قبل يومين في بودكاست جديد نزل وهو ليه وضع خاص شويتين وغريب شوية
كلموني يوم الثلاثاء الماضي بتوع بودكاست بترولي (سعودي) اني اطلغ معاهم يوم الأربعاء مباشرة، اليوم كان مضغوط بين كشف عند دكتور صباحا ثم ميتنج مساءا فصورت بينهم
وسبحان الله أسرع بودكاست نزل، دا في بودكاست تاني مصوره مع حد بقالي شهر+ ولسه منزلش
فشوفوا البودكاست ولو حلو تمام ولو مش حلو فمعلش بقى راعوا الظروف الزمنية وغير الزمنية اللي كانت محيطة بالتصوير
https://youtu.be/g4Mi2ABvF6A?si=MHV-b22K_9bhKFwT
كلموني يوم الثلاثاء الماضي بتوع بودكاست بترولي (سعودي) اني اطلغ معاهم يوم الأربعاء مباشرة، اليوم كان مضغوط بين كشف عند دكتور صباحا ثم ميتنج مساءا فصورت بينهم
وسبحان الله أسرع بودكاست نزل، دا في بودكاست تاني مصوره مع حد بقالي شهر+ ولسه منزلش
فشوفوا البودكاست ولو حلو تمام ولو مش حلو فمعلش بقى راعوا الظروف الزمنية وغير الزمنية اللي كانت محيطة بالتصوير
https://youtu.be/g4Mi2ABvF6A?si=MHV-b22K_9bhKFwT
❤79👍29
طيب أقولكم حاجة هتزعلكم مني عشان ضد التيار شوية؟
*️⃣ على مدى سنين طويلة إحنا عشنا وسط قدر كبير من الفوضى وعدم النظام والفساد، ومع الوقت الفوضى دي مبقتش بالنسبالنا مجرد عيوب، بالعكس، بقى فيها مزايا إحنا نفسنا بنستفيد منها. عدم وجود النظام بيديك مساحة حركة أوسع، يخليك تتجنب شوية إجراءات، تخلص حاجات أسرع، تعدي حاجات المفروض ما تتعديش، ومع الوقت بتتعود على ده وبتعتبره الطبيعي.
*️⃣ بس بييجي وقت وبندفع تمن الفوضى دي، ولما نيجي ندفع التمن نقف نقول: إيه ده؟ فين النظام؟ إزاي ده حصل؟ وإحنا أصلا طول الوقت قاعدين نردد إن إحنا عايزين نظام، عايزين لوائح، عايزين قوانين، عايزين نبقى زي الدول المحترمة وكل حاجة ماشية بسيستم.
⬅️ بس السؤال بقى بجد، وعايزك تسأل نفسك السؤال ده بجد: هو إحنا فعلا عايزين كده؟ ولا إحنا عايزين بس مزايا النظام، من غير ما ندفع تمن النظام؟
*️⃣ يعني مثلا إنت رايح وسط البلد، الدنيا زحمة ومفيش ركنة، تلاقي سايس حاجز حتة ويطلعلك ركنة، تديله 20 جنيه ويركنك يا سيدي. أو إنت ساكن في منطقة زحمة، تنزل تحط طوبتين قدام البيت وتحجز الركنة بتاعتك. هو ده قانوني؟ إنت اشتريت الشارع؟ لأ، إنت اشتريت شقتك، إنما خارج جدران شقتك مالكش سلطة، مفيش حاجة اسمها دي الركنة بتاعتي عشان قدام بيتي، بس دي من الفوضى.
*️⃣ لو فيه سيستم حقيقي، السايس ده مش هيبقى موجود بالشكل ده، والطوبتين اللي تحت بيتك مش هيبقوا موجودين، والركنة مش هتفضل مستنياك. الركنات عليها ناس وإنت وحظك. والسايس اللي إنت بتشتمه عشان بيبلطج على الشارع، هو نفسه اللي إنت مبسوط بيه لما تنزل وسط البلد في عز الحر والزحمة ويطلعلك ركنة، ويمكن يسيبك صف تاني وياخد باله من العربية.
⬅️ يعني إنت هنا استفدت بالفلوس من الفوضى. فإنت عايز تشيل الفوضى، لكن الركنة اللي الفوضى كانت موفرهالك تفضل موجودة 😄
*️⃣ شوف بقى موضوع البطايق. إحنا متعودين إن صورة البطاقة بتمشي حاجات كتير جدا. جاي لك جواب من البنك، فيزا، شحنة، ورقة، أي حاجة، تسيب البطاقة مع حد يستلمهالك، ولا حتى تبعتله صورة البطاقة على واتساب وخلاص والدنيا بتمشي. ده مخالف للإجراءات أصلا، بس إحنا اتعودنا إنه بيمشي، وبصراحة ده مريحنا.
*️⃣ المشكلة إن نفس ثقافة إن صورة البطاقة "تمشي"، خلت ناس برضه تستخدم صورة البطاقة وتسجل خطوط تليفونات باسم ناس تانية، وتعمل معاملات باسم ناس تانية، والدنيا برضه "تمشي". وأول ما المشكلة تحصل نقول: إيه ده؟ فين النظام؟ إزاي حد قدر يعمل كده؟ حلو أوي، تعالى بقى نقفل الموضوع ده فعلا.
*️⃣ يا جدعان من النهاردة مفيش واحد يستخدم خط تليفون مش باسمه. هاه، تحبوا نعمل كده؟ هتطلعلك كمية ناس تقولك: لأ أصل ده خط مراتي، أصل ده باسم أبويا، أصل ده باسم أخويا، أصل دي أختي، أصل ده ابن عمي، أصل ده صاحبي، ووو؟
⬅️ من الآخر إنت عايز الفوضى، بس عايزها فوضى منظمة 😄 عايز مزايا التسيب تفضل موجودة، لكن الأضرار اللي ناتجة عن التسيب تتمنع. إنت مش هتعرف تعمل نظام يقولك: بص يا عم، أنا هسمح لك تعمل الحاجة الغلط عشان إنت بس حصريا، وباقي الناس لأ، أصل إنت نيتك كويسة، لكن همنع الشخص التاني عشان نيته وحشة.
*️⃣ نفس الحكاية في الهوية الرقمية. إحنا عايزين هوية رقمية، عايزين أعمل معاملاتي وأنا قاعد في البيت، أنقل ملكية، أأكد عملية، أخلص ورق، وكل حاجة بزرار. حلو أوي، أبسط أساس للمنظومة دي إن الدولة تعرف إن الشخص اللي بيأكد العملية ده هو إنت فعلا، وإن وسيلة التأكيد مرتبطة بيك إنت، طيب وإنت عندك ناس كتير جدا بتستخدم أرقام تليفونات مش باسمها، وفي ناس أصلا معندهاش رقم مسجل باسمها، هنعملها إزاي؟ تقول للناس لازم الخط يبقى باسمك، يقولك لأ، ليه التعقيد ده، ده قريبي؟ طب يا ابني إنت عايز الهوية الرقمية تشتغل إزاي؟ 😄
*️⃣ إنت عايز مزايا النظام الرقمي: أمان، سرعة، معاملات من البيت، تأكيد هوية، حماية من التزوير. وفي نفس الوقت عايز تفضل محتفظ بمزايا المنظومة القديمة، إن الخط يبقى باسم أي حد والدنيا ماشية. الاتنين مع بعض مش هيركبوا.
*️⃣ تعالى بقى نتكلم في أكتر حاجة مفيش تقريبا واحد على كوكب الأرض بيحبها: الضرايب 😄 كلنا بنقول نفس الجملة: يا جماعة إحنا عايزين الضرايب تتطبق على الكل، محدش يتهرب، محدش يخبي دخل، وكل واحد يدفع اللي عليه. جميل جدا. بس فيه مشكلة صغيرة: مين "الكل" اللي في دماغنا؟
*️⃣ الكل في بالنا هو الشركات الكبيرة، رجال الأعمال، التجار، الممثلين، الناس اللي فوق يعني 😄 طب المواطن العادي؟!! إيه ده، وأنا أدفع ضرايب ليه؟ طيب هو إنت عندك شقة ومأجرها وبتاخد إيجار كل شهر، فين الضرايب اللي إنت دفعتها على الدخل ده؟ إنت اشتغلت سمسار وجبت لواحد شقة وخدت منه شهر، فين الضرايب اللي إنت دفعتها على الشهر اللي أخدته؟
*️⃣ إنت مأجر شاليه في الساحل، فين الضرايب اللي اتدفعت على الإيجار ده؟ واحد جاب شوية حاجات من موقع صيني ولا من العتبة وقعد يبيعهم على جروبات فيسبوك ويكسب منهم، تقول له ده نشاط تجاري، يقولك إيه ده إزاي؟ ده أنا حاجات بسيطة، معاملاتي صغيرة قوي.
⬅️ فين الضرايب يا برنس؟ 😄 إحنا عايزين الضرايب تتطبق على "الكل"، بس الكل هنا معناها الناس التانية، مش أنا.
*️⃣ طب يا سلام، التاجر الكبير يقسم شغله عشر شركات صغيرة، وكل واحدة تقول أنا معاملاتي صغيرة. يعني في الآخر لازم يبقى فيه قواعد، والقواعد مش هتتبني على إن كل واحد شايف نفسه صغير أو إن معاملته دي مش مهمة أو إنه ما كانش ناوي أصلا يعمل نشاط.
*️⃣ وطبعًا أنا عارف إن فيه حد هيقوللي: بس يا محمد، أنا ما باخدش خدمات مقابل الضرايب دي، يبقى أنا أدفعها ليه أصلا؟ آه، هنا بقى فيه مشكلة جوهرية في فهم الضريبة نفسها. الضريبة مش تمن خدمة بتشتريها من الدولة، يعني الموضوع مش: السلام عليكم، أنا دفعت السنة دي 20 ألف جنيه ضرايب، يلا وروني بقى الخدمات اللي أنا أخدتها قصاد الـ20 ألف جنيه 😄
*️⃣ الضرايب من مظاهر إن الدولة عندها سلطة على المساحة اللي بتحكمها. ارجع 500 سنة لورا، ارجع 3000 سنة لورا، هتلاقي حاكم أو دولة بتحكم مساحة من الأرض، وبتفرض على الناس اللي عايشة وبتعمل نشاط جواها ضرايب أو جباية بشكل أو بآخر. الدولة دي بقى كويسة ولا وحشة، دي حكاية تانية.
*️⃣ دولة تستخدم الفلوس في طرق وري ومرافق وخدمات، ودولة تانية تلمها لصالح الإمبراطور، ودولة تالتة تعمل شوية من ده وشوية من ده. لكن الضريبة عمرها ما كانت فاتورة بتقول إنت دفعت 20 ألف، يبقى لازم تاخد 20 ألف خدمات بنفسك.
*️⃣ في الدول الحديثة بقى، ومع الديمقراطية والمحاسبة، المواطن بيقول للدولة: تمام، إنت خدتي مني الضريبة، معلش بقى وريني صرفتيها في إيه، وعايز تعليم وصحة وطرق وخدمات، وعايز أحاسبك لو صرفتيها غلط. لكن برضه مفيش علاقة واحد لواحد بين اللي إنت دفعته وبين الخدمة اللي وصلتلك إنت شخصيا.
*️⃣ ممكن واحد في أسوان يدفع ضرايب، والدولة السنة دي تبني كباري في القاهرة. الراجل في أسوان مش هيقول أنا ما اتبناش كوبري تحت بيتي السنة دي، رجعولي ضرايبي 😄 ومن حقه طبعا يسأل الدولة: ليه صرفتي هنا وما صرفتيش هنا؟ وهل التوزيع عادل؟ وهل أولوياتك صح؟ لكن دي خناقة مختلفة. لكن في النهاية يدفع.
⬅️ من حقك تحاسب الدولة على الضرايب، لكن مش معنى إن الخدمة اللي إنت شخصيا شايفها أقل من اللي دفعته إن الضريبة نفسها تبقى اختيارية.
*️⃣ ونفس الحكاية في الواسطة والمحسوبية. إحنا كلنا عايزين مكافحة الواسطة، عايزين محدش يدخل حد شغل عشان يعرف فلان، ولا حد يخلص ورقة عشان يعرف فلان، ولا حد ياخد دور حد. بس ابنك عايز يتنقل مدرسة؟ طب نشوف مين يعرف مين. الورقة هتاخد أسبوعين؟ كلم خالتك يمكن تعرف واحد يخليها 24 ساعة.
*️⃣ الواد عايز شغل؟ شوف عمه يعرف حد في الشركة. الطلب اترفض؟ طب نشوف مين يكلم مين. يعني إحنا عايزين نقضي على الواسطة، بس بعد ما نخلص طلبنا بالواسطة الأول 😄 لما واحد يخلص لغيري حاجة يبقى البلد كوسة، لما يخلصهالي أنا يبقى راجل خدوم وابن ناس.
⬅️ طب إنت عايز إيه بالظبط؟
*️⃣ أقولك حاجة، حتى في المدفوعات الرقمية نفس العقلية. تلاقي محل حاطط ماكينة فيزا، ييجي العميل يدفع يقوله هزود عليك 2%. تقوله طب ما تقول للناس مفيش فيزا أصلا. يقولك لأ، ما هم بيدفعوا الزيادة وبيشتروا. طب لو قلتله مفيش فيزا؟ يقولك فيه عميل مش هيشتري وهيمشي.
*️⃣ آه، يعني إنت لولا ماكينة الفيزا دي كان فيه عميل ممكن يمشي؟ آه. يبقى إنت استفدت من وجود ماكينة الفيزا؟ آه. بس مش عايز تدفع رسوم الاستفادة، اللي هي عمولة الفيزا. الماكينة جابتلك عميل كان ممكن ما يشتريش من عندك أصلا، لكن تكلفة الميزة دي إنت مش عايز تدفعها.
*️⃣ أنا مثلا أدخل محطة بنزين أقوله حط بألف جنيه، لو قالي الفيزا مش شغالة ممكن أقوله خلاص حط بـ200 جنيه. المحطة هنا خسرت بيع الـ800 جنيه الباقيين، مش عشان أنا ما كنتش محتاج بنزين، لكن عشان وسيلة الدفع اللي أنا عايزها مش موجودة.
*️⃣ أدخل سوبر ماركت وأشتري حاجات بـ5000 جنيه، أوصل للكاشير يقوللي الفيزا مش شغالة، ممكن جدا أسيب الحاجة وأمشي. صاحب السوبر ماركت كان ممكن يدفع مثلا 1.6% على العملية، يعني حوالي 80 جنيه، لكنه عشان يوفر الـ80 جنيه ممكن يخسر العملية كلها، وكان ممكن مثلا يكون مكسبه منها 500 جنيه.
⬅️ وهي دي العقلية بتاعتنا: إحنا عايزين الاستفادة من غير ما ندفع التمن. عايزين الميزة، لكن عايزينها مجانية.
*️⃣ ونفسها في فكرة النظام والرقمنة. إحنا عايزين الدولة تعمل سيستم، وكل حاجة تبقى Digital ومربوطة ببعضها. جميل جدا. طب خد بالك بقى إن السيستم ده ممكن يتقفشك بيه إنت كمان.
*️⃣ إنت بتقول للدولة إن دخلك السنوي كله 100 ألف جنيه، وفي نفس السنة اشتريت عربية، وخدت مراتك وعيالك وسافرت أسبوعين برا مصر، وروحت عمرة، وبتدفع مصاريف مدارس للعيال 300 ألف جنيه، وبتصرف وتصرف وتصرف. طب يا ابني الفلوس دي جات منين؟ مهو السيستم لو موجود في الدولة هيقفشك 😄
*️⃣ على مدى سنين طويلة إحنا عشنا وسط قدر كبير من الفوضى وعدم النظام والفساد، ومع الوقت الفوضى دي مبقتش بالنسبالنا مجرد عيوب، بالعكس، بقى فيها مزايا إحنا نفسنا بنستفيد منها. عدم وجود النظام بيديك مساحة حركة أوسع، يخليك تتجنب شوية إجراءات، تخلص حاجات أسرع، تعدي حاجات المفروض ما تتعديش، ومع الوقت بتتعود على ده وبتعتبره الطبيعي.
*️⃣ بس بييجي وقت وبندفع تمن الفوضى دي، ولما نيجي ندفع التمن نقف نقول: إيه ده؟ فين النظام؟ إزاي ده حصل؟ وإحنا أصلا طول الوقت قاعدين نردد إن إحنا عايزين نظام، عايزين لوائح، عايزين قوانين، عايزين نبقى زي الدول المحترمة وكل حاجة ماشية بسيستم.
⬅️ بس السؤال بقى بجد، وعايزك تسأل نفسك السؤال ده بجد: هو إحنا فعلا عايزين كده؟ ولا إحنا عايزين بس مزايا النظام، من غير ما ندفع تمن النظام؟
*️⃣ يعني مثلا إنت رايح وسط البلد، الدنيا زحمة ومفيش ركنة، تلاقي سايس حاجز حتة ويطلعلك ركنة، تديله 20 جنيه ويركنك يا سيدي. أو إنت ساكن في منطقة زحمة، تنزل تحط طوبتين قدام البيت وتحجز الركنة بتاعتك. هو ده قانوني؟ إنت اشتريت الشارع؟ لأ، إنت اشتريت شقتك، إنما خارج جدران شقتك مالكش سلطة، مفيش حاجة اسمها دي الركنة بتاعتي عشان قدام بيتي، بس دي من الفوضى.
*️⃣ لو فيه سيستم حقيقي، السايس ده مش هيبقى موجود بالشكل ده، والطوبتين اللي تحت بيتك مش هيبقوا موجودين، والركنة مش هتفضل مستنياك. الركنات عليها ناس وإنت وحظك. والسايس اللي إنت بتشتمه عشان بيبلطج على الشارع، هو نفسه اللي إنت مبسوط بيه لما تنزل وسط البلد في عز الحر والزحمة ويطلعلك ركنة، ويمكن يسيبك صف تاني وياخد باله من العربية.
⬅️ يعني إنت هنا استفدت بالفلوس من الفوضى. فإنت عايز تشيل الفوضى، لكن الركنة اللي الفوضى كانت موفرهالك تفضل موجودة 😄
*️⃣ شوف بقى موضوع البطايق. إحنا متعودين إن صورة البطاقة بتمشي حاجات كتير جدا. جاي لك جواب من البنك، فيزا، شحنة، ورقة، أي حاجة، تسيب البطاقة مع حد يستلمهالك، ولا حتى تبعتله صورة البطاقة على واتساب وخلاص والدنيا بتمشي. ده مخالف للإجراءات أصلا، بس إحنا اتعودنا إنه بيمشي، وبصراحة ده مريحنا.
*️⃣ المشكلة إن نفس ثقافة إن صورة البطاقة "تمشي"، خلت ناس برضه تستخدم صورة البطاقة وتسجل خطوط تليفونات باسم ناس تانية، وتعمل معاملات باسم ناس تانية، والدنيا برضه "تمشي". وأول ما المشكلة تحصل نقول: إيه ده؟ فين النظام؟ إزاي حد قدر يعمل كده؟ حلو أوي، تعالى بقى نقفل الموضوع ده فعلا.
*️⃣ يا جدعان من النهاردة مفيش واحد يستخدم خط تليفون مش باسمه. هاه، تحبوا نعمل كده؟ هتطلعلك كمية ناس تقولك: لأ أصل ده خط مراتي، أصل ده باسم أبويا، أصل ده باسم أخويا، أصل دي أختي، أصل ده ابن عمي، أصل ده صاحبي، ووو؟
⬅️ من الآخر إنت عايز الفوضى، بس عايزها فوضى منظمة 😄 عايز مزايا التسيب تفضل موجودة، لكن الأضرار اللي ناتجة عن التسيب تتمنع. إنت مش هتعرف تعمل نظام يقولك: بص يا عم، أنا هسمح لك تعمل الحاجة الغلط عشان إنت بس حصريا، وباقي الناس لأ، أصل إنت نيتك كويسة، لكن همنع الشخص التاني عشان نيته وحشة.
*️⃣ نفس الحكاية في الهوية الرقمية. إحنا عايزين هوية رقمية، عايزين أعمل معاملاتي وأنا قاعد في البيت، أنقل ملكية، أأكد عملية، أخلص ورق، وكل حاجة بزرار. حلو أوي، أبسط أساس للمنظومة دي إن الدولة تعرف إن الشخص اللي بيأكد العملية ده هو إنت فعلا، وإن وسيلة التأكيد مرتبطة بيك إنت، طيب وإنت عندك ناس كتير جدا بتستخدم أرقام تليفونات مش باسمها، وفي ناس أصلا معندهاش رقم مسجل باسمها، هنعملها إزاي؟ تقول للناس لازم الخط يبقى باسمك، يقولك لأ، ليه التعقيد ده، ده قريبي؟ طب يا ابني إنت عايز الهوية الرقمية تشتغل إزاي؟ 😄
*️⃣ إنت عايز مزايا النظام الرقمي: أمان، سرعة، معاملات من البيت، تأكيد هوية، حماية من التزوير. وفي نفس الوقت عايز تفضل محتفظ بمزايا المنظومة القديمة، إن الخط يبقى باسم أي حد والدنيا ماشية. الاتنين مع بعض مش هيركبوا.
*️⃣ تعالى بقى نتكلم في أكتر حاجة مفيش تقريبا واحد على كوكب الأرض بيحبها: الضرايب 😄 كلنا بنقول نفس الجملة: يا جماعة إحنا عايزين الضرايب تتطبق على الكل، محدش يتهرب، محدش يخبي دخل، وكل واحد يدفع اللي عليه. جميل جدا. بس فيه مشكلة صغيرة: مين "الكل" اللي في دماغنا؟
*️⃣ الكل في بالنا هو الشركات الكبيرة، رجال الأعمال، التجار، الممثلين، الناس اللي فوق يعني 😄 طب المواطن العادي؟!! إيه ده، وأنا أدفع ضرايب ليه؟ طيب هو إنت عندك شقة ومأجرها وبتاخد إيجار كل شهر، فين الضرايب اللي إنت دفعتها على الدخل ده؟ إنت اشتغلت سمسار وجبت لواحد شقة وخدت منه شهر، فين الضرايب اللي إنت دفعتها على الشهر اللي أخدته؟
*️⃣ إنت مأجر شاليه في الساحل، فين الضرايب اللي اتدفعت على الإيجار ده؟ واحد جاب شوية حاجات من موقع صيني ولا من العتبة وقعد يبيعهم على جروبات فيسبوك ويكسب منهم، تقول له ده نشاط تجاري، يقولك إيه ده إزاي؟ ده أنا حاجات بسيطة، معاملاتي صغيرة قوي.
⬅️ فين الضرايب يا برنس؟ 😄 إحنا عايزين الضرايب تتطبق على "الكل"، بس الكل هنا معناها الناس التانية، مش أنا.
*️⃣ طب يا سلام، التاجر الكبير يقسم شغله عشر شركات صغيرة، وكل واحدة تقول أنا معاملاتي صغيرة. يعني في الآخر لازم يبقى فيه قواعد، والقواعد مش هتتبني على إن كل واحد شايف نفسه صغير أو إن معاملته دي مش مهمة أو إنه ما كانش ناوي أصلا يعمل نشاط.
*️⃣ وطبعًا أنا عارف إن فيه حد هيقوللي: بس يا محمد، أنا ما باخدش خدمات مقابل الضرايب دي، يبقى أنا أدفعها ليه أصلا؟ آه، هنا بقى فيه مشكلة جوهرية في فهم الضريبة نفسها. الضريبة مش تمن خدمة بتشتريها من الدولة، يعني الموضوع مش: السلام عليكم، أنا دفعت السنة دي 20 ألف جنيه ضرايب، يلا وروني بقى الخدمات اللي أنا أخدتها قصاد الـ20 ألف جنيه 😄
*️⃣ الضرايب من مظاهر إن الدولة عندها سلطة على المساحة اللي بتحكمها. ارجع 500 سنة لورا، ارجع 3000 سنة لورا، هتلاقي حاكم أو دولة بتحكم مساحة من الأرض، وبتفرض على الناس اللي عايشة وبتعمل نشاط جواها ضرايب أو جباية بشكل أو بآخر. الدولة دي بقى كويسة ولا وحشة، دي حكاية تانية.
*️⃣ دولة تستخدم الفلوس في طرق وري ومرافق وخدمات، ودولة تانية تلمها لصالح الإمبراطور، ودولة تالتة تعمل شوية من ده وشوية من ده. لكن الضريبة عمرها ما كانت فاتورة بتقول إنت دفعت 20 ألف، يبقى لازم تاخد 20 ألف خدمات بنفسك.
*️⃣ في الدول الحديثة بقى، ومع الديمقراطية والمحاسبة، المواطن بيقول للدولة: تمام، إنت خدتي مني الضريبة، معلش بقى وريني صرفتيها في إيه، وعايز تعليم وصحة وطرق وخدمات، وعايز أحاسبك لو صرفتيها غلط. لكن برضه مفيش علاقة واحد لواحد بين اللي إنت دفعته وبين الخدمة اللي وصلتلك إنت شخصيا.
*️⃣ ممكن واحد في أسوان يدفع ضرايب، والدولة السنة دي تبني كباري في القاهرة. الراجل في أسوان مش هيقول أنا ما اتبناش كوبري تحت بيتي السنة دي، رجعولي ضرايبي 😄 ومن حقه طبعا يسأل الدولة: ليه صرفتي هنا وما صرفتيش هنا؟ وهل التوزيع عادل؟ وهل أولوياتك صح؟ لكن دي خناقة مختلفة. لكن في النهاية يدفع.
⬅️ من حقك تحاسب الدولة على الضرايب، لكن مش معنى إن الخدمة اللي إنت شخصيا شايفها أقل من اللي دفعته إن الضريبة نفسها تبقى اختيارية.
*️⃣ ونفس الحكاية في الواسطة والمحسوبية. إحنا كلنا عايزين مكافحة الواسطة، عايزين محدش يدخل حد شغل عشان يعرف فلان، ولا حد يخلص ورقة عشان يعرف فلان، ولا حد ياخد دور حد. بس ابنك عايز يتنقل مدرسة؟ طب نشوف مين يعرف مين. الورقة هتاخد أسبوعين؟ كلم خالتك يمكن تعرف واحد يخليها 24 ساعة.
*️⃣ الواد عايز شغل؟ شوف عمه يعرف حد في الشركة. الطلب اترفض؟ طب نشوف مين يكلم مين. يعني إحنا عايزين نقضي على الواسطة، بس بعد ما نخلص طلبنا بالواسطة الأول 😄 لما واحد يخلص لغيري حاجة يبقى البلد كوسة، لما يخلصهالي أنا يبقى راجل خدوم وابن ناس.
⬅️ طب إنت عايز إيه بالظبط؟
*️⃣ أقولك حاجة، حتى في المدفوعات الرقمية نفس العقلية. تلاقي محل حاطط ماكينة فيزا، ييجي العميل يدفع يقوله هزود عليك 2%. تقوله طب ما تقول للناس مفيش فيزا أصلا. يقولك لأ، ما هم بيدفعوا الزيادة وبيشتروا. طب لو قلتله مفيش فيزا؟ يقولك فيه عميل مش هيشتري وهيمشي.
*️⃣ آه، يعني إنت لولا ماكينة الفيزا دي كان فيه عميل ممكن يمشي؟ آه. يبقى إنت استفدت من وجود ماكينة الفيزا؟ آه. بس مش عايز تدفع رسوم الاستفادة، اللي هي عمولة الفيزا. الماكينة جابتلك عميل كان ممكن ما يشتريش من عندك أصلا، لكن تكلفة الميزة دي إنت مش عايز تدفعها.
*️⃣ أنا مثلا أدخل محطة بنزين أقوله حط بألف جنيه، لو قالي الفيزا مش شغالة ممكن أقوله خلاص حط بـ200 جنيه. المحطة هنا خسرت بيع الـ800 جنيه الباقيين، مش عشان أنا ما كنتش محتاج بنزين، لكن عشان وسيلة الدفع اللي أنا عايزها مش موجودة.
*️⃣ أدخل سوبر ماركت وأشتري حاجات بـ5000 جنيه، أوصل للكاشير يقوللي الفيزا مش شغالة، ممكن جدا أسيب الحاجة وأمشي. صاحب السوبر ماركت كان ممكن يدفع مثلا 1.6% على العملية، يعني حوالي 80 جنيه، لكنه عشان يوفر الـ80 جنيه ممكن يخسر العملية كلها، وكان ممكن مثلا يكون مكسبه منها 500 جنيه.
⬅️ وهي دي العقلية بتاعتنا: إحنا عايزين الاستفادة من غير ما ندفع التمن. عايزين الميزة، لكن عايزينها مجانية.
*️⃣ ونفسها في فكرة النظام والرقمنة. إحنا عايزين الدولة تعمل سيستم، وكل حاجة تبقى Digital ومربوطة ببعضها. جميل جدا. طب خد بالك بقى إن السيستم ده ممكن يتقفشك بيه إنت كمان.
*️⃣ إنت بتقول للدولة إن دخلك السنوي كله 100 ألف جنيه، وفي نفس السنة اشتريت عربية، وخدت مراتك وعيالك وسافرت أسبوعين برا مصر، وروحت عمرة، وبتدفع مصاريف مدارس للعيال 300 ألف جنيه، وبتصرف وتصرف وتصرف. طب يا ابني الفلوس دي جات منين؟ مهو السيستم لو موجود في الدولة هيقفشك 😄
❤129👍61👌13😡5🤔2😢2
*️⃣ إنت عايز نظام يعرف يقفش التهرب وغسيل الأموال والفساد، لكن مش متخيل إن نفس النظام لما يتعمل هيقدر يبص على دخلك وإنفاقك ويقوللك: معلش، الحساب هنا مش راكب. عايز كل حاجة Digital لما الـDigital يسهل عليك حياتك، لكن أول ما الـDigital يخلي المنظومة تعرف إنت دخلت كام وصرفت كام، تقول إيه ده هما مالهم؟
⬅️ فإحنا في الآخر عايزين حاجة مش موجودة. عايزين حياة الماضي ومزايا الكوسة، ومزايا المستقبل والنظام، الاتنين مع بعض، من غير عيوب أي واحد فيهم ومن غير ما ندفع أي cost.
*️⃣ عايزين النظام ييجي يشيل كل عيوب الفوضى، لكن يسيبلنا كل المزايا اللي إحنا خدناها من الفوضى. عايزين قوانين، بس الاستثناء بتاعنا يفضل. عايزين لوائح، بس لما اللائحة تضايقني أنا تبقى بيروقراطية. عايزين مكافحة واسطة، بس الواسطة بتاعتي تفضل شغالة.
*️⃣ وده مش معناه إن أي قانون الدولة تحطه يبقى صح، ولا إن أي ضريبة تبقى عادلة، ولا إن المواطن ما يحاسبش الدولة على خدماتها وإنفاقها. بالعكس حاسبها وناقشها واعترض على القانون الغلط والضريبة الغلط، لكن دي حتة تانية خالص، مش دي اللي أنا بتكلم فيها.
⬅️ اللي أنا بتكلم فيه إن إحنا كلنا بنقول إن إحنا عايزين النظام، لكن إحنا فعليا مش متخيلين تكلفة النظام.
*️⃣ النظام ليه تكلفة، اللوائح ليها تكلفة، القانون ليه تكلفة. ومش تكلفة فلوس بس، تكلفة إن حاجات كنت بتعرف تعملها مش هتعرف تعملها، وإن استثناءات كنت مستفيد منها هتختفي، وإن القانون اللي إنت عايزه يتطبق على الناس هيتطبق عليك إنت كمان.
*️⃣ فالسؤال في الآخر بسيط: هل إنت فعلا عايز النظام؟ هل إنت فعلا عايز اللوائح؟ هل إنت فعلا عايز القوانين؟
⬅️ لو قلت آه، تمام... هل إنت مستعد تدفع التكلفة؟
وأسيبك مع مقولة بحبها:
Be careful what you wish for, you just might get it.
⬅️ فإحنا في الآخر عايزين حاجة مش موجودة. عايزين حياة الماضي ومزايا الكوسة، ومزايا المستقبل والنظام، الاتنين مع بعض، من غير عيوب أي واحد فيهم ومن غير ما ندفع أي cost.
*️⃣ عايزين النظام ييجي يشيل كل عيوب الفوضى، لكن يسيبلنا كل المزايا اللي إحنا خدناها من الفوضى. عايزين قوانين، بس الاستثناء بتاعنا يفضل. عايزين لوائح، بس لما اللائحة تضايقني أنا تبقى بيروقراطية. عايزين مكافحة واسطة، بس الواسطة بتاعتي تفضل شغالة.
*️⃣ وده مش معناه إن أي قانون الدولة تحطه يبقى صح، ولا إن أي ضريبة تبقى عادلة، ولا إن المواطن ما يحاسبش الدولة على خدماتها وإنفاقها. بالعكس حاسبها وناقشها واعترض على القانون الغلط والضريبة الغلط، لكن دي حتة تانية خالص، مش دي اللي أنا بتكلم فيها.
⬅️ اللي أنا بتكلم فيه إن إحنا كلنا بنقول إن إحنا عايزين النظام، لكن إحنا فعليا مش متخيلين تكلفة النظام.
*️⃣ النظام ليه تكلفة، اللوائح ليها تكلفة، القانون ليه تكلفة. ومش تكلفة فلوس بس، تكلفة إن حاجات كنت بتعرف تعملها مش هتعرف تعملها، وإن استثناءات كنت مستفيد منها هتختفي، وإن القانون اللي إنت عايزه يتطبق على الناس هيتطبق عليك إنت كمان.
*️⃣ فالسؤال في الآخر بسيط: هل إنت فعلا عايز النظام؟ هل إنت فعلا عايز اللوائح؟ هل إنت فعلا عايز القوانين؟
⬅️ لو قلت آه، تمام... هل إنت مستعد تدفع التكلفة؟
وأسيبك مع مقولة بحبها:
Be careful what you wish for, you just might get it.
👍113❤79👌16🤔6😢1
بداية 2010 شهدت مصانع فوكسكون سلسلة من حالات الانتحار من العمال في مصانع أبل، كان العمال بيطلعوا فوق المبنى وينطوا... مع مرور الوقت وبحلول شهر مايو 2010 وصلت الحالات لـ9 حالات وآخرها كان عامل 19 سنة والسبب كان ظروف العمل الصعب.
*️⃣ فورا أبل تدخلت وأعلنت إنها على تواصل مع سلطات فوكسكون وإنها حثتهم على منع المزيد من الوفيات.
*️⃣ بعد يومين من اتصال أبل رصد الصحفيين عمال قاعدين يركبوا شباك مضادة للانتحار حوالين المباني زي بتاعة السيرك كده، بحيث العمال لو نطوا ينتحروا فيقع في الشباك ومش هيموت... يعني مش هنمنع سبب المشكلة لكن هنمنعك تنتحر بالشكل الدرامي اللي بيجيب دوشة دا...
*️⃣ لاحقا الضغوط والفضيحة على أبل دفعتها تفك الكيس وتدفع فلوس لفوكسكون لتحسين أوضاع العمال عشان سمعتها كشركة كيوت كتكوت متأثرة. وفوكسكون زودت العمالة 30% في يونيو ثم رفعت زودت الزيادة ل 66% في أكتوبر.
*️⃣ مش عارف ليه افتكرت القصة دي اللي عمرها 16 سنة وأنا بقرأ في صفحة وزارة الرياضة البيان عن هروب المصارع المصري في سلوفاكيا 🇸🇰 والبيان قال إن والد الشاب ماضي إقرار على مسؤوليته الشخصية عن عودة ابنه وعدم هروبه.
*️⃣ يعني الاتحاد والوزارة معترفين إن الظروف وحشة وإن دا هيدفع الناس عالهروب فنعمل إيه نعمل إيه 🤔 نركب شباك، أقصد نمضي أهل الشباب على إقرار مسؤوليتهم عن عيالهم... انتا فاكر هنصلح أوضاعهم مثلا استغفر الله العظيم... وجود الإقرار اعتراف، زي شباك فوكسكون بالظبط.
*️⃣ ربنا يوفقك يا ابني في مسيرتك في سلوفاكيا بس شوف دولة تديك فلوس أحسن من بتوع شرق أوروبا الفقراء (بالنسبة لأوروبا) دول.
*️⃣ فورا أبل تدخلت وأعلنت إنها على تواصل مع سلطات فوكسكون وإنها حثتهم على منع المزيد من الوفيات.
*️⃣ بعد يومين من اتصال أبل رصد الصحفيين عمال قاعدين يركبوا شباك مضادة للانتحار حوالين المباني زي بتاعة السيرك كده، بحيث العمال لو نطوا ينتحروا فيقع في الشباك ومش هيموت... يعني مش هنمنع سبب المشكلة لكن هنمنعك تنتحر بالشكل الدرامي اللي بيجيب دوشة دا...
*️⃣ لاحقا الضغوط والفضيحة على أبل دفعتها تفك الكيس وتدفع فلوس لفوكسكون لتحسين أوضاع العمال عشان سمعتها كشركة كيوت كتكوت متأثرة. وفوكسكون زودت العمالة 30% في يونيو ثم رفعت زودت الزيادة ل 66% في أكتوبر.
*️⃣ مش عارف ليه افتكرت القصة دي اللي عمرها 16 سنة وأنا بقرأ في صفحة وزارة الرياضة البيان عن هروب المصارع المصري في سلوفاكيا 🇸🇰 والبيان قال إن والد الشاب ماضي إقرار على مسؤوليته الشخصية عن عودة ابنه وعدم هروبه.
*️⃣ يعني الاتحاد والوزارة معترفين إن الظروف وحشة وإن دا هيدفع الناس عالهروب فنعمل إيه نعمل إيه 🤔 نركب شباك، أقصد نمضي أهل الشباب على إقرار مسؤوليتهم عن عيالهم... انتا فاكر هنصلح أوضاعهم مثلا استغفر الله العظيم... وجود الإقرار اعتراف، زي شباك فوكسكون بالظبط.
*️⃣ ربنا يوفقك يا ابني في مسيرتك في سلوفاكيا بس شوف دولة تديك فلوس أحسن من بتوع شرق أوروبا الفقراء (بالنسبة لأوروبا) دول.
😢131👍90❤64😁8💔6👌1
بحلم بيوم الدولة تعمل فيه عقد موحد لشركات التطوير العقاري.
*️⃣ ميكونش العقد حق للمطور ويخليه أشبه بعقود الإذعان زي حالتنا، المطور هو اللي حدد من دماغه الغرامة عالمشتري لو تأخر في الأقساط، وحدد من دماغه الغرامة على نفسه لو تأخر في التسليم... وتبقى الغرامة موحدة عالطرفين.
*️⃣ تخيل لو تم تطبيق قاعدة Milestone Payments، يعني المطور مثلاً 10% مقدم تعاقد، و10% لما المطور يخلص أعمال الحفر والأساسات، 10% لما يخلص الهيكل الخرساني للمبنى، 10% لما يخلص الواجهات والتشطيب الخارجي، والباقي بعد التسليم. بحيث لو المطور العقاري اتلكع في الشغل، تقف الدفعات ليه، ولو شيكات ميقدرش يصرفها لأن كل شيك مرتبط بتقدم البناء...
*️⃣ تتوقعوا دا ممكن يحصل في يوم؟ على فكرة دول مش من اختراعي، دول موجودين في دول بره، وهم ضمن فيديو ضخم في سلسلة فيديوهات بحضرها عن العالم والقطاع العقاري إللي ممكن يبقى قاطرة نمو أو خازوق للاقتصاديات... وإحنا عاوزينه يدعم الاقتصاد المصري.
*️⃣ ميكونش العقد حق للمطور ويخليه أشبه بعقود الإذعان زي حالتنا، المطور هو اللي حدد من دماغه الغرامة عالمشتري لو تأخر في الأقساط، وحدد من دماغه الغرامة على نفسه لو تأخر في التسليم... وتبقى الغرامة موحدة عالطرفين.
*️⃣ تخيل لو تم تطبيق قاعدة Milestone Payments، يعني المطور مثلاً 10% مقدم تعاقد، و10% لما المطور يخلص أعمال الحفر والأساسات، 10% لما يخلص الهيكل الخرساني للمبنى، 10% لما يخلص الواجهات والتشطيب الخارجي، والباقي بعد التسليم. بحيث لو المطور العقاري اتلكع في الشغل، تقف الدفعات ليه، ولو شيكات ميقدرش يصرفها لأن كل شيك مرتبط بتقدم البناء...
*️⃣ تتوقعوا دا ممكن يحصل في يوم؟ على فكرة دول مش من اختراعي، دول موجودين في دول بره، وهم ضمن فيديو ضخم في سلسلة فيديوهات بحضرها عن العالم والقطاع العقاري إللي ممكن يبقى قاطرة نمو أو خازوق للاقتصاديات... وإحنا عاوزينه يدعم الاقتصاد المصري.
❤172👍96👏11😢7👌7🙏4😱2🤗1
أمريكا أعلنت عقوبات على بنك مصر فرع الإمارات 🇦🇪 بتهمة إنه Shadow Banking للنظام الحاكم في إيران وبناء عليه خلاص البنك (فرع الإمارات) محروم من الوصول للدولار والتعامل به.
*️⃣ محدش يقلق من القرار، البنك المركزي المصري طلع بيان قال إن القرار الأمريكي يخص فرع الإمارات فقط لا غير ولا بمتد للقطاع المصرفي المصري، وغالباً إن شاء الله هيتم عمل تفاهمات مع أمريكا
*️⃣ مهو مش ممكن ترامب يعلن إن هيكون في عقوبات صارمة ضد مساعدي إيران ويسيبوا الكوكب كله ويقرروا يدبحوا القطة للعالم بواسطة بنك مصر الإمارات 😂 ما في عشروميت شركة وبنك با عم هو ايه الغلاسة دي.
*️⃣ محدش يقلق من القرار، البنك المركزي المصري طلع بيان قال إن القرار الأمريكي يخص فرع الإمارات فقط لا غير ولا بمتد للقطاع المصرفي المصري، وغالباً إن شاء الله هيتم عمل تفاهمات مع أمريكا
*️⃣ مهو مش ممكن ترامب يعلن إن هيكون في عقوبات صارمة ضد مساعدي إيران ويسيبوا الكوكب كله ويقرروا يدبحوا القطة للعالم بواسطة بنك مصر الإمارات 😂 ما في عشروميت شركة وبنك با عم هو ايه الغلاسة دي.
😁120👍41❤15🤣3😱1👌1
دكتور عمر الشنيطي عكس المعتاد عالسوشيال
*️⃣ كلنا عارفين الفيسبوك والسوشيال ميديا عادة بتضخم الحقيقة، تبقي ناس بطيخة بس في السوشيال تبان إنها جامدة وبتطلع نار من بقها زي التنين، شو خادع وناس كثيرة منفوخة فوق حجمها الحقيقي.
*️⃣ دكتور عمر عكس دا، هو في الحقيقة جامد جداً وتبص عالسوشيال وشهرته تلاقيها مش موفياه حقه، لغاية ما نزل سلسلة اقتصاد الساحل اللي عرفت ناس كثير بيه وان كانت مأخدش برضك اللي يستحقه.
*️⃣ أنا شهادتي دايماً مجروحة لإني تعلمت من الدكتور ومن محتواه من 10 سنين عشان هكون سعيد جداً إني لأول مرة هعمل دور المحاور في لقاء لايف يوم الإثنين 8 مساءاً.
*️⃣ اللقاء دا هيكون على Zoom وفي رابط للتسجيل، وكان المفروض اللقاء يختم سلسلة الساحل والعقارات أم مليار جنية دي 😂 لكن قولت للدكتور هنعمل فقرة للغلابة، الناس اللي مشافتش الأرنب فملهاش علاقة بالديك الرومي 😂... نقولهم العقارات والذهب والكلام البسيط اللي يهم الشعب وحياته.
*️⃣ اهجم يلا وسجل عشان العدد محدود شوية (هو كثير بس العدد المتوقع اضعاف الحد الاقصى) واللقاء مجاني والرابط في التعليقات.
*️⃣ كلنا عارفين الفيسبوك والسوشيال ميديا عادة بتضخم الحقيقة، تبقي ناس بطيخة بس في السوشيال تبان إنها جامدة وبتطلع نار من بقها زي التنين، شو خادع وناس كثيرة منفوخة فوق حجمها الحقيقي.
*️⃣ دكتور عمر عكس دا، هو في الحقيقة جامد جداً وتبص عالسوشيال وشهرته تلاقيها مش موفياه حقه، لغاية ما نزل سلسلة اقتصاد الساحل اللي عرفت ناس كثير بيه وان كانت مأخدش برضك اللي يستحقه.
*️⃣ أنا شهادتي دايماً مجروحة لإني تعلمت من الدكتور ومن محتواه من 10 سنين عشان هكون سعيد جداً إني لأول مرة هعمل دور المحاور في لقاء لايف يوم الإثنين 8 مساءاً.
*️⃣ اللقاء دا هيكون على Zoom وفي رابط للتسجيل، وكان المفروض اللقاء يختم سلسلة الساحل والعقارات أم مليار جنية دي 😂 لكن قولت للدكتور هنعمل فقرة للغلابة، الناس اللي مشافتش الأرنب فملهاش علاقة بالديك الرومي 😂... نقولهم العقارات والذهب والكلام البسيط اللي يهم الشعب وحياته.
*️⃣ اهجم يلا وسجل عشان العدد محدود شوية (هو كثير بس العدد المتوقع اضعاف الحد الاقصى) واللقاء مجاني والرابط في التعليقات.
12❤233👍61👌12🔥6❤🔥2👏2😁1
على مدى الشهور الماضية كذا حد بعتلي بخصوص انه عمل اي سكور من مصر الرقمية او البنك ولقى قرض هو ميعرفش عنه حاجة...
*️⃣ النهاردة الرقابة المالية نزلت بيان رسمي توضح فيه مفهوم وكالة الحق وتوضح الشروط وتنبه عالشركات
*️⃣ فإيه بقى القصة بتاعة القروض دي وهل مؤثرة في الاي سكور بتاعك
يلا بينا في فيديو جديد بعد غياب طويل
https://youtu.be/zkj4Cw3KyB8
*️⃣ النهاردة الرقابة المالية نزلت بيان رسمي توضح فيه مفهوم وكالة الحق وتوضح الشروط وتنبه عالشركات
*️⃣ فإيه بقى القصة بتاعة القروض دي وهل مؤثرة في الاي سكور بتاعك
يلا بينا في فيديو جديد بعد غياب طويل
https://youtu.be/zkj4Cw3KyB8
❤50👍27
من يومين الفيسبوك كان بيفكرني إني استلمت كارت Telda من 4 سنين والنهاردة مفاجأة تيلدا بقى بتضاف في انستاباي
الفكرة كلها إن كل كارت وراه بنك، فالبنك بتاع تلدا (بنك القاهرة) قرر يعتبر الكارت حساب فعلي وبقى لما تختار بنك القاهرة وتضيف يتقبل عاادي جدا وبكده لأول مرة تقدر تستخدم انستاباي بدون ما تفتح حساب بنكي.
جربت الكروت الثانية وفشلت
*️⃣ كارت كليفر (بنك العربي الأفريقي)
*️⃣ كارت بريد فاست (بنك أبو ظبي الإسلامي)
*️⃣ كارت oPay (بنك مصر)
*️⃣ كارن Nexta (بنك مصر)
*️⃣ كارت Lucky (بنك المشرق)
*️⃣ كارت Valu (بنك NXT)
وبكده يبقي نقول برافو Telda ، الوحيدة اللي دخلت Apple Pay والوحيدة اللي دخلت البورصة ودلوقتي بقت الوحيدة اللي دخلت انستاباي
تحديث توضيحي
⬅️⬅️ بدون ما تدخل بنك، معاك كارت ميزة من بنك يعني روحت لنك، انا بتكلم عن العالم المالي FinTech يعني فوري وكليفر، يعني ليك ابلكيشن وعالم كامل، الكروت الصادرة من بنوك اي كان اسمها فهي صادرة من بنوك ومحتاج تروح بنك
الفكرة كلها إن كل كارت وراه بنك، فالبنك بتاع تلدا (بنك القاهرة) قرر يعتبر الكارت حساب فعلي وبقى لما تختار بنك القاهرة وتضيف يتقبل عاادي جدا وبكده لأول مرة تقدر تستخدم انستاباي بدون ما تفتح حساب بنكي.
جربت الكروت الثانية وفشلت
*️⃣ كارت كليفر (بنك العربي الأفريقي)
*️⃣ كارت بريد فاست (بنك أبو ظبي الإسلامي)
*️⃣ كارت oPay (بنك مصر)
*️⃣ كارن Nexta (بنك مصر)
*️⃣ كارت Lucky (بنك المشرق)
*️⃣ كارت Valu (بنك NXT)
وبكده يبقي نقول برافو Telda ، الوحيدة اللي دخلت Apple Pay والوحيدة اللي دخلت البورصة ودلوقتي بقت الوحيدة اللي دخلت انستاباي
تحديث توضيحي
⬅️⬅️ بدون ما تدخل بنك، معاك كارت ميزة من بنك يعني روحت لنك، انا بتكلم عن العالم المالي FinTech يعني فوري وكليفر، يعني ليك ابلكيشن وعالم كامل، الكروت الصادرة من بنوك اي كان اسمها فهي صادرة من بنوك ومحتاج تروح بنك
❤134👍69🤝5👏4😱2🤗1
أنا عارف إن في ناس بتستخدم ال Ai عشان يلخص لها كتاب، بس صراحة دي تجربتي الأولى، اديته كتاب إنجليزي من 530 صفحة قولت له مليش خلق اقرأ كل دا، فقالي طيب خد ملخص النقاط وحط لي رصة نقط كده تعمل صفحة.
*️⃣ قولت له لا مش كده، هي مش Reels هي، أنا عاوز اقرأ شيء اديني شوية تفاصيل يا عم وخلي الأمثلة من واقعنا وشوية تعليمات تانية قولتهاله، اديني ملخص بس في 30 صفحة
*️⃣ فقالي بس كده عيوني، حرفياً ألف كتاب 😂 ، وحتى العنوان غير العنوان الأصلي، عدل وطور وعمل لي أمثلة مخصوص للشرح بل وفي اخر صفحة عمل لي المصادر وحط فيها مصادر الأمثلة المصرية اللي استخدمها... لا عجبني الصراحة بس حسيت ان 30 صقحة ملخص ل 530 قليل قوي، هخليه يضاعفهم 😁... دا انا بكتب بوستات ساعات 10 صفحات 😂
*️⃣ الحلو ان الفكرة دي تخدمني في ان ساعات اقابل كتب محتواها مفيد بس أسلوب الكتابة صعب خانقني، فدا يقدر يصيغ لي الكتاب مش بس باسلوب عربي، لااا دا بأسلوبي وطريقتي أنا، يعني نسخة مخصصة من الكتاب متوافقة معايا أنا تحديداً، يمكن لو غيري قراها مش هتعجبه... تخيل كده نفس الكتاب يبقي مكتوب لكل شخص بشكل يناسبه هو وأمثلة ليه هو من بيئته ودولته هو...
⬅️ الناس اللي بتكسل تقرأ كتب كبيرة والقرار هيبقي لا قراءة، لا يا سيدي خلي الشات يحولك الكتاب الكبير لكتاب 50 صفحة سهل تقراه... بس خد بالك خد بااااالك دا لا يعني انك قريت الكتاب الأصلي فمتجيش تتعامل انك قريت الأصل 😂😂.... عشان كل واحد يروح ملخص 10 كتاب ويقولك انا قريت 10 كتب الشهر دا... متهزرش، ملخص الكتب هو "خد فكرة" يعني حاجة اشبهه بحلقات الدحيح كده، مجرد "خد فكرة" لكن مش هتبني علم ومعرفة حقيقية عميقة.
توضيح مهم
*️⃣ أنا استخدمت ChatGPT على استرا الجديد، لكن فعلياً أي Ai بتستخدمه هيقضي الغرض... ومنصحش تستخدم استرا عشان تلخيص الكتاب خلص 15% من ليميت الاسبوع 😭😭
*️⃣ في NotebookLM بتاع جوجل بس دا عادة بستخدمه لما يكون عندي موضوع من كذا موقع وكذا ملف بيروح قالبه PDF و ملخص صوتي واسئلة واجوبة وكل اللي يهم الطلبة والدارسين، لكن لو الموضوع كتاب واحد وحيد فال Ai اللي بتستخدمه يدومي هيكومَن فاهمك حلو وعارف أسلوبك.
*️⃣ ومن باب إثارة الجدل فأنا بعتبر جيمناي اغبي Ai صنعه بشر، مفيش مرة سألته غير واتخنقت، دا من التخلف بتاعه عمل لي امبارح صورة كاتب فيها ChatGPT 4o من صناعة شركة جوجل 😂 واحدث اصدار عند جوجل هو 1.5 برو (اصلا السؤال ل جيمناي 3.1 برو 😂)... قولت له الصورة دي غلط صلحها راح قايلي أنا نموذج لغوي معنديش امكانية صناعة صور، اه بيقولي انا معرفش ايه الصورة اللي فوق دي بس انا معرفش اعمل صور... غبي جداً بشكل مش طبيعي... بس Spark كويس في المهام
*️⃣ قولت له لا مش كده، هي مش Reels هي، أنا عاوز اقرأ شيء اديني شوية تفاصيل يا عم وخلي الأمثلة من واقعنا وشوية تعليمات تانية قولتهاله، اديني ملخص بس في 30 صفحة
*️⃣ فقالي بس كده عيوني، حرفياً ألف كتاب 😂 ، وحتى العنوان غير العنوان الأصلي، عدل وطور وعمل لي أمثلة مخصوص للشرح بل وفي اخر صفحة عمل لي المصادر وحط فيها مصادر الأمثلة المصرية اللي استخدمها... لا عجبني الصراحة بس حسيت ان 30 صقحة ملخص ل 530 قليل قوي، هخليه يضاعفهم 😁... دا انا بكتب بوستات ساعات 10 صفحات 😂
*️⃣ الحلو ان الفكرة دي تخدمني في ان ساعات اقابل كتب محتواها مفيد بس أسلوب الكتابة صعب خانقني، فدا يقدر يصيغ لي الكتاب مش بس باسلوب عربي، لااا دا بأسلوبي وطريقتي أنا، يعني نسخة مخصصة من الكتاب متوافقة معايا أنا تحديداً، يمكن لو غيري قراها مش هتعجبه... تخيل كده نفس الكتاب يبقي مكتوب لكل شخص بشكل يناسبه هو وأمثلة ليه هو من بيئته ودولته هو...
⬅️ الناس اللي بتكسل تقرأ كتب كبيرة والقرار هيبقي لا قراءة، لا يا سيدي خلي الشات يحولك الكتاب الكبير لكتاب 50 صفحة سهل تقراه... بس خد بالك خد بااااالك دا لا يعني انك قريت الكتاب الأصلي فمتجيش تتعامل انك قريت الأصل 😂😂.... عشان كل واحد يروح ملخص 10 كتاب ويقولك انا قريت 10 كتب الشهر دا... متهزرش، ملخص الكتب هو "خد فكرة" يعني حاجة اشبهه بحلقات الدحيح كده، مجرد "خد فكرة" لكن مش هتبني علم ومعرفة حقيقية عميقة.
توضيح مهم
*️⃣ أنا استخدمت ChatGPT على استرا الجديد، لكن فعلياً أي Ai بتستخدمه هيقضي الغرض... ومنصحش تستخدم استرا عشان تلخيص الكتاب خلص 15% من ليميت الاسبوع 😭😭
*️⃣ في NotebookLM بتاع جوجل بس دا عادة بستخدمه لما يكون عندي موضوع من كذا موقع وكذا ملف بيروح قالبه PDF و ملخص صوتي واسئلة واجوبة وكل اللي يهم الطلبة والدارسين، لكن لو الموضوع كتاب واحد وحيد فال Ai اللي بتستخدمه يدومي هيكومَن فاهمك حلو وعارف أسلوبك.
*️⃣ ومن باب إثارة الجدل فأنا بعتبر جيمناي اغبي Ai صنعه بشر، مفيش مرة سألته غير واتخنقت، دا من التخلف بتاعه عمل لي امبارح صورة كاتب فيها ChatGPT 4o من صناعة شركة جوجل 😂 واحدث اصدار عند جوجل هو 1.5 برو (اصلا السؤال ل جيمناي 3.1 برو 😂)... قولت له الصورة دي غلط صلحها راح قايلي أنا نموذج لغوي معنديش امكانية صناعة صور، اه بيقولي انا معرفش ايه الصورة اللي فوق دي بس انا معرفش اعمل صور... غبي جداً بشكل مش طبيعي... بس Spark كويس في المهام
👍74❤39😁14👌5😭1
دا بوست لصديق لي وزميل دراسة سابق في مشروع خاص بيه فممكن اللي مهتم هيلاقي لينك الفورم في نهاية البوست
------
📢 أمين صندوق عمارة في مدينة نصر أو مصر الجديدة؟
نبحث عن ١٥ أمين صندوق لتجربة تطبيق عمارة برو على عماراتهم الفعلية.
🏢 ماذا يقدم عمارة برو؟
• إدارة الاشتراكات والتحصيل
• تسجيل ومتابعة المصروفات
• إعداد تقارير جاهزة للطباعة والمشاركة بضغطة واحدة
• التطبيق مجاني
⏱️ مدة التجربة: شهران
🎁 مكافأة للمشاركين المستمرين حتى نهاية التجربة.
📌 شروط المشاركة
✅ أن تكون أمين صندوق حاليًا لعمارة حقيقية في مدينة نصر أو مصر الجديدة.
✅ أن تكون مستعدًا لاستخدام التطبيق فعليًا خلال فترة التجربة.
📊 إرفاق ملف Excel الحالي للعمارة.
📄 أو ملفات PDF مصدر من ملف إدارة حسابات العمارة.
📝 أو صور/ملفات ورقية للحسابات الحالية.
🔒 يمكن إخفاء الأسماء وأي بيانات شخصية.
🔍 ماذا تتضمن المشاركة؟
💬 مقابلتان: واحدة في بداية التجربة وأخرى في نهايتها، بمدة ساعة على الأكثر لكل مقابلة.
📱 سيتم أيضًا تسجيل شاشة الاستخدام بهدف تحسين التطبيق فقط، دون استخدام الكاميرا أو تقييم أدائك.
🔒 ويمكن إخفاء أي بيانات شخصية تظهر على الشاشة.
⚠️ العدد محدود: ١٥ مشاركًا فقط
📝 سجّل الآن للمشاركة في التجربة عن طريق تعبئة النموذج التالي:
التسجيل في تجربة عمارة برو
------
📢 أمين صندوق عمارة في مدينة نصر أو مصر الجديدة؟
نبحث عن ١٥ أمين صندوق لتجربة تطبيق عمارة برو على عماراتهم الفعلية.
🏢 ماذا يقدم عمارة برو؟
• إدارة الاشتراكات والتحصيل
• تسجيل ومتابعة المصروفات
• إعداد تقارير جاهزة للطباعة والمشاركة بضغطة واحدة
• التطبيق مجاني
⏱️ مدة التجربة: شهران
🎁 مكافأة للمشاركين المستمرين حتى نهاية التجربة.
📌 شروط المشاركة
✅ أن تكون أمين صندوق حاليًا لعمارة حقيقية في مدينة نصر أو مصر الجديدة.
✅ أن تكون مستعدًا لاستخدام التطبيق فعليًا خلال فترة التجربة.
📊 إرفاق ملف Excel الحالي للعمارة.
📄 أو ملفات PDF مصدر من ملف إدارة حسابات العمارة.
📝 أو صور/ملفات ورقية للحسابات الحالية.
🔒 يمكن إخفاء الأسماء وأي بيانات شخصية.
🔍 ماذا تتضمن المشاركة؟
💬 مقابلتان: واحدة في بداية التجربة وأخرى في نهايتها، بمدة ساعة على الأكثر لكل مقابلة.
📱 سيتم أيضًا تسجيل شاشة الاستخدام بهدف تحسين التطبيق فقط، دون استخدام الكاميرا أو تقييم أدائك.
🔒 ويمكن إخفاء أي بيانات شخصية تظهر على الشاشة.
⚠️ العدد محدود: ١٥ مشاركًا فقط
📝 سجّل الآن للمشاركة في التجربة عن طريق تعبئة النموذج التالي:
التسجيل في تجربة عمارة برو
❤56👍32
سوري يا شباب اللينك إمبارح بتاع مشروع صديقي كان فيه مشكلة مع البعض
فاللي مهتم دا لينك مباشر
https://docs.google.com/forms/d/e/1FAIpQLSdBGwAO0AyF-TVe3P8mU2eJTeRln3ITHI7D3qaKxq63DR_0SQ/viewform?pli=1
فاللي مهتم دا لينك مباشر
https://docs.google.com/forms/d/e/1FAIpQLSdBGwAO0AyF-TVe3P8mU2eJTeRln3ITHI7D3qaKxq63DR_0SQ/viewform?pli=1
❤14👍8👏1
هو أنا ليه بقيت حاسس إن كلود بقى بيكسل يشتغل🤔 شغال على مشروع كده بيه فقالي ممكت تبعت لي Script اللي اسمه Config.gs... قولت له انتا رابط ب الدرايف ومعاك الصلاحيات تشوف كل شيء ما تشوفه بنفسك
*️⃣ فقالي اه تمام اعتذر أنا أقدر اشوفه ومش محتاج اسألك تبعته، تمام شوفته، ممكن بقى تبعت لي Index.html... قولت له يا عم ما انتا رابط وتقدر تشوفه 😂😂😂
*️⃣ دا مكسل يروح يشتغل وعاوز يشغلني، وهو اصلاً عنده صلاحيات يشوف السكربت لكن ميعدلش فيه فالدنيا أمان، انتا بتاخد مني 100 دولار عشان تشغلني عندك 😂😂
بقى كسولي قوي
*️⃣ فقالي اه تمام اعتذر أنا أقدر اشوفه ومش محتاج اسألك تبعته، تمام شوفته، ممكن بقى تبعت لي Index.html... قولت له يا عم ما انتا رابط وتقدر تشوفه 😂😂😂
*️⃣ دا مكسل يروح يشتغل وعاوز يشغلني، وهو اصلاً عنده صلاحيات يشوف السكربت لكن ميعدلش فيه فالدنيا أمان، انتا بتاخد مني 100 دولار عشان تشغلني عندك 😂😂
بقى كسولي قوي
🤣174😁49❤12😱4👌3👍1
لا بجد يا جماعة، الناس بقت بتتخانق مع دبان وشها.
*️⃣ أنا رحت السنترال النهاردة (WE) عشان أستلم جهاز الـONT بتاع الفايبر. مطولتش في السنترال، قعدت نص ساعة تقريباً، لكن شفت خناقتين أنا بعتبرهم من أغرب الخناقات اللي قابلتها مع خدمة العملاء. يعني عادي بنشوف خناقات كتير، لكن مش بالشكل ده. اللي حصل النهاردة كان غريب، وهقولكم ليه.
*️⃣ الخناقة الأولى كانت بعيدة شوية، أنا ما سمعتش إيه ولا عارف أبعادها، بس أنا فجأة سمعت الموظف بيقول للعميل: والله يا فندم خمسة جنيه. فالعميل رد عليه: لا ما أنا شحنتها. فالموظف بيقوله: يا فندم لسه فاضل خمسة جنيه. أنا الكلام ده كان بيوصلي طراطيش لأني واقف بعيد ومش متابع، بس قعدوا يتناقشوا شوية وفيه حلفان، والله ما يحصل ومش عارف إيه، حوالين الخمسة جنيه.
*️⃣ الخناقة التانية بقى هي مثال لحد جاي يتخانق مع دبان وشه. أنا برضه قاعد في شباك تاني سامع العميل بيقول للموظف: دي بطاقتي ورقم بطاقتي ده ولا مش رقم بطاقتي؟ ورقم بطاقة والدي ولا مش ده رقم بطاقة والدي؟ وده ختم النسر ولا مش ختم النسر؟ ومش عارف إيه. فالفضول خدني: إيه الخناقة دي؟ أنا بحب قوي ختم النسر والخناقات بتاعت ختم النسر دي 😂 فحاولت أركز هما بيتخانقوا على إيه وكمان هما كان قدامي مباشرة فحاضر كل شيء.
*️⃣ لقيت الموظف بيقوله: يا فندم فين أصل الورق؟ فالعميل قاله: محدش قال لي أجيب أصل الورق. فالموظف رد عليه وقاله: يا فندم أي ورق لازم يكون الأصول بتاعته. فالعميل قاله: هو أنتوا بتشتغلوا في قسم واحد ولا قسمين؟ زميل حضرتك امبارح قالي هات إعلام الوراثة، مقالش هاتل أصل إعلام الوراثة.
*️⃣ المدير بتاع الموظف جه وقاله: إيه المشكلة يا فندم؟ الراجل برضه شرح له النقطة. وللأمانة أسلوب الموظف كان هادي، وأسلوب المدير كان هادي، والعميل هو اللي جاي يتخانق. في حد كده تحس إنه صاحي الصبح: أنا جاي النهاردة أتخانق وهتفهم ليه وصفت كده لما تكمل. فالخلاصة المدير قال للموظف: طيب خلاص ماشي، صورة صورة. فين يا فندم شهادة الوفاة؟ فالعميل قاله: إعلام الوراثة يغني عن شهادة الوفاة قانوناً.
*️⃣ فالمدير قاله: يا فندم أنا ماليش علاقة بـ«قانوناً» دي، أنا الشؤون القانونية عندي طالبة مننا في رفع الورق شهادة وفاة وإعلام وراثة. العميل قاله: لا، إعلام الوراثة اللي معاك يغني عن شهادة الوفاة. محدش يطلع له اعلام وراثة وهو حي (كلام منطقي). فالمدير قاله: يا فندم أنا مالي؟ أنا محتاج شهادة الوفاة. فالعميل قاله: هل عندك ورقة مختومة من جهاز تنظيم الاتصالات تفيد إن إحنا في الإجراء ده لازم نجيب شهادة الوفاة مع إعلام الوراثة ويكونوا أصل؟ فقاله: يا فندم أنا الشؤون القانونية عندي هي اللي بتنزل لي الورق المطلوب.
*️⃣ فالعميل قاله: طالما أنت معندكش ورقة بتقول كده، يبقى مع احترامي ليك أنت ما تعرفش حاجة، يبقى متتكلمش. أنا بقى توقعت المدير يتنرفز ويتعامل وتقلب خناقة، لكن المدير بمنتهى الهدوء قاله: إحنا كنا عايزين نرفع لحضرتك الورق بحيث الإجراء يتم على طول. يا فلان، ارفع له الورق زي ما هو مديهولك. هم بقى في الإدارة يقبلوا الإجراء أو يرفضوه، مش بتاعتنا. أصل إحنا منعرفش حاجة ومبنفهمش حاجة.
*️⃣ فأنا قلت خلاص الموضوع خلص، لكن العميل قرر يعلي، وراح يقول لهم: خليهم يرفضوا الورق ده وأنا هتصل بالشرطة أجيبهم وأعمل محضر إثبات حالة وأعمل لكم قضية. فالمدير قاله: يا فندم تعمل إثبات حالة لإيه؟ لأن الورق مرفوض؟ طب ما يا فندم الشرطة هتتواصل مع الشؤون القانونية عندنا اللي هتقول الورق مش مرفوع سليم. عموماً يا فندم إحنا مبنفهمش حاجة ومبنعرفش حاجة. وراح قايل للموظف: ارفع يا ابني الورق خلينا نخلص. وبالفعل خلال دقيقة الموظف كان خلص كل حاجة.
*️⃣ هنا بقى قعدت أفكر في الخناقتين. الخناقة الأولى على خمسة جنيه. طب ساعة الموظف بكام؟ وساعة العميل نفسه لو بيشتغل بكام؟ ووقت كل الناس اللي قاعدة في الدور ومستنية نفس الموظف ده بكام؟ أنا واثق إن الوقت اللي ضاع في النقاش أغلى من الخمسة جنيه نفسها. خمسة جنيه إحنا ما بندهاش دلوقتي للشحات في الشارع، ولو سايس ركن لك عربية واديته خمسة جنيه ممكن يتخانق معاك. ⬅️ عاملين زي فؤاد المهندس اللي صرفوا 400 جنيه علشان يحصل 44 مليم في أرض النفاق.
*️⃣ والتاني برضه معندوش مشكلة ييجي السنترال تاني، ويجيب الشرطة، ويعمل محضر، ويرفع قضية ومحامي، ويدخل في حوار طويل عريض، ولا إنه يروح يجيب أصل الورق وشهادة الوفاة. يا عم معندكش شهادة الوفاة؟ اطلبها من على النت وهتجيلك. لا، أنا هرفع قضية وأعمل حوار، لأن مش من حقكم تطلبوها طالما إعلام الوراثة يغني عنها قانوناً. يا عم خلص!
*️⃣ هو أنت عندك فراغ؟ أنت صاحي من الصبح بتعاني من الفراغ وعايز تتخانق؟ يا جدعان في إيه؟ الناس ما بتحسبش وقتها، وما بتحسبش حجم التوفير والهدر. زي واحد واقف في طابور العيش وبيشرب سجاير. أنا مش بتكلم هو مستحق للدعم ولا مش مستحق، بس ممكن يكون بيحرق في السجاير وهو واقف أكتر من فرق سعر العيش المدعوم عن غير المدعوم. أو واحد واقف يجيب التموين وبيشرب بيبسي وسجاير بـ 50 جنيه.
⬅️ الناس بتفكر إزاي؟ الناس ما بتحسبش. في حاجة غلط، فركوني بنفسي أيام الكلية ومعمل الكيمياء كان ساعات الاقي البيكر ولا الفلاسك هيقع وفيه مواد كيميائية اروح حاطط ايدي اجيبهم بيها... اضحي بإيدي في مواد كيميائية ولا اني أضحي بيكر كان وقتها ب 5 ولا 10 جنية (مصروفي كان 150 و 200 جنية). تفكيرنا غلط.
*️⃣ أنا رحت السنترال النهاردة (WE) عشان أستلم جهاز الـONT بتاع الفايبر. مطولتش في السنترال، قعدت نص ساعة تقريباً، لكن شفت خناقتين أنا بعتبرهم من أغرب الخناقات اللي قابلتها مع خدمة العملاء. يعني عادي بنشوف خناقات كتير، لكن مش بالشكل ده. اللي حصل النهاردة كان غريب، وهقولكم ليه.
*️⃣ الخناقة الأولى كانت بعيدة شوية، أنا ما سمعتش إيه ولا عارف أبعادها، بس أنا فجأة سمعت الموظف بيقول للعميل: والله يا فندم خمسة جنيه. فالعميل رد عليه: لا ما أنا شحنتها. فالموظف بيقوله: يا فندم لسه فاضل خمسة جنيه. أنا الكلام ده كان بيوصلي طراطيش لأني واقف بعيد ومش متابع، بس قعدوا يتناقشوا شوية وفيه حلفان، والله ما يحصل ومش عارف إيه، حوالين الخمسة جنيه.
*️⃣ الخناقة التانية بقى هي مثال لحد جاي يتخانق مع دبان وشه. أنا برضه قاعد في شباك تاني سامع العميل بيقول للموظف: دي بطاقتي ورقم بطاقتي ده ولا مش رقم بطاقتي؟ ورقم بطاقة والدي ولا مش ده رقم بطاقة والدي؟ وده ختم النسر ولا مش ختم النسر؟ ومش عارف إيه. فالفضول خدني: إيه الخناقة دي؟ أنا بحب قوي ختم النسر والخناقات بتاعت ختم النسر دي 😂 فحاولت أركز هما بيتخانقوا على إيه وكمان هما كان قدامي مباشرة فحاضر كل شيء.
*️⃣ لقيت الموظف بيقوله: يا فندم فين أصل الورق؟ فالعميل قاله: محدش قال لي أجيب أصل الورق. فالموظف رد عليه وقاله: يا فندم أي ورق لازم يكون الأصول بتاعته. فالعميل قاله: هو أنتوا بتشتغلوا في قسم واحد ولا قسمين؟ زميل حضرتك امبارح قالي هات إعلام الوراثة، مقالش هاتل أصل إعلام الوراثة.
*️⃣ المدير بتاع الموظف جه وقاله: إيه المشكلة يا فندم؟ الراجل برضه شرح له النقطة. وللأمانة أسلوب الموظف كان هادي، وأسلوب المدير كان هادي، والعميل هو اللي جاي يتخانق. في حد كده تحس إنه صاحي الصبح: أنا جاي النهاردة أتخانق وهتفهم ليه وصفت كده لما تكمل. فالخلاصة المدير قال للموظف: طيب خلاص ماشي، صورة صورة. فين يا فندم شهادة الوفاة؟ فالعميل قاله: إعلام الوراثة يغني عن شهادة الوفاة قانوناً.
*️⃣ فالمدير قاله: يا فندم أنا ماليش علاقة بـ«قانوناً» دي، أنا الشؤون القانونية عندي طالبة مننا في رفع الورق شهادة وفاة وإعلام وراثة. العميل قاله: لا، إعلام الوراثة اللي معاك يغني عن شهادة الوفاة. محدش يطلع له اعلام وراثة وهو حي (كلام منطقي). فالمدير قاله: يا فندم أنا مالي؟ أنا محتاج شهادة الوفاة. فالعميل قاله: هل عندك ورقة مختومة من جهاز تنظيم الاتصالات تفيد إن إحنا في الإجراء ده لازم نجيب شهادة الوفاة مع إعلام الوراثة ويكونوا أصل؟ فقاله: يا فندم أنا الشؤون القانونية عندي هي اللي بتنزل لي الورق المطلوب.
*️⃣ فالعميل قاله: طالما أنت معندكش ورقة بتقول كده، يبقى مع احترامي ليك أنت ما تعرفش حاجة، يبقى متتكلمش. أنا بقى توقعت المدير يتنرفز ويتعامل وتقلب خناقة، لكن المدير بمنتهى الهدوء قاله: إحنا كنا عايزين نرفع لحضرتك الورق بحيث الإجراء يتم على طول. يا فلان، ارفع له الورق زي ما هو مديهولك. هم بقى في الإدارة يقبلوا الإجراء أو يرفضوه، مش بتاعتنا. أصل إحنا منعرفش حاجة ومبنفهمش حاجة.
*️⃣ فأنا قلت خلاص الموضوع خلص، لكن العميل قرر يعلي، وراح يقول لهم: خليهم يرفضوا الورق ده وأنا هتصل بالشرطة أجيبهم وأعمل محضر إثبات حالة وأعمل لكم قضية. فالمدير قاله: يا فندم تعمل إثبات حالة لإيه؟ لأن الورق مرفوض؟ طب ما يا فندم الشرطة هتتواصل مع الشؤون القانونية عندنا اللي هتقول الورق مش مرفوع سليم. عموماً يا فندم إحنا مبنفهمش حاجة ومبنعرفش حاجة. وراح قايل للموظف: ارفع يا ابني الورق خلينا نخلص. وبالفعل خلال دقيقة الموظف كان خلص كل حاجة.
*️⃣ هنا بقى قعدت أفكر في الخناقتين. الخناقة الأولى على خمسة جنيه. طب ساعة الموظف بكام؟ وساعة العميل نفسه لو بيشتغل بكام؟ ووقت كل الناس اللي قاعدة في الدور ومستنية نفس الموظف ده بكام؟ أنا واثق إن الوقت اللي ضاع في النقاش أغلى من الخمسة جنيه نفسها. خمسة جنيه إحنا ما بندهاش دلوقتي للشحات في الشارع، ولو سايس ركن لك عربية واديته خمسة جنيه ممكن يتخانق معاك. ⬅️ عاملين زي فؤاد المهندس اللي صرفوا 400 جنيه علشان يحصل 44 مليم في أرض النفاق.
*️⃣ والتاني برضه معندوش مشكلة ييجي السنترال تاني، ويجيب الشرطة، ويعمل محضر، ويرفع قضية ومحامي، ويدخل في حوار طويل عريض، ولا إنه يروح يجيب أصل الورق وشهادة الوفاة. يا عم معندكش شهادة الوفاة؟ اطلبها من على النت وهتجيلك. لا، أنا هرفع قضية وأعمل حوار، لأن مش من حقكم تطلبوها طالما إعلام الوراثة يغني عنها قانوناً. يا عم خلص!
*️⃣ هو أنت عندك فراغ؟ أنت صاحي من الصبح بتعاني من الفراغ وعايز تتخانق؟ يا جدعان في إيه؟ الناس ما بتحسبش وقتها، وما بتحسبش حجم التوفير والهدر. زي واحد واقف في طابور العيش وبيشرب سجاير. أنا مش بتكلم هو مستحق للدعم ولا مش مستحق، بس ممكن يكون بيحرق في السجاير وهو واقف أكتر من فرق سعر العيش المدعوم عن غير المدعوم. أو واحد واقف يجيب التموين وبيشرب بيبسي وسجاير بـ 50 جنيه.
⬅️ الناس بتفكر إزاي؟ الناس ما بتحسبش. في حاجة غلط، فركوني بنفسي أيام الكلية ومعمل الكيمياء كان ساعات الاقي البيكر ولا الفلاسك هيقع وفيه مواد كيميائية اروح حاطط ايدي اجيبهم بيها... اضحي بإيدي في مواد كيميائية ولا اني أضحي بيكر كان وقتها ب 5 ولا 10 جنية (مصروفي كان 150 و 200 جنية). تفكيرنا غلط.
❤150👍64😢24😁16👌8😴3🤯2🤝2
جالي فضول أعرف هو القطاع العقاري باع كام عبر السنوات الماضية، وللتوضيح لما يقولك مبيعات 600 مليار فدا مش معناه اتدفع 600 مليار بل وحدات سعرها 600 مليار بعد دفع كل اقساطها، فعليا مش مدفوع غير 5% او 10% مقدم وكده من رقم المبيعات دا..
*️⃣ المهم قررت أوحد وأشوف قيمة مبيعات أكبر 10 مطورين عقاريين في مصر خلال أول 6 شهور من كل سنة وكانت الأرقام كالتالي والتذكير دي 6 شهور مش سنة:
سنة 2021 = 65 مليار جنية (تقريبي)
سنة 2022 = 90 مليار جنية
سنة 2023 = 168 مليار جنية
سنة 2024 = 647 مليار جنية
سنة 2025 = 651 مليار جنية
سنة 2026 = 670 مليار جنية
*️⃣ الملاحظ ان النصف الاول لاعوام 24 و 25 و 26 يكاد يتطابق رغم زيادات الأسعار ودا معناه انخفاض عدد الوحدات المباعة.
*️⃣ هتقولي ايه رأيك يعني، هقولك ادعي لي طاقتي استردها وأنا مجهز درافت من 5 أجزاء لكيف يتعامل العالم مع القطاع العقاري ولماذا مصر مختلفة عن الكوكب ورغم انه قطاع بيبيع ب أكثر من 2 مليار دولار شهري لكنه شغال بلا قيود وبلا رقابة وبلا حساب مما خلق ثروات طائلة بنشوفها في الساحل.
*️⃣ هل تعلم ان مصر سنة 2016 كان فيها 75 شركة تطوير عقاري وسنة 2025 بقوا 1910 شركة، يا ترى ليييه 🤔 لانه مجال بلا رقابة.
⬅️⬅️ ملحوظة : لقيت نفسي نسيت اكررها، الفقاعة العقارية غير قابلة للانفجار في مصر فمحدش يحلم بحوار انفجار الفقاعة دا، الكلام دا في أوروبا والدول المتقدمة مش عندنا.
*️⃣ المهم قررت أوحد وأشوف قيمة مبيعات أكبر 10 مطورين عقاريين في مصر خلال أول 6 شهور من كل سنة وكانت الأرقام كالتالي والتذكير دي 6 شهور مش سنة:
سنة 2021 = 65 مليار جنية (تقريبي)
سنة 2022 = 90 مليار جنية
سنة 2023 = 168 مليار جنية
سنة 2024 = 647 مليار جنية
سنة 2025 = 651 مليار جنية
سنة 2026 = 670 مليار جنية
*️⃣ الملاحظ ان النصف الاول لاعوام 24 و 25 و 26 يكاد يتطابق رغم زيادات الأسعار ودا معناه انخفاض عدد الوحدات المباعة.
*️⃣ هتقولي ايه رأيك يعني، هقولك ادعي لي طاقتي استردها وأنا مجهز درافت من 5 أجزاء لكيف يتعامل العالم مع القطاع العقاري ولماذا مصر مختلفة عن الكوكب ورغم انه قطاع بيبيع ب أكثر من 2 مليار دولار شهري لكنه شغال بلا قيود وبلا رقابة وبلا حساب مما خلق ثروات طائلة بنشوفها في الساحل.
*️⃣ هل تعلم ان مصر سنة 2016 كان فيها 75 شركة تطوير عقاري وسنة 2025 بقوا 1910 شركة، يا ترى ليييه 🤔 لانه مجال بلا رقابة.
⬅️⬅️ ملحوظة : لقيت نفسي نسيت اكررها، الفقاعة العقارية غير قابلة للانفجار في مصر فمحدش يحلم بحوار انفجار الفقاعة دا، الكلام دا في أوروبا والدول المتقدمة مش عندنا.
❤113👍75👌22👏4😁3👀1
موضوع إن في مدرسين اترفضوا في مسابقة تعيين 30 ألف مدرس عشان وزنهم مش مثالي، موضوع غريب ويضايق لأسباب كثيرة لكن هكتفي ب 2 سبب:
1️⃣ تطبيق قاعدة Broca Index اللي من سنة 1871 يعني من قبل ثورة عرابي لتعريف الوزن المثالي سنة 2026 يدل إن اللي بيختبر المعلم مش متعلم، قاعدة Broca Index للي ميعرفهاش هي فكرة ان طولك 175 سم يبقي وزنك 75 كيلو وطولك 160 سم يبقي وزنك المثالي 60 كيلو... مشكلة القاعدة العتيقة دي إنها متعرفش شيء اسمه كتلة عضلية أو بالبلدي كده (عظمة ثقيل) فممكن 2 شخص طولهم 175 سم ووزنهم 80 كيلو تلاقي واحد عرض كتافه قليل وعنده كرش صغير، والثاني عرض كتافة واسع وعضلات فمينفعش تحطهم في مقياس واحد عمره 155 سنة، وقبل ما تقولي يعني هنفحص كتلة عضلية ل 100 الف متقدم، هقولك مش انتا اللي اخترعت فكرة الوزن يبقي تطبقها صح.
2️⃣ فكرة إنك تعين مدرس دوره يعلم الطلبة العدالة وعدم التنمر وإن مفيش تفرقه، في حين هو نفسه متعين بمقاييس عنصرية ومعايير ملهاش علاقة بالكفاءة فهي في حد ذاتها فكرة مثيرة للاندهاش، كإنك قررت تعمل جهاز مكافحة التمييز العنصري وتقول معايير اختيار رئيس الجهاز انه يكون ابيض البشرة وعنيه ملونة ودارس في جامعات أجنبية ذات 3 أحرف وساكن في منطقة راقية... يلا بقى كافح العنصرية... يلا يا مدرس قول للطالب ان مينفعش تتنمر على زميلك التخين، في حين انتا يا مدرس معينوش زميلك عشان تخين.
وفعلا يا مصر بتعمليها إزاي
1️⃣ تطبيق قاعدة Broca Index اللي من سنة 1871 يعني من قبل ثورة عرابي لتعريف الوزن المثالي سنة 2026 يدل إن اللي بيختبر المعلم مش متعلم، قاعدة Broca Index للي ميعرفهاش هي فكرة ان طولك 175 سم يبقي وزنك 75 كيلو وطولك 160 سم يبقي وزنك المثالي 60 كيلو... مشكلة القاعدة العتيقة دي إنها متعرفش شيء اسمه كتلة عضلية أو بالبلدي كده (عظمة ثقيل) فممكن 2 شخص طولهم 175 سم ووزنهم 80 كيلو تلاقي واحد عرض كتافه قليل وعنده كرش صغير، والثاني عرض كتافة واسع وعضلات فمينفعش تحطهم في مقياس واحد عمره 155 سنة، وقبل ما تقولي يعني هنفحص كتلة عضلية ل 100 الف متقدم، هقولك مش انتا اللي اخترعت فكرة الوزن يبقي تطبقها صح.
2️⃣ فكرة إنك تعين مدرس دوره يعلم الطلبة العدالة وعدم التنمر وإن مفيش تفرقه، في حين هو نفسه متعين بمقاييس عنصرية ومعايير ملهاش علاقة بالكفاءة فهي في حد ذاتها فكرة مثيرة للاندهاش، كإنك قررت تعمل جهاز مكافحة التمييز العنصري وتقول معايير اختيار رئيس الجهاز انه يكون ابيض البشرة وعنيه ملونة ودارس في جامعات أجنبية ذات 3 أحرف وساكن في منطقة راقية... يلا بقى كافح العنصرية... يلا يا مدرس قول للطالب ان مينفعش تتنمر على زميلك التخين، في حين انتا يا مدرس معينوش زميلك عشان تخين.
وفعلا يا مصر بتعمليها إزاي
👍256❤95👌19😢16🤔7🤯7💔6😁2
صباح الخير
بوست طويل لكن طبقاً لنصيحة دكتور عمر الشنيطي ان بوستاتي لازم يكون فيها ملخص، فاللي مفرهد يروح آخر البوست هيلاقي كلمتين الخلاصة.
*️⃣ النهاردة اجتماع الفيدرالي لتحديد الفائدة في أمريكا ويعتبر لكوكب الأرض، وبسبب عبقرية ترامبو فخلاص الأسواق بقت متوقعة هيحصل النهاردة رفع فائدة بنسبة 0.25% والتوقع نسبته بقت تفوق 90% ومحصلش آخر 30 سنة ان التوقعات وصلت للمستويات دي ومتحققتش، بس كل شيء وارد.
*️⃣ لما أمريكا ترفع الفايدة فالبنوك المركزية المربوطة بالدولار زي البنوك الخليجية هي كمان بعد دقايق هتطلع قرار برفع برضك 0.25% مماثل، وعندنا المركزي الأوروبي رفع الأسبوع الماضي هو كمان 0.25% ومبقاش فاضل غير العاق بنك انجلترا اللي ثبت الفايدة يوم 31 اغسطس وعنده بكره اجتماع وغالبا هيخالف الركب العالمي ويثبت الفايدة لكن التوقعات انه هيرفع 4 مرات بحلول منتصف 2027 يعني هو متأخر بس.
*️⃣ نروح للبنك المركزي المصري اللي عنده اجتماع يوم 24 سبتمبر، ولو الأمريكي رفع وعشان نفضل حلوين للهوت ماني فلازم نرفع الفايدة مع الاختلاف، ال 0.25% في الكوكب دي تساوي عندنا رفع 1% إلى 1.5%... مهو غلاء الاسعار في كله حتى سعر الفايدة، وللمتابعة بس الفايدة حالياً الفيدرالي 3.75% وانجلترا 3.75% والاوروبي 2.5% والياباني 1.0%... ايه دا هو أنا مقولتش لك ان الياباني هو كمان بعد بكره عنده رفع فايدة ل 1.25% ودا كوم وكل الجماعة دول كوم، الياباني دا أهم واحد فيهم
*️⃣ اليابان هي مقرض الكوكب، اليابان عندها حوالي $11–12 تريليون أصول خارجية، وصافي أصولها على العالم حوالي $3.5 تريليون، وفي نفس الوقت الاقتراض العالمي بالين وصل لحوالي $2.34 تريليون... هي كانت اخر 30 سنة مصدر للسيولة الرخيصة، الناس تستلف ين ياباني ببلاش وتروح تدخله في الدول هوت ماني... فلما اليابان ترفع الفايدة كده مبقاش في فلوس رخيصة بالعالم...
*️⃣ اليابان سنة 1999 خلت الفايدة عندها 0% أيوا صفرررر... وسنة 2016 خلتها سالب 0.1% يعني تروح تدي ليكن مليار ين للمركزي الياباني، بعد سنة يرجعهم لك 999 مليون ين وانتا فلوسك قلت مليون ين 😁 ربا عكسي البنك هو اللي بياخد منك فوايد مش العكس 😂... لكن آخر سنتين الياباني اضطر يطلع فوق الصفر ووصل 1%
*️⃣ المهم يعني الكوكب داخل معجنة فايدة تاني والشرارة لما كيفين وارش يطلع النهاردة بالليل يقولك زودنا، كله هيبدأ ضرب ضرب.
*️⃣ وقبل ما تقولي أنا مش بتعامل مع بنوك ومش فارقه هقولك إنتا عايش في الكوكب معانا... هي الشركة اللي انتا شغال فيها مش عليها قروض؟ ايه دا انتا صاحب الشركة خلاص قولي كل عملاءك مش بيتعاملوا بقروض ولا تقسيط فمش هيتأثروا؟ طيب بلاش أنتا وكل عملاءك وعملاءهم كلكم مش شغالين في قسط ولا فوايد ولا قروض... طيب مصر؟ تسمع عن مصر؛
*️⃣ مصر كل أسبوع بتطلب متنوع في أذون 3 شهور و 6 شهور و 9 شهور و 12 شهر و 2 و 3 و 5 سنين... عارف من بداية السنة 2026 مجموع دا كام؟ مبلغ 8.64 ترليون جنية... يعني 8630 مليار جنية... طبعاً بعضها زي ما وضحت 3 و6 شهور فممكن استلف فلوس في يناير واسددها أبريل واستلفها تاني واسددها يوليو واستلفها تاني فممكن نفس المبلغ يظهر كذا مرة... لكن لو عملت توزيع نسبي للمدد عالزمن يبقى كإننا استلفنا 5.7 ترليون جنية... يعني متوسط يومي 22 مليار جنية... السنة بتعمل 8.15 ترليون جنية فعلياً فلوووو زادت الفايدة 1.5% دي تسمع على طول 122 مليار جنية تكلفة زيادة عالدولة والرقم دا تقريباً دعم رغيف العيش ل 66 مليون مصري لمدة سنة. فهيأثر عليك.. الضرائب
*️⃣ والمشكلة إن عناد ترامبو خلى الموضوع صعب عالكوكب كله؛ البترول خلاص استقر فوق ال 100 دولار والأزمة بتاعة التكرير عمالة تزيد وقبل كام أسبوع وصل هامش تكرير السولار Diesel Crack Spread اللي هو عندنا بترول هناخد عليه كام عشان نديك برميل سولار... الرقم دا كان وصل 111 دولار.. أيوا يعني هامش التكرير بقى أغلى من سعر البترول نفسه... والأسبوع دا سعر السولار في أمريكا كسر السقف و ال 6 دولار للجالون لأول مرة في تاريخ أمريكا.
*️⃣ والبترول وضعه لطيف بالنسبة للغاز المسال اللي وصل لأعلى مستوياته من سنتين والمليون وحدة حرارية MMBtu بقت 27 و 28 دولار وبنجلاديش اشترت الغاز المسال ب 30 دولار تقريباً... إنتا مش فاهم ايه المشكلة صح.
*️⃣ وزارة الكهرباء في مصر بتشتري الغاز ب 4 دولار من البترول لل MMBtu وزارة البترول بقى بتجيبه منين... شوية حصتنا ودي أقل من 2 مليار قدم... وفي بتاع 1.6 مليار قدم تقريباً حصة الشريك الأجنبي بنديله 6-7 دولار... وولاد الغم بناخد منهم 1.25 مليار ب 9 دولار تقريباً وبنستورد الباقي مسال من أبو 30 دولار دا.... ضرب دول في بعض في الخلاط تلاقي في الصيف "زي دلوقتي" استهلاك المسال عالي فمتوسط التكلفة 11 دولار... وفي الشتاء لما ييجي يقل شوية الاستهلاك فيقل اعتمادنا عالمسال الغالي قوي دا فالمتوسط ينزل ل 9 دولار مثلاً.. للتذكير وزارة الكهرباء بتاخد الغاز دا ب 4 دولار وقاعدة تذل فينا وتقولك الكهرباء مدعومة... أومال لو أخدت الغاز بالسعر الحقيقي... وقتها هتبقى قصة +21.
*️⃣ لو عاوز تترجم دا ل فلوس فالغاز المسال اللي احنا من سنتين مكناش نسمع عنه ولا عن سفن فك الأسالة دي؛ البنك اللي ظهر فجأة في 2024 دا بقى يكلفنا حالياً "في الصيف" شهري 2 مليار دولار... ولإن الخوازيق لا تأتي فراداً فما شاء الله اللهم لا حسد وزارة البترول بتعمل عزف منفرد في الإنهيار؛ يناير كان انتاج مصر 3.93 مليار قدم وفي أغسطس بقى 3.61 مليار قدم يعني انتاجنا تراجع 10% في 8 شهور.
*️⃣ ولإنه هيطلع اللي يقولك إزاي دا الوزارة كل يومين تقولك اكتشاف حقل وعمل مش عارف ايه... كل دا لا يكفي لصد التراجع... يعني مثلاً مثلاً التراجع في الحقول ليكن 500 مليون هما اكتشفوا وشغلوا حاجات جديدة ب 150 مليون فكده التراجع بقى 350 مليون فيطلعوا في الجرايد يقولك إنجاز لقطاع البترول شغلنا حاجات جديدة ب 150 مليون وإنتا تصدق وهو يصدق ونضحك كلنا. *️⃣ في العام المالي 25/26 مصر استهلكت 186 شحنة غاز مسال... قولنا إحنا شغلنا حقول جديدة واتفقنا مع ولاد الغم يزودوا الضخ... فالنتيجة العام الحالي 26/27 الوزارة تستهدف استيراد 230 شحنة يعني 23% زيادة في المسال.
*️⃣ طيب يا عم بن سامي تقصد خربت والدولار هيبقى ب عشروميت جنية وو... أنا قولت كده؟ خالص أنا لازلت بقول انتا مستقر بس الاستقرار الحالي مكلف قوي؛ فلو ربنا مكرمش والحرب خلصت والبترول نزل والغاز نزل والقناة رجعت تشتغل وأوضاع المصريين في الخليج مبقتش أحسن عشان بيصرفوا علينا ... فهتشوف شوية إجراءات مؤلمة من الشهر القادم زي 2-3 جنية كمان في البنزين.
---------------------
⬅️⬅️⬅️⬅️ الملخص للي نفسه قصير
*️⃣ احتمال فوق 90% أمريكا ترفع الفائدة النهاردة ودا هيجبر مصر ترفع الفائدة ما بين 1% إلى 1.5% يوم 24 سبتمبر دا لو معملناش اجتماع قبلها.
*️⃣ مصر بتستلف يومي 22 مليار جنية فعلياً فرفع الفائدة هيكلف الدولة ما بين 80-120 مليار جنية سنوي زيادة فوائد وهيزود تكلفة التقسيط عالمواطين والاقتراض عالشركات.
*️⃣ سعر البترول شارخ في السماء والمشكلة السعر الإجمالي بعد إضافة التكرير بيوصل لمستويات خزعبلية فمثلاً السولار بتوصل التكرير "هامش الربح للمصافي" لأكثر من 100 دولار ودا خلى السولار في أمريكا يتجاوز 6 دولار للجالون.
*️⃣ سعر الغاز الطبيعي حالياً هو الأغلى من سنتين ومرشح للزيادة ودا هيضغط على مصر اللي بتستورد غاز مسال.
*️⃣ ارتفاع سعر الغاز المسال هيزود متوسط تكلفة الغاز عالدولة ل 10-11 دولار بينما وزارة الكهرباء بتشتريه ب 4 دولار.
*️⃣ لا يعني أي مما سبق إن في قلق وهننهار بس يعني ان تكلفة الاستقرار بقت عالية... ومحدش يقعد يقولي الدولار هيجيب كذا... متفكرش غير لما تشوف ال 55 بتتكسر غير كده دي حركة مؤقته وهنطلع وننزل. وبالمناسبة 1 جنية زيادة في الدولار يعني 2% زيادة مهواش رقم ضخم احنا كنا بنشوف بال 100% زيادة فليه ركبنا تخبط 2 و 3 و 5% عييب.
بوست طويل لكن طبقاً لنصيحة دكتور عمر الشنيطي ان بوستاتي لازم يكون فيها ملخص، فاللي مفرهد يروح آخر البوست هيلاقي كلمتين الخلاصة.
*️⃣ النهاردة اجتماع الفيدرالي لتحديد الفائدة في أمريكا ويعتبر لكوكب الأرض، وبسبب عبقرية ترامبو فخلاص الأسواق بقت متوقعة هيحصل النهاردة رفع فائدة بنسبة 0.25% والتوقع نسبته بقت تفوق 90% ومحصلش آخر 30 سنة ان التوقعات وصلت للمستويات دي ومتحققتش، بس كل شيء وارد.
*️⃣ لما أمريكا ترفع الفايدة فالبنوك المركزية المربوطة بالدولار زي البنوك الخليجية هي كمان بعد دقايق هتطلع قرار برفع برضك 0.25% مماثل، وعندنا المركزي الأوروبي رفع الأسبوع الماضي هو كمان 0.25% ومبقاش فاضل غير العاق بنك انجلترا اللي ثبت الفايدة يوم 31 اغسطس وعنده بكره اجتماع وغالبا هيخالف الركب العالمي ويثبت الفايدة لكن التوقعات انه هيرفع 4 مرات بحلول منتصف 2027 يعني هو متأخر بس.
*️⃣ نروح للبنك المركزي المصري اللي عنده اجتماع يوم 24 سبتمبر، ولو الأمريكي رفع وعشان نفضل حلوين للهوت ماني فلازم نرفع الفايدة مع الاختلاف، ال 0.25% في الكوكب دي تساوي عندنا رفع 1% إلى 1.5%... مهو غلاء الاسعار في كله حتى سعر الفايدة، وللمتابعة بس الفايدة حالياً الفيدرالي 3.75% وانجلترا 3.75% والاوروبي 2.5% والياباني 1.0%... ايه دا هو أنا مقولتش لك ان الياباني هو كمان بعد بكره عنده رفع فايدة ل 1.25% ودا كوم وكل الجماعة دول كوم، الياباني دا أهم واحد فيهم
*️⃣ اليابان هي مقرض الكوكب، اليابان عندها حوالي $11–12 تريليون أصول خارجية، وصافي أصولها على العالم حوالي $3.5 تريليون، وفي نفس الوقت الاقتراض العالمي بالين وصل لحوالي $2.34 تريليون... هي كانت اخر 30 سنة مصدر للسيولة الرخيصة، الناس تستلف ين ياباني ببلاش وتروح تدخله في الدول هوت ماني... فلما اليابان ترفع الفايدة كده مبقاش في فلوس رخيصة بالعالم...
*️⃣ اليابان سنة 1999 خلت الفايدة عندها 0% أيوا صفرررر... وسنة 2016 خلتها سالب 0.1% يعني تروح تدي ليكن مليار ين للمركزي الياباني، بعد سنة يرجعهم لك 999 مليون ين وانتا فلوسك قلت مليون ين 😁 ربا عكسي البنك هو اللي بياخد منك فوايد مش العكس 😂... لكن آخر سنتين الياباني اضطر يطلع فوق الصفر ووصل 1%
*️⃣ المهم يعني الكوكب داخل معجنة فايدة تاني والشرارة لما كيفين وارش يطلع النهاردة بالليل يقولك زودنا، كله هيبدأ ضرب ضرب.
*️⃣ وقبل ما تقولي أنا مش بتعامل مع بنوك ومش فارقه هقولك إنتا عايش في الكوكب معانا... هي الشركة اللي انتا شغال فيها مش عليها قروض؟ ايه دا انتا صاحب الشركة خلاص قولي كل عملاءك مش بيتعاملوا بقروض ولا تقسيط فمش هيتأثروا؟ طيب بلاش أنتا وكل عملاءك وعملاءهم كلكم مش شغالين في قسط ولا فوايد ولا قروض... طيب مصر؟ تسمع عن مصر؛
*️⃣ مصر كل أسبوع بتطلب متنوع في أذون 3 شهور و 6 شهور و 9 شهور و 12 شهر و 2 و 3 و 5 سنين... عارف من بداية السنة 2026 مجموع دا كام؟ مبلغ 8.64 ترليون جنية... يعني 8630 مليار جنية... طبعاً بعضها زي ما وضحت 3 و6 شهور فممكن استلف فلوس في يناير واسددها أبريل واستلفها تاني واسددها يوليو واستلفها تاني فممكن نفس المبلغ يظهر كذا مرة... لكن لو عملت توزيع نسبي للمدد عالزمن يبقى كإننا استلفنا 5.7 ترليون جنية... يعني متوسط يومي 22 مليار جنية... السنة بتعمل 8.15 ترليون جنية فعلياً فلوووو زادت الفايدة 1.5% دي تسمع على طول 122 مليار جنية تكلفة زيادة عالدولة والرقم دا تقريباً دعم رغيف العيش ل 66 مليون مصري لمدة سنة. فهيأثر عليك.. الضرائب
*️⃣ والمشكلة إن عناد ترامبو خلى الموضوع صعب عالكوكب كله؛ البترول خلاص استقر فوق ال 100 دولار والأزمة بتاعة التكرير عمالة تزيد وقبل كام أسبوع وصل هامش تكرير السولار Diesel Crack Spread اللي هو عندنا بترول هناخد عليه كام عشان نديك برميل سولار... الرقم دا كان وصل 111 دولار.. أيوا يعني هامش التكرير بقى أغلى من سعر البترول نفسه... والأسبوع دا سعر السولار في أمريكا كسر السقف و ال 6 دولار للجالون لأول مرة في تاريخ أمريكا.
*️⃣ والبترول وضعه لطيف بالنسبة للغاز المسال اللي وصل لأعلى مستوياته من سنتين والمليون وحدة حرارية MMBtu بقت 27 و 28 دولار وبنجلاديش اشترت الغاز المسال ب 30 دولار تقريباً... إنتا مش فاهم ايه المشكلة صح.
*️⃣ وزارة الكهرباء في مصر بتشتري الغاز ب 4 دولار من البترول لل MMBtu وزارة البترول بقى بتجيبه منين... شوية حصتنا ودي أقل من 2 مليار قدم... وفي بتاع 1.6 مليار قدم تقريباً حصة الشريك الأجنبي بنديله 6-7 دولار... وولاد الغم بناخد منهم 1.25 مليار ب 9 دولار تقريباً وبنستورد الباقي مسال من أبو 30 دولار دا.... ضرب دول في بعض في الخلاط تلاقي في الصيف "زي دلوقتي" استهلاك المسال عالي فمتوسط التكلفة 11 دولار... وفي الشتاء لما ييجي يقل شوية الاستهلاك فيقل اعتمادنا عالمسال الغالي قوي دا فالمتوسط ينزل ل 9 دولار مثلاً.. للتذكير وزارة الكهرباء بتاخد الغاز دا ب 4 دولار وقاعدة تذل فينا وتقولك الكهرباء مدعومة... أومال لو أخدت الغاز بالسعر الحقيقي... وقتها هتبقى قصة +21.
*️⃣ لو عاوز تترجم دا ل فلوس فالغاز المسال اللي احنا من سنتين مكناش نسمع عنه ولا عن سفن فك الأسالة دي؛ البنك اللي ظهر فجأة في 2024 دا بقى يكلفنا حالياً "في الصيف" شهري 2 مليار دولار... ولإن الخوازيق لا تأتي فراداً فما شاء الله اللهم لا حسد وزارة البترول بتعمل عزف منفرد في الإنهيار؛ يناير كان انتاج مصر 3.93 مليار قدم وفي أغسطس بقى 3.61 مليار قدم يعني انتاجنا تراجع 10% في 8 شهور.
*️⃣ ولإنه هيطلع اللي يقولك إزاي دا الوزارة كل يومين تقولك اكتشاف حقل وعمل مش عارف ايه... كل دا لا يكفي لصد التراجع... يعني مثلاً مثلاً التراجع في الحقول ليكن 500 مليون هما اكتشفوا وشغلوا حاجات جديدة ب 150 مليون فكده التراجع بقى 350 مليون فيطلعوا في الجرايد يقولك إنجاز لقطاع البترول شغلنا حاجات جديدة ب 150 مليون وإنتا تصدق وهو يصدق ونضحك كلنا. *️⃣ في العام المالي 25/26 مصر استهلكت 186 شحنة غاز مسال... قولنا إحنا شغلنا حقول جديدة واتفقنا مع ولاد الغم يزودوا الضخ... فالنتيجة العام الحالي 26/27 الوزارة تستهدف استيراد 230 شحنة يعني 23% زيادة في المسال.
*️⃣ طيب يا عم بن سامي تقصد خربت والدولار هيبقى ب عشروميت جنية وو... أنا قولت كده؟ خالص أنا لازلت بقول انتا مستقر بس الاستقرار الحالي مكلف قوي؛ فلو ربنا مكرمش والحرب خلصت والبترول نزل والغاز نزل والقناة رجعت تشتغل وأوضاع المصريين في الخليج مبقتش أحسن عشان بيصرفوا علينا ... فهتشوف شوية إجراءات مؤلمة من الشهر القادم زي 2-3 جنية كمان في البنزين.
---------------------
⬅️⬅️⬅️⬅️ الملخص للي نفسه قصير
*️⃣ احتمال فوق 90% أمريكا ترفع الفائدة النهاردة ودا هيجبر مصر ترفع الفائدة ما بين 1% إلى 1.5% يوم 24 سبتمبر دا لو معملناش اجتماع قبلها.
*️⃣ مصر بتستلف يومي 22 مليار جنية فعلياً فرفع الفائدة هيكلف الدولة ما بين 80-120 مليار جنية سنوي زيادة فوائد وهيزود تكلفة التقسيط عالمواطين والاقتراض عالشركات.
*️⃣ سعر البترول شارخ في السماء والمشكلة السعر الإجمالي بعد إضافة التكرير بيوصل لمستويات خزعبلية فمثلاً السولار بتوصل التكرير "هامش الربح للمصافي" لأكثر من 100 دولار ودا خلى السولار في أمريكا يتجاوز 6 دولار للجالون.
*️⃣ سعر الغاز الطبيعي حالياً هو الأغلى من سنتين ومرشح للزيادة ودا هيضغط على مصر اللي بتستورد غاز مسال.
*️⃣ ارتفاع سعر الغاز المسال هيزود متوسط تكلفة الغاز عالدولة ل 10-11 دولار بينما وزارة الكهرباء بتشتريه ب 4 دولار.
*️⃣ لا يعني أي مما سبق إن في قلق وهننهار بس يعني ان تكلفة الاستقرار بقت عالية... ومحدش يقعد يقولي الدولار هيجيب كذا... متفكرش غير لما تشوف ال 55 بتتكسر غير كده دي حركة مؤقته وهنطلع وننزل. وبالمناسبة 1 جنية زيادة في الدولار يعني 2% زيادة مهواش رقم ضخم احنا كنا بنشوف بال 100% زيادة فليه ركبنا تخبط 2 و 3 و 5% عييب.
❤135👍87😢15👏3
للتذكير، أنا من شهور بقول مش متوقع رفع فائدة غير نهاية السنة عشان الانتخابات وترامب يخف علي كيفين وراش
*️⃣ بس لسبب ما الاسواق مصرة ان الارتفاع دلوقتي، أتمني ميحصلش أي ارتفاع دلوقتي
*️⃣ اصل بعيد عن الامنيات، تكلفة اعادة تمويل الديون الامريكية هتزيد بشكل صعب قوي، هما يولعوا بجاز بس المشكلة هيولعوا في الكوكب كله معاهم... فهما يثبتوا واحنا نثبت.
*️⃣ عالعموم ساعات ونعرف يا ترى توقعات السوق هتنتصر ولا أمنية بن سامي 😂
⬅️⬅️⬅️ اه للي بيسأل، زيادة الفايدة خبر وحش للذهب، التثبيت حلو، الخفض مستقبلا حلو قوي للذهب.
*️⃣ تخيل كده تكون الاسواق متوقعه الرفع علنا بس من تحت لتحت اشتروا ذهب وواخدين السوق Short فهوبا يعملوا سبوبة... هي حركات عالم ثالث بس أمريكا بقت منافس قوي لينا هي ومؤسساتها
*️⃣ بس لسبب ما الاسواق مصرة ان الارتفاع دلوقتي، أتمني ميحصلش أي ارتفاع دلوقتي
*️⃣ اصل بعيد عن الامنيات، تكلفة اعادة تمويل الديون الامريكية هتزيد بشكل صعب قوي، هما يولعوا بجاز بس المشكلة هيولعوا في الكوكب كله معاهم... فهما يثبتوا واحنا نثبت.
*️⃣ عالعموم ساعات ونعرف يا ترى توقعات السوق هتنتصر ولا أمنية بن سامي 😂
⬅️⬅️⬅️ اه للي بيسأل، زيادة الفايدة خبر وحش للذهب، التثبيت حلو، الخفض مستقبلا حلو قوي للذهب.
*️⃣ تخيل كده تكون الاسواق متوقعه الرفع علنا بس من تحت لتحت اشتروا ذهب وواخدين السوق Short فهوبا يعملوا سبوبة... هي حركات عالم ثالث بس أمريكا بقت منافس قوي لينا هي ومؤسساتها
👍84❤26😁14