*️⃣ طيب تخيل كده حكومة الدولة دي عاوزة تفرح الناس فقالت يلا نطبع كثير؛ هوبا خلت الفلوس 3000 جنية والسلع قولنا 1500... فكده عندنا العرض 1500 سلعة والطلب 3000 جنية يبقي السلعة بقت ب 2 جنية.
*️⃣ يعني من المثال دا ببساطة كده؛ طباعة الفلوس بشكل مطلق مش سبب التضخم وزيادة الاسعار؛ لكن طباعة الفلوس أكثر من الانتاج المقابل ليها هو سبب زيادة الأسعار... فلما تسمع طباعة بس كده؛ قبل ما تحكم وتقول حلو ولا وحش؛ اسأل هي نسبة النمو في المطبوع كام والنمو في سلع الدولة او ممكن تقولها الناتج الاجمالي للدولة... فلو لقيت الدولة نمت 3% والفلوس زادت 10% فكده انتا عرفت هيحصل ايه
⬅️ طيب آخر سؤال؛ ايه علاقة الفايدة بالتضخم بقي؟ وليه يقولك التضخم زاد يبقي البنك المركزي هيزود الفايدة؟
*️⃣ نفتكر كده هو التضخم وزيادة الاسعار مفروض بتحصل ليه؟ زيادة الطلب... يعني ناس معاها فلوس كثير فكلها عاوزة تعمل شوبنج وتشتري... فهنا البنك المركزي يزود الفايدة في البنك... زيادة الفايدة بتشجع جزء انه يقولك بلاش بعزقة حط الفلوس في البنك وخد فايدة احسن... فكده المركزي بيسحب السيولة من السوق؛ يخلي الناس تحط فلوسها في البنك بدل ما تشتري.. فيقل الطلب ؛ فبالتالي تظبط معادلة العرض والطلب.
⬅️ طب ما كده الفايدة العالية جميلة؛ ليه بقي الغرب عنده الفايدة 0% و 1% و 2% والكلام دا؟
*️⃣ افتكر كويس ان وظيفة البنوك ايجار الفلوس؛ يعني بتحط عندها فلوسك وتديك ايجار 10% سنوي (الفايدة) وبعدين انا اروح اقولها عاوز أجر منك فلوس فتقولي هدهالك ب ايجار 15% سنوي... اللي هما ال 10% بتاعتك و 5% للبنك... وهو يكسب من الفارق دا.
*️⃣ فلما الفايدة تزيد؛ انتا هتحط فلوسك في البنك وتكون مبسوط؛ لكن صاحب المصنع لما يحتاج فلوس عشان يبني مصنع جديد؛ هيلاقي التكلفة عالية عليه فمش هيستلف فمش هيفتح مصنع جديد.. وفي أصحاب مصانع آخرين هيستلفوا بس هيزودوا الأسعار عشان عاوزين هامش ربح عالي يغطي الفوايد العالية... يبقي كده الوضع هيبقي إما انتاج مش هيتم (فقدان عرض) أو أسعار عالية (تضخم). وفي نفس الوقت زباين أكثر تروح تحط فلوسها في البنك ومش بتشتري ( ركود)
*️⃣ عشان كده الفايدة العالية دي لازم تبقي مؤقته وفقط تسحب الزيادة في الفلوس في السوق؛ وبعدين تقل الفايدة عشان تسهل عالشركات تقترض؛ وكمان متفضلش تسحب سيولة من السوق فتسبب ركود.
*️⃣ الدول الغربية والمتطورة بيكون الوضع مستقر؛ البنوك شبه مش بتدفع فايدة لحد؛ فبالتالي الفلوس مش مكلفة البنك حاجة؛ فعادي يدي قروض ب 2% مثلاً.. وكده اللي بياخد قرض عنده تقريبا فلوس قرض حسن؛ يكاد مش بيدفع فوايد؛ فلما يحتاج هيستلف ويفتح مصانع ويوسع شغله... وكمان تكلفة القرض منخفضة فكده هو مش محتاج يغلي الأسعار قوي ويكون عنده هامش ربح مرتفع (تكلفة الفرصة البديلة / العائد خالي المخاطر يساوي تقريباً صفر)...
بس يا سيدي ودا كان التضخم بالمختصر قوي؛ ولو في اسئلة قولي وإما هرد عليها أو احطها في بوستات قادمة
*️⃣ يعني من المثال دا ببساطة كده؛ طباعة الفلوس بشكل مطلق مش سبب التضخم وزيادة الاسعار؛ لكن طباعة الفلوس أكثر من الانتاج المقابل ليها هو سبب زيادة الأسعار... فلما تسمع طباعة بس كده؛ قبل ما تحكم وتقول حلو ولا وحش؛ اسأل هي نسبة النمو في المطبوع كام والنمو في سلع الدولة او ممكن تقولها الناتج الاجمالي للدولة... فلو لقيت الدولة نمت 3% والفلوس زادت 10% فكده انتا عرفت هيحصل ايه
⬅️ طيب آخر سؤال؛ ايه علاقة الفايدة بالتضخم بقي؟ وليه يقولك التضخم زاد يبقي البنك المركزي هيزود الفايدة؟
*️⃣ نفتكر كده هو التضخم وزيادة الاسعار مفروض بتحصل ليه؟ زيادة الطلب... يعني ناس معاها فلوس كثير فكلها عاوزة تعمل شوبنج وتشتري... فهنا البنك المركزي يزود الفايدة في البنك... زيادة الفايدة بتشجع جزء انه يقولك بلاش بعزقة حط الفلوس في البنك وخد فايدة احسن... فكده المركزي بيسحب السيولة من السوق؛ يخلي الناس تحط فلوسها في البنك بدل ما تشتري.. فيقل الطلب ؛ فبالتالي تظبط معادلة العرض والطلب.
⬅️ طب ما كده الفايدة العالية جميلة؛ ليه بقي الغرب عنده الفايدة 0% و 1% و 2% والكلام دا؟
*️⃣ افتكر كويس ان وظيفة البنوك ايجار الفلوس؛ يعني بتحط عندها فلوسك وتديك ايجار 10% سنوي (الفايدة) وبعدين انا اروح اقولها عاوز أجر منك فلوس فتقولي هدهالك ب ايجار 15% سنوي... اللي هما ال 10% بتاعتك و 5% للبنك... وهو يكسب من الفارق دا.
*️⃣ فلما الفايدة تزيد؛ انتا هتحط فلوسك في البنك وتكون مبسوط؛ لكن صاحب المصنع لما يحتاج فلوس عشان يبني مصنع جديد؛ هيلاقي التكلفة عالية عليه فمش هيستلف فمش هيفتح مصنع جديد.. وفي أصحاب مصانع آخرين هيستلفوا بس هيزودوا الأسعار عشان عاوزين هامش ربح عالي يغطي الفوايد العالية... يبقي كده الوضع هيبقي إما انتاج مش هيتم (فقدان عرض) أو أسعار عالية (تضخم). وفي نفس الوقت زباين أكثر تروح تحط فلوسها في البنك ومش بتشتري ( ركود)
*️⃣ عشان كده الفايدة العالية دي لازم تبقي مؤقته وفقط تسحب الزيادة في الفلوس في السوق؛ وبعدين تقل الفايدة عشان تسهل عالشركات تقترض؛ وكمان متفضلش تسحب سيولة من السوق فتسبب ركود.
*️⃣ الدول الغربية والمتطورة بيكون الوضع مستقر؛ البنوك شبه مش بتدفع فايدة لحد؛ فبالتالي الفلوس مش مكلفة البنك حاجة؛ فعادي يدي قروض ب 2% مثلاً.. وكده اللي بياخد قرض عنده تقريبا فلوس قرض حسن؛ يكاد مش بيدفع فوايد؛ فلما يحتاج هيستلف ويفتح مصانع ويوسع شغله... وكمان تكلفة القرض منخفضة فكده هو مش محتاج يغلي الأسعار قوي ويكون عنده هامش ربح مرتفع (تكلفة الفرصة البديلة / العائد خالي المخاطر يساوي تقريباً صفر)...
بس يا سيدي ودا كان التضخم بالمختصر قوي؛ ولو في اسئلة قولي وإما هرد عليها أو احطها في بوستات قادمة
👍2
من الفروقات الجوهرية بين الآي فون والأندرويد
*️⃣ إن المطورين نفسهم حالقين للأندرويد؛ نظام أي حاجة وخلاص بدون اهتمام لا بجودة ولا تقديم نفس المزايا... فكرة دا أندرويد يا عم محدش بيركز
*️⃣ ومش بس الشركات الصغيرة؛ حتي الشركات العملاقة نفس الفكرة ونفس التعامل؛ عندك الفيسبوك نفسه دا... مستخدم iOS يقدر يعرف مين عمل شير للبوست بتاعه؛ يفتح اي بوست هيلاقيه موضح في 50 شير؛ تدوس عليه يقولك فلان وفلان وفلان. وهحط صورة من شكل نفس البوست من تليفون الاندرويد مقارنة بالتليفون الثاني الآي فون
*️⃣ وخد برضك ال ويكيبيديا ؛ كله بيعمل ويدجيت؛ لكن في أبل تلاقيه يقولك تحب يا فندم الويدجيت يكون ايه؛ صورة اليوم ولا حدث في مثل هذا اليوم ولا مقالات مختارة ولا الأكثر قراءة ولا ايه... تروح بقي في الأندرويد تلاقي ويدجيت حقير كده 5*1 فيه لينك لمقال اليوم؛ انتا هتستهبل وعاوز تختار ؛ انتا معاك أندرويد يا كابتن.
*️⃣ دا حتي واتس آب يوم ما ييجي ينزل ميزة؛ تنزل في أبل وبعد شوية يقولك خلاص نديها للأندرويد بالتدريج 😂... حتي لو الميزة نقل البيانات بين الأنظمة... يعني ضافوا خيار نقل الداتا من أندرويد الي iOS الاول وسابوه كده شهر... طيب حضرتك لو معايا iOS وعاوز أروح اندرويد أعمل ايه؟ ايه دا انتا اتجننت دا هاني 😂😂 قال تنقل قال... وبعد بتاع شهر كده قالك خلاص تنزل المرة دي حطوها في أندرويد.
*️⃣ أنا من 5 سنين وأنا محافظ إن يكون معايا آي فون وأندرويد... فارق المعاملة في البرامج والتحديثات كبير... الشركات فعلا مش شايفة الأندرويد غالباً وبتعمل برامج ليه نظام أهو نبقي موجودين وخلاص... ومعروف إن التشتت بتاع أجهزة الأندرويد بين الأحجام والجودة بيكون سبب... بس ساعات فارق المزايا غير منطقي زي موضوع الشير بتاع الفيسبوك... ملوش مبرر.
وعلي فكرة لا جوجل فارق معاها دا ولا شركات الموبايلات ولا حتى المستخدم حاسس بحاجة لإنك لن تفتقد ما تجهل... يعني لو متعرفش إن حاجة موجودة فمش هتحس بإنها نقصاك.
*️⃣ إن المطورين نفسهم حالقين للأندرويد؛ نظام أي حاجة وخلاص بدون اهتمام لا بجودة ولا تقديم نفس المزايا... فكرة دا أندرويد يا عم محدش بيركز
*️⃣ ومش بس الشركات الصغيرة؛ حتي الشركات العملاقة نفس الفكرة ونفس التعامل؛ عندك الفيسبوك نفسه دا... مستخدم iOS يقدر يعرف مين عمل شير للبوست بتاعه؛ يفتح اي بوست هيلاقيه موضح في 50 شير؛ تدوس عليه يقولك فلان وفلان وفلان. وهحط صورة من شكل نفس البوست من تليفون الاندرويد مقارنة بالتليفون الثاني الآي فون
*️⃣ وخد برضك ال ويكيبيديا ؛ كله بيعمل ويدجيت؛ لكن في أبل تلاقيه يقولك تحب يا فندم الويدجيت يكون ايه؛ صورة اليوم ولا حدث في مثل هذا اليوم ولا مقالات مختارة ولا الأكثر قراءة ولا ايه... تروح بقي في الأندرويد تلاقي ويدجيت حقير كده 5*1 فيه لينك لمقال اليوم؛ انتا هتستهبل وعاوز تختار ؛ انتا معاك أندرويد يا كابتن.
*️⃣ دا حتي واتس آب يوم ما ييجي ينزل ميزة؛ تنزل في أبل وبعد شوية يقولك خلاص نديها للأندرويد بالتدريج 😂... حتي لو الميزة نقل البيانات بين الأنظمة... يعني ضافوا خيار نقل الداتا من أندرويد الي iOS الاول وسابوه كده شهر... طيب حضرتك لو معايا iOS وعاوز أروح اندرويد أعمل ايه؟ ايه دا انتا اتجننت دا هاني 😂😂 قال تنقل قال... وبعد بتاع شهر كده قالك خلاص تنزل المرة دي حطوها في أندرويد.
*️⃣ أنا من 5 سنين وأنا محافظ إن يكون معايا آي فون وأندرويد... فارق المعاملة في البرامج والتحديثات كبير... الشركات فعلا مش شايفة الأندرويد غالباً وبتعمل برامج ليه نظام أهو نبقي موجودين وخلاص... ومعروف إن التشتت بتاع أجهزة الأندرويد بين الأحجام والجودة بيكون سبب... بس ساعات فارق المزايا غير منطقي زي موضوع الشير بتاع الفيسبوك... ملوش مبرر.
وعلي فكرة لا جوجل فارق معاها دا ولا شركات الموبايلات ولا حتى المستخدم حاسس بحاجة لإنك لن تفتقد ما تجهل... يعني لو متعرفش إن حاجة موجودة فمش هتحس بإنها نقصاك.
👍1
صورة تظهر شكل البوست في أبل وهو هو في اندرويد؛ وشكل الويدجيت في أبل للويكي ودا واحد من كثير
من سنة و 6 شهور و 3 أيام نشرت 2 بوست هنا تحت عنوان "عندما تربح الشركات وتخسر الشعوب"... قولت فيه إن في كورونا لسه ضاربه الكوكب أهي بقالها 4 شهور وفي ملايين الناس بتفقد الوظائف بتاعتهم وملايين بيروحوا تحت خط الفقر ولكن...
*️⃣ ولكن الشركات هتكسب وهتحقق مكاسب ضخمة وهتحقق نمو وكل شيء زي الفل؛ ودا عشان الشركات العملاقة وصلت لمرحلة توحش إن الكوارث مفيدة ليهم؛ هما محتكرين والكوارث هتسبب في زيادة ليهم؛ لإنها ببساطة هتقضي على المنافسين الصغيرين اللي معندهمش حجم عملاق كده يستحمل الكوارث.
*️⃣ وعملت الجزء الثاني من البوست عن أبل وإزاي هى قادرة تحتكر وتتوسع وهتتوسع أكثر... وكان مفروض هيكون الجزء الثالث عن جوجل والرابع كوالكم والخامس مايكروسوفت... بس حصل نقد كبير وهجوم عليا إني شوال بطاطس مش فاهم شيء ودي أزمة كارثية هتدمر الشعوب وتأكل الأخضر والجرجير ووووو... فصراحة قولت اسكت ومكتبتش الأجزاء دي
*️⃣ دلوقتي مر سنة ونص وخد عندك بقى يا برنس.
*️⃣ بالنسبة لشركة أبل فقيمتها السوقية وقت البوست من سنة ونص كانت 1.5 ترليون دولار... إمبارح أبل بقت 3 ترليون دولار.
*️⃣ تقرير ل بلومبيرج قال إن سنة 2021 بتاعة الركود دي ومش عارف ايه؛ أغنى 500 شخص في العالم ثروتهم زادت 1 ترليون دولار وبقى إجمالي ثرواتهم 8.4 ترليون دولار... الترليون دا اللي هو 1000 مليار أو مليون مليون دولار.
*️⃣ ومن الناحية الثانية التقارير المختلفة بتتكلم إن الأخ كورونا تسبب إن في 500 مليون شخص نزل مستواهم المعيشي لطبقة أقل أو تحت خط الفقر. يعني 500 مليون دولار اتبهدلوا إضافه لل أصلاً تحت خط الفقر أو فقراء لوحدهم.
*️⃣ يبقى أنا مكنتش شوال بطاطس لما من سنة ونص قولت إن الشركات وأصحابها بالتبعية هيكسبوا والشعوب هيطلع عين أمها...
*️⃣ والموضوع مكانتش مؤامرة؛ الفكرة باختصار إن المنظومة الاقتصادية العالمية الحالية حافظة؛ في أزمة يبقى نعمل ايه؟ ندلع الشركات عشان تتوسع وتعين ناس؛ فالشركات تتدلع وتنبسط.
*️⃣ وفي نفس الوقت نضخ فلوس للشعوب؛ لكن الشعوب إحنا مربينهم بواسطة الرأسمالية على شيء وهو الترفيه والانفاق الاستهلاكي العنيف؛ فلما نضخ لهم فلوس هيعملوا ايه؟ الفلوس هتتفرتك؛ هتروح لمين؟ لأصحاب الشركات برضك فيتدلعوا وينبسطوا.
*️⃣ الأزمات تخلي وضع السوق وحش؛ فالشركات الصغيرة تتفرم ومتقدرش تكمل؛ فالمنافسة في السوق تقل؛ فمين يفرح وينبسط ويتدلع؟ الشركات الكبيرة.
بس يا سيدي ودي الحدودته باختصار
اللي عاوز المقالات القديمة يعمل بحث في الصفحة او تليجرام 😁 بس اهو مش هحطها 😂😂 غلاسة يا اخي... بقالي سنة ونص مستني قيمة ابل توصل لل 3 ترليون عشان انشر وانتقم... اسود قوي من جوا بن سامي دا؛ شرير 😂😂
*️⃣ ولكن الشركات هتكسب وهتحقق مكاسب ضخمة وهتحقق نمو وكل شيء زي الفل؛ ودا عشان الشركات العملاقة وصلت لمرحلة توحش إن الكوارث مفيدة ليهم؛ هما محتكرين والكوارث هتسبب في زيادة ليهم؛ لإنها ببساطة هتقضي على المنافسين الصغيرين اللي معندهمش حجم عملاق كده يستحمل الكوارث.
*️⃣ وعملت الجزء الثاني من البوست عن أبل وإزاي هى قادرة تحتكر وتتوسع وهتتوسع أكثر... وكان مفروض هيكون الجزء الثالث عن جوجل والرابع كوالكم والخامس مايكروسوفت... بس حصل نقد كبير وهجوم عليا إني شوال بطاطس مش فاهم شيء ودي أزمة كارثية هتدمر الشعوب وتأكل الأخضر والجرجير ووووو... فصراحة قولت اسكت ومكتبتش الأجزاء دي
*️⃣ دلوقتي مر سنة ونص وخد عندك بقى يا برنس.
*️⃣ بالنسبة لشركة أبل فقيمتها السوقية وقت البوست من سنة ونص كانت 1.5 ترليون دولار... إمبارح أبل بقت 3 ترليون دولار.
*️⃣ تقرير ل بلومبيرج قال إن سنة 2021 بتاعة الركود دي ومش عارف ايه؛ أغنى 500 شخص في العالم ثروتهم زادت 1 ترليون دولار وبقى إجمالي ثرواتهم 8.4 ترليون دولار... الترليون دا اللي هو 1000 مليار أو مليون مليون دولار.
*️⃣ ومن الناحية الثانية التقارير المختلفة بتتكلم إن الأخ كورونا تسبب إن في 500 مليون شخص نزل مستواهم المعيشي لطبقة أقل أو تحت خط الفقر. يعني 500 مليون دولار اتبهدلوا إضافه لل أصلاً تحت خط الفقر أو فقراء لوحدهم.
*️⃣ يبقى أنا مكنتش شوال بطاطس لما من سنة ونص قولت إن الشركات وأصحابها بالتبعية هيكسبوا والشعوب هيطلع عين أمها...
*️⃣ والموضوع مكانتش مؤامرة؛ الفكرة باختصار إن المنظومة الاقتصادية العالمية الحالية حافظة؛ في أزمة يبقى نعمل ايه؟ ندلع الشركات عشان تتوسع وتعين ناس؛ فالشركات تتدلع وتنبسط.
*️⃣ وفي نفس الوقت نضخ فلوس للشعوب؛ لكن الشعوب إحنا مربينهم بواسطة الرأسمالية على شيء وهو الترفيه والانفاق الاستهلاكي العنيف؛ فلما نضخ لهم فلوس هيعملوا ايه؟ الفلوس هتتفرتك؛ هتروح لمين؟ لأصحاب الشركات برضك فيتدلعوا وينبسطوا.
*️⃣ الأزمات تخلي وضع السوق وحش؛ فالشركات الصغيرة تتفرم ومتقدرش تكمل؛ فالمنافسة في السوق تقل؛ فمين يفرح وينبسط ويتدلع؟ الشركات الكبيرة.
بس يا سيدي ودي الحدودته باختصار
اللي عاوز المقالات القديمة يعمل بحث في الصفحة او تليجرام 😁 بس اهو مش هحطها 😂😂 غلاسة يا اخي... بقالي سنة ونص مستني قيمة ابل توصل لل 3 ترليون عشان انشر وانتقم... اسود قوي من جوا بن سامي دا؛ شرير 😂😂
👍3❤1
لما كنت زمان اسمع عن علامات يوم القيامة إن منها إن هيبقي الرجالة والستات ينزنوا في وسط الشارع... وإن أحسن واحد في الأمة وقتها هو اللي هيروح يقولهم ممكن بس علي جنب.
كنت بقول هو إزاي دا ممكن يحصل؟ إزاي ممكن الناس يتحولوا من بشر عادييين لكده
*️⃣ لكن لما كبرت بدأت اشوف بداية الطريق وهو ملكش دعوة بحد؛ هو انتا اللي هتحاسبهم؛ كل واحد حر؛ سيب الناس في حالها؛ بتبص على غيرك ليك؛ خليك في نفسك؛ هو انتا كامل من العيوب عشان تقول علي فعل حد انه غلط
هو دا بداية الطريق؛ نفس الطريق اللي مشي فيه الغرب
*️⃣ بيسموه الطريق الي الجحيم مفروش بالنوايا الحسنة؛ النية كويسة وهو الخصوصية واحترام الآخرين وعدم التدخل في شؤونهم... النية كويسة... بس مرحبا بيك دخلت الطريق.
*️⃣ عاوز تشوف شوية الطريق هيوصلك لفين؟ عادي الغرب قال زيك من 50 سنة؛ شوف النهاردة وصلوا اخلاقيا وأباحياً لفين... نديك 20 سنة هتوصل للي وصلوا له دلوقتي وتشوف ناس قاعدين يبوسوا بعض في قلب الشارع... وقتها هما هيكونوا خدوا خطوة اكثر وهو احم احم علي جنب في الشارع؛ تحصلهم انتا بعدها.
بس يا سيدي وصلنا للي الرسول قال عليه.
*️⃣ مش مقتنع ان دا الطريق اللي يوصلوا للي الرسول قال عليه؛ حقك طبعا... طز في كلامي... اوصف لي طريق تاني هيوصلك لنفس الحكاية... ولا هتكذب الرسول وتقول دا مش هيحصل؟ الرسول قال يبقي خلصت هيحصل... انا تخيلت طريق؛ يلا قولي لا طريق تاني اللي هيوصل وتخيله وقولي عليه...
*️⃣ المشكلة يا اخي ان ربنا قايل في القرآن عن لعن بني إسرائيل؛ انهم كانوا لا يتناهون عن منكر... يعني حرفيا اتلعنوا عشان كان في حد. بيعمل منكر... والآخرين يقولوا ملناش دعوة هو احنا اللي هنحاسبهم؛ متقولهمش حاجة ومتتدخلش في حياتهم؛ دي حرية شخصية...
*️⃣ المصيبة ان ييجي مسلمين بيفوتوا عالآية دي في القرآن؛ بس كالحمار يحمل اسفارا... معناها ايه معرفش واحنا مالنا دي مش عننا دي عن قوم تاني... واللي يقولهم مينفعش... يقولك يادي التخلف عاوز تمشي كلام حد جه من 14 قرن قال كلام نازله من السماء بواسطة ملاك... علي كلامي أنا؟ لا أنا ليا رأي والخيرة من أمري وأنا أقرر وسيبك من كلام القدامى دا.
كنت بقول هو إزاي دا ممكن يحصل؟ إزاي ممكن الناس يتحولوا من بشر عادييين لكده
*️⃣ لكن لما كبرت بدأت اشوف بداية الطريق وهو ملكش دعوة بحد؛ هو انتا اللي هتحاسبهم؛ كل واحد حر؛ سيب الناس في حالها؛ بتبص على غيرك ليك؛ خليك في نفسك؛ هو انتا كامل من العيوب عشان تقول علي فعل حد انه غلط
هو دا بداية الطريق؛ نفس الطريق اللي مشي فيه الغرب
*️⃣ بيسموه الطريق الي الجحيم مفروش بالنوايا الحسنة؛ النية كويسة وهو الخصوصية واحترام الآخرين وعدم التدخل في شؤونهم... النية كويسة... بس مرحبا بيك دخلت الطريق.
*️⃣ عاوز تشوف شوية الطريق هيوصلك لفين؟ عادي الغرب قال زيك من 50 سنة؛ شوف النهاردة وصلوا اخلاقيا وأباحياً لفين... نديك 20 سنة هتوصل للي وصلوا له دلوقتي وتشوف ناس قاعدين يبوسوا بعض في قلب الشارع... وقتها هما هيكونوا خدوا خطوة اكثر وهو احم احم علي جنب في الشارع؛ تحصلهم انتا بعدها.
بس يا سيدي وصلنا للي الرسول قال عليه.
*️⃣ مش مقتنع ان دا الطريق اللي يوصلوا للي الرسول قال عليه؛ حقك طبعا... طز في كلامي... اوصف لي طريق تاني هيوصلك لنفس الحكاية... ولا هتكذب الرسول وتقول دا مش هيحصل؟ الرسول قال يبقي خلصت هيحصل... انا تخيلت طريق؛ يلا قولي لا طريق تاني اللي هيوصل وتخيله وقولي عليه...
*️⃣ المشكلة يا اخي ان ربنا قايل في القرآن عن لعن بني إسرائيل؛ انهم كانوا لا يتناهون عن منكر... يعني حرفيا اتلعنوا عشان كان في حد. بيعمل منكر... والآخرين يقولوا ملناش دعوة هو احنا اللي هنحاسبهم؛ متقولهمش حاجة ومتتدخلش في حياتهم؛ دي حرية شخصية...
*️⃣ المصيبة ان ييجي مسلمين بيفوتوا عالآية دي في القرآن؛ بس كالحمار يحمل اسفارا... معناها ايه معرفش واحنا مالنا دي مش عننا دي عن قوم تاني... واللي يقولهم مينفعش... يقولك يادي التخلف عاوز تمشي كلام حد جه من 14 قرن قال كلام نازله من السماء بواسطة ملاك... علي كلامي أنا؟ لا أنا ليا رأي والخيرة من أمري وأنا أقرر وسيبك من كلام القدامى دا.
عندي تعليقين صغيرين علي حوار المدرسة اللي قعدت ترقص دي وتحويلها للتحقيق وايقافها عن العمل ووو... والتعليقين بتوعي مش التعليق المعتاد في البوستات اللي شوفتها.
1️⃣ هو ليه الحساب بيكون عشان الناس اعترضت؟ يعني لو الفعل نفسه غلط؛ فغالبا انتشار الفيديو كان في اوساط المدرسين اولا ثم تدريجي وصل لباقي المجتمع... يعني الإدارة عرفت بيه؛ فلو الفعل غلط فمفروض يكونوا خدوا قرار قبل الانتشار والتعليقات... ولو الفعل عادي؛ فمفروض مش عشان الناس معترضه تعاقب حد على فعل عادي... كده القرارات والتحقيق بيكون عشان الناس وليس عشان الفعل. وهنا كارثة إن الثواب والعقاب يكون نتيجة للضغط وليس إنك عارف الفعل صح ولا غلط
2️⃣ هو ليه الكل يقول المدرسة وايقافها وتحقيق واللي يأيد واللي ينتقد واللي يقول منه لله اللي صورها واللي يدافع عنها وبتوع المرأة يقولوا حقها وناس تنتقد ايقافها وتطالب بالغاء التحقيق وو... طيب حد أخد باله إن قرار التحقيق والايقاف ووو دا طالع فيه 5 مدرسين؛ 4 رجالة و 1 ست... أنا أكاد أجزم إن في ناس متعرفش إن في 4 رجالة في الموضوع... يعني دلوقتي في 4 رجالة برضك لو كانوا رقصوا بمطاوي حتى مكانش الفيديو هينتشر لولا إن فيه ست؛ فلولا وجودها مكانوش هيتلطوا... والمضحك إن الكل برضك بيتكلم عن إن لازم الايقاف والتحقيق عن الست يتلغي وشكرا... ومفيش حد جاب سيرة ال 4 رجالة... يعني ممكن شوية ضغط سياسي كده الست تطلع... والرجالة بقي ملهمش مجتمع فيمينزم؛ أقصد رجالزم يدافع عنهم ولا حتى رجالة هتحط بوست عالفيس بتاعهم يقولوا حرام اتخرب بيت 4 رجالة... ولا أكن في 4 رجالة ملطوطين برضك... المحن بياخد المجتمع الذكوري فيخشوا يدافعوا عن الستات من باب إثبات إننا متحضرين ومش رجعيين وكده... والستات يدافعوا عن الستات من أجل سترونج اندبندت ست... طيب والرجالة... محدش هيدافع عننا يا جدعان.. مفيش جمعيات حقوق الرجالة ليه 😞😞😞... هذا ظلم
1️⃣ هو ليه الحساب بيكون عشان الناس اعترضت؟ يعني لو الفعل نفسه غلط؛ فغالبا انتشار الفيديو كان في اوساط المدرسين اولا ثم تدريجي وصل لباقي المجتمع... يعني الإدارة عرفت بيه؛ فلو الفعل غلط فمفروض يكونوا خدوا قرار قبل الانتشار والتعليقات... ولو الفعل عادي؛ فمفروض مش عشان الناس معترضه تعاقب حد على فعل عادي... كده القرارات والتحقيق بيكون عشان الناس وليس عشان الفعل. وهنا كارثة إن الثواب والعقاب يكون نتيجة للضغط وليس إنك عارف الفعل صح ولا غلط
2️⃣ هو ليه الكل يقول المدرسة وايقافها وتحقيق واللي يأيد واللي ينتقد واللي يقول منه لله اللي صورها واللي يدافع عنها وبتوع المرأة يقولوا حقها وناس تنتقد ايقافها وتطالب بالغاء التحقيق وو... طيب حد أخد باله إن قرار التحقيق والايقاف ووو دا طالع فيه 5 مدرسين؛ 4 رجالة و 1 ست... أنا أكاد أجزم إن في ناس متعرفش إن في 4 رجالة في الموضوع... يعني دلوقتي في 4 رجالة برضك لو كانوا رقصوا بمطاوي حتى مكانش الفيديو هينتشر لولا إن فيه ست؛ فلولا وجودها مكانوش هيتلطوا... والمضحك إن الكل برضك بيتكلم عن إن لازم الايقاف والتحقيق عن الست يتلغي وشكرا... ومفيش حد جاب سيرة ال 4 رجالة... يعني ممكن شوية ضغط سياسي كده الست تطلع... والرجالة بقي ملهمش مجتمع فيمينزم؛ أقصد رجالزم يدافع عنهم ولا حتى رجالة هتحط بوست عالفيس بتاعهم يقولوا حرام اتخرب بيت 4 رجالة... ولا أكن في 4 رجالة ملطوطين برضك... المحن بياخد المجتمع الذكوري فيخشوا يدافعوا عن الستات من باب إثبات إننا متحضرين ومش رجعيين وكده... والستات يدافعوا عن الستات من أجل سترونج اندبندت ست... طيب والرجالة... محدش هيدافع عننا يا جدعان.. مفيش جمعيات حقوق الرجالة ليه 😞😞😞... هذا ظلم
👍1
البنك المركزي أطلق بالتعاون مع NTRA خدمة إلغاء المحافظ الهاتفيه.. يعني ساعات تروح فرع فودافون مثلاً عاوز تعمل فودافون كاش فيقولك رقمك دا متسجل فيه محفظة في جهة أخرى... مسموح لكل رقم بمحفظة ومسموح للشخص يكون عنده 3 محافظ عالبطاقة الشخصية.
*️⃣ سابقاً عاوز تلغي المحفظة فكان لازم تروح فرع الخدمة؛ يعني محفظة البنك تروح البنك ومحفظة فودافون تروح فروع فودافون.
*️⃣ دلوقتي الخدمة بقت أسهل وبص يا سيدي عالخطوات
1️⃣ ادخل على موقع إلغاء المحفظة وعارف إنهم مصرفوش ب 5 جنية تصميم بس دا الموقع الرسمي
https://managewallet.meeza.eg/ar
2️⃣ اكتب رقم الموبايل بتاعك ورقمك القومي ودوس التالي
3️⃣ هييجي لك رسالة فيها رقم متغير OTP والصفحة في الموقع هتقولك دخل رقم OTP عشان تلغي الخدمة اللي اسمها كذا "هتعرف هنا الخدمة فين عشان ساعات بنوك بتخلي العميل يفتح محفظة "يمضي ورق" وهو مش مركز أو نسي".
4️⃣ مجرد دخلت رقم OTP انتهى تم حذف الخدمة... اه والله خلصت كده.
⬅️ ممكن بقى تجرب تعمل شيء تاني إضافي... فاكرين برنامج My NTRA بتاع الحكومة... اتعمله تحديث بحيث يظهر لك الأرقام اللي باسمك.
*️⃣ نزل البرنامج ولو لقيت أرقام غريبة باسمك؛ خش موقع المحفظة فوق دا واكتب رقم رقم ورقمك القومي ليكون في حد معاه خط باسمك وكمان شغال بيتعامل سحب وإيداع باسمك خاصة إن السحب والإيداع بيتم من ماكينات البنوك فمش محتاج تروح فروع فممكن لو معاك خط حد تاني تعيش بمحفظته سحب وإيداع.
طبعاً مش محتاج افكرك إنك تسحب فلوسك من المحفظة اللي عاوز تلغيها الأول 😂😂
*️⃣ سابقاً عاوز تلغي المحفظة فكان لازم تروح فرع الخدمة؛ يعني محفظة البنك تروح البنك ومحفظة فودافون تروح فروع فودافون.
*️⃣ دلوقتي الخدمة بقت أسهل وبص يا سيدي عالخطوات
1️⃣ ادخل على موقع إلغاء المحفظة وعارف إنهم مصرفوش ب 5 جنية تصميم بس دا الموقع الرسمي
https://managewallet.meeza.eg/ar
2️⃣ اكتب رقم الموبايل بتاعك ورقمك القومي ودوس التالي
3️⃣ هييجي لك رسالة فيها رقم متغير OTP والصفحة في الموقع هتقولك دخل رقم OTP عشان تلغي الخدمة اللي اسمها كذا "هتعرف هنا الخدمة فين عشان ساعات بنوك بتخلي العميل يفتح محفظة "يمضي ورق" وهو مش مركز أو نسي".
4️⃣ مجرد دخلت رقم OTP انتهى تم حذف الخدمة... اه والله خلصت كده.
⬅️ ممكن بقى تجرب تعمل شيء تاني إضافي... فاكرين برنامج My NTRA بتاع الحكومة... اتعمله تحديث بحيث يظهر لك الأرقام اللي باسمك.
*️⃣ نزل البرنامج ولو لقيت أرقام غريبة باسمك؛ خش موقع المحفظة فوق دا واكتب رقم رقم ورقمك القومي ليكون في حد معاه خط باسمك وكمان شغال بيتعامل سحب وإيداع باسمك خاصة إن السحب والإيداع بيتم من ماكينات البنوك فمش محتاج تروح فروع فممكن لو معاك خط حد تاني تعيش بمحفظته سحب وإيداع.
طبعاً مش محتاج افكرك إنك تسحب فلوسك من المحفظة اللي عاوز تلغيها الأول 😂😂
❤1👏1
البوست دا من النوعية اللي بتعمل خناقات؛ فأتمنى تفهموا قصدي لعل وعسى الخناقات تبقى خفيفة.
*️⃣ عارفين فكرة أو قاعدة "ناس تخاف متختشيش؟" أهو كثير قوي بحس إن النفس البشرية مناسب ليها دا... العصاية...
*️⃣ كلنا شوفنا مئات حوادث السير؛ هل الناس بقت بتاخد بالها ومش بتجري؟ لا عادي بتجري... إمتى مش بتجري؟ لما تتلدع مخالفات رادار وتشوفه... تقعد بقى تقول الجري خطر؛ طيب البس حزام أمان؛ طب مش عارف ايه... ولا الهوا... عصاية تيجي هتعمل مفعول أحسن من كلام سنة.
*️⃣ الكمامة مثلاً؛ يا ابني البسها ممكن تقلل ممكن تعمل... لا ولا الهوا... طيب غرامة وتفتيش.... كله يخاف ويلبس... واسألوا الناس في الخليج كانوا بيخافوا من الغرامة أكثر من الكورونا نفسها... العصاية أحسن من إنك تقعد تنصح الناس سنة.
*️⃣ وقيس دا بالأمثلة زي ما انتا عاوز... لو عندك 100 شخص بيعملوا شيء غلط؛ هتلاقي 10 أو 20 يقتنعوا بالغلط وميعملهوش.... تمسك العصاية وتهدد فهوب تلاقي 40 كمان خافوا من التهديد... فاضل 40 كمان... أمسك واحد بقى غلطان وأضربه؛ هوبا الباقي هيمشي مؤدب.
*️⃣ فاكرين أيام حوار الدحيح مع دكتور إياد قنيبي؛ خناقة بقى وناس مع الدحيح وناس ضده؛ تفتكروا بعدها الدحيح بقى نسبة مواضيع التطور في فيديوهاته أقل ولا أكثر؟ قل كثييير.... قبل خناقة دكتور إياد كان في كثير كتبوا... ولا الهوا...
*️⃣ فاكرين الست الأوكرانية اللي طلعت البلكونة في الرحاب؛ تفتكروا كانت المرة الوحيدة اللي تطلع؟ مش ممكن؛ وتفتكروا هى الوحيدة في مصر كلها اللي بتطلع كده؟ لا طبعاً أكيد في واحدة تانية في مكان ما في الجمهورية زيها... حصل بقى حوار التصوير والخصوصية ومش الخصوصية وتتفق أو تختلف معاه... تفتكر بقى دلوقتي في واحدة هتجرأ تعمل كده وتطلع كده في مصر كلها دلوقتي؟
*️⃣ حوار المدرسة بتاعة الرقص دي؛ تفتكروا دي الوحيدة اللي رقصت يعني في رحلة مدرسية أو جامعية أو حتى خروجة شغل؟ لا طبعاً.... حصل الحوار الحالي دا وبغض النظر عن أي تفاصيل؛ تفتكروا لو قولنا في 1000 رحلة شغل أو مدرسية أو أي كانت هتحصل؛ تفتكروا كام واحدة هتقوم ترقص؟ الإجابة واضحة....
*️⃣ ففعلاً ساعات بحس إن في ناس وهما الأغلبية مش بينفع معاهم غير العصاية... جو بقى التربية الإيجابية والنقاشات والتحضر والإقناع ووو بلح... ناس لا هيفرق معاهم دين ولا فارق معاها أخلاق مجتمع ولا مظاهر ولا الهوا... بيخافوا بس من العصاية... يبقى خلاص يا أخي امسك لهم عصاية.
*️⃣ فبقت لما تحصل مشكلة كده؛ أه من جوايا أزعل عالناس عشان بيكون في أووووفر قوي عليهم؛ بس بلاقي جزء جوايا أقول قشطة أدي حد اتعمل كبش فداء فالباقي يتلم ويخاف أو عالأقل هيهدى...
*️⃣ فاكرين واه معتصماه كده؛ أهي هي كده... أهو المعتصم راح اتغاشم على عموريه ومش فتحها بس لا دا هدها الأسوار وأخد الأبواب وعلم عليهم بغباوة... معملوهاش تاني ولا قربوا
*️⃣ فكل زمان بيكون الناس اللي تخاف متختشيش؛ بس في زمان الإنحلال زي عصرنا بيكونوا كثير قوي... فبلاش شغل الكيوت وتعيش في التربية الإيجابية المتحضرة؛ لإن مش هيرجعهم غير العصاية
⬅️ أو زي ما الأثر بيقول "إن الله ليزع بالسلطان ما لا يزع بالقرآن"... في ناس مش هيردعها القرآن وكلام ربنا بس هيردعها بطش السلطان.
*️⃣ عارفين فكرة أو قاعدة "ناس تخاف متختشيش؟" أهو كثير قوي بحس إن النفس البشرية مناسب ليها دا... العصاية...
*️⃣ كلنا شوفنا مئات حوادث السير؛ هل الناس بقت بتاخد بالها ومش بتجري؟ لا عادي بتجري... إمتى مش بتجري؟ لما تتلدع مخالفات رادار وتشوفه... تقعد بقى تقول الجري خطر؛ طيب البس حزام أمان؛ طب مش عارف ايه... ولا الهوا... عصاية تيجي هتعمل مفعول أحسن من كلام سنة.
*️⃣ الكمامة مثلاً؛ يا ابني البسها ممكن تقلل ممكن تعمل... لا ولا الهوا... طيب غرامة وتفتيش.... كله يخاف ويلبس... واسألوا الناس في الخليج كانوا بيخافوا من الغرامة أكثر من الكورونا نفسها... العصاية أحسن من إنك تقعد تنصح الناس سنة.
*️⃣ وقيس دا بالأمثلة زي ما انتا عاوز... لو عندك 100 شخص بيعملوا شيء غلط؛ هتلاقي 10 أو 20 يقتنعوا بالغلط وميعملهوش.... تمسك العصاية وتهدد فهوب تلاقي 40 كمان خافوا من التهديد... فاضل 40 كمان... أمسك واحد بقى غلطان وأضربه؛ هوبا الباقي هيمشي مؤدب.
*️⃣ فاكرين أيام حوار الدحيح مع دكتور إياد قنيبي؛ خناقة بقى وناس مع الدحيح وناس ضده؛ تفتكروا بعدها الدحيح بقى نسبة مواضيع التطور في فيديوهاته أقل ولا أكثر؟ قل كثييير.... قبل خناقة دكتور إياد كان في كثير كتبوا... ولا الهوا...
*️⃣ فاكرين الست الأوكرانية اللي طلعت البلكونة في الرحاب؛ تفتكروا كانت المرة الوحيدة اللي تطلع؟ مش ممكن؛ وتفتكروا هى الوحيدة في مصر كلها اللي بتطلع كده؟ لا طبعاً أكيد في واحدة تانية في مكان ما في الجمهورية زيها... حصل بقى حوار التصوير والخصوصية ومش الخصوصية وتتفق أو تختلف معاه... تفتكر بقى دلوقتي في واحدة هتجرأ تعمل كده وتطلع كده في مصر كلها دلوقتي؟
*️⃣ حوار المدرسة بتاعة الرقص دي؛ تفتكروا دي الوحيدة اللي رقصت يعني في رحلة مدرسية أو جامعية أو حتى خروجة شغل؟ لا طبعاً.... حصل الحوار الحالي دا وبغض النظر عن أي تفاصيل؛ تفتكروا لو قولنا في 1000 رحلة شغل أو مدرسية أو أي كانت هتحصل؛ تفتكروا كام واحدة هتقوم ترقص؟ الإجابة واضحة....
*️⃣ ففعلاً ساعات بحس إن في ناس وهما الأغلبية مش بينفع معاهم غير العصاية... جو بقى التربية الإيجابية والنقاشات والتحضر والإقناع ووو بلح... ناس لا هيفرق معاهم دين ولا فارق معاها أخلاق مجتمع ولا مظاهر ولا الهوا... بيخافوا بس من العصاية... يبقى خلاص يا أخي امسك لهم عصاية.
*️⃣ فبقت لما تحصل مشكلة كده؛ أه من جوايا أزعل عالناس عشان بيكون في أووووفر قوي عليهم؛ بس بلاقي جزء جوايا أقول قشطة أدي حد اتعمل كبش فداء فالباقي يتلم ويخاف أو عالأقل هيهدى...
*️⃣ فاكرين واه معتصماه كده؛ أهي هي كده... أهو المعتصم راح اتغاشم على عموريه ومش فتحها بس لا دا هدها الأسوار وأخد الأبواب وعلم عليهم بغباوة... معملوهاش تاني ولا قربوا
*️⃣ فكل زمان بيكون الناس اللي تخاف متختشيش؛ بس في زمان الإنحلال زي عصرنا بيكونوا كثير قوي... فبلاش شغل الكيوت وتعيش في التربية الإيجابية المتحضرة؛ لإن مش هيرجعهم غير العصاية
⬅️ أو زي ما الأثر بيقول "إن الله ليزع بالسلطان ما لا يزع بالقرآن"... في ناس مش هيردعها القرآن وكلام ربنا بس هيردعها بطش السلطان.
❤1👍1
خبر بتاع خناقة أستراليا مع نوفاك دجوكوفيتش خلى الواحد افتكر الجماعة اللي عايشين في الركنة بتاعة الكوكب دي 😂... أصل الثنائي أستراليا ونيوزلاندا دول مش بنشوفهم في الأخبار خالص. يمكن أستراليا مؤخراً بتظهر كثير بصفتها عضو في العيون الخمسة فقاعدة تتخانق مع الصين؛ وضربت فرنسا قفا جامد ربنا يكثر من أمثاله الصراحة في صفقة الغواصات...
*️⃣ عكس اختها نيوزيلندا؛ دي حرفياً ممكن تعدي أسابيع متسمعش سيرتها؛ أظن خلال آخر 6 شهور مشوفتش حاجة عنها غير فيديو رئيسة الوزراء وهي بتعمل تحدي تقول عملت ايه في فترتها في كام ثانية... وكمان موضوع السجاير.
*️⃣ وللي ميعرفش ايه حوار السجاير دا فنيوزلاندا قررت إن الناس اللي اتولدوا من 2010 وطالع؛ عمرهم في حياتهم ما هيشربوا سجاير... ممنوع... هما أطفال اه دلوقتي بس عملوا القانون خصيصاً ليهم مستقبلاً 2026 يمنع بيع السجاير لاقل من 16 سنة؛ وسنة 2027 يبقي من 17 سنة وسنة 2028 يبقي من 18 سنة وهكذا... فكده يضمنوا ان أي حد اتولد من 2010 وطالع مش هيباع له سجاير أبداً.
*️⃣ في مصر بقي الحمد لله شركة الشرقية للدخان أعلنت عن أرقام تاريخية في بيع وتصدير السجاير المصرية... وكمان الحكومة يبدو إن رخصة السجاير الجديدة بتفشل نظرا لخلاف بين شركات السجاير العالمية مع الحكومة.
*️⃣ الحكومة عاوزة توسع نشاط السجاير فعاملة رخصة جديدة فيها شروط؛ الشروط بتنطبق علي الشرقية للدخان بس غالبا (هزار😂) ؛ المهم عدلت الشروط وبرضك مفيش؛ طيب تعديل ثالث ومفيش؛ ومن اسبوعين كده انسحبت 3 شركات من المناقصة وخناقة كده.
*️⃣ طبعاً الأستاذ اللي هناك هيقولي ليه الحكومة عاوزة توسع شغل السجاير في مصر... السبب هو الفلوس يا هندسة... عارف ايراد الدولة من ضرايب السجاير كام؟ 79 مليار جنية.
*️⃣ وعشان تعرف يعني ايه المبلغ دا؛ فعارف ايراد الموازنة من ضرايب قناة السويس كام؟ 34 مليار جنية؛ ومن البترول 41 مليار جنية؛ يعني دخل مصلحة الضرايب من السجاير 79 مليار؛ ومن البترول + قناة السويس مع لعض 75 مليار... يبقي مصلحة الضرايب والدولة تحب السجاير ولا متحبهاش.
*️⃣ طيب عارف التموين؛ اه بطاقة التموين دي اللي كل شوية حوار عليها؛ أهو التموين ل 65 مليون مواطن طول 365 يوم في السنة بيكلف الدولة 87 مليار... يعني يكاد يكون زي دخل الدولة من ضرايب السجاير بس.
*️⃣ شوف بقى لما نفتح كام براند جديد وندخل السجاير الإلكترونية قانوني؛ تقريباً دخل الدولة من السجاير هيعدي دعم التموين عالبترول عالكهرباء عالماية علي لبن الأطفال علي دعم المزارعين.
*️⃣ هتقولي طب المواطن؛ هقولك المواطن المصري صحته حديد؛ وكمان الشعب كثير. والبقاء لله ومحدش بيموت ناقص عمر وكل من عليها فان ومحدش بيخلد فيها وانتوا متنسوش التبرعات لمستشفي السرطان وتعاطفك لوحده مش كفاية
*️⃣ عكس اختها نيوزيلندا؛ دي حرفياً ممكن تعدي أسابيع متسمعش سيرتها؛ أظن خلال آخر 6 شهور مشوفتش حاجة عنها غير فيديو رئيسة الوزراء وهي بتعمل تحدي تقول عملت ايه في فترتها في كام ثانية... وكمان موضوع السجاير.
*️⃣ وللي ميعرفش ايه حوار السجاير دا فنيوزلاندا قررت إن الناس اللي اتولدوا من 2010 وطالع؛ عمرهم في حياتهم ما هيشربوا سجاير... ممنوع... هما أطفال اه دلوقتي بس عملوا القانون خصيصاً ليهم مستقبلاً 2026 يمنع بيع السجاير لاقل من 16 سنة؛ وسنة 2027 يبقي من 17 سنة وسنة 2028 يبقي من 18 سنة وهكذا... فكده يضمنوا ان أي حد اتولد من 2010 وطالع مش هيباع له سجاير أبداً.
*️⃣ في مصر بقي الحمد لله شركة الشرقية للدخان أعلنت عن أرقام تاريخية في بيع وتصدير السجاير المصرية... وكمان الحكومة يبدو إن رخصة السجاير الجديدة بتفشل نظرا لخلاف بين شركات السجاير العالمية مع الحكومة.
*️⃣ الحكومة عاوزة توسع نشاط السجاير فعاملة رخصة جديدة فيها شروط؛ الشروط بتنطبق علي الشرقية للدخان بس غالبا (هزار😂) ؛ المهم عدلت الشروط وبرضك مفيش؛ طيب تعديل ثالث ومفيش؛ ومن اسبوعين كده انسحبت 3 شركات من المناقصة وخناقة كده.
*️⃣ طبعاً الأستاذ اللي هناك هيقولي ليه الحكومة عاوزة توسع شغل السجاير في مصر... السبب هو الفلوس يا هندسة... عارف ايراد الدولة من ضرايب السجاير كام؟ 79 مليار جنية.
*️⃣ وعشان تعرف يعني ايه المبلغ دا؛ فعارف ايراد الموازنة من ضرايب قناة السويس كام؟ 34 مليار جنية؛ ومن البترول 41 مليار جنية؛ يعني دخل مصلحة الضرايب من السجاير 79 مليار؛ ومن البترول + قناة السويس مع لعض 75 مليار... يبقي مصلحة الضرايب والدولة تحب السجاير ولا متحبهاش.
*️⃣ طيب عارف التموين؛ اه بطاقة التموين دي اللي كل شوية حوار عليها؛ أهو التموين ل 65 مليون مواطن طول 365 يوم في السنة بيكلف الدولة 87 مليار... يعني يكاد يكون زي دخل الدولة من ضرايب السجاير بس.
*️⃣ شوف بقى لما نفتح كام براند جديد وندخل السجاير الإلكترونية قانوني؛ تقريباً دخل الدولة من السجاير هيعدي دعم التموين عالبترول عالكهرباء عالماية علي لبن الأطفال علي دعم المزارعين.
*️⃣ هتقولي طب المواطن؛ هقولك المواطن المصري صحته حديد؛ وكمان الشعب كثير. والبقاء لله ومحدش بيموت ناقص عمر وكل من عليها فان ومحدش بيخلد فيها وانتوا متنسوش التبرعات لمستشفي السرطان وتعاطفك لوحده مش كفاية
👏1
كذا حد بعت لي وقالي أشرح ايه قرار البنك المركزي بتاع السيولة الطارئة للبنوك؛ ودا معناه ايه وبعدين بقي الافكار بتاعة حوار العجز وانهيار العملة والتعويم ومفيش فلوس بالبنوك وووو... ايه بقي الموضوع دا؟
*️⃣ المرة دي البوست أنا هحكي البنوك في مصر بشوية تفاصيل كده عشان نفهم طريقة شغلها بس الأول نتفق علي بعض النقاط
1️⃣ مفيش دولة بيحصل فيها عجز في عملة تقدر تطبعها؛ العجز بيكون في عملة مش تحت سلطة الدولة؛ لكن يبقي عملتك الجنية وعندك مطبعة الفلوس وتقول مش لاقي جنية بشكل يسبب ازمة فدا مش منطقي... قيس دا علي اي بلد بما فيه امريكا مع الدولار.
2️⃣ البنك المركزي في مصر قوي جداً ومسيطر بشكل كبير... سيبك من نقطة الفلوس والعملة وسعر الدولار كام... البنك المركزي في مصر شاطر وبيحكم السيطرة كويس عالقطاع البنكي... فرق بين دور وزارة المالية والبنك المركزي ودور الدولة... فالديون بتزيد بسبب الدولة مش بسبب المالية او المركزي... الدولة بتقول للاثنين عاوزين فلوس؛ فالمالية تفرض ضرايب والمركزي ياخد قروض... الدولة تفرتك الفلوس في ايه مش مسئوليتهم... هما دورهم يجيبوا للبلد الفلوس المطلوبة... فتمام كده وضحت نقطة إن المركزي في مصر قوي ومسيطر بغض النظر عن اتفاقك الشخصي مع سياساته.
3️⃣ البنوك في مصر معاها فلوس كثير قوي؛ الفلوس مش بتتسحب من البنوك لأي سبب... عارف مثلا لما تقرر تتشتري شقة في العاصمة الادارية مثلا... الفلوس هتخرج من حسابك ل حساب المطور في البنك؛ اللي يحولها لحساب شركات الاسمنت والحديد وهما يحولوها لحساب البنك ك سداد قرض والبنك يسددها فوايد ويحولها لحساب ناس عاملة ايداع وهكذا... فالفلوس مش بتخرج من البنوك؛ بتغير بس اسم صاحبها.
4️⃣ البنوك في مصر مضمونة من البنك المركزي؛ يعني مفيش حاجة اسمها بنك هيفلس في يوم وفلوس الناس هتروح؛ دي ممكن تحصل في امريكا في اوروبا لكن في مصر مستحيلة الحدوث ؛ البنك المركزي هيدفع متخافوش ويسدد للناس؛ هتقولي منين؛ ارجع ل رقم 1.
يلا بقي نفهم البنوك شغالة إزاي
*️⃣ في لوايح البنوك بتكون الفلوس متقسمة؛ أنا مش متذكر أحدث تقسيم للنسب فاللي هقوله دا هيكون مثال توضيحي وليس رقم سليم.
*️⃣ لو البنك عملاءه حاطين فيه 100 مليار فالبنك بيحط 20 مليار في البنك المركزي؛ ويخلي 20 معاه سيولة عشان السحوبات؛ ومعاه 60 فاضله يطلع منها القروض بقي والشغل بتاع البنوك.
*️⃣ طيب البنوك كل يوم بيحصل فيها سحب وايداع؛ طيب ايه اللي بيحصل؟ ما ممكن الصافي تلاقي البنك آخر اليوم بقي اجمالي الفلوس 110 مليار وممكن 90 مليار.. ايه الوضع.
*️⃣ كده عندنا 2 خيار؛ الأول هو يحصل عند البنك زيادة فلوس... دا مش حلو علي فكرة؛ الفلوس دي تكلفة عالبنك؛ فالفلوس اللي تقعد دي خسارة عليه.
*️⃣ الخيار الثاني العكس؛ بنك حصل عنده سحب؛ فكده الصافي الفلوس قلت.. كده البنك ممكن يلاقي السيولة تحت الرقم اللي لوايح المركزي حطاه؛ ونفتكر ان المركزي قوي ومسيطر فلازم البنك يظبط الحسابات ويبقي تمام ويغطي فروقات عنده في الحسابات... يبقي ايه الحل
*️⃣ سوق البنوك بقي الانتر بنك؛ البنوك كده تقول لبعضها؛ كابتشن البنك الاهلي عندك 10 مليار فايض؟ طيب انا عاوزهم ليلة كده اقفل المراكز اللي عندي... وهكذا كله يسوي من السوق بين بعضه ومع البنك المركزي برضك؛ وكله بيسوي ويخلص والحسابات للكل تبقي تمام الفل.
*️⃣ طيب نفترض بقي في بنك عنده عجز لاي سبب كان والعجز مستمر؟ ولقي الفلوس في انتربنك مش مكفية؟ هيفضل البنك معجز؛ طيب تخيل تاني يوم العجز زاد؟ الوضع هيبقي أصعب وهكذا صح...
*️⃣ عشان يحل البنك المركزي الموضوع دا طلع الموضوع بتاع اتاحة السيولة الطارئة دي؛ هو اللي هيسلف البنوك بنفسه لمدة طويلة يعني شهور او حتي 6 شهور. بحيث يخلص الأزمة للبنك.
*️⃣ طيب ليه بقي البنك بيحصل عنده عجز؟ بص هو مش عجز قوي ؛ لكنه بقي بره الحد الادني للسيولة اللي قواعد المركزي في مصر حاططها... ممكن لو انتا بلد تانية فالبنك دا هيكون مش معجز؛ لكن في مصر البنك المركزي بيحب يبقي أمان؛ حتي تفتكر ايام التعويم رفع الفايدة ل 20% ؛ كان ممكن ومفهوم تطلع ل 14 وحتى 16%؛ يا سيدي 18% مجاملة.. بس عشان المركزي يطمن رفعها ل 20%... نفس الفكرة في السيولة والكاش... معروف ان المصريين من أكثر شعوب العالم حباً للكاش... فممكن يلاقي الخبراء يقولوا له ان 10 او 12% سيولة كفاية.. فهو يقول لا خلوها 15% او 20% بحيث يضمن.
*️⃣ المهم بقي البنك ليه عجز؟ نفتكر لما قولنا شغلة البنك يأجر الفلوس؛ فهو بيدور علي استثمارات واقراض للدولة بفايدك عالية وكده... فممكن بنك يدي الدولة قروض وبعدين ييجي بنك تاني زي الاهلي ومصر يرفعوا الفايدة عندهم فهوبا يسحبوا العملاء؛ او شغل للدولة مع شركة معينة في بنك تاني فهوبا الفلوس تتحول بره البنك. وممكن لاي سبب بقي يحصل عجز
*️⃣ فدلوقتي البنك عنده عجز ودا مستمر لشهور؛ فهنا محتاج السيولة العاجلة دي.
طبعا دا مختصر المختصر وللحديث بقية
*️⃣ المرة دي البوست أنا هحكي البنوك في مصر بشوية تفاصيل كده عشان نفهم طريقة شغلها بس الأول نتفق علي بعض النقاط
1️⃣ مفيش دولة بيحصل فيها عجز في عملة تقدر تطبعها؛ العجز بيكون في عملة مش تحت سلطة الدولة؛ لكن يبقي عملتك الجنية وعندك مطبعة الفلوس وتقول مش لاقي جنية بشكل يسبب ازمة فدا مش منطقي... قيس دا علي اي بلد بما فيه امريكا مع الدولار.
2️⃣ البنك المركزي في مصر قوي جداً ومسيطر بشكل كبير... سيبك من نقطة الفلوس والعملة وسعر الدولار كام... البنك المركزي في مصر شاطر وبيحكم السيطرة كويس عالقطاع البنكي... فرق بين دور وزارة المالية والبنك المركزي ودور الدولة... فالديون بتزيد بسبب الدولة مش بسبب المالية او المركزي... الدولة بتقول للاثنين عاوزين فلوس؛ فالمالية تفرض ضرايب والمركزي ياخد قروض... الدولة تفرتك الفلوس في ايه مش مسئوليتهم... هما دورهم يجيبوا للبلد الفلوس المطلوبة... فتمام كده وضحت نقطة إن المركزي في مصر قوي ومسيطر بغض النظر عن اتفاقك الشخصي مع سياساته.
3️⃣ البنوك في مصر معاها فلوس كثير قوي؛ الفلوس مش بتتسحب من البنوك لأي سبب... عارف مثلا لما تقرر تتشتري شقة في العاصمة الادارية مثلا... الفلوس هتخرج من حسابك ل حساب المطور في البنك؛ اللي يحولها لحساب شركات الاسمنت والحديد وهما يحولوها لحساب البنك ك سداد قرض والبنك يسددها فوايد ويحولها لحساب ناس عاملة ايداع وهكذا... فالفلوس مش بتخرج من البنوك؛ بتغير بس اسم صاحبها.
4️⃣ البنوك في مصر مضمونة من البنك المركزي؛ يعني مفيش حاجة اسمها بنك هيفلس في يوم وفلوس الناس هتروح؛ دي ممكن تحصل في امريكا في اوروبا لكن في مصر مستحيلة الحدوث ؛ البنك المركزي هيدفع متخافوش ويسدد للناس؛ هتقولي منين؛ ارجع ل رقم 1.
يلا بقي نفهم البنوك شغالة إزاي
*️⃣ في لوايح البنوك بتكون الفلوس متقسمة؛ أنا مش متذكر أحدث تقسيم للنسب فاللي هقوله دا هيكون مثال توضيحي وليس رقم سليم.
*️⃣ لو البنك عملاءه حاطين فيه 100 مليار فالبنك بيحط 20 مليار في البنك المركزي؛ ويخلي 20 معاه سيولة عشان السحوبات؛ ومعاه 60 فاضله يطلع منها القروض بقي والشغل بتاع البنوك.
*️⃣ طيب البنوك كل يوم بيحصل فيها سحب وايداع؛ طيب ايه اللي بيحصل؟ ما ممكن الصافي تلاقي البنك آخر اليوم بقي اجمالي الفلوس 110 مليار وممكن 90 مليار.. ايه الوضع.
*️⃣ كده عندنا 2 خيار؛ الأول هو يحصل عند البنك زيادة فلوس... دا مش حلو علي فكرة؛ الفلوس دي تكلفة عالبنك؛ فالفلوس اللي تقعد دي خسارة عليه.
*️⃣ الخيار الثاني العكس؛ بنك حصل عنده سحب؛ فكده الصافي الفلوس قلت.. كده البنك ممكن يلاقي السيولة تحت الرقم اللي لوايح المركزي حطاه؛ ونفتكر ان المركزي قوي ومسيطر فلازم البنك يظبط الحسابات ويبقي تمام ويغطي فروقات عنده في الحسابات... يبقي ايه الحل
*️⃣ سوق البنوك بقي الانتر بنك؛ البنوك كده تقول لبعضها؛ كابتشن البنك الاهلي عندك 10 مليار فايض؟ طيب انا عاوزهم ليلة كده اقفل المراكز اللي عندي... وهكذا كله يسوي من السوق بين بعضه ومع البنك المركزي برضك؛ وكله بيسوي ويخلص والحسابات للكل تبقي تمام الفل.
*️⃣ طيب نفترض بقي في بنك عنده عجز لاي سبب كان والعجز مستمر؟ ولقي الفلوس في انتربنك مش مكفية؟ هيفضل البنك معجز؛ طيب تخيل تاني يوم العجز زاد؟ الوضع هيبقي أصعب وهكذا صح...
*️⃣ عشان يحل البنك المركزي الموضوع دا طلع الموضوع بتاع اتاحة السيولة الطارئة دي؛ هو اللي هيسلف البنوك بنفسه لمدة طويلة يعني شهور او حتي 6 شهور. بحيث يخلص الأزمة للبنك.
*️⃣ طيب ليه بقي البنك بيحصل عنده عجز؟ بص هو مش عجز قوي ؛ لكنه بقي بره الحد الادني للسيولة اللي قواعد المركزي في مصر حاططها... ممكن لو انتا بلد تانية فالبنك دا هيكون مش معجز؛ لكن في مصر البنك المركزي بيحب يبقي أمان؛ حتي تفتكر ايام التعويم رفع الفايدة ل 20% ؛ كان ممكن ومفهوم تطلع ل 14 وحتى 16%؛ يا سيدي 18% مجاملة.. بس عشان المركزي يطمن رفعها ل 20%... نفس الفكرة في السيولة والكاش... معروف ان المصريين من أكثر شعوب العالم حباً للكاش... فممكن يلاقي الخبراء يقولوا له ان 10 او 12% سيولة كفاية.. فهو يقول لا خلوها 15% او 20% بحيث يضمن.
*️⃣ المهم بقي البنك ليه عجز؟ نفتكر لما قولنا شغلة البنك يأجر الفلوس؛ فهو بيدور علي استثمارات واقراض للدولة بفايدك عالية وكده... فممكن بنك يدي الدولة قروض وبعدين ييجي بنك تاني زي الاهلي ومصر يرفعوا الفايدة عندهم فهوبا يسحبوا العملاء؛ او شغل للدولة مع شركة معينة في بنك تاني فهوبا الفلوس تتحول بره البنك. وممكن لاي سبب بقي يحصل عجز
*️⃣ فدلوقتي البنك عنده عجز ودا مستمر لشهور؛ فهنا محتاج السيولة العاجلة دي.
طبعا دا مختصر المختصر وللحديث بقية
شباب حاضر والله هقرأ المقال بتاع Fitch وهكتب بوست عنه
بس عاوز أوضح حاجة؛ ساعات بيكون إحنا اللي بنعمل المشاكل لنفسنا.
*️⃣ يعني تخيل كده اشاعة طلعت إن بنك X في دولة Y مفيهوش فلوس؛ الناس كلها هتجري عالبنك دا تسحب الفلوس أو تفتح الأونلاين تحول وتقولك ألحق... فالضغط دا يسبب إن البنك ميقدرش يوفي؛ لان مستحيل أي بنك بالكوكب شايل كل فلوس العملاء عنده؛ أومال هيديكم فوايد منين؛ إما هيسلف ناس أو هيشتري أصول أو حصص بشركات؛ فلما الناس كلها تضغط عاوزة الفلوس فهو معندوش يكفي. فيفلس فعلاً؛ فمين سبب إفلاسه فعلاً؟
*️⃣ تخيل معايا الناس اقتنعت إن الدولار خلاص هيزيد ويبقي 25 جنية؛ كله هيجري يشتري دولار من أي مكان؛ فهيحصل طلب عالدولار مهول؛ حجم السيولة المحلية بالجنية بالقطاع المصرفي فوق 5800 مليار جنية؛ يعني ما يوازي أكثر من 370 مليار دولار؛ هل في دولارات توازي كل دا بمصر؟ لا طبعا... تخيل الناس كلها عاوزة تشيل فلوسها دولار هيحصل ايه؟ هيتشفط الدولار... فلما بتشفط هيحصل عجز؛ فلما يحصل عجز هيحصل ايه؟ لازم البنوك تزود سعر الدولار بالعرض والطلب يعني... فالدولار يزيد ويوصل 25 فالناس تقول شوفتم ياللي كنتم بتقولوا مش هيحصل ومش هيجيب 25... وعلى فكرة دا سبب اللي حصل في الليره في تركيا؛ رعب الدولرة.
⬅️ الموضوع دا اسمه (نبوءة ذاتية التحقق) وممكن تدوروا عالاسم دا عالنت وتقروا عنها
*️⃣ الموضوع كبير قوي؛ تخيل حتي اشاعة إن في نقص في السكر؛ تلقائي أي حد هيخش أي سوبر ماركت هيشوف سكر هيشتريه كله؛ هوبا هيحصل ايه؟ هيحصل نقص فعلاً في السكر وهييجي اللي كان مخزن سكر يقول لصاحبه اللي قاله بلاش تعمل كده ويقوله شوفت بقي لو كنت مشيت بنصيحتك ومشترتش سكر... يعني هو مش بس سبب حدوث الازمة لكن كمان مش هيعرف وهيعاير اللي نصحوه ويقولهم يا بهايم.
*️⃣ فخدوا بالكم يا شباب؛ ممكن خبر عادي يسبب للناس هلع فتتنفذ النبوءة المتحققة لذاتها ويبقي تصديق الناس لإن في مشكلة هو سبب حدوث المشكلة.
*️⃣ مش معنى أي مما سبق إن الدنيا ربيع والجو بديع؛ لكن بلاش يكون في دبوس؛ وتقعد تقول يالهوي خازوق؛ فالناس تترعب ويتحول الدبوس إلي خازوق.
بس عاوز أوضح حاجة؛ ساعات بيكون إحنا اللي بنعمل المشاكل لنفسنا.
*️⃣ يعني تخيل كده اشاعة طلعت إن بنك X في دولة Y مفيهوش فلوس؛ الناس كلها هتجري عالبنك دا تسحب الفلوس أو تفتح الأونلاين تحول وتقولك ألحق... فالضغط دا يسبب إن البنك ميقدرش يوفي؛ لان مستحيل أي بنك بالكوكب شايل كل فلوس العملاء عنده؛ أومال هيديكم فوايد منين؛ إما هيسلف ناس أو هيشتري أصول أو حصص بشركات؛ فلما الناس كلها تضغط عاوزة الفلوس فهو معندوش يكفي. فيفلس فعلاً؛ فمين سبب إفلاسه فعلاً؟
*️⃣ تخيل معايا الناس اقتنعت إن الدولار خلاص هيزيد ويبقي 25 جنية؛ كله هيجري يشتري دولار من أي مكان؛ فهيحصل طلب عالدولار مهول؛ حجم السيولة المحلية بالجنية بالقطاع المصرفي فوق 5800 مليار جنية؛ يعني ما يوازي أكثر من 370 مليار دولار؛ هل في دولارات توازي كل دا بمصر؟ لا طبعا... تخيل الناس كلها عاوزة تشيل فلوسها دولار هيحصل ايه؟ هيتشفط الدولار... فلما بتشفط هيحصل عجز؛ فلما يحصل عجز هيحصل ايه؟ لازم البنوك تزود سعر الدولار بالعرض والطلب يعني... فالدولار يزيد ويوصل 25 فالناس تقول شوفتم ياللي كنتم بتقولوا مش هيحصل ومش هيجيب 25... وعلى فكرة دا سبب اللي حصل في الليره في تركيا؛ رعب الدولرة.
⬅️ الموضوع دا اسمه (نبوءة ذاتية التحقق) وممكن تدوروا عالاسم دا عالنت وتقروا عنها
*️⃣ الموضوع كبير قوي؛ تخيل حتي اشاعة إن في نقص في السكر؛ تلقائي أي حد هيخش أي سوبر ماركت هيشوف سكر هيشتريه كله؛ هوبا هيحصل ايه؟ هيحصل نقص فعلاً في السكر وهييجي اللي كان مخزن سكر يقول لصاحبه اللي قاله بلاش تعمل كده ويقوله شوفت بقي لو كنت مشيت بنصيحتك ومشترتش سكر... يعني هو مش بس سبب حدوث الازمة لكن كمان مش هيعرف وهيعاير اللي نصحوه ويقولهم يا بهايم.
*️⃣ فخدوا بالكم يا شباب؛ ممكن خبر عادي يسبب للناس هلع فتتنفذ النبوءة المتحققة لذاتها ويبقي تصديق الناس لإن في مشكلة هو سبب حدوث المشكلة.
*️⃣ مش معنى أي مما سبق إن الدنيا ربيع والجو بديع؛ لكن بلاش يكون في دبوس؛ وتقعد تقول يالهوي خازوق؛ فالناس تترعب ويتحول الدبوس إلي خازوق.
👍1
صفحة مصلحة الضرايب أعلنت منذ قليل بخصوص ضريبة التصرفات العقارية؛ ودي كانت قانون لو فاكرين عمل حوار وبعدين تم ايقاف التنفيذ. والوضع هيكون كالتالي:
*️⃣ لو العقار تم بيعه قبل 19 مايو 2013 فهيكون في ضريبة قطعية (ثابته) حسب سعره بداية من 1500 وحد اقصي 4000 جنية. وهتدفع مرة واحدة بس للشقة؛ يعني لو كان في سلسلة بيع بعقود وتوكيلات؛ فهي مرة واحدة بس وملناش دعوة بالسلسلة دي. البائع الاخير يدفع.
*️⃣ لو العقار تم بيعه بعد 19 مايو 2013 فهيكون الضريبة 2.5% من سعر البيع وبدون حد أقصي. ودا هو هو القانون الحالي اللي كان موجود واتأجل التنفيذ.
*️⃣ لو العقار ورثة فهو معفي حتي 25 يوليو 2018 وأي تصرف تم بعد التاريخ دا فالورثة هيدفعوا 2.5% عادي.
*️⃣ دا القانون اللي الضرايب عملته وبعته لمجلس الوزراء وافق عليه؛ لسه موافقة مجلس الشعب ثم رئيس الجمهورية ثم ينشر بالجريدة الرسمية.
*️⃣ مفروض اللي يدفع البائع مش المشتري اللي هو المالك الحالي... بس روح اقنع بقي حد باع انه يطلع فلوس.
تحديث هام:
*️⃣ القانون بيكون على الشقق اللي تم بيعها من أفراد؛ المطور العقاري "شركات" أو الدولة فالقانون مش ساري عليها... ودا مش كوسة لكن عشان الشركة بتدفع ضرائب فلما باعت لك شقة دفعت ضرائب قيمة مضافة وضريبة دخل للدولة... بينما الفرد لما يبيع شقة فهو مش بيدفع أي منهم فهنا هيدفع ضريبة تصرفات عقارية.. لذا لزم التوضيح.
تحديث 2:
*️⃣ القانون لا يطبق بأثر رجعي؛ قانون التصرفات دا صدر سنة 78 واتعدل سنة 2005 ثم 2013؛ فعشان تقول اثر رجعي تكون بايع الشقة قبل 78 وبتقول ازاي تطبق عليا
اه علي جنب كده؛ هيعرفوا منين قيمة العقار؛ فهيعرفوه من العقد اللي حضرتك عملت عليه صحة توقيع... اومال الربط بين الجهات بيعمل ايه... العقود زمانها اتسجلت.
*️⃣ لو العقار تم بيعه قبل 19 مايو 2013 فهيكون في ضريبة قطعية (ثابته) حسب سعره بداية من 1500 وحد اقصي 4000 جنية. وهتدفع مرة واحدة بس للشقة؛ يعني لو كان في سلسلة بيع بعقود وتوكيلات؛ فهي مرة واحدة بس وملناش دعوة بالسلسلة دي. البائع الاخير يدفع.
*️⃣ لو العقار تم بيعه بعد 19 مايو 2013 فهيكون الضريبة 2.5% من سعر البيع وبدون حد أقصي. ودا هو هو القانون الحالي اللي كان موجود واتأجل التنفيذ.
*️⃣ لو العقار ورثة فهو معفي حتي 25 يوليو 2018 وأي تصرف تم بعد التاريخ دا فالورثة هيدفعوا 2.5% عادي.
*️⃣ دا القانون اللي الضرايب عملته وبعته لمجلس الوزراء وافق عليه؛ لسه موافقة مجلس الشعب ثم رئيس الجمهورية ثم ينشر بالجريدة الرسمية.
*️⃣ مفروض اللي يدفع البائع مش المشتري اللي هو المالك الحالي... بس روح اقنع بقي حد باع انه يطلع فلوس.
تحديث هام:
*️⃣ القانون بيكون على الشقق اللي تم بيعها من أفراد؛ المطور العقاري "شركات" أو الدولة فالقانون مش ساري عليها... ودا مش كوسة لكن عشان الشركة بتدفع ضرائب فلما باعت لك شقة دفعت ضرائب قيمة مضافة وضريبة دخل للدولة... بينما الفرد لما يبيع شقة فهو مش بيدفع أي منهم فهنا هيدفع ضريبة تصرفات عقارية.. لذا لزم التوضيح.
تحديث 2:
*️⃣ القانون لا يطبق بأثر رجعي؛ قانون التصرفات دا صدر سنة 78 واتعدل سنة 2005 ثم 2013؛ فعشان تقول اثر رجعي تكون بايع الشقة قبل 78 وبتقول ازاي تطبق عليا
اه علي جنب كده؛ هيعرفوا منين قيمة العقار؛ فهيعرفوه من العقد اللي حضرتك عملت عليه صحة توقيع... اومال الربط بين الجهات بيعمل ايه... العقود زمانها اتسجلت.
👏1
النوم مهم جداً للمخ البشري
*️⃣ لما يكون ناقصك نوم تركيزك هيقل وحتي ذكاءك هيقل وهتبقي غبي ومخك بيكون مهنج... عاوز تشوف مثال صريح وبسيط.
*️⃣ بص للعيال الصغيرة وهما عاوزين ينامو؛ قريفة بقي وعياط وزن وتصرفات غبية... خلاص مخهم هنج من قلة النوم لدرجة إنهم بقوا أغبياء بحيث إنهم مش فاهمين إنهم يقدروا ببساطه يناموا ويحلوا المشكلة 😂😂.
*️⃣ فنفهم من البوست دا إيه؟ نفهم منه إن واحد صحي من النوم متأخر وحب يتفلسف كده ويوضح للبشر أهمية النوم 😂😅😅؛ وإن مش راحت عليه نومه كده؛ لا دا عشان مصلحتكم وكانت خطه تكتيكية عشان يشحن مخه 😂.
صباح الفل؛ وبوست فيتش شبه خلصان بس إمبارح بالليل كان ماتش مصر فمكنتش هنشر ومحدش متابع يعني؛ فهنشره النهاردة ان شاء الله
*️⃣ لما يكون ناقصك نوم تركيزك هيقل وحتي ذكاءك هيقل وهتبقي غبي ومخك بيكون مهنج... عاوز تشوف مثال صريح وبسيط.
*️⃣ بص للعيال الصغيرة وهما عاوزين ينامو؛ قريفة بقي وعياط وزن وتصرفات غبية... خلاص مخهم هنج من قلة النوم لدرجة إنهم بقوا أغبياء بحيث إنهم مش فاهمين إنهم يقدروا ببساطه يناموا ويحلوا المشكلة 😂😂.
*️⃣ فنفهم من البوست دا إيه؟ نفهم منه إن واحد صحي من النوم متأخر وحب يتفلسف كده ويوضح للبشر أهمية النوم 😂😅😅؛ وإن مش راحت عليه نومه كده؛ لا دا عشان مصلحتكم وكانت خطه تكتيكية عشان يشحن مخه 😂.
صباح الفل؛ وبوست فيتش شبه خلصان بس إمبارح بالليل كان ماتش مصر فمكنتش هنشر ومحدش متابع يعني؛ فهنشره النهاردة ان شاء الله
👏1
بسرعة كده إيه حوار الدمغة الجديدة للذهب بعد تصريحات وزير التموين إن 2023 مش هنعترف بالدمغة القديمة.
*️⃣ الذهب سلعة منذ بداية البشر معترف بيها؛ ميزتها إنها عالمية.. ودا عيبها برضك لإنها مغرية للصوص يسرقوها أو ناس تانية تغش الذهب.
*️⃣ فعشان كده كان ولا يزال في مفهوم الدمغة؛ فكرته إن جهة رسمية تعترف بالقطعة دي إنها أصلية وزي الفل ودي ذهب 24 ودي 21 ودي 18 وهكذا.
*️⃣ الدمغة القديمة كانت تحفة شبه يدوي؛ فكان شكلها مش حلو من ناحية؛ ومن ناحية ثانية ممكن محترفي الغش يقلدوها؛ وبقول محترفي مش الكل.
*️⃣ طيب الدمغة صعبت الغش؛ طيب والسرقة؟ السرقة دي ملهاش حل حاسم؛ عشان كده تعارف على الفاتورة؛ عاوز تبيع قطعة ذهب لازم تجيب للمحل الفاتورة بتاعة الشراء؛ بحيث كده عرفنا إنها من جهة موثوق فيها. طب لو ضاعت الفاتورة؟ ربنا معاك بقي وهتخش في حوارات كده وغالباً المحلات هترفض تشتري منك؛ وبعض المحلات الشمال هتشتريه بسعر واقع.
*️⃣ المهم يا سيدي ظهر في العالم الدمغة بالباركود؛ وبقول العالم مش مصر... فكرته باختصار بقي إن يتحط باركود كده او QR عالذهب بواسطة الكومبيوتر بدل الحفر التقليدي.
*️⃣ تقدر تعرف منه رقم القطعة اللي مش بيتكرر؛ امتي اتدمغت؛ اسم المصنع؛ نوعها وكله... والفكرة الشاملة بيكون في ابلكيشن كده عالموبايل تقدر تعرف الداتا منه والاهم تبلغ سرقة.
*️⃣ دلوقتي انتا اتسرق بقي حته الذهب بتاعتك؛ غويشة كانت او سبيكة... تقدر تروح مبلغ برقم الباركود اللي مش بيتكرر وشكراً... اتقفلت في مصر كلها ومش هتتباع في حته... لان أي حد هيمسكها وييجي يقرأ الباركود هيطلع له (قطعة مسروقة)... فمفروض المنظومة تتعمل كده.
*️⃣ الحل بقي إن القطعة دي تتسيح ويعاد صناعة قطعة ذهب جديدة منها؛ ودا صعب جداً ومش متاح لأي محل ذهب (شمال).
*️⃣ حاجة كمان وهي الشمول المالي الأدق؛ يعني مصلحة الضرايب تعرف إن محل الذهب X اتدمغ له السنة الماضية 4000 قطعة؛ وهو باع ومسجل 2500 يبقي عالسيستم فيه عنده 1500 قطعة؛ يقدروا ينزلوا يقولوا له طلع لنا القطع دي بالأرقام المسلسلة دي... فكده الضرايب تعرف تراقب أفضل.
*️⃣ كمان ممكن مستقبلا متبقاش محتاج الفاتورة... القطعة سليمة؛ مش متبلغ سرقة؛ تمام...
*️⃣ بل ممكن وبقول ممكن مش رسمي يتحط داتا بيز؛ تشتري قطعة ذهب؛ تخش الداتا بيز تسجل رقم الباركود ورقم الفاتورة الضريبية ورقم بطاقتك؛ فتبقي قطعة الذهب دي مربوطة ببطاقتك... وتقدر تبيعها في أي وقت؛ مجرد التاجر يعمل سكان فيطلع له صاحب قطعة الذهب هو بطاقة رقم قومي كذا. بس خد بالك الكلام تحسه جميل بس فعليا صعب جداً تتنفذ لانها عاوزة درجة تشفير وتأمين عالية؛ انتم متخيلين قاعدة بيانات زي دي لو وجدت؛ لو حد اخترقها هيبقي عنده منجم ذهب حرفياً؛ عارف مين عنده ذهب ايه... منجم ذهب
*️⃣ طبعاً دي هتكون مفيدة في ظبط المرتشين؛ الموظفين الحرامية او اللي شغالين شمال ويخزنوا فلوسهم ذهب بعيد عن الحكومة والشقق والبنوك.... هيبان ان في ناس عندها كيلو جرامات من الذهب وهو موظف حكومي أو شخص صاحب شركة بيعلن عن خساير كل سنة؛ فمنين كل سنة بيزيد الذهب عندك؟
*️⃣ عارف إنكم هتسألوني طيب ومصير الذهب الحالي... عادي شغال ومقبول؛ وعندك سبيكة مثلا شاليها للعيال؛ روح (لما الحكومة تعلن امتي) مصلحة الدمغة والموازين وقولهم عاوز اعملها دمغة جديدة وادفع الرسوم وتم شكراً... امتي دا هيتم وايه الاجراءات وبكام؛ معرفش أنا مش شغال في الحكومة... اسألوا الدمغة والموازين 😂😂... معلش قولت اسبق التعليقات.
*️⃣ يعني الطريقة دي يا بن سامي مش معمولة عشان حصر ثروة الشعب؟ اه عادي من ضمن الفوايد حصر الثروة... بص انسي ان حد بعد كده هيكون عنده ثروة ومش معروف؛ كان في وخلص
*️⃣ طيب هل مصر هتنفذ بالشكل اللي انتا كاتبه فوق؟ ابلكيشن وابلاغ سرقة وكده؟ معرفش؛ انا بشرح لكم الشكل المثالي للتطبيق بحيث تبقي في فايدة تعم عالمواطن... مصر تعمل ايه معرفش؛ احنا بنحب نحط التاتش بتاعنا او نمشي نص الطريق 😂😂 فانتا شخص كبير عن انك تسألني السؤال دا
ملحوظة : المشروع دا مش افتكاسة امبارح؛ دا مشروع بقاله سنين وسبق وقالوا هيطبق فبراير 21 ثم يوليو 21 واتأجل؛ فمش جديد ولا التصريحات جديدة... هو بس الوزير تعمد يقولها بشكل مستفز عشان تنتشر والناس تتكلم.
*️⃣ الذهب سلعة منذ بداية البشر معترف بيها؛ ميزتها إنها عالمية.. ودا عيبها برضك لإنها مغرية للصوص يسرقوها أو ناس تانية تغش الذهب.
*️⃣ فعشان كده كان ولا يزال في مفهوم الدمغة؛ فكرته إن جهة رسمية تعترف بالقطعة دي إنها أصلية وزي الفل ودي ذهب 24 ودي 21 ودي 18 وهكذا.
*️⃣ الدمغة القديمة كانت تحفة شبه يدوي؛ فكان شكلها مش حلو من ناحية؛ ومن ناحية ثانية ممكن محترفي الغش يقلدوها؛ وبقول محترفي مش الكل.
*️⃣ طيب الدمغة صعبت الغش؛ طيب والسرقة؟ السرقة دي ملهاش حل حاسم؛ عشان كده تعارف على الفاتورة؛ عاوز تبيع قطعة ذهب لازم تجيب للمحل الفاتورة بتاعة الشراء؛ بحيث كده عرفنا إنها من جهة موثوق فيها. طب لو ضاعت الفاتورة؟ ربنا معاك بقي وهتخش في حوارات كده وغالباً المحلات هترفض تشتري منك؛ وبعض المحلات الشمال هتشتريه بسعر واقع.
*️⃣ المهم يا سيدي ظهر في العالم الدمغة بالباركود؛ وبقول العالم مش مصر... فكرته باختصار بقي إن يتحط باركود كده او QR عالذهب بواسطة الكومبيوتر بدل الحفر التقليدي.
*️⃣ تقدر تعرف منه رقم القطعة اللي مش بيتكرر؛ امتي اتدمغت؛ اسم المصنع؛ نوعها وكله... والفكرة الشاملة بيكون في ابلكيشن كده عالموبايل تقدر تعرف الداتا منه والاهم تبلغ سرقة.
*️⃣ دلوقتي انتا اتسرق بقي حته الذهب بتاعتك؛ غويشة كانت او سبيكة... تقدر تروح مبلغ برقم الباركود اللي مش بيتكرر وشكراً... اتقفلت في مصر كلها ومش هتتباع في حته... لان أي حد هيمسكها وييجي يقرأ الباركود هيطلع له (قطعة مسروقة)... فمفروض المنظومة تتعمل كده.
*️⃣ الحل بقي إن القطعة دي تتسيح ويعاد صناعة قطعة ذهب جديدة منها؛ ودا صعب جداً ومش متاح لأي محل ذهب (شمال).
*️⃣ حاجة كمان وهي الشمول المالي الأدق؛ يعني مصلحة الضرايب تعرف إن محل الذهب X اتدمغ له السنة الماضية 4000 قطعة؛ وهو باع ومسجل 2500 يبقي عالسيستم فيه عنده 1500 قطعة؛ يقدروا ينزلوا يقولوا له طلع لنا القطع دي بالأرقام المسلسلة دي... فكده الضرايب تعرف تراقب أفضل.
*️⃣ كمان ممكن مستقبلا متبقاش محتاج الفاتورة... القطعة سليمة؛ مش متبلغ سرقة؛ تمام...
*️⃣ بل ممكن وبقول ممكن مش رسمي يتحط داتا بيز؛ تشتري قطعة ذهب؛ تخش الداتا بيز تسجل رقم الباركود ورقم الفاتورة الضريبية ورقم بطاقتك؛ فتبقي قطعة الذهب دي مربوطة ببطاقتك... وتقدر تبيعها في أي وقت؛ مجرد التاجر يعمل سكان فيطلع له صاحب قطعة الذهب هو بطاقة رقم قومي كذا. بس خد بالك الكلام تحسه جميل بس فعليا صعب جداً تتنفذ لانها عاوزة درجة تشفير وتأمين عالية؛ انتم متخيلين قاعدة بيانات زي دي لو وجدت؛ لو حد اخترقها هيبقي عنده منجم ذهب حرفياً؛ عارف مين عنده ذهب ايه... منجم ذهب
*️⃣ طبعاً دي هتكون مفيدة في ظبط المرتشين؛ الموظفين الحرامية او اللي شغالين شمال ويخزنوا فلوسهم ذهب بعيد عن الحكومة والشقق والبنوك.... هيبان ان في ناس عندها كيلو جرامات من الذهب وهو موظف حكومي أو شخص صاحب شركة بيعلن عن خساير كل سنة؛ فمنين كل سنة بيزيد الذهب عندك؟
*️⃣ عارف إنكم هتسألوني طيب ومصير الذهب الحالي... عادي شغال ومقبول؛ وعندك سبيكة مثلا شاليها للعيال؛ روح (لما الحكومة تعلن امتي) مصلحة الدمغة والموازين وقولهم عاوز اعملها دمغة جديدة وادفع الرسوم وتم شكراً... امتي دا هيتم وايه الاجراءات وبكام؛ معرفش أنا مش شغال في الحكومة... اسألوا الدمغة والموازين 😂😂... معلش قولت اسبق التعليقات.
*️⃣ يعني الطريقة دي يا بن سامي مش معمولة عشان حصر ثروة الشعب؟ اه عادي من ضمن الفوايد حصر الثروة... بص انسي ان حد بعد كده هيكون عنده ثروة ومش معروف؛ كان في وخلص
*️⃣ طيب هل مصر هتنفذ بالشكل اللي انتا كاتبه فوق؟ ابلكيشن وابلاغ سرقة وكده؟ معرفش؛ انا بشرح لكم الشكل المثالي للتطبيق بحيث تبقي في فايدة تعم عالمواطن... مصر تعمل ايه معرفش؛ احنا بنحب نحط التاتش بتاعنا او نمشي نص الطريق 😂😂 فانتا شخص كبير عن انك تسألني السؤال دا
ملحوظة : المشروع دا مش افتكاسة امبارح؛ دا مشروع بقاله سنين وسبق وقالوا هيطبق فبراير 21 ثم يوليو 21 واتأجل؛ فمش جديد ولا التصريحات جديدة... هو بس الوزير تعمد يقولها بشكل مستفز عشان تنتشر والناس تتكلم.
❤1👍1👏1
أخيراً هنشر بوست فيتش اللي مكتوب من يومين بس كان بالليل؛ وإمبارح كان الماتش فمعرفتش أنشر.
*️⃣ ايه بقي تقرير Fitch اللي قالب الدنيا في مصر بقالنا يومين؟ وايه عجز البنوك (الدولاري) وهل دي أول مرة؟ طيب لو استمر ايه هيحصل؟
*️⃣ في البداية لو عاوز شوية كلام علمي شوية فممكن تشوف الصور في البوست بتاع صديقي عبد الرحمن التالي دا ولو عاوز الكلام بالهجايص كالعادة كمل معايا
https://www.facebook.com/permalink.php?story_fbid=3057569414506028&id=100007589988327
*️⃣ نبدأ كده؛ اللي ميعرفش مين فيتش Fitch فدي مؤسسة من ال 3 الكبار اللي بيعملوا تقييمات للدول مع ستاندر اند بورز ومودز.
*️⃣ البنوك بيكون ليها تصنيف برضك زي الدول؛ تصنيف إئتماني... كل حاجة ليها تصنيف؛ الأفراد زي مهو معروف في مصر ب iScore و البنوك والشركات والدول برضك ليهم تصنيف.
*️⃣ البنوك برضك جهة بتسلف وتستلف؛ فزي ما الأفراد بيتعمل لهم تصنيف يقيس حجم الديون والمسئوليات وكده.
*️⃣ مقال فيتش باختصار بيتكلم عن نقطة وهي عجز في صافي الأصول الأجنبية للبنوك المحلية؛ يعني صافي معاهم كام وعليهم كام... وقالت ان الوضع الصافي كسر سالب 7 مليار دولار (مش الرصيد سالب لكن لو فرضنا بتصفي البنوك المحلية كلها وهتخرج كل الدولار لكل الناس هيبقي في سالب 7 مليار دولار). والكلام دا ل ايداعات ومديونيات البنوك (الاصول والخصوم) بالدولار لغير المقيمين.
*️⃣ الرقم بالسالب عادي حصل كذا مرة ففي 2020 كان سالب شهور 4 و 6 و 7 و 8 وبعدبن رجع موجب من شهر 9 سنك 2020 لغاية 6 سنة 2021 وبعدين رجع سالب تاني من يوليو... فظهور السالب مش حاجة مفاجأة استثنائية غريبة.
*️⃣ لكن المختلف هو ان السالب الحالي (نوفمبر 2021 أحدث أرقام) أكبر من سالب أبريل 2020 وقت بداية الكورونا.
*️⃣ التقرير مش بيقول ايه السبب لكنه بيرجح إن المركزي سحب ودائع لسداد ديون... للي مش متابع فمصر خلال الربع الأول المالي ( شهور 7 و 8 و 9) الدين الخارجي لمصر انخفض نص مليار دولار... للتوضيح مصر عمرها ما وقفت سلف... بس صافي ال 3 شهور كان اننا سددنا أكثر من مجموع كل اللي استلفناه.
*️⃣ طيب التقرير بقي عاوز ايه؟ لا هو مش عاوز حاجة لكنه بيقول استمرار السالب الدولاري دا مش حلو عالبنوك... ومقصدش ب مش حلو يعني تعويم وتخفيض عملة وكده... لكن يعني ان كده المخاطر لتسليف البنوك المصري هتزيد... يعني تصنيف البنوك هيقل. فالبنوك مش هتلفس لإنك مش هتروح تصفي البنك وكل واحد حاطط فلوس دولار هيسحبها منه... لكن المخاطر بتزيد.
*️⃣ طيب ايه المشكلة إن المخاطر تزيد؟ المشكلة هي إن كل ما انتا تسليفك بيكون خطر فالفايدة عليك هتزيد؛ فلو تصنيف البنوك او حتي مصر انخفض فكده الفايدة هتزيد عشان الناس تقبل تسلفنا... ولو الفايدة زادت فدا معناه بند خدمة الدين يزيد ودا معناه جزء أكبر من دخل مصر رايح للديون وهيتسحب من البلد.
*️⃣ طيب ليه فيتش طلعت بالتقرير دلوقتي؟ لا عادي فيتش أصلا بقالها فترة مركزة شوية كده وبتزق مصر في طريق صندوق النقد تاني... يوم 17 ديسمبر أنا شيرت مقال عن نصيحة فيتش لمصر تروح لصندوق النقد وتعمل برنامج اصلاح اقتصادي جديد... والمقال دا متسق مع الثاني... فيتش شايفه مصر لازم تروح تاني لصندوق النقد وهو دا الحل... اعتبره بقي مؤامرة او نصيحة مخلصة أو تظبيط مصالح... براحتك؛ بس دا اللي حصل.
*️⃣ طيب ايه المفروض يحصل؟ مفروض البنك المركزي يتدخل ويشوف البنوك دي وضعها ايه وليه هى بالسالب وايه خطتها للخروج من السالب؛ وممكن يعمل هو إيداعات.
آخر شيء هو سؤال " هو مش دا معناه تعويم قريب"؟
*️⃣ بص يا سيدي عشان يحصل تعويم تاني أو تخفيض العملة يعني وهو المقصود بالتعويم التالي فالسيناريو هيكون كالتالي:
*️⃣ البنوك هيكون عندها عجز كبير متزايد ومستمر؛ البنك المركزي يحاول يساعدها ويفشل؛ تقييم البنوك ومن وراه مصر هيقل؛ الفائدة اللي مصر بتقدمها للدولار هتزيد عشان نجيب دولار... المستثمرين مش متطمنين لينا وبرضك مش بيدوا مصر كمية الدولار اللي محتاجاه؛ فالحكومة تبدأ تسعر الدولار ومتسيبوش للسوق؛ ويبدأ المستورد لما يحتاج دولار ميلاقيش؛ تظهر السوق السوداء وتبيع أعلى من البنك ربع جنية ثم نص جنية ثم جنية... الحكومة تضيق على كل مخارج الدولار زي كروت الفيزا تاني... وبرضك تفشل في توفير الدولار... تخش عالاحتياطي ويفضل يقل يقل الاحتياطي... فهنا متلاقيش حل غير إنها تخفض العملة عشان تجذب أصحاب الدولار تاني للسوق.
*️⃣ شوفت السيناريو التخيلي السابق دا؟ أساسه إنك تقول عاوز دولار ومتلاقيش.... النهاردة بقى مصر أخدت 3 مليار دولار سندات اسلامية وخضراء... تمام كده
*️⃣ ايه بقي تقرير Fitch اللي قالب الدنيا في مصر بقالنا يومين؟ وايه عجز البنوك (الدولاري) وهل دي أول مرة؟ طيب لو استمر ايه هيحصل؟
*️⃣ في البداية لو عاوز شوية كلام علمي شوية فممكن تشوف الصور في البوست بتاع صديقي عبد الرحمن التالي دا ولو عاوز الكلام بالهجايص كالعادة كمل معايا
https://www.facebook.com/permalink.php?story_fbid=3057569414506028&id=100007589988327
*️⃣ نبدأ كده؛ اللي ميعرفش مين فيتش Fitch فدي مؤسسة من ال 3 الكبار اللي بيعملوا تقييمات للدول مع ستاندر اند بورز ومودز.
*️⃣ البنوك بيكون ليها تصنيف برضك زي الدول؛ تصنيف إئتماني... كل حاجة ليها تصنيف؛ الأفراد زي مهو معروف في مصر ب iScore و البنوك والشركات والدول برضك ليهم تصنيف.
*️⃣ البنوك برضك جهة بتسلف وتستلف؛ فزي ما الأفراد بيتعمل لهم تصنيف يقيس حجم الديون والمسئوليات وكده.
*️⃣ مقال فيتش باختصار بيتكلم عن نقطة وهي عجز في صافي الأصول الأجنبية للبنوك المحلية؛ يعني صافي معاهم كام وعليهم كام... وقالت ان الوضع الصافي كسر سالب 7 مليار دولار (مش الرصيد سالب لكن لو فرضنا بتصفي البنوك المحلية كلها وهتخرج كل الدولار لكل الناس هيبقي في سالب 7 مليار دولار). والكلام دا ل ايداعات ومديونيات البنوك (الاصول والخصوم) بالدولار لغير المقيمين.
*️⃣ الرقم بالسالب عادي حصل كذا مرة ففي 2020 كان سالب شهور 4 و 6 و 7 و 8 وبعدبن رجع موجب من شهر 9 سنك 2020 لغاية 6 سنة 2021 وبعدين رجع سالب تاني من يوليو... فظهور السالب مش حاجة مفاجأة استثنائية غريبة.
*️⃣ لكن المختلف هو ان السالب الحالي (نوفمبر 2021 أحدث أرقام) أكبر من سالب أبريل 2020 وقت بداية الكورونا.
*️⃣ التقرير مش بيقول ايه السبب لكنه بيرجح إن المركزي سحب ودائع لسداد ديون... للي مش متابع فمصر خلال الربع الأول المالي ( شهور 7 و 8 و 9) الدين الخارجي لمصر انخفض نص مليار دولار... للتوضيح مصر عمرها ما وقفت سلف... بس صافي ال 3 شهور كان اننا سددنا أكثر من مجموع كل اللي استلفناه.
*️⃣ طيب التقرير بقي عاوز ايه؟ لا هو مش عاوز حاجة لكنه بيقول استمرار السالب الدولاري دا مش حلو عالبنوك... ومقصدش ب مش حلو يعني تعويم وتخفيض عملة وكده... لكن يعني ان كده المخاطر لتسليف البنوك المصري هتزيد... يعني تصنيف البنوك هيقل. فالبنوك مش هتلفس لإنك مش هتروح تصفي البنك وكل واحد حاطط فلوس دولار هيسحبها منه... لكن المخاطر بتزيد.
*️⃣ طيب ايه المشكلة إن المخاطر تزيد؟ المشكلة هي إن كل ما انتا تسليفك بيكون خطر فالفايدة عليك هتزيد؛ فلو تصنيف البنوك او حتي مصر انخفض فكده الفايدة هتزيد عشان الناس تقبل تسلفنا... ولو الفايدة زادت فدا معناه بند خدمة الدين يزيد ودا معناه جزء أكبر من دخل مصر رايح للديون وهيتسحب من البلد.
*️⃣ طيب ليه فيتش طلعت بالتقرير دلوقتي؟ لا عادي فيتش أصلا بقالها فترة مركزة شوية كده وبتزق مصر في طريق صندوق النقد تاني... يوم 17 ديسمبر أنا شيرت مقال عن نصيحة فيتش لمصر تروح لصندوق النقد وتعمل برنامج اصلاح اقتصادي جديد... والمقال دا متسق مع الثاني... فيتش شايفه مصر لازم تروح تاني لصندوق النقد وهو دا الحل... اعتبره بقي مؤامرة او نصيحة مخلصة أو تظبيط مصالح... براحتك؛ بس دا اللي حصل.
*️⃣ طيب ايه المفروض يحصل؟ مفروض البنك المركزي يتدخل ويشوف البنوك دي وضعها ايه وليه هى بالسالب وايه خطتها للخروج من السالب؛ وممكن يعمل هو إيداعات.
آخر شيء هو سؤال " هو مش دا معناه تعويم قريب"؟
*️⃣ بص يا سيدي عشان يحصل تعويم تاني أو تخفيض العملة يعني وهو المقصود بالتعويم التالي فالسيناريو هيكون كالتالي:
*️⃣ البنوك هيكون عندها عجز كبير متزايد ومستمر؛ البنك المركزي يحاول يساعدها ويفشل؛ تقييم البنوك ومن وراه مصر هيقل؛ الفائدة اللي مصر بتقدمها للدولار هتزيد عشان نجيب دولار... المستثمرين مش متطمنين لينا وبرضك مش بيدوا مصر كمية الدولار اللي محتاجاه؛ فالحكومة تبدأ تسعر الدولار ومتسيبوش للسوق؛ ويبدأ المستورد لما يحتاج دولار ميلاقيش؛ تظهر السوق السوداء وتبيع أعلى من البنك ربع جنية ثم نص جنية ثم جنية... الحكومة تضيق على كل مخارج الدولار زي كروت الفيزا تاني... وبرضك تفشل في توفير الدولار... تخش عالاحتياطي ويفضل يقل يقل الاحتياطي... فهنا متلاقيش حل غير إنها تخفض العملة عشان تجذب أصحاب الدولار تاني للسوق.
*️⃣ شوفت السيناريو التخيلي السابق دا؟ أساسه إنك تقول عاوز دولار ومتلاقيش.... النهاردة بقى مصر أخدت 3 مليار دولار سندات اسلامية وخضراء... تمام كده
Facebook
Log in or sign up to view
See posts, photos and more on Facebook.
*️⃣ الأزمة الحاصلة حالياً متكررة في كل العالم الثالث؛ الكوكب قاعد مستني أمريكا تزود الفايدة؛ وكثير قاعدين بيعملوا زي تسييل للفلوس واسحبها يلا واجهز... لكن مصر كانت ولا تزال أعلى دولة في كوكب الأرض بتدي فائدة حقيقية "فارق الفائدة والتضخم" ودا كلام بلومبيرج مش كلامي... فانتا دولة مغرية.
*️⃣ غالباً من أسباب الأزمة إن الحكومة كانت في خطتها دخول يورو كلير وكذلك مؤشر جي بي مورجان... المواضيع دي اتأخرت؛ كان التوقع يجيبوا لمصر قروض "سندات" ب 5-7 مليار دولار.. فغالباً دا سبب ال Drop الحالي...
*️⃣ آخر كلمة هقولها؛ احنا محترفين سلف فلوس وبنعرف كويس نستلف؛ وحالياً مش مغضوب علينا ولا علينا عقوبات. وكمان بندي فايدة عالية قوي. فمش هنغلب في الدولار.. والكام شهر القادمين دول هتسمعوا شوية قروض زي الفل 🙈
*️⃣ كنت هنسي الملحوظة المعتادة ( أنا مش شغال في فيتش؛ مش شغال في الحكومة؛ مش شغال في بلومبيرج؛ مش شغال في المالية؛ مش شغال في الدمغة والموازين؛ مش شغال في الشهر العقاري؛ المعترض يروح يكلم الناس دي؛ أنا بتاع فول وعندي دكانه تكنولوجية صغنونة فبلاش الخناق معايا 😁)
*️⃣ غالباً من أسباب الأزمة إن الحكومة كانت في خطتها دخول يورو كلير وكذلك مؤشر جي بي مورجان... المواضيع دي اتأخرت؛ كان التوقع يجيبوا لمصر قروض "سندات" ب 5-7 مليار دولار.. فغالباً دا سبب ال Drop الحالي...
*️⃣ آخر كلمة هقولها؛ احنا محترفين سلف فلوس وبنعرف كويس نستلف؛ وحالياً مش مغضوب علينا ولا علينا عقوبات. وكمان بندي فايدة عالية قوي. فمش هنغلب في الدولار.. والكام شهر القادمين دول هتسمعوا شوية قروض زي الفل 🙈
*️⃣ كنت هنسي الملحوظة المعتادة ( أنا مش شغال في فيتش؛ مش شغال في الحكومة؛ مش شغال في بلومبيرج؛ مش شغال في المالية؛ مش شغال في الدمغة والموازين؛ مش شغال في الشهر العقاري؛ المعترض يروح يكلم الناس دي؛ أنا بتاع فول وعندي دكانه تكنولوجية صغنونة فبلاش الخناق معايا 😁)