فدا شيء كويس).
*️⃣ فباختصار كده لو ARM مرسمتش الرسمة محدش هيشتغل في الكوكب أصلاً.
*️⃣ ونرجع فلاش باك كده لبداية حرب ترامب مع الصين فترامب قرر حرمان شركة هواوي من منتجات Intell و AMD (الموضوع ممشيش قوي) فالقرار دا كان معناه إن هواوي مش هتصنع أي كومبيوتر تاني. والخبر دا عدى عادي ومحدش اهتم وأصلاً زي ما قولت تقريباً متنفذش أصلاً.
*️⃣ وبعدين ترامب قال وشركة ARM متديش هواوي تقنياتها... هنا الكوكب اتقلب... دي مفيهاش هزار أصلاً؛ لإن كده هواوي مش هتصنع أي شيء لإن كل شيء محتاج بروسيسور وكل البروسيسورات زي ما قولنا معمارية ARM.
*️⃣ لكن وقتها شركة SoftBank قالت إنها درست قرار ترامب وبعدين درست اتفاقيات دولية وشراكة مع هواوي وكمان اللوائح وقال في النهاية إن شركة ARM شركة إنجليزية مملوكة للشركة الأم SoftBank اليابانية وبناء عليه لا يسري قرار ترامب عليها. وبكده فقد ترامب الضربة الأكثر عنفاً اللي كانت هتقفل شركة هواوي حرفياً.
*️⃣ نرجع بقى لأبل ؛ فشركة أبل لما قعدت مع سوفت بنك واليابانيين دول قالوا لهم التعقيدات والالتزامات الدولية والعقود وإن حركات أبل المشهورة بتاعه متديش المنافسين أحدث تقنيات ووو مش هتنفع... فأبل قالت شكراً مش عاوزة اشتري.
*️⃣ سبب لجوء SoftBank إلى أبل هو إن أولاً شركة أبل هى أكثر شركة تقنية في الكوكب معاها فلوس كاش ووصلت السيولة مع أبل حالياً إلى 207 مليار دولار. والسبب الثاني هو إن أبل حالياً بتحول كل الكومبيوترات بتاعتها لإنها تشتغل بمعالجات بمعمارية ARM فالشركة فكرت إن أبل لو اشترت SoftBank فدا هيساعدها تطور أسرع... لكن المشكلة إن أبل وقتها هتبقى ملزمة تشارك العالم التقنيات بتاعتها ودا معروف إنه ضد مبادئ أبل.
فالصفقة فشلت قبل ما تبدأ والعالم لازم يكون مبسوط دلوقتي
👍2❤1👏1
طيب أنا أقنع إزاي الفيس بوك إني مش عاوز اشتري أوناش وشاحنات CAT اللي سعرها يبدأ من 2.1 مليون جنية
وإن الموضوع كله إني كنت بتكلم مع صديق يعني عن التوكيلات اللي مع منصور... وإنه معاه بيجو وشيفورليه وأوبل و MG فقولت له وكمان عنده شاحنات كاتربيلر CAT واليومين دول عصر المقاولات فزمانه عمل ذهب.
كنا بنحسد بس منصور اللي عنده من أول خير زمان ومترو وصن شاين ومايه حياة وتوكيلات العربيات وبالم هيلز ولبن لبنيتا لغاية جبنا سيرة الحفارات وشاحنات CAT اللي شغالة نار بقى. مجرد هري مصريين يا عم مارك
بس ومن وقتها والفيس بوك مستلمني وتعرف على عروض مانتراك للشاحنات 😂😂😂
أنا مش مقاول والله ... اقنعك إزاي يا عم مارك بس
وإن الموضوع كله إني كنت بتكلم مع صديق يعني عن التوكيلات اللي مع منصور... وإنه معاه بيجو وشيفورليه وأوبل و MG فقولت له وكمان عنده شاحنات كاتربيلر CAT واليومين دول عصر المقاولات فزمانه عمل ذهب.
كنا بنحسد بس منصور اللي عنده من أول خير زمان ومترو وصن شاين ومايه حياة وتوكيلات العربيات وبالم هيلز ولبن لبنيتا لغاية جبنا سيرة الحفارات وشاحنات CAT اللي شغالة نار بقى. مجرد هري مصريين يا عم مارك
بس ومن وقتها والفيس بوك مستلمني وتعرف على عروض مانتراك للشاحنات 😂😂😂
أنا مش مقاول والله ... اقنعك إزاي يا عم مارك بس
👏1
ساعات بحس إن الناس بتحب الهري من منطلق الهري
هو أنا حاليا في راحة منذ أيام عن الكتابة بعيد شحن صحتي النفسية؛ لكن في حاجات ساعات تبقي مستفزة وتجبرك تعلق
1️⃣ انتم عارفين إن شركة B.Tech عملت مدرسة لتعليم تجارة التجزئة يعني بدل مدارس الصنايع التقليدية يتعلموا ازاي يشتغلوا ويديروا محلات سوبر ماركت او متاجر زي كارفور وبي تك وغيرهم. تخيلوا كل ما أشوف الخبر دا الاقي حد معلق (وي عملتها الأول)؛ ايه الهري دا هو احنا في صراع أبل والأندرويد فدا عمله الاول 🤔 ما كل شركة يا رب تعمل مدرسة تعلم الناس؛ وبعدين We عملت مدرسة لتعليم الاتصالات ففين التعارض 🤔 ولا انتم عاوزين واحد بس يفتح مدرسة وخلاص كده ال 1.75 مليون طالب اللي في 3 اعدادي يخلصوا وهيخشوا كلهم المدرسة الواحدة دي 🤔 احنا محتاجين الالاف المدارس؛ مش نتريق عالمبادرات ونقول هاهاهاها فلان عملها قبلكم يا قلودين.
2️⃣ الخبر الثاني كان كمية بوستات شوفتها وحتي مينشن في خبر زيادة ضريبة الدمغة عالخطوط بقيمة 2 جنية للفاتورة و 16 قرش للكارت؛ وبوستات يالهوي وسرقة وعااا وهري معيز ايييه ما شاء الله عليه.. وفي نفس الوقت الحكومة مطلعه مشروع قانون لالغاء ضريبة الدقيق جدول وتطبيق القيمة المضافة. الخبر دا عادي خالص مضايقش حد؛ لكن 2 جنية في السنة علي تليفونك خلاص ضايقكم.. تعالوا اعرفكم ايه ضريبة الدقيق دي.
ضريبة القيمة المضافة مش بتطبق عالمنتجات المصنعة من الدقيق بشكل أساسي واللي يطبق بدالها ضريبة دقيق او ضريبة جدول رفاهية 5% ؛ يعني ايه 🤔 يعني لما تروح مثلا بيتزا بريموس 😍 وتطلب هتلاقي محسوبلك ضريبة 5% مش 14% وبرضك لما تطلب جاتوه من محل زي توماس مثلاً؛ دلوقتي الحكومة بتقول هنخليها قيمة مضافة 14% عشان يقدروا يخصموا الضريبة في مدخلات الصناعة وووو.
الموضوع دا هيأثر عالسوق كله؛ من أول البيتزا مرورا بالجاتوهات ولغاية ال مولتو والبسكويت والشمعدان بتاع الأطفال كل دول سعرهم هيتأثر ومش بقول هيزيد عشان في خصومات مدخلات انتاج هتم
بالمناسبة نفس القانون حتي برضك خلي الضريبة عالصابون 14% بدل 5%
مش عاوز اخش نقاش في تعديلات ضريبة القيمة المضافة عشان نفسيا مش رايق؛ لكني بوريكم ازاي بتتجروا للهري حولين 16 قرش عالموبايل وعادي خالص قانون بيتكلم عن أسعار كل حاجة مصنعه من الدقيق أو الصابون عادي ولا بوست واحد
(ضريبة الجدول دقيق لا تطبق علي الخبز منعا لسوء الفهم؛ العيش معفي من الضرايب)
فكبروا دماغكم شوية ووفروا الطاقة لمواضيع تستحق
ارجع للراحة بقى
هو أنا حاليا في راحة منذ أيام عن الكتابة بعيد شحن صحتي النفسية؛ لكن في حاجات ساعات تبقي مستفزة وتجبرك تعلق
1️⃣ انتم عارفين إن شركة B.Tech عملت مدرسة لتعليم تجارة التجزئة يعني بدل مدارس الصنايع التقليدية يتعلموا ازاي يشتغلوا ويديروا محلات سوبر ماركت او متاجر زي كارفور وبي تك وغيرهم. تخيلوا كل ما أشوف الخبر دا الاقي حد معلق (وي عملتها الأول)؛ ايه الهري دا هو احنا في صراع أبل والأندرويد فدا عمله الاول 🤔 ما كل شركة يا رب تعمل مدرسة تعلم الناس؛ وبعدين We عملت مدرسة لتعليم الاتصالات ففين التعارض 🤔 ولا انتم عاوزين واحد بس يفتح مدرسة وخلاص كده ال 1.75 مليون طالب اللي في 3 اعدادي يخلصوا وهيخشوا كلهم المدرسة الواحدة دي 🤔 احنا محتاجين الالاف المدارس؛ مش نتريق عالمبادرات ونقول هاهاهاها فلان عملها قبلكم يا قلودين.
2️⃣ الخبر الثاني كان كمية بوستات شوفتها وحتي مينشن في خبر زيادة ضريبة الدمغة عالخطوط بقيمة 2 جنية للفاتورة و 16 قرش للكارت؛ وبوستات يالهوي وسرقة وعااا وهري معيز ايييه ما شاء الله عليه.. وفي نفس الوقت الحكومة مطلعه مشروع قانون لالغاء ضريبة الدقيق جدول وتطبيق القيمة المضافة. الخبر دا عادي خالص مضايقش حد؛ لكن 2 جنية في السنة علي تليفونك خلاص ضايقكم.. تعالوا اعرفكم ايه ضريبة الدقيق دي.
ضريبة القيمة المضافة مش بتطبق عالمنتجات المصنعة من الدقيق بشكل أساسي واللي يطبق بدالها ضريبة دقيق او ضريبة جدول رفاهية 5% ؛ يعني ايه 🤔 يعني لما تروح مثلا بيتزا بريموس 😍 وتطلب هتلاقي محسوبلك ضريبة 5% مش 14% وبرضك لما تطلب جاتوه من محل زي توماس مثلاً؛ دلوقتي الحكومة بتقول هنخليها قيمة مضافة 14% عشان يقدروا يخصموا الضريبة في مدخلات الصناعة وووو.
الموضوع دا هيأثر عالسوق كله؛ من أول البيتزا مرورا بالجاتوهات ولغاية ال مولتو والبسكويت والشمعدان بتاع الأطفال كل دول سعرهم هيتأثر ومش بقول هيزيد عشان في خصومات مدخلات انتاج هتم
بالمناسبة نفس القانون حتي برضك خلي الضريبة عالصابون 14% بدل 5%
مش عاوز اخش نقاش في تعديلات ضريبة القيمة المضافة عشان نفسيا مش رايق؛ لكني بوريكم ازاي بتتجروا للهري حولين 16 قرش عالموبايل وعادي خالص قانون بيتكلم عن أسعار كل حاجة مصنعه من الدقيق أو الصابون عادي ولا بوست واحد
(ضريبة الجدول دقيق لا تطبق علي الخبز منعا لسوء الفهم؛ العيش معفي من الضرايب)
فكبروا دماغكم شوية ووفروا الطاقة لمواضيع تستحق
ارجع للراحة بقى
👍2
النهاردة الكونجرس ولجنة مكافحة الاحتكار هتجيب ال 4 الكبار وهم رؤساء أبل وجوجل وفيسبوك وأمازون في مسرحية أقصد استجواب في التحقيق بشأن ممارسات احتكارية في مجال التقنية.
المسرحية أقصد الاستجواب هيكون كالعاده هزلي لدرجة إن بلومبيرج سربت الكلمة بتاعة تيم كوك اللي هيقولها النهاردة 😂 اه عادي كده خالص يعني أعضاء الكونجرس هيستنوا بالليل كلمة تيم كوك في حين الكوكب كله وصلته خلاص 😂😂.
المهم بقي لفت نظري إن تيم كوك هيدافع عن أبل برد محوره النقاط التالية:
*️⃣ عمولة أبل هي هي عمولة جوجل ومايكروسوفت وامازون وسامسونج.
*️⃣ أبل من ساعة ما أطلقت المتجر في 2008 وهي مغيرتش العمولة ولا زودت دولار واحد علي أي تطبيق أو شركة.
*️⃣ أبل بتحب المطورين؛ دي قايدة صوابعها العشرة عشانكم يا كلاب (اكيد مقالش كده 😊) ؛ دا كل شوية تعملكم أدوات عشان تطوروا بيها شغلكم وتقدموا برامج أحسن وتكسبوا أكثر.
*️⃣ بتقولوا علينا حارس البوابة الشرير(أكيد مقالش شرير ومش لازم أوضح كل مرة القلش بتاعي دي آخر مرة) لكننا لو حارس البوابة فعلاً GateKeeper فإحنا الحارس اللي عمال يوسع ويكبر البوابة عشان يدخلها أكبر قدر من التطبيقات. ففي 2008 كان في 500 برنامج ودلوقتي في 1.7 مليون برنامج منهم بس 60 بتوع أبل... ال 60 بتوعنا بتقولوا إنهم محتكرين بقى وبينافسوا ال 1.7 مليون؛ إهئ إهئ إهئ عاااااا 😂.
*️⃣ فاكرين كان بيحصل فيكم ايه قبل أبل ما تيجي؟ لو مش فاكرين أفكركم لما كنتم بتدفعوا عمولات لتسويق برامجكم 50-70% وجت أبل قدمت لكم عمولة 30% فدلوقتي جايين تعترضوا عليها؛ بعد ما لمناكم من حواري التطبيقات والمبرمجين يا رعاع 😂😂😂😂 ( قلشه أحسن حد يفتكر أبل هتقول كده).
*️⃣ هو انتم فاكرين إنكم عملتم ال 1.7 مليون برنامج بشطارتكم يعني بس! دا أبل وفرت لكم أكثر من 150 ألف API عشان يساعدكم... وجايين تتنمردوا علينا بعد ما نظفناكم 😂.
*️⃣ بتعترضوا على معايير والـ GuideLines اللي أبل حطاها... هى مش المعايير دي اللي ضمنت إن برامجكم تشتغل كويس وضمنت ليكم يا مستخدمين أمان لخصوصيتكم... أنتم عاوزينها تبقى أندرويد وسوريا والعراق ولا ايه.
*️⃣ بتقولوا إننا جشعين وعاوزين فلوس... لا والله لا والله ما حكم أبل؛ دا احنا سايبينكم تبرطعوا وتاخدوا 100% من المصالح والإعلانات اللي بتحطوها في البرامج وأي وسيلة تجيبوا منها فلوس من ورانا... وكل اللي إحنا بنقوله إنكم تدفعوا لنا 30% لما تيجوا تطلعوا بمصلحة من جهاز أبل اللي أحنا اخترعناه أو من المستخدم اللي لولانا مكنتوش شوفتوه يا رعاع يا جزم.. دا هما 30% بس من سعر البرنامج وسعر المشتريات من جوا البرنامج والاشتراكات وغيره.
*️⃣ بتقولوا إننا محتكرين السوق... لا والله مش احنا؛ احنا بس محتكرين تنزيل البرامج في أبل لكن ملناش حصة سوقية في الأندرويد (هي دي قلشة وحقيقية برضك؛ أصله قال إن حصة أبل السوقية مش محتكرة في متجر البرامج؛ كإنه مثلاً منزل متجر برامج في الأندرويد بس مش واخد حصة من جوجل)
بصوا التصريح طويل لكن خلاصته أنا جبتكم من الشوارع وانتم ناسين كنتم ايه من قبلي وفاكرين لما كانت الكهرباء بتقطع عن برامجكم أقصد مش عارفين تبيعوها ووو وطريقة التأنيب الأبوي اللي كلنا عارفينها.
لكن نعلق جد بقى
1️⃣ تيم كوك بيقول تصريح شعبوي يستهدف بيه الرأي العام لإنه في أمريكا بيشكل لوبي واحنا داخلين على انتخابات فكل سيناتور يخاف أحسن له...
2️⃣ مفيش حد اتهم أبل إن عمولتها أكثر؛ أبل بتستخدم طريق بص العصفورة لقرطسة القارئ اللي مش متابع... الاتهام هو إن الآخرين عاملين خيارين عاوز الدفع بواسطة مثلاً جوجل بلاي ستور هتدفع عمولة 30% ولو مش عاوز خلي العميل يدفع مباشر ليك بالفيزا ومع نفسك... أبل معندهاش النوع الثاني دا إما تديني عمولة أو مفيش حد هيبيع حاجة.
3️⃣ فكرة إن أبل تمن عالمطورين إنها سبب شغلهم دي تلاعب برضك لإن ببساطة أبل حققت مليارات من وراهم سواء عمولات أو كمان مبيعات للآي فون؛ فملايين اشتروا ولازالوا بيشتروا الآي فون عشان البرامج عليه أفضل من الأندرويد حتى لو نفس البرنامج من نفس الشركة.
4️⃣ فكرة برضك إنها تقولهم وفرنا لكم 150 ألف API برضك هبل لإنها ببساطة وفرتهم عشان يعملوا برامج كويسة فبعد كده هى نفسها تتفاخر بتنوع البرامج بل وإن في برامج فريدة في أبل مش موجودة بالأندرويد. فأبل كانت بتوفر الأدوات دي عشان بتصنع لنفسها Selling Point مش بتوفرها من أجل حب التقنية وحب المطورين.
مش عاوز أطول أكثر من كده وانتم عارفين إني أبلاوي أصلاً وعاوز اشتري iPad جديد ونفسي أجيب ماك تاني وأحدث الآي فون بتاعي...
لكن البيان بتاع أبل لقيته خطاب مثالي لتوضيح إزاي تستخدم العاطفة ونظرية المن والأبوية وأنا اللي نضفتكم وافتكروا من قبلي ووو في الضحك على عقول البسطاء اللي هيقولوا اه صح مظبوط يبقى خلاص حق أبل تحتكر..
المسرحية أقصد الاستجواب هيكون كالعاده هزلي لدرجة إن بلومبيرج سربت الكلمة بتاعة تيم كوك اللي هيقولها النهاردة 😂 اه عادي كده خالص يعني أعضاء الكونجرس هيستنوا بالليل كلمة تيم كوك في حين الكوكب كله وصلته خلاص 😂😂.
المهم بقي لفت نظري إن تيم كوك هيدافع عن أبل برد محوره النقاط التالية:
*️⃣ عمولة أبل هي هي عمولة جوجل ومايكروسوفت وامازون وسامسونج.
*️⃣ أبل من ساعة ما أطلقت المتجر في 2008 وهي مغيرتش العمولة ولا زودت دولار واحد علي أي تطبيق أو شركة.
*️⃣ أبل بتحب المطورين؛ دي قايدة صوابعها العشرة عشانكم يا كلاب (اكيد مقالش كده 😊) ؛ دا كل شوية تعملكم أدوات عشان تطوروا بيها شغلكم وتقدموا برامج أحسن وتكسبوا أكثر.
*️⃣ بتقولوا علينا حارس البوابة الشرير(أكيد مقالش شرير ومش لازم أوضح كل مرة القلش بتاعي دي آخر مرة) لكننا لو حارس البوابة فعلاً GateKeeper فإحنا الحارس اللي عمال يوسع ويكبر البوابة عشان يدخلها أكبر قدر من التطبيقات. ففي 2008 كان في 500 برنامج ودلوقتي في 1.7 مليون برنامج منهم بس 60 بتوع أبل... ال 60 بتوعنا بتقولوا إنهم محتكرين بقى وبينافسوا ال 1.7 مليون؛ إهئ إهئ إهئ عاااااا 😂.
*️⃣ فاكرين كان بيحصل فيكم ايه قبل أبل ما تيجي؟ لو مش فاكرين أفكركم لما كنتم بتدفعوا عمولات لتسويق برامجكم 50-70% وجت أبل قدمت لكم عمولة 30% فدلوقتي جايين تعترضوا عليها؛ بعد ما لمناكم من حواري التطبيقات والمبرمجين يا رعاع 😂😂😂😂 ( قلشه أحسن حد يفتكر أبل هتقول كده).
*️⃣ هو انتم فاكرين إنكم عملتم ال 1.7 مليون برنامج بشطارتكم يعني بس! دا أبل وفرت لكم أكثر من 150 ألف API عشان يساعدكم... وجايين تتنمردوا علينا بعد ما نظفناكم 😂.
*️⃣ بتعترضوا على معايير والـ GuideLines اللي أبل حطاها... هى مش المعايير دي اللي ضمنت إن برامجكم تشتغل كويس وضمنت ليكم يا مستخدمين أمان لخصوصيتكم... أنتم عاوزينها تبقى أندرويد وسوريا والعراق ولا ايه.
*️⃣ بتقولوا إننا جشعين وعاوزين فلوس... لا والله لا والله ما حكم أبل؛ دا احنا سايبينكم تبرطعوا وتاخدوا 100% من المصالح والإعلانات اللي بتحطوها في البرامج وأي وسيلة تجيبوا منها فلوس من ورانا... وكل اللي إحنا بنقوله إنكم تدفعوا لنا 30% لما تيجوا تطلعوا بمصلحة من جهاز أبل اللي أحنا اخترعناه أو من المستخدم اللي لولانا مكنتوش شوفتوه يا رعاع يا جزم.. دا هما 30% بس من سعر البرنامج وسعر المشتريات من جوا البرنامج والاشتراكات وغيره.
*️⃣ بتقولوا إننا محتكرين السوق... لا والله مش احنا؛ احنا بس محتكرين تنزيل البرامج في أبل لكن ملناش حصة سوقية في الأندرويد (هي دي قلشة وحقيقية برضك؛ أصله قال إن حصة أبل السوقية مش محتكرة في متجر البرامج؛ كإنه مثلاً منزل متجر برامج في الأندرويد بس مش واخد حصة من جوجل)
بصوا التصريح طويل لكن خلاصته أنا جبتكم من الشوارع وانتم ناسين كنتم ايه من قبلي وفاكرين لما كانت الكهرباء بتقطع عن برامجكم أقصد مش عارفين تبيعوها ووو وطريقة التأنيب الأبوي اللي كلنا عارفينها.
لكن نعلق جد بقى
1️⃣ تيم كوك بيقول تصريح شعبوي يستهدف بيه الرأي العام لإنه في أمريكا بيشكل لوبي واحنا داخلين على انتخابات فكل سيناتور يخاف أحسن له...
2️⃣ مفيش حد اتهم أبل إن عمولتها أكثر؛ أبل بتستخدم طريق بص العصفورة لقرطسة القارئ اللي مش متابع... الاتهام هو إن الآخرين عاملين خيارين عاوز الدفع بواسطة مثلاً جوجل بلاي ستور هتدفع عمولة 30% ولو مش عاوز خلي العميل يدفع مباشر ليك بالفيزا ومع نفسك... أبل معندهاش النوع الثاني دا إما تديني عمولة أو مفيش حد هيبيع حاجة.
3️⃣ فكرة إن أبل تمن عالمطورين إنها سبب شغلهم دي تلاعب برضك لإن ببساطة أبل حققت مليارات من وراهم سواء عمولات أو كمان مبيعات للآي فون؛ فملايين اشتروا ولازالوا بيشتروا الآي فون عشان البرامج عليه أفضل من الأندرويد حتى لو نفس البرنامج من نفس الشركة.
4️⃣ فكرة برضك إنها تقولهم وفرنا لكم 150 ألف API برضك هبل لإنها ببساطة وفرتهم عشان يعملوا برامج كويسة فبعد كده هى نفسها تتفاخر بتنوع البرامج بل وإن في برامج فريدة في أبل مش موجودة بالأندرويد. فأبل كانت بتوفر الأدوات دي عشان بتصنع لنفسها Selling Point مش بتوفرها من أجل حب التقنية وحب المطورين.
مش عاوز أطول أكثر من كده وانتم عارفين إني أبلاوي أصلاً وعاوز اشتري iPad جديد ونفسي أجيب ماك تاني وأحدث الآي فون بتاعي...
لكن البيان بتاع أبل لقيته خطاب مثالي لتوضيح إزاي تستخدم العاطفة ونظرية المن والأبوية وأنا اللي نضفتكم وافتكروا من قبلي ووو في الضحك على عقول البسطاء اللي هيقولوا اه صح مظبوط يبقى خلاص حق أبل تحتكر..
❤2👍2
*️⃣ توضيح جانبي بس وهو إن جلسة اليوم دي مسرحية؛ الشعب الأمريكي بيحب الأفلام والمسرحيات الأكشن فلازم نديله أكشن بس أمريكا بتحكمها الشركات وميقدرش لا كونجرس ولا قضاء امريكي يتحدى الشركات؛ ممكن حد مجنون زي ترامب لإنه بيستخدم أساليب جديدة وغشيمة لكن المنظومة التقليدية الأمريكية تحت سيطرة الشركات... وخليكم فاكرين قضية أبل القديمة ضد سامسونج لما المرة الوحيدة اللي سامسونج كسبت أبل واخدت قرار وحكم نهائي ضد أبل بمنع بيع بعض تليفوناتها... حكم نهائي لا تستطيع أبل الاستئناف ضده... فهنا راح باراك أوباما استخدم سلطه رئيس الجمهورية وطلع لأبل عفو ولغى الحكم ضد أبل وقال إنها تقدر تبيع أجهزتها تاني عادي والقرار اللي طلع لسامسونج دا تلفه وتعمله سلطة أو محشي ورق أحكام... عشان كده تلاقي معظم الأحكام ضد الشركات التقنية بتكون في أوروبا مش أمريكا لإن اه اوروبا راسمالية برضك لكن لسه في شوية قوانين رادعه. راجعوا الاحكام ضد جوجل وكوالكم وقانون حماية بيانات المستخدمين اللي غير مفاهيم الخصوصية في التقنية GDPR مصدرهم أوروبا مش أمريكا. دا تذكير بس علي جنب كده.
👍3
بمناسبة عيدية وزارة النقل للشعب بتشغيل خطوط جديدة اعتبارا من النهاردة وزيادات أسعار من 25% لغاية 82% وحاجات جديدة 150%
المهم عاوزكم مستقبلاً تتوقعوا ثورة في السكك الحديدة ووزارة النقل ككل.
*️⃣ هتشوفوا خطوط سكك حديد جديدة كلياً زي خط الغردقة سفاجا قنا الأقصر؛ خط جبل الجلالة العاصمة الادارية العلميين الجديدة ؛ خط القطار المكهرب من موقف العاشر الي العبور الشروق بدر العاصمة الادارية وخطوط ثانية كثير. وطبعا مونوريل العاصمة الادارية التجمع الوفاء والامل الي ميدان رابعة وكمان مونوريل الجيزة الي اكتوبر.
*️⃣ وهنشوف برضك تحسن في تقنيات ونوعيات القطارات وجودتها.
*️⃣ عربات قطارات جديدة مطورة وعالية الجودة وعالمية يعني حاجات كده فخمة زي كراسي الطائرات؛ جودة اعلي من VIP الحالي.
*️⃣ كمان هيتم تجديد القاطرات بتاعه العربات وحالياً العربات الروسي الجديدة جابوا لها قاطرة من أمريكا 😂.
*️⃣ بصوا كل اللي اتعمل في تاريخ السكك الحديد كوم والمترو والنقل واللي هيحصل لغاية 2030 كوم تاني؛ من الآخر كل خطط وأحلام وزارات النقل خلال السنين الماضية هيتنفذ دفعة واحدة.
*️⃣ زمان كان التطوير بطيء لان السكك الحديد كانت بتشوف هتجيب منين فلوس للمشروع وهل موازنة الدولة تتحمل قروض؛ زي مثلا قرض البنك الدولي بالرمز الكودي P101103 اللي وقع مارس 2009 بقيمة 270 مليون دولار وهيتقفل خلاص 31 ديسمير 2020 الجاري.
*️⃣ حاليا (من 2015) الخطة مختلفة كلياً والقرار واضح وهو طور السكك الحديد بغض النظر هيتكلف كام ودا خلي الهيئة عليها وصلت ديونها 111 مليار جنية طبقا لتصريح الوزير امبارح.
طبعا الاستاذ اللي هناك هيقولي الديون دي هتسدد ازاي 🤔 هقولك يا سيدي ومعلش بقي خد وانبسط 😂
1️⃣ في قرار جمهوري سابق عشان الجهات اللي عليها ديون بتسدد الديون بأراضي ؛ يعني عندك وزارة النقل عندها أراضي كثير لان بالقانون في مسافة حول جميع خطوط السكك الحديد تبقي بتاعة الوزارة وفي نفس الوقت عليها مديونيات للبنك المركزي وبنك الاستثمار القومي؛ فهما يشوفوا عندهم ايه وبكام ويدوه للبنوك والبنوك بقي تعمل مشاريع او حتي تبيعها للقطاع الخاص محلي واجنبي. وبالفعل تمت جولة تسوية ديون ويوم 31 مايو السابق وزارة النقل كلفت متخصصين يشوفوا ايه تاني اراضي عشان يدفعوه ومتوقع التسوية المرة دي 50 مليار جنية.
2️⃣ المورد الثاني هيكون احنا؛ الوزير اعلن ان ايراد الهيئة المتوقع بحلول 2030 يعني خلال 10 سنين يكون اجمالي 250 مليار... لازم تعرفوا ان الايراد حاليا 4 مليار سنوي ؛ وعشان عارف الخداع الرقمي هتقولوا يعني 250 علي 10 سنين يبقي هيزيد السنة ل 25 مقابل 4 حالي؛ لا غلط خالص... الرقم بيزيد تدريجي يعني نقدر نتخيل ان ال 10 سنين يكونوا 6 ثم 8 ثم 12 ثم 15 ثم 20 ثم 25 ثم 30 ثم 35 ثم 40 ثم 45 مليار ؛ يعني هنوصل ل 45 مليار مش 25 (كل دي امثلة احسن حد ياخد التدرج دا انه مستهدف)... المهم يعني نتخيل ان ال 4 الحالية الهدف تبقي 40... طبعا في طرق سكك حديد جديدة وعربات جديدة مع زيادة الاسعار 5 أضعاف.
3️⃣ موارد متنوعة يعني محلات ومولات وكده في المحطات ؛ المورد دا لو استغل صح ممكن يكون بديل عن زيادة الفلوس اللي في البند 2 لكن اهو بقي نقول ايه؛ البند دا محتاج شغل مهول بس يجيب فلوس.
فدا اختصارا ايه هيحصل
هتشوفوا سكة حديد 5 نجوم بتحصل وخطوط جديدة وقطارات ومترو وقطار مكهرب ودلع؛ ومحدش يقول المواطن هيجيب فلوس منين لل 5 نجوم دي؛ ملناش دعوة بالمواطن لو سمحتهم ومشكلته انه اللي فقير يا فقير.
عيد سعيد وكل سنة وانتم طيبين
المهم عاوزكم مستقبلاً تتوقعوا ثورة في السكك الحديدة ووزارة النقل ككل.
*️⃣ هتشوفوا خطوط سكك حديد جديدة كلياً زي خط الغردقة سفاجا قنا الأقصر؛ خط جبل الجلالة العاصمة الادارية العلميين الجديدة ؛ خط القطار المكهرب من موقف العاشر الي العبور الشروق بدر العاصمة الادارية وخطوط ثانية كثير. وطبعا مونوريل العاصمة الادارية التجمع الوفاء والامل الي ميدان رابعة وكمان مونوريل الجيزة الي اكتوبر.
*️⃣ وهنشوف برضك تحسن في تقنيات ونوعيات القطارات وجودتها.
*️⃣ عربات قطارات جديدة مطورة وعالية الجودة وعالمية يعني حاجات كده فخمة زي كراسي الطائرات؛ جودة اعلي من VIP الحالي.
*️⃣ كمان هيتم تجديد القاطرات بتاعه العربات وحالياً العربات الروسي الجديدة جابوا لها قاطرة من أمريكا 😂.
*️⃣ بصوا كل اللي اتعمل في تاريخ السكك الحديد كوم والمترو والنقل واللي هيحصل لغاية 2030 كوم تاني؛ من الآخر كل خطط وأحلام وزارات النقل خلال السنين الماضية هيتنفذ دفعة واحدة.
*️⃣ زمان كان التطوير بطيء لان السكك الحديد كانت بتشوف هتجيب منين فلوس للمشروع وهل موازنة الدولة تتحمل قروض؛ زي مثلا قرض البنك الدولي بالرمز الكودي P101103 اللي وقع مارس 2009 بقيمة 270 مليون دولار وهيتقفل خلاص 31 ديسمير 2020 الجاري.
*️⃣ حاليا (من 2015) الخطة مختلفة كلياً والقرار واضح وهو طور السكك الحديد بغض النظر هيتكلف كام ودا خلي الهيئة عليها وصلت ديونها 111 مليار جنية طبقا لتصريح الوزير امبارح.
طبعا الاستاذ اللي هناك هيقولي الديون دي هتسدد ازاي 🤔 هقولك يا سيدي ومعلش بقي خد وانبسط 😂
1️⃣ في قرار جمهوري سابق عشان الجهات اللي عليها ديون بتسدد الديون بأراضي ؛ يعني عندك وزارة النقل عندها أراضي كثير لان بالقانون في مسافة حول جميع خطوط السكك الحديد تبقي بتاعة الوزارة وفي نفس الوقت عليها مديونيات للبنك المركزي وبنك الاستثمار القومي؛ فهما يشوفوا عندهم ايه وبكام ويدوه للبنوك والبنوك بقي تعمل مشاريع او حتي تبيعها للقطاع الخاص محلي واجنبي. وبالفعل تمت جولة تسوية ديون ويوم 31 مايو السابق وزارة النقل كلفت متخصصين يشوفوا ايه تاني اراضي عشان يدفعوه ومتوقع التسوية المرة دي 50 مليار جنية.
2️⃣ المورد الثاني هيكون احنا؛ الوزير اعلن ان ايراد الهيئة المتوقع بحلول 2030 يعني خلال 10 سنين يكون اجمالي 250 مليار... لازم تعرفوا ان الايراد حاليا 4 مليار سنوي ؛ وعشان عارف الخداع الرقمي هتقولوا يعني 250 علي 10 سنين يبقي هيزيد السنة ل 25 مقابل 4 حالي؛ لا غلط خالص... الرقم بيزيد تدريجي يعني نقدر نتخيل ان ال 10 سنين يكونوا 6 ثم 8 ثم 12 ثم 15 ثم 20 ثم 25 ثم 30 ثم 35 ثم 40 ثم 45 مليار ؛ يعني هنوصل ل 45 مليار مش 25 (كل دي امثلة احسن حد ياخد التدرج دا انه مستهدف)... المهم يعني نتخيل ان ال 4 الحالية الهدف تبقي 40... طبعا في طرق سكك حديد جديدة وعربات جديدة مع زيادة الاسعار 5 أضعاف.
3️⃣ موارد متنوعة يعني محلات ومولات وكده في المحطات ؛ المورد دا لو استغل صح ممكن يكون بديل عن زيادة الفلوس اللي في البند 2 لكن اهو بقي نقول ايه؛ البند دا محتاج شغل مهول بس يجيب فلوس.
فدا اختصارا ايه هيحصل
هتشوفوا سكة حديد 5 نجوم بتحصل وخطوط جديدة وقطارات ومترو وقطار مكهرب ودلع؛ ومحدش يقول المواطن هيجيب فلوس منين لل 5 نجوم دي؛ ملناش دعوة بالمواطن لو سمحتهم ومشكلته انه اللي فقير يا فقير.
عيد سعيد وكل سنة وانتم طيبين
👍1
ايه هي العلاقة بين أبل وشركة لادا وتطوير السكة الحديد في مصر 🤔
سيبك من العنوان اللي فوق أنا ملقتش دخله كويسة للبوست فقولت اتفلسف واكتب عنوان كده من بتوع واااو ايه دا 😂😂 عميق يعني 😌. المهم البوست عادي
*️⃣ في نوع من الغلطات أنا بسميه (غبي وأنا عارف) يعني العادي تغلط غلطة بسبب حاجة انتا مش عارفها؛ لكن ساعات بتكون عارف ايه الصح ويتعمل ازاي ومقتنع بيه وان عكسه غلط وبعدين تلاقي نفسك بتعمل عكسه لا إرادياً عشان كده بقول (غبي وانا عارف 😔).
*️⃣ أي صاحب بيزنس بيكون عارف إن أهم حاجة العميل مش المنتج بتاعه؛ يعني انتا مفروض بتجيب وتبيع المنتج اللي العميل بيحبه وعاوزه مش المنتج اللي انتا كصاحب الشغل بتحبه؛ اه ممكن تكون مش مقتنع باختيار العميل لكن في النهاية القاعدة بتاعة (الزبون علي حق) ظهرت للموضوع دا؛ الزبون علي حق في اختيار ايه المنتج اللي يستمر وايه يتعمل.
*️⃣ لكن عشان (غبي وأنا عارف) فكثير حصلت معايا بشكل شخصي اني شوفت منتجات واقتنعت بيها قوي وجبتها وجيت اعرضها ملقتش العملاء عندهم قابليه للمنتجات دي؛ وساعات تانية بلاقي منتجات مش مقتنع انها تبيع وتلاقيها بقت في Top Selling كمان.
*️⃣ سبب الغلطة دي بيكون إن صاحب البيزنس بينسى حاجة اسمها مين عميلك او زي ما بتوع التسويق بيسموها ال customer persona يعني هو عميلك مين ومواصفاته ايه. بحيث لما تقرر تشتري منتج تفكر مين العميل بتاعه وهل عميلك الحالي هيقبل المنتج دا.
بصوا عشان تفهموا قصدي هنروح للسؤال بتاع اول البوست ونشوف الثلاثي اللي فوق والبداية مع أبل.
1️⃣ شركة أبل تعالوا نفكر مين العميل بتاعها عادة؛ شخص مرتفع الدخل وفئة اجتماعية وتعليمية مرتفعه مهتم بالمظهر والشياكة والشو والبرستيج وكده يعني... ممكن مش كل العملاء كده لكنهم رسموا الصورة الذهنية لا إرادياً عند ملايين فبقي اللي عاوز يبان انه معاه فلوس ومميز يروح يجيب آي فون وشعار (فخامة التفاحة تكفي) وهكذا... سنة 2013 اطلقت أبل الاي فون 5C مع 5S وكان واضح قوي إن C تليفون رخيص بالتصميم البلاستيك وكده؛ فكده أبل زعلت مين؟ العملاء بتوعها اللي زعلوا ولسان حالهم (ايه يا أبل هتخلي الشعب يمسك اي فون) فمحدش اشتراه وبعتت ابل طلبات للموردين متبعتوش تاني قطع 5C وتيم كوك اعترف انهم خزنوا منه كميات كبيرة ومعرفتش تحسبها صح؛ وبعد سنة أوقفت التليفون المغمور دا اللي مش بس منجحش لا دا في كثير من ملاك أبل ميعرفوش بوجوده أصلاً.. وابل اتعلمت من الغلطة دي؛ مارس 2016 أبل أطلقت الاي فون SE وهو برضك هاتف اقتصادي يعني مفروض زي 5C لكن شوف المرة دي سوقوا له ازاي؛ قالوا ان في 2015 تم بيع 40 مليون اي فون 5S بحجم 4 بوصة في حين موجود الاي فون 6s/6 بحجم 4.7 بوصة يعني الناس بتحب حجم 4 بوصة؛ وعشان كده مش هنفضل نخليكم تشتروا الاي فون 5s القديم؛ هنجيب لكم احدث جهاز وهو 6s ونحطه في حجم ال 5s اللي بتحبوه؛ وبكده هي سوقت التليفون انه جاي من طلب الناس مش بهدف جهاز رخيص؛ وبالتصميم الالومنيوم الاساسي مش بلاستيك ردئ وأحدث معالج عند الشركة؛ ومن 3 شهور اطلقت أبل SE 2020 وبرضك بتصميم هاتف أساسي وهو الاي فون 8 وبرضك بأحدث معالج عن الشركة A13؛ فحقق مبيعات مبهرة...
فكر كده في 5C و SE هتلاقي المرتين زي بعض والهدف تليفون اقتصادي؛ لكن في SE ابل سوقت لتليفونها صح بعقلية العميل بتاعها مش تقوله تليفون بلاستيك.
علي فكرة عشان كده لما بتشوف النقاش الكوميدي بتاع تليفون كذا الاندرويد فيه مزايا أكثر من الاي فون؛ دا مش هيقنع مستخدم أبل لإن ابسط حاجة تليفون الأندرويد مش هيديله نفس البرستيج والشو (دا مجرد مثال ولا يعني عدم وجود مزايا بالنظام والهاتف لكني بضرب مثال بنقطة تفوق قاتلة لابل).
2️⃣ اللي اتعلمناه من مثال أبل نشوفه في مثال زي لادا جرانتا ؛ اللي اتعامل معاها هتلاقيه بيشتم في التقفيل المصري والتزييق في الكراسي والتسارع الغير موجود 😂؛ وتلاقي اللي يقول ما تزود 15/22 الف وتشتري لوجان أو 30 وتشتري نيسان صني وهكذا؛ لكن تبص علي تقارير المبيعات تلاقي مبيعاتها زادت 25% في 2019 ودايما هي ضمن قائمة أكثر 20 سيارة مبيعا في مصر وساعات في ال Top 10 كمان... طب ازاااي أنهي منطق دا.
السبب بسيط لما تفكر مين بيشتري الجرانتا؛ ايه ال Persona بتاعته؛ هتلاقيه شخص ميقدرش ماديا يطلع اكثر وهي أرخص سيدان في مصر وأرخص اتوماتيك في مصر؛ شنطتها 520 لتر والسعة دي أكبر من 95% من شنط العربيات السيدان في السوق ؛ فدا يخليها عربية عملية تشيل شنط وبضاعه وكده؛ يعني الزبون بتاعها شخص فلوسه علي اده وعاوز عربية عملية تشيل بضاعه وعفشة كويسة ولو حصلت مشكلة الصيانة رخيصة... هتقوله بس مفيش راحة رفاهية الخ الخ.. كلامك جميل بس عميل الجرانتا مش ب يستهدف الرفاهية ولو خير بين الرفاهية والاقتصادية هيختار الاقتصادية.
سيبك من العنوان اللي فوق أنا ملقتش دخله كويسة للبوست فقولت اتفلسف واكتب عنوان كده من بتوع واااو ايه دا 😂😂 عميق يعني 😌. المهم البوست عادي
*️⃣ في نوع من الغلطات أنا بسميه (غبي وأنا عارف) يعني العادي تغلط غلطة بسبب حاجة انتا مش عارفها؛ لكن ساعات بتكون عارف ايه الصح ويتعمل ازاي ومقتنع بيه وان عكسه غلط وبعدين تلاقي نفسك بتعمل عكسه لا إرادياً عشان كده بقول (غبي وانا عارف 😔).
*️⃣ أي صاحب بيزنس بيكون عارف إن أهم حاجة العميل مش المنتج بتاعه؛ يعني انتا مفروض بتجيب وتبيع المنتج اللي العميل بيحبه وعاوزه مش المنتج اللي انتا كصاحب الشغل بتحبه؛ اه ممكن تكون مش مقتنع باختيار العميل لكن في النهاية القاعدة بتاعة (الزبون علي حق) ظهرت للموضوع دا؛ الزبون علي حق في اختيار ايه المنتج اللي يستمر وايه يتعمل.
*️⃣ لكن عشان (غبي وأنا عارف) فكثير حصلت معايا بشكل شخصي اني شوفت منتجات واقتنعت بيها قوي وجبتها وجيت اعرضها ملقتش العملاء عندهم قابليه للمنتجات دي؛ وساعات تانية بلاقي منتجات مش مقتنع انها تبيع وتلاقيها بقت في Top Selling كمان.
*️⃣ سبب الغلطة دي بيكون إن صاحب البيزنس بينسى حاجة اسمها مين عميلك او زي ما بتوع التسويق بيسموها ال customer persona يعني هو عميلك مين ومواصفاته ايه. بحيث لما تقرر تشتري منتج تفكر مين العميل بتاعه وهل عميلك الحالي هيقبل المنتج دا.
بصوا عشان تفهموا قصدي هنروح للسؤال بتاع اول البوست ونشوف الثلاثي اللي فوق والبداية مع أبل.
1️⃣ شركة أبل تعالوا نفكر مين العميل بتاعها عادة؛ شخص مرتفع الدخل وفئة اجتماعية وتعليمية مرتفعه مهتم بالمظهر والشياكة والشو والبرستيج وكده يعني... ممكن مش كل العملاء كده لكنهم رسموا الصورة الذهنية لا إرادياً عند ملايين فبقي اللي عاوز يبان انه معاه فلوس ومميز يروح يجيب آي فون وشعار (فخامة التفاحة تكفي) وهكذا... سنة 2013 اطلقت أبل الاي فون 5C مع 5S وكان واضح قوي إن C تليفون رخيص بالتصميم البلاستيك وكده؛ فكده أبل زعلت مين؟ العملاء بتوعها اللي زعلوا ولسان حالهم (ايه يا أبل هتخلي الشعب يمسك اي فون) فمحدش اشتراه وبعتت ابل طلبات للموردين متبعتوش تاني قطع 5C وتيم كوك اعترف انهم خزنوا منه كميات كبيرة ومعرفتش تحسبها صح؛ وبعد سنة أوقفت التليفون المغمور دا اللي مش بس منجحش لا دا في كثير من ملاك أبل ميعرفوش بوجوده أصلاً.. وابل اتعلمت من الغلطة دي؛ مارس 2016 أبل أطلقت الاي فون SE وهو برضك هاتف اقتصادي يعني مفروض زي 5C لكن شوف المرة دي سوقوا له ازاي؛ قالوا ان في 2015 تم بيع 40 مليون اي فون 5S بحجم 4 بوصة في حين موجود الاي فون 6s/6 بحجم 4.7 بوصة يعني الناس بتحب حجم 4 بوصة؛ وعشان كده مش هنفضل نخليكم تشتروا الاي فون 5s القديم؛ هنجيب لكم احدث جهاز وهو 6s ونحطه في حجم ال 5s اللي بتحبوه؛ وبكده هي سوقت التليفون انه جاي من طلب الناس مش بهدف جهاز رخيص؛ وبالتصميم الالومنيوم الاساسي مش بلاستيك ردئ وأحدث معالج عند الشركة؛ ومن 3 شهور اطلقت أبل SE 2020 وبرضك بتصميم هاتف أساسي وهو الاي فون 8 وبرضك بأحدث معالج عن الشركة A13؛ فحقق مبيعات مبهرة...
فكر كده في 5C و SE هتلاقي المرتين زي بعض والهدف تليفون اقتصادي؛ لكن في SE ابل سوقت لتليفونها صح بعقلية العميل بتاعها مش تقوله تليفون بلاستيك.
علي فكرة عشان كده لما بتشوف النقاش الكوميدي بتاع تليفون كذا الاندرويد فيه مزايا أكثر من الاي فون؛ دا مش هيقنع مستخدم أبل لإن ابسط حاجة تليفون الأندرويد مش هيديله نفس البرستيج والشو (دا مجرد مثال ولا يعني عدم وجود مزايا بالنظام والهاتف لكني بضرب مثال بنقطة تفوق قاتلة لابل).
2️⃣ اللي اتعلمناه من مثال أبل نشوفه في مثال زي لادا جرانتا ؛ اللي اتعامل معاها هتلاقيه بيشتم في التقفيل المصري والتزييق في الكراسي والتسارع الغير موجود 😂؛ وتلاقي اللي يقول ما تزود 15/22 الف وتشتري لوجان أو 30 وتشتري نيسان صني وهكذا؛ لكن تبص علي تقارير المبيعات تلاقي مبيعاتها زادت 25% في 2019 ودايما هي ضمن قائمة أكثر 20 سيارة مبيعا في مصر وساعات في ال Top 10 كمان... طب ازاااي أنهي منطق دا.
السبب بسيط لما تفكر مين بيشتري الجرانتا؛ ايه ال Persona بتاعته؛ هتلاقيه شخص ميقدرش ماديا يطلع اكثر وهي أرخص سيدان في مصر وأرخص اتوماتيك في مصر؛ شنطتها 520 لتر والسعة دي أكبر من 95% من شنط العربيات السيدان في السوق ؛ فدا يخليها عربية عملية تشيل شنط وبضاعه وكده؛ يعني الزبون بتاعها شخص فلوسه علي اده وعاوز عربية عملية تشيل بضاعه وعفشة كويسة ولو حصلت مشكلة الصيانة رخيصة... هتقوله بس مفيش راحة رفاهية الخ الخ.. كلامك جميل بس عميل الجرانتا مش ب يستهدف الرفاهية ولو خير بين الرفاهية والاقتصادية هيختار الاقتصادية.
👍1
3️⃣ تطوير السكة الحديد ؛ والمرة دي أنا مش هضرب مثال بس هنفكر سوى؛ إمبارح نشرت بوست وضحت فيه إن في خطة تطوير شاملة ب مئات المليارات عشان تحول السكك الحديد الحالية لشكل تاني 5 نجوم؛ لكن هو ايه هدف أي تطوير 🤔؛ المعروف إن أي تطوير بيكون هدفه جلب عميل جديد + الحفاظ علي عميلك الحالي... والنقطة الأخيرة مهمة لإن تكلفة جلب عميل جديد أو ما تعرف ب Customer acquisition cost أعلي بكثير من تكلفة الحفاظ على عميلك الحالي... فهنا نفكر في شكل السكك الحديد الحالية وهنلاقيها سيئة وبتتأخر وأعطال لكن سعرها كويس بالمقارنة مع البدائل؛ طيب هو العيوب الحالية بتخلي العملاء مش بيركبوها؟ خط أسوان درجة 2 و 3 بيكون فاضي 🤔 لا طبعاً دا بيكون مكتمل دايماً ومفيش تذكرة 🎫؛ طيب ليييييه 🤔🤔 عشان العيوب دي قصادها ميزة وهي السعر المناسب؛ تخيل معايا قولنا للعميل هنطورها لك وهتبقي كويسة ونظيفة وسريعه وكله بس التذكرة اللي ب 30 هتبقي 70 ايه رأيك 🤔 قبل ما ترد فكر في شخصية العميل وال Persona بتاعته زي مثال لادا جرانتا؛ هو أهم حاجة عنده الجودة ولا السعر 🤔؛ يعني لو خيرته بينهم هيختار انهي 🤔 ؛ لو العميل دا كان عاوز جودة عالية ومعندوش مشكلة يدفع طب ليه مركبش درجة أولى أو VIP يا ترى 🤔.. لو هتطور له بنفس السعر فتمام حلو لكن تقوله هطورلك بضعف السعر؛ فيا تري هيكون مبسوط؛ طيب فكر في مثال تاني ان الحكومة اعلنت محطات بنزين معينة هيكون فيها انتظار 60 دقيقة لكن سعر اللتر 2 جنية؛ وباقي المحطات مفيش انتظار واللتر ب 7.5 جنية ؛ تفتكروا الناس هتختار خدمة غالية مميزة ولا خدمة اقل جودة بس ارخص؛ لو انتا شخص دخلك مرتفع وبتقبض 30 الف شهري هتقول بلا قرف مش هقعد ساعة عشان اوفر 500 جنية شهري؛ لكن لو دخلك 3000 جنية هيكون اختيارك مختلف.
البوست طول معايا واحنا في عيد بقي
لكن اتمني لما تيجي تقارن بين موبايلين او عربية او تجيب منتج لشركتك او تشوف مشروع للدولة أو أي حاجة متحكمش من مكان المشاهد لكن فكر في العميل المستهدف هل الموضوع دا ينفعه أم لا.
او زي ما الامريكان بيقولوا
put yourself in their shoes
بحيث تقدر تحكم صح؛ لان اكيد مرسيدس احسن من لادا لكن هل عميل مرسيدس بتستهدفه لادا 🤔 ؛اكيد خدمة معينة 5 نجوم رائعة بس هل العميل موافق...
عرفتم ايه الغلطة بتاعة أبل اللي ب نكررها في الحكم علي لادا جرانتا وبتتعمل في السكة الحديد دلوقتي 🤔 السؤال بتاع اول البوست لو نسيتوه 😂😂
*️⃣ ملحوظة:
الكومنت بتاع يعني محدش يطور حاجة طالما محدش موافق يدفع فلوس الخدمات الجيدة ؛ بجهزلك بوست للرد عليك بقالي اسبوع لكنه مش عاوز يتقفل كويس؛ أصبر هتاخد حاجة نظيفة.
البوست طول معايا واحنا في عيد بقي
لكن اتمني لما تيجي تقارن بين موبايلين او عربية او تجيب منتج لشركتك او تشوف مشروع للدولة أو أي حاجة متحكمش من مكان المشاهد لكن فكر في العميل المستهدف هل الموضوع دا ينفعه أم لا.
او زي ما الامريكان بيقولوا
put yourself in their shoes
بحيث تقدر تحكم صح؛ لان اكيد مرسيدس احسن من لادا لكن هل عميل مرسيدس بتستهدفه لادا 🤔 ؛اكيد خدمة معينة 5 نجوم رائعة بس هل العميل موافق...
عرفتم ايه الغلطة بتاعة أبل اللي ب نكررها في الحكم علي لادا جرانتا وبتتعمل في السكة الحديد دلوقتي 🤔 السؤال بتاع اول البوست لو نسيتوه 😂😂
*️⃣ ملحوظة:
الكومنت بتاع يعني محدش يطور حاجة طالما محدش موافق يدفع فلوس الخدمات الجيدة ؛ بجهزلك بوست للرد عليك بقالي اسبوع لكنه مش عاوز يتقفل كويس؛ أصبر هتاخد حاجة نظيفة.
بمناسبة العيد قعدت فترة قصاد التليفزيون
تصادف وشوفت اغنية محمد فوزي ( ذهب الليل وطلع الفجر) الشهيرة والكارتون القديم
في الحته بتاعة وعصام بكره هيبقي ظابط ويدافع عنكم؛ لقيت الكارتون فيه عسكري واقف جنب علم مكتوب فيه (تحيا مصر 🇪🇬) تخيلوا 😂
وبعدين قلبت لقيت مسرحية الواد سيد الشغال والمسرحية دي من 85 ال 92 على حد علمي؛ المهم في الحته بتاعة عادل امام وهو بيقاول عمر الحريري ياخد كام ويتجوز مشيرة ؛ قاله عاوزين كذا وكذا وكذا؛ وبعدها قال وعاوزين 2000 جنية عشان مصر ؛ ديون مصر؛ فالحريري قاله ايييه؛ فرد عليه عادل امام؛ دي عشان مصر 🇪🇬 اييييه تقدر تعترض 😂😂
ياااه يا جدعان دا احنا عايشين في ديجافو Deja Vu كبير قوي 😂😂
تصادف وشوفت اغنية محمد فوزي ( ذهب الليل وطلع الفجر) الشهيرة والكارتون القديم
في الحته بتاعة وعصام بكره هيبقي ظابط ويدافع عنكم؛ لقيت الكارتون فيه عسكري واقف جنب علم مكتوب فيه (تحيا مصر 🇪🇬) تخيلوا 😂
وبعدين قلبت لقيت مسرحية الواد سيد الشغال والمسرحية دي من 85 ال 92 على حد علمي؛ المهم في الحته بتاعة عادل امام وهو بيقاول عمر الحريري ياخد كام ويتجوز مشيرة ؛ قاله عاوزين كذا وكذا وكذا؛ وبعدها قال وعاوزين 2000 جنية عشان مصر ؛ ديون مصر؛ فالحريري قاله ايييه؛ فرد عليه عادل امام؛ دي عشان مصر 🇪🇬 اييييه تقدر تعترض 😂😂
ياااه يا جدعان دا احنا عايشين في ديجافو Deja Vu كبير قوي 😂😂