🏩تبوك
5328094🤰🏻


قصة ولادتي. بطفلي الرابع
يوم الثلاثاء ٨/٨/١٤٣٩
من بداية الشهر التاسع والطلق يجي ويروح مو منتظم
ووصلت للاسبوع٣٩ والمغص مثل ماهو يجي ويروح
وقبل الولادة بيومين اكلت اناناس
ومستمرة بتمارين القرفصاء اعملها كل يوم
لاحظت المغص زاد لكن غير منتظم حتى بالليل يدوب انام واصحى من المغص
وقبل الولادة بيوم نزلت سدادة الرحم. وفرحت وبكيت من الفرحة بعد 😅😅قلت خلاص هانت مع اني خايفه.

وراسلت الدولا. وقالت انتظري لحد ماينتظم الطلق
والطلق زاد بس مو منتظم وكل ساعتين اتروش بمويا دافيه تريحني صار الطلق كل ٢٠دقيقه
واستمر طوال الليل نفس ماهو.
حاولت انام اخذت غفوه وصحيت من المغص.
ماقدرت انام وعل اذان الفجر صليت وتروشت بمويا دافيه. وكلما جاني المغص عملت تمرين القرفصاء. يريحني ويخف الالم شوي.
وفتحت اليوتيوب لقيت رقصه خاصه للي بيولدو 😅
رقصت ٥دقايق💃🏻 في المطبخ وتعبت من المغص
حسيته صار كل ١٠دقايق.
وصحيت اولادي عشان المدرسة وكنت اقول ابوصل اولادي المدرسة ثم اروح المستشفى.
لكن حسيت المغص صار غير محتمل.
وجهزت كمادة. حارة واحطها عل بطني وقت المغص. صارت ماعاد تخفف الالم 😓عرفت ان الولادة قربت
وصرخت عل زوجي فجعته قلت يالله ابي المستشفى 😐😐 وعيالي مجهزين للمدرسة واخذت كمادتي معي
وركبت السيارة وصار المغص اقوى
قلت لاتوصل عيالي للمدرسة ودني المستشفى عل طوول وكلما جاني مغص طار جسمي من الالم ارفع جسمي كله من كرسي السيارة شويي. وانقز للمرتبه الخلفيه من الالم 😭😭 وعيالي خافو يدعوون لي
وزوجي ماسك يدي ويهديني.
وجتني المغص الثاني وتمسك يدي بنتي بسنة ثالث💕
وتقول يبه شوف امي كيف تسوي لان جسمي كله يرتفع عن الكرسي شوي واطلع من السيارة يارب رحمتك
وحسيت كاني ابدف النونو 😣 باقي عل المستشفى ٥دقايق.
المستشفى قريب من البيت والحمدلله ووقفنا عند المستشفى قال ابجيب عربيه لك قلت لا ابمشي
وامشي لحد باب الطوارىى ويجي المغص ويمسكني زوجي يهديني.
وادخل عل السسترات واجي فوق السرير وراحو يشوفو بطاقة المستشفى واصرخ عليهم وانا جالسه عل اربع
اقول انا ابولد خلاص وتجي تركض الممرضه وتقول ابكشف بسرعه وتكشف علي قالت ٩سانتي وتاخذني بالسرير وتركت شنطتي والشبشب حقي عل الارض وانا اقول هاتو الشبشب حقي لاتنسونه طلعت ماخذه شبشب المطبخ وانا ما ادري 😂😂
ورحت للكشك الولادة وقالت تعالي عل سرير الولادة وواول ماجلست عل سرير الولادة يدوب نزلت عباتي جلست عل اربع وتحاول الممرضه اني انام عل ظهري
قلت لا انا ولدت كذا ٣مرات
وكانو ثلاث او اربع ممرضات عندي ويناظرو فيني 😳😳وحاولو يدفوني عل ظهري بس النونو نزل بسهوله دفعه وحده سبحان الله ونزلت المويا معاه رغم انه من بدايه الطلق مانزل غير سداده الرحم فقط.
والممرضات سكتو مستغربين. والحمدلله ولدت ابني بدون خياطه ولاقص.
مع ان المستشفى الاسره مجهزة للولادة ومتطورة ومع السرير كتلوج للاستخدام بس ماطبقو شي منها 😐
الحمدلله ولادة سهله وميسرةًِ رغم اني جازفت ومارحت الا في اللحظات الاخيرة لكن ربي سهلها وماولدت بالسيارة


( ملاحظة: أنا ماولدت اطفالي اللي قبل على وضعية الأطراف الأربعه...بس قلت كذا عشان يتركوني بكيفي ... ونجحت الحيلة بفضل الله 😃💪🏻)


ومقارنة مع ولاداتي اللي على الظهر
الولادة على الأطراف الاربعه اسهل واسرع
بفضل الله

🤰🏻بكرية
5328077

استعديت للولادة ببرنامج أماني
كنت واثقة و نفسي هادية سويت الي اتعلمتو تمارين وتدليك عجان ،،
نزلت السدادة ومويا واتأكدت ان كل شي جاهز
خطتي وكمادات والجل والكورة والتمر والمويا والخ
اخدت غفوة ١١ الصباح روحت المستشفى
ف الطواري قالت ٦ سانتي
نسويلك تخطيط
قلت وانا ع جنب... قالت لازم ع ظهرك
طنشت وقمت اسوي تماريني واكل واشرب وافرغ مثانتي وهي تقول ممنوع !!
قلت نادي دكتورتي متفقة معاها أنا
جات وحدة قالت انا حولدك دكتورتك اعتذرت
اتحطمت جداا
اتصلت ع الدولا وقالت حتجي 💖بس اتاخرت اشويا
لما يشد الالم زوجي يضغط لي ع اسفل ظهري وجنبيني يخف كثير
حسيت بلوعة و(استفرغت ) ونزل مويا
فتفجعو وجابو كرسي قلت حمشي زوجي قال اجلسي وجلست جيت اخد كورتي قالو حنجيبها وراكي وماجابوها دفوني لين فوق ودخلوني كان نفسي بمويا دافية استحم مافي 💔جاتني الدكتورة المسؤولة وقالت طالما انتي مع برنامج اماني ليه مارحتيلهم يولدوكي
و قالت نامي ع ظهرك نقيس ونطمن ع البيبي
قلتلها ع جنبي
وزوجي يقول اسمعي الكلام
هيا تقولو سيبها عندها الم دحين
هم كدا مدربين وصارت موضة كل وحدة تدخل معاها ورقتها صرت لما اقولو جا الالم مسجني صار يتاخر 💔
نمت ع ظهري قاست قالت ٨ سانتي والتخطيط ممتاز سوتلي نص الجل
الطلق سريع وحار
الدكتورة تقول اعملي ابرة الظهر
وزوجي يصر خديها ريحي نفسك شوفي كيف انتي بتتالمي هيا
قالت انو تنفعك قالت ماحياثر ع مسيرة الولادة وحتحسي بالدفع
قلت بنفسي لا دكتورتي ولا دولا وخلاص ماحقدر اقاوم فضعفت وقلت هاتيها
وكنت جدا مرهقة واعصابي مشدودة والالاام وجسمي يرجف بعدهانمت وصحيت ووحدة تمسح ع راسي قلت انتي الدولا قالت ايوا
قلتلها شوفتي كيف كل شي عكس الي بدي
هدتني وشجعتني وقالت خيرة
عشان نتامي وتستجمعي طاقة
وقلبتني هيا والممرضة ع جنب
وكلمت الدولا الدكتورة المسؤولة وفهمتها عن برنامج اماني فبدت تتعاون واعطتنا كمادات ووقفنا ابرة الظهر عشان يرجع الاحساس واقدر اقوم و استنينا البنج يفك مني
الرحم فاتح ١٠ والتخطيط تمام و بعد وقت صرت احرك اصابعي وساقي وقلت للممرضة ابى احضن ظهر السرير واكون ع ركبي
والدكتورة قالت ابى اولدك زي ماتبي بس دفي
واعطتنا وقت
والدولا كانت ماسكتني لان لسى جسمي يفلت مني مو متمكنة مرة
اشويا ونزلت وصرت امشي واعمل اسكوات ووصار في تحسن
البيبي احس ينزل بس انو احسو من ورى الضغط كلو
جات دكتورة قالت دفييي كأنو عندك امساك حعطيكي
ساعة زمن ابغى اشوف البيبي قدامي
طبعا تحديد المهلة عمل ضغط نفسي
كانو مطفشيني بالتخطيط ونمت ع جنبي
وقتها صرت ادف عشان خايفة يولدوني هما ويقصوني وادف ادف مافي شي
كل اشويا تجي دكتورة تانية تحاول تنيمني ع ظهري
ونمت ع جنب قلت اهون صرت ادف باقوى شي وادف ولا راضية تطلع لما ييئست وحسيت بالانهزام وكنت حقول خلاص ولدوني زي ماتبوا
اشويا احسسس بالطلق والممم
قمت قلبت ع اطرافي الاربعة وحطيتهم امام الامر الواقع وادفف
والدولا طول الوقت وهيا تمسجني وتدهني وتدلك لي ظهري يخخخف الالم ومستمرة انا بالدفع مافي اي تقدم
و قالت الدولا امسكي يد السرير ودفي وسويت كدا وادف وادف وخلاص حسيت مقدر كان االوقت قريب المغرب قالت الممرضة انا شايفة شعر البيبي
ونادو الطاقم كلوو والدولا قالت يلا انتي بطلة حتقدري دفييي وصرت ادففف اكتر بحماسسس
وادف وخرج اشويا ودفيت ودفيت بقوة وخرج النص
واددف وخرج الراسسس واتزحلقت البيبي كلها
وبس خرجت كأن شيئا لم يكن مافي اي الم
وجلست
والحممدلله حضنت نونتي ورضعتها ونفذو باقي خطتي دقايق وقصو الحبل السري
والبيبي عندي ماخرجوها
واستنو للمشيمة ساعة ماطلعت
الدكتورة قالت نسحب ع خفيف وانتي تنفخي
وطلعت مش مؤلمة
قالت ماتحتاج خياطة العجان سليم الحمدلله بس شقين طبيعين داخلي درجة اولى غرزة واتنين
ماحسيت بيهم
امارس حياتي طبيعي الحمدلله مرتاحة بنفاسي
الفضل لله ثم للدولا غيرت مسار الولادة
اتاخرت بالدفع وخروج المشيمة بسبب ابرة الظهر اخدت ٣ ساعات وانا اتعذب وادف
، الدولا كانت كڤر النجاة ممتنة لوجودها ووقفتها شكرا لها ولصحبة الفضل الرائدة في الحملة فاطمة الشنقيطي الله يكتب اجرهم ويجزاهم اعلى المراتب ف الدنيا والاخرة


🌷

أمل 😎 VIP

🏩أبها
🤰🏻مش بكرية



حبيت اكتب لكم قصة ولادتي الناجحه الحمدلله بعد شهرين من الولاده كل يوم اقرر اكتبها وماالاقي وقت مع نوناتي ...

بالبدايه انا عندي ثلاث اطفال ماشاء الله و جبت اخر بنوته واخذت بعدها حبوب جينرا لمدة خمس شهور و رحت لماما ليله من ليالي رمضان و نسيت حبوبي ليله واليوم الثاني اخذتها و كانت هذي الحبه شرارة البدء 🤣🤣🤦🏻‍♀استمريت عليها عادي و قلبي متضايق حاسه بتأنيب ضمير و جينا بشوال يوم اخلاقي مره قافله و قلت لزوجي جيب تحليل منزلي و هو مره مستبعد ومتأكد وسويت التحليل قبل موعد دورتي باسبوع ... وهنا كانت المفاجأه 🤣😷🤭🤕خطين وااااضحه وانهاااار ابكي و زوجي يضحك يضحك عور قلبي زياده بضحكه
و يصبرني يا بنت خلاص عادي و قولي الحمدلله هذا خير ربي كاتبه لنا لا تجزعين و احمدي الله و انا افكر في نفسي وصحتي وباقي معتبره نفسي نفاس 🤣🤣من بعد بنتي لسى مانسيت

وشايله هم بنتي مسكينه كيف باقدر اهتم فيها مع وحم وحمل و و و. طبعاً اتفقنا نسسسكت ومانعلم احد ( بيني وبينكم فكرت بالاجهاض استغفر الله في لحظة تفكير شيطاني)
لان الكل بيلومنا وخاصه امي مره تشيل همي و كانت تقول لي لاتحملين بعد بنتك خذي فتره ريحي جسمك و شاء الله و حملت وكنت افكر كيف ازف لها الخبر
🤣🤦🏻‍♀😷
مرت الايام وانامهمله نفسي و نفسيتي تسوء اكثر ولازم ابكي كل يوم قبل النوم ودراااما ... لين رحت سويت اول سونار بعد ٨ اسابيع وشفت النونو و النبض و حنيييييت له و بديت اهتتتم واخذ فوليك ومكملات واتغذا و اروح مواعيدي
بان عليه الحمل و بديت اعلم اخواتي شوي شوي وعلمت امي و جلست ابكي عندها رحمتني الحمدلله عكس ما توقعت حمدت الله وشكرته وقالت لي رزق وخير و ناس كثير يتمنوا الذريه و انتي تسخطين خافي ربك واهتمي بنفسك و هذا عطيه من الله ....
وقتها كل همي من اكشن الولاده والشد النفسي اتذكر ولادتي ببنتي و كانت تعزيررر ما خلصت الا الدم بكل مكان و جلست ثلاث شهور تعبانه من خياطتي ... فكل خوفي وتعبي ذكرى سيئه و طاقه سلبيه متراكمه بداخلي ...

وحمي كان اخف وحم في عيالي الحمدلله يمكن لاني مشغوله مع بنتي وعيالي الكبار الاثنين و شغل البيت فما كنت معطيه نفسي جو عشان اتوحم او اتدلع بس كل ماتعبت جسدياً و نفسياً افرش سجادتي واصلي وابكي ويجي زوجي وانا ع سجادتي و الدمووووع يجلس يصبرني ويذكرني بربي واقول له مو اعتراااض بس مااحس احد بيساعدني مثل ربي و لطفه فخلني افضفض بضيقتي له و بقي يومي احاول اوفق بحيث مااجهد نفسي
وقتها كنت احس بمسؤليه عظيمه و و و حاجه كبيره فوق تحملي وطاقتي لكن الحمدلله ربي ما يكلف نفساً الا وسعها ... ولولا الله ولطفه ثم امي و اخواتي و زوجي وتعاونهم معي الحمدلله عدت الايام بس برضو في اقصى الخاطر غصه خوفاً من الولاده
اروح مواعيدي كل مره واتعلق في النونو اكثر وارحمه اسمع النبض و اشوف حركاته ياعمري خبرتنا الدكتوره انه ولد والحمدلله بيصير عندي ولدين وبنتين نعمه من الله
ما احكيكم عن تعلق زوجي و حبه لهانونو ماشاء الله واهتمامه الحمدلله تسخير من ربي
و استمريت اقرا قصص ولاده واتابع اكشنات و اتابع حساب دكتوره غاده العدواني واقرا عن الولاده بدوت شق عجان واقول مستحيل عندنا هالشي وخاصه لاني والده ثلاثه وبشق و شفط فقلت مستحيل ،...
لين ربي هداني لـ حساب الدولا و قريت عن الدوره ( الولادة الطبيعية بشجاعة وثقة ) و كنت يومها بنص الشهر التاسع والنفسيه سيئه اكلم اخواتي كل يوم وابكي الحمدلله ع كل حال صرت اشبه بالعاجزه مااقدر اقوم ثقل والم بحوضي و هم تفكير في بيتي بنتي النونو وعيالي و وضعي الصحي
راسلت الدولا و كان يومها عندي بداية الم يجي ويروح بس مو منتظم و ع طول تعاونت معاي و ارسلت لي رابط القناه والمقاطع و كلشي يخصني مقاطع استرخاء و تمارين ....
وبديت في اهم وافضل نقطه اللي اشكر الله عليهاثم اشكرها من كل قلبي اني استررررخيييت تماماً و فكرت بايجابيه و ان الولاده فطره ولازم نستشعر عظمة الخالق فيها وعلمتني طرق تخفيف الالم وكانت معاي نعم المرشد و الموجه الله يكتب اجرها

مر الاسبوع على خير الحمدلله لين صحيت يوم الثلاثاء لبست بنتي للمدرسه وفطرتها وراحت استودعتها الله وماجاني نوم جاني احساس غريب سبحان الله جلست عالجوال لين ٩ ويجي الم ويروح بس محتممممل جداً
مشيت سويت قرفصاء شربت يانسون و اخذت دش دافي وقلت انام عشان اجمع طاقتي لو الموضوع جد
ونمت الحمدلله صحيت الظهر جابت لنا اختي غدا مرقوق و يومها ماكنت قادره اجلس عالارض عشان اتغدا واخذت تكايه جلست كمان ماارتحت و رجعت عالكنب حطيت سمن عالمرقوق 🤣🤣واكلت ماقدرت اشبع زي دايم
زوجي طلع من البيت و انا كنت ريلاكس لدرجة عيالي ازعجوا ونططوا قدامي و ازعاج وانا هاديه اتفرج فيهم
جات العصريه بدا يشد الالم كلمت زوجي وقلت له خلك قريب مره فرح
جا المغرب وعمي معاه عامل يبغى يغير كهرب بيتنا و شاف وجهي

و هرب مادخل العامل البيت ههههه
صلينا العشا وانا اتوجع بس كمان الم محتمل الحمدلله طلقي بارد بالعاده مايشد جا زوجي و
طلعت من البيت مااخذت شنطتي لان المشفى ٧ دقايق لبيتي وكمان خفت اخذها و اروح و يقولوا لي باقي مافيه ولاده

حطيت عيالي عند بنت اختي الطابق اللي فوقي ساكنه
وقلت لها بروح اكمل مقاضي النونو وانا الحمدلله مشطبتها من اول بس عشان محد يقلق
طلعت عالمطررررر يجننن تنفست بعمق ودعيت الله بقلب مطمئن واثقه بان الله معاي الطف بي من عباده
توجهت عالمستشفى نسيت اقولكم كل ولاداتي بخاص و ع بالي كل الدلع والاهتمام بالخاص و كنت متخوفه من الحكومي لكن قلت اجرب هالمره و فعلا فتحت ملف من السابع وتابعت بالحكومي
وبالطريق زوجي يهديني ويقول لي ادعي و و و انا اصلا هاديه الحمدلله وادعي بروقان واقرا سورة الزلزله شوي ارجع اسولف معاه عادي و
نزلت بالمواقف استمطرت كان الجو يجنن
دخلت الطواري زوجي ينتظرني برا و فحصتني الدكتوره سمعتها تقول للممرضه ٦ سم و وضع ولاده خلاص انا فهمتها وابتسمت قلت الحمدلله

قالت لي مش خايفه قلت لا الحمدلله قريب باشوف نونتي قالت طيب تمام احسها ارتاحت هي اكثر مني

قلت لها اقدر اروح البيت اخذ شور دافي و اطمن عيالي واجي قالت لي تسمعي نصيحتي انتي مو بكريه فاخاف يصير الاتساع الكلي فجأه اجلسي و توكلي ع ربنا

كلمت زوجي من عند الباب ابو فلان ولاده خلاص و ارتجف و رااااح لاخر السيب و رجع و ناظر لي قال وش اسوي طيب ههههه انفجع مسكين ولاني اول مره ادخل ولاده بدون شوشره و مانعلم احد انا وياه ههههه

قلت له روح تطمن عالعيال وجيب شنطتي و تعال
وراح وقتها انقطع قلبي كذا ابغى اضمه او اضم امي او احد من خواتي كنت محتاجه دعم وقوه
المهم
دخلوني غرفة التخطيط كل الامكانيات عاديه وسيئه مقابل امكانيات الخاص و نظافته بس حاولت اتغاضى

لبست لبس الولاده و كلمت الممرضه سعوديه اني احتاج ملين وفعلا عطتني حقنه وقالت تروحي دورة المياه ثلاث مرات بعدها نحط التخطيط قلت اوك وفعلا
بهالاثناء حست فيني الام الروحيه الدولا ارسلت ليه (امل كيفك !؟) ههههه وكني لقيت قشه وسط بحر ع طول ارسلت لها وضعي وكم فاتح

قالت تمام شوفي نبض البيبي واذا كل شي تمام قومي امشي
وفعلا فحصتني الدكتوره قالت الراس مرتفع شويه قلت لها امشي قالت حاضر فكت التخطيط و قمت حطيت السماعات لورد الولاده و اردد معاه وامشي كانت الساعه ١٠ الا ربع الوقت يمر سريع الحمدلله
مشيت ربع ساعه و اتقرفصت شوي و تشووفني سستر و تقول لي ايوه دانس دانس ههههه ع بالها اسمع اغاني
دخلت غرفتي وعالسرير جات فحصتني قالت تمام ٧ ونص و نزل الراس بالحوض وحنفك جيب المويه قلت انتظري شويه وفعلا ماردتني انتظرت لين جاتني دكتورتي من الطواري وفحصتني بيد واليد الثانيه تكلم جوال ههههه و اشرت لهم وجابوا لها العود اللي تفتح به المويه وقتها خوف وقلق و ودي تخلص مكالمتها عشان تركز معاي هههه بس ابد تبلدت تكلم عيالها وتضحك كمان 🤣🤣
وفتحت المويه و تطمنت انها صافيه وقالت لي بيحطوا لك شويه طلق صناعي عشان ماعندك طلق قوي يساعدك عالدفع
قلت تمام

وفعلا يادوب حطوه لي بالمغذي و بدا الم بس كمان الحمدلله برد وسلام محتتتمل واتنفس بالطرق الصحيحه و استشعر عظمة الخالق في خلقه لجسمي و استشعر نزول البيبي للحوض وانو حيخرج بعد شويه
اخذت نص ساعه طلق و حسيت ان باقي اثر الحقنه الشرجيه ببطني وقلت ابغى دورة المياه شوي
قالت الدكتوره المناوبه الجديده زي العافيه ماشاء الله خلوووقه و اول ماجاتني قلت لها بساعدكم لاتقلقوا انا ماخذه دوره ومثقفه اطمنهم 🤣🤣🤣😷وبديت اقولها سيناريو سريع اتمناه لولادتي ( دكتوره ساعديني اولد طبيعي بمعنى الكلمه حاولي ماتشقي قد ماتقدري ابغى النونو ع صدري و خلي المشيمه تخرج من حالها وتاخري شويه بقص الحبل السري وابغى ارضع ع طول وهي تبتسم لي وانا خايفه انها تعصب من طلباتي 🤣)

قالت لي افحصك وبعدها تروحي ع دورة المياه قلت اوك
بس فححصت شهقت وقال full full انطلقوا السسترات كل وحده من طريق تجهز شي و انا خلاص ماشاء الله انبسطت حسيت بالفرج رغم الم الطلق الصناعي بس كمان محتمل ( كل انسان وطاقته وتحمله ) قالت لي السستر يلا امشي لغرفة الولاده وباشيل المغذيه وراكي وبسرعه انتبهي ينزل النونو 🤣🤣🤦🏻‍♀خوفتني
دخلت غرفة الولاده مجهزه بشكل كويس ( بس عالسرير سفر بلاستك ضايقتني كثير ) تخليني ازلق وانا اتحرك

بس طلعت عالسرير صرت بوضع افقي يعني وضعية الحبو يقولوا انسدحي خلاص اقولهم شويه انتظروووا مسكني الم ماخلاني اقدر انسدح وقتها اقولهم ماابغى انسدح ( هالشي الوحيد اللي ما سمعوا لي فيه ) انسدحت اقرب للجلوس ورفعت رجولي و حطوا لي مسكات الايدين ريحتني كثير مع الدفع اشد نفسي بها

والحمدلله حمداً كثيراً طيباً مباركاً فيه
لأول مرة اعرف احساس الدفع
واعرف ادفع كويس

وعندي بس الدكتوره و الممرضه القابله و الممرضه تبع النونو مافيه ازعاج ولا صجه زي الخاص يتجمعون كلهم واللي يضغط بطني واللي يصيح وحتى عاملات النظافه يجون يتفرجون ويصيحون معاهم انا اتشتت بالاصوات الكثيره

دفعت اول مره (قالت الدكتوره ببرووود يجنن) برافو ابغى وحده ثانيه اقوى منها و تناظر لي كنها تشوف شي عااادي مره هههه يعني اعصابها ريلاكس ما شدت ولا وترتني

الدفعه الثانيه دعمت لي العجان بايديها الثنتين الله يكتب اجرها ويسهل امورها و الدفعه الثالثه طلع نونتي و صرت اتشهد واحمد الله واضحك وارتجف فرحه اللهم لك الحمد
مو مصدقه انا اولد بدون شق بدون مسكن بدون اي تدخل بدون اكشن وشدة اعصاب
بكى ولدي ع طول حطوه ع بطني حبيبي انا كان وقتها الساعه ١١ونص

خلااااص راحت الامي و همومي و شفت الدنيا ماتسوى شي مقابل اشوفه بصحه وسلامه الله يرزق كل من يبغى الذريه و يصلحهم و يقر اعيننا ببرهم وصلاحهم

قصوا الحبل و شالته السستر تنظفه قدامي وتشفط انفه وانا اشوف فديييته كلهم يسمون ع شعره كثيف ماشاء الله واسووود

انا نظفتني الدكتوره ودفعت دفعه بسيييطه طلعت المشيمه خيطتني غرزه وحده سطحيه شقها النونو في المكان الضعيف جهة الشق الاولاني
وكلمت امي فوراً بس قلت الو قالت انتي وينك عرفت من صوتي
قلت يا امي انا ولدت الحمدلله بدون شق و جبت ولد(( امي تعرف دايم خياطتي كيف اتعب فيها وكنت ابطمنها بجمله وحده عن كل شي🤣)
صارت تبارك وتبكي وتحمدالله و كلها فديتها الله لايحرمني منها
وكتبت بقروب اخواتي انا ولدت و الكل انصدم ماشاءالله كنت معاهم لين اذان العشا ودايم مااولد الا قد جننتهم بالاكشن والطلق والبكا والمأساه ههههه الحمدلله هالمره تجربه جميله

غطوني عشان ارتاح قالو ساعتين حتى يطمنوا مافيه نزيف و النونو يبكي جوعان حبيبي رضعته شوي و جات اختي تطمنت عليه وساعدتني اقوم وقالوا انتظريها برا توديها التنويم
قلت اباخذ دش انظف نفسي قالوا مافيه مويه دافيه 😣غسلت بالبارد ولبست ملابسي و لبست عبايتي و ولدي خلاص لبسوه من الشنطه حقتي ملابسه وماانسى بشرت الدولا و فرررحت مره معاي يسعد قلبها
وطلعونا التنويم ماني مصدقه و ماقدرت انام من الفرحه 🤣🤣😷احس بفرحه وانجاز مو طبيعي والله انها اعظم من شهادات الدنيا كلها الله لايحرمكم من تجربتها
ولدي معاي طبعاً وانا اقدر اقوم واجلس واروح دورة المياه واهتم بنفسي و ولدي بحريه الم بسيط جدا مقارنه بولاداتي السابقه و طلعت اليوم الثاني بيتي ماكملت الا ١٠ ساعات بعد الولاده بالمشفى

واللحين لي شهرين بعد الولاده فكت الغرزه من حالها الحمدلله حاولت اهتم بتغذيتي و اتحرك بشكل مستمر غير مرهق عشان احرك الدوره الدمويه و اتعافى اسرع الحمدلله
باقي فقط الم باسفل بطني و اسفل ظهري يجيني من وقت لوقت والم حوضي اذا جلست كثير واتوقع السبب ولادتين ع طول ورا بعض ممكن اثرت ع حوضي بس باذن الله بيخف تدريجي

ولدي سميته (فهد) اخذ اسبوعين هدوء و نوم وبعدها للحين بكى كل يوووم غازات ومغص سويت كل الحلول ولا فادت الغالب يقولون مغص رضع طبيعي يبكي فتره ويخف من حاله ...بديت افقد اعصابي معاه ادعوا لي بطولة البال و ربي يعافيه من كل شر و يخف باذن الله ... الشكر موصول للدولا و للبنات في قروب نقاشات الام و الطفل ساعدوني بنصايحهم و بتجاربهم وايجابيتهم ربي يكتب اجرهم ولا يحرمني اخوتهم بالدنيا والاخره ...

https://instagram.com/p/BiO3Hg1lyqf/

هنا محادثة الواتس بين أمل
والدولا

السلام عليكم ورحمة الله وبركاته:
🏩 الرياض
🤰🏻بكرية 5328045
(طبيعية الحمدلله ،بدون قص العجان ،حدث جرح بسيط من الدرجة الأولى)
📌عمر الجنين:39 أسبوع

📍البداية: الساعة 6:30 الصباح
📍يوم الجمعة
نزلت موية الجنين وانا في البيت وتبعها مباشرة بداية الطلق كان محتمل ويتكرر بانتظام كل 20 دقيقة إلى 15 دقيقة وبرضو كان معي استفراغ الله يكرمكم ،ما يمسك بطني شيء حتى المويه.
راسلت دكتورتي اللي اراجع عندها في المستشفى
قالت اذا محتمل الطلق اصبري لين يشتد ،مافي خطر من نزول المويه حاليا.

جلست في البيت والساعه 4 العصر بدا يشتد الطلق شوي
كنت امشي كثير وانسدح على السرير أحيان
طلعت المغرب من البيت والساعه 7:00 المغرب وصلت للمستشفى
الحمدلله دخلت الطوارئ وصار الرحم فاتح 7 سم، وطلعوني لغرفة الولادة الساعه 8وشوي
📍الوضعيات:
اخترت وضعيات الجلوس على الكره و الحركة عليها، وضعية الجلوس على الركبتين في السرير
وضعية الكرسي الافرنجي مع رجلي مرتفعه قليلا من الارض على قاعده بلاستيك هذا بدورة المياه وانا اخذ دش.
وقت الولادة (الدفع )كنت في السرير بوضعيه الظهر شبه قائم والأرجل مرتفعه
📌لتخفيف الألم :مساج من الممرضات للظهر،كمادات ساخنه، دش دافئ ،المشي
‎🌸تم استخدام جل مهبلي لتسهيل الانزلاق
🔅الساعه 1:20 الليل ولدت بنتي الحمدلله👼🏻

الرياض🏩
مش بكرية 🤰🏻
5328078


هذا الحمل الثالث واول ولادة في السعودية.. سألت عن المستشفيات والدكاترة وكان عندي قلق من عدم تعاونهم وميلهم للولادة الطبيعية.. والبعض نصحني اخذ دورك توعية واخذت واحدة بالانجليزي اونلاين وكان اكبر التركيز فيها علي الاسترخاء واخذت دورة مع الدولا بالاضافة الي قراءة كتاب اماني ومشاهدة العديد من الفيديوهات.. واصبح عندي فهم اكبر وحتى اكتشفت كمية الاخطاء الي حصلت معي في ولادتي السابقتين.
وبعد بحث استقريت على الولادة في مستشفى بالرياض حيث ان غرفة الولادة مجهزة والطاقم متفهم اكثر لاهمية الولادة الطبيعية.
وبسبب انشغالي لم استطع الالتزام باغلب النصائح😅 للدورات فلا التزمت بالتمارين والمساج كان متقطع وفي الاشهر الاخيرة .. فقط تمارين كيجل كان اكثر شئ التزمت فيه الي قبل الشهر التاسع
وبالنسبة للزيارات للمستشفي طالما تأكدت ان صحتي وصحة البيبي بخير كنت اذهب مره شهريا وفي التاسع مرتين ولم التزم بالمواعيد التي كانت تطلبها الدكتورة فأنا في غنى عنى فحوصات متكررة وغير لازمه
اما بالنسبة للادوية فكانت المالتي فيتامينز هي اكثر شئ كنت احاول الحفاط عليه ، اما الكالسيوم والحديد فكان التزامي متقطع ومنذ منتصف الثامن توقفت عن اخذهم وخاصه ان مؤشرات الفحوصات جيدة وطالما اخذها من مصادر طبيعية
في اخر اسبوعين من التاسع التزمت بالكرة وقليل من تمارين القرفصاء اما اخر اسبوع فاضفت المشي اليومي في الحديقة.. لم اكن قلقة وكلت امري لله هو يعلم متي موعد الولادة المناسب وخلال اخر اسبوع كنت اقرأ ادعية تيسير الولادة وسورة مريم واتخيل توكلي التام علي الله وانه هو الداعم الاساسي الذي لي واوكله جسدي وجنيني وهو اعلم به مني ومن غيري وهكذا دعاء وقران وتخيل وتوكل
وعلي ذكر الداعم .. كنت احاول ان اجعل زوجي يدعمني واحاول ان اثقفه معي لكنه كان غير متجاوب رغم انه بشكل عام متعاون لكني كنت ارغب بان يحضر حصص تثقيفيه معي وبسبب انشغاله لم استطع ان اجعله يحضرها.. فوكلت امري لله وقلت المهم ان يحضر الولادة وهذه اول مره له حتى يزداد شعوره وتفهمه لما امر به.
جهزت خطة الولادة وكنت قد عرضتها علي الدكتورة ولم تبدي اي ملاحظات او اعتراضات.. وايضا كان في نيتي ان لا اقوم باستدعاء خاص.. وطبعت عدة نسخ اخرى ليوم الولادة حتي يطلع عليها الطاقم والدكتورة المناوبة
قبل اخر يومين من التاسع بدأت تنزل افرازات بنية فعرفت انها السدادة وتوقعت ان موعد الولادة قرب وفي اليوم الذي بعده بدأت تأتيني تقلصات كل خمس دقائق ولكنها اختفت تماما بعد عدة ساعات ومر يوم اخر بدون ولادة.
في اخر يوم من التاسع وبدأت اقلق قليلا لأنها اول مرة سادخل في الاسبوع 41 🙄.
في الليل ذهبت للمشي في الحديقة وبدأت التقلصات تشتد وكل خمس دقائق تقريبا فعرفت ان موعد الولادة اصبح وشيكا لكني لم اصل للتقلصات القوية حتي اذهب للمستشفي طلبت من زوحي ان نعود للبيت وباستخدام تطبيق التقلصات ظللت طول الليل احسب التقلصات .. اكثر ما ساعدني علي تخطي ألمها التنفس العميق والاسترخاء كنت اذكر نفسي بان ارخي كتفيي وفكي وايضا الوضعية... افضل وضعية كانت حرف ال مقلوب .
مر الليل وحاولت ان اختطف النوم بين التقلصات وعلي الساعة الثالثة فجرا بدأت التقلصات تشتد ولكنها ابعد كل عشر دقائق وظل التنفس والاسترخاء والوضعيه هم المخفف للألم مع الحسبنه.. اذكر نفسي ان الله هو وكيلي ومدبر الامر
قبل صلاة الفجر بعشرين دقيقة اشتد الالم واصبح صعب التحمل وحتي الاسترخاء وقلت لزوحي سنذهب للمستشفي ورغم اني اعرف ان اي تأخر قد يعني ولادة في الطريق قلت له ولكن ننتظر الصلاة ونخرج
صلينا الفجر وطلعنا وفي السيارة لم يعد الاسترخاء ولا شئ يخفف من الالم وللاسف لم تكن المستشفي قريبة وكلما اقتربنا ازداد الالم وارتفع صوتي بالحسبنه والدعاء والتألم وعند وصولنا للموقف شعرت ان الطفل سينزل واني سألد في السيارة وكأن الالم فوق المحتمل لم استطع اتباع الولادة مع الزفير او حتي الاسترخاء
المهم وقفت الطلقة ودخلنا الطوارئ خلعت بنطالي بسرعة وانا اتأنن واصرخ وكنت في وضعية ال المقلوبة وحاولت الدكتورة والممرضات ان يجعلوني اصعد السرير وانام عليه ولكن كنت اصرخ فيهم جميعا ان الطفل سينزل وان هذه هي الوضعية الافضل ولااريد ان انام علي ظهري
ارتبكت الدكتورة وكانت تقولي لي اريد ان اقيس الرحم وانا اصرخ فيها مافي قياس خلاص ولادة.. تدخل زوجي وساعدني علي صعود السرير وكنت فيه جالسة واخذوني الي غرفة الولادة ونزلت من سرير النقل ثم خلعت طرحتي وعبايتي بين الطلقات وظليت علي وضعية ال وكنت اشعر بالدفع ثم صرخت فيهم مسكن مسكن
صعدت الي السرير بين الطلقات وكانوا يرغبون بعمل تخطيط ولكن خلاص ولادة
وطلبت رفع ظهر السرير لاخر حد كانت الدكتورة تعمل علي التوسعه بيدها وكنت ارغب في ايقافها ولكن مع الصراخ والالم لم اتكلم
ثم في اللحظة التي وضعوا فيها المسكن طلقه وشعور بالدفع الشديد وخرج البيبي ووضعوه علي صدريت

وﻻنهم لم يطلعوا علي خطة الولادة طلبت التأخر في قطع الحبل السري .. يمكن دقيقة واحدة وزوجي هو الذي قام بذلك
لم ارضعه مباشرة لان الدكتورة قالت ان عنده تسارع في التنفس ويحتاج للاكسجين الي حين ان ينتظم
ايضا لم يتم انتظار المشيمة حتي تخرج لوحدها
وحصل تمزق بسيط .. كانت طاقتي منهكة ولم استطع متابعه كل ماارغب فيه لكن الحمد لله عندما عدت للمنزل وجدت ان 11من اصل 15بند في خطتي تم تحقيقه بسبب تأخري في الوصول للمستشفي وبند الرضاعة لم يتحقق بسبب تنفس البيبي
الحمد لله علي كل حال
اسأل الله للجميع ولادات طبيعية سهلة وييسر لهم طاقم متعاون ومتفهم واسأل الجميع ان يقمن بنشر هذه الثقافة بين صديقاتهن وكل معارفهن عسى الله ان يكتب الاجر للجميع💕


5328078

بسم الله والحمد لله ،،
ولله الحمد رزقني الله ب ابني وانهيت رحله حمله الجميله على خير
ولادتي كانت في #مستشفى_سمير_عباس بجده
سبب اختيار المستشفى
في التأمين😬 رقًيّ التعامل 🌹
تدعم جميع الافكار اللي تدربت عليها طيله فتره الحمل مع الدولا
استخرت الله وانا بالثامن ورحت فتحت ملف عندهم
وصلت الاسبوع ٤٠ ومافي اي بوادر ولاده
وتعلمنا بالدوره ان الحمل آمن الى ٤٢ اسبوع
فكنت صح انتظر الولاده على احر من الجمر لكن بنفس الوقت متطمنه ع حملي والحمد لله
في بدايه الاسبوع ٤١ قالت الدكتورة طالما انتي بالاسبوع ٤١ التحريض آمن لك باذن الله ،،
توكلت على الله وسويته...
ايش هوا التحريض؟! الدكتوره تحاول تفصل كيس الجنين عن عنق الرحم
يوجع؟ ايوه اذا انتي ماتعرفي تتنفسي صح وقتها وكنتي شاده نفسك ،، لكن اذا ارخيتي جسمك وتنفستي بعمق يكون ألمه محتمل والحمد لله
بعد التحريض ابتدءات معاي الطلقات او كما احب ان اسميها (إحتضان طفلي لي من الداخل)
كان بين الانقباضه واللي بعدها ١٠ دقايق ومع تنفيذ تقنيه التنفس كنت اقدر احتوي الالم وانساه
اي ام لازم تشوف فيديو لرولا قطامي اسمه
(التنفس لوجع الطلق) وتتدرب عليه طيبه فتره حملها
كيف تتدرب ؟... مثلا احب اسمع سوره معينه لقاريء معين وناويه اسمعها وقت ولادتي اسمعها وانا اتنفس بطريقه التنفس اللي ابغى استخدمها وقت الطلق
وبكذا تسوين ارتباط شرطي مريح لجسمك

وصلت المستشفى اذان الفجر بالضبط وكنت خايفه يقولون لي مو ولاده😅
انهيت فحوصات قسم الطواري وجهزت لي الممرضه الكرسي عشان تنقلني للولاده قلت لها انا راح امشي قالت لي it’s better 👍🏽
دخلوني تخطيط وجات دكتوره كشفت وقالت ٣ سم بس والرحم سميك والراس مرتفع ولسه بدري عليك ليه جايه!؟! قالت مضطره انومك لان البيبي نبضه فوق ١٦٠ وهذا مؤشر مب زين ... وانتي شكلك خايفه ومتوتره ليه🙃قلت والله مدري بس م احس اني خايفه او متوتره ...حاولت اتنفس تنفس بطني عميق خوفا ع الجنين لكن كان النبض برضوا مرتفع
المهم نقلوني غرفه الولاده
صليت الفجر ودعيت الله بالتسهيل والتسخير
ورجعوا سدحوني عشان التخطيط وتركوني وراحوا
حرفيا ما معي ولا احد بالغرفه ،، ومتاكده انه خيره من الله
مافيه احد يتحكم فيني ولا احد يزعجني فاتحه ورد الولاده من يوتيوب واستمع له ونايمه ع جنبي
بعد ساعه حسيت أن الغفوه البسيطه جمعت لي قوتي كلمت الممرضه تفك التخطيط ابغى اتحرك
فعلا فكته وراحت برا وتركتني لوحدي🤣مدري ليه نظامهم كذا
قمت جلست ع الكوره وصرت احرك حوضي بشكل دائري ولمن تجي الطلقه اتنطط ع الكوره
وفاتحه ملف جلسه الاسترخاء استمع له

بعد ساعه قالت لي الممرضه نحتاج التخطيط مره ثانيه قلت لها انا جيتكم ابغى التخطيط اللاسلكي مابغى شي يمنعني من الحركه وانربط السرير
حسيتها قالت هذي وش دراها🌚وقامت جابت الثاني وثبتته ليا
جات الدكتوره و الممرضه بحسن نيه تقول لها خليتها تمشي شويتين بالغرفه
الا قالت الدكتوره نوووو مو مسموح النبض مو زين لازم ترتاح
رجعي التخطيط قلت لها ابي الحمام وبعدين ركبوه
رحت الحمام تكرمون افرغ مثانتي الا وهدأ النبض ورجع كل شي تمام
قالت لي شكله كان مرتفع لانك مثانتك مليانه وكان هذا سبب ارتفاع النبض ف احرصوا انكم تفرغونها اول باول👌🏻👌🏻
قالت الدكتوره خلينا نخطط ربع ساعه وبعدين نفكه وانتهى شفتها وراحت ع الساعه ٩
جات بعدها دكتوره سعوديه اسمها سلمى وقالت بكون معك الشفت هذا وجات القابله اسمها راضيه عرضت علي ابره الظهر قلت لها ما ابغى مسكنات ابتسمت وقالت انتي ميد وايف( تقصد قابله) قلت لا بس انا تعلمت اشياء كثيره عن الولاده الغريزيه واقدر احتوي الالم باذن الله ابتسمت باعجاب وركبوا لي التخطيط وخرجوا كلهم من الغرفه
جات الساعه ١٠ قلت لهم ابي اتحمم بمويه حاره عشان اهدى شوي شجعوني وجابو لي مناشف وكلشي وراحوا
دخلت الحمام حاولت اتحمم الا السخان مفصول ومافيه مويه حاره
ووقتها الطلق هلكني مره كان يجي كل ٤ دقايق وتوصل شده الطلقه الى ١١٠ في الجهاز
جلست عالكرسي ورميت ثقلي ع الحبل وكنت اتمايل فيه وقت الطلق فيشتت احساسي بالالم

بديت اشعر اني ابي الحمام الله يجلكم واستبعدت انه ولاده لاني الساعه ٥ قالوا لسه ٣ سم وماعاد كشفوا بعدها
دخلت وكنت ابي اتبرز وبنفسي اقول احسن عشان ادف راس البيبي تحت شوي
وقتها بغيت اتجنن صار الطلق كل دقيقتين وموجع لابعد درجه خرجت من الحمام بالقوه امشي ورميت نفسي ع السرير وصرت اتأوه بصوت رخيم عشان لا افقد طاقتي
ودقيت الجرس وجات الممرضه وجات الدكتوره قالت لي منيره اشبك انتي في ولادتك السابقه تولدي بسرعه!!؟؟ قلت كل ولادتي طلق صناعي مدري
قلت لها ابي كمامه ولمن طلبتها كنت متاكده اني خلاص في اخر مرحله للولاده لان وقتها الوحده تفقد عقلها وتتنازل عن مبادئها😬 واعطوني اياها
قالت طيب يله بكشف طبعا هذا ثاني كشف سويته من دخلت
الا شهقت وقالت فُللي فلللي
😃👏🏻👏🏻

وقامو اختبصوا
يدقون ع الحضانه ويجهزون الكشافات وكلشي
قالت لي الممرضه الكوره كويس مدام انتي فاجئتينا كل شي صار سريع
قلت لها دكتوره مابي اولد ع ظهري ابي اخذ وضعيه تريحني اقلها لين يتوج الراس قالت سوي اللي يريحك لو تقدرين
اصلا حاولت اتحرك ماقدرت الراس مره قريب والحركه مره تالم
رفعوا رجلي فوق الدعامات قلت لها دكتوره ماتقصين قالت انا ما اقص ابدا
قلت والحبل السري اخريه قالت ابشري
والحمد لله بالتنفس الصح جبت ولدي في ٣ طلقات والمشيمه خرجت بعد ٥ دقايق
وشق بسيط قالت لي الغرز القديمه مكانها هو اللي حصل الشق وخيطوها لي بعد ما اعطوني بيثادين
ولو اني ماكنت ع ظهري ما انشقيت يمكن لكن ماقدرت اتعدل ابدا
وتمت الخياطه بحمد لله وولدي ما اعطوه صناعي
وخلوني بالملاحظه ساعتين ثم نقلوني التنويم ............................

تقيمي للمستشفى
كخدمات ارقى شي قابلته في حياتي واهتمامهم يفوق الوصف
التنويم بعد الولاده ليلتين غير ماتوقعت
الممرضات لطيفات لابعد درجه
ماقالت الممرضه لي ولا شي ع الكوره ولا الحبل ولا شي بس الحمدلله اخذت عنها فكرة في الدورة مع الدولا
ماعارضوا أي شي طلبته ولله الحمد كل طلباتي مجابه
طلبتهم ولدي مايرضع صناعي وجننهم ولدي كل شوي ينزلونه من الحضانه عشان ارضعه
وانا بغرفتي واشوف ولدي بالحضانه بالشاشه
شق البيبي والله أهون بكثير من مقصاتهم ومشارطهم الألم مايقارن بالولادات السابقه ولله الحمد
🚗🚗🚗
الحمد لله قبل كل شي
كنت بالخط السريع ماشيه وادعي مع كل طلقه رب يسر ولا تعسر رب تمم بالخير
كنت خايفه تجيني ولاده وانا بالسياره او اروح ويقولون لي ارجعي بيتك
😌😌😌
في ملف الإسترخاء
فيه دعوه "ياحي ياقيوم برحمتك استغيث اصلح لي شأني كله ولا تكلني الى نفسي او لأحد من خلقك طرفه عين"
سبحان الله هذي من الدعوات اللي كنت ادعيها من قلبي
انا نويت انزل لجده كله طامعه اني اكون مع
دولا سكينه في ولادتي
لكن لعل الله استجاب لدعوتي
لم يتيسر للدولا سكينه انها تكون معاي ،،
وبالمقابل كنت لوحدي طول وقت الولاده حتى لمن جا زوجي مع اني متفقه معه كيف يسوي لي مساج وكيف يساعدني من الروعه قال اسمعي بخرج شويه اتاكد من شغله وراح ولا جا الا بعد ماولدت حتى هو تفاجأ توقع أني مطوله عبال أولد
وماساعدني الا الحي القيوم
ياحوامل احسنو الظن بالله وتفاءلوا بالخير
ولادتي بدون اي تدخلات طبيه فرقت كثير عن ولاداتي السابقة ولله الحمد
الحمد لله الحمد لله دراستي عن الولاده كانت مع
دولا سكينه الله يسعدها @umhusammm
ويارب يكتب لكل الحوامل ولادات اجمل

الجزء الأول للقصة في الانستقرام
https://instagram.com/p/Bjam76AFSDx/

الجزء الثاني للقصة في الإنستقرام
https://instagram.com/p/BjanMvUl2Yf/