الي دتقرون على شرحي
فهنا صار عندي خطأ سهواً بدون مانتبه
گلت انو لازم نتجنب استخدام الكلوكوز بالصيام بلكجر ٣ صفحة ٥
وهو بالعكس ومثل ممكتوب بالملزمة لازم نحافظ على الكلوكوز لاستخدامه من قبل الجهاز العصبي المركزي بحالة الصيام
فهي بالملزمة مكتوبة صح
بس اني اعذروني على الاخطاء البسيطة الي اقع بيها سهواً لان احياناً مانتبه

بالنسبه لـ lab 1 بالبايو
فـ الشغل الي اشغلنا هل مختبر هو عباره عن تجربه فقط وبكوز الـ Unknown لازم تكونون على درايه بكل تفاصيل المختبر
واسماء الادوات لان الدكتورة نبهت عليهم
وكالت تسأل بيهم ❤️

حدز ملاحظات هنا عن لكجر ١+٢
بالتعليقات

اكو سؤال من الاسئلة الفكرية لجنت اطرحها عليكم وقت الشرح ملگيتو اجابته عل گوكل
وهسه بنية هم سئلتني علي

تعالو خل نسولف بي ونشوف شگد حلوة عظمة وابداع الخالق بمثل هيج تفاصيل🤍

-السؤال هو :
ليش وجود الكلوكوز ببوابة الدم الكبدية يأثر على تنظيم تراكيز الكلوكوز؟-هيج اسئلة اني جنت اتعمق بيها واحب اعرف اكثر من الموجودة بالملزمة فجنت اخليكم تفكرون ويايه-

اول شي هو الكلوكوز بعد تناول الوجبة حتكون نسبته عالية جداً

لانو عدنه هذا Hepatic portal vein الي هي بوابة الدم الكبدية
تنقلنه الدم
من الامعاء للكبد
اذاً الدم لدتنقله بعد الوجبة حيكون مليان كلوكوز وتودي للكبد

وهذا الشي شلون الجسم يسوي دفاع عنه؟
من خلال اكو Glucokinase
الي هو Isozyme لل Hexokinase
والي شرحناه بلكجر الGlycolysis
وكتلكم بيهم هواي اشياء تتشابه بس اكو اختلافات بينهم حلوة 🫢هي هم انتو ابحثوا عليها

فهو هذا الكلوكوكيناز راح شيسوي ؟ عنده قدرة عالية كلش باستشعار والتعرف على ارتفاع الكلوكوز بالجسم
فهو يجي ويسوي دفاع عنه وينظم هل مستويات بالجسم
ديجي يدافع عنه
لذلك اي خلل بلكلوكوكيناز راح يأذي هواية وظائف بالجسم ويؤدي الى امراض كثيرة

اذاً هو مثل منظم للكلوكوز
وبعد هواية هواية حجي عنه 🥲
فكملوا بحث انتو بوقت فراغكم وشوفوا بقية وظائف الكلوكوكيناز
لان اريد اكمل بس شفت الحجي صار هواية😂
فيلا الباقي عليكم

فيديو يوضح معنى Km الي مذكور باللكجرات

https://youtu.be/0kIKlXVYo_8

ايضاً اعذروني عن هل خطأ البسيط بس من سئلت عليها كالولي كيلومتر
لذلك خطأت بيها

هسه تأكدت وصححت معلومتي

بالنسبة للي ديسألون
نكدر نعتمد على ملازم المستنصرية بالوزاري ؟
وشنو فرقها عن بغداد
ماكو فرق بس بالتسلسل مال لكجرات

فمن وجهة نظري كبايو
اني من قارنت ملازم مستنصرية وي المصدر تقريباً تطابق ٩٠٪؜
عدا ال Respiratory chain ٨٠٪؜ تقريباً

بس شنو هم حاطين اهم الاشياء بالملزمة
يعني الاشياء الممذكورة هي اقل اهمية

وموجود عدكم السيلبص وتكدرون تقارنون
وتشوفون انو كلشي مهم موجود بالملازم مال مستنصرية

يبقى عاد من وجهة نظري يُفضل انو تقرون على الملازم
ومن تخلصون الملزمة
لان انتو هنا خلصتوا اهم الاشياء
وراها تروحون للمصدر من يبقى وقت وتقرون الاشياء لمقريتوها بالملزمة
وصدكوني حتشوفون الجابتر بالمصدر صار اسهل وراها
علمود حتى اذا مصار وقت تقرا المصدر انت تكون مغطي عل مادة تقريباً ومخلص مهماتها♥️🤝🏻

لان هيج افضل من تخلص المهمات يلا تروح للمواضيع الاقل اهمية

هل مرة مو بس تصميم الملزمة غيرته حتى طريقة الشرح اختلفت جذرياً♥️😂
جنت عساس اريد انزل Biosynthesis مال فاتي اسد اليوم بس لان الطلب على هل لكجر اكبر فنطيته اولوية ♥️
وبالتوفيق يارب

شنو اهمية الMagnesium بتركيب الATP؟
احد بيكم فكر قبل ؟

برأيكم ليش نشوف اكو Magnesium
هذا السؤال بحثت بگوكل ماكو جوابه
ولا حتى دكتورة المادة عرفته

المهم لگيت جوابه ضيفوا يمكم اذا تحبون تستفادون

اهمية هذا المغنيسيوم
انو يسوي
Neutrilaization
للCharge مال فوسفات


هاي بلكجر ٢ بموضوع الATP synthase

رغم انو داتعب كلش ودوامي بغير محافظة+تراكمات وكثرة مواد هل كورس والوقت يكون ضيق احياناً للتسجيل
بس واحد حرفياً من يشوف كمية هل لطافة وكمية الناس الي تدعيله سواء عل تعليقات او عل خاص
فيحس بهل لحظة انو كل التعب يسوا لخاطركم بسبب حبكم وتقديركم ودعائكم اليه والي جان سبب بتوفيقي بهواية نواحي بحياتي بدون جهد مني ♥️
ونوبات حتى اضحي بوقتي بس لخاطر شخص محتاجني من صدك ومضطر فأشوف توفيق وبركة وراها وتسهيلات من رب العالمين
فشكراً لكل كلمة حب وتقدير طلعت منكم
وتستحقون اردلكم هل جميل من اخصص من وقتي الضيق الكم🤍

هاي قناتي عل يوتيوب كملت اليوم Citric acid part 2
واخيراً يعني هسه نگدر نكول Done لأول ٦ لكجرات 😂♥️🫂

https://youtube.com/@pharmacistdoctor

وهذا البوت اذا احتاجيتوا الملازم الي اشرح عليها -النسخ المرتبة من الملازم الوزارية-

@Pharmacisttdd_2bot

🔵 صباح الخير اخوان
- المحاضرة الرابعة من مادة البايو الوزاري

Lec.4 TCA
Ch.16

🛑اذا عدكم اي سؤال عن الشرح👇+ بالتوفيق

2/. https://youtu.be/Ql5UcARO8Hc
1/. https://youtu.be/HTULjD9_GrM