هسه نبدي بأول نوع الي هو
😍الطور التمهيدي😍

همين بي مميزات وهاي المميزات مهمه حفظ😌👇

١_💙تتميز الشبكه الكروماتينية الى عدد من الكروموسومات وكل كروموسوم مكون من جزئين متماثلين (كروماتيدين) ويرتبط الكروماتيدن الشقيقين مع بعضهما عند منطقة جزئيهما المركزيين واللذين سيكونان الكروموسومات البنوية..

٢_💙يتباعد الجسميان المركزيان اللذان تضاعفا ضمن الطور،البيني ويتجهان في اتجاهين متعاكسين نحو قطبي الخلية..


٣_💙تكوين خيوط النجم من الجسيمان المركزيان..


٤_💙تكوين خيوط المغزل بين الجسيمان المركزيان..

٥_💙اختفاء النويه والغشاء النووي..

هسه خلي نتعرف على شي مهم هو الجزء المركزي ونشوفه شنوو وشنو تعريفه😍👇

🌹الجزء المركزي : تركيب ضمن الكروماتيد الواحد ويرتبط الكروماتيدان الشقيقان عن طريق جزيئيهما المركزيين.

هسه النوع الثاني الي هو
😍الطور الاستوائي😍

بسيط وسهل ومابي شي هذا النوع بي كم ميزة مهمه💙

تنكمش وتتغلض الكروموسومات في هذا الطور وتتخذ موقعا عند خط الاستواء للمغزل وتتعلق بخيوط المغزل بواسطه الجزء المركزي..

هسه ناخذ النوع الثالث الي هو
💙الطور الانفصالي💙

وفيه تنفصل الكروموسومات البنوية الناتجة من الكروماتيدات الشقيقة بعضها عن بعض باتجاه القطبين المتعاكسين للخلية..
عدنه هنا سؤال صغيرون ومهم😁👇
س/مامنشأ الكروموسوم البنوي🤔؟

ج/الكروماتيدات الشقيقه..

هسه وصلنه لأخير نوع الي هو
🌹الطور النهائي🌹

هم بي مميزات تميزة عن الاطوار السابقه خلي نشووف شنو همه👇👇

1_🧡يبدأ عن وصول الكروموسومات الى القطبين المتعاكسين ثم تعود الكروموسومات الى سابق شكلها الخيطي الدقيق..

2_💜تكوين النوية والغشاء النووي..

3_❤️يختفي المغزل..

4_🖤يبدا انقسام سايتوبلازمي للخلايا الحيوانية والنباتية..

هسه عدنه فد تسميات غريبه عليكم خلي نشوفها وحدة وحدة شنو هي😌
👇
🌺النجم : هي خيوط شعاعية تمتد من الجسيم المركزي تظهر لاول مرة في الطور التمهيدي لانقزسام الخلية وتختفي في الطور النهائي(اي اثناء تباعد الجسمان المركزيان باتجاه القطبين المعاكسين في الخلية)..

🌺خيوط المغزل : هي خيوط تتكون بين الجسمان المركزيان في الطور التمهيدي وتختفي في الطور النهائي تتعلق فيها الكروموسومات بواسطة اجزائها المركزية وظيفتها سحب الكروموسومات نحو قطبي الخلية..

هسه عدنه تعليل بسيط يكول👇👇

علل/يصبح الانقسام نادرا في خلايا النسيج العصبي عند البلوغ🤔؟

ج/نتيجة لتخصص الخلايا العصبية بصورة نهائية..

لهناا تماام نكمل🤔

@Anooo_0

هاي الرسومات مطلوبة ومهمه احتمال تورد بالوزاري احفظوها❤️

اخذنه النوعين الاول والثاني الي همه
1_ الانقسام المباشر او اللاخيطي..
2_ الانقسم غير المباشر او الخيطي..

هسه ناخذ ثالث نوع الي هو
❤️ الانقسام الاختزالي❤️

اول شي ناخذ تعريفه👇👇
هو عباره عن أنقسامين متعاقبين للخلية يتم خلالها أختزال عدد الكروموسومات الى نصف العدد الكامل للكروموسومات ..

عدنه تعليل مهم😍

علل/الأمشاج تحتوي نصف العدد من الكروموسومات ؟؟؟

ج/عند تكوين الامشاج ينفصل كل زوج من الكروموسومات أثناء الأنقسام الاختزالي الى تكوين الامشاج كالبيوض والنطف في الحيوانات والابواغ في النباتات..

خلينه نشووف وين يحدث🤔🤔

س/ اين يحدث الانقسام الاختزالي؟؟
ج/ يحدث خلال تكوين الامشاج كالبيوض والنطف في الحيوانات والأبواغ في النباتات..

هسه خلي نعرف شنو اهميتة او شنو الهدف منه🤔👇

يهدف الانقسام الاختزالي الى الحفاظ على عدد الكروموسومات ثابت خلال عمليه تعافب الأجيال الذي يتم خلاله تكوين الامشاج


ينقسم الانقسام الاختزالي الى قسمين 😍

١_انقسام اختزالي اول..
٢_انقسام اختزالي ثاني..

هسه نشوف شنوو اقسامه 👇👇

للانقسام الاختزالي الاول اربع اطوار

1_الطور التمهيدي الاول..
2_الطور الاستوائي الاول..
3_الطور الانفصالي الاول..
3_الطور النهائي الاول..



اما الانقسام الاختزالي الثاني هم بي اربع اطوار

1_الطور التمهيدي الثاني..
2_ الطور الاستوائي الثاني .
3_ الطور الانفصالي الثاني..
4_ الطور النهائي الثاني..


المحاظرة التجي يوم الاثنين إن شاء الله نكملهم واحد واحد ونعرف شنو همه ناخذهم بالتفصيل إن شاء الله❤️❤️

لهناا خلصنه درس اليوم ضل عدنه اخير درس يوم الاثنين ويكمل الفصل الاول اخذو تحظير من الانقسام الاختزالي الاول صفحه 38 الى نهاية الفصل😍
بالتوفيق يااارب❤️

مساء الخير طلاب شلونكم إن شاء الله تمام❤️
دقايق ونبلش بدرس اليوم بس اول شي امتحان😌
اشوف من القاري ومنو لا😒

نبدي بأمتحان اليوم خلي اشوفكم قارين لو لا😒

سؤال الاول/اين يحدث الانقسام الاختزالي؟؟

سؤال الثاني/ عرف خيوط المغزل واين تحدث؟؟

سؤال الثالث/ ماذا يحدث في الانقسام المباشر او اللاخيطي؟؟

دزولي الحل هناا👇
@Anooo_0

عفية عليكم جوابكم يجنن والي عندة غلط مو مشكله يكدر يعيد القراية من جديد ويشوف وين الغلط عندة ويقرة من جديد🌹

هسه نبدي بدرس اليوم👇👇

💙بسم الله الرحمن الرحيم💙

🙏اللهم افتح لنا ابواب حكمتك وانشر علينا رحمتك ياذو الجلال والاكرام🙏

اليوم عدنه اخير محاظرة بالفصل الاول تكملة للدرس السابق حنبدي بالطور التمهيدي الاول نريد نعرف شنو همه الادوار الي ينقسم الهم👇

الطور التمهيدي الاول وينقسم الى خمس ادوار 👇

الدور القلادي
الدور الازدواجي
الدور التغلظي
الدور الانفراجي
الدور الحركي

💜

نبدي بالدور الاول الي هو
😍 الدور القلادي😍

خلي ناخذ تعريفه👇

❤️الكروموسومات تكون بشكل خيوط طويلة نحيفه مفردة ذات تثخنات شبيهة بالفصوص او الخرز ممايضفي على الكروموسومات شكل القلادة والحامض النووي قد تضاعف منذ الطور البيني الذي سبق هذا الانقسام..

هسه ناخذ ثاني دور الي هو
❤️الدور الازدواجي❤️

يحتوي هذا الدور على مصطلح غريب مماخذينه قبل ويكون مهم الي هو الايثاق او التشابك خلي ناخذ تعريفه👇👇

الايثاق او التشابك : وهي عملية تراصف كل كروموسوم مع الكروموسوم المماثل له ويزدوج معهُ وبعد اكتمال ازدواجهما يلتوي بعضمها على بعض وهي صفة مميزة للانقسام الاختزالي ولا توجد في الخيطي الاعتيادي ويظهر في الدور الازدواجي من الطور التمهيدي الاول من الانقسام الاختزالي..
💜💙❤️
بعد ما يزدوجون الكروموسومات المتمامثلة راح يصيرون ثنائي شنوو ثنائي🤔🤔

فراح يكون عدنه تعريف غريب ثاني اسمه الثنائي او الثنائيات خلي نشوف شنو تعريفه👇👇

الثنائي او الثنائيات : عبارة عن زوج من الكروموسومات المماثلة المزدوجة وتظهر في في الدور الازدواجي من الطورالتهميدي الاول للانقسام الاختزالي..

🌺

هسه عدنه تعليلين مهمات عن هذا الدور

علل/ مهم يعد الدور الازدواجي صفة مميزة للانقسام الاختزالي🤔؟

ج/ لان يظهر الايثاق (التشابك)
الذي لا يحدث بالانقسام الاعتيادي..

علل / يظهر عدد الكرومروسومات في الدور الازدواجي وكأنها نصف العدد الكلي🤔؟؟

ج/ لأزدواج الكروموسومات المتماثلة..

هسه وصلنه لثالث دور هو
😍الدور التغلضي😍

خلينه نشوف شنو اهم الأحداث الي تحدث 👇👇

1-يزداد تكثف الكروموسومات وتغلضها ويقل طولها..
2-يظهر تضاعف كل كروموسوم الي كروماتيدين واضحاً..
3- يظهر كل زوج من الكروموسومات المتماثلة المزدوجة مكوناً حزمة مؤلفة اربعة كروماتيدات تدعى الرباعي..

الرباعي او الرباعيات هاي هم كلمة غريبه وممطرقين الها سابقا خلي نشوفها شنوو🤔👇

الرباعيات مهمة : هي عبارة عن حزمة مكونة من اربعة كروماتيدات لزوج من الكروموسومات المتماثلة المزدوجة وتظهر في الدور التغظلي من الطور التمهيدي الاول من الانقسام الاختزالي..

❤️ معلومه
عدد الرباعي =عدد الكروماتيدات ÷4
عدد الرباعي= عدد الكروموسومات÷2

💙معلومه
خلية الانسان عند مرورها بالدور التغلظي يظهر 23 رباعياً 😍 يعني 92 كروماتيد😍

نكمل؟؟
@Anooo_0

اوك نكمل❤️

هسه ناخذ الدور الرابع الي هو
😌الدور الانفراجي😌


بعد ما صارت الكروموسومات ع شكل رباعي هسه تحدث بما يسمى التصالبات
والتصالبات همين كلمة عمرنه مااخذناها قبل خلونه نشوفها شنوو🤔👇

هو عبارة عن حزمة ويحتوي اربع كروماتيدات يعني كروموسومين متماثلين
راح يرتبط كروماتيدين من كل كروموسوم يعني كروماتيدين غير شقيقة
مكان ارتباطهم يسمى بالتصالبات..


💙💙💙


❤️يعني تعريف التصالبات هو : وهي مناطق ارتباط الكروماتيدات الغير شقيقة في الرباعي الواحد ويختلف موقع وعدد هذه التصالبات من كروموسوم لآخر ومن خلية لآخرى يحدث فيها العبور وتظهر في الدور الانفراجي من الطور التمهيدي الاول من الانقسام الاختزالي..

هسه عدنه فد تعريف صغير هو اسمه العبور خلينه نشوف شنو هو العبور🤔

العبور :هو تبادل مواقع المورثات بين الكروموسومين المتماثلين وتحدث في كل منطقة التصالب..

خلينه نشوف وين موجودة التصالبات😍👇👇

س/ اين توجد التصالبات ؟
ج/ بين الكروماتيدين الغير شقيقة في الرباعي الواحد..

وشنوو اهميتة🤔👇

س/ ما اهمية التصالبات ؟
ج/ حدوث التعابر..