العناوين والفقرات في لغة HTML وعلاقتها بمحركات البحث
هاي الصور شرحت بيها اهم 3 علامات تأثر على محركات البحث وفهمها لموقعك مثل ال<h1> على سبيل المثال تمثل العنوان الرئيسي الاول بصفحتك وبعدها تنزل بالترتيب نوصل الى <h2> الي تكون اقل اهمية من <h1> وهكذا تنزل بالهرم الى <h3>.
شنو رائيكم بالموضوع ؟

ماهي فائدة JavaScript Modules ؟
اول ماتبدء بالجافا سكربت اكيد راح تكتب كل الكود داخل ملف واحد وتنطيه اسم مثل main.js او app.js وبعدها تبدء تكتب كل الكود بداخل هذا الملف مثل المتغيرات والـ Functions والكلاسات وغيرها وكلشي يحتاجة مشروعك.

ولكن بـ 2015 صارت نقلة جديدة بهذا الموضوع وظهرت الـ JavaScript Modules وصار بأمكانك تقسم الكود على اكثر من ملف يسموها Module او يعني تسوي ملفات جافا سكربت صغيرة وكل ملف تكتب بداخلة كود يتعلق بموضوع معين بدل ماتكتب كل الكود بملف واحد مثل main.js.

وطبعا هذا الشي راح يساعدك بعملية الصيانة لان راح يكون مشروعك منظم اكثر وتعرف كل ملف بشنو يتعلق بينما اذا عندك ملف واحد فقط راح تصير عملية الصيانة صعبة والملف ضخم والنقطة الثانية اكثر من شخص يستطيع يدخل يشتغل على المشروع وكل شخص ياخذ Module يشتغلها وفوائد اخرى وتفاصيل موجودة بالصور التوضيحية هاي.

شنو رائيكم بالموضوع وهل تستخدمون الفكرة هاي بمشاريعكم ؟

ماهو الكود النظيف (Clean Code) ؟
بكل بساطة يقصد بيها انك تكتب كود بطريقة معينة حتى يكون منظم ، سهل القراءة ،ذو هدف معين او وظيفة محددة يعني. وطبعا اكو عدة ممارسات ومنهجيات بأمكانك تبحث عنها وتطبقها بمشاريعك، على سبيل المثال :

- استخدام اسماء متغيرات واضحة وذات معنى
- كتابة اختبارات للكود (Unit Testing)
- تحاول تقلل تكرار الكود (DRY)
- استخدم تعليقات الكود باعتدال وعند الضرورة فقط
- تنظيم الكود وتقسيمه إلى وحدات صغيرة يعني مثلا تسوي كلاسات ، فنكشنات او Modules
- الكلاس أو الدالة يجب ان تقوم بمهمة واحدة (SRP)

شاركونا نصائحكم عن كتابة كود نظيف 👨‍💻