Characters of neurotransmitter?
Type of neurotransmitters with examples?
Compare between neurotransmitter receptor?(ligand activated and metabotropic)?
-المحاضره الاولي اعتقد الريتن لو جه فيها هيكون علي structure لاي نوع من انواع ال sphingolipid.

-Glycolipids not phospholipid.
-yes,they belong to sphingolipid because they contain ceramide(sphingosine+F.A) in their structure.
-glycolipids contain ceramide attached to CHO but sphingomylein contain ceramide attached to phosphoryl choline.

دي بردو كانت ف اول محاضره.

الرسميه خلاص كفاره يا شباب ويا مرحب بربيع الطب💙🔥

الترم الاول عندنا قسم الكوميونيتي كان د هبه بتشدد علي الحضور نفس الكلام قسم التوكسو كان بيشدد ع الحضور بس ف اخر الموديول مشوا الدنيا للناس الي مكنتش بتحضر ومختمتش الراوندات بس مش عارف الكلام دا ممكن يحصل معاكم ولالا لان علي كلام الدفعات الي قبلنا كانوا بيتحرموا عادي من دخول الامتحان ويتحدد ليهم معاد بعدين غير باقي الدفعه يمتحنوا فيه و علي فكره الموضوع دا اتطبق عندنا ف الترم التاني في ناس دخلت استيفا وامتحنوا بعدنا لانهم مكنوش بيحضروا الراوندات بس عشان نبقي ف الامان الحضور الا حد ما مهم ف سنه تالته للراوندات لكن المحاضرات عادي.

شباب دا لينك الجروب الخاص بدفعه سنه اولي الجديده عشان خلاص قدامهم يومين وهتبقي بدايه موديول General biochemistry عندهم ف لو تعرف حد ف سنه اولي ابعتله اللينك.💙

https://t.me/KMS1styear

مساء الفل يا شباب ويارب تكونوا بخير💙
ناس منكم بعتتلي ازاي نمشي الدنيا ف الرمد وقلقانين عشان الفيدباك الي مش كويس عن الرمد إن كان من دفعتي او حتي الدفعات الي قبلنا ف هحاول بقدر الامكان اقولكم تمشوا الدنيا ازاي بحيث متغلطوش نفس الغلطات بتاعتنا:-
-اول حاجه الرمد مش بقدر الصعوبه الي الناس بتتكلم عليها اطلاقا والله والدنيا فيه تتلم عادي جدا.
-الشرح ف الكليه مش احسن حاجه خالص خالص والحضور مش هيفيدك بشئ غير انك هتضيع وقتك وخلاص.
-المحاضرات الي د مصطفي والي هيشرحها ياريت تسمعوا شرحه فيها هو احسن الناس شرحا ف القسم بس المشكله مش هيشرح محاضرات كتير لانه بيقول زيادات وبيجيبها ف الامتحان وعمل كدا معانا السنه الي فاتت.
-ممكن تحس ان الدنيا ف الاول خفيفه و الدكاتره بيلغوا ويأجلوا ف محاضرات وتحس انك بعد فتره كبيره اخدت كم صغيره وتبقي فاكر ان دا بس الي هتمتحن عليه لكن احب اقولك ان كل الي متشرحش حتي لو هينزلك ف ليالي الامتحان هتاخده يعني هتاخده.
يعني عايز توصلنا ل اي؟ عايز اوصلك انك كدا كدا مش بتسمع الكليه وهتسمع شرح خارجي ف اليوم الي تتلغي فيه محاضره شوف اي الي المفروض كان يتشرح واسمعه وذاكره احسن ما تتزنق ف الاخر.
-تاني مشكله هيا اسئله الريتن عشان الفاينال لان الريتن عليه درجات كتير اوي و الحفظ ف الرمد كتيييييييير اوي ومفيش تحديدات ف مش هتعرف تلم الدنيا ف الاخر والله لو مش بتحفظ من بدايه الموديول ف الاحسن من البدايه تشوف اي الاسئله الي جت السنين الي فاتت واحفظها و علي فكره الاسئله بتتكرر.

بالنسبه المحاضرات ف انا كنت بسمع
د احمد اشرف https://youtube.com/playlist?list=PL9PH_vb5Mh_AeYyk6eL_XLdc_BGa6xhlv&si=G9RiSv7HJHd1-Agj
د محمد عواد https://youtube.com/playlist?list=PLb0AW_KIHmStJEqx2L_Ub7Zd6tzsr9LHt&si=9s6OZfMyuqmW2dpg
-ضروري نحل اسئله كتير لان القسم بيخرج برا الكتاب ب اسئله حتي لو متشرحتش ودا شوفناه ف الامتحان بتاعنا.
دا كدا كل الي محتاجينه ف النظري.

بالنسبه للعملي
- جزء من الدرجات هتكون اوسكي وجزء منها هيكون اوسبي.
-امتحان الاوسكي اموره بسيطه وتقريبا ٩٠٪؜ من الدفعه بتقفله لان هو بيبقي PDF احد الدكاتره عامله وبيسألكم فيه يعني ف الدنيا بسيطه.
-امتحان الاوسبي هو الي تقيل شويتين لان صور الاوسبي الي عليكم كتييير اوي اوي اوي
ف حل الموضوع انك وانت بتذاكر النظري شوف المحاضره الي اتشرحت اي وبص علي صور العملي بتاعتها هتلاقي الامور بسيطه جدا لكن لو سيبت كلو للاخر هتلاقيهم كتير اوي وممكن متقدرش تخلصهم كلهم ولو انت مذاكر الصور كويس درجات الامتحان مضمونه 100%.
-طيب هنذاكر صور العملي منين؟ ملف فلاش كانوا عاملينه لينا السنه الي فاتت كان ولا غلطه الصراحه ومقسم الصور علي كل موضوع ف مش هتتعب ف التجميع خالص.
ف مجمل العملي مضمون درجاته لو مذاكر الصور اول ب اول و الاوسكي قبل الامتحان هيتلم عادي.
اسف ع الاطاله وربنا يوفقكم🤍

مساء الفل يا شباب💙
-نصيحه اخويه كدا مني ليكم بمناسبه انكم عايزين تأجلوا الاند بحيث يبقي مع الفاينال مع بعض:-
-مش عشان ترتاح ف شهر رمضان تضيع الترم كلو منك والله اكتر حاجه مصعبه علينا سنه رابعه حوار ان الاند والفاينال مع بعض بتحس مع كل امتحان انك بتبدأ الموديول من الاول زي ما يكون مفتحتوش قبل كدا لانك ممتحنتش اندموديول.
-ميزه الاندموديول بدري انه ع الاقل بيخليك مذاكر نص المنهج او اكتر كويس ف بتبقي ف الفاينال الا حد ما مرتاح لانك كنت مخلص جزء كبير وبتبقي مذاكرتك اغلبها حفظ للريتن لان ال MCQ في الفاينال مش كتير لكن لما تضم الاتنين مع بعض للاسف بتبقي المذاكره للاتنين صعبه اوي والله.
-خد بالك انك هتسيب الرمد دلوقت والي كان ناوي يذاكر للاند مش هيذاكر وكل الي انت سايبه دا هيحط عليك ف الاخر ف الفاينال ومتنساش ان نفس الكلام هتعمله مع الجراحه وبردو الباطنه ف اعقلوا الدنيا كدا مش عشان ترتاحوا اسبوع ولا اتنين تضيعوا الترم منكم.
موفقين بإذن الله🤍

رمضان مبارك عليكم جميعاً أعاده الله علينا باليمن والبركات ، كل عام وانتم بخير 🌙🤍

مساء الفل يا شباب🤍
كفاره طبعا بمناسبه انكم خلصتوا رمد لكن ابشركم ان الباطنه الموديول دا اسهل بكتير من الرمد وحتي كمان من الموديول الي بعد كدا الي هو الجراحه.
-عندنا ٣ برانشات الموديول دا haematology-nephrology-Endocrinology.
هنسمع مين شرح ونذاكر منين ف كل برانش؟
Endocrinology
-هنذاكر من كتاب موافي و شرح لو عايزين الخلاصه من كل موضوع دون الدخول ف تفاصيل كتير وشرح الحجات المهمه بس د علام لو عايزين تفاصيل د شريف الهواري لو عايزين بصمجه وحفظ د احمد موافي. طب مين الاحسن وهينجز معانا؟ علام.
انا عن نفسي كنت بقسم اليوم كنت بسمع علام عشان افهم الموضوع وبعد كدا اسمع موافي وانا بذاكر لانه بيشرح بنفس ترتيب كتابه الي المفروض هتكونوا بتذاكروا منه وبيسهل الحفظ اوي طيب لو معندكش وقت يبقي علام كفايه وذاكر علي طول من كتاب موافي.
Haematology
-نذاكر منين؟ كتاب موافي كان كويس لكن كان داتا الدكتوره فيها زيادات كتير عنه و تقريبا ساعد هتنزل مذكره ليكم ف الهيم مجمعه الداتا وموافي ف اعتقد هتبقي احسن من موافي دا غير ان مواضيع الهيم الي عليكم مش كتير وكتاب موافي في مواضيع كتير اوي مش هتتشرح ف ملهاش لازمه وتكلفه ع الفاضي.
-هنسمع شرح مين؟ د اسلام السعيد اغلبنا سمع ليه شرح وبردو د علام كويس لكن انا حبيت د اسلام السعيد ف الهيم اكتر عن علام الصراحه.
Nephrology
-هنذاكر من كتاب موافي عادي علي الرغم اني شايف بردو انه كتير اوي علي المنهج الي علينا يعني احنا الي بناخده ف الكليه من النفرو تقريبا نص كتاب موافي في النيفرو او اقل كمان ف بردو شايف ان كتاب موافي كبير الا حد ما ومش هتستفيد من معظمه ف لو نعرف نصور منه بس المواضيع الي علينا يبقي احسن ولو في حد عايز يجيب الكتاب بردو كلو ف عادي مفيش مشكله براحتكم.
(بنوه بس علي حوار اننا نصور جزء من الكتاب انا مش عارف هو مسامح اصلا ف حاجه زي كدا ولالا عشان مش عايز اشيل ذنب حد ف نتأكد من النقطه دي بردو).
هنسمع شرح مين؟ انا سمعت موافي و علام ف النفرو والاتنين محبتهمش الصراحه و نظرا لان مكنش في وقت ف ملحقتش اسمع حد تاني لكن ناس كتير من زمايلي سمعوا بردو اسلام السعيد وقالوا كويس جدا.
-هل في زيادات ف الكليه؟ اكيد فيه لكن الصراحه محستش بيها ف الامتحان بتاعنا خالص تقريبا كان سؤال MCQ واحد وسؤال ريتن مكنش موجود مباشر ف كتاب موافي وكان موجود ف داتا الدكتوره واضح لكن كان يتحل عادي و عشان نبقي ف المضمون نبقي نحاول نشوف تفريغ للمحاضره لو حد بيفرغها او نعدي ع الريكورد سريعا لعل وعسي الدكاتره يكونوا اكدوا علي حاجه.
دا كدا كل ما يخص النظري.

بالنسبه للعملي ف حضور راوندات الباطنه هيفيدك الموديول دا لانك هتبدأ تتعامل مع بيشنت و هتجربوا تعملوا Examination ب ايدكم ومتنسوش ان في اوسكي ف هتعمل الحجات الي اتعلمتها ف الراوندات ع البيشنت يوم امتحان الاوسكي قدام الدكتور وهيقيمك عليها ف مهم انك تجرب ف الراوند.
-شرح معظم النواب كويس لكن احسنهم د محمود عاشور و د نغم بردو كويسه جدا ف اليوم الي هيكونوا عليكم فيه ابقوا احضروا ودا مش معناه ان الباقي مش كويس لا كويسين بردو لكن دول احسنهم ف الشرح.
نظام الامتحان؟ اوسكي بس ومفيش اوسبي ف الامتحان عليه درجات كتير دا لو امتحنتم بنفس نظامنا.
-عايزين تذاكروا اول ب اول للراوندات مفيش مشكله وحتي لو عايزين تسيبوا الدنيا للأخر ف بردو عادي الدنيا هتتلم.
-نظام الامتحان عندنا كان لجنتين يعني هتعدي الاول علي دكتور معاه بيشنت هيطلب منك تعمل اي Examination من الي اخدتهم وبعد ما تخلص هيبدأ يسألك بقا زي ما يحب ممكن يسأل ف النظري او ف العملي ف مش هتفرق.
-هتخلص معاه وتدخل علي الدكتور التاني كان بيبقي معاه تحليل CBC و Case تحليل ال CBC عايزك تعرف منه نوع الانيميا الي موجوده ولو هيسأل مثلا عليها سؤال نظري او حاجه معينه و Case من المنهج هيديهالك تقرأها وتقوله التشخيص ممكن ال case تكون ف الاندو او في النيفرو علي حسب بقا الدكتور الي هتمتحن معاه.
بالنسبه لجزء الExamination ف الراوند بيبقي زحمه ومش كل الناس هتشوف كويس فلو عايز تشوف كويس احضر بدري عشان تقعد قدام وحتي لو مقدرتش تفهم ف الراوند ف في فيديوهات كلنا كنا بنسمعها ف ليالي الامتحان لمت معانا الدنيا.
-لو عايزين مصدر تذاكروا منه العملي ف كتاب علام ف العملي كويس هو كبير اوي الصراحه لكن هو احسن مكان ممكن تذاكر منه انت مش بتبقي مطالب بكل التفاصيل الي فيه كدا كدا ف ذاكر منه الي بيتشرح ف الراوندات بس.
دا كدا كل ما يخص العملي.

دا لينك البوت الي هتلاقوا عليه ريكوردات الشرح لكل الدكاتره.

-لو حد فيكم في نقطه مش مفهومه ف موضوع معين ومحتاج مكان ثقه يدور فيه ف مرجع دافيدسون كويس لو عندكم وقت يعني مش بقول ليكم تذاكروا اكيد منه لان كتاب موافي بيرمي المعلومه ويسيبك.

مرجع 2022 Davidson's
- @Medicine_Way

السلام عليكم ورحمة الله وبركاته

اهلا بكم يا دكاترة في قناة زاد الطبيب ( 𝗭𝗔𝗗𝗨 𝗔𝗟𝗧𝗔𝗕𝗜𝗕 ) أنا زميلكم عمر عادل أحييكم في قناتي وقناتكم

طب ايه هي زاد الطبيب ؟

جروب هنشر عليه كل ما يخص طلبة طب من أدوات و بلطوهات وما شابه وأي حد هيطلب حاجة هتجيله بالطلب لحد عنده سواء كانت متوفرة هنا أو لا

طب ايه إسم زاد الطبيب ده ؟🤔

إسم يدل على غرض الجروب و بلغتنا العربية الجميلة

طب إيه المميز هنا مش فاهم 🤔؟

انا وانت طلاب زي بعض وعارفين أسعار الطلبات والادوات وما الى ذلك فــ وظفتي اللي اوعدك اني هعملها اني اوفرك الطلبات اللي انت محتاجها بأرخص سعر ممكن وأعلى جودة وانضف خامات وممكن تسأل بره وتسأل هنا وتشوف فرق السعر 😇

طب افرض انا طلبت دلوقتي التسليم هيكون إزاي 🤔 ؟

التسليم هيكون في الكلية في الوقت والمعاد المناسبين ليك وليا هنظبطها مع بعض يعني 🫱🏻‍🫲🏼

للتواصل

هنا على اليورز ده @omar_1adel
وده لينك القناة
https://t.me/Zadu_AL_Tabib
وبسسس كدا 🫡
#Zadu_Al_Tabib

https://youtu.be/txKK9ZJ8wQo?si=j7Dh7UAohHuex4BX
شباب عشان ناس منكم بعتتلي علي مسائل ال ABG ف دا فيديو ل افكار المسائل كنت منزله ليكم في موديول الريسب.
ضروري اهم حاجه تعرفوا الاسباب بتاعه كل acid base disorder لان دا الي جالنا ف الامتحان ومكنش في مسائل.