لولي: بابا بابا إنتا عارف بكره في إيه
أنا: لا يا لولي معرفش لسه صاحي
لولي: بكره الأربعاء عيد ميلادك إنتا وماما
أنا: يااااه؛ طيب أخد دش وأنزل الشغل 🤣؛ قال عاوز هدية إيه؛ أنا عاوز أعيش في سلام
I just want to live in peace
لقد هرمنا وبقينا نتكلم زي أبهاتنا وكنا بنستغربهم وإحنا عيال إزاي معندهمش حماسة إن عيد ميلادهم جه؛ أهو يوم زي باقي الأيام 🤣🤣... العيد فعلا لو سابونا في حالنا غير كده شكليات يا بيه
أنا: لا يا لولي معرفش لسه صاحي
لولي: بكره الأربعاء عيد ميلادك إنتا وماما
أنا: يااااه؛ طيب أخد دش وأنزل الشغل 🤣؛ قال عاوز هدية إيه؛ أنا عاوز أعيش في سلام
I just want to live in peace
لقد هرمنا وبقينا نتكلم زي أبهاتنا وكنا بنستغربهم وإحنا عيال إزاي معندهمش حماسة إن عيد ميلادهم جه؛ أهو يوم زي باقي الأيام 🤣🤣... العيد فعلا لو سابونا في حالنا غير كده شكليات يا بيه
❤218😁57👍38🤣15😢9👌4
كم الناس اللي عمالة تبعت لي بشكل شخصي أو بوستات بخصوص الحركة الشمال اللي عملتها NTRA بتاعة لو شغلت التليفون بشريحة مصرية بره مصر لما تنزل مينفعش تسجله...
*️⃣ دي حركة قمة الشمال لإن سهل قوي يعرفوا هل هو لقط الشبكة جوا مصر يعني حد معاه تليفون مقفول فقرر يديه لصديق مسافر يسجله لما يرجع؛ ولا التليفون دا عمره ما لقط من جوا مصر شبكة وكان شغال تجوال.
*️⃣ بس كالعادة الموضوع استسهال؛ المشكلة إنها حركة تضر الافراد بس ومش هتقرب من إمبراطوريات ادخال وتسجيل الهواتف اللي شغالة في مصر؛ اخر الحركة دي تنكد علي شخص لقي تليفون عليه ضريبة فقالك يشيلها ؛ بس الحيتان في أمان.
*️⃣ مش فاهم ليه مصر بتعيد اختراع العجلة؛ يا أخي دا حتي الغشومية ليها كتالوجات؛ يا عم مش احنا وتركيا حالياً صحاب وحبايب وحتي هنشارك في مشروع المقاتلة الشبحية التركية؛ طيب ما نستلف منهم منظومة الهواتف؛ دي بقي غشيمة بس مش هطلة؛ وفي فارق بين الغشومية والهطل.
*️⃣ يعني ببساطة لو اخدت السيستم التركي وطبقته فهنا التليفون اللي اخد اعفاء جمارك هو فعليا مأخدتش اعفاء بل اخد استثناء؛ يعني التليفون مقفول شبكة لكن في استثناء حصري ليك انتا؛ لو حطيت شريحة بالرقم القومي بتاع الشخص اللي سجل في الجمرك؛ هيشتغل؛ أي شريحة تانية هيقف.
*️⃣ وبكده يا سيدي من ناحية الناس خلاص أجهزتها شغالة ولو جايب تليفون لاخوك اختك اقارب درجة أولي سهل تتحايل وتديهم شريحة باسمك؛ لكن مش هينفع تكون جايبه بيزنس لانك مش هتدي الغريب شريحة باسمك 🤣 فكده حليت الازمة وبرضك ضربت تجارة تهريب الهواتف.
*️⃣ لكن تروح تخلي ناس جابت تليفون طبيعي وحطت شريحتها المصرية علي ما تنزل مصر؛ هوبا تليفونها دا بخ؛ يا صلاة النبي؛ يعني لو انتا مسافر عمرة ولا روحت دبي وفكرت تجيب تليفون جديد مفروض الجديد دا تسيبه في كرتونته لغاية ما تنزل؛ ولا تخيل موبايلك وقع اتكسر وانتا بره مصر؛ اشتري موبايل واشتري شريحة وارمي المصرية لغاية ما ترجع عشان مينفعش تحطها في التليفون... ايه العبط دا
*️⃣ ولا عبط ليه صحيح؛ ما نترا اعلنت انها بقت 2 أكبر هيئة اقتصاديا ارباحاً في مصر بعد ما كانت رقم 5؛ مهي بتفرض رسوم علي كل تليفون؛ وبتفرض غرامات على شركات الاتصالات عشان شبكتهم وحشة؛ اه الشبكة وحشة عند المستخدم فنترا تاخد فلوس غرامة ليها هي 🤣 مش تغرمهم دقايق وانترنت لصالح المستخدم؛ احنا ناخد سوء الخدمة وهي تاخد فلوووووس. فيا تري من مصلحتها سوء الخدمة تخلص؟؟؟
*️⃣ دي حركة قمة الشمال لإن سهل قوي يعرفوا هل هو لقط الشبكة جوا مصر يعني حد معاه تليفون مقفول فقرر يديه لصديق مسافر يسجله لما يرجع؛ ولا التليفون دا عمره ما لقط من جوا مصر شبكة وكان شغال تجوال.
*️⃣ بس كالعادة الموضوع استسهال؛ المشكلة إنها حركة تضر الافراد بس ومش هتقرب من إمبراطوريات ادخال وتسجيل الهواتف اللي شغالة في مصر؛ اخر الحركة دي تنكد علي شخص لقي تليفون عليه ضريبة فقالك يشيلها ؛ بس الحيتان في أمان.
*️⃣ مش فاهم ليه مصر بتعيد اختراع العجلة؛ يا أخي دا حتي الغشومية ليها كتالوجات؛ يا عم مش احنا وتركيا حالياً صحاب وحبايب وحتي هنشارك في مشروع المقاتلة الشبحية التركية؛ طيب ما نستلف منهم منظومة الهواتف؛ دي بقي غشيمة بس مش هطلة؛ وفي فارق بين الغشومية والهطل.
*️⃣ يعني ببساطة لو اخدت السيستم التركي وطبقته فهنا التليفون اللي اخد اعفاء جمارك هو فعليا مأخدتش اعفاء بل اخد استثناء؛ يعني التليفون مقفول شبكة لكن في استثناء حصري ليك انتا؛ لو حطيت شريحة بالرقم القومي بتاع الشخص اللي سجل في الجمرك؛ هيشتغل؛ أي شريحة تانية هيقف.
*️⃣ وبكده يا سيدي من ناحية الناس خلاص أجهزتها شغالة ولو جايب تليفون لاخوك اختك اقارب درجة أولي سهل تتحايل وتديهم شريحة باسمك؛ لكن مش هينفع تكون جايبه بيزنس لانك مش هتدي الغريب شريحة باسمك 🤣 فكده حليت الازمة وبرضك ضربت تجارة تهريب الهواتف.
*️⃣ لكن تروح تخلي ناس جابت تليفون طبيعي وحطت شريحتها المصرية علي ما تنزل مصر؛ هوبا تليفونها دا بخ؛ يا صلاة النبي؛ يعني لو انتا مسافر عمرة ولا روحت دبي وفكرت تجيب تليفون جديد مفروض الجديد دا تسيبه في كرتونته لغاية ما تنزل؛ ولا تخيل موبايلك وقع اتكسر وانتا بره مصر؛ اشتري موبايل واشتري شريحة وارمي المصرية لغاية ما ترجع عشان مينفعش تحطها في التليفون... ايه العبط دا
*️⃣ ولا عبط ليه صحيح؛ ما نترا اعلنت انها بقت 2 أكبر هيئة اقتصاديا ارباحاً في مصر بعد ما كانت رقم 5؛ مهي بتفرض رسوم علي كل تليفون؛ وبتفرض غرامات على شركات الاتصالات عشان شبكتهم وحشة؛ اه الشبكة وحشة عند المستخدم فنترا تاخد فلوس غرامة ليها هي 🤣 مش تغرمهم دقايق وانترنت لصالح المستخدم؛ احنا ناخد سوء الخدمة وهي تاخد فلوووووس. فيا تري من مصلحتها سوء الخدمة تخلص؟؟؟
❤189👌66😢55👍41😁40🤗1
الحلزونة ياما الحلزونة
*️⃣ دلوقتي الحكومة عندها هدف وهو السيطرة عالتضخم ⬅️ الفايدة تقل ⬅️ بند خدمة الدين يقل.
*️⃣ عشان تعمل دا مش بتزود ولا بتبيع الكهرباء ولا البنزين ولا الغاز بسعرهم الحقيقي ⬅️ تستلف فلوس عشان تدعم القطاعين دول ⬅️ خدمة الدين تزيد.
*️⃣ فالحكومة تقولك خلاص هزود سعر الكهرباء والبنزين ⬅️ هقلل القروض اللي بستلفها عشان احطها ك دعم ⬅️ رفع سعرهم هيزود الأسعار ⬅️ التضخم هيزيد ⬅️ الفايدة مش هتنزل ⬅️ خدمة الدين هتفضل عالية 🤣.
*️⃣ حلزونة بنت لذينا ملهاش حل هتجيبها كده تجيبها كده هي كده؛ حلزونة الطاقة بلا حل... والمشكلة انها مرتبطة بسعر البرميل والدولار والغاز العالمي فلو زادوا تزيد المشكلة.
*️⃣ دلوقتي الحكومة عندها هدف وهو السيطرة عالتضخم ⬅️ الفايدة تقل ⬅️ بند خدمة الدين يقل.
*️⃣ عشان تعمل دا مش بتزود ولا بتبيع الكهرباء ولا البنزين ولا الغاز بسعرهم الحقيقي ⬅️ تستلف فلوس عشان تدعم القطاعين دول ⬅️ خدمة الدين تزيد.
*️⃣ فالحكومة تقولك خلاص هزود سعر الكهرباء والبنزين ⬅️ هقلل القروض اللي بستلفها عشان احطها ك دعم ⬅️ رفع سعرهم هيزود الأسعار ⬅️ التضخم هيزيد ⬅️ الفايدة مش هتنزل ⬅️ خدمة الدين هتفضل عالية 🤣.
*️⃣ حلزونة بنت لذينا ملهاش حل هتجيبها كده تجيبها كده هي كده؛ حلزونة الطاقة بلا حل... والمشكلة انها مرتبطة بسعر البرميل والدولار والغاز العالمي فلو زادوا تزيد المشكلة.
😁81👍63😢34❤31🤣13👏5🤯4👌3
بيبهرني اللي يخش يقولي أنا مش بستخدم الذكاء الصناعي عشان هو بيهبد؛ وخد بالك من الهبد ويدني نصيحة كإني مش بشوف الذكاء الصناعي وهو بيهبد.
*️⃣ مهو ألف باء مخ بقري كندوزي هو إنك توقف كل معلومة داخله تبص بصه عليها؛ تشوفها من الفيسبوك تشوفها من أبو الاشتات تشوفها في بوست لبن سامي؛ بص بصه على أي معلومة أو خبر يعدي عليك قبل ما تدخله مخك.
*️⃣ وإلا هتلاقي عبط كده يعدي عليك؛ كنت مديله شوية داتا يحللهم واخدت النتيجة لقيتها مش هي اللي في بالي؛ مهو لازم يكون في بالك رقم قريب وتستخدم التقنيات للوصول للأدق؛ لقيت رقم غريب فراجعت وراه الخطوات لقيته جامع لي كده 🤣🤣🤣 لا وفضل يقاوح معايا كمان 😆.
*️⃣ هل معنى كده إنك هتبقي فله ومفيش حاجة هتخدعك؛ لا خالص هتتخدع برضك ويخش مخك معلومات مش دقيقة؛ بس ميبقاش كل من هب ودب يضحك عليك... يعني شايف حد مشهور كبير في السن فتقول للشات هو مواليد سنة كام؛ في بالك هيكون موالي 40s او 50s فتلاقي الشات يقولك 1920؛ أكيد دي متضحكش عليك؛ لكن لو هو مواليد 1955 والشات قالك 1958 فهنا تخدعك؛ عادي بس يقولك دا فوق 100 سنة وتصدق... هي مصر بتستورد بكام؛ في بالك رقم 80-90 مليار دولار؛ يقولك 85 تصدقه ويطلع 95 مليار ماشي... بس يقولك 30 تصدق كده الخلل منك.
كده وضحت 😁 سامعني يا شات يا أبو 45 المجموع قال.
*️⃣ مهو ألف باء مخ بقري كندوزي هو إنك توقف كل معلومة داخله تبص بصه عليها؛ تشوفها من الفيسبوك تشوفها من أبو الاشتات تشوفها في بوست لبن سامي؛ بص بصه على أي معلومة أو خبر يعدي عليك قبل ما تدخله مخك.
*️⃣ وإلا هتلاقي عبط كده يعدي عليك؛ كنت مديله شوية داتا يحللهم واخدت النتيجة لقيتها مش هي اللي في بالي؛ مهو لازم يكون في بالك رقم قريب وتستخدم التقنيات للوصول للأدق؛ لقيت رقم غريب فراجعت وراه الخطوات لقيته جامع لي كده 🤣🤣🤣 لا وفضل يقاوح معايا كمان 😆.
*️⃣ هل معنى كده إنك هتبقي فله ومفيش حاجة هتخدعك؛ لا خالص هتتخدع برضك ويخش مخك معلومات مش دقيقة؛ بس ميبقاش كل من هب ودب يضحك عليك... يعني شايف حد مشهور كبير في السن فتقول للشات هو مواليد سنة كام؛ في بالك هيكون موالي 40s او 50s فتلاقي الشات يقولك 1920؛ أكيد دي متضحكش عليك؛ لكن لو هو مواليد 1955 والشات قالك 1958 فهنا تخدعك؛ عادي بس يقولك دا فوق 100 سنة وتصدق... هي مصر بتستورد بكام؛ في بالك رقم 80-90 مليار دولار؛ يقولك 85 تصدقه ويطلع 95 مليار ماشي... بس يقولك 30 تصدق كده الخلل منك.
كده وضحت 😁 سامعني يا شات يا أبو 45 المجموع قال.
🤣101👍47❤45🫡5🥰1😱1
يااااه لقد هرمنا؛ بنك CIB ضاف منظومة التحويلات الفورية IPN في الابلكيشن بتاعه؛ يااااه أخيرا حصل بنك اسكندرية ومصر و القطري.
*️⃣ للي مش عارف أو متخلبط ف IPN هي منظومة التحويلات الفورية اللي أشهر تطبيق ليها هو انستاباي؛ لكن دي منظومة تحويلات والبرنامج بتاع انستاباي بيستخدمها... البنوك المحترمة بتضيفها في برامجها فتقدر تحول لحظي من برنامج البنك مش لازم انستاباي.
*️⃣ لسه منعرفش حدود التحويل بتاعة CIB لكن أظنه هيعملها 500 ألف يومي و 5 مليون شهري غالبا أو 10 مليون شهري مش عارف؛ ودا طبعاً مقارنة ب 400 ألف شهري انستا باي.
*️⃣ أخيراً بنك CIB بيطور وعقبال ما يعبر الشركات ويبطل موقعه ياخد إجازة في الجمعة والسبت ونقدر نعرف تحديث رصيد الشركة أونلاين بالإجازات بدل ما موقع البنك بيقفل الخميس اخر النهار ويرجع يحدث الرصيد يوم الأحد 9 الصبح ونعرف ايه تم بالإجازة 😂😂. ما انتم شركات عاوزين تعرفوا رصيدكم ليه جمعة وسبت؟ روح الماكينة شوف رصيدك متقرفناش.
*️⃣ للي مش عارف أو متخلبط ف IPN هي منظومة التحويلات الفورية اللي أشهر تطبيق ليها هو انستاباي؛ لكن دي منظومة تحويلات والبرنامج بتاع انستاباي بيستخدمها... البنوك المحترمة بتضيفها في برامجها فتقدر تحول لحظي من برنامج البنك مش لازم انستاباي.
*️⃣ لسه منعرفش حدود التحويل بتاعة CIB لكن أظنه هيعملها 500 ألف يومي و 5 مليون شهري غالبا أو 10 مليون شهري مش عارف؛ ودا طبعاً مقارنة ب 400 ألف شهري انستا باي.
*️⃣ أخيراً بنك CIB بيطور وعقبال ما يعبر الشركات ويبطل موقعه ياخد إجازة في الجمعة والسبت ونقدر نعرف تحديث رصيد الشركة أونلاين بالإجازات بدل ما موقع البنك بيقفل الخميس اخر النهار ويرجع يحدث الرصيد يوم الأحد 9 الصبح ونعرف ايه تم بالإجازة 😂😂. ما انتم شركات عاوزين تعرفوا رصيدكم ليه جمعة وسبت؟ روح الماكينة شوف رصيدك متقرفناش.
👍135🤣67❤50👌9😁7🔥1🫡1
الحمد لله في شوية شاحنات بدأت تدخل للقطاع؛ عشان بس نتخيل مدى احتياج القطاع فأعرف ان الانسان العادي محتاج أكل في يومه 1.5 الي 2 كيلو؛ فلما تفكر في 2 مليون وربع فدا معناه محتاجين يوميا عالأقل 3500 طن من الأغذية غير الزيوت والأدوية والملابس وو.
*️⃣ وعادة الشاحنة تقدر تشيل 50 طن من الأغذية والرقم يقل لو حاجات خفيفة زي الدواء وو؛ حتى الأخبار اليوم طالعه دخول 100 شاحنة فيهم 1200 طن يعني 12 طن للساحنة الواحدة... الرقم لما تبص له بالطن تقول ياااه 1.2 مليون كيلو أكل؛ لكن لما تعرف ان البشر الطبيعيين هنا في العادي محتاجين 3.5 مليون كيلو يومي أكل فقط؛ يعني عالأقل 5000 طن متنوع يومي يدخل؛ يعني لو حسبنا متوسط وزن الشاحنة 20/30 كيلو فدول عاوزين يومي بشكل دائم 150 شاحنة عشان الحياة العادية.
*️⃣ دول بقي مش في وضع عادي؛ دول تحت الصفر يعني احتياجهم يفوق العادي؛ يعني عشان يعيشوا محتاجين يومي 200+ شاحنة.
*️⃣ اتمني يكونوا اتفقوا عالاعداد دي ونشوف كل يوم بال 150 و 200 شاحنة يدخلوا؛ والا يبقي الموضوع هو اقرب للمحافظة على الحياة مش أكثر.
*️⃣ حبيت بس بالبوست دا أفكر بشكل براجماتي رقمي عشان بعض الكائنات ممكن تستغل دا وتنفض يدها وتقول دخل اهو مليون كيلو ولا 2 مليون... حبيب بس أوضح مدى الاحتياج الطبيعي وكل دا بنتكلم في الطبيعي لناس طبيعية وهم أبعد ما يكونوا عن الوضع الطبيعي؛ دي ذرة رماد؛ إنسان بيموت من الجوع فدخلت ايده رغيف عيش صغير وكوباية ماية واحدة؛ مش هتشبعه ولا هتكفيه بس هتخلي موته من الجوع ابطئ 😔.
ربنا معاهم؛ ويرحمنا يوم القيامة من السؤال والمحاسبة عنهم 😔
*️⃣ وعادة الشاحنة تقدر تشيل 50 طن من الأغذية والرقم يقل لو حاجات خفيفة زي الدواء وو؛ حتى الأخبار اليوم طالعه دخول 100 شاحنة فيهم 1200 طن يعني 12 طن للساحنة الواحدة... الرقم لما تبص له بالطن تقول ياااه 1.2 مليون كيلو أكل؛ لكن لما تعرف ان البشر الطبيعيين هنا في العادي محتاجين 3.5 مليون كيلو يومي أكل فقط؛ يعني عالأقل 5000 طن متنوع يومي يدخل؛ يعني لو حسبنا متوسط وزن الشاحنة 20/30 كيلو فدول عاوزين يومي بشكل دائم 150 شاحنة عشان الحياة العادية.
*️⃣ دول بقي مش في وضع عادي؛ دول تحت الصفر يعني احتياجهم يفوق العادي؛ يعني عشان يعيشوا محتاجين يومي 200+ شاحنة.
*️⃣ اتمني يكونوا اتفقوا عالاعداد دي ونشوف كل يوم بال 150 و 200 شاحنة يدخلوا؛ والا يبقي الموضوع هو اقرب للمحافظة على الحياة مش أكثر.
*️⃣ حبيت بس بالبوست دا أفكر بشكل براجماتي رقمي عشان بعض الكائنات ممكن تستغل دا وتنفض يدها وتقول دخل اهو مليون كيلو ولا 2 مليون... حبيب بس أوضح مدى الاحتياج الطبيعي وكل دا بنتكلم في الطبيعي لناس طبيعية وهم أبعد ما يكونوا عن الوضع الطبيعي؛ دي ذرة رماد؛ إنسان بيموت من الجوع فدخلت ايده رغيف عيش صغير وكوباية ماية واحدة؛ مش هتشبعه ولا هتكفيه بس هتخلي موته من الجوع ابطئ 😔.
ربنا معاهم؛ ويرحمنا يوم القيامة من السؤال والمحاسبة عنهم 😔
❤289😢163👍60🙏11👏9😭7💔2😡2
النهاردة أنا اشتركت في خدمة في اتصالات بقالي زمن عاوز أشترك بس مكسل أروح الفرع 🤣؛ الخدمة دي مغمورة جداً لدرجة قعدت أسال مستخدمي اتصالات محدش يعرفها بل لما روحت الفرع وقولت للموظف عاوز اشترك فيها بص لي بصه كده وتحسه شرد وقالي تعرف يا فندم بقالي 5 سنين في اتصالات وإنتا أول عميل يطلب اشترك فيها 😂 متخيلين...
*️⃣ فأمرنا لله هشرح لكم الخدمة ونعمل خدمة مجانية لشركة اتصالات مفروض بتصرف عشرات الملايين دعاية بس غالباً اللي يعرفوها من سابقا هيبقوا أقل من اللي يشوفوا البوست دا 😁؛ الخدمة دي هي الرقم الإضافي أو خدمة خطين.
*️⃣ الخدمة دي باختصار هي إن شريحتك يبقي ليها 2 رقم؛ مثلاً محتاج رقم إضافي عشان شغل أو مش عاوز تدي حد رقمك الأساسي؛ أو لأي سبب كان.
*️⃣ هتشترك في الخدمة وهوبا بقي معاك رقم تاني؛ هو هو رقمك يعني نفس الدقايق بتاعتك وكله بس فعليا دا رقم تاني ييجي له مكالمات بشكل مستقل ورسايل؛ تدي الرقم للناس بقي وتعيش وتشغل عليه واتس آب تاني... وبكده بقي ممكن يبقي معاك خط للشغل بدون ما تجيب عدة مستقلة.
*️⃣ الخدمة دي موجودة من اتصالات من 12 سنة 😂 وهما ناسينها لدرجة ان رسومها 5 جنية شهري زي ما طلعت سنة 2013 هي هي ال 5 جنية.
*️⃣ بالمناسبة بتتصل بشكل قريب شوية؛ بتكتب 991 قبل الرقم اللي هتتصل بيه فهنا يتصل بالشريحة الثانية دي؛ لكن طبعا الناس عادي بتتصل بيها كإنها رقم حقيقي؛ ولو حد اتصل بيك عالرقم دا وانتا بتتكلم في الرئيسي هيخش ويتنج عااادي.
*️⃣ أنا كده شرحت شوية وأكثر من اللي موقع اتصالات نفسه كاتبه (بالمناسبة موقع اتصالات كاتب دي خدمة جديدة 😂😂) واللي عاوز تفاصيل بقي يكلم اتصالات أنا مش شغال خدمة عملاء ولا هما بيدفعوا لي حاجة دول بياخدوا مني فاتورة شهرية بمبلغ محترم من 4 خانات😓 😓 .
*️⃣ فأمرنا لله هشرح لكم الخدمة ونعمل خدمة مجانية لشركة اتصالات مفروض بتصرف عشرات الملايين دعاية بس غالباً اللي يعرفوها من سابقا هيبقوا أقل من اللي يشوفوا البوست دا 😁؛ الخدمة دي هي الرقم الإضافي أو خدمة خطين.
*️⃣ الخدمة دي باختصار هي إن شريحتك يبقي ليها 2 رقم؛ مثلاً محتاج رقم إضافي عشان شغل أو مش عاوز تدي حد رقمك الأساسي؛ أو لأي سبب كان.
*️⃣ هتشترك في الخدمة وهوبا بقي معاك رقم تاني؛ هو هو رقمك يعني نفس الدقايق بتاعتك وكله بس فعليا دا رقم تاني ييجي له مكالمات بشكل مستقل ورسايل؛ تدي الرقم للناس بقي وتعيش وتشغل عليه واتس آب تاني... وبكده بقي ممكن يبقي معاك خط للشغل بدون ما تجيب عدة مستقلة.
*️⃣ الخدمة دي موجودة من اتصالات من 12 سنة 😂 وهما ناسينها لدرجة ان رسومها 5 جنية شهري زي ما طلعت سنة 2013 هي هي ال 5 جنية.
*️⃣ بالمناسبة بتتصل بشكل قريب شوية؛ بتكتب 991 قبل الرقم اللي هتتصل بيه فهنا يتصل بالشريحة الثانية دي؛ لكن طبعا الناس عادي بتتصل بيها كإنها رقم حقيقي؛ ولو حد اتصل بيك عالرقم دا وانتا بتتكلم في الرئيسي هيخش ويتنج عااادي.
*️⃣ أنا كده شرحت شوية وأكثر من اللي موقع اتصالات نفسه كاتبه (بالمناسبة موقع اتصالات كاتب دي خدمة جديدة 😂😂) واللي عاوز تفاصيل بقي يكلم اتصالات أنا مش شغال خدمة عملاء ولا هما بيدفعوا لي حاجة دول بياخدوا مني فاتورة شهرية بمبلغ محترم من 4 خانات
Please open Telegram to view this post
VIEW IN TELEGRAM
❤228👍87🤣33👀12👌11😍7😁1
من صغري وأنا عندي قناعة تامة إن مصر بلد كبيرة؛ احنا مش زي أي بلد تانية حولينا؛ إحنا مصر... كبرت شوية وقصص نبيل فاروق بقى رجل المستحيل وملف المستقبل غذت الشعور دا... كبرت أكثر وحبيت التاريخ ولقيت إن فعلياً مصر مؤثرة جداً في مسار التاريخ سواء القديم أو الحديث وكل الصعود والهبوط في التاريخ الإسلامي كانت برضك مصر مؤثرة فيه
*️⃣ عشان كده بتعصب قوي قوي قوي لما أشوف بوستات بتقارن مصر بقطر مثلاً وتقول يعني قطر عملت ايه اشمعنى احنا؟... نعم حضرتك أنتا بتقارنا إحنا مصر بقطر؟ بتقارن مصر بالإمارات؟ المغرب تونس الخ الخ... هما دول كويسة ومعنديش مشاكل معاهم بس إحنا مصر إحنا الكبير... عارف يعني ايه الكبير؟!!!
*️⃣ في كل شلة أو عيلة كبيرة أو قبيلة حتى بيكون في شخص هو "الكبير"؛ مش شرط الكبير دا يكون أغنى واحد لكنه بيكون في الكبير وهنا ييجي السؤال يعني ايه الكبير؟
*️⃣ الكبير هو الشخص اللي عليه مسئوليات وبرضك ليه حقوق؛ أي حد بيتضرر أو عنده مشكلة مش بيروح يتصل بأغنى واحد لإنه كثير بيكون "الندل" بل بيروح ل "الكبير" لإنه هيقف معاه لو كان ايه الوضع... مريض هتلاقي الكبير معاك؛ يا أخي لو روحت فجأة على بيت الكبير هتلاقيه بيستقبلك ويرحب بيك ولو معندوش غير أكلة واحدة هيدهالك وهو ينام من غير عشاء لإنه هو الكبير؛ حاسس إنه المسئول.
*️⃣ الناحية الثانية برضك الكبير دا كلمته بتمشي عالجميع؛ غني فقير صغير سن كبير السن؛ محدش يقدر يرد له كلمه ولا حد يقدر ياخد خطوة كبيرة بدون ما يشور الكبير فيها. يعني من الآخر الكبير مواقف ليه وعليه... دا هو الكبير ودي كانت مصر دائماً.
*️⃣ بقول كانت عشان بلاقي الناس مبقتش خلاص مقتنعة إن مصر الكبير؛ اه المصريين نفسهم مش بتكلم عالسياسة لا الشعب؛ تلاقيهم يقولوا ليه الناس تلجئ ليا ما يروحوا لغيري؛ ليه أنا أساعد ما غيري يساعد؛ ليه أنا أعمل ليه أنا أسوى... حضرتك انتا الكبير؛ مش عاوز مسئوليات الكبير؟ خلاص تمام بس خد بالك المسئوليات لو مشيت مش بتمشي لوحدها.
*️⃣ الحقوق كمان بتروح؛ تفتكر مصر لما بتمر بأزمة ليه كانت الدول بتقف معاها؟ الأفريقية والعربية؟ ليه بعد حرب 67 السعودية نسيت الخلافات ووقفت معانا؛ ودي مش خلافات عادية دي كانت شبه حرب بينا في اليمن؛ الاقتصاد المصري لما كان بيحصله مشكلة ليه بيقفوا معانا؟ الموقع الرسمي للحكومة السعودية بيقول إن أكثر بلد في الكوكب السعودية أدتها مساعدات هي مصر بقيمة 32.5 مليار دولار... طيب ليه واشمعنى احنا؟
*️⃣ الإجابة عشان أنتا الكبير؛ مصر كان ليها أفضال عالجميع فالناس بتردها لمصر بشكل أو بآخر؛ طب يا ترى الاقتصاد الأردني لما يبقى في أزمة هل بيخشوا يعملوا مشروعات ضخمة وينقذوه دي مصر؟ التونسي اللبناني؟ طيب الاتحاد الأوروبي ليه حالياً بيعمل برنامج دعم الاقتصاد المصري ب 10 مليار يورو؟ عشان عندها لاجئين كثير وصعوبات بنواجهها.
*️⃣ فالمعادلة هي هات وخد؛ لو مصر بقى قررت تتقوقع على نفسها؛ مليش دعوة بحد ومش هقف مع حد ومحدش ييجي لي؛ تفتكر بقى لو بقينا زي تونس ولا المغرب متفرج عالأحداث؛ تفتكر وقتها لو وقعنا في حد هيقف معانا؟
*️⃣ عارفين الموضوع واصل لفين؟ لإن المصريين نفسهم بقوا مش مقتنعين إننا دولة كبيرة؛ بوستات تقولك لو مصر كانت دخلت شوية مساعدات بدون موافقة إسرائيل كانت إسرائيل هتضربنا؛ ياخي تيت يضربوا مين؟ انتا فاكرنا لبنان ولا العراق ولا سوريا عادي كده يكونوا قاعدين في قعدة في تل ابيب فيقولوا ما نضرب مصر يلا بينا؟ أنتم للدرجة دي مستقلين بمصر؟ انتم المصريين مستقلين بمصر وشايفين إن عااادي خالص أي حد ياخد خطوة إنه يحاربك؟
*️⃣ دا إيران الهطلة اللي لا عندها دفاع جوي ولا سلاح جو ولا بحرية طلعت عنيهم أومال إنتا ايه؟ انتم متخيلين حرب معانا سهلة؟ دا لو طلقة مدفع اتضربت مننا عليهم أو العكس عادي جداً الدولتين يقعدوا مع بعض وتتسوى وميحصلش حرب. بقولك طلقة مدفع مش كيس دقيق؛ هيحصل شوية شتيمة واسحب السفير واحتج وبعدين تسوية من تحت لتحت والموضوع يتقفل ونرجع السفراء لبعض تاني.
*️⃣ والموضوع مش عمالة أحسن كلامي يتفهم غلط لكن عشان الحرب معاك موضوع كبير محتاج سنين تخطيط وتجهيز وهما أصلاً شوية رجالة بصنادل مطلعين عين أبوهم فما بالك بحرب شاملة مع دولة زي مصر.
*️⃣ أنا مش قادر أفهم الناس اللي عايشة في دور الوطنيين فعشان يثبتوا إنهم وطنيين يروحوا مقللين من مصر... شوية يقارنونا بدول أصغر من حي في مصر وبعدين يقولوا احسن إسرائيل تضربنا ووو... كده أنتم مفروض وطنين وقوميين؟ أومال لما تكونوا معاديين للبلد دي هتقولوا ايه؟
*️⃣ عشان كده بتعصب قوي قوي قوي لما أشوف بوستات بتقارن مصر بقطر مثلاً وتقول يعني قطر عملت ايه اشمعنى احنا؟... نعم حضرتك أنتا بتقارنا إحنا مصر بقطر؟ بتقارن مصر بالإمارات؟ المغرب تونس الخ الخ... هما دول كويسة ومعنديش مشاكل معاهم بس إحنا مصر إحنا الكبير... عارف يعني ايه الكبير؟!!!
*️⃣ في كل شلة أو عيلة كبيرة أو قبيلة حتى بيكون في شخص هو "الكبير"؛ مش شرط الكبير دا يكون أغنى واحد لكنه بيكون في الكبير وهنا ييجي السؤال يعني ايه الكبير؟
*️⃣ الكبير هو الشخص اللي عليه مسئوليات وبرضك ليه حقوق؛ أي حد بيتضرر أو عنده مشكلة مش بيروح يتصل بأغنى واحد لإنه كثير بيكون "الندل" بل بيروح ل "الكبير" لإنه هيقف معاه لو كان ايه الوضع... مريض هتلاقي الكبير معاك؛ يا أخي لو روحت فجأة على بيت الكبير هتلاقيه بيستقبلك ويرحب بيك ولو معندوش غير أكلة واحدة هيدهالك وهو ينام من غير عشاء لإنه هو الكبير؛ حاسس إنه المسئول.
*️⃣ الناحية الثانية برضك الكبير دا كلمته بتمشي عالجميع؛ غني فقير صغير سن كبير السن؛ محدش يقدر يرد له كلمه ولا حد يقدر ياخد خطوة كبيرة بدون ما يشور الكبير فيها. يعني من الآخر الكبير مواقف ليه وعليه... دا هو الكبير ودي كانت مصر دائماً.
*️⃣ بقول كانت عشان بلاقي الناس مبقتش خلاص مقتنعة إن مصر الكبير؛ اه المصريين نفسهم مش بتكلم عالسياسة لا الشعب؛ تلاقيهم يقولوا ليه الناس تلجئ ليا ما يروحوا لغيري؛ ليه أنا أساعد ما غيري يساعد؛ ليه أنا أعمل ليه أنا أسوى... حضرتك انتا الكبير؛ مش عاوز مسئوليات الكبير؟ خلاص تمام بس خد بالك المسئوليات لو مشيت مش بتمشي لوحدها.
*️⃣ الحقوق كمان بتروح؛ تفتكر مصر لما بتمر بأزمة ليه كانت الدول بتقف معاها؟ الأفريقية والعربية؟ ليه بعد حرب 67 السعودية نسيت الخلافات ووقفت معانا؛ ودي مش خلافات عادية دي كانت شبه حرب بينا في اليمن؛ الاقتصاد المصري لما كان بيحصله مشكلة ليه بيقفوا معانا؟ الموقع الرسمي للحكومة السعودية بيقول إن أكثر بلد في الكوكب السعودية أدتها مساعدات هي مصر بقيمة 32.5 مليار دولار... طيب ليه واشمعنى احنا؟
*️⃣ الإجابة عشان أنتا الكبير؛ مصر كان ليها أفضال عالجميع فالناس بتردها لمصر بشكل أو بآخر؛ طب يا ترى الاقتصاد الأردني لما يبقى في أزمة هل بيخشوا يعملوا مشروعات ضخمة وينقذوه دي مصر؟ التونسي اللبناني؟ طيب الاتحاد الأوروبي ليه حالياً بيعمل برنامج دعم الاقتصاد المصري ب 10 مليار يورو؟ عشان عندها لاجئين كثير وصعوبات بنواجهها.
*️⃣ فالمعادلة هي هات وخد؛ لو مصر بقى قررت تتقوقع على نفسها؛ مليش دعوة بحد ومش هقف مع حد ومحدش ييجي لي؛ تفتكر بقى لو بقينا زي تونس ولا المغرب متفرج عالأحداث؛ تفتكر وقتها لو وقعنا في حد هيقف معانا؟
*️⃣ عارفين الموضوع واصل لفين؟ لإن المصريين نفسهم بقوا مش مقتنعين إننا دولة كبيرة؛ بوستات تقولك لو مصر كانت دخلت شوية مساعدات بدون موافقة إسرائيل كانت إسرائيل هتضربنا؛ ياخي تيت يضربوا مين؟ انتا فاكرنا لبنان ولا العراق ولا سوريا عادي كده يكونوا قاعدين في قعدة في تل ابيب فيقولوا ما نضرب مصر يلا بينا؟ أنتم للدرجة دي مستقلين بمصر؟ انتم المصريين مستقلين بمصر وشايفين إن عااادي خالص أي حد ياخد خطوة إنه يحاربك؟
*️⃣ دا إيران الهطلة اللي لا عندها دفاع جوي ولا سلاح جو ولا بحرية طلعت عنيهم أومال إنتا ايه؟ انتم متخيلين حرب معانا سهلة؟ دا لو طلقة مدفع اتضربت مننا عليهم أو العكس عادي جداً الدولتين يقعدوا مع بعض وتتسوى وميحصلش حرب. بقولك طلقة مدفع مش كيس دقيق؛ هيحصل شوية شتيمة واسحب السفير واحتج وبعدين تسوية من تحت لتحت والموضوع يتقفل ونرجع السفراء لبعض تاني.
*️⃣ والموضوع مش عمالة أحسن كلامي يتفهم غلط لكن عشان الحرب معاك موضوع كبير محتاج سنين تخطيط وتجهيز وهما أصلاً شوية رجالة بصنادل مطلعين عين أبوهم فما بالك بحرب شاملة مع دولة زي مصر.
*️⃣ أنا مش قادر أفهم الناس اللي عايشة في دور الوطنيين فعشان يثبتوا إنهم وطنيين يروحوا مقللين من مصر... شوية يقارنونا بدول أصغر من حي في مصر وبعدين يقولوا احسن إسرائيل تضربنا ووو... كده أنتم مفروض وطنين وقوميين؟ أومال لما تكونوا معاديين للبلد دي هتقولوا ايه؟
12❤323👍97🤣30👏13👌12🤔2
*️⃣ مصر بلد كبيرة بلاش تصغروها؛ بلاش تعاملوها إنها مش الكبير وتقولوا دور الكبير مش عاوزينه إحنا عاوزينه؛ لإن كرسي الكبير لو اتاخد منك مش هيرجع تاني؛ خاصة إن اللي عاوز ياخده منك نفسه فيه من زمان؛ ودلوقتي بيصرف مئات المليارات عشان يرسم دولته إنها الكبير للمنطقة دي؛ فبلاش احنا نساعده. لإن وقتها هتبقى اديته هدية على طبق من ذهب؛ وقتها متسغربش لما تلاقي كل شيء بيتم في المنطقة بدون علمك؛ ما انتا اخترت متبقاش الكبير يبقى ناخد رأيك ليه ما هنكلم الكبير بتاع المنطقة وهو هيقولك.
*️⃣ مصر الكبير ولازم تفضل هي الكبير متقللوش منها
*️⃣ مصر الكبير ولازم تفضل هي الكبير متقللوش منها
3❤313👍96🤣26👏14👌9😁5🤔4🙏1😴1🙉1
في ما يقارب 6-8 مليار دولار دخلوا مصر هوت ماني خلال شهر يوليو؛ كم الفلوس الرهيب دا هو سبب هبوط الدولار المستمر؛ الفلوس دخل جزء (3.3 مليار دولار) من السوق الثانوي والباقي من السوق الرئيسي.
*️⃣ السوق الرئيسي لا يعلن فيه ع الأقل لينا نسبة الأجانب لكن مصر اقترضت 1074 مليار جنية خلال شهر يوليو ودا اعلي شهر اقتراض في تاريخ مصر كلها؛ سددنا بيهم 436 مليار جنية اذون وسندات خلصت مدتها يعني فعليا اقترضنا 638 مليار جنية؛ الرقم دا لو ربعه من الهوت ماني يعني هيعدي ال 3 مليار دولار.
*️⃣ الهوت ماني بيدخل مصر عن طريق المؤسسات؛ مش مؤسسات صغيرة لا احنا بنتكلم عن سماسرة ديون كبار زي جولدمان ساكس اللي قال الجنية اعلي من قيمة 30% يعني الدولار مفروض ينزل؛ و سيتي بنك و HSBC وغيرهم؛ مؤسسات عندها أجهزة استخبارات مالية عالمية.
*️⃣ المؤسسات دي مش هتخش مكان وهي متوقعه الغدر يعني يحصل تعويم يخزوقهم؛ ولا يخشوا دولة هما متوقعين ولو 1% انها في مؤامرات ولبش حقيقي؛ هما بيعرفوا يفرقوا بين الشو الإعلامي لزوم الاستهلاك المحلي والجعجعة وبين القلق الحقيقي؛ دي مؤسسات بتدير ترليونات حول العالم وحطت في مصر ارقام ذات 10 أصفار بالدولار.
*️⃣ اللي منتظر وشايف تعويم والدولار ب 60/70 ربنا معاك؛ واللي شايف ان في مرحلة عصيبة ومؤامرات صعبة وخطر محدق مدمر فدا ربنا يشفيك؛ علي علوكا عالفيسبوك شايف الخطر؛ ومؤسسات دولية بتدفع عشرات المليارات وعلى علاقة بالبنك الدولي وصندوق النقد والمخابرات الأمريكية للأسف معندهاش المعلومة اللي عند زعبولة القلة. غالبا عشان هما بيشتغلوا مش فاضيين للفيسبوك.
⬅️⬅️ الخلاصة: الوضع مستقر؛ الدولار بيدخل حالياً وبكرر حالياً بشكل يفوق المستهلك؛ الوضع تحت السيطرة اقتصادياً وأمنياً وسياسياً وكله تمام حالياً وحتى تغير الظروف.... نشوفكم الربع القادم اكتوبر مع زيارة وفد الصندوق؛ قبلها يبقى الوضع على ما هو عليه وعلى المتضرر اللجوء لبوستات الفيسبوك 😁. البلد مستقرة لا تقلقوا 💪
تحديث
⬅️⬅️⬅️ يالهوي يا جدعان أنا مقولتش الدولار هيبقي 35؛ احنا قاعدين في حته 48-51؛ سمسار الديون عاوز زباينه يكسيوا فبيطلع اشاعات انه هينزل ل 35 بس دا فنكوش؛ كل جنية يعني 2% ربح للهوت ماني؛ اللي هو 50 مليار دولار يعني كل 1 جنية ينزل يساوي 1 مليار دولار للهوت ماني لان الجنية ب 2%
*️⃣ السوق الرئيسي لا يعلن فيه ع الأقل لينا نسبة الأجانب لكن مصر اقترضت 1074 مليار جنية خلال شهر يوليو ودا اعلي شهر اقتراض في تاريخ مصر كلها؛ سددنا بيهم 436 مليار جنية اذون وسندات خلصت مدتها يعني فعليا اقترضنا 638 مليار جنية؛ الرقم دا لو ربعه من الهوت ماني يعني هيعدي ال 3 مليار دولار.
*️⃣ الهوت ماني بيدخل مصر عن طريق المؤسسات؛ مش مؤسسات صغيرة لا احنا بنتكلم عن سماسرة ديون كبار زي جولدمان ساكس اللي قال الجنية اعلي من قيمة 30% يعني الدولار مفروض ينزل؛ و سيتي بنك و HSBC وغيرهم؛ مؤسسات عندها أجهزة استخبارات مالية عالمية.
*️⃣ المؤسسات دي مش هتخش مكان وهي متوقعه الغدر يعني يحصل تعويم يخزوقهم؛ ولا يخشوا دولة هما متوقعين ولو 1% انها في مؤامرات ولبش حقيقي؛ هما بيعرفوا يفرقوا بين الشو الإعلامي لزوم الاستهلاك المحلي والجعجعة وبين القلق الحقيقي؛ دي مؤسسات بتدير ترليونات حول العالم وحطت في مصر ارقام ذات 10 أصفار بالدولار.
*️⃣ اللي منتظر وشايف تعويم والدولار ب 60/70 ربنا معاك؛ واللي شايف ان في مرحلة عصيبة ومؤامرات صعبة وخطر محدق مدمر فدا ربنا يشفيك؛ علي علوكا عالفيسبوك شايف الخطر؛ ومؤسسات دولية بتدفع عشرات المليارات وعلى علاقة بالبنك الدولي وصندوق النقد والمخابرات الأمريكية للأسف معندهاش المعلومة اللي عند زعبولة القلة. غالبا عشان هما بيشتغلوا مش فاضيين للفيسبوك.
⬅️⬅️ الخلاصة: الوضع مستقر؛ الدولار بيدخل حالياً وبكرر حالياً بشكل يفوق المستهلك؛ الوضع تحت السيطرة اقتصادياً وأمنياً وسياسياً وكله تمام حالياً وحتى تغير الظروف.... نشوفكم الربع القادم اكتوبر مع زيارة وفد الصندوق؛ قبلها يبقى الوضع على ما هو عليه وعلى المتضرر اللجوء لبوستات الفيسبوك 😁. البلد مستقرة لا تقلقوا 💪
تحديث
⬅️⬅️⬅️ يالهوي يا جدعان أنا مقولتش الدولار هيبقي 35؛ احنا قاعدين في حته 48-51؛ سمسار الديون عاوز زباينه يكسيوا فبيطلع اشاعات انه هينزل ل 35 بس دا فنكوش؛ كل جنية يعني 2% ربح للهوت ماني؛ اللي هو 50 مليار دولار يعني كل 1 جنية ينزل يساوي 1 مليار دولار للهوت ماني لان الجنية ب 2%
❤196👍78🤣20🤔6👌2💯2🤗2
لما شوفت شوية فيديوهات عن زلزال روسيا اللي ضرب جزيرة كامشاتكا بقوة 8.7 رختر وعمل تحذيرات تسونامي من اول روسيا لغاية نيوزلندا لفت نظري شيء صافرات الإنذار وافتكرت الحرب الأخيرة وصافرات انذارهم وقعدت افكر هو عندنا ايه يحصل.
*️⃣ يعني بره الدول مشتركة في نظام الانذار بتاع أبل وأندرويد يعني كل التليفونات فيها نت مفيهاش نت كلها هتزمر انذار؛ وصافرات الانذار هتدوي في البلاد؛ فالناس تبقي عارفه ايه هيحصل.
*️⃣ مصر ربنا أنعم علينا معندناش كوارث؛ لا بييجي زلازل مدمرة زي اللي حصلت لروسيا وحصلت لتركيا وايران سابقاً وكبيرنا كان زلزال 5.8 رختر سنة 92 طول شوية في المدة عمل كوارث؛ لكن زلازل 6 و 7 و 8 رختر معندناش؛ ومفيش اعاصير زي اللي بتيجي لشرق وغرق امريكا والصين؛ ومفيش عواصف ترابية حقيقية زي اللي بتيجي للكويت؛ ومفيش براكين ومفيش فيضانات وأمطار مهولة؛ ومفيش حروب حتى زي ولاد ال... جيرانا.
*️⃣ فدا مخلي انذار الخطر عندنا مفيش؛ يعني لو لا قدر الله حصل حاجة ونفترض ضربت صافرات الانذار ان وجدت؛ احنا مش هنعرف مفروض نعمل ايه؛ بجد محدش فينا يعرف اصلاً.
*️⃣ احنا ك ثقافة عامة مش مدربين نعمل ايه؛ لا اسعافات اولية ولا لو حصل زلزال نتصرف كذا ولو حصل كذا نتصرف كذا؛ التدريب دا مهم جدا؛ هو اكيد مش بيمنع القدر والكارثه بتضرب لكن بيساعد علي تقليل الخساير بشكل كبير.
*️⃣ حتي في الأمور البسيطة؛ الاسعافات الاولية؛ يعني لو حصل حادثة نعمل ايه؛ دا لما عربيات بتعمل حادثة الناس بتبهدل المصابين وممكن ضررهم من الناس يفوق الحادث.
*️⃣ الثقافة العامة مهمة؛ دي بتكون بالمناسبة من التعليم؛ يعني في دول بتدرسها بالمدارس اصلا بحيث الطفل يكبر فاهم يتصرف ازاي في اي ازمة؛ تفتكروا وزير التعليم هيضيفها في البكالوريا والتوجيهية اللي بيعملهم 😂😂😂
*️⃣ يعني بره الدول مشتركة في نظام الانذار بتاع أبل وأندرويد يعني كل التليفونات فيها نت مفيهاش نت كلها هتزمر انذار؛ وصافرات الانذار هتدوي في البلاد؛ فالناس تبقي عارفه ايه هيحصل.
*️⃣ مصر ربنا أنعم علينا معندناش كوارث؛ لا بييجي زلازل مدمرة زي اللي حصلت لروسيا وحصلت لتركيا وايران سابقاً وكبيرنا كان زلزال 5.8 رختر سنة 92 طول شوية في المدة عمل كوارث؛ لكن زلازل 6 و 7 و 8 رختر معندناش؛ ومفيش اعاصير زي اللي بتيجي لشرق وغرق امريكا والصين؛ ومفيش عواصف ترابية حقيقية زي اللي بتيجي للكويت؛ ومفيش براكين ومفيش فيضانات وأمطار مهولة؛ ومفيش حروب حتى زي ولاد ال... جيرانا.
*️⃣ فدا مخلي انذار الخطر عندنا مفيش؛ يعني لو لا قدر الله حصل حاجة ونفترض ضربت صافرات الانذار ان وجدت؛ احنا مش هنعرف مفروض نعمل ايه؛ بجد محدش فينا يعرف اصلاً.
*️⃣ احنا ك ثقافة عامة مش مدربين نعمل ايه؛ لا اسعافات اولية ولا لو حصل زلزال نتصرف كذا ولو حصل كذا نتصرف كذا؛ التدريب دا مهم جدا؛ هو اكيد مش بيمنع القدر والكارثه بتضرب لكن بيساعد علي تقليل الخساير بشكل كبير.
*️⃣ حتي في الأمور البسيطة؛ الاسعافات الاولية؛ يعني لو حصل حادثة نعمل ايه؛ دا لما عربيات بتعمل حادثة الناس بتبهدل المصابين وممكن ضررهم من الناس يفوق الحادث.
*️⃣ الثقافة العامة مهمة؛ دي بتكون بالمناسبة من التعليم؛ يعني في دول بتدرسها بالمدارس اصلا بحيث الطفل يكبر فاهم يتصرف ازاي في اي ازمة؛ تفتكروا وزير التعليم هيضيفها في البكالوريا والتوجيهية اللي بيعملهم 😂😂😂
👍180❤91🤣44😢20👌9😁3😱2🙏1
أنا في حد زمان قالي إن الناس بتستخدم الذاكرة في القراءة؛ إن المخ البشري كسول فبيحب يخمن من الذاكرة؛ بيعمل زي جوجل كده ويكمل تكتب له بيوت فيروح متفلحس ويقولك بيوت دعارة؛ تكمل تقوله بيوت باي او بيوت دوت كم يا عم 😁... أهو أنا البوست بتاع إمبارح شوفت دا كثير قوي.
*️⃣ الناس قرأت وعملت مع نفسها اكمال تلقائي؛ وكله من نوعية الاكمال بتاع بيوت الدعارة دا؛ اكمال تلقائي شمال 😂😂... تلاقي حد يقولك ازاي تقول الوضع كويس؛ أروح للبوست اشوف أنا كتبت كلمة كويس؛ ملاقيش اني قولتها؛ بس هو الاكمال التلقائي عنده كملها كده ودخل يتخانق.
*️⃣ حد تاني يقولك مستحيل نستمر وهنقع في 2027؛ يا عمي دا انا كاتب كذا مرة في البوست حاليا حاليا حالياً... يعني دلوقتي.... وبعدين كاتب نلتقي في أكتوبر؛ هي اكتوبر دي السنة الجاية ولا بعد شهرين عشان يقولي 27 و 28.
*️⃣ مجموعة ثالثة بقى أخدت إني بقول إن دا قرار سليم وماشيين صح ويهاجموني إزاي بقول دا صح؛ أروح أدور ملاقيش إني كاتب كده؛ أنا قولت قرار سليم؛ أنا أشدت بيه فين 🤔؛ يعني هكون بقول أكبر شهر اقتراض في تاريخ مصر؛ صح ايه بس 😂😂.
*️⃣ فريق كمان يقولك الهوت ماني مش بيعمل استقرار مستمر ولما يخرجوا هنقع؛ يا عمي هو أنا قولت انه استقرار للأبد؟ دا أنا قايل حاليا؛ هي كلمة حالياً دي شفافة 😂 محدش شافها رغم اني كررتها.
*️⃣ ومجموعة أصدقاء ودول ناس أفاضل وأساتذة كبار أخدوا فقرات بالمعني الحرفي اللفظي؛ يعني لما قولت المؤسسات الدولية عندها استخبارات فهموها انها جواسيس حرفياً وتخش المؤسسة تلاقي مكتب التجسس الدور الثالث كده؛ دي كناية عن العلاقات الشمال؛ دي مؤسسات شغالة في عالم 3 يعني في ناس بتسرب لهم معلومات وشغل من تحت الترابيزة وفساد؛ أو الدول بتقول معلومة لصندوق النقد وهو يباصيها لهم؛ دا انتا عومت وفي نفس اليوم الهوت ماني كان بيدخل وبيشتري؛ ايه عرفوا منين 😁؛ متبلغين؛ دي مش هتتعرف بمراكز الأبحاث؛ دي بتتعرف بالتليفون.
⬅️⬅️⬅️ يا جدعان اقفلوا خاصية الاكمال التلقائي واقروا البوست كما هو 😂 وكل حرف بيكون مقصود؛ لما اقول حاليا مقصودة ولما اقول اكتوبر مقصودة... متخمنوش قصدي.
*️⃣ عالعموم يلا بينا لايف الساعة 9 كمان مرة عاليوتيوب نكمل خناقات بقي عن الهوت ماني والدولار 😂😂😂؛ لسه هعمل لينك للايف بس هو هيكون في القناة اشتركوا فيها وهسيب اللينك لي التعليقات
*️⃣ الناس قرأت وعملت مع نفسها اكمال تلقائي؛ وكله من نوعية الاكمال بتاع بيوت الدعارة دا؛ اكمال تلقائي شمال 😂😂... تلاقي حد يقولك ازاي تقول الوضع كويس؛ أروح للبوست اشوف أنا كتبت كلمة كويس؛ ملاقيش اني قولتها؛ بس هو الاكمال التلقائي عنده كملها كده ودخل يتخانق.
*️⃣ حد تاني يقولك مستحيل نستمر وهنقع في 2027؛ يا عمي دا انا كاتب كذا مرة في البوست حاليا حاليا حالياً... يعني دلوقتي.... وبعدين كاتب نلتقي في أكتوبر؛ هي اكتوبر دي السنة الجاية ولا بعد شهرين عشان يقولي 27 و 28.
*️⃣ مجموعة ثالثة بقى أخدت إني بقول إن دا قرار سليم وماشيين صح ويهاجموني إزاي بقول دا صح؛ أروح أدور ملاقيش إني كاتب كده؛ أنا قولت قرار سليم؛ أنا أشدت بيه فين 🤔؛ يعني هكون بقول أكبر شهر اقتراض في تاريخ مصر؛ صح ايه بس 😂😂.
*️⃣ فريق كمان يقولك الهوت ماني مش بيعمل استقرار مستمر ولما يخرجوا هنقع؛ يا عمي هو أنا قولت انه استقرار للأبد؟ دا أنا قايل حاليا؛ هي كلمة حالياً دي شفافة 😂 محدش شافها رغم اني كررتها.
*️⃣ ومجموعة أصدقاء ودول ناس أفاضل وأساتذة كبار أخدوا فقرات بالمعني الحرفي اللفظي؛ يعني لما قولت المؤسسات الدولية عندها استخبارات فهموها انها جواسيس حرفياً وتخش المؤسسة تلاقي مكتب التجسس الدور الثالث كده؛ دي كناية عن العلاقات الشمال؛ دي مؤسسات شغالة في عالم 3 يعني في ناس بتسرب لهم معلومات وشغل من تحت الترابيزة وفساد؛ أو الدول بتقول معلومة لصندوق النقد وهو يباصيها لهم؛ دا انتا عومت وفي نفس اليوم الهوت ماني كان بيدخل وبيشتري؛ ايه عرفوا منين 😁؛ متبلغين؛ دي مش هتتعرف بمراكز الأبحاث؛ دي بتتعرف بالتليفون.
⬅️⬅️⬅️ يا جدعان اقفلوا خاصية الاكمال التلقائي واقروا البوست كما هو 😂 وكل حرف بيكون مقصود؛ لما اقول حاليا مقصودة ولما اقول اكتوبر مقصودة... متخمنوش قصدي.
*️⃣ عالعموم يلا بينا لايف الساعة 9 كمان مرة عاليوتيوب نكمل خناقات بقي عن الهوت ماني والدولار 😂😂😂؛ لسه هعمل لينك للايف بس هو هيكون في القناة اشتركوا فيها وهسيب اللينك لي التعليقات
🤣111👍49❤39🤯2😭2😡2
الصورة دي تعبر عن أكبر تحدي هيواجهه مصر السنوات القادمة؛ قطاع البترول والطاقة.
*️⃣ وللتوضيح الأرقام دي الرسمية من البنك المركزي وهي صافي التصدير والاستيراد؛ رقم 24/25 دا تقديري لإن اعلن بس 9 شهور؛ ورقم 25/26 توقع شخصي مني من حجم الاتفاقيات والاستيراد وو
*️⃣ دلوقتي مصر عندها مشكلة لإن الغاز في أقل معدلاته من قبل ظهر والبترول في أقل مستوى من عصر السادات؛ لكن وزارة البترول بتوعد باكتشافات كبيرة معرفش إزاي بس ربنا يكرم إن شاء الله عشان البترول والغاز وعدم قطع الكهرباء بقي بند محتاج شهري 2 مليار دولار غير باقي الدولة.
⬅️⬅️ يلا الناس اللي شتمت امبارح تبدل الدور مع الناس اللي فرحت إمبارح 😁
*️⃣ وللتوضيح الأرقام دي الرسمية من البنك المركزي وهي صافي التصدير والاستيراد؛ رقم 24/25 دا تقديري لإن اعلن بس 9 شهور؛ ورقم 25/26 توقع شخصي مني من حجم الاتفاقيات والاستيراد وو
*️⃣ دلوقتي مصر عندها مشكلة لإن الغاز في أقل معدلاته من قبل ظهر والبترول في أقل مستوى من عصر السادات؛ لكن وزارة البترول بتوعد باكتشافات كبيرة معرفش إزاي بس ربنا يكرم إن شاء الله عشان البترول والغاز وعدم قطع الكهرباء بقي بند محتاج شهري 2 مليار دولار غير باقي الدولة.
⬅️⬅️ يلا الناس اللي شتمت امبارح تبدل الدور مع الناس اللي فرحت إمبارح 😁
🤣90👍44❤29🤯20😢20😱2😡2🙏1
صباح الخير
الحكومة تعلن رفع أسعار الغاز على المصانع اعتباراً من اليوم وتطالب المصانع بخفض الأسعار على المواطنين 😂
انتهى الخبر الفكاهي الحقيقي
الحكومة تعلن رفع أسعار الغاز على المصانع اعتباراً من اليوم وتطالب المصانع بخفض الأسعار على المواطنين 😂
انتهى الخبر الفكاهي الحقيقي
🤣401😢56👍30❤13🤯10😱4😁3🤔1
كنت قريب في أحد المطارات في لاونج منتظر طيارة مصر؛ المهم في مشهد لفت نظري في ترابيزة جنبنا وهي ست مع بنتها اللي يمكن 15 سنة او الرينج دا؛ البنت قاعدة باصة في الموبايل والأم رايحة جايه حولت أكل ليها ولبنتها وبعدين جت تدوق الاكل لقيته ناقص ملح او فلفل حاجة كده راحت جابت ورشت لنفسها وبعدين سألت بنتها عاوزة.
*️⃣ البنت مرفعتش عنيها من الموبايل وقالت (توء) بدون ما تبص حتي لأمها؛ الموضوع مستفز قوي؛ عارفين أنا لو كنت عملت كده كع والدي الله يرحمه كان زماني أخدت كف بقيت بوستر عالأرض.
*️⃣ مرة سنة 2003 كنت مروح أنا وأخويا من النادي وبابا كام في البلكونة المهم طلعنا عشان كان معاد مسلسل بنشوفه؛ دخلنا وبابا نده علينا؛ روحنا له قالنا انتم شوفتوني في البلكونة وانتم جايين صح؟ ومحدش بص لي وقالي عاوز حاجة يا بابا قبل ما تطلعوا ليه؟ مستعجلين عشان التلفزيون صح... وهنا بابا طلع أقسى عقوبة في حياتنا كلها ومش الضرب.
*️⃣ ممنوع الموبايل (كان لعبة snake و sms) وممنوع التلفزيون وممنوع الكومبيوتر وممنوع تليفون البيت وممنوع النزول غير لشراء حاجة لماما وممنوع نطلع البلكونة حتى؛ نقعد أسبوع في البيت وشنا في وش بعض... أنا كنت محب للقراءة فمتضررتش قوي بس كنت بزهق برضك؛ أعمل أي حاجة زهقت... عارفين العقوبة دي استمرت اد ايه؟ أكثر من أسبوع لغاية ما زهقنا واعتذرنا كثير فقرر بابا العفو عننا.
*️⃣ دلوقتي التربية الحديثة يقولك ابنك دا صاحبك يناديك باسمك ويحط رجل علي رجل قصادك (في الثقافة الغربية عادي الرجل علي رجل بس الشرقية لا)؛ عادي يعني مفيش تكليف دا أبوك ولا أمك يعني بلاش تعقيد شوفوا الغرب ناجح ازاي اجتماعياً وقلدوه برافو عليكم 😂😂...
*️⃣ بالنسبة لي دا تخلف الأب أب والابن ابن؛ اه ابني ممكن يحكي لي لما يكبر وثقة ونلعب ووو لكن هيفضل ابني يعني لما اكلمه يبص لي ويقعد قدامي باحترام والا هسحقه؛ ومش لازم بالضرب ما بابا ياما ضربنا بس اكثر عقاب فاكره لما اتعاقبنا بال (ولا حاجة) نقعد 10 ايام مربعين من الصبح لبالليل؛ اضرب يا عم ارحم من الولا حاجة؛ عقاب الملل 😂😂.
*️⃣ عيل مش بيظهر أي احترام لأبوه فما ادراك بالغريب والمجتمع والآخر؛ حاجة تقرف من ساعة ما سمعنا عن التربية الملزقة دي وابتلينا بالاشكال اللي في الشوارع وكل مكان وناس ملهاش كبير وعيال مبتحرمش حد ومبتكبرش حد. أومال بتسغربوا ليه في المواصلات تلاقوا عيل 16 سنة قاعد وفي راجل 60 سنة واقف؛ احنا تربينا علي احترام الكبير؛ هما تربوا ان الكل زي بعضه وكبير على نفسك.
*️⃣ طبعاً هيطلع لي شلة في التعليقات تقولي ان تربية الطبقية الهايركية الشرقية دي متخلفة والفردانية الغربية أحسن... براحتكم بس أنا لن اعترف بدا؛ معلش أنا قديم من المتخلفين.
*️⃣ البنت مرفعتش عنيها من الموبايل وقالت (توء) بدون ما تبص حتي لأمها؛ الموضوع مستفز قوي؛ عارفين أنا لو كنت عملت كده كع والدي الله يرحمه كان زماني أخدت كف بقيت بوستر عالأرض.
*️⃣ مرة سنة 2003 كنت مروح أنا وأخويا من النادي وبابا كام في البلكونة المهم طلعنا عشان كان معاد مسلسل بنشوفه؛ دخلنا وبابا نده علينا؛ روحنا له قالنا انتم شوفتوني في البلكونة وانتم جايين صح؟ ومحدش بص لي وقالي عاوز حاجة يا بابا قبل ما تطلعوا ليه؟ مستعجلين عشان التلفزيون صح... وهنا بابا طلع أقسى عقوبة في حياتنا كلها ومش الضرب.
*️⃣ ممنوع الموبايل (كان لعبة snake و sms) وممنوع التلفزيون وممنوع الكومبيوتر وممنوع تليفون البيت وممنوع النزول غير لشراء حاجة لماما وممنوع نطلع البلكونة حتى؛ نقعد أسبوع في البيت وشنا في وش بعض... أنا كنت محب للقراءة فمتضررتش قوي بس كنت بزهق برضك؛ أعمل أي حاجة زهقت... عارفين العقوبة دي استمرت اد ايه؟ أكثر من أسبوع لغاية ما زهقنا واعتذرنا كثير فقرر بابا العفو عننا.
*️⃣ دلوقتي التربية الحديثة يقولك ابنك دا صاحبك يناديك باسمك ويحط رجل علي رجل قصادك (في الثقافة الغربية عادي الرجل علي رجل بس الشرقية لا)؛ عادي يعني مفيش تكليف دا أبوك ولا أمك يعني بلاش تعقيد شوفوا الغرب ناجح ازاي اجتماعياً وقلدوه برافو عليكم 😂😂...
*️⃣ بالنسبة لي دا تخلف الأب أب والابن ابن؛ اه ابني ممكن يحكي لي لما يكبر وثقة ونلعب ووو لكن هيفضل ابني يعني لما اكلمه يبص لي ويقعد قدامي باحترام والا هسحقه؛ ومش لازم بالضرب ما بابا ياما ضربنا بس اكثر عقاب فاكره لما اتعاقبنا بال (ولا حاجة) نقعد 10 ايام مربعين من الصبح لبالليل؛ اضرب يا عم ارحم من الولا حاجة؛ عقاب الملل 😂😂.
*️⃣ عيل مش بيظهر أي احترام لأبوه فما ادراك بالغريب والمجتمع والآخر؛ حاجة تقرف من ساعة ما سمعنا عن التربية الملزقة دي وابتلينا بالاشكال اللي في الشوارع وكل مكان وناس ملهاش كبير وعيال مبتحرمش حد ومبتكبرش حد. أومال بتسغربوا ليه في المواصلات تلاقوا عيل 16 سنة قاعد وفي راجل 60 سنة واقف؛ احنا تربينا علي احترام الكبير؛ هما تربوا ان الكل زي بعضه وكبير على نفسك.
*️⃣ طبعاً هيطلع لي شلة في التعليقات تقولي ان تربية الطبقية الهايركية الشرقية دي متخلفة والفردانية الغربية أحسن... براحتكم بس أنا لن اعترف بدا؛ معلش أنا قديم من المتخلفين.
3❤376👍141👏28💯10🙏8👌5😢3😱1
هو بمناسبة تصريحات إن رسوم ترامب فرصة لمصر عشان رسومنا 10% أقل من دول كثير زي الصين والهند وبنجلاديش وفيتنام والبرازيل ومش عارف مين فدي فرصة لمصر عشان تصدر لأمريكا وتجيب الشركات الاجنبية تفتح عندنا عشان يصدروا لأمريكا بجمارك مخفضة
*️⃣ بما إن طبيعتي بقي باحث عن الخوازيق في الحياة فليه محدش اتكلم عن الدول دي هتعمل ايه في انتاجها؟يعني كان عندهم سلع بتروح أمريكا؛ دلوقتي أمريكا قفلت قصادهم فمحتاجين بديل يسوقوا فيه منتجاتهم؛ دول فيها كثافة سكانية عالية وأنطمة مفيهاش حماية ضد الاغراق ووو... هل إحنا مستعدين وهنراقب الدول دي وتصديرهم لينا ونحمي الصناعات الوطنية... مهما مش هياخدوا انتاجهم يرموه في المحيط؛ هيسوقوه بخصومات لدول عالم 3 ويدمروا صناعاتها...
معلش طبيعتي الخازوقية بقي 😂 لكن فعلاً لازم ناخد بالنا عشان ممكن نلبس
*️⃣ بما إن طبيعتي بقي باحث عن الخوازيق في الحياة فليه محدش اتكلم عن الدول دي هتعمل ايه في انتاجها؟يعني كان عندهم سلع بتروح أمريكا؛ دلوقتي أمريكا قفلت قصادهم فمحتاجين بديل يسوقوا فيه منتجاتهم؛ دول فيها كثافة سكانية عالية وأنطمة مفيهاش حماية ضد الاغراق ووو... هل إحنا مستعدين وهنراقب الدول دي وتصديرهم لينا ونحمي الصناعات الوطنية... مهما مش هياخدوا انتاجهم يرموه في المحيط؛ هيسوقوه بخصومات لدول عالم 3 ويدمروا صناعاتها...
معلش طبيعتي الخازوقية بقي 😂 لكن فعلاً لازم ناخد بالنا عشان ممكن نلبس
5👍210❤63👌16🤣14😡4👏2😢1
لما كنت من شهر عملت بوستات وكذلك فيديو بحكي فيه عن سفينة الاسالة اللي جبناها وقعدت بتتشمس عندنا؛ كذا حد دخل يقولي بطل اشاعات والمتحدث باسم البترول رد عالاشاعات دي وقال ان السفن تيجي ناخد المقاسات ونبعت أكبر طيارة بالعالم مخصوص تجيب ذراع التثبيت ونشغلها... فعادي السفن تاخد شهر ونص علي ما تبدأ شغل.
*️⃣ المهم مفاتش شهر يا مؤمن وكانت سفينة التغويز (انجريوش فورس) اللي مصر جابتها للاردن بدل اللي اخدناها وصلت؛ دخلت ميناء العقبة يوم 1 اغسطس وهتبدأ شغل يوم 5 أغسطس 😂... غريبة قوي الأردن شغلتها بذراع التثبيت اللي كانت عندها... والاغرب السفينة دي من نفس الشركة اللي احنا جايبين منها 2 سفينة (Energos) ومفروض في سفينة ثالثة مضيناها معاها ومفروض تيجي من تركيا...
*️⃣ بعد كده بلاش تشككوا فيا ويكون الدليل للنفي صرح مصدر مسئول 😂 الا لو المصدر المسئول ايده ثقيلة وقتها هو صح وانا غلط بدون تفكير 😅
*️⃣ المهم مفاتش شهر يا مؤمن وكانت سفينة التغويز (انجريوش فورس) اللي مصر جابتها للاردن بدل اللي اخدناها وصلت؛ دخلت ميناء العقبة يوم 1 اغسطس وهتبدأ شغل يوم 5 أغسطس 😂... غريبة قوي الأردن شغلتها بذراع التثبيت اللي كانت عندها... والاغرب السفينة دي من نفس الشركة اللي احنا جايبين منها 2 سفينة (Energos) ومفروض في سفينة ثالثة مضيناها معاها ومفروض تيجي من تركيا...
*️⃣ بعد كده بلاش تشككوا فيا ويكون الدليل للنفي صرح مصدر مسئول 😂 الا لو المصدر المسئول ايده ثقيلة وقتها هو صح وانا غلط بدون تفكير 😅
👍116🤣91❤35🔥5🤝5😢3🙉3🙏1
في 2 نوفمبر 2024 قعدت عملت شوية حسابات للنمو السكاني المصري وكتبت الملاحظة دي عندي في تليجرام الشخصي ( saved)
اننا يوم 17 اغسطس هنبقي 108 مليون نسمة لو التراجع مستمر في المعدلات
النهاردة رئيس الجهاز المركزي طلع اعلن ان مصو هتبقي 108 مليون في يوم 18 أغسطس
💪💪💪 أنا شغال جهاز مركزي مع نفسي
اننا يوم 17 اغسطس هنبقي 108 مليون نسمة لو التراجع مستمر في المعدلات
النهاردة رئيس الجهاز المركزي طلع اعلن ان مصو هتبقي 108 مليون في يوم 18 أغسطس
💪💪💪 أنا شغال جهاز مركزي مع نفسي
👍238❤171🤣111🫡33😁25👏20👌10😱6🤯5🤝4🙏1
يوم 15 أبريل باع المركزي اذون
آجل 3 شهور = 28.35%
آجل 6 شهور = 26.91%
آجل 9 شهور = 26.21%
آجل 12 شهر = 24.87%
ال 2 سنة = 22.24%
ال 3 سنة = 21.26%
*️⃣ لكن المركزي قالك زمن الفايدة العالية خلاص خلص ويوم 17 ابريل قرر خفض الفايدة 2.25% ثم 22 مايو قرر خفض الفايدة 1% كمان
*️⃣ نشوف بقي الفايدة الان للاذون والسندات
آجل 3 شهور = 29.16%
آجل 6 شهور = 27.77%
آجل 9 شهور = 27.96%
آجل 12 شهر = 26.13%
ال 2 سنة = 24.83%
ال 3 سنة = 24.44%
*️⃣ بس يا سيدي وبكده احنا خفضنا فايدة الكوريدور ورفعنا فايدة القروض 😂 والجدير بالذكر ان وزير المالية عامل الموازنة الحالية على متوسط فايدة 16% 😁😂😂😂
توضيحين لغير المتابع
1️⃣ الفايدة بتتقال سنوي؛ يعني اما نقول فايدة 3 شهور مثلا 30% فدي معناها المكافئ السنوي؛ يعني فعليا ال 3 شهور ب 7.5% لكن عشان الناس مش هتقعد تحول وتحسب فبتتقال السنوي. يعني فايدة 5 سنين 20% يعني كل سنة 20% مش ال 5 ب 20%.
2️⃣ الأذون والسندات عليهم ضريبة 20% يعني الارقام فوق تضربها في 0.8% عشان تشوف الصافي
ولا تخرج قبل أن تقول سبحان الله 😂
⬅️⬅️⬅️ البوست دا بمناسبة انكم هتشوفوا كلام كثير قوي ان المركزي هينزل الفايدة عشان يقلل تكلفة الاقتراض عالدولة 😂😂😂 وادينا شايفين اهو نزل مرتين الفايدة وشايفين تكلفة الاقتراض قلت اهي 😁😁
⬅️⬅️⬅️⬅️ تحديث عشان كثير مش فاهمين البوست
*️⃣ مصر بتقترض اسبوعيا 120-150 مليار جنية لمدد من 3 شهور لغاية 5 سنين؛ مفروض لما مصر تخفض الفايدة يبقي كذه هنستلف أرخص؛ لكن فعليا خفضنا الفايدة لكن اللي بيسلفونا عاوزين فايدة اعلى عشان يسلفونا؛ فبالرغم من إننا خفضنا الفايدة الرسمية؛ لكن فعليا رفعنا الفايدة اللي بياخدها المقرضين عشان يرضوا يسلفونا. فدلوقتي الكلام ان المركزي هيخفض الفايدة الرسمية تاني فدا هيقلل تكلفة الديون؛ كان التخفيض السابق نفع 😂.
آجل 3 شهور = 28.35%
آجل 6 شهور = 26.91%
آجل 9 شهور = 26.21%
آجل 12 شهر = 24.87%
ال 2 سنة = 22.24%
ال 3 سنة = 21.26%
*️⃣ لكن المركزي قالك زمن الفايدة العالية خلاص خلص ويوم 17 ابريل قرر خفض الفايدة 2.25% ثم 22 مايو قرر خفض الفايدة 1% كمان
*️⃣ نشوف بقي الفايدة الان للاذون والسندات
آجل 3 شهور = 29.16%
آجل 6 شهور = 27.77%
آجل 9 شهور = 27.96%
آجل 12 شهر = 26.13%
ال 2 سنة = 24.83%
ال 3 سنة = 24.44%
*️⃣ بس يا سيدي وبكده احنا خفضنا فايدة الكوريدور ورفعنا فايدة القروض 😂 والجدير بالذكر ان وزير المالية عامل الموازنة الحالية على متوسط فايدة 16% 😁😂😂😂
توضيحين لغير المتابع
1️⃣ الفايدة بتتقال سنوي؛ يعني اما نقول فايدة 3 شهور مثلا 30% فدي معناها المكافئ السنوي؛ يعني فعليا ال 3 شهور ب 7.5% لكن عشان الناس مش هتقعد تحول وتحسب فبتتقال السنوي. يعني فايدة 5 سنين 20% يعني كل سنة 20% مش ال 5 ب 20%.
2️⃣ الأذون والسندات عليهم ضريبة 20% يعني الارقام فوق تضربها في 0.8% عشان تشوف الصافي
ولا تخرج قبل أن تقول سبحان الله 😂
⬅️⬅️⬅️ البوست دا بمناسبة انكم هتشوفوا كلام كثير قوي ان المركزي هينزل الفايدة عشان يقلل تكلفة الاقتراض عالدولة 😂😂😂 وادينا شايفين اهو نزل مرتين الفايدة وشايفين تكلفة الاقتراض قلت اهي 😁😁
⬅️⬅️⬅️⬅️ تحديث عشان كثير مش فاهمين البوست
*️⃣ مصر بتقترض اسبوعيا 120-150 مليار جنية لمدد من 3 شهور لغاية 5 سنين؛ مفروض لما مصر تخفض الفايدة يبقي كذه هنستلف أرخص؛ لكن فعليا خفضنا الفايدة لكن اللي بيسلفونا عاوزين فايدة اعلى عشان يسلفونا؛ فبالرغم من إننا خفضنا الفايدة الرسمية؛ لكن فعليا رفعنا الفايدة اللي بياخدها المقرضين عشان يرضوا يسلفونا. فدلوقتي الكلام ان المركزي هيخفض الفايدة الرسمية تاني فدا هيقلل تكلفة الديون؛ كان التخفيض السابق نفع 😂.
😁84❤56👍46😢19😱7👌2🥰1👏1
مصر مددت استيراد الغاز من اسرائيل باتفاق لمدة 15 سنة مقابل 35 مليار دولار تدفعها مصر لإسرائيل مقابل استيراد 130 مليار متر.
*️⃣ عشان تعرف التفاصيل بقى وهنا هشرح ببرجماتية مطلقة
*️⃣ مصر وقعت اتفاقية في 2018 لاستيراد الغاز الاسرائيلي وكانت مدتها 10 سنين هندفع فيهم 15 مليار دولار مقابل 7.2 مليار متر مكعب سنوي لمدة 10 سنين يعني كانت تقريباً 6 دولار للمليون وحدة حرارية بريطانية.
*️⃣ الاتفاقية كانت بتنص على استيراد مصر متوسط يومي 620 مليون قدم غاز لكن لاحقاً تم الاتفاق على زيادة الغاز الاسرائيلي وزاد الضخ ليتجاوز ال 1 مليار قدم حالياً (الطبيعي 800 مليون قدم).
*️⃣ مصر كانت بتشتري الغاز منهم ب 6 دولار (لاحقاً طلع ل 7.7 دولار) وتسيله في محطتي الاسالة وتصدره؛ يعني نحط عليه 2-3 دولار BTU اسالة فيكلفنا 10 دولار يعني ونصدره ب 13-15 دولار BTU فكانت سبوبة حلوه.
*️⃣ مع انهيار انتاج مصر من الغاز وتراجع حقل ظهر؛ مصر بقى عندها عجز فبدأت توجيه الغاز الاسرائيلي إلى محطات الكهرباء والمصانع المصرية وخاصة في شهور الصيف.
*️⃣ مع استمرار الانهيار في الحقول المصرية وتراجع انتاجنا من 7 مليار قدم ل 4 مليار قدم بقينا حتى مع ال 1 مليار الاسرائيلي مش كفاية في الصيف لإننا بنحتاج 6-7 مليار قدم يومي في الصيف فهنا جبنا سفن الاسالة عشان تدينا ال 1-2 مليار العجز.
*️⃣ طيب التكلفة والأرقام بالتقريب كده كام؟
*️⃣ عندنا انتاج محلي حوالي 4 مليار قدم نصفه بتاعنا والنصف الثاني بنشتريه من الشريك الأجنبي بمتوسط سعر 5-6 دولار للمليون وحدة حرارية (الحقول البحرية غالية والبرية رخيصة).
*️⃣ الغاز الاسرائيلي حوالي 1 مليار قدم بناخده ب 7.7 دولار لل BTU ... وبنستورد 1-2 مليار غاز مسال ب 13-15 دولار لل BTU .
*️⃣ الصفقة بتاعة الغاز الاسرائيلي تم مدها حسب بلومبيرج إلى 2040 بمتوسط سعر للمليار قدم 7.62 دولار ودا يعني نفس السعر القديم اللي اتفقنا عليه في 2018 بدون زيادات ودا بالرغم من تقارير صحفية سابقة قالت إن اسرائيل بتطلب من مصر رفع السعر ل 8-10 دولار مقابل زيادة الضخ ل 1.5 مليار قدم... فغالباً الصفقة بتاعة الزيادة فشلت أو اتأجلت فقالك نمد الصفقة الحالية ونكمل مفاوضات في التوسع.
⬅️ دي القصة باختصار بتاعة صفقة الغاز المصري الاسرائيلي ببرجماتية ...
⬅️⬅️⬅️ تحديث
*️⃣ في كلام ان دي صفقة جديدة تضاف للصفقة القديم يعني القديمة شغالة عادي ودي صفقة جديدة من الحقل الثاني بتاعهم. بس لسه مفيش تأكيد للنقطة دي لإن مش منطقي صفقة جديدة بنفس سعر القديمة دول طيبين قوي يا خال كده. يعني كده هتبقى 2 صفقة واحدة 600 قديمة و واحدة جديدة 840 يعني اسرائيل هتزود الضخ اليومي ل 1.44 مليار قدم لمصر مقابل سعر متوسطه 7.7 دولار لل BTU تقريباً
*️⃣ خلال الساعات القادمة هتبان تفاصيل إضافية للصفقة وهعمل فيديو شرح تفصيلي حسب المستجدات.
*️⃣ عشان تعرف التفاصيل بقى وهنا هشرح ببرجماتية مطلقة
*️⃣ مصر وقعت اتفاقية في 2018 لاستيراد الغاز الاسرائيلي وكانت مدتها 10 سنين هندفع فيهم 15 مليار دولار مقابل 7.2 مليار متر مكعب سنوي لمدة 10 سنين يعني كانت تقريباً 6 دولار للمليون وحدة حرارية بريطانية.
*️⃣ الاتفاقية كانت بتنص على استيراد مصر متوسط يومي 620 مليون قدم غاز لكن لاحقاً تم الاتفاق على زيادة الغاز الاسرائيلي وزاد الضخ ليتجاوز ال 1 مليار قدم حالياً (الطبيعي 800 مليون قدم).
*️⃣ مصر كانت بتشتري الغاز منهم ب 6 دولار (لاحقاً طلع ل 7.7 دولار) وتسيله في محطتي الاسالة وتصدره؛ يعني نحط عليه 2-3 دولار BTU اسالة فيكلفنا 10 دولار يعني ونصدره ب 13-15 دولار BTU فكانت سبوبة حلوه.
*️⃣ مع انهيار انتاج مصر من الغاز وتراجع حقل ظهر؛ مصر بقى عندها عجز فبدأت توجيه الغاز الاسرائيلي إلى محطات الكهرباء والمصانع المصرية وخاصة في شهور الصيف.
*️⃣ مع استمرار الانهيار في الحقول المصرية وتراجع انتاجنا من 7 مليار قدم ل 4 مليار قدم بقينا حتى مع ال 1 مليار الاسرائيلي مش كفاية في الصيف لإننا بنحتاج 6-7 مليار قدم يومي في الصيف فهنا جبنا سفن الاسالة عشان تدينا ال 1-2 مليار العجز.
*️⃣ طيب التكلفة والأرقام بالتقريب كده كام؟
*️⃣ عندنا انتاج محلي حوالي 4 مليار قدم نصفه بتاعنا والنصف الثاني بنشتريه من الشريك الأجنبي بمتوسط سعر 5-6 دولار للمليون وحدة حرارية (الحقول البحرية غالية والبرية رخيصة).
*️⃣ الغاز الاسرائيلي حوالي 1 مليار قدم بناخده ب 7.7 دولار لل BTU ... وبنستورد 1-2 مليار غاز مسال ب 13-15 دولار لل BTU .
*️⃣ الصفقة بتاعة الغاز الاسرائيلي تم مدها حسب بلومبيرج إلى 2040 بمتوسط سعر للمليار قدم 7.62 دولار ودا يعني نفس السعر القديم اللي اتفقنا عليه في 2018 بدون زيادات ودا بالرغم من تقارير صحفية سابقة قالت إن اسرائيل بتطلب من مصر رفع السعر ل 8-10 دولار مقابل زيادة الضخ ل 1.5 مليار قدم... فغالباً الصفقة بتاعة الزيادة فشلت أو اتأجلت فقالك نمد الصفقة الحالية ونكمل مفاوضات في التوسع.
⬅️ دي القصة باختصار بتاعة صفقة الغاز المصري الاسرائيلي ببرجماتية ...
⬅️⬅️⬅️ تحديث
*️⃣ في كلام ان دي صفقة جديدة تضاف للصفقة القديم يعني القديمة شغالة عادي ودي صفقة جديدة من الحقل الثاني بتاعهم. بس لسه مفيش تأكيد للنقطة دي لإن مش منطقي صفقة جديدة بنفس سعر القديمة دول طيبين قوي يا خال كده. يعني كده هتبقى 2 صفقة واحدة 600 قديمة و واحدة جديدة 840 يعني اسرائيل هتزود الضخ اليومي ل 1.44 مليار قدم لمصر مقابل سعر متوسطه 7.7 دولار لل BTU تقريباً
*️⃣ خلال الساعات القادمة هتبان تفاصيل إضافية للصفقة وهعمل فيديو شرح تفصيلي حسب المستجدات.
😡128👍76❤48😢34🤣6🤯2🙉1