المصادر دايماً بتكون أحسن طريقة تدلل إن كلامك صح؛ لكنها برضك أحسن طريقة لخداع القارئ
ببساطة تخيل سنة 2200 واحد بيشرح لآخرين زمنا فقالهم حصل كذا وكذا وكذا
والمصادر كتاب كذا لمصطفي بكري وكتاب كذا لاحمد موسي وكتاب كذا لتوفيق عكاشة
الناس زمانها مش عارفين مين دول لكنهم معاصرين للأحداث فيصدقوا
دي بقي أشهر خدعة للكذب والتدليس؛ ييجي يقولك حاجة وتستغربها فيقولك المصدر كتاب كذا للكاتب فلان بن فلان بن فلان
فهنا تحس بقوة كلامه ومصداقيته؛ مع ان فلان بن فلان دا كان مصطفى بكري زمنه
خدوا بالكم من الخدعة دي لما تقرأوا التاريخ
ولما أرجع اكتب بوستات طويلة هعمل ان شاء الله بوست ضخم ازاي تخدع القارئ سواء بوست اقتصادي أو سياسي أو تاريخي وطبعاً ديني؛ بحيث تعرفوا اشهر الحيل؛ يمكن أنا مرة أغلط واستخدموا فتاخدوا بالكم وتحدفوني بالطوب 😔😔
ببساطة تخيل سنة 2200 واحد بيشرح لآخرين زمنا فقالهم حصل كذا وكذا وكذا
والمصادر كتاب كذا لمصطفي بكري وكتاب كذا لاحمد موسي وكتاب كذا لتوفيق عكاشة
الناس زمانها مش عارفين مين دول لكنهم معاصرين للأحداث فيصدقوا
دي بقي أشهر خدعة للكذب والتدليس؛ ييجي يقولك حاجة وتستغربها فيقولك المصدر كتاب كذا للكاتب فلان بن فلان بن فلان
فهنا تحس بقوة كلامه ومصداقيته؛ مع ان فلان بن فلان دا كان مصطفى بكري زمنه
خدوا بالكم من الخدعة دي لما تقرأوا التاريخ
ولما أرجع اكتب بوستات طويلة هعمل ان شاء الله بوست ضخم ازاي تخدع القارئ سواء بوست اقتصادي أو سياسي أو تاريخي وطبعاً ديني؛ بحيث تعرفوا اشهر الحيل؛ يمكن أنا مرة أغلط واستخدموا فتاخدوا بالكم وتحدفوني بالطوب 😔😔
❤4👍1🥰1
مصر 🇪🇬 أعلنت فشل الجولة مش فاكر رقم كام في مفاوضات سد النهضة ولذا قررنا نقل الملف لمجلس الأمن والشكوى هناك ويا رب نعرف نلحق ناخد قرار ضدهم عشان فاضل 10 أيام علي بداية ملئ خزان السد 🥤.
المهم السؤال المعتاد هو إحنا هنضرب السد🤔؟
لو الهدف الرد العسكري فأنا واثق في قدرة الجيش بتاعنا علي ضرب السد خاصة مع تسليحنا المرتفع مؤخراً (رقم 3 في واردات السلاح عالمياً) لكن مش معنى القدرة إن يبقي في إمكانية لان في فارق بين Ability و Capability.
⛔ لان عشان دولة تاخد إجراء عسكري ⚔ فلازم حسابات كثير؛ والكام سطر القادمين هشرح شوية حسابات وأكيد في تفاصيل أكبر إحنا منعرفش عنها حاجة؛. بس هدفي من الشرح نبص لل Big Picture وخاصة إن العقلية المصرية التقليدية بتبص لدولة أفريقيا إنهم شوية ناس بدائيين ملهمش في حاجة وإننا متفوقين في كله
ف خد فكرة عن تعقيدات الوضع في أثيوبيا وعلاقتها الدولية
*️⃣*️⃣دول مؤثرة*️⃣*️⃣
*️⃣ الصين 🇨🇳 : أكبر شريك تجاري لأثيوبيا 🇪🇹 ويقال إنها مقرضه إثيوبيا 🇪🇹 16 مليار دولار وكذلك هي ممول خط السكك الحديد الأثيوبية الجاري تطويره وكذلك شبكة الطرق؛ مولدات الكهرباء الخاصة بسد النهضة من الصين؛ وتعتبر أثيوبيا رجل الصين في شرق القارة ضمن مشروع (الحزام والطريق) الصيني الشهير.
*️⃣ أمريكا 🇺🇸 : حطيت أمريكا بعد الصين 🇨🇳 لسبب رئيسي وهو إنك تعرف نفوذ الصين فين؛ وتعرف إن أمريكا 🇺🇸 مش هتسيب الصين تلعب في منطقة؛ حالياً أمريكا بتزود التقارب مع إثيوبيا 🇪🇹 عبر تمويلها من المؤسسات الدولية (هقولها تحت)؛ وبالمناسبة أمريكا هي صاحبة فكرة سد النهضة من الخمسينات. وأثيوبيا 🇪🇹 تعد أكبر متلقي للمساعدات الاقتصادية من أمريكا في القارة الأفريقية ورقم 3 في العالم بعد أفغانستان 🇦🇫 والعراق 🇮🇶.
*️⃣ إيطاليا 🇮🇹 : المحتل السابق لأثيوبيا أثيوبيا 🇪🇹 وأحد أكبر 5 شركاء اقتصاديين لها خلال آخر ربع قرن؛ وأثيوبيا تضم أكبر عدد مدارس ومعاهد ايطاليه في قارة أفريقيا. وشركة ساليني الايطاليه هي مصمم ومهندس ومقاول السد الرئيسي.
*️⃣ فرنسا 🇫🇷 : مكانتش العلاقات قوية قوي لغاية وصول آبي أحمد للحكم؛ لكن في 2018 زار آبي فرنسا ثم رد له ماكرون الزيارة في 2019 ووقعوا سلسلة اتفاقيات اقتصادية وعسكرية ومنحت فرنسا إثيوبيا 🇪🇹 100 مليو يورو؛ وبالمناسبة أثيوبيا الحبيسة (بدون بحر) طلبت من فرنسا 🇫🇷 بناء اسطول بحري ليها وآه زي ما قريت؛ يبقي أثيوبيا عاوزة أسطول يقعد في جيرانها الساحليين (الصومال وأريتريا وجيبوتي) اللي هما حاليا في حلف الصين وبتعمل لهم مواني (الصين بتبني أول قاعدة عسكرية بحرية ليها في جيبوتي 2017 وهدفها حماية السفن اللي هتجيب البضايع اللي تتنقل بخطوط السكة الحديد اللي فوق قولت لكم ادت اثيوبيا قروض عشان تعملها ؛ اربطوا المواضيع ببعض وشوفوا الصورة الكبيرة؛ اه في صحيح جارة رابعة بحرية لأثيوبيا وهي كينيا 🇰🇪 اللي في اشاعات ان الصين اخدت ميناء مومباسا بسبب عجز كينيا عن سداد القروض ). بالمناسبة في شركات فرنسية مساهمة في بناء السد
(((شكلي هكتب لكم مقال عن الصين بتعمل ايه في القارة السمراء بتاعتنا)))
*️⃣ إسرائيل 🏴☠️ : العلاقات الإثيوبية الإسرائيلية قوية جدا؛ ففي البداية يهود الفلاشا هم يهود أثيوبيا وفي حاليا 140 ألف منهم بقوا مواطنين (درجة ثانية وفي تمييز عنصري ضدهم) في اسرائيل وفي مشروع قرار صدر في اسرائيل 2003 لنقل كل يهود اثيوبيا الباقيين ؛ وضيف معاهم مساعدة اسرائيل العسكرية ليهم في حربهم ضد إريتريا 🇪🇷 ويقال في فرق من الجيش الاثيوبي اسرائيل هي اللي اسستها ؛ وكمان هي اللي حدثت لهم طائرات سلاح الجو القديم بتاعهم ؛ وخلال آخر سنتين زار نتنياهوو أثيوبيا والعكس وقيل إن هناك دفاع جوي اسرائيلي حول السد لكن اسرائيل نفت الكلام دا؛ ضيف مع ما سبق كمااان العلاقات التجارية وتعاونهم في مشاريع المياة والري ومذكرة التعاون اللي مضوها في 2016 وغيرها... أثيوبيا معروفة بإسم بوابة اسرائيل لقارة أفريقيا.
*️⃣*️⃣*️⃣ مؤسسات دولية *️⃣*️⃣*️⃣
*️⃣ ديسمير 2019 صندوق النقد الدولي يقرض اثيوبيا 2.9 مليار دولار
*️⃣ ديسمير 2019 البنك الدولي يقرض أثيوبيا 3 مليار دولار
*️⃣ ديسمير 2019 مجموعة (شركاء تنمويين غير معلنين) تقرض أثيوبيا 3 مليار دولار
*️⃣ حاجة ثانوية فأبي أحمد واخد نوبل للسلام فدا بيدي وهم كاذب في الرأي العام العالمي عن مصداقيته.
*️⃣*️⃣*️⃣*️⃣ دول إقليميه *️⃣*️⃣*️⃣*️⃣
*️⃣ السودان : أثيوبيا هي اللي عرفت تعمل وساطة والوصول لشكل نظام الحكم الحالي في السودان.
*️⃣ الاتحاد الافريقي : مقر الاتحاد الافريقي في أثيوبيا.
*️⃣ الإمارات 🇦🇪 والسعودية 🇸🇦 : فاكرين فوق القروض بتاعة النقد والبنك الدولي والشركاء ؛ المبالغ دي أعلن عنها آبي أحمد يوم 13 ديسمبر 2019 علي حسابه في تويتر؛ وفي نفس التغريدة قال ونشكر السعودية 🇸🇦 والإمارات علي دعمهم أو بصوا دا نص كلامه كوبي بيست
المهم السؤال المعتاد هو إحنا هنضرب السد🤔؟
لو الهدف الرد العسكري فأنا واثق في قدرة الجيش بتاعنا علي ضرب السد خاصة مع تسليحنا المرتفع مؤخراً (رقم 3 في واردات السلاح عالمياً) لكن مش معنى القدرة إن يبقي في إمكانية لان في فارق بين Ability و Capability.
⛔ لان عشان دولة تاخد إجراء عسكري ⚔ فلازم حسابات كثير؛ والكام سطر القادمين هشرح شوية حسابات وأكيد في تفاصيل أكبر إحنا منعرفش عنها حاجة؛. بس هدفي من الشرح نبص لل Big Picture وخاصة إن العقلية المصرية التقليدية بتبص لدولة أفريقيا إنهم شوية ناس بدائيين ملهمش في حاجة وإننا متفوقين في كله
ف خد فكرة عن تعقيدات الوضع في أثيوبيا وعلاقتها الدولية
*️⃣*️⃣دول مؤثرة*️⃣*️⃣
*️⃣ الصين 🇨🇳 : أكبر شريك تجاري لأثيوبيا 🇪🇹 ويقال إنها مقرضه إثيوبيا 🇪🇹 16 مليار دولار وكذلك هي ممول خط السكك الحديد الأثيوبية الجاري تطويره وكذلك شبكة الطرق؛ مولدات الكهرباء الخاصة بسد النهضة من الصين؛ وتعتبر أثيوبيا رجل الصين في شرق القارة ضمن مشروع (الحزام والطريق) الصيني الشهير.
*️⃣ أمريكا 🇺🇸 : حطيت أمريكا بعد الصين 🇨🇳 لسبب رئيسي وهو إنك تعرف نفوذ الصين فين؛ وتعرف إن أمريكا 🇺🇸 مش هتسيب الصين تلعب في منطقة؛ حالياً أمريكا بتزود التقارب مع إثيوبيا 🇪🇹 عبر تمويلها من المؤسسات الدولية (هقولها تحت)؛ وبالمناسبة أمريكا هي صاحبة فكرة سد النهضة من الخمسينات. وأثيوبيا 🇪🇹 تعد أكبر متلقي للمساعدات الاقتصادية من أمريكا في القارة الأفريقية ورقم 3 في العالم بعد أفغانستان 🇦🇫 والعراق 🇮🇶.
*️⃣ إيطاليا 🇮🇹 : المحتل السابق لأثيوبيا أثيوبيا 🇪🇹 وأحد أكبر 5 شركاء اقتصاديين لها خلال آخر ربع قرن؛ وأثيوبيا تضم أكبر عدد مدارس ومعاهد ايطاليه في قارة أفريقيا. وشركة ساليني الايطاليه هي مصمم ومهندس ومقاول السد الرئيسي.
*️⃣ فرنسا 🇫🇷 : مكانتش العلاقات قوية قوي لغاية وصول آبي أحمد للحكم؛ لكن في 2018 زار آبي فرنسا ثم رد له ماكرون الزيارة في 2019 ووقعوا سلسلة اتفاقيات اقتصادية وعسكرية ومنحت فرنسا إثيوبيا 🇪🇹 100 مليو يورو؛ وبالمناسبة أثيوبيا الحبيسة (بدون بحر) طلبت من فرنسا 🇫🇷 بناء اسطول بحري ليها وآه زي ما قريت؛ يبقي أثيوبيا عاوزة أسطول يقعد في جيرانها الساحليين (الصومال وأريتريا وجيبوتي) اللي هما حاليا في حلف الصين وبتعمل لهم مواني (الصين بتبني أول قاعدة عسكرية بحرية ليها في جيبوتي 2017 وهدفها حماية السفن اللي هتجيب البضايع اللي تتنقل بخطوط السكة الحديد اللي فوق قولت لكم ادت اثيوبيا قروض عشان تعملها ؛ اربطوا المواضيع ببعض وشوفوا الصورة الكبيرة؛ اه في صحيح جارة رابعة بحرية لأثيوبيا وهي كينيا 🇰🇪 اللي في اشاعات ان الصين اخدت ميناء مومباسا بسبب عجز كينيا عن سداد القروض ). بالمناسبة في شركات فرنسية مساهمة في بناء السد
(((شكلي هكتب لكم مقال عن الصين بتعمل ايه في القارة السمراء بتاعتنا)))
*️⃣ إسرائيل 🏴☠️ : العلاقات الإثيوبية الإسرائيلية قوية جدا؛ ففي البداية يهود الفلاشا هم يهود أثيوبيا وفي حاليا 140 ألف منهم بقوا مواطنين (درجة ثانية وفي تمييز عنصري ضدهم) في اسرائيل وفي مشروع قرار صدر في اسرائيل 2003 لنقل كل يهود اثيوبيا الباقيين ؛ وضيف معاهم مساعدة اسرائيل العسكرية ليهم في حربهم ضد إريتريا 🇪🇷 ويقال في فرق من الجيش الاثيوبي اسرائيل هي اللي اسستها ؛ وكمان هي اللي حدثت لهم طائرات سلاح الجو القديم بتاعهم ؛ وخلال آخر سنتين زار نتنياهوو أثيوبيا والعكس وقيل إن هناك دفاع جوي اسرائيلي حول السد لكن اسرائيل نفت الكلام دا؛ ضيف مع ما سبق كمااان العلاقات التجارية وتعاونهم في مشاريع المياة والري ومذكرة التعاون اللي مضوها في 2016 وغيرها... أثيوبيا معروفة بإسم بوابة اسرائيل لقارة أفريقيا.
*️⃣*️⃣*️⃣ مؤسسات دولية *️⃣*️⃣*️⃣
*️⃣ ديسمير 2019 صندوق النقد الدولي يقرض اثيوبيا 2.9 مليار دولار
*️⃣ ديسمير 2019 البنك الدولي يقرض أثيوبيا 3 مليار دولار
*️⃣ ديسمير 2019 مجموعة (شركاء تنمويين غير معلنين) تقرض أثيوبيا 3 مليار دولار
*️⃣ حاجة ثانوية فأبي أحمد واخد نوبل للسلام فدا بيدي وهم كاذب في الرأي العام العالمي عن مصداقيته.
*️⃣*️⃣*️⃣*️⃣ دول إقليميه *️⃣*️⃣*️⃣*️⃣
*️⃣ السودان : أثيوبيا هي اللي عرفت تعمل وساطة والوصول لشكل نظام الحكم الحالي في السودان.
*️⃣ الاتحاد الافريقي : مقر الاتحاد الافريقي في أثيوبيا.
*️⃣ الإمارات 🇦🇪 والسعودية 🇸🇦 : فاكرين فوق القروض بتاعة النقد والبنك الدولي والشركاء ؛ المبالغ دي أعلن عنها آبي أحمد يوم 13 ديسمبر 2019 علي حسابه في تويتر؛ وفي نفس التغريدة قال ونشكر السعودية 🇸🇦 والإمارات علي دعمهم أو بصوا دا نص كلامه كوبي بيست
❤3
نص التويته يوم 13 ديسمبر 2019
The support is focused on the three pillars: Macro-economic, Structural & Sectoral reforms. The pledge does not include additional reform financing from the World Bank ($3 billion) and from IMF ($2.9 billion). The UAE and Saudi Arabia’s support is also greatly appreciated. 2/2
مش هطول عليكم لكن عاوزكم تفكروا كده؛ لو ضربنا السد؛ الاقتصاد الإثيوبي هيتدمر؛ استثمارات الجماعة اللي فوق دول هتبوظ؛ فهل هيسمحوا لنا؟
*️⃣ أثيوبيا لعبت لعبة صايعه؛ عملت شبكة علاقات دولية مع نفس أصدقائنا؛ ودا سلاح ذو حدين؛ لانك برضك ممكن تطبق شغل العيال وتقول لأصدقاءك يا أنا يا إثيوبيا 🇪🇹 بس هل هنقدر؟ 🤔
ربنا يستر ويا رب ننجح في مجلس الأمن 🇺🇳 ونعرف نطلع قرار أممي بإدانة إثيوبيا 🇪🇹 مع إن شبكة علاقاتها دي إما هتعطل القرار أو هتطلع القرار وترمية في الزبالة 😔 ؛ بس ممكن يكون احنا عاوزين كده يعني قرار يترمي عشان تقول خلاص عملنا اللي علينا فخلاص نضرب؛ عارف إن دا خيال بس ارجوكم سبوني أحلم خاصة ان شكوتنا لمجلس الامن بنطالبه يجبر أثيوبيا تقعد تتفاوض معانا.
ربنا يستر علينا وربنا يكرم الحكومة وتنجح عشان المرة دي مش هنعرف نحاسب عالمشاريب عشان المشاريب محتاجة ماية 😔.
The support is focused on the three pillars: Macro-economic, Structural & Sectoral reforms. The pledge does not include additional reform financing from the World Bank ($3 billion) and from IMF ($2.9 billion). The UAE and Saudi Arabia’s support is also greatly appreciated. 2/2
مش هطول عليكم لكن عاوزكم تفكروا كده؛ لو ضربنا السد؛ الاقتصاد الإثيوبي هيتدمر؛ استثمارات الجماعة اللي فوق دول هتبوظ؛ فهل هيسمحوا لنا؟
*️⃣ أثيوبيا لعبت لعبة صايعه؛ عملت شبكة علاقات دولية مع نفس أصدقائنا؛ ودا سلاح ذو حدين؛ لانك برضك ممكن تطبق شغل العيال وتقول لأصدقاءك يا أنا يا إثيوبيا 🇪🇹 بس هل هنقدر؟ 🤔
ربنا يستر ويا رب ننجح في مجلس الأمن 🇺🇳 ونعرف نطلع قرار أممي بإدانة إثيوبيا 🇪🇹 مع إن شبكة علاقاتها دي إما هتعطل القرار أو هتطلع القرار وترمية في الزبالة 😔 ؛ بس ممكن يكون احنا عاوزين كده يعني قرار يترمي عشان تقول خلاص عملنا اللي علينا فخلاص نضرب؛ عارف إن دا خيال بس ارجوكم سبوني أحلم خاصة ان شكوتنا لمجلس الامن بنطالبه يجبر أثيوبيا تقعد تتفاوض معانا.
ربنا يستر علينا وربنا يكرم الحكومة وتنجح عشان المرة دي مش هنعرف نحاسب عالمشاريب عشان المشاريب محتاجة ماية 😔.
❤3
تحديث : دا نص شكوي مصر لمجلس الأمن وفيه بنطالب المجلس يجبر اثيوبيا تقعد تتفاوض معانا.
أعلنت جمهورية مصر العربية اليوم الجمعة الموافق ١٩ يونيو ٢٠٢٠ أنها تقدمت بطلب إلى مجلس الأمن بالأمم المتحدة حول سد النهضة الأثيوبي تدعو فيه المجلس إلى التدخل من أجل تأكيد أهمية مواصلة الدول الثلاث مصر وأثيوبيا والسودان التفاوض بحسن نية تنفيذاً لالتزاماتها وفق قواعد القانون الدولي من أجل التوصل إلى حل عادل ومتوازن لقضية سد النهضة الإثيوبي، وعدم اتخاذ أية إجراءات أحادية قد يكون من شأنها التأثير على فرص التوصل إلى اتفاق. وقد استند خطاب مصر إلى مجلس الأمن إلى المادة ٣٥ من ميثاق الأمم المتحدة التي تجيز للدول الأعضاء أن تنبه المجلس إلى أي أزمة من شأنها أن تهدد الأمن والسلم الدوليين.
- - -
أعلنت جمهورية مصر العربية اليوم الجمعة الموافق ١٩ يونيو ٢٠٢٠ أنها تقدمت بطلب إلى مجلس الأمن بالأمم المتحدة حول سد النهضة الأثيوبي تدعو فيه المجلس إلى التدخل من أجل تأكيد أهمية مواصلة الدول الثلاث مصر وأثيوبيا والسودان التفاوض بحسن نية تنفيذاً لالتزاماتها وفق قواعد القانون الدولي من أجل التوصل إلى حل عادل ومتوازن لقضية سد النهضة الإثيوبي، وعدم اتخاذ أية إجراءات أحادية قد يكون من شأنها التأثير على فرص التوصل إلى اتفاق. وقد استند خطاب مصر إلى مجلس الأمن إلى المادة ٣٥ من ميثاق الأمم المتحدة التي تجيز للدول الأعضاء أن تنبه المجلس إلى أي أزمة من شأنها أن تهدد الأمن والسلم الدوليين.
- - -
❤2
بين أبل والأندرويد
بالرغم من إني في إجازة شبه مرضية راحه من الكتابة لكن ساعات بيحصل أحداث مستفزة ليا كده فبضطر أرجع شوية أكتب.
اللي متابعني جديد فأنا آه حالياً شغلي الأساسي هو البيزنس بتاعي دكان تك- DokkanTech لكن قبلها كان شغلي الأساسي الكتابة في مجال الآي فون من سنة 2011. فبحكم العادة لازم أكتب بقى.
1️⃣ أبل بتقلد الأندرويد ولا هما الإثنين بيقلدوا السيديا؟
أبل أعلنت إمبارح عن دستة مزايا موجودة بالفعل في الأندرويد؛ لكني بفضل دائماً أقول إن أبل والأندرويد بيقلدوا السيديا... للي ميعرفش فأبل لما نزلت الآي فون في 2007 مكانش في متجر برامج؛ فجه واحد اسمه جاي فريمان عمل ستور اسمه السيديا وظهر عالم الجيلبريك.. السيديا كانت وظيفته إن البرامج اللي أبل مش سامحه بيها هو يخلي المبرمجين ينزلوها عالآي فون.
*️⃣ إمبارح أبل خلت المكالمات تظهر فوق بدون ملئ الشاشة عشان متقاطعكش... الكل قال دا تقليد للأندرويد لإنها في الأندرويد من إصدار 7 سنة 2016 بل وقبلها بسنتين أظن في "روم" كانت منزلاها. طيب ايه رأيكم إن الميزة دي أنا كنت بنزلها في 2010 عالآي فون 3G بتاعي وقتها من السيديا... يعني شركات الأندرويد نسختها في 2014 ثم جوجل حطتها رسمي 2016 وجت أبل حطتها في 2020... وبقت أبل واخداها من الأندرويد... الإثنين أصلاً واخدينها من السيديا.
*️⃣ نسيبنا من المزايا الجديدة ونروح لميزة قديمة.. مركز التحكم CC أو Control Center ودا اللي منه تشغل الواي فاي والبلوتوث وكده... دي أبل ضافتها في iOS 7 في 2013 في حين الميزة موجودة بالأندرويد من أندرويد 2.2 في 2010... الميزة دي أصلاً من 2008 في السيديا تحت اسم Sbsettings نزلت النسخة الأولى النهائية في 2008 والنسخ التجريبية نزلت قبل ما يبقى في موبايل الناس بتشتريه اسمه أندرويد أصلاً... راحت جوجل نسختها في 2010 وحطتها في الأندرويد وجت أبل نسختها في 2013 فاتقال إنها بتسرق من الأندرويد.
طيب السيديا فين يا جدعان؟ 🤔 🤔 يعني لو مشينا باللغة الشعبي... حرامي سرق من حرامي. هل ينفع الحرامي الثاني يقول للأولاني دي بتاعتي إنتا سارقها مني؟ الوحيد اللي ليه الحق هو صاحب المنتج الأصلي هو اللي يقول غير كده "يا عزيزي كلنا لصوص".
الناس الجديدة في عالم التقنية مش هتكون فاكرة كلامي بس اللي استخدم الآي فون في فترات 2008-2011 فاكر كويس السيديا وهيلاقي لغاية النهاردة مزايا أبل وجوجل بينزلوها كانت أدوات عندهم زمان... هو طبعاً اتحسنت تصميم وكفاءة دا فارق 10 سنين لكن تظل فكرة من السيديا أصلاً.
----------
2️⃣ أبل لسه هى Market Leader
أهو شوفتم الضجة عالنت وبوستات الترقية دي بتقول إن لسه عالم السمارت فون أبل هى لا تزال الماركت ليدر... الماركت ليدر هو الشخص اللي السوق كله مركز معاه وبيشوف ايه الجديد عنده سواء لتقليده أو السخرية منه ومحاولة تسويق نفسه إنه كان عنده المنتج قبله... اللي عنده بيزنس فاهم قصدي كويس واللي ملوش في البيزنس بص يا سيدي:
*️⃣ من أسبوع جوجل أعلنت رسمي عن النسخة التجريبية من أندرويد 11؛ تعرف ايه عنه؟ الأستاذ اللي هناك يعرف ايه عنه؟ طيب الأنسة اللي قاعدة سمعتى أصلاً الخبر؟ طيب الحاج اللي ماسك الموبايل تقدر تقولي 3 حاجات جديدة فيه سواء بقى جديدة بجد أو منقوله من سامسونج أو حتى أي شركة ثانية... حد شاف بوستات مدح؟ طيب بوستات تريقة؟ حد يعرف أي شيء؟ حد مهتم أصلاً؟
*️⃣ طيب بلاش جوجل... شاومي بتنزل دلوقتي MIUI 12 يلا حد يعرف ايه الجديد فيه؟ طيب بلاش شاومي يا سيدي سامسونج بتنزل One UI 2.0 للتليفونات... ايه الجديد حد يعرف
وسؤالي للشخص العادي لان اللي معاه موبايل سامسونج وجاله التحديث أو منتظره فعادة ممكن يكون عارف الجديد؛ لكن اللي مش معاه سامسونج!!! محدش يعرف أو مهتم.
*️⃣ طيب خلال ال 3 شهور الماضية نزل OnePlus 8 و Mi 10 و Samsung S20 و Huawei P40... دول أكبر 4 موبايلات في عالم الأندرويد... حد شاف بوستات مدح أو بوستات ذم أو أي حد مهتم أصلاً !!! طيب نهاية شهر 9 أبل عادة هتنزل الآي فون 12 مقدماً كده من غير ما نعرف الموبايل نقدر نتحدي بعد (الرهان حرام) تحدي إننا هنشوف بوستات كثير مدح وأخرى تريقة سواء بقى من صفحات متخصصة زي صديقي Tech Comics أو أشخاص عاديين؟ هااااه؟ عرف السوق مهتم بمين بقى!!!
طيب بلاش يا سيدي
*️⃣ سنة 2019 جوجل أعلنت إنها عندها خطه تطبيق SandBox في الأندرويد من 2020 وتقريباً هتتأجل ل 2021... الآي فون و iOS من سنة 2007 شغال بمفهوم الساند بوكس... شوفت كام بوست بقى حد من Apple Fan Boy كتب في المجال دا وهو مش متخصص في التقنية؟ مجرد بوستات تريقة... خالص مفيش وغالبية مستخدمي أبل ميعرفوش أصلاً إن جوجل هتطبق الساندبوكس...
*️⃣ محدش مهتم أصلاً يعرف الجديد في الأندرويد أو سامسونج أو جوجل... الكل مهتم يعرف ايه الجديد من أبل... حتى لو الجديد طلع "قديم ومقلد" ففرصة نحاول نسوق لنفسنا إنه كان عندنا... تخيل مثلاً لو وان بلس
بالرغم من إني في إجازة شبه مرضية راحه من الكتابة لكن ساعات بيحصل أحداث مستفزة ليا كده فبضطر أرجع شوية أكتب.
اللي متابعني جديد فأنا آه حالياً شغلي الأساسي هو البيزنس بتاعي دكان تك- DokkanTech لكن قبلها كان شغلي الأساسي الكتابة في مجال الآي فون من سنة 2011. فبحكم العادة لازم أكتب بقى.
1️⃣ أبل بتقلد الأندرويد ولا هما الإثنين بيقلدوا السيديا؟
أبل أعلنت إمبارح عن دستة مزايا موجودة بالفعل في الأندرويد؛ لكني بفضل دائماً أقول إن أبل والأندرويد بيقلدوا السيديا... للي ميعرفش فأبل لما نزلت الآي فون في 2007 مكانش في متجر برامج؛ فجه واحد اسمه جاي فريمان عمل ستور اسمه السيديا وظهر عالم الجيلبريك.. السيديا كانت وظيفته إن البرامج اللي أبل مش سامحه بيها هو يخلي المبرمجين ينزلوها عالآي فون.
*️⃣ إمبارح أبل خلت المكالمات تظهر فوق بدون ملئ الشاشة عشان متقاطعكش... الكل قال دا تقليد للأندرويد لإنها في الأندرويد من إصدار 7 سنة 2016 بل وقبلها بسنتين أظن في "روم" كانت منزلاها. طيب ايه رأيكم إن الميزة دي أنا كنت بنزلها في 2010 عالآي فون 3G بتاعي وقتها من السيديا... يعني شركات الأندرويد نسختها في 2014 ثم جوجل حطتها رسمي 2016 وجت أبل حطتها في 2020... وبقت أبل واخداها من الأندرويد... الإثنين أصلاً واخدينها من السيديا.
*️⃣ نسيبنا من المزايا الجديدة ونروح لميزة قديمة.. مركز التحكم CC أو Control Center ودا اللي منه تشغل الواي فاي والبلوتوث وكده... دي أبل ضافتها في iOS 7 في 2013 في حين الميزة موجودة بالأندرويد من أندرويد 2.2 في 2010... الميزة دي أصلاً من 2008 في السيديا تحت اسم Sbsettings نزلت النسخة الأولى النهائية في 2008 والنسخ التجريبية نزلت قبل ما يبقى في موبايل الناس بتشتريه اسمه أندرويد أصلاً... راحت جوجل نسختها في 2010 وحطتها في الأندرويد وجت أبل نسختها في 2013 فاتقال إنها بتسرق من الأندرويد.
طيب السيديا فين يا جدعان؟ 🤔 🤔 يعني لو مشينا باللغة الشعبي... حرامي سرق من حرامي. هل ينفع الحرامي الثاني يقول للأولاني دي بتاعتي إنتا سارقها مني؟ الوحيد اللي ليه الحق هو صاحب المنتج الأصلي هو اللي يقول غير كده "يا عزيزي كلنا لصوص".
الناس الجديدة في عالم التقنية مش هتكون فاكرة كلامي بس اللي استخدم الآي فون في فترات 2008-2011 فاكر كويس السيديا وهيلاقي لغاية النهاردة مزايا أبل وجوجل بينزلوها كانت أدوات عندهم زمان... هو طبعاً اتحسنت تصميم وكفاءة دا فارق 10 سنين لكن تظل فكرة من السيديا أصلاً.
----------
2️⃣ أبل لسه هى Market Leader
أهو شوفتم الضجة عالنت وبوستات الترقية دي بتقول إن لسه عالم السمارت فون أبل هى لا تزال الماركت ليدر... الماركت ليدر هو الشخص اللي السوق كله مركز معاه وبيشوف ايه الجديد عنده سواء لتقليده أو السخرية منه ومحاولة تسويق نفسه إنه كان عنده المنتج قبله... اللي عنده بيزنس فاهم قصدي كويس واللي ملوش في البيزنس بص يا سيدي:
*️⃣ من أسبوع جوجل أعلنت رسمي عن النسخة التجريبية من أندرويد 11؛ تعرف ايه عنه؟ الأستاذ اللي هناك يعرف ايه عنه؟ طيب الأنسة اللي قاعدة سمعتى أصلاً الخبر؟ طيب الحاج اللي ماسك الموبايل تقدر تقولي 3 حاجات جديدة فيه سواء بقى جديدة بجد أو منقوله من سامسونج أو حتى أي شركة ثانية... حد شاف بوستات مدح؟ طيب بوستات تريقة؟ حد يعرف أي شيء؟ حد مهتم أصلاً؟
*️⃣ طيب بلاش جوجل... شاومي بتنزل دلوقتي MIUI 12 يلا حد يعرف ايه الجديد فيه؟ طيب بلاش شاومي يا سيدي سامسونج بتنزل One UI 2.0 للتليفونات... ايه الجديد حد يعرف
وسؤالي للشخص العادي لان اللي معاه موبايل سامسونج وجاله التحديث أو منتظره فعادة ممكن يكون عارف الجديد؛ لكن اللي مش معاه سامسونج!!! محدش يعرف أو مهتم.
*️⃣ طيب خلال ال 3 شهور الماضية نزل OnePlus 8 و Mi 10 و Samsung S20 و Huawei P40... دول أكبر 4 موبايلات في عالم الأندرويد... حد شاف بوستات مدح أو بوستات ذم أو أي حد مهتم أصلاً !!! طيب نهاية شهر 9 أبل عادة هتنزل الآي فون 12 مقدماً كده من غير ما نعرف الموبايل نقدر نتحدي بعد (الرهان حرام) تحدي إننا هنشوف بوستات كثير مدح وأخرى تريقة سواء بقى من صفحات متخصصة زي صديقي Tech Comics أو أشخاص عاديين؟ هااااه؟ عرف السوق مهتم بمين بقى!!!
طيب بلاش يا سيدي
*️⃣ سنة 2019 جوجل أعلنت إنها عندها خطه تطبيق SandBox في الأندرويد من 2020 وتقريباً هتتأجل ل 2021... الآي فون و iOS من سنة 2007 شغال بمفهوم الساند بوكس... شوفت كام بوست بقى حد من Apple Fan Boy كتب في المجال دا وهو مش متخصص في التقنية؟ مجرد بوستات تريقة... خالص مفيش وغالبية مستخدمي أبل ميعرفوش أصلاً إن جوجل هتطبق الساندبوكس...
*️⃣ محدش مهتم أصلاً يعرف الجديد في الأندرويد أو سامسونج أو جوجل... الكل مهتم يعرف ايه الجديد من أبل... حتى لو الجديد طلع "قديم ومقلد" ففرصة نحاول نسوق لنفسنا إنه كان عندنا... تخيل مثلاً لو وان بلس
👍2❤1👏1
ضافت ميزة كانت موجودة في سامسونج... هل هتشوف أي بوست يقول ياااه قديمة يا وان بلس دي عندنا من زمان!!! ولا حد هيعبر البوست دا أصلاً
*️⃣*️⃣ طبعاً هلاقي الناس تقول (هاهاهاهاها Apple Fan Boy) أو أنتا تقصد إن أبل جميله وزي الفل ... أنا بشرح لكم هى حاطه نفسها فين وعارفه تسيطر وليه مش بتقع... يعني بوستات التريقة مستمره بقالها سنين وفي النهاية لو في 100 شخص قرروا يشتروا جهاز قيمته فوق 700$ فعاده هيكون 60-70 منهم هيختاروا الآي فون... هل لإنهم ناس هبلة كلهم؟ 200 مليون ثري أهبل في كوكب الأرض؟
طيب في 100 مليون يا سيدي عبيط وهدفهم ال Show... قشطة وانتا بالفعل بتريقتك حتى اديته ال Show إن العالم كله مركز مع التليفون بتاعه والشركة اللي اختارها... في حين انتا تليفونك اللي ممكن بسعر تليفونه يا سيدي وفيه مزايا يا عم أحسن منه... حد مهتم بيه؟ طيب لو دخلت انتا وهو مكان ليكن مول وبتعدوا من بوابة الأمن فحطيتم الموبايلات فيا ترى تلقائياً فرد الامن شايف مين فيكم الأكثر ثراءاً هااا عرفت إن "التركيز" على أبل هو اللي مخليها ال Leader بتاع السوق
كفاية كده بقى ونعود للراحة تاني مع إن البوست دا عارف ومتوقع هيتفهم إزاي... قديم أنا في المجال دا
*️⃣*️⃣ طبعاً هلاقي الناس تقول (هاهاهاهاها Apple Fan Boy) أو أنتا تقصد إن أبل جميله وزي الفل ... أنا بشرح لكم هى حاطه نفسها فين وعارفه تسيطر وليه مش بتقع... يعني بوستات التريقة مستمره بقالها سنين وفي النهاية لو في 100 شخص قرروا يشتروا جهاز قيمته فوق 700$ فعاده هيكون 60-70 منهم هيختاروا الآي فون... هل لإنهم ناس هبلة كلهم؟ 200 مليون ثري أهبل في كوكب الأرض؟
طيب في 100 مليون يا سيدي عبيط وهدفهم ال Show... قشطة وانتا بالفعل بتريقتك حتى اديته ال Show إن العالم كله مركز مع التليفون بتاعه والشركة اللي اختارها... في حين انتا تليفونك اللي ممكن بسعر تليفونه يا سيدي وفيه مزايا يا عم أحسن منه... حد مهتم بيه؟ طيب لو دخلت انتا وهو مكان ليكن مول وبتعدوا من بوابة الأمن فحطيتم الموبايلات فيا ترى تلقائياً فرد الامن شايف مين فيكم الأكثر ثراءاً هااا عرفت إن "التركيز" على أبل هو اللي مخليها ال Leader بتاع السوق
كفاية كده بقى ونعود للراحة تاني مع إن البوست دا عارف ومتوقع هيتفهم إزاي... قديم أنا في المجال دا
❤2👏1
رئيس الوزراء قال إن الدكاتره السبب في بعض الوفيات؛ ونقابة الأطباء رفضت البيان وقالت مات 100 طبيب وأصيب 3000 بسبب نقص العلاج والمعدات.
ما تيجوا بقى نشوف الجزء الثاني من الموازنة اللي هيبدأ العمل بيها من يوم 1 يوليو يعني الأربعاء القادم... والجزء دا كله عن الصحة والأدوية وكده بحيث نشوف ايه هيحصلنا السنة القادمة بقي.
في البداية تقدر تراجع الجزء الأول من تحليل الموازنة من اللينك دا
https://bit.ly/2BzrjxK
وتقدر تنزل الموازنة من موقع وزارة المالية من اللينك دا
https://bit.ly/3dpmbJz
والاول بوضح اني هقول شوية أرقام مجردة بدون تحليل عشان مبقاش بعمل توجيه للتفكير؛ وبعد ما أرص الأرقام هنشوف ملاحظات بقي
*️⃣ كانت مخصصات شراء الأدوية 9.11 مليار هتبقى 10.98 مليار أي زيادة 11% (جدول 5 صفحة 73)
*️⃣ كانت مخصصات دعم الأدوية وألبان الأطفال 1.5 مليار وهتبقى 1.75 مليار أي زيادة 17.7% (جدول 7 صفحة 77)
*️⃣ بند العلاج على نفقد الدولة + التأمين الصحي كان 10 مليار هيبقى 10.6 مليار أي زيادة 6.2% (صفحة 41)
*️⃣ مخصصات قطاع الصحة كانت 73 مليار هتبقى 93 مليار أي زيادة 28% (جدول 10 صفحة 97)
*️⃣ بند الرواتب كان 35.9 مليار هيبقى 41.6 مليار أي زيادة 15.9% (جدول 10 صفحة 97)
بند شراء السلع والخدمات كان 15.4 مليار هتبقى 22.1 مليار أي زيادة 43.5% (جدول 10 صفحة 97)
*️⃣ بند الدعم والمنح كانت 6.3 مليار هتبقى 7.5 مليار أي زيادة 18.6% (جدول 10 صفحة 97).
*️⃣ بند شراء الأصول (بناء مستشفيات مثلاً وأجهزة) كانت 13.5 مليار هتبقى 20.5 مليار أي زيادة 52% (جدول 10 صفحة 97)
*️⃣ إضافة لما سبق في مجموعة مبادرات رئاسية معظمهم شغال بالفعل ومخطط في 20/21 لـ ( أسرة عناية مركزة وزيادة الحضانات وصحة المرأة وتطوير المستشفيات والعلاج بالبلازما وضعف السمع لحديثي الولاده والفشل الكلوي وتوفير الأمصال ورفع مرتبات أطباء الامتياز والصحة النفسية وشوية حاجات تانية ) هتلاقوها صفحة 46 بإجمالي 23.3 مليار جنية.
يعني ممكن مجازاً نقول كل ما هينفق في قطاع الصحة بداية من مرتبات الأطباء والموظفين لغاية التأمين الصحي وبناء المستشفيات نقول 140 مليار جنية من إجمالي إنفاق 1713 مليار جنية وأتمنى بجد أكون حاسبها صح يعني الحكومة متكونش مدخله بنود في بعض (البيان التحليلي للموازنة لسه منزلش)
طيب مما سبق واللي هيقرأ اللي فوق هيقول ما شاء الله الحكومة عاملة زيادة في كل البنود أهي وناس عملت اللي عليها. لكن عاوزك تبص عالكام نقطة القادمة دي وبعدين قرر مع نفسك نتوقع ايه في 2020/2021
*️⃣ موازنة 19/20 اتعملت وصدرت إبريل 2019 وقتها مكانش في كورونا.. في الوباء مفروض المخصصات هتزيد عشان تقدر تقدم نفس الخدمة.
*️⃣ موازنة 19/20 اتعملت كان سعر الأدوية وسعر البنزين وسعر الكهرباء والماية وكل شيء أرخص... فمفروض تزود عشان تعوض زيادة التكلفة.
بصوا في الأرقام فوق ونسب الزيادات كام % وليس كام فلوس مليار... وفكر هل النسب دي كافية للتغيرات زي وباء كورونا وما يتبعه من إجراءات طبية + ارتفاع أسعار كل شيء + عاوز تعمل مكافئات وتعويضات للأطباء
أنا كمحمد سامي شايف الأرقام أقل من المفروضه
*️⃣ اه بالمناسبة... في بند نسيت اقولكم عليه اسمه دعم التأمين الصحي للأطفال دون السن المدرسة... كان 227 مليون جنية الحكومة هتقلله ويبقى 214 مليون جنية... دا دعم التأمين الصحي للأطفال الرضع نقص.
عاوز تاني
*️⃣ بند دعم التأمين الصحي لغير القادرين من أصحاب معاش الضمان الاجتماعي كان 1000 مليون جنية هيبقى 182 مليون.
عاوز تاني
*️⃣ بند دعم التأمين الصحي للمرأة المعيلة كان 166 مليون هيبقى 133 مليون.
سبب الانخفاض هو إن الحكومة زودت بند دعم التأمين الصحي الشامل. لكن تعالوا نجمع كل بنود التأمين الصحي كده سواء طلاب أو أطفال أو غير قادرين أو شامل أو مرأة أو فلاحين:
*️⃣ بند دعم التأمين الصحي عامة كان 2096 مليون هيبقى 1850 مليون جنية.
عاوزك بس تفتكر إن كل ما سبق هو النظري عالورق والفعلي شيء تاني... فربنا يكون في عون الأطباء... ومعلش لو في 1000 طبيب مقصرين في شغلهم ففي يا سيدي 50000 شغالين
ما تيجوا بقى نشوف الجزء الثاني من الموازنة اللي هيبدأ العمل بيها من يوم 1 يوليو يعني الأربعاء القادم... والجزء دا كله عن الصحة والأدوية وكده بحيث نشوف ايه هيحصلنا السنة القادمة بقي.
في البداية تقدر تراجع الجزء الأول من تحليل الموازنة من اللينك دا
https://bit.ly/2BzrjxK
وتقدر تنزل الموازنة من موقع وزارة المالية من اللينك دا
https://bit.ly/3dpmbJz
والاول بوضح اني هقول شوية أرقام مجردة بدون تحليل عشان مبقاش بعمل توجيه للتفكير؛ وبعد ما أرص الأرقام هنشوف ملاحظات بقي
*️⃣ كانت مخصصات شراء الأدوية 9.11 مليار هتبقى 10.98 مليار أي زيادة 11% (جدول 5 صفحة 73)
*️⃣ كانت مخصصات دعم الأدوية وألبان الأطفال 1.5 مليار وهتبقى 1.75 مليار أي زيادة 17.7% (جدول 7 صفحة 77)
*️⃣ بند العلاج على نفقد الدولة + التأمين الصحي كان 10 مليار هيبقى 10.6 مليار أي زيادة 6.2% (صفحة 41)
*️⃣ مخصصات قطاع الصحة كانت 73 مليار هتبقى 93 مليار أي زيادة 28% (جدول 10 صفحة 97)
*️⃣ بند الرواتب كان 35.9 مليار هيبقى 41.6 مليار أي زيادة 15.9% (جدول 10 صفحة 97)
بند شراء السلع والخدمات كان 15.4 مليار هتبقى 22.1 مليار أي زيادة 43.5% (جدول 10 صفحة 97)
*️⃣ بند الدعم والمنح كانت 6.3 مليار هتبقى 7.5 مليار أي زيادة 18.6% (جدول 10 صفحة 97).
*️⃣ بند شراء الأصول (بناء مستشفيات مثلاً وأجهزة) كانت 13.5 مليار هتبقى 20.5 مليار أي زيادة 52% (جدول 10 صفحة 97)
*️⃣ إضافة لما سبق في مجموعة مبادرات رئاسية معظمهم شغال بالفعل ومخطط في 20/21 لـ ( أسرة عناية مركزة وزيادة الحضانات وصحة المرأة وتطوير المستشفيات والعلاج بالبلازما وضعف السمع لحديثي الولاده والفشل الكلوي وتوفير الأمصال ورفع مرتبات أطباء الامتياز والصحة النفسية وشوية حاجات تانية ) هتلاقوها صفحة 46 بإجمالي 23.3 مليار جنية.
يعني ممكن مجازاً نقول كل ما هينفق في قطاع الصحة بداية من مرتبات الأطباء والموظفين لغاية التأمين الصحي وبناء المستشفيات نقول 140 مليار جنية من إجمالي إنفاق 1713 مليار جنية وأتمنى بجد أكون حاسبها صح يعني الحكومة متكونش مدخله بنود في بعض (البيان التحليلي للموازنة لسه منزلش)
طيب مما سبق واللي هيقرأ اللي فوق هيقول ما شاء الله الحكومة عاملة زيادة في كل البنود أهي وناس عملت اللي عليها. لكن عاوزك تبص عالكام نقطة القادمة دي وبعدين قرر مع نفسك نتوقع ايه في 2020/2021
*️⃣ موازنة 19/20 اتعملت وصدرت إبريل 2019 وقتها مكانش في كورونا.. في الوباء مفروض المخصصات هتزيد عشان تقدر تقدم نفس الخدمة.
*️⃣ موازنة 19/20 اتعملت كان سعر الأدوية وسعر البنزين وسعر الكهرباء والماية وكل شيء أرخص... فمفروض تزود عشان تعوض زيادة التكلفة.
بصوا في الأرقام فوق ونسب الزيادات كام % وليس كام فلوس مليار... وفكر هل النسب دي كافية للتغيرات زي وباء كورونا وما يتبعه من إجراءات طبية + ارتفاع أسعار كل شيء + عاوز تعمل مكافئات وتعويضات للأطباء
أنا كمحمد سامي شايف الأرقام أقل من المفروضه
*️⃣ اه بالمناسبة... في بند نسيت اقولكم عليه اسمه دعم التأمين الصحي للأطفال دون السن المدرسة... كان 227 مليون جنية الحكومة هتقلله ويبقى 214 مليون جنية... دا دعم التأمين الصحي للأطفال الرضع نقص.
عاوز تاني
*️⃣ بند دعم التأمين الصحي لغير القادرين من أصحاب معاش الضمان الاجتماعي كان 1000 مليون جنية هيبقى 182 مليون.
عاوز تاني
*️⃣ بند دعم التأمين الصحي للمرأة المعيلة كان 166 مليون هيبقى 133 مليون.
سبب الانخفاض هو إن الحكومة زودت بند دعم التأمين الصحي الشامل. لكن تعالوا نجمع كل بنود التأمين الصحي كده سواء طلاب أو أطفال أو غير قادرين أو شامل أو مرأة أو فلاحين:
*️⃣ بند دعم التأمين الصحي عامة كان 2096 مليون هيبقى 1850 مليون جنية.
عاوزك بس تفتكر إن كل ما سبق هو النظري عالورق والفعلي شيء تاني... فربنا يكون في عون الأطباء... ومعلش لو في 1000 طبيب مقصرين في شغلهم ففي يا سيدي 50000 شغالين
❤2
اضحك خلي الفكرة تعدي
زي النهاردة من 4 سنين نشر بوست بالفكرة دي بس وقتها كل اللي تفاعلوا معاه 15 شخص (وقت الهدوء الجميل) وعشان كده هعيد كتابته وصياغته تاني.
((( قبل ما أبدأ الرجاء الدعاء لوالدي بالرحمة... النهاردة مفروض كان يبقى عيد ميلاده الـ 65 بس هو آخر عيد ميلاد له معانا كان الـ 50 )))
نرجع للبوست بقى
*️⃣ في 2016 أعلنت أبل عن نسخة الآي باد من Swift Playground (برنامج محاكاه وتعليم البرمجة يستهدف الأطفال) وكانت أول حاجة قالتها في الدعايا "التعلم مع المرح" ولغاية النهاردة مذكور في موقع أبل "Learn serious code. In a seriously fun way.
"
*️⃣ كثير إن لم يكن غالبية البشر بيكون عندهم "مناعة أو مقاومة" لإضافة الأفكار الجديدة فمن ناحية ممكن تكون الأفكار بتتصادم مع عادات وقيم.. ومن ناحية ثانية مقاومة المجهول وحب المعتاد ومش غريب عبارات زي اللي تعرفه أحسن من اللي متعرفوش... وحتى زمان قوي الكفار قالوا إنهم بيعبدوا الأصنام من منطلق "هذا ما وجدنا عليه آباءنا" أو حتى اللي بيحب مصطلحات التنمية البشرية Comfort Zone ومن الآخر إحنا متعودين على حاجات معينة ومش عاوزين جديد لإن أي شيء جديد محتاج تفكير أو مجهود وقياس هل دا متعارض مع أمور أساسية في حياتنا.
*️⃣ عشان كده أشهر ثغرة بتستخدم هى "الضحك" وقت الإنسان وهو بيضحك فالحواجز والفلاتر بتاعه مخه بتكون في إجازة تقريباً... فتلاقي من أساليب التعليم الجديدة اللعب والمرح فالأطفال وهما بيلعبوا يلاقوا نفسهم اتعلموا.
حتى الآن الموضوع جميل ومفيد لكن أحياناً الموضوع بيكون أكبر من كده
*️⃣ اللي بيكون عاوز يدخل ويزرع الأفكار الشاذة أو الغريبة عن أي ثقافة بيستخدم نفس الطريقة؛ وإللي عاوز برضك يقاوم أي أفكار فبدل ما يتعب نفسه ويناقشها فيستخدم التريقة والضحك؛ يمكن أشهر مثال شوفناه كلنا كان "باسم يوسف" وفاكرين كلنا كم التلميحات الجنسية اللي عديناها عشان كنا بنضحك... وكمان أغنية "كان في واد اسمه زيزو" وكل برامج SNL وغيرهم اللي بيستخدم الضحك لتمرير أي شيء مخالف لأخلاق ودين وقيم المجتمع. ما احنا بنضحك.
*️⃣ الموضوع دا مش جديد وحتى هتلاقي ربنا في القرآن قال ("ولئن سألتهم ليقولن إنما كنا نخوض ونلعب قل أبالله وآياته ورسوله كنتم تستهزئون") وفي موضع آخر قال ("إذا سمعتم آيات الله يكفر بها ويستهزأ بها فلا تقعدوا معهم حتى يخوضوا في حديث غيره") وموضع ثالث ( "وما يأتيهم من رسول إلا كانوا به يستهزئون") يعني الكفار كانوا بيحاربوا الإسلام بنفس الطريقة وربنا حذر منها المسلمين.
*️⃣ لما ترجع لأيام مكة والرسول تلاقي قصة النضر بن الحارث؛ واحد قال للمشركين أنتم تاعبين نفسكم بحرب الإسلام بطريقة غلط؛ وراح مسافر بلاد الفرس واتعلم هناك الموسيقى والعود والقصص وجاب شوية جواري ورجع مكة وبقى لما يشوف حد عاوز يقعد يسمع للرسول فيقعد هو يعزف بقى ويحكي القصص والجواري ترقص يعني عملهم مسلسلات رمضان كده عالضيق لإنه عارف إن دا أحسن طريقة مقاومة ونظام مش "سيدنا محمد" بيحكي لكم قصص الأولين وعاد وثمود ونوح؛ ماشي وأنا عندي قصص أهو ومش بقولكم دين جديد ... وربنا نزل فيه الأية (ومن الناس من يشتري لهو الحديث ليضل عن سبيل الله بغير علم)
*️⃣ وبما إننا في شهر الشواذ ففكر كده كام مسلسل أو فيلم كوميدي استخدم تلميحات "الشواذ" عشان يضحكك؟ نفس الموقف دا في موقف جد كنت هتنفر منه بس عشان في ضحك هيعدي صح؟
*️⃣ طيب تعالوا نفتكر الإعلان الشهير "الدندو" فاكرينه طبعاً... كان ضحك وجميل صح... الإعلان دا استخدم حركتين سوا (الضحك والهزار) والنقطة الثانية (تسمية الشيء بغير اسمه).
*️⃣ خدوا بالكم الإعلام بيعمل غسيل مخ في المجال دا إزاي... صورة جميل لقوس قزح المحبب للأطفال والكبار + تسميه بغير اسمه "المثلية" + ضحك وهزار وأفلام كوميدية ... كده إنتا عديت الخط الدفاعي الأول الرفض التام... وبقيت مش بتنفر من مجرد ذكر الكلام؛ يعني بقيت تستحمل تسمع الكلام دا وتتناقش.. فهنا ناخدك في نقطة تاني وهى نقاش حولين الحريات ووو.. مش هيعرف يدخلك في نقاش حولين الحريات لو إنتا أصلاً رافض من المنبع مجرد ذكر اسم الموضوع دا.
مش عاوز أطول عليكم وأظن الفكرة وصلت... خدوا بالكم أكثر حاجة من البرامج الكوميدية والظريفة.. ومرضتش أضرب مثال ببرنامج الدحيح اللي برضك وسط الكوميديا كان بيطرح أفكار كثير لدارون والتطور ووو إنها أفكار عادية لكن لو كنت عملت كده كان الكل هيسيب فكرة البوست ويقلب الحديث حولين الدحيح اللي بالمناسبة أنا نفسي تابعته.
زي النهاردة من 4 سنين نشر بوست بالفكرة دي بس وقتها كل اللي تفاعلوا معاه 15 شخص (وقت الهدوء الجميل) وعشان كده هعيد كتابته وصياغته تاني.
((( قبل ما أبدأ الرجاء الدعاء لوالدي بالرحمة... النهاردة مفروض كان يبقى عيد ميلاده الـ 65 بس هو آخر عيد ميلاد له معانا كان الـ 50 )))
نرجع للبوست بقى
*️⃣ في 2016 أعلنت أبل عن نسخة الآي باد من Swift Playground (برنامج محاكاه وتعليم البرمجة يستهدف الأطفال) وكانت أول حاجة قالتها في الدعايا "التعلم مع المرح" ولغاية النهاردة مذكور في موقع أبل "Learn serious code. In a seriously fun way.
"
*️⃣ كثير إن لم يكن غالبية البشر بيكون عندهم "مناعة أو مقاومة" لإضافة الأفكار الجديدة فمن ناحية ممكن تكون الأفكار بتتصادم مع عادات وقيم.. ومن ناحية ثانية مقاومة المجهول وحب المعتاد ومش غريب عبارات زي اللي تعرفه أحسن من اللي متعرفوش... وحتى زمان قوي الكفار قالوا إنهم بيعبدوا الأصنام من منطلق "هذا ما وجدنا عليه آباءنا" أو حتى اللي بيحب مصطلحات التنمية البشرية Comfort Zone ومن الآخر إحنا متعودين على حاجات معينة ومش عاوزين جديد لإن أي شيء جديد محتاج تفكير أو مجهود وقياس هل دا متعارض مع أمور أساسية في حياتنا.
*️⃣ عشان كده أشهر ثغرة بتستخدم هى "الضحك" وقت الإنسان وهو بيضحك فالحواجز والفلاتر بتاعه مخه بتكون في إجازة تقريباً... فتلاقي من أساليب التعليم الجديدة اللعب والمرح فالأطفال وهما بيلعبوا يلاقوا نفسهم اتعلموا.
حتى الآن الموضوع جميل ومفيد لكن أحياناً الموضوع بيكون أكبر من كده
*️⃣ اللي بيكون عاوز يدخل ويزرع الأفكار الشاذة أو الغريبة عن أي ثقافة بيستخدم نفس الطريقة؛ وإللي عاوز برضك يقاوم أي أفكار فبدل ما يتعب نفسه ويناقشها فيستخدم التريقة والضحك؛ يمكن أشهر مثال شوفناه كلنا كان "باسم يوسف" وفاكرين كلنا كم التلميحات الجنسية اللي عديناها عشان كنا بنضحك... وكمان أغنية "كان في واد اسمه زيزو" وكل برامج SNL وغيرهم اللي بيستخدم الضحك لتمرير أي شيء مخالف لأخلاق ودين وقيم المجتمع. ما احنا بنضحك.
*️⃣ الموضوع دا مش جديد وحتى هتلاقي ربنا في القرآن قال ("ولئن سألتهم ليقولن إنما كنا نخوض ونلعب قل أبالله وآياته ورسوله كنتم تستهزئون") وفي موضع آخر قال ("إذا سمعتم آيات الله يكفر بها ويستهزأ بها فلا تقعدوا معهم حتى يخوضوا في حديث غيره") وموضع ثالث ( "وما يأتيهم من رسول إلا كانوا به يستهزئون") يعني الكفار كانوا بيحاربوا الإسلام بنفس الطريقة وربنا حذر منها المسلمين.
*️⃣ لما ترجع لأيام مكة والرسول تلاقي قصة النضر بن الحارث؛ واحد قال للمشركين أنتم تاعبين نفسكم بحرب الإسلام بطريقة غلط؛ وراح مسافر بلاد الفرس واتعلم هناك الموسيقى والعود والقصص وجاب شوية جواري ورجع مكة وبقى لما يشوف حد عاوز يقعد يسمع للرسول فيقعد هو يعزف بقى ويحكي القصص والجواري ترقص يعني عملهم مسلسلات رمضان كده عالضيق لإنه عارف إن دا أحسن طريقة مقاومة ونظام مش "سيدنا محمد" بيحكي لكم قصص الأولين وعاد وثمود ونوح؛ ماشي وأنا عندي قصص أهو ومش بقولكم دين جديد ... وربنا نزل فيه الأية (ومن الناس من يشتري لهو الحديث ليضل عن سبيل الله بغير علم)
*️⃣ وبما إننا في شهر الشواذ ففكر كده كام مسلسل أو فيلم كوميدي استخدم تلميحات "الشواذ" عشان يضحكك؟ نفس الموقف دا في موقف جد كنت هتنفر منه بس عشان في ضحك هيعدي صح؟
*️⃣ طيب تعالوا نفتكر الإعلان الشهير "الدندو" فاكرينه طبعاً... كان ضحك وجميل صح... الإعلان دا استخدم حركتين سوا (الضحك والهزار) والنقطة الثانية (تسمية الشيء بغير اسمه).
*️⃣ خدوا بالكم الإعلام بيعمل غسيل مخ في المجال دا إزاي... صورة جميل لقوس قزح المحبب للأطفال والكبار + تسميه بغير اسمه "المثلية" + ضحك وهزار وأفلام كوميدية ... كده إنتا عديت الخط الدفاعي الأول الرفض التام... وبقيت مش بتنفر من مجرد ذكر الكلام؛ يعني بقيت تستحمل تسمع الكلام دا وتتناقش.. فهنا ناخدك في نقطة تاني وهى نقاش حولين الحريات ووو.. مش هيعرف يدخلك في نقاش حولين الحريات لو إنتا أصلاً رافض من المنبع مجرد ذكر اسم الموضوع دا.
مش عاوز أطول عليكم وأظن الفكرة وصلت... خدوا بالكم أكثر حاجة من البرامج الكوميدية والظريفة.. ومرضتش أضرب مثال ببرنامج الدحيح اللي برضك وسط الكوميديا كان بيطرح أفكار كثير لدارون والتطور ووو إنها أفكار عادية لكن لو كنت عملت كده كان الكل هيسيب فكرة البوست ويقلب الحديث حولين الدحيح اللي بالمناسبة أنا نفسي تابعته.
❤5👏1
هو الناس اللي كل ما الواحد يكتب بوست أو يشوف بوست حد بيتكلم عن الاباحية أو الشواذ أو الخمور أو أو أو
يعلقوا ويقولوا ملكمش دعوة دي حرية شخصية خليكم في حالكم متكلموش حد ومتروحش تقوله غلط ووو كده تدخل في حريته الشخصية
الناس دي لما بتسمع الأيه اللي ربنا قال فيها ("لعن الذين كفروا من بني إسرائيل على لسان داود وعيسى بن مريم ذلك بما عصوا وكانوا يعتدون. كانوا لا يتناهون عن منكر فعلوه لبئس ما كانوا يفعلون")
ركزوا كده اللعن لمين؛ مش للي بيعملوا المعصية لا؛ دا للي شايفين المعصية وقالوا دي حرية شخصية ملناش دعوة.
محدش مسك طوبة ولا عصاية وراح أجبر حد علي شيء؛ لكن الخيار ليك تحط لسانك في بقك وتنضم لبني اسرائيل في اللعن لكن في المقابل هيتقال عليك متحضر
أوووو
تقول للناس دا غلط وتحذر الناس منهم؛ بس كذه هيتقال عليك متخلف لا تعرف كيفية تقبل الاخر وخليك كيوت يعني ومتحضر
الخيار ليك؛ إنجوي
اه في خيار ثالث للظرفاء؛ إن الاية دي لبني اسرائيل بس 😊
يعلقوا ويقولوا ملكمش دعوة دي حرية شخصية خليكم في حالكم متكلموش حد ومتروحش تقوله غلط ووو كده تدخل في حريته الشخصية
الناس دي لما بتسمع الأيه اللي ربنا قال فيها ("لعن الذين كفروا من بني إسرائيل على لسان داود وعيسى بن مريم ذلك بما عصوا وكانوا يعتدون. كانوا لا يتناهون عن منكر فعلوه لبئس ما كانوا يفعلون")
ركزوا كده اللعن لمين؛ مش للي بيعملوا المعصية لا؛ دا للي شايفين المعصية وقالوا دي حرية شخصية ملناش دعوة.
محدش مسك طوبة ولا عصاية وراح أجبر حد علي شيء؛ لكن الخيار ليك تحط لسانك في بقك وتنضم لبني اسرائيل في اللعن لكن في المقابل هيتقال عليك متحضر
أوووو
تقول للناس دا غلط وتحذر الناس منهم؛ بس كذه هيتقال عليك متخلف لا تعرف كيفية تقبل الاخر وخليك كيوت يعني ومتحضر
الخيار ليك؛ إنجوي
اه في خيار ثالث للظرفاء؛ إن الاية دي لبني اسرائيل بس 😊
❤5👍1
ليه بيقولوا هنفتح البلد عشان الاقتصاد؟
تعالوا نشوفه بتبسيط
طبقا للبنك المركزي فحتي نهاية شهر مارس 2020 كان إجمالي التسهيلات الإئتمانية (القروض) المحلية مبلغ 4 ترليون و 427 مليار جنية (شلت الملايين الفكة) دا بكل العملات موزعه كالتالي:
1️⃣ الحكومة : قروض بقيمة 2 ترليون و 917 مليار جنية (منهم 2381 مليار قروض بالجنية )
2️⃣ القطاع الخاص 926 مليار جنية (منهم 700 مليار بالجنية)
3️⃣ القطاع العائلي 426 مليار جنية (منهم 416 مليار بالجنية)
4️⃣ القطاع العام 157 مليار جنية (منهم 125 مليار بالجنية)
*️⃣ يعني نقدر نقول القطاع الخاص + القروض الشخصية يعني القروض عالشعب تساوي 1 ترليون و 352 مليار جنية (كل العملات)
منهم القروض بالجنية تساوي 1 ترليون و 117 مليار جنية قروض محلية
*️⃣ البنك المركزي عمل مبادرة تأجيل أقساط القروض لمدة 6 شهور يعني هيرجعوا يدفعوا من أكتوبر الأقساط
*️⃣ فعليا المبادرة دي أنقذت السوق بشكل كبير فتخيلوا معايا مثلا شركات مبيعاتها انهارت 50% وأكثر وييجي البنك يقولها قسط القرض؛ هيقولوا له احجز علينا مفيش فلوس.
*️⃣ دا برضك من الحاجة دي كانت سبب إننا مشوفناش عروض ضخمة وحرق وبيع منتجات بعروض ضخمة زي ما شوفنا بره مصر؛ لان الشركات معندهاش سيف الاقساط فمستعدة تبيع المنتجات بأي سعر عشان تسيل الفلوس وتسدد الاقساط.
*️⃣ المهم فات 3 شهور وهنبدأ ال 3 الباقيين ؛ البلد تجارياً مقتولة بلا مبالغه؛ في قطاعات مش شغالة ب 50% ؛ فكده النقاش كان هل الحكومة هتمد تأجيل الاقساط!
*️⃣ ملقتش رقم عن تكلفة مبادرة المركزي لكن نفترض ان مبلغ الشعب 1117 مليار دا كان بفايدة 10% فدا معناه قسط سنوي 111 مليار ؛ يعني بنتكلم في ال 6 شهور دول ب 57 مليار جنية (نظريا حسابات نظرية)
*️⃣ فهنا الدولة والتفكير كان هل هنأجل؟ 🤔 وزير المالية طلع قال في 130 مليار اختفوا من الناتج المحلي (للتوضيح دول متسرقوش؛ الراجل كان بيتكلم اننا متوقعين نحقق كذا لولا الكورونا هتخلينا نحقق رقم أقل 130 مليار؛ شبه ان لولا الكورونا كان مرتب الموظف هيبقي 4000 جنية).
*️⃣ فالدولة حسمت القرار؛ هنفضل نخسر في الناتج القومي؛ والشركات والافراد مش هيعرفوا يجيبوا فلوس فنفضل نأجل أقساط قروض كانت بتحقق للبنوك 9-10 مليار شهري ؛ طب ليييه 🤔
*️⃣ وهنا قررنا نفتح البلد؛ ونشغل الشركات؛ طبعا البلد مش هتشتغل بين يوم وليله؛ قول شهر يوليو وأغسطس؛ فعلي سبتمبر تكون البلد شغالة (بغض النظر عن الوفيات) فلما ييجي أكتوبر البنوك ترجع الأقساط عادي بقي ونبقي وقفنا نزيف الناتج المحلي؛ والشركات تبقي وقفت أو قللت الخساير وبالتالي حصيلة الضرايب اللي بتمثل 75% من دخل الحكومة تتوقف عن النزيف والناس اشتغلت فتدفع ضريبة الدخل اللي هي المصدر الاساسي للضرايب مع القيمة المضافة وهكذا.
*️⃣ دا شرح مبسط لأحد اهم اسباب فتح البلد المقرر حالياً
أتمني قارئ ما في أعلى يفهم إني بشرح الحكومة فكرت إزاي وقررت ليه فتح البلد؛ مش أنا اللي واخد القرارات دي.
بالمناسبة الكورونا مش بتعرف تقرأ القرارات الاقتصادية والسياسية وبتخش بقلب جامد ولا تخاف
تعالوا نشوفه بتبسيط
طبقا للبنك المركزي فحتي نهاية شهر مارس 2020 كان إجمالي التسهيلات الإئتمانية (القروض) المحلية مبلغ 4 ترليون و 427 مليار جنية (شلت الملايين الفكة) دا بكل العملات موزعه كالتالي:
1️⃣ الحكومة : قروض بقيمة 2 ترليون و 917 مليار جنية (منهم 2381 مليار قروض بالجنية )
2️⃣ القطاع الخاص 926 مليار جنية (منهم 700 مليار بالجنية)
3️⃣ القطاع العائلي 426 مليار جنية (منهم 416 مليار بالجنية)
4️⃣ القطاع العام 157 مليار جنية (منهم 125 مليار بالجنية)
*️⃣ يعني نقدر نقول القطاع الخاص + القروض الشخصية يعني القروض عالشعب تساوي 1 ترليون و 352 مليار جنية (كل العملات)
منهم القروض بالجنية تساوي 1 ترليون و 117 مليار جنية قروض محلية
*️⃣ البنك المركزي عمل مبادرة تأجيل أقساط القروض لمدة 6 شهور يعني هيرجعوا يدفعوا من أكتوبر الأقساط
*️⃣ فعليا المبادرة دي أنقذت السوق بشكل كبير فتخيلوا معايا مثلا شركات مبيعاتها انهارت 50% وأكثر وييجي البنك يقولها قسط القرض؛ هيقولوا له احجز علينا مفيش فلوس.
*️⃣ دا برضك من الحاجة دي كانت سبب إننا مشوفناش عروض ضخمة وحرق وبيع منتجات بعروض ضخمة زي ما شوفنا بره مصر؛ لان الشركات معندهاش سيف الاقساط فمستعدة تبيع المنتجات بأي سعر عشان تسيل الفلوس وتسدد الاقساط.
*️⃣ المهم فات 3 شهور وهنبدأ ال 3 الباقيين ؛ البلد تجارياً مقتولة بلا مبالغه؛ في قطاعات مش شغالة ب 50% ؛ فكده النقاش كان هل الحكومة هتمد تأجيل الاقساط!
*️⃣ ملقتش رقم عن تكلفة مبادرة المركزي لكن نفترض ان مبلغ الشعب 1117 مليار دا كان بفايدة 10% فدا معناه قسط سنوي 111 مليار ؛ يعني بنتكلم في ال 6 شهور دول ب 57 مليار جنية (نظريا حسابات نظرية)
*️⃣ فهنا الدولة والتفكير كان هل هنأجل؟ 🤔 وزير المالية طلع قال في 130 مليار اختفوا من الناتج المحلي (للتوضيح دول متسرقوش؛ الراجل كان بيتكلم اننا متوقعين نحقق كذا لولا الكورونا هتخلينا نحقق رقم أقل 130 مليار؛ شبه ان لولا الكورونا كان مرتب الموظف هيبقي 4000 جنية).
*️⃣ فالدولة حسمت القرار؛ هنفضل نخسر في الناتج القومي؛ والشركات والافراد مش هيعرفوا يجيبوا فلوس فنفضل نأجل أقساط قروض كانت بتحقق للبنوك 9-10 مليار شهري ؛ طب ليييه 🤔
*️⃣ وهنا قررنا نفتح البلد؛ ونشغل الشركات؛ طبعا البلد مش هتشتغل بين يوم وليله؛ قول شهر يوليو وأغسطس؛ فعلي سبتمبر تكون البلد شغالة (بغض النظر عن الوفيات) فلما ييجي أكتوبر البنوك ترجع الأقساط عادي بقي ونبقي وقفنا نزيف الناتج المحلي؛ والشركات تبقي وقفت أو قللت الخساير وبالتالي حصيلة الضرايب اللي بتمثل 75% من دخل الحكومة تتوقف عن النزيف والناس اشتغلت فتدفع ضريبة الدخل اللي هي المصدر الاساسي للضرايب مع القيمة المضافة وهكذا.
*️⃣ دا شرح مبسط لأحد اهم اسباب فتح البلد المقرر حالياً
أتمني قارئ ما في أعلى يفهم إني بشرح الحكومة فكرت إزاي وقررت ليه فتح البلد؛ مش أنا اللي واخد القرارات دي.
بالمناسبة الكورونا مش بتعرف تقرأ القرارات الاقتصادية والسياسية وبتخش بقلب جامد ولا تخاف
👍1
الاقتصاد السعودي 🇸🇦 إيه أخباره!!!
كثير بيوصلي سؤال؛ هو الكورونا اثر علي مصر كده واحنا فعليا معملناش حظر حقيقي؛ أمال الخليج والسعودية اللي قفلوا بجد والبترول نزل كمان تأثير دا عليهم إزاي؟
ممكن تراجع البوست عن الوضع الاقتصادي السعودي وعجز الموازنة التاريخي؛ البوست مكتوب نهاية أبريل تلاقوه في اللينك دا
https://bit.ly/3eQtDzf
والمرة تعالوا نبص علي الصادرات والواردات السعودية 🇸🇦 في أحدث تقرير لهيئة الإحصاء السعودية اللي طلع من يومين بس وكشف الأرقام حتى أبريل:
*️⃣ نرجع بسرعة بالذاكرة ونفتكر إن السعودية 🇸🇦 بعد انهيار مفاوضات ( أوبك +) أعلنت تحدي الدب الروسي 🇷🇺 وغرقت الأسواق العالمية بالنفط الرخيص 🛢 في أبريل وزودت انتاجها من 7.39 مليون برميل في مارس الي 10.23 مليون في أبريل بزيادة 38.5% ؛ ودا استفذ روسيا 🇷🇺 اللي قررت هي كمان تنتج أكثر؛ فالسعودية 🇸🇦 عملت عرض لزباين روسيا 🇷🇺 وهو خصم علي سعر أوبك يعني مثلا لو أوبك سعر البرميل 40 دولار 💵 السعودية تديهم ب 35$ ؛ حرق أسعار يعني؛ معاهم كان العالم 🌏 كله قفل عشان الكورونا وانخفض الطلب العالمي 15% فالنتيجة فاكرين مجزرة أسعار النفط وقتها.
كل بقي الكلام اللي في الفقرة السابقة يعتبر الكلام الشعبوي؛ يعني كلام 🗨 جرايد أو مممكن مبالغات؛ لكن اللي يحسم هو الأرقام الرسمية؛ تعالوا بقي نشوف الأرقام الرسمية من هيئة الإحصاء السعودية 🇸🇦 (زي الجهاز المركزي عندنا) وكانت الأرقام كالتالي (كلها بالريال السعودي وليس الدولار أو الجنية) :
قبل الحرب 🔫 🔫
*️⃣ فبراير 2020 صدرت بترول ب 50 مليار ريال بترول مقابل 59 مليار ريال فبراير 2019 أي انخفاض 15% تقريباً.
*️⃣ مارس 2020 صدرت بترول ب 33.1 مليار ريال مقابل 66.4 مليار ريال في مارس 2019 أي انخفاض قدره 50%
*️⃣ الربع الأول عامة في 2020 صدرت بترول ب 150.8 مليار ريال مقابل في 2019 كان 192.9 مليار ريال أي انخفاض قدره 22%
*️⃣ الميزان التجاري السعودي عامة (الفارق بين الصادرات والواردات) الربع الأول في 2020 كان فائض (موجب صادرات) ب 73.74 مليار ريال مقابل فائض في 2019 كان 119.5 مليار ريال أي تراجع الفائض 39% تقريباً.
(((( حط خط بقي وتعالى نبص بعد الحرب النفطية 🛢 🛢 🔫 وتسجيل رقم صادرات تاريخي كعدد براميل))))
شهر أبريل 2020 كان الوضع كالتالي :
*️⃣ صادرات البترول بقيمة 24.11 مليار ريال مقابل 69.67 مليار ريال في أبريل 2019 أي تراجع قدره 65.4%
*️⃣ الميزان التجاري السعودي حقق عجز سالب 1 مليار ريال سعودي مقابل فائض 36.4 مليار ريال في أبريل 2019 أي خسارة وتراجع 100%.
أظن كده فهمنا أكثر ليه القرارات الاقتصادية الصعبة اللي السعودية 🇸🇦 أخدتها ومجازر في التقشف وانهاء العمالة اللي بتحصل.
السعودية حصل عندها عجز في الميزان التجاري ودا شيء كارثي. ونراجع بسرعه التاريخ القريب ونشوف الميزان التجاري كان إيه :
*️⃣ سنة 2018 حققت السعودية 🇸🇦 فائض قدره 500 مليار ريال أي متوسط شهري 41.67 مليار.
*️⃣ سنة 2019 حققت السعودية فائض قدره 439.5 مليار ريال أي متوسط شهري 36.6 مليار ريال
*️⃣ الربع الأول 2020 حققت فائض 73.74 مليار ريال أي متوسط شهري 24.6 مليار ريال.
فجأة الرقم دا بقي صفر بل وسالب1 مليار ريال.
المشكلة الأكبر إن السالب 1 مليار دا حصل بالرغم من تراجع الواردات السعودية خلال أبريل لتصبح 38.08 مقابل 53.15 مليار ريال واردات في أبريل 2019 ؛ يعني السعودية الاستيراد بتاعها قل 29% تقريباً وبالرغم من كده حصل عجز؛ يعني لو الاستيراد كان في ب المعدلات العادية كان حصل عجز تاريخي محصلش من سنين طويلة.
اللي عاوز بقي يعرف تفاصيل اضافية يقدر يزور موقع الإحصاء السعودي من اللينك دا
https://bit.ly/3eEi6Tr
وممكن تشوف الكام نقطة دول عالصادرات والواردات السعودية وتأثرها في أبريل 2020 بحيث تعرفوا الاقتصاد السعودي رايح فين :
*️⃣ الصادرات إجمالي 37.1 مليار ريال مقابل 89.5 مليار ريال ابريل 2019 موزعه كالتالي:
1️⃣ النفط مبلغ 24.12 مليار ريال مقابل 69.67 مليار.
2️⃣ اللدائن (مطاط وغيره) مبلغ 4.6 مليار مقابل 6.2 مليار
3️⃣ الكيماويات 3.8 مليار مقابل 6.2 مليار
4️⃣ معادن 959 مليون مقابل 1547 مليون
5️⃣ مركبات 952 مليون مقابل 1479 مليون
*️⃣ الواردات في أبريل كانت 38.08 مليار مقابل 53.15 مليار في أبريل 2019 موزعه كالتالي :
1️⃣ مركبات مبلغ 7.5 مليار ريال مقابل 10.95 مليار.
2️⃣ إلكترونيات مبلغ 7.2 مليار مقابل 10.3 مليار.
3️⃣ الكيماويات 4.3 مليار مقابل 4.7 مليار.
4️⃣ معادن 3.8 مليار مقابل 4.7 مليار.
5️⃣ منتجات نباتيه 2.4 مليار مقابل 2.7 مليار.
6️⃣ مشروبات بما فيها التبغ 2.27 مليار مقابل 2.32 مليار
7️⃣ لحوم 1.55 مليار مقابل 1.77 مليار.
كثير بيوصلي سؤال؛ هو الكورونا اثر علي مصر كده واحنا فعليا معملناش حظر حقيقي؛ أمال الخليج والسعودية اللي قفلوا بجد والبترول نزل كمان تأثير دا عليهم إزاي؟
ممكن تراجع البوست عن الوضع الاقتصادي السعودي وعجز الموازنة التاريخي؛ البوست مكتوب نهاية أبريل تلاقوه في اللينك دا
https://bit.ly/3eQtDzf
والمرة تعالوا نبص علي الصادرات والواردات السعودية 🇸🇦 في أحدث تقرير لهيئة الإحصاء السعودية اللي طلع من يومين بس وكشف الأرقام حتى أبريل:
*️⃣ نرجع بسرعة بالذاكرة ونفتكر إن السعودية 🇸🇦 بعد انهيار مفاوضات ( أوبك +) أعلنت تحدي الدب الروسي 🇷🇺 وغرقت الأسواق العالمية بالنفط الرخيص 🛢 في أبريل وزودت انتاجها من 7.39 مليون برميل في مارس الي 10.23 مليون في أبريل بزيادة 38.5% ؛ ودا استفذ روسيا 🇷🇺 اللي قررت هي كمان تنتج أكثر؛ فالسعودية 🇸🇦 عملت عرض لزباين روسيا 🇷🇺 وهو خصم علي سعر أوبك يعني مثلا لو أوبك سعر البرميل 40 دولار 💵 السعودية تديهم ب 35$ ؛ حرق أسعار يعني؛ معاهم كان العالم 🌏 كله قفل عشان الكورونا وانخفض الطلب العالمي 15% فالنتيجة فاكرين مجزرة أسعار النفط وقتها.
كل بقي الكلام اللي في الفقرة السابقة يعتبر الكلام الشعبوي؛ يعني كلام 🗨 جرايد أو مممكن مبالغات؛ لكن اللي يحسم هو الأرقام الرسمية؛ تعالوا بقي نشوف الأرقام الرسمية من هيئة الإحصاء السعودية 🇸🇦 (زي الجهاز المركزي عندنا) وكانت الأرقام كالتالي (كلها بالريال السعودي وليس الدولار أو الجنية) :
قبل الحرب 🔫 🔫
*️⃣ فبراير 2020 صدرت بترول ب 50 مليار ريال بترول مقابل 59 مليار ريال فبراير 2019 أي انخفاض 15% تقريباً.
*️⃣ مارس 2020 صدرت بترول ب 33.1 مليار ريال مقابل 66.4 مليار ريال في مارس 2019 أي انخفاض قدره 50%
*️⃣ الربع الأول عامة في 2020 صدرت بترول ب 150.8 مليار ريال مقابل في 2019 كان 192.9 مليار ريال أي انخفاض قدره 22%
*️⃣ الميزان التجاري السعودي عامة (الفارق بين الصادرات والواردات) الربع الأول في 2020 كان فائض (موجب صادرات) ب 73.74 مليار ريال مقابل فائض في 2019 كان 119.5 مليار ريال أي تراجع الفائض 39% تقريباً.
(((( حط خط بقي وتعالى نبص بعد الحرب النفطية 🛢 🛢 🔫 وتسجيل رقم صادرات تاريخي كعدد براميل))))
شهر أبريل 2020 كان الوضع كالتالي :
*️⃣ صادرات البترول بقيمة 24.11 مليار ريال مقابل 69.67 مليار ريال في أبريل 2019 أي تراجع قدره 65.4%
*️⃣ الميزان التجاري السعودي حقق عجز سالب 1 مليار ريال سعودي مقابل فائض 36.4 مليار ريال في أبريل 2019 أي خسارة وتراجع 100%.
أظن كده فهمنا أكثر ليه القرارات الاقتصادية الصعبة اللي السعودية 🇸🇦 أخدتها ومجازر في التقشف وانهاء العمالة اللي بتحصل.
السعودية حصل عندها عجز في الميزان التجاري ودا شيء كارثي. ونراجع بسرعه التاريخ القريب ونشوف الميزان التجاري كان إيه :
*️⃣ سنة 2018 حققت السعودية 🇸🇦 فائض قدره 500 مليار ريال أي متوسط شهري 41.67 مليار.
*️⃣ سنة 2019 حققت السعودية فائض قدره 439.5 مليار ريال أي متوسط شهري 36.6 مليار ريال
*️⃣ الربع الأول 2020 حققت فائض 73.74 مليار ريال أي متوسط شهري 24.6 مليار ريال.
فجأة الرقم دا بقي صفر بل وسالب1 مليار ريال.
المشكلة الأكبر إن السالب 1 مليار دا حصل بالرغم من تراجع الواردات السعودية خلال أبريل لتصبح 38.08 مقابل 53.15 مليار ريال واردات في أبريل 2019 ؛ يعني السعودية الاستيراد بتاعها قل 29% تقريباً وبالرغم من كده حصل عجز؛ يعني لو الاستيراد كان في ب المعدلات العادية كان حصل عجز تاريخي محصلش من سنين طويلة.
اللي عاوز بقي يعرف تفاصيل اضافية يقدر يزور موقع الإحصاء السعودي من اللينك دا
https://bit.ly/3eEi6Tr
وممكن تشوف الكام نقطة دول عالصادرات والواردات السعودية وتأثرها في أبريل 2020 بحيث تعرفوا الاقتصاد السعودي رايح فين :
*️⃣ الصادرات إجمالي 37.1 مليار ريال مقابل 89.5 مليار ريال ابريل 2019 موزعه كالتالي:
1️⃣ النفط مبلغ 24.12 مليار ريال مقابل 69.67 مليار.
2️⃣ اللدائن (مطاط وغيره) مبلغ 4.6 مليار مقابل 6.2 مليار
3️⃣ الكيماويات 3.8 مليار مقابل 6.2 مليار
4️⃣ معادن 959 مليون مقابل 1547 مليون
5️⃣ مركبات 952 مليون مقابل 1479 مليون
*️⃣ الواردات في أبريل كانت 38.08 مليار مقابل 53.15 مليار في أبريل 2019 موزعه كالتالي :
1️⃣ مركبات مبلغ 7.5 مليار ريال مقابل 10.95 مليار.
2️⃣ إلكترونيات مبلغ 7.2 مليار مقابل 10.3 مليار.
3️⃣ الكيماويات 4.3 مليار مقابل 4.7 مليار.
4️⃣ معادن 3.8 مليار مقابل 4.7 مليار.
5️⃣ منتجات نباتيه 2.4 مليار مقابل 2.7 مليار.
6️⃣ مشروبات بما فيها التبغ 2.27 مليار مقابل 2.32 مليار
7️⃣ لحوم 1.55 مليار مقابل 1.77 مليار.
أتمني أكون وصلت بالبوست الطويل اللي كله أرقام دا ايه الوضع في السعودية 🇸🇦 اللي تعتبر أكبر اقتصاد عربي وثالث أكبر اقتصاد اسلامي بعد إندونيسيا وتركيا
الموضوع كبييير وصعب والضرر هيطول دول كثير واللي بيحصل في السعودية بيحصل اخوه في الامارات
للتذكير سفارة الهند 🇮🇳 في الامارات 🇦🇪 اعلنت ان في 450 الف هندي قدموا طلب بالعودة للهند والرقم دا معناه 15% من العمالة الهندية و 4.5% من سكان الامارات ؛ وسفارة باكستان 🇵🇰 قالت في 60 ألف عندها قدموا طلب العودة.
أسف إني بعملكم اكتئاب لكن الوضع في الخليج صعب فوق ما تتخيلوا وبلاش تنبهروا ب التليفزيونات والشو ؛ الامارات بتعاني عشان متفلسش خاصة وان المرة دي مش زي افلاس دبي 2009 وقتها أبو ظبي ضمنت دبي؛ المرة دي الازمة واصلة لأبو ظبي نفسها المنتجة ل 70% تقريباً من بترول الامارات؛ فلا امارة البترول عارفه تعيش ولا إمارة السياحة والتسوق دبي عارفه تتصرف.
الموضوع كبييير وصعب والضرر هيطول دول كثير واللي بيحصل في السعودية بيحصل اخوه في الامارات
للتذكير سفارة الهند 🇮🇳 في الامارات 🇦🇪 اعلنت ان في 450 الف هندي قدموا طلب بالعودة للهند والرقم دا معناه 15% من العمالة الهندية و 4.5% من سكان الامارات ؛ وسفارة باكستان 🇵🇰 قالت في 60 ألف عندها قدموا طلب العودة.
أسف إني بعملكم اكتئاب لكن الوضع في الخليج صعب فوق ما تتخيلوا وبلاش تنبهروا ب التليفزيونات والشو ؛ الامارات بتعاني عشان متفلسش خاصة وان المرة دي مش زي افلاس دبي 2009 وقتها أبو ظبي ضمنت دبي؛ المرة دي الازمة واصلة لأبو ظبي نفسها المنتجة ل 70% تقريباً من بترول الامارات؛ فلا امارة البترول عارفه تعيش ولا إمارة السياحة والتسوق دبي عارفه تتصرف.
👏1
هو الطيران الأمريكي والطيران الروسي مقضينها غلاسة في بعض ليه
يعني كل شوية روسيا تقولك لقينا طيارات امريكية ماشية عند حدودنا
تروح امريكا بعد يومين تقول رصدنا طيران روسي عندنا
بصوا آخر شهر عينه اخبار بس ودول اللي افتكرتهم فدورت جبتهم غير اللي نسيته
*️⃣ يوم 27 مايو : طائرات سوخوي 35 روسية تعترض طائرات استطلاع أمريكية شرق المتوسط فوق المياة الدولية.
*️⃣ يوم 10 يونيو : روسيا 🇷🇺 إن مقاتلات أمريكية اعترضت مقاتلات روسية بتطير بالقرب من الحدود الأمريكية لكن في المياة الدولية.
*️⃣ يوم 19 يونيو الطيران الروسي يعترض قاذفات B52 فوق بحر أخوتوسك شرق روسيا.
*️⃣ يوم 27 يونيو الدفاع الجوي الأمريكي يعلن اعتراض 4 طائرات استطلاع روسية.
*️⃣ يوم 29 يونيو (النهاردة) : مقاتلات سوخوي 27 تعترض طائرتي استطلاع أمريكين فوق البحر الأسود.
ايه جو الحرب الباردة دا؛ وايه الطيران الأمريكي والروسي اللي عمال يطير جنب حدود بعض كده ليه. ايه نفسهم يرجعوا الحرب الباردة تاني ولا ايه عشان تكمل 😂😂
يعني كل شوية روسيا تقولك لقينا طيارات امريكية ماشية عند حدودنا
تروح امريكا بعد يومين تقول رصدنا طيران روسي عندنا
بصوا آخر شهر عينه اخبار بس ودول اللي افتكرتهم فدورت جبتهم غير اللي نسيته
*️⃣ يوم 27 مايو : طائرات سوخوي 35 روسية تعترض طائرات استطلاع أمريكية شرق المتوسط فوق المياة الدولية.
*️⃣ يوم 10 يونيو : روسيا 🇷🇺 إن مقاتلات أمريكية اعترضت مقاتلات روسية بتطير بالقرب من الحدود الأمريكية لكن في المياة الدولية.
*️⃣ يوم 19 يونيو الطيران الروسي يعترض قاذفات B52 فوق بحر أخوتوسك شرق روسيا.
*️⃣ يوم 27 يونيو الدفاع الجوي الأمريكي يعلن اعتراض 4 طائرات استطلاع روسية.
*️⃣ يوم 29 يونيو (النهاردة) : مقاتلات سوخوي 27 تعترض طائرتي استطلاع أمريكين فوق البحر الأسود.
ايه جو الحرب الباردة دا؛ وايه الطيران الأمريكي والروسي اللي عمال يطير جنب حدود بعض كده ليه. ايه نفسهم يرجعوا الحرب الباردة تاني ولا ايه عشان تكمل 😂😂
تعالوا نشوف لمحة عن مصر 2020
السيسي إمبارح في افتتاح الطرق اتكلم عن منظومة مراقبة المرور الجديدة ATS او ITS حسب اسمها بقي وكمان اتكلم عن مخالفات فورية...
المنظومة حسب وزير النقل هتكون شغالة لمراقبة 20 طريق في مصر كمرحلة أولى ثم تتوسع لمراقبة كل الطرق.
هيكون فيها المخالفات بشكل مستمر كل 5 كيلو زي السيسي ما وضح... يعني زمان كنت تجري على طريق السويس تتاخد مخالفه سرعة وخلاص شكراً... دلوقتي انتا هتتاخد مخالفة في الكيلو 55 ثم 60 ثم 65 ثم 70 وهكذا كل 5 كيلو مخالفة... نظام لو جريت من القاهرة لاسكندرية تلاقي نفسك عامل 30/40 مخالفة الواحدة ب 300 يعني 9-12 ألف جنية عشان بتجري.
طيب دا هينفذ إزاي؟
1️⃣ تحالف دولي من 20 شركة أخد مناقصة ATS/ITS دا والغريب والحلو والوحش برضك إن التحالف قرر تنفيذ المشروع بدون ما الحكومة تدفع فلوس خالص.
2️⃣ وزير النقل قال التحالف هيصرف هو عالمشروع بالكامل وهيحصل فلوسه من حصيلة بعض الخدمات في الطرق اللي شغال فيها بشرط إن الإيراد دا مش كارته ولا رسوم موازين ولا الإعلانات. فدا معناه إنه هيحصل فلوسه إما خدمات للسيارات زي مطاعم وريست وكده أو وهنا النقطة من رسوم المخالفات. فهل الشركة هتجيب فلوسها من المخالفات!! تخيلوا بقي 😂😂
3️⃣ عشان المنظومة تتم هيتم نشر كاميرات الرادار الجديدة زي اللي نزلت في طريق السويس والقادرة على التعامل مع 8 سيارات في نفس الوقت وكذلك رصد إن السائق رابط الحزام أم لا؛ وفي أنواع تقدر تعرف هل بتتكلم في الموبايل أم لا.
4️⃣ المنظومة كمان عشان تتنفذ لازم يوصلك رسالة فورية بإن في مخالفة... عشان كده وزارة الاتصالات مشاركة في المشروع والوزير وضح كده برضك.
النقطة إن السيسي طلب إن المخالفات تتدفع فوري مش زي زمان تتساب لآخر السنة (يقصد لغاية ما تيجي تجدد الرخصة)؛ فهنا غالباً هيتطبق التالي وبقول غالبا عشان دا تخمين مني بناء على منظومات مطبقة في بعض الدول وليس تصريح من الحكومة
1️⃣ الطريقة الأولي
*️⃣ نتخيل سوا مخالفة زي السرعة دي غرامتها حالياً من 300 إلى 1500 جنية لكن نقول هتتعدل تبقى 500 إلى 5000 جنية.
*️⃣ هييجي لك SMS وإيميل من الحكومة إن في مخالفة وقيمتها 5000 جنية بس لو دفعت أول اسبوع هتحصل على خصم 90% يعني هتدفع 500 جنية بس (الحد الأدنى).
*️⃣ لو مدفعتش خلالها هتلاقي رسالة تقولك طيب قصادك شهر هتدفعها 1000 جنية
*️⃣ لو مدفعتش تلاقي رسالة تقولك طيب قدامك 3 شهور والمخالفة 2000 جنية
*️⃣ مدفعتهاش وهتسيبها لمعاد الترخيص فهنا هتدفع الحد الأقصى وهو 5000 جنية
دا هو الأسلوب الأول لتنفيذ المخالفات واللي بتوقعه بشكل شخصي يحصل قريب.
2️⃣ الأسلوب الثاني وهو لسه صعب حالياً لكني هشرحه برضك وعلى فكرة هما سبق ولمحوا بيه في مجلس الشعب عشان محدش يقولك بتديهم أفكار والأسلوب هو الحرمان من الخدمات:
*️⃣ لا أتوقع إن الدولة تقدر تنفذه قبل 2023 أو 2025
*️⃣ لو عليك فلوس للدولة ليكن فلوس كهرباء أو ماية أو مخالفات مرور أو أحكام غرامة "مش سجن غرامة" أو أي شيء فالدولة هتربط الفلوس دي بالرقم القومي بتاعك.
*️⃣ لما تروح تعمل أي خدمة ليكن توكيل لشخص أو اشتريت شقة ورايح تسجلها أو تقدم لها على عداد أو اشتريت عربية ورايح ترخصها طالب تجدد بطاقتك الشخصية فهنا السيستم بتاع الدولة هيرفض تنفيذ الطلب لك لغاية ما تسدد الفلوس اللي عليك... رايح تشتري لي عربية يا بيه وأنتا عليك فواتير كهرباء مش مدفوعة.
*️⃣ بعدها يمكن تطوير النظام دا وتبقى في جهة مسئولة عن تحصيل المخالفات في الدولة زي ألمانيا كده؛ يعني من الآخر عليك فلوس لشركة فودافون فهى تبلغ الجهة دي وهى تتصرف معاك... عندنا تكون الحكومة تقفل عنك الخدمات ويمكن حتى تتمنع من السفر طالما في فلوس عليك
اللي شايف كلام البوست خيال علمي يتصل بأصحابه بره مصر ليكن في الأمارات أو ألمانيا أو النرويج ويقولهم تقدر تنفض لأي مخالفة أو فاتورة عليك ومتدفعهاش بالشهور والسنين زي مصر؟ أما اللي شايف اه دا ممكن بره لكن مصر لا... عادي يعتبرني بهبد يا سيدي
استمتعوا بكره 1 يوليو 2020 وهنبدأ مصر الجديدة؛ وهى فعلاً بداية عصر جديد وسيبك من اللي بيتريقوا... رئيس الوزراء أعلن إمبارح إن أغسطس يعني كمان شهر هيطلق بوابة مصر الرقمية فيها وهيبقى فيها 155 خدمة حكومية بنهاية السنة. فإحنا هنبدأ عصر جديد؛ والعصر الجديد لا يعني إننا هنبقى مليونير مليونير وبكره هبقى مليونير؛ لا خالص أنتا فاهم العصر الجديد غلط
إنجووووووي يا جماعة وأنا هــ إنجوووووي معاكم 😭😭😭
السيسي إمبارح في افتتاح الطرق اتكلم عن منظومة مراقبة المرور الجديدة ATS او ITS حسب اسمها بقي وكمان اتكلم عن مخالفات فورية...
المنظومة حسب وزير النقل هتكون شغالة لمراقبة 20 طريق في مصر كمرحلة أولى ثم تتوسع لمراقبة كل الطرق.
هيكون فيها المخالفات بشكل مستمر كل 5 كيلو زي السيسي ما وضح... يعني زمان كنت تجري على طريق السويس تتاخد مخالفه سرعة وخلاص شكراً... دلوقتي انتا هتتاخد مخالفة في الكيلو 55 ثم 60 ثم 65 ثم 70 وهكذا كل 5 كيلو مخالفة... نظام لو جريت من القاهرة لاسكندرية تلاقي نفسك عامل 30/40 مخالفة الواحدة ب 300 يعني 9-12 ألف جنية عشان بتجري.
طيب دا هينفذ إزاي؟
1️⃣ تحالف دولي من 20 شركة أخد مناقصة ATS/ITS دا والغريب والحلو والوحش برضك إن التحالف قرر تنفيذ المشروع بدون ما الحكومة تدفع فلوس خالص.
2️⃣ وزير النقل قال التحالف هيصرف هو عالمشروع بالكامل وهيحصل فلوسه من حصيلة بعض الخدمات في الطرق اللي شغال فيها بشرط إن الإيراد دا مش كارته ولا رسوم موازين ولا الإعلانات. فدا معناه إنه هيحصل فلوسه إما خدمات للسيارات زي مطاعم وريست وكده أو وهنا النقطة من رسوم المخالفات. فهل الشركة هتجيب فلوسها من المخالفات!! تخيلوا بقي 😂😂
3️⃣ عشان المنظومة تتم هيتم نشر كاميرات الرادار الجديدة زي اللي نزلت في طريق السويس والقادرة على التعامل مع 8 سيارات في نفس الوقت وكذلك رصد إن السائق رابط الحزام أم لا؛ وفي أنواع تقدر تعرف هل بتتكلم في الموبايل أم لا.
4️⃣ المنظومة كمان عشان تتنفذ لازم يوصلك رسالة فورية بإن في مخالفة... عشان كده وزارة الاتصالات مشاركة في المشروع والوزير وضح كده برضك.
النقطة إن السيسي طلب إن المخالفات تتدفع فوري مش زي زمان تتساب لآخر السنة (يقصد لغاية ما تيجي تجدد الرخصة)؛ فهنا غالباً هيتطبق التالي وبقول غالبا عشان دا تخمين مني بناء على منظومات مطبقة في بعض الدول وليس تصريح من الحكومة
1️⃣ الطريقة الأولي
*️⃣ نتخيل سوا مخالفة زي السرعة دي غرامتها حالياً من 300 إلى 1500 جنية لكن نقول هتتعدل تبقى 500 إلى 5000 جنية.
*️⃣ هييجي لك SMS وإيميل من الحكومة إن في مخالفة وقيمتها 5000 جنية بس لو دفعت أول اسبوع هتحصل على خصم 90% يعني هتدفع 500 جنية بس (الحد الأدنى).
*️⃣ لو مدفعتش خلالها هتلاقي رسالة تقولك طيب قصادك شهر هتدفعها 1000 جنية
*️⃣ لو مدفعتش تلاقي رسالة تقولك طيب قدامك 3 شهور والمخالفة 2000 جنية
*️⃣ مدفعتهاش وهتسيبها لمعاد الترخيص فهنا هتدفع الحد الأقصى وهو 5000 جنية
دا هو الأسلوب الأول لتنفيذ المخالفات واللي بتوقعه بشكل شخصي يحصل قريب.
2️⃣ الأسلوب الثاني وهو لسه صعب حالياً لكني هشرحه برضك وعلى فكرة هما سبق ولمحوا بيه في مجلس الشعب عشان محدش يقولك بتديهم أفكار والأسلوب هو الحرمان من الخدمات:
*️⃣ لا أتوقع إن الدولة تقدر تنفذه قبل 2023 أو 2025
*️⃣ لو عليك فلوس للدولة ليكن فلوس كهرباء أو ماية أو مخالفات مرور أو أحكام غرامة "مش سجن غرامة" أو أي شيء فالدولة هتربط الفلوس دي بالرقم القومي بتاعك.
*️⃣ لما تروح تعمل أي خدمة ليكن توكيل لشخص أو اشتريت شقة ورايح تسجلها أو تقدم لها على عداد أو اشتريت عربية ورايح ترخصها طالب تجدد بطاقتك الشخصية فهنا السيستم بتاع الدولة هيرفض تنفيذ الطلب لك لغاية ما تسدد الفلوس اللي عليك... رايح تشتري لي عربية يا بيه وأنتا عليك فواتير كهرباء مش مدفوعة.
*️⃣ بعدها يمكن تطوير النظام دا وتبقى في جهة مسئولة عن تحصيل المخالفات في الدولة زي ألمانيا كده؛ يعني من الآخر عليك فلوس لشركة فودافون فهى تبلغ الجهة دي وهى تتصرف معاك... عندنا تكون الحكومة تقفل عنك الخدمات ويمكن حتى تتمنع من السفر طالما في فلوس عليك
اللي شايف كلام البوست خيال علمي يتصل بأصحابه بره مصر ليكن في الأمارات أو ألمانيا أو النرويج ويقولهم تقدر تنفض لأي مخالفة أو فاتورة عليك ومتدفعهاش بالشهور والسنين زي مصر؟ أما اللي شايف اه دا ممكن بره لكن مصر لا... عادي يعتبرني بهبد يا سيدي
استمتعوا بكره 1 يوليو 2020 وهنبدأ مصر الجديدة؛ وهى فعلاً بداية عصر جديد وسيبك من اللي بيتريقوا... رئيس الوزراء أعلن إمبارح إن أغسطس يعني كمان شهر هيطلق بوابة مصر الرقمية فيها وهيبقى فيها 155 خدمة حكومية بنهاية السنة. فإحنا هنبدأ عصر جديد؛ والعصر الجديد لا يعني إننا هنبقى مليونير مليونير وبكره هبقى مليونير؛ لا خالص أنتا فاهم العصر الجديد غلط
إنجووووووي يا جماعة وأنا هــ إنجوووووي معاكم 😭😭😭
👍4❤1👏1
مصر بيباع سنوياً فيها 20 مليون موبايل
لو فرضنا إن غالبيتهم موبايلات شعبي وكده يعني فنقول متوسط سعر الموبايل 2000 جنية (وأنا مقتنع إنه أكثر).
يبقي اجمالي المبيعات 40 مليار جنية
جهاز تنظيم عطيات أقصد الاتصالات NTRA طلع قرار بتحصيل 5% من قيمة الهواتف (الجمركية) لصالح الجهاز مقابل أعباء وأعمال (حوكمة) أجهزة المحمول ولا تسألني ماذا تعني فأنا لا أعلم 😂..
يعني نتخيل الرقم دا يعمله 2 مليار جنية
جهة في لحظة تطلع قرار تحصل بيه 2 مليار من الشعب 😂😂
لو فرضنا إن غالبيتهم موبايلات شعبي وكده يعني فنقول متوسط سعر الموبايل 2000 جنية (وأنا مقتنع إنه أكثر).
يبقي اجمالي المبيعات 40 مليار جنية
جهاز تنظيم عطيات أقصد الاتصالات NTRA طلع قرار بتحصيل 5% من قيمة الهواتف (الجمركية) لصالح الجهاز مقابل أعباء وأعمال (حوكمة) أجهزة المحمول ولا تسألني ماذا تعني فأنا لا أعلم 😂..
يعني نتخيل الرقم دا يعمله 2 مليار جنية
جهة في لحظة تطلع قرار تحصل بيه 2 مليار من الشعب 😂😂
👏1🤔1
عندما تربح الشركات ويخسر الشعوب؛ الجزء الأول (المقدمة)
في تقرير CNBC نشر أول إمبارح أشار لمفاجأة في الاقتصاد والبورصة الأمريكية ؛ اللي متابع عارف إن الاقتصاد العالمي منهار وإن آخر 4 شهور 9.8% من الأمريكين فقدوا وظايفهم أي 15.2 مليون شخص ومعدل البطالة وصل ل 13.3% وووو لكن التقرير كان عن البورصة الأمريكية خلال الربع الثاني (أبريل مايو يونيو) وكان كالتالي:
*️⃣ مؤشر داو جونز الصناعي حقق أفضل نتيجة في ربع سنوي منذ 1987 ونمو 17.8%
*️⃣ مؤشر S&P 500 ودا بيقيس أكبر 500 شركة حقق أفضل أداء ليه في ربع سنوي منذ 1998 ونمو 20%.
*️⃣ مؤشر ناسداك الخاص بالشركات التقنية حقق أفضل أداء في ربع منذ 1999 ونمو 30.6%
❕❕ للتوضيح: الأرقام نمو في الربع يعني مقارنة 1 أبريل مع 30 يونيو؛ وليس الأفضل علي الاطلاق.
هنا ييجي السؤال ؟ هو ايه اللي حصل وإزاي الشركات خلاص عوضت خسائرها بل في شركات زي أبل وأمازون ومايكروسوفت بيحققوا أعلي قيمة ليهم في تاريخهم. 🤔🤔
*️⃣ بصوا هو الإجابة معقدة وأكبر من قدرة حد علي الرد عليها؛ أصلك لو قولت دي شركات تقنية فالكورونا هي وقتهم طيب تفسيرك ايه لنمو داو جونز ومؤشر S&P500 ! المؤشرات دي فيها شركات كثييير غير تقنية 🤔
*️⃣ مفيش إجابة سحرية للسؤال والنمو سببه خليط من الأسباب؛ لكن عشان أنا شرير قوي 😈 😈 هرغي في سبب واحد منهم وهو الاحتكار Monopoly والعولمة Globalization ؛ الشركات بقت أكبر من إنها تتأثر وتنهار؛ في الظروف العادية وحالة المنافسة فلما يفقد 10% من الشعب وظايفهم يبقي الزباين هتقل فالناس هتبدأ تشوف الخيارات المتاحة أجيب من عند فلان ولا فلان؛ فالشركة اللي مش مظبطه نفسها؛ لان في قاعدة ب البيزنس أنا مقتنع بيها بتقول :
((( وقت السوق الجيد الجميع سيبيع؛ لكن وقت السوق الصعب فلن يبيع سوى المتميز )))
دا في حالة السوق الطبيعي لكن الاحتكار بيخلي مفيش كده؛ أنا التاجر الوحيد فعلياً ولو عاوز السلعه دي هي موجودة عندي أنا بس.
*️⃣ هتقولي إنتا هجاص يا محمد 😭 ومفيش احتكار في السوق؛ هقولك انتا صح ✅ مفيش احتكار لكن تعالى نتخيل سوق فيه تاجر قوي وكبير قوي زي أمازون وفي 1000 تاجر صغير؛ وبعدين حصل أزمة اقتصادية أثرت عالسوق دا؛ مين معاه فلوس يقدر يستحمل ويكمل 🤔 طبعاً أمازون؛ فبعد شهر الشركات الصغيرة بقت 700 ثم 500 ثم 400 ثم 300 وهكذا ؛ أمازون معملهمش شيء هما صغيرين مش هيقدروا ينافسوا فينسحقوا ؛ فالنتيجة الشركات دي تفلس والموظفين فيها يطردوا وفي نفس الوقت أمازون يحقق أرباح أكثر وقيمة السهم بتاعه يكبر لإنه بقى مسيطر علي نسبة أكبر من السوق. بريء أمازون معملش حاجة ولا تقدر تتهمه بشيء خالص شوفت 😊. بس هو إزاي بقى كبير قوي كده فمش هيأثر فيه زي الآخرين 🤔🤔
*️⃣ فالرأسمالية بشكلها الحالي كارثة مأساوية ودايما بيكسبوا حتي لو الشعوب بتخسر والناس بتموت ؛ ومتفتكرش إني شيوعي بلاش غباوة وتفكير القرون الوسطى دا بتاع الأبيض والأسود وطالما إنتا معترض على ممارسات رأسمالية يبقي انتا اشتراكي شيوعي والعكس.
*️⃣ الفكرة اللي عاوز أوصلها هى إن الرأسمالية سمحت للشركات بالنمو بالفساد والاحتكار والوصول لحجم يخليها تستفيد حتى من الكوارث ويبقي الخاسر الوحيد هو الشعب؛ وفي الظروف العادية الخسارة هتتوزع عالكبير والصغير فهنا نسبة تحمل الصغير للضرر هتقل؛ لكن الرأسمالية بصورتها الحالية بتخلي الخسارة عالصغير بس وهو بس اللي هيحاسب عالمشاريب كلها وبالتالي تبقي خسارته أكبر بكثير...
*️⃣ طبعاً هتقولي إزاي وفين الفساد والاحتكار؛ وعشان كده هضربلكم أمثلة عن أكبر الشركات في عالم التكنولوجيا (بسبب تخصصي وليس عشان هما بس الوحشين) والشركات هتكون أبل وجوجل وكوالكم وممكن مايكروسوفت كمان لو لقيت الفكرة موصلتش ونشوف إزاي ممارسات فاسدة بتحقق لهم مليارات؛ وللتذكير أنا هقول أمثلة وليس كل اللي بيعملوه فهما شغالين احتكار Monopoly وتهرب ضريبي وممارسات تجارية غير سليمة وسرقة براءات اختراع وعمالة واستعباد مقنن لأطفال ووو... بصوا هما بيعملوا كل حاجة تتخيلوا أو لا تتخيلوها..
*️⃣*️⃣*️⃣ البوست لما كتبته لقيته بقى آلالاف الكلمات فهقسمه علي كذا بوست ورا بعض
الجزء القادم هيتكلم عن شركة أبل وممارسة احتكارية بتقوم بيها وهي سبب تحقيق حالي من الإتحاد الأوروبي 🇪🇺
الجزء الثاني قادم مساء اليوم في تليجرام وصباح الغد في الفيس بوك
في تقرير CNBC نشر أول إمبارح أشار لمفاجأة في الاقتصاد والبورصة الأمريكية ؛ اللي متابع عارف إن الاقتصاد العالمي منهار وإن آخر 4 شهور 9.8% من الأمريكين فقدوا وظايفهم أي 15.2 مليون شخص ومعدل البطالة وصل ل 13.3% وووو لكن التقرير كان عن البورصة الأمريكية خلال الربع الثاني (أبريل مايو يونيو) وكان كالتالي:
*️⃣ مؤشر داو جونز الصناعي حقق أفضل نتيجة في ربع سنوي منذ 1987 ونمو 17.8%
*️⃣ مؤشر S&P 500 ودا بيقيس أكبر 500 شركة حقق أفضل أداء ليه في ربع سنوي منذ 1998 ونمو 20%.
*️⃣ مؤشر ناسداك الخاص بالشركات التقنية حقق أفضل أداء في ربع منذ 1999 ونمو 30.6%
❕❕ للتوضيح: الأرقام نمو في الربع يعني مقارنة 1 أبريل مع 30 يونيو؛ وليس الأفضل علي الاطلاق.
هنا ييجي السؤال ؟ هو ايه اللي حصل وإزاي الشركات خلاص عوضت خسائرها بل في شركات زي أبل وأمازون ومايكروسوفت بيحققوا أعلي قيمة ليهم في تاريخهم. 🤔🤔
*️⃣ بصوا هو الإجابة معقدة وأكبر من قدرة حد علي الرد عليها؛ أصلك لو قولت دي شركات تقنية فالكورونا هي وقتهم طيب تفسيرك ايه لنمو داو جونز ومؤشر S&P500 ! المؤشرات دي فيها شركات كثييير غير تقنية 🤔
*️⃣ مفيش إجابة سحرية للسؤال والنمو سببه خليط من الأسباب؛ لكن عشان أنا شرير قوي 😈 😈 هرغي في سبب واحد منهم وهو الاحتكار Monopoly والعولمة Globalization ؛ الشركات بقت أكبر من إنها تتأثر وتنهار؛ في الظروف العادية وحالة المنافسة فلما يفقد 10% من الشعب وظايفهم يبقي الزباين هتقل فالناس هتبدأ تشوف الخيارات المتاحة أجيب من عند فلان ولا فلان؛ فالشركة اللي مش مظبطه نفسها؛ لان في قاعدة ب البيزنس أنا مقتنع بيها بتقول :
((( وقت السوق الجيد الجميع سيبيع؛ لكن وقت السوق الصعب فلن يبيع سوى المتميز )))
دا في حالة السوق الطبيعي لكن الاحتكار بيخلي مفيش كده؛ أنا التاجر الوحيد فعلياً ولو عاوز السلعه دي هي موجودة عندي أنا بس.
*️⃣ هتقولي إنتا هجاص يا محمد 😭 ومفيش احتكار في السوق؛ هقولك انتا صح ✅ مفيش احتكار لكن تعالى نتخيل سوق فيه تاجر قوي وكبير قوي زي أمازون وفي 1000 تاجر صغير؛ وبعدين حصل أزمة اقتصادية أثرت عالسوق دا؛ مين معاه فلوس يقدر يستحمل ويكمل 🤔 طبعاً أمازون؛ فبعد شهر الشركات الصغيرة بقت 700 ثم 500 ثم 400 ثم 300 وهكذا ؛ أمازون معملهمش شيء هما صغيرين مش هيقدروا ينافسوا فينسحقوا ؛ فالنتيجة الشركات دي تفلس والموظفين فيها يطردوا وفي نفس الوقت أمازون يحقق أرباح أكثر وقيمة السهم بتاعه يكبر لإنه بقى مسيطر علي نسبة أكبر من السوق. بريء أمازون معملش حاجة ولا تقدر تتهمه بشيء خالص شوفت 😊. بس هو إزاي بقى كبير قوي كده فمش هيأثر فيه زي الآخرين 🤔🤔
*️⃣ فالرأسمالية بشكلها الحالي كارثة مأساوية ودايما بيكسبوا حتي لو الشعوب بتخسر والناس بتموت ؛ ومتفتكرش إني شيوعي بلاش غباوة وتفكير القرون الوسطى دا بتاع الأبيض والأسود وطالما إنتا معترض على ممارسات رأسمالية يبقي انتا اشتراكي شيوعي والعكس.
*️⃣ الفكرة اللي عاوز أوصلها هى إن الرأسمالية سمحت للشركات بالنمو بالفساد والاحتكار والوصول لحجم يخليها تستفيد حتى من الكوارث ويبقي الخاسر الوحيد هو الشعب؛ وفي الظروف العادية الخسارة هتتوزع عالكبير والصغير فهنا نسبة تحمل الصغير للضرر هتقل؛ لكن الرأسمالية بصورتها الحالية بتخلي الخسارة عالصغير بس وهو بس اللي هيحاسب عالمشاريب كلها وبالتالي تبقي خسارته أكبر بكثير...
*️⃣ طبعاً هتقولي إزاي وفين الفساد والاحتكار؛ وعشان كده هضربلكم أمثلة عن أكبر الشركات في عالم التكنولوجيا (بسبب تخصصي وليس عشان هما بس الوحشين) والشركات هتكون أبل وجوجل وكوالكم وممكن مايكروسوفت كمان لو لقيت الفكرة موصلتش ونشوف إزاي ممارسات فاسدة بتحقق لهم مليارات؛ وللتذكير أنا هقول أمثلة وليس كل اللي بيعملوه فهما شغالين احتكار Monopoly وتهرب ضريبي وممارسات تجارية غير سليمة وسرقة براءات اختراع وعمالة واستعباد مقنن لأطفال ووو... بصوا هما بيعملوا كل حاجة تتخيلوا أو لا تتخيلوها..
*️⃣*️⃣*️⃣ البوست لما كتبته لقيته بقى آلالاف الكلمات فهقسمه علي كذا بوست ورا بعض
الجزء القادم هيتكلم عن شركة أبل وممارسة احتكارية بتقوم بيها وهي سبب تحقيق حالي من الإتحاد الأوروبي 🇪🇺
الجزء الثاني قادم مساء اليوم في تليجرام وصباح الغد في الفيس بوك
👍2❤1👏1
عندما تربح الشركات وتخسر الشعوب الجزء الثاني (شركة أبل)
1️⃣ شركة أبل 🍏
*️⃣ نخلينا في أحدث حاجة وهو شيء بيتم الآن؛ تحقيق من المفوضية الأوروبية مع شركة أبل بتهمة الاحتكار وممارسات تجارية غير سليمة في متجر البرامج Appstore وخدمة الدفع بتاعة أبل Apple Pay... للتذكير فلما مبرمج يبيع خدمة في متجر أبل بيدفع 30% لأبل عمولة والموضوع دا تحسوا جميل وأبل مستفيدة والمبرمجين مستفيدين وحتي الآن وصلهم من أبل حتي نهاية 2019 مبلغ 155 مليار دولار وفي المقابل أبل كمان أخدت 67 مليار دولار... علاقة جميلة مثالية Win-Win أهي صح 🤔🤔
*️⃣ مش صح قوي لإن في شركات قالت إنهم مش قادرين يتحملوا حصة لأبل 30% فقالوا خلاص هنخلي الدفع من موقعنا وتخش البرنامج تلاقي الخدمة شغالة؛ يعني تفتح الموبايل تلاقيه بيقولك روح الموقع اشترك يا هندسة؛ حيلة ذكية صح🤔 لا طبعاً؛ أبل قالت دا انتهاك للوائح ومينفعش تحط للمستخدم رسالة روح الموقع ادفع؛ لازم توفر إمكانية انه يشتري من جوا البرنامج (ويدفع لأبل 30%) ورفضت البرامج للشركات... فهنا الشركات قالت خلاص مش هنحط رسالة روح الموقع اشترك وهو هيروح لوحده؛ أمال هيستخدم البرنامج إزاي 🤔🤔 فهنا أبل ردت وقالت وإحنا بنراجع البرنامج فتحناه لقيناه مش شغال ومش عارفين إزاي نشغله (عشان هو عاوز اشتراك طبعاً احنا فاهمين) فكده البرنامج دا مش شغال ومش بيقدم وظيفة فمش هينزل الاستور؛ ورفضت البرنامج... شوفتم الفكرة ؛ لازم تدفع عشان تعدي...
*️⃣ نشوف مثال أبل مع خدمة الأغاني الشهيرة سبوتيفاي Spotify ؛ دول بقى عندهم نسخة مجانية يعني بدون اشتراك هتفتح فالبرنامج يشتغل أهو 😂😂 ملكيش حجة يا أبل؛ فاكرين طبعاً نفسهم هيزنقوا أبل يعني 🤔🤔 دا عند يور مازر 🤨... أبل صراحة كده وقفت لهم خدمات ومزايا في iOS ؛ قالت عاوز توصل لبعض وظائف سيري وخدمات معينة يبقي لازم الابلكيشن بتاعك يوفر الاشتراك من جواه؛ وش وصراحة كده؛ قالت أبل إن تطوير الخدمات بيكلفني فلوس ومش هديها للشركات ببلاش؛ اللي يدفع لي هوصله للخدمة...
*️⃣ عندها حق أبل هنا أهي يا بن سامي؛ لكن الواقع ودا سبب تحقيق الإتحاد الأوروبي مع أبل فالوضع مختلف؛ أبل عندها خدمة موسيقى منافسة لسبوتيفاي اسمها Apple Music 🎶 ؛ فأبل لما تاخد 30% من عائدات سبوتيفاي فهنا دخل سبوتيفاي هيتأثر؛ طب الدخل دا بيعملوا بيه ايه سبوتيفاي!!! بيخشوا بيه منافسه مع أبل في شراء حقوق بث الأغاني؛ فأبل لما تقلل دخل سبوتيفاي فكده هتضعفها في منافسه شراء الأغاني فكده الأغاني هتتوفر أكثر في أبل فناس أكثر تروح لأبل فسبوتيفاي تخسر عملاء فدخلها يقل فمتقدرش تشتري أغاني أكثر وهكذا وهكذا؛ فتبقي أبل قضت على منافسها لكن بالطريقة... فهمتم ليه الإتحاد الأوروبي 🇪🇺 بيحقق مع أبل عشان بتستخدم خدعة تدمير المنافس المثالية؛ تجفيف المنابع
اللي مفهمتش حركة أبل هيفهمها الجزء القادم من المقال لما نتكلم عن شركة كوالكم وإزاي اكتسحت السوق وقضت على المنافسة المحتملة.
*️⃣ الخلاصة إن أبل بقت زي البلطجي (دا تعبير عضو الكونجرس رئيس لجنة مكافحة الفساد) اللي ماسك مطواه ومانع حد يخش السوق يبيع غير لما يدفع الاتاوة؛ جو الشبيحة والبلطجة المشهورة والاتاوة الشهرية المعروف في الأسواق لكنه هنا بيتم من شركة لابسة بدلة ماركة Brioni مش هدوم عصابة القناع الأسود المخططة 😂 🦓
أشوفكم الجزء القادم
1️⃣ شركة أبل 🍏
*️⃣ نخلينا في أحدث حاجة وهو شيء بيتم الآن؛ تحقيق من المفوضية الأوروبية مع شركة أبل بتهمة الاحتكار وممارسات تجارية غير سليمة في متجر البرامج Appstore وخدمة الدفع بتاعة أبل Apple Pay... للتذكير فلما مبرمج يبيع خدمة في متجر أبل بيدفع 30% لأبل عمولة والموضوع دا تحسوا جميل وأبل مستفيدة والمبرمجين مستفيدين وحتي الآن وصلهم من أبل حتي نهاية 2019 مبلغ 155 مليار دولار وفي المقابل أبل كمان أخدت 67 مليار دولار... علاقة جميلة مثالية Win-Win أهي صح 🤔🤔
*️⃣ مش صح قوي لإن في شركات قالت إنهم مش قادرين يتحملوا حصة لأبل 30% فقالوا خلاص هنخلي الدفع من موقعنا وتخش البرنامج تلاقي الخدمة شغالة؛ يعني تفتح الموبايل تلاقيه بيقولك روح الموقع اشترك يا هندسة؛ حيلة ذكية صح🤔 لا طبعاً؛ أبل قالت دا انتهاك للوائح ومينفعش تحط للمستخدم رسالة روح الموقع ادفع؛ لازم توفر إمكانية انه يشتري من جوا البرنامج (ويدفع لأبل 30%) ورفضت البرامج للشركات... فهنا الشركات قالت خلاص مش هنحط رسالة روح الموقع اشترك وهو هيروح لوحده؛ أمال هيستخدم البرنامج إزاي 🤔🤔 فهنا أبل ردت وقالت وإحنا بنراجع البرنامج فتحناه لقيناه مش شغال ومش عارفين إزاي نشغله (عشان هو عاوز اشتراك طبعاً احنا فاهمين) فكده البرنامج دا مش شغال ومش بيقدم وظيفة فمش هينزل الاستور؛ ورفضت البرنامج... شوفتم الفكرة ؛ لازم تدفع عشان تعدي...
*️⃣ نشوف مثال أبل مع خدمة الأغاني الشهيرة سبوتيفاي Spotify ؛ دول بقى عندهم نسخة مجانية يعني بدون اشتراك هتفتح فالبرنامج يشتغل أهو 😂😂 ملكيش حجة يا أبل؛ فاكرين طبعاً نفسهم هيزنقوا أبل يعني 🤔🤔 دا عند يور مازر 🤨... أبل صراحة كده وقفت لهم خدمات ومزايا في iOS ؛ قالت عاوز توصل لبعض وظائف سيري وخدمات معينة يبقي لازم الابلكيشن بتاعك يوفر الاشتراك من جواه؛ وش وصراحة كده؛ قالت أبل إن تطوير الخدمات بيكلفني فلوس ومش هديها للشركات ببلاش؛ اللي يدفع لي هوصله للخدمة...
*️⃣ عندها حق أبل هنا أهي يا بن سامي؛ لكن الواقع ودا سبب تحقيق الإتحاد الأوروبي مع أبل فالوضع مختلف؛ أبل عندها خدمة موسيقى منافسة لسبوتيفاي اسمها Apple Music 🎶 ؛ فأبل لما تاخد 30% من عائدات سبوتيفاي فهنا دخل سبوتيفاي هيتأثر؛ طب الدخل دا بيعملوا بيه ايه سبوتيفاي!!! بيخشوا بيه منافسه مع أبل في شراء حقوق بث الأغاني؛ فأبل لما تقلل دخل سبوتيفاي فكده هتضعفها في منافسه شراء الأغاني فكده الأغاني هتتوفر أكثر في أبل فناس أكثر تروح لأبل فسبوتيفاي تخسر عملاء فدخلها يقل فمتقدرش تشتري أغاني أكثر وهكذا وهكذا؛ فتبقي أبل قضت على منافسها لكن بالطريقة... فهمتم ليه الإتحاد الأوروبي 🇪🇺 بيحقق مع أبل عشان بتستخدم خدعة تدمير المنافس المثالية؛ تجفيف المنابع
اللي مفهمتش حركة أبل هيفهمها الجزء القادم من المقال لما نتكلم عن شركة كوالكم وإزاي اكتسحت السوق وقضت على المنافسة المحتملة.
*️⃣ الخلاصة إن أبل بقت زي البلطجي (دا تعبير عضو الكونجرس رئيس لجنة مكافحة الفساد) اللي ماسك مطواه ومانع حد يخش السوق يبيع غير لما يدفع الاتاوة؛ جو الشبيحة والبلطجة المشهورة والاتاوة الشهرية المعروف في الأسواق لكنه هنا بيتم من شركة لابسة بدلة ماركة Brioni مش هدوم عصابة القناع الأسود المخططة 😂 🦓
أشوفكم الجزء القادم
👏1
من الحاجات المؤسفة إننا في مصر بدأنا نتحول تدريجي لنموذج المواطن الأمريكي في الثقافة العالمية بتاعته
المواطن الأمريكي العادي هو شخص منغلق علي دولته ميعرفش بيحصل ايه في العالم ولا يفرق معاه؛ هو شايف دولته كفاية وعنده الحس المادي مهول؛ عشان كده هو مجتمع استهلاكي عنيف سواء في الأكل أو الأفلام أو السيارات أو رياضات خاصة بيهم زي الكرة الأمريكية والمصارعه الترفيهية WWE وغيرها
*️⃣ يركز عادة علي ايه بيخص بلده وشكراً؛ العالم الخارجي معرفوش؛ وفي فيديوهات كثير بتظهر ضحالة ثقافتهم الخارجية نظام لو سألتهم هي أفغانستان في انهي قارة ممكن يقولك أفريقيا عادي...
*️⃣ لكنه مركز علي ترفيه نفسه وحياته والأسعار عنده ونظام الصحي زي أوباما كير سابقاً؛ نظام الضرايب؛ الخ الخ
*️⃣ لما الساسة يحبوا يجيبوه الانتخابات يقولوا له هنقلب دولة زي السعودية 🇸🇦 زي ما ترامب بيقول كثير؛ أو المنافسين يقولوا ترامب مدعوم من بوتين وكده...
يوم ما المواطن طلع يتظاهر ضد الحرب ليكن في فيتنام 🇻🇳 مكانش عشان صعبان عليهم ملاييين القتلي الفيتناميين؛ لا خالص ما يتحرقوا؛ دا عشان الحرب بتتسبب في قتل أمريكان وتأثر علينا اقتصاديا لدرجة إن الرئيس نيكسون وقتها عمل صدمة بريتون وودز الشهيرة ولغي ربط الدولار بالذهب سنة 1971.
احنا بدأنا نتحول زيهم للأسف وحرفياً
*️⃣ وقف أي حد في الشارع قوله تعرف ايه عن تفشي الكوليرا في اليمن 🇾🇪 🤔🤔🤔؛ بجد يعني متخيلين إن من 2016 الوباء منتشر هناك وتقديرات بتتكلم عن 2.5 مليون مصاب بالكوليرا في اليمن 🇾🇪 وتلاقي الناس مش عارفه.
*️⃣ طيب قوله برضك قولي دول عربية فيها مجاعه؛ هيقولك الصومال 🇸🇴؛ قوله طيب اليمن! في تقديرات بتقول 100 ألف طفل يمني أقل 5 سنين مات من الجوع وسوء التغذية.
*️⃣ طيب قوله تعرف ايه عن لبنان 🇱🇧 دلوقتي؛ هيقولك المزز حلوين؛ قوله اه حلوين بس تعرف انهم بيعانوا برضك!! ان الاقتصاد اللبناني انهار لدرجة إن في طوابير عشان العيش الحاف؛ اه مش جديدة الأزمات في لبنان 🇱🇧 بس المرة دي لا في السعودية 🇸🇦 تنقذهم ولا سوريا 🇸🇾 تتدخل يعني ممكن يتساب المواطن العادي للموت عادي جداً خاصة وسط صراع الساسة.
مبقولش إن مفروض نعمل حاجة عشان مجاعات اليمن أو نساعد لبنان مع ان دا مفروض فرض علينا؛ بس بقول ان الناس مبقتش عارفه أصلاً ايه بيحصل حوليها.
لكني بقولك اننا مينفعش نبقي قاعدين كل تركيزنا في نفسنا وحتي منعرفش ان اخواتنا في مأساة فندعي لهم ؛ لا خالص احنا بنركز مع نفسنا وطول ما العلف بيتحط الدنيا تمام ولو العلف نقص هنا بس هناخد بالنا لكن لو في بني ادم اخونا بيموت جنبنا ولا هنفكر فيه واحنا مالنا خلينا في مشاكلنا. لان ببساطة العقلية دي بتتطور لان ملناش دعوة بغيرنا اللي جوا دولتنا دا في اسيوط ولا مطروح ولا سيناء وخليني في مشاكل القاهرة بتاعتي؛ ثم تتطور لخلينا في مشكلة القاهرة الجديدة بتاعتي والماية اللي بتقطع كثير؛ ثم مشكلة عمارتي ثم شقتي.
*️⃣ ربنا يكون في عون اليمينين في أوبئتهم ومجاعاتهم
*️⃣ وعون اللبنانيين في ازمتهم الاقتصادية ويا رب تعدي ومتقلبش مجاعه ويهدي الساسة اللبنانيين اللي مستعدين يدخلوا البلاد في حرب أهلية لتصفية خلافاتهم.
*️⃣ وعون العراقيين في نقص المياه اللي تركيا قررت تاخد نهر دجلة منهم (سد يعني).
*️⃣ وعون الصومال 🇸🇴 اللي هي محدش عارف هترجع اماي دولة واحدة مش صومال لاند ودولة الصومال.
*️⃣ وعون مسلمي وسط افريقيا اللي اما بيقتلوا على ميليشيات هناك أو علي يد سفاح افريقيا الأول فرنسا 🇫🇷.
*️⃣ وعون السوريين والليبين في الصراع العالمي اللي بيحصل في دولهم وبأرواحهم.
*️⃣ وطبعا عون أهلنا في الصعيد اللي الدولة بتقول إن 1 من كل 2 في الصعيد عايشين تحت خط الفقر المصري اللي هو 735.5 جنية؛ ااه يا جدعان 1 من كل 2 في الصعيد دخله أقل من 24 جنية في اليوم ودا الرسمي بتاع الحكومة.
بلاش تنجروا لفكرة وأنا مالي خلينا في حالنا وكفاية اللي فينا؛ لانك بدأت الأول ومأخدتش بالك من مسلمي وسط افريقيا ثم مأخدتش بالك من اليمن ولبنان ثم مأخدتش بالك من الصعيد.
تصبحوا علي خير
المواطن الأمريكي العادي هو شخص منغلق علي دولته ميعرفش بيحصل ايه في العالم ولا يفرق معاه؛ هو شايف دولته كفاية وعنده الحس المادي مهول؛ عشان كده هو مجتمع استهلاكي عنيف سواء في الأكل أو الأفلام أو السيارات أو رياضات خاصة بيهم زي الكرة الأمريكية والمصارعه الترفيهية WWE وغيرها
*️⃣ يركز عادة علي ايه بيخص بلده وشكراً؛ العالم الخارجي معرفوش؛ وفي فيديوهات كثير بتظهر ضحالة ثقافتهم الخارجية نظام لو سألتهم هي أفغانستان في انهي قارة ممكن يقولك أفريقيا عادي...
*️⃣ لكنه مركز علي ترفيه نفسه وحياته والأسعار عنده ونظام الصحي زي أوباما كير سابقاً؛ نظام الضرايب؛ الخ الخ
*️⃣ لما الساسة يحبوا يجيبوه الانتخابات يقولوا له هنقلب دولة زي السعودية 🇸🇦 زي ما ترامب بيقول كثير؛ أو المنافسين يقولوا ترامب مدعوم من بوتين وكده...
يوم ما المواطن طلع يتظاهر ضد الحرب ليكن في فيتنام 🇻🇳 مكانش عشان صعبان عليهم ملاييين القتلي الفيتناميين؛ لا خالص ما يتحرقوا؛ دا عشان الحرب بتتسبب في قتل أمريكان وتأثر علينا اقتصاديا لدرجة إن الرئيس نيكسون وقتها عمل صدمة بريتون وودز الشهيرة ولغي ربط الدولار بالذهب سنة 1971.
احنا بدأنا نتحول زيهم للأسف وحرفياً
*️⃣ وقف أي حد في الشارع قوله تعرف ايه عن تفشي الكوليرا في اليمن 🇾🇪 🤔🤔🤔؛ بجد يعني متخيلين إن من 2016 الوباء منتشر هناك وتقديرات بتتكلم عن 2.5 مليون مصاب بالكوليرا في اليمن 🇾🇪 وتلاقي الناس مش عارفه.
*️⃣ طيب قوله برضك قولي دول عربية فيها مجاعه؛ هيقولك الصومال 🇸🇴؛ قوله طيب اليمن! في تقديرات بتقول 100 ألف طفل يمني أقل 5 سنين مات من الجوع وسوء التغذية.
*️⃣ طيب قوله تعرف ايه عن لبنان 🇱🇧 دلوقتي؛ هيقولك المزز حلوين؛ قوله اه حلوين بس تعرف انهم بيعانوا برضك!! ان الاقتصاد اللبناني انهار لدرجة إن في طوابير عشان العيش الحاف؛ اه مش جديدة الأزمات في لبنان 🇱🇧 بس المرة دي لا في السعودية 🇸🇦 تنقذهم ولا سوريا 🇸🇾 تتدخل يعني ممكن يتساب المواطن العادي للموت عادي جداً خاصة وسط صراع الساسة.
مبقولش إن مفروض نعمل حاجة عشان مجاعات اليمن أو نساعد لبنان مع ان دا مفروض فرض علينا؛ بس بقول ان الناس مبقتش عارفه أصلاً ايه بيحصل حوليها.
لكني بقولك اننا مينفعش نبقي قاعدين كل تركيزنا في نفسنا وحتي منعرفش ان اخواتنا في مأساة فندعي لهم ؛ لا خالص احنا بنركز مع نفسنا وطول ما العلف بيتحط الدنيا تمام ولو العلف نقص هنا بس هناخد بالنا لكن لو في بني ادم اخونا بيموت جنبنا ولا هنفكر فيه واحنا مالنا خلينا في مشاكلنا. لان ببساطة العقلية دي بتتطور لان ملناش دعوة بغيرنا اللي جوا دولتنا دا في اسيوط ولا مطروح ولا سيناء وخليني في مشاكل القاهرة بتاعتي؛ ثم تتطور لخلينا في مشكلة القاهرة الجديدة بتاعتي والماية اللي بتقطع كثير؛ ثم مشكلة عمارتي ثم شقتي.
*️⃣ ربنا يكون في عون اليمينين في أوبئتهم ومجاعاتهم
*️⃣ وعون اللبنانيين في ازمتهم الاقتصادية ويا رب تعدي ومتقلبش مجاعه ويهدي الساسة اللبنانيين اللي مستعدين يدخلوا البلاد في حرب أهلية لتصفية خلافاتهم.
*️⃣ وعون العراقيين في نقص المياه اللي تركيا قررت تاخد نهر دجلة منهم (سد يعني).
*️⃣ وعون الصومال 🇸🇴 اللي هي محدش عارف هترجع اماي دولة واحدة مش صومال لاند ودولة الصومال.
*️⃣ وعون مسلمي وسط افريقيا اللي اما بيقتلوا على ميليشيات هناك أو علي يد سفاح افريقيا الأول فرنسا 🇫🇷.
*️⃣ وعون السوريين والليبين في الصراع العالمي اللي بيحصل في دولهم وبأرواحهم.
*️⃣ وطبعا عون أهلنا في الصعيد اللي الدولة بتقول إن 1 من كل 2 في الصعيد عايشين تحت خط الفقر المصري اللي هو 735.5 جنية؛ ااه يا جدعان 1 من كل 2 في الصعيد دخله أقل من 24 جنية في اليوم ودا الرسمي بتاع الحكومة.
بلاش تنجروا لفكرة وأنا مالي خلينا في حالنا وكفاية اللي فينا؛ لانك بدأت الأول ومأخدتش بالك من مسلمي وسط افريقيا ثم مأخدتش بالك من اليمن ولبنان ثم مأخدتش بالك من الصعيد.
تصبحوا علي خير
👍5👏1
قصة التعليم في مصر من عصر محمد علي حتى المباركي.
شهر يوليو من الشهور التاريخية واتغير شكل مصر فيها كذا مرة ومقصدش الحاضر خالص لكن الماضي؛ فحصل فيه الانقلاب الأبيض علي الملك فاروق. ولو سألت أي حد في الشارع إيه أبرز الخطوات اللي عملها الظباط الأحرار بيقولوا مجانية التعليم... عامة تعالوا نشوف تاريخ التعليم في مصر من عهد محمد علي
*️⃣ عهد محمد علي حافظينه من المدارس؛ جامعات ومدارس كثير وبعثات عشان يصنع مصر الحديثة وكله معروف.
*️⃣ بعد محمد علي حكم إبراهيم وهما كام شهر ومات فمفيش آثار للتعليم معروفه عنه.
*️⃣ بعد إبراهيم جه عباس حلمي الأول؛ وبصوا باختصار هما في 2 عباس حلمي والاثنين اتمسحوا من تاريخ الشعب وأظن لو سألت حد تعرف ايه عن عباس حلمي هيقولك مين دا؛ ممكن يعرفوا بس كوبري عباس (اللي هو علي اسمه عباس حلمي الثاني)؛ المهم عباس حلمي الأول كان معروف عنده معاداته للثقافة الغربية اللي كان متشبع بيها جده؛ وكان متدين ويقال مؤيد للوهابيين وزود نفوذ الازهر؛ والغربيين قالوا كان بينشر الجهل؛ الراجل دا مظلوم تاريخياً ومغمور قوي لكن اللي لينا هنا إن ملوش آثار معروفة في التعليم.
*️⃣ بعد عباس حلمي جه عمه الأسطوري الحيوان ابن محمد علي؛ إنه الخديوي محمد سعيد أو سعيد باشا 😡 ؛ والراجل دا بالإضافة لإنه خلي صديقه دليسيبس استعبد شعب مصر في حفر قناة السويس؛ لكنه كمان لغي البعثات التعليمية وقفل الجامعات وقلل ميزانية التعليم وليه مقوله هي نبراس لكل حكام العالم الثالث وعشان كده بقول عبقري
((إن شعب من الجهال أسلس في القيادة من شعب من المتعلمين))
مش بقولكم عبقري 🤓 وسابق زمانه. الله يحرقه بقي؛ علي فكره هو مات بالسل 😊.
*️⃣ غار سعيد وجه ابن اخوه ابراهيم وهو الخديوي اسماعيل؛ دا بقي معروف انه كان بيحب يصرف الفلوس قوي؛ الراجل عمل كل حاجة؛ قصور ملكية عمل؛ تطوير ترع ومصارف (ترعة الاسماعيلية) ؛ مدينة عمل (الاسماعيلية) ؛ كباري عمل زي كوبري قصر النيل؛ فهي جت عالتعليم يعني 🤔🤔 صرف طبعاً وشغل الجامعات والمدارس وجاب صديقه أبو التعليم (علي مبارك) مسكه التعليم بمصر ورجع البعثات التعليمية؛ بصوا اسماعيل دا كان بيصرف الأول وبعدين يشوف هنجيب الفلوس منين. عارفين حتي مبني مجلس الشعب في وسط البلد برضك الخديوي اسماعيل اللي عامله؛ وقصر عابدين والقبة. المهم لينا هنا إن اسماعيل شغل تاني التعليم اللي عمه سعيد بوظه
*️⃣ لما اسماعيل معرفش يسدد الفلوس حصل التدخل الأجنبي؛ اسماعيل رفضه فالانجليز خلوا السلطان عبد الحميد يعزله ويعين ابنه الكبير الخديوي توفيق؛ أيوان بتاع عرابي ؛ وبصراحة توفيق عمل حاجات في التعليم اشهرها المجلس الاعلي للمعارف بحيث يشرف عالتعليم.
*️⃣ بوفاة الخديوي توفيق مسك عباس حلمي الثاني؛ ملوس اسهامات كبيرة في التعليم غير نشر المدارس برضك؛ لكنه كان مركز في مقاومة الاحتلال البريطاني واللي زهقوا منه بعد 22 سنة وشالوه (حكم 22 سنة واتشالوا من ذاكرتنا عادي).
------------
نخش في الجد واللي فات حمادة واللي جاي حمادة تاني
*️⃣ جه السلطان حسين كامل وفي الوقت دا كانت الحرب العالمية والمصريين كانوا متوقعين بعدها هناخد الاستقلال؛ طيب هو لما نستقل يبقي لازم منظومة تعليم متطورة؛ ومصر وقتها كانت عندها ثروة مالية ضخمة بسبب انهيار الاقتصاد الأوروبي بسبب الحرب فالانجليز فضلوا ياخدوا فلوس من مصر والنخب موافقة ويقولوا اكيد هيردوا لنا الجميل ويدونا الاستقلال بعد الحرب 😂😂😂؛ نجهز بقي دولتنا للاستقلال؛ وبسبب الثراء الشديد فرغم ان الانجليز بيشفطوا فلوس لكن الحكومة زودت ميزانية المدارس العليا (الكليات) ل 8 اضعاف في 1918 مقابل 1914 يعني الدولة بتحارب وميزانة التعليم العالي زادت 8 اضعاف؛ والحكومة ضمت الكتاتيب للدولة ونظمتها وعينت لها موظفين بمرتب وعملت مناهج مركزية واييييه ؛ فلوس كثيييير بقي كثيييير.
*️⃣ في نفس الوقت دا البعثة التبشيرية الأمريكية بدأت تعمل الجامعة الأمريكية في مصر AUC ؛ المصريين كانوا بيستعدوا للاستقلال فقالك نفوذ أمريكي 🇺🇸 دا إحنا بنخلص من الإنجليز 🏴؛ وهنا عدلي يكن باشا وزير المعارف ومساعديه عملوا اجتماع مع ناظر مدرسة الطب وناظر مدرسة الحقوق وناظر مدرسة الزراعة ووو وقالهم ما ننضم سوا ونعمل جامعة (لاحقاً بقت جامعة القاهرة) وبعد سلسلة اجتماعات تم بالفعل.
*️⃣ بعد الحرب الانجليز نفضوا لمصر فجه سعد زغلول والقصة المشهورة لغاية ما تم اعلان استقلال مصر وتحويل لقب السلطان فؤاد ليصبح الملك فؤاد الأول؛ وبعدها اتعمل دستور 1923 اللي نصت المادة 17 منه علي (التعليم حر ما لم يخل بالنظام العام أو ينافِ الآداب" و نصت المادة 19 على أن "التعليم الأولي إلزامي للمصريين من بنين وبنات، وهو مجاني في المدارس العامة".
شهر يوليو من الشهور التاريخية واتغير شكل مصر فيها كذا مرة ومقصدش الحاضر خالص لكن الماضي؛ فحصل فيه الانقلاب الأبيض علي الملك فاروق. ولو سألت أي حد في الشارع إيه أبرز الخطوات اللي عملها الظباط الأحرار بيقولوا مجانية التعليم... عامة تعالوا نشوف تاريخ التعليم في مصر من عهد محمد علي
*️⃣ عهد محمد علي حافظينه من المدارس؛ جامعات ومدارس كثير وبعثات عشان يصنع مصر الحديثة وكله معروف.
*️⃣ بعد محمد علي حكم إبراهيم وهما كام شهر ومات فمفيش آثار للتعليم معروفه عنه.
*️⃣ بعد إبراهيم جه عباس حلمي الأول؛ وبصوا باختصار هما في 2 عباس حلمي والاثنين اتمسحوا من تاريخ الشعب وأظن لو سألت حد تعرف ايه عن عباس حلمي هيقولك مين دا؛ ممكن يعرفوا بس كوبري عباس (اللي هو علي اسمه عباس حلمي الثاني)؛ المهم عباس حلمي الأول كان معروف عنده معاداته للثقافة الغربية اللي كان متشبع بيها جده؛ وكان متدين ويقال مؤيد للوهابيين وزود نفوذ الازهر؛ والغربيين قالوا كان بينشر الجهل؛ الراجل دا مظلوم تاريخياً ومغمور قوي لكن اللي لينا هنا إن ملوش آثار معروفة في التعليم.
*️⃣ بعد عباس حلمي جه عمه الأسطوري الحيوان ابن محمد علي؛ إنه الخديوي محمد سعيد أو سعيد باشا 😡 ؛ والراجل دا بالإضافة لإنه خلي صديقه دليسيبس استعبد شعب مصر في حفر قناة السويس؛ لكنه كمان لغي البعثات التعليمية وقفل الجامعات وقلل ميزانية التعليم وليه مقوله هي نبراس لكل حكام العالم الثالث وعشان كده بقول عبقري
((إن شعب من الجهال أسلس في القيادة من شعب من المتعلمين))
مش بقولكم عبقري 🤓 وسابق زمانه. الله يحرقه بقي؛ علي فكره هو مات بالسل 😊.
*️⃣ غار سعيد وجه ابن اخوه ابراهيم وهو الخديوي اسماعيل؛ دا بقي معروف انه كان بيحب يصرف الفلوس قوي؛ الراجل عمل كل حاجة؛ قصور ملكية عمل؛ تطوير ترع ومصارف (ترعة الاسماعيلية) ؛ مدينة عمل (الاسماعيلية) ؛ كباري عمل زي كوبري قصر النيل؛ فهي جت عالتعليم يعني 🤔🤔 صرف طبعاً وشغل الجامعات والمدارس وجاب صديقه أبو التعليم (علي مبارك) مسكه التعليم بمصر ورجع البعثات التعليمية؛ بصوا اسماعيل دا كان بيصرف الأول وبعدين يشوف هنجيب الفلوس منين. عارفين حتي مبني مجلس الشعب في وسط البلد برضك الخديوي اسماعيل اللي عامله؛ وقصر عابدين والقبة. المهم لينا هنا إن اسماعيل شغل تاني التعليم اللي عمه سعيد بوظه
*️⃣ لما اسماعيل معرفش يسدد الفلوس حصل التدخل الأجنبي؛ اسماعيل رفضه فالانجليز خلوا السلطان عبد الحميد يعزله ويعين ابنه الكبير الخديوي توفيق؛ أيوان بتاع عرابي ؛ وبصراحة توفيق عمل حاجات في التعليم اشهرها المجلس الاعلي للمعارف بحيث يشرف عالتعليم.
*️⃣ بوفاة الخديوي توفيق مسك عباس حلمي الثاني؛ ملوس اسهامات كبيرة في التعليم غير نشر المدارس برضك؛ لكنه كان مركز في مقاومة الاحتلال البريطاني واللي زهقوا منه بعد 22 سنة وشالوه (حكم 22 سنة واتشالوا من ذاكرتنا عادي).
------------
نخش في الجد واللي فات حمادة واللي جاي حمادة تاني
*️⃣ جه السلطان حسين كامل وفي الوقت دا كانت الحرب العالمية والمصريين كانوا متوقعين بعدها هناخد الاستقلال؛ طيب هو لما نستقل يبقي لازم منظومة تعليم متطورة؛ ومصر وقتها كانت عندها ثروة مالية ضخمة بسبب انهيار الاقتصاد الأوروبي بسبب الحرب فالانجليز فضلوا ياخدوا فلوس من مصر والنخب موافقة ويقولوا اكيد هيردوا لنا الجميل ويدونا الاستقلال بعد الحرب 😂😂😂؛ نجهز بقي دولتنا للاستقلال؛ وبسبب الثراء الشديد فرغم ان الانجليز بيشفطوا فلوس لكن الحكومة زودت ميزانية المدارس العليا (الكليات) ل 8 اضعاف في 1918 مقابل 1914 يعني الدولة بتحارب وميزانة التعليم العالي زادت 8 اضعاف؛ والحكومة ضمت الكتاتيب للدولة ونظمتها وعينت لها موظفين بمرتب وعملت مناهج مركزية واييييه ؛ فلوس كثيييير بقي كثيييير.
*️⃣ في نفس الوقت دا البعثة التبشيرية الأمريكية بدأت تعمل الجامعة الأمريكية في مصر AUC ؛ المصريين كانوا بيستعدوا للاستقلال فقالك نفوذ أمريكي 🇺🇸 دا إحنا بنخلص من الإنجليز 🏴؛ وهنا عدلي يكن باشا وزير المعارف ومساعديه عملوا اجتماع مع ناظر مدرسة الطب وناظر مدرسة الحقوق وناظر مدرسة الزراعة ووو وقالهم ما ننضم سوا ونعمل جامعة (لاحقاً بقت جامعة القاهرة) وبعد سلسلة اجتماعات تم بالفعل.
*️⃣ بعد الحرب الانجليز نفضوا لمصر فجه سعد زغلول والقصة المشهورة لغاية ما تم اعلان استقلال مصر وتحويل لقب السلطان فؤاد ليصبح الملك فؤاد الأول؛ وبعدها اتعمل دستور 1923 اللي نصت المادة 17 منه علي (التعليم حر ما لم يخل بالنظام العام أو ينافِ الآداب" و نصت المادة 19 على أن "التعليم الأولي إلزامي للمصريين من بنين وبنات، وهو مجاني في المدارس العامة".
👍1
*️⃣ في السبعينات والثمانينيات ومع ترنح المنظومة حصلت طفرة البترول بالخليج؛ فالكارثة تضاعفت؛ مش بس المنظومة التعليمية المصرية مبقتش قادرة على انتاج الكفاءات بشكل كبير لكن كمان الكفاءات القليلة حصلها استقطاب للسفر للخليج.
*️⃣ باقي القصة عارفينه كلنا وعايشينه؛ مئات الالاف من خريجي الجامعات الأميين؛ حرفياً مش ببالغ تلاقي ناس نظرياً خريج جامعة لكن فعلياً ميعرفش يكتب سطر بدون ما يغلط وساعات تلاقيه فاشل في القراءة.. والكفاءات بتسافر بره بسبب الفقر هنا أو لأسباب كثير.
طبعاً لو حد وصل هنا هتلاقيه عاوز يشتم حد
*️⃣ العصر الملكي اللي كان عامل تعليم جيد لكن انتقائي الأثرياء او المميزين زي ما الهند بتعمل دلوقتي نوعاً ما.
*️⃣ العصر الناصري اللي حكم مصر 18 سنة وعمل شوية كليات لكن صفر جامعة جديدة وكان المهم أكبر قدر خريجين في أسرع وقت.
*️⃣ العصر الساداتي والمباركي اللي قلبوا اللي خلوا التعليم ورقة بتتعلق عالحيط وسابوا القطاع الخاص يدخل يدمر المنظومة أكثر تحت وهم إصلاحها.
أسف للاطالة بس هل في حد وصل لهنا 😂😂
*️⃣ باقي القصة عارفينه كلنا وعايشينه؛ مئات الالاف من خريجي الجامعات الأميين؛ حرفياً مش ببالغ تلاقي ناس نظرياً خريج جامعة لكن فعلياً ميعرفش يكتب سطر بدون ما يغلط وساعات تلاقيه فاشل في القراءة.. والكفاءات بتسافر بره بسبب الفقر هنا أو لأسباب كثير.
طبعاً لو حد وصل هنا هتلاقيه عاوز يشتم حد
*️⃣ العصر الملكي اللي كان عامل تعليم جيد لكن انتقائي الأثرياء او المميزين زي ما الهند بتعمل دلوقتي نوعاً ما.
*️⃣ العصر الناصري اللي حكم مصر 18 سنة وعمل شوية كليات لكن صفر جامعة جديدة وكان المهم أكبر قدر خريجين في أسرع وقت.
*️⃣ العصر الساداتي والمباركي اللي قلبوا اللي خلوا التعليم ورقة بتتعلق عالحيط وسابوا القطاع الخاص يدخل يدمر المنظومة أكثر تحت وهم إصلاحها.
أسف للاطالة بس هل في حد وصل لهنا 😂😂
❤1👏1