النهاردة في 2 اختبار للقطاع المصرفي والمالي المصري
1️⃣ النهاردة الخميس يعني الأجانب أجازة جمعة وسبت وأحد مفيش خروج هوت ماني فيا ترى يا هل ترى هيحصل خروج مليار دولار ولا ايه؟ الأجانب بعد النهاردة هيقعدوا 3 أيام يتفرجوا وعارفين أن أمريكا بتحب تعمل أكشن سبت وأحد وبورصتها قافله.
2️⃣ النهاردة المركزي طالب أذون خزانة 40 مليار آجل 6 شهور و 55 مليار آجل سنة؛ الأسبوع الماضي كانت الفائدة المقبولة 23.84% و 22.78% بالترتيب ووقتها كان عاوز 40 مليار و 50 مليار وأخد بالفائدة دي 40 مليار و 80 مليار... يعني المطلوب وبزيادة... دلوقتي التحدي بقى البنوك والهوت ماني هيطلب منه كام فائدة؟ هيقدر يغطي المطلوب بفايدة كام ولا هياخد أقل من المطلوب؟
خلينا نشوف
1️⃣ النهاردة الخميس يعني الأجانب أجازة جمعة وسبت وأحد مفيش خروج هوت ماني فيا ترى يا هل ترى هيحصل خروج مليار دولار ولا ايه؟ الأجانب بعد النهاردة هيقعدوا 3 أيام يتفرجوا وعارفين أن أمريكا بتحب تعمل أكشن سبت وأحد وبورصتها قافله.
2️⃣ النهاردة المركزي طالب أذون خزانة 40 مليار آجل 6 شهور و 55 مليار آجل سنة؛ الأسبوع الماضي كانت الفائدة المقبولة 23.84% و 22.78% بالترتيب ووقتها كان عاوز 40 مليار و 50 مليار وأخد بالفائدة دي 40 مليار و 80 مليار... يعني المطلوب وبزيادة... دلوقتي التحدي بقى البنوك والهوت ماني هيطلب منه كام فائدة؟ هيقدر يغطي المطلوب بفايدة كام ولا هياخد أقل من المطلوب؟
خلينا نشوف
❤76👍47👌13🤔11👏4😱4
مجرد دردشة لغاية ما أخلص تصوير فيديو توقعات الوضع الاقتصادي والاجراءات الاقتصادية القادمة قريباً 😭😭 والبنزين 😢😢
فيديو بيناقش فكرة هل من مصلحتنا ومصلحة الخليج هزيمة ايران وتغيير نظام الحكم لآخر غير معادي للغرب ولا دا هيكون بيطبق مقولة
Be Careful What You Wish For
https://youtu.be/nNMj4oXLD9o
فيديو بيناقش فكرة هل من مصلحتنا ومصلحة الخليج هزيمة ايران وتغيير نظام الحكم لآخر غير معادي للغرب ولا دا هيكون بيطبق مقولة
Be Careful What You Wish For
https://youtu.be/nNMj4oXLD9o
YouTube
BnSamy | هل من مصلحة مصر والخليج هزيمة إيران وتكوين دولة غير معادية للغرب؟ دردشة من حكاوي بن سامي
هل من مصلحة الخليج ومصر هزيمة إيران وإنشاء نظام آخر محايد للغرب وإسرائيل؟ إيران تمتلك ثاني أكبر احتياطي غاز طبيعي وثالث أكبر احتياطي نفط ومن أكبر 10 دول في احتياطيات النحاس والحديد والليثيوم والزنك والرصاص والألومنيوم... دولة غير معادية للغرب يعني رفع العقوبات…
👍39❤25🙏17
من شوية نشرت فيديو دمجت فيه أخبار الأسبوع الماضي ومعاه توقعات الأسبوع القادم وكذلك الإجراءات الاقتصادية القادمة في حال استمرار الحرب بداية من رفع سعر البنزين 2-3 جنية واحتمال رفع الكهرباء وغيرهم وكمان قولت ليه زي ارتفاع سعر البترول 50% مقابل الجنية لكن برضك في تحديات قصاد الدولة وهي السيطرة على التضخم
*️⃣ ومنستش الذهب برضك وشرحت ليه عمل تصحيح ومش قادر يطلع زي ما كان متوقع من الجميع إنه هيطير ونشوف 6 الاف والجو دا
*️⃣ ومعاهم توقعات حركة الدولار الأسبوع القادم وأسباب التوقعات دي
وميكس أخبار كده
*️⃣ هتلاقوا تحت الفيديو أنا مقسمه أجزاء عشان أسهل عالناس اللي بتحتب تختصر
*️⃣ الناس اللي هتقولي أحنا بنحب الكتابة؛ عارف وانا أهو شارح لك معظم اللي في الفيديو شوفت بقى...
https://youtu.be/N6RRn11m17Q
*️⃣ ومنستش الذهب برضك وشرحت ليه عمل تصحيح ومش قادر يطلع زي ما كان متوقع من الجميع إنه هيطير ونشوف 6 الاف والجو دا
*️⃣ ومعاهم توقعات حركة الدولار الأسبوع القادم وأسباب التوقعات دي
وميكس أخبار كده
*️⃣ هتلاقوا تحت الفيديو أنا مقسمه أجزاء عشان أسهل عالناس اللي بتحتب تختصر
*️⃣ الناس اللي هتقولي أحنا بنحب الكتابة؛ عارف وانا أهو شارح لك معظم اللي في الفيديو شوفت بقى...
https://youtu.be/N6RRn11m17Q
2👍74❤60❤🔥11😁7🤗2🔥1👌1
بعد ما كسرنا الـ52 وده كان السقف اللي كنت بقول إنه آخرنا، فخلاص كده كل شيء دلوقتي متاح؛ السقف اتكسر ومعانا الطريق مفتوح بقى نجيب 55. الله أعلم، بس تعالوا نرص مع بعض الوضع الاقتصادي الحالي.
1️⃣ بالنسبة للبترول، عندنا برميل البترول كان من شهر بـ68 دولار والدولار بـ47 يعني فعليًا البرميل بـ3200 جنيه، والنهاردة بقى 93 دولار والدولار بـ52 جنيه أي 4840 جنيه تقريبًا بزيادة تفوق الـ50%... وزير المالية كان قال إننا متحوطين ضد ارتفاع الأسعار لـ50% من استهلاكنا، يعني ممكن مجازًا نقول في زيادة تكلفة 25%. وده يخلينا ننتظر قرار مؤلم بزيادة قد تصل إلى 3 جنيه في البنزين... يا ترى بقى هتم قريب ولا هيستنوا ثالث يوم العيد؛ الله أعلم.
*️⃣ مصر يوميًا بتستهلك 850 ألف برميل وإنتاجنا 510 ألف برميل وهو الرقم الأقل من 40 سنة. لو قولنا نصفه للشريك الأجنبي يبقى هو 255 ألف وإحنا 255 ألف ونستورد الباقي... يعني فعليًا كده ثلثي استهلاكنا بنحاسب عليه بالسعر العالمي؛ فالسعر العالمي مؤثر علينا وبشدة لأننا بنحاسب على ثلثي الاستهلاك عليه. ولا ننسى إن المضيق بيعدي فيه 20% من بترول الكوكب فدي مأساة؛ السعودية هتقدر تعدي شوية من إنتاجها للعالم بواسطة خط شرق غرب، والهند قالت هتستلم من ينبع عادي... الشيء الكويس إن لسه ما حصلش عجز عالمي؛ فعندك المستهلك الكبير الصين اللي بتستورد يوميًا 10 مليون برميل عندها مخزون 900 مليون برميل؛ فحتى رغم فقدانها لـ5 مليون برميل من الخليج/إيران ففي 900 مليون طوارئ يسحبوا منهم. وبالمناسبة الصين أعلنت إنها هتزود سعة المخزون وهتشيل بعد كده رقم يفوق المليار برميل للطوارئ (إنتاج كوكب الأرض 100 مليون برميل يوميًا).
2️⃣ لما نروح للغاز فالمعضلة صعبة؛ مصر إنتاجها انخفض لـ4 مليار قدم بل تحت الـ4 مليار قدم؛ واستهلاكنا حوالي 5.5 مليار قدم بالشتاء وفي الصيف بنوصل لـ6.5 مليار قدم... كنا بناخد من الـ... مليار ونزق الباقي بسفن فك الإسالة... المضيق قفل والعالم فقد 20% من الغاز المسال فمحدش لاقيه... مصر كانت بتشتري الغاز بتاع العدو بـ8 دولار للمليون وحدة حرارية mmBtu وده أوفر من شرائه بـ12 دولار غاز مسال؛ المهم دلوقتي محدش لاقي غاز، والأخبار بتقول الهند وبنجلاديش اشتروا شحنات غاز بـ20 و23 و28 دولار فدي قفزة خزعبلية... الخبر السار الوحيد إن قناة العربية ذكرت قبل ساعات إن حقل تمار بدأ التشغيل التجريبي فيه وهيرجعوا ضخ الغاز لينا خلال أيام...
3️⃣ من الغاز نروح للكهرباء اللي بقت كده مدعومة وبشدة وخاصة إن الدولة قررت تثبت الأسعار من أجل مكافحة التضخم؛ وزارة الكهرباء تقريبًا بتشتري الغاز من البترول بـ6 دولار (الغاز اللي بقى بـ20 و28 ده) فتخيلوا حجم العجز بقى؛ وربنا يستر وما يحصلش زيادة كهرباء.
4️⃣ نروح بقى للدولار، وشهدنا الأسبوع الماضي خروج 2.2 مليار دولار وزيادة سعر الصرف 2.2 جنيه؛ النهاردة فجأة البنوك زودت 2 جنيه دفعة واحدة في أكبر تغير يومي في سعر الصرف؛ فإحنا أمام 2 سيناريو: الأول هو تحوط احترازي لغاية ما يشوفوا بكرة هيحصل إيه، والسيناريو الثاني هو داتا عند المركزي إن في صناديق ومؤسسات هتبيع بكرة... نتمنى الخيار الأول لكن الثاني يبدو الأقرب خاصة إن النهاردة ولأول مرة يوم الأحد مؤسسات أجنبية تخش تبيع أذون وسندات الخزينة؛ وباعوا 10.6 مليار جنيه واشتروا صفررر وده برضه غير معتاد؛ تحسه كده حد كان حاطط Stop Loss تساوي 52 وضربت معاه فباع.
⬅️ دي المعطيات اللي معانا حاليًا، واللي حابب يحط الطرف الثاني فهو وجود احتياطي عند المركزي يساوي 52.7 مليار دولار ومعانا 17.5 مليار دولار أرصدة غير مضافة للاحتياطي حسب آخر تقرير في يناير، يعني معانا 70 مليار دولار عند المركزي بخلاف اللي عند البنوك؛ يعني فعليًا مفيش أزمة من خروج 2 ولا 3 ولا 5 ولا حتى 10 مليار... الخوف بس من تأثير الدومينو يعني الخروج يجيب خروج + الصعود يجيب توقف من المصريين عن بيع الدولار، فكده بيزيد الصرف "التدبير للأجانب" ويقل الإيراد "التغيير من المصريين"، لكن القلق حاليًا مش المواطن بل من المؤسسات الأجنبية اللي تحت إيديها رقم مجهول. لو شلنا اللي مربوط باتفاقيات الريبو ممكن نشوف لسه 30+ مليار دولار هوت ماني صريح.
*️⃣ دي المعطيات حتى لحظتنا الحالية، وخلينا نشوف الدنيا هتمشي إيه بكرة. وكل ما سبق هو الفيديو اللي نزلته إمبارح لكن في تحديث وهو كسر ال 52 ودي اللي إمبارح كنت بقول مش هتحصل الأسبوع دا... اللي عاوز يشوف الفيديو هحط الرابط في التعليقات
⬅️⬅️ تحديث:
*️⃣ اللي عاوز يشتري حاجة ينزل يشتريها دلوقتي؛ دبي واقفة ودي مصدر اساسي؛ والشحن من الصين زادت مدته عشان راس الرجاء الصالح؛ والتأمين البحري زاد؛ أسعار كل البضايع هتزيد فاللي ضروري عاوز حاجة ومأجل يبطل كسل ويفطر وينزل يشتريها.
*️⃣ في رأيي الشخصي لو الحرب وقفت بكره؛ هناخد شهرين او 3 عشان نرجع لل 47 دي تاني.
1️⃣ بالنسبة للبترول، عندنا برميل البترول كان من شهر بـ68 دولار والدولار بـ47 يعني فعليًا البرميل بـ3200 جنيه، والنهاردة بقى 93 دولار والدولار بـ52 جنيه أي 4840 جنيه تقريبًا بزيادة تفوق الـ50%... وزير المالية كان قال إننا متحوطين ضد ارتفاع الأسعار لـ50% من استهلاكنا، يعني ممكن مجازًا نقول في زيادة تكلفة 25%. وده يخلينا ننتظر قرار مؤلم بزيادة قد تصل إلى 3 جنيه في البنزين... يا ترى بقى هتم قريب ولا هيستنوا ثالث يوم العيد؛ الله أعلم.
*️⃣ مصر يوميًا بتستهلك 850 ألف برميل وإنتاجنا 510 ألف برميل وهو الرقم الأقل من 40 سنة. لو قولنا نصفه للشريك الأجنبي يبقى هو 255 ألف وإحنا 255 ألف ونستورد الباقي... يعني فعليًا كده ثلثي استهلاكنا بنحاسب عليه بالسعر العالمي؛ فالسعر العالمي مؤثر علينا وبشدة لأننا بنحاسب على ثلثي الاستهلاك عليه. ولا ننسى إن المضيق بيعدي فيه 20% من بترول الكوكب فدي مأساة؛ السعودية هتقدر تعدي شوية من إنتاجها للعالم بواسطة خط شرق غرب، والهند قالت هتستلم من ينبع عادي... الشيء الكويس إن لسه ما حصلش عجز عالمي؛ فعندك المستهلك الكبير الصين اللي بتستورد يوميًا 10 مليون برميل عندها مخزون 900 مليون برميل؛ فحتى رغم فقدانها لـ5 مليون برميل من الخليج/إيران ففي 900 مليون طوارئ يسحبوا منهم. وبالمناسبة الصين أعلنت إنها هتزود سعة المخزون وهتشيل بعد كده رقم يفوق المليار برميل للطوارئ (إنتاج كوكب الأرض 100 مليون برميل يوميًا).
2️⃣ لما نروح للغاز فالمعضلة صعبة؛ مصر إنتاجها انخفض لـ4 مليار قدم بل تحت الـ4 مليار قدم؛ واستهلاكنا حوالي 5.5 مليار قدم بالشتاء وفي الصيف بنوصل لـ6.5 مليار قدم... كنا بناخد من الـ... مليار ونزق الباقي بسفن فك الإسالة... المضيق قفل والعالم فقد 20% من الغاز المسال فمحدش لاقيه... مصر كانت بتشتري الغاز بتاع العدو بـ8 دولار للمليون وحدة حرارية mmBtu وده أوفر من شرائه بـ12 دولار غاز مسال؛ المهم دلوقتي محدش لاقي غاز، والأخبار بتقول الهند وبنجلاديش اشتروا شحنات غاز بـ20 و23 و28 دولار فدي قفزة خزعبلية... الخبر السار الوحيد إن قناة العربية ذكرت قبل ساعات إن حقل تمار بدأ التشغيل التجريبي فيه وهيرجعوا ضخ الغاز لينا خلال أيام...
3️⃣ من الغاز نروح للكهرباء اللي بقت كده مدعومة وبشدة وخاصة إن الدولة قررت تثبت الأسعار من أجل مكافحة التضخم؛ وزارة الكهرباء تقريبًا بتشتري الغاز من البترول بـ6 دولار (الغاز اللي بقى بـ20 و28 ده) فتخيلوا حجم العجز بقى؛ وربنا يستر وما يحصلش زيادة كهرباء.
4️⃣ نروح بقى للدولار، وشهدنا الأسبوع الماضي خروج 2.2 مليار دولار وزيادة سعر الصرف 2.2 جنيه؛ النهاردة فجأة البنوك زودت 2 جنيه دفعة واحدة في أكبر تغير يومي في سعر الصرف؛ فإحنا أمام 2 سيناريو: الأول هو تحوط احترازي لغاية ما يشوفوا بكرة هيحصل إيه، والسيناريو الثاني هو داتا عند المركزي إن في صناديق ومؤسسات هتبيع بكرة... نتمنى الخيار الأول لكن الثاني يبدو الأقرب خاصة إن النهاردة ولأول مرة يوم الأحد مؤسسات أجنبية تخش تبيع أذون وسندات الخزينة؛ وباعوا 10.6 مليار جنيه واشتروا صفررر وده برضه غير معتاد؛ تحسه كده حد كان حاطط Stop Loss تساوي 52 وضربت معاه فباع.
⬅️ دي المعطيات اللي معانا حاليًا، واللي حابب يحط الطرف الثاني فهو وجود احتياطي عند المركزي يساوي 52.7 مليار دولار ومعانا 17.5 مليار دولار أرصدة غير مضافة للاحتياطي حسب آخر تقرير في يناير، يعني معانا 70 مليار دولار عند المركزي بخلاف اللي عند البنوك؛ يعني فعليًا مفيش أزمة من خروج 2 ولا 3 ولا 5 ولا حتى 10 مليار... الخوف بس من تأثير الدومينو يعني الخروج يجيب خروج + الصعود يجيب توقف من المصريين عن بيع الدولار، فكده بيزيد الصرف "التدبير للأجانب" ويقل الإيراد "التغيير من المصريين"، لكن القلق حاليًا مش المواطن بل من المؤسسات الأجنبية اللي تحت إيديها رقم مجهول. لو شلنا اللي مربوط باتفاقيات الريبو ممكن نشوف لسه 30+ مليار دولار هوت ماني صريح.
*️⃣ دي المعطيات حتى لحظتنا الحالية، وخلينا نشوف الدنيا هتمشي إيه بكرة. وكل ما سبق هو الفيديو اللي نزلته إمبارح لكن في تحديث وهو كسر ال 52 ودي اللي إمبارح كنت بقول مش هتحصل الأسبوع دا... اللي عاوز يشوف الفيديو هحط الرابط في التعليقات
⬅️⬅️ تحديث:
*️⃣ اللي عاوز يشتري حاجة ينزل يشتريها دلوقتي؛ دبي واقفة ودي مصدر اساسي؛ والشحن من الصين زادت مدته عشان راس الرجاء الصالح؛ والتأمين البحري زاد؛ أسعار كل البضايع هتزيد فاللي ضروري عاوز حاجة ومأجل يبطل كسل ويفطر وينزل يشتريها.
*️⃣ في رأيي الشخصي لو الحرب وقفت بكره؛ هناخد شهرين او 3 عشان نرجع لل 47 دي تاني.
3❤156👍104😢64👌7😱3🐳3🤣1
كذا حد باعت لي وحتى عاملي مينشن يقولي في بوست إمبارح السردي للوضع الاقتصادي قولت في نهايته إن دبي مقفولة والشحن البحري مدته زادت والتأمين زاد فاللي مأجل يشتري حاجة ينزل يشتريها بعد الفطار... فأنتا كده يا محمد بتدعوا الناس ينزلوا يعملوا تكالب عالسلع الأساسية ويعرضوا الأمن الغذائي للخطر.
*️⃣ لا حول ولا قوة إلا بالله... ربنا يسامح التعليم المصري واللي بتحدفه علينا... طيب سيبك من إن أكيد مش مصر كلها بتابعني وسيبك أن مش مصر كلها معاها فلوس تتكالب بيها عالشراء... وسيبك إن السلع الأساسية مش بتجي من الصين؛ لكن واخد بالك انتا بتقول ايه... السلع الأساسية.
*️⃣ هو في شيء يا اذكي من في فصيلتك منك له شيء اسمه اللي مأجل شراء لسعة أساسية؟ هي السلع الأساسية بتتأجل؟ يعني هو في حد يقول مليش نفس الشهرين دول اشتري دقيق وسكر ورز ومكرونة وزيت؟ هيعيش بالتمثيل الضوئي.
*️⃣ الشيء اللي بيتأجل هو الشيء الغير ضروري لحياة الإنسان؛ دا الشيء اللي بتقعد تقول انزل اشتريه دلوقتي؟ لا بص يوم الخميس هفطر بره هبقى بعد الفطار اشتريه... لكن الأكل هتقول هو محتاج اشتري بس فاكس بعد رمضان هبقى آكل.
*️⃣ بص تصدقوا أنا برضك غلطان؛ بوست بابلك فمفروض أراعي وجود عقليات غير بشرية معانا؛ لازم أنزل بمستوى البوست دون التفكير البشري لإن كل الناس أي كان مستوى ذكائها معاها موبايلات وتقدر تعلق وتشير وتتحسب بني آدم والمصيبة يعتبر ليها صوت انتخابي زيها زي أي دكتور جامعة... دي مصيبة.
*️⃣ لا والمشكلة انك مش بس تلاقي انهم محتفظين بغبائهم لنفسهم لا ويعملوا منشن لجهات أمنية ويبعتوا بلاغات؛ اللي هو احنا متخلفين وهنلبسك بغبائنا؛ دا انتم مفروض يتقبض عليكم عشان نحمي المجتمع؛ ويتم منعكم من الانجاب والتكاثر.
كم غباء غير طبيعي شوفته في الشير للبوست بتاع إمبارح؛ الكندوز لا يفني ولا يستحدث من بقر.
*️⃣ لا حول ولا قوة إلا بالله... ربنا يسامح التعليم المصري واللي بتحدفه علينا... طيب سيبك من إن أكيد مش مصر كلها بتابعني وسيبك أن مش مصر كلها معاها فلوس تتكالب بيها عالشراء... وسيبك إن السلع الأساسية مش بتجي من الصين؛ لكن واخد بالك انتا بتقول ايه... السلع الأساسية.
*️⃣ هو في شيء يا اذكي من في فصيلتك منك له شيء اسمه اللي مأجل شراء لسعة أساسية؟ هي السلع الأساسية بتتأجل؟ يعني هو في حد يقول مليش نفس الشهرين دول اشتري دقيق وسكر ورز ومكرونة وزيت؟ هيعيش بالتمثيل الضوئي.
*️⃣ الشيء اللي بيتأجل هو الشيء الغير ضروري لحياة الإنسان؛ دا الشيء اللي بتقعد تقول انزل اشتريه دلوقتي؟ لا بص يوم الخميس هفطر بره هبقى بعد الفطار اشتريه... لكن الأكل هتقول هو محتاج اشتري بس فاكس بعد رمضان هبقى آكل.
*️⃣ بص تصدقوا أنا برضك غلطان؛ بوست بابلك فمفروض أراعي وجود عقليات غير بشرية معانا؛ لازم أنزل بمستوى البوست دون التفكير البشري لإن كل الناس أي كان مستوى ذكائها معاها موبايلات وتقدر تعلق وتشير وتتحسب بني آدم والمصيبة يعتبر ليها صوت انتخابي زيها زي أي دكتور جامعة... دي مصيبة.
*️⃣ لا والمشكلة انك مش بس تلاقي انهم محتفظين بغبائهم لنفسهم لا ويعملوا منشن لجهات أمنية ويبعتوا بلاغات؛ اللي هو احنا متخلفين وهنلبسك بغبائنا؛ دا انتم مفروض يتقبض عليكم عشان نحمي المجتمع؛ ويتم منعكم من الانجاب والتكاثر.
كم غباء غير طبيعي شوفته في الشير للبوست بتاع إمبارح؛ الكندوز لا يفني ولا يستحدث من بقر.
2😁260🤣103👍69❤66👏7👌7😭5😱4😡4🤝3
في 14 يناير 2024 وقت الجري بتاع الدولار بالسوق السوداء ل 70 جنية قولت إن نهاية السنة هتكون أفضل إن شاء الله؛ وبعد شهرين حصل التعويم ووقتها اللي كان بيسألني كنت بقوله كان في رأيي إن سعر ال 50 جنية دا يكون Overshoot وينزل لتحت ال 45 لكن يبدو إني مكنتش لوحدي اللي شايف دا لكن المؤسسات الدولية برضك وبناء عليه قالك فرصة نضخ مليارات الدولارات بل أكثر من 20 مليار دولار دخلوا في الشهور الأولى للتعويم.
*️⃣ لما كان حد بيسألني بعدها تتوقع السنة تخلص على ايه فكنت بقول 53 جنية ثم نهاية 25 يوصل ل 57 جنية ثم نهاية 26 يوصل ل 65 جنية. وفضلت مقتنع بيها يعني دا كان جزء من رسالة بعتها لشركائي في دكان تك في يناير 2025 ( توقعاتي كما ذكرتها بالمعطيات الحالية هي نهاية 2025 ما بين 55 إلى 57 جنية... ونهاية 2026 هي ما بين 63 إلى 65 جنية) .. وكان في رأيي إن دا يحصل عشان سببين الأول يقلل هوامش الربحية الخزعبلية للهوت ماني وبالمرة يقلل وجودهم فبناء عليه منتعرضش لهزات عنيفة في خروجهم لإن دخولهم نفسهم هادي وانتا فعلياً مقصقص منهم شوية فعلياً بدون خروج لكن سايبه بيكسب حلو وبالمناسبة مصر أكثر بلد في كوكب الأرض الهوت ماني بيكسب منها ك نسبة عالدولار ومفيش غيرنا بيكسبهم 20-25% عالدولار سنوياً.
*️⃣ كمان إن فكرة الصعود الهادئ دي بتخلي الأسعار برضك متعملش صدمات سعرية؛ يعني أنتا تاجر مثلاً اشتريت بضاعتك ب 50 جنية الدولار وبعد شهرين لقيته ب 51 يعني زيادة 2% ففعلياً هتنفض وتستني تغير عند 52 وتاجر ثاني يغير أسعاره عند 51.5 وثالث عند 52.5 وهكذا يبقى في حركة صاعدة هادية؛ عكس لو نمت 50 صحيت 55 فهنا بدون تفكير هتوقف بيع وتزود الأسعار بل وقتها مش هتعيد التسعير على 55 لكن على 60 تقولك اضمن منين؛ فالصعود الهادئ يخلي حركة السعر براااحة كده.
*️⃣ الدولة كان ليها وجهة نظر تانية وهي إن الصعود الهادئ ممكن ميخليش المصريين يتخلصوا من الدولار؛ مهو عارف إنه صاعد... لازم يثبت وينزل عشان الناس تبيعه؛ وآه صعود 5% سنوي كلام فارغ بس في ناس مش بتحسبها وبتفكر إنه صاعد يبقى كسبان ومش بيبص إنه صعد 5% والتضخم 20% مثلاً وقتها فكده هو خسران... كمان الهوت ماني لازم يكسب كثير قوي وإلا مش هييجي عندنا. ولازم يخشوا ب 50 ويكسبوا وننزل لهم سعر الصرف ل 47 ويخرجوا بيها زي كان بيحصل بقالنا سنة ونص.
*️⃣ أنا مش صانع قرار وصناع القرار في مصر أدرى مني وعندهم معلومات مش عندي أكيد بس اللي كنت اقصده إننا سوق مش منظم وعشوائي؛ يعني لما تزود سعر البنزين/السولار 3 جنية مثلاً فسواق التاكسي ولا سواق النقل ميعرفش يحسبها فعلياً دي تكلفتها عليه ايه وبناء عليه مفروض الميكروباص مثلاً يزيد كام فعلياً.. فكلنا بنزود عشوائي وعشان كده مفروض تسرسب الزيادات بحيث براااحة تعدي ومياخدش باله... زيادة صغيرة قوي تعدي بدون صدمة...
*️⃣ فالصعود الحالي صدمة عشان الحرب وبناكل شوية من الهوت ماني اللي خارج لكن لو الهوت ماني قرر الخروج هيطلع بأي سعر... لكن ممكن برضك نكون بنعمل لهم اغراء ما تخشوا ب 53 وبعدين الحرب هتخلص ننزل ل 47 فتكسبوا 20% فوايد و 10% فرق سعر صرف وتبقوا كسبتوا 30% عالدولار... ممكن تكون دي الخطة...
*️⃣ عامة الدولة هتعلن حزمة قرارات وهيكون منها الحد الادني للاجور 9 الاف جنية خلال أيام يعني 7600 الصافي تقريباً... وهيكون في شوية حزم إجتماعية دعم المواطنين ومعاهم إجراءات اقتصادية عشان ناخد اللي وزعناه دا وزيادة
*️⃣ المهم اللي كنت اقصده بالبوست دا ان دايما في خيارين؛ تحب الطريق براحة واحدة واحدة ولا تحب راحة ثم ضرب ثم راحة ثم ضرب... الباكدج تاخده تدريجي متواصل ولا دفعات متقطعة.. انا مع التدريجي بس أنا مواطن بهري علي الكنبة ومعنديش الداتا اللي عند صناع القرارات.
*️⃣ لما كان حد بيسألني بعدها تتوقع السنة تخلص على ايه فكنت بقول 53 جنية ثم نهاية 25 يوصل ل 57 جنية ثم نهاية 26 يوصل ل 65 جنية. وفضلت مقتنع بيها يعني دا كان جزء من رسالة بعتها لشركائي في دكان تك في يناير 2025 ( توقعاتي كما ذكرتها بالمعطيات الحالية هي نهاية 2025 ما بين 55 إلى 57 جنية... ونهاية 2026 هي ما بين 63 إلى 65 جنية) .. وكان في رأيي إن دا يحصل عشان سببين الأول يقلل هوامش الربحية الخزعبلية للهوت ماني وبالمرة يقلل وجودهم فبناء عليه منتعرضش لهزات عنيفة في خروجهم لإن دخولهم نفسهم هادي وانتا فعلياً مقصقص منهم شوية فعلياً بدون خروج لكن سايبه بيكسب حلو وبالمناسبة مصر أكثر بلد في كوكب الأرض الهوت ماني بيكسب منها ك نسبة عالدولار ومفيش غيرنا بيكسبهم 20-25% عالدولار سنوياً.
*️⃣ كمان إن فكرة الصعود الهادئ دي بتخلي الأسعار برضك متعملش صدمات سعرية؛ يعني أنتا تاجر مثلاً اشتريت بضاعتك ب 50 جنية الدولار وبعد شهرين لقيته ب 51 يعني زيادة 2% ففعلياً هتنفض وتستني تغير عند 52 وتاجر ثاني يغير أسعاره عند 51.5 وثالث عند 52.5 وهكذا يبقى في حركة صاعدة هادية؛ عكس لو نمت 50 صحيت 55 فهنا بدون تفكير هتوقف بيع وتزود الأسعار بل وقتها مش هتعيد التسعير على 55 لكن على 60 تقولك اضمن منين؛ فالصعود الهادئ يخلي حركة السعر براااحة كده.
*️⃣ الدولة كان ليها وجهة نظر تانية وهي إن الصعود الهادئ ممكن ميخليش المصريين يتخلصوا من الدولار؛ مهو عارف إنه صاعد... لازم يثبت وينزل عشان الناس تبيعه؛ وآه صعود 5% سنوي كلام فارغ بس في ناس مش بتحسبها وبتفكر إنه صاعد يبقى كسبان ومش بيبص إنه صعد 5% والتضخم 20% مثلاً وقتها فكده هو خسران... كمان الهوت ماني لازم يكسب كثير قوي وإلا مش هييجي عندنا. ولازم يخشوا ب 50 ويكسبوا وننزل لهم سعر الصرف ل 47 ويخرجوا بيها زي كان بيحصل بقالنا سنة ونص.
*️⃣ أنا مش صانع قرار وصناع القرار في مصر أدرى مني وعندهم معلومات مش عندي أكيد بس اللي كنت اقصده إننا سوق مش منظم وعشوائي؛ يعني لما تزود سعر البنزين/السولار 3 جنية مثلاً فسواق التاكسي ولا سواق النقل ميعرفش يحسبها فعلياً دي تكلفتها عليه ايه وبناء عليه مفروض الميكروباص مثلاً يزيد كام فعلياً.. فكلنا بنزود عشوائي وعشان كده مفروض تسرسب الزيادات بحيث براااحة تعدي ومياخدش باله... زيادة صغيرة قوي تعدي بدون صدمة...
*️⃣ فالصعود الحالي صدمة عشان الحرب وبناكل شوية من الهوت ماني اللي خارج لكن لو الهوت ماني قرر الخروج هيطلع بأي سعر... لكن ممكن برضك نكون بنعمل لهم اغراء ما تخشوا ب 53 وبعدين الحرب هتخلص ننزل ل 47 فتكسبوا 20% فوايد و 10% فرق سعر صرف وتبقوا كسبتوا 30% عالدولار... ممكن تكون دي الخطة...
*️⃣ عامة الدولة هتعلن حزمة قرارات وهيكون منها الحد الادني للاجور 9 الاف جنية خلال أيام يعني 7600 الصافي تقريباً... وهيكون في شوية حزم إجتماعية دعم المواطنين ومعاهم إجراءات اقتصادية عشان ناخد اللي وزعناه دا وزيادة
*️⃣ المهم اللي كنت اقصده بالبوست دا ان دايما في خيارين؛ تحب الطريق براحة واحدة واحدة ولا تحب راحة ثم ضرب ثم راحة ثم ضرب... الباكدج تاخده تدريجي متواصل ولا دفعات متقطعة.. انا مع التدريجي بس أنا مواطن بهري علي الكنبة ومعنديش الداتا اللي عند صناع القرارات.
1❤142👍88😭9👌5👀2
كده وزير البترول ومحافظ المركزي هيروحوا محكمة عسكرية 😂 مش رفعوا اسعار سلع اساسية زي الدولار والبنزين 😁😁. طبعاً بهرج قال يعني بعملك دخله ظريفه للبوست وبعدين نتكلم جد.
*️⃣ البترول صعد بشكل صاروخي وبعدين مجموعة G7 أو السبعة الكبار طلعوا قالوا مستعدين نطلع 300 مليون برميل من مخزوناتنا عشان نعوض النقص العالمي دا؛ فدا تسبب في خفض سعر البترول (والذهب لقي فلوس فارتفع 😁). كمان ترامب قال تصريح وعكسه؛ قال أنا شايف الحرب كده كفاية؛ بس هي مكملة... فالأسواق فهمت دا على إن المفاوضات في مراحلها الأخيرة... دا تسبب إن خام برنت انخفض من 119 ل 90 دولار وللتذكير هو كان ب 67 قبل الحرب والحشد.
*️⃣ نروح لمصر بقي؛ إحنا بعد زيادة أكتوبر الماضية قولنا هنثبت السعر لمدة سنة لكن قولنا برضك إنه مدعوم؛ أنا صراحة كنت بقول يا عم دا يمكن فاضل 2 جنية وميبقاش مدعوم ما تديهم وخلاص وتخليه حر وتحركه شهري وعادة هيبقي هبوط عشان الدولار هابط.
*️⃣ المهم لما لقينا البترول قفز فكرنا في زيادة السعر بس قولنا لسه مش عارفين المعاد؛ لكن لما لقيناه بينزل قولنا يالهوي الحرب هتخلص؛ زود يا ابني 3 جنية 😁؛ أحسن تخلص الحرب ومنعرفش نزوده تاني 😂؛ المهم بعد الحرب لما تخلص ان شاء الله هننزله 1 جنية وبقي اخدنا ال 2 القدام... ملحوظة البنزين الحالي بعد زيادة ال 3 جنية لسه مدعوم؛ وافتكر دي كويس؛ وافتكر ان سعر البترول بيتأثر بسعر البرميل* سعر الدولار... فانتا بتتأثر بالمجموع يعني ممكن البترول ينزل فيروح الدولار طالع مضيع كل النزول.
*️⃣ طيب الدولار هينزل إمتي؟ لما الحرب تخلص الدولار هينزل؟ الاجابة طبعاً نهاية الحرب تعني ان الدولار نازل؛ بس مش ثاني يوم؛ الحرب لو خلصت النهاردة فمش معني دا انه هينزل 6 جنية فجأة... عادة الأسواق هتاخد لها شهر تتطمن إنه نزل وبعدها الهوت ماني يلف ويرجع؛ الطبعي ينزل 1-2 جنية شهري...
*️⃣ طيب لو الهوت ماني قالك فرصة الدولار ب 53 جنية (او 55 أو اي كان سعر نهاية الحرب) ففرصة نخش نبيعه لمصر ب 53 ونكسب من هبوطه؛ هنا بقي انتا بتعيد سيناريو التعويم تاني وهقولك يعني ايه سيناريو التعويم.
*️⃣ فاكرين لما الدولار طلع ل 70 ثم طلع خبر راس الحكمة؛ الدولار وقع ل 42 و 43 منزلش ل 31 بتاعة البنك؛ دا معناه ان 43 دي اشبه بالسعر الحقيقي اللي السوق قابلها للدولار؛ فلما عومنا عند 50 كان طبيعي ننزل بعدها تدريجي ل 45 مثلاً او اي كان الرقم تحت؛ التعويم بيعمل قفزة ثم هبوط؛ لكن دخول كميات كبيرة هوت ماني عند 51 و 50 خلانا منقدرش ننزل؛ هتروح ل 45 هيروح خارج ثاني يوم وشكراً كسبت 10% في يومين.
*️⃣ فصعود ال 6 جنية الحالي لو الحرب خلصت ومحصلش هجوم من الهوت ماني هناخد 4-6 شهور عشان ننزلهم؛ لكن لو حصل هجوم دخول هوت ماني عند 53 جنية فممكن منشوفش ال 47 دي قبل سنة او أكثر او يمكن مشوفهاش تاني خلاص؛ ويبقي الهبوط ل 50؛ يعني بدل ما مستوي الحركة 47-51 يكون مثلا وقتها الحركة 50-54 وخلاص اردم علي أرقام تحت ال 50 دي... الهوت ماني هو اللي بيحسم ويقرر لنا سعر الصرف مش الاقتصاد المصري.
*️⃣ يعني الاسعار اللي بتزيد دي هتنزل امتي؟ الاجابة 6 شهور الي سنة؛ لان الطبيعي في الاقتصاد الصعود سريع والهبوط بطيء؛ هتقولي ليه هقولك انتا بتسأل عشان مشوفتش الفيديو اللي أنا نزلته من 3 شهور بشرح الظاهرة بتاعة الهبوط البطيء ايه اسبابها الاقتصادية... شوف الفيديو يا كابتن
https://youtu.be/AQXpEaVoAMk
⬅️ ⬅️ تحديث 1 الساعة 12:10 :
*️⃣ النهاردة في وتيرة بيع أجانب وتخارج تفوق قوتها الأيام الماضية حيث خرج 400 مليون دولار حتى الآن ورغم ذلك البنوك خفضت الدولار من 52.9 إمبارح ل 51.6 ثم بدأت ارتفاع طفيف حيث ارتفع الأهلي ل 51.78 جنية... يعني منين الهوت ماني خارج وبقوة ومنين بنزله في السعر؟؟؟ هو أصلاً صعود ال 2 جنية اللي حصل يوم الأحد مكانش منطقي وكسرنا سقف ال 52 بتاعي اللي كنت بكرره وكانت قفزة مبالغ فيها لكن خلاص انتا طلعت اثبت بقى. ولا انتا عاوز متكسفش بن سامي وتنزل تحت 52 تاني.
⬅️ ⬅️ تحديث 2 الساعة 1:00 :
*️⃣ تواصل وتيرة خروج الهوت ماني عنف وحتى الآن خروج 820 مليون دولار... البنوك فاقت وأخدت بالها من خطأ الهبوط ورفعت تاني السعر والسعر الآن في الأهلي بقى 52.10 جنية
⬅️ ⬅️ تحديث 3 لنهاية اليوم
*️⃣ النهاردة صافي خروج 1.15 مليار دولار عبار عن خروج أجانب 1.21 مليار ودخول للعرب ب 70 مليون دولار شكراً إخوتنا العرب... الغريب البنوك خفضت الدولار وقفل على 52.04 جنية يعني يعتبر نزل النهاردة 80 قرش
*️⃣ البترول صعد بشكل صاروخي وبعدين مجموعة G7 أو السبعة الكبار طلعوا قالوا مستعدين نطلع 300 مليون برميل من مخزوناتنا عشان نعوض النقص العالمي دا؛ فدا تسبب في خفض سعر البترول (والذهب لقي فلوس فارتفع 😁). كمان ترامب قال تصريح وعكسه؛ قال أنا شايف الحرب كده كفاية؛ بس هي مكملة... فالأسواق فهمت دا على إن المفاوضات في مراحلها الأخيرة... دا تسبب إن خام برنت انخفض من 119 ل 90 دولار وللتذكير هو كان ب 67 قبل الحرب والحشد.
*️⃣ نروح لمصر بقي؛ إحنا بعد زيادة أكتوبر الماضية قولنا هنثبت السعر لمدة سنة لكن قولنا برضك إنه مدعوم؛ أنا صراحة كنت بقول يا عم دا يمكن فاضل 2 جنية وميبقاش مدعوم ما تديهم وخلاص وتخليه حر وتحركه شهري وعادة هيبقي هبوط عشان الدولار هابط.
*️⃣ المهم لما لقينا البترول قفز فكرنا في زيادة السعر بس قولنا لسه مش عارفين المعاد؛ لكن لما لقيناه بينزل قولنا يالهوي الحرب هتخلص؛ زود يا ابني 3 جنية 😁؛ أحسن تخلص الحرب ومنعرفش نزوده تاني 😂؛ المهم بعد الحرب لما تخلص ان شاء الله هننزله 1 جنية وبقي اخدنا ال 2 القدام... ملحوظة البنزين الحالي بعد زيادة ال 3 جنية لسه مدعوم؛ وافتكر دي كويس؛ وافتكر ان سعر البترول بيتأثر بسعر البرميل* سعر الدولار... فانتا بتتأثر بالمجموع يعني ممكن البترول ينزل فيروح الدولار طالع مضيع كل النزول.
*️⃣ طيب الدولار هينزل إمتي؟ لما الحرب تخلص الدولار هينزل؟ الاجابة طبعاً نهاية الحرب تعني ان الدولار نازل؛ بس مش ثاني يوم؛ الحرب لو خلصت النهاردة فمش معني دا انه هينزل 6 جنية فجأة... عادة الأسواق هتاخد لها شهر تتطمن إنه نزل وبعدها الهوت ماني يلف ويرجع؛ الطبعي ينزل 1-2 جنية شهري...
*️⃣ طيب لو الهوت ماني قالك فرصة الدولار ب 53 جنية (او 55 أو اي كان سعر نهاية الحرب) ففرصة نخش نبيعه لمصر ب 53 ونكسب من هبوطه؛ هنا بقي انتا بتعيد سيناريو التعويم تاني وهقولك يعني ايه سيناريو التعويم.
*️⃣ فاكرين لما الدولار طلع ل 70 ثم طلع خبر راس الحكمة؛ الدولار وقع ل 42 و 43 منزلش ل 31 بتاعة البنك؛ دا معناه ان 43 دي اشبه بالسعر الحقيقي اللي السوق قابلها للدولار؛ فلما عومنا عند 50 كان طبيعي ننزل بعدها تدريجي ل 45 مثلاً او اي كان الرقم تحت؛ التعويم بيعمل قفزة ثم هبوط؛ لكن دخول كميات كبيرة هوت ماني عند 51 و 50 خلانا منقدرش ننزل؛ هتروح ل 45 هيروح خارج ثاني يوم وشكراً كسبت 10% في يومين.
*️⃣ فصعود ال 6 جنية الحالي لو الحرب خلصت ومحصلش هجوم من الهوت ماني هناخد 4-6 شهور عشان ننزلهم؛ لكن لو حصل هجوم دخول هوت ماني عند 53 جنية فممكن منشوفش ال 47 دي قبل سنة او أكثر او يمكن مشوفهاش تاني خلاص؛ ويبقي الهبوط ل 50؛ يعني بدل ما مستوي الحركة 47-51 يكون مثلا وقتها الحركة 50-54 وخلاص اردم علي أرقام تحت ال 50 دي... الهوت ماني هو اللي بيحسم ويقرر لنا سعر الصرف مش الاقتصاد المصري.
*️⃣ يعني الاسعار اللي بتزيد دي هتنزل امتي؟ الاجابة 6 شهور الي سنة؛ لان الطبيعي في الاقتصاد الصعود سريع والهبوط بطيء؛ هتقولي ليه هقولك انتا بتسأل عشان مشوفتش الفيديو اللي أنا نزلته من 3 شهور بشرح الظاهرة بتاعة الهبوط البطيء ايه اسبابها الاقتصادية... شوف الفيديو يا كابتن
https://youtu.be/AQXpEaVoAMk
*️⃣ النهاردة في وتيرة بيع أجانب وتخارج تفوق قوتها الأيام الماضية حيث خرج 400 مليون دولار حتى الآن ورغم ذلك البنوك خفضت الدولار من 52.9 إمبارح ل 51.6 ثم بدأت ارتفاع طفيف حيث ارتفع الأهلي ل 51.78 جنية... يعني منين الهوت ماني خارج وبقوة ومنين بنزله في السعر؟؟؟ هو أصلاً صعود ال 2 جنية اللي حصل يوم الأحد مكانش منطقي وكسرنا سقف ال 52 بتاعي اللي كنت بكرره وكانت قفزة مبالغ فيها لكن خلاص انتا طلعت اثبت بقى. ولا انتا عاوز متكسفش بن سامي وتنزل تحت 52 تاني.
*️⃣ تواصل وتيرة خروج الهوت ماني عنف وحتى الآن خروج 820 مليون دولار... البنوك فاقت وأخدت بالها من خطأ الهبوط ورفعت تاني السعر والسعر الآن في الأهلي بقى 52.10 جنية
Please open Telegram to view this post
VIEW IN TELEGRAM
3❤181👍101😭35😱1
النهاردة السوق الثانوي شهد خروج 1.15 مليار دولار هوت ماني؛ لكن في ملحوظة إيجابية وهي عودة مشتريات العرب بشكل ملحوظ وكانوا صافي موجب 70 مليون دولار؛ وكمان من يومين كانت مشتريات الأجانب صفر؛ كان بيع فقط وشراء صفر؛ النهاردة اشتروا أذون وسندات ب 14 مليار جنية (باعوا 77 مليار)؛ فكده معناه إن في أجانب بدأوا يقولوا كويس سعر الصرف دا أو واضح إن الوضع كويس في مصر فهنخش تاني مش هنطلع. اه في عدد أكبر بيبيع لكن المشتريين بدأوا يظهروا.
*️⃣ لو استمر بكره دخول للأجانب وحتى لو اليوم طلع سالب صافي (دا متوقع طبعاً) بس في أجانب بيشتروا فممكن قريب نشوف المعادلة تتقلب والأجانب يرجعوا للسوق تاني... وعودة الأجانب تعني استقرار سعر الصرف وممكن نهدي وننزل ل 51 ثم تدريجي بهدوء نتسحب لل 50...
*️⃣ دي مجرد خواطر كده لسعر الصرف وأدينا هنشوف؛ النقطة الإيجابية هتكون ان بكره صافي أجانب أحسن من النهاردة + مشتريات أجانب أكثر = الأجانب راجعين = هتستقر مش هتضرب مننا.
خلينا نشوف
*️⃣ لو استمر بكره دخول للأجانب وحتى لو اليوم طلع سالب صافي (دا متوقع طبعاً) بس في أجانب بيشتروا فممكن قريب نشوف المعادلة تتقلب والأجانب يرجعوا للسوق تاني... وعودة الأجانب تعني استقرار سعر الصرف وممكن نهدي وننزل ل 51 ثم تدريجي بهدوء نتسحب لل 50...
*️⃣ دي مجرد خواطر كده لسعر الصرف وأدينا هنشوف؛ النقطة الإيجابية هتكون ان بكره صافي أجانب أحسن من النهاردة + مشتريات أجانب أكثر = الأجانب راجعين = هتستقر مش هتضرب مننا.
خلينا نشوف
2❤115👍69🙏11👀1
خناقة مضيق هرمز اللي حاصلة دي مبهرة؛ فكرة إن في مكان في الكوكب تطلع دولة زي إيران تقول محدش يعدي هنا؛ أمريكا تقول للناس عدوا متخافوش.
*️⃣ وكلام إيران يمشي والشركات تسمعه عن كلام أمريكا؛ فكرة رهيبة وخاصة لما تفكر فيها مع وجود عدد ضخم من قطع البحرية الأمريكية. بل قطع البحرية الأمريكية نفسها خايفة تعدي 😂 واقفطن بعيد في المحيط بيحدفوا منه؛ مفيش جو نعدي قدام السواحل اللي هما مفروض مسيطرين على جوها.
*️⃣ لا ويطلع الرئيس الأمريكي يقول لإيران إياكي تحطي ألغام بحرية وإلا هنعملك واوا كبيرة (أصل بيقولهم هنضربكم؛ على أساس انهم بيبعتوا لهم ورد)... يعني الرئيس الأمريكي اللي قال هو ووزير الحرب بتاعه انهم انهوا وجود البحرية الإيرانية قاعدين قلقانين ان إيران تزرع الغام بحرية؛ طيب يا عم انتا مش بتقول انهيت بحريتهم هيزرعوا ألغام إزاي 🤔.
*️⃣ فعلاً أمريكا والكيان قوة مفرطة غشيمة بس متمشيش مع دول عندها عقيدة أي كانت العقيدة سواء فيتنام أو أفغانستان أو إيران؛ مجرد القوة المفرطة تصطدم بناس عادي يموتوا؛ هنا القوة دي تهنج؛ هي مفروض حافظة إنها مجرد تظهر قوتها الثاني هيخاف على حياته؛ لكن الفيتنامي الأفغاني اللي بيدافع عن أرضه ثم الإيراني اللي واخدها انتقام لزعيمهم... هنا القوة الغشيمة بتعجز؛ عادي ممكن اقتل لك مليون بس برضك دا مش رادع؛ طيب أعمل ايه.
خلينا نشوف هتخلص إزاي.
*️⃣ وكلام إيران يمشي والشركات تسمعه عن كلام أمريكا؛ فكرة رهيبة وخاصة لما تفكر فيها مع وجود عدد ضخم من قطع البحرية الأمريكية. بل قطع البحرية الأمريكية نفسها خايفة تعدي 😂 واقفطن بعيد في المحيط بيحدفوا منه؛ مفيش جو نعدي قدام السواحل اللي هما مفروض مسيطرين على جوها.
*️⃣ لا ويطلع الرئيس الأمريكي يقول لإيران إياكي تحطي ألغام بحرية وإلا هنعملك واوا كبيرة (أصل بيقولهم هنضربكم؛ على أساس انهم بيبعتوا لهم ورد)... يعني الرئيس الأمريكي اللي قال هو ووزير الحرب بتاعه انهم انهوا وجود البحرية الإيرانية قاعدين قلقانين ان إيران تزرع الغام بحرية؛ طيب يا عم انتا مش بتقول انهيت بحريتهم هيزرعوا ألغام إزاي 🤔.
*️⃣ فعلاً أمريكا والكيان قوة مفرطة غشيمة بس متمشيش مع دول عندها عقيدة أي كانت العقيدة سواء فيتنام أو أفغانستان أو إيران؛ مجرد القوة المفرطة تصطدم بناس عادي يموتوا؛ هنا القوة دي تهنج؛ هي مفروض حافظة إنها مجرد تظهر قوتها الثاني هيخاف على حياته؛ لكن الفيتنامي الأفغاني اللي بيدافع عن أرضه ثم الإيراني اللي واخدها انتقام لزعيمهم... هنا القوة الغشيمة بتعجز؛ عادي ممكن اقتل لك مليون بس برضك دا مش رادع؛ طيب أعمل ايه.
خلينا نشوف هتخلص إزاي.
1❤261👍142🤗6🙏4
النهاردة ثاني أكثر يوم خروج هوت ماني في آخر 12 شهر حيث كان اليوم صافي سالب 1.19 مليار دولار وهو الأعلى منذ 8 أبريل 2025 اللي كان وقتها خروج 1.24 مليار دولار (وقتها سعر الصرف كان 51.75 بالمناسبة).
*️⃣ الملاحظ إن العرب كان صافيهم (أحد إثنين ثلاثاء) صافي موجب 27 مليون دولار لكن النهاردة صافي سالب 67 مليون دولار... الأجانب النهاردة باعوا أقل بسيط من إمبارح (باعوا النهاردة 58 مليار جنية وإمبارح باعوا 62 مليار جنية).
*️⃣ الملاحظ بقى إن البنك المركزي يواصل لليوم الثاني عالتوالي تثبيت سعر الصرف عند 52 جنية ويمكن الإجابة عند بلومبيرج في نشرة خاصة اليوم قالت
Citi Closes Egypt Debt Call After Stop-Loss Level Is Triggered
*️⃣ يعني البنك المركزي لما عمل عنتر ورفع الدولار فوق 52 وقرب من 53 راح Citi Bank بايع أذون خزينة كان حاطط لها حسب الخبر 2.5% مارجن (-2.5% stop-loss) فالمركزي كده فهم إن في مؤسسات حاطه 52 وفوق شوية Stop Loss فمتفتكرش إنك أشطر مننا وهتطلع وتاكل من أرباحنا؛ لا يا برنس هنذبح ومش هنسمي... ومن هنا نفهم ايه ليه رغم خروج 2.3 مليار دولار إمبارح والنهاردة بس سعر الصرف ثابت.
⬅️⬅️ مين بقى عملكم فيديو يوم السبت وقال فيه إن مينفعش نكسر ال 52 وهو كده وخلاص ولما حصل يوم الأحد وكسرنا 52 قال يالهوي... عرفتم ليه عشان المؤسسات بره بتبدأ من فوق 52 تحط خط إيقاف الخسارة... في حاطط 52 وفي 52.5 وفي 53 وفي 54 وفي كثييير حاطين من 55 وطالع... فمجرد تطلع في ناس هيبيع تلقائي؛ كان في حرب مفيش حرب هيبيع دا سيستم. وعامة ال 52 و 52.5 خلاص ضربوا لما رفع ل 52.9... لكن المرحلة القادمة 53 لو شوفتوها هتلاقوا خروج هوت ماني كبير فجأة... دا إيقاف خسائر تلقائي.
ملحوظة مهمة : مش معني كده انه مش هيجيب 53؛ لكن معنى دا انه هيفلفص شوية ويحاول يأجل إنه يجيبها لكن لو اضطر هيعملها عادي ويطبق خيار شمشون
⬅️ شوفتم الفيديو بتاع السبت ولا مشوفتوش اعترفوا 😀😀 الفيديو قولت فيه هيزيد البنزين 3 جنية وقولت الصعود فوق 52 مينفعش ودا السقف 😁... ربنا يستر الكهرباء بقي لسه دي أول الشهر شكلها 😂
*️⃣ الملاحظ إن العرب كان صافيهم (أحد إثنين ثلاثاء) صافي موجب 27 مليون دولار لكن النهاردة صافي سالب 67 مليون دولار... الأجانب النهاردة باعوا أقل بسيط من إمبارح (باعوا النهاردة 58 مليار جنية وإمبارح باعوا 62 مليار جنية).
*️⃣ الملاحظ بقى إن البنك المركزي يواصل لليوم الثاني عالتوالي تثبيت سعر الصرف عند 52 جنية ويمكن الإجابة عند بلومبيرج في نشرة خاصة اليوم قالت
Citi Closes Egypt Debt Call After Stop-Loss Level Is Triggered
*️⃣ يعني البنك المركزي لما عمل عنتر ورفع الدولار فوق 52 وقرب من 53 راح Citi Bank بايع أذون خزينة كان حاطط لها حسب الخبر 2.5% مارجن (-2.5% stop-loss) فالمركزي كده فهم إن في مؤسسات حاطه 52 وفوق شوية Stop Loss فمتفتكرش إنك أشطر مننا وهتطلع وتاكل من أرباحنا؛ لا يا برنس هنذبح ومش هنسمي... ومن هنا نفهم ايه ليه رغم خروج 2.3 مليار دولار إمبارح والنهاردة بس سعر الصرف ثابت.
⬅️⬅️ مين بقى عملكم فيديو يوم السبت وقال فيه إن مينفعش نكسر ال 52 وهو كده وخلاص ولما حصل يوم الأحد وكسرنا 52 قال يالهوي... عرفتم ليه عشان المؤسسات بره بتبدأ من فوق 52 تحط خط إيقاف الخسارة... في حاطط 52 وفي 52.5 وفي 53 وفي 54 وفي كثييير حاطين من 55 وطالع... فمجرد تطلع في ناس هيبيع تلقائي؛ كان في حرب مفيش حرب هيبيع دا سيستم. وعامة ال 52 و 52.5 خلاص ضربوا لما رفع ل 52.9... لكن المرحلة القادمة 53 لو شوفتوها هتلاقوا خروج هوت ماني كبير فجأة... دا إيقاف خسائر تلقائي.
ملحوظة مهمة : مش معني كده انه مش هيجيب 53؛ لكن معنى دا انه هيفلفص شوية ويحاول يأجل إنه يجيبها لكن لو اضطر هيعملها عادي ويطبق خيار شمشون
⬅️ شوفتم الفيديو بتاع السبت ولا مشوفتوش اعترفوا 😀😀 الفيديو قولت فيه هيزيد البنزين 3 جنية وقولت الصعود فوق 52 مينفعش ودا السقف 😁... ربنا يستر الكهرباء بقي لسه دي أول الشهر شكلها 😂
2👍200❤101😢30👏12😁6👌3🤣1🤗1
تخيل معايا واحد مسافر من التجمع لاسكندرية رايح لصديق، المهم كلم صاحبه قاله الساعة 12 دلوقتي أنا هتحرك أديني 3 ساعات وهبقى عندك.
*️⃣ بعد ساعة صاحبه كلمه فقاله بص في حادثة كبيرة عالدائري وشكلي كده هوصل الساعة 4 مش 3... بعد ما قفل ما صاحبه لقى العربية فيها مشكلة ومش بتعدي سرعة 80 فرجع كلم صاحبه تاني وقاله لولا اني مينفعش ألغي لكن كده هوصلك على 6 بالليل.
*️⃣ بعدين راح متصل بميكانيكي صديق ليه قاله الوضع فالثاني قاله بص شوف كذا ممكن تكون مهزوزة، بالفعل شافها ولقاها كده ركبها فالعربية بقت شغالة عادي فرجع تاني كلم صاحبه وقاله هاجي علي الساعة 4.
*️⃣ دلوقتي لما تبص على كلام الشخص، دا مرة قال 3 ثم 4 ثم 6 ثم 4 تاني، لكن هل هو غلط فعلاً ؟! الإجابة هي لا، وقت ما تحرك من بيته فعلا الطريق 3 ساعات، ثم حدث معطى ومتغير جديد وهو الحادث فغير على أساسه التوقع، ثم حصل العطل فغير تاني، ثم اتصلح العطل فرجع غير تاني.
*️⃣ القصة دي تعبر عن الاقتصاد باختصار شديد، الاقتصاد علم معقد متداخل، مبني على عشرات المعطيات، مجرد تغير في المعطيات فهنا التوقع يختلف كلياً.
*️⃣ الشاطر هو اللي يدخل معطيات كثير، يكون عنده مصادر تجيب له داتا أكثر، كل ما تعط معطيات أكثر يبقي دقتك أحسن لكن يظل كل ما معطى يتغير هيغير كل شيء.
*️⃣ النهاردة الفجر نزلت أطول فيديو في تاريخ قناتي، قرابة الساعة والفيديو دا مكانش هدفي خالص أشرح لك الوضع ولا أقول توقع، لكن أقولك المعطيات إيه بحيث تقدر مع نفسك ومع الأخبار تشوف التغير في المعطيات وتعدل التوقع بنفسك.
*️⃣ ولإن الفيديو أطول من حلقات المسلسلات هتلاقيني مقسمه تحت الفيديو كده عناوين بحيث كل شخص يروح للحته المهتم بيها.
https://youtu.be/Ou8dev0I3bs
*️⃣ بعد ساعة صاحبه كلمه فقاله بص في حادثة كبيرة عالدائري وشكلي كده هوصل الساعة 4 مش 3... بعد ما قفل ما صاحبه لقى العربية فيها مشكلة ومش بتعدي سرعة 80 فرجع كلم صاحبه تاني وقاله لولا اني مينفعش ألغي لكن كده هوصلك على 6 بالليل.
*️⃣ بعدين راح متصل بميكانيكي صديق ليه قاله الوضع فالثاني قاله بص شوف كذا ممكن تكون مهزوزة، بالفعل شافها ولقاها كده ركبها فالعربية بقت شغالة عادي فرجع تاني كلم صاحبه وقاله هاجي علي الساعة 4.
*️⃣ دلوقتي لما تبص على كلام الشخص، دا مرة قال 3 ثم 4 ثم 6 ثم 4 تاني، لكن هل هو غلط فعلاً ؟! الإجابة هي لا، وقت ما تحرك من بيته فعلا الطريق 3 ساعات، ثم حدث معطى ومتغير جديد وهو الحادث فغير على أساسه التوقع، ثم حصل العطل فغير تاني، ثم اتصلح العطل فرجع غير تاني.
*️⃣ القصة دي تعبر عن الاقتصاد باختصار شديد، الاقتصاد علم معقد متداخل، مبني على عشرات المعطيات، مجرد تغير في المعطيات فهنا التوقع يختلف كلياً.
*️⃣ الشاطر هو اللي يدخل معطيات كثير، يكون عنده مصادر تجيب له داتا أكثر، كل ما تعط معطيات أكثر يبقي دقتك أحسن لكن يظل كل ما معطى يتغير هيغير كل شيء.
*️⃣ النهاردة الفجر نزلت أطول فيديو في تاريخ قناتي، قرابة الساعة والفيديو دا مكانش هدفي خالص أشرح لك الوضع ولا أقول توقع، لكن أقولك المعطيات إيه بحيث تقدر مع نفسك ومع الأخبار تشوف التغير في المعطيات وتعدل التوقع بنفسك.
*️⃣ ولإن الفيديو أطول من حلقات المسلسلات هتلاقيني مقسمه تحت الفيديو كده عناوين بحيث كل شخص يروح للحته المهتم بيها.
https://youtu.be/Ou8dev0I3bs
YouTube
دردشة عن الاقتصاد والدولار والذهب وتوقعات الاقتصاد الأسبوع الثالث من حرب إيران | BnSamy
الأسبوع الثالث بدأ من الحرب الأمريكية الإيرانية وتأثيرها المباشر على الاقتصاد المصري.. هل انتهت القرارات الاقتصادية المؤلمة بعد زيادة البنزين؟ ⚠️
في الفيديو ده، بنحلل المشهد المعقد من منظور اقتصادي بحت، وبنشوف إزاي الصراعات الدولية بتسمع في جيب المواطن المصري…
في الفيديو ده، بنحلل المشهد المعقد من منظور اقتصادي بحت، وبنشوف إزاي الصراعات الدولية بتسمع في جيب المواطن المصري…
3❤232👍67👌7🙏6👏4
شباب
ملاقيش حد من المتابعين يعرف يجيب لي فلوس فكة جديدة
عاوز فلوس جديدة صغيرة 10 و 20 او حتي 5 جنية لو لسه بتتطبع
مفيش حد هنا في بنك 😁
تحديث
كذا حد خلاص قالي انه هيجيبهم لي وفي بالفعل صديق عدي عليا فئة ال 5 جنية (بالمناسبة انا اصلا عاوز 10 و 20 لكن ال 5 قولت اطلبها وخلاص 😂 للعربية)
ملاقيش حد من المتابعين يعرف يجيب لي فلوس فكة جديدة
عاوز فلوس جديدة صغيرة 10 و 20 او حتي 5 جنية لو لسه بتتطبع
مفيش حد هنا في بنك 😁
تحديث
كذا حد خلاص قالي انه هيجيبهم لي وفي بالفعل صديق عدي عليا فئة ال 5 جنية (بالمناسبة انا اصلا عاوز 10 و 20 لكن ال 5 قولت اطلبها وخلاص 😂 للعربية)
🤣143❤39👍18🐳4😢3🤗2
بعد تصريح الرئيس ان تكلفة الكهرباء الحقيقية بعد قفزات سعري البترول والغاز فد تصل الي 4 أضعاف فاتورة الكهرباء الحالية، فأنا عندي اقتراح من زمان بسأل نفسي ليه مش بنطبقه في مصر.
*️⃣ الوضع الحالي في مصر حسب تصريحات الدولة بيقول ان اللي ساكن في قصر ولا فيلا قيمتها 50 او 100 مليون ومعاه عربيات ذات 7 أصفار بياخد كهرباء مدعومة وبيتحاسب بالشريحة اللي بيتحاسب عليها شخص طبقة متوسطة عنده 2 تكييف في البيت... أنهي منطق بيقول كده؟
*️⃣ في مصر أعلى شريحة كهرباء هي للي بيعدي 1000 كيلو وسعرها حالياً 2.23 جنية، طيب ما نبتكر شريحة اضافية فوق الفين كيلو ونخلي سعرها 4.5 جنية ثم شريحة ثالث رفاهية للي فوق 3 الاف كيلو ونحاسبهم ب 10 جنية الكيلو والدولة تكسب منهم حلو وتاخد الفلوس دي تدعم بيها الناس اللي بتستهلك 300 و 400 كيلو.
*️⃣ دا بيسموه الدعم البيني يعني هاخد من الغني وادعم الفقير وبكده دعم الكهرباء يستمر لكن مش من جيب الدولة لكن من جيب الأثرياء، شخص يا سيدي يا سيدي مصاريفه الشهرية مئات الالاف الجنيهات... بيدفع 100+ الف جنية قسط سكن أو عربية، معلش بقى انتا مش محتاج دعم، تاخد ليه كهرباء مدعومة؟ انتا فقير؟؟
*️⃣ وطبعاً فاهم انه لما يلاقي فاتورة الكهرباء بتاعته بيته زادت 20 الف جنية دا شيء يضايقه، بس اظن ال 20 الف للطبقة دي أسهل عليها من زيادة 500 جنية على موظف مرتبه موصلش لل 10 الاف جنية أصلاً... في فارق بين زيادة تضايق حد وبين زيادة علي حد ت....
⬅️ انتا مزنوق وميقدرش ينكر غير متحيز، لكن في خيار تسحب من فوق. وعلى رأي فؤاد المهندس لما كان بيختم برنامجه عالراديو كلمتين وبس لما كان بيسألنا ( مش كده ولا إييييييه!!)
*️⃣ الوضع الحالي في مصر حسب تصريحات الدولة بيقول ان اللي ساكن في قصر ولا فيلا قيمتها 50 او 100 مليون ومعاه عربيات ذات 7 أصفار بياخد كهرباء مدعومة وبيتحاسب بالشريحة اللي بيتحاسب عليها شخص طبقة متوسطة عنده 2 تكييف في البيت... أنهي منطق بيقول كده؟
*️⃣ في مصر أعلى شريحة كهرباء هي للي بيعدي 1000 كيلو وسعرها حالياً 2.23 جنية، طيب ما نبتكر شريحة اضافية فوق الفين كيلو ونخلي سعرها 4.5 جنية ثم شريحة ثالث رفاهية للي فوق 3 الاف كيلو ونحاسبهم ب 10 جنية الكيلو والدولة تكسب منهم حلو وتاخد الفلوس دي تدعم بيها الناس اللي بتستهلك 300 و 400 كيلو.
*️⃣ دا بيسموه الدعم البيني يعني هاخد من الغني وادعم الفقير وبكده دعم الكهرباء يستمر لكن مش من جيب الدولة لكن من جيب الأثرياء، شخص يا سيدي يا سيدي مصاريفه الشهرية مئات الالاف الجنيهات... بيدفع 100+ الف جنية قسط سكن أو عربية، معلش بقى انتا مش محتاج دعم، تاخد ليه كهرباء مدعومة؟ انتا فقير؟؟
*️⃣ وطبعاً فاهم انه لما يلاقي فاتورة الكهرباء بتاعته بيته زادت 20 الف جنية دا شيء يضايقه، بس اظن ال 20 الف للطبقة دي أسهل عليها من زيادة 500 جنية على موظف مرتبه موصلش لل 10 الاف جنية أصلاً... في فارق بين زيادة تضايق حد وبين زيادة علي حد ت....
⬅️ انتا مزنوق وميقدرش ينكر غير متحيز، لكن في خيار تسحب من فوق. وعلى رأي فؤاد المهندس لما كان بيختم برنامجه عالراديو كلمتين وبس لما كان بيسألنا ( مش كده ولا إييييييه!!)
2👍329❤157👌27👏14😢6
بالرغم من كون مصر أكثر دولة متضرره بالحرب خارج دول المواجهة لكن في قاعدة معروفة وهي إن الحروب قد تكون فرص، وممكن نطلع من الحرب دي مستفيدين وهقول كام مثال.
1️⃣ شركات عالمية اتضرب ال Data Center بتاعها بالخليج، طيب ما تقولهم تعالوا عندنا، سيبك خالص من سرعة الانترنت المكسح بتاعنا، احنا دول Hub في الإنترنت العالمي وأرضنا بيعدي فيها كابلات بحرية تقدر توفر خدمات إنترنت فائقة... عيب بس قواعد البيانات إنها عاوزة كهرباء كثير قوي وهي عندنا مدعمة فكده هتبقي بتخسر بوجودهم بس ممكن تشوف ل دي حل... المهم اللي اتضرب بالخليج ممكن تغريه ييجي عندك حتى لو هتخسر في البداية عشان تجيبه.
2️⃣ السعودية هتضاعف اهتمامها بموانئ البحر الأحمر بعد الحرب عشان تبقى البديل للدولة، السفن دي هتعدي عندنا قناة السويس يعني رزق وجالنا، فممكن ننسق مع السعودية.
3️⃣ السعودية بتستخدم خط شرق غرب عشان تخرج ثلثي النفط، طيب ما نشوف معاها ربط أنابيب وخطوط بترولية عبر نيوم تيران وصنافير شرم الشيخ وتخش مصر بحيث السعودية تصدر لأوروبا مباشرة عبر الخط دا وهما يعبوا من إسكندرية، دا مشروع قديم من فوق ال 25 سنة بي متجمد، الحرب دي فرصة نفتحه تاني معاهم.
4️⃣ الترويج العقاري في مصر ممكن يستفيد من أزمة الخليج، عندنا أمان وبعيد وجو حلو، حبيبي تعالى إلي مصر 😂، نسرق شعار دبي عادي...
5️⃣ تبقي HUB بديل، دلوقتي في أزمة بتتشكل ببطىء وهي إن الهاب بتاع المنطقة في جبل علي بالإمارات، الحرب قفلاه فالهاب دا بيطلع بضايع ومش بيدخله جديد، طيب ما تعدل قوانين وتعمل قرد وتبدأ تفكر في توفير هاب بديل، حتي لو أقل... الشركات العالمية بعد الحرب هتعيد تقييم موقفها في الهاب بتاع جبل علي حسب شكل نهاية الحرب وخاصة لو لم يتم سحق إيران، فلازم تكون جاهز لهم لو فكروا تقولهم اتفضلوا مشروع جاهز كامل أهو هاب العين السخنة مثلاً... الهابات العالمية دي حاجة بتتعمل في سنين طويلة جداً فممكن تبدأ تروج لنفسك فيها وقد يقرر البعض نقل 10% حتى عندك.
*️⃣ هكتفي بال 5 نقاط دول عشان الفكرة نفسها، انتا ممكن جداً تطلع مستفيد عالمدى الطويل ودا عاوز منك تخطيط استراتيجي وسرعة حركة لإن العالم بيتحرك بسرعة جداً ومش هيقعد مستني تشكل لجنة واللجنة تشكل لجنة منبثقة ومنها نشكل حوار مجتمعي ووو... العالم بيجري والحرب دي هتغير المنطقة والكل دلوقتي هيجهز نفسه عشان ياخد وضعه الجديد في الشرق الأوسط الجديد ففرصة وجت لعندنا فبلاش نتفاجئ كالعادة.
كل شيء متقال عارف فيه تحديات ودا طبيعي، مهو لو سهل كان كله عمله
1️⃣ شركات عالمية اتضرب ال Data Center بتاعها بالخليج، طيب ما تقولهم تعالوا عندنا، سيبك خالص من سرعة الانترنت المكسح بتاعنا، احنا دول Hub في الإنترنت العالمي وأرضنا بيعدي فيها كابلات بحرية تقدر توفر خدمات إنترنت فائقة... عيب بس قواعد البيانات إنها عاوزة كهرباء كثير قوي وهي عندنا مدعمة فكده هتبقي بتخسر بوجودهم بس ممكن تشوف ل دي حل... المهم اللي اتضرب بالخليج ممكن تغريه ييجي عندك حتى لو هتخسر في البداية عشان تجيبه.
2️⃣ السعودية هتضاعف اهتمامها بموانئ البحر الأحمر بعد الحرب عشان تبقى البديل للدولة، السفن دي هتعدي عندنا قناة السويس يعني رزق وجالنا، فممكن ننسق مع السعودية.
3️⃣ السعودية بتستخدم خط شرق غرب عشان تخرج ثلثي النفط، طيب ما نشوف معاها ربط أنابيب وخطوط بترولية عبر نيوم تيران وصنافير شرم الشيخ وتخش مصر بحيث السعودية تصدر لأوروبا مباشرة عبر الخط دا وهما يعبوا من إسكندرية، دا مشروع قديم من فوق ال 25 سنة بي متجمد، الحرب دي فرصة نفتحه تاني معاهم.
4️⃣ الترويج العقاري في مصر ممكن يستفيد من أزمة الخليج، عندنا أمان وبعيد وجو حلو، حبيبي تعالى إلي مصر 😂، نسرق شعار دبي عادي...
5️⃣ تبقي HUB بديل، دلوقتي في أزمة بتتشكل ببطىء وهي إن الهاب بتاع المنطقة في جبل علي بالإمارات، الحرب قفلاه فالهاب دا بيطلع بضايع ومش بيدخله جديد، طيب ما تعدل قوانين وتعمل قرد وتبدأ تفكر في توفير هاب بديل، حتي لو أقل... الشركات العالمية بعد الحرب هتعيد تقييم موقفها في الهاب بتاع جبل علي حسب شكل نهاية الحرب وخاصة لو لم يتم سحق إيران، فلازم تكون جاهز لهم لو فكروا تقولهم اتفضلوا مشروع جاهز كامل أهو هاب العين السخنة مثلاً... الهابات العالمية دي حاجة بتتعمل في سنين طويلة جداً فممكن تبدأ تروج لنفسك فيها وقد يقرر البعض نقل 10% حتى عندك.
*️⃣ هكتفي بال 5 نقاط دول عشان الفكرة نفسها، انتا ممكن جداً تطلع مستفيد عالمدى الطويل ودا عاوز منك تخطيط استراتيجي وسرعة حركة لإن العالم بيتحرك بسرعة جداً ومش هيقعد مستني تشكل لجنة واللجنة تشكل لجنة منبثقة ومنها نشكل حوار مجتمعي ووو... العالم بيجري والحرب دي هتغير المنطقة والكل دلوقتي هيجهز نفسه عشان ياخد وضعه الجديد في الشرق الأوسط الجديد ففرصة وجت لعندنا فبلاش نتفاجئ كالعادة.
كل شيء متقال عارف فيه تحديات ودا طبيعي، مهو لو سهل كان كله عمله
2❤255👍109👏32👌7
أمريكا غدرت بالخليج ولبسته في الحرب دي ومدافعتش عنه، فيا تري هتغدر بيهم تاني وتوقف الحرب؟ أيوا إيقاف الحرب دلوقتي هو أكبر غدر ممكن يحصل بالخليج وخاصة الإمارات بل يفوق غدر بداية الحرب أصلاً.
*️⃣ دلوقتي في اقتصاديات قايمة على فكرة إحنا بلد جميلة هادية زي الفل تعالى عندنا، وهوبا أمريكا جابت لهم حرب وضربت مفك في الدعاية دي.
*️⃣ دلوقتي لو أمريكا قررت توقف حرب فدا هيكون هدنة = ممكن الحرب تتجدد تاني = أنا ك مستثمر كده أروح الخليج خطر عليا لإن في حرب هتحصل تاني وثالث، لااا شكراً.
*️⃣ فالحل دلوقتي بقى طالما كده كده بدأت الحرب دي يبقي دمر إيران كلياً، جيشها بمصانعها بسدودها بصواريخها بمفاعلاتها بمحطات الكهرباء بكل شيء وحولها لدولة 30 سنة كده عشان ترجع الصفر فإحنا نعيش في أمان ونعرف نبني.
*️⃣ طبعاً دي وجهة نظر وتفكير الخليج وخاصة الإمارات، احنا هنستخدم ثرواتنا الضخمة في اننا ندعم الاقتصاد بمئات المليارات كمسكنات حتى تنفيذ الحلم بالتدمير الشامل.
*️⃣ لكن هل الكوكب هيستحمل النتايج؟ المنطقي بيقول لا ميقدرش يستحمل اسبوعين ثلاثة كمان خناقات.
*️⃣ أنا قبل الحرب قولت دي حرب مفروض متحصلش عشان لو حصلت هنخش حته وحشة، بس حصلت وكان السيناريو في بالي واللي بكرره لأي حد يسألني هو التالي
1️⃣ الأسبوع الأول = ضربات خاطفة مركزة على أمل Knockout للطرف الثاني
2️⃣ الأسبوع الثاني = مرحلة استعراض القوة وكل طرف يوري الثاني يقدر يعمل ايه.
3️⃣ الأسبوع 3 و 4 = مرحلة عض الأصابع، محاولة تكبيد كل طرف للثاني أكبر خسائر لعل وعسى يوافق يوقف حرب، كل طرف عاوز الثاني.
4️⃣ الشهر الثاني والثالث للحرب وما بعده = مرحلة تدمير الدولة، سدود كباري انفاق محطات مياة كهرباء صرف بنوك جامعات مطاحن قمح سجون مصافي نفط وتكرير، ترجع إيران للعصور الوسطى وتنهي وجود الدولة وبالمثل إيران تحاول ترد كده عالخليج بس مش هتقدر غالباً.
*️⃣ الحرب لو خلصت خلال الشهر الأول = انتصار إيراني
*️⃣ ما بعد الشهر الأول = كارثة عالعالم وهتتدمر إيران ك دولة كلياً.
*️⃣ تدمير إيران ممكن وهي هتفلفص بس وهتلوش لكن ميقدرش القادة بتوعها يمنعوا تدميرها، بس هل الكوكب بقي يستحمل شهرين بترول غالي؟ شهرين بدون غاز الخليج؟
*️⃣ على فكرة اللي مخلي الكوكب مستقر والبترول قاعد عند 95-100 ومس بيفلت هو ان غالبية الدول الكبري بدأت السحب من مخزوناتها، دا هيهدي السوق أسبوعين ثلاثة لكن بعدهم ؟ نشوف ال 150 دولار؟؟؟
*️⃣ فيا ترى الدول هتقفل الحرب وتحسمها خلال فترة السحب من المخزونات اللي اخرهم شهر (المخزونات تكفي كذا شهر بس محدش مجنون يخلص مخزونة الاستراتيجي).
⬅️ عامة خلينا نشوف وخاصة مع مرحلة عض الأصابع اللي شغالة وربنا يستر مندخلش تكسير العظام لاننا هنتعور.
*️⃣ دلوقتي في اقتصاديات قايمة على فكرة إحنا بلد جميلة هادية زي الفل تعالى عندنا، وهوبا أمريكا جابت لهم حرب وضربت مفك في الدعاية دي.
*️⃣ دلوقتي لو أمريكا قررت توقف حرب فدا هيكون هدنة = ممكن الحرب تتجدد تاني = أنا ك مستثمر كده أروح الخليج خطر عليا لإن في حرب هتحصل تاني وثالث، لااا شكراً.
*️⃣ فالحل دلوقتي بقى طالما كده كده بدأت الحرب دي يبقي دمر إيران كلياً، جيشها بمصانعها بسدودها بصواريخها بمفاعلاتها بمحطات الكهرباء بكل شيء وحولها لدولة 30 سنة كده عشان ترجع الصفر فإحنا نعيش في أمان ونعرف نبني.
*️⃣ طبعاً دي وجهة نظر وتفكير الخليج وخاصة الإمارات، احنا هنستخدم ثرواتنا الضخمة في اننا ندعم الاقتصاد بمئات المليارات كمسكنات حتى تنفيذ الحلم بالتدمير الشامل.
*️⃣ لكن هل الكوكب هيستحمل النتايج؟ المنطقي بيقول لا ميقدرش يستحمل اسبوعين ثلاثة كمان خناقات.
*️⃣ أنا قبل الحرب قولت دي حرب مفروض متحصلش عشان لو حصلت هنخش حته وحشة، بس حصلت وكان السيناريو في بالي واللي بكرره لأي حد يسألني هو التالي
1️⃣ الأسبوع الأول = ضربات خاطفة مركزة على أمل Knockout للطرف الثاني
2️⃣ الأسبوع الثاني = مرحلة استعراض القوة وكل طرف يوري الثاني يقدر يعمل ايه.
3️⃣ الأسبوع 3 و 4 = مرحلة عض الأصابع، محاولة تكبيد كل طرف للثاني أكبر خسائر لعل وعسى يوافق يوقف حرب، كل طرف عاوز الثاني.
4️⃣ الشهر الثاني والثالث للحرب وما بعده = مرحلة تدمير الدولة، سدود كباري انفاق محطات مياة كهرباء صرف بنوك جامعات مطاحن قمح سجون مصافي نفط وتكرير، ترجع إيران للعصور الوسطى وتنهي وجود الدولة وبالمثل إيران تحاول ترد كده عالخليج بس مش هتقدر غالباً.
*️⃣ الحرب لو خلصت خلال الشهر الأول = انتصار إيراني
*️⃣ ما بعد الشهر الأول = كارثة عالعالم وهتتدمر إيران ك دولة كلياً.
*️⃣ تدمير إيران ممكن وهي هتفلفص بس وهتلوش لكن ميقدرش القادة بتوعها يمنعوا تدميرها، بس هل الكوكب بقي يستحمل شهرين بترول غالي؟ شهرين بدون غاز الخليج؟
*️⃣ على فكرة اللي مخلي الكوكب مستقر والبترول قاعد عند 95-100 ومس بيفلت هو ان غالبية الدول الكبري بدأت السحب من مخزوناتها، دا هيهدي السوق أسبوعين ثلاثة لكن بعدهم ؟ نشوف ال 150 دولار؟؟؟
*️⃣ فيا ترى الدول هتقفل الحرب وتحسمها خلال فترة السحب من المخزونات اللي اخرهم شهر (المخزونات تكفي كذا شهر بس محدش مجنون يخلص مخزونة الاستراتيجي).
⬅️ عامة خلينا نشوف وخاصة مع مرحلة عض الأصابع اللي شغالة وربنا يستر مندخلش تكسير العظام لاننا هنتعور.
1👍185❤77😢35😱7🤣4🤯2😭1🤗1