عندنا بعد كدا الفسيولوجي الدنيا فيها بجد كلها فهم والا حد ما هتحس ان الماده معقده لكن د هاني الموديول دا كان شرحه كويس جدا وسهل علينا الموديول جدا وتقريبا الدفعه كلها كانت درجاتها كويسه ف الفسيو و طبعا شرح د هاني متسجل واكيد هينزل ليكم علي ساعد بس انا افضل يعني الحضور الموديول دا وخصوصا لو د هاني الي هيشرح.
وطبعا الناس الي بتحب تسمع شرح غير الكليه ف مفيش غيره يعني د ناجي.

عندنا بعد كدا الفارما الا حد ما عليها درجات كتير ومينفعش خالص نكرف لدرجاتها الموديول دا عشان هتزعلك غير كدا لازم تذاكرها كويس لان هترجع تاخد المواضيع دي تاني ف موديول السيكاتري.
طيب نعمل اي؟
الكتاب طبعا معقد كالعاده ف الناس الي بتفضل انها تجيب مذكرات تذاكر منها مفيش مشكله لكن انا كنت بحب ألخص الداتا والكتاب ف ورق خارجي وبعتمد عليه ف المذاكره وبحاول بقدر الامكان اختصر الكلام الي ملوش لازمه واركز علي النقط المهمه الي بتبقي موضع اسئله الامتحان.
- اول حاجه تعملها قبل ما تبدأ المحاضره تسمع ال pathophysiology للمرض الي انت هتبدأ تعالجه لان الكتاب مش معدي علي النقط دي خالص بعد كدا ابدأ شوف جزء الفارما الخاص بالموضوع واعتقد ان
د فوده بيبدأ علي طول بجزء ال pathophysiology للمرض وبعد كدا يدخل ف جزء الفارما ف افضل جدا تسمعه الموديول دا غير كدا ان في مصطلحات الموديول دا مش هتبقي مفهومه بالنسبه ليك الا لو سمعت شرحها من حد ف متحاولش انك تذاكر فارما الموديول دا لوحدك ويفضل تسمع شرح خارجي فيها وطبعا مش هتلاقي احسن من د عبدالمتعال.

عندنا بعد كدا الميكرو تقريبا ٣ محاضرات وطبعا عليها كم درجات مش هين زي الفارما ف يفضل بردو نذاكرها اول ب اول هتلاقي ف مسدجات ساعد منزلين ناس كتير محترمين بيشرحوا المواضيع الي عندنا ف الكتاب ممكن تسمعهم وبعد كدا تسمع شرح الكليه ولو انت من الناس الي زي مش بتسمع فيها شرح طالما الكلام مفهوم توكل علي الله واقرأ من الكتاب علي طول ودايما المواد الي فيها كلام كتير لخص محاضراتها بالنقط المهمه فيها عشان الموضوع يبقي منجز ومثمر ف نفس الوقت.
- الباثولوجي محاضراتها سهله اوي الموديول دا والكم صغير جدا حاجه كدا من ريحه موديول ال Blood بل اصغر كمان.
- البارا محاضره واحده بتتذاكر ليله الامتحان عشان متتنسيش😂.
-الهستو محاضرتها سهله اوي وضروري تحل اسئله كتاب القسم فيها لان اسئله امتحان السنه الي فاتت كانت منقوله بالنص منها.
-واخيرا البايو مش كبيره 🤡
من الاخر الموديول دا طول ما الاناتومي والفسيو تمام ف انت تمام.
وطبعا لو افترضنا ان ال special sense اخدتوه مع ال CNS زينا ف هو موديول صغير جدا وسهل اوي ومدته تقريبا بتبقي حوالي ٨ ايام ف الامور فيه بعون الله مضمونه.
ان شاء الله يبقي ترم لطيف ويعدي بكرم ربنا زي الي قبله💙

طبعا دا ملخص الساعه الي المفروض الصعيدي هينزلها ليكم انهارده😂

بالنسبه للناس الي فاكره ان لما ندمج الموديولين مع بعض انك بتاخد مثلا يوم CNS ويوم special ف دا مبيحصلش كل الي بيحصل وليكن ان الموديولين مدتهم 6 اسابيع ف هتاخد اول ٤ اسابيع ونص CNS و اخر اسبوع ونص special sense.
هيا ف العموم مش هتفرق كتير معاكم بل اني افضل كل موديول لوحده عشان الاسبوع ونص الي هتاخد فيهم ال special هتنسي فيهم معظم مواضيع ال CNS غير كدا هتقعد فتره كبير اوي بتمتحن بعد ما يخلصوا يعني هتمتحن عملي ثم اند ل special بعد كدا عملي و واند ل CNS
وعلي فكره دفعه سنه رابعه كانت امتحنت عملي واند لكل واحد فيهم ف نفس اليوم يعني ممتحنوش زينا كل امتحان ف يوم لوحده ف بجد دا لو اتطبق عليكم هتبقي فتره الامتحان كابوس ف يفضل في جميع الحالات ان كل موديول لوحده لان بعد ما اتغير مدير البرنامج و حوار الجوده بتاع الكليه دا مش هتخدوا الوقت الكافي خالص ف فتره الامتحانات زي دفعتنا.

النتيجه فين يا جدعان؟

مبارك يا شباب ومنها للأعلي بإذن الله💙
في سؤال محيرني هو الريبرو كان سهل لدرجه ان نصكم مقفله؟ دا مسببلي تروما لحد دلوقت😂