هى البنوك المصرية مش ناوية تفك شوية حدود استخدام البطاقات خارج مصر؟ مش التعويم حصل؟ أصل الحدود كوميدية بجد بالذات مع الدولار الجديد
*️⃣ يعني في بنك مثلاً أبو ظبي التجاري... دا بيقول للجماعة اللي معاهم كارت الحساب الديبيت Debit انتا ليك ليميت شهري تسحب 2000 جنية بره مصر... وزي ما قرأت كده 2000 جنية يعني 82 دولار في الشهر.. وعاوزك تتخيل تعمل ايه ب 82 دولار بره مصر... ولو فكرت تقول دا السحب يا محمد ؛ بره مصر بيستخدموا الفيزا للشراء مباشرة؛ فأقولك هو حاطط الليميت 5000 جنية يعني 206 دولار.... متشتريش ليك تذكرة طيارة حتى :D اللي هو لو في حد معاه البنك دا وسافر بره مصر معتمد عليه... هيتسول.
*️⃣ واللي هيقول يا عم هو حد يعرف البنك دا فين؛ خليك في الكبار
فالإثنين الكبار في البنوك الخاصة
*️⃣ بنك CIB بيديك سحب 206 دولار شهري ومشتريات 826 دولار(اللي هما 20 ألف جنية) ... فتقريباً هتشتري التذاكر وتحجز الفندق وتقعد تعيش بقى ب 206 دولار تتشقلب بيهم.
*️⃣ بنك QNB بقى بيديك سحب شهري 206 دولار (اللي هما 5000 جنية) أما المشتريات ف 372 دولار شهري يعني 9 الاف جنية
وطبعاً كالعادة تلاقي الحكومي أفضل شوية
*️⃣ بنك مصر هتلاقيه كريم قوي معاك... هيديك سحب 500 دولار ومشتريات 9000 دولار... هو بنك مصر كان عامل رسومه 6% يعني دلوقتي يحاسبك عالدولار ب 25.65 لكن يقال إنه تراجع وخلاها تاني 3% .. معرفش بقى
*️⃣ المهم يعني إن الأرقام الهبلة بتاعة الليميت دي مبقتش تنفع...
ملحوظة:
*️⃣ الحل دائماً هو الكريديت كارد وليس بطاقات الحساب Debit لإن البنوك عارفه إن الديبيت أظن 35-40 مليون بينما الكريديت فأقل من 5 مليون... فكارت الحساب الديبيت مع كل من هب ودب عكس الكريديت كارد...
*️⃣ لكن عاوزكم تتخيلوا صفحة عندها اعلانات فيسبوك ومعاها كروت عادية مش ليفيل عالي ومفيش كريديت كارد... هتسدده إزاي بالأرقام الهبلة دي؟
*️⃣ طبعاً للتوضيح لو انتا فئة عالية في البنك فكارتك هيبقى مستوى تاني... يعني مثلاً الجماعة ال Private بتوع CIB دول مسموح لهم سحب نقدي 12 ألف دولار شهري ومشتريات مسموح ب 46 ألف دولار يومياً وزي ما قريت يومياً... يعني هو ممكن يومي يسحب ويشتري ب ما يقارب 60 ألف دولار يومي... لكن برضك انتا ولا أنا ولا في حد هيقرأ البوست دا هيكون برايفيت لإني غلبان ومتابعيني زي حالاتي.. وشرط البرايفيت هو إن حسابك بالبنك رصيده لا يقل أبداً عن 20 مليون جنية بس
*️⃣ ملناش دعوة يا موهيي 😂😂 المهم يعني أن ارقام ألفين جنية و 5 الاف جنية شهري دي بره مصر بقت كوميديا
*️⃣ يعني في بنك مثلاً أبو ظبي التجاري... دا بيقول للجماعة اللي معاهم كارت الحساب الديبيت Debit انتا ليك ليميت شهري تسحب 2000 جنية بره مصر... وزي ما قرأت كده 2000 جنية يعني 82 دولار في الشهر.. وعاوزك تتخيل تعمل ايه ب 82 دولار بره مصر... ولو فكرت تقول دا السحب يا محمد ؛ بره مصر بيستخدموا الفيزا للشراء مباشرة؛ فأقولك هو حاطط الليميت 5000 جنية يعني 206 دولار.... متشتريش ليك تذكرة طيارة حتى :D اللي هو لو في حد معاه البنك دا وسافر بره مصر معتمد عليه... هيتسول.
*️⃣ واللي هيقول يا عم هو حد يعرف البنك دا فين؛ خليك في الكبار
فالإثنين الكبار في البنوك الخاصة
*️⃣ بنك CIB بيديك سحب 206 دولار شهري ومشتريات 826 دولار(اللي هما 20 ألف جنية) ... فتقريباً هتشتري التذاكر وتحجز الفندق وتقعد تعيش بقى ب 206 دولار تتشقلب بيهم.
*️⃣ بنك QNB بقى بيديك سحب شهري 206 دولار (اللي هما 5000 جنية) أما المشتريات ف 372 دولار شهري يعني 9 الاف جنية
وطبعاً كالعادة تلاقي الحكومي أفضل شوية
*️⃣ بنك مصر هتلاقيه كريم قوي معاك... هيديك سحب 500 دولار ومشتريات 9000 دولار... هو بنك مصر كان عامل رسومه 6% يعني دلوقتي يحاسبك عالدولار ب 25.65 لكن يقال إنه تراجع وخلاها تاني 3% .. معرفش بقى
*️⃣ المهم يعني إن الأرقام الهبلة بتاعة الليميت دي مبقتش تنفع...
ملحوظة:
*️⃣ الحل دائماً هو الكريديت كارد وليس بطاقات الحساب Debit لإن البنوك عارفه إن الديبيت أظن 35-40 مليون بينما الكريديت فأقل من 5 مليون... فكارت الحساب الديبيت مع كل من هب ودب عكس الكريديت كارد...
*️⃣ لكن عاوزكم تتخيلوا صفحة عندها اعلانات فيسبوك ومعاها كروت عادية مش ليفيل عالي ومفيش كريديت كارد... هتسدده إزاي بالأرقام الهبلة دي؟
*️⃣ طبعاً للتوضيح لو انتا فئة عالية في البنك فكارتك هيبقى مستوى تاني... يعني مثلاً الجماعة ال Private بتوع CIB دول مسموح لهم سحب نقدي 12 ألف دولار شهري ومشتريات مسموح ب 46 ألف دولار يومياً وزي ما قريت يومياً... يعني هو ممكن يومي يسحب ويشتري ب ما يقارب 60 ألف دولار يومي... لكن برضك انتا ولا أنا ولا في حد هيقرأ البوست دا هيكون برايفيت لإني غلبان ومتابعيني زي حالاتي.. وشرط البرايفيت هو إن حسابك بالبنك رصيده لا يقل أبداً عن 20 مليون جنية بس
*️⃣ ملناش دعوة يا موهيي 😂😂 المهم يعني أن ارقام ألفين جنية و 5 الاف جنية شهري دي بره مصر بقت كوميديا
👏1
كمية البوستات اللي شوفتها من ناس دفعت بكروت البنوك بره مصر أو أونلاين خارج مصر معاملات أيام الثلاثاء والأربعاء الأسبوع الماضي ثم تفاجئوا من انخفاض حسابهم في البنك بعد التعويم بسبب انهم مش عارفين ان الكروت بيكون ليها يوم عملية ويوم تسوية صادم الصراحة.
*️⃣ بصوا يا شباب انتا دلوقتي دفعت بالفيزا بتاعتك شيء ما ليكن 100 دولار ونفترض الدولار لتسهيل الحسابات ب 20 جنية يبقي البنك يوم العملية يخصم من حسابك 2000 جنية.
*️⃣ بعدين العملية دي بتكون علي سيستم البنوك معلقة لسه لم يتم التسوية وهي التأكيد؛ دا عادة بيحصل بعد 2 او 3 أيام عمل (ممكن عادي بعد أسبوع لكني بقول المعتاد 2-3 يوم).
*️⃣ طيب بعد يومين ايه بيحصل؟ البنك بتاعك بيبعت الفلوس بقي؛ يعني البنك خرج منه الدولار يوم التسوية فعلياً واللي قبله كانت عملية معلقة (فعليا البنك مش بيحول لكن اتقيدت مديونية عليه).
*️⃣ فالبنك بيقول الدولار دلوقتي بكام؟ ايه دا بقي ب 22 جنية؛ تمام يعني 100 دولار تساوي 2200 جنية؛ حلو واحنا لينا عمولة لإن حسابك بالجنية والعملية بالدولار والعمولة 3% يبقي كده 2266 جنية؛ احنا يوم العملية دي سحبنا منك 2000 يبقي نسحب بقي 266 جنية الفارق.
*️⃣ فهنا الناس تبص تلاقي حسابها نقص جداً؛ ايه دا في ايه؛ بنك حرامي نكلم البنك؛ نكتب بوست عالفيسبوك.
*️⃣ أصل تخيلوا واحد سهران الأربعاء بالليل وفجر الخميس دخل اشتري آي فون ب 1000 دولار والدولار بالبنك 19.75 يعني 19750 جنية بدون عمولة البنك... التسوية هتم الاثنين وسعر الدولار 24.2 ؛ يلاقي بعمولة البنك مخصوم منه 24926 جنية يعني في 5176 جنية راحوا كده غصب عنه وهو ميعرفش.
*️⃣ كل اللي عمل معاملات بره مصر ثلاثاء واربعاء الأسبوع الماضي راجع حسابك البنك وشوف العملية سمعت كام عندك.
⬅️⬅️⬅️⬅️ استطلاع رأي سريع
*️⃣ بفكر بقالي فترة أعمل سلسلة بوستات عن العالم البنكي؛ البنوك شغالة إزاي وكروت الفيزا والقروض وشهادات البنوك وووو... اللي كان مرجعني في الكتابة إني هلاقي هجوم تحت مفهوم انتا ب تبرر للبنوك؛ انتا بتقول للناس خدوا قروض؛ انتا بتعمل ايه!! مع ان الفكرة هتكون ان ناس كده كده بتتعامل؛ فعاوزهم ميتضحكش عليهم من قرطسة البنوك... خاصة مع طرق خداع بدائية زي الفايدة المتناقصة والفايدة الثابته؛ اللي بيلعب عليها السيلز بتوع البنوك لما يقولك اعمل شهادة ب 17% وخد بضمانها قرض ب 12% فايدة وشوفت انتا مستفيد 5% ودي اشهر نصبايه بتحصل خاصة في تقسيط العربيات...
*️⃣ ففي ناس كده كده بتتعامل مع البنوك فهدفي افهمها المنظومة شغالة ازاي عشان البنك بيحب اللي مش فاهمين قوي... تحس البيزنس مودل بتاعهم ان الجاهل بالبنوك رزق وجالنا ناكل عليه عيش وحلاوة. وكمان البوستات ممكن يبقي في شوية نصايح.
فإيه رأيكم بقى نغير البوستات القادمة وتبقي العالم البنكي شوية وأهو برضك أمن ليا😂 .
*️⃣ بصوا يا شباب انتا دلوقتي دفعت بالفيزا بتاعتك شيء ما ليكن 100 دولار ونفترض الدولار لتسهيل الحسابات ب 20 جنية يبقي البنك يوم العملية يخصم من حسابك 2000 جنية.
*️⃣ بعدين العملية دي بتكون علي سيستم البنوك معلقة لسه لم يتم التسوية وهي التأكيد؛ دا عادة بيحصل بعد 2 او 3 أيام عمل (ممكن عادي بعد أسبوع لكني بقول المعتاد 2-3 يوم).
*️⃣ طيب بعد يومين ايه بيحصل؟ البنك بتاعك بيبعت الفلوس بقي؛ يعني البنك خرج منه الدولار يوم التسوية فعلياً واللي قبله كانت عملية معلقة (فعليا البنك مش بيحول لكن اتقيدت مديونية عليه).
*️⃣ فالبنك بيقول الدولار دلوقتي بكام؟ ايه دا بقي ب 22 جنية؛ تمام يعني 100 دولار تساوي 2200 جنية؛ حلو واحنا لينا عمولة لإن حسابك بالجنية والعملية بالدولار والعمولة 3% يبقي كده 2266 جنية؛ احنا يوم العملية دي سحبنا منك 2000 يبقي نسحب بقي 266 جنية الفارق.
*️⃣ فهنا الناس تبص تلاقي حسابها نقص جداً؛ ايه دا في ايه؛ بنك حرامي نكلم البنك؛ نكتب بوست عالفيسبوك.
*️⃣ أصل تخيلوا واحد سهران الأربعاء بالليل وفجر الخميس دخل اشتري آي فون ب 1000 دولار والدولار بالبنك 19.75 يعني 19750 جنية بدون عمولة البنك... التسوية هتم الاثنين وسعر الدولار 24.2 ؛ يلاقي بعمولة البنك مخصوم منه 24926 جنية يعني في 5176 جنية راحوا كده غصب عنه وهو ميعرفش.
*️⃣ كل اللي عمل معاملات بره مصر ثلاثاء واربعاء الأسبوع الماضي راجع حسابك البنك وشوف العملية سمعت كام عندك.
⬅️⬅️⬅️⬅️ استطلاع رأي سريع
*️⃣ بفكر بقالي فترة أعمل سلسلة بوستات عن العالم البنكي؛ البنوك شغالة إزاي وكروت الفيزا والقروض وشهادات البنوك وووو... اللي كان مرجعني في الكتابة إني هلاقي هجوم تحت مفهوم انتا ب تبرر للبنوك؛ انتا بتقول للناس خدوا قروض؛ انتا بتعمل ايه!! مع ان الفكرة هتكون ان ناس كده كده بتتعامل؛ فعاوزهم ميتضحكش عليهم من قرطسة البنوك... خاصة مع طرق خداع بدائية زي الفايدة المتناقصة والفايدة الثابته؛ اللي بيلعب عليها السيلز بتوع البنوك لما يقولك اعمل شهادة ب 17% وخد بضمانها قرض ب 12% فايدة وشوفت انتا مستفيد 5% ودي اشهر نصبايه بتحصل خاصة في تقسيط العربيات...
*️⃣ ففي ناس كده كده بتتعامل مع البنوك فهدفي افهمها المنظومة شغالة ازاي عشان البنك بيحب اللي مش فاهمين قوي... تحس البيزنس مودل بتاعهم ان الجاهل بالبنوك رزق وجالنا ناكل عليه عيش وحلاوة. وكمان البوستات ممكن يبقي في شوية نصايح.
فإيه رأيكم بقى نغير البوستات القادمة وتبقي العالم البنكي شوية وأهو برضك أمن ليا
Please open Telegram to view this post
VIEW IN TELEGRAM
👍1👏1
يا خوفي الأرقام اللي عمالين يعلنوها دي في مؤتمر المناخ ك مخصصات للدول الفقيرة للتحول للطاقة النظيفة؛ تكون قروض
*️⃣ اللي هو تعالي يا دولة عالم 3 مش بتلوثي البيئة
*️⃣ خدي قرض مننا ب X دولار
*️⃣ هاتي بقي ال X دولار دا لشركاتنا عشان انتم معندكمش تصنيع محلي ل تقنيات الطاقة النظيفة
*️⃣ يلا يا دولة عالم 3 سددي لنا القرض اللي عليكي ب X+2 فوايد؛ وأي خدمة عشان الطبيعي تسدد X+4 لكن عشان أنا طيب هدفعك 2 بس فوايد.
⬅️ ايه رأيكم يا مجتمع يا دولي فيا وأنا دولة عالم أول بساعد دول العالم الثالث؛ سقفوا ليا بقي وأنا بعطف عالفقرا.
⬅️ أي مساعدات للحفاظ عالبيئة لدول العالم الثالث الغير ملوثة للبيئة أصلاً لازم تبقي منح لا ترد... مش ناقصين قروض وديون احنا في العالم الثالث.
لإن الغرب بيعمل بيزنس علي قفانا ويدعم شركاته ويجيب لها شغل؛ ويطلع يقولك بساعد الفقراء بالعالم الثالث.
*️⃣ اللي هو تعالي يا دولة عالم 3 مش بتلوثي البيئة
*️⃣ خدي قرض مننا ب X دولار
*️⃣ هاتي بقي ال X دولار دا لشركاتنا عشان انتم معندكمش تصنيع محلي ل تقنيات الطاقة النظيفة
*️⃣ يلا يا دولة عالم 3 سددي لنا القرض اللي عليكي ب X+2 فوايد؛ وأي خدمة عشان الطبيعي تسدد X+4 لكن عشان أنا طيب هدفعك 2 بس فوايد.
⬅️ ايه رأيكم يا مجتمع يا دولي فيا وأنا دولة عالم أول بساعد دول العالم الثالث؛ سقفوا ليا بقي وأنا بعطف عالفقرا.
⬅️ أي مساعدات للحفاظ عالبيئة لدول العالم الثالث الغير ملوثة للبيئة أصلاً لازم تبقي منح لا ترد... مش ناقصين قروض وديون احنا في العالم الثالث.
لإن الغرب بيعمل بيزنس علي قفانا ويدعم شركاته ويجيب لها شغل؛ ويطلع يقولك بساعد الفقراء بالعالم الثالث.
👍2
ليه انتا مش بتنزل بوستات في تليجرام كثير؛ بندخل حساب الفيس نلاقي بوستات 🤔
*️⃣ الاجابة باختصار قولتها من البداية وهي إن تليجرام مكان مميز للجد؛ يعني أنا قاعد زهقان وعاوز أهري فهنشر في الفيسبوك؛ لو أنا متضايق ان اتسرق مني في أمازون ساعة أبل 8؛ فكتبت دا عالفيسبوك... بوست الفايدة منه للمتابع صفر... فميروحش تليجرام.
*️⃣ تليجرام بعتبره مكان للناس اللي عاوزة حاجة خلاصة بدون هري؛ فلما الاقي بوست ممكن يحقق فايدة للناس بنشره هنا؛ خلاف ذلك بهري عالفيسبوك.
اللي ميعرفش اكونت الفيسبوك وحابب يعمل فولو للهري عادي
Fb.com/BnSamy
اللي ميعرفش اكونت الفيسبوك وحابب يعمل فولو للهري عادي
Fb.com/BnSamy
Please open Telegram to view this post
VIEW IN TELEGRAM
👏3
بعد 7 شهور من زواجي؛ مراتي بقت حامل؛ طبعاً فرحنا وهي بدأت تتابع مع الدكتورة اللي اختها ولدت معاها ثم دكتورة أخرى قريبة؛ بعد أقل من 3 شهور حصل نزيف والدكتورة بلغتنا إن الطفل (غالباً 2) ماتوا.
*️⃣ كانت صدمة لينا ونفسياً الموضوع كان صعب جداً؛ وبعد عدة شهور حصل حمل تاني؛ ومراتي برضك تابعت مع الدكتورة؛ وبعد شهرين وشوية تاني مرة؛ نزيف ثم الجنين مات.
*️⃣ كانت ليلة العيد وقتها ولسه فاكره؛ والموضوع كان صعب؛ اختي قالت لنا إن أخو مديرتها في الشغل طبيب شاطر ونصحتنا نروح له؛ وبالفعل روحنا وطلب شوية فحوصات ثم كتب شوية ادوية... ونصحنا ننتظر 6 شهور قبل أي حمل جديد.
*️⃣ بعد 6 شهور حصل حمل جديد (الثالث) وزوجتي بدأت تتابع مع دكتورة جديدة؛ وبرضك قبل الشهر الثالث حصل نزيف؛ حرفياً احنا اتدمرنا نفسياً... الدكتور فحصت وقالت لنا الجنين مات وكتبت لنا برشام عشان يفضي الرحم.
*️⃣ مصدقناش الدكتورة وروحنا مركز طبي عندنا بالرحاب وعملنا سونار وبرضك الدكتور قال الجنين صغير قوي علي عمره فمش ممكن يكون عايش...
*️⃣ مش محتاج اوصف شعوري وقتها لانه مفهوم؛ تقريبا معرفناش نقعد ولا نعيش؛ فقررنا نروح تاني للدكتور اخو مديره اختي...
*️⃣ الدكتور فحص وبعدين قالنا مين الحمار اللي قال الجنين مات؛ الجنين عايش؛ هو ضعيف جدا وصغير عن الطبيعي بس لسه مماتش فازاي يقولوا مات وننزله بالادوية؛ هنقتله وهو عايش. هو بالساهل كده حياة انسان.
*️⃣ كتب لنا طن ادوية وحقن مستوردة ووو... النتيجة هي لولي... اه لولي بنتي اللي معايا في الصورة بالفيسبوك... لولي هي الجنين اللي 2 دكاتره قالوا ماتت وكتبوا برشام عشان تنزل ونتخلص منها.
*️⃣ ولولا دكتور ايهاب بعد ربنا مكانتش جت الحياة.
*️⃣ ولما مراتي حملت تاني؛ من الاول تابعنا مع دكتور ايهاب وجه ابني أرسلان السنة الماضية؛ واختي برضك خلفت ابنها علي ايده.
*️⃣ من شوية وصلني خبر ان دكتور ايهاب توفي؛ الدكتور اللي بدين له بحياة بنتي مات؛ فالرجاء الدعوة له بالرحمة. وربنا يرحمك ويرزقك الجنه زي ما كنت سبب في وجود بنتي لولي معايا في الدنيا.
*️⃣ كانت صدمة لينا ونفسياً الموضوع كان صعب جداً؛ وبعد عدة شهور حصل حمل تاني؛ ومراتي برضك تابعت مع الدكتورة؛ وبعد شهرين وشوية تاني مرة؛ نزيف ثم الجنين مات.
*️⃣ كانت ليلة العيد وقتها ولسه فاكره؛ والموضوع كان صعب؛ اختي قالت لنا إن أخو مديرتها في الشغل طبيب شاطر ونصحتنا نروح له؛ وبالفعل روحنا وطلب شوية فحوصات ثم كتب شوية ادوية... ونصحنا ننتظر 6 شهور قبل أي حمل جديد.
*️⃣ بعد 6 شهور حصل حمل جديد (الثالث) وزوجتي بدأت تتابع مع دكتورة جديدة؛ وبرضك قبل الشهر الثالث حصل نزيف؛ حرفياً احنا اتدمرنا نفسياً... الدكتور فحصت وقالت لنا الجنين مات وكتبت لنا برشام عشان يفضي الرحم.
*️⃣ مصدقناش الدكتورة وروحنا مركز طبي عندنا بالرحاب وعملنا سونار وبرضك الدكتور قال الجنين صغير قوي علي عمره فمش ممكن يكون عايش...
*️⃣ مش محتاج اوصف شعوري وقتها لانه مفهوم؛ تقريبا معرفناش نقعد ولا نعيش؛ فقررنا نروح تاني للدكتور اخو مديره اختي...
*️⃣ الدكتور فحص وبعدين قالنا مين الحمار اللي قال الجنين مات؛ الجنين عايش؛ هو ضعيف جدا وصغير عن الطبيعي بس لسه مماتش فازاي يقولوا مات وننزله بالادوية؛ هنقتله وهو عايش. هو بالساهل كده حياة انسان.
*️⃣ كتب لنا طن ادوية وحقن مستوردة ووو... النتيجة هي لولي... اه لولي بنتي اللي معايا في الصورة بالفيسبوك... لولي هي الجنين اللي 2 دكاتره قالوا ماتت وكتبوا برشام عشان تنزل ونتخلص منها.
*️⃣ ولولا دكتور ايهاب بعد ربنا مكانتش جت الحياة.
*️⃣ ولما مراتي حملت تاني؛ من الاول تابعنا مع دكتور ايهاب وجه ابني أرسلان السنة الماضية؛ واختي برضك خلفت ابنها علي ايده.
*️⃣ من شوية وصلني خبر ان دكتور ايهاب توفي؛ الدكتور اللي بدين له بحياة بنتي مات؛ فالرجاء الدعوة له بالرحمة. وربنا يرحمك ويرزقك الجنه زي ما كنت سبب في وجود بنتي لولي معايا في الدنيا.
👍5❤1
من إمبارح بوستات كثير بتتكلم عن Tabby ودخولها مصر مع نون... فتعالوا بسرعة ندردش في ايه تابي دي وإزاي بتقسط.
⬅️ مين شركة تابي أصلاً؟
*️⃣دي شركة إماراتيه شغالة في الخليج وتعتبر أكبر شركة "اشتر الآن وادفع لاحقاً" أو BNPL وهما ما شاء الله عندهم ماسورة تمويل وضاربه؛ كل شهرين ثلاثة تلاقيهم واخدين تمويل 20 و 30 و 50 ووو مليون دولار... تقريباً حتى الآن واخدين تمويلات وتسهيلات بأكثر من 275 مليون دولار.
⬅️ ايه شركات BNPL دي؟
*️⃣باختصار كده هو تقسيط والنموذج بتاع Tabby وقبلها Sympl بيلعب على أي كارت عندك... التقسيط بيكون قصير سريع وبدون فوائد وبدون مقدم وبدون دفع مسبق وبدون ضمانات.
*️⃣يعني مش هيقولك هننزل استعلام عليك زي ما بيحصل لما تقسط مع B.Tech مثلاً.
*️⃣ولا هيقولك لازم كريديت كارد يكون في رصيد فنخصم المبلغ وبعدين تسدده بالتقسيط.
*️⃣ولا هيقولك تكون عميل بنكي سابقاً وينزلك ليميت زي Valu وأمان وغيرهم.
⬅️ أيوا يعني هو التقسيط دا شغال إزاي؟
*️⃣التقسيط بيكون على 4 شهور... يعني الفاتورة ب 1000 وتختار Tabby فتلاقيه خصم من الكارت بتاعك 250 جنية بس... وكل شهر يخصم 250 لمدة 3 شهور كمان.
⬅️ طيب هما بيكسبوا منين؟
*️⃣توضيح في الأول وهو إني هشرح طريقة مكسب شركات BNPL وليس Tabby تحديداً عشان مش شرط يكونوا شغالين كده... المهم يعني الشركات دي بيكون من 3 اتجاهات أساسية ...
1️⃣الأول هو اتفاق مع الموقع أو المكان على نسبة محددة... يعني حسبما وصلي عمولة تابي هى 7%... فدلوقتي أنتا هتدفع سعر السلعة 1000 جنية وهو هيسدد للموقع 930 جنية.. فكده كسب هو 70 جنية.
2️⃣ ثاني مكسب هو تأخير الفلوس... يعني يتفقوا مع الموقع إنهم بيسددوا بعد 7 أيام أو 10 أو 14 يوم... فدلوقتي هما أخدوا من العميل قسط ليكن 250 جنية ومفروض يسددوا قولنا 930 جنية... ال 250 دول يتحطوا في حساب بنكي بيدر فوائد باليوم.. المبلغ هتقول عبيط بس تخيل لو عشرات الملايين بقى؟
3️⃣المكسب الثالث هو إن معظم اللي بيقسطوا بيسقطوا... يعني بينسوا سداد قسط؛ أهلاً بيك يلا غرامات بقى ونشكركم لحسن تعاونكم معنا.
*️⃣وبالمناسبة دي بنصح إنك تشوف حلقتين للمخبر الاقتصادي بخصوص التقسيط "اكتب في يوتيوب المخبر الاقتصادي التقسيط هيطلعوا لك".
⬅️ طيب لو أنا اشتريت ب Tabby من على نون مثلاً وبعدين رجعت الأوردر ايه بيحصل؟
*️⃣*️⃣ركز بقى معايا وخد بالك؛ لو جه معاد سداد القسط ف تابي هتخصمه عاااادي... تابي موضحه إنها هتوقف سحب الاقساط لما ييجي لها إشعار من التاجر "نون في مثالنا"... فتخيل مثلاً إن نون بتبعت الإشعارات كل 10 أيام... روحت إنتا عملت مرتجع يوم 23 في الشهر؛ ف تابي هتيجي يوم 1 وتخصم القسط؛ ملقتوش هتنزل عليك غرامة... هتروح تعيط وتشتكي وتقول أنا مرجعه هيقولوا لك ملناش في... تيجي نون يوم 3 تبعت لهم العملية اتلغت فهنا تابي هترد لك الأقساط فقط؛ ولو مكنتش سددت قسط الشهر فهيخصموا الغرامة من الفلوس اللي دفعتها قبل ما يردوها... فخد بالك قوي مش أي مرتجع هيسمع لحظي في تابي أو أي شركة من النوعية دي.
⬅️ طيب Tabby دي شغالة إزاي وهل هى إسلامية؟
*️⃣السؤال التقليدي هل هو إسلامي أم لا يجيب عنه المفتي... تابي بتعرف نفسها إنها تقسيط إسلامي وإنها واخدة ترخيص "دار المراجعة الشرعية" المرخصة من البنك المركزي البحريني.
⬅️ طيب بلاش تابي قولنا كده ايه هي المعايير بتاعة التقسيط الإسلامي؟
في معايير كثير لكن نقول أشهرهم
1️⃣ يكون اللي بيقسط لك مالك للسلعة؛ ومن هنا بيحرم الشيوخ تقسيط البنوك لإن البنوك مورد للفلوس وعقودهم كده وليس مالك السلعة.
2️⃣ بعد بداية التقسيط الملكية تروح للمشتري؛ ومن هنا بيحرم المشايخ تقسيط B Tech عشان في العقد بتاعهم بند إن ملكية السلعة تنتقل لك بعد نهاية الأقساط.
3️⃣ مفيش غرامات تأخير؛ يعني لو جه معاد القسط ومدفعتش ف عادي مفيش مشكلة سدد أي وقت...
*️⃣والأخيرة دي بقى هى محل الخلاف اللي حولين Tabby وهو أنها بتفرض غرامة تأخير؛ فممكن هى في العقد تحط بند إنها هى اللي بتشتري من التاجر عادي وتبيع لك وممكن كل شيء بس هي عندها غرامات تأخير.
*️⃣في مشكلة وهي إن ايه اللي يجبر العميل يدفع؟ طالما انا مالك السلعة ومفيش غرامة تأخير فمش دافع ... كل ما ربنا يكرم هاجي أديكم قسط؛ وبناء عليه في آراء فقهية قالت يجوز تحط غرامة تأخير بهدف ردع المتأخرين؛ لكن العائد من الغرامات يطلع صدقة وليس ربح للشركة.
*️⃣لكن الرأي دا في اعتراض عليه إنه لا يجوز بأي شكل تدفع العميل غرامة لعدم السداد؛ تتصرف بقى وتختار إنتا عملاء قادرين على السداد أو تشوف ضامن أو كفيل أو تشوف أي طريقة بس مهما تأخر المشتري فمفيش غرامات ويسدد زي ما يسدد. وخد بالك السلعة ملكه بالعقد بعد التقسيط زي ما وضحنا فوق فمتقدرش تنزع ملكية السلعة وتقول طالما مش بتسدد خلاص هاخدها... لا إنتا لا هتاخد السلعة ولا هتدفعه غرامة. بس تقدر ترفع عليه قضية تطالب بفلوسك.
⬅️ مين شركة تابي أصلاً؟
*️⃣دي شركة إماراتيه شغالة في الخليج وتعتبر أكبر شركة "اشتر الآن وادفع لاحقاً" أو BNPL وهما ما شاء الله عندهم ماسورة تمويل وضاربه؛ كل شهرين ثلاثة تلاقيهم واخدين تمويل 20 و 30 و 50 ووو مليون دولار... تقريباً حتى الآن واخدين تمويلات وتسهيلات بأكثر من 275 مليون دولار.
⬅️ ايه شركات BNPL دي؟
*️⃣باختصار كده هو تقسيط والنموذج بتاع Tabby وقبلها Sympl بيلعب على أي كارت عندك... التقسيط بيكون قصير سريع وبدون فوائد وبدون مقدم وبدون دفع مسبق وبدون ضمانات.
*️⃣يعني مش هيقولك هننزل استعلام عليك زي ما بيحصل لما تقسط مع B.Tech مثلاً.
*️⃣ولا هيقولك لازم كريديت كارد يكون في رصيد فنخصم المبلغ وبعدين تسدده بالتقسيط.
*️⃣ولا هيقولك تكون عميل بنكي سابقاً وينزلك ليميت زي Valu وأمان وغيرهم.
⬅️ أيوا يعني هو التقسيط دا شغال إزاي؟
*️⃣التقسيط بيكون على 4 شهور... يعني الفاتورة ب 1000 وتختار Tabby فتلاقيه خصم من الكارت بتاعك 250 جنية بس... وكل شهر يخصم 250 لمدة 3 شهور كمان.
⬅️ طيب هما بيكسبوا منين؟
*️⃣توضيح في الأول وهو إني هشرح طريقة مكسب شركات BNPL وليس Tabby تحديداً عشان مش شرط يكونوا شغالين كده... المهم يعني الشركات دي بيكون من 3 اتجاهات أساسية ...
1️⃣الأول هو اتفاق مع الموقع أو المكان على نسبة محددة... يعني حسبما وصلي عمولة تابي هى 7%... فدلوقتي أنتا هتدفع سعر السلعة 1000 جنية وهو هيسدد للموقع 930 جنية.. فكده كسب هو 70 جنية.
2️⃣ ثاني مكسب هو تأخير الفلوس... يعني يتفقوا مع الموقع إنهم بيسددوا بعد 7 أيام أو 10 أو 14 يوم... فدلوقتي هما أخدوا من العميل قسط ليكن 250 جنية ومفروض يسددوا قولنا 930 جنية... ال 250 دول يتحطوا في حساب بنكي بيدر فوائد باليوم.. المبلغ هتقول عبيط بس تخيل لو عشرات الملايين بقى؟
3️⃣المكسب الثالث هو إن معظم اللي بيقسطوا بيسقطوا... يعني بينسوا سداد قسط؛ أهلاً بيك يلا غرامات بقى ونشكركم لحسن تعاونكم معنا.
*️⃣وبالمناسبة دي بنصح إنك تشوف حلقتين للمخبر الاقتصادي بخصوص التقسيط "اكتب في يوتيوب المخبر الاقتصادي التقسيط هيطلعوا لك".
⬅️ طيب لو أنا اشتريت ب Tabby من على نون مثلاً وبعدين رجعت الأوردر ايه بيحصل؟
*️⃣*️⃣ركز بقى معايا وخد بالك؛ لو جه معاد سداد القسط ف تابي هتخصمه عاااادي... تابي موضحه إنها هتوقف سحب الاقساط لما ييجي لها إشعار من التاجر "نون في مثالنا"... فتخيل مثلاً إن نون بتبعت الإشعارات كل 10 أيام... روحت إنتا عملت مرتجع يوم 23 في الشهر؛ ف تابي هتيجي يوم 1 وتخصم القسط؛ ملقتوش هتنزل عليك غرامة... هتروح تعيط وتشتكي وتقول أنا مرجعه هيقولوا لك ملناش في... تيجي نون يوم 3 تبعت لهم العملية اتلغت فهنا تابي هترد لك الأقساط فقط؛ ولو مكنتش سددت قسط الشهر فهيخصموا الغرامة من الفلوس اللي دفعتها قبل ما يردوها... فخد بالك قوي مش أي مرتجع هيسمع لحظي في تابي أو أي شركة من النوعية دي.
⬅️ طيب Tabby دي شغالة إزاي وهل هى إسلامية؟
*️⃣السؤال التقليدي هل هو إسلامي أم لا يجيب عنه المفتي... تابي بتعرف نفسها إنها تقسيط إسلامي وإنها واخدة ترخيص "دار المراجعة الشرعية" المرخصة من البنك المركزي البحريني.
⬅️ طيب بلاش تابي قولنا كده ايه هي المعايير بتاعة التقسيط الإسلامي؟
في معايير كثير لكن نقول أشهرهم
1️⃣ يكون اللي بيقسط لك مالك للسلعة؛ ومن هنا بيحرم الشيوخ تقسيط البنوك لإن البنوك مورد للفلوس وعقودهم كده وليس مالك السلعة.
2️⃣ بعد بداية التقسيط الملكية تروح للمشتري؛ ومن هنا بيحرم المشايخ تقسيط B Tech عشان في العقد بتاعهم بند إن ملكية السلعة تنتقل لك بعد نهاية الأقساط.
3️⃣ مفيش غرامات تأخير؛ يعني لو جه معاد القسط ومدفعتش ف عادي مفيش مشكلة سدد أي وقت...
*️⃣والأخيرة دي بقى هى محل الخلاف اللي حولين Tabby وهو أنها بتفرض غرامة تأخير؛ فممكن هى في العقد تحط بند إنها هى اللي بتشتري من التاجر عادي وتبيع لك وممكن كل شيء بس هي عندها غرامات تأخير.
*️⃣في مشكلة وهي إن ايه اللي يجبر العميل يدفع؟ طالما انا مالك السلعة ومفيش غرامة تأخير فمش دافع ... كل ما ربنا يكرم هاجي أديكم قسط؛ وبناء عليه في آراء فقهية قالت يجوز تحط غرامة تأخير بهدف ردع المتأخرين؛ لكن العائد من الغرامات يطلع صدقة وليس ربح للشركة.
*️⃣لكن الرأي دا في اعتراض عليه إنه لا يجوز بأي شكل تدفع العميل غرامة لعدم السداد؛ تتصرف بقى وتختار إنتا عملاء قادرين على السداد أو تشوف ضامن أو كفيل أو تشوف أي طريقة بس مهما تأخر المشتري فمفيش غرامات ويسدد زي ما يسدد. وخد بالك السلعة ملكه بالعقد بعد التقسيط زي ما وضحنا فوق فمتقدرش تنزع ملكية السلعة وتقول طالما مش بتسدد خلاص هاخدها... لا إنتا لا هتاخد السلعة ولا هتدفعه غرامة. بس تقدر ترفع عليه قضية تطالب بفلوسك.
👍6❤1👏1
⬅️ طيب ايه الحل لو عاوز أقسط إسلامي 100% ومفيش اعتراضات في مصر أروح فين؟
*️⃣ الإجابة معرفش ولو تعرف قولي وبشكل شخصي أنا بستخدم الطرق اللي فوق وبسعى إني عمري ما اتأخر على قسط عشان مدفعش غرامات... وفاهم إن دا يعتبر مخالفة مني لإني كده موافق على وجود شرط فاسد في العقد... فقولت أسبق اللي هيقولوا جت فرصة نعلم عليه...
⬅️ فالخلاصة هل Tabby اسلامي 100%؟
*️⃣الإجابة هى لا بس قطعاً أحسن من البنوك وفاليو ووو وأقرب بكثير منهم شرعاً... يعني ممكن يكون أحسن الوحشين حالياً.
⬅️⬅️ المهم بقى لما أطلع ب مصلحة... تابي بيقولوا إن لما تشير اللينك بتاعك هييجي للطرفين 100 جنية "بعد ما تقسط أول مرة" ؛ فلو حد كده كده قرر يستخدمهم أدي اللينك بتاعي أهو انتا تستفيد وأنا كمان
https://tabby.ai/account/referral?referral_code=BtiqpbpCf
*️⃣*️⃣*️⃣ملحوظة:
اللي حابب يحفل عليا ويعلي ويتخانق ويهاجم في التعليقات اليومين دول ياخد باله لإني نفسياً الفترة دي معنديش أي مشكلة أعمل فرح بلوكات؛ اديني قولت؛ ابعد عني اليومين دول احسن... عندك فوق UnFollow وعندك بلوك ليا استخدمهوهم وبلاش فقع عشان مش ناقص.
*️⃣ الإجابة معرفش ولو تعرف قولي وبشكل شخصي أنا بستخدم الطرق اللي فوق وبسعى إني عمري ما اتأخر على قسط عشان مدفعش غرامات... وفاهم إن دا يعتبر مخالفة مني لإني كده موافق على وجود شرط فاسد في العقد... فقولت أسبق اللي هيقولوا جت فرصة نعلم عليه...
⬅️ فالخلاصة هل Tabby اسلامي 100%؟
*️⃣الإجابة هى لا بس قطعاً أحسن من البنوك وفاليو ووو وأقرب بكثير منهم شرعاً... يعني ممكن يكون أحسن الوحشين حالياً.
⬅️⬅️ المهم بقى لما أطلع ب مصلحة... تابي بيقولوا إن لما تشير اللينك بتاعك هييجي للطرفين 100 جنية "بعد ما تقسط أول مرة" ؛ فلو حد كده كده قرر يستخدمهم أدي اللينك بتاعي أهو انتا تستفيد وأنا كمان
https://tabby.ai/account/referral?referral_code=BtiqpbpCf
*️⃣*️⃣*️⃣ملحوظة:
اللي حابب يحفل عليا ويعلي ويتخانق ويهاجم في التعليقات اليومين دول ياخد باله لإني نفسياً الفترة دي معنديش أي مشكلة أعمل فرح بلوكات؛ اديني قولت؛ ابعد عني اليومين دول احسن... عندك فوق UnFollow وعندك بلوك ليا استخدمهوهم وبلاش فقع عشان مش ناقص.
البوست السابق بتاع Tabby إمبارح عمل خناقة؛ لكنه شجعني أبدأ نشر بوستات البنوك اللي وعدت بيها وفيها أشرح هى البنوك شغالة إزاي وبتقرطس الناس إزاي أحياناً... والبداية مع وظيفة البنك الأساسية وهى استئجار وتأجير الأموال.
*️⃣ طبعاً بيكون في خناقة وهى إن البنوك بتشغل الفلوس يا ظلمة؛ وفريق آخر بيقول لا القانون يمنع البنك يخش أي شراكة في أي شركة أو نشاط تجاري... وصراحة الإثنين مش مظبوطين؛ فمثلاً لما تيجي تبص على شركة فوري تلاقي بنك مصر يملك 15% والبنك الأهلي 10% وبالمناسبة لغاية من 6 شهور كانت حصصهم النص وزدوها.. ولو قولت مهو فوري يعتبر بنك... طيب عارف اتصالات مصر 011 دي لما تأسست كان البنك الأهلي ليه 10% والبنك التجاري الدولي له 4% ولاحقاً الحصص تغيرت... فالمهم البنوك بتشغل الفلوس في شركات وبيكون ليها استثمارات بجد ولكن!!!!
*️⃣ نسبة الاستثمارات في أعمال البنوك بتكون قليلة جداً... فوظيفة البنك الأساسية هى إنه يأجر منك فلوسك "يديك فوائد الشهادات" وياخد الفلوس دي يأجرها لواحد تاني وياخد منه الفوائد "قروض".
*️⃣ بس ثواني كده يا محمد هو البنك دلوقتي لو روحت له أشتري شهادات هيديني 17.25% فوائد في حين لما أقوله عاوز قرض هى الفوائد كام هيقولي 12% مثلاً.. هو إزاي كده مش مفروض أكثر لإن البنك بيكسب من الفارق؟! بص يا صديقي إنتا صح وتعالى نشوف موظف الائتمان في البنوك بيقرطس العميل بتاع البنك ازاي.
*️⃣ تخيل كده إنتا قاعد مع موظف البنك وتقوله معايا 100 ألف عاوز اشتري بيهم شهادات أم 17.25% دي فالموظف هيقولك عندي فكرة لحضرتك رهيبة... ايه رأيك نشتري الشهادات ب 100 ألف وفوراً تاخد قرض 90% يعني 90 ألف جنية... وال 90 ألف اللي تاخدهم تشتري بيهم برضك الشهادة أم 17.25% وهتكسب جامد جداً.
*️⃣ بص يا فندم أصلك هتاخد 17.25% وتدفع 12% بس فوائد فانتا الكسبان... يعني دلوقتي حضرتك هيكون عندك شهادات ب 190 ألف بفائدة 17.25% يعني في 3 سنين يدوك فوايد 98 ألف جنية يعني إجمالي 288 ألف... في حين هتستلف مننا 90 ألف بفايدة 12% يعني ترجعهم على 3 سنين 122 ألف يعني كده بقى معاك 166 ألف جنية يعني فلوسك كإنها بقت بفائدة 22% سنوي مش 17.25%... شوفت يا فندم.
*️⃣ فهنا أنتا ترجع في الكرسي وتفكر وتقول دا بنك عبيط قوي... دا أنا اضحك عليك واروح واخدة قرض 80 بضمان الشهادات ال 90 دي واشتري بيهم شهادات واخد قرض 70 وهكذا... وأحلام الثراء الفاحش... ما الموظف بتاع البنك قالك إن البنك عبيط بيديك 90 ألف بفائدة 12% في حين ياخدهم منك مقابل 17.25% دا بنك عبيط قوي...
*️⃣ طيب فين الـ "إنااا" الحداية مبتحدفش كتاكيت؛ وهو كده البنك بيخسر؟ دا بيدفع فائدة أعلى من اللي بياخدها مني؟ الإجابة هى لا خالص البنك كسبان كويس قوي... لإن مفيش شيء اسمه فائدة 10% و 11% و 12% والكلام دا... 18% و 20% و 21% و 23% ... بس الموظف بيقولك 12% إزاي بقى؟ بيكذب عليا؟
*️⃣ مفيش كذب ولا شيء لكن السر هو شيء اسمه "الفائدة المتناقصة" وتعالوا نفترض إن الفائدة المتناقصة في مثالنا 18% والمبلغ 100 ألف والقرض 5 سنين ونتخيل إنها قسط واحد سنوي... البنك هيحسبها كده فعلياً لكن هتتغير
1️⃣ دلوقتي أول سنة عندك 100 ألف جنية على 5 سنين يبقى كل سنة 20 ألف دا اصل المبلغ... وقولنا الفائدة 20% فإنتا أول سنة مفروض معاك 100 ألف جنية من البنك... يبقى 20 ألف فائدة يعني أول سنة تسدد 20+20 = 40 ألف جنية
2️⃣ السنة الثانية عندك ال 20 بتوع أصل المبلغ + الفوايد... بس أنا دلوقتي سددت 20 ألف وباقي عليا 80 ألف بس... فال 20% بتوع ال 80 المتبقية = 16 ألف يعني تسدد 20+16 = 36 ألف
3️⃣ السنة الثالث عليك 60 ألف والفائدة 20% يعني 12 ألف ومعاك 20 أصل المبلغ يعني 32 ألف
4️⃣ السنة الرابعة عليك 40 ألف والفائدة 20% يعني 8 آلاف يعني تسدد 28 ألف
5️⃣ السنة الخامسة والأخيرة باقي عليك 20 ألف يعني فوائدهم 4 آلاف يعني تسدد 24 ألف جنية
*️⃣ طبعاً لو بنك قال لعميل إنتا أول سنة هتسدد 40 ألف والثانية 36 ألف والثالثة 32 ألف ووو فالعميل مش هيفهم أي شيء.. وكمان يقوله رقم فائدة 20% فالعميل يحس برعب فهنا قالك طيب ما نعمل حركة صايعة.
*️⃣ هو إجمالي الاقساط دي كام؟ يساوي 160 ألف وزعهم عال 5 سنين يبقى عندك قسط سنوي 32 ألف جنية وبقى أهو مبلغ ثابت وريحت الزبون.
*️⃣ وبالنسبة لموضوع إني أقوله 20% دي... بص هو مش الفوائد 60 ألف جنية فوائد على 5 سنين يعني 12 ألف عالسنة.. طيب ما نقول للعميل الفائدة 12% سنوي... الرقم كل ما كان صغير يشجع العميل يقترض.
*️⃣ فأنتا تقول يعني قرض 10 سنين يبقى 12% في 10 يعني 120%... تمام صح بس أخدت بالك من شيء في الفائدة الثابته دي وهى إنها مش بتحط في اعتبارها إنك سددت أي شيء؟ يعني أول سنة سددت نظرياً 10% من القرض لكن هتقعد 9 سنين تسدد 12% فائدة عالمبلغ اللي إنتا مسددة...
Please open Telegram to view this post
VIEW IN TELEGRAM
👍4
⬅️ خد بقى الحركة الثانية... البنوك بتقولك مليش في حوار إن العميل عاوز قسط سنوي ثابت؛ انا هاخد فوايدي وهوزع له أصل المبلغ.
تحبوا المرة القادمة أشرح ايه في البنوك؟
تفتكروا محتاج أوضح كل مرة إني مليش مصلحة وإني بشرح للناس اللي كده كده بتتعامل مع البنوك؛ اهي تبقي عارفه الخازوق منين وبتتخدع إزاي. 🤔 والله زهقت من وضع التوضيح دا آخر البوستات.
Please open Telegram to view this post
VIEW IN TELEGRAM
❤6
ايه حكاية الهيدروجين الأخضر بقى؟
*️⃣ إمبارح صندوق الاستثمار السعودي أعلن توقيع مذكرات تفاهم مع شركة كورية لإنشاء مصانع بقيمة 6.5 مليار دولار للهيدروجين الأخضر في المملكة... ومصر في 29 أغسطس الماضي أعلنت توقيع مذكرة تفاهم مع شركة الفنار السعودية لإنتاج الهيدروجين الأخضر في العين السخنة بقيمة 3.5 مليار دولار... وحتى برضك خلال مؤتمر البيئة مجل الوزراء أعلن توقيع اتفاقيات إطارية ب 119 مليار دولار في مجال الطاقة النظيفة وخاصة الهيدروجين الأخضر... وبعيد بقى عن يعني ايه مذكرة تفاهم واتفاقية إطارية والكلام دا... المهم هو ايه الهيدروجين الأخضر دا أصلاً؟ طيب الهيدروجين الأزرق؟
*️⃣في البداية محدش يقلق البوست مش هيكون علمي قوي؛ أنا مش هرجع تاني علوم عين شمس ومحاضرات الأورجانيك والـ إن إورجانيك وأنا أصلاً كنت طالب فاشل... فلا تقلق لو ملكش في الكيميا هتفهم.
*️⃣ العالم بينتقل للطاقة النظيفة؛ وطبعاً لما نتكلم عن طاقة نظيف ييجي في بالنا الكهرباء... حلو جميل بس في تفاصيل كثير وطاقة نظيفة غير الكهرباء... ومن أهمها الهيدروجين.
*️⃣ العلماء لقوا إن الهيدروجين بيوفر طاقة قوية بتوصل ل 3 أضعاف طاقة الوقود الأحفوري "البترول وأخواته" فقالوا جميل قوي الهيدروجين يلا ننتجه بقى.
*️⃣ نجيب هيدروجين منين نجيب منين؟ المياه عبارة عن ايه؟ H2O يعني في 2 هيدروجين أهم... عاوزينهم بقى يلا أعملوا مصنع يفصلهم وناخد الهيدروجين.
*️⃣ الأول عملوا المصانع باستخدام الغاز الطبيعي؛ يحرقوه مع ضغط عالي وبخار ومياه... هوبا جه الهيدروجين... بس في مشكلة وهي إن وقود أحفوري يعني كربون C ؛ تحرق الكربون هيطلع لك ثاني أكسيد الكربون CO2 يعني إديني تلوث يا معلم... ومن هنا اتسمى الهيدروجين الصادر بالهيدروجين الرمادي.
*️⃣ بعدين جه العلماء قالوا ما نفس المصنع دا نحط فيه مركبات كده دورها تلقط الكربون وتجمعه.. بحيث اه طلع لي كربون ملوث للبيئة بس جمعته واخزنه تحت الأرض وبكده مطلعوش للبيئة ... فكده عندنا هيدروجين نظيف شوية وتم تسميه دا بالهيدروجين الأزرق.
*️⃣ بعدها العلماء قالوا احنا برضك عندنا مشكلة؛ الهيدروجين الأزرق دا بيسبب برضك ضرر بيئي؛ اه مش كثير لكنه برضك مضر... المشكلة في الغاز الطبيعي دا لازم نشوف حل.. ومن هنا جه الحل اللي العالم شغال عليه.
*️⃣ أجيب طاقة نظيفه يعني كهرباء عملتها بمحطات طاقة شمسية بقى أو أي مصدر.. ونكهرب المايه... والمايه لما تتكهرب تنفصل (التحلل الكهربائي للمياه عشان أصدقاء علوم ميزعلوش مني)... يعني متبقاش H2O لا ... الهيدروجين هيطلع لوحده والأوكسجين لوحده... فكده بقى عندي هيدروجين؛ والمخلفات بتاعة التفاعل هي الأكسجين يعني مفيد للبيئة.
*️⃣ طبعاً كان في هيدروجين أسود ودا بيستخدموا الفحم... بس العالم حالياً شغال بالهيدروجين الرمادي
*️⃣ توضيح قبل ما أكمل... الهيدروجين ملوش لون... الأسود رمادي أزرق أخضر بمبي كل دول بيشرحوا طريقة تصنيعه وليس لونه... هو هو الهيدروجين هيطلع في كله زي بعضه.
طيب حلو بقى معانا هيدروجين هنستفيد بيه إيه؟
*️⃣ أشهر استفادة وهى اللي العالم أصلاً بينتج حالياً هيدروجين "رمادي" عشانها هو الأمونيا... تفاعل هابر بوش يا بتوع علوم لو فاكرينه ... باخد الهيدروجين ومعاه نتيروجين وهوبا بقى معانا أمونيا... النشادر يعني... وطبعاً معروف استخدامات النشادر اللي أهمها هو تصنيع السماد.
*️⃣ ممكن حاجة كمان وهى الطاقة زي ما قولت فوق.. تخيل عربيات كده شغالة بخلايا هيدروجين... وتعالى أصلاً فكر هى العربية بتمشي إزاي دلوقتي؟
*️⃣ بتدخل محطة البنزين تمون العربية بنزين أو سولار... العربية تاخد البنزين وتوديه للموتور وتحديداً غرفة الاحتراق... وهوبا تولع فيه؛ اه تديله هوا وتولع فيه بجد... العربية فيها بوجيهات دي بتدي شرارة كهرباء عشان البنزين يولع؛ بنزين + هواء + شرارة = حريقااااا... بس مش حريقة بالشكل التقليدي... المهمة الحريقة جوا الموتور دي تدي طاقة تروح محركة كباسات كده فهوبا توت تووووت العربية تتحرك. وعشان كده الناس اللي تعاملت مع عربيات كربراتير كانت تلاقي الحرق عالي فتروح للميكانيكي يقوله الهواء مش مظبوط.
*️⃣ طبعاً كده فهمنا ليه العربيات بتلوث البيئة؛ زي مثال الهيدروجين الرمادي فوق... عندي وقود أحفوري وتحرقه يعني تديله أكسجين؛ عندك وقود أحفوري يعني كربون وهتديله أكسجين يروحوا متحدين ويطلعوا Co2 ثاني أكسيد الكربون...
*️⃣ إمبارح صندوق الاستثمار السعودي أعلن توقيع مذكرات تفاهم مع شركة كورية لإنشاء مصانع بقيمة 6.5 مليار دولار للهيدروجين الأخضر في المملكة... ومصر في 29 أغسطس الماضي أعلنت توقيع مذكرة تفاهم مع شركة الفنار السعودية لإنتاج الهيدروجين الأخضر في العين السخنة بقيمة 3.5 مليار دولار... وحتى برضك خلال مؤتمر البيئة مجل الوزراء أعلن توقيع اتفاقيات إطارية ب 119 مليار دولار في مجال الطاقة النظيفة وخاصة الهيدروجين الأخضر... وبعيد بقى عن يعني ايه مذكرة تفاهم واتفاقية إطارية والكلام دا... المهم هو ايه الهيدروجين الأخضر دا أصلاً؟ طيب الهيدروجين الأزرق؟
*️⃣في البداية محدش يقلق البوست مش هيكون علمي قوي؛ أنا مش هرجع تاني علوم عين شمس ومحاضرات الأورجانيك والـ إن إورجانيك وأنا أصلاً كنت طالب فاشل... فلا تقلق لو ملكش في الكيميا هتفهم.
*️⃣ العالم بينتقل للطاقة النظيفة؛ وطبعاً لما نتكلم عن طاقة نظيف ييجي في بالنا الكهرباء... حلو جميل بس في تفاصيل كثير وطاقة نظيفة غير الكهرباء... ومن أهمها الهيدروجين.
*️⃣ العلماء لقوا إن الهيدروجين بيوفر طاقة قوية بتوصل ل 3 أضعاف طاقة الوقود الأحفوري "البترول وأخواته" فقالوا جميل قوي الهيدروجين يلا ننتجه بقى.
*️⃣ نجيب هيدروجين منين نجيب منين؟ المياه عبارة عن ايه؟ H2O يعني في 2 هيدروجين أهم... عاوزينهم بقى يلا أعملوا مصنع يفصلهم وناخد الهيدروجين.
*️⃣ الأول عملوا المصانع باستخدام الغاز الطبيعي؛ يحرقوه مع ضغط عالي وبخار ومياه... هوبا جه الهيدروجين... بس في مشكلة وهي إن وقود أحفوري يعني كربون C ؛ تحرق الكربون هيطلع لك ثاني أكسيد الكربون CO2 يعني إديني تلوث يا معلم... ومن هنا اتسمى الهيدروجين الصادر بالهيدروجين الرمادي.
*️⃣ بعدين جه العلماء قالوا ما نفس المصنع دا نحط فيه مركبات كده دورها تلقط الكربون وتجمعه.. بحيث اه طلع لي كربون ملوث للبيئة بس جمعته واخزنه تحت الأرض وبكده مطلعوش للبيئة ... فكده عندنا هيدروجين نظيف شوية وتم تسميه دا بالهيدروجين الأزرق.
*️⃣ بعدها العلماء قالوا احنا برضك عندنا مشكلة؛ الهيدروجين الأزرق دا بيسبب برضك ضرر بيئي؛ اه مش كثير لكنه برضك مضر... المشكلة في الغاز الطبيعي دا لازم نشوف حل.. ومن هنا جه الحل اللي العالم شغال عليه.
*️⃣ أجيب طاقة نظيفه يعني كهرباء عملتها بمحطات طاقة شمسية بقى أو أي مصدر.. ونكهرب المايه... والمايه لما تتكهرب تنفصل (التحلل الكهربائي للمياه عشان أصدقاء علوم ميزعلوش مني)... يعني متبقاش H2O لا ... الهيدروجين هيطلع لوحده والأوكسجين لوحده... فكده بقى عندي هيدروجين؛ والمخلفات بتاعة التفاعل هي الأكسجين يعني مفيد للبيئة.
*️⃣ طبعاً كان في هيدروجين أسود ودا بيستخدموا الفحم... بس العالم حالياً شغال بالهيدروجين الرمادي
*️⃣ توضيح قبل ما أكمل... الهيدروجين ملوش لون... الأسود رمادي أزرق أخضر بمبي كل دول بيشرحوا طريقة تصنيعه وليس لونه... هو هو الهيدروجين هيطلع في كله زي بعضه.
طيب حلو بقى معانا هيدروجين هنستفيد بيه إيه؟
*️⃣ أشهر استفادة وهى اللي العالم أصلاً بينتج حالياً هيدروجين "رمادي" عشانها هو الأمونيا... تفاعل هابر بوش يا بتوع علوم لو فاكرينه ... باخد الهيدروجين ومعاه نتيروجين وهوبا بقى معانا أمونيا... النشادر يعني... وطبعاً معروف استخدامات النشادر اللي أهمها هو تصنيع السماد.
*️⃣ ممكن حاجة كمان وهى الطاقة زي ما قولت فوق.. تخيل عربيات كده شغالة بخلايا هيدروجين... وتعالى أصلاً فكر هى العربية بتمشي إزاي دلوقتي؟
*️⃣ بتدخل محطة البنزين تمون العربية بنزين أو سولار... العربية تاخد البنزين وتوديه للموتور وتحديداً غرفة الاحتراق... وهوبا تولع فيه؛ اه تديله هوا وتولع فيه بجد... العربية فيها بوجيهات دي بتدي شرارة كهرباء عشان البنزين يولع؛ بنزين + هواء + شرارة = حريقااااا... بس مش حريقة بالشكل التقليدي... المهمة الحريقة جوا الموتور دي تدي طاقة تروح محركة كباسات كده فهوبا توت تووووت العربية تتحرك. وعشان كده الناس اللي تعاملت مع عربيات كربراتير كانت تلاقي الحرق عالي فتروح للميكانيكي يقوله الهواء مش مظبوط.
*️⃣ طبعاً كده فهمنا ليه العربيات بتلوث البيئة؛ زي مثال الهيدروجين الرمادي فوق... عندي وقود أحفوري وتحرقه يعني تديله أكسجين؛ عندك وقود أحفوري يعني كربون وهتديله أكسجين يروحوا متحدين ويطلعوا Co2 ثاني أكسيد الكربون...
❤16👍7
*️⃣ فهمنا المحركات بقى شغالة إزاي بالبنزين والسولار وحتى الغاز نسبياً؟ هنشيل دول ونخليهم هيدروجين. يعني العربية تمون هيدروجين... بس فكر كده هيحصل إيه جوا الموتور... هيدروجين واديله أكسجين فيحصل إندماج بينهم فيديك طاقة "أقوى من بتاعة حرق البنزين" ... طيب واخد بالك المخلفات ايه؟ فوق قولنا كربون أديله أكسجين يديني ثاني أكسيد الكربون... هنا هيدروجين بديله أكسجين فيدينا ايه؟ يدينا H2O؛ أيوا المايه.... يعني العربيات هتدينا مايه... تخيل العربيات تمشي بدل ما تلوث البيئة؛ لا دي هتنتج مياه.
*️⃣ ايه رأيك في الهيدروجين بقى؟ تحفة صح... طيب ليه أوروبا متصنعوش عندها؟
*️⃣ بص يا سيدي انتاج الهيدروجين أي كان طريقته محتاج ايه إجمالي " غاز طبيعي أو كهرباء + مياه"... أوروبا ايه اخبارها في الغاز الطبيعي؟ طيب ايه أخبار الكهرباء في أوروبا؟ مفيش... يعني سواء قالوا نعمل هيدروجين أخضر بالطاقة المتجددة فمعندهمش كفاية شمس والمصادر دي... ولو قالوا نعمل هيدروجين وردي "كهرباء من مفاعل" فهما بيقفلوا المفاعلات... ولو قالوا سيبك هنعمل هيدروجين رمادي فهما معندهمش غاز يحرقوه عشان يطلعوا هيدروجين..
*️⃣ طيب مين من الدول عندها فرصة ضخمة في المجال دا؟؟؟؟ مصر؛ اه مصر يا عم بجد مش بهزر.
*️⃣ في البداية لو عاوزين ننتج بالغاز فعندنا الغاز بتاعنا وكمان عندنا الغاز بتاع ولاد المبقعة. فعندنا غاز ونقدر ننتج هيدروجين رمادي.
*️⃣ طيب عاوزين نعمله بالكهرباء؟ حابب يا باشا تحرق الغاز وتعمل كهرباء فعندنا طن محطات كهرباء ومن وفرتهم بنقفلهم لعدم الحاجة ونبني غيرهم عشان نقفلهم برضك.
*️⃣ حابب تعمل هيدروجين بمبي فمصر بتبني مفاعلات نووية في الضبعة.
*️⃣ حابب تعمله أخضر خالص فمصر بتعمل محطات طاقة شمسية ومحطات رياح وما شاء الله عندها وفره في محطات الكهرباء وقدرتها ضعف احتياج مصر ولسه بناخد قروض ونبني جديد كمان.
*️⃣ فمن الآخر عندك فرصة مهولة تقدر تعمل منها عشرات المليارات من الدولارات سنوياً...
*️⃣ طبعاً السعودية في مرحلة التحول الاقتصادي بتاعتها وبناء نيوم قررت إن نيوم تشتغل طاقة نظيفة؛ وبناء عليه السعودية هتبدأ تبني مصانع إنتاج الهيدروجين الأخضر... بس خد بالك مصر لسه عندها فرصة أقوى... مصر عندها فائض مهول في الكهرباء وهو أكبر من الفائض اللي عند السعودية ويمكن عند أي حد لإن محدش عامل محطات كهرباء ضعف احتياج بلده غيرنا.
*️⃣ فيا ترى يا هل ترى مصر هتقدر تسبق وتتفوق في المجال دا ويبقى عندها بترول العصر الجديد؟ الله أعلم بس الحكومة بقالها سنتين بتطلع كل شهر تصريحات عن اتفاقيات هيدروجين أخضر... ربنا يكرم بقى
*️⃣ ملحوظة بس: ما ذكر مجرد بعض استخدامات الهيدروجين؛ وطبعاً انتا مش مطالب تذاكر هيدروجين لكن تفهم انه شيء مهم ويقال إن سوقه التصدير السنوي هيتجاوز 300 مليار دولار علي 2050 وطبعاً الرقم ممكن يبقى أكبر لإن الاستخدامات بتزيد والمذكور بالبوست بعض الاستخدامات فقط
*️⃣ بس يا سيدي ودي كانت نهاية محاضرة الكيمياء الاقتصادية.
*️⃣ ايه رأيك في الهيدروجين بقى؟ تحفة صح... طيب ليه أوروبا متصنعوش عندها؟
*️⃣ بص يا سيدي انتاج الهيدروجين أي كان طريقته محتاج ايه إجمالي " غاز طبيعي أو كهرباء + مياه"... أوروبا ايه اخبارها في الغاز الطبيعي؟ طيب ايه أخبار الكهرباء في أوروبا؟ مفيش... يعني سواء قالوا نعمل هيدروجين أخضر بالطاقة المتجددة فمعندهمش كفاية شمس والمصادر دي... ولو قالوا نعمل هيدروجين وردي "كهرباء من مفاعل" فهما بيقفلوا المفاعلات... ولو قالوا سيبك هنعمل هيدروجين رمادي فهما معندهمش غاز يحرقوه عشان يطلعوا هيدروجين..
*️⃣ طيب مين من الدول عندها فرصة ضخمة في المجال دا؟؟؟؟ مصر؛ اه مصر يا عم بجد مش بهزر.
*️⃣ في البداية لو عاوزين ننتج بالغاز فعندنا الغاز بتاعنا وكمان عندنا الغاز بتاع ولاد المبقعة. فعندنا غاز ونقدر ننتج هيدروجين رمادي.
*️⃣ طيب عاوزين نعمله بالكهرباء؟ حابب يا باشا تحرق الغاز وتعمل كهرباء فعندنا طن محطات كهرباء ومن وفرتهم بنقفلهم لعدم الحاجة ونبني غيرهم عشان نقفلهم برضك.
*️⃣ حابب تعمل هيدروجين بمبي فمصر بتبني مفاعلات نووية في الضبعة.
*️⃣ حابب تعمله أخضر خالص فمصر بتعمل محطات طاقة شمسية ومحطات رياح وما شاء الله عندها وفره في محطات الكهرباء وقدرتها ضعف احتياج مصر ولسه بناخد قروض ونبني جديد كمان.
*️⃣ فمن الآخر عندك فرصة مهولة تقدر تعمل منها عشرات المليارات من الدولارات سنوياً...
*️⃣ طبعاً السعودية في مرحلة التحول الاقتصادي بتاعتها وبناء نيوم قررت إن نيوم تشتغل طاقة نظيفة؛ وبناء عليه السعودية هتبدأ تبني مصانع إنتاج الهيدروجين الأخضر... بس خد بالك مصر لسه عندها فرصة أقوى... مصر عندها فائض مهول في الكهرباء وهو أكبر من الفائض اللي عند السعودية ويمكن عند أي حد لإن محدش عامل محطات كهرباء ضعف احتياج بلده غيرنا.
*️⃣ فيا ترى يا هل ترى مصر هتقدر تسبق وتتفوق في المجال دا ويبقى عندها بترول العصر الجديد؟ الله أعلم بس الحكومة بقالها سنتين بتطلع كل شهر تصريحات عن اتفاقيات هيدروجين أخضر... ربنا يكرم بقى
*️⃣ ملحوظة بس: ما ذكر مجرد بعض استخدامات الهيدروجين؛ وطبعاً انتا مش مطالب تذاكر هيدروجين لكن تفهم انه شيء مهم ويقال إن سوقه التصدير السنوي هيتجاوز 300 مليار دولار علي 2050 وطبعاً الرقم ممكن يبقى أكبر لإن الاستخدامات بتزيد والمذكور بالبوست بعض الاستخدامات فقط
*️⃣ بس يا سيدي ودي كانت نهاية محاضرة الكيمياء الاقتصادية.
❤12👍9
في نقص رهيب للبضائع في البلد؛ وكان ظاهر دا جداً في عروض 11.11 الماضية
*️⃣ وأقولكم شيء... أنا ك تاجر بخزن بعض منتجات في أمازون والبعض الآخر ببيعه مباشر من مخزني
*️⃣ في الظروف العادية لما نكون عاوزين نبعت طلب تخزين؛ نقولهم عاوزين نروح مثلاً الإثنين 9 الصبح يردوا عليك بمعاد الثلاثاء 10 بالليل... طيب هات الثلاثاء 9 الصبح يدوك الجمعة العصر... ولو عاوز تظبط معادك زي ما انتا عاوز بالظبط اطلبه قبلها بأسبوع
*️⃣ ولما كان شهر 11 وبسبب ضغط عروض البلاك فرايدي " حط اللون اللي بتحبه وخلصني" كنت ممكن تطلب معاد ييجي لك بعد أسبوعين... خلاص شهر 11 جه وكله عاوز يبعت بضايع للمخازن عشان العروض
*️⃣ السنة دي بقى... أبعت أطلب معاد الأربعاء الصبح يدوني الأربعاء فعلاً عادي
*️⃣ وتخيلوا طلبت مرتين معاد في شهر 11 وجالي المعاد عااادي ومن أول مرة... وبكون طالبه قريب جداً
*️⃣ فدا مؤشر سريع واضح إن مفييييييش بضايع... حتى التهريب اللي كان بيعوض السوق؛ حنفيته قافله بقالها فترة... فدلوقتي تروح للناس اللي بتتعامل مع توكيلات زي حالاتنا هيقولك مفيش المنتج.... تروح عند الناس اللي بتتعامل مع بضايع غير رسمية؛ يقولك برضك مفيييش...
*️⃣ وطبعاً ألف باء اقتصاد هى إن الطلب أكثر من العرض = ارتفاع الأسعار
*️⃣ لو التاجر عنده 10 قطع من سلعة وهو عارضها ب 100 جنية... جه لقى قصاده 20 زبون... في أي سبب منطقي يخليه يبيع ب 100؟ لا طبعاً هيقول طيب 120 جنية... ففي 2 زباين يمشوا ويفضل 18... طيب 150 فيمشي 4 ويفضل 14 ... طيب 200 جنية ... بقى فاضل 10 زباين ... زي الفل خلاص بقى سعر المنتج 200 جنية.
*️⃣ والعكس بقى لو في 100 قطعة من المنتج X وقصادهم في 50 زبون... هنا العرض أكثر يبقى السعر ينزل. وممكن يوصل لإن التجار يبيعوا بخسارة أصلاً من منطلق المنتج دا بقى محروق في السوق من كثرة التجار فيه فيبيع بخسارة عشان يسيل فلوسه ويطلع منه
*️⃣ وطبعاً مصر عمرها ما بيكون فيها وفرة منتجات إما بسبب صعوبات الإنتاج أو صعوبات الاستيراد... فالسيناريو الأول هو اللي بيكون الغالب... وحالياً بقى مكتسح لإن الطلب أضعاف أضعاف العرض ومش بسبب إن الشعب ثري؛ لكن بسبب إن مفيييش معروض
*️⃣ يعني مثلاً في العربيات تلاقي تقرير يقولك تم ترخيص 8128 سيارة جديدة الشهر الماضي... فتلاقي الناس تقولك إزاي وفين ووو... لكن تبص عالعرض والطلب... مصر في المعتاد بتحتاج متوسط 20-25 ألف سيارة شهري... فبسبب نقص السيارات؛ الطلب (ال 20-25 ألف الشهري + الذي لم يلبي الشهور الماضية) فتلاقي في عجز 100 ألف سيارة... وكل الموجود في السوق تخيل 30 ألف ومش بيدخل جديد .... فالأسعار تزيد تزيد تزيد... ورغم دا الطلب موجود واتباع أهو 8 الاف... فالشهر التالي يدخل ال 20 ألف الطلب الجديد وفي نفس الوقت المخزون قل فالأسعار تزيد وهكذا... وطبعاً مش محتاج أقول سيبك من اللي يصورلك مخزن ولا الميناء فيه 300-400 عربيه وبيقولك العربيات كثير... حضرتك مصر محتاجه يومياً ضعف اللي في الصورة يومياً فأنتا كل 12 ساعة تفضي الصورة دي وتملاها عشان تلبي الطلب.
*️⃣ ومن هنا ييجي السؤال وهو هل المقاطعة هى الحل؟ الإجابة اه و لا... المقاطعة يعني ايه؟ تقليل الطلب... فالعرض يبقى أكثر من الطلب فالسعر ينزل... بس السؤال هو في عرض قوي فلما الطلب ينزل يعوره؟ أصل الطلب هينزل بس مش هيبقى صفر... يعني لو قولنا مثال العربية؛ إنتا بلد فيها 100 مليون... فنفترض إن كل 10000 شخص في 9999 شخص إما مقاطع أو معهوش يشتري عربية... وفي 1 من كل 10 ألاف كل شهر هيضعف ويقول عاوز اشتري عربية... عارف ال 1 من كل 10 آلاف من الشعب المصري دا يعمل كام شهري؟ يعمل 10 آلاف إنسان يعني أكثر مما بيع الشهر الماضي فكده هيعمل نفس المعدلات.
*️⃣ فمستحيل الطلب يبقى صفر؛ فالحل المفروض يكون هو إن الطلب يقل + العرض يزيد فهنا البضاعة هتبقى أكثر... يعني يبقى في معروض شهري 20 ألف عربية وعدد الطلب 10 آلاف.
*️⃣ وأتمنى التعليقات متقلبش سيارات وكده عشان أنا أصلاً كنت داخل بس أكتب أول فقرتين لغاية أمازون دي وبعدين البوست طول معايا... لكن الخلاصة هى السوق بينشف بضايع وبالتالي الأسعار هتواصل الارتفاع... وسلم لي عالتضخم بقى.
*️⃣ ملحوظة:
ال 3 بوستات الماضية ( Tabby + الفائدة البنكية + الهيدروجين الأخضر) اتبعت لي عليهم مئات الرسائل والتعليقات... وعشان وقتي وعشان محتاج راحة صغيرة كده؛ فالبوست القادم هرد فيه على بعض النقاط في البوستات الماضية اللي لقيت الناس عندها حق إنها مكانتش واضحة كفاية في البوست الأصلي.
*️⃣ وأقولكم شيء... أنا ك تاجر بخزن بعض منتجات في أمازون والبعض الآخر ببيعه مباشر من مخزني
*️⃣ في الظروف العادية لما نكون عاوزين نبعت طلب تخزين؛ نقولهم عاوزين نروح مثلاً الإثنين 9 الصبح يردوا عليك بمعاد الثلاثاء 10 بالليل... طيب هات الثلاثاء 9 الصبح يدوك الجمعة العصر... ولو عاوز تظبط معادك زي ما انتا عاوز بالظبط اطلبه قبلها بأسبوع
*️⃣ ولما كان شهر 11 وبسبب ضغط عروض البلاك فرايدي " حط اللون اللي بتحبه وخلصني" كنت ممكن تطلب معاد ييجي لك بعد أسبوعين... خلاص شهر 11 جه وكله عاوز يبعت بضايع للمخازن عشان العروض
*️⃣ السنة دي بقى... أبعت أطلب معاد الأربعاء الصبح يدوني الأربعاء فعلاً عادي
*️⃣ وتخيلوا طلبت مرتين معاد في شهر 11 وجالي المعاد عااادي ومن أول مرة... وبكون طالبه قريب جداً
*️⃣ فدا مؤشر سريع واضح إن مفييييييش بضايع... حتى التهريب اللي كان بيعوض السوق؛ حنفيته قافله بقالها فترة... فدلوقتي تروح للناس اللي بتتعامل مع توكيلات زي حالاتنا هيقولك مفيش المنتج.... تروح عند الناس اللي بتتعامل مع بضايع غير رسمية؛ يقولك برضك مفيييش...
*️⃣ وطبعاً ألف باء اقتصاد هى إن الطلب أكثر من العرض = ارتفاع الأسعار
*️⃣ لو التاجر عنده 10 قطع من سلعة وهو عارضها ب 100 جنية... جه لقى قصاده 20 زبون... في أي سبب منطقي يخليه يبيع ب 100؟ لا طبعاً هيقول طيب 120 جنية... ففي 2 زباين يمشوا ويفضل 18... طيب 150 فيمشي 4 ويفضل 14 ... طيب 200 جنية ... بقى فاضل 10 زباين ... زي الفل خلاص بقى سعر المنتج 200 جنية.
*️⃣ والعكس بقى لو في 100 قطعة من المنتج X وقصادهم في 50 زبون... هنا العرض أكثر يبقى السعر ينزل. وممكن يوصل لإن التجار يبيعوا بخسارة أصلاً من منطلق المنتج دا بقى محروق في السوق من كثرة التجار فيه فيبيع بخسارة عشان يسيل فلوسه ويطلع منه
*️⃣ وطبعاً مصر عمرها ما بيكون فيها وفرة منتجات إما بسبب صعوبات الإنتاج أو صعوبات الاستيراد... فالسيناريو الأول هو اللي بيكون الغالب... وحالياً بقى مكتسح لإن الطلب أضعاف أضعاف العرض ومش بسبب إن الشعب ثري؛ لكن بسبب إن مفيييش معروض
*️⃣ يعني مثلاً في العربيات تلاقي تقرير يقولك تم ترخيص 8128 سيارة جديدة الشهر الماضي... فتلاقي الناس تقولك إزاي وفين ووو... لكن تبص عالعرض والطلب... مصر في المعتاد بتحتاج متوسط 20-25 ألف سيارة شهري... فبسبب نقص السيارات؛ الطلب (ال 20-25 ألف الشهري + الذي لم يلبي الشهور الماضية) فتلاقي في عجز 100 ألف سيارة... وكل الموجود في السوق تخيل 30 ألف ومش بيدخل جديد .... فالأسعار تزيد تزيد تزيد... ورغم دا الطلب موجود واتباع أهو 8 الاف... فالشهر التالي يدخل ال 20 ألف الطلب الجديد وفي نفس الوقت المخزون قل فالأسعار تزيد وهكذا... وطبعاً مش محتاج أقول سيبك من اللي يصورلك مخزن ولا الميناء فيه 300-400 عربيه وبيقولك العربيات كثير... حضرتك مصر محتاجه يومياً ضعف اللي في الصورة يومياً فأنتا كل 12 ساعة تفضي الصورة دي وتملاها عشان تلبي الطلب.
*️⃣ ومن هنا ييجي السؤال وهو هل المقاطعة هى الحل؟ الإجابة اه و لا... المقاطعة يعني ايه؟ تقليل الطلب... فالعرض يبقى أكثر من الطلب فالسعر ينزل... بس السؤال هو في عرض قوي فلما الطلب ينزل يعوره؟ أصل الطلب هينزل بس مش هيبقى صفر... يعني لو قولنا مثال العربية؛ إنتا بلد فيها 100 مليون... فنفترض إن كل 10000 شخص في 9999 شخص إما مقاطع أو معهوش يشتري عربية... وفي 1 من كل 10 ألاف كل شهر هيضعف ويقول عاوز اشتري عربية... عارف ال 1 من كل 10 آلاف من الشعب المصري دا يعمل كام شهري؟ يعمل 10 آلاف إنسان يعني أكثر مما بيع الشهر الماضي فكده هيعمل نفس المعدلات.
*️⃣ فمستحيل الطلب يبقى صفر؛ فالحل المفروض يكون هو إن الطلب يقل + العرض يزيد فهنا البضاعة هتبقى أكثر... يعني يبقى في معروض شهري 20 ألف عربية وعدد الطلب 10 آلاف.
*️⃣ وأتمنى التعليقات متقلبش سيارات وكده عشان أنا أصلاً كنت داخل بس أكتب أول فقرتين لغاية أمازون دي وبعدين البوست طول معايا... لكن الخلاصة هى السوق بينشف بضايع وبالتالي الأسعار هتواصل الارتفاع... وسلم لي عالتضخم بقى.
*️⃣ ملحوظة:
ال 3 بوستات الماضية ( Tabby + الفائدة البنكية + الهيدروجين الأخضر) اتبعت لي عليهم مئات الرسائل والتعليقات... وعشان وقتي وعشان محتاج راحة صغيرة كده؛ فالبوست القادم هرد فيه على بعض النقاط في البوستات الماضية اللي لقيت الناس عندها حق إنها مكانتش واضحة كفاية في البوست الأصلي.
👍4
هل دا وقت التقسيط ولا الكاش؟
*️⃣ النهاردة بدأت عروض البلاك/وايت/يلو/بلو/... فرايدي على نون وكذلك أمازون هتبدأ بكره لكنها بدأت النهاردة للبرايم... سواء بقى العروض قوية ولا ضعيفة لكن التركيز هو التقسيط التقسيط... أمازون فتحت صدرها وتعاقدت مع 10 جهات للتقسيط ونون قالت لك أنا هجيب الكبير بتاع مصر البنك الأهلي... وعروض التقسيط بدون فوائد وصلت ل 18 شهر.. ومن هنا يأتي السؤال أشتري كاش ولا قسط؟
*️⃣ في الكام سطر القادمين هناقش فكرة كاش ولا قسط بشكل عام؛ يعني بناقش الفكرة نفسها.. لا بقول لحد قسط مع بنك ولا كارت ولا أي شيء؛ فأنا هنا مش بناقش نوع معين من التقسيط بل بناقش المفهوم نفسه... وضحت عشان متوقع تعليقات معينة. نبدأ بقى البوست
*️⃣ من فترة قريبة الخبير الاقتصادي الكبير هاني توفيق قال في بوست صغير كده إن دا وقت الشراء بالتقسيط مش وقت الكاش... كثير مفهومش دا معناه ايه... خاصة إن في مفهوم منتشر وهو خد بالك متدخلش نفسك في أقساط وكده... فإزاي يعني دا وقت التقسيط من وجهة نظره؟
*️⃣ نفترض في سلعة ما ب 24 ألف جنية وإنتا تقدر تقسطها على 24 شهر بدون فوائد... وتقدر تشتريها كاش برضك فأنهي بقى؟
*️⃣ خيار التقسيط دا وقته بيقولك إن في عصر التضخم المرتفع فالتقسيط أفضل شيء... السلعة دي بعد شهور معدوده سعرها هيزيد... فالتقسيط هيخليك تمتلك السلعة دلوقتي... بس تدفع في المستقبل بسعر جنية المستقبل.
*️⃣ يعني ايه جنية المستقبل؟ بص يا سيدي هو الألف جنية دلوقتي بتشتري اللي كانت بتشتريه من سنتين؟ طبعاً لا ولا من 3 شهور... فقيمة العملة عمالة تقل... فانتا لما تدفع دلوقتي قسط 1000 جنية؛ فبعد 6 شهور قيمتهم الشرائية مبقتش 1000 جنية بل 900 جنية مثلاً... فقيمة العملة بتقل وبالتالي الرواتب بتزيد وحجم القسط عليك بيقل ك تكلفة.
*️⃣ فال 24 ألف جنية اللي انتا عاوز تطلعهم دلوقتي دول؛ يمكن قيمتهم "الشرائية" تساوي بعد سنتين 30 ألف جنية.
*️⃣ مثال ثاني تخيل واحد اشتري شقة قسط على 10 سنين ثابت (مبقاش في أظن وبطلوا دا وكله بيزيد لكن نفترض مثال قديم)... الشقة كانت في سنة 2013 والقسط كان 3000 جنية.
*️⃣ وقتها هو كان طلعان عينه في القسط في سنة 2013 و 2014 ومع الوقت قيمة الفلوس بتقل؛ الرواتب بتزيد؛ فدلوقتي القسط ال 3 الاف جنية عليه مبقاش بيوجعه خالص... ال 3 ألاف جنية في 2013 قيمتهم دلوقتي كإنها حوالي 9 الاف جنية. كده وضحت الفكرة.. مع الوقت قيمة الفلوس بتقل...
⬅️ مثال ثالث؛ تخيل لو في حد عايش معانا وبيدفع قسط مثلاً 500 جنية؟ دا ولا شيء عادي... تخيل لو دا قسط عليه ثابت من سنة 1992 مثلاً يكون في شيء ما بيقسطه 500 جنية شهري... ال 500 جنية بالنسبة لسنة 1992 تعني 50 ألف جنية تقريباً دلوقتي على أقل تقدير... فهو سنة 1992 كان بيدفع مبلغ خزعبلي في بداية أقساطه لكن دلوقتي بقى ملاليم.
*️⃣ شيء تاني برضك بيعتمدوا عليه في مفهوم دا وقت التقسيط وهو إنك غير قادر على شراء السلعة... تخيل لسبب ما انتا عاوز جهاز آي فون 14 بسعر 24 ألف (مجرد مثال عشان نحسب) ففي شخصين الأول قرر يقسط 1000 شهري والثاني قالك لااا مش هقسط هحوش واشتريه... الأول من دلوقتي معاه الآي فون والثاني فضل يحوش الألف كل شهر... بعد 24 شهر الأولاني خلاص خلص الأقساط ومعاه الآي فون؛ والثاني بقى معاه 24 ألف.... طبعاً مش هيروح يشتري الآي فون 14 بل 16 وقتها... هيروح يشتريه هيلاقيه ب 30 ألف فيقولهم هحوش سنة وهرجع فيحوش سنة وييجي يلاقيه ب 35 ألف فيروح يحوش ويرجع وهكذا... التضخم هيخلي السعر يجري... الأولاني بقى هيبيع الآي فون 14 بتاعه ويحطه مقدم ل 16 ويقسطه.
*️⃣ كده يا سيدي أنا شرحت لك ليه أي اقتصادي هيقولك دا وقت التقسيط مش الكاش؛ واللي عاوز تحوش وتشتريه مش هتطوله... اه أنا بشرح لك كل ما سبق عشان عارفك ياللي روحت التعليقات تشتم... ربنا يسامحك بس أنا مش هسامحك وهديك بلوك.
*️⃣ طيب هل فعلاً ما سبق صح؟ الإجابة اه صح من ناحية الأرقام والحسابات والاقتصاد؛ بس في مشكلة صغيرة قوي وهى إنك في أزمة اقتصادية وليس مجرد ارتفاع سعر وتضخم تقليدي... طيب هتفرق في ايه؟ ببساطة الإجابة هى "هل إنتا هتكمل؟"
*️⃣ النموذج اللي فوق بيعتمد على شيء؛ إنك موظف شغال في مكان؛ ومع الوقت الأسعار بتزيد لكن برضك مرتبك بيزيد إما بسبب فروقات التضخم أو عشان خبرتك بتزيد... فطالما دخلك هيزيد يبقى القسط حمله عليك هيقل فدوس وقسط... لكن في وضع اقتصادي صعب ايه ممكن يحصل؟
*️⃣ ممكن يتقالك السلام عليكم وشكراً ليك معانا... يعني صاحب العمل يستغنى عنك أو حتى يخسر ويقفل بسبب الأزمة الاقتصادية؛ فوقتها إنتا دخلك بقى صفرررر... وبسبب الأزمة واغلاق الشركات فالوظائف هتقل ويبقى صعب تلاقي... فتبدأ تضغط مصاريفك وتقلل من هنا وهناك... لكن غصب عنك هتدفع القسط. فالقسط أصبح وبال عليك وكان الكاش ارحم
⬅️ مثال ثالث؛ تخيل لو في حد عايش معانا وبيدفع قسط مثلاً 500 جنية؟ دا ولا شيء عادي... تخيل لو دا قسط عليه ثابت من سنة 1992 مثلاً يكون في شيء ما بيقسطه 500 جنية شهري... ال 500 جنية بالنسبة لسنة 1992 تعني 50 ألف جنية تقريباً دلوقتي على أقل تقدير... فهو سنة 1992 كان بيدفع مبلغ خزعبلي في بداية أقساطه لكن دلوقتي بقى ملاليم.
Please open Telegram to view this post
VIEW IN TELEGRAM
❤3
⬅️ وكما قال حزلقوم... يعني اعمل ايه يا أستاذ غسان؟
*️⃣ للأسف مفيش إجابة سحرية ولا "إعمل الصح" لكن ممكن تبقى نصيحة وهى لو ناوي تقسط
*️⃣ لو الشغل بتاعك تمام ومستقر وبالعكس الأزمة الحالية جت في مصلحتك بشكل ما؛ دوس يا ريس وقسط أطول فترة تقدر عليها بدون فوائد.
*️⃣ لو الشغل بقى مش واضح المعالم؛ فنصيحة متطولش في التقسيط؛ يعني ممكن بتقسط مع محل 3 أو 4 شهور.. لو فيزا اختار ال 6 شهور... لو Tabby فدا برضك 4 شهور؛ يعني المهم شيء صغير عشان المستقبل لسه مش واضح.
*️⃣ وعلى سيرة تابي كان في سؤال وكان مفروض أحطه في بوست الردود اللي قولت عليه لكن مكتبوش لسه فقولت أرد هنا بالمرة... السؤال وهو إني في البوست بتاعه قولت إن لينك الإحالة بيدي 100 جنية للمشترك بس الناس اشتركت ومفيش فلوس... لازم تشتري منهم مرة وبعدها هينزلك ال 100 جنية رصيد وتقدر تستخدمها في الأقساط التالية... فلازم تشتري عشان ينزلك رصيد
*️⃣ ودا لينك بوست تابي اللي بيشرح ايه المفهوم بتاع شركات BNPL شغال إزاي
https://t.me/BnSamyPosts/809
https://t.me/BnSamyPosts/809
Please open Telegram to view this post
VIEW IN TELEGRAM
❤1
كمان مرة انتشار بوستات من نوعية (عارف لو كنت حطيت فلوس في مش عارف ايه في تاريخ كذا كان زمانك كسبت كذا).
*️⃣ شايف صورة البوست دي؛ دا تاريخ الذهب مع الدولار آخر 20 سنة للجرام وليس الاوقية... تلاقي حد يقولك تخيل لو كنت اشتريت الذهب في 2002 (النقطة 1) وبعت بعد 10 سنين في النقطة 2 تخيل كنت كسبت 6 أضعاف فلوسك... صح عندك حق؛ طيب هو انتا مكشوف عنك الحجاب يعني وتعلم الغيب عشان تصطاد النقاط 1 و 2 🤔... طيب اللي شاري في 2 بس؛ اه مهو انتا بتقول لو كنت بعت في 2؛ تخيل انك الطرف الثاني يعني حد اشتري في 2002 وباعلك في 2012... وانتا شاري سعر 60 دولار... ايه اخبار شعورك بعد 10 سنين والجرام دلوقتي ب 56 دولار 🤔.
*️⃣ طيب ليه تكسب 6 اضعاف... عارف لو كنت اشتريت سهم أبل في 2002 كان بكام؟ ب ربع دولار ودلوقتي السهم ب 148 دولار يعني كام زمانك كسبان 592 مرة فلوسك؟
*️⃣ ومش شرط أبل؛ غمض عينك واي شركة مشهورة دلوقتي لو كنت اشتريت سهمها من 20 سنة كان زمانك ثري جداً... بس السؤال هو انتا كنت هتعرف منين ان سنة 2022 الشركات دي هتبقي بالحجم دا 🤔... يعني انتا في 2002 وهتشتري سهم شركة تكنولوجيا؛ هتفكر في نوكيا ولا بلاك بيري وموتورلا؛ او تفكر في شركة كوداك.
*️⃣ ولو كنت انتا عفريت وفكرت في شركة مشهورة وقتها ليكن Intel فكنت هتشتري سهمها ب 30/35 دولار وبعد 20 سنة تلاقيه 30 دولار برضك؛ ولا تشتري IBM ب 110 دولار وبعد 20 سنة تلاقيه ب 150 دولار... يمكن الاستثناء الوحيد هو مايكروسوفت كنت هتشتريه ب 25 وتلاقيه دلوقتي 250 يعني لو شاطر فحت كنت هتصطاد سهم يعمل 10 اضعاف.. بينما ابل عملت 600 ضعف وأمازون 93 ضعف.
*️⃣ فاللي تلاقوه حاطط النوعية دي قولوا له شاطر؛ قولنا ايه نشتريه دلوقتي وبعد 5 سنين نبقي كسبانين قوي ونبقي احنا اللي بيتضرب بينا المثل؛ ومش هيرد عليكم... لان دي امثلة وهمية... ممكن كنت تشتري الذهب في اعلي قيمة في 2012 وتفضل خسران ل 2022 يعني 10 سنين تبقي فلوسك خسرانه 9 سنين منهم...
⬅️⬅️ طبعاً ما سبق كله حديث عن الدولار لان الجنية بره اللعبة؛ كده كده انتا خسران بالجنية الا لو بتلعب بالشهادات البنكية وربنا معاك بقي. لكن الجنية لوحده خسران عالمدي الطويل قوي وحالياً خسران طويل وقصير كمان شكله 😓😓 وربنا يقومه بالسلامة عشان مبقاش وضعنا مستحمل.
*️⃣ شايف صورة البوست دي؛ دا تاريخ الذهب مع الدولار آخر 20 سنة للجرام وليس الاوقية... تلاقي حد يقولك تخيل لو كنت اشتريت الذهب في 2002 (النقطة 1) وبعت بعد 10 سنين في النقطة 2 تخيل كنت كسبت 6 أضعاف فلوسك... صح عندك حق؛ طيب هو انتا مكشوف عنك الحجاب يعني وتعلم الغيب عشان تصطاد النقاط 1 و 2 🤔... طيب اللي شاري في 2 بس؛ اه مهو انتا بتقول لو كنت بعت في 2؛ تخيل انك الطرف الثاني يعني حد اشتري في 2002 وباعلك في 2012... وانتا شاري سعر 60 دولار... ايه اخبار شعورك بعد 10 سنين والجرام دلوقتي ب 56 دولار 🤔.
*️⃣ طيب ليه تكسب 6 اضعاف... عارف لو كنت اشتريت سهم أبل في 2002 كان بكام؟ ب ربع دولار ودلوقتي السهم ب 148 دولار يعني كام زمانك كسبان 592 مرة فلوسك؟
*️⃣ ومش شرط أبل؛ غمض عينك واي شركة مشهورة دلوقتي لو كنت اشتريت سهمها من 20 سنة كان زمانك ثري جداً... بس السؤال هو انتا كنت هتعرف منين ان سنة 2022 الشركات دي هتبقي بالحجم دا 🤔... يعني انتا في 2002 وهتشتري سهم شركة تكنولوجيا؛ هتفكر في نوكيا ولا بلاك بيري وموتورلا؛ او تفكر في شركة كوداك.
*️⃣ ولو كنت انتا عفريت وفكرت في شركة مشهورة وقتها ليكن Intel فكنت هتشتري سهمها ب 30/35 دولار وبعد 20 سنة تلاقيه 30 دولار برضك؛ ولا تشتري IBM ب 110 دولار وبعد 20 سنة تلاقيه ب 150 دولار... يمكن الاستثناء الوحيد هو مايكروسوفت كنت هتشتريه ب 25 وتلاقيه دلوقتي 250 يعني لو شاطر فحت كنت هتصطاد سهم يعمل 10 اضعاف.. بينما ابل عملت 600 ضعف وأمازون 93 ضعف.
*️⃣ فاللي تلاقوه حاطط النوعية دي قولوا له شاطر؛ قولنا ايه نشتريه دلوقتي وبعد 5 سنين نبقي كسبانين قوي ونبقي احنا اللي بيتضرب بينا المثل؛ ومش هيرد عليكم... لان دي امثلة وهمية... ممكن كنت تشتري الذهب في اعلي قيمة في 2012 وتفضل خسران ل 2022 يعني 10 سنين تبقي فلوسك خسرانه 9 سنين منهم...
⬅️⬅️ طبعاً ما سبق كله حديث عن الدولار لان الجنية بره اللعبة؛ كده كده انتا خسران بالجنية الا لو بتلعب بالشهادات البنكية وربنا معاك بقي. لكن الجنية لوحده خسران عالمدي الطويل قوي وحالياً خسران طويل وقصير كمان شكله 😓😓 وربنا يقومه بالسلامة عشان مبقاش وضعنا مستحمل.
👍5👏3
الناس اللي بتكتئب متمكلش البوست
*️⃣ بعيد عن أحلام الطفولة اللي كلنا نقعد نقول هطلع دكتور او ظابط أو مهندس أو أو أو... فأنا في حياتي تنقلت بعده مراحل
*️⃣ مرحلة الكلية في علوم عين شمس؛ كنت افكر في بكره وأقول يا تري هشتغل في معامل كيمياء ولا مصيري هيبقي بالفيزياء اللي مكنتش بحبها.
*️⃣ مطولش حلم الكلية كثير وانتقلت لمرحلة الشغل في موقع آي-فون إسلام؛ بكتب مقالات يومية عن الآي فون وأبل والآي باد وكده... فهنا افكر في بكره وأقول يا تري هكمل هنا؛ طيب هبقي شغال في المقالات والكتابة وكده.
*️⃣ وبعدين بدأت المرحلة الثالثة وهي مرحلة دكان تك؛ لما كنت افكر في بكره اقول شغلي هيكبر وأبيع أكثر وأوسع شغلي وهكذا.
*️⃣ لكن المشكلة الاقتصادية الحالية؛ اللي أصلاً إحنا في بدايتها والازمة الحقيقية في 2023 أصلاً... والغموض بتاع الدولار؛ والجنان بتاعه في السوق الموازية والتقارير البنكية الدولية اللي بقت تتكلم ان الرسمي هيروح ل 27.8 في ظل الظروف الحالية؛ والموازي اللي راح لحته ال 30... وازمة الاستيراد والتشديد الضريبي والجمركي. والتعويم الديكور وووو
*️⃣ كل ما سبق يخلي الواحد حيران؛ هو مفروض ابدأ افكر في المرحلة 4 من حياتي المهنية؟ المستقبل صعب والوضع مش ظريف خالص.. وحرفيا محدش عارف في ايه.
*️⃣ معظم التجار والبضاعه كانت متسعر علي دولار 25/26... دلوقتي بقي التسعير علي 30 بل واللي عاوز يخطط لقدام في 2023 بقول يفكروا في مستويات تانية
*️⃣ بس في مشكلة؛ هل الناس معاها فلوس؟ لسه تأثير الدولار موصلش للناس بشكل كامل؛ انتم ناسين الكهرباء في بيوتنا بيتم توليدها بمحطات معمولة بقروض بالدولار؟ وباستخدام غاز ومازوت وو مدفوع سعره دولار؟ طيب بنزين العربيات دا مش محتاج دولار؟ طيب القطارات مش مستورده بالدولار وبيتدفع قسط دولار ليها؟ كل دول لسه تأثير الدولار موصلهاش... الحكومة مأجله زيادة الكهرباء والمياه والغاز والبنزين والسولار والمواصلات عشان التضخم ضارب لوحده في البلد.. لكن هتزيد هتزيد... لتر البنزين هيوصل علي اقل تقدير 15 جنية (سعره المدعوم بالسعودية) بينما سعره العالمي الحر يتجاوز 20 جنية... ومفروض مصر موقعه مع صندوق النقد انها هتبيع وتحرر وتلغي الدعم.
*️⃣ ايه الحل؟ لو عندك فرصة اطلع من البلد؛ هتفيد نفسك وكمان هتفيد مصر عشان هتجيب دولار للبلد.. فالحل سيبوا البلد واطلعوا هاتوا لها دولار... مفيش حل جوا للاسف... او يمكن في حل بس سري ومحدش عاوز يطلعنا عليه..
ربنا يستر
ربنا يستر
Please open Telegram to view this post
VIEW IN TELEGRAM
👍12👏1
من المهم جداً استقرار سعر الدولار؛ أي كان الرقم بس لازم يستقر لأسباب كثيرة ابسطها لو في استثمارات هتيجي فهي مش هتيجي في دولة فيها الدولار دايس بنزين.
*️⃣ تخيل مستثمر هيجيب 100 مليون دولار يعمل مشروع ومصنع.. َ دلوقتي الشركة بره هتبعت لمصر 100 مليون دولار؛ يروح المستثمر يغيرهم في البنك أول السنة ب 1.5 مليار جنية ويبدأ يبني المصنع؛ بعد كام شهر يلاقي الدولار بقي ب 19 ثم كام شهر بقي 25 ومكمل ما شاء الله... دلوقتي مصنعه لسه هيبدا انتاج وهو بقي النص.
*️⃣ طيب هو دلوقتي بعد اشتغل وكسب حلو؛ ييجي يقول عاوز اخد ارباحي يتقاله يحنن؛ طب بص الدولار بقي ب 30 او بقي 35... بخ ارباحك مفيش
*️⃣ وكل ما سبق هو السيناريو الجميل؛ ان المستثمر دخل وغرس ولبس وبقي طموحة يهرب
*️⃣ تخيل بقي انه مستثمر عاوز يدخل البلد؛ يلاقي الدولار عمال يزيد بال 5% شهرياً... هو اصلا لو وقف علي راسه مش هيكسب 5% شهري.. يقولك طيب اصبر شوية يستقر علي 25... تمام يلا هدخل بقي؛ ايه دا تقارير انه رايح ل 27؛ طيب استني يستقر وادخل؛ وهكذا
*️⃣ مفيش مستثمر هيدخل طول ما سعر الدولار بيقفز؛ وحز فز فين المشكلة؛ المشكلة هي ان الدولار مش هيستقر غير لما يحصل وفرة؛ ومش هيحصل وفرة غير لما مستثمرين يدخلوا؛ اللي هما مش هيدخلوا عشان مفيش استقرار... يعني هو اصلا دخولهم اللي هيحل المعادلة اللي هما منتظرينها.
*️⃣ لكن القاعدة رقم 1 في البيزنس هي ان (رأس المال جبان)؛ اديني استقرار اقتصادي وسياسي والا مش هتشوفني... او هتشوف استثمارات اللقطة؛ يعني شركة مفروض تساوي 100 وعاملين عليها اوكازيون ب 25 وبطاطس وبيبسي ووجبة هابي ميل؛ فانتا كده عاوز تضحك على نفسك وتوهمها ان في استثمارات؛ عيش في الوهم.
ربنا يستر وتكمل على خير؛ لان اللي اعرفه ان في مئات الاشخاص اللي عندهم شغل في مصر اما صفوا وبيطلعوا من مصر او بيبحثوا عن طريق الخروج؛ واعرف كمان أصدقاء علي اعلي مستوي علمي ومهني بدأوا يسيبوا البلد ودي كارثة وهي تفريغ مصر من الكفاءات.
*️⃣ فلما تلاقي المصري مش مطمن لمستقبله؛ عاوز الاجنبي يطمن وييجي لك؟ لازم تطمن المصري الاول؛ لاااازم والا المستقبل في خطر...
ربنا يستر وتكمل على خير؛ لان اللي اعرفه ان في مئات الاشخاص اللي عندهم شغل في مصر اما صفوا وبيطلعوا من مصر او بيبحثوا عن طريق الخروج؛ واعرف كمان أصدقاء علي اعلي مستوي علمي ومهني بدأوا يسيبوا البلد ودي كارثة وهي تفريغ مصر من الكفاءات.
Please open Telegram to view this post
VIEW IN TELEGRAM
👍4👏2❤1
عاوز أحكي لكم قصة قصيرة عن أحد المنتجات في شغلي يعرفكم ايه اللي بيحصل في السوق
منتج بشتريه بشكل رسمي من الوكيل بتاعه:
*️⃣شهر اغسطس 2021 اشتريته ب 150 جنية
*️⃣ يناير 2022 اشتريته ب 190 جنية
*️⃣ ابريل 2022 اشتريته ب 225 جنية
*️⃣ نوفمبر 2022 اشتريته ب 350 جنية
*️⃣ إمبارح 6 ديسمبر 2022 اتبعت لي الليسته الجديدة ب 475 جنية
قصة قصيرة حزينة تعرفكم اللي بيحصل وتوضح لكم ليه أنا مكتئب زي ما بيوضح في البوستات
وعامة لغاية ما دور الاكتئاب الحالي يخلص؛ أنا هتوقف عن كتابة اي بوستات؛ مساهمة مني في منع نشر الكآبة
أشوفكم علي خير إن شاء الله
منتج بشتريه بشكل رسمي من الوكيل بتاعه:
*️⃣شهر اغسطس 2021 اشتريته ب 150 جنية
*️⃣ يناير 2022 اشتريته ب 190 جنية
*️⃣ ابريل 2022 اشتريته ب 225 جنية
*️⃣ نوفمبر 2022 اشتريته ب 350 جنية
*️⃣ إمبارح 6 ديسمبر 2022 اتبعت لي الليسته الجديدة ب 475 جنية
قصة قصيرة حزينة تعرفكم اللي بيحصل وتوضح لكم ليه أنا مكتئب زي ما بيوضح في البوستات
وعامة لغاية ما دور الاكتئاب الحالي يخلص؛ أنا هتوقف عن كتابة اي بوستات؛ مساهمة مني في منع نشر الكآبة
أشوفكم علي خير إن شاء الله
👍5😢2
بمناسبة ال 83 نشاط اللي عاوزين موافقة أمنية؛ في بعض الدول بره بتعمل طريقة للموازنة بين تحكم الدولة وسرعة الاقتصاد... يعني الدول مش عاوزة سلطة هي أي حد يعمل أي حاجة؛ شركة بقي أو محل أو حتى مظاهرة... لكن في نفس الوقت عاوزة متخليش البيروقراطية الحكومية توقف حياة الشعب... فعملوا اختراع ظريف اسمه الإخطار.
*️⃣ يعني مثلاً بتأسس شركة ومن ضمن الخطوات عمل (معاينة) لمقر الشركة... تقعد ب الأسابيع بقي منتظر الموضوع دا أو تمشيه بطريقة كل سنة وانتا طيب... لا الموضوع يكون غير كده خالص ويكون إخطار.
*️⃣ الجهة X مفروض توافق أو ترفض؛ يعني الضرايب او التأمينات أو جهة أمنية... خلاص انتا بتعمل كل الإجراءات وبعدين بتعمل إخطار للجهة المختصة؛ وهنا الجهة المختصة بيكون قدامها مدة زمنية ليكن 30 يوم... لو معملتش المعاينة فتلقائي الشركة دي أخدت الموافقة.
*️⃣ وبكده ضربت كل العصافير بحجر؛ من ناحية الشركات متقعدش شهور انتظار تحت رحمة موظف بيروقراطي حكومي... ومن ناحية ثانية الموظف يكون عارف انه لما ينام في شغله؛ الشركات هتاخد موافقات وتشتغل؛ والمديرين بتوع كل موظف هيعرفوا نسبة الاخطارات اللي وصلت له وكام % بيتعمل عشان المهلة خلصت.. يعني KPI عالسريع كده.
*️⃣ طبعاً لو بتفكر في نقطة إن الموظف الحكومي دا يروح عامل رفض بدون معاينات فهنا كل سنة وهو طيب؛ المعاينة لازم توقيع الطرف الثاني ببدايتها؛ يعني لما ينزل بيجيب ورقة انه هيبدأ معاينة؛ امضي يا استاذ ابراهيم يا صاحب الشركة او من ينوب عنك بإننا هنبدأ المعاينة؛ وقبل عشان ميتحولش الموضوع عكسي وابتزاز من صاحب الشأن بإنه مش هيمضي علي محضر معاينة رفض.
*️⃣ بس وبعد ما يخلص يرفض او يقبل؛ وبكده ميقدرش يقعد في مكتبة ويكتب رفض رفض لانه محتاج اصحاب الشأن يكونوا معاه وهو قاعد يرفض ورقهم.
*️⃣ بس يا سيدي؛ فكرة بسيطة تخليك تقدر تراقب وتتحكم بالاقتصاد برضك؛ لكن مع وضع قيود متخليش التحكم يوصلك لوفاة الإقتصاد عبر ترك الملفات بالشهور والسنين بانتظار موافقات... لا خالص كل خطوة ليها حد اقصي زمني بمجرد يخلص يبقي اتوافق عليها تلقائياً ويتحمل الموظف الحكومي أي مسئولية قانونية تنتج عن الموافقات التلقائية.
⬅️⬅️ عارف هتقولوا رجعت خلاص تكتب؛ صراحة لا لسه نفسياً مش مؤهل للكتابات الطويلة المنتظمة؛ بس أنا بحب الكتابة؛ حتي اصحابي المقربين عارفين إني حلمي ييجي يوم اعتزل فيه الشغل ويبقي الكتابة شغلي؛ بس يكون معايا وقتها ما يكفيني باقي حياتي لاني مش عاوز امتهن الكتابة فييجي وقت اضطر لكتابة ما لا اقبله مقابل المال؛ وابقي مصطفي بكري كده... فالبوست دا صغير كده عالسريع بمناسبة خبر الموافقات الأمنية عالمحلات بما فيهم الحمامات ومحلات الجزم والعصير ومكتبات الأقلام والمسطرة والكراريس ومحلات الحلاقة والبيوتي سنتر.
⬅️⬅️ عارف هتقولوا رجعت خلاص تكتب؛ صراحة لا لسه نفسياً مش مؤهل للكتابات الطويلة المنتظمة؛ بس أنا بحب الكتابة؛ حتي اصحابي المقربين عارفين إني حلمي ييجي يوم اعتزل فيه الشغل ويبقي الكتابة شغلي؛ بس يكون معايا وقتها ما يكفيني باقي حياتي لاني مش عاوز امتهن الكتابة فييجي وقت اضطر لكتابة ما لا اقبله مقابل المال؛ وابقي مصطفي بكري كده... فالبوست دا صغير كده عالسريع بمناسبة خبر الموافقات الأمنية عالمحلات بما فيهم الحمامات ومحلات الجزم والعصير ومكتبات الأقلام والمسطرة والكراريس ومحلات الحلاقة والبيوتي سنتر.
Please open Telegram to view this post
VIEW IN TELEGRAM
👍5👏1
أتمني تكون الحكومة بتجمع موارد دولارية تخش معركة التعويم الحر اللي الصندوق طلبه... يعني مفروض زي سيناريو 2003 اللي وقتها ارتفع من 3.7 في 2003 الي 6.2 جنية في 2004 لكن فاروق العقدة كان برنس وعرف يسيطر عليه ومن 2005 فضل ينزل وعلي 2007 و 2008 كان الدولار في كل مكان؛ تروح اي بنك تقوله عاوز 1000 دولار يديك بدون ذكر سبب.
*️⃣ فيا تري هنعرف نعملها ثاني؟ يا رب ننجح لإن بصراحة الوضع الحالي مؤسف.
*️⃣ وضع الاقتصاد المصري حالياً محتاج تعامل بالشوكة والسكينة بل بالملقاط؛ واحنا بنحب نتعامل بالمغرفة بتاعة الأكل... فأتمني نسيب شغل الحلل ونمسك الجراحة عشان نظبط الدولار.
*️⃣ فسواء بتأيد أو تختلف مع البنك المركزي لكن مش في مصلحة أي حد عايش في مصر استمرار الوضع الحالي والارتفاعات الجنونية دي.
*️⃣ فسواء بتأيد أو تختلف مع البنك المركزي لكن مش في مصلحة أي حد عايش في مصر استمرار الوضع الحالي والارتفاعات الجنونية دي.
Please open Telegram to view this post
VIEW IN TELEGRAM
👍3❤1
صباح الخير
البنوك اليومين اللي فاتوا عملت مجزرة في ليميت الكروت والرسوم
*️⃣ البنك الأهلي خلي رسوم استخدام الفيزا 10% يعني هتشتري بيه هتلاقي الدولار محسوب عليك فوق ال 27 جنية.
*️⃣ بنك اسكندرية خلي الرسوم 6% وسحق المشتريات والسحب ل 5 الاف جنية شهرياً في معظم الكروت.
*️⃣ بنك HSBC خلي الرسوم 6% ونزل الليميت ل 1500 دولار سحب لكل كروت العميل معاً. والمشتريات متوسط 25 الف. وقبل ما تقول حلو دا؛ البنك دا مش لأي حد؛ وكان بيدي العملاء بتوعه سحب 10 الاف دولار وقللهم في اكتوبر ل 5 ثم في نوفمبر ل 3 ثم قلوا ل 1.5.
*️⃣ بنك CIB الفيسبوك شاف القيود بتاعته بل بعت رسالة قال انه هيقيد بعض عمليات الشراء؛ يعني ممكن عملية شراء والليميت يسمح لكن البنك مش هيسمح.
*️⃣ بنك QNB خلي رسوم 6% ونزل الليميت لدرجة كروت الحسابات بتسحب 4 الاف جنية شهري عدا البلاتينوم والانفينت بيسحبوا 16 الف جنية شهري. والمشتريات الليميت بتاعها احسن شوية.
*️⃣ والكروت الغير بنكية زي تيلدا قلل الليميت تاني فبقي 2500 جنية وبرضك الرسوم 6%
*️⃣ المشكلة هتكون بشكل أساسي عند المصريين اللي مش بيحبوا الكريديت كارد اما بيخاف منها أو رافضها شرعياً... دا حرفياً مش هيعرف يسافر ولا يعمل شوبنج أونلاين. بل وبدأت البنوك تخنق علي مستوي عملاء عالي اللي هو البلاتنوم يعني تلاقي في بنك اسكندرية ل 7500 جنية مشتريات شهرية لكارت الحساب البلاتنيوم اللي هو مبلغ متقدرش تشتري تذكرة طيران بيه.
*️⃣ هي القيود هدفها تحجيم سحب الدولار سواء للمشتريات أو السحب النقدي أو أي كان السبب؛ لإنك لو مسافر وروحت البنك؛ يقدر البنك يقولك خد 200 دولار مشي حالك او يقولك مفيش؛ لكن مش هيقدر البنك لو انتا بتدفع بالكارت بتاعك معاملة في ايطاليا مثلاً وتمت إنه يقول للبنك الايطالي سوري مش هديلك الفلوس أصل مش معايا... هيدفع هيدفع.
*️⃣ القيود أقل شوية عالكريديت كارد من منطلق إن أكثر من 95% من الشعب مش معاه كريديت كارد لكن نص الشعب معاه كارت حساب.
*️⃣ هتبقي مشكلة كبيرة قوي للناس اللي شغالة اعلانات فيسبوك أو أي حاجة عالانترنت؛ وبلاش عشان خاطري تفكير مهو بيعمل اعلان بالجنية المصري؛ ايوا بالجنية لكن السحب من بره مصر فبتتحسب برضك كإنه دولار وبينزل عليها ماركب اب (عمولة) وكله..
*️⃣ الحل الوحيد انك تكون من الصفوة ال 0.1% من الشعب اللي معاه كروت فيزا انفينيت وسينجتشر او ماستر كارد وورلد و وورلد ايليت او بالانجليزي infinite و signature و World Elite بس دول صفوة الصفوة وأصلاً الفئة دي كلهم معاه دولار كبير.
⬅️⬅️ تفتكروا النهاردة اجتماع السياسة النقدية للبنك المركزي هيطلع منه قرار ايه بخلاف رفع الفايدة.
البنوك اليومين اللي فاتوا عملت مجزرة في ليميت الكروت والرسوم
⬅️⬅️ تفتكروا النهاردة اجتماع السياسة النقدية للبنك المركزي هيطلع منه قرار ايه بخلاف رفع الفايدة.
Please open Telegram to view this post
VIEW IN TELEGRAM
👍2👏1