يلا بينا لايف الساعة 9 يعني بعد شوية ندردش في المستجدات ونجاوب برضك على أي أسئلة

https://youtube.com/live/GlDwc7Xnc8w?feature=share

عارفين ايه الفارق الواضح بين اسرائيل وكل الدول العربية؛ إن المسئولين عندهم بيطلعوا يتكلموا عادي ويهاجم ويهدد لكن مفيش مسئول في أي دولة عربية يقدر يطلع يرد؛ بنطلع تصريحات بتاعة صرح مصدر مسئول؛ مصدر يقول لصحيفة حاجة وهي تنشره

مفيش مسئول يقدر يتكلم عنهم بشكل وحش الا صرح مصدر مسئول دا مش بيرحم وبيتكلم في التسريبات

مش عارف أنا صندوق النقد قافش علينا ليه حسب التسريبات والتلميحات؛ بيقولك إننا في ديسمبر 2024 قولنا تصريح اننا في 2025 هنطرح 10 جهات حكومية بالبورصة وهم بنك الإسكندرية، وبنك القاهرة، ومحطة رياح جبل الزيت، والأمل الشريف للبلاستيك، ومصر للصناعات الدوائية، وسيد للصناعات الدوائية، وشركة وطنية، وشركة صافي، وشركة سايلو فودز، وشركة شيل أوت. وقولنا ان وطنية وصافي قبل يونيو 2025 هيكونوا مطروحين.

*️⃣ قوم بقي يا أخي الصندوق بيقولنا فين الطروحات دي؟ مش فاهم فين مشكلة الصندوق؟ ما قولنا هنطرحهم يا أخي أصبر؛ هو إنتا (ودني) ليه وبتصدق أي حاجة تسمعها؛ هو عشان قولنا مثلاً النصف الأول من 2025 هنطرح وطنية وصافي يبقي خلاص؛ متخافش يوليو 2025 بدأنا إجراءات الطرح يا سيدي.

*️⃣ ايه بتقول إننا في 12 مارس 2023 قولنا الأربعاء القادم بداية طرح وطنية وصافي؛ طيب أنا راضي ذمتك نص مارس 23 يعني بنستعد لدخلة رمضان؛ في حد بيشتغل في رمضان؟

*️⃣ وبعدين ليه واقف للتصريحات الاقتصادية عالواحدة يا اخي؛ إنتا مفروض قديم معانا وبقيت مصري زينا.

*️⃣ جهاز حماية المستهلك في يوليو 2020 قال ممنوع السعر انبوكس؛ وغرامة 500 ألف للي يعمل كده؛ هااا اتنفذ القرار؟

*️⃣ البنك المركزي قال ممنوع تروح جهة تدفع بالفيزا ويحملك رسوم؛ عندك الحكومة نفسها مش هقولك الشعب؛ الحكومة بتدفعك رسوم دفع فيزا زي موقع السكة الحديد رسوم 7% فيزا رغم انها لا تتجاوز 2%؛ وشركة الكهرباء بتدفعك رسوم فيزا...

*️⃣ طيب من 5 سنين يمكن الحكومة قالت العمارات السكنية اللي فيها جراج هيتفتح الجراج لركن العربيات وممنوع استخدامه غير كده؛ حد شاف القرار دا اتنفذ؟ دا فعليا بقي يتصالح علي تحويل الجراج تجاري وسكني.

*️⃣ طيب يوليو 2021 مصلحة الضرايب طلعت قرار ان الكل يكتب رقم التسجيل الضريبي بالاعلانات عشان المصلحة تعرف الانشطة الغير رسمية؛ ايه الاخبار حد نفذ؟

*️⃣ طيب ايه اخبار خدمة Apple Pay اللي نزلت ل 3 بنوك بس 😂 وقالك قريب باقي البنوك وفات 8 شهور على قريباً

*️⃣ فإنك تيجي بقي تقف للحكومة عالواحدة وعشان سمعت تصريح فخلاص جاي تحاسبنا عليه؛ ايه الخنقة دي 🤔 عادي يعني؛ أصبر يا عم الدنيا مطارتش

⬅️ إن شاء الله هنفذ يا صندوق؛ بس الفكرة إن دلوقتي الظروف الاقتصادية أحسن؛ هوت ماني بيدخل كثير؛ القمح ارخص من ديسمبر 24؛ البترول أقل 10%؛ قناة السويس اتحسنت شوية؛ تحويلات المصريين في الخارج بتزيد؛ فإحنا مش مزنوقين في قرشين نبيع ولو بعنا دلوقتي هتكون بيع غناوة نقعد نتنك علي المشتريين؛ أصبر لما نتزنق هنبيع بلا زن كثير.

⬅️ دا بيقولك ان قرض الصلابة والمتانة ليه شروط اصلاحية هو كمان؛ بيقولك في 274 مليون دولار صرفهم مرتبط باصلاحات اقتصادية؛ انتا هتذلنا عشان 274 مليون دولار؛ دا يوم الأربعاء الماضي بس لوحده دخلنا 500 مليون دولار هوت ماني

خلي فلوسك عندك يا صندوق احنا مبنشحتش 😂 خليك في كوزك لما نعوزك

معلومة على الماشي

الذهب بقي فعلياً في أعلى قيمة ليه في التاريخ بمعادل التضخم.

*️⃣ الذهب كان في قمة يناير 1980 تساوي 850 دولار والرقم دا سنتها يوازي ال 3590 دولار في 2025... ومن وقتها والذهب كان أقل من القيمة التاريخية دي؛ اه عالورق هو رقم أكبر بس فعلياً بارتفاع الأسعار مكانش جايب القيمة دي (القوة الشرائية بتاعته مجابتش نفس القيمة بتاعة 1980)؛ دلوقتي كسرها وشرخ.

⬅️ وعلى جنب بقي هو الدولار التضخم بتاعه في 45 سنة هو 4 اضعاف بس 😂 أنا اعرف دول بتعملهم في أقل من 10 سنين ومشيهم 10 عشان الحبايب 😁

طيب والله أنا مبسوط إننا قولنا أخيراً عليهم إنهم العدو؛ وأتمنى بجد نتعامل معاهم ك عدو ونبدأ نقلل التبادل التجاري بينا ونخلي رجال الأعمال تقلل التصدير ليهم وخاصة الحديد والأسمنت والفواكهة والخضروات.

*️⃣ والله وحتى اتفاقية الغاز الجديدة ممكن نعرقلها؛ أيه دا انتا متعرفش؟ الاتفاقية موقعه بين شركات من الدولتين ومفروض تاخد موافقات الحكومتين قبل 30 سبتمبر الجاري قابله للتمديد 30 يوم؛ فلووو الحكومة مدتش الترخيص بالاستيراد هنا فالاتفاقية اتلغت بدون ضرر قانوني وهناك برضك العكس؛ لكن لو وقعت ومنفذتش تخش قضايا تحكيم دولي؛ ويقال النتن معطل التوقيع عشان يعمل ضغوط علينا؛ فعااادي احنا كمان نعرقل التوقيع والبسوا الاتفاقية يا عم... احنا عندنا اتفاقية قديمة سارية ل 2030 دي تكفي احتياجنا الحالي؛ ولما تخلص بقى وقتها هنكون جبنا غاز قبرصي وشغلنا محطات طاقة شمسية ورياح وعندنا سفن فك اسالة فممكن وقتها نقولهم خلاص شكراً؛ امك في العش ولا طارت يا نتن.

*️⃣ أكثر شيء عمال اضحك منه هو شوية العيال اللي عمالين يقولوا لنا شايفين مصر كبيرة ومصر غير أي حد واسرائيل لا تجروء تهاجمنا ووو... يالهوي يا جدعان ما بقالنا سنة ونص عمالين نقول مصر غير أي حد واسرائيل متقدرش ببساطة تاخد قرار حرب مع مصر ففكرة الفوبيا وركبنا تخبط لو قولنا او عملنا حاجة (احسن يضربونا) دي هبل في الجبل.

*️⃣ وكانوا هما عمالين يقولوا لالا اسرائيل عادي تضربنا وهي عاوزة حرب؛ واشمعني مصر ما دولة كذا معملتش ودولة كذا؛ دلوقتي الحمد لله الاسكربت اتغير او هما اقتنعوا بكلامنا ان مصر غير أي حد ومحدش يقدر يعملها وووو.... يااااه لقد هرمنا من اقناعهم سنة ونص ودلوقتي هما لحسوا كلامهم ومش بس كده دا بيقنعونا احنا بيه 😂😂 فعلاً صدق اللي قال العايبة تلهيك واللي فيها تجيبه فيك... بس مش مهم؛ المهم انكم اقتنعتم او اتقالكم اقتنعوا؛ المهم خلاص انكم أخيراً بقيتوا معانا في نفس الصف ان مصر غير أي حد ومينفعش نقول اشمعني دي عشان كده بنصغر مصر لما تقارنها بحد.

*️⃣ يا رب اشوف بادرة أمل والدول العربية تتقمص من اسرائيل حتى وتوقف عالأقل توسيع العلاقات وبعدين تبدأ تقللها ثم توقفها؛ مهو مش هييجوا من الشمال لليمين مرة واحدة.. واحدة واحدة ارجعوا واحنا موافقين وهنسقف لكم كمان ونقول برافو 😍😍😍

اسمع يا هوت ماني بقولك مصر في وضع قلق وصعب وشكلنا كده داخلين في لبش

*️⃣ ايه دا لبش أنا بحب اللبش قوي؛ خد 585 مليون دولار هوت ماني النهاردة ودول غير 507 مليون دولار بتوع الثلاثاء الماضي وغير 170 بتوع الأربعاء الماضي... متخلبطهمش على بعض بقى زي ما عملت في ال 3.3 مليار دولار اللي دخلتهم لك في شهر يوليو

⬅️ يا ابني بقولك قلق هو مش رأس المال جبان يعني مفروض تخرج من السوق وتهرب؛ هتقعد في احتمالية خطر وحرب تقوم مدخل فلوس في السوق الثانوي وتزود حيازاتك؟

*️⃣ ايه دا خطر وحرب؛ أنا بحب الحرب قوي؛ خد كمان 1-2 مليار دولار الشهر دا في السوق الرئيسي غير رقم مش هقوله عشان الحسد بتاع 3-4 كمان الشهرين الماضيين

اييييه دنيا

طبعاً البوست مش هيتفهم غير اللي شاف فيلم الناظر وهيقراه بصوت علاء ولي الدين

بمناسبة اغلاق كارفور في البحرين والكويت؛ أنا أصلاً مستغرب ان لسه في فروع لكارفور وهقولك ليه.

*️⃣ سنة 1995 الفطيم بدأ سلاسل كارفور وتوسع في الدول زي مصر 2002 وكانت شراكة بين كارفور الفرنسية الفطيم.

*️⃣ في سنة 2013 الفطيم وقع اتفاقية مع كارفور فيها اشترى حصة كارفور في كل فروعه بالشرق الأوسط وشمال أفريقيا وكمان اشتري حقوق استخدام الاسم لمدة 12 سنة ودا اللي مكن الفطيم يشيل لوجو كارفور الشهير ويحط لوجو ماجد الفطيم مكانه ك لوجو لكارفور.

*️⃣ دلوقتي الاتفاقية 2013 يعني تخلص 2025؛ وفعلياً الفطيم بدأت في سلسلة فروع جديدة اسمها "هايبر ماكس"... وكان الكلام إن دي هتستبدل كارفور بعد نهاية الامتياز التجاري في 2025.

*️⃣ دلوقتي تخش بقى تدور؛ هو في تجديد للاتفاق مع كارفور؛ ولا الهوا مفيش أخبار؛ طيب احنا شهر 9 يعني مفروض 3 شهور والاتفاق يخلص؛ فروع مصر والسعودية و الإمارات ايه وضعهم؟ ولا حد يعرف.

*️⃣ فأنا مش مستغرب إن كارفور قفل في دولة؛ أنا مستغرب انه لسه موجود أصلا 🤔 مفروض يقفل؛ ومفروض حملات المقاطعة تسرع التحول لهايبر ماكس؛ بس محدش فاهم حاجة؛ هي هتيجي على دي يعني 😂.

شهر ابريل وقت أوقية الذهب 3200$ طلع دويتشة بنك قالك هنختم السنة 3700$

المهم جبناها في سبتمبر؛ فطلع قالك يبقي شكلنا هنختم السنة 4000 دولار

لو ظبطت توقعات البنك مع توقعات سعر الصرف فكده نختم السنة جرام ال 24 ب 6200-6500 😂 ونشوف جنية الذهب ب 50 الف جنية 😂😂 ايه العبط دا يا جدعان

ملخص عالسخان للأخبار الاقتصادية اخر 24 ساعة:

1️⃣ شركة شيفرون وقعت خلاص اتفاقية إنشاء خط الغاز الجديد بين ليفاثان ومصر طبقاً للاتفاقية الجديدة اللي هترفع تصديرهم اليومي للغاز من 1.2 مليار قدم حالياً ل 2.2 مليار (الخط دا 0.6 مليار والباقي من الخطوط القديمة عبر توسعات)... كده بقي خلاص شيفرون حسمت الهري الكثير لما وقعت مع الشركة الحكومية هناك؛ فمفيش حاجة اسمها خلافات بجد بين الدول وإن النتن معطل الاتفاق؛ كان منع الشركة الحكومية توقع مع الشركة الأمريكية.

2️⃣ في استعدادات الصندوق لزيارة مصر؛ كشفت تقارير ان الصندوق قالنا ايه اخبار التخارج؛ مصر ردت عليه؛ اسكت مش احنا نفذناه وتخارجنا 😂 اه بجد قولنا لهم نفذنا 48% من هدف التخارج اللي هو 12.2 مليار دولار؛ وقولنا لهم إن خطة التخارج من اهدفاها حصيلة دولارية فلو حسبنا رأس الحكمة يبقي خلاص نفذنا 245% من الهدف... بس يا سيدي إحنا طلعت الحكومة تخارجت من الاقتصاد وإحنا مش حاسين.

3️⃣ رئيس الوزراء وضح تاني إن زيادة البنزين القادمة (غالباً 1.5 الي 2 جنية يعني بنزين 95 ب 21 وال 92 ب 20 جنية ودا توقع مني) هتكون الأخيرة غالباً؛ للي مش فاهم التصريح هو يقصد إننا بسعر الدولار الحالي وسعر البترول الحالي هنكون شلنا دعم البنزين وفاضل السولار؛ فلووو البترول زاد سعره أو الدولار زاد؛ وقتها هنزود... ودا بيتعارض مع تصريح سابق ليه لما قال هنزود البنزين بشكل نكسب منه عشان ناخد المكسب ندعم السولار.... فمحدش عارف في ايه لكن أنا بقولكم دي مش آخر زيادة؛ بس هي آخر زيادة في 2025 😂.

4️⃣ إيني أعلنت إنها هتصدر الغاز القبرصي من مصر ب 1.5 دولار للمليون وحدة حرارية؛ للتوضيح بس دا مش سعر حصول مصر عالغاز؛ دي عمولتنا عشان التسييل؛ وللتذكير شركة إيني تمتلك 50% من محطة الاسالة في دمياط؛ يعني إيني قبرص هتدفع لإيني مصر 😂.

بس كده وصباح الخير

مش عارف أقولهالكم إزاي بس قاعد شغال علي فيديو بخصوص (السردية الوطنية) اللي الحكومة نشرتها وان شاء الله بكره يكون في اليوتيوب

المهم في ملف اسمه (الاستثمار الأجنبي) فبيشرح ايه نقاط القوة الجاذبة لمصر عن اللي حوليها فمن ضمن النقاط دي كاتبين حرفياً (توفر مصر للمستثمرين سوقاً استهلاكياً محلياً يتجاوز 100 مليون نسمه) 😂😂

الله يا أخي يعني مع إن عماد مأكدلي إن موضوع 100 مليون نسمة دا عيب وعبأ ومش ميزة لمصر 😂😂😂

اييييه دنيا

من كام يوم الحكومة نزلت ما يعرف ب (السردية الوطنية للتنمية الاقتصادية : السياسات الداعمة للنمو والتشغيل) وهي اسمها كده أنا واخده كوبي بيست.

*️⃣ السردية دي مفروض بقى الخطة بتاعة الحكومة للاستغناء عن صندوق النقد بعد نهاية الاتفاق الحالي (يخلص سبتمبر 2026)... ونزلت السردية في 6 ملفات حلوه كده مكونة من 665 صفحة.

*️⃣ حاسس إن 665 صفحة كثير فعندك ملف الملخص التنفيذي 108 صفحة؛ حاسه كثير أو بتحب الفيديوهات فالحكومة نزلت فيديو ساعتين ونص بتشرح فيه السردية

*️⃣ملكش في كل دا وبتحب بن سامي 😍😍فأنا عملت لك فيديو 33 دقيقة عبارة عن 6 دقائق من الرغي والمقدمة ثم 27 دقيقة الموضوع بشرح لك ايه حوار السردية دا... يلا بينا بقى

يلا بينا نشوف مين يقدر يستحمل السردية 😂😂

https://youtu.be/AtY4mAK3htI

اسف يا جدعان الحلقة بقت متاحة
معلش للخطأ الفني سوري جدا

الفيسبوك بيفكرني ببوست كنت نزلته من 6 سنين وجبت سيرة الصندوق السيادي النرويجي، وكان وقتها فيه 9 تريليون كرونة. المهم ببص دلوقتي لقيت الصندوق فيه كااام؟ كسر الـ 20 تريليون كرونة، اللي هما قرابة 100 تريليون مصري (يعني 100 ألف مليار أو 100 مليون مليون جنيه؛ رقم 1 قصاده 14 صفر).

*️⃣ المهم، فضولي أخدني أبص على التفاصيل، وهنا لقيت شيء رفعت القبعة للنراوجة عليه 3 – 4 – 5 مرات:

1️⃣ قايلين لك تفاصيل عن شكل تقسيمة القيمة. يعني مقالوش لك قيمة الصندوق 20 تريليون وخلاص؛ لا، تفاصيل الـ 20 تريليون دي إيه.

2️⃣ لقيتهم قايلين أصل الفلوس كام والأرباح كام. فلقيتهم في أحدث تفاصيل (30 يونيو 2025) بيقولوا: أصل الفلوس اللي دخلت الصندوق 5.25 تريليون، والأرباح 11.8 تريليون. أنتم متخيلين الجمدان؟ الأرباح بتاعة الفلوس بقت أكثر من ضعف الأصل اللي دخل الصندوق.

3️⃣ بعد غزو روسيا لأوكرانيا، أوروبا قاطعت روسيا تدريجي. فهنا يجيبوا غاز من ميين؟ النرويج. فحصلهم تدفقات مهولة. في 2021 الصندوق فيه أصول عبر تاريخه كله 2.9 تريليون، في 2024 بقوا 5.1 تريليون. الناس مقالوش "رزق وجالنا" وخلاص، والصندوق فيه كثير.

4️⃣ ودي بقى الكبيرة: ضمن قيمة الصندوق موضحين إن في جزء اسمه Krona Rate ودي تساوي 2.5 تريليون كرونة. دي ليه؟ عشان أصول الصندوق منتشرة حول العالم، وعملة الكرونة النرويجي نزلت قصاد العملات التانية. وبناءً عليه، لما تحسب بالكرونة فالرقم يكبر. لكن دا نمو خادع، سببه فروقات العملة مش ربح حقيقي. فقالك: نقول للناس فروقات العملة دي تسببت في نمو كام في الصندوق. أنا أعرف دول بتحسب فروقات العملة إنها إنجاز. يكونوا مثلًا بيسددوا 2000 مليار وسعر الدولار 30، وبعدين يسددوا 3000 مليار وسعر العملة 50، فيقولوا: "انخفاض قيمة اللي بنسدده من 66 مليار دولار إلى 60 مليار دولار"، والناس تقولك إنجازات. إيه ملناش دعوة يا موهيي... عاش النراوجة الصراحة. وأدعوهم لزيارة مصر والاستفادة من تجارب صندوقنا السيادي.

*️⃣ عامة، سيبك منهم. الكهرباء غالية عندهم، والمواطن النرويجي بيعيط من سعر الكهرباء والبنزين. وبيقولوا لهم: "مش أحسن ما تبقوا زي ألمانيا والدنمارك وهولندا؟" بس عشان إنت حبيبنا، الحكومة النرويجية قررت تعملك دعم كهرباء جديد غير النظام القديم، والكيلو هيبقى بسعر 40 أوره (0.4 كرونة) وهو ما يعادل 2 جنيه مصري، وذلك اعتبارًا من 1 أكتوبر 2025. الحكومة قررت تفك الكيس وتستغل إن كل مواطن محطوط له في الصندوق 3.65 مليون كرونة. فيلا بقى ندعم شوية، هنسيب كل الفلوس دي لمين؟ (2 تريليون دولار لشعب 5.6 مليون نسمة).

بيقولك بصوا رئيس هيئة الدواء الأمريكي أصله مصري؛ فالمصريين لما ياخدوا فرصة بيعملوا ايه... أيوا مش فاهم هو المصريين يعني عرق متخلف مثلاً فإنتا بتحاول تثبت خلاف ذلك... واحد مولود في إنجلترا وواخد دكتوراه من هارفارد فاتعلم صح... يكون بقى أصول مصرية أصول ضفدعة؛ هتزرع صح هتحصد صح...

وإلا بقى نقول بالطريقة دي

*️⃣ عارف بوريس جنسون شبيه ترامب الإنجليزي اللي مسك شوية رئيس وزراء وكان عنصري ضد المهاجرين؛ أهو دا جده تركي وكان وزير في الدولة العثمانية. شوفت بقى الأتراك لما بياخدوا فرصة.

*️⃣ طيب أخر 50 سنة أطول رئيس حكم الأرجنتين يبقى كارلوس منعم... السوريين يا أخي لما بياخدوا فرصة بيبقوا رؤساء دول.

*️⃣ رئيس السلفادور الحالي نجيب بوكيلة من أصول فلسطينية... الفلسطنيين يا أخي لما بياخدوا فرصة.

*️⃣ وأوعا تكون فاكر إن نجيب لوحده فهتقولي استثناء؛ لا دا نجيب الرئيس ال 43 أما رقم 40 فكان أنطونيو سقا برضك فلسطيني.

*️⃣ امشي يا سلفادور نطلع على جارتك الإكوادور... مين دا عبد الله بوكرم الرئيس من أصول لبنانية؛ وييجي بعده جميل معوض برضك اللبناني.

*️⃣ كفاية سياسة بس في 11 رئيس في أمريكا الجنوبية من أصول عربية (لبنانينن وفلسطنيين وسوريين)

*️⃣ يا جدعان دا ترامب نفسه؛ جده ألماني؛ الألمان دول لما يتاح لهم فرصة يبقوا رؤساء أمريكا

*️⃣ التخلف والتطور مش مرتبط بعرق أو جنس؛ كل البشر زي بعض؛ هتزرع صح هتحصد صح؛ هتزرع علم هتحصد علماء؛ هتزرع دين هتحصد التزام؛ هتزرع بوستات ريتش هتحصد متابعين برأس شطافة.

كنت ناوي أقولكم يلا النهاردة لايف بس We قاطعة عني الإنترنت بالبيت من إمبارح وشغال Hotspot للبيت 😓 فنخليها بكره الساعة 9 م؛ وهجرب إن شاء الله إن البث يكون ببرنامج فهعمله بث فيسبوك يوتيوب مع بعض. والموضوع هيكون برضك السردية للي مشافش الفيديو أو حابب يسأل عنها.

*️⃣ أما تعليقي عالسردية فبحضر له فيديو تفصيلي بس الكلام المكتوب جميل قوي بس تطبيقه في 5 سنين خيال علمي؛ المكتوب دا عاوز حكومة بتجري وتقطع نفسنا وراها؛ إحنا في مصر شغالين بال Super Slow Motion؛ عارفين من 5 سنين يعني سبتمبر 2020 كانت الحكومة بتتكلم عن إنها هتطبق الرقم القومي العقاري 😂 اه والله من سبتمبر 2020 ل سبتمبر 2025 مظهرش؛ فإحنا عايشين بالتصوير البطيء وبالتالي مستحيل نحقق المكتوب... نعرف التفاصيل بكره في الايف.

*️⃣ طيي النهاردة أسيبكم؟ لا ميحصلش؛ نزلت الفيديو الثالث من اقتصادك في جيبك وشرحت الاقتراض من الخارج والفارق بين الاستلاف من أسواق المال العالمية وبين صندوق النقد وبين الدول العربية والتأمين عالديون وشوية تفاصيل كده؛ إنجوي

https://youtu.be/fHPclSfE6rM

عملت لكم فيديو عالسخان كده بدون منتجه لموضوع الموبايلات دا

انجوي

وبكره نعمل الايف ان شاء الله؛ يمكن النت اللي رجع يكون أحسن 😓

https://youtu.be/euNITCIciH8

دخول مفاجئ في بث عاليوتيوب

بس بنظبط الصوت مفيش شيء فاتكم

https://www.youtube.com/live/we5-biFB3ag?si=rYIDaBc4wNqwgTO0

السفينة الخامسة لفك الاسالة في الطريق ل من تركيا خلاص أهي داخلة علي دمياط؛ وبكده يبقي عندها 3 سفن في العين السخنة و 1 في العقبة بالأردن و 1 في دمياط.

*️⃣ الظريف إن بلومبيرج من يومين قالت إن سفن الغاز متكدسة في العين السخنة؛ فبسبب تحسن درجة الحرارة فتراجع استهلاك الكهرباء ليصبح 3.1 مليار قدم حالياً مقابل 3.7 مليار الشهر الماضي. ومعاه 2.6-2.7 باقي استهلاك مصر فكده نزل استهلاكنا اليومي ليصبح حوالي 5.8 مليار قدم.

*️⃣ لما نحسب الانتاج المحلي 4 مليار والغاز من ولاد ال... حوالي 1 مليار حالياً يبقي كده عندنا غاز جاهز 5 مليار قدم يبقي محتاجين نقول 2 سفينة بس يشتغلوا حد أقصى بل وممكن في ايام يبقوا 1 سفينة بس من ال 4 اللي عندنا (هيبقوا 5 أهو).

*️⃣ بلومبيرج كانت مستغربة بس إن وزارة البترول مكانتش عارفه إن شهر 9 الحرارة اقل من شهر 7 و 8 فاشترت غاز لكل السفن؛ فالنتيجة السفن بقت تقف بالسخنة منتظرة؛ لإنه مش هينفع نشغل السفن كلها هنودي الغاز فين بالشبكة.

*️⃣ دلوقتي السفينة التركية هتنضم للسفن اللي قاعدة بدون شغل... في انتظار الصيف القادم بقى لما الحرارة ترتفع يبقى وقتها نشغلهم (فعلياً هنقعد نخليهم يتسلوا كل مرة واحدة تشتغل عشان ميزهقوش)... والحكومة برضك وقعت اتفاقية لإنشاء محطة برية لفك الإسالة مفروض خلال سنتين تخلص وبعدها مع الغاز بتاع الشرق اللي بدأوا خلاص ووقعوا عقد توسعة الخط للضخ إلى مصر؛ فبعد سنتين نبدأ نتخلص من السفن لإنها بلا عمل دي لما عقودها تخلص (بعض السفن عقودها ل 2035 والعقود دي لا تفسخ يعني هتفضل تدفع 150-200 ألف دولار الإيجار اليومي للسفينة لغاية عقدها ما يخلص بعدها تمشيها أو تمشيها وتدفع برضك الإيجار أو تشوف للسفينة عقد بديل).

*️⃣ فكده نقدر نقول لا تقلقوا مش هيحصل تاني في مصر تخفيف أحمال غير لما فلوسنا تخلص منقدرش نشتري... عندنا كم سفن فك إسالة يكفي العجز بتاع مصر ويشيل دولة تانية معاها.

صباح الفل

بما إن الناس هتكون بتستعد تتابع ماتش الأهلي والزمالك اللي لسه عارف انه النهاردة فاسمحوا لي ببوست شخصي وهو بخصوص الفيديو بتاع أحمد أبو زيد الدعائي لبرنامج محمد بن راشد لإعداد القادة.

*️⃣ طبعاً للي ميعرفش فأحمد أبو زيد صديقي وأنا صورت معاه مرتين بالمناسبة؛ وكل اللي هقوله هنا أنا قولته أصلاً في تعليقات ورسايل بين أصدقاء آخرين وهو رأيي ومأخدتش رأي أحمد فيه.

*️⃣ أولاً لازم نفهم إن السياسة الخارجية للإمارات دي حصرياً لأبو ظبي؛ أما داخلياً فكل إمارة حرة؛ عاوز تبقي متحرر خالص ومنفتح بزيادة جداً ومظهرك غربي زي دبي اتفضل؛ عاوز تبقي ملتزم بشكل واضح والمظهر الإسلامي والعربي باين حتى في تصميمات مباني الدولة زي الشارقة برضك اتفضل.

*️⃣ خلاف الناس مع الإمارات مش عشان الانفتاح الاخلاقي بتاع دبي؛ لا حضرتك دا عشان الخلاف السياسي مع أبو ظبي؛ قبل التحفظ السياسي محدش كانت بيفكر في دبي غير إنها فل شمعة منورة إلا قلة قوي قادرين يشوفوا أد ايه الحياة المادية الفجة بتنتزع روح الإنسان... لكن الغالبية مكانش زعلان من دبي في حاجة... ففعلياً دبي دلوقتي مش بتعمل حاجة جديدة مكانتش بتعملها من 5 و 10 سنين.

*️⃣ أنا لما شوفت كلمة رعاه الله دي عادي محستش في حاجة غلط؛ ملفتتش نظري أصلاً غير لما قريت التعليقات والناس بتقول ايه دا بيدعي له؛ رجعت اشوف تاني؛ فين الدعاء؛ ياااا راجل... طيب اسأل أي حد في الخليج كده هيقولك؛ كلمة حفظه الله رعاه الله أدام الله عمره وبقاءه ووو دي تحسها عندهم متلازمة كده مش ممكن يتقال اسم الشيخ أو الأمير بالخليج بدونها؛ دي بقيت تحسها جزء من اسمهم كده.... عارفين في مصر لما بنقول ان شاء الله؛ احنا مش بنقدم المشيئة فعلياً؛ لا خالص دي بقت متلازمة بنقولها لا إرادياً.

*️⃣ أنا لما شوفت الفيديو زعلت؛ ومزعلتش عشان بخلط بين دبي وأبو ظبي؛ ولا عشان قولت بيدعي للي نشر الحريات الأخلاقية في دبي والكلام دا؛ لكن زعلت عشان أحمد ذكي ومفروض عارف إن الناس مش هتعرف تفرق؛ وعارف إن الناس بتتعامل أبيض وأسود؛ وإن طالما فلان أبيض يبقي كل حاجة بيعملها حلوه؛ ولو بقى أسود يبقي كل حاجة عنه وحشة وكل برامجه فاشلة ومشاريعه لازم تشتمها...

*️⃣ إحنا فاهمين أكلاشيه إن الحياة مش أبيض واسود؛ بس عارفين دي بس لكن فعلياً كلنا بنفكر فيها إنها أبيض وأسود؛ ومفروض أحمد يكون فاهم دا وفاهم الناس بتفكر إزاي وإن في حساسية ضد هناك... زي مثلاً تروح تقابل رئيس حاخامات طائفة يهودية؛ الطائفة دي ضد الصهيونية لكن خلاص دلوقتي مفيش حد هيفكر؛ لو شافك جنب حاخام يبقي إنتا صهيوني؛ نفس الفكرة الإمارات؛ يعني لو حتي مدح في الشيخ سلطان القاسمي حفظه الله (بكتبها عمد عشان هو محترم) حاكم الشارقة واللي هناك يقولوا لكم مجهودة إنه يحافظ عالشارقة بطابع إسلامي وسط توحش التغرب في باقي الدولة؛ برضك هيتشتم لإن اللي بره ميعرفش مين الشيخ سلطان.

*️⃣ فدي غلطة أحمد اللي شايفه عملها؛ وبعد ما أنشر البوست دا هبعتهوله؛ يعني هيشوف رأيي بابلك الأول 😁..

*️⃣ آخر شيء هقوله هو إن ساعات بتكون فاكر إن الإنسان عنده خيارات يروح المالديف وبورا بورا وسانت بارتيس؛ ولا تروح تنزل في ترعة الإسماعيلية؛ وتقول ايه دا فلان اختار ترعة الاسماعيلية والبلهارسيا... الخيارات مش بتكون كده بالحياة؛ ساعات بتكون تحب الخازوق ولا الهونجا بونجا؛ فلما تقول الخازوق يقولك شوفت بيحب يتخزوق... مش هوضح أكثر وغالبا هقفل التعليقات أو هصعب الرد عشان عارف إن الهجوم هيقلب عليا؛ ولا أقولكم هسيبها؛ عادي حرية؛ إنجوي خناقة يلا

⬅️⬅️ توضيح

متلازمة يعني بقت جزء من اسمه يعني لو متقالتش في الخطاب الرسمي العلني يبقي بتعيب فيه؛ كده وضحت