MMRDA च्या परीक्षेत झालेल्या कथित घोटाळ्याबद्दल समजण्यासाठी आधी हे वाचून घ्या म्हणजे समजण्यासाठी अडचण येणार नाही

परीक्षांची परीक्षा

भाग १ : प्रस्तावना

भाग २ : घोटाळ्यांचे मुख्य प्रकार

भाग ३: भरती प्रक्रिया, सेवाप्रवेश नियम इत्यादी

भाग ४: रिक्त पदांचा फायदा

भाग ५ : घोटाळ्याचे जाळे

भाग ६ : बनावट वेबसाईट

भाग ७ : घोटलेबाजांच्या जाळ्यात उमेदवार

भाग ८ : बनावट भरती, ट्रेनिंग

भाग ९ : कंत्राटी भरती

भाग १० : कंत्राटी कर्मचारी पर्मनंट कसे होतात

भाग ११ : परीक्षा घेण्यासाठी खासगी कंपन्याची निवड

भाग १२ : कंपन्यांची अर्ज भरण्याची सिस्टीम

भाग १३ : सिस्टीम मध्ये एन्ट्री

भाग १४ : परीक्षांच्या तारखा

भाग १५: ऑनलाइन परीक्षा आणि पारदर्शकता

क्रमशः

अजूनही खूप काही आहे

©👉Join : @BloggerSwami

✅ MMRDA परीक्षा कथित घोटाळा सत्यता किती

MMRDA Recruitment 2026 Advertisement

भाग १

दिनांक १८ फेब्रुवारी रोजी भरती साठी जाहिरात आली होती. त्यातील सहायक अभियंता श्रेणी २/ कनिष्ठ अभियंता (स्थापत्य) या ८२ पदांच्या भरतीसाठी दिनांक ११ आणि १२ मे रोजी टाटा कन्सल्टन्सी सर्व्हिसेस (TCS) मार्फत ऑनलाइन परीक्षा घेण्यात आली होती.

परीक्षेसाठी TCS च्या अधिकृत ION परीक्षा केंद्रांसह खासगी परीक्षा केंद्र सुद्धा दिलेले होते. परीक्षेचा निकाल पाकिस्तानच्या बर्थडेला म्हणजे दिनांक १४ ऑगस्ट रोजी रात्री साडेदहाच्या आसपास लागला.

निकाल पाहून ज्यांनी परीक्षा दिली होती त्यांची झोपच उडाली. सिव्हिलच्या इतिहासात चमत्कार झाला. पहिल्यांदाच पैकीच्या पैकी म्हणजे २०० पैकी २०० गुण ३ मुलांना मिळाले. तब्बल १९ मुलांना १९० पेक्षा जास्त गुण मिळाले.

ज्यांना याबद्दल काहीच माहिती नाही ते काय म्हणतील? हा मग मिळाले असतील पैकीच्या पैकी गुण... केला असेल त्या मुलांनी अभ्यास... तुम्हाला नाही पडले म्हणून तुम्ही आवाज करताय...

पण महोदय, तुम्हीच सांगा की सहायक अभियंता गट ब ची पोस्ट... त्यात अभ्यासक्रम म्हटला तर नॉन टेक्निकल मध्ये मराठी, इंग्रजी ह्या दोन भाषा, यासोबतच गणित बुद्धीमत्ता, चालू घडामोडी होतं सोबत टेक्निकल म्हटलं तर अक्खा सिव्हिल इंजिनिअरिंग चा अभ्यासक्रम होता.

परीक्षेचं स्वरूप पण लक्षात घ्या. २०० गुणांसाठी १०० प्रश्नांना २ तासांचा पेपर होता त्यात ३०-३० मिनिटांचे ४ सेक्शन केलेले होते. प्रत्येक सेक्शनमध्ये प्रत्येकी २५ असे सोडवायचे होते. त्या २५ प्रश्नांमध्ये टेक्निकल आणि नॉन टेक्निकल अशा सर्व अभ्यासक्रमावर प्रश्न होते. म्हणजे एका सेक्शन साठी २५ प्रश्न हे ३० मिनिटात सोडवायचे आणि जर प्रश्न वेळेच्या आधी जरी सोडवले तरीही पुढच्या सेक्शनमध्ये जाता येत नव्हतं आणि वेळेत प्रश्न सोडवले नाही तर ३० मिनिटांनी आपोआप पुढचा सेक्शन सुरू व्हायचा. हे असं प्रत्येक सेक्शन मध्ये होतं.

त्यात प्रश्नपत्रिका काढतांना प्रश्नांचा दर्जा हा मध्यम ते कठीण (Medium to Hard) होता. म्हणजे ह्या पेपरला मुलांना सोप्या पेपर पेक्षा कमी गुण मिळणार हे नक्की होतं.

११ आणि १२ मे रोजी अनेक शिफ्ट मध्ये जेव्हा ही परीक्षा झाली त्याच्या १२ दिवस आधी पुणे महानगरपालिकाची कनिष्ठ अभियंता पदासाठी परीक्षा झाली होती तसेच काही महिने आधीच वेगवेगळ्या विभागाकडून परीक्षा आयोजित करण्यात आल्या होत्या. या सर्व परीक्षा च्या इतिहासात जितके अवघड पेपर होते त्यात MMRDA च्या सहायक अभियंता पदाच्या पेपरचा समावेश होतो.

जेव्हा पेपरची काठिण्य पातळी ही सोपी ते मध्यम असायची तेव्हा सुध्दा २०० पैकी १८०च्या पुढे एखादा मुलगा गुण मिळवायचा आणि कटऑफ हा १६५ पर्यंत असायचा आणि जेव्हा पेपरची काठिण्य पातळी ही मध्यम ते अवघड असायची तेव्हा सुध्दा २०० पैकी १७०च्या पुढे एखादा मुलगा गुण मिळवायचा आणि कटऑफ हा १५५ ते १६० पर्यंत असायचा. पण ह्या भरती मध्ये पहिल्यांदाच पैकीच्या पैकी म्हणजे २०० पैकी २०० गुण ३ मुलांना मिळाले. तब्बल १९ मुलांना १९० पेक्षा जास्त गुण मिळाले. त्यावरून या पदभरती मध्ये घोटाळा झाल्याचा आरोप विद्यार्थी करत आहेत.

क्रमशः

✅Join 👉 @BloggerSwami

MMRDA परीक्षा कथित घोटाळ्याची सत्यता

भाग २

भाग १ मध्ये दिलेले मुद्दे जरी मान्य नसले तरीही पुढचा मुद्दा समोर येतो तो म्हणजे ज्या वेळी ही परीक्षा झाली त्याच्या जवळपास अनेक परीक्षा झाल्या त्या परीक्षा चे आणि ह्या परीक्षेचे निकाल पाहिले तर एक धक्कादायक माहिती समोर येते.

ज्या महामानवाला आधीच्या भरती मध्ये ७६ गुण मिळाले होते त्याला १९६ मिळाले, ज्याला ९६ होते त्याला १९८ मिळाले, ज्याला ११८ होते त्याला १९८ मिळाले म्हणजे १२ दिवसांत ही मार्कदुप्पट योजना कशी आली?
१२ दिवसांत इतकी अक्कल यायला कोणतं चूर्ण खाल्लं ह्यांनी?

अजुनही काही महामानव आहेत त्यांना याच्या आधीच्या एका परीक्षेत १०० पैकी किती गुण होते? ७.२५, ७.५०, १५, १६.२५, २०.५०.... आणि अचानक ह्यांचे गुण १९० च्या पुढे कसे गेले?

क्रमशः

✅Join 👉 @BloggerSwami

MMRDA परीक्षा कथित घोटाळ्याची सत्यता

भाग ३

स्पर्धा परीक्षा चा अभ्यास करणाऱ्या प्रत्येकाला हा अनुभव नक्कीच असणार की २०० पैकी १२० मिळणाऱ्या उमेदवाराला १६० पर्यंत जाण्यासाठी किमान २ ते ३ वर्ष लागतात.

पण काही विद्वानांची ही पहिलीच परीक्षा होती अस दिसतंय कारण त्यांचे नाव याआधी झालेल्या कोणत्याही परीक्षेच्या निकालात सापडत नाही. अचानक असे लोक स्वामी विवेकानंद कसे बनले?

बरं असा एखादा उमेदवार असता तर कुणीही मान्य केलं असतं पण तब्बल १९ उमेदवार १९० च्या पुढे आणि ३ उमेदवार २०० पैकी २०० मिळवणारे हे गूढ कुणालाच उकलेना...

निकाल बघितला असता असं लक्षात येतं की हे जे टॉपर्स आहेत त्यातले बहुतेकांनी एकाच परीक्षा केंद्रावर परीक्षा दिलेली आहे. म्हणजे सगळे टॉपर्स एका ठिकाणी नोकरीत लागायचंय म्हणून हम साथ साथ है म्हणत एकाच केंद्रावर जमा केले का?

पुण्यात सुद्धा परीक्षा केंद्र आहेत आणि मुख्य म्हणजे पुण्यात स्पर्धा परीक्षा देण्यासाठी, अभ्यासासाठी, क्लासेस साठी संपूर्ण महाराष्ट्रातून मुलं येतात. तरीही पुण्यातला  टॉपर दुर्बीण घेऊनही सापडत नाही.

अजून भारी गंम्मत म्हणजे ह्या परीक्षेत घोटाळा झाल्याचा आरोप होत आहे त्यात मुलांचा प्रश्न असा पण आहे की काही टॉपर्स हे महाराष्ट्रातील विविध भागात रहात असूनही परीक्षा देण्यासाठी एकाच केंद्रावर पोहचले कसे?

क्रमशः

✅Join 👉 @BloggerSwami

MMRDA परीक्षा कथित घोटाळ्याची सत्यता

भाग ४

MMRDA परीक्षेत अजून एक पॅटर्न दिसला ते म्हणजे सलग आलेल्या टोपर्सचे रोल नंबर पण सलग आहेत. सलग म्हणजे इतके जवळ आहेत की ते एकाच लॅब ला हमखास बसू शकतात जसे शेवटचा नंबर 70, 77 असं...

कोणत्याही स्पर्धा परीक्षेत देशभरातून किंवा राज्यातून लाखो विद्यार्थी बसतात. प्रत्येकाची बौद्धिक क्षमता, अभ्यासाची पद्धत आणि पूर्वतयारी वेगळी असते. अशा वेळी एकाच केंद्रावर, एकाच वर्गात, एकमेकांच्या मागे-पुढे बसलेल्या उमेदवारांना सारखेच किंवा सर्वोच्च गुण मिळणे आणि त्यांनी सलग टॉपर येणे हे जवळपास अशक्य असतं हे समजण्यासाठी Probability चे फॉर्म्युला वापरण्याची सुद्धा गरज नाही.

सामान्यतः ऑनलाइन परीक्षेचे फॉर्म भरताना ज्यांचे अर्ज एकापाठोपाठ येतात, त्यांना सलग रोल नंबर मिळतात. म्हणजेच, हे उमेदवार एकाच गावचे, एकाच अभ्यासिकेतील किंवा ओळखीचे असण्याची शक्यता जास्त असते. पण ते सर्वच्या सर्व थेट टॉपरच्या यादीत सलग येणे यामागे काहीतरी पॅटर्न नक्कीच असला पाहिजे असा दाट संशय आहे.

मागील काही परीक्षांचा अनुभव पाहता, परीक्षा केंद्रांवर संगनमत करून उमेदवारांना शेजारी बसवले जाते. लॅब हॅकिंग, रिमोट ॲक्सेस किंवा परीक्षा केंद्रावरील कर्मचाऱ्यांच्या मदतीने अशा प्रकारची सेटिंग केली जाऊ शकते. जर सलग रोल नंबर असलेल्या उमेदवारांनी एकाच पद्धतीने उत्तरपत्रिका सोडवली असेल, तर तिथे डिजिटल कॉपी किंवा पेपर आधीच लीक झाल्याचा दाट संशय निर्माण होतो.

क्रमशः

✅Join 👉 @BloggerSwami

पुणे महानगरपालिका कनिष्ठ अभियंता भरती प्रक्रिया मध्ये गैरप्रकार झाल्याचं उघड झालेलं आहे

या प्रकरणात ३ उमेदवार संशयित आढळले आहेत आणि या उमेदवारांची उमेदवारी रद्द करण्यात आली आहे.

पुरंदर येथील 2 कर्मचाऱ्यांविरोधात FIR दाखल करण्यात आली आहे

169 पैकी 146 उमेदवारांना नियुक्ती देण्याची प्रक्रिया महानगरपालिका ने सुरू केली आहे

5 जणांविरुद्ध गुन्हा दाखल करण्यात आला आहे

🚩🚩 PMC 🚩🚩🚩🚩🚩

लढा सुरू....
महाराष्ट्रातील कानाकोपऱ्यात विद्यार्थी निघाले आहेत.
आता अंतिम लढाईची सुरुवात ✅
तुम्ही सुद्धा या ..🙏🙏
मोठ्या संख्येने या....🤝🤝
आपण गरीबाचे पोरं आहोत..
ऊन , पाऊस, थंडी यांची आम्हाला कुठलीच भीती नाही....
आता न्याय हवा.....आमचा हक्क हवा...

PMC समोर जीव जरी गेला तरी मागे हटणार नाही आता✅

🚩🚩🚩🚩🚩🚩🚩🚩🚩🚩🚩🚩

@civilmaharashtra

🔴🔴 PMC

PMC च्या press note वर गंभीर शंका येत आहेत आधी प्रेस नोट टाकतो वाचा