راح أكتبلكم أهم الأشياء اللي عملتها وقت الحمل ....
لعلها تفيدكم يارب


1/ اخر اسبوع بالشهر الثامن كنت اشرب يومياً كوب من منقوع الحلبة وعلى دخولي التاسع خليتها كوبين واضفت لها اليانسون مع اكل التمر .

2/ ممارسة العلاقة الزوجية .

3/ التنفس متى ماسمحت للي الفرصة وممارسة التمارين وركزت ع جلسة الفراشة وكيجل ومع بداية دخولي للتاسع جاني خوووووف مش طبيعي فااخترت احتوي هالخوف بدل مااعيشة واعرف سببه
جلست جلست مع نفسي وناقشتها بالورقة والقلم ممكن عملت هالحركة مره بس جداً ريحتني وخففت علي وكمان كل ماحضر الخوف لي دعيت ربي وطمنت نفسي بكلمات ايجابية .

4/قراءة سورة البقرة والدعاء بالتيسير .

5/المشي من بداية الحمل بطلع امشي مسافة كبيره كل ماسمح لي الوقت وصحتي .

6/في هالفترة حاولت اقلل علاقتي باللي حولي من الناس اللي توترني واشوف فيديوهات ولادات وقصص ولادات ايجابية .

7/ من بداية الحمل كنت اعرف هالمعلومة سابقاً ومع الدوره امنة بها فعلاً
وهي اثناء الاخراج وانتم بكرامة مانعمل اي مجهود ونركز ع التنفس لان القولون سبحان الله بيعمل انقبضات وبيدفع الفضلات وهالحركة شبية بعمل الرحم .

8/ جلست مع زوجي وتكلمت معه في الخطة وشرحت له نقاط واستغليت الفرصة ان اخرج مابداخلي بدون عتب ولكن شرح توضيحي لااخطائة معي في الولادات السابقة ومشاعري ووضعي في هذا اللحظة واللي احتاجة منه .

9/ حاولت هالشهر انام بدري واصحى الصباح وقللت الطلعات الغير مهمه .

هذه اهم الاشياء وربي يسر للجميع وبالنسبة للشق صار معي جرح سطحي زي المخش بااتجاه فتحت البول مايحتاج خياط الحمدالله.



اللهم لك الحمد ولك الشكر 🌺

5328252



النقطة التالية جدا مهمة
هيه هذي المعلومة الي خلتني اضحك على جهلي يوم قرأتها في كتاب الأستاذه  عائشه الحجار....
كيف في بيتك طول فتره الحمل او اغلبها ماتقدري تنامي على ظهرك ويجي يوم الولاده وفتره المخاض وتنسدحي على ظهرك اكيد بيزيد الضغط والألم وبيقل الأكسجين على الجنين!!!
ومن هنا قررت ولادتي الثالثه ان شاء الله ماابغى انسدح على ظهري إلا في اللحظه الأخيره فقط اذا اضطريت للأمر...

قصتي....
اسمي... ساره جمال
ولدت في مكه (العزيزيه)
مستشفى علوي تونسي( اهلي)
يوم الثلاثاء الموافق ١٤٤٠/١٢/١٢
الساعه ٤ الفجر بداء معايا ألم في ظهري كأني مو عارفه اجلس والم في فخذي  بس شكيت انو يكون طلق كاذب... قمت امشي شويه اشرب مويه اكل رطب بعدين قلت ادخل اخذ اتحمم سريع اذ خف يعني كاذب... بس الي سار لمن دخلت اتروش (اتحمم) لقيت علامات دم عرفت انو السداده نزلت الساعه ٦ الصباح واتاكدت انو موطلق كاذب قلت خلاص البس واستنى لين يشتد اروح ماكملت نص ساعه الألم غريب شويه يجي في دقيقه مره والدقيقه الي بعدها مره ومرات يتاخر بعد ١٠ دقايق احترت وتيجي طلقه ٤ واحس شي يطق ومويه تكب بين فخودي.. ٧ بالزبط كنت في المستشفى طواريء اول مره اكشف عندهم للولاده قالتلي مويتك خضره لازم نطمن على النونو نحط النبض عليه وفتح بس ١سم الرحم... قلتلها طيب بعد ٣ قراءت او ٤ واذا تبي تقومي تمشي امشي (اهم شي انا سويتو كنت احافظ على نفسي نفس دروس الدوره بالزبط ٤ ثواني  شهيق اكتم شويه ٨ زفير)
كنت حاطه في بالي اني مني خايفه على النونو طول ماأنا محافظه على التنفس  وبعطيه اكسجين والمويه خضره فاتح  عرفت انو موشي يخوف بس شي وارد...   
وخلصت مناوبه الدكتوره وجات دكتوره ثانيه( الله يعطيها الصحه والعافيه الي جننتها وتعبتها... ووترتها الي ضحكني انو طبعها زي طبعي تصر وتزن... اقعدي اجلسي عايزين نقيس النبض ولا ١٠ مرات تعيد  وانا عايشه في عالم ثاني لين قالت البيبي لو حصلو حاجه بسببك انا مش مسؤله... قيد القابله العسل قالتلي: عادي امشي وبما انو بيجيكي ألم قوي ان شاء الله يفك الرحم وتولدي بسرعه ومافي خوف على الجنين عادي)

بس بين فتره وفتره انسدحت وسمعت كلام الدكتوره عشان يقيسو النبض مره ثانيه بس قلتلها ماهنسدح لين اولد هقوم والدكتوره كانت مصره اني انسدح لين اولد فبعد كم نبض قاسوه قمت.. امشي..  وقتها فتح ٤ سم وبعدها اصريت اني استمر في الحركه لين فتح ٧ سم قاستني القابله وقالتلي ولاده هنا انا خلاص حسيت بستسلم وبطلب مسكن اقلهم اي مسكن قالتلي ولاده خلاص ماينفع....
بس برضو ماانسدحت لين فتح ١٠سم
بعد طلقتين كمان  وحسيت خلاص اني هولد... (الفتره الي كنت بتحرك فيها... كنت امشي.. اقرفص.. كان في  كرسي صغير زي السلم في الغرفه احط عليه رجلي كأني بطلع الدرج.... اطلع فوق السرير  واخذ وضعيه الي على ركبي يعني اسوي اي شي اقدر اسويه )
اول ماطلعت السرير...
عدلت وضعيتي قلتلها ترفع ظهر السرير ورفعت رجلي على بطني ... قالتلي الدكتوره دفي ادف واتنفس حاولت مااكتم نفسي بس برضو بريح وارجع ادف حسيت في دفي في شي غلط من قوه الألم يعني سرت ادف مره وحده ابغا اخلص وارجع اتنفس يدخل النونو يعني خفت اني ب اتنفس غلط... بس طلع هذا طبيعي الى لحظة التتويج وقتها خلاص النونو ماعاد يرجع يدخل بين الطلقتي.... الحمدلله

والحمدلله وخرج بسلامه النونو... على الساعه ١٠ ونص صباحا ... ماقصتني رغم اني ماقلتلها لاتقصيني
حسيت وانا بدف انها بتدعم المنطقه بيدها من فوق ومن تحت وبتوسع بيدها وترجع تقلي دفي الحمدلله بس سرلي غرزتين من قدام وغرزتين من الجنب... يعني الدكتوره من نفسها قالتلي احنا مانقص احد مايحتاج قص حتى لو بكريه ...
والنونو سبتهم يكملو بقيه الإجراءت عليه عشان كانت المويه خضره... كلمتها قبل لألولد وقلتلها اني ابغا ااخر القطع الحبل ماعارضتني بس بعد ماخرج نسيت وانا سكت.. الحمدلله...


الحمدلله تجربتي الثالثة انا راضية عنها... بخلاف تجربتي الثانية. اللي كانت السبب في اصراري هذه المرة....
و الي قواني في دي التجربه الثالثه ففي ولادتي الثانيه ( ولدت في الألماني في جده وتقريبا نفس الحاله رحت والطلق بداء من الساعه ١٢ الليل نزلت السداده بس بدون مويات وكان عندي خبره بسيطه من النت اني اتحرك ماانسدح بس طبعا حبو يحطو تخطيط جلست دقيقه على السرير وقمت حاولت اني مااجلس على السرير لين سار ٤ سم واصرو عليه ماكان في غيري احد بيولد واتلمو عليه الممرضتين ودكتورتين وقابله ولاكلهم ممرضات مااعرف بس ويبغوني انسدح انسدحت وبعدها شفت الموت اعطوني جلكوز اعطوني ابره عضل جهاز النبض حق الجنين بس اشوف اشياء تتركب واشياء تنضرب بالأبر وكل شويه وحده تيجي تدخل يدها وتقلي اشوف فتح كم سم وحده تيجي تفقع كيس المويه لين فتح ١٠ وانا على السرير اكبر واستشهد من الألم حتى في وحده من الطلقات مسكت الدكتوره من ملابسها بدون مااحس وبعدها معد قربتني هههه...

وجات الدكتورة حقتي وقالتلي:
دفي وقصتني طبعا القص الجانبي لين الفخذ ودفي ودفي ولاتريحي مره وحده دفي وخرج النونو الحمدلله بس سبحان الله وانا مسدوحه بدل ماينفتح الرحم في ساعه اخذ وقت ساعتين... وقدر الله ماشاء فعل...


عشان كده في الثاالث حاولت ماامر بنفس التجربه الثانيه...

5328226


بكرية
مكة المكرمة

1

2

3

4

https://www.instagram.com/p/B257J7tlkao/?igshid=6fo518xahjj


اللهم انفعنا بما علمتنا❤️

أخت 5328077









انا بكرية عمر حملي ٤٢ اسبوع ، نزلت عليا المويا الساعه ١١ في الليل ورحت لمستشفى شرق جدة طوارىء وكشفو عليا قالو الرحم مفتوح ٤ سم وطلعوني تنويم رغم انو ماعندي طلق ، بس لاني من مكة اضطريت اقبل بالتنويم بدري ، طلبو مني يحطو التخطيط وقبلت لانو ما عندي اي اوجاع الساعه ٢ بدأ يحمى الطلق وما اتحملت التخطيط طلبت من القابله تعملي هوا على الواقف وما زبط معانا ينفصل حاولو يجبروني اتمدد رفضت لانو الطلق مرا سار قوي وما ارتاح الا بالمشي وهما قلقانين يقولو نبض البيبي مش كويس ووقعت على مسؤوليتي رفض التخطيط لأنني حاسة بحركته كويسة ولله الحمد ، الساعه ٤ جات الدكتوره وتبى تفتح الكيس عشان قلقانه من نبض الجنين انا رفضت برضو لأني حاسة بالحركة وكانت كويسه ولله الحمد.
واستمريت اعمل رياضة المشي والاسكوات والقرفصاء وبين كل طلقة والتانية اكل حبة رطب واشرب مويا
وادخل التواليت اعمل شاور دافي يخفف الم ظهري كتير
والدكتورة كل شويا تقول حتولدي على المغرب مستحيل تولدي قبل كدا انا اتوكلت على ربنا و كملت رياضتي واستمريت بالاسكوات والقرفصاء بتشجيع من اختي ومن القابلة حنان بعد ما اكلت حبة رطب وشربت يانسون بالعسل استفرغت وعلى طول نزلت المويا وكان فيها شويا لون اخضر مو باين كتير اتوقع انو الجنين دوبو اتبرز مو من اول، بس ما شاء الله حركة الجنين كويسة وهذا اللي مطمئنني
والحمدلله الطلق سار اقوى ومتلاحق وبعد ساعتين فتح الرحم ٩ سم وبدأ احساس الدفع عندي وجربت اجلس وظهري مستقيم ورجلي ممدودة ما قدرت ادف طلبت مني اختي اني اقلب واحضن السرير وبديت ادف لمى يجيني احساس الدفع وما شاء الله ما جات الساعه ٩:٤٧ الا وطفلتي على صدري بدون شق عجان حصل شق صغير بسبب راس الجنين من فوق واحتاج غرزة وحدة بس ودا بفضل الله اولا واخيرا ثم بمساعدة وتشجيع من اختي وصبر القابلة
واجمل شي في المستشفى انهم يخلو الطفل مع الام ويحثوها على الرضاعة الطبيعية .



💞💞💞💞

5328102



قصة ولادتي طفلتي الثالثة ( ليليا☺
يوم الجمعة٧ القعدة ١٤٣٩هـ
في سمير عباس فجدة
مع اخصائية شيماء مصرية في الطواريء ما طلبت استدعاء ولا بطيخ رحت وانا ونصيبي
ربي سخرها ليا وسمعت كلامي بعد نقاشات كثيرة مطووولة
الخطة اتناقشت معاها بالكلام قلتلها ايش ابغى رغم اني كنت مجهزتها في الشنطة بس حبيت اكون اكتر مرونة واعبر بنفسي عشان يوصلها اللي ابغاه بطريقة لطيفة بس ما استجابت ليا الا لمن شافتني مصرررة ولا كانت تقلي انتي بتشوفي النت كتير ومن فين دي المعلومات قلتلها اخدت دورة اماني بيرث قالتلي ايش تقول دي الدورة قلتلها اكتبي فقوقل وتعرفي
قعدت من الصبح الساعة ٨ لين الساعة٢ الظهر وانا الطلق بارد ومو ورا بعض يروح ويجي بس فحصتني الدكتورة الرحم فاتح ٣ سم وبيزيد بس بالبطيء
والدكتورة سارت تروح وتجي تزن عليا بإبرة الظهر ويلله اساعدك بس قلتلها يادكتورة لاتلعبي في نفسيتي انا قلتلك خطتي واتمنى تحترمي رغبتي
الصراحة اتناقشت معايا كتير وجادلتني واشتكت لامي انه شوفي بنتك ماتبغي افحصها ولا اعطيها طلق اساعدها وانه ح تطلب ابرة ظهر خليكم شاهدين
بس انا الحمدلله كنت بعقلي ماسمعت لها وضعفت كنت اشرب موية مقري عليها وتمرة بين الطلقات واسمع قرآن وماما تقلي يابنتي اسمعي كلام الدكتورة😫 ماتدري عن افكاري ما قلت لأحد انه كيف ابغى اولد
فبداية الطلق كنت اقدر انزل من السرير كل شوية اقول حمام واقوم اتحرك وامشي واجلس ع الكورة ما استسلمت لهم
بس كان اسلوبي لطيف وكنت بشوشة وريلاكس اطلب بهدوء منهم و استجابو ليا اقلهم بتحرك امشي ووافقو بس يرجعو يقولولي خلاص اطلعي السرير عشان التخطيط
لمن زاد الطلق عليا خلاص سار مافيا انزل امشي ولا ابغى اتحرك كتير طلعت ع السرير وخليتهم يرفعوا الظهر نص رفعة وطلبتهم يشغلولي المساج كان ظهري يطلع وينزل والعصعص متحرك لان السرير نفسه فيه جهاز مساج مرررة خففلي الألم بشكل لايوصف
بس ع العصر قووي الطلق فجأة وتسارع ورااا بعضه وسرت احس بالدفع والدكتورة لسه بتلبس ويجهزوا الاشياء وانا ادفع الدكتورة لبست ورفعت المقص قالت ها اقص قلتلها لااااا يادكتورة الله يخليكي ما ابغى قص قالتلي اجل امسكي رجلك وساعدينا عشان ما تبغي قص
والحمدلله كنت بطاقتي ومسكتها واتنفست صح ودفعة وحدة نزلت بنتي الحمدلله ياربي ولدت بدون قص بنتي شقت بنفسها من الدرجة الاولى الشق
بس عاد الحبل السري قصوه بسرعة قالت قصير
وماحطتها على صدري يادوب بطني كم ثانية بس شفتها وشالوها
وقالتلي اتحملي بدخل يدي اخرج المشيمة قلتلها الله يخليكي خليها تنولد بطبيعتها قالت طيب يلله احزقي وكحي ونفس وطلعت لوحدها
وبعدين قالت يلله اتحملي ادخل يدي انظف هنا عاد كان الالم مميت وانا حااسة كل شي بدون بنج ولا مسكن
وبعدين جينا للخياطة قلتلها حطي بنج موضعي وحطت بس كنت حاسة بكل شي مررة زعقت اكتر من الم الولادة واعطتني كمامة انا طلبتها بس ما مسكت معايا وخيطتني وقصت الجلد وانا حااااسة بكل شي خيطت من جوة ومن برة
وولدت بنتي نففس ما ابغى الفففففف الحمدلله
مررة فرحانة كنت قوية مو متخيلة نفسي كنت ح اصمد رغم انها ضغطت عليا بابرة الظهر وتززززن بس كانت متفهمة الصراحة وسوتلي اغلب خطتي نفس ما ابغى الحمدلله
والحمدلله بنتي كمان قلتلهم ما ابغى صناعي قالو طيب جابولي هيا بعد ساعة من الولادة وكنت صاحية واخدتها ورضعتها وكل ما جات ممرضة وتبديل شفتات اكلمهم انه بس مني ترضع بس خلوها عندي طوول الوقت
وبرضو يجو الممرضات يبغو ياخدوها للحضانة عشان الدكتورة تفحصها يشوفوها تبكي يقولو ماتبغي صناعي ماعندها لهاية
بس قلتلهم لا هيا تمص يدها ماتحتاج لهاية
اهمممم نصيحة اللي على وجه ولادة لا تنسوا تتدربوا ع التنفس الصح وقت الطلق ووقت الدفع مررة الحمدلله فادني كنت مو قادرة اركز على شي غيره هوا اللي خففلي الالم بعد الله وكمان عمل مساج للعجان والكورة طبقوا الدورة من الاخير وان شالله ربي يسهلها عليكم
طبعاً حملي كان فيه اكشن سار عندي نقص في الموية في الشهر السابع وكانو ح يولدوني قيصيري وغيرت الدكتورة كم مرة رحت لإخصائية و٣ استشاريين وكل واحد كان رأيه غير وخلال دي الرحلة اخر واحد رحتله كانت الموية بدأت تزيد تاني وكنت اشرب موية زمزم كل ساعتين واكل تمرة احسب الحركات وبطني فعلاً صغرت فجأة بس ما كان ينزل عليا شي قالو تكلس المشيمة
وعشت رعب اني اولد قيصري في السابع وخلاص كنت مجهزة نفسي لإي طاري بس الحمدلله مع الفاتحة والتحصين وزمزم رجعت زادت الموية وكملت اسابيعي لل٤٠ وولدت الحممممممدلله

من قصص أمهات الدولا منيرة في ينبع






خلود JD1135008

السلام عليكم

تفاصيل ولادتي للفائده رغم إني مواصله بس قلت لازم اكتبها عشان ما أنسى شيء بعدين 😭
.الكلاسات التحضيريه للولاده تقريبا أخذتها بالشهر الثالث مع دولا منيرة.
- خلصت ٤٠ اسبوع - عندي قيصريه سابقه قبل سنه و١١ شهر 🌝 تأكدت من دكتوري اني اقدر اولد طبيعي وقالي حنحاول معاكي بس بشرط تجيكي ولاده طبيعيه ٪؜ محا ندخل ب اي نوع تحريض ( طلق صناعي ) أو مسكنات . يعني بالعربي تعالي جاهزه 😌
- سبب القيصريه الاولى خلصت ٤١ اسبوع واربعه ايام ومافيه بوادر طلق ابدا يعني كانت استعجال من الدكتور طبعاً كانت بخاص 😅 مايحتاج اكمل استغلال ولايبغون يصبرون .
_ بعد الاستخاره سخر الله لي الدكتور هناك وعدني يحاول معايا طبيعي الاغلب رفض يغامر ومرو عليا دكاتره بحملي قالولي انتي قيصري طبعاً المده قصيره بين الاثنين 🙂
- قبل ولادتي بثلاث ايام جاني الم عجيب غريب بالعانه مع الم بالعضلات الداخليه بين الفخذين كنت يادوب امشي اخر يوم جلست ابكي منه مع تعب عام بس مو طلق .
- رغم اني ماجربت الطلق قبل بس اول مابدا معايا سرت احسب وتفاجئت انه منتظم بس خفيف ومحتمل جداً كان يادوب تحجر لافيه الالام دوره ولاظهر .
- اول خطوه سويتها بعذ استشاره دولا منيره اني اروح اشيك بعياده افضل من طوارىء المستشفى عشان احتمال لو كان طلق بيكتبلولي تنويم وانا لسا بالبدايه ف افضل اكون الطلق ببيتي وامارس تماريني براحتي واذ اشتد رحت الطواريء
- رحت للدكتوره كشفت قالتلي بالعربي ( انتي مش مهيئه للولاده الطبيعي🙂 وحتى لو ولدتي ولادتك بتكون صعبه لان مافيها طلق صناعي ) قلتلها ليه قالت الراس بعيده والرحم قافل وبالتخطيط طلقك كل اربعه دقايق وشديد ٨٠ طبعاً استغربتت منها وحسيت بعدها بعدم ثقه بنفسي ف قلت ارجع البيت وخير.
- رجعت البيت وشربت زنجبيل وعسل جلست على الكوره اخذت دش دافي قام يزيد الطلق طبعاً قبلها رحت السوق اتمشى وسبحان الله رجعت البيت فيني نوم ماقدرت من الطلق انام واصحى وجلست ندمانه على حظي الاقشر ليت نمت قبل يحمى 😂 المهم تعشيت وشربت عصير تفاح وسهرت الليل اتألم هوا بدأ ٧ المغرب جات الساعه ٨ الصباح قمت ارجع اكرمكم الله وحالتي زادت سوء بس برضو الطلق محتمل بالنسبه لي الحمدلله .
- رحت الطواريء مجرد ماسويت اوراق الكشف مو التنوييم الا تنزل المويه عليا ويدخلوني يكشفون عليا الا مفتوح ١ ونص والمويه للاسف خضراء البيبي متبرز .
- حسيت الدنيا قفلت بعيني وقلت شكله القيصري بتناعد مرا ثانيه لاني جداً تعبت بولادتي الاولى بس طلعت فوق الطاقم كان مو متعاون بحكم وضعي البيبي متبرز لازم تنامين وتخطيط ومغذي .
- جات الدكتوره قلتلها انا بسوي تخطيط نص ساعه واقوم قالت لاحبيبتي عندك عمليه سابقه ونبضه مو كويس 😓 محا تتحركين جلست ادعي يارب سخرهم لي يارب جات مرا ثانيه قالت بكشف عادي قلتلها ايوا قالتلي ٢ والراس قريبه ماشاء الله بس ماتنامين ع ظهرك حينخفض النبض نامي ع جنب اليسار بس قلتلها حلو اهم شيء مو على ظهري .
- قالتلي كلمه حلوه ما انساها قالت لاتخافين التبرز والمويات حاله طبيعيه احنا بس بنراقبك باذن الله تولدين طبيعي لان رحمك بادي يفتح وطلقك كويس🥺
- عدت ٤ ساعات واقف على ثنين تحمطت الدكتوره سارت تكلم الدكتور وقالتله النبض رجع نزل جاني الدكتور قلي خلود القيصري مايخوف. اذ اضطرينا حندخلك بس الان تعدل النبض حنصبر مرا ثانيه ونستى استرخي قلتله طيب .
- - جاتني اخصائيه اجتماعيه سعوديه عسل تهرج معايا عادي مدري اش شغلتها صراحه بس اللي فهمته انه تهون على المرضى وكذا وسارت تهرج معايا وتقول لاتنسين تكثرين حقوله بتنفرج عليكي ( لاحول ولاقوه الابالله ) قالتلي انا جنبك اذ محتاجينني ناديني انا هنا عشان اسمع منك قلتلها طيب .
- جلست احوقل ونسيوني ساعتين مدري ثلاث طبعاً انا مبسوطه الطلق كان مقدرو عليه وجلست اتحرك ع جنبي واسوي حركات بدون محد يراقب اولها كنت احرك حوضي يمين يسار وانا منسدحه واتنفس عميق واحاول اتدرب عليه لين تجي الطلقه اكون مستعده .
- شوي دخلت الدكتوره قالت انا خلصت مناوبتي بفحصك قالتلي اربعه ممتاز عديتي بالمرحله الصعبه بيفتح الحين اسرع زي كلام دولا منيره .
- جات الدكتوره المصريه العسل ابتسامتها شاقه وجهها حضتنتي قالت اي ده طلق حلو ونضبه ممتاز ومتحمسه وانا ببالي اقول من جدها هاذي ماتدري اني مطوله قالتلي افحصك قلتها اكيد ( فحصهم ماحسيت فيه ع فكره )
- تفحص الا تقولي يالولو انتي ٨ سانتي تساعديني ولا اروح واترك 😂 تمزح طبعاً قلتها حساعدك طبعاً وسرت ادعيلها قالت امسكي يدي وحاولي تدفعين بشوف الراس فين وصراحه يوجع بس محتمل وطبعاً كنت اتنفس من دون صراخ ياربي لك الحمد الا تقولي انا شايفه شعره بخلي طلقك يحمي زياده واذ مستعده ناديني نعيد الحركه مرا ثانيه قلتلها طيب جلست ساعه نفس الطلق محتمل وناديتها قالت اصلا النبض بدا ينخفض لازم تساعديني انا ما ابغى ادخلك قيصري قلتلها طيب...

سارت تنادي المساعدات فلبينات عسل ❤❤ قالولي بس نبغاكي تدفعي وبنشوف يطلع او لا انتي اوردي ١٠سم .
- سرت ادفع بس اتنفس اكثر واتذكر جمله دولا منيره رحم مفتوح = فم مفتوح واتخيل انه بينزل وانه تحت وانه خلاص بخلص بيجي واشوفه حبيبي ❤
- سارت تقولي خلود انتي متعاونه وصبوره كملي ماابغى اتعبك ادفعي وسرت اسوي اللي تقوله والفلبنيه تقول هيا مرا متعاونه معانا وتكلم الثانيه تقولها جهزي اغراض البيبي طلع ٣ دفعات وهما حاطينه عليا طبعاً كانت وضعيتي جالسه اشوفهم والسرير مرفوع وماسكين رجولي لقدام وكانت مريحه الوضيعه وظهري مرتاح 💕
- قالتلها دكتوره لاتقصي قالت انتي ماتحتاجي وانا ما اقص بس لو ماساعدتتني بقص بموافقتك لان نبضه سيء ودكتورك دق عليا قالي حوليها قيصري حالاً .
- استأذت وانا وافقت وقالت الشق بسيط وانا ماشفته للان والله اعلم بس كانت اخلاقها تفوق الوصف محترمه جداً هيا واللي معاها .
- طلع البيبي حطوه على صدري مرتين واخذوه عشان نبضه مع شفط البراز من رئته سار نبضه سريع شوي قالولي حيكون بالعنايه بس عشان نتطمن ويهدا نبضه ويطلع باذن الله ❤