مساء الفل يا شباب💙
-نصيحه اخويه كدا مني ليكم بمناسبه انكم عايزين تأجلوا الاند بحيث يبقي مع الفاينال مع بعض:-
-مش عشان ترتاح ف شهر رمضان تضيع الترم كلو منك والله اكتر حاجه مصعبه علينا سنه رابعه حوار ان الاند والفاينال مع بعض بتحس مع كل امتحان انك بتبدأ الموديول من الاول زي ما يكون مفتحتوش قبل كدا لانك ممتحنتش اندموديول.
-ميزه الاندموديول بدري انه ع الاقل بيخليك مذاكر نص المنهج او اكتر كويس ف بتبقي ف الفاينال الا حد ما مرتاح لانك كنت مخلص جزء كبير وبتبقي مذاكرتك اغلبها حفظ للريتن لان ال MCQ في الفاينال مش كتير لكن لما تضم الاتنين مع بعض للاسف بتبقي المذاكره للاتنين صعبه اوي والله.
-خد بالك انك هتسيب الرمد دلوقت والي كان ناوي يذاكر للاند مش هيذاكر وكل الي انت سايبه دا هيحط عليك ف الاخر ف الفاينال ومتنساش ان نفس الكلام هتعمله مع الجراحه وبردو الباطنه ف اعقلوا الدنيا كدا مش عشان ترتاحوا اسبوع ولا اتنين تضيعوا الترم منكم.
موفقين بإذن الله🤍

رمضان مبارك عليكم جميعاً أعاده الله علينا باليمن والبركات ، كل عام وانتم بخير 🌙🤍

مساء الفل يا شباب🤍
كفاره طبعا بمناسبه انكم خلصتوا رمد لكن ابشركم ان الباطنه الموديول دا اسهل بكتير من الرمد وحتي كمان من الموديول الي بعد كدا الي هو الجراحه.
-عندنا ٣ برانشات الموديول دا haematology-nephrology-Endocrinology.
هنسمع مين شرح ونذاكر منين ف كل برانش؟
Endocrinology
-هنذاكر من كتاب موافي و شرح لو عايزين الخلاصه من كل موضوع دون الدخول ف تفاصيل كتير وشرح الحجات المهمه بس د علام لو عايزين تفاصيل د شريف الهواري لو عايزين بصمجه وحفظ د احمد موافي. طب مين الاحسن وهينجز معانا؟ علام.
انا عن نفسي كنت بقسم اليوم كنت بسمع علام عشان افهم الموضوع وبعد كدا اسمع موافي وانا بذاكر لانه بيشرح بنفس ترتيب كتابه الي المفروض هتكونوا بتذاكروا منه وبيسهل الحفظ اوي طيب لو معندكش وقت يبقي علام كفايه وذاكر علي طول من كتاب موافي.
Haematology
-نذاكر منين؟ كتاب موافي كان كويس لكن كان داتا الدكتوره فيها زيادات كتير عنه و تقريبا ساعد هتنزل مذكره ليكم ف الهيم مجمعه الداتا وموافي ف اعتقد هتبقي احسن من موافي دا غير ان مواضيع الهيم الي عليكم مش كتير وكتاب موافي في مواضيع كتير اوي مش هتتشرح ف ملهاش لازمه وتكلفه ع الفاضي.
-هنسمع شرح مين؟ د اسلام السعيد اغلبنا سمع ليه شرح وبردو د علام كويس لكن انا حبيت د اسلام السعيد ف الهيم اكتر عن علام الصراحه.
Nephrology
-هنذاكر من كتاب موافي عادي علي الرغم اني شايف بردو انه كتير اوي علي المنهج الي علينا يعني احنا الي بناخده ف الكليه من النفرو تقريبا نص كتاب موافي في النيفرو او اقل كمان ف بردو شايف ان كتاب موافي كبير الا حد ما ومش هتستفيد من معظمه ف لو نعرف نصور منه بس المواضيع الي علينا يبقي احسن ولو في حد عايز يجيب الكتاب بردو كلو ف عادي مفيش مشكله براحتكم.
(بنوه بس علي حوار اننا نصور جزء من الكتاب انا مش عارف هو مسامح اصلا ف حاجه زي كدا ولالا عشان مش عايز اشيل ذنب حد ف نتأكد من النقطه دي بردو).
هنسمع شرح مين؟ انا سمعت موافي و علام ف النفرو والاتنين محبتهمش الصراحه و نظرا لان مكنش في وقت ف ملحقتش اسمع حد تاني لكن ناس كتير من زمايلي سمعوا بردو اسلام السعيد وقالوا كويس جدا.
-هل في زيادات ف الكليه؟ اكيد فيه لكن الصراحه محستش بيها ف الامتحان بتاعنا خالص تقريبا كان سؤال MCQ واحد وسؤال ريتن مكنش موجود مباشر ف كتاب موافي وكان موجود ف داتا الدكتوره واضح لكن كان يتحل عادي و عشان نبقي ف المضمون نبقي نحاول نشوف تفريغ للمحاضره لو حد بيفرغها او نعدي ع الريكورد سريعا لعل وعسي الدكاتره يكونوا اكدوا علي حاجه.
دا كدا كل ما يخص النظري.

بالنسبه للعملي ف حضور راوندات الباطنه هيفيدك الموديول دا لانك هتبدأ تتعامل مع بيشنت و هتجربوا تعملوا Examination ب ايدكم ومتنسوش ان في اوسكي ف هتعمل الحجات الي اتعلمتها ف الراوندات ع البيشنت يوم امتحان الاوسكي قدام الدكتور وهيقيمك عليها ف مهم انك تجرب ف الراوند.
-شرح معظم النواب كويس لكن احسنهم د محمود عاشور و د نغم بردو كويسه جدا ف اليوم الي هيكونوا عليكم فيه ابقوا احضروا ودا مش معناه ان الباقي مش كويس لا كويسين بردو لكن دول احسنهم ف الشرح.
نظام الامتحان؟ اوسكي بس ومفيش اوسبي ف الامتحان عليه درجات كتير دا لو امتحنتم بنفس نظامنا.
-عايزين تذاكروا اول ب اول للراوندات مفيش مشكله وحتي لو عايزين تسيبوا الدنيا للأخر ف بردو عادي الدنيا هتتلم.
-نظام الامتحان عندنا كان لجنتين يعني هتعدي الاول علي دكتور معاه بيشنت هيطلب منك تعمل اي Examination من الي اخدتهم وبعد ما تخلص هيبدأ يسألك بقا زي ما يحب ممكن يسأل ف النظري او ف العملي ف مش هتفرق.
-هتخلص معاه وتدخل علي الدكتور التاني كان بيبقي معاه تحليل CBC و Case تحليل ال CBC عايزك تعرف منه نوع الانيميا الي موجوده ولو هيسأل مثلا عليها سؤال نظري او حاجه معينه و Case من المنهج هيديهالك تقرأها وتقوله التشخيص ممكن ال case تكون ف الاندو او في النيفرو علي حسب بقا الدكتور الي هتمتحن معاه.
بالنسبه لجزء الExamination ف الراوند بيبقي زحمه ومش كل الناس هتشوف كويس فلو عايز تشوف كويس احضر بدري عشان تقعد قدام وحتي لو مقدرتش تفهم ف الراوند ف في فيديوهات كلنا كنا بنسمعها ف ليالي الامتحان لمت معانا الدنيا.
-لو عايزين مصدر تذاكروا منه العملي ف كتاب علام ف العملي كويس هو كبير اوي الصراحه لكن هو احسن مكان ممكن تذاكر منه انت مش بتبقي مطالب بكل التفاصيل الي فيه كدا كدا ف ذاكر منه الي بيتشرح ف الراوندات بس.
دا كدا كل ما يخص العملي.

دا لينك البوت الي هتلاقوا عليه ريكوردات الشرح لكل الدكاتره.

-لو حد فيكم في نقطه مش مفهومه ف موضوع معين ومحتاج مكان ثقه يدور فيه ف مرجع دافيدسون كويس لو عندكم وقت يعني مش بقول ليكم تذاكروا اكيد منه لان كتاب موافي بيرمي المعلومه ويسيبك.

مرجع 2022 Davidson's
- @Medicine_Way

السلام عليكم ورحمة الله وبركاته

اهلا بكم يا دكاترة في قناة زاد الطبيب ( 𝗭𝗔𝗗𝗨 𝗔𝗟𝗧𝗔𝗕𝗜𝗕 ) أنا زميلكم عمر عادل أحييكم في قناتي وقناتكم

طب ايه هي زاد الطبيب ؟

جروب هنشر عليه كل ما يخص طلبة طب من أدوات و بلطوهات وما شابه وأي حد هيطلب حاجة هتجيله بالطلب لحد عنده سواء كانت متوفرة هنا أو لا

طب ايه إسم زاد الطبيب ده ؟🤔

إسم يدل على غرض الجروب و بلغتنا العربية الجميلة

طب إيه المميز هنا مش فاهم 🤔؟

انا وانت طلاب زي بعض وعارفين أسعار الطلبات والادوات وما الى ذلك فــ وظفتي اللي اوعدك اني هعملها اني اوفرك الطلبات اللي انت محتاجها بأرخص سعر ممكن وأعلى جودة وانضف خامات وممكن تسأل بره وتسأل هنا وتشوف فرق السعر 😇

طب افرض انا طلبت دلوقتي التسليم هيكون إزاي 🤔 ؟

التسليم هيكون في الكلية في الوقت والمعاد المناسبين ليك وليا هنظبطها مع بعض يعني 🫱🏻‍🫲🏼

للتواصل

هنا على اليورز ده @omar_1adel
وده لينك القناة
https://t.me/Zadu_AL_Tabib
وبسسس كدا 🫡
#Zadu_Al_Tabib

https://youtu.be/txKK9ZJ8wQo?si=j7Dh7UAohHuex4BX
شباب عشان ناس منكم بعتتلي علي مسائل ال ABG ف دا فيديو ل افكار المسائل كنت منزله ليكم في موديول الريسب.
ضروري اهم حاجه تعرفوا الاسباب بتاعه كل acid base disorder لان دا الي جالنا ف الامتحان ومكنش في مسائل.

مساء الفل يا شباب🤍
بدأتوا طبعا جراحه والمصادر المتاحه مش كتير ف هحاول اقولكم تمشوا الدنيا ازاي:-
-اهم موضوعين ف المنهج الي تقريبا هما الامتحان ال thyroid و ال breast وباقي المواضيع صغيره جدا ممكن حتي تقرأها لوحدك.
-موضوع ال thyroid مهم جدا جدا لان الاوسكي هيبقي thyroid بس ف لازم تظبطوه كويس طيب هنسمع مين فيه؟
-جزء الاناتومي و الامبريو الي في الاول اسمعوا فيهم اي دكتور اناتومي من بتوع الاكاديمي د خنفور مثلا كان كويس جدا فيه عندكم بعد كدا جزء ال congenital anomalies زي ال thyroglossal cyst اعتقد هتلاقيه شرحه بردو ف الفيديو.
-جزء ال goiter نسمع فيه د وهدان طبعا كان كويس جدا فيه.
-جزء ال tumors نسمع فيه بردو د وهدان او د رضا فوزي دا تبع الكليه.
-المهم بس وانتوا بتذاكروا من مذكره ساعد هتلاقوا حشو كتيييير ملهوش لازمه ف متقعدش تقف قصاد كل كلمه وتحاول تحفظها وتفهمها طب هعرف منين اي المهم واي لا؟ بعد ما تسمع شرح المحاضره اقرأ اسئله امتحانات السنين الي فاتت الاول قبل ما تذاكر ومنها هتعرف اي النقط المهمه في المحاضره وبعد كدا ابدأ ذاكر واي نقطه مش ف الاسئله عدي عليها قراءه ومتقفش جمبها كتير.
-ضروري راوندات العملي تتفرغ لكل دكتور وكل راوند تاخده حاول تقرأ تفريغه لكل الدكاتره الي شرحوه لان كل واحد فيهم بيقول معلومات غير التاني ووقت الاوسكي انت مش ضامن هتمتحن مع مين.
-جزء ال breast الصراحه دورت كتير علي مصدر مناسب ملقيتش ف سمعت ف الاخر د لمعي دا بردو تبع الكليه.
-طبعا فيديوهات د المطري موجوده بس مسروقه ف دي ملناش علاقه بيها.
-الدنيا ف الجراحه بسيطه اهم حاجه بس نتعامل مع القسم كويس عشان ميصعبوش عليكم الامتحان زي ما عملوا معانا السنه الي فاتت.

https://t.me/Bio1styear
قناه سنه اولي يا شباب لو حد يعرف حد لسه داخل الكليه يبعت اللينك ليه.

هتساعدكم في حل مسائل ال pedigree

كل سنة وانتم طيبين وبخير،
ربنا يجعله شهر خير وبركة علينا جميعًا،
ويتقبل منا ومنكم صالح الأعمال ♥️♥️