5328145 ✅1️⃣9️⃣




قصه ولادتي بعزوز 👶🏻😍💕

خلصت الاسبوع 41 وثلاث ايام
واستخرت كثير وكل مره أأجل بس شفت انو مره مافي الم وخفت ع البيبي
رحت موعد تنويم طلق صناعي بسمير عباس وم عندي طلق منتظم او حقيقي بس الالام تجي من فترات اللي هيا طلق تدريبي والرحم مفتوح 2ونص
وصلت المشفى ع 9 الصباح وع بال م خلصت اجراءات الدخول ع 10 عملو التحاليل وجت ع 10 ونص او 11
جت دكتوره شكلها حبوبه
وفحصت عنق الرحم 2ونص ولسى فيه سمك وقلت لها ابغى ناتشورال بيرث وضحكت وقالت انتي من بتاعه الناتشورال بيرث ومالو 😂
وجلست لين 12الا جت دكتوره بس فحصت قالت لسى 2ونص والرحم سميك
وم قدرت اعطيها خطتي حسيتها مشغوله وقلت بترك كل شي ع حاله
اعطتني جل مهبلي هو طلق ويلين عنق الرحم لمده ست ساعات
وركبو ليا المغذي والتخطيط اللاسلكي انا م طلبته هما من انفسهم عملوه وصرت امشي واتحرك وانط ع الكوره واتمايل لين الساعه خمسه ونص وحولها وبدأ الم جدا جدا خفيف ومحتمل
*انا هالفتره الست ساعات اخذت عصير اناناس فريش واشرب مويه وامي عملت ليا ثلاجه يانسون مع حبه سوداء م كثرت منها حقيقي طعمها مُر والتمر اكلت بس حسيته ينفخ بطني ف تركته بالاخير ومع المغذي كمان *

الساعه 6ونص جت دكتوره مرة عسل 😍😍
عسل ي ناس وفاهمه شغلها وحبوبه 💕
فحصت طلع مفتوح 3ونص والراس بالحوض وقالت عنق الرحم مره مترقق تقريبا 70%

وانتي بحالتك مره انجاز لانو احنا جالسين نحرض الرحم يفتح
وطلت بالجهاز قالت فيه طلق انتي حاسه قلت لا قالت كويس 😂
وانصحك بالوريد وع طول قلت اوك وادتني جرعه مخففه 6 ملي
وابره اللي تلين عنق الرحم (شكرا سجى 😍 استفدت من قصتها كثير وشرحت كل شي )
الطلق الصناعي مشبوك بجهاز ف م اقدر اتحرك من السرير من الساعه 7لين 9
قلت لهم يفكونه ثلاث مرات انزل اتمرن واحرك حوضي ع الكوره اكثر شئ عملته واتقرفص مو مره واروح الحمام واناديهم يركبوه بس الالم مافيه
يدوب خفيف اخذ نفس عميق ويخف
ومساج السرير مره بطل بطل خفف عني الالم مره ومرات اعمل وضعيه الاطراف الاربعه واحرك حوضي او اقرفص ع السرير لمن المغذي يكون بيدي

جاء الدكتور احمد ع 9 وقال مره التخطيط كويس ومره فيه طلق قلت انا مو حاسه 😂😅 قال اهم شي مبين بالجهاز وحلو ي ستي وراح
طبعا دكتوره اللي عسل شفتها يخلص ع 12 وشلت هم تروح وانا م ولدت ناديتها ع 10وربع فحصتني طلع 5سانتي 💪🏼 وعنق الرحم مترقق 100%
والراس تحت
وقالت قدامك ست ساعات او اقل لين تولدي
جد شلت هم 😢بس الله كبير وقادر
وطلبت تزيد الجرعه وخيرتني اذا ابره ظهر رفضت
وقلت لها ابغى اتحرك ف شالو نفس الجهاز اللي مشبوك فيه الطلق ونقلوه ع الثاني م اعرف اسمه يصير اتحرك براحتي والطلق شغال
كذا بعد اربع دقايق سمعت صوت زي الطق ببطني انا شكيت انها المويه بس جلست كم دقيقه م نزل شي وطنشت
بس بعد خمس دقايق نزلت مويه وردي خفت انفجعت
بس طلع سليم واللون بسبب الدم اللي بعنق الرحم وطبيعي الحمد لله وع طول رحت الحمام وقمت ع الكوره
ع 10ونص جاء الالم الصجي والحقيقي هههههه
وكل طلقه بينها ثلاث دقايق
وكنت اتنفس عميق بس اللي جد خفف عليا الالم مساج اسفل الظهر وزوجي كان معايا
حسيت التنفس لوحده م ينفع جلست تقريبا ربع ساعه او اكثر مدري ودموعي تنزل وابكي بدون صوت 😩💔
ع 11ونص ناديت الدكتوره العسل عشان البنج لانو الالم كان قوي ومن قوته كنت اشهق وقت التنفس مو عارفه
والرحم فتح من 6-7 وقالت انا حاسه بشعر راسه 👶🏻💔
ادتني مسكن بيثادين اظن اسمه كذا وقالت تبغي الكمامه واخذتها وقالت بس وقت ذروة الطلقه خذي نفس لانها تنوم
صرت اول كم ثانيه من الطلقه اسحب نفس من الكمام الالم موجود بس م يُقارن بقبل بس حقيقي الم قوي
ومدري ايش قلت وايش سويت 😂 احس نفسي طايره وثقيله واشوف زوجي وامي يتحركو بس بالحركه البطيئه 😂
واذا اخذت نفس صوتي يتغير لين اشيلها مرت نص ساعه كذا وصرت مع الطلقه احس بالدفع غصبا وكنت اتنفس بحق وحقيقي خفت يجيني تمزقات
بس البيبي يدفع وجسمي يدفع احاول اوقفه مو قادره جلست خمس دفعات زي كذا وكل الدفع كان من الخلف
وجت دكتوره ثانية 😍😍
امي خافت مره وسألت دكتوره اللي عسل وقالت الدكتورة الثانية برضها مره بطله وكويسه وفنانه كمان 💪🏼💪🏼
اول م جت وفحصت قالت مفتوح ماشاء الله مره كويس يلا خلاص ادفعي قلت بس دقايق تجي الطلقه
ودفعت يمكن ثلاث مرات م قدرت
احس بحرقان وحراره مره قويه وضغط طبعا منسدحه ع ظهري ورفعو رجولي الوضعيه المعتاده 😅
وجلست اتنفس التنفس المعتاد شمي ورده وطفي الشمعه وتقولي اكتميه بصدرك لا تطلعيه م عرفت وم فهمت واحس الم الحرقان قوي وكل م اخذ نفس يرجع الراس واشد م يطلع
وشفتها جلست تساند العجان وتضغط عليه واقول لا تقصي قالت م بقص بس ادفعي
ي ماما ي بطله 😎
انا سألتها ليش الحرقان قالت عشان الجرح بالشفرات

والحمد لله الدفعه الرابعه او الخامسه طلع البيبي
وبدون شق الا شق بسيط مره بالشفرات وضغطت عليه بقوه عشان يلتئم
والمشيمه طلبت الابره رفضت قالت انا بطلعها لك وتمسج اسفل بطني وطلعتها كلها مره وحده وبشويش 😍😍😍💕💕 وشفتها
البيبي حطوه ع صدري دقايق و اخذوه يمسحوه ويفحصوه والحبل السري قطعوه ع طول يمكن بس ثواني جلس
وجابوه بعد ربع ساعه وجلس معايا ساعه ونص م عرفت ارضعه وهو يزحف للثدي ف جلست اساعده واعصر له واحضنه واحاول احط وجهو ع صدري مباشره وبعدها
اخذوه الحضانه واخر الليل يبكي جابوه ليا وجلس برضو معايا احاول ارضعه وعنده غازات وبطنه جامده حبيب ماما
وع الساعه 8ونص استفرع شي اصفر بخيوط دم طلع هذا اللي متعبه ومخليه سهران بالليل
اما انا بعد ساعتين من الولاده جت الدكتوره وطلبتني اروح الحمام او قسطره او اعملها ع السرير قلت لا افضل اقوم واتحرك والنيرس جت معايا ساعدتني
وشافت الجرح قالت مره كويس وم يحتاج خياطه وضغطت ع بطني والجرح قالت تمام
الحمد لله فرق معايا حركتي وقومتي بس الدكتوره نصحتني انو مره انتبه لنفسي وم اتربع ولسى العضلات محتاجه وقت ترتاح وعاملي نفسك كانك عامله قص عجان من الاهتمام و تنتبهي لنفسك

وكمان طريقتي غلط بالرضاعه واتجرح صدري ونزل دم والم قوي كانو دبابيس وجت اخصائيه الرضاعه عسل مره وفهمتني ع وضعيه مريحه للرضاعه وانو الوضعيه الغلط هيا اللي تسبب التشقق والدم ومعلومات سريعه عن بكاء الطفل

الممرضات مره مره مره عسل كلهم ويساعدون وبس مبتسمين

ياربي ياحبيبي شكرا لك
ثم للدولا وبنات الدوره 😢😢😢😢💔💔💔💔 والحمد لله من قبل ومن بعد

5328190

بريده تبعد عني ساعه وربع
وكنت قلقاااانة متى اتحرك بالسيارة لمن يجي الطلق🤔
أخاف أوصل بدري فيلعبوا فيني
أخاف أتأخر وأولد في الطريق
ياااارب دبِّرلي فإني لا أحسن التدبير
❤️💙💚💛🧡
الطلق من البارح 12 في الليل
نفس الآم الايام اللي راحت
ومستمرة بس مازادت
الصبح اليوم الساعه 10افطرت
كوب حليب مع م عسل وشوي حبه سودا
والساعه 11نقعت رجولي بمويه دافيه
نص ساعه ودهنت بطني بزيت زيتون دافي مع م حبه سودا
وبعدين رحت اسمع مقطع الاسترخاء
وغفيت شوي
الساعه 1قمت تروشت ربع ساعه بمويه دافيه ودلكت جسمي تحت الدش
بخلطة زبدة كاكاو وبعض الزيوت
صليت الظهر
ولاحظت الالم مازال مستمر
كلمت زوجي الساعه 2تعال بروح المستشفى
زاد الطلق وانا في البيت جتني طلقتين اقوى وبكييييت وأنا في البيت
لما مشينا ومسكنا الطريق إلى بريدة برضه جاني طلقتين اقوى خفنا ورجعنا

دخلت مستشفى الغاط
وكشفت الممرضه مفتوح 5سانتي
وفجأه نزلت موية الراس
وزاد الطلق ورا بعض بسرعه استدعو الطبيب
وجاء من بيته
وما امداهم نقلوني لغرفة الولادة
والحمدلله تسهلت رب لك الحمد
❤️🧡💛💚💙
الدكتور بعد الولاده سألته
قال حققتي 3 اشياء ..
1❤️/بدون شق عجان بس تمزقات من الدرجة الاولى داخليه قال غرزتين فوق عند خروج الراس
واربع تحت وخيط 6غرز
ولاشق خارجي الحمدلله❤️
2❤️/رعاية الكنغر خلو البيبي شوي ونام على بطني
بس قهر الحبل السري خلاه 30ثانيه وقصه 💔
المشيمة نزلت بعد الولاده مباشره
3❤️/بدون مسكنات ولادة غريزيه طبيعيه ..❤️

بس عند الخياطه اعطاني ابرة بنج
والحمدلله انتهت مرحلة وهن على وهن 💙💐
🎼💐أشكرك دولا سكينه على الدورة وفعلا استفدت ولله الحمد هذا الحمل الرابع اول مره اولد بعد 38 اسبوع واول يوم في الاسبوع 39
دايما اخذ من العاشر أكثر من 8ايام 😩
ولدت مرتين طلق صناعي واتعذب 😭
الولادة تعتبر أسهل وأسرع ولاده الحمدلله دائماً وأبداً
طبعا من دخلت كنت جالسه في الطواري ويصرخوا علي نامي على ظهرك .... ورفضت قلت يعورني ماقدر
ولما دخلوني غرفة الولاده جاء الفرج بسرعه بس على الظهر طبعاً
والحمدلله دائماً وأبداً
❤️🧡💛💚💙

5328195 ✅2️⃣4️⃣


السلام عليكم..
الحمد الله امس ولدت طبيعي.
مع تحفيز بطلق صناعي بسبب ارتفاع الضغط ..
الدورة فرقت معي عن ولاداتي السابقة كثيييير..💕 من ناحية التنفس وتمارينها إللي تمرنت عليها ...كان سهل عليَّ اتذكر التنفس الصحيح وقت ما احتاجه
وكمان الاسترخاء جدا جدا استفدت منه مع كل طلقة اتذكر موجة البحر وضم اطفالي وتخف الطلقة.. 💞

ايضا الحمممد الله تمرين القرفصاء جدا فادني لاني سويت طلق صناعي والبيبي مررتفع.. استمريت على القرفصاء اوقف شوي عشان يصرون ع التخطيط ومتابعة الضغط .. ولمن تفضا الغرفة اشيل الجهاز من نفسي🤭 واسوي القرفصاء.. استمريت لين ٩سم وانا اكرره لين ربي سهلها وخرجت بنتي للدنيا
كان متوقع جدا ان الولادة تتحول قيصري وطبيب التخدير كان موجود طول الوقت برا ينتظر.. بس الحمدالله التنفس المنتظم و نزول بنتي بسبب القرفصاء اثناء موجة الطلقة كان له الاثر الاكبر بعد الدعاء و التوكل على الله.. 💞💞💞
شكرا جزيلا على الدورة الراائعة واتمنى تكون موجودة في كل قسم ولادة في كل مستشفى💐5328195 💜

5328173
✅2️⃣1️⃣


٢٠/١٢/٢٠١٨
الولادة الثانية





كان يوم موعدي مع الدكتورة
عشان ابدا اسوي متابعة للتاسع كان موعدي ١١ الصباح
جاتني علامات بالليل بس افرازات شفافه مافيها دم فما اتوقعت اني بولد
الفجر كان تحجر بالبطن زي الطلق الكاذب بس زايد عدد تكراره بس برضه ماركزت انها ولاده عموما دخلت موعدي من يوم شافت وجهي قالت لي انتي بتولدي 😳
وكان عندي انقباضات كل دقيقتين
كشفت عليا لقت البيبي تحت مره وقاستني لقتني ٥ سم
طلبت نقلي لغرف الولاده فورا
انا قلتلها انا ابغاكي تولديني قالتلي انا ما اعرف حالتك
وحاولت بشكل سريع تشوف السيستم اذا عندي اي تحاليل قريبه على الاقل عموما وافقت على الاستدعاء
الدكتوره نبيهة ماشاءالله عليها
لان حصل معايا انفصال جزئي للمشيمة ونزفت دم طلعتلي بسرعه وسوت تدليك سريع وفي غمضه عين نزلت المويه وبدات معايا بالولاده
توجيهها واضح وروحها حلوه وانا قبل اروح لغرفة الولاده قلتلها ابغا ولاده طبيعيه بدون تدخلات
فقالت انا بحب ادعم هذي الولاده وماراح نعمل قص الا لو استدعت الضروره
الحمد لله ما احتجت قص الا شق صغير جدا من البيبي سوتله غرزه وحده وبس

ربي لك الحمد🌷

طبعا ترى موضوع التوعيه اللي صارت اقسم بالله غير تفكيري عن مفهوم الولاده
اصلا انا كانت فكرتي ان الولاده الموت يعني عذاب وتعب وبهدله
بس فهمت انا وجسمي ونفسيتي
وايش اللي بيحصل من احداث
ترى هالشي ساعدني كثير
وهيا قالتلي انتي قويه وفاهمه شو بدك وانا بحب الستات الاقوياء
لانها سألتني عن المسكن قلت: لا
وانا في ٥ او ٦ سم
قالت ترى بعد كده ما بقدر اعطيكي شي قلت لها انا فاهمه كويس ايش بقول وبرضو لا
فهيا مره انبسطت بتقول لزوجي هيا قويه وانا حبيتها
وقلتلها قبل اطلع غرفة الولاده انا بعرفك من برنامج اماني وكم كلمه على السريع قلتلها بدي ولاده جدتي وحدتك صارت تضحك تقول والله ان شاء الله ماراح تولدي الا مثل جدتي وجدتك ههههههه

واول ماولدت قالت هذي هيا ولاده جداتنا بالزبط

ولما كانت الستتر بتنومني تماما على السرير صرخت :لا

قالت اتركيها براحتها فصرت شبه جالسه
وشايفه ايش بيحصل بس زي ماقلتي هيا بتحب وجهك لها رغم اني حفزت المخاض بوضعيه وقوفي على ركبي وحضنت ظهر السرير وكان نفسي اكمل بيها بس مجرد ماقالت لفي ابغا اقيس ولقتني ١٠ سم خلتني زي ما انا وبدأت تعطي التوجيهات للنفس والدفع

5328178
✅2️⃣2️⃣


20/ مارس/ 2019 🤰🏻
خمسه العصر حسيت بألم زي الم الدوره شديد فجأه على سته او سته ونص نزلت عليا المويا وبدأت تستمر بالنزول جلست الين صلاة العشا اتعشيت ورحت المستشفى قالولي هذي موية الراس بس الرحم ماكان فاتح وطلعت على مسئوليتي ..
وصلت البيت على 12 ونص تقريبا اكلت حاجه خفيفه ونمت لأني كنت مواصله
صحيت 2 على طلق حااامي 😅
وصحيت امي معايا قالتلي حاولي تنامي وتريحي وخلي جنبك ورقه وقلم تحسبي الفرق بين الطلقات
كنت ميته تعب ونوم وبين كل طلقه والثانيه تغفى عيني او يغمى عليا 😓
لما صار بين كل طلقه والثانيه 5 دقايق واقل رحت المستشفى وصلت الساعه 6:30 فجر
دخلوني غرفة الولاده كشفت الدكتورة عليا لقت الرحم مفتوح من 3-4 سانتي جلست عالكوره وحاولت امشي شويه بس كنت ادوخ الين جات الدولا الله يسعدها ما اتأخرت وصلت بدري 💞
صارت تساعدني وتذكرني بلاحول ولاقوة الا بالله وبالدعاء ولما يجي الطلق تضغط على عظمة الحوض او اسفل الظهر حسب حاجتي وقتها الين تروح الطلقه كانت الحركه مرره تهون عليا الالم بعد الله
نظام المستشفى مايسمح غير بمرافق واحد فكانت الدولا اغلب الوقت معايا بحكم خبرتها


خلال ساعتين فتح عنق الرحم من 4-10 سانتي
لكن مستوى النونو بعد ما فتح الرحم 10 سانتي ظل على صفر
بعد ما مرت ساعتين قالولي لازم نحولك قيصري ما ينفع تطولي اكثر من ساعتين دام الرحم مفتوح 10 سم بس اصريت يعطوني فرصه وكل ما يجوا اذا نبض البيبي كان تمام اصر انهم يستنوا عليا صراحة ما قصروا وطولوا بالهم كثير الله يجزاهم خير بس كانوا معارضين على صبري وحذروني انه ممكن يضرني
كنت كل ما ادفع لما يجيني الطلق يشوفوا الراس وبس اوقف ترجع نونتي فوق كانوا مستغربين وشاكين لا يكون الحبل السري قصير بعدين قالوا العظمة الامامية بارزة مسببة ضيق
فضلت نونتي على نفس المستوى تقريباً حول 5 ساعات
كنت معضم وقتي على ركبي وحاضنه السرير
بعدها نمت على يساري بس قل نبض البيبي وصار لازم اغير وضعي قمت حاولت امشي ما قدرت جلست عالكوره بعدها عالكرسي وشادة الحبل والدولا الله يجزاها الجنة مستمره تخفف ألمي بالضغط عالظهر وذكر الله صار النبض ينزل واضطريت ارجع السرير جلست القرفصاء اكثر من ساعة وادفع بكل قوتي صار لازم اغير في الخطه عشان ما يحولوني قيصري
بس بنوتي الله يصلحها متمسكة في نفس المستوى صفر 😅
وفي اخر لحظه كانوا خلاص بيحولوني قيصري قرروا يشفطوا النونو كنت في اللا وعي وقتها من الالم وما كنت مستوعبه انهم بيستخدموا الشفاط يمكن كنت بعترض من الخوف عليها واطلبهم يحولوني قيصري بس من فضل ربي اني ما كنت مستوعبة نادوا ابوها يوقع وما استنوا موافقتي ولا توقيع ابوها وصل الغرفه لقاهم استخدموا الشفاط وبنتي منورة الدنيا بس كان تدخلهم بالوقت المناسب وما زعلت لاني كنت متوكله على ربي ومفوضه امري له والحمدلله ان ربي حمى بنتي ونجاني من القيصري
ما استخدمت البنج والمسكن غير وقت القص والشفط رغم كذا كنت احس بالالم
بس يارب لك الحمد شفت نونتي وحضنتها اول ما طلعت للدنيا ونستني كل شي 😭❤❤❤
اخذوها يفحصوها جنبي عبال ماخلصت الخياطه ورضعتها 🥰
انا فخوره بنفسي وراضية تمام الرضا عن النتيجة لأني سويت كل اللي اقدر عليه .

ولدت يوم الخميس 21/ مارس/ 2019 الساعة 1:00 الظهر 👼🏻💋
كانت اجمل هدية من ربي بيوم الام 🤱🏻🕊



✨ انصح كل حامل وكل انثى تستعد للحمل بأخذ دورة ثقيفية وتشجيعية للولادة الطبيعية الغريزية 💕
وتستعين بدولا اذا مامعاها احد يذكرها برغباتها وخطتها ..
الله يفرج عن كل حامل ويرزق كل محروم ويجزا والدينا والامهات الجنه 💖

5328205
2️⃣5️⃣✅



السلام عليكم ورحمة الله وبركاته

الحمدلله الذي بنعمته تتم الصالحات
رزقت بمولودتي الجميلة بكري ( تالية ) ٨/٧/١٤٤٠ 👧🏻🍼
كانت ولادة الحمدلله على ما كتبه الله لي ( قيصرية اجبارية )
ولادتي كانت بأول يوم من الأسبوع ٣٧ كان لي يومين فقط في التاسع .
كان لدي تسمم حمل وكنت ما ادري كانت الأعراض ارتفاع ضغط دم وانتفاخ مبالغ وغريب في جسمي راجعت كذا مكان وكانوا الدكاترة متساهلين معاي 💔💔 لين ارتفعت نسبة الزلال في جسمي والانتفاخ كل ماله يزيد وكان زوجي مسافر واتصلت عليه اشتكيه من ارتفاع الضغط قالي روحي المستشفى طوارىء بعد الفجر قلت له ان شاء الله 👍🏻
بالليل كنت في منزل الجميلة دولا سكينة والقابلة اللطيفة فاطمة وأختها نسيت اسمها 🤦🏻‍♀ اعتقد اسمها منيرة ☺
القابلة فاطمة تشتغل بنفس المستشفى والله يسعدها شجعتني هي ودولا سكينة اروح المستشفى اتطمن على نفسي لاحظوا اتتفاخي اللي مو طبيعي و انتهت دورتنا ولقائي الجميل الممتع معاهم 💞 ورحت المستشفى بعد الفجر 🌄
قلت لهم ضغطي كل يوم يزيد وأبغى اتطمن على صحتي قالت لي الممرضة الله يهديها كل الحوامل بالتاسع يرتفع ضغطهم قلت لها بس انا كل يوم يزيد قالت خلاص ودخلتني أخذت الممرضة قياس ضغطي وكان ١٧٤/١٠٠
وقالت بروح اكلم الدكتورة كلمت الدكتورة المناوبة في الولادة وقالت الله يسعدها دخليها علي ورحت دخلت عليها وجابوا جهاز قياس الضغط والجهاز رافض يقيس 🤦🏻‍♀ الدكتورة خافت قالت للممرضة عيدي قيسي رجعت قاست وبرضه ما تطلع قرائة توترت الدكتورة وصارت تقول للممرضة جيبي كل اجهزة قياس الضغط وجابتها وكلها ما تطلع القراءة 🥺💔 ( يعني الرقم تعدا اعلى مستوى في ارتفاع الضغط ) سبحان الله ارتفع ارتفاع هائل بس في اللحظة اللي دخلت فيه للدكتورة يعني مدري ايش يصير فيني لو تساهلت ورجعت بيتي ع كلام الممرضة 🤦🏻‍♀
الدكتورة ركبت لي القسطرة وأخذوا مني تحاليل وطلبتني أغير ملابسي وتطمنت على الجنين بالسونار ونومتني على السرير وكلموا قسم الولادة يأخذوني 😩💔
انا لسى ما ادري انهم يخططون يولودني 🥺💔 حسبالي انه يخفضولي ضغطي واطلع والله فجأة ألقاهم مدخليني قسم الولادة وغرفة الولادة 😩💔💔💔
وتجمعوا علي الممرضات ودكتورة نساء و ولادة طاقم عسسسسل والله جلسوا يفهموني بالتدريج انه لازم نولدك 🤦🏻‍♀ وانا ما قدرت أتحمل على طول فكيت دموووووعي واقولهم تمزحون ماني مستعدة 😭😭😭😭 قالوا انت بحالة خطيرة انت فيك تسمم حمل لازم نولدك 😅 نعطيك الخطة نعطيك طلق صناعي وننتظر تجيك الولادة قلت لهم طيب انتظروا زوجي يجي من السفر 🥺💔😭 قالوا الطلق يطول لين تولدين يمديه يجي لا تخافين 😚 وانا مازلت ابكي قلت لهم طيب بتصل على زوجي واتصل عليه ويا دوبك يسمع مني 😭😭 قالي خلاص بدور اقرب رحلة واجيك 😢 وقفلت قالت الدكتورة خليني أقيس لك وقاست لقته ٢ بعدين تركوني ورجعوا قالوا كلمنا الاستشارية قالت انه خطير عليك الطبيعي لازم حالاً ندخلك قيصري 😩 وانهرت 😔💔 اتصلت على زوجي قلت له ترا بيولدوني قيصري قالي رحلتي حتكون الظهر قلت لهم انتظروا زوجي وامي بالطريق قالوا لا مانقدر ودخلوني على طول على غرفة العمليات وكان البنج نصفي جاني دكتور التخدير الله يهديه 🤦🏻‍♀جرب فيني يمكن ٤ ابر وكل إبرة تفشل 😭💔💔💔 وتعبت وانا مدنقة ظهري ورقبتي صارت توجعني بعدين تدخلت دكتورة التخدير وكانت يدها حلوة ونجحت ابرتها كان حيقررون لي بنج كامل لو فشلت الابرة طبعاً السبب ان السوائل المحتبسة بجسمي جداً كثيرة و وصلت لظهري علشان كذا واجهو صعوبة في التخدير 💔 اول مرة بحياتي ادخل غرفة عمليات وماني مهيئة كمان ولا عندي ادنى فكرة عن القيصرية كيف تكون 🙄 وكان غلط مني كنت متفائلة ان ولادتي بتكون طبيعي وتجنبت اني اقرأ حرف واحد عن القيصرية وهالشيء تسبب لي بمشاكل نفسية وجسدية 😭🤦🏻‍♀ بدأت العملية وكنت ارجف من البرد والخوف وماقصروا الممرضات جابو جهاز التدفئة ودفوني 😍 بعد اقل من ١٥ دقيقة حسيت بشيء يطلع من بطني 😭 وبعدين سمعت صوتها لحظظظظظة جميلة ما أنساها 👧🏻🍼 اخذوها ينظفونها وانا بلحظة صمت وتأمل اطالع فيها انها بخير وعيني تبكي ماقدرت اعبر 😭😩 الطاقم قالوا ايشبها اول مرة نشوف ام من غير ردة فعل بعدين طالعوا فيني ولقيوا عيني اللي قاعدة تعبر 🥺😭💞 طبعاً ما قدرت اطلبهم يحطونها على صدري لأني كنت بلحظة رعب وخوف وانا احس ان بطني مفتوحة والدكتور يخيطها وخايفة يغلط غلط طبي وارجف من الخوف لو حطوها يمكن تطيح مني مقدر امسكها 🥺 ندمانة اني ما حاولت اهدي نفسي 💔


واللهم لك الحمد من قبل ومن بعد انا سعيت ورغبتي كانت طبيعي وكنت اطمح بهالشيء من قبل اتزوج ولكن اختيار الله لي اكيد هو الأفضل القيصري مو اقل ألماً او تعباً من الطبيعي 💉
ربي يعطي كل شخص الأصلح والأنسب والأخير له ( لا يكلف الله نفساً إلا وسعها ) وبحجم الألم تأتي السعادة على هيئة كائن صغير تنعشك وتسعدك ادق تفاصيله 😍👧🏻🍼

تنسيك مر ما لقيتيه وما عانيتيه ❤❤ انها الرحمة التي وضعها الله في قلوب الأمهات ❤❤

رسالتي لكل من واجهت او ستواجه عملية قيصرية إجبارياً انت لست بأقل من الطبيعي الله أراد لكِ زيادة بالأجر ورفعة بالدرجات ❤❤❤

طبعاً نسيت اقولكم ان لما قرروا لي ولادة قيصرية اتصلت على دولا سكينة وما ردت وبعدين اتصلت هي علي وقلت لها اني حولد قيصري 🥺💔 حاولت تهديني وانتهت المكالمة سريعاً بعد الافاقة كنت نايمة وتعبانة فتحت عيني الا هي قدامي ومعاها باقة ورد 😭❤❤❤❤❤💐 اسأل الله ان يسعدها سعادة الدارين ويكرمها من فضله ويجبر خاطرها ❤❤❤

5328233
✅2️⃣8️⃣



جدة
بكرية

مدري عرفتو ولا لسا
المهم انا ولدت الحمدلله 😍❤❤
في مستشفى سمير عباس
وكنت متحمسة اقلكم انو بفضل الله طبقت طرق التعامل مع الألم بالتنفس والحركة وقت المخاض
والحمدلله كان مسموح لي اصلا ماكان في احد عندي ..
رحتلهم بعد مانزلت مويات مرا كتير وسار الوقت مرا قريب بين كل طلق والتاني وكنت حاسة انو بديت ادخل المشوار خلاص

اول ماوصلت قلت للممرضات ابغا امشي فلا تحطيلي محلول بس ركبي الابرة لو تبغي،
حطولي التخطيط وقلتلها بس ثبتيه عشان مح انسدح على ظهري حنام على الجنب

وفعللا دا الي حصل الحمدلله
بس وقتها سرت اقلهم نادوا الدكتورة
ابغاها تفحصني ابغا اعرف كم سانتي الرحم مفتوح، جات وطلع ٤ سم الحمدلله
سألتني تبغي ابرة ظهر؟ قلتلها لا ولا أي مسكن! قالتلي آه إنت عايزة ناتشيرال بيرث؟ ابتسمت وقلت ان شاء الله

بعدها حشرت الله يكرمكم ففكو مني جهاز التخطيط ولما رجعت مالبسته😂👌🏻
قعدت ادوووور في الغرفة وامشي
وشويا امسك زوجي
شويا على السرير على ركبي وماسكة في مقدمته(حوريكم صورة) واحرك الحوض يمين يسار
وطبعا مع كل الم تنففففسسسس ودعاء لما ربي يذكرني
قعدت كدا كم ساعة
اخر نص ساعة شد مرا وسار قوي وسرت احس بالدفع😭❤❤
ووقتها ماكنت حاسة انو في وضعية مريحتني
طول الوقت إللي راح زوجي كان معايا💕
والله يسعده كان حقيقي داعم قوي وفعلا وجوده مسكّن ومهدّئ وكان بيذكرني اتنفس كل شويا 😍
احب اقلكم انو تقريبا حضر الدورة معايا 😂
وكان هو بيحل الواجبات ❤😂
بعد ساعة تقريبا ماما جات وسارت معايا واصلا بسرعة تطورت الاحداث فبقيت هي معايا وهو برا يستنى لأنه ممنوع شخصين..

المهم لما قوي الألم وشد سرت اقلهم نادوا الدكتورة انا حاسة انو خلاص..
جات وقالت خلاص مفتوح كامل
كانت لحظة سعادة لاتتسى صراحة انو خلاااص قربنااا😭

بعدها ماسارت الأمور تماما زي ما احب بس الحمدلله *(وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ)*[البقرة : 216]

قالتلي يلا ياسلوى اتسدحي على ظهرك
انا طبعا كنت رافعة السرير وقتها بوضعية قائمة وماما حبيبتي معايا
وسبحان الله قبلها بيوم فتحت مع ماما الموضوع عشان لو جات معايا ما تتفاجأ من تصرفاتي وكانت بقدرة قادر داعم ليّ لأنه قد جربت دي الولادة في بريطانيا

المهم قلت للدكتورة انو زي لا أو أظن أشرت براسي بس
المهم هي فهمت انو ما ابغا، وكنت مصرررة انو زي أنسي اتسدح..
‏وماما حبيبتي سارت تقلها معليش يادكتورة انت طيبة وحتساعديها هي مهي حابة تولد كدا ومدري ايش..
‏فهديت الدكتورة شويا وسارت تقلي طيب يلا ... صراحة كانت لحظات توتر مابين اني أصر على رغبتي وما بين وجهها الي بدأ يعصب
‏قالتلي طيب اسمعي حسمحلك تجلسي على اربعة بس اول ماتحسي راس البيبي نزل ارجعي قلتلها طيب وصاحة شي لطيف منها جددا انها سمحتلي لما المرحلة دي 💕 الحمدلله
بعدها ماطووولت رجعتني وسارت تطلب مني ادف بقوووووة وتقلي يلااااا يلااا وانا بس بفكر في كيف انو التحزيق دا هو الي يسوي التشققات وانو الطفل حيخرح وينزل طبيعي عشان يوسّع المنطقة فسرت بحاول اركز مع نفسي ولما احس راح شعور الدفع أوقّف!
فكانت تعصب مرا وسارت تقلي لا يا سلوى كدا مح ينفع كدا حضطر مدري ايش، كانت فعليا بتوترني صراحة ..

الممرضة حبيبتي تناديني ولما اطالع فيها، تتنفس معايا بعمق😭💕
‏ والله ربي رسلها لي تهديني محد كان يخرجني من التوتر كل شويا الا هي وسرت اتنفس معاها وارجع افتكر انو سلوى اتنفسي وركزي ..
المهم جات دكتورة تانية وتخيلو سارو يضغطو بطني :))))
افتكرت البوست الي حطيتوه هنا 😂💔
والله مسكين مخي وقتها

فزي الي بحاول اقلهم لااااا
وبس اردد اصبرو اصبروو اصبروو حينزل حينزززل
والدكتورة تقلي انو ايوا اكيد حينزل بس انت كدا ...مدري ايش مني فاكرة المهم كانت تخوفني عليه
*مع إنه ركبت جهاز نبض الطفل وطووول الوقت تطالع ونبضه سليم!!!!!!*
وطبعا مستمرة تطلب مني اضغط بقووووة وتقلي انو يلاا يلاا انا شايفة شعره!
بعدين فجأة شفتها مسكت المقص
صرررخت انو لااا!! ما ابغا!! لاتقصي!!
قالتلي لو ماقصيت حيشق وااضح حيشق مح يقدر يخرج !!!!
تبغيه يشق بنفسه؟
طبعا انا مو مررررا قادرة اناقش واتكلم
فمارديت وماما قالتلها لا يادكتورة ماتبغا اصبري عليها

سابته شويا

اخر شي لما شافت اني بطنش تعليماتها وبدف وقت ما انا احس
قالتلي ترا حضطر اسحبه بالشفاط

والله مرا يحزن كيف يلعبو بمشاعرنا
حسبي الله

المهم وقتها حسيت انو طز في كل شي وخلاص خرجوه وبس حقيقي مرا تعبوني وتعبت ونفسيا تعبت اكتر .. قصت فجأة بدون ما انتبه اصلا
واخر مرة طلبت اني ادف دفيت بكل ماعندي من قوة مرة وحدة وشفته خرج قدامي 😭
حقيقي كانت لحظة تنسيكي كل حاجا

اشرتلهم هاتوه مديت يدي اعطوني هوا
وسرت احاول افتح لبسي قالتلي اه انت عايزة skin to skin

skin to skin

ماجات تفتح لبسي.. الا سحبوه مني حقون النيرسري(حرفيا سحبوه) وانا منزوعة الطاقة بحاول انو اقلهم استنو .. قصو الحبل السري واخدوه
ما انكر انو كان شعور سيئ جدا
لما تحسي انه كل شي كان ماشي تمام ويجو يخبصولك كل خطتك

*(في شي مهم ترا انا مالحقت اكتب خطتي)* وما اعرف لو دا له دور في الموضوع.

بعدها قالولي الولد حرارته منخفضة واخدوه في الحضانة قالو بعد ساعة نرجعه 💔 طبعا كانو قد مسحوا المادة البيضة الربانية الجميلة الي عليه
فلا عجب انو يقولو حرارته مدري اشكلها

بعدها حاولت تسحب المشيمة قلتلها اصبري حتنزل
سابتني شوييييا وبعدها مدري اش قالتلي واستسلمت تاني وسبتها تسوي الي تبغاه فسحبتها لين خرجت، وخيطت الشق
وخلوني ساعتين في الغرفة بعدين طلعوني..

صح ممكن تكون النهاية حزينة
وانا بكتب رجعتلي المشاعر السيئة المرتبكة بدي الفقرات بس ورغبة البكاء
بس حقيقي الحمدلله وقتها كنت حاسة بفضل الله وكيف انو ربي يسرليييييي وكانت مجملا تجربة جمييلة ولطيفة لاتنسى
وانو ربي قر عيني وعين أبوه بشوفته وانه خلاص خلصت!
والله يرضيني ويثبت قلبي انو كل شي لحكمة وخيرة
فالحمدلله على ماكان ومالم يكن


خلال فترة المخاض كنت مابين بدعي ربنا يهون وييسر علي وما بين أدعي لولدي وزوجي ومابين بقرأ أو اسمع سورة مريم واردد آية (ولم أكن بدعائك ربي شقيا) ارجعو لتفسيرها جمييييييل جدا
ومابين ماما تذكرني ادعي واحتسب واقول يا رب بدل ما اصرخ او اطلع اي صوت تألم .. جدتي ام بابا كانت دايما تقلنا لو فتحت فمك في أول طفل مح تقفليه في كل اولادك.. قصدها لو تعودت تصرخي وتولولي حتتعودي كدا.

وبس اسال الله من كل قلبي ولادة سهلة ميسرة للجميع وتجربة جميييلة بكل ما فيها ❤

أم أسامة